Demokratët Euroatlantikë - Partia Demokratike

30 Maj

0

“500 subjekte në Lezhë penalizohen me 200 mijë lek gjobë”, Alfrida Marku: Është kurth i bashkisë për të mbuluar keqmenaxhimin financiar

by PD in Lajmi fundit

Sekretarja për Pushtetin Vendor dhe Decentralizimin në PD, Alfrida Marku, shprehet se rreth 500 subjekte në qytetin e Lezhës janë penalizuar me 200 mijë lekë gjobë nga bashkia. Në një postim në Facebook, Marku thotë se “inspektorët taksave vendore pranë Bashkisë Lezhë nuk mund te sillen si gjobvënës, përkundrazi ata paguhen me taksat tona për tu shërbyer qytetarëve dhe bizneseve, për ti informuar, këshilluar, për të kryer inspektime në terren edhe jo për të plotësuar gjoba nga zyrat”.

Ajo më tej shton se ky është një kurth i bashkisë për të mbuluar keqmenaxhimin financiar.

POSTIMI I PLOTË

Rreth 500 subjekte, taksapagues të rregullt, janë penalizuar nga Bashkia Lezhë, pa të drejtë, me një gjobë prej 200 mijë lekë.

Çdo ditë qytetarët e Lezhës ankohen se paguajnë më shumë taksa e tarifa vendore krahasuar me po të njejtën periudhë të vitit të kaluar, 12% më shumë vetëm tarifa e ujit të pijshëm, e tashmë Bashkia Lezhë gjobit edhe bizneset .

Inspektorët taksave vendore pranë Bashkisë Lezhë nuk mund te sillen si gjobvënës, përkundrazi ata paguhen me taksat tona për tu shërbyer qytetarëve dhe bizneseve, për ti informuar, këshilluar, për të kryer inspektime në terren edhe jo për të plotësuar gjoba nga zyrat.

Bashkia Lezhë e rënë në kurthin e propagandës, detyrohet të gjejë zgjidhje për të mbuluar keqmenaxhimin financiar dhe mosrealizimin e të ardhurave.

Bashkia Lezhë dhe Këshilli bashkiak duhet te marrin masa urgjente per te anulluar këto gjoba si dhe të rikthejë administratën në shërbim të qytetarëve dhe subjekteve.

30 Maj

0

Flutura Açka vendos fotot e Stalinit dhe Leninit në sallën e Kuvendit: Ish të përndjekurve u kemi lidhur duart sërish dhe u kemi plasur shpirtin me burokracira

by PD in Lajmi fundit

Deputetja e Partisë Demokratike, Flutura Açka, duke folur për raportin e Institutit për Krimet e Komunizmit në Kuvend, u shpreh se të dy palët politike i kanë bërë padrejtësi ish të përndjekurve, të cilët ose i lanë në baltë me heshtje, ose “i ngopën” me VKM të cilat nuk u zbatuan kurrë deri në fund. Açka tha të përndjekurve ua kemi lidhur duart sërish me vendime që e pengojnë zbatimin e ligjit dhe u kemi plasur shpirtin me burokracira që të mos e marrin dëshmshpërblimin.

Nënkryetarja e PD, për të treguar seriozitetin e politikës me këtë kategori të vuajtur, solli edhe njëherë në vëmendje bustet e Stalinit dhe Leninit që vijojnë të qëndrojnë në rezidencën qeveritare përballë Kryesisë së Kuvendit. Në shenjë proteste, ajo vendosi dy fotot e busteve në sallën e Kuvendit.

FJALA E PLOTË E DEPUTETES SË PD, FLUTURA AÇKA, NË KUVEND

Të nderuar shqiptarë, kudo që të jeni!

Si dikush që një pjesë të jetës e ka kaluar në diktaturë, i kam ndjekur përherë me vëmendje sjelljen tonë institucionale, por edhe shoqërore, ndaj viktimave të diktaturës komuniste shqiptare, dhe tani pas tridhjetë vjetësh, më duhet të pohoj se në vend të shpengimit të domosdoshëm dhe detyrues ndaj tyre, ne i shërbyem pengimit sistematik dhe fyes të tyre.
Ne të dy palët politike kemi luajtur me ish-të përndjekurit, ne të djathtët me arnime ligjesh, me duatrokitje, e duke ua përdorur kauzat dhe votat, dhe ju të majtët, mbase me të drejtën tuaj ideologjike, i keni ndarë dhe përçarë në mënyrë perfide, bashkë me përdëllimet se po i dëmshpërbleni në këta dhjetë vite e fundit, kur dihet mirë se ky është një kusht i prerë i qartë për të hyrë në Europë.
Atje kemi shumë zell të shkojmë me gjithë barrën e 1430 shekujve burg që kanë vuajtur një pjesë e qytetarëve te këtij vendi, shqymje nga trupi ynë shoqëror që nuk u quajt kurrë me emrin e vërtetë: genocid.
Genocid i pastër. Shifrat e vërteta, edhe njerëzit që e frymëzuar dhe e shkaktuan, i dini mirë, madje njërin prej urdhëruesve e të tytave të nxehta, e përcollët me duatrokitje në pension dhe e liruat nga barra para se mëkati t’i bëhej barrë.
Ne, të dy palët politike, nuk i deshëm dhe aq ish-të përndjekurit politikë, ndaj edhe i luftuam jo me plumba, por me shpërfillje të plotë, ose i kuam me ligje dhe VKM-ra që kurrë nuk i zbatuam, cave iu dhamë vetëm thërrime, ca i shantazhuam me kinse dosje, ca i graduam qe të kontrollojnë të tjerët, por më të shumtët i mbuluam me heshtje, sepse e dinim se si të përkorë që janë, nuk japin bëzamë.
Por ata kishin më shumë nevojë për dashurinë tonë, dhe detyrimin që ne të ndërtonin Institucionin e Rehabilitimit të plotë, sa kohë nuk ua kthejmë dot ato 1430 shekuj jete të privuar.
Nga largësia e trojeve të tyre të epërme politike, morale, etike, emocionale, ata nuk këruan mëshirë, as lypën dashuri, ata, siç thotë në rreshtat e tij distopike Orëell “më shumë se nevojë për t’i dashur, donin që t’i kuptonim”.
Ne as këtë nuk e bëmë në tridhjetë vjet. As ligji për të drejtën e Informimit 119/2014, as ligji 45/2015 për të drejtën e informimit mbi dokumentet e ish-Sigurimit, as ligji 7514/1991 për pafajësinë, amnistinë dhe rehabilitimin e ish-të përndjekurve politikë, as ligji 8457/1991 për informacionin e klasifikuar, nuk na kanë shpenguar nga faji ndaj tyre.
Sepse ua kemi lidhur duart sërish me vendime që e pengojnë zbatimin e ligjit. Sepse ua kemi plasur shpirtin me burokracira që të mos e marrin dëshmshpërblimin.
Sepse ua kemi fshirë dhe po ua fshijmë me tërbim të gjitha shenjat vuajtjeve të tyre, burgjeve, kampeve, dosjeve, dëshmive.
Sepse nuk i kemi treguar me gisht vrasësit, dhunuesit, persekutorët e tyre. Shikoni Shtëpinë e Gjetheve, turpin tonë ku i kemi fshirë me të bardha keqbërësit politikë!
Sepse i kemi latyrisur shenjat, i kemi vënë gunga me ngjyra Piramidës këtu afër, ia kemi shqyer kanatet dhe po e kthejmë në fjetore artistësh shtëpinë e dikatorit, në vend që ta bënim Muzeun e Dhunës.
Po, aty ishte truri i dhunës!
Sepse, mu para hundës sonë, në rezidencën qeveritare përballë Kryesisë së Kuvendit, ngrehinës ku bëjmë ligje për drejtësi njerëzore, dy përmendore të baballarëve të diktarutës, Leninit dhe Stalinit, na qesëndisin çdo mëngjes: “Hë, more trima?”
Po, sigurisht, si mund t’i shohim ne baballarët e baballarëve të shtrirë? Komunistët vdesin në këmbë. Apo jo?
A ka gjë më të paturpshme, më kriminale, më antinjerëzore, më të dënueshme se ta bësh këtë? Në një rezidencë qeveritare që paguhet me taksat e shqiptarëve?
Më thoni, të nderuar kolegë, çfarë do të ndodhte ta shihje përmendoren e Hitlerit në oborrin e ndonjë institucioni në Gjermani, dhe jo vetëm në Gjermani, por kudo në Europë?
Nëse i doni kaq shumë këta strategë, i vini në muze me përshkrimin se çfarë burrash të mirë kanë qenë, ose i vini te oborret e vilave tuaja. Ngaqë janë në inventar, do t’i blini lirë.
Qysh tani keni filluar festimet e 80-vjetorit të çlirimit, me logo e me fonde e shaje të kuq.
E bëni në respekt të historisë. Mirë bëni!
Shoqatën e veteranëve e prisni dhe e përcillni me nderime, madje po e trashëgoni edhe me tapi.
Natyrisht te festimet e mëdha ata do ta kenë merak edhe Komandantin e madh dhe ne do të bëjmë sikur nuk e shohim.
Ka mes jush këtu, që edhe pse kanë moshën e nipërve të veteranëve, janë me librezë veteranësh. Iu duhet, se ligji thotë se këto e këto privilegje kanë ata me librezë veterani, por jo po të ishe kalbur në burgjet e diktaturës.
Thuhet se ata që e bëjnë, nuk e konsumojnë vetë historinë, sepse ikin. Kjo vlen vetëm për ish-të përndjekurit politikë, po jo për veteranët tanë.
Ne, të nderuar kolegë, duhet të ndërtojmë Institucionin e Rehabilitimit, të vërtetë, gjithëpërfshirës, efektiv, në mënyrë të tillë që institucionet e rehabilitimit të jenë apolitike, të kenë lidhje dhe të japin e marrin mes tyre, jo t’ia hanë dheun njëri-tjetrit, siç ndodh në të vërtetë sot mes Institutit të ish-të Përndjekurve Politikë, i cili trajtohet nga Ministria e Shëndetësisë dhe e Punëve Sociale për çështjet e dëmshpërblimeve, kur në fakt kauza e tij është mirëfilli politiko-historike, por e çoi atje që t’ia heqim palcën tmerrit. Pra, nuk ka lidhje me Institutit të ish-të Perndjekurve dhe Institutit të Studimeve të Krimeve dhe Pasojave të Diktaturës, puna e të cilit sabotohet nga të gjitha anët nga një molepsje me burim fshirjen e së vërtetës. Pra, nuk ka lidhje fare mes Institutit të ish-të Përndjekurve, Institutit të Studimeve dhe Autoritetit për Informim të Dokumenteve të ish-Sigurimit, institucion që ka detyrimin ligjor të ndihmojë dy të parët në zbardhjen e të vërtetave të 3000 mijë dosjeve, të 7000 varreve të të pagjetuvre dhe vrasësit dhe persekutorët me emër dhe mbiemër. Ata edhe punën, edhe partitë, edhe përkujtimet i kanë të ndara.
Përse nuk e kemi ne hartën e institucioneve të diktaturës që të trajtohet edhe nga Ministria e Turizmit? Duket cinike por këtu ka Turizëm Genocidal, si në Afrikën e Jugut, në Poloni, në Berlin.
A nuk mundet të jetë muze i diktaturës burgu i tmerrshëm i kaushëve të Burrelit, me histori tetëdhjetë e pesë vjeçare, vendi që u bë varri i arkitektit të vet, i tillë që të kujton tragjeditë e vjetra.
Për shkak të dendurisë së madhe të të burgosurve në qelitë e tij, edhe hahej, edhe flihej, edhe përmirej, edhe pëgërej në të njëjtin vend. Dëshmitë e familjarëve për ish-të burgosurit që nuk e ndërruan zakonin të flinin vetëm në brinjë, ngaqë nuk ishin mësuar të flinin në shpinë nga mungesa e vendit, janë rrëqethëse.
A nuk e meritonte 40-vjetori i Revoltës se Qafë Barit respektin tonë? Nuk meritonte respekt Sokol Sokol, i cili para togës së pushkatimit në Kuç të Shkodrës, u kërkoi ekzekutorëve që ta hapte vetë varrin e tij me kusht që të mos e vrisnin pas shpine, sepse nuk donte në trup plagë dezertorësh.
Sepse kishte një kauzë shumë të lartë: Lirinë!
A nuk e meritonte respektin tonë, ai dhe Tomë Ndoja, dy martirët e revoltës, për të cilët nuk ishte i mjaftë pushkatimi, por ministri i brendshëm i kohës urdhëroi t’i shkuleshin edhe sytë e të jepeshin për studime shkencore.
Po ata që dolën nga galeritë të vdekur e me kokë të shtypur, po ata që u shqyen nga ujqërit, sepse pas lirimit duhet të ktheheshin në këmbë maleve nëpër dimër për të mbërritur në shtëpi?
Pse u dhunua Spaçi nga barbarët, duke ia fshirë të gjitha gjurmët me mjetet e rënda të minierës përbri?
Dhe që të mos shqetësohet kanakari i politikës atje, do ta çojmë muzeun e Spaçit në Rreps? Kjo është e dënueshme dhe PD duhet ta çojë menjëherë në SPAK, se ky është korruptim sa të tjerat, sepse është korruptim historik, dhe bën dëm edhe më të madh.
Njëlloj edhe me burgun e Qafë Barit ku dheu i minierës tani është bërë pirg në vendin ku dikur bëhej apeli?
Por ne këtu, dhe ca atje jashtë, na ka mbytur keq e ngimja dhe padija, ndaj po e mbyll me fjalët Orëell-it siç e nisa, kur thotë se ndonjëherë “liria është skllavëri dhe padija është pushtet”, dhe mjerisht, me ne shqiptarët kjo ka ndodhur së paku në tetëdhjetë vitet e fundit të shtetit, duke e ndërtuar atë mbi plagët e të tjerëve.

30 Maj

0

“Shkon te Pellazgët për të gjetur fajtorin”, replika e Bashës: SPAK ekziston për shkak të korrupsionit të Edi Ramës dhe qeverisë së tij

by PD in Lajmi fundit

Kryetari i PD, Lulzim Basha në Kuvend ka replikuar me Ministren për Marrëdheniet me Parlamentin, Elisa Spiropali në lidhje me komisionin anti-korrupsion të propozuar nga mazhoranca dhe amendamenteve të dorëzuar nga PD për fuqizimin e SPAK. Basha tha se SPAK ekziston vetëm për shkak të korrupsionit të Edi Ramës dhe nuk i fusin në rend dite propozimet e PD për të mos marrë kostot e votës kundër për forcimin e SPAK, vetingut të politikanëve dhe heqjen e imunitetit.

REPLIKA E KRYETARIT TË PD, LULZIM BASHA NË KUVEND

Ja që i dole për zot kot pikave dhe qëndrimeve, sepse ndonëse je aty si kryetare e Kuvendit, është e qartë që vetëm zbaton vendimin e atij të ka dhënë urdhër. i doli për Zot Elisa kur tha që ne nuk duam t’i fusim në rendin e ditës. As amendamentet që forcojnë SPAK-un, as ligjin për vettingun e politikanëve, as heqjen e imunitetit të parlamentarëve dhe për këtë njësoj si shefi i saj është gati, sipas versionit të saj sigurisht, shpik historira jo vetëm 12 vite e 15 vite përpara, por do shkojë tek pellazgët dhe ilirët për të na treguar që ata e kanë fajin për korrupsionin 11 vjeçar të kësaj qeverie që është arsyeja e vetme pse ekziston SPAK-u. SPAK-u ekziston për shkak të korrupsionit të Edi Ramës dhe qeverisë së tij, nuk ka arsye tjetër që të ekzistonte SPAK-u. Ndaj, unë përsëris dhe njëherë thirrjen, meqë e pranuat që nuk jeni ju që i fusni në procedurë parlamentare, sepse nuk doni të merrni përsipër votën kundër vettingut të politikanëve, kundër heqjes së imunitetit të parlamentarëve, kundër amendamenteve për SPAK-un, që të paktën të dilni siç dolët ju sot publikisht që t’i thoni shqiptarëve ne duam një komitet koti që mos t’i kthejmë përgjegje shqiptarëve pse nuk votojmë amendamentet e PD për të forcuar, për të fuqizuar SPAK-un. Pse nuk duam të votojmë propozimet e PD për vettingun e politikanëve zonja Spiropali, është projektligj në Parlament dhe ju nuk e fusni në kalendarin e Parlamentit. Sepse nuk doni ta sillni në parlament e të votoni projketvendimin për heqjen e imunitetit të parlamentarëve. Këto janë 3 propozime konkrete, janë tre ligje. Njëri ka që në 24 prill në Kuvend, dy të tjerët kanë që në mes të nëntorit në Kuvend. Sado të futesh në historira në arkeologjira sipas mendjes tënde, shqiptarëve u ke borxh ti dhe shefi yt, t’i thoni haptazi: ne nuk duam ta votojmë ligjin për vetingun e politikanëve.

30 Maj

0

“Komisioni i PS krijohet kur varroset një ide”, Basha: Propozimet e PD për mbështetjen e SPAK, vetingun e politikanëve dhe heqja e imunitetit të vetmet akte kundër korrupsionit

by PD in Lajmi fundit

Kryetari i PD, Lulzim Basha, nga foltorja e Kuvendit është shprehur se propozimi i PS që pritet të votohet për ngritjen e Komisionit të Posaçëm Antikorrupsion, është për të varrosur një ide të mirë apo të mos bësh asgjë. Basha tha se të vetmet akte të depozituara në Kuvend për luftën kundër korrupsionit, janë propozuar nga PD siç janë amendamentet që ndihmojnë SPAK-un, ligjin për vetingun e politikanëve dhe projektvendimin për heqjen e imunitetit të parlamentarëve.

FJALA E KRYETARIT TË PD, LULZIM BASHA, NË KUVEND

Të dashur qytetarë, tëatri që shihni këtu në këtë sallë, bëhet për një arsye të vetme sepse as kryetarja e Kuvendit dhe askush tjetër në këtë sallë, nuk u kthen dot përgjigje pyetjes tuaj dhe pyetjes tonë, se pse ndërkohë kërkohet ngritja e një tjetër komisioni, a thua se nuk mjaftojnë 8 komisionet ekzistuese të parlamentit gjoja për luftë kundër korrupsionit. Të vetmet akte të depozituara në Kuvendin e Shqipërisë në luftë kundër korrupsionit, janë varrosuar në syrtarët e plurosur të kësaj shumice të përmbysur moralisht nga aferat korrupstive të kësaj qeverie të zhytur deri në grykë në këto afera. Të ministrave të vet në ndjekje penale, në qeli apo në arrati. Procedura është që sot sillni në këtë sallë një propozim për një komitet apo një komision dhe siç dihet fare mirë, krijohet kur do të varrosësh një ide të mirë apo të mos bësh asgjë. Zonja kryetare e Kuvendit, ka më shumë se një muaj në Kuvendin e Shqipërisë janë depozituar amendamente e Partisë Demokratike ëpr të ndihmuar SPAK-un financiarisht me burime njerëzore dhe me amendime të kodit të procedurës penale.
Pse rrefuzoni të paktën ta sillni për diskutim. Çfarë ju shtyn të mbani për më shumë se 6 muaj e gjysmë larg transparencës, larg debatit parlamentar, larg votimit në parlament propozimin tonë për barazinë e qytetarëve të Republikës së Shqipërisë para ligjit, përmes heqjes së imunitetit të parlantarëve. Pse bëni sikur nuk e shikoni propozimin tonë, ligjin për vettingun e politikanëve që ka që në 15 nëntor në Kuvendin e Shqipërisë. Korrupsioni më i madh në shqipëri është korrupsioni zgjedhor. Keni propozimet tona për listat e hapura, për barazinë e votës, për votimin elektronik dhe jo vetëm që nuk i sillni, por terminuat në mënyrën më tinëzare komisionin e reformës zgjedhore duke skaduar afatet muaj pas muaji në mënyrë që të organizoni një tjetër batërdi elektorale.
Zonja kryetare, sjellja juaj me procedurën parlamentare si shumicë, refuzimi për të sjell në këtë Parlament amendamentet tona që ndihmojnë SPAK-un në luftën kundër korrupsionit qeveritar. Refuzimi juaj për të sjell në këtë parlament ligjin për vetingun e politikanëve, rrefuzimi juaj për të sjell në këtë parlament projektvendimin për heqjen e imunitetit të parlamentarëve, janë shprehje më të qarta të mungesës tuaj totale të vullnetit për luftë kundër korrupsionit, të faktit edhe komiteti apo komisioni që doni të krijoni nuk është gjë tjatër veçse një gjethe fiku për 10 muajt që i kanë mbetur një mazhorance 11 vite të zhytur kokë e këmbë në korrupsion.

30 Maj

0

Basha nga oborri i Kuvendit: Nëse duan të mbështesin SPAK, kanë gati amendamentet e PD-së

by PD in Lajmi fundit

PRONONCIMI PËR MEDIAT E KRYETARIT TË PD, LULZIM BASHA, NË OBORRIN E KUVENDIT

Ashtu siç paralajmërova ditën e hënë, është e qartë se kjo është një manovër e pastër elektorale. Një Komision që nuk është Komision, ku emrat janë të përcaktuar, vetëm për t’u përpjekur për të shplarë aferat korruptive të kësaj qeverie. Nëse duan të mbështesin SPAK-un, kanë gati amendamentet e partisë demokratike. Dhe në fakt, sot shqiptarët meritojnë një përgjigje: pse Edi Rama, pse kjo qeveri, pse ky Parlament mban të bllokuar në Kuvendin e Shqipërisë propozimet e PD për të ndihmuar SPAK-un me burime njerëzore dhe me infrastrukturën e nevojshme ligjore. Përgjigjja ndaj kësaj pyetje është e qartë. Ndryshe nga çthotë, kjo mazhorancë nuk ka asnjë interes të fuqizojë, apo të ndihmojë institucionalisht, financiarisht dhe nga pikpamja e kompetencave ligjore SPAK. Por po bëjnë gjithçka për ta dobësuar atë, për ta rrethuar atë, për ta goditur atë, për ta intimiduar atë. Atrsyeja po kështu është e thjesht, nuk ka arsye për SPAK-un të ekzistojë, nëse nuk do të kishim korrupsionin e Edi Ramës. Pa korrupsionin e Edi Ramës, të qeverisë së tij, të kryebashkiakëve të tij, nuk do të kishte pasur nevojë për SPAK. SPAK ka lindur si nevojë për shkak të korrupsionit të kësaj qeverie.

Ndaj, kjo qeveri, ky kryeministër dhe SPAK, janë në antagonizëm të natyrshëm me njëri tjetrin. Megjithatë, që të mos duket sikur si opozitë jemi vetëm në rafshin e denoncimit, ne kemi bërë një propozim konkret: Votoni amendamentet për SPAK-un. Janë në Kuvendin e Shqipërisë, futeni në Komisionin e Ligjeve, silleni në Kuvend dhe jemi gatitë bashkojmë votat me Partinë Socialiste për të votuar amendamentet që fuqizojnë SPAK-un, fuqizojnë luftën kundër korrupsionit. Por siç e thash kjo nuk ndodh për një arsye të thjesht, duhet t’i themi, duhet t’i qërojmë gjërat për shqiptarët. Po most ë ishte për korrupsionin e kësaj qeverie, nuk do të kishte pasur nevojë për SPAK. SPAK ka lindur si nevojë për shkak të korrupsionit të kësaj qeverie, jo për shkak të kësaj qeverie. E njëjta gjë sa i takon reformës zgjedhore, ne jemi 10 muaj para zgjedhjeve. Kanë 3 muaj që kanë ndërprerë në mënyrë të njëanshme punën e Komisionit të Reformës Zgjedhore. Kanë 3 muaj që nuk bëjnë asnjë transparencë në raport me kërkesat dhe me amendamentet e opozitës që nga listat e hapura, vota e diasporës, votimin elektronik dhe barazinë e votës. Pra, është e qartë që thelbi i luftës kundër korrupsionit që është fuqizimi i votës së qytetarëve, po kështu perceptohet në mënyrë negative nga kjo qeveri. Të vijmë te një tjetër propozim konkret, heqja e imunitetit për parlamentarët
A ka akt më kuptimplotë para shqiptarëvesesa parlamentarët të dorëzojnë imunitetin dhe të jenë para ligjit të barabartë si qytetarët.

Asnjë fjalë, asnjë pipëtimë. i vetmi akt i kësaj qeverie akoma i freskët, është lirimi i të korruptuarve të dënuar nga SPAK dhe GJKKO, me amnistinë penale. Amnistia penale u mbajt në syrtar për tre muaj, derisa bashkuan votat për të nxjerr të dënuarit për korrupsion. Pra, këto janë faktet dhe këto nxjerrin zbuluar këto bëma, këto gjëma nxjerrin zbuluar të vërtetën siç është. 10 muaj para zgjedhjeve as Edi Rama, as Partia Socialiste, as ata që bashkuan votat për të hequr, për të larguar të dënuarit për korrupsion nga ndjekja penale apo për t’i liruar nga dënimi i tyre, nuk kanë asnjë vullnet për të luftuar korrupsionin, janë të gjitha fjalë dhe lojëra fjalësh. Natyrishëm që Partia Demokratike nuk mund të jetë pjesë e lojërave të fjalëve të Edi Ramës, as të partisë socialiste, as të fushatës së saj elektorale. Partia Demokratike ka bërë propozime konkrete, PD flet me vepra. Aty i kanë amendamentet për SPAK-un, të vijnë t’i votojnë. Aty i kanë amendamentet për Kodin Zgjedhor që do të jepte një ndihmesë të madhe aktin kryesor të luftës kundër korrupsionit që janë zgjedhjet të lira dhe të ndershme, gangrene e demokracisë shqiptare. Aty e kanë amendamentin për heqjen e imunitetit të deputetëve.

Këto janë problemet reale bashkë me emigracionin që siç e pamë, Shqipëria prap zë vendin e parë për azilkërkuesit në botë. Nuk zgjidhet kjo duke organizuar shfaqje të shtrebnjta, duke organizuar autobus për administratën publike në Athinë, apo duke shpenzuar miliona euro të taksave të shqiptarëve pa transparencë vetëm që t’i bëjnë qejfin të parit të qeverisë që është edhe i pari në përgjegjësi për largimin e shqiptarëve. Vendi meriton, shqiptarët meritojnë, Shqipëria meriton më mirë. SPAK meriton mbështetje dhe me amendamentet tona kjo mbështetje mundësohet. Shqiptarët meritojnë votën preferenciale, listat e hapura, shqiptarët meritojnë barazinë e votës, shqiptarët jashtë Shqipërisë meritojnë të votojnë dhe me propozimet tona kjo është e mundur. Shqiptarët meritojnë barazi para ligjit dhe me propozimin tonë për heqjen e imunitetit, kjo është e mundur. Këto nuk janë thjesht fjalë, këto janë akte në Kuvend, janë akte të PD. Pd është e vetmja forcë politike që me kurajo, me qartësi i ka ndërmarrë këto akte tash 6 muaj. Të tjerët bëjnë propagandë, siç është Edi Rama me qeverinë e tij burimi i korrupsionit në këtë vend dhe kryesi më i mad hi aferave korruptive dhe të tjerët që fshihen pas gishtit.

30 Maj

0

Denoncimi i Ing. Azmer Duleviç: Drejtori i OST Shkodër ka 2 vite në pension dhe i rionovohet kontrata e punës. Arsyeja, nuk gjendet një i ri!

by PD in Lajmi fundit

Inxhinieri, Azmer Duleviç, denoncon rastin e paprecedent me drejtorin e Njësisë Operative Shkodër, pjesë e OST, i cili edhe pse ka dalë në pension, sërish i është rinovuar kontrata e punës në këtë institucion. Në postimin e tij në Facebook, Duleviç shprehet se kontrata është rinovuar dy herë me firmën e Drejtorit të Përgjithshëm të OST, Skerdi Drenova. Ndërkohë arsyeja e mbajtjes në punë të drejtorit pensionist është nga pamundësia për të gjetur një të ri që sipas inixhierit është një absurditet.

DDENONCIMI I PLOTË

Edi Rama prezantoi planin për motivimin e administratës, por për cilën administrat e ka fjalën?!
Për drejtorat e OST që dalin në pension dhe vazhdojnë të paguhen, duke mos i lënë vend profesionistëve të rinj të punësohen?
Partia Demokratike denoncon rastin e drejtorit të Njësisë Operative Shkodër, pjesë e Operatorit të Sistemit të Transmetimit, i cili ka dalë në pension në vitin 2022 dhe i është rinovuar dy herë kontrata me firmën e Skerdi Drenovës, Drejtor i Përgjithshëm i OST.
Arsyetimi i rinovimit është absurd, nuk gjejmë dot të rinj për ti punësuar!
Cili i ri do preferonte të largohej për në emigrim, duke pasur në vendin e tij punësim me një pagë 1.4 milionë lekë në profesionin e tij?!
OST prej vitesh është kthyer në një vatër punësimi për militantët, duke larguar profesionistët nga radhët e saj dhe duke mos lënë asnjë hapësirë për profesionistët e rinj.
Partia Demokratike është dhe do të jetë pranë qytetarëve si dhe i mbështet ata të denoncojnë çdo padrejtësi, abuzim me pushtetin, nepotizmin dhe korrupsionin me paratë dhe pasuritë publike.

29 Maj

0

Denoncimi nga kryetarja e grupit të këshilltarëve të PD, në bashkinë Tiranë, Enriketa Papa: Miliona euro vjedhje, por bashkia nuk jep 2.2 milion lekë për fëmijët në nevojë

by PD in Lajmi fundit

Kryetarja e grupit të këshilltarëve të PD më bashkinë Tiranë, Enriketa Papa, ka denoncuar gjatë mbledhjes së Komisionit të Ekonomisë në KB Tiranë, faktin që 100 fëmijëve nuk iu është dhënë 220.000 leket te 1 viti, ne kuader te projektit “Bejme detyrat ne shtepi” si kompesim i bukes se perditshme per 11 shkolla ne Tirane. Sipas zonjës Papa, bashkia është kapur në flagrancë duke vjedhur miliona euro, por nuk gjen dot 2.2 milion lekë për fëmijët në nevojë.

Postimi i plotë i Enriketa Papës:

Ne mbledhjen e komisionit te arsimit ne Keshillin Bashkiak te Tiranes, po diskutojme se pse nuk u jane dhene 220.000 leket te 1 viti, 100 femijeve ne Tirane ne kuader te projektit “Bejme detyrat ne shtepi” si kompesim i bukes se perditshme per 11 shkolla ne Tirane.
100 femijeve nga kategorite me vulnerabel ne Tirane nuk ju eshte dhene kompesimi i bukes se perditshme ne shkolle, sepse drejtorite e Bashkise Tirane, nuk jane marre vesh me njera-tjetren. Nderkohe qe 100 femijet dhe familjet e tyre jane privuar nga ky kompesim, Bashkia Tirane i ka gjetur 6 milione euro per nje incinerator qe nuk ekziston.
Por per 100 femije te kategorive sociale nga me vulnerablet , nuk ka gjetur dot 2,2 milione leke te vjetra!

29 Maj

0

Denoncimi i PD Vlorë: Skema e PS për të vjedhur në Ujësjellësin e bashkisë

by PD in Lajmi fundit

Partia Demokratike, dega Vlorë denoncon sërish vjedhjen që po legjitimohet nga këshilltarët socialistë në bashkinë Vlorë, në Ujësjellësin e këtij qyteti.
Përmes një deklarate në Facebook, PD Vlorë deklaron se PS po përdor një skemë vjedhjeje me vjetërsinë në punë.

Postimi i plotë i PD, Vlorë:

Keshilltarët Socialistë te Bashkise Vlorë legjitimojnë vjedhjen në Ujësjellesin e Vlorës.
Propozimi jonë për ngritjen e Komisionit të përkohshëm u rrezua nga votat e Këshillit Bashkiak nga PS, vjedhjen me vjetërsinë në punë, nga ana tjetër institucioni udhëzon punonjës te hedhin ne gjyq dhe të fitojnë gjyqe deri ne 120 Milion Lekë, jane 50 persona qe kane fituar gjyqin dhe 120 te tjerë ne proces.

28 Maj

0

Tarifat për parkimet në rrugët e qytetit bregdetar/ Kreu i PD, Durrës: Dëgjesa publike ishte e pamjaftueshme, qytetarët nuk janë vënë në dijeni!

by PD in Lajmi fundit

Kryetari i degës së PD, Durrës, Jonuz Myshketa, ka reaguar në dëgjesën publike të bërë në sallën e KËshillit Bashkiak, për aplikimin e tarifave për parkimet në disa akse rrugore të qytetit. Myshketa shprehet se dëgjesa ishte e pamjaftueshme pasi pjesëmarrja ishte shumë e ulët dhe kjo për faktin se qytetarët nuk ishin vënë në dijeni për konsultimin publik. Këshilltari i PD gjithashtu thotë se duhet të organizohet një dëgjesë e dytë dhe të përdoren të gjitha mjetet e informimit publik dhe që ky problem të trajtojhet në të gjitha aspektet e tij.

Postimi i plotë i kreut të PD, Durrës, Jonuz Myshketa:

Të nderuar miq e qytetarë të Durrësit!
Sot me 27 maj 2024 ora 14:00 ne sallën e Këshillit Bashkiak Durrës u zhvillua një dëgjesë publike ne lidhje me nismën e ndërmarre nga Bashkia Durrës për aplikimin e tarifave prej 100 leke ora dhe 40 leke ora për parkimet ne disa akse rrugore te zonave A dhe B dhe aplikimin e tarifave për parkim ne disa sheshe.
Dëgjese qe ne opinionin tone si këshilltar Bashkiak te Partisë Demokratike ishte e pamjaftueshme.
Duhet te behet një tjetër dëgjesë ne shkalle me te gjere ku pjesëmarrja te jete me e madhe e ku kërkojmë qe te përdoren te gjitha mjetet e nevojshme dhe te domosdoshme te njoftimit te publikut:
Përmes mediave vizive;
Mediave te shkruara;
Përmes një tabele Informuese te instaluar para Bashkisë;
Rrjeteve sociale për një teme kaq sensibel për të gjithë ne.
Opinioni ynë është dhe do mbetet qe trafiku dhe parkimet ne qytet janë një çështje qe kërkon zgjidhje te menjëhershme për shkak te situatës se renduar ku ndodhen dhe kjo nuk mund te zgjidhet duke kaluar menjëherë ne nisma te tilla pa gjetur alternativat ne fillim, pa një analize te sakte rreth efekteve qe jep nisma ne zgjidhjen e saj dhe rentabiliteti I saj për arkën e bashkisë pa anashkaluar ne asnjë moment rëndesën ne xhepat e qytetareve.
Trafiku ne radhe te pare vjen dhe për mungesën e një shërbimi te transportit publik qe vazhdon te jete ne kushte te papranueshme dhe orare te limituara sidomos gjate sezonit veror.
Mbingarkesa e zonave me ndërtime ku vendet e parkimeve janë te pamjaftueshme për banoret qe ne kocept.
Mungesa e parkimeve publike nëntokësore ose dhe mbi toke, është e pamjaftueshme godina tek stacioni I trenit.
Mungesa e korsive te biçikletave qe ne Durrës nuk ekzistojnë sjell dhe një përdorim te shtuar te makinave dhe rendes te trafikut.
Ndaj sugjerojmë qe te rregullohen me pare problematikat e transportit publik urban dhe interurban përpara se te shkohet ne tarifat e parkimeve me pagese.
Nuk mund te vihen para faktit te kryer qytetaret kundrejt tarifave me pretendimin se po behet me e mira për ta kur pasoja e situatës ku ndodhemi vjen pikërisht nga ky keqadministrim I qytetit.
Gjithashtu është e paqarte nëse mbas aplikimit te këtyre pagesave nga Qytetaret a do ti hiqet kjo Tarife Biznesit nga taksat vendore qe megjithëse e paguajnë gjithë vitin shume pak prej tyre gjejnë vende parkimi pranë vendeve ku ushtrojnë aktivitete.

28 Maj

0

“Tarifa dhe për parkimet në rrugë”/ Këshilltarja Edlira Leka: Bashkia Durrës nuk zbaton rregulloren e konsultimit publik

by PD in Lajmi fundit

Këshilltarja e PD në bashkinë Durrës, Edlira Leka, shprehet se bashkia Durrës nuk zbaton rregulloren për konsultimin publik. Në postimin e saj në Facebook, Leka thotë se një rast i tillë ka ndodhur me vendimin e fundit të këtij instutucioni, i cili ka vendosur që parkimet në rrugët kryesore të qytetit bregdetar të bëhen me pagesë.

Këshilltarja e PD më tej thotë se jo vetëm që qytetarët nuk janë informuar, por edhe orari i vendosur për konsultim është në kohë pune.

POSTIMI I PLOTË

Në datën 23 maj 2024, jemi njoftuar nëpërmjet postës elektronike e-mail, se pas katër ditësh, konkretisht më dt 27 maj ora 14:00 do të mbahej konsultimi me komunitetin në lidhje me përcaktimin e zonave të administrimit të parkimit dhe tarifave të shërbimit në territorin e Bashkisë Durrës.

Në Rregulloren e Funksionimit të Këshillit të Bashkisë Durrës, Neni 131 i cili i kushtohet të drejtave të qytetarëve për pjesëmarrje në qeverisjen bashkiake në pikën 1 citon “Këshilli Bashkiak është i detyruar të garantojë pjesëmarrjen publike në procesin e vendimmarrjes, nëpërmjet seancave të këshillimit me bashkësinë apo pjesëmarrjes direkte të bashkësisë në hartimin e dokumenteve të politikave dhe projektakteve”.

Qëndrimi im i mbajtur sot ishte se:
Koha prej katër ditësh është totalisht e pamjaftueshme për t`u konsultuar me gjithë banorët që preken. Nga kontakti me qytetarë të rastësishëm në këto ditë rezultonte se nuk kishin asnjë informacion se parkimet në rrugët kryesore të qytetit të tyre do të bëheshin me pagesë.

Nga njoftimet e bëra te qytetarët rezulton se orari dhe dita që u mbajt dëgjesa publike ishte e pamundur të ishin pjesëmarrës për arsye se janë në marrëdhënie pune, ndaj është e domosdoshme një dëgjesë tjetër publike.

Dëgjesa tjetër të mbahet pasi qytetarët të jenë njoftuar në mënyrë korrekte për prekjen e xhepave të tyre.

Një banderolë e madhe te pallati i kulturës për të informuar qytetarët për rrugët dhe për tarifat do të ishte e udhës. Do të njiheshin më së miri me vizionin e Bashkisë Durrës.

Edhe nëse do të bëhej një sondazh nuk do të ishte keq.

Ky është një projekt që i prek të gjithë qytetarët dhe konsultimi duhet të jetë i shtrirë në kohë. Nuk ka arsye gjithë kjo ngutje.

Vërej se kur bëhet fjalë që qytetarët të marrin shërbime me pagesë projektet ecin me shpejtësi të madhe e në kohë të kufizuar.

Më poshtë gjeni projektin në detaje.

Rrugët e destinuara për parkim në rrugë me pagesë 100 lekë ora ose me kursin e këmbimit sot 1€ në orë.
1. Rruga “Taulantia”
2. Rruga e “Currilave”
3. Bulevardi “Epidamn”
4. Bulevardi “Dyrrah”
5. Rruga “Egnatia”
6. Rruga “Mars 91”
7. Rruga “Aleksandër Goga” (segmenti 1)
8. Rruga e “Dëshmorëve”
9. Rruga “Adria”
10. Rruga “Pavarsia”
11. Rruga “Hafiz Pogdorica

Rrugët e konsideruara si zona B, në parkimet e tyre do të paguhen 40 lekë të reja në orë.
1.Rruga “Aleksandër Goga” (segmenti 2)
2. Rruga “Mujo Ulqinaku”
3. Rruga “Stefan Kaculini” dhe rruga “Glaukia”
4. Rruga “Hysen Kërtusha

Banorët që i kanë banesat në këto rrugë, do t’u duhet të parkojnë o në rrugët brenda lagjes si rezident ose do paguajnë tarifën si qytetar të një qyteti tjetër apo si turist.

Blog