Blog

Kreu i PD-Demokratët Euroatlantikë, Lulzim Basha, në konferencën për mediat tha se ka një vit që kemi depozituar projektligje në Kuvend që kanë lidhje me luftën kundër korrupsionit, që kanë lidhje me pastrimin e parlamentit dhe të qeverisë nga politikanët e korruptuar dhe të lidhur me krimin.

Basha shpreson që propozimet mos të bien në vesh të shurdhët të partisë së ribashkuar të Ramiz Alisë sot nën bashkëkryesimin e Edi Berishës dhe Sali Ramës.

Pjesë nga fjala e Bashës:

Prej pothuajse një viti ndodhen të depozituara propozimet tona që kanë lidhje me shqetësimet e qytetarëve, që kanë lidhje me luftën kundër korrupsionit, që kanë lidhje me pastrimin e parlamentit dhe të qeverisë nga politikanët e korruptuar dhe të lidhu me krimin. Që kanë lidhje me sigurinë tonë kombëtare, që kanë lidhje me forcimin dhe jo shkatërrimin e SPAK, në mënyrë që e pavarur nga politika të godasë atë që sot nga shumica e qytetarëve shihet si problem kryesor në vend, që është korrupsioni politik, që është korrupsioni i qeverisë.

Ndaj, kërkesa e parë ndonëse e dimë që do të bjerë në vesh të shurdhët të partisë së ribashkuar të Ramiz Alisë sot nën bashkëkryesimin e Edi Berishës dhe Sali Ramës është që të fusim pa vonesë për diskutim në komisionin e ligjeve paketën e propozuar për SPAK e cila mundëson nga njëra anë burime financiare dhe njerëzore adekuate, në mënyrë që SPAK të mos mbetet peng i mungesave të burimeve njerëzore dhe financiare, për të avancuar me dosjet e nxehta të korrupsionit dhe me kallëzimet e shumta, duke përfshirë dhe ato nga ne drejt qeverisjes më të korruptuar që ka njohur Shqipëria në këto 34 vite që është qeveria e Edi Ramës.

Kreu i Demokratëve Euroatlantikë, Lulzim Basha, ka reaguar në lidhje me Kongresin e Partisë Socialiste. Përmes një postimi në rrjetet e tij sociale, Basha deklaron se pas mbylljes së pazarit me Berishën për mbylljen e listave, Rama do e mbushë qeverinë dhe parlamentin me anonimë që nuk e kërcënojnë pushtetin e tij dhe do e mbrojnë atë nga drejtësia.

Postimi i Lulzim Bashës:

Tumori i Shqipërisë është koka e qeverisë. Të tjerat janë metastaza, që sado t’i shkulësh nuk e shëron të keqen që ka mbërthyer vendin.

Tani që mbylli pazarin me Sali Berishën, do e mbushë qeverinë dhe Parlamentin me anonimë që nuk e kërcënojnë pushtetin e tij dhe do ta mbrojnë nga drejtësia.

Gjithçka për karrigen dhe pushtetin e tij në kurriz të Shqipërisë dhe shqiptarëve.

Kreu i Demokratëve Euroatlantikë, Lulzim Basha, ka shpërndarë një video në të cilën Sali Berisha dhe Edi Rama shfaqen duke sulmuar njëri-tjetrin, me angazhimin e Ramës kur deklaronte që nuk do të negocionte me të shpallurin “non grata” dhe deklaratat e Berishës i cili thotë se konsensusi me Ramën është si të puthesh me Judën.

Lulzim Basha e cilëson si pjesë të pazarit marrëveshjen e arritur mes Ramës dhe Berishës për ndryshimet në kodin zgjdhor, që sipas tij i ka shkrirë ata në një parti, për shkak të halleve të përbashkëta me SPAK.

Postimi i Lulzim Bashës:

Asnjë mashtrim nuk e mbulon dot pazarin e djeshëm, sepse pa votat e Sali Berishës, Rama nuk i mbyllte dot listat.

Justifikimet për t’iu hedhur hi syve të shqiptarëve dhe demokratëve, nuk e zbehin dot revoltën ndaj allishverishit mes Rilindjes dhe Rithemelimit.
Indinjata nuk ka qenë kurrë kaq e madhe, sepse të gjithë e dinë tashmë që ata janë shkrirë në një parti të vetme për të mbrojtur interesat e tyre dhe të karrigeve të tyre, duke u tallur me qytetarët që duan një Reformë Zgjedhore të vërtetë.

Vota e kamikazëve të kryeministrit më të korruptuar në Europë dhe të ish-kryeministrit të shpallur non grata për korrupsion madhor, dëshmoi se ata nuk kanë hallin e familjeve shqiptare, të varfërisë, të largimit të të rinjve, të korrupsionit të kudogjendur, por i shqetëson vetëm halli i tyre i përbashkët me SPAK-un.

Shqipëria nuk e meriton këtë pazar të turpshëm!

Kreu i Demokratëve Euroatlantikë, Lulzim Basha, tha se votimi i djeshëm në Kuvend për mbylljen e listave do ta çojë në Gjykatën Kushtetuese. Në deklaratën për mediat, Basha u shpreh se ekipi i juristëve në bashkëpunim dhe me ekspertë të njohur të së drejtës Kushtetuese vlerëson anti-Kushtetushmërinë të aktit të djeshëm dhe po përgatit draftin e dërgimit të kësaj çështje në Gjykatën Kushtetuese.

Pjesë nga fjala e Bashës:

Pyetje: Zoti Basha, ju më herët në argumentet tuaja që keni paraqitur për ndryshimet që u propozuan dhe u miratuan mbrëmjen e djeshme, keni thënë se Gjykata Kushtetuese i ka hapur listat tashmë. Dhe rrejedhimisht këto ndryshime janë si anti-Kushtetuese. Në këtë argument, do t’i dërgoni ju këto ndryshime në Gjykatën Kushtetuese?

Lulzim Basha: Po, faleminderit për pyetjen. Ju konfirmoj se ekipi i juristëve tanë në bashkëpunim dhe me ekspertë të njohur të së drejtës Kushtetuese, po vlerëson anti-Kushtetushmërisë të aktit të djeshëm dhe po përgatit draftin e dërgimit të kësaj çështje në Gjykatën Kushtetuese. Kanë nisur përgatitjet.

Kreu i Demokratëve Euroatlantikë, Lulzim Basha, në një deklaratë për mediat, u shpreh se Rama dhe Berisha duan ta mbajnë Shqipërinë kështu siç e kanë bërë atë nga maja e pushteti të tyre. Basha tha se janë trembur nga skeletet në dollapet e pushtetit të tyre dhe për këtë u bëri thirrje qytetarëve që t’i ndëshkojnë me votë.

Pjesë nga fjala e Bashës:

Përballja finale është tashmë afër, dhe dallimi mes të ardhmes dhe të shkuarës nuk ka qenë kurrë më e qartë, nuk ka qenë kurrë me e lehtë për t’u shquar me sy të lirë.

Rama dhe Berisha e kanë hedhur hapin e tyre. Dje u rreshtuan të kapur dorë për dorë në një front kundër ndryshimit. Ata duan ta mbajnë Shqipërinë kështu siç e kanë bërë nga karriget e pushtetit që kanë mbajtur.

Me korrupsion të kudgjendur, me shpopullim masiv, me rini të dëbuar, me familje të varfëruara, me media të kapura, pa drejtës, pa mirëqenie për të gjithë.

Na takon ne të ofrojmë alternativën përballë kësaj dysheje dhe kamikazëve të tyre, që janë gati të hidhen në erë për të mbrojtur shefat e tyre përballë drejtësisë.

Na takon në të bëjmë detyrën tonë qytetare, për të mos lënë që dy persona, të trembur nga skeletet në dollapet e pushtetit të tyre, të mbajnë vendin në gjendje të mjerueshme.

Edhe pse pazari u gatua në skutat e kuvendit, edhe pse u votua natën vonë, marrëveshja e tyre doli në dritë brenda dhe jashtë vendit.

Në një deklaratë për mediat, kreu i Demokratëve Euroatlantikë, Lulzim Basha, u shpreh se revolta e qytetarëve nuk ka qenë kurrë kaq e madhe ndaj pazarit Rama-Berisha. Vota kundër hapjes së listave të hapura, sipas Bashës, thane që jemi mire me këtë qeveri të korruptuar, që vjedh fondet e BE, fondet e shëndetësisë, me PPP-të dhe koncesionet korruptive, me afera 3D dhe 5D.

Pjesë nga fjala e Bashës:

Revolta e qytetarëve nuk ka qenë kurrë kaq e madhe, sepse tashmë panë sesi u shkrinë në një parti të vetme, vetëm për të mbrojtur interesat e tyre dhe të karrigeve të tyre, duke u tallur me qytetarët që kërkonin një Reformë Zgjedhore të vërtetë.

Një revoltë e përligjur, sepse ndonëse vija ndarëse ishte për listat e hapura, vota e kamikazëvë të kryeministrit më të korruptuar në Europë dhe ish-kryeministrit të shpallur non grata për korrupsion, ishte një votë që ju tha shqiptarëve që përpara hallit tuaja, jemi këtu për të zgjidhur hallin e karriges tonë.

Nuk ishte një votë thjeshtë kundër hapjes së listave, por një votë për të thënë që jemi mirë kështu.
Jemi mirë me një qeveri të korruptuar që vjedh zgjedhjet.
Jemi mirë me një qeveri që vjedh fondet e BE-së për fermerët.
Jemi mirë me një qeveri që vjedh fondet e shëndetësisë, e që shëndetësinë falas e ka kthyer në vdekje me pagesë.
Ju thanë shqiptarëve që jemi mirë me një qeveri që premton çdo vit legalizime falas, por shtyn vit pas viti hallin e shqiptarëve me pronat.
Ju thanë shqiptarëve që jemi mirë me një qeveri që fut krimelët në parlament e bashki, ndërkohë që bashkë me të amnistojnë të korruptuarit.
Ju thanë se jemi mirë me PPP-të dhe koncesionet korruptive.
Ju thanë se jemi mirë me vjedhjet në 5d dhe propagandën në 3D të Ramës dhe Veliaj, nga të cilët marrin lejet për kullat me të cilat pastrojnë paratë e korrupsionit dhe krimit.

E pra të dashur qytetarë, ju thanë jemi mirë me Edi Ramën, sepse dje nuk votuan për ju, por votuan për veten e tyre.

Një Pazar i trupshëm, që nuk do të harrohet as falet, sepse kurrë nuk ka qenë më e qartë ndarja midis një kaste të mbyllur që kërkon ta mbaj vendin peng, dhe shumicës dërrmuese të qytetarëve që kërkojnë një ndryshim të vërtetë.

Përmes një postimi në facebook, kreu iDemokratëve Euroatlantikë, Lulzim Basha, ka reaguar sërish në lidhje me votimin e Reformës Zgjedhore nga PD e Berishës dhe PS e Ramës. Basha shprehet se votimi i sotëm është një pazar kundër SPAK dhe kundër Shqipërisë.

Ai më tej shkruan se Rama dhe Berisha janë bashkë, sepse pa njëri-tjetrin nuk mund të qëndrojnë në këmbë.

“Tani që perdja e revolucionit ra dhe pazari doli në shesh, radhën e kanë qytetarët. T’i ndëshkojmë me votë, t’i japim vendit ndryshimin që meriton!” – shprehet Basha në reagimin e tij.

Më poshtë postimi i plotë:

Delet votuan mbylljen e listave në pazarin e kryeministrit më të korruptuar në Europë dhe ish-kryeministrit të sanksionuar për korrupsion madhor dhe minim të demokracisë. Është një pazar kundër SPAK, një pazar kundër Shqipërisë.

Ata janë bashkë, sepse pa njëri-tjetrin nuk qëndrojnë dot në këmbë.
Tani që perdja e revolucionit ra dhe pazari doli në shesh, radhën e kanë qytetarët. T’i ndëshkojmë me votë, t’i japim vendit ndryshimin që meriton!