Blog

• Vora, njësoj si Berati, si Durrësi dhe Shqëipëria është në këmbë me mesazhin e qartë: asnjë hap pas në betejën tonë për liri, për demokraci, për Shqipërinë si e gjithë Evropa.

 

• Jemi së bashku jo për pushtetin dhe karrigen e Lulzim Bashës. Beteja është për t’i dhënë fund grabitjes së njerëzve të thjeshtë, për të mos lejuar asgjesimin e demokracisë në 30 qershor.

 

• Ne jemi të vendosur: nuk do të lejojmë më zgjedhje me krimin e hajdutët. Vetëm zgjedhje të lira e të ndershme, pa Edi Ramën kryeministër, me qeveri tranzitore, që të garantojë zgjedhje të parakohshme.

 

• Sot Shqipëria është në udhëkryqin më të rrezikshëm në këto 29 vite, pa gjykata, pa prokurori të ligjshme. Nuk ka asnjë institucion për të kontrolluar pushtetin e pakufizuar të Edi Ramës.

 

• Ne nuk do të lejojmë që, me pushtetin e marrë me forcën dhe paratë e krimit e të oligarkëve, të asgjesojë demokracinë më 30 Qershor. Në këtë betejë jemi më të bashkuar se kurrë dhe nuk ndahemi nga flamujt e partive.

 

• Edi Rama nuk ka asnjë shans t’i detyrojë shqiptarët të pranojnë një tjetër krim elektoral. 5 kandidatë nga listat e tij janë të pandehur direkt të dosjeve hetimore për shitblerjen e votave.

 

• Valbona Sako, Agron Malaj, Dionis Imeraj, Pjerin Ndreu duhet të ishin të dënuar për shitblerjen e votës me krimin në zgjedhjet e Dibrës, Elton Arbana i Shijakut, për shitblerjen e votave me Avdylajt.

 

• Na duhet dhe do të kemi një dialog kombëtar me shqiptarët për të vendosur jo vetëm largimin e Ramës, sepse ai është parakusht i panegociueshëm për hapjen e dialogut politik.

 

• Përmes një dialogu gjithëpërfshirës kombëtar shqiptarët të keni mundësi, përmes votes, të vendosin nga sistemi zgjedhor, komptencat e presidentit e deri tek Referendume popullore kombëtare dhe lokale.

 

 

 

• Ne nuk e njohim procesin kriminal që po bëhet në Akademinë e Shkencave, që është treguesi më i qartë i një regjimi injorant, brutal dhe kriminal që do të ekzekutojë elitën e shpirtit dhe të mendjes.

 

• Ka vetëm një zgjidhje, ka vetëm një rrugë: largimi një orë e më parë i Edi Ramës. Qeveri tranzitore dhe zgjedhje të parakohshme, ku qytetarët do të kenë fatin e tyre në duart e tyre.

 

• Kurrë nuk kemi kërkuar dhe nuk kërkojmë pushtet në tavolinë. Kurrë nuk do të pranojmë pushtet në tavolinë. Edi Rama është ai që, për pushtetin kriminal, do që më 30 Qershor, të sakrifikojë gjithçka që ju keni.

 

• Ftesa ime është: Të shtunën të gjithë në Tiranë me një mesazh patriotik dhe evropian: Të ndalim me çdo çmim, me çdo sakrificë, me të gjitha mënyrat dhe mjetet demokratike, rënien e demokracisë.

 

• Nuk e dorëzojmë demokracinë, nuk e dorëzojmë lirinë. Tirania është në gjunjë. Populli është në këmbë. Të gjithë bashkë me 25 maj në një betejë për jetë a vdekje, për liri, për demokraci. Për Shqipërinë si gjithë Evropa!

 

FJALA E KRYETARIT TË PARTISË DEMOKRATIKE, LULZIM BASHA, NË VORË

 

Mirëse ju gjej vëllezër dhe motra,

Zonja dhe zotërinj,

Të rinj dhe të reja,

 

Më lejoni ta nis me një falenderim të përzemërt për pritjen e jashtëzakonshme, në dalje të Bashkisë së Tiranës dhe në hyrje të Bashkisë së Vorës nga rinia e Vorës, për stafetën e shpresës, që po përcillet nga qyteti në qytet. E patë dje vërshimin e shpresës në Durrës. I paprecedentë, historik, vendimtar. E patë para dy ditësh Beratin, qytetarët e të cilit, të mbushur me shpresë dhe kurajo, dhanë mesazhin e prerë dhe të qartë se Berati, si e gjithë Shqipëria, është në këmbë. Asnjë hap pas në betejën tonë për liri, për demokraci, për Shqipërinë si e gjithë Evropa.

 

Dhe sot, nga ky shesh i Vorës, në fakt takimin, zoti Kryetar i Bashkisë e kishim planifikuar në një nga sallat e bashkisë suaj, por me të drejtë më thatë “nuk ka sallë që e zë bashkimin e qytetarëve të Vorës”, ja ku janë, nëna dhe baballarë, të rinj dhe të reja, të gjithë së bashku për një qëllim, në një betejë pa kthim, jo për pushtetin dhe karrigen e Lulzim Bashës, as të kryetarit të bashkisë, të asnjërit prej nesh.

 

Kjo betejë nuk bëhet për pushtet, nuk është një betejë për parti, kjo betejë bëhet për njerëzit e këtij vendi, bëhet për ju vëllezër dhe motra, bëhet për qytetarët e thjeshtë.

 

Në këtë betejë ne kemi sakrifikuar mandatet tona, për t’ju shërbyer ju dhe për t’ju çliruar ju nga zgjedha e krimit, nga oligarkia që ka kapur për fyti ekonominë, nga qeveria e Edi Ramës e bërë njësh me bandat, që ju vjedh, ju dhunon, ju burgos, ju përqesh, ju mashtron, ju shpunëson e ju detyron të merrni rrugët e kurbetit. Ndërkohë që ka rrënuar shëndetësinë, arsimin, shërbimet sociale dhe ju ka varur mbi qafë taksat më të larta, çmimet më të larta të energjisë dhe të naftës, kamatat dhe lloj lloj pagesash të tjera, duke e çuar deri në palcë thikën e varfërisë. Dhe tani bëhet gati që,  për hir të pushtetit të tij, për hir të paktit të tij me krimin, të asgjësojë demokracinë me atë që ka përgatitur për 30 qershorin.

 

Ne jemi këtu të vendosur dhe me një mesazh: nuk do të lejojmë më zgjedhje me krimin, nuk do të ketë më zgjedhje me hajdutët, vetëm zgjedhje të lira e të ndershme, pa Edi Ramën kryeministër, me qeveri tranzitore, e cila do të garantojë që, në zgjedhjet parlamentare të parakohshme dhe në zgjedhjet vendore, deputetët që do të dalin nga këto zgjedhje, kryebashkiakët që do të dalin nga këto zgjedhje, të mos jenë peng i trafikantëve, të mos jenë peng i oligarkëve, të mos jenë peng i kriminelëve, por të jenë peng i qytetarëve të Vorës, i qytetarëve i të gjithë Shqipërisë, i burrave dhe grave të ndershëm të këtij vendi.

 

Vëllezër dhe motra!

 

Kjo është beteja jonë dhe në këtë betejë shqiptarët janë të bashkuar si kurrë më parë.

 

Nga njëra anë, një pakicë absolute, nën panikun e vërshimit popullor, që ka mbushur sheshet dhe rrugët e Shqipërisë dhe që do të derdhet me 25 maj në përmasat më të mëdha të shpresës e të besimit tek e nesërmja. Një pakicë, e cila për 6 vite e gjysëm me radhë, vetëm ju ka vjedhur, ju ka grabitur, ju ka shkatërruar pronat dhe shtëpitë qytetarëve, ka dhunuar fëmijë të vegjël, ka përdorur gazin helmues kundër popullit të vet, si pushtues në luftë, ka lënë të dergjen në qeli nëna e baballarë, që nuk paguanin dot faturat e dritave apo që kishin ndërtuar shtesa pa leje, ndërkohë që trafikantët, kriminelët, ata që vjedhin 30 milionë euro me një dorë, si tek Unaza e Re, jo vetëm që nuk ndëshkohen, por mbrohen dhe promovohen.

 

Sot Shqipëria është në udhëkryqin më të rrezikshëm në këto 29 vite.

 

• Dje, edhe zyrtarisht Gjykata e Lartë përfundoi së funksionuari. Me vetëm 2 anëtarë të mbetur nuk merr dot as masat emergjente për të mbrojtur liritë dhe të drejtat themelore të qytetarëve.
• Ka dy vjet që vendi është pa Gjykatë Kushtetuese.
• Ka një vit e gjysëm që është pa prokuror të ligjshëm dhe kushtetues.

 

Nuk ka asnjë institucion për të kontrolluar pushtetin e pakufizuar të Edi Ramës, pushtet që nuk ia ka dhënë kushtetuta, pushtet që nuk ia kanë dhënë qytetarët, pushtet që e ka marrë me forcën e krimit, me paratë e krimit. Me krimin erdhi në pushtet, për krimin qeveris, nga krimi buron pushteti dhe me krimin dhe oligarkët mendon se do të asgjësojë demokracinë me 30 qershor.

 

Le ta marrë përgjigjen edhe sot nga Vora, si dje nga Durrësi dhe nga Berati, se ne nuk do ta lejojmë këtë. Rama ik.

 

Vëllezër dhe motra!

 

Koha nuk pret. Në ditët e ardhshme do të vendoset fati i Shqipërisë për 10-15 vitet e ardhshme. Do të kemi një Shqipëri despotat të krimit, një Shqipëri ku ligji dhe kushtetuta nuk kanë vlerë, ku të pambrojturit, të vobektët, të pamundurit, jo vetëm nuk mbrohen, por ndëshkohen në mënyrë të paligjshme dhe ku kriminelët dhe hajdutët grumbullojnë të gjithë pushtetin, të gjithë fuqinë ekonomike dhe grabisin të gjithë pasuritë e shqiptarëve? Kjo është beteja që duhet të zgjidhim e do të zgjidhim së bashku.

 

Në këtë betejë ne nuk ndahemi nga flamujt e partive.

 

Padyshim që kësaj beteje i prijnë demokratët shqiptarë, i prin opozita shqiptare, bashkë me aleatët tanë, bashkë me qytetarët e bashkuar.

 

Por kjo betejë bëhet për të gjithë.

 

• Bëhet për të çliruar edhe socialistët e ndershëm nga kapja totale e partisë së tyre prej krimit dhe kriminelëve.
• Bëhet për të çliruar Shqipërinë nga një qeveri e bërë njësh me krimin.
• Bëhet për të çliruar ekonominë nga oligarkia grabitqare.
• Bëhet për vlerat e mëdha evropiane të barazisë para ligjit, të drejtësisë me një, e jo me dy e me tre standard.
• Bëhet për të çliruar ekonominë dhe për t’i dhënë mundësi e shanse çdo shqiptari, çdo njeriu, çdo nëne dhe babai, çdo të riu e të reje, që të ketë mundësitë të jetojë me dinjtet e me punë të ndershme, me talent dhe jo me vjedhje, hajdutëri, servilizëm apo të detyrohet të largohet, kur nuk i bindet klikës kriminale në pushtet.

 

Kjo është beteja. Prandaj, kurrë nuk kemi qenë më të bashkuar, kurrë nuk kemi qenë më të vendosur për ta çuar betejën tonë deri në fund.

 

Vëllezër e motra!

 

Këto 3 muaj e kanë transformuar tërësisht Shqipërinë, pikërisht prej kurajos tuaj dhe të qindra, mijëra të tjerëve, që sfiduan frikën, instrumentin e vetëm të sundimit të Edi Ramës, sfiduan propagandën përçarëse, sfiduan mashtrimin, sfiduan dhunën, sfiduan gazin lotsjellës dhe u ngritën me kurajo. Prej kurajos së gjithësecilit prej jush, ka lindur një shpresë që e ka mbështjellë si lavdia e Zotit me bekim të gjithë Shqipërinë dhe i ka bashkuar të gjithë shqiptarët në këtë betejë. Ndaj sot, jemi më afër se kurrë fitores së betejës tonë për një Shqipëri të lirë, për një Shqipëri demokratike, me votë të lirë e të ndershme, për një Shqipëri të vlerave evropiane.

 

Edi Rama nuk ka asnjë shans t’i detyrojë shqiptarët të pranojnë një tjetër krim elektoral.

 

Shikoni se çka bërë: 5 kandidatë të njohur publikisht nga listat e tyre janë të pandehur të drejtpërdrejtë të dosjeve hetimore për shitblerjen e votave.

 

Valbona Sako, e dyshuar dhe duhet të ishte e pandehur për vjedhjen e votave me Ymer Lalën në Dibër, njësoj si Agron Malaj, njësoj si Dionis Imeraj, njësoj si Pjerin Ndreu. 4 kandidatë që, në fakt, duhet të ishin të pandehur dhe, po të kishim drejtësi funksionale dhe të pavarur, duhet të ishin të dënuar për shitblerjen e votës me krimin në zgjedhjet e Dibrës.

 

Kemi edhe kandidatin e Shijakut, i cili sot duhet të ishte para drejtësisë si një nga njerëzit pjesëmarrës me bandën e Avdylajve, në shitblerjen masive të votave në Durrës.

 

Në vend që këta njerëz të jenë para drejtësisë, Edi Rama do të diktojë përsëri zgjedhje me krimin. Do të diktojë përsëri Artur Bushin e krimit në Krujë e Tërmet Peçin e drogës në Tepelenë, e me dhjetëra të tillë anembanë vendit.

A mund ta lejojnë shqiptarët këtë?

Qytetarët: Jooooo

A mund ta pranojë Vora këtë? A mund ta pranojë rinia këtë? A mund ta pranojë Shqipëria këtë?

Qytetarët: Jooo

Dhe nuk do ta pranojmë.

 

Ndaj dhe bashkimi ynë do të garantojë, që kurrë më shqiptarët të mos detyrohen të votojnë si në monizëm, një trafikant, apo një vrasës, apo një ushtar të tyre, apo të zgjedhë midis një trafikanti dhe një tjetër anëtari të bandave kriminale.

Ne po luftojmë që Shqipëria dhe shqiptarët, njëherë e mirë t’i kenë të garantuara me ligj dhe Kushtetutë atë që Kushtetuta e thotë në preambul: Zot në këtë vend janë qytetarët dhe jo kriminelët. Zot në këtë vend janë qytetarët dhe jo hajdutët.

 

Ndaj na duhet dhe do të kemi një dialog kombëtar me gjithë shqiptarët për të vendosur sëbashku, jo thjesht largimin e Edi Ramës, sepse largimi i Edi Ramës është parakusht i panegociushëm për hapjen e dialogut politik, por, përmes një dialogu gjithëpërfshirës kombëtar, që ju të keni mundësi, përmes votës tuaj të vendosni për:

• Një sistem elektoral që ju përfaqëson ju, qoftë ky një maxhoritar me 100 deputetë të zgjedhur drejtëpërdrejtë nga ju dhe që t’ju përfaqësojnë ju dhe një Senat që garanton balancimin e pushteteve, transparencën e legjislacionit.
• Një president me kompetenca të plota, që nuk e le Republikën të kthehet në Republikë krimi dhe bananesh. Pse jo një president të zgjedhur nga populli.
• Kufizimin e termave të të gjithë atyre që marrin pushtet nga vota e popullit.
• Gjyqtarë dhe prokurorë të pavarur, që nuk i mbrojnë por i ndëshkojnë kriminelët dhe politikanët e lidhur me ta.
• Referendume popullore, kombëtare dhe lokale për të gjitha çështjet që kanë të bëjnë me jetën tuaj, shëndetin tuaj, sigurinë tuaj dhe të fëmijëve tuaj.
• Reformë të thellë të partive politike për të mos lejuar më kurrë, që asnjë parti politike të mos mbetet peng i krimit, parave të pista të krimit dhe një grushti oligarkësh që janë shkaktarët e mjerimit të thellë ekonomik dhe social, sepse janë ulur si të babëzitur në sofrën e Edi Ramës, ku copëtohet, ndahet, grabitet, vidhet ditë për ditë Shqipëria dhe shqiptarët, shtëpitë tuaja, taksat tuaja, e ardhmja e fëmijëve tuaj.

 

Partia Demokratike i ka zgjidhjet.

 

Ne jemi të vendosur t’u kthejmë fermerëve shqiptarë dinjitetin për të jetuar me punën e tyre të ndershme:

• Me programin tonë të subvencioneve 100 milionë euro mbështetje direkte për çdo fermer në bazë të prodhimit.
• Me uljen që ditën e parë të çmimit të karburantit me 300 lek, duke hequr taksën Rama për karburantin.
• Me uljen e çmimit të energjisë dhe faljen e kamatave, që u janë varur si kular në qafë shqiptarëve për t’i varfëruar dhe për t’u ulur kokën.

 

Ne do të bëjmë realitet anulimin e çdo koncensioni dhe kontrate korruptive.

 

Qindra milionë euro, që sot i marrin një grusht njerëzish dhe i harxhojnë për dasma dhe ditëlindje miliona euroshe nëpër Europë, do t’i paguajnë një më një mbrapsht. Këto para do t’i kthejmë në pensione minimale 250 mijë lek në muaj, në krye të katër viteve tona.

Ne do të bëjmë të mundur, që ansjë bir dhe bijë shqiptari të mos mbetet pa studiuar për shkak të pamundësisë ekonomike.

Me planin tonë për arsimin e lartë ne do t’i japim fund grushtit kriminal kundër shkencës dhe artit.

 

Ne nuk e njohim procesin kriminal që po bëhet në Akademinë e Shkencave, që është treguesi më i qartë i një regjimi injorant, brutal dhe kriminal që do të ekzekutojë elitën e shpirtit dhe të mendjes.

 

Ne nuk do të njohim asnjë akt të këtij parlamenti monist.

 

Ka vetëm një zgjidhje, ka vetëm një rrugë: largimi një orë e më parë i Edi Ramës. Qeveri tranzitore dhe zgjedhje të parakohshme, ku qytetarët do të kenë fatin e tyre në duart e tyre.

 

Kurrë nuk kemi kërkuar dhe nuk kërkojmë pushtet në tavolinë. Kurrë nuk do të pranojmë pushtet në tavolinë. Kjo betejë nuk bëhet për pushtetin tonë. Atë që kishim në dorë, ne e dorëzuam.

 

Edi Rama është ai që, për pushtetin kriminal, do të sakrifikojë gjithçka që ju keni.

 

Gjithçka që ju ka mbetur kërkon ta sakrifikojë dhe ta marrë me pahir me 30 qershor. Ftesa ime është: Të shtunën të gjithë bashkë në Tiranë me një mesazh kombëtar, patriotik dhe shqiptar dhe evropian: Të ndalim me çdo çmim, me çdo sakrificë, me të gjitha mënyrat dhe mjetet demokratike, rënien e demokracisë.

 

Nuk e dorëzojmë demokracinë, nuk e dorëzojmë lirinë. Rama ik!

 

Ndaj, duke ju shprehur mirënjohjen më të thellë për rolin që ju, zonja dhe zotërinj, banorë të Vorës, Domjes, Bërxullit dhe të Prezës, keni pasur në këto beteja të ngjeshura në këto tre muaj që kanë shëndrruar totalisht peisazhin politik, që e kanë bërë të perëndojë muzgu i tiranisë, frikës, krimit, dhe të lindë agimi i shpresës, t’ju them dhe njëherë: Bashkohuni të gjithë bashkë!

 

Merrni me vete familjarët, miqtë dhe shokët në një protestë madhështore, e cila do të ketë vetëm një motiv, misionin hyjnor me të cilin lindi Partia Demokratike, paktin e madh kombëtar që bashkon gjithë shqiptarët dhe opozitën: Ta bëjmë Shqipërinë si gjithë Evropa!

 

Koha nuk pret!

 

Tirania është në gjunjë.

Populli është në këmbë.

 

Të gjithë bashkë me 25 maj në një betejë vendimtare, për jetë a vdekje, për liri, për demokraci. Për Shqipërinë si gjithë Evropa!

 

Zoti ju bekoftë ju dhe familjeve tuaja!

Mirënjohje të veçantë për besimtarët në agjërim. Agjërim të lehtë e të pranuar! Zoti jua shpërbleftë!

 

Të gjithë së bashku në orën 19.00, ditën e shtunë, le të derdhemi si një oqean shprese që do të marrë përpara çdo mur tiranie, padrejtësie dhe krimi në Tiranë.

 

Zoti ju bekoftë ju!

Zoti e bekoftë Shqipërinë!

Read More

Kryetari i Partisë Demokratike Lulzim Basha ka reaguar sot në mbrëmje, pas deklaratës së deputetëve të grupit parlamentar të CDU/CSU, Johann David Wadephul, zëvendëskryetar i grupit parlamentar CDU/CSU në parlamentin gjerman dhe njëherazi drejtues i grupit të punës së Ballkanit Perëndimor, si dhe Christian Schmidt, CSU, raportuesi për Shqipërinë në Komisionin e Jashtëm dhe ish-ministër federal.

Më poshtë, shënimi i plotë në facebook i kryetarit të PD.

“Mirënjohje Gjermanisë mike dhe mbështetëse të Shqipërisë, për vëmendjen dhe shqetësimin ndaj problemeve që kanë penguar integrimin europian, si mungesa e zgjedhjeve të lira dhe të ndershme, lidhjet e politikës me krimin, mungesa e luftës ndaj krimit dhe korrupsionit. Në emër të PD dhe të Opozitës së Bashkuar konfirmoj gatishmërinë tonë për zgjedhje të lira dhe të ndershme dhe mirëpres angazhimin e Gjermanisë mike për zgjidhjen e kësaj krize dhe hapjen e rrugës europiane të Shqipërisë”.

Read More

 

• Asnjë hap pas në betejën tone për Shqipërinë si gjithë Europa. Ne jemi ngritur mbi interesat tona të ngushta politike, kemi dalë në krah të shqiptarëve dhe kemi vendosur ta çojmë këtë betejë deri në fund.

 

• Ne nuk pranojmë teatër me interesat e shqiptarëve. Ne kemi ndalur çdo kalkulim të vogël politik. Ne nuk luajmë me porta të vogla të krimit dhe të oligarkëve siç bën Edi Rama. Nuk e njohim dhe nuk e pranojmë atë lojë.

 

• Kush ka blerë zgjedhjet, do të shkojë para drejtësisë dhe do të marrë dënimin e merituar, duke nisur me Vangjush Dakon. Rama, që na propozon pranimin e një tjetër procesi fallc, ështëakoma në krye të manipulimit.

 

• Balla dhe Gjiknuri heshtin për aktin kriminal të kërcënimit të anëtarëve të KQZ për të mos regjistruar opozitën në KZAZ. Akti i tyre, me urdhër të Ramës, është në tabulatet e dorëzuara partnerëve ndërkombëtarë.

 

• Edi Rama i shërben vetëm pushtetit të tij paktit me krimin, që e ka sjellë në pushtet. Propozimi i tij për 30 qershorin është kapitullimi i popullit para krimit, dhe para bandave të bëra njësh me pushtetin.

 

• Alternativa jonë është ajo e përballjes deri në fitore. Nëse tenton më 30 qershor zgjedhje fallco, zgjedhje me krimin, zgjedhje me hajdutët, do të ketë përballje në çdo qendër votimi, në çdo kuti votimi.

 

• Për shqiptarët e thjeshtë kjo beteje është çështje për jetë a vdekje. Kjo betejë bëhet për t’i dhënë fund një sistemi të kalbur politik dhe ekonomik, që i varfëron, i vjedh dhe i trajton pa dinjitet.

 

• Edi Rama i ka kapur të gjitha pushtetet, parlamentin, qeverinë, drejtësinë, mediat, ekonominë, por fprca jonë qëndron tek qytetarët. Rama i ka kapur të gjitha, por ka kundër popullin.

 

• Përballja ka sot nga njëra anë pakicën më të tkurrur të kriminelëve, gangsterëve dhe të politikanëve të korruptuar para shumicës më të vendosur, më të bashkuar dhe më morale që Shqipëria ka njohur.

 

• Që kurrë më qeveria të mos jetë peng i kriminelëve, kjo betejë nuk do të përfundojë thjesht me largimin e Edi Ramës. Largimi i Edi Ramës është hapi i parë i panegociueshëm, i cili do t’i hapë rrugë zgjidhjes së krizës.

 

• Propozimet tona për ndryshimin e sistemit politik, duke nisur me sistemin zgjedhor e referendumet, nuk do të kalojnë në pakte kulisash. Do të ketë dialog kombëtar dhe në fund një vendimarrje me referendum nga populli

 

• PD e ka planin ekonomik për ta nxjerrë vendin nga kriza, por sot beteja është që të kemi zgjedhje të lira dhe të ndershme. Kjo betejë, që ka ngjallur shpresën tek çdo shqiptar, na thërret me 25 maj në Tiranë

 

• E ardhmja nuk do të jetë e Vangjush Dakos, Taulant Ballës, Damian Gjiknurit, e avdylajve dhe e bajrajve. E ardhmja do të jetë durrsakëve dhe e gjithë shqiptarëve. Ne do ta bëjmë Shqipërinë si gjithë Europa!

 

• Le ta shpërndajmë mesazhin e bashkimit dhe vendosmërisë sonë me një kërkesë: Të gjithë me 25 maj në Tiranë. Me pjesëmarrje, me bashkim, me shpresë dhe vendosmëri absolute, të diktojmë: asnjë hap pas!

 

 

FJALA E KRYETARIT TË PARTISË DEMOKRATIKE, LULZIM BASHA, NË DURRËS.

 

Vëllezër dhe motra,

Zonja dhe zotërinj,

Të rinj e të reja,

Qytetare e qytetarë të Durrësit,

Drejtues të PD, përfaqësues politikë të saj, Kryetar i Partisë Ambientaliste Agron Duka,

Anëtarë dhe drejtues të partive të koalicionit opozitar,

 

Dje nuk u përmbajta dot nga emocionet që më shkaktoi pritja e jashtëzakonshme në Berat. Sot jam i shtangur dhe i pafjalë nga ky uragan, uragan që nisi në Maminas me pritjen madhështore me rininë durrsake!

 

Mmirënjohje të thellë për mikpritjen tuaj!

 

Dhe ja tek jemi sot nga zërat tuaj, nga kraharorët e durrsakëve të lirë po troket ora shpresëplotë e ndryshimit të madh që po vjen. Vëllezër dhe motra, zonja dhe zotërinj, ditë për ditë, sytë e shqiptarëve janë drejt pasditeve, ku ne bashkohemi në salla dhe sheshe në numra të paparë dhe të padëgjuar prej dekadash, me një qëllim, me një kauzë dhe një përbetim për të mos hedhur asnjë hap pas në betejën tonë kombëtare, në betejën tonë europiane, në kauzën tonë për Shqipërinë si gjithë Europa! Një bashkimi i tillë popullor nuk është parë që në ditët e përmbytjes së diktaturës, ditët që bashkuan shqiptarët rreth ëndrrës së madhe, ëndrrës së lirisë, ëndrrës së dinjitetit, ëndrrës së mirëqenies.

 

30 vite kanë kaluar, rruga jonë drejt Europës është e mbushur me dhimbje, me sakrifica, askush më mirë se Durrësi dhe durrsakët nuk e dinë dhe nuk e njohin kalvarin tonë drejt Europës që nisi mbrëmjen e 5 korrikut 1990, kur mijëra bijë dhe bija shqiptarësh u nisën si refugjatë, u larguan nga vendi më i pashpresë dhe më mizor. Mijëra dhe dhjetëra mijëra të tjerë kapërcyen detin, shumë prej tyre nuk ia dolën dhe shumë të tjerë u larguan në kërkim të ëndrrës për një jetë më të mirë. U zhvendosën në Europë, u bën njësh me Europën. Durrsakët u bënë më italianë se italianët, shqiptarët u bënë më europianë se europianët  dhe ndihmuan familjet e tyre në shtrëngesë të tmerrshme mjerimi, mbi të gjitha, ndihmuan për t’ia hapur sytë një kombi të izoluar, plot dhimbje dhe sakrifica. Por ne dinim atëherë se rrugë tjetër përveç Europës  nuk kishte. Edhe sot e dimë nuk ka rrugë tjetër përveç Europës, por ky bashkim sot ka një tjetër mesazh: Kurrë më shqiptarët nuk do të largohen kokulur nga vendi i tyre, kurrë më si refugjat! Kurrë më si klandestinë ilegal të detyruar nga mjerimi, nga skamja, nga depresioni që ushqen banda në pushtet dhe kryebanditi, kryehajduti, kryekorruptuari në krye të saj. Jo! Tani dhe asnjë minutë më vonë ka ardhur koha e një beteje vendimtare për jetë a vdekje për ta bërë Shqipërinë si gjithë Europa!

 

Vëllezër dhe motra!

 

Vëllezër dhe motra për 6 vite me radhë Europa i ka mbyllur dyert e saj, sepse Edi Rama ka mbyllur derën e progresit drejt Europës, duke asgjësuar zgjedhje të lira dhe të ndershme, duke mbushur parlamentin me trafikantë, vrasës, përdhunues, duke emëruar në krye të bashkive të vendit kryehorra, hajdutë për librin Gines, si Vangjush Dako me shokë, duke shkatërruar institucionet, duke përqendruar gjithë pushtet në dorën e tij, duke ia dhuruar buxhetin e shtetit, taksat e shqiptarëve, pasuritë e shqiptarëve, bregdetin, lejet e ndërtimit, minierat, naftën, energjinë, koncesionet, gjithçka një grushti oligarkësh të korruptuar, që nga mëngjesi deri në darkë bëjnë pazaret me Edi Ramën, vjedhin me Edi Ramën si të babëzitur popullin më të varfër.

 

Dyert e Europës i ka mbyllur Edi Rama, sepse në Europë nuk shkohet pa zgjedhje të lira, nuk shkohet pa ndarjen dhe balancimin e pushteteve, nuk shkohet me një parlament të diktuar nga krimi, të krimit dhe për krimin, por shkohet vetëm me një parlament dhe me një qeveri të njerëzve, nga njerëzit dhe për njerëzit. Kjo është kauza jonë, beteja jonë për çdo shqiptar.

 

Për gjashtë vite e gjysëm ne kemi luftuar këtë betejë në ditë të mirë dhe të vështira, e kemi luftuar kur ishim pak dhe të vetëm, e kemi vazhduar betejën kur na përqeshnin, kur denonconim kriminelët në parlament, drogën me avionë, kur tregonim me gisht ministrat, nga i Brendshmi tek Kryeministri, i përfshirë drejtpërdrejtë në aferat më të tmerrshme korruptive dhe në trafikun ndërkombëtar të drogës.

 

Ne e kemi luftuar këtë betejë jo për interesat tona politike, shpesh kundër interesave tona elektorale, por të bindur se pa e ndarë politikën nga krimi, se pa  çuar para drejtësisë dhe prapa hekurave kriminelët dhe politikanët e korruptuar, Shqipëria nuk mund të shkojë drejt Europës.

Misioni ynë është një mision kombëtar. Në historinë e shoqërie, në përballje të tilla vijnë momente si ky ku jemi sot, ku një parti e madhe, me një histori të madhe dhe me një mision të madh kombëtar si Partia Demokratike e Shqipërisë duhet të vendosë, nëse do të zgjedhë rrugën e rehatit, rrugën e pazarit, rrugën e kompromisit me të keqen për hir të pushtetit dhe karriges apo rrugën e vështirë, të drejtë dhe hyjnore të betejës për njerëzit, për Shqipërinë, për të ardhmen e saj.

 

Ne e kemi bërë zgjedhjen, ne jemi në krah të njerëzve. Ne jemi në krah të projektit tonë me të cilin lindëm, projektin për Shqipërinë si gjithë Europa. Ne kemi ndalur çdo kalkulim të vogël politik. Ne nuk luajmë me porta të vogla të krimit dhe të oligarkëve siç luan i babëzitur nga mëngjesi deri në darkë Edi Rama. Nuk e njohim dhe nuk e pranojmë atë lojë. Ne nuk pranojmë teatër me interesat e shqiptarëve. Ne jemi ngritur mbi interesat tona të ngushta politike. Sepse ne kemi një mision të jashtëzakonshëm, që nuk i takon një partie të zakonshme dhe ne nuk jemi një parti e zakonshme. Ne jemi bashkimi që hodhëm diktaturën, diktaturën e Enver Hoxhës.

 

Ne jemi sot në ballë të bashkimit që do të shembë tiraninë e krimit, do ta shembë me themele, me çdo kusht, me çdo çmim, me çdo sakrificë.

 

Vëllezër dhe motra!

 

Para nesh janë dy dilema: kapitullim apo përballje deri në fitore.

 

Edi Rama, kriminelët dhe oligarkët me të cilët uzurpoi pushtetin, vodhi zgjedhjet dhe po vjedh Shqipërinë, na propozojnë kapitullimin.

 

Edi Rama na propozon që me 30 qershor ne të bëjmë sehir, teksa ai bën një grusht shteti, një proces zgjedhor fallco, ku 1 milionë e 400 mijë qytetarë shqiptarë nuk kanë karta të vlefshme identiteti, pra kanë karta identiteti të skaduara, potencialisht 1,4 milionë fallsifikime, në një proces zgjedhor, ku serveri i regjistrit të gjendjes civile ka rënë dhe regjistri manipulohet nga mëngjesi deri në darkë, siç e dini fare mirë ju durrsakët, siç e bëri Dako në 2015-n, ku regjistri i adresave është bërë lëmsh nga manipulimet e sejmenëve të pushtetit.

 

Na propozon zgjedhje, ku kriminelë me damkë e trafikantë droge nga Artur Bushi tek Tërmet Peçi e dhjetëra të tjerë rikandidojnë, kur, në fakt, dekriminalizimi duhet t’i kishte nxjerrë nga dritarja e duhet t’i kishte çuar para drejtësisë. Na propozon të kapitullojmë para përzgjedhjes këtu në Durrës, të një asistent-hajduteje të Vangjush Dakos si kandidate për kryetare bashkie. Tani që Vangjush Dakon ka filluar ta përpijë vorbulla për ta çuar atje ku e kam paralajmëruar, para drejtësisë dhe prapa hekurave, e gënjen mendja se do t’i shpëtojë drejtësisë, duke bërë paktin me Ramën dhe duke mbajtur në këmbë prokurorinë e kapur dhe të shitur. Jo Vangjush Dako jo, Rama të gënjen. Fundi yt është siç të kam paralajmëruar, para gjyqtarëve, gjyqtarëve të pavarur, të ndershëm e të pakorruptuar, dhe prapa hekurave, për gjithçka që ke bërë mbi Durrësin dhe mbi durrsakët.

 

Na propozon Taulant Ballën dhe Damian Gjiknurin si rojtarë të zgjedhjeve, dy njerëz që po të hetoheshin, siç do të hetohen 339-a dhe 184-a, po kështu, do të jenë para togave të zeza të drejtësisë për të marrë dënimin e merituar. Dhe meqë ra fjala, keni rënë squk, ka 24 orë që kam kam denoncuar aktin kriminal, ku me urdhër të Edi Ramës, Taulant Balla, Damian Gjiknuri, kanë ushtruar presion mbi 4 anëtarët e KQZ-së, që në mënyrë të kundërligjshme të mos regjistrojnë përfaqësuesit e opozitës në KZAZ. Gjithçka është në tabulatet e dorëzuara partnerëve ndërkombëtarë. Nuk keni shans, nuk keni shpëtim.

 

Pra, na propozon një proces të dalë tërësisht jashtë rregullave të Kodit Zgjedhor, në kundërshtim flagrant me ligjin, në kundërshtim flagrant me kushtetutën dhe mbi të gjitha të kriminalizuara edhe më shumë sesa zgjedhjet e 2017-s dhe zgjedhjet e 2015-s. Na e propozon, pra, kapitullimin na propozon që ne të ulim kokën e të pranojmë një tjetër proces fallc zgjedhor, kësaj radhe edhe pa garë, vetëm e vetëm për pushtetin e tij, për karrigen e tij, dhe për paktin që ka lidhur me krimin dhe me kriminelët.

 

Edi Rama me këtë propozim i shërben vetëm karriges së tij, vetëm pushtetit të tij dhe kriminelëve që e kanë sjellë në pushtet. Dhe për këtë arsye ka shkelur ligjin, ka shkelur kushtetutën, ka shkelur Kodin Zgjedhor dhe do që të shkelë mbi dinjitetin e çdo shqiptareje dhe shqiptari të ndershëm, mbi të ardhmen e fëmijëve tuaj, do që të sakrifikojë fëmijët e Durrësit, të rinjtë e Durrësit, pensionistët e Durrësit dhe të të gjithë Shqipërisë për pushtetin e tij korruptiv. Ky është propozimi i Edi Ramës për 30 qershorin, kapitullimi i popullit para krimit, kapitullimi i popullit para bandave të bëra njësh me pushtetin.

Alternativa tjetër është alternativa e përballjes vendimtare deri në mposhtjen e kësaj bande, deri në fitore. Ky është kushtrimi me të cilët i kemi thirrur shqiptarët në këtë betejë, me 16 shkurt, kjo është kauza për të cilën dogjëm mandatet, më të pastrat, të vetmet të pastra, dhe u rreshtuam në krahun tuaj për kauzën tonë të njerëzve të thjeshtë. Ky është kushtrimi me të cilin shqiptarët janë bashkuar në dhjetëra takime madhështore, kjo është shpresa që po lind e po mbulon anembanë vendin, që ka ngritur në këmbë Shkodër e Vlorë, Tropojë e Berat, Durrës e Korçë. Kjo është alternativa e përballjes në çdo qytet, në çdo shesh, në çdo rrugë, çdo ditë, çdo javë, dhe nëse tenton më 30 qershor zgjedhje fallco, zgjedhje me krimin, zgjedhje me hajdutët, përballje në çdo qendër votimi, në çdo kuti votimi.

 

Vëllezër dhe motra!

 

Nderi dhe detyra jonë si demokratë është t’i prijmë kësaj përballjeje.

 

Për shqiptarët e thjeshtë kjo nuk është thjeshtë një çështje nderi dhe detyre ndaj fëmijëve dhe brezave që vijnë. Për shqiptarët e thjeshtë kjo është një çështje ekzistence, është një çështje për jetë a vdekje, në kuptimin më të vërtetë të fjalës.

 

Pse bëhet kjo betejë vëllezër e motra?  Kjo betejë bëhet për t’i dhënë fund një sistemi të kalbur politik dhe ekonomik, që ju ka varfëruar, që ju ka shpunësuar, që ju ka nxjerrë me të padrejtë nga puna, që ju ka mbyllur bizneset apo ju ka sjellë në prag të falimentimit, që ju ka rritur çmimin e naftës, duke e bërë më të shtrenjtin në Evropë për popullin më të varfër të Evropës, që ka rritur çmimin e energjisë, që i ka sjellë pensionistët në ditën më të zezë, ku paratë e pensionit nuk mjaftojnë për drita dhe ilaçe, jo më për bukën e gojës, që ka sjellë studentët në sistemin më të falimentuar arsimor, me tarifat më të larta dhe cilësinë më të dobët, që ka sjellë njerëzit në nevojë ekonomike në prag të vetëflijimit dhe depresionit, që ka sjellë fermerin shqiptar në nivelet e fermerit afrikan. Pra, për të shembur nga themelet këtë sistem, kjo është beteja jonë, ky është kushtrimi që bashkon sot demokratë dhe socialistë, të djathtë e të majtë, myslimanë e të krishterë, gegë dhe toskë, burra dhe gra, të rinj dhe të reja.

 

Për pushtetin e tij, i ka shkuar në mendje të bëjë atë që s’ka guxuar ta bëjë askush në 29 vite, në Shqipëri dhe në Evropë, zgjedhje fallco, zgjedhje me krimin, shkelje totale të kushtetutës dhe ligjit, asgjësim të gjykatave, kapje të prokurorisë, vetëm për pushtetin e tij.

 

Jemi sot këtu me përgjegjësinë e madhe për t’ju thënë shqiptarëve se kjo betejë për ne nuk është për pushtet, nuk është për karrige, është për ju, për ta çliruar Shqipërinë nga bandat kriminale që i kanë marrë peng qeverisjen, për t’i çliruar zgjedhjet dhe për t’ju kthyer ju të drejtën për të zgjedhur dhe shkarkuar qeverinë. Është një betejë e cila na bashkon dhe nuk na ndan në vendosmërinë tonë për të marrë fatin tonë në duart tona, fatin e shqiptarëve në duart e shqiptarëve.

 

Ndaj edhe propozimi ynë politik, rruga e vetme për të zgjidhur këtë krizë, ka pikërisht parasysh këtë interes kombëtar, këtë interes të të gjithë shqiptarëve.

Kush nuk do zgjedhje të lira e të ndershme, kush do që në vend të përfaqësuesve të vet politikë, të djathtë apo të majtë, të ketë trafikantë të vajzave dhe grave shqiptare, narkotrafikantë, vrasës e përdhunues, Kush do të ketë një qeveri peng të krimit dhe kriminelëve, që vulos dhe firmos vjedhje dhe grabitje, më të mëdhatë, më të thellat, më të hatashmet në 29 vite! E pra, çeshtja e dytë që dua të ndaj sot nga Durrësi është kjo. Por ka edhe një ndarje tjetër.

 

Edi Rama i ka kapur të gjitha. Ka sot qeverinë, pseudo parlamentin, pseudopolicinë, pseudo drejtësinë, mediat kryesore. Ai ka kapur ekonominë me oligarkët. Një grusht njerëzish me në krye Edi Ramën i kanë kapur të gjitha.

Atëherë, ku janë asetet tona? Ku është forca jonë? Ku janë mjetet tona?

 

Po, ai i ka kapur të gjitha, por pikërisht sot e ka të gjithë popullin kundër, të gjithë njerëzit e bashkuar e të vendosur për t’i dhënë fund këtij teatri të shëmtuar politik që na kushton çdo ditë mijëra vende pune, spitale pa ilaçe, arsimin në kolaps, mijëra emigrantë çdo ditë.

 

Përballja ka sot nga njëra anë pakicën më të tkurrur të horrave, zuzarëve, kriminelëve, gangsterëve dhe të politikanëve të korruptuar, pakicën e vesit, pakicën e krimit dhe pakicën e antivlerave, para shumicës më të vendosur dhe më të bashkuar dhe më morale që Shqipëria ka njohur.

 

Për ju është kjo betejë vëllezër dhe motra.

Për ju do të jetë fitorja e kësaj beteje, që kurrë më Shqipëria mos të bjerë më në grackën e një njeri apo një grushti politikanësh që premtojnë mrekulli, premtojnë 300 mijë vende pune, shëndetësi falas, legalizime falas dhe, pasta,j mbyllin qindra-mijëra vende pune, ia dorëzojnë tre oligarkëve paratë tuaja të shëndetësisë, prishin shtëpitë pa ligj, i hedhin gaz helmues fëmijëve në orën 05.00 të mëngjesit për t’i nxjerrë nga shtëpitë e tyre.

 

Pra, që kurrë më qeveria të mos jetë peng i kriminelëve, kjo betejë nuk do të përfundojë thjesht dhe vetëm me largimin e Edi Ramës. Largimi i Edi Ramës është hapi i parë i panegociueshëm, hapi që do t’i hapë rrugë zgjidhjes politik të krizës.

Por, fjalën vendimtare për zgjidhjen njëherë e përgjithmonë të plagëve që shkaktojnë këtë krizë, do ta kenë përsëri shqiptarët.

 

• Deputetë të zgjedhur drejtëpërdrejt në 100 zona maxhoritare apo sistem kombëtar me lista të hapura.
• Senat që e ngadalëson dhe e bën transparent procesin legjislativ.
• President me kompetenca të plota që kontrollon dhe balancon pushtetet, pse jo, president të zgjedhur nga populli.
• Ndarje dhe balancim të pushteteve që garantojnë gjyqtarë dhe prokurorë të pavarur dhe që zbatojnë ligjin.
• Referendume popullore lokale dhe kombëtare që, sovrani, populli të ketë gjithmonë mundësinë, levën, për t’iu mbivendosur çdo politikani që humb arsyen dhe kërkon të mashtrojë votuesit. Referendum për gjithçka që kanë të bëjnë me shëndetin, sigurinë, jetën.

 

Këto janë disa nga propozimet, për të cilat angazhohem sot se nuk do të ketë pakte kulisash, do të ketë një dialog kombëtar dhe në fund një vendimarrje me referendum nga populli.

 

Vetëm kështu do të parandalojmë që sëmundja më e keqe këto 29 vite, makthi më i zi i shqiptarëve dhe i vogëlushëve shqiptarë, organizata kriminale e rilindjes dhe Edi Rama, jo thjesht të largohen, por të mbeten në arkivat e zeza të historisë dhe kurrë më asnjë njeri, asnjë grup njerëzish, asnjë parti, të mos kapë më dot të gjitha pushtetet, të mos dhunojë qytetarët, të mos shpunësojë të rinjtë e të rejat, të mos dhunojë Kushtetutën, të mos kapë zgjedhjet dhe të mos e kthejë qeverinë në një instrument dhe në një vegël të krimit, për krimin dhe nga krimi.

 

Vëllezër dhe motra!

 

Propozimet tona, janë propozime për të gjithë shqiptarët. Por, përballë nuk kemi akoma një kundërshtar politik. Partia Socialiste e Shqipërisë është në koma.  Në emër të saj flet sot një njeri dhe një grusht njerëzish të cilët përfaqësojnë interesa kriminale, interesa korruptive, që janë bërë njësh me figurat e krimit, me bosët e drogës, me narkotrafikantët dhe me vrasësit. Ndaj beteja që kemi nisur dhe që ka transformuar Shqipërinë, nga Shqipëri e dëshpërimit në Shqipëri të shpresës, duhet çuar deri në fund. Dhe për këtë, sakrifica që keni bërë deri më sot, duhet të vazhdojë.

 

Nuk kam ardhur sot t’ju premtoj vende pune. Nuk kam ardhur sot t’ju premtoj rritje pensionesh. Nuk kam ardhur t’ju premtoj sot luks dhe mrekulli.

 

Padyshim Partia Demokratike e ka planin për ta nxjerrë vendin nga kriza. Ne i dimë plagët e ekonomisë dhe e kemi shpalosur vizionin tonë.

 

• Në ditën tonë të parë, ne do të ulim me 300 lek çmimin e karburantit, duke eleminuar taksën Rama.
• Ne do të ulim çmimin e energjisë për qytetarët dhe aktivitetin prodhues.
• Padyshim që ne do t’i shkojmë deri në fund premtimet tonë për të anulluar gjithë kontratat e korruptuara të oligarkëve dhe qindra millionë euro që i marrin sot 5-6 të babëzitur dhe i ndajnë me Edi Ramën, do t’i kthejmë në politika që mbështesin biznesin me taksën 9 përqind, me biznesin e vogël nën 140 milion lek me 0.5 përqind të taksës si taksa e vetme kombëtare dhe lokale dhe pullën fiskale të çliruar energji ekonomike, pozitivitet.
• Ne do ta mbajmë premtimin tonë. Paratë e oligarkëve do t’i kthejmë në rritje pensionesh. Në katër vitet tona të para, ne do ta bëjmë realitet 250 mijë lek pensionin minimal kudo për shqiptarët.

 

Por të gjitha këto vëllezër dhe motra, do të jenë pjesë e një shpalosje rigoroze, kapilare dhe të sinqertë me ju gjatë një fushate për zgjedhje të lira dhe të ndershme.

 

Sot beteja është që të kemi zgjedhje të lira dhe të ndershme.

 

Kjo betejë na thërret me 25 maj të shtunën, në Tiranë, me një kushtrim që buçet nga Durrësi sot për ta dëgjuar gjithë Shqipëria dhe gjithë bota dhe më një zotim; e ardhmja nuk do të jetë e Vangjush Dakos, e ardhmja nuk do të jetë e Taulant Ballës dhe Damian Gjiknurit, e ardhmja nuk do të jetë e Avdylajve dhe e bajrajve, e ardhmja do të jetë durrsakëve dhe e gjithë shqiptarëve.

 

Ne do ta bëjmë Shqipërinë si gjithë Europa!

 

Vetëm pak minuta më parë, në nisje të këtij takimi madhështor e të magjishëm, një pllumb fluturoi në sallë, si simbol i shpresës. Njësoj si krahët e këtij zogu fisnik, simboli të paqes, shpresës dhe dashurisë, le ta shpërndajmë shpresën në çdo shtëpi durrsakësh, në çdo shtëpi shqiptarësh. Le ta shpërndajmë mesazhin e bashkimit tonë, vendosmërisë tonë me një kërkesë: Të gjithë me 25 maj në Tiranë, për të diktuar me pjesëmarrje, me bashkim, me shpresë në zemrat tona, dhe vendosmëri absolute: Asnjë hap pas!

 

Zoti e bekoftë Durrësin!

Zoti i bekoftë shqiptarët!

Zoti e bekoftë Shqipërinë!

Fitore!

Read More

 

• Pritja madhështore e Beratit është mesazhi më i qartë e më i vendosur ndaj atyre që mbajnë peng Beratin dhe Shqipërinë se më 30 Qershor nuk do të ketë zgjedhje me krimin e me hajdutët.

 

• Ne e kemi nisur këtë betejë madhështore jo për pushtet, por për idealin për ta bërë Shqipërinë si gjithë Evropa. Do ta bëjmë këtë, bashkë me aleatët tanë euro-strategjikë. Asnjë hap pas drejt diktaturës së krimit dhe despotizmit lindor.

 

• Zgjedhje me 30 qershor nuk do të ketë! 30 qershori është një tentativë për një grusht shteti kushtetues. Grushti i shtetit do të ndalet! Me çdo çmim, me çdo kusht, me çdo sakrificë do të mbrojmë lirinë dhe demokracinë!

 

• Bashkimi ynë është i vetmi bashkim kushtetues. Kundër Kushtetutës është Edi Rama, që ka asgjesuar çdo institucion që garanton të drejtat dhe zgjedhje demokratike, që shkel Kodin për të emëruar opozitën fallco për të mbajtur me dhunë pushtetin që grabit shqiptarët.

 

• Kundër kushtetutës është të kapësh prokurorinë nga tmerri se dosjet 184 e 339 zbulojnë se porositësi, ekzekutori dhe garantuesi i prishjes së zgjedhjeve, siç e publikoi edhe media evropiane, është Edi Rama, kryebanditi në krye të qeverisë bandite.

 

• Edi Ramës po i numërohen orët mbrapsht. Kërcënimet nuk pinë më ujë. Dhuna barbare nuk jep më efekt. Vetëm sa i shton radhët dhe vendosmërinë e shqiptarëve për të mos e lënë Shqipërinë peng të krimit dhe kryeministrit më të korruptuar në historinë e pluralizmit.

 

• Nderim të veçantë për të arrestuarit dhe të burgosurit politikë të këtij regjimi në grahmat e fundit.  Sakrifica e asnjë shqiptari të bashkuar në këtë betejë nuk do të shkojë kot. Ora e drejtësisë për ata që vunë dorë mbi ju, po vjen. Dhunuesit do të marrin atë që meritojnë.

 

• Nuk mundet dhe nuk mund të humbë Shqipëria e shumicës, Shqipëria e shpresës, Shqipëria e dëshirës për një jetë me dinjitet në shtëpitë tona, Shqipëria që do të zgjedhë platformën më të mirë për ta nxjerrë vendin nga kriza e thellë ekonomike që ka pllakosur.

 

• Nuk ka Europë pa zgjedhje të lira. Nuk ka zgjedhje të lira pa votë të lirë. Nuk ka zgjedhje të lira pa opozitën.

 

 

• Ky është verdikti i popullit të bashkuar. Nuk ka kompromis me të keqen. Nuk ka pazar me Edi Ramën.

 

• Pazar me Edi Ramën, kurrë më! Largimi i tij është i panegociueshëm për t’i hapur rrugë vullnetit popullor, garës së ndershme, ndryshimeve politike, kushtetuese dhe zgjedhore, për ta krhyer procesin politik nga një makth për qytetarët në një shërbim për shqiptarët

 

• Kam një paralajmërim të qartë për atë që bëhet gati të konsumojë veprën penale të grushtit të shtetit dhe tradhtisë ndaj atdheut, duke zëvendësuar zgjedhjet e lira e të ndershme me një proces të korruptuar ligjor e të inkriminuar politikisht: Mos guxo!

 

• Asnjë shqiptar nuk e kursen sakrificën për liri dhe demokraci! Unë i pari dhe gjithë shqiptarët do të jemi në ballë për të ndaluar aktin kriminal dhe do ta ndalojmë këtë grusht me çdo çmim! Kjo është një betejë për jetë a vdekje!

 

• Taulant Balla, Damian Gjiknuri! Tabulatet tuaja janë depozituar tek partnerët ndërkombëtarë, mdërsa u bëni presion 4 anëtarëve të KQZ-së që të marrin një vendim të paligjshëm për të eliminuar anëtarët e opozitës nga KZAZ-të, për të kryer një tjetër krim kushtetues.

 

• Sytë e opozitës, sytë e shqiptarëve, sytë e partnerëve tanë euroatlantikë po ju vëzhgojnë çdo minutë! Ju, o sejmenë të Edi Ramës, nuk keni asnjë shans të kryeni grushtin e shtetit! Tërhiquni sa nuk është vonë! Përndryshe, Kushtetuta dhe sovrani do t’ju gjykojnë! Do të merrni dënimin e merituar!

 

 

FJALA E KRYETARIT LULZIM BASHA NË TAKIMIN E BERATIT

 

Zonja dhe zotërinj!

Të rinj dhe të reja të Beratit!

 

Me fjalë nuk i shpreh dot emocionet e kësaj pritjeje madhështore që, në fakt, është mesazhi më i qartë, më i vendosur, më i prerë, mesazh ndaj atyre dhe atij që e ka mbajtur Beratin peng, ka mbajtur qytetarët e Beratit peng që, me krimin, me oligarkinë, i ka vjedhur, i ka varfëruar, i ka shpronësuar, i ka shpunësuar, i ka dërguar në emigracion dhe që guxon të mendojë se do t’i hedhë kularin në fyt Beratit me 30 qershor.

 

Nuk do të ketë zgjedhje me krimin, me hajdutët.

 

Dëgjojeni Beratin, shikojeni Beratin, Beratin e shpresës, Beratin e lirisë, Beratin e demokracisë! Berati dhe beratasit janë në këmbë për dinjitet, për liri, për demokraci, për Shqipërinë si e gjithë Evropa.

 

Më lejoni ta them këtu nga Berati. Pas vizitës sime në Perëndim, se bashkë me aleatët tanë euro-strategjikë, do ta bëjmë Shqipërinë si e gjithë Evropa. Asnjë hap pas drejt diktaturës së krimit, drejt despotizmit me frymëzim lindor. Ne e kemi bërë zgjedhjen tonë. Ne e kemi nisur këtë betejë madhështore jo për pushtet, jo për karrige, po për një ideal që frymon prej ditës tonë të parë si demokratë: ne do ta bëjmë Shqipërinë si e gjithë Evropa.

 

Vëllezër dhe motra!

 

E kam të vështirë kur mesazhet i jep salla, i japin njerëzit, i japin qytetarët, i jep populli. E kam të vështirë të nguroj me këto mesazhe, që ngrohin dhe ngrenë peshë shpirtat e shqiptarëve me shpresën e madhe që po mbulon si bekim anembanë vendin, për një ndryshim të madh e të thellë që po vjen. Por, më lejoni, në respektin tuaj dhe të mijëra të tjerëve që na ndjekin me sytë dhe veshët e shpresës, me shpirtin pezull dhe me vendosmërinë për të shkuar deri në fund të betejës tonë për Shqipërinë si e gjithë Evropa, të ndajmë bashkë disa mesazhe të qarta për të gjithë.

 

Zonja dhe zotërinj!

 

Në këtë betejë jemi bashkuar si kurrë më parë. Balli i betejës i takon opozitës, u takon demokratëve, por kurrë më parë nuk kam parë kaq shumë qytetarë të ngrenë gishtat e të përshëndesin, jo thjesht si simbol i një partie politike, por si simboli global i fitores, i fitores së shpresës mbi frikën, i fitores së kurajos, i fitores së qëndresës, i fitores së idealit evropian dhe vlerave të patjetërsueshme të dinjitetit të njeriut, të fjalës së lirë, të votës së lirë, të lirisë për të punuar, prodhuar e jetuar me djersën e ballit, të barazisë para ligjit, të zgjedhjeve të lira e të ndershme, themeli i Shqipërisë Evropiane.

 

Kurrë nuk ka qenë më i madh një bashkim popullor sesa ky, kurrë nuk ka qenë më e tmerruar, më e çoroditur, më në panik pakica që kemi përballë, pakica e Edi Ramës, e një grushti banditësh dhe horrash, e një grushti oligarkësh hajdutë dhe hyzmeqarësh, të cilët për 6 vite me radhë ishin padronët, ishin zotërit në shtëpitë e shqiptarëve, kapën të gjithë pushtetet, u ulën në sofër krimin, asgjësuan drejtësinë e pavarur dhe shkatërruan, kësisoj, qindra, mijëra ekonomi familjare, i zhytën në mjerim, i larguan për në kurbet dhe i kthyen shërbimet e shtetit në një ferr të vërtetë, me taksa të larta dhe zero shërbime, me hajdutëri rekord. Një pakicë e vogël, e kapur duke vjedhur zgjedhjet, e kapur duke vjedhur shqiptarët, e cila kërkon, më kot të organizojë grushtin e shtetit më 30 qershor.

 

Zgjedhje me 30 qershor nuk do të ketë! Grushti i shtetit do të ndalet! Me çdo çmim, me çdo kusht, me çdo sakrificë do të mbrojmë lirinë dhe dmeokracinë!

 

Paniku dhe çoroditja që derdhet në çdo fjalë e në çdo broçkull të Edi Ramës, tregon se çeta e tyre e shpartalluar ka humbur arsyen, ka humbur qetësinë. Dhe e ka mbërthyer paniku. 30 qershori nuk mund të jetë ditë zgjedhjesh. 30 qershori është një tentativë për një grusht shteti kushtetues. Dëgjojeni pak të çoroditurin, të cilit populli i ka futur frikën në palcë me bashkimin dhe qëndresën e jashtëzakonshme gjatë këtyre javëve dhe muajve, se çfarë thotë: nuk i shtyj zgjedhjet se nuk më lë kushtetuta.

 

Ta harrojmë për një çast se dy herë i shtyu zgjedhjet më 2007-ën sepse kërkoi që çdo votues të sillte me vete çertifikatën e lindjes. 2 herë i shtyu zgjedhjet, ndërsa tani thotë se s’më lë kushtetuta.

 

• Kundër kushtetutës nuk është shtyrja e një procesi kriminal si ky që mendon se do të ekzekutojë me 30 qershor.
• Kundër kushtetutës është të emërosh kandidatë me rekorde kriminale, trafikantë, vrasës dhe përdhunues, siç bëri Edi Rama.
• Kundër kushtetutës është të shantazhosh dhe të kapësh drejtësinë për të mos lejuar zbardhjen e krimit elektoral të vitit 2017-ës.
• Kundër kushtetutës është të detyrosh qytetarët të shkojnë drejt një grushti shteti me 1.4 milionë karta identiteti fallco, me 1.4 milionë karta identiteti të skaduara.
• Kundër kushtetutës është të fusësh duart dhe të manipulosh regjistrin e gjendjes civile, të manipulosh regjistrin e adresave.
• Kundër kushtetutës është të shkelësh Kodin Zgjedhor për të emëruar opozitë fallco e kandidatë fallco.
• Kundër kushtetutës është të emërosh kandidatë për kryetarë bashkie njerëz të cilët duhet të kishin dalë jashtë për shkak se i kap Ligji i Dekriminalizimit.
• Kundër kushtetutës është që në vend që të shkojnë në burg, ata që vodhën votën e shqiptarëve, në bashkëpunim me krimin në vitin 2017 dhe në zgjedhjet e Dibrës në vitin 2016, ata promovohen dhe u besohet një proces pseudoelektoral, që, në fakt, është një tentativë për grusht shteti, në bashkëpunim me krimin e organizuar.

 

Edi Rama është kundër kushtetutës, kundër lirive dhe të drejtave themelore të njeriut.

 

• Kundër kushtetutës është të asgjësosh gardianin e kushtetutës, Gjykatën Kushtetuese, të asgjësosh Gjykatën e Lartë.
• Kundër kushtetutës është të kapësh prokurorinë vetëm e vetëm nga tmerri se dosjet 184 e 339 zbulojnë se porositësi, ekzekutori dhe garantuesi i prishjes së zgjedhjeve, siç e publikoi edhe media evropiane, është vetë Edi Rama, kryebanditi në krye të qeverisë bandite.

 

Bashkimi ynë është i vetmi bashkim kushtetues.

 

Është detyra jonë të mos rrimë duarkryq, por të ndalojmë me të gjitha mënyrat dhe mjetet këtë grusht shteti kushtetues, të cilin Edi Rama dhe krimi e mendojnë si alternativën e vetme për të mbajtur pushtetin me dhunë dhe për të vazhduar për të vjedhur e grabitur shqiptarët e pafajshëm, ndërkohë që vetë pasurohet, duke u renditur mes politikanëve më të korruptuar e më të pasur ndër despotatet e Lindjes.

 

Ndaj shqiptarët janë bashkuar.

 

E kuptojnë fare mirë, kjo nuk është një fushatë elektorale. Kjo nuk është një fushatë partish, as një betejë partish.

 

Kjo është një betejë e të gjithë shqiptarëve kundër një kupole, një pakice që, pasi ka asgjesuar drejtësinë, pasi ka asgjësuar parlamentin, pasi ka kthyer qeverinë në një vegël grabitëse të oligarkëve grabitqarë dhe të krimit të organizuar, tani do të çimentojë pushtetin e krimit, duke shkelur të gjithë ligjet dhe Kodin Zgjedhor duke shkelur kushtetutën, për të imponuar një proces fallc, një proces pa garë, kundër rregullave, pa asnjë garanci për qytetarët shqiptarë, në mënyrë që të emërojë në bashkitë e vendit kriminelë apo të emëruar të kriminelëve. Kjo nuk mund të ndodhë, kjo nuk do të ndodhë kurrë.

 

Krimit dhe Edi Ramës në bashkëpunim me të po i numërohen orët mbrapsht.

 

Asnjë kërcënim nuk pi më ujë, asnjë dhunë barbare nuk jep më efekt. Vetëm sa i shton radhët tona, vetëm sa e bën edhe më të prerë vendosmërinë tim, të Partisë Demokratike, të Opozitës së Bashkuar dhe të shqiptarëve të bashkuar.

 

Nuk do ta lëmë Shqipërinë peng të krimit dhe hajdutërisë.

Nuk do ta lëmë Shqipërinë peng të kryeministrit më të korruptuar, më të dështuar, më të paaftë e më të inkriminuar në historinë 29 vjeçare të pluralizmit.

 

Nuk ka asnjë forcë që na ndal në kauzën tonë të drejtë.

 

Nderim dhe mirënjohje për ju vëllezër e motra që i mposhtët ditët e errësirës, ditët e dëshpërimit. Ky diell i shpresës është, në radhë të parë, fryt i kurajos tuaj, i gjithësecilit prej jush, i qindra e mijëra shqiptarëve që u bashkuan dhe ndezën pishtarin e shpresës në errësirën e shtypjes.

 

Nderim të veçantë për të arrestuarit dhe të burgosurit politikë të këtij regjimi në grahmat e fundit. Sakrifica juaj nuk do të shkojë kot.

 

Sakrifica e asnjë shqiptari të bashkuar në këtë betejë nuk do të shkojë kot. Andi Refat Begën, Driton Hydajet Çelën, Sami Bajram Çelën dua t’i përshëndes nga kjo sallë dhe t’ju them: Ju jeni heronj! Ju jeni të burgosur politikë. Ora e drejtësisë për ata që vunë dorë mbi ju, po vjen. Dua t’ju garantoj ju dhe të gjithë të burgosurit e tjerë politikë, se shumë shpejt do të vendoset drejtësia në vend dhe se dhunuesit do të marrin atë që meritojnë. Kushtetuta dhe ligji, do t’ju rikthejnë ju, dinjitetin, nderin dhe mirënjohjen e thellë të një kombi për sakrificën tuaj për liri dhe demokraci. Përshëndetje edhe Idejat Çelës, babait të Aleksandrit. Përshendetje Aleksandrit!

 

Asgjë nuk na tremb, asgjë nuk na ndal, sepse ne luftojmë për një kauzë të drejtë.

 

Ne luftojmë për t’u rikthyer shqiptarëve parlamentin e marrë peng nga krimi.

Ne luftojmë për t’u rikthyer shqiptarëve të drejtën për të zgjedhur dhe shkarkuar qeveritë me votën e tyre dhe jo me diktatin e krimit.

Ne luftojmë që nesër parlamenti të mos jetë peng as i trafikantëve, as i oligarkëve, por të jetë peng i qytetarëve shqiptarë.

 

Në fund të kësaj beteje, e cila do të përfundojë me një qeveri tranzitore pa Edi Ramën kryeministër, do të nisë menjëherë çmonitimi i strukturave kriminale, vënia e tyre para drejtësisë. Me të gjithë qytetarët shqiptarë do të nisë një konsultim kombëtar për të vendosur sëbashku sistemin zgjedhor, për të kufizuar pushtetet, për të ndarë dhe balancuar degët e veçanta të pushteteve, për t’u rikthyer shqiptarëve të drejtën për të vendosur me referendum për të gjitha çeshtjet kryesore që kanë të bëjnë me sigurinë, jetën dhe shendetin tuaj.

 

Kushtet për një reformë të tillë do të krijohen vetëm pasi të kemi fituar betejën kushtetuese, të kemi ndalur tentativën për grusht shteti, të kemi kthyer mbrapsht falangat e krimit dhe të kemi larguar sëmundjen më të keqe në këto 29 vjet, të keqen më të madhe në këto 29 vjet: Edi Ramën dhe skuadrën e tij kriminale.

 

Ndaj për këtë betejë ia vlen çdo sakrificë.

Ndaj shqiptarët janë bërë bashkë si asnjëherë tjetër.

 

Nuk mundet dhe nuk mund të humbë Shqipëria e shumicës, Shqipëria e shpresës, Shqipëria e dëshirës për një jetë me dinjitet në shtëpitë tona, Shqipëria që do të zgjedhë platformën më të mirë për ta nxjerrë vendin nga kriza e thellë ekonomike që ka pllakosur.

 

Ju e dini se ne demokratët kemi zgjidhjet për ekonominë, ne kemi zgjidhjet për njerëzit në nevojë, ne kemi zgjidhjet për studentët dhe sipërmarrjen, ne kemi zgjidhjet për fermerët. Ne duam që zgjidhjet tona, të kenë përballë një kundërshtar politik dhe shqiptarët të vendosin me votë. Platforma jonë do të ndalë menjëherë krizën ekonomike, duke u kthyer shqiptarëve qindra million euro që sot u grabiten nga oligarkët, përmes masave të forta ndëshkuese, për ta shkëputur Shqipërinë nga thonjtë e oligarkëve, duke anulluar kontratat e tyre abuzive dhe korruptive.

 

Qindra million euro, që sot grabiten nga ata, do të kthehen në rritje rrogash dhe pensionesh. Do të kthehen në financim për studentët, do të kthehen subvensione për fermerët. Do të kthehen në ndihmë ekonomike për të gjithë njerëzit në nevojë. Do të kthehen në masa që do të nxisin investimet, duke ulur që ditën e parë çmimin e naftës, duke eleminuar taksën Rama 300 lek për litër, duke ulur çmimin e energjisë., duke e kthyer Shqipërinë në fashën e vendeve konkuruese me rajonin dhe Europën.

 

Por miqte e mi, kjo është një betejë idesh, vizionesh, frymëzimi, deshire, pasioni, për ta nxjerrë Shqipërinë nga kriza dhe kjo është detyra jonë në fushatën elektorale.

Por, fushatë elektorale dhe zgjedhje nuk ka për të patur, sa kohë që Edi Rama dhe kriminelët janë ulur në sofrën e qeverisë, të babëzitur, të vendosur për të çuar në fund planin e tyre antikushtetues. Ne kemi një detyrë më madhore, një detyrë jetike për demokracinë dhe për lirinë. Sa mirë e keni bërë këtë detyrë deri më sot. Në tre muaj është zgjuar bota perëndimore dhe i ka parë të vërtetat e Shqipërisë dhe ka dëgjuar zërin, klithmën e një populli që i do standardet e Europës dhe që është në dashuri me lirinë dhe demokracinë amerikane. Një populli europian, një populli atlantik, që nuk do ta pranojë kurrë duvakun oriental të një despoti të falimentuar dhe të inkriminuar, si Edi Rama.

 

Nuk ka Europë pa zgjedhje të lira.

Nuk ka zgjedhje të lira pa votë të lirë.

Nuk ka zgjedhje të lira pa opozitën.

Ky është verdikti i popullit të bashkuar.

Nuk ka kompromis me të keqen.

Nuk ka pazar me Edi Ramën.

 

Këtu nga kjo sallë, 4 muaj më parë, u zotova se, nëse ligji për vettingun e politikanëve nuk do të miratohej, opozita do të bënte hapin përfundimtar dhe do t’i bindej sovranit, do t’i digjte mandatet. Kjo ndodhi!

 

Këtu nga kjo sallë ju them sonte: Pazar me Edi Ramën, kurrë më! Largimi i tij është i panegociueshëm për t’i hapur rrugë vullnetit popullor, per t’i hapur rrugë garës së ndershme, për t’i hapur rrugë ndryshimeve politike, kushtetuese dhe zgjedhore, që do të rikthejnë garën politike për të çliruar edhe PS nga sundimi i krimit dhe për ta krhyer procesin politik nga një makth për qytetarët në një shërbim në funksion të shqiptarëve dhe të mirës së tyre të përgjithshme materiale, shpirtërore, kulturore si komb, si shoqëri, si familje, si ndividë. Kjo, pra, miqtë e mi është beteja!

 

Në pak muaj kjo vendosmëri, kjo qartësi shpirtrash dhe mendjesh për të mos qenë kurrë më skllevër të krimit, për të mos pranuar më zot në shtëpinë tonë mrimin dhe Edi Ramën bashkë me të, për të qenë zotër të fateve tona në shtëpitë tona, në shkollat e fëmijëve tanë, në spitale, në sipërmarrje, për të bërë këtë të mundur duhet që kjo betejë të shkojë deri në fund.

 

Këtë të shtunë, një bashkim tjetër i madh zemrash dhe mendjesh do të zbarkojë në Tiranë. Nuk ka nevojë të ma thoni, unë e dëgjoj, që Berati do të jetë në krye, bashkë me gjithë shqiptarët e ndershëm për ta çuar këtë betejë deri në fund.

 

Kam një paralajmërim të qartë për atë që bëhet gati të konsumojë veprën penale të grushtit të shtetit dhe tradhtisë ndaj atdheut, duke zëvendësuar zgjedhjet e lira e të ndershme me një proces të korruptuar ligjor e të inkriminuar politikisht. Mos guxo! Asnjë shqiptar nuk e kursen sakrificën për liri dhe demokraci! Unë i pari dhe gjithë shqiptarët do të jemi në ballë për të ndaluar aktin kriminal dhe do ta ndalojmë këtë grusht me çdo çmim! Nuk e dorëzojmë Kushtetutën, nuk e dorëzojmë demokracinë!

 

Por dijeni, ju, një grusht njerëzish që për përfitimiet tuaja apo rekordet tuaja të zeza kriminale jeni mbledhur si një grusht me këtë pakicë se, nëse tentoni grushtin e shtetit më 30 Qershor, do t’ju arrestojmë dhe t’ju çojmë para drejtësisë, nga ku buron forca e pposhtur e popullit për liri për demokraci, për shtet ligjor.

 

Kjo është nje betejë për jetë a vdekje! Do të prevalojë diktati i krimit, diktati i të korruptuarve deri në palcë, shkelja e kushtetutës, shkelja e Kodit Zgjedhor, emërimi i kandidatëve me rekorde kriminale dhe pastaj fallsifikimi masiv më 30 Qershor, për të cilin kanë filluar përgatitjet që sot?

 

Po po! Taulant Balla, Damian Gjiknuri, tabulatet tuaja anë depozituar tashmë tek partnerët ndërkombëtarë, teksa u bëni presion 4 anëtarëve të KQZ-së që të marrin një vendim të paligjshëm për të eliminuar anëtarët e opozitës nga KZAZ-të, për të kryer një tjetër krim kushtetues. Mendoni se nuk ju sheh njeri? E keni gabim!

Mendoni se shktaërruat Gjykatën Kushtetuese dhe Gjykatën e Lartë, kapët Prokurorinë? E keni gabim!

Sytë e opozitës, sytë e shqiptarëve, sytë e partnerëve tanë euroatlantikë po ju vëzhgojnë çdo minutë! Ju, o sejmenë të Edi Ramës, nuk keni asnjë shans! Rama ik!

 

Nuk keni asnjë shans të kryeni grushtin e shtetit!

 

Tërhiquni sa nuk është vonë! Përndryshe, Kushtetuta dhe sovrani do t’ju gjykojnë! Drejtësia e pavarur  do t’ju japë atë që me Kod Penal, me Kushtetutë dhe me nder të flamurit kuq e zi, i takon çdo tradhëtari, dënimin e merituar me ligj!

 

Këto janë sfida historike, te cilat kërkojnë kurajo dhe vendosmëri historike. Të bekuar janë kombet që, në momente të tilla, kanë burra dhe gra, të rinj dhe të reja si ju që keni mbushur këtë sallë, si ata qindra e mijëra që mbushin sheshet e protestës.

 

Kur kjo betejë të përfundojë, kur shqiptarëve t’u kemi kthyer lirinë dhe dinjtetin, demokracinë dhe shtetin ligjor, barazinë para ligjit;

Kur, së bashku, të kemi reformuar sistemin politik, të kemi ndarë e balancuar pushtetet;

Kur të kemi kthyer, pra, të gjitha kushtet europiane për të jetuar me dinjitet në një vend të pasur, por të vjedhur, ku hajdutët nuk gradohen e promovohen, por shkojnë para drejtësisë dhe ku puna e ndershme nuk prodhon mjerim, por mirëqenie, nder, dinjitet, kënaqësi për baballarët, nënat, të rinjtë dhe të rejat, do të shikojmë pas e do të themi: kjo ishte ora fatlume, kur shqiptarët e i thanë jo errësirës, kur shqiptarët e veanë frikën, kur gjithkush gjeti brenda vetes kurajon me te cilën na frymëzon i madhi Zot, që ka krijuar gjithësecilin prej nesh në shëmbëlltyrën e tij dhe jo kokëulja skllavërore, as depersonalizimi, as servilizmi, as frika, por kurajo, kurajo për të luftuar, për të qëndruar, për të fituar.

 

Zoti e bekoftë Beratin’

 

Zoti e bekoftë orën e ahoresës, orën e ndryshimit që po vjen!

Zoti e bekoftë Shqipërinë dhe shqiptarët kudo ku janë!

Fitore!

Read More

 

• Gjithçka që është arritur në raport me të përndjekurit politikë, është meritë e PD-së dhe gjithçka që nuk është arritur, është përgjegjësi e Partisë Demokratike. Ndjesa e thellë për gjithçka që nuk është arritur, është e jona. Zotimi është i imi dhe i PD, për të ta çuar deri në fund!
• Pengesa më e madhe për bashkëpunim me Partinë Socialiste është lartësimi prej I vesit dhe kriminelëve, njësoj si diktatura komuniste. Na pengon jo thjeshtë prej retorikës, por për shkak të falsifikimit brutal të historisë, lartësimit të vesit të kriminelëve
• Vesi dhe krimi komunist u lartësuan, u rehabilituan, ndërsa vlerat për të cilat u sakrifikuan shumë shqiptarë, u përdhosën dhe u lanë në harresë. Ne e lamë harresën të mbizotëronte mbi kujtesën, dhe kësisoj nuk i dhamë ndëshkimin e merituar moral, total, diktaturës komuniste dhe krimeve të saj
• Betejën e vlerave mbi vesin e krimit mund ta fitojmë, vetëm nëse rivendosim, si kudo në Europë, hirearkinë e duhur të vlerave mbi vesin dhe jo të vesit mbi vlerat. Ky është dhe vyrtyti më i madh dhe ndërimi më i madh që i bëjmë përmes kujtesës, atyre që dhanë jetën, për besimin në Zot dhe në Atdhe
• Sot kemi të njëjtin model përballë. Është modeli i krimit, vetëm kësaj rradhe jo i veshur me petkun e ideologjisë vrastare, komuniste, marksiste-leniniste, staliniste. Është petku i vlersimit dhe ngritjes së hiçit, hipokritit, të servilit, të hajnit, të njeriut pa besim në në Zot dhe në Atdhe.
• Pema e lirisë, vaditet nga gjaku i patriotëve dhe i tiranëve! Kjo thënie e famshme e Thomas Jefferson, më shkon sot ndërmend, teksa përgatitemi për çdo sakrificë, për çdo çmim, për të mbrojtur demokracinë dhe lirinë, dhe kurrë më për të mos lënë një diktaturë të vesit të dhunojë Shqipërinë

 

FJALA E KRYETARIT BASHA NE PERURIMIN E MEMORIALIT TE VIKTIMAVE KOMUNISTE NE SHKODER

 

Të dashur miq, më lejoni të them fare shkurtimisht 3 gjëra, në një përpjekje të kotë për të konkurruar të pakonkurrueshmen, simfoninë që shoqëroi sot këtë monument madhështor që sapo u inaugurua në Shkodër. Në Evropë, por edhe në Shqipëri e kemi zakon, që kur inaugurojmë vepra të tilla, luhen pjesë arti. Simfonia që shoqëroi këtë monument ishin parafolësit, ishte Uran Kostreci, ishte zonja Saraçi, përfaqësuese e familjes Mulleti, dhe të tjerët, parafolësit e mëparshëm, përfaqësues të nderuar të shoqatave të të persekutuarve politikë të Shkodrës, të Shoqatës Antikomuniste, të tjerë personalitete të nderuar, presidenti i Unionit Mbarëkombëtar, të cilët jam i sigurtë se folën për dhjetëra, qindra të përndjekurve dhe pasardhësve të të përndjekurve këtu në këtë sallë.

Ndaj, mendimi i parë që dua të ndaj me ju është se jam shumë i emocionuar dhe shumë i privilegjuar që sot, me ftesë të bashkëorganizatorëve, të bashkisë së Shkodrës, të zonjës kryetare, dhe organizatorëve të tjerë, ndodhem në një moment kaq emocionues, kaq prekës por edhe kaq domethënës, jo vetëm për historinë, por edhe për të sotmen dhe të nesërmen e Shkodrës dhe të mbarë Shqipërisë e të të gjithë shqiptarëve, e në veçanti të brezave që do të vijnë.

Ju falenderoj nga zemra për ftesën e që më bëtë pjesë të këtij aktiviteti.

Ndonëse kryetarja e bashkisë dhe mikpritësit e tjerë i bënë falenderimet, edhe unë dua t’ju shpreh mirënjohje të thellë atyre që kanë ardhur nga larg, drejtueses së institutit të Krimeve të Komunizmit në Gjermani, dhe 20 miqve gjermanë që na bashkohen në këtë ngjarje të veçantë, kontribuesve për arritjen e kësaj vepre kaq prekëse, të cilën dua t’i ftoj të gjithë qytetarët e vendit tim, e në veçanti të rinjtë dhe fëmijët, të gjejnë kohën një ditë dhe të vijnë në Shkodër e ta shohin nga afër, sepse rrallëherë bashkohen në një vepër arti mendimi e emocioni kaq bukur sa në këtë vepër që inauguruam sot. Në veçanti dua të falenderoj ata që kanë kontribuar nga larg, Konferencën e ipeshkvijve Katolikë të SHBA, Arqipeshkvinë Metropolitane të Shkodrës, Renovabis, “Paqe dhe drejtësi”, natyrisht Shoqatën e të përndjekurve politikë, zotin Drangu, dhe të gjitha shoqatat e tjera, dhe natyrisht Bashkinë e Shkodrës, kryetaren Voltana Ademi por edhe ish-kryetarin Lorenc Luka, meqenëse puna nisi edhe më herët, si dhe Këshillin Bashkiak të Shkodrës.

Mirënjohje për të gjithë ata që kanë kontribuar përmes ideve, pasionit, por edhe donacioneve, për ta bërë këtë projekt të mundur. Mirënjohje të veçantë për klerin, që ndodhet i përfaqësuar sot, krah për krah, siç është gjithmonë, kudo në Shqipëri e në veçanti këtu në Shkodër, për hoxhallarët, për priftërinjtë, për murgjit, të cilët i dhanë dimensionin hyjnor kësaj ceremonie, me lutjen që bënë njëherë pas zbulimit dhe inaugurimit të Memorialit.

Zonja dhe zotërinj, unë jam këtu si kryetar i Partisë Demokratike, ndaj dua t’ju them së pari, se vij këtu me vetëdijen e plotë të peshës dhe përgjegjësisë që kam unë dhe partia ime. I vetëdijshëm  se gjithçka që është arritur në raport me borxhin e pashlyeshëm të mirënjohjes kombëtare, morale, ndaj të përndjekurve politikë, familjarëve dhe pasardhësve të tyre, është meritë e PD-së dhe gjithçka që nuk është arritur, është përgjegjësi e Partisë Demokratike. Nuk mund ta kërkoni, as nuk dua ta kërkoni askund tjetër. Përgjegjësia është e jona. Ndjesa e thellë për gjithçka që nuk është arritur, është e jona.

Zotimi është i imi dhe i PD, për të ta çuar deri në fund!

E them këtë me hidhërim të thellë në zemër, sepse kjo duhet të ishte një nga çeshtjet që duhet të na bashkonte, të gjithë partitë politike, në veçanti partitë kryesore në vend. Por e dimë fare mirë, se diçka na pengon ta bëjmë këtë duke i shtrirë njëri-tjetrit. Akoma na pengon!

Na pengon edhe këto ditë, kur nesër bëhemi gati të përkujtojmë Spaçin e pasnesër 35-vjetorin e Qafë-Barit. Na pengon jo thjeshtë dhe vetëm prej retorikës, por për shkak të falsifikimit brutal të historisë, lartësimit të vesit të kriminelëve, që i shërbyen vesit dhe zhytjes së Shqipërisë në mjerimin më të madh human që ka njohur Europa. Po kështu në sulmet denigruese ndaj atyre që guxojnë të zbardhin të vërtetën, drejtuesit e institutit, Agron Tufës dhe studiuesve të tjerë, Çelo Hoxhës dhe çdokujt tjetër që përpiqet të zbardhë me kurajo të vërtetat e triumfit 50-vjeçar të vesit mbi vlerën.

Na pengon diçka më e madhe se kaq. Triumfi i vesit mbi vlerën vazhdon.

Sot është rasti të hedh një hap pas nga retorika politike që është e nxehur tej mase, sepse e nxehur tej mase është e nxehur edhe kriza politike në Shqipëri dhe që kërkon zgjidhje dhe zgjedhje.

Të hedh një hap pas dhe në praninë e nderuar dhe të ndriçuar të kësaj sale, të kuptojmë se një nga arsyet pse kundërshtarët tanë politikë, vazhdojnë të promoovojnë me këmbëngulje vesin, krimin, është sepse vesi me krimin kurrë nuk u denuan ashtu siç duhet. Në fakt u lartësuan, u rehabilituan, ndërsa vlerat për të cilat u sakrifikuan shumë shqiptarë, burra fisnikë dhe trima të pushkës, të mendjes dhe të penës. Gra kurajoze, si ato që Europa i ka ngritur në mitet e saj këto  400 vjet. Fëmijë që u poqën para kohe dhe që sot i kemi mes nesh me thinja në kokë.

Një nga arsyet kryesore, pra është, se ne e lamë harresën të mbizotëronte mbi kujtesën, dhe kësisoj nuk i dhamë ndëshkimin e merituar moral, total, diktaturës komuniste dhe krimet e saj të përbindëshme. Përtej çdo dëshpërblimi, financiar, moral, personal, që ky komb dhe ky shtet i ka borxh çdo të përndjekuri dhe çdo familjari apo pasardhësi, dhe për të cilin: po, për ti kthyer përgjigje zonjushes që më pyeti nëse do të ketë një ndryshim të ligjit, për të rivendosur atë në binarët e kushtetutshmërisë dhe për ta larguar nga modeli i poshtër që kaloi para disa vitesh, për të ndëshkuar familjarët e të përndjekurve.

Por përtej kësaj bëhet fjalë për diçka shumë më të madhe. Bëhet fjalë për ndëshkimin e krimit, për dënimin e krimit ne nivel kombëtar.

Zonja dhe zotërinj, këtu koha ka ardhur, jo thjeshtë dhe vetëm për të lartësuar monumente si ky në Shkodër, si ai që pata rastin modestisht të ngremë në Tiranë bashkë me të përndjekurit poilitikë dhe artistët, ku ndodhen shtyllat origjinale të galerive shfarosëse të Spaçit, apo për ti ruajtur dhe për ti kthyer në vende peligrinazhi për brezin e ri, vendet e tmerrëshme të torturës dhe të shfarosjes komuniste, siç pata rastin të vizitoj, nën shoqërinë e Simon Mirakës, kampin e Tepelenës.

Pra, për të treguar, jo thjeshtë me fjalë, por me dëshmi të pashlyeshme, vendet mënyrat, kohën, se si, kush e bëri të mundur që për 50 vite krimi dhe vesi të qëndronin mbi vlerat, ti mposhtnin vlerat, ti mundnin vlerat, ti burgosnin ato, ti interrnonin, ti vrisnin, ti pushkatonin dhe ti torturonin.

Sepse vetëm kështu, mund ta mundim këtë model, që përsëri është i njëjti. Është modeli i krimit, vetëm kësaj rradhe jo i veshur me petkun e ideologjisë vrastare, komuniste, marksiste-leniniste, staliniste. Është petku i vlersimit dhe ngritjes së hiçit, hipokritit, të servilit, të hajnit, të njeriut që përbuz familjen, të njeriut pa besim në vete dhe në komunitet, në Zot, në Atdhe, dhe që përbuz thesarin e paçmueshëm shpirtëror që kanë të gjitha ata që nuk lakmojnë as pushtet, as pasuri, por një jetë të ndershme dhe dinjitoze, me djersën e ballit dhe në harmoni me njëri-tjetrin.

Këtë betëjë mund ta fitojmë në afat të gjatë, vetëm nëse rivendosim, si kudo në Europë, hirearkinë e duhur të vlerave mbi vesin dhe jot ë vesit mbi vlerat. Ky është dhe vyrtyti më i madh dhe ndërimi më i madh që i bëjmë përmes kujtesës, atyre dhanë jetën, rininë, për vlerat, për besimin në Zot, në Atdhe, në fjalën e lirë, në votën e lirë, pa të cilat nuk mund të ketë vlera, nuk mund të ketë shoqëri të emancipuar dhe të përparuar.

Së fundmi, miqtë mi më lejoni, në respektin më të thellë të familjarëve, të atyre që u vranë dhe u interrnuan dhe u burgosën, për traumat e papërshkrueshme, të paimagjinueshme, për shumë e shumë shqiptarë dhe që shpresoj se monumente si ky e rrëfime si këto të sotmet, do ti bëjnë paksa të përfytyrueshme, për të kuptuar kalvarin në të cilin kaloi një pjesë e madhe e Shqipërisë dhe shqiptarëve. Në respektin më të madh të atyre që vërtet janë viktima të kësaj dhune, t’ju lus: mos ti quajmë të tjerët  viktima, ata janë heronj. Ata janë martirë, pa të cilët kombi nuk mund të ketë fibrën e kujtesës, të qendresës dhe të ringritjes, siç u kujtua, siç u ringrit dhe siç qëndroi, kur rrëzuam diktaturën në vitin 1990-të.

Ata janë heronj!

Nuk ka fitore të vlerave pa heronj!

Nuk ka fitore të vlerave pa sakrificë sublime!

Pema e lirisë, vaditet nga gjaku i patriotëve dhe i tiranëve!

Kjo thënie e famshme e Thomas Jefferson, një prej baballarëve themelues të SHBA, më shkon sot ndërmend, teksa përgatitemi nën frymëzimin e heronjëve, që diktatura i donte të harruar, por qëë sot janë më të gjallë se kurrë në këtë monument, në këtë simfoni të sotme kujtese, nën frymëzimin e tyre pra, teksa përgatitemi për çdo sakrificë, për çdo çmim, për të mbrojtur demokracinë, për të mbrojtur lirinë, dhe kurrë më për të mos lënë një diktaturë të vesit të dhunojë Shqipërinë dhe shqiptarët.

Zoti ju bekoftë ju!

Zoti e bekoftë Shkodrën martire!

Zoti e bekoftë Shqipërinë!

Read More

Salianji: Pavarësisht padive, do të vazhdoj me denoncimin e aferave korruptive të ministrave dhe deputetëve të PS.  Pasurimi i pushtetarëve me tendera publikë është një arsye më shumë që shqiptarët të protestojnë në 25 Maj.

Përfaqësuesi i PD, Ervin Salianji deklaroi se do të marrë pjesë në çdo gjyq që ka me deputetët e PS për të denoncuar sërish skandalet korruptive të qeverisë dhe deputetëve të saj. Salianji ishte sot në Gjykatë pasi denoncoi me fakte zyrtsre se kompania  ebahskëshoritit të deputetes së PS, Klotilda Bushka Ferhati, e kishte rritur aktivitetin me disa herë, sapo PS ka marrë pushtetin.

“Këta duan të zhvasin, të vjedhin dhe t’u thuash “bravo ju qoftë”. Pasqyrat financiare të kompanisë “Elcom”, kompania e bashkëshortit të deputetes së PS,  në vitin 2012, kur Edi Rama nuk ishte në pushtet, ka patur pothuajse një bilanc negativ ose zero. Me ardhjen e “Rilindjes”, rilindi edhe kompania e familjes së Klotilda Bushkës, duke bërë xhiro mbi 3 miliardë lekë.” – u shpreh Salianji para gazetarëve, duke vënë në dukje se paditja në gjykatë nuk ka për ta ndaluar të denoncojë edhe skandale të tjera.

“Do të nxjerr para publikut edhe afera të tjera që nuk kanë marrë vëmendjen e duhur, për shkak të skandaleve të mëdha të qeverisë, jo vetëm për rastin në fjalë, për kompaninë e familjarit të vet, por edhe për raste të tjera të mbështetjes së personave, që janë përfshirë në pastrim parash apo në raste të ngjashme. Përfaqësuesit e PS të cilëve u janë fryrë xhepat pasi kanë ardhur në pushtet, nuk na trembin dot”.

Ervin Salianji theksoi se mungesa e Gjykatës Kushtetuese ia pamundëson opozitës kërkesën për heqjen e mandatit të Klotidlda Bushkës, bashkëshorti i të cilës ka përfituar edhe tendera publike në insitucione që kontrollohen nga PS. Salianji e cilësoi këtë rast shpërdorimi dhe abuzimi me pushtetin si rastin e duhur që nxit qytetarët t’i bahskohen protestës së 25 Majit.

Read More