Blog

 

 

DEKLARATE E SEKRETARIT TE PERGJITHSHEM TE PD GAZMENT BARDHI

 

Partia Demokratike dënon me ashpërsi deklaratën e Minstrisë së Brendshme si një deklaratë që nxit dhunë dhe nuk i shërben stabilitetit të vendit.

 

Qeveria që qëndron në pushtet me votat e blera nga krimi i organizuar dezinformon dhe mashtron opinionin publik për qëllimin e protestës së opozitës. Dhuna nuk është dhe nuk do të jetë kurrë qëllim dhe as mjet i Partisë Demokratike.

 

Deklaratat e Ministrisë së Brendshme se Partia Demokratike ka prodhuar dhe ka shpërndarë bomba molotov për protestën e sotme janë një sajesë e neveritshme, që synojnë përplasje, konflikt dhe frikë tek qytetarët.

 

Partia Demokratike ka thirrur sot një marshim proteste të gjithë qytetarëve kundër dhunës, për Shqipërinë si gjithë Europa.

 

I sigurojmë qytetarët se Partia Demokratike është e angazhuar vetëm për protestë paqësore. Partia Demokratike është parti e lirisë dhe e vlerave europiane dhe euroatlantike, ajo ka refuzuar dhe refuzon dhunën dhe bashkëpunimin me krimin për të ardhur në pushtet.  Është e dënueshme çdo përpjekje propagandistike e qeverisë për ta kundërvënë Partinë Demokratike me partnerët tanë, si në rastin e mbishkrimeve në banesën e ambasadorit të OSBE-së. Ne i kërkojmë prokurorisë të zbulojë kush janë autorët e këtij akti të shëmtuar dhe t’i vërë ata paërpara përgjegjësisë.

 

Dhuna është mjeti kryesor me të cilin Rama mban pushtetin, duke goditur qytetarët e pambrojtur. Është Edi Rama ai që nxorri me gaz lotsjellës nga shtëpitë banorët tek Bregu i Lumit, që kërcënon banorët e Astirt me shkatërrimin e shtëpive, që ka futur në burgje mbi 10 mijë qytetarë që nuk paguajnë dot energjinë elektrike, që u ka hequr bukën e gojës mijëra të tjerëve. Ky është zemërimi në rritje i mijëra e mijëra qytetarëve të tjerë, të poshtëruar e të dhunuar nga regjimi I Edi Ranës.

 

Partia Demokratike është e vendosur të mos bëjë asnjë hap prapa për të drejtën themelore politike të njerëzve të lirë, votën e lirë, të pandikuar nga krimi dhe korrupsioni, njësoj siç ndodh në Shtetet e Bashkuara të Amerikës, në Britani, Francë, Gjermani, Itali dhe kudo.

 

Protestat tona i shërbejnë vetëm këtij qëllimi. Ne jemi distancuar nga dhuna dhe e kemi dënuar atë që gjatë protestës së 11 Majit. Mediat kanë transmetuar live thirrjen e Kryetarit të Partisë Demokratike Lulzim Basha për protestuesit, që të mos cënojnë asnjë polic në krye të detyrës.

 

Skenarët kriminlaë të Edi Ramës, pengimi i së drejtës për të protestuar për opozitës dhuna dhe terrori mbi protestuesit nuk kanë për të na ndalur. Beteja jonë është për Shqipërinë si gjithë Europa, prandaj ne kemi mbështetjen e shumicës së shqiptarëve të ndershëm.

Read More

• Sandër Lleshaj dhe çdo bandit me uniformë që zbaton urdhrat e tij të paligjshëm për të goditur opozitën, do të mbajnë përgjegjësi personale. Prokuroria duhet të nisë menjëherë hetimet.

 

DEKLARATA E ENKELEJD ALIBEAJ

 

Partia Demokratike dënon me ashpërsi dhunën kriminale të policisë kundër protestuesve të shtunën dhe kundër sekretarit organizativ Sahit Dollapi.

 

Sandër Lleshaj, ky mbeturinë tranzicionit shqiptar do të mbajë përgjegjësi personale për urdhrat e paligjshëm që i ka dhënë policisë për goditjen e qytetarëve me gaz helmues luftarak dhe për përdorimin e dhunës fizike kundër protestuesve paqsorë.

 

Partia Demokratike disponon të dhëna të mjaftueshme për ta çuar sadistin Sandër Lleshajn para drejtësisë për shkelje flagrante të ligjit të policisë së shtetit!

 

Prokuroria duhet të nisë hetimet e menjëhershme për të provuar se urdhri për dhunën shtazarake kundër qytetarëve është dhënë nga Sandër Lleshaj me porosi të Edi Ramës.  Sandër Lleshaj, Drejtori i Përgjithshëm i Policisë Ardi Veliu, Drejtori i Policisë së Tiranës, Rebani Jaupi dhe krimineli tjetër me uniformë Arben Baro duhet të shkarkohen nga detyra dhe të hetohen menjëherë.

 

Ka prova filmike se Sandër Lleshaj, i cili në shkelje të ligjit komandon operacionet e policisë kundër opozitës, është duke u larguar si hajdut nga dera dytësore e Drejtorisë së Përgjithshme të Policisë së Shtetit, pasi njoftohet të shtunën në mbrëmje për zhvendosjen e protestës së opozitës.

 

Bashkimi ynë në marshimin e protestës sot ne oren 18:30, për zgjedhje të lira e të ndershme të garantuara nga një qeveri e përkohshme pa kryehajdutin Edi Rama, është beteja e vërtetë europiane, që e nxjerr Shqipërinë nga udhëkryqi i rrezikshëm dhe siguron stabilitet afatgjatë për vendin.

 

Ne jemi sot ne krah të popullit për t’i thënë Edi Ramës dhe kujtdo tjetër që ka vendosur të ndjekë rrugën e dhunës dhe të destabilitetit, se shqiptarët e bashkuar dhe opozita nuk gjunjëzohen përpara dhunës shtazarake të një qeverie që ka ardhur në pushtet me votat e blera me krimin e organizuar.

Read More

• Qytetarët dhe opozita e bashkuar në 18.30 sot sërish në protestë kombëtare.

• Edi Rama është sot një dordolec politik që nuk tremb më as sorrat dhe jo më qytetarët të cilët e kanë shkarkuar me masivitetin e protestës, me revoltën e tyre dhe me pakënaqësinë që kanë ndaj qeverisjes.

 

DEKLARATË E ERVIN SALIANJIT PËRPARA GJYKATËS PENALE

 

Sot ishte seanca e parë gjyqësore për çështjen “Xhafaj”, të ashtuquajtur “Babale”.

 

Jam këtu në respekt tuajin dhe në respekt të publikut pasi shumë i kam respektuar institucionet kur ka qenë situata për denoncimet e krimit dhe përfshirjes së tij në nivelet më të larta të qeverisjes.

 

Pa diskutim që Edi Rama dhe qeveria e tij kanë disa njerëz që i paguan me taksat e qytetarë që janë prokurorë për fat të keq të cilët duan ta zhvendosin vëmendjen dhe duan ta mbajnë vëmendjen tek opozita apo tek varrosja e çështjeve të rënda të korrupsionit dhe të lidhjes së qeverisë me krimin.

 

Qytetarët janë lodhur nga një drejtësi që nuk bën drejtësi por bën padrejtësi dhe shërben si varrmihëse e çështjeve të rënda në këtë Republikë dhe të gjithë e shohin ashtu siç edhe unë për kur kam hyrë në dyert e kësaj gjykate duke u përballur me qytetarë aty, të cilët nuk marrin drejtësi, por zvarriten e zvarriten.

 

Nuk është kjo drejtësia që ata presin.

 

Ashtu siç Rama ka disa njerëz që i paguan me taksat e qytetarëve për t’i përdorur kundër atyre që e denoncojnë, edhe unë do ta ndjek çështjen nëpërmjet avokatëve dhe do të vij kur të pranohet dëshmia e Ramës, Ballës, Xhafës, të gjithë personave të tjerë të përfshirë në këtë çështje dhe do të bëj kallëzim penal po ashtu edhe për drejtuesit e policisë, do e bej edhe përballë Gjykatës dhe prokurorëve për të gjithë zinxhirin e policisë së Shtetit të cilët janë të përfshirë në falsifikimin e kësaj dosjeje.

 

Kjo është një arsye shtesë për të gjitha arsyet që kanë qytetarët për të protestuar dhe unë i ftoj sot në orën 18.30 për të protestuar.

 

Sepse nuk gjejnë drejtësi dhe ne për këtë protestojmë, sepse kërkojnë dritë në fund të tunelit dhe gjejnë mjerim.

 

Sepse kërkojnë punësim dhe përballen me presion dhe agresion nga e qeverisë. Kërkoj arsim dhe përballen me injorancë.

 

Kërkojnë shëndetësi dhe përballen me sëmundje dhe ilaçe të skaduara jo vetëm për vete por të gjithë shoqërinë dhe trupën e institucioneve që përbëjnë këtë republikë.

 

Sot në orën 18.30 ne i bëjmë thirrje të gjithë qytetarëve që të bashkohen me ne dhe të protestojnë për të ndryshuar sistemin dhe pushteti të kalojë në duart e qytetarëve.

 

Secili sot duhet të vijë që të protestojë për vete.

 

Pyetje: Përse zgjidhni të përfaqësoheni me avokat kur mund të bëni vetë personalisht kërkesën për dëshmi.

 

Ervin Salianji: Vëmendja duhet të jetë tek protesta. Sot në dijeninë time nuk do të ketë proces për shkak të një precedenti me gjyqtaren që i ka rënë shorti dhe që është tërhequr në një rast të ngjashëm kur unë kam pasur një padi tjetër nga një përfaqësues i Partisë Socialiste.

 

Shortimi i falsifikuar apo i bërë me dorë lihen të gjitha për të zhvendosur vëmendjen.

 

Prandaj e mbaj sot vëmendjen tek protesta, tek arsyet për protestë. Seanca të tjera shumë të rënda që kanë të bëjnë me trafik ndërkombëtar droge dhe shpërdorim detyre dhe që janë nisur çështjet këtu e dy vite më parë, janë pas qershorit. Është shumë lajm i mirë që drejtësia të ecë me shpejtësi, por po ju them se nuk po ecën me shpejtësi, por është thjeshtë propagandë sepe do ta shihni që sot nuk do të ketë proces për shkak sepse ka precedent se gjyqtarja që i ka rënë dosja është tërhequr në një rast tjetër kur unë kam qenë prapë i kallxuar nga një përfaqësues tjetër i PS, në mos gabohem nga kryetari i Qarkut të Kukës, i akuzuar për prostitucion dhe është fituar si gjyq nga ana ime. Kam shumë gjyqe që i kam fituar edhe procedurialisht, por sot e mbajmë çështjen tek arsyet themelore se përse jemi në protestë.

 

Situata është se nuk ka asnjë të arrestuar nga personat e kapur në falsifikim në përgjimet e prokurorisë, por ka një akuzë qesharake për mua që kam denoncuar dhe për Jetmir Olldashin që ka investiguar si rast.

 

Jo vetëm që nuk trembem as nuk frikësohem, larg qoftë të kem frikë nga Rama.

 

Unë nuk kam frikë nga asgjë.

 

Frika më e madhe e imja është që të kem ndonjëherë frikë aq më tepër që nuk mund t’i bëj publike.

 

Aq më tepër që Edi Rama është sot një dordolec politik që nuk tremb më as sorrat dhe jo më qytetarët të cilët e kanë shkarkuar me masivitetin e protestës, me revoltën e tyre dhe me pakënaqësinë që kanë ndaj qeverisjes.

 

Pyetje: Z. Salianji, nisur nga provat e depozituara nga Prokuroria nuk keni frikë se Gjykata e Tiranës do t’ju dënojë për kallëzim të rremë?

 

Ervin Salianji: Jua thash që frika nuk hyn tek ndjesitë e mia. Frika më e madhe e imja është që të kem ndonjëherë frikë për më tepër gjyqe politike jo e jo.

 

Pa diskutim që e gjithë çështja dhe provat që ka grumbulluar prokuroria do të shërbejnë një ditë që të çojnë në arrest drejtorin e sotëm të Policisë së Fierit Andon Marko, ish drejtorin Albert Nushi, drejtorin e sotëm të Policisë së Shtetit dhe pa dyshim Fatmir Xhafën dhe të gjithë personat e tjerë që janë marrë me këtë çështje.

 

Jo vetëm që nuk kam frikë, jo vetëm që nuk ka asnjë provë që të implikojë, pasi kjo nuk është as ndonjë çështje për të qenë të frikësuar sepse nuk është as korrupsion as krim, sepse është denoncim dhe denoncime do të bëjmë rast pas rasti sa herë të kemi prova.

 

Të gjitha çështjet që kemi denoncuar nga Sajmir Tahiri dhe Ilir Beqja që është i larguar sot, tek Fatmir Xhafa që është larguar sot, tek një tufë lukuni minitstrash dhe ish ministrash Elvis Roshi, Vangjush Dako etj, janë provuar si të vërteta.

 

Me të vërtetën me vete ne protestojmë edhe sot në 18.30 me qytetarët.

Read More

 

• Pjesëmarrja plebishitare në protestën për Shqipërinë si Europa tregon vendosmërinë e shqiptarëve për të mos pranuar më kurrë zgjedhje të vjedhura, Shqipërinë e krimit dhe korrupsionit të Edi Ramës.

 

• Udhëkryqi ku ndodhet Shqipëria është produkt i asgjesimit të votës nga lidhja e krimit me qeverinë, produkt i babëzisë së Ramës. Ne nuk do ta lejojmë më të na bllokojë rrugën drejt Europës.

 

• Ora e lojës me popullin dhe fatet e popullit ka marrë fund. Tani ka një dhe vetëm një rrugë: të çlirojmë Shqipërinë nga qeveria e krimit, të çlirojmë zgjedhjet nga krimi. Kjo është beteja për Europën.

 

• Nuk ka Europë pa demokraci. Nuk ka Europë pa votë të lirë. Nuk ka Europë pa ndëshkuar Edi Ramën dhe politikanët e kapur duke vjedhur zgjedhje, duke shkatërruar vullnetin tuaj.

 

• Vjedhja e zgjedhjeve është themeli i së keqes. Është themeli i varfërisë, i papunësisë, i babëzisë, i arrogancës, i dhunës. Mbi këtë themel ndërtoi Rama Shqipërinë e frikës, të krimit dhe korrupsionit.

 

• Rruga e Europës nuk hapet sa kohë krimi qeveris vendin, parlamentin, ka kapur gjykatat dhe mediat, dikton ekonominë dhe, bashkë me pushtetarët, dhunon qytetarët e pafajshëm.

 

• Kasapi i zgjedhjeve nuk do të mundet më të diktojë zgjedhje me krimin. Ne jemi në këmbë për t’i thënë Ramës se zotër të shtëpinë jemi ju, jo krimi. E duam Shqipërinë si gjithë Europa!

 

• Efektivët e policisë janë vëllezërit tanë. Ata janë po aq të kërcënuar nga krimi, sepse krimi është komandanti i vërtetë i Policisë së Shtetit. Mos cënoni efektivët e policisë!

 

• Beteja jonë është me qeverinë e lidhur me krimin. Ora e Shqipërisë Europiane po afron. Forca jonë është pjesëmarrja, forca jonë është bashkimi. Forca jonë është qëndresa

 

• Nuk ka gaz lotsjellës e brutalitet policor ta ndalë e ta shpërndajë vullnetin tonë sot. Asgjë më kriminale nuk ka që, pasi të vjedhësh taksat popullit, t’i përdorësh ato për të helmuar protestuesit.

 

• Asnjë prej nesh këtu nuk ka ardhur të lëndojë e të prekë asnjë prej vëllezërve dhe motrave tona me uniformë. Qëllimi ynë këtu është mesazhi për kryebanditin në qeveri: “Rama ik”.

 

• Këtë betejë ne nuk e bëjmë për pushtet, por për një transformim të thellë politik, kushtetues dhe zgjedhor me standardet europiane dhe amerikane. Misionin tonë nuk ka forcë që ta ndalë.

 

• Në 12 javë është zgjuar shpresa e një populli të tërë, është rikthyer besimi se ky vend bëhet dhe do të bëhet. Evropën ne do ta ndërtojmë këtu, me zgjedhje të lira e të ndershme.

 

• Jemi të vendosur: zgjedhje me krimin, zgjedhje me Edi Ramën nuk do të ketë. Nuk do të ketë zgjedhje me 30 qershor. Asnjë hap pas nuk do të ketë në betejën tonë. Qeveri tranzitore për të garantuar se sovrani do të jeni ju.

 

• Shqipëria e shpresës nuk ka qenë kurrë kaq e madhe dhe kaq e vendosur per Shqipërinë Europiane. Ky oktapod kriminal duhet të marrë fund. Shqipëria e frikës duhet të rrëzohet e do të rrëzohet.

 

• Askush këtu e kudo në botë që i ka sytë sot tek ne, të mos ketë asnjë dyshim se cili është misioni ynë, vokacioni ynë, vija jonë e kuqe. O Shqipëri Evropiane, o betejë deri në fund. Liri a vdekje, demokraci a vdekje.

 

 

FJALA E KRYETARIT TË PARTISË DEMOKRATIKE, LULZIM BASHA, NË PROTESTËN PËRPARA KRYEMINISTRISË

 

 

Zonja dhe zotërinj,

Motra dhe vëllezër,

 

Mirë se jeni mbledhur në Kuvendin dhe referendumin më të madh, në plebishitin popullo, nga Shkodra deri në Vlorë, nga Tropoja në Gjirokastër, nga Korça në Durrës, dhe ju qytetarë dhe qytetare të Tiranës, ju uroj nga zemra mirë se keni ardhur në Kuvendin e sovranit.

 

Jemi mbledhur sonte këtu me një kushtrim, me një qëllim, me një vizion, për të mos pranuar më kurrë Shqipërinë e krimit, Shqipërinë e korrupsionit, Shqipërinë e hajdutërisë, Shqipërinë e duvakut aziatik të Edi Ramës, por për Shqipërinë si gjithë Europa.

 

Për Shqipërinë si gjithë Europa ka 30 vite që shqiptarët bëjnë sakrifica të përditshme dhe të përnatshme. Që të gjithë e dini, jeni dëshmitarë se si në këto 30 vite e vetmja mënyrë për të arritur Europën ishte largimi. Ne luftuam së bashku dhe hapën disa dyer europiane, ne e bëmë Shqipërinë së bashku anëtare të Këshillit të Europës, ne vendosëm Marrëveshjen e Stabilizim Asociimit, ne e futëm Shqipërinë në NATO, krah përkrah me vendet europiane, ne hoqëm vizat dhe i kthyem dinjitetin qytetarëve shqiptarë, e bëmë të gjithë këtë së bashku, kur bashkuam zemrat tona, kur bashkuam votat tona, kur pastruam politikën nga krimi, kur bëmë reformat me mbështetjen e Europës dhe ajo na shpërbleu.

 

Vëllezër dhe motra

 

Ne jemi sot përsëri në një udhëkryq të tmerrshëm, produkt i lidhjes së krimit me qeverinë, duke asgjesuar votën tuaj, produkt i një njeriu që ka vënë interesat e tij dhe klanit të tij të babëzitur, të korruptuar dhe të inkriminuar mbi interesat e vogëlushëve shqiptarë, e fëmijëve tuaj dhe të gjithë Shqipërisë.

 

Ndaj jemi këtu për t’i dhënë një mesazh të qartë dhe të prerë. Nuk të lëmë më ta bllokosh rrugën tonë drejt Europës. Rama ik!

 

Gjashtë vite e gjysëm të sundimit kriminal të Edi Ramës dhe organizatës së tij kriminale, e kanë lënë Shqipërinë jashtë Europës, vendi i vetëm në botë pa Gjykatë Kushtetuese, pa Gjykatë të Lartë, vendi ku janë kapur Prokuroria dhe Gjykatat. Sot, drejtësia shqiptare është më e kapur dhe më e korruptuar se kurrë në këto 30 vite. Kjo është vepra e zezë e Edi Ramës dhe bandës së tij kriminale. Rama ik!

 

Destini ynë europian nuk mund të mbetet më në duart e një klike kriminale, nuk mund të mbetet më në duart e vullnetit të një njeriu të korruptuar nga koka deri në këmbë, të kryeministrit më të dështuar dhe më të paaftë, më arrogant, më gënjeshtar, më të inkriminuar, më të korruptuar që ka njohur Shqipëria dhe Ballkani. Rama ik!

 

Ora e lojës me popullin dhe fatet e popullit ka marrë fund. Tani ka një dhe vetëm një rrugë: të çlirojmë Shqipërinë nga qeveria e krimit, të çlirojmë zgjedhjet nga krimi. Kjo është beteja për Europën.

 

Nuk ka Europë pa demokraci.

Nuk ka Europë pa votë të lirë.

Nuk ka Europë pa ndëshkuar Edi Ramën dhe politikanët e kapur duke vjedhur zgjedhje, duke shkatërruar vullnetin tuaj.

 

Vjedhja e zgjedhjeve, vjedhja e votës suaj është themeli i çdo gjëje të keqe që ka pllakosur ju dhe familjet tuaja. Është themeli i varfërisë, i papunësisë, i babëzisë, i arrogancës, i dhunës.  Mbi këtë themel është ndërtuar Shqipëria e frikës, Shqipëria e korrupsionit, Shqipëria e krimit, që e drejtojnë një grusht njerëzish, nuk janë socialistë, nuk janë të majtë, janë kriminelë, janë të babëzitur. Rama ik!

 

Ata janë themeli i këtij pushteti kriminal. Ata janë njerëzit që kanë marrë peng të ardhmen tonë. Ata janë njerëzit të cilët duan ta kenë Shqipërinë jashtë Europës, sepse Europa autokratët e korruptuar i çon përpara drejtësisë, i çon në burg.

 

Kanë burgosur dhe rrahur baballarë dhe nëna. I kanë mbytur me gaz fëmijët e tyre për t’i grabitur. Kanë arrestuar dhe kanë larguar studentët nga Universiteti, kanë pushuar rektorë e pedagogë, duan të asgjesojnë Akademinë e Shkencave, kanë burgosur dhe çuar drejt vetëvrasjes kryefamiljarë, por kriminelët nuk i prek, prokuroria e kapur nuk i prek, drejtësia e korruptuar i bindet një njeriu, një vullneti kriminal, njeriut që e ka lidhur pushtetin  me krimin dhe me krimin do të fundosë Shqipërië, por kjo nuk ka për të ndodhur. Rama ik!

 

Të çlirojmë Shqipërinë nga zgjedhjet me krimin. Nga qeverisja me krimin dhe kriminelët.

 

Është sot detyra më e lartë patriotike. Është parakushti për të hapur rrugën e bllokuar të Europës. Pa Europë nuk ka shpëtim. Por kjo rrugë nuk mund të hapet sa kohë që krimi qeveris parlamentin, sa kohë krimi është ulur në tryezën e kabinetit qeveritar, sa kohë që krimi ka kapur gjykatat, sa kohë që krimi dikton ekonominë, ka kapur mediat, dhunon bashkë me pushtetarët, qytetarët e pafajshëm të këtij vendi.

 

Ndaj për të realizuar misionin tonë hyjnor, që është Shqipëria si gjithë Europa, duhet dhe do ta fitojmë këtë betejë me patjetër.  Me këtë ëndërr jemi mbledhur shpesh dhe kemi bërë hapa përpara. Me këtë ëndërr “Për Shqipërinë si gjithë Europa”, kemi qëndruar në ditët më të zeza të diktaturës e tiranisë së krimit, kemi propozuar rrugëdalje politike, kemi kërkuar hetimin e atyre që vodhën zgjedhjet e 2017-ës. Propozuam vettingun në politikë, detyrat e qeverisë tranzitore, por bashkimi i Edi Ramës me krimin, ka një përgjigje, t’i dhunojë shqiptarët, të dhunojë zgjedhjet e ardhshme.

 

4 nga 7 anëtarët e të ashtuquajturës Task Force, duhet të jenë sot në burg për Dibrën, për Dosjen 339, për Unazën, për Toyota Yaris, ata janë sot të pandëshkueshëm si të gjithë kriminelët e tjerë, kjo për arsye të pushtetit të një njeriu, pengmarrësit të Shqipërisë Europiane, shkatërruesit të drejtësisë shqiptare, Edi Ramës.

 

Kasapi i zgjedhjeve nuk do të mundet më të diktojë zgjedhje me krimin.

 

Armata e lirisë është ngritur në këmbë, është derdhur në sheshe, ka zbarkuar kudo dhe është gati që sot të bëjë realitet normën e parë të Shqipërisë Europiane.

 

Zotër në shtëpinë tuaj, jeni ju, jo krimi. Rama ik!

 

Le ta dëgjojë kombi anembanë këngën tonë, misionin tonë.

E duam Shqipërinë si gjithë Europa!

 

Sot na nderojnë me praninë e tyre, në këtë protestë madhështore studentët, anëtarët e organizatës studentore të Partisë Popullore Europiane, përfaqësues të partive simotra nga të gjithë vendet e Europës.

 

Europa, zgjedhjet europiane, triumfi i idealit të Europës është sot. (ndërpritet fjalimi dhe iu drejtohet policëve, që po tërhiqnin zvarrë një person me aftësi të kufizuara) Mos provokoni! Ndalni dhunën ndaj invalidit. Nuk vjen e keqja nga invalidi, e keqja vjen nga Edi Rama dhe krimi i bërë njish me të. Rama ik!

 

Brohoritje – E duam Shqipërinë si gjithë Europa.

 

Zonja dhe zotërinj,

 

Efektivët e policisë janë vëllezërit tanë. Ata janë po aq të kërcënuar nga krimi, sepse krimi është komandanti i vërtetë i Policisë së Shtetit.

 

Mos cënoni efektivët e policisë!

 

Vëllezër dhe motra,

 

Beteja jonë është me krimin, beteja jonë është me qeverinë e lidhur me krimin. Asnjë hap pas. Rama ik! E di zemërimin tuaj, të dhunuar, të shfrytëzuar, të papunë. Ora e Shqipërisë Europiane po afron.

 

Forca jonë është pjesëmarrja, forca jonë është bashkimi.

Forca jonë është qëndresa.

 

Fitore, fitore fitore!

 

 

DISA MINUTA MË VONË, PASI FJALIMI NDËRPRITET NGA HEDHJA E GAZIT LOTSJELLËS PREJ POLICISË

 

Nuk ka gaz lotsjellës e brutalitet policor ta ndalë e ta shpërndajë vullnetin tonë sot. Bashkohuni miqtë e mi, vëllezër e motra. Protesta vazhdon e do të vazhdojë. Beteja do të vazhdojë deri në fitore. E duam Shqipërinë si e gjithë Evropa.

 

Asgjë më kriminale nuk ka që, pasi të vjedhësh taksat popullit, t’i përdorësh ato për të helmuar protestuesit. Prandaj, si garancia e vetme për kushtetutë dhe ligj, me një kërkesë, me një mision, me një qëllim, “E duam Shqipërinë sie  gjithë Evropa”.

 

Asnjë prej nesh këtu nuk ka ardhur të lëndojë e të prekë asnjë prej vëllezërve dhe motrave tona me uniformë. Qëllimi ynë këtu është të dërgojmë një mesazh të prerë dhe final kryehajdutit, kryebanditit në krye të qeverisë së paligjshme, Edi Ramës dhe skotës së tij të hajdutëve. Dhe mesazhi ynë për të është “Rama ik”.

 

Ndaj le të vazhdojmë miqtë e mi qëndresën tonë, misionin tonë, protestën tonë, sepse misionin tonë nuk ka forcë që ta ndalë.

 

Këtë betejë ne nuk e bëjmë për pushtet, këtë betejë ne nuk e bëjmë për parti, këtë betejë ne nuk e bëjmë për karrige, këtë betejë nuk e bëjmë për mandate. Mandatet tona ishin të vetmet mandate të pastra nga krimi dhe paratë e drogës, por ne ua kthyem qytetarëve, sepse nuk mund të ketë e nuk do të ketë më parlament fasadë, qeveri fasadë e zgjedhje fallco, drejtësi fallco, ekonomi fallco, shëndetësi fallco dhe arsim fallco.

 

Ne e dimë se rruga jonë drejt Evropës kalon vetëm përmes fitores së kësaj beteje. 12 vjet më parë, Shqipëria e frikës, e territ, e varfërisë, e arrogancës, e korrupsionit, e hajdutërisë mbizotëronte si natë e zezë anembanë vendit.

 

Shikoni se çfarë kemi arritur dhe jini krenarë, bashkimi më i madh, bashkimi më i vendosur i qytetarëve shqiptarë.

 

Në vetëm 12 javë është zgjuar shpresa e një populli të tërë, është rikthyer besimi se ky vend bëhet dhe do të bëhet. Se për të shijuar Evropën, rruga e vetme nuk do të jetë më largimi nga shtëpitë tona, se Evropën ne do ta ndërtojmë këtu, me zgjedhje të lira e të ndershme, duke u dhënë shqiptarëve një qeveri që ka frikë vetëm qytetarin, që është peng vetëm i juaji, shërbëtore e përulur e qytetarëve.

 

Ndaj jemi këtu jo për një betejë pushteti, po për një transformim të thellë politik, një transformim politik kushtetues e zgjedhor të standardeve të Evropës, të standardeve të Amerikës, kurrë më krimi të mos diktojë zgjedhjet.

 

Ndaj jemi të vendosur: zgjedhje me krimin, zgjedhje me Edi Ramën nuk do të ketë, nuk do të ketë zgjedhje me 30 qershor. Rama ik.

 

Dy Shqipëritë janë përballë njëra-tjetrës, po kurrë nuk ka qenë kaq e tkurrur, kaq e vogël, kaq e trembur Shqipëria e frikës, Shqipëria e oligarkëve, Shqipëria e kriminelëve, Shqipëria e Edi Ramës. Kurrë nuk ka qenë kaq e madhe, me kaq shumë kurajo dhe kaq e vendosur Shqipëria e shpresës që jeni ju, qindra mijëra qytetarë anembanë vendit.

 

Në këtë betejë nuk ndahemi, por bashkohemi. Të djathtë e të majtë njësoj e kanë pësuar në lëkurën e tyre, njësoj në tavolinat tuaja, në shtëpitë tuaja gjëmën e “Rilindjes” kriminale. Jemi të vendosur që shpresën tonë, misionin tonë për Shqipërinë Evropiane ta bëjmë realitet. Këtu kemi ardhur, këtu do qendrojmë, këtu do të bëjmë betejën tonë, këtu do të fitojmë. Për Shqipërinë, për demokracinë, për Evropën.  Rama ik!

 

Asnjë hap pas nuk do të ketë në betejën tonë. Asnjë shans nuk ka ky grusht kriminelësh dhe oligarkësh, nën komandën e Edi Ramës, t’ju vërë këmbën në fyt shqiptarëve, sepse shqiptarët tani janë zgjuar, sepse shqiptarët tani janë vetëdijësuar, sepse shqiptarët tani kanë kurajon, mençurinë, vendosmërinë të luftojnë së bashku për Shqipërinë si e gjithë Evropa.

 

Ndaj rruga e zgjidhjes politike, e parashtruar me përgjegjësi të madhe nga koalicioni i bashkuar i opozitës, maxhoranca e re morale, politike dhe numerike në vend është rruga që duhet të bashkojë çdo faktor të përgjegjshëm politik. Qeveri tranzitore për të garantuar që këtej e tutje, ashtu siç është shkruar në kushtetutë, ashtu do të jetë realitet: sovrani do të jeni ju. Rama ik!

 

Kjo nuk është lojë, ky nuk është thjesht dhe vetëm një rast tjetër për të treguar forcën. Kjo është beteja për jetë a vdekje për Shqipëri evropiane, me zgjedhje evropiane, me drejtësi evropiane, me zbatim të ligjit evropian, me ekonomi evropiane ose betejë deri në fund, deri në fitore. Rama ik!

 

Sakrificat që kjo betejë kërkon nuk bëhen në emër të një partie politike apo një koaliconi opozitar. Ato bëhen në emër të vogëlushëve shqiptarë. Fati i Shqipërisë në 10-15 vitet e ardhshme përcaktohet sonte dhe në javët që vijojnë, prandaj bashkimi ynë është i pathyeshëm.

 

Hapat prapa nuk na çon muaj apo vite, por 3 dekada prapa, por kësaj radhe në një tirani tjetër, në tiraninë e krimit, në tiraninë e oligarkisë, ku gjithësecili prej jush nuk do të jetë më individ, nuk do të jetë më njeri i lirë, por një numër, një statistikë, një njeri për t’u vjelë nga taksat, për t’u futur në burg, kur nuk paguan dot çmimet e kripura të energjisë elektrike, për tu shpunësuar mbi bindjet poltiike apo qejfet e tarafit të Edi Ramës dhe kriminelëve me të cilët qeveris.

 

A mund ta lëmë ne Shqipërinë tani që jemi kaq afër ëndrrës tonë për një Shqipëri si e gjithë Evropa? A mund ta lëmë që kryehajduti i 30 viteve tranzicion t’i hedhë duvakun aziatik, a mund ta lëmë ne Shqipërinë dhe fatin e saj në duart e Edi Ramës, Damian Gjiknurit, Taulant Ballës, Gramoz Ruçit, Ymer Lalës, Emiliano Shullazit, Bajrajve, Abvylajve me shokë? Kurrsesi jo.

 

Ndaj jemi sot dhe do të jemi deri në fund të kësaj beteje të vendosur. Ky oktapod kriminal duhet të marrë fund. Shqipëria e frikës duhet të rrëzohet e do të rrëzohet. Rama ik.

 

Shqipëria e shpresës, shqipëria e pozitivitetit, e njerëzve të ndershëm, që besojnë në Zot, besojnë në vlera, besojnë tek familja, besojnë dhe duan atdheun nuk e tradhtojnë kombin si tradhtari i Kosovës Edi Rama. Rama ik.

 

Ne jemi të gjithë bashkë, diga e pakapërcyeshme për këtë tirani, ne jemi të gjithë bashkë oqeani që do të marrë përpara çdo mur tiranie dhe krimi, sot, nesër dhe deri në fitore.

 

Ndaj, sa më herët t’i thërrasë arsyes, aq më të lehtë do t’ia bëjmë fatin vetes. Nuk ka parë historia një popull të nënshtrohet nga një grusht hajdutësh. Fundi i hajdutëve është i sigurtë, fundi i kriminelëve është i sigurtë. Fitorja e demokracisë, fitorja e lirisë, fitorja e Shqipërisë si e gjithë Evropa është misioni ynë, që do ta çojmë deri në fund.

 

Prandaj sakrifica e bashkimit,e pjesërmarrjes, e qëndresës, e përballjes me tiraninë, sy për sy e dhëmb për dhëmb është garancia që kjo valë shprese do të përfshijë çdo shqiptar, që kjo valë besimi ta marrë përpara depresionin social, psikologjik dhe ekonomik. Kjo është garancia, ju jeni hipoteka e Shqipërisë si e gjithë Evropa.

 

Minutat, orët, ditët dhe javët e ardhshme janë deçizive për vendin. Askush këtu e anembandë rruzullit, qëi i ka sytë sot tek bashkimi i shqiptarëve për liri dhe demokraci nuk duhet të kenë dyshim se cili është misioni ynë, vokacioni ynë, se cila është  vija jonë e kuqe. Le ta bëjmë të ditur sot nga fundi i sheshit Skenderbej, e deri tek fillimi i Sheshit Nënë Terezës: E Duam Shqipërinë si e gjithë Evropa.

 

Ne, Europës i sjellim vlerë unike vlerën e bashkimit në shpirt dhe ne zemër me besimtarë të Zotit. Para se vëllezërit tanë ta thyejnë agjërimin, dua t’u them: Sakrifica juaj e ndriçoftë rrugën tonë, bekimin hyjnor E duam Shqipërinë si e gjithë Evropa.

 

Ky është bashkimi më i mahnitshëm që ka parë ky shesh, në muzg apo në agim, por ky është muzgu i tiranisë dhe agimi i lirisë së re që po vjen. Dhe ju jeni aksionerët e Shqipërisë si e gjithë Evropa, sepse vëllezër e motra, sonte nga ky shesh, dua të zotohem para jush dhe para kombit, se çdo ndryshim kushtetues, çdo ndryshim elektoral, çdo ndryshim zgjedhor, çdo ndryshim politik do të bëhet realitet vetëm kur ta votoni ju, sovrani, me një referendum kombëtar e popullor.

 

Rama ik.

 

Në shtëpitë tuaja do të jeni vetëm ju, në institucionet shqiptare do të jenë ata që do të caktoni ju. Ju do t’i caktoni, ju do t’i shkarkoni. Kjo është Evropa, një vend ku populli ka frikë qeverinë nuk ka e nuk mund të ketë Evropë. Evropë ka aty ku qeveria ka frikë popullin.

 

Le të vazhdojmë tani së bashku qëndresën tonë, të vendosur, të bashkuar, të përbetuar për Shqipërinë Evropiane.

 

E duam Shqipërinë si e gjithë Evropa.

 

Të gjithë bashkë jepini dorën njëri-tjetrit, sup më sup me njëri-tjetrin, le të vazhdojmë këtë qëndresë, le ta japim këtë mesazh, ta ngulisim fort në murin e historisë tonë: O Shqipëri Evropiane, o betejë deri në fund. Liri a vdekje, demokraci a vdekje.

 

Të gjithë së bashku në krah të njëri tjetrit, të gjithë së bashku, forca e pathyeshme e sovranit.

 

Zoti ju bekoftë ju! Zoti e bekoftë Shqipërinë!

Read More

 

Lideri i opozitës Lulzim Basha u prit me entuziazëm të pazakontë, si në Gjirokastër, ashtu edhe në Mallakastër. Pavarësisht reshjeve të shiut, mallakastriotët dolën me makinat e tyre për të pritur zotin Basha me thirrjen më popullore sot në Shqipëri “Rama ik”. Duke i falenderuar për pjesëmarrjen e jashtëzakonshme, megjithë motin e pafavorshëm, kreu i opozitës tha se Rama Ik është thirrja që oshëtin sot në të gjithë Shqipërinë, nga Jugu në Veri, nga Gjirokstra në Korçë e deri në Tropojë. Në Mallakastër, Basha theksoi se arritja më e madhe e opozitës pas dorëzimit të mandateve është bashkimi i shqiptarëve, pavarësisht bindjeve politike, në betejën për Shqipërinë europiane me zgjedhje të vërteta, me parlament e qeveri të vërtetë, të pakapur dhe të pablerë nga krimi e korrupsioni.

 

“Ndonëse në këtë shesh valëviten flamuj kombëtarë dhe të PD ka edhe vëllezër e motra socialistë mallakstriotë që nuk kanë gjë të përbashkët me hajdutërinë dhe tradhëtinë e rilindjes, me braktisjen nga Edi Rama të shqiptarëve, me korrupsionin dhe krimin. Edhe socialistët kanë të njëjtat halle si demokratët, paguajnë të njëjtat çmime të rritura të naftës e të energjisë, por ndjehen dyfish të tradhëtuar, se sollën në pushtet një njeri që e ndau pushtetin me krimin. Bashkimi i tyre në këtë shesh është parathënia e një bashkimi edhe më të madh më 11 Maj në Tiranë. Përballë nuk janë më Shqipëria blu dhe Shqipëria e kuqe. Jo! Shqipëria kuqezi është bashkuar me PD dhe opozitën.” – tha Kryetari Basha.

 

Lideri i opozitës u shpreh se në këtë betejë, të cilës i janë bashkuar edhe socialistët e ndershëm, janë përballë Shqipëria e shumicës dhe Shqipëria e pakicës.

 

“Sot, në Ditën e Europës, është momenti ta themi qartë se këto dy Shqipëri, e shumicës së shqiptarëve të tradhëtuar, të braktisur, të shpunësuar e të varfëruar të shqiptarëve të shpunësuar, të tradhëtuar dhe ajo e një grushti njerëzish, që nuk janë as socialistë, as të majtë, por politikanë të korruptuar, të lidhur me krimin, që grabisin gjithçka, naftën, mineralet, buxhetin, bregdetin, të ardhmen e fëmijëve tuaj; këto dy nuk rrinë dot në krah të njëra-tjetrës. Njëra do të qëndrojë, tjetra do të largohet. Që Shqipëria europiane të qëndrojë, duhet që Shqipëria e shumicës të fitojë betejën e nisur më 16 shkurt: zotër të fateve tuaja, zotër në shtëpinë tuaja. Kjo është beteja, kjo është fitorja që na pret.” -u shpreh kreu i opozitës.

 

Kryetari Basha, i cili po lëviz në të gjithë Shqipërinë tha se, ndryshe nga herët e tjera, e veçanta e takimeve këto ditë, është shpresa dhe besimi i qytetarëve tek e nesërmja.

 

“Ne do t’i japim fund zgjedhjeve me krimin, që pjellin qeveritë e krimit, me krimin dhe për krimin. Ne do ta presim nyjen që lidh krimin me politikën. Do ta lidhim fatin e çdo qeveritari me qytetarin. Ata nuk do të jenë më peng i krimit dhe i oligarkëve, i besove, që ju thithin gjakun dhe ju vjedhin naftën. Beteja që na bashkon më 11 Maj është beteja për të rrëzuar Shqipërinë e frikës dhe për të lartësuar Shqipërinë e shpresës dhe të besimit.”- theksoi Basha

 

Duke ftuar qytetarët të marrin pjesë në protestën kombëtare të 11 Majit, Basha tha se ajo është dita e bashkimit për të larguar politikanë te korruptuar që, duke vjedhur pasuritë e shqiptarëve, janë bërë më të pasur se sheikët arabë.

 

“Të gjithë bashkë në Tiranë më 11 Maj për Shqipërinë si gjithë Europa, për zgjedhje të lira e të ndershme, me qeveri tranzitore pa kasapin e zgjedhjeve, pa Edi Ramën kryeministër. Beteja për zgjedhje të lira e të ndershme ju do të vendosni që Mallakastrën të mos ia dorëzoni krimit, por me Agron Kapllanajn të vazhdoni betejën me një qeveri në krahun e tij dhe në krahun tuaj, për të përmirësuar jetën e përditshme, një qeveri që punon për ju dhe për mirëqenien tuaj” – u shpreh kryetari Basha mes entuziazmit të qytetarëve të Mallakastrës.

Read More

 

 

• Sot është 9 Maji, Dita e Europës, dhe sot nga Gjirokastra, kjo energji e jashtëzakonshme, frymëzuese për kauzën tonë të drejtë, i thotë çdo shqiptari, pavarësisht prej bindjeve politike, pavarësisht prej moshës, pavarësisht prej krahinës, pavarësisht prej fesë, se ky komb është i bashkuar dhe i vendosur për Shqipërinë si gjithë Europa.

 

• Nuk është rastësi që gjithsecili prej hapave drejt Evropës është ndërmarrë nga demokratët shqiptarë, nga PDSH, që në antarësimin në Këshillin e Europës, firmosjen e Marrëveshjes së Stabilizim -Asociimit, marrjen e ftesës për në NATO, anëtarësimin në NATO, heqja e vizave për shqiptarët, si dhe rekomandimin pozitiv për anëtarësim në BE.

 

• Në skenën e vendimit të madh politik, ne demokratëve dhe ne shqiptarëve, po na thërret vokacioni ynë i patjetërsueshëm perëndimor, ndaj thirrja ime e parë ndaj gjithë qytetarëve gjirokastritë, të Libohovës, qytetarëve të minoritetit etnik grek në Dropull dhe kudo ku janë, bashkëqytetarëve tanë vllehë kudo ku jetojnë, të Tepelenës, të Memaliajt, të Labërisë, Këlcyrës dhe Përmetit, është: Të bashkohemi me 11 maj për Shqipërinë si gjithë Europa!

 

• Sot në këtë Ditë të Evropës mesazhe kanë ardhur, të qarta dhe të prera, për qeverinë e paligjshme të Edi Ramës. Mesazhe të qarta nga Berlini se pa u hetuar e pa shkuar në burg, pa u dënuar politikanët që vodhën zgjedhjet e 2017-s, Shqipërisë nuk do t’i hapen negociatat.

 

• Dua t’ju them tellallëve dhe haberxhinjve të Edi Ramës, se në këtë betejë nuk jemi futur as për pushtet personal, as për karrige personale, nuk është se duam thjesht dhe vetëm një rotacion politik, jo thjesht të kapërcehet për t’i zënë vendin një krizë tjetër, por të lihet prapa njëherë e mirë, ndaj na duhet një reformë e thellë e sistemit politik.

 

• Ky transformim politik është garancia reale që pushteti i ri që do të vijë, i kryesuar nga Partia Demokratike e Shqipërisë do të bëjë realitet programin e saj, do t’i japë fund mjerimit social, do të godasë në zemër padrejtësitë me të cilat janë përballur qytetarët e Gjirokastrës dhe të gjithë Shqipërisë.

 

• Do ti japim fund emigracionit të të rinjve. Nuk do të shkojnë në punë të zeza në rrugët e Evropës, por do punojnë këtu, sepse Shqipëria me sistemin e taksës së sheshtë 9 %,  do thithë investime të huaja. 2 milion vende të reja pune kërkon ekonomia gjermane në fushën e teknologjisë së informacionit.

 

• Reforma politike që po vjen, e cila do të ketë vulën e sovranit, do të sanksionohet me votë në referendum kombëtar, ku do të votojnë të gjithë qytetarët shqiptarë, do të mundësojë me dy fjalë, që çdo qeveri, çdo parlament, të jetë peng vetëm i vullnetit të qytetarëve shqiptarë dhe votës së tyre.

 

• Sot janë përballë, Shqipëria e frikës me Shqipërinë e shpresës, por si asnjëherë këto 6 vite, Shqipëria e frikës është tkurrur në një grusht njerëzish, me në krye një vulëhumbur, një grusht kriminelësh, një grusht hajdutësh grabitqarë, dhe Shqipëria e shpresës që është derdhur në sheshet dhe rrugët e vendit

 

• Shqipëria e shpresës po ngrihet. Kjo është një betejë për jetë a vdekje. Këto dy Shqipëri, nuk mund të bashkëjetojnë me njëra-tjetrën. Ose Shqipërinë e frikës, varfërisë, mjerimit, hajdutërisë dhe krimit, ose Shqipërinë e shpresës, lirisë, demokracisë, mundësive, punësimit dhe mirëqenies

 

• Le ta bëjmë ne demokratët edhe njëherë këtë detyrë të madhe ndaj kombit, pa shikuar përfitimin tonë të ngushtë politik, por të vendosur për ta çuar deri në fund, premtimin tonë ndaj shqiptarëve, misionin tonë hyjnor për ta bërë Shqipërinë si gjithë Europa

 

• Këtu në këtë sallë, përmblidhet sot emocioni që ndjej kudo nëpër Shqipëri. Le ta bashkojmë këtë energji, le ta bëjmë këtë energji edhe më të madhe, me pjesëmarrje maksimale dhe vendosmëri patriotike. Të gjithë në Tiranë, të shtunën në orën 18.30.

 

 

FJALA E KRYETARIT TË PD, LULZIM BASHA, NË AKTIVIN E QARKUT GJIROKASTËR

 

Mirëse ju gjej zonja dhe zotërinj,

Mirëse ju gjej të rinj dhe të reja.

Zoti kryetar i degës së Partisë Demokratike Gjirokastër, Zoti kryetar i degës së Partisë Demokratike të Tepelenës, Zoti kryetar i degës së Partisë Demokratike Memaliaj, Zoti kryetar i degës së Partisë Demokratike të Përmetit, Profesor, doktor Tritan Shehu, z. Kryetar i Bashkisë së Dropullit, Zoti kryetar i degës së Partisë Demokratike të Këlcyrës,

Vëllezër dhe motra, më lejoni ta nis këtë takim me mirënjohjen më të thellë për këtë pritje të jashtëzakonshme, të paprecedentë, nga Krasta, nga Memaliaj, nga Tepelena, nga Luftinja, nga hyrja për në Këlcyrë, për në Përmet dhe në veçanti nga hyrja për në Gjirokastër, qindra automjete, qindra mijëra qytetarë, të rinj dhe të reja dhe në duar simbolet tona, flamurin kuqezi, flamurin e PD, flamurin e BE, flamurin e SHBA, flamurin e NATO-s, simbolet e demokratëve shqiptarë, simbolet e shqiptarëve të lirë që besojnë tek demokracia.

Sot është 9 Maji, dita e Europës, dhe sot nga Gjirokastra, kjo energji e jashtëzakonshme, ngjitëse, frymëzuese për kauzën tonë të drejtë dhe të madhe i thotë çdo shqiptari dhe shqiptareje pavarësisht prej bindjeve politike, pavarësisht prej moshës, pavarësisht prej krahinës, pavarësisht prej fesë, se ky komb është i bashkuar dhe i vendosur për Shqipërinë si gjithë Europa.

 

E duam Shqipërinë si gjithë Europa!

Me këtë ëndërr nisi kryengritja studentore 30 vite më parë. Më këtë amanet u themelua PDSH. 30 vite tranzicion ka qenë një udhëtim plot dhimbje dhe sakrifica drejt Europës kush më shumë se ju qytetarë, banorë të Gjirokastrës ka qenë dëshmitarë i sakrificave të jashtëzakonshme të eksodit masiv drejt Greqisë, ku jeton akoma dhe sot e kësaj dite diaspora më e madhe e emigracionit shqiptar.

Kush nuk i njeh sakrificat, kush nuk i di se dhjetëra të rinj e paguan me jetë tentativën për tu larguar në muzgun e diktaturës dhe agimin e demokracisë. Kush nuk i di vuajtjet, rropatjen për ta shijuar Europën dhe për të sjellë një copëz të Europës pranë vatrave të mjeruara të shqiptarëve nga diktatura. Kush nuk e di rrugëtimin tonë plot sakrifica që është shkruajtur më mirë se në çdo libër dhe në çdo manual në mëmorien e nënave dhe baballarëve të Shqipërisë dhe në veçanti të qarkut të Gjirokastrës në fytyrat e tyra plot halle, derte. 30 vite rendje drejt Europës. 30 vite për të shkuar në Europë dhe padyshim edhe hapa për të sjellë Europën këtu.

Nuk është rastësi që gjithësecili prej këtyre hapave është ndërmarrë nga demokratët shqiptarë, nga PDSH që në antarësimin në Këshillin e Europës, firmosjen e Marrëveshjes së Stabilizim -Asociimit, marrjen e ftesës për në NATO, anëtarësimin në NATO, heqja e vizave për shqiptarët, rekomandimi pozitiv për anëtarësim në  BE.

Vëllezër dhe motra, të gjithë shqiptarët janë bashkëaksionarë të këtyre arritjeve, por ka qenë vetëm lufta e vendosur, reformat e vërteta që kanë ndihmuar në luftën kundër krimit dhe korrupsionit, që kanë çliruar tregun, që na kanë afruar me Europën.

Sot edhe një herë po na thërret ne skenë, në skenën e vendimit të madh politik, ne demokratëve, Shqipëria, shqiptarët, po na thërret vokacioni ynë i patjetërsueshëm perëndimor, ndaj thirrja ime e parë, thirrja ime ndaj këtij aktivi të përqëndruar ndaj degëve të Partisë Demorkatike, ndaj gjithsecilit prej jush, dhe gjithë demokratëve që përfaqësoni si organizues politikë të këtyre degëve, ndaj gjithë qytetarëve tanë, qytetarëve gjirokastritë, të Libohovës, qytetarëve të minoritetit etnik grek në Dropull dhe kudo ku janë, bashkëqytetarëve tanë vllehë kudo ku jetojnë, të Tepelenës, të Memaliajt, të Labërisë, Këlcyrës dhe Përmetit, është: Të bashkohemi me 11 maj për Shqipërinë si gjithë Europa!

Sepse ëndrra jonë e papërmbushur është dhe mbetet objektivi kryesor i PD, i demokratëve shqipatrë dhe i koalicionit tonë, maxhorancës së re morale, politike dhe numerike në Shqipëri.

Europa ka qenë ëndrra me të cilën lindëm, bahskimi me Europën jo si refugjat, jo si klandestinë, madje as si punëtorë me leje të përkohshme qëndrimi, por si qytetarë të denjë të Europës me kokën lart, ashtu siç i çuam shqiptarët pa vizë në Europë që rropateshin për ditë dhe javë të tëra para dyerve të ambasadave dhe konsullatave dhe prapë nuk e merrnin dot vizën për të udhëtuar, e për të parë të afërmit e tyre. Ashtu e duam Shqipërinë në Europë me shqiptarët kokëlartë, dinjitozë, krenarë dhe jo klandestinë, apo në shkelje të ligjit dhe mjerimit që ka pllakosur mbarë vendin.

E pra që qytetarët tanë të shkojnë krenarë në Europë, na duhet të sjellim Europën këtu, na duhet të kemi standardin europian në çdo fushë të jetës, punësimi i shqiptarëve, mirëqenia e shqiptarëve, pasurimi i shqiptarëve janë objektivi dhe prioriteti i parë i PD, por parakushtet për ta bërë këtë realiett ëhstë të të ndërtojmë dhe të ruajmë standardet e europiane, të demokracisë, të shtetit ligjor, të përfaqësimit politikë.

Nëse i ndërtojmë si në Europë atëherë do të ndërtojmë edhe ekonominë europiane, edhe shëndetësinë europiane, edhe arsimin europian, edhe pensionet europiane.

Nëse i ndërtojmë si atje ku qeveria i hedh duvakun popullit dhe e merr derr në thes zvarrë atëherë nuk do të kemi kurrë Europë në Shqipëri.

Mund të kemi shumë më shumë shqiptarë në Europë, por nuk do kemi kurrë Europë në Shqipëri.

Kjo të nderuar zonja dhe zotërinj është beteja.

Nuk është thjesht dhe vetëm beteja për rotacionin politik. Sepse rotacioni politik është i pashmangshëm, është beteja për të drejtat, parimet dhe vlerat evropiane. Duke nisur me votën e lirë. Nuk ka Evropë për vendet që nuk kanë votë të lirë, nuk ka Evropë për vende ku sundon krimi, në vend të një qeverisjeje të dalë nga vota e qytetarëve, nuk ka Evropa aty ku të korruptuarit promovohen, lartësohen, pasurohen, dhe të pafajshmit goditen, arrestohen, burgosen, shpronësohen, përdhunohen dhe shantazhohen. Nuk ka Evropë në një vend i cili nuk respekton kriteret minimale të shtetit të së drejtës, nuk ka Evropë në një vend ku qeveria është bërë njësh me krimin, dhe bashkë me krimin ka kapur parlamentin, qeverinë, ka shkatërruar Gjykatën Kushtetuese dhe atë të Lartë, ka shkatërruar procesin politik zgjedhor, dhe u ka dhënë kriminelëve dhe oligarkëve të gjithë pasurinë e vendit, buxhetin e shtetit, taksat e shqiptarëve, lejet e ndërtimit, prokurimet publike, tenderat, çdo favor qeveritar, emërimet në administratë, të gjitha të diktuara nga krimi i organizuar, i bërë njësh me qeverinë e dalë jo nga vota e qytetarëve, jo nga vota e gjirokastritëve, por nga votat e blera me paratë e drogës e të krimit, nga votat e diktuara nga krimi i organizuar dhe mafia.

Sot në këtë Ditë të Evropës mesazhe kanë ardhur, të qarta dhe të prera, për qeverinë e paligjshme të Edi Ramës. Mesazhe të qarta nga Berlini se pa u hetuar e pa shkuar në burg, pa u dënuar politikanët që vodhën zgjedhjet e 2017-s, Shqipërisë nuk do t’i hapen negociatat. Kjo është e vërteta dhe jo pallavrat e Edi Ramës, jo propaganda e tij, e cila buçet nga buritë e shpuara të televizioneve kombëtare, të kapura me paratë që u vidhen ju shqiptarëve. Po kjo është e vërteta, e zezë mbi të bardhë, drejtpërdrejt nga Berlini, sot. Pa u ndëshkuar ata që vodhën zgjedhjet e vitit 2017, nuk mund të ketë çelje negociatash. Afërmendsh, se pa u ndëshkuar vjedhësit e votave, si mund të kemi një palë tjetër zgjedhjesh të lira e të ndershme, si mund të kemi një qeveri, një parlament nga populli, për popullin dhe të popullit.

Zonja dhe zotërinj, beteja dhe zotimi ynë i parë është transformimi politik i vendit, sipas standardeve evropiane. Ne demokratët jemi të qartë e të vendosur. Ju e dini, unë e di si shkohet në Evropë. Në Evropë shkohet me zgjedhje të lira, ku parlamenti kontrollon qeverinë dhe jo qeveria parlamentin, ku drejësia është e pavarur, me gjyqtarë dhe prokurorë të ndershëm që nuk mbrojnë por ndëshkojnë politikanët e korruptuar dhe të kapur duke vjedhur votat dhe pasuritë e shqiptarëve. Në Evropë shkohet duke respektuar kushtetutën dhe ligjin, në Evropë shkohet me një parlament që nuk është peng i krimit, nuk është peng i oligarkisë, nuk është peng i trafikantëve, por është peng i qytetarëve shqiptarë, me një parlament dhe një qeveri që kanë frikë vetëm qytetarët shqiptarë, vullnetin e tyre, votën e tyre. Ndryshimi mes një vendi të lirë dhe një vendi që s’mund të jetë kurrë pjesë e Evropës ky është: në një vend të lirë është qeveria që e ka frikë popullin, sepse është populli që e emëron dhe e shkarkon qeverinë, kurse në një tirani të krimit është populli që ka frikë qeverinë, sepse qeveria vjen me krimin, qeveris me krimin, bashkëpunon me krimin dhe dhunon qytetarët me krimin. Ky është realiteti i 6 viteve të organizatës kriminale të “Rilindjes”. Me krimin erdhën, me votat e krimit, me dhunën e krimit e morën pushtetin, me kriminelët e mbajtën pushtetin, me kriminelët qeverisin, prandaj s’u bëhet vonë për qytetarët e Gjirokastrës, nuk ju bëhet vonë për prindërit dhe vogëlushët, nuk ju bëhet vonë për ekonominë e qytetit dhe fshatrave. Ne e dimë fare këtë sepse vij rregullisht këtu dhe sa herë që vij shoh më shumë dyqane të mbyllura, shoh më pak klientë në ato që janë akoma të hapura, shoh më pak njerëz që qarkullojnë nëpër rrugë, dhe kudo ka trishtim dhe depresion ekonomik. Gjirokastra është qyteti i parë fatkeqësisht në Shqipëri për braktisjen më të madhe nga rinia dhe nga qytetarët, shumica e të cilëve në emigracion. Kujtonim se ishte Kukësi, por jo, është Gjirokastra. Në kolaps ekonomia, në kolaps fermerët e Gjirokastrës, në kolaps shëndetësia dhe arsimi, në mbijetesë totale arsimi i lartë. E gjitha kjo, pasi ka një qeveri dhe një kryeministër i cili nuk e ka lidhur fatin me gjirokastritët e thjeshtë, me demokratët jo që jo, por as me socialistët. Të gjithë e dimë si i mori votat në Gjirokastër “Rilindja”, si kudo tjetër në Shqipëri. Me ata që mori votat, me bandat kriminale, me ata e ka lidhur fatin dhe atyre ju shërben nga mëngjesi deri në darkë.

Ndaj sot në Ditën e Evropës, nuk është koha as për të bërë përbetime hipokrite, as për të dëgjuar përbetimet fallco të Edi Ramës. Evropa është armiku numër 1 i autokratëve të korruptuar e të lidhur me krimin. Evropa do të thotë drejtësi, do të thotë shtet i së drejtës, do të thotë fund pandëshkueshmërisë së politikanëve dhe të kriminelëve që bashkëpunojnë për të vjedhur zgjedhjet, që bashkëpunojnë për të vjedhur pasuritë e shqiptarëve. Prandaj sot, Dita e Evropës është dita e të gjithë shqiptarëve, por nuk është dita e Edi Ramës, është makthi i Edi Ramës. Shqipëria Evropiane është makthi i Edi Ramës, është makthi i hajdutëve që e shoqërojnë. Vetëm një transformim i thellë politik do ta nxjerrë vendin nga kjo krizë.

Ndaj dua t’ju them tellallëve dhe haberxhinjve të Edi Ramës se në këtë betejë nuk jemi futur as për pushtet personal, as për karrige personale, nuk është se duam thjesht dhe vetëm një rotacion politik, se atë do ta vendosë populli me votë, por duam që kjo krizë kaq e thellë ekonomike, shoqërore, shpirtërore, ky depresion ku e futi vendin Edi Rama dhe klika e tij kriminale, jo thjesht kapërcehet për t’i zënë vendin një krizë tjetër, por të lihet prapa njëherë e mirë, ndaj na duhet një reformë e thellë e sistemit politik. Me një qëllim, që të bëjmë atë që bëhet kudo në Evropë, që pas përfundimit të kësaj krize, fati i çdo politikani shqiptar, fati i çdo deputeti shqiptar, fati i çdo kryebashkiaku shqiptar, të jetë i lidhur pazgjidhshmërisht vetëm me votën e lirë të qytetarëve të këtij vendi, të qyteteve dhe fshatrave tona. Pra, një reformë politike që do t’u rikthejë qytetarëve shqiptarë atë që ua vodhi Edi Rama dhe klika e tij kriminale, vullnetin, votën që i takon vetëm sovranit. Ky transformim politik është garancia reale që pushteti i ri që do të vijë, i kryesuar nga Partia Demokratike e Shqipërisë do të bëjë realitet programin e saj, do t’i japë fund mjerimit social, do të godasë në zemër padrejtësitë me të cilat janë përballur qytetarët e Gjirokastrës dhe të gjithë Shqipërisë, me vjedhjen e pronave të tyre, me shkatërrimin e shtëpive të tyre, me shpunësimin masiv dhe largimin e padrejtë nga administrata, me taksat kolosale dhe çmimin e papërballueshëm të energjisë dhe të naftës, me shpopullimin e fshatit, që është i vetmi në Evropë që nuk merr subvencione, por merr vetëm kërbaç, merr vetëm keqtrajtim, dhe atëhere kur i bëhen prodhimet gati për t’i shitur, i kthehet shpina dhe detyrohet t’i hedhë ato prodhime në kanal, me shëndetësinë e cila ka ardhur në ditën e saj më të zezë në kujtesën e njerëzve, sot kemi më pak mjekë për frymë se në kohën e diktaturës, kemi listën më të vogël të barnave të rimbursueshme, dhe këto barna janë në masën më të madhe fallco, të skaduara apo të ardhura nga origjina të dyshimta, kemi 130 mijë nxënës më pak në shkollat tona, 45 mijë studentë më pak në universitetet tona. Ky është kolapsi ku e solli Shqipërinë, jo thjesht një njeri, por etja për pushtet dhe për para e Edi Ramës që e çoi në prehrin e krimit të organizuar.

 

E pra, ndryshimi politik që po vjen do ta bëjë të pamundur për çdo individ, për çdo forcë politike që të lidhë pakt me krimin e organizuar, që të mbetet peng tek kriminelët, që të mbetet peng tek oligarkët.

Reforma politike që po vjen, e cila do të ketë vulën e sovranit, do të sanksionohet me votë në referendum kombëtar, ku do të votojnë të gjithë qytetarët shqiptarë, do të mundësojë me dy fjalë, që çdo qeveri, çdo parlament, të jetë peng vetëm i vullnetit të qytetarëve shqiptarë dhe votës së tyre.

Në këtë mënyrë do të nisim rrugëtimin tonë për të bërë realitet planin tonë për ekonominë, duke ulur menjëherë çmimin e karburantit me 300 lek për litër, duke hequr taksën Rama mbi karburantin. Duke bërë të mundur që fermerët shqiptarë, si çdo fermer tjetër, të përfitojnë subvensione në masën 100 milion euro në vit, drejtëpërdrejtë. Do të ketë mbështetje direkte, për çdo familje fermerësh shqiptarë, në bazë të prodhimit të tyre blegtoral apo bujqësor.

Do të nderojmë sakrificën e prindërve tanë. Qindra milionë euro, që sot i marrin oligarkët, nesër do ti kthehen buxhetit të shtetit dhe do të destinohen për politikat tona sociale, ku spikat zotimi ynë që brenda katër viteve të para, pensioni minimal për pensionistët shqiptarë do të jetë 250 mijë lekë të vjetra në muaj.

Do ta ndalim eksodin e mjekëve dhe infermierëve, ashtu si në Kosovë, nuk po them si në Gjermani, edhe këtu shqiptarët do të kenë mjekë të kualifikuar për të trajtuar pacientët. Dhe për këtë hapi i parë do të jetë, ngritja e rrogave të mjekëve dhe të infermierëve të paktën në nivelin e Republikës së Kosovës, 1200 euro për mjekët dhe 700 euro për infermierët. Kjo rritje do të shërbejë si një tregues indeksimi për të gjitha shërbimet e tjera publike në Shqipëri.

Do ti japim fund kolapsit të arsimit parauniversitar, dhe mbi të gjitha do të arrestojmë krizën e thellë në arsimin e lartë me dyfishimin e buxhetit të këtij arsimi. Do bëjmë të mundur që rinia shqiptare, çdo i ri dhe e re shqiptare që ka dëshirën dhe kapacitet për të studiuar, të ketë mundësinë të studiojë pavarësisht mundësive ekonomike të familjes. Për këtë arsye, buxheti i dyfishuar do të subvensionojë drejtëpërdrejtë në masën 100% tarifat Bachelor dhe Master, të gjithë studentëve shqiptarë që vijnë nga familje me të ardhura më pak se 640 mijë lek të vjetra në muaj dhe në masën 50% të studentëve shqiptarë, që vijnë nga familje me të ardhura mbi  640 mijë. Ndërkohë që me pjesën tjetër të buxhetit, jo thjeshtë do të ndërtojmë e rindërtojmë konviktet, auditorët, laboratorët, teknologjinë e informacionit, por do të bëjmë të mundur që Shqipëria të hedhë hapin e saj në këtë revolucion të mahnitshëm teknologjik që po ndodh në Europë dhe në botë, dhe që shumë shpejt, këtu në Gjirokastër, Durrës, Lezhë, Shkodër, në Korçë, Tiranë, Dibër, Kukës, të ketë kampuse teknologjike që do të punësojnë me paga të nivelit europian, rininë shqiptare.

Do ti japim fund emigracionit të të rinjve.

Inxhinierët tanë të teknologjisë dhe elektronikës të sapodiplomuar, nuk do të shkojnë në punë të zeza në rrugët e Evropës, por do punojnë këtu, sepse Shqipëria me sistemin e taksës së sheshtë 9 %, me një qeveri që garanton barazinë para ligjit,  do thithë investime të huaja direkte duke nisur me ekonominë gjermane, motorin e ekonomisë europiane. 2 milion vende të reja pune kërkon kjo ekonomi në fushën e teknologjisë së informacionit.

Nëqoftëse bëjmë investimet e duhura, nëqoftëse bëjmë zgjedhjet e duhura, nëqoftëse paratë e shqiptarëve nuk shkojnë më në duart e oligarkëve, por arrijnë të nxjerrin çdo vit mijëra studentë shqiptarë, programues teknologjie, inxhinierë elektronikë, ekonomistë, menaxherë, atëherë të jeni të sigurtë se mijëra e mijëra prej këtyre vendeve të punës do ti hapim në Shqipëri dhe do ti shërbejnë ekonomisë tonë, por edhe ekonomisë europiane.

Ne jemi gati, shumë shpejt dhe në mënyrë të paprecedentë në historinë e Ballkanit, unë si kryetar i opozitës do të jem i ftuar nderi, në forumin më të rëndësishëm të industrialistëve gjermanë, ku do të diskutoj dhe kërkoj ardhjen e investimeve gjermane për të hapur vende pune të kualifikuara, me paga dhe kushte dinjitoze për rininë shqiptare.

E pra, zonja e zotërinj, mundësitë e këtij vendi janë të pafundme, po për këtë së pari duhet të fitojmë betejën që bashkë kemi nisur.

12 javë mbushen të shtunën nga nisja e kësaj beteje. Kujtohuni ku ishte Shqipëria, 12 javë më parë! Kujtoni Shqipërinë e frikës, Shqipërinë e terrorit qeveritar, Shqipërinë e arrogancës të një palo kryeministri. Shqipërinë e hajdutëve me katër klasë, që i bënin karshillik profesorëve që nuk ushqehen do më shumë se një herë në ditë. Shqipërinë e arbitraritetit total, Shqipërinë e kriminelëve që pastrojnë paratë e drogës dhe prishin shtëpitë e shqiptarëve. Shqipërinë e frikës, Shqipërinë e pakicës që i kishte hipur kalafiç, Shqipërisë së shumicës së dhunuar, kokëulur, të trembur e të shantazhuar.

Kujtojeni ku ishim 12 javë më parë dhe jini krenarë për betejën që nisëm me 16 shkurt, sepse është beteja që po ndryshon Shqipërinë.

Sot janë përballë, Shqipëria e frikës me Shqipërinë e shpresës, por si asnjëherë këto 6 vite, Shqipëria e frikës është tkurrur në një grusht njerëzish, me në krye një vulëhumbur, një palo kryeministër që nuk di se ç’dërdëllet, një grusht kriminelësh, një grusht hajdutësh grabitqarë, dhe Shqipëria e shpresës është derdhur në sheshet dhe rrugët e vendit, nga Gjirokastra në Shkodër, nga Korça në Durrës, në Tiranë e mbarë vendin.

Shqipëria e shpresës po ngrihet.

Kjo është një betejë për jetë a vdekje. Këto dy Shqipëri, nuk mund të bashkëjetojnë me njëra-tjetrën.

Ose Shqipërinë e frikës, varfërisë, mjerimit, hajdutërisë dhe krimit, ose Shqipërinë e shpresës, lirisë, demokracisë, mundësive, punësimit dhe mirëqënies.

Kjo është beteja jonë e vërtetë. Prandaj ju them, që nuk është një betejë e zakonëshme politike, sepse nuk është thjeshtë një betejë për pushtet, por as ne nuk jemi një parti e zakonëshme politike.

Ne jemi Partia Demokratike e Shqipërisë! Ne jemi partia e Europës, e Shqipërisë si gjithë Europa. Ne jemi partia e sakrificave në misionin tonë për Shqipërinë si gjithë Europa. Ne jemi partia e vizionit europian dhe euroatlantik, me idelaet e Robert Shumanit dhe Konrad Adenauerit, me vendosmërinë e Ronald Reganit dhe Margaret Theçerit. Me vizionin e lirisë dhe përkushtimit tonë ndaj dinjitetit të çdo shqiptari, të çdo qytetari, pavarësisht prej statusit ekonomik, shoqëror, prejardhjes krahinore apo etnike, besimit fetar, çdo shqiptar, çdo njeri, është krijuar me shëmbëlltyrën e Zotit. Dhe përkushtimi i demokratëve është për të mbrojtur dinjitetin e çdo njeriu, lirinë e çdo njeriu, pronën e çdo njeriu, mundësinë e çdo shqiptari.

Ndaj miqtë e mi, na takon ta udhëheqim këtë betejë deri në fitore. Gjysma e betejës ka mbaruar: zgjedhje me 30 qershor nuk do të ketë dhe do të ketë zgjedhje të parakohëshme parlamentare.

Tani na pret gjysma tjetër e betejës. Në javët e ardhëshme, duke nisur me këtë të shtunë të 11 majit, do të përcaktohet fati i 5, 10, 15 viteve të ardhëshme të Shqipërisë.

Shqipëri e frikës, e nënshtrimit, e krimit, e korrupsionit, Shqipëri e duvakut oriental azitatik, apo Shqipëri e shpresës, lirisë dhe demokracisë, e ndarjes së pushteteve, e kushtetutës, e sovranit, e zgjedhjeve të lira e të ndershme!

Kjo do të përcaktohet nga beteja jonë me datë 11, këtë të shtunë, dhe në ditët e ardhëshme, përcaktohet fati europian i Shqipërisë. Si kurrë ndonjëherë shqiptarët janë bashkuar me ne, ndaj le ta bëjmë natën ditë, orën minutë, që 11-ta, e shtuna që po vjen, të jetë një goditje vendimtare për fitoren e shpresës mbi frikën. Për fitoren e lirisë mbi robërinë, për fitoren e dritës mbi errësirën.

Le ta bëjmë ne demokratët edhe njëherë këtë detyrë të madhe ndaj kombit, pa shikuar përfitimin tonë të ngushtë politik, por të vendosur për ta çuar deri në fund, premtimin tonë ndaj shqiptarëve, misionin tonë hyjnor për ta bërë Shqipërinë si gjithë Europa.

(E gjithë salla thërret: E duam Shqipërinë si gjithë Europa!)

Kjo është një pritje e mrekullueshme!

Këtu në këtë sallë, përmblidhet sot emocioni që ndjej kudo nëpër Shqipëri. Le ta bashkojmë këtë energji, le ta bëjmë këtë energji edhe më të madhe, me pjesëmarrje maksimale dhe vendosmëri patriotike.

Të gjithë në Tiranë, të shtunën në orën 18.30.

Zoti ju bekoftë ju!

Zoti e bekoftë Shqipërinë!

Fitore!

Read More