Blog

• Me largimin nga Parlamenti kemi shpëtuar demokracinë shqiptare nga asgjesimi, sepse gjithçka tjetër është kapur. Largimi i Edi Ramës është vetëm çeshtje kohe. 

BASHKËBISEDIM I KRYETARIT BASHA ME BANORË TË LUZIT TË VOGËL

Tani jemi në një moment kritik, jemi në një udhëkryq. Prapë na duhet të bëjmë një sakrificë, por jo duke u hipur anijeve si refugjatë, por duke sjellë Europën dhe standartet europiane në Shqipëri. Ju e dini se ndryshimi i vetëm mes Shqipërisë dhe vendeve europiane nuk është klima, nuk është toka se tokat i kemi njësoj,

nuk është fati i keq i një Shqipërie të varfër, sepse Shqipëria nuk është e varfër, por është fati i keq i një Shqipërie të vjedhur nga një klasë politike hajdutësh e bërë njësh me krimin dhe oligarkinë.

Ajo që na ndan nga Europa, është zbatimi i ligjit, barazia para ligjit, ku të fortët, të pushtetshmit, hajdutët, oligarkët, kriminelët, politikanët me Edi Ramën në krye, i shpëtojnë drejtësisë edhe kur kapen duke vjedhur, duke grabitur. Kanë asgjesuar Gjykatën Kushtetuese që të kalojnë vendim pas vendimi, kundër kushtetutës.

Ndryshimi do të vijë dhe do të jetë një ndryshim shumë më i thellë, se sa largimi i Edi Ramës. Largimi i Edi Ramës është vetëm çeshtje kohe, por pas largimit të Edi Ramës, do të na duhet të investojmë për një sistem me të vërtetë të vlerave europiane, ku, në rradhë të parë, politikanët e kapur në bashkëpunim me krimin duke vjedhur votat dhe pasuritë tuaja, të mos jenë në gjendje t’i shpëtojnë më ndëshkimit, por të shkojnë para drejtësisë dhe në burg. Këtu fillon ndryshimi i sistemit, këtu fillon Shqipëria europiane.

Miqtë europianë e dinë fare mirë se në Europë nuk shkohet me gënjeshtra dhe mashtrime. Nuk ka ndodhur kurrë që një vendi që Antimafia italiane e quan Kolumbia e Europës, t’i hapen dyert e Europës.  Në Europë shkohet me bashkimin me të madh të shqiptarëve të ndershëm, që është lëvizja jonë, beteja jonë për vlera europiane.

Ndaj, jemi në rrugën e mbarë.

Jemi nisur me 16 shkurt dhe me 17 shkurt kemi marrë një vendim historik për të mos qenë më kurrë deputetët e Partisë Demokratike dhe të opozitës në krah të bedelëve të krimit në parlamentin e krimit.

Prandaj, jemi larguar dhe me largimin tonë kemi shpëtuar demokracinë shqiptare nga asgjesimi, sepse gjithçka tjetër është kapur.

Nuk ka Gjykatë Kushtetuese. Eshtë kapur prokuroria.

Janë kapur gjykatat.

Parlamenti është kthyer në një noter të kryeministrit.

Kanë rënë zgjedhjet, sepse themeli i zgjedhjeve është vota e lirë. Dosja 339 dhe dosjet e tjera, tregojnë sesi krimi bleu zgjedhjet.

I vetmi institucion i pa kapur akoma ishte opozita shqiptare.

Po të qëndronim në atë sallë, do të ishim të kapur, sepse ne nuk arrinim të mbronim asnjë interes tuajin. Nuk arrinim të ndryshonim asnjë ligj! Ishim fasada e regjimit të Edi Ramës. Ne nuk mund të ishim më në krah të tij, në krah të hajdutëve. Ne vendosëm të jemi në krahun tuaj, në krahun e shqiptarëve, për një betejë që do të ketë vetëm një përfundim: fitoren e Demokracisë, fitoren e lirisë, fitoren e vlerave tona.

Basha shpjegon ndryshimin e sistemit: Shefi i deputetëve të maxhorancës së ardhshme, që jemi ne, nuk do të jetë më kryetari, por qytetarët. 

Çlirimi i qeverisë dhe qeverisjes nga krimi është prioriteti ynë, por ne do të vazhdojmë më tej. Ne do të ndërtojmë një sistem, ku deputeti ta ketë fatin e tij të lidhur me ju. Të jetë aty me të vërtetë si përfaqësues i juaj, si i zgjedhuri i preferuar i kryetarit të partisë, jo si skllav i kryeministrit të ardhshëm.

Jo, kurrë më!

Kurrë më një njeri i vetëm në karrigen e kryeministrit, nuk do t’i ketë të gjitha pushtetet. Kurrë më një njeri i vetëm në karrigen e kryeministrit, nuk do të jetë në gjendje të vendosë për gjithçka, sipas mendjes dhe interesave të veta, sipas xhepave të veta.

Dhe kjo fillon duke ndryshuar parlamentin, duke ia rikthyer parlamentin popullit.

Rikthimi i parlementit tek populli, kërkon një ndryshim. Kërkon që deputetët e ardhshëm shqiptarë të jenë, para së gjithash dhe mbi të gjitha, përcaktimi i mendjes, vullnetit dhe votës së qytetarëve shqiptarë. Kështu, ata do ta kuptojnë, deputetët e ardhshëm të PD, jam i bindur se, për shkak të sistemit të konkurencës, edhe partitë e tjera, pra, duhet ta kuptojnë se fati i tyre lidhet me fatin tuaj, se karriera e tyre do të lidhet me gjykimin tuaj. Do ta kuptojnë se shefi i deputetëve të ardhshëm të PD-së dhe të maxhorancës së ardhshme që jemi ne, që është sot shumica e shqiptarëve, nuk do të jetë kryetari i partisë, nuk do të jetë kryeministri. Shefi i deputetit të ardhshëm të Kavajës, do të jenë qytetarët e Kavajës. Këto do të jenë kriteret e zgjedhjes së deputetëve të ardhshëm, jo a më pëlqen a s’më pëlqen, a më ka qejf, a s’më ka qejf kryeministri i ardhshëm apo kryetari i partisë.

Ky është ndryshimi i sistemit, këto janë hapat që do të kthejnë vlerat europiane në Shqipëri që do të bëjnë të mundur që, në këtë vend që s’i mungon asgjë tjetër për t’u qeverisur si në Europë, të kemi dhe një sistem që e bën të mundur Shqipërinë si gjithë Europa.

Basha: Heqja e rimbursimit të TVSH-së, akt kriminal i qeverisë ndaj fermerëve

Akti i fundit i heqjes së rimbursimit të TVSH-së, është akti më kriminal që mund të ketë menduar ndonjëherë një qeveri në Europë kundër fermerëve të vet. Rimburson vetëm 6 përqind.

Çfarë do të thotë kjo?

Le të marrim qumështin, meqë është dhe kriza e fundit.

Kjo do të thotë që grumbulluesi i qumështit ose duhet ta shesë 14 përqind më shtrenjtë produktin në treg dhe të konkurojë me qumështin e importit, ose duhet ta subvencionojë vet, pra të ulë fitimin e vet, që është kundër llogjikës ekonomike. Ose, më e thjeshta për fat të keq, të vijë tek ju e t’ju thotë: sa e ke qumështin, 600? Jo, do ta marr 450, sepse nuk i marr dot lekët mbrapsht nga TVSH-ja.

Kush e mendoi këtë skemë dhe për çfarë arsye?!

E menduan vetëm për një arsye: që të falimentojnë fermerin shqiptar dhe të nxisin importin. Kushdo që e mendoi, kushdo që e vuri në jetë, ka një dhe një përgjegjës që është kryeministri i vendit.

Edi Rama për këtë vendim meriton jo vetëm një shuplakë apo një grusht, por një shkelm përfundimtar për ta hedhur në kanal, aty ku duhen hedhur jo produktet tuaja, por duhet hedhur ky pushtet i korruptuar.

Dhe tani thotë do të subvencionojë 10 lek litrin. 14 përqind i heq me një dorë dhe pastaj do ta subvencionojë me 10 lek litrin. Skemë e plotë vjedhje. Merr me dy duar dhe bën sikur jep me një dorë. Edhe atë nuk e bën, edhe atë nuk e jep. Aq sa keni marrë subvencione këto vite, aq do të merrni kompensim për qumështin. Koha e mështimit ka marrë fund, koha e ndryshimit ka ardhur.

Basha: 100 mln euro subvencione në vit për bujqësinë, 50 mln euro në vit investime për infrastrukturën e fshatit,  ndalim kontrabandes së grosistëve të importit.

Do të zerojmë koston e imputeve bujqësore, me qëllim që djersa juaj që derdhet lumë dhe i vadit këto toka njësoj si uji, të mos kthehet në mallkim, të mos kthehet në falimentim, të mos ju zhysë në borxh, të mos ju detyrojë të shkoni drejt emigrimit, sepse prodhimet tuaja në vend që të shiten, kalben apo derdhen kanaleve. Por, që djersa juaj të kthehet jo thjesht në mbijetesë, të kthehet në mirëqenie për fermerin, që garanton me punën e tij sot punësimin në shkallën 25 %, 1 në 4 shqiptarë është i punësuar në sektorin e bujqësisë,ndërkohë që pothuajse 1 në 2 shqiptarë jeton në zonat rurale.

100 milionë euro mbështetje të drejtpërdrejtë për fermerin vit për vit, do të kemi mbështetje për infrastrukturën, për rrugët e aksesit, për pikat e grumbullimit, për magazinimin, për frigoriferimin, për industrinë agro-përpunuese. Sepse edhe atëhere kur s’keni mundësi ta çoni produktin e freskët në treg, ju keni mundësi ta çoni të përpunohet, të konservohet, të kthehet fjala bie molla në marmalatë apo në reçel, prodhimet e tjera në turshi apo në lëng frutash. Asgjë që prodhohet me djersën tuaj të mos shkojë dëm. Për këtë, qeveria e ardhshme e Partisë Demokratike do të investojë çdo vit 50 milionë euro.

Së treti, kurrë më një grusht grosistësh dhe importuesish të lidhur me qeverinë, nuk do t’u jepet shansi të sjellin në tregun shqiptar prodhime të subvencionuara të vendeve të tjera, përmes kontrabandës doganore, për të kërcënuar dhe konkurruar në mënyrë të pandershme prodhimet e fermerëve shqiptarë. Fermeri shqiptar i pari, prodhimet e fermerit shqiptar të parat.

Basha: Në krye të 4 viteve të qeverisë sime, nuk do të ketë pensione nën 250 mijë lekë.

Do t’ia heqim hurin e vjedhjes, të 1.7 miliardë eurove vjedhje në 1 vit Edi Ramës, dhe me këto fonde do të nisim politikën e rritjes së pensioneve. Të mos kemi më pensionistë, që pasi harxhojnë lekët për korrentin, pasi harxhojnë lekët për ilaçet, s’u ngelen lekë as për bukë e për faturën e ujit. Pensionisti mbi moshën 70 vjeç harxhon 60-80 mijë lekë për faturën e tij të ilaçeve.

Unë nisem nga prindërit e mi, të cilët kanë punuar gjithë jetën dhe po të mos kenë ndihmë nga unë, pensioni s’u mjafton as për ilaçet dhe energjinë elektrike. Gjithë jetën nëna ime mësuese, hiq faturën e ilaçeve, s’u ngelet as 5 mijë lekë në ditë për muajin. Po jua them se e di fare mirë këtë situatë. Dhe të mendosh se prindërit e mi nuk kanë pensione të ulëta. Po ata që marrin vetëm 70, 80 apo 90 mijë lekë pension, me çfarë jetojnë? E çan kokën ky (Rama) me çfarë jetojnë ata? Ky një shishe verë e blen sa dy pensione.

Shoh nganjëherë se disa qeshin me batutat e kryeministrit. Mos qeshni o të mjerë se për çdo shaka që bën, është duke ju vjedhur, ju ka futur dorën në xhep, ju ka futur dorën në shtëpi. Vetëm sipas shifrave të KLSH, vjedhja është 100 mijë euro në orë. 1 orë me Edi Ramën u kushton shqiptarëve 100 mijë euro. Nuk është humor falas, po tallet me ju. Thirrini mendjes.

Bashkohuni me ne, bashkohuni me këtë shumicë, bashkohuni me shumicën dërrmuese të shqiptarëve, se sot jemi shumicë morale dhe politike. Prandaj,  rritja e pensioneve do të fillojë menjëherë. Pensione nën 250 mijë lekë në muaj në krye të 4 vjetëve nuk do të ketë.

Ftesa e Bashës për shqiptarët: Të shtunën bota do t’i ketë sytë në Tiranë për të parë forcën e bashkimit të popullit.

Beteja jonë është për të varrosur njëherë e mirë fenomenin e Ramës, pushtetarit batakçi, të lidhur me krimin që shkatërron ekonominë, futet në shtëpitë tuaja, në xhepat tuaja për të pasuruar veten e tij dhe një grusht njerëzish. Nuk ka kthim pas në atë që kemi nisur. Nuk ka pazar, kompromis mbi sakrificën tuaj, nuk ka asnjë zgjidhje tjetër përveç një zgjidhje të thellë politike, ku të realizohet ëndrra e çdo prindi, fermeri apo pensionisti të Rrogozhinës, për një Shqipëri europiane. Pranvera sapo ka nisur, ndryshimi po vjen falë jush.

Ndaj dua t’ju ftoj, ju banorë të Luzit, Kavajës dhe gjithë Shqipërisë, të vazhdojmë betejën tonë, ditën e shtunë me 13 prill në orën 18.00 pasdite, në një protestë madhështore kombëtare. Ju them se sytë e botës do të jenë aty të shtunën e ardhshme, për të parë forcën dhe bashkimin e një populli europian që nuk do të pranojë kurrë, asgjë më pak se çfarë kanë popujt e tjerë të Europës.

Ndaj ju ftoj të mos mungoni, kështu të gjithë të derdhemi në Tiranë ditën e shtunë në orën 18.00 për të treguar me bashkimin tonë vullnetin e pakthyeshëm për ndryshim, për Shqipërinë europiane, për fitoren e qytetarëve shqiptarë.

• Sē bashku me shqiptarēt do t’i japim fund sistemit tē ngritur nga Edi Rama pēr tē vjedhur çdo qindarkē pēr pasurimin e tij bashkē me oligarkēt. Kēta armiq tē interesit publik, do të trajtohen si armiqtë e shqiptarëve të ndershëm dhe do të marrin atë që meritojnë.

• PD ka një plan për nxjerrjen e vendit nga kriza. Ai fillon me marrjen e qindra milionë eurove taksa të shqiptarëve nga xhepat dhe kontot e oligarkëve, me anullimin  e kontratave korruptive dhe kthimin e këtyre parave te populli shqiptar.

• Ne do t’i japim fund diskriminimit të fermerēve. Do tē zbatojmē prej ditës sonë të parë, skemën më të madhe të subvencionimit familje për familje të prodhimeve bujqësore dhe blegtorale. Lekët do të shkojnë direkt tek fermeri, jo tek grumbulluesit apo sekserët.

• Do t’i japim fund hiles së madhe të ndryshimit të TVSH-së për prodhimet bujqësore. Duke hequr rimbursimin e TVSH-së, duke e kthyer atë nga 20 në 6%, Rama ka goditur direkt fermerët, duke ua ulur fitimin me 14%. Ne di ta anullojmē menjēherē kētē VKM korruptive.

• Me subvencionimin 100 milionë euro në vit, fermerët shqiptarë do të jenë fermerët më të mbështetur nga qeveria, në krahasim me çdo fermer tjetër të Ballkanit. Ky është prioritet kyç i PD.

• Beteja jonë nuk është vetēm për të larguar Edi Ramën, por pēr të varrosur fenomenin “Rama”, fenomenin e pushtetarit të korruptuar, të lidhur me krimin, që shkel dinjitetin e qytetarëve, shkatërron ekonominë, kap institucionet, për të pasuruar veten dhe një grusht njerëzish.

• Beteja jonë do të bëjë të mundur ndryshimin e sistemit. Kjo do të thotë që të kemi një drejtësi me ligjin e barabartë për të gjithë, që të ndëshkojë politikanët e korruptuar e të lidhur me krimin

• Ndryshim sistemi do të thotë që deputetët e ardhshëm të Kuvendit të Shqipërisë nuk do të përcaktohen më nga një njeri. Këta deputetë do të jenë prodhim i vullnetit qytetar. Ata do ta kenë fatin e lidhur me qytetarët. Do të jeni ju që do të përcaktoni kandidatët e ardhshëm të PD.

• Vij sot këtu si kryetar i opozitës, por edhe si përfaqësues i mazhorancës së re tē shqiptarēve, të vendosur për ta larguar Edi Ramën dhe bandën e tij hajdute, për të çuar para drejtësisë politikanët e lidhur me krimin dhe oligarkët e korruptuar, për t’ju dhënë shqiptarëve një sistem rregullash, qē do t’ia japë pushtetin votuesit dhe qytetarit.

• Ne jemi sot shumica dhe do të marshojmë drejt fitores për gjithë shqiptarët, fitores së vlerave, fitores së projektit tonë për ndryshim, fitores së drejtësisë së vërtetë, që nuk i mbron, por i ndëshkon politikanët e korruptuar, hajdutët që ju kanë zhvatur, që ju kanë robtuar dhe poshtëruar.

• Ju premtova se 16 shkurti do ta ndajë me thikë historinë tonë të re dhe kështu po ndodh. Nuk ka e nuk do të ketë kthim pas, derisa së bashku ta shembim këtë regjim e të ndërtojmë sistemin e vërtetë të vlerave evropiane. Nuk ka e nuk do të ketë pazar apo kompromis mbi sakrificën tuaj.

• Nuk ka e nuk do të ketë asnjë zgjidhje tjetër, përveç një zgjidhjeje të thellë politike, që do të bëjë të mundur që ëndrra e çdo të riu dhe shqiptari për një Shqipëri Evropiane, të bëhet realitet.” Sē bashku, nē mbremjen e sē shtunēs nē Tiranē. Ndryshimi po vjen!

TAKIMI I KRYETARIT TĒ PARTISĒ DEMOKRATIKE, LULZIM BASHA, ME QYTETARĒT E RROGOZHINĒS

Kryetari i Partisē Demokratike, Lulzim Basha, u tha qytetarēve tē Rrogozhinēs se si pērfaqēsues i shumicēs sē shqiptarēve do te bējē gjithçka pēr tē shkatērruar sistemin e ngritur nga Edi Rama pēr tē vjedhur çdo qindarkē pēr pasurimin e tij bashkē me oligarkēt. Nē njē takim entuziast me qytetarē tē Rrrogozhinēs, kryetari Basha tha se nē planin e PD, sistemi do tē vihet nē shērbim tē qytetarēve jo vetēm duke ulur taksat, çmimin e karburanteve, çmimin e energjisē elektrike, por edhe duke trajtuar si armiq tē popullit njē grusht oligarkēsh. “Ata janë armiqtë e shqiptarëve të ndershëm dhe do të marrin atë që meritojnë.”- tha Basha nē Rrogozhinē.

“Oligarkët shushunja, këta armiq të interest publik, banda e tyre që mban në këmbë pushtetin e Edi Ramës, e di fare mirë se çfarë e pret. Partia Demokratike ka një plan për nxjerrjen e vendit nga kriza dhe ai fillon me marrjen e qindra million eurove taksa të shqiptarëve nga xhepat dhe kontot e oligarkëve, me anullimin  e kontratave korruptive dhe kthimin e këtyre parave te populli shqiptar.”

Kryetari i opozitēs shpjegoi nē Rrogozhinē planin e PD pēr mbēshtetjen financiare tē fermerēve nga qeveria dhe qēndrimin e PD pēr TVSH-nē ndaj prodhimeve bujqesore.

“Ne do t’i japim fund njëherë e mirë, diskriminimit të fermerit të Rrogozhinës, diskriminimit të fermerit shqiptar. Ne do të fillojmë prej ditës sonë të parë, skemën më të madhe të subvencionimit familje për familje, fermer për fermer, të prodhimeve bujqësore dhe blegtorale. Çdo prodhim bujqësor, drithëra, zarzavate, fruta perime, çdo prodhim blegtoral, do të subvencionohen nga shteti shqiptar nën qeverisjen e Partisë Demokratike, sipas modeleve europiane, sipas modeleve të suksesshme të rajonit.

Miqtë e mi, ne do ta bëjmë këtë pa hile.

Do ta bëjmë këtë, në rradhë të parë, duke mundësuar që lekët e subvencioneve të shkojnë drejtpërdrejtë tek fermeri, jo tek grumbulluesit, as tek sekserët dhe ndërmjetësit e tjerë.

Së dyti, ne do t’i japim fund hiles së madhe të ndryshimit të TVSH-së për prodhimet bujqësore. Fermerët mes jush, e dinë fare mirë se çfarë ka ndodhur. Duke hequr rimbursimin e TVSH-së, duke e kthyer atë nga 20 në 6 përqind, Edi Rama ka goditur drejtpërdrejt fermerët shqiptar, ju dhe prodhimet tuaja, sepse i ka lënë vetëm tre rrugë prodhimeve tuaja: Ose të përfundojnë në treg me çmim 14 përqind më të rritur, ose përpunuesi, grumbulluesi, apo vetë fermeri ta shesë me 14 përqind më pak në treg. Ose fermeri t’ia dërgojë grumbulluesit me 14 përqind më pak prodhimin bujqësor e blegtoral.

Pra, jua ka ulur me një VKM, me një të rënë të lapsit, jua ka hequr 14 përqind çmimin prodhimeve bujqësore. Ju ka ulur 14 përqind fitimin për çdo kg mollë, qepë, fasule, qumësht, mish, grurë apo misër, fermerëve shqiptarë. Pastaj, kur pa protestën e blegtorëve, ka shpallur se gjoja do të subvencionojë me 10 lek litrin e qumështit.

Shikoni çfarë hajdutërie!  Jua ul me 14 përqind dhe pastaj premton se do të japë 10 lek. Si çdo premtim tjetër, edhe këtë premtim ai e ka një gënjeshtër, një mashtrim të vërtetë. “

Koha e besimit tek fjalët e Edi Ramës ka marrë fund prej kohësh. Askush nuk e beson më atë dhe bandën e tij hajdute.

Ndaj këtu nga Rrogozhina, dua ti drejtohem fermerëve të të gjithë Shqipërisë e t’ju them se jo vetëm që do ta anullojmë këtë VKM korruptive dhe rimbursimi do të jetë i plotë, 20 përqind, por ne do të mundësojmë përmes subvencioneve direkte për çdo fermer, që puna juaj dhe djersa juaj të mos kthehet mallkim për ju, të mos kthehet në borxhe për ju, të mos kthehet në varfëri për ju. Mos t’i lini tokat djerrë, mos ta derdhni qumështin nē rrugë dhe mos t’i shkulni pemët, por që çdo prodhim shqiptar të shitet me fitim për fermerët në tregun shqiptar dhe eksport.

Subvencionimi 100 milion euro në vit, do të bëjë të mundur që djersa e fermerit të Rrogozhinës, djersa e çdo fermeri shqiptar, të nderohet në treg dhe t’i japë familjeve që jetojnë me tokën dhe me blegtorinë, jo thjesht mbijetesën, por mirēqënien.

Me 100 milionë euro në vit, fermerët shqiptarë do të jenë fermerët më të mbështetur nga qeveria, në krahasim me çdo fermer tjetër të Ballkanit. Zotohem për këtë para jush. Ky është prioritet i Partisë Demokratike.”

Lulzim Basha u fokusua gjatē fjalēs sē tij nē shpunēsimin masiv tē shqiptarēve dhe largimin e rinisē pēr shkak tē masave antibiznes tē qeverisē sē Edi Ramēs.

“Ne do ta ndalim këtë gjëmë. Ne do të bëjmë të mundur përmes uljes së taksave, përmes taksës së sheshtë, sipërmarrjes shqiptare që të marrë frymë lirisht, të konkurrojë lirisht, të punojë, të prodhojë, të tregtojë, të krijojë vende pune me paga dinjitoze, për të punësuar jo vetëm prindërit, por edhe rininë shqiptare.”

Lideri i opozitēs tregoi nē ç’mēnyrē do t’u merren milionat e grabitura shqiptarēve nga pushtetarēt dhe oligarkēt.

“Shqipëria dhe Rrogozhina nuk janë të varfra, ato janë të vjedhura nga banda e Edi Ramës me një grusht oligarkësh gjakpirës. Ndaj, bashkë me largimin e kësaj qeverie bandë, ne do të largojmë edhe këta oligarkë, këta njerëz, të cilët janë bërë milionerë dhe miliarderë mbi gjakun dhe djersën e popullit shqiptar, asgjë e mirë për shqiptarët, por vetëm pasurim për ta, ndaj ju jap fjalën, se dita e ndryshimit të madh, nuk do të jetë thjesht dhe vetëm dita e largimit të Edi Ramës, por do tē jetë dita e llogarisë për oligarkët dhe oligarkinë. Pasuritë e vëna mbi gjakun dhe djersën tuaj do të konfiskohen, kontratat korruptive do të anullohen, duke nisur me kontratat e inceneratorëve të Arben Ahmetajt, të cilët helmojnë fëmijët e shqiptarëve për të pasuruar një grusht banditësh të korruptuar, duke vazhduar me koncesionet korruptive të rrugëve, miliarda euro të shqiptarëve që përfundojnë në xhepat e 5 njerëzve. Do t’i anullojmë këto kontrata, do t’ua kthejmë këto para qytetarëve shqiptarë.”

Njē nga çēshtjet qē u prit me mē shumē interes nga qytetarēt, ishte alternativa qē ofron PD pēr tē ndryshuar sistemin politik dhe mēnyrēn e qeverisjes, ku nē themel tē ndryshimit qēndron njē drejtēsi qē ndēshkon politikanēt e korruptuar dhe njē sistem, ku deputeti e ka tē lidhur fatin me qytetarin, jo me kryetarin e partisē.

“Beteja jonë nuk është thjesht dhe vetëm beteja për të larguar Edi Ramën, është betejë për të varrosur njëherë e mirë fenomenin e Edi Ramës, fenomenin e pushtetarit batakçi, pushetarit të korruptuar, pushtetarit të lidhur me krimin, pushtetarit që shkel dinjitetin e qytetarëve, shkatërron ekonominë, kap institucionet, dhunon të drejtat tuaja, futet në shtëpitë tuaja, në xhepat tuaja, në tavolinat tuaja, në shkollën e fëmijëve tuaj, për të pasuruar veten e tij dhe një grusht njerëzish.

Ky model do të marrë fund. Kjo lëvizje do t’i japë fund këtij modeli dhe do të parandalojë që kurrë më, në të ardhmen, asnjë njeri, asnjë grup, asnjë forcë politike të mos marrë peng Shqipërinë, demokracinë, institucionet dhe drejtësinë.

Për këtë arsye beteja jonë është një betejë shumë më e thellë, e cila do të bëjë të mundur ndryshimin e sistemit.

Ndryshimi i sistemit do të thotë që të kemi një drejtësi me ligjin e barabartë për të gjithë, ku t’i japim fund drejtësisë që mbron njerëzit e fortë, njerëzit e pushtetshëm, edhe kur ata kapen duke vjedhur, duke vjedhur milionat e shqiptarëve, duke vjedhur votat e shqiptarëve dhe që ndëshkon të pafajshmit, ndëshkon të pambrojturit dhe që përdoret si një shkop në kokën e atyre që mezi sigurojnë mbijetesën. Drejtësia, e cila do të çojë në burg politikanët e korruptuar dhe të lidhur me krimin, do të jetë ndryshimi i parë i sistemit.

Ndryshim sistemi do të thotë që deputetët e ardhshëm të Kuvendit të Shqipërisë nuk do të përcaktohen më në mënyrë misterioze, anonime apo vetëm nga një njeri. Këta deputetë do të jenë prodhim i vullnetit qytetar. Ata do ta kenë fatin e lidhur me qytetarët, ata do ta kenë fatin të lidhur me ju, ju do të jeni ata që do të përcaktoni kandidatët e ardhshëm të Partisë Demokratike, ju do të jeni ata që do të përcaktoni me votë deputetët e ardhshhëm të Kuvendit të Shqipërisë. Në këtë mënyrë, deputetët e ardhshëm në Kuvendin e ardhshëm të Republikës së Shqipërisë nuk do të jenë njerëz të cilët, pa emër, pa fytyrë, pa zë, ngrenë kartonin për të vjedhur me ligj ju, taksat tuaja dhe pasurinë e vendit. Nuk do të jenë njerëz të cilët do ta lidhin fatin e tyre me kryeministrin e radhës apo kryetarin e partisë. Fati i tyre do të lidhet vetëm me votuesin, vetëm me qytetarin, vetëm me ju. Do të garantojmë kështu, përmes këtij ndryshimi sistemi, që parlamenti të mos jetë noter i qeverisë, por të jetë përfaqësues i popullit, përfaqësues i qytetarëve, mbrojtës dhe promovues i interesit tuaj.”

Duke falenderuar qytetarēt e Rrogozhinēs pēr kurajon e bashkinit nē protestat mē qytetare dhe europiane kundër padrejtësisë dhe varfërisë, kryetari Basha premtoi se çdokush qē proteston do tē ketē nē krah PD.

“Unë vij sot këtu si kryetar i opozitës shqiptare, por vij, po kështu, siç e keni parë gjithësecili prej jush, edhe si përfaqësues i mazhorancës së re të popullit shqiptar, mazhorancës së re të shqiptarëve, të vendosur për ta larguar Edi Ramën dhe bandën e tij hajdute, për të çuar para drejtësisë politikanët e lidhur me krimin, bosët e krimit dhe oligarkët e korruptuar, për t’ju dhënë shqiptarëve një sistem rregullash, i cili, njëherë e përgjithmonë, do t’ia japë pushtetin votuesit dhe qytetarit të thjeshtë, siç është në Evropë, ku pushteti buron nga populli, qeveria është e popullit, për popullin dhe nga populli.

Ju e dini, e keni parë, e keni ndjerë. Ne jemi sot shumica dhe do të marshojmë drejt fitores për gjithë shqiptarët, fitores së vlerave, fitores së projektit tonë për ndryshim, fitores së drejtësisë së vërtetë, që nuk i mbron, por i ndëshkon politikanët e korruptuar, hajdutët që ju kanë zhvatur, që ju kanë robtuar dhe poshtëruar. Mos harroni, ky ndryshim i madh erdhi sepse u ngritët ju, u ngritën qytetarët. Ju përgjigjët thirrjes sime, thirrjes së opozitës me 16 shkurt.

Ju premtova se 16 shkurti do ta ndajë me thikë historinë tonë të re dhe kështu po ndodh. Nuk ka e nuk do të ketë kthim pas, derisa së bashku ta shembim këtë regjim e të ndërtojmë sistemin e vërtetë të vlerave evropiane. Nuk ka e nuk do të ketë pazar apo kompromis mbi sakrificën tuaj. Nuk ka e nuk do të ketë asnjë zgjidhje tjetër, përveç një zgjidhjeje të thellë politike, që do të bëjë të mundur që ëndrra e çdo të riu dhe çdo të reje të Rrogozhinës, ëndrra e çdo prindi të Rrogozhinës, ëndrra e pensionistëve, ëndrra e fermerëve, “Për një Shqipëri Evropiane”, të bëhet realitet.”

Lideri i opozitēs ftoi qytetarēt t’i bashkohen protestēs sē 13 Majit nē Tiranē.

“Mirënjohje për qëndresën tuaj, e cila, jam i bindur, do të vazhdojë, dhe një ftesë nga zemra, të bëheni pjesë e lumit të qytetarëve që do të derdhen në Tiranë mbrëmjen e të shtunës së ardhshme, në orën 18, në një tjetër bashkim të madh kombëtar forcash, mendjesh, zemrash. Pranvera sapo ka nisur, ndryshimi po vjen, falë jush dhe vendosmërisë së qytetarëve shqiptarë.”- u shpreh Kryetari i PD, Lulzim Basha.

• Pas skandalit mafioz për fabrikimin shtetëror të dëshmitarit të rremë kundër opozitës në çështjen Xhafaj, është i përfshirë drejtpërdrejt Edi Rama dhe bashkëpunëtorët e tij më të afërt politikë.

• Përfshirja e Edi Ramës në këtë aferë mafioze është arsyeja se pse një javë pas publikimit të përgjimeve zyrtare, ai nuk ka gjetur guximin as ta dënojë këtë akt e as të kërkojë ndëshkimin e çdokujt të përfshirë në të.

• Prokuroria është pjesë e skemës së manipulimit shtetëror. Më së paku, ajo duhet të kishte arrestuar Drejtorin e ri të Fierit dhe të niste hetimet për kupolën qeveritare të përfshirë në këtë aferë mafioze.

• Kauza për të çliruar qeverisjen nga krimi ka bashkuar shumicën e shqiptarëve rreth opozitës në betejën për liri, siguri dhe mirëqenie. Largimi i qeverisë së krimit do të jetë fitorja e parë e beteje!

DEKLARATË E NENKRYETARIT TË PARTISË DEMOKRATIKE, EDMOND SPAHO

Gjatë gjithë kësaj jave qytetarët shqiptarë dhe opinioni ndërkombëtar kanë parë dhe dëgjuar përgjimet zyrtare nga Prokuroria, që provojnë skandalin mafioz të fabrikimit shtetëror të një dëshmitari të rremë kundër opozitës dhe medias në çështjen “Xhafaj”.

Qytetarët kanë dëgjuar sesi drejtuesit më të lartë të Policisë së Shtetit kanë paguar para në dorë aktorit të qeverisë, Fredi Alizoti, i dënuar më parë për trafik droge, në mënyrë që të gënjente se ishte ai dhe jo Agron Xhafaj që koordinonte trafikun e drogës nga Vlora.

Përgjimet zyrtare të Prokurorisë tregojnë se ky skenar kriminal është vënë në zbatim nga një bashkëpunim mes drejtuesve më të lartë të Policisë së Shtetit, kupolës politike të Rilindjes dhe qeverisë, me përfshirje direkte të Prokurorisë dhe Shërbimit Informativ Shtetëror.

Një javë pas publikimit të këtij skandali mafioz çdo shqiptar e ka kuptuar se i përfshirë drejtpërdrejt është vetë Edi Rama dhe bashkëpunëtorët e tij më të afërt politikë.

Është përfshirja e vetë Edi Ramës në këtë aferë mafioze arsyeja se pse një javë pas publikimit të përgjimeve zyrtare ai nuk ka gjetur guximin as të distancohet e jo më të dënojë këtë akt mafioz e të kërkojë ndëshkimin e çdokujt të përfshirë në të.

Është përfshirja e drejtpërdrejtë e Drejtorit të Përgjithshëm të Policisë së Shtetit, e ish Ministrit të Brendshëm, Fatmir Xhafaj, e kreut të grupit parlamentar të Partisë Socialiste, Taulant Balla, arsyeja pse askush prej tyre nuk kanë gjetur guximin të distancohen e jo më të dënojnë këtë akt mafioz e të kërkojnë ndëshkimin e çdokujt të përfshirë në të.

Është përfshirja e drejtëpërdrejtë e dyshes Marku-Prela arsyeja se pse këta që reagojnë brenda pak minutash kundër protestuesve që mbrojnë të drjetat dhe shtëpitë e tyre, kanë një javë që kanë lidhur gjuhën, në vend që të nisin hetimet për kupolën qeveritare të përfshirë në këtë aferë mafioze.

Skandali i publikuar dhe përpjekja e kupolës së shtetit për ta kaluar atë në heshtje, është radiografia e shtetit bandit të Edi Ramës, ku kryeministri porosit manipulimin e së vërtetës së përfshirjes në trafik droge të vëllait të Ministrit të Brendshëm, dhe shërbëtorët e tij në polici, Shërbim informativ dhe prokurori, e zbatojnë atë.

Prova e fundit e këtij bashkëpunimi kriminal, nga Edi Rama deri tek dëshmitari i rremë Fredi Alizoti është promovimi si drejtues i Policisë së Fierit i Andon Markos, që sot duhet të ishte në arrest me burg për veprën penale pengim i drejtësisë dhe bashkëpunimit kriminal për të fshehur një vepër të krimit të organizuar, siç është trafiku i drogës.

Promovimi i policit të inkriminuar Andon Marko që, sipas përgjimeve të vetë prokurorisë,  paguan me para dëshmitarin e rremë të qeverisë është një tjetër provë se Edi Rama e ka zëvendësuar shtetin ligjor me një sistem kriminal, ku ai që i shërben bandës në pushtet promovohet, ndërsa policët si Dritan Zagani apo Emiljano Nuhu, që denoncojnë banditët në qeveri, largohen në azil politik.

Prokuroria shqiptare jo vetëm është bërë pjesë e skemës së manipulimit, por vazhdon të heshtë edhe pas zbulimit të fakteve zyrtare që provojnë këtë skemë.

Më së paku, Prokuroria duhet t’i kishte vënë prangat për dëshmi të rreme, Drejtorit të sapoemëruar të Fierit, Andon Marko, i cili ka deklaruar se e ka takuar vetëm një herë aktorin e qeverisë, në një kohë kur përgjimet faktojnë të kundërtën.

Kapitullimi i shtetit të së drejtës dhe kapja e çdo pushteti në Shqipëri nga Edi Rama me krimin e organizuar, është kërcënimi më i madh për sigurinë dhe të drejtat e çdo qytetari shqiptar.

Ndaj, kauza jetike për të rikthyer sundimin e ligjit dhe për të çliruar qeverisjen nga krimi, ka bashkuar shumicën e shqiptarëve rreth opozitës në betejën për liri, siguri dhe mirëqenie për të gjithë.

Largimi i qeverisë së krimit do të jetë fitorja e parë e kësaj beteje!

• PD parashikon në programin e vet, stazh pune për 10 mijë student në vit
• Vendet e punës i krijojnë investimet e huaja. Ja pse të huajt nuk vijnë në Shqipëri
• Paratë që jepen për oligarkët do i kthejmë në politika punësimi për rininë
• Anullojmë Ligjin e Arsimit të Lartë dhe hartojmë një ligj të ri me standarte europiane
• Në qeverisjen e PD, asnjë student nuk do të mbetet pa studiuar, pse familja e tij nuk ka mundësi ekonomike
• Në qeverisjen e PD, asnjë student nuk do të mbetet pa studiuar, pse familja e tij nuk ka mundësi ekonomike
• Sistem të përzgjedhje të kandidatëve të PD. Sistem që pamundëson kandidimin e kriminelëve dhe atyre që duan të bëjnë para
• Listat e hapura? Një ide e vlefshme për të pasur deputetë që përfaqësojnë interesat e qytetarëve
• Ligj të ri për Referendumet, që të ndalim hajdutët që ndërtojnë pa votë fabrikat e vdekjes në Tiranë, Elbasan apo Fier

Kryetari i Partisë Demokratike, Lulzim Basha, për rreth 90 minuta ka paraqitur para studentëve, gjatë një bashkëbisedimi në UPT, programin e Partisë Demokratike për arsimin e lartë si dhe pikpamjet e tij dhe të opozitës për ligjin e ri, duke premtuar shfuqizmin e ligjit actual dhe hartimin e një të riu me standarte europiane.

Basha ndau me studentët edhe ide politike, ku ka shpjeguar edhe arsyet e djegie së mandateve si dhe demokratizimin e Partisë Demokratike, duke i hequr nga duart listat kryetarit dhe duke ia dhënë atë qytetarëve që të zgjedhin deputetët që i përfaqësojnë.

Gjithashtu, kryetari i PD e cilësoi si ide të vlefshme, idenë e listave të hapura ndërkohë që paralajmëroi masa radikale për të pamundësuar futjen e kriminelëve në Parlament e në institucione shtetërore.

Studentët gjatë bashkëbisedimit me kryetarin e PD, Lulzim Basha, ngritën një sërë çeshtjes për të cilat morën përgjigje nëpërmjet parashtrimit të pikave të programit që Partia Demokratike po harton me partnerët ndërkombëtarë.

Basha: PD parashikon në programin e vet, stazh pune për 10 mijë student në vit 

Dorian Beqiri, fakulteti i Shkencave të natyrës:

Dy nga problemet më jetike të studentëve janë punësimi dhe programet e praktikave. Programi i praktikave është një problem shumë i madh për ne studentët sepse nëpërmjet këtyre programeve, ne kemi mundësi të orientohemi për profesionin që do të zgjedhim dhe do të jemi më të aftë të përcaktojmë rrugën se ku ne do të punojmë. Kjo siç dihet s’bëhet dot vetëm nga institucioni ku ne arsimohemi, por ka një ndërlidhje mes shtetit, institucioneve dhe bizneseve, që mund të jenë private a publike. A ka një studim nga ana e opozitës të mënyrës se si kjo mund të rregullohet dhe të hidhet në zbatim për të gjitha institucionet publike të arsimit të lartë?

Basha: Në Gjermani pata mundësi të drekoja me 8 stazhierë në Bundestagun gjerman. Nga 8 stazhierë shqiptarë, dy kanë nisur punën në Bundestag dhe të gjithë ishin të zgjedhur përmes programeve të stazhit që Bundestagu ka për studentët që vijnë nga rajoni ynë. Ky është jo thjeshtë një prioritet, por duhet të jetë një prioritet absolut për studentët tanë. Për këtë arsye ne kemi parashikuar në programin tonë, një mundësi stazhi për 10 mijë studentë shqiptarë në vit. Pra 10 mijë student shqiptarë në vit, do të përfitojnë mundësinë përmes konkurencës, të jenë diku në praktikë pune në sektorin privat apo në institucione shtetërore. Mënyra se si do të realizohet, do të reflektojë prioritetet e zhvillimit të Shqipërisë, sepse kur bën stazhin e bën me synimin që të mësohesh me praktikën e punës dhe të gjesh një vend pune. Fjala kyç këtu është një vend pune. Edhe nëqoftëse qeveria financon 100 mijë stazhe, nëse ska vende pune çfarë do të bësh?! Prandaj gjithçka duhet të jetë në funksion të krijimit të vendeve të qëndrueshme të punës me kushte dhe paga dinjitoze.

Basha: Vendet e punës i krijojnë investimet e huaja. Ja pse të huajt nuk vijnë në Shqipëri

Siguria ligjore këtu është zero. investitorët e huaj sot firmosin kontratën, nesër u dalin në rrugë dhe i rrahin dhe i përcjellin andej nga kanë ardhur.

Në shqipëri taksa për fitimin e koorporatave është 6 përqind më e lartë se san ë Kosovë, Maqedoni, Mal të zi, madje dhe se në Hungari. Pse duhet të vijnë në Shqipëri kur u duhet të paguajnë më shumë taksa se në këto vende.

Çfarë ka bërë ky shtet, kjo qeveri, që të ju garantojë investitorëve të huaj, njërëz të kualifikuar për fushat që ata kërkojnë, në fushat e teknologjisë së informacionit? Asnjë përparim domethënës! Pse? Sepse fakulteti i teknologjisë së informacionit në Tiranë, Durrës, Elbasan, është në kushte primitive. Mësohet kompjuteri me dërrasë të zezë dhe shkumës. Katastrofë! inxhinierët e ardhshëm të teknologjisë së informacionit i marrin mësimet me dërrasë të zezë e shkumës, ndërkohë që Europa dhe rajoni po i kalon fëmijët e shkollës fillore  me tablet.

Basha: Paratë që jepen për oligarkët do i kthejmë në politika punësimi për rininë

Qeveria duhet të ndajë fonde dhe qeveria e ardhëshme do të ndajë fonde dhe ju jap fjalen se qeveria e ardhëshme arsimin e lartë e ka prioritet absolut. Fondet që do të ndahen për këtë janë vetëm një fraksion i fondeve që kjo qeveri harxhon vetëm për dy oligarkë. Vetëm për dy oligarkë! Një prej vendimeve të para do të jetë anullimi i kontratave jo vetëm i dy oligarkëve, por të gjithë oligarkëve dhe rikthimi këtyre parave në politika që nxisin punësimin, kualfikimin e rinisë dhe shanset dhe mundësitë që rinia paralelisht me kualifikimet të punësohet këtu në Shqipëri

Studenti Vilson Kulemani: “Si i pengoi Erion Veliaj studentët gjermanë të vizitonin godinat e Qytetit Studenti”

Gjatë protestës studentore, e cila bëri jehonë në të gjithë botën, në Shqipëri mbërriti një union studentor gjerman, Unioni ASTA i Universitetit të Hamburgut, ku në të gjitha fakultetet ku shëtitëm dhe i çuam për të parë gjendjen, i çuam edhe në Qytetin Studenti, për të parë konviktet. Duke ditur që fondi gjerman KfË ka dhënë 26 milionë euro, 12 prej të cilëve grant dhe 14 të tjerat kredi e butë, brenda 4 viteve duhet të kishin mbaruar të 28 godinat e Qytetit Studenti, ndërsa në të vërtetë nuk është prekur asnjëra prej tyre. Ne shkuam me shkresë zyrtare, ku drejtoresha e konvikteve, Anila Hoxha në mos gaboj, bënte pingpong me Lali Erin, duke u justifikuar se s’ju lejoj dot të futeni brenda, sepse është kompetencë e bashkisë, kurse nga bashkia na thoshin se është kompetencë e drejtoreshës. Si përfundim, u mësuam edhe gjermanëve se ç’janë projektet 3D, sepse ata nuk arritën që të futen brenda. Gjatë ngujimit pashë se shumë studentë vinin dhe ngujoheshin, sepse ishin më rehat të flinin në karriget e universitetit, sesa në ato krevatë që u kishin dalë sustat. Pas kësaj, bëmë një takim me ambasadën gjermane, kërkuar nga vetë unioni studentor gjerman. Më pas, studentët gjermanë janë kontaktuar si nga drejtoresha e konvikteve, ashtu edhe nga përfaqësues të ambasadës gjermane, për t’ju thënë që të mos i paraqesin faktet e mbledhura, fotot, apo mos bëni bujë të madhe në shtetin gjerman. Por reportazhet që studentët bënë, janë shfaqur nëpër gazeta të ndryshme lokale e kombëtare gjermane.

Basha: Anullojmë Ligjin e Arsimit të Lartë dhe hartojmë një ligj të ri me standarte europiane

Programi që ju parashtrova nuk do të funksionojë nëse vendimet do ti marrë prapë kryeministri dhe ministri i arsimit. Demokratizimi i vendimarrjes, moderrnizimi i universiteteve, sipas modelit europian do të jetë tipari i ligjit të ri për arsimin e lartë, për të cilin kemi ngritur një grup pune me ekspertët më të mirë dhe do ti bëjmë një ftesë publike shumë shpejt pedagogëve dhe ekspertëve më të mirë shqiptarë, studentëve, që të bëhen pjesë e këtij grupi pune. Jo thjeshtë ta anullojmë këtë ligj ditën e parë në qeveri, siç ju kam premtuar dhe dua të jua premtoj sot këtu. Port ë kemi gati në mënyrë të plotë të konsultuar, transparente, ligjin e ri për arsimin e lartë të standarteve europiane.

Basha: Në qeverisjen e PD, asnjë student nuk do të mbetet pa studiuar, pse familja e tij nuk ka mundësi ekonomike

Emanuel Çaushi, student për drejtësi në Londër. Dua të kthehem në Shqipëri. Çfarë incentivash ka që studentë si puna ime të kthehen në atdhe. Shpresoj shumë që gjendja në këtë pikë të ndryshojë me qeverinë e ardhshme të Partisë Demokratike.

Basha: Aktualisht s’ka asnjë nxitje, asnjë incentiv. Kjo është arsyeja që asnjë student nuk kthehet, por edhe studentët që janë në Shqipëri mendojnë vetëm për të ikur jashtë. Kjo duhet të ndryshojë, kjo do të ndryshojë, sepse nuk ka shans Shqipëria të mbijetojë, pa ndryshuar si përparësi kryesore këtë problem: të mbajë të motivuar rininë të ndërtojë jetën këtu. Përparësi do të thotë para për arsimin e lartë. Plani që kam patur rast ta shpalos në seancat e fundit të pseudoparlamentit ishte ky: dyfishim i buxhetit për arsimin e lartë, nga 36 milionë euro që është për vitin 2019 në 72 milionë euro. Është plotësisht e mundur, mjafton që të mos vjedhë Edi me Damianin e me DH Albanian tek Unaza, dhe dalin e teprojnë ato para për dyfishimin e buxhetit. Me dyfishimin e buxhetit do bëhej e mundur që së pari të gjithë studentët që vijnë nga familje me të ardhura nën 640 mijë lekë të vjetra të përfitonin subvencionin në masën 100 % të tarifave për bachelor e master. Dhe ne do ta bëjmë këtë realitet. Së dyti, për të gjithë të tjerët do të thotë përgjysmim të tarifave për bachelor dhe master. Së treti do të thotë mjaftueshëm para për 5 mijë bursa sociale për ata studentë që edhe po tua zerosh tarifën, s’kanë mundësi as të marrin dhomë me qira, as të ushqehen e të blejnë dy palë këpucë, një për dimër e një për verë, as të blejnë tekstet shkollore e as biletën e transportit. Në një masë prej 2 milionë e 200 mijë lekësh të vjetra në vit, 5 mijë studentë familjet e të cilëve janë në një gjendje ekonomike katastrofike, do t’ju mundësohet studimi. Ne do ta bëjmë këtë realitet. Nuk do të ketë asnjë vajzë apo djalë shqiptar që do të mbeten pa studiuar për shkak se familja e tyre nuk ka mundësi ekonomike. Ne do ta bëjmë realitet. Dhe mbeten mjaftueshëm fonde në një vlerë prej 32 milionë eurosh për të mbështetur investimet në 2 infrastruktura: studentore dhe akademike. Studentore do të thotë konvikte, mekanizëm të cilin do ta vëmë menjëherë në lëvizje, kur PD me votën e qytetarëe, siç besoj se e keni parë, do t’i besohet dhe do të marrë në dorë qeverisjen e vendit. Por duhet më shumë se kaq. Duhet edhe më shumë se kaq që ju të mos ndiheni të përjashtuar, por të ndiheni të nxitur për të qendruar në Shqipëri apo për t’u kthyer në Shqipëri. Ne do t’i japim fund sistemit që përjashton, ku i gjithë vendi është në duart e qeverisë dhe 5 oligarkëve që nga mëngjesi deri në darkë, hanë e pinë me kryeministrin dhe vendosin se kush mer çfarë, si, qysh, tek.

Denoncimi në bashkëbisedimin e kryetarit Basha me studentë në Universitetin Politeknik

Studentja Ambra Nazarko: Si më përjashtoi kryeministri nga bursa e ekselencës, vetëm se isha studente greviste

Jam Ambra Nazarko, studente e fakultetit të drejtësisë, Universiteti i Tiranës, viti i dytë bachelor. Kam qenë studente protestuese, studente e ngujuar në Fakultetin e Drejtësisë, studente ekselente, ku me VKM-në e parë të zotit kryeministër, dola në listat e përfitimit të bursës së ekselencës. Ditën e hënë ne kemi mbyllur ngujimin dhe ditën e dytë dalin listat e tjera dhe emri im nuk figuronte më. Kam kërkuar një vertetim studenti nga fakulteti, ka një muaj dhe akoma nuk ka dalë ai vertetimi çuditërisht.

Basha prezanton sistemin e ri të përzgjedhjes së kandidatëve të PD: Sistem që pamundëson kandidimin e kriminelëve dhe atyre që duan të bëjnë para

Ne po adoptojmë një model europian brënda partisë tonë. Unë jam i vendosur ta modernizoj dhe ta demokratizoj Partinë Demokratike, dhe për këtë kam mbështetjen e botës perëndimore. Të partisë Konservatore në Angli, CDU-së Gjermane, Partisë Republikane Amerikane. Sistemi që ne do të adoptojmë është një sistem që e hap PD-në, e hap ndaj çdokujt që ndan vlerat tona, vizionin tonë për shoqërinë, për lirinë e individit, mundësitë, konkurencës dhe ju jep mundësinë përmes garës të kontribuojnë nëqoftëse duan të marrin përgjegjësi publike. Që të ndryshojë politika, në rradhë të parë duhet të ndryshojnë faktorët e politikës, që janë partitë politike. Nëse brenda partive politike, gjithë vendimarrja është në dorën e një njeriu, në rastin konkret të kryetarit të partisë që bën listën e kandidatëve për deputetë, ashtu do të jetë nesër dhe shteti, në dorën e një njeriu. Ne do ti japim fund kësaj praktike. Unë ju jap fjalën se jam i vendosur ti jap fund kësaj praktike, duke nisur brenda Partisë Demokratike sot, dhe nesër në qeverisje.

Si do ti japim fund?

Në procesin e përzgjedhjes së kandidatëve ne do të ndjekim praktikat europiane. Do të mundësojmë se çdokush që ka interest ë përfaqësojë politikisht qytetarët, komunitetin, në çdo lloj niveli, të kenë mundësinë të garojnë. Natyrisht do ta bëjmë këtë duke i pamundësuar garimin njerëzve me rekorde kriminale, apo njerëzve që vijnë aty me para për të shyumfishuar paratë e tyre, jo për ti shërbyer qytetarëve apo njerëzve që nuk ndajnë vlerat tona. Britanikët do të na ndihmojnë dhe po na ndihmojnë që ne të ndërtojmë tashmë një mënyrë të zbatimit të këtyre rregullave. Nesër do të shikoni vetë, kur PD do të votojë online formularët e aplikimit pë rata që dëshirojnë të jenë kandidatë në zgjedhjet e ardhëhsme në emër të Partisë Demokratike e cila do të jetë e hapur për të gjithë. Dhe do të jetë merita ajo që do të përcaktojë se kush do të jetë ai/ajo që do të përfitojë përmes votës së lirë dhe përmes një vleresimi transparent, mundësinë për të përfaqësuar nesër PD-në në një Parlament të çliruar nga krimi dhe me një qeverisje të çliruar nga krimi dhe kriminelët.

Basha: Listat e hapura? Një ide e vlefshme për të pasur deputetë që përfaqësojnë interesat e qytetarëve

Projekti që kemi nisur sëbashku dhe kemi djegur mandatet, është shumë më i thellë se sa thjeshtë largimi i kësaj qeverie dhe ndryshimi i kësaj qeverie. Është një projekt kombëtar për të ndërtuar sëbashku një Shqipëri të vlerave europiane. Për këtë duhen edhe ndryshime të thella në sistem. P.sh, ka ide të vlefshme si listat e hapura, ku qytetarët jo thjeshtë të vendosin për siglën e partisë, por të vendosin se kë preferojnë nga lista e deputetëve, për një parlament i cili të ketë deputetë që më të vërtetë që e lidhin fatin e tyre me qytetarët. Në këtë mënyrë, një parlament i tillë është garanci që edhe qeveria do ti shërbejë interesave të qytetarëve, sepse është parlamenti ai që e mban përgjegjës qeverinë në demokraci. Nëqoftëse Parlamenti thotë: jo, nuk e prish dot Teatrin, nuk do i thotë një i çmendur apo një kryehajdut që: unë do ta prish se do të ndërtoj kulla. Nëqoftëse parlamenti thotë; jo, nuk ndërton dot me paratë e shqiptarëve incenratorë për të helmuar fëmijët e shqiptarëve, nuk ka kryeministër të thotë: po do ta bëj! Na duhet pra një parlament përfaqësues i qytetarëve.

Kryetari Basha shpjegon vendimin para studentëve: Ja pse ikëm nga Parlamenti

Zyrtarët e kapur në vjedhje nuk i gjen asgjë, ndërsa student që proteston për liri dhe të drejta e fut në burg. Largimi i kësaj qeverie është emërgjencë kombëtare. Prandaj jemi ngritur në këmbë, prandaj kemi hedhur një hap të tillë pa precedent. Pse ikëm nga parlamenti?! Sepse nuk kishte mbetur asnjë institucion tjetër për të garantuar të drejtat tuaja. Gjykatë Kushtetuese nuk ka, prokuroria është kthyer në një mantenudë, në një konkubinë të qeverisë. Gjyqtarët janë kthyer në krijesa pa dinjitet, se vetëm një krijesë pa dinjitet, mund të marrë vendime që mori dje gjykata për të mbajtur në burg protestuesit, ndërkohë që nuk guxojnë të çojnë para drejtësisë ata që janë kapur duke vjedhur votat, banditët e kriminelët. Nuk guxojnë ti marrin as në pyetje Damian Gjiknurin e Vangjush Dakon me shokë që janë kapur, i kanë aty, i kanë kapur vetë, janë në përgjimet e prokurorisë. As ti marrin në pyetje nuk guxojnë. Nuk guxojnë të marrin në pyetje drejtorin e policisë të kapur në përgjime zyrtare duke falsifikuar, duke krijuar një dëshmitar falso kundër gazetrit dhe kundër opozitës. Nuk guxojnë, por vazhdojnë të mbajnë në burg protestuesit që janë ngritur jo vetëm për veten e tyre, por për gjithë këtë vend. Ndaj nuk meritojnë asnjë epitet tjetër nga unë, përveçse hardhuca të pushtetit, most ë them ndonjë gjë tjetër se edhe hardhuca e ka një shtyllë kurrizore, por këtë gjyqtarë që janë bërë njësh me tokën dhe i sherbejnë këtij rregjimi criminal, janë njësoj përgjegjës për këtë rregjim kriminal

Basha: Ligj të ri për Referendumet, që të ndalim hajdutët që ndërtojnë pa votë fabrikat e vdekjes në Tiranë, Elbasan apo Fier

Duhet të fuqizojmë rolin e qytetarëve. Ata duhet të kenë mundësinë të shprehen për çështje të rëndësishme. Por ligji i sotëm për referendumet e pamundëson këtë. imagjinoni për një moment nëse do të kishim mundësi të zhvillonim një referendum për Teatrin Kombëtar. Të gjithë ata që ngrehen si gjela me një gjuhë vulgare se do ta prishim, po bëhet një vit që atje proteston elita kulturore e Shqipërisë, për të mbrojtur jo shtëpinë e tyre, por shtëpinë e të gjithë artit shqiptar, me vlera të jashtëzakonshme. Po të kishim një referendum të Tiranës apo të të gjithë Shqipërisë, do t’u kishim treguar vendin. Ligji për Teatrin do të binte dhe ata që e kishin hartuar atë, do detyroheshin të largoheshin nga pushteti. E njëjta gjë për inceneratorët. Pse nuk shprehen dot qytetarët e Elbasanit për fabrikën e vdekjes që u ka ngritur Arben Ahmetaj atje. Apo të Fierit? Apo të Tiranës? Vjedhin lekët e shqiptarëve dhe ndërtojnë fabrikat që helmojnë shqiptarët, sepse nuk kemi mundësi t’i kundërshtojmë në mënyrë të drejtpërdrejtë. Ky është një tjetër zotim që dua ta bëj sot para jush dhe që hyn tek projekti ynë i Shqipërisë përfshirëse dhe jo Shqipërisë përjashtuese, që do ta mundësojmë përmes Ligjit të ri për Referendumet , që qytetarët të kenë mundësi të shprehen në mënyrë të drejtpërdrejtë me votë, për çështje të rëndësishme kombëtare dhe lokale. Dhe kjo të jetë vendimmarrja më e lartë, shumë më e lartë se çdo vendimmarrje tjetër, qoftë kjo edhe e parlamentit apo e qeverisë.

Të gjitha raportet ndërkombëtare të institucioneve serioze botërore raportojnë sëmundjen e rëndë dhe të pashërueshme të qeverisë Rama, KORRUPSIONIN.

Dy javë më parë, raporti i OKB-së nënvizonte problemin e korrupsionit endemik që ka kapluar qeverisjen dhe shoqërinë tonë. Raporti i DASH, ambasadorja gjermane dhe biznese shqiptare vazhdimisht kanë shprehur shqetësimin e tyre për korrupsionin dhe lidhjet e bizneseve me qeverinë në përfitimin e tenderave publikë.

Së fundi, edhe Kontrolli i Lartë i Shtetit fakton se vitin e kaluar qeveria ka keqpërdorur me qëllim 1.7 miliardë euro. Nga kjo shumë, 923 milionë euro është dëmi ekonomik nga të ardhurat e pambledhura, që lidhet direkt me korrupsionin endemik, ndërkohë që janë keqshpenzuar në tendera dhe jo vetëm, 587 milionë euro nga taksat e shqiptarëve.

Ku humbasin milionat e eurove të taksave tona që rriten çdo vit?

Gjykata Europiane e Auditit fakton se 1 në 3 kompani përfiton abuzivisht nga tenderat, duke shmangur procedurat për një garë të ndershme, që do t’i kursesnin buxhetit miliona euro nga taksat e shqiptarëve.

Sipas të dhënave nga Buletini i prokurimeve publike 11 oligarkë përmes 19 kompanive kanë fituar në total 2100 tendera dhe katër deputetë të qeverisë kanë fituar 410 tendera dhe koncesione.

Ne kemi denoncuar faktin se:

➢ Koncesioni i inceneratorëve 178 milionë euro u dha pa garë

➢ Koncesionet në shendetësi u janë dhënë miqve të kryeminsitrit

➢ Tenderi i unazës iu dha një kompanie me dokumenta te falsifikuara, DH Albania. Sot,  1 km rrugë bëhet me 22 milionë euro, si në asnjë vend të Europës

➢ Tenderat i marrin vetëm 11 persona të lidhur me Ramën dhe se ekonomia është kapur dhe kontrollohet plotësisht nga Edi Rama.

Që qeveria e Edi Ramës është kampione e korrupsionit, kjo u konfirmua nga Gjykata Europiane e Auditimit, e cila thotë se 1 në 3 tendera vidhet.

• Korrupsioni është sëmundja e pashërueshme që kjo qeveri ka.
• Korrupsioni është arsyeja që investimet e huaja nuk i afrohen Shqipërisë.
• Korrupsioni është imazhi i padrejtë që kjo qeveri i ka vendosur Shqipërisë.

Ka vetëm një rrugë që sëmundja e korrupsionit të luftohet dhe të shërohet. Kjo rrugë kërkon largimin e arkitektit të korrupsionit nga qeverisja e vendit. Koha nuk pret. Shqiptarët largohen, vendi po varfërohet përditë dhe të vetmit që pasurohen janë ata që votën e blejnë me paratë e krimit dhe paratë e shqiptarëve i shpërndajnë në tepsinë e korrupsionit.

Partia Demokratike ka vullnetin dhe planin për të nisur një luftë pa kompromis ndaj korrupsionit dhe për ta fituar atë, jo vetëm se korrupsioni është pengesë në procesin e integrimit, por dhe si arsyeja e vetme pse sot të rinjtë janë pa punë, pse rrogat dhe pensionet nuk rriten, pse nuk ka investime në rrugë, shkolla e spitale.

Partia Demokratike beson se një ekonomi e lirë tregu, ku të gjithë garojnë të barabartë, me taksa të ulura e pa burokraci do të çlirojë kapitalin, do të rrisë investimet në ekonomi, do te hapë vende të reja pune dhe mundësi për çdo shqiptar punëtor e të ndershëm!

• Drejtori i ri i Policisë së Fierit jo vetëm ka dijeni për skemën e blerjes së dëshmitarit të rremë të qeverisë, por ai e ka takuar disa herë atë. Kjo e bën shefin e ri të Policisë së Fierit një mashtrues, që duhej arrestuar menjëherë për dëshmi të rreme.

• Partia Demokratike garanton qytetarët se ne do te rikthejmë sundimin e ligjit dhe do të çmontojmë me forcën e ligjit banditët kudo ku ata janë.

DEKLARATË PD, ERVIN SALIANJI

Partia Demokratike denoncoi dje si akt banditesk emërimin në krye të Drejtorisë së Policisë së Fierit të Andon Markos një prej policëve që është përfshirë në skemën e manipulimit dhe blerjes së dëshmitarit të rremë në dosjen Xhafaj kundër opozitës.

Ne bëmë publike dje 5 përgjime, që faktojnë se Andrea Marko, në detyrën e nëndrejtorit të Policisë së Fierit i shërben dëshmitarit të sajuar të qeverisë dhe e mban me para atë që të dëshmojë kundër opozitës, në mbrojtje të narkopushtetit politik të Ramës.

Partia Demokratike u ka shpjeguar shqiptarëve se në këtë skemë të rëndë manipulimi shtetëror, një rol kyç ka prokuroria e kapur prej Edi Ramës dhe rasti i Andon Markos e provon sërish këtë.

Nga përgjimet faktohet se Drejtori i ri i Policisë së Fierit jo vetëm ka dijeni për skemën e blerjes së dëshmitarit të rremë të qeverisë, por se ai e ka takuar disa herë atë. Kjo e bën shefin e ri të Policisë së Fierit një mashtrues, që duhej arrestuar menjeherë për dëshmi të rreme.

Në datën 17 tetor Andon Marko ka deklaruar në prokurori se me Fredi Alizotin, dëshmitarin e rremë, është takuar vetëm 1 herë, pasi i është kërkuar në 1 qershor nga drejtori Albert Nushi.

Përgjimet e djeshme provojnë se ai është takuar disa herë me Alizotin e qeverisë dhe ka folur dhjetëra herë nga qershori në Tetor, por prokuroria, në vend që t’i vinte prangat për dëshmi të rreme, hesht.

Heshtja e prokurorisë për shkeljet e rënda me dosjen e manipuluar kundër opozitës dhe sajimin e një dëshmitari për të mbrojtur pushtetin kriminal të Edi Ramës e bën atë, përtej çdo dyshimi, pjesë të skemës qeveritare të manipulimit.

Sot Andon Marko duhet të ishte shkarkuar nga Policia si punonjës i padenjë i saj, si bashkëpunëtor i banditëve dhe trafikantëve, por në shtetin bandit të Edi Ramës Andon Marko gradohet në postin e Drejtorit të Policisë së Fierit, si shpërblim për pjesëmarrjen në skemën e shpikjes së dëshmitarit të rremë për llogari të “Shefit të Madh” në Tiranë.

Kjo është policia e Edi Ramës dhe Sandër Kimikut, ku gradohen ata që kryejnë punët e pista dhe u binden urdhrave politike kundër opozitës.

Partia Demokratike garanton qytetarët se ne do te rikthejmë sundimin e ligjit dhe do të çmontojmë me forcën e ligjit banditët kudo ku ata janë, në institucionet e zaptuara nëpërmjet përdorimit të këtyre banditëve në zgjedhje apo përdorimit të parave të pista për të blerë zgjedhjet.

Shqiptarët sot janë të bashkuar për të hedhur në kosh qeverinë më të kriminalizuar të historisë së Shqipërisë.

• Edi Rama mashtroi për rritjen e pagave në 1 prill të rreth 60 mijë mësuesve, mjekëve, infermierëve dhe ushtarakëve.

• Për të mos i mashtruar 2 herë brenda 2 vjetësh, Rama të miratojë menjëherë një vendim qeverie me fuqi prapavepruese për përfitimin e rritjes që nga 1 prilli.

• PD është e vetmja alternativë e besueshme. Ne kemi planin dhe vullnetin politik për ta nxjerrë sistemin arsimor dhe shëndetësor nga kriza dhe për ta çuar drejt zhvillimit.

DEKLARATË PD, ALBANA VOKSHI

Këto 6 vjet, mes shumë zhgënjimeve nga qeveria e Edi Ramës, shqiptarët kanë mësuar më mirë se gjithçka tjetër, se Edi Rama është një mashtrues, i cili nuk njeh asnjë kufi për pushtetin e tij. Ai u ka premtuar mësuesve dhe mjekëve disa herë rritje page, por asgjë nuk ka ndodhur. Mashtrimet janë rënduar edhe më shumë, që kur mori të gjithë tepsinë për vete.

Ju ftoj të ndiqni një nga mashtrimet e kryehajdutit të qeverisë, që i përket fundit të vitit 2017. 

EDI RAMA, 28 DHJETOR 2017 “Nuk mund t’ju premtoj që, në fund të këtyre 4 viteve paga juaj do të jetë shumë afër times, por mund t’ju premtoj këtë gjë: që e imja nuk do të rritet, ndërsa e juaja do të rritet çdo vit”. 

Të gjithë e dinë se Edi Rama gënjeu. Vitin që shkoi as pagat e mësuesve, as të mejkëve, as të administratës, nuk u rritën asnjë qindarkë. Për ta nuk u dha asnjë shpërblim, sepse mirëqenia dhe trajtimi dinjitoz i tyre nuk është pjesë e axhendës së Edi Ramës. Njerëzit për Edi Ramën janë vetëm objekte elektorale që, ose duhen blerë, ose duhen mashtruar.

Disa muaj më parë, Edi Rama premtoi sërish se pagat e mësuesve, mjekëve, punonjësve në shëndetësi dhe ushtarakëve do të rritën  duke nisur nga 1 prilli. Ju ftoj të ndiqni vetë premtimin e tij. 

EDI RAMA, 17 TETOR 2017 “Kemi mundësinë të bëjmë një rritje duke nisur nga 1 Prilli për mjekët, infermierët, mësuesit dhe për ushtarakët” 

Sot jemi më 4 prill. Ne telefonin tim janë me qindra mesazhe të mësuesve, mjekëve dhe infermierëve që shprehin revoltën e tyre për mosmbajtjen e premtimit nga Edi Rama.

Partia Demokratike e di shumë mirë se qeveria po fsheh gjendjen e vërtetë të financave të shtetit, se kontrabanda dhe korrupsioni në dogana e tatime gëlojnë dhe në arkë nuk ka para mjaftueshëm, sepse muaji mars është mbyllur me minus, por rreth 60 mijë mësues, mjekë, infermierë, punonjës të shëndetësisë, ushtarakë dhe familjet e tyre, nuk kanë pse të vuajnë pasojat e korrupsionit galopant të qeverisë së Edi Ramës.

PD shpreh keqardhjen, veçanërisht, për përdorimin e rreth 35 mijë mësuesve si objekte elektorale. Mësuesit, në dorën e të cilëve janë fëmijët tanë, meritojnë të trajtohen me dinjitet dhe jo sipas llogarive për vota të Edi Ramës. Gjatë qeverisjes së tij, paga e tyre ka pësuar një rritje minimale në 6 vjet, ndërkohë, që gjatë qeverisjes së Partisë Demokratike paga e mësuesve u mbidyfishua.

Paga e mesuesve duhet të rritet pa vonesë dhe jo të pritet afrimi i zgjedhjeve. Zgjidhja është e thjeshtë: qeveria të nxjerrë menjëherë një vendim me fuqi prapavepruese, në mënyre që rritja modeste të perfitohet që prej datës 1 prill dhe asnjë ditë më vonë.

Mësuesit, kanë vetëm një alternativë të besueshme. Ajo është Partia Demokratike. Ne e kemi të qartë vizionin tone dhe kemi vullnetin politik për ta zbatuar atë: Mbështetje financiare për arsimin, shpërblim dhe rritje e pagave për mësuesit, investim për infrastrukturë moderne, subvencionim për tarifat e studentëve, stazh të paguar për 10 mijë studentë çdo vit.

Partia Demokratike ka të gjithë vullnetin për ta nxjerrë sistemin arsimor nga kriza dhe për të shkuar me vendosmëri drejt zhvillimit.

• Andon Marko ka marrë dje emërimin si drejtor i Policisë së Fierit si shpërblim për shërbimin ndaj bandës dhe për t’i mbyllur gojën, sepse audio përgjimet tregojnë se miku i Ardi Veliut dhe Fredi Alizotit, di shumë. Ai di sa para ka marrë dëshmitari i sajuar për të dëshmuar kundër opozitës.

DEKLARATË E ERVIN SALIANJIT

Edi Rama ka ngritur një sistem kriminal dhe korruptiv të karrierës, ku sa më shumë të shkelësh ligjin në favor të Ramës dhe bandës së tij, aq më shumë promovohesh brenda narkoshtetit.

Kulmin e ka arritur Policia e Shtetit, nga strukturë e depolitizuar dhe në shërbim të qytetarëve është kthyer në shërbëtore të krimit dhe në dhunuese të qytetarëve.

Promovimi në karrierën e policisë nuk bëhet mbi bazën e rezultateve të punës kundër krimit, por mbi bazën e shërbimit ndaj krimit dhe banditëve.

Rasti konkret që po denoncojmë sot është Andon Marko. Qytetarët e njohin nga skandali i përgjimeve të pazbardhura të prokurorisë si pjesë e manipulimit shtetëror të dosjes së drogës së Agron Xhafës. Andon Marko është nëndrejtori i Policisë së Fierit që është nën urdhrat e Fredi Alizotit, dëshmitarit të sajuar dhe të blerë të qeverisë për manipulimin e dosjes.

Andon Marko ka marrë dje emërimin si drejtor i Policisë së Fierit si shpërblim për shërbimin ndaj bandës dhe për t’i mbyllur gojën, sepse audio përgjimet tregojnë se miku i Ardi Veliut dhe Fredi Alizotit, di shumë. Ai di sa para ka marrë dëshmitari i sajuar për të dëshmuar kundër opozitës. Drejtori i ri i Bandës në Fier di sa herë është takuar me Ardi Veliun dhe shefin e madh, sa herë dhe ku është takuar dëshmitari i blerë me Gramozin dhe Taulantin.

Disa nga përgjimet që po publikojmë sot tregojnë për afërsinë mes Drejtorit të ri të bandës në Fier dhe dëshmitarit të sajuar të qeverisë dhe se ai është në dijeni të të gjithë skemës së manipulimit dhe blerjes.

Përgjimet 

Është e qartë dhe e provuar me dokumenta që ndodhen në dosjen zyrtare se Andon Marko, i graduari më i ri i Bandës në Polici, sot duhej të ishte në burg për shpërdorim detyre, për pengim te drejtësisë dhe dëshmi të rreme, për të cilën do të keni rast të njiheni më vonë.

Sot, asgjë nga këto nuk ndodh, sepse në sistemin e ngritur nga Edi Rama, shërbimi ndaj bandës në qeveri shpërblehet me ngritje në detyrë.

Kush shkel ligjin për të faviorizuar krimin, rri afër Padrinos, kush lufton krimin përfundon në azil si oficerët e policisë Dritan Zagani, Emiljano Nuhu e shumë të tjerë që ose ikin, ose përfundojnë në rrugë të tradhëtuar nga Edi i Hakmarrjes, Edi Shullazi, Edi Dajti, Edi Frroku, Edi Prenga, Edi Roshi, Edi Ndoka dhe mund t’i vendosni këtij kryeministri emrin e çdo krimineli që njihni, sepse ai e përfaqëson atë dhe e vlereson më shumë se çdo qytetar dhe polic të ndershëm të këtij vendi.

Sheshi para parlamentit u mbulua sot nga parullat “Rama ik”, ndërsa një piramidë ë simbolizonte ilegjitimitetin e qeverisë dhe bashkëqeverisjen e Ramës me krimin u dogj para selisë së Këshillit të Ministrave. Protagonistët e protestës së sotme të qytetarëve ishin të rinjtë, të cilët vuajnë më shumë pasojat e braktisjes se tyre nga qeveria për të favorizuar banditët dhe të fortët.

Me parulla, ku kërkohej largimi i RMës dhe parlamentit të dalë nga vota e blerë me paratë e krimit dhe të drogës, të rinjtë u shprehën të vendosur të qëndrojnë përkrah opozitës deri në realizimin e qëllimit kryesor: një qeveri tranzitore pa Edi Ramën, zgjedhje te parakohshme, të lira, të ndershme dhe të pandikuara nga paratë e krimit të organizuar.

Vajza të reja, disa prej te cilave studente, iu bashkuan protestës të lidhura me pranga, duke protestuar simbolikisht kundër mungesës së lirisë dhe të demokracisë në Shqipëri.

Belind Këlliçi, kryetar i Forumit Rinor të Partisë Demokratike tha se “Edi Rama sot ofron vetëm fasadën e propagandës. Edi Rama nuk ofron programe elektorale, nuk ofron ide, por ofron antivlerat si një model suksesi. Prandaj ai duhet të largohet një orë e më parë e të çlirojë zgjedhjet dhe vendin nga krimi e droga”

Shumë të rinj e të reja që ishin folësit kryesorë të protestës, u bënë thirrje bashkëmoshatarëve të tyre, të mos heshtin përballë kësaj situate të rëndë, por të ngrihen e të mbrojnë vendin, që rrënohet çdo ditë që kalon nën pushtetin e Ramës, kriminelëve dhe oligarkëve të tij, të cilet kanë grabitur gjithçka, përfshirë edhe votën e lirë”.

Simboli i protestës qytetare sot ishte piramida e Rilindjes, e cila ka në bazë votën e blerë me paratë e drogës dhe të oligarkëve të Ramës. Rama vetë qëndron në majën e kësaj piramide krimi dhe korrupsioni, e cila duhet zhbërë nga bashkimi i qytetarëve. Për të treguar se janë të vendosur ta arrijnë këtë, protestuesit shkuan para kryeministrisë, ku i vunë flakën piramidës së shtetit të krimit, korrupsionit dhe oligarkisë që ka ndërtuar Edi Rama.

Në emër të kryetarit Basha, i cili ndodhet për një vizitë pune në Berlin, nënkryetari Edi Paloka falenderoi qytetarët për kurajon, dhe vendosmërinë. Duke veçuar studentët dhe rininë, Edi Paloka tha se “Shqipëria që ne duam është Shqipëria e studentëve, eshtë Shqipëria që ne duam të ndërtojmë për fëmijët tanë”.