Blog

Kryetari i PD, Lulzim Basha takoi sot në Korçë, me qindra qytetarë, të cilët i ftoi t’i bashkohen protestës së 16 marsit në Tiranë, duke i dhënë një shans ndryshimit dhe Shqipërisë si gjithë Europa.

Qytetarët i treguan nga afër gjendjen e keqe të biznesit të tyre të vogël.  “Me biznesin jemi shumë keq. Njerëzia po largohen, gjoba po na vënë për çdo gjë.”- ishin fjalët e çdo tregtari që takoi kreu i opozitës në Korçë.

Basha tha se situata kur shteti është kthyer në një skemë vjedhjeje dhe Shqipëria punon që të pasurohet vetëm një njeri në krye të qeverisë, është e papranueshme. “Çdo vit bëhet më keq. Taksat janë rritur, çmimi i energjisë është rritur, çmimi i naftës është rritur. Njerëzit kanë më pak lekë për të blerë”- u tha Basha qytetareve që takoi në Korçë, duke i njohur me zgjidhjen më të mirë për vendin, platformën e PD.

“Hapat që kemi planifikuar për biznesin e vogël, do të japin efekt të menjëhershëm.

1. Ulja e çmimit të naftës me 300 lekë për litër.
2. Ulja e çmimit të energjisë me 20 %
3. Përjashtim nga TVSH të biznesit me xhiro vjetore nën 140 mln lekë
4. Një taksë e vetme prej 0.5 % të xhiros vjetore.
5. Ndalimi në biznes i inspektorit tatimor me vendosjen e pullës fiskale.” – u shpreh Kryetari Basha, i  cili kërkoi mbështetjen e korçarëve për të larguar atë që pengon ngritjen e ekonomisë për çdo familje.

“Pa larguar pengesën, pa larguar një qeveri që është kapur duke ju vjedhur ju dhe votat tuaja, asgjë nuk bëjmë dot, prandaj më 16 Mars, qytetaria e Korçës të vijë në Tiranë e t’i bashkohet protestës.”- tha Basha.

Një nga tregtarët që kreu i opozitës takoi në Korçë e njohu Bashën me mashtrimin më të ri  të qeverisë, për heqjen e tvsh për imputet bujqësore.

“Jo vetëm po na mbysin me gjoba, por na ka gënjyer për tvsh e imputeve bujqësore, 55 mijë lekë e merrja plehun para daljes së ligjit, 55 mijë lekë e marr prapë. Asgjë nuk ka ndryshuar”- tha një tregtar.

Një rast tjetër rast flagrant ishte ai i një pronari të një kafeje të vogël, i gjobitur rëndë pa shkak, me një shkresë, ku mungonin të dhënat zyrtare të Drejtorisë së Tatimeve.

“Kjo që i ka ndodhur Donaldit, i ndodh shumicës së bizneseve në vend. Po të mos jesh trafikant droge, hajdut, i dënuar, këta të trajtojnë me gjobë si bandë, pa numër protokolli, pa datë. Këto janë vendimet e bandës godasin njerëzit.”- tha Kryetari Basha.

“Për t’i dhënë fund kësaj padrejtësie – tha Basha – ju ftoj të jeni të gjithë në Tiranë më 16 Mars. Këta nuk përfaqësojnë njerëzit, por vetëm kriminelët dhe oligarkët. Shqipëria si gjithë Europa na thërret në shesh dhe unë ju ftoj të gjithëve në një takim me historinë. Duke hequr këtë hajdut, që i thotë vetes kryeministër, do t’i hapim rrugë një Shqipërie me taksa të ulëta, do t’i hapim rrugës mirëqenies, do t’i hapim rrugë Shqipërisë si gjithë Europa. Dhe këtë betejë ne do ta vazhdojmë deri në fitore.”

FJALA E PLOTË E KRYETARIT TË PARTISË DEMOKRATIKE NË TAKIMIN ME QYTETARËT E KORÇËS.

Mirë se ju gjej vëllezër e motra, qytetare e qytetarë, të rinj e të reja dhe faleminderit për këtë pritje të jashtëzakonshme në këtë ditë të bukur këtu në Korçë.

E bukur është dita dhe e bukur është shpresa që po lind në zemrat e çdo shqiptari, për një ndryshim të vërtetë për vendin tonë. Por, t’ju them të drejtën, ecja në këtë qytet sot ka qenë e mbushur me halle dhe problem të mëdha që dalin jo vetëm nga goja, por edhe nga shpirti i njerëzve që kam takuar. Përfaqësues të biznesit të vogël, njerëz që meritojnë ndihmën ekonomike, por që ua kanë hequr pa asnjë shpjegim, të punësuar që kanë frikë, sepse nuk kanë siguri a do ta kenë apo jo nesër vendin e punës, fermerë të revoltuar që derdhën mollët në mes të rrugës, të rinj të pasigurtë se çfarë do t’i gjejë, pasi të mbarojnë studimet, maturantë të pasigurtë, nëse prindërit do të kenë mjaftueshëm para për t’i çuar në Universitet.

Kurrë nuk e kam parë këtë gjendje kaq të vështirë, por kurrë s’e kam parë Korçën më të revoltuar, më të zemëruar, më të vendosur.

Qytetarët e Korçës kanë marrë një vendim, njësoj si qytetarët e gjithë Shqipërisë: Të jenë ata, të jeni ju zotër në shtëpinë tuaj, jo më krimi i organizuar, jo më bandat dhe hajdutët që kanë gjashtë vite që jetojnë me djersën tuaj, me të ardhurat tuaja, që i marrin përmes gjobave dhe taksave dhe jetojnë duke shkelur mbi dinjitetin tuaj.

Të gjithë e dinë se për çdo 10 lek që qeveria ka hedhur në Korçë, 5 lek i kanë vjedhur oligarkët, banditët, Edi Rama, Niko Peleshi, Filo dhe bandat e Rragamëve me shokë. Ky është sistemi që kanë ngritur!

Me Edi Ramën nuk ka integrim në Bashkimin Europian. Gjashtë vite dyert e Europës kanë mbetur të mbyllura dhe të mbyllura do të mbeten me një qeveri që ka ardhur në pushtet me krimin dhe që i shërben krimit, kriminelëve dhe oligarkëve grabitqarë.

Me Edi Ramën nuk ka mirëqenie, nuk ka zhvillim, nuk ka punësim. Me Edi Ramën ka vetëm grabitje, vetëm vjedhje, vetëm pasurim të një grupi njerëzish në kurrizn tuaj, të familjeve tuaja, të fëmijëve tuaj, të të ardhmes tuaj.

E gjithë Shqipëria vidhet që të pasurohet Edi Rama dhe banda e tij.

Tani gjithë bota e ka marrë vesh këtë, sepse është kapur me duart në zgjedhje, duart në taksat e shqiptarëve. Vetëm dy afera mjaftuan për t’i treguar botës mbarë, se ky nuk është një kryeministër, por një kryehajdut që bashkë me bandën e tij vodhën votën e shqiptarëve në 2017-ën, në bashkëpunim me krimin e organizuar. Këtë e dini ju këtu në Korçë, këtë e dinë në Elbasan, e dinë në Durrës, e dinë në Shkodër e Vlorë, e dinë në Lezhë dhe në Dibër, e dinë në Tiranë e di gjithë Shqipëria, e di gjithë bota.

Në Europë nuk shkohet pa zgjedhje të lira. Në Europë nuk shkohet me politikanë të lidhur me krimin që ulen në karriget e Parlamentit dhe aprovojnë ligje kundër qytetarëve. Në Europë nuk shkohet me një parlament, me një qeveri që në vend që t’i mbrojë e t’i përfaqësojë qytetarët, i vjedh, i dhunon e pastaj i përqesh, si kryehajduti dhe banda e tij.

Të gjithë e kanë kuptuar këtë, por ne nuk kemi rrugë tjetër. Nuk ka shpëtim tjetër përveç rrugës tonë drejt vlerave europiane, por Europë do të thotë mbi të të gjitha: zgjedhje të lira. Europë do të thotë, një qeveri që është në krahun tuaj. Europë do të thotë vlera, do të thotë liri, mirëqënie, mundësi, punësim, paga dhe kushte dinjitoze për të gjithë dhe mbi të gjitha mundësi për rininë për shkollim dhe për punësim.

Të gjitha këto janë të mundura, nëqoftëse kemi një qeveri që vjen me votë dhe mban premtimet. Qeveria që nuk mban premtimet duhet të largohet, aq më shumë një qeveri që tashmë është kapur dhe provuar para gjithë botës që nuk ka ardhur me votë, por ka ardhur me ndihmën e krimit të organizuar.

Ndaj, kërkesat tona janë të drejta, të thjeshta dhe beteja jonë ka vetëm një përfundim: fundin e hajdutëve dhe fitoren e popullit. Fundin e hajdutëve dhe çuarjen e tyre para drejtësisë, para një drejtësie duarzgjidhur, jo si kjo sot që mbron banditët, mbron Vangjush Dakon me shokë, mbron Saimir Tahirin me shokë, mbron hajdutët e kapur në vjedhje, mbron trafikantët e kapur në vjedhje dhe do të çojë para drejtësisë, denoncuesit, do të çojë para drejtësisë ata që kanë denoncuar krimin.

Të jeni krenarë me djalin tuaj që i keni dhënë votën, me Ervin Salianjin dhe me gjithë deputetët tuaj të qarkut. Ervin Salianji dhe deputetë të tjerë, profesoreshë Vali Duka, inxhinier Hekuran Hoxhalli dhe Klevis Balliu, nuk ka nevojë për imunitet, nuk ka nevojë për privilegje, ata i dorëzuan për të qënë në krahun tuaj. Nuk mund të ishin në krah të kriminelëve, nuk mund të ishin në krah të hajdutëve, por janë dhe do të jenë në krahun tuaj siç do të jem unë dhe gjithë Partia Demokratike.

Kjo sakrificë bëhet për t’i kthyer vendimarrjen njerëzve, kjo sakrificë bëhet për t’i kthyer vendimarrjen popullit. Ju duhet të vendosni! Ju duhet të vendosni për të ardhmen tuaj! Ju duhet të vendosni për qeverisjen që meritoni! Ju duhet të vendosni se duhet të menaxhohen pasuritë publike!

Ju duhet të vendosni!

Ju duhet të jeni zotër në shtëpinë tuaj, jo Edi Rama, jo hajdutët e Korçës, hajdutët e Shqipërisë, të cilët kanë vetëm një qëllim: të pasurohen për vete edhe kur kjo kushton varfëri, jetën, shëndetin dhe emigracionin masiv të shqiptarëve, por e shoh Korçën  më të vendosur se kurrë më parë. E shoh Korçën më të vendosur se kurrë më parë dhe dua t’ju them se po kaq e vendosur është Tirana, po kaq e vendosur është Durrësi, po kaq e vendosur është Shkodra, po kaq e vendosur është Vlora, Fierin e patë vetë sesa i vendosur është, Dibra, Mallakastra, Mirdita, Berati.

E vendosur është Shqipëria.

Ndaj, ju ftoj në një takim me historinë i cili na thërret për ta bërë Shqipërinë si gjithë Europa ditën e shtunë në orën 11:00.

Ju ftoj masivisht ta tregoni vendosmërinë tuaj me pjesëmarrje në protestën kombëtare të datës 16 mars.

Fundi i qeverisë së hajdutëve është i sigurt.

Unë ju jap fjalën se kjo betejë nuk do të përfundojë thjesht me largimin e Edi Ramës, por me shembjen e kësaj lloj qeverie që bën pakt me krimin dhe me oligarkinë dhe pastaj hip mbi shpinë dhe mbi qafë qytetarëve.

Unë ju ftoj që të bëheni pjesë e një konsultimi kombëtar për një pakt kombëtar, për një pakt kombëtar për të cilin Shqipëria të ketë një qeveri që ka frikë qytetarët dhe jo qytetarë që kanë frikë qeverinë.

Ju duhet të vendosni për veten tuaj. Ju duhet të vendosi për fëmijët tuaj. Ju duhet të vendosni për qytetin tuaj. Ju duhet të vendosni për shëndetin tuaj.

Sot vendos mafia. Mafia me firmën e Edi Ramës ka firmosur për TEC-in në Korçë. Ja ku e keni.

Qindra milionë tonë dioksid karboni për mushkëritë e korçarëve, ja sa shumë ju do Edi Rama ju. Ja dashuria e Edi Ramës për Korçën dhe korçarët. Siç ka firmosur Edi Rama ka firmosur edhe Niko Peleshi, edhe Sotiraq Filo. Këta janë njerëz të cilët për të mbushur xhepat e tyre në këtë aferë korruptive janë gati t’ju helmojnë ju dhe fëmijët tuaj. Këta nuk janë vetëm hajdutë, këta janë kriminelë dhe duhen larguar një orë e më parë.

Vetëm bashkimi qytetar dhe vendosmëria, pathyeshmëria dhe dhënia e fund e përçarjes dhe indiferencës qytetare do ta fitojë këtë betejë.

Ju të bashkuar më 16 shkurt keni hapur një kapitull të ri për Shqipërinë. Ne u përgjigjem me djegien e mandatave parlamentare, aktin më demokratik, më ligjor dhe më moral që ka ndërmarrë ndonjëherë një opozitë. Sepse ne nuk mund të pranonim më të ishim fasadë e parlamenti kriminal dhe një qeverie kriminale që helmon Korçën me tec-e korruptive, që shkatërron biznesin me taksa korruptive, që po ju nxin jetën qytetarëve me çmime më të larta të naftës dhe të energjisë në rajon dhe në Europë, vetëm për t’u pasuruar Edi Rama dhe një grusht banditësh.

Ne nuk mund të ishim pjesë e një parlamenti i cili ligjin e ka për të goditur të pambrojturit dhe të pafajshmit dhe për të mbrojtur kriminelët dhe trafikantët. Ne i kemi dhënë fund kësaj asambleje të krimit.

Më 16 mars ora 11:00 është ora juaj të merrni vendimin e madh për t’u ndarë një herë e përgjithmonë nga kjo e keqe dhe për të nisur bashkë rrugëtimin tonë të shpresës që do ta bëjë, jo thjesht e duam, por do ta bëjmë Shqipërinë si gjithë Europa.

Vlerat e Europës jetojnë në zemrat e Korçës, të qytetarisë korçare, jetojnë në zemrat e qytetarëve shqiptarë. Ne do t’i bëjmë realitet.

Asnjë të mos mungojë. Ejani të gjithë siç erdhët më 16 shkurt! Ejani edhe më shumë; merrni miqtë, motrat, vëllezërit, djemtë, prindërit, vajzat, secili të marrë nga një më shumë me vete në bashkimin më të madh të shqiptarëve, në takimin tonë me historinë.

Shqipëria si gjithë Europa na thërret!

E ardhmja e fëmijëve tuaj na thërret!

Ejani më 16 mars në takimin tonë me historinë europiane të Korçës dhe gjithë Shqipërisë!

Zoti ju bekoftë ju!

Zoti e bekoftë Korçën dhe gjithë shqiptarët!

Faleminderit për këtë mikpritje!

·        Edi Rama nuk mbajti asnjë nga premtimet me të cilat erdhi në pushtet për një arsye të vetme: sepse pushtetin e tij nuk e ka lidhur me premtimet e qytetarit, por me kriminelët dhe oligarkët.

·        Ata me të cilët Edi Rama bleu zgjedhjet dhe pushtetin e tij, pasurohen, populli varfërohet. Edi Rama jeton në luks dhe bredh në gjithë botën me charter, populli nuk ka lek të blejë biletën e autobusit.

·        Ndryshimi që ne kërkojmë për Shqipërinë është i njëjtë si ndryshimi që ju doni për familjet tuaja. Duam një kryeministër dhe një qeveri që të ketë objektiv numër një: mirëqenien dhe punësimin e njerëzve.

·        Pengesa e vetme për mirëqenien, punësimin, uljen e kostove dhe lehtësimin e jetës është një njeri që ka humbur çdo lidhje me realitetin, jeton në luks me paratë e vjedhura brenda flluskës së tij të propagandës.

·        Ju ftoj ta vazhdojmë të bashkuar dhe të vendosur rrugëtimin tonë të shpresës. Më 16 mars, në sheshin e protestës, për t’i dhënë vendit një qeveri tranzitore, zgjedhje të lira dhe të ndershme dhe një parlament të popullit.

·        Shqipëria i ka mundësitë, sepse Shqipëria nuk është një vend i varfër, por është një vend i vjedhur. Shqipërinë e vjedh qeveria, Shqipërinë e vjedh Edi Rama, e vjedhin oligarkët grabitqarë. Kësaj do t’i japim fund!

·        Në rrugën tonë nuk ka asnjë hap pas, ndaj ju kërkoj të jemi të gjithë bashkë me 16 mars dhe të vazhdojmë betejën tonë deri në fitore. Kjo nuk bëhet për pushtet, por bëhet për ndryshim.

FJALA E KRYETARIT BASHA NË TAKIMIN ME BANORË TË PASKUQANIT

Faleminderit zonja dhe zotërinj, vëllezër dhe motra për këtë pritje të jashtëzakonshme që më rezervuat sot, në këtë të shtunë të bukur në mesin e komunitetit tuaj këtu në Paskuqan ku kthehem dhe shoh me sytë e mi diçka që ju e shijoni prej muajsh; mbajtjen e fjalës nga Xhelal Mziu. Herën e fundit, këpucët tona u mbushën me pluhur dhe me baltë, ashtu sikundër këpucët e fëmijëve tuaj mbusheshin me pluhur dhe baltë për vite me rradhë nga mungesa e investimeve, nga harresa, nga varfëria që kishte pllakosur këtë komunitet.

Sot, të paktën ka një ndryshim; infrastruktura e kësaj zone është ndërtuar, rrugët janë ndërtuar, i pashë me sytë e mi, çdo rrugë lidhëse në çdo lagje të kësaj zone dhe këtu në këtë zonë historike në Babrru, ku për herë të parë në 30 vite, po shikoni se çfarë mund të ndryshojë një pushtetar që e jep fjalën dhe e mban fjalën. Ju dha fjalën se do të ndërtonte rrugët dhe i ndërtoi rrugët për ju.

Por miqtë e mi, ju e dini shumë mirë edhe anën tjetër të kësaj medaljeje, të pushtetarit që vjen me premtime të mëdha dhe nuk bën asgjë;

• Që premtoi 300 mijë vende pune dhe çoi 500 mijë shqiptarë refugjatë në kurbet,
• Që premtoi shëndetësi falas dhe jua shkatërroi totalisht spitalet dhe shërbimin shëndetësor.
• Që premtoi uljen e taksave për 97.5 përqind të shqiptarëve dhe sot më shumë njerëz kanë mbyllur bizneset nga ata që kam takuar në zonën e Paskuqanit dhe po bëhen gati t’i mbyllin për shkak të taksave të larta dhe çmimit të lartë të energjisë.

Premtimet e pambajtura të Edi Ramës flasin vetë. Ju të gjithë e dini fare mirë se ky njeri premtimet i bëri lumë dhe nuk mbajti asnjë prej tyre, për një arsye të vetme: sepse pushtetin e tij nuk e ka lidhur me fjalën, me besën, me premtimet e qytetarit. Ai e ka lidhur pushtetin e tij me ndihmën e kriminelëve dhe oligarkëve që vjedhin nga mëngjesi deri në darkë, që pasurohen me taksat tuaja. Ata pasurohen, populli varfërohet. Ata jetojnë në luks, Edi Rama jeton në luks dhe bredh në gjithë botën me charter, populli nuk ka lek të blejë biletën e autobusit.

Kësaj gjendjeje, shqiptarët kanë vendosur t’i japin fund. Partia Demokratike dhe unë ju jemi përgjigjur dhe për këtë arsye i kemi dhënë fund parlamentit të krimit me djegien e mandateve me datën 21 shkurt, duke iu përgjigjur vullnetit tuaj, kërkesës tuaj për t’i hapur rrugë një ndryshimi të madh për Shqipërinë dhe ky ndryshim po vjen.

Ndryshimi që ne kërkojmë për Shqipërinë është i njëjtë si ndryshimi që ju doni për familjet tuaja. Ju doni që kryefamiljarët të mbajnë përgjegjësi para fëmijëve, para familjarëve dhe ne duam që së bashku të kemi një qeveri që mban përgjegjësi para njerëzve, një kryeministër që po nuk i mbajti premtimet, largohet. Një kryeministër dhe një qeveri që të kujdeset për më të pamundurit dhe të ketë objektiv numër 1: mirëqenien dhe punësimin e njerëzve.

Shqipëria i ka mundësitë të zhvillohet e të krijojë mirëqenie. Për këtë duhet barazi para ligjit, për këtë duhet që qeveria të ketë frikë popullin dhe jo populli qeverinë. Për këtë duhet që për ato vlera europiane për të cilat ikin shqiptarët drejt Europës, të fillojmë t’i ndërtojmë këtu në vendin tonë.

• Ju e keni në dorë çelësin e këtij ndryshimi. Ju e keni në dorë të keni një qeveri që ditën e parë ta ulë çmimin e naftës me 300 lek. Ky është zotimi i Partisë Demokratike, ky është plani ekonomik.
• Ju e keni në dorë të keni një qeveri që të ulë çmimin e energjisë dhe që familjet në ndihmë ekonomike t’i kenë falas 300 kilovatët e parë.
• Ju e keni në dorë të keni një qeveri të ulë taksat dhe të lërë bizneset, sipërmarrësit të punojnë dhe të krijojnë vende pune, vende pune me paga dinjitoze, vende pune me mundësi për gjithë shqiptarët dhe në veçanti për rininë.

Pengesa e vetme për këto dhe për shumë masa të tjera që do të lehtësojnë jetën tuaj, do të lehtësojnë barrën e jetës, do tw ulin koston e jetësës, do tw hapin vende pune, do tw ulin taksat, pengesa e vetme për Shqipërinë europiane është një njeri që ka humbur çdo lidhje me realitetin. Është një njeri që jeton brenda flluskës së tij të propagandës, i kredhur në luksin që ka krijuar për vete dhe për miqtë e tij, me lekët që u ka vjedhur shqiptarëve.

Rruga që ne kemi përcaktuar, do ta nxjerrë Shqipërinë nga kjo krizë. Por, kjo rrugë kërkon që të jemi të gjithë bashkë. Kjo rrugë kërkon që të jemi të gjithë të vendosur për ta çuar deri në fund. Shpresa e vetme e Edi Ramës për të vazhduar për të qëndruar në pushtet, në këtë pushtet që e ka blerë me lekët e krimit, është t’i përçajë shqiptarët e t’i lodhë shqiptarët.

Ndaj dua të ju pyes: a jeni lodhur?

Populli: Joooo

A jeni të bashkuar?

Populli: Poooo

A jemi të gjithë edhe më shumë edhe më të bashkuar, si sot një javë në sheshin e protestës?

Populli: Poooo

Jam i bindur në këto që thoni, sepse mrekullia e bashkimit të shqiptarëve, nuk është thjesht forca që kemi demonstruar, por është shpresa që kemi ndezur në shpirtin e çdo shqiptari për një ndryshim të vërtetë që po vjen.

Ndaj, ju ftoj ta vazhdojmë këtë marshim të gjithë bashkë më 16 mars, sot një javë, të shtunën, në sheshin e protestës, për të larguar këtë qeveri të krimit, për t’i dhënë vendit një qeveri tranzitore, zgjedhje të lira dhe të ndershme dhe një parlament nga populli, për popullin dhe të popullit.

Bashkë e kemi në dorë ta ndryshojmë këtë vend. Bashkë jemi shumica.  Të djathtë e të majtë. Ndajmë të njëjtat halle, të njëjtat ëndrra për fëmijët dhe rininë. Të gjithë duam t’i japim fund emigracionit. Ne duam që fëmijët tanë ta ndërtojnë jetën e tyre këtu në Shqipëri.

Madje duam që edhe ata që kanë ikur, të kenë mundësi të kthehen e të bashkohen me familjet e tyre, sepse Shqipëria i ka mundësitë, sepse Shqipëria nuk është një vend i varfër, por është një vend i vjedhur. Shqipërinë e vjedh qeveria, Shqipërinë e vjedh Edi Rama, Shqipërinë e vjedhin oligarkët grabitqarë.

Kësaj do t’i japim fund!

Në rrugën tonë nuk ka asnjë hap pas, ndaj ju kërkoj të jemi të gjithë bashkë me 16 mars dhe të vazhdojmë betejën tonë deri në fitore. Fitore që do t’i takojë qytetarëve shqiptarë.

Kjo nuk bëhet për pushtet, por bëhet për ndryshim.

Kjo betejë nuk bëhet për pushtetin tim, nuk bëhet për pushtetin e një partie politike, bëhet për ndryshim dhe ndryshimi do të vijë kur pushtetin një orë e më parë, një herë e mirë, ta keni në orë ju, qytetarë fisnikë, punëtorë të lirë të këtij vendi.

Faleminderit dhe mirënjohje për mbështetjen tuaj!

Mirënjohje për qëndresën tuaj dhe dua të falënderoj një njeri i cili e ka mbajtur fjalën përpara jush, por e ka mbajtur fjalën edhe para meje me punën e përditshme, në këto javë, muaj dhe vite që i besuat mandatin e kryetarit të Bashkisë.

Akoma ka shumë halle dhe jam i sigurt që të gjitha, duke nisur nga ndihma ekonomike, që këtu është bërë një kasaphanë e vërtetë.

Në Paskuqan ka më pak njerëz me ndihmë ekonomike sesa në Bllok, që është një shenjë e qartë e korrupsionit të Edi Ramës dhe i diskriminimit që i ka bërë kësaj zone. Por, të jeni të sigurt, se kur t’i bashkojmë forcat me pushtetin lokal, me Xhelal Mziun dhe pushtetin qëndror, me një qeveri që do t’ju përgjigjet për hallet tuaja, ndryshimi pozitiv për çdo familje do të ndjehet kudo, por për këtë së pari duhet të fitojmë betejën.

Që të fitojmë betejën, na duhet vetëm një gjë. Unitet, pjesëmarrje, qëndresë, duke filluar me 16 marsin, sot një javë, në sheshin përpara Kryeministrisë.

Falemnderit nga zemra.

Zoti ju bekoftë ju dhe familjet tuaja!

Zoti e bekoftë Paskuqanin, Kamzën dhe Shqipërinë!

Falemnderit!

Gra dhe vajza, përfaqësuese të opozitës zgjodhën që këtë 8 Mars të protestojnë tek Astiri bashkë me nënat, shtëpitë e të cilave janë piketuar për t’u shembur nga projekti korruptiv 40 milion euro.

Kryetarja e LDGSH, Albana Vokshi, tha se nënat dhe vajzat e Astirit janë simboli i qëndresës dhe rezistencës së grave shqiptare kundër padrejtësive, që na mësuan se shtëpia, familja dhe e ardhmja mbrohen me çdo mjet.

Zonja Vokshi u shpreh se është koha që të veprojmë njësoj si nënat e Astirit, për t’u bashkuar në një kauzë të vetme, “të mbrojmë shtëpinë tonë të përbashkët, Shqipërinë, sepse shtëpia jonë është liria jonë. Kur gratë reagojnë reagojnë, reagon e gjithë shoqëria- tha zonja Vokshi.

Nënat në protestë shprehën revoltën e tyre për varfërinë që po thellohet vit pas viti në familjet e tyre. Disa prej tyre përmendën mungesën e shërbimit shëndetësor, vjedhjen skandaloze me faturat abuzive të energjisë dhe ujit, mungesën e shpresës për të gjetur një vend pune dhe arrogancën kriminale të qeverisë për të shembur shtëpitë, me qëllimin e vetëm vjedhjen e miliona eurove nga taksat e shqiptarëve.

Gjatë protestës, Edi Rama u cilësua si kryeministri më i urryer nga shqiptarët dhe po pritet kudo me protesta për të treguar se modeli i tij është më i dëmshmi për shoqërinë shqiptare.

Nën moton “SHTËPIA JONË – LIRIA JONË”, gratë protestuese apeluan për bashkimin e grave dhe vajzave në protestën e madhe të datës 16 Mars përpara Kryeministrisë.

FJALA NË PROTESTË E KRYETARES SË LIDHJES DEMOKRATIKE TË GRUAS SË SHQIPËRISË, ALBANA VOKSHI

Së pari,  më lejoni që në shenjë respekti dhe mirënjohje në emrin tim dhe jam e sigurt edhe në emrin e të gjithë juve të falënderoj nga zemra gratë banore të Unazës së Madhe.

Faleminderit për atë çka ju keni bërë. Katër muaj protesta, çdo ditë pavarësisht motit me shi, pavarësisht të ftohtit, pavarësisht dhunës policore, politike të Edi Ramës, pavarësisht burgosjeve politike, pavarësisht kërcënimeve, presioneve, ju keni ditur të mos mposhteni. Dhe ju të dashura, gra, nëna, motra, banore të “Astirit” jeni kthyer në simbolin e qëndresës së grave shqiptare. Jeni kthyer në simbolin e rezistencës së grave shqiptare, të rezistencës së kësaj qeverisjeje kriminale, të rezistencës ndaj këtij korrupsioni galopant, të rezistencës ndaj klientelizmit të Kryeministrit që në kurriz të përfitimeve të majme donte t’iu shkelte ju të drejtat ligjore dhe kushtetuese.

Sot është 8 Marsi dhe ky është një tjetër 8 Mars i trishtë për të gjitha nënat dhe vajzat shqiptare.

Sot të gjitha ne kemi një mijë e një arsye për të protestuar.

Sot të gjitha ne mund të kishim shumë vende ku mund të protestonim, por ne gratë e opozitës vendosëm të jemi këtu sëbashku sepse ju na mësuat se si mund të mbrohet edhe me gjak shtëpia.

Ju u bëtë burim frymëzimi për të gjitha gratë shqiptare. Ndaj ne vendosëm që sot të bashkojmë të gjitha kauzat; dhe kauzën e teatrit, dhe kauzën e luftës kundër dhunës në familje, dhe kauzën e luftës kundër kriminalitetit, kundër korrupsionit, kundër vjedhjes së votave, të vijmë këtu dhe sikurse ashtu sikurse ju nëna të dashura të “Astirit” mbrojtët shtëpitë tuaja, ne do të bashkohemi në një kauzë të vetme, të mbrojmë shtëpinë tonë të përbashkët, Shqipërinë, sepse shtëpia jonë është liria jonë. Dhe kjo duhet të jetë kauza e të gjitha grave dhe vajzave shqiptare.

Sepse kur gratë reagojnë reagojnë, reagon e gjithë shoqëria.

Sepse kur gratë reagojnë, të gjithë burrat pastaj reagojnë.

Sepse kur gratë protestojnë, proteston e gjithë Shqipëria.

Dhe kur gratë duan vërtetë ndryshimin, ai ndryshim vjen menjëherë.

Ndaj të nderuara, zonja dhe zonjusha, nëna, gra data 16 është një datë e rëndësishme. Në 16 mars të gjitha gratë shumë herë më shumë sesa kaq sa jemi këtu ne duhet të jemi para Kryeministrisë. Duhet të jemi në orën 11:00 para Kryeministrisë në datë 16 mars për të protestuar ndaj një kryeministri që i urren gratë, ndaj një kryeministri që i dhunon gratë.

Të protestojmë ndaj një kryeministri që i dhunon verbalisht, psikologjiskisht dhe fizikisht, madje, edhe institucionalisht.Ndaj, në katër vitet e fundit kemi 100 gra  që janë vrarë nga dhuna në familje. Kemi mijëra gra të dhunuara.

Pse?! Sepse ky është modeli që Edi Rama solli jo vetëm në qeveri, por u mundua të sillte në çdo familje. Ndaj ne jemi këtu për të rezistuar, për t’i thënë një herë e  mirë ndal modelit të dhunës.

Kemi  mijëra gra të dhunuara, përse? Sepse ky është modeli që Edi Rama solli jo vetëm në qeveri por u mundua ta fuste në çdo familje, ndaj jemi këtu, për të rezistuar dhe për t’i thënë ndal një herë  emirë, modelit të dhunës, modelit të krimit që Edi Rama kërkon ta imponojë dhunshëm në shtëpitë e secilir prej nesh.

Më datë 16 Mars, në orën 11.00 përpara kryeministrisë, të gjitha ju nëna që nuk keni mundur të merrni shërbimin shëndetësor për fënijët tuaj, sepse Rama i vodhi nëpërmjet koncesioneve abuzive, duhet të jeni atje.

Më datë 16 Mars, ora 11.00 para Kryeministrisë, të gjitha ju gra që u helmuat me gazin helmues që ai hodhi me urrejtjen më të madhe ndaj protestuesve paqësorë, sepse po protestonin përpara një Parlamenti të kriminalizuar. Duhet të jemi atje përpara kryeministrisë. Të gjitha gratë të cilat Rama me urrejten e tij, i hoqi jashtë skemës së ndihmës ekonomike dhe sot nuk kanë me ç’të ushqejnë fëmijët e tyre.

Duhet të jemi atje!

Të gjithë studentët, të gjithë nxënësit që nuk mundet të marrin arsimim sepse Rama mbylli 260 shkolla dhe po mbyll edhe Universitete, sepse ai është vetë injorant dhe kërkon të na lërë të gjithë injorantë.

Ne duhet të jemi atje për të protestuar! Të gjithë për të protestuar! Për të protestuar kundër një kryeministri i cili u bë palë me bandat dhe krimin, zaptoi parlamentin, zaptoi qeverinë, kriminalizoi ekonominë dhe së fundmi, ju e dini shumë mirë, kriminalizoi edhe votën.

Me krimin dhe bandat, ai u kap në vjedhje.

Dosja 339 u rri si çekan mbi kokë.

Dosja 184, dosja Xibraka janë çekan mbi konën  e Edi Ramës.

Drejtësia vonon, por nuk harron.

Edi Rama jo vetëm do të ikë, Edi Rama do të dënohet për të gjitha krimet që ka bërë në këtë vend.

Ndaj jemi këtu të gjitha së bashku, në një kauzë të vetme, që është të mbrojmë shtëpinë tonë të përbashkët, Shqipërinë.

Sepse SHTËPIA JONË, ËSHTË LIRIA JONË!

Ndaj, të dashura nëna, të dashura motra dhe zonja,

Më datë 16 mars, ora 11.00 përpara Parlamentit t’i themi jo, një herë e mirë modelit të Edi Ramës.

T’i themi jo korrupsionit, jo varfërisë, jo papunësisë, jo kriminalitetit, jo blerjes së votave.

T’i themi po, ne do të luftojmë për lirinë, ne do të luftojmë për demokracinë, ne do të luftojmë që Shqipëria jonë – Shtëpia jonë, të jetë si gjithë Europa.

Le t’i themi po, të bëhemi barrikadë njerëzore, të gjitha gratë që Edi Rama nuk do të mundet kurrë të na kalojë.

Në datën 16 mars, ora 11.00, përpara Kryeministrisë.

Të gjitha ne gratë përpara Kryeministrisë më datën 16 Mars, ora 11.00 për t’i thënë stop qeverisë së kriminelit Edi Rama.

Fitore!

Shoqëria jonë u ka një borxh të madh brezave të tërë të mësuesve që sot në pensionet e tyre nuk mbyllin muajin.

Ne duhet dhe do të bëjmë më shumë për mësuesit sot dhe nesër që të kenë paga më dinjitoze, kushte më të mira për mësimdhënie dhe trajtim dinjitoz.

Sepse mësuesit janë garancia për cilësinë dhe forminin e brezave të ardhshëm.

Duke respektuar të shkruarën, ndërtojmë të sotmen dhe projektojmë të ardhmen!

• Ligji i ri i Kthimit dhe Kompensimit të Pronave, nuk zgjidh përfundimisht problemin e pronës, pronarët nuk do të shpërblehen me vlerën e drejtë të saj. Qeveria shpenzon 2.2 miliard euro konçesione, tendera për oligarkët, luksi, por nuk kompenson pronarët.

• Qeveria e Edi Ramës është përpjekur për të eliminuar pronarët nga kthimi dhe kompensimi fizik i pronës. Prona po grabitet me ligje të veçanta.

• Beteja jonë për të drejtat e pronës dhe pronarëve do të vazhdojë derisa t’u jepet një zgjidhje e plotë dhe përfundimtare.

DEKLARATË E JORIDA TABAKUT, ANËTARE E KRYESISË SË PARTISË DEMOKRATIKE

Ashtu siç e kishim paralajmëruar, ligji i ri i Kthimit dhe Kompensimit të Pronave, jo vetëm që nuk zgjidhi përfundimisht problemin e pronës por prodhoi një situatë edhe më kaotike sa i takon pronarëve, të cilët falë ligjit të miratuar nga Rama, jo vetëm që nuk do të mund të gëzojnë pronën që u takon atyre, por as nuk do të shpërblehen.

Në 6 vjet kryeministri Rama dhe qeveria e tij nuk i kanë dhënë asnjë zgjidhje çështjes së pronës, përkundrazi:

• Rama që prej vitit 2014 nuk ka zbatuar vendimin pilot të Gjykatës Europiane të të Drejtave të Njeriut.
• Nga momenti që erdhi në qeverisje, i njëjti njeri është përpjekur për të eliminuar pronarët nga kthimi dhe kompensimi fizik i pronës. Fillimisht duke marrë fondin në dispozicion për kthimin fizik duke ia dhënë Ministrisësë Bujqësisë, duke ia dhënë me 1 Euro klientëve të rradhës.
• Miratoi Ligjin për Investime Strategjike që u merr pronarëve tokën për hiçgjë për t’ia dhënë një gjoja investitori privat.
• Miratoi dy VKM të njëpasnjëshme brenda pak muajsh që i japin autoritet qeverisë që të mos ia japë pronën pronarëve.
• Vetë Rama u investua personalisht për të miratuar Ligjin “Për trajtimin e pronës dhe përfundimin e procesit të kompensimit të pronave”, që bie në kundërshtim me Kushtetutën. Qeveria nuk ka ndërmarrë asnjë masë për plotësimin e boshllëkut të krijuar nga shfuqizimi i disa dispozitave të këtij ligji nga ana e Gjykatës Kushtetuese të Republikës së Shqipërisë, për më shumë se 3 vite.

Lufta e kësaj qeverie karshi pronës dhe të drejtave të pronarëve, është duke u analizuar nga PD si një shqetësim i veçantë.

Ne kemi përgatitur një informacion të plotë e të detajuar se si prona e pronarëve po grabitet me ligje të veçanta. Që nga pronat në jug e deri tek Teatri Kombëtar në mes të Tiranës, duke vazhduar me të gjitha pronat që po vendosen në dispozicion të oligarkëve dhe ndërtuesve. Rruga që ndjek Rama është e njëjtë.

Përgjatë këtyre muajve, kemi parë se si qeveria ka shpronësuar dhe ka zhvlerësuar me çmime qesharake prona në qendër të qytetit për t’ua dhënë atë oligarkëve dhe tarafit të saj.

Partia Demokratike ka parë dhe ka identifikuar me dhjetëra vendime që japin për 1 euro pronën e pronarëve të ligjshëm, të cilat do t’i bëjë publike në ditët në vijim.

Janë gjithë këto mëkate mbi shpinë, jo më larg se 10 ditë më parë, Agjencia e Trajtimit të Pronës nxori një deklaratë për shtyp ku lajmëronte pronarët se afati 3 vjeçar i vlerësimit të detyrimit financiar që shteti u detyrohet pronarëve, ka përfunduar.

Skema në kurriz të pronarëve është si vijon: nga vlera prej 4.9 mld euro, qeveria fillimisht ka vlerësuar të japë 600 mln euro, por kjo vlerë u zvogëlua deri në 3 herë me VKM në 2017 e në vijim.

Qartazi kjo mazhorancë dhe qeveri ka vullnetin politik për të shpenzuar 2.2 miliard euro për qokat koncesionare, për tendera për oligarkët, për shpenzime luksi, por nuk ka vullnet politik për të kompensuar siç duhet pronarët e tokës.

Sakaq, pronarët e tokave që enden zyrave të ATP-së në bazë të ligjit të miratuar, sot po detyrohen të firmosin kontrata për të hequr dorë nga 80% e vlerës së tyre dhe për të marrë vetëm 20% të vlerës së pronës që ata disponojnë.

Realiteti i pronarëve të tokës që enden rrugëve për hakën që u takon, është një thirrje dhe dëshmi e qartë për fasadën e kësaj qeverie.

Për këdo është shumë e qartë që një mazhorancë e cila jeton me oksigjenin që i jep krimi i organizuar, nuk mund të mendojë për pronën dhe të drejtën e saj.

Ajo mazhorancë mund të jetojë me frymën e banditëve dhe vjedhjes, atë që kanë bërë këto gjashtë vite.

Pasi duke vjedhur pronarin ajo vazhdon të vjedhë pa turp edhe pronën e përbashkët publike.

Morali i çdo vendimi të kësaj qeverie ka një qëllim; zhvatjen e pronës.

Ligji për Kadastrën që miratuan pak më parë se Presidenti ia ktheu,  i jep të drejtën agjencisë shtetërore të ndryshojë kufinjtë e pronës, e papreçedentë.

Ligji për korporatën e investimeve, grabit pronat private e publike duke krijuar një fond pronash që e vë në dispozicion të oligarkëve dhe e ndan pa asnjë procedurë tenderi, pa asnjë proçedurë transparente.

VKM 708 për futjen në fondin e pronave të kësaj agjensie të çdo prone publike dhe private, shkel të drejtën kushtetuese të pronës.

Këtij imoraliteti dhe këtyre ligjeve i duhet dhënë fund.

Partia Demokratike beson se prona private është një nga të drejtat kryesore të njeriut.

Partia Demokratike ka në planin e saj një zgjidhje afatgjatë për çështjen e pronave, duke mos i gënjyer pronarët për atë që i takon.

Pasi ne besojmë që nuk mund të ndërtohet një shoqëri e shëndetshme në një tokë që i takon të zotit.

Çdo aset publik do të vendoset në dispozicion të kompensimit privat të pronarëve që do t’i jepte një zgjidhje përfundimtare ligjeve që cënojnë të drejtën e pronësisë.

Lojës së shëmtuar të pronave i duhet dhënë fund. Askush, asnjë qeveritar apo oligark, asnjë biznesmen nuk mund të pasurohet në kurrizin e një prone të mohuar për 50 vjet dhe më pas të revokuar padrejtësisht në këto 6 vjet.

Beteja jonë për të drejtat e pronës dhe pronarëve do të vazhdojë derisa atyre t’u jepet një zgjidhje e plotë dhe përfundimtare konform këshillave të Gjykatës Europiane të të Drejtave të Njeriut.

Edi Rama është njeriu i fundit që beson tek kjo e drejtë hyjnore.

Koha për Edi Ramën ka përfunduar!

NJOFTIM MBI FJALIMET E KANDIDATËVE TË CILËT REFUZUAN TË PRANOJNË MANDATIN E DEPUTETIT

103 kandidatët nga lista e Partisë Demokratike, kanë refuzuar publikisht marrjen e mandatit të deputetit në protestën përballë Parlamentit.

Shumë prej përfaqësuesve të opozitës, kanë theksuar se nuk mund të jenë pjesë e një Parlamenti të kapur nga krimi.

Gerti Bogdani në listën e Tiranës teksa refuzoi publikisht marrjen e mandatit theksoi se Edi Rama mblodhi qelbësirat dhe fitoi pushtetin. “Edi Rama ka frikë nga zgjedhjet e lira, sepse në zgjedhje të lira dhe të ndershme nuk ka kriminelë dhe banditë”.

Mirela Tabaku tha se Shqipëria renditet e para për nga vdekshmëria foshnjore, largimin e mjekëve, e fundit ndaj kujdesit shëndetësor. “Unë nuk mund të jem kurrë pjesë e këtij Parlamenti. Rama ik!”

Bernadeta Syku nga Shkodra nuk pranoi të marrë mandatin e deputetes. Në protestë ajo theksoi se si familje e persekutuar nga regjimi komunist, kërkon një Parlament të pastër nga krimi. “Një porosi për z.Lleshi. Burrat malësorë nuk e kanë pasur zakon me i shërby horrave të komunizmit. Asnjë hap pas. Duam Shqipërinë si gjith Europa.”

Matilda Qurku nga qarku i Sarandës refuzoi kategorikisht të bëhet pjesë e një parlamenti të kriminalizuar. “Ai mandat nuk më përfaqëson as mua as qytetarët e jugut”.

Nada Krypa, kandidate për qarkun e Elbasanit tha se, ky Parlament është produkt i votave të vjedhura dhe të krimit. “Unë sot refuzopj të marr mandatin e deputetes. Refuzoj të jem pjesë e kësaj farse”.

Martin Biba kandidat i listës së PD për qarkun e Lezhës nuk pranoi thirrjen e KQZ për marrjen e mandatit. “Ky është mandat i turpit, të cilën e pranuan disa të tjerë. Ky përbindësh nuk bëri asgjë për sportin dhe aviacionin. Aviacionin e ktheu në fushë droge”.

Edmond Isaku, kandidat i listës së PD, Bulqizë tha se këtë mandat e dorëzojmë pasi ky parlament ka ardhur me paratë e krimit dhe drogës. “ Rama e ka kthyer Shqipërinë në një kartel. E ka kthyer në një vend të varfër që ta blejë sa herë të dojë. Këto protesta nuk kanë ndodhur ndonjeherë vetëm në vitet ’90”.

Enkelejda Rica, kandidate e qarkut të Lezhës tha se sot më shumë se kurrë është e bindur të heqë dorë nga mandati. “Parlamenti im është këtu midis njerëzve, jo tek kriminelët”.

Andrea Mano, kandidat i qarkut të Korçës tha se i kishte mbërritur një letër nga KQZ. “Opozita me djegien e mandateve tregoi akt të pashembullt. “Ky Parlament u mbush nga votat e vjedhura dhe kriminelë. Ky Parlament nuk ekziston më. Vendosa të zgjedh parlamentin e njerëzve. ”

Denisa Meçi, kam ardhur nga Puka bashkë me miqtë mi, për të shembur qeverinë e krimit. “Kjo qeveri nuk i dha asgjë të rinjve. Ata kanë ikur duke sakrifikuar rininë e tyre për një copë bukë. E lë mandatin sepse  ai Parlament nuk më plotëson qëllimin tim për “Shqipërinë si gjithë Europa”.

Dashamir Tahiri, kandidat i PD për qarkun e Vlorës tha se është e papranueshme të bëhet betimi në atë Parlament. “Z. Basha, çamët kanë qenë dhe janë me ty dhe me Berishën. Të gjithë në protestë ta përzëmë qeverinë e krimit”.

Qamil Xhelili kandidat i qarkut Vlorë, theksoi se kjo protestë është fuqia e denokracisë.

Alban Zeneli, kandidat i qarkut Kukës falënderoi të gjithë protestuesit të cilët kanë mbështetur kauzën për të larguar Edi Ramën. “Edi Rama qarkut të Kukësit i solli vetëm mjerim, varfëri dhe emigrim. Mandati nuk është i yni por i qytetarëve të Kukësit, Tropojës, Hasit, qytetarëve që votuan PD.

Sindi Daiu, kandidate e PD për qarkun e Elbasanit, tha se në qytetin e saj po drejtojnë bandat dhe krimi. “Unë kurrësesi nuk mund të jem pjesë e asamblesë së bandave dhe krimit”.

Vullnet Topalli kandidat i PD për qarkun Durrës tha se refuzon mandatin. “Nuk mundem, sepse ky është parlament ilegjitim dhe ka ardhur nga vota e rrugës dhe forcës parasë së pistë. Ndaj Rama ik!”

Miftar Dauti kandidat për deputet i qarkut Kukës ftoi shqiptarët të protestojnë për votën e lirë. “Unë personalisht jamë dënuar me burg në 1987 vetëm për votën e lirë. Sot ne jemi këtu për të kërkuar votën e lirë.  Edi Rama duhet të ikë një orë e më parë sepse është turpi i këtij vendi.”

Kiri Hajdari: Unë jam Kiri Hajdari, djali i Azem Hajdarit. Amaneti i Azem Hajdarit qëndron tek ju dhe tek të gjithë demokratët shqiptarë. Liri, demokraci. Rama ik!

Ismail Shala kandidat për deputet i qarkut të Elbasanit: “Jam nga ata protestues të viteve ’90 që shpresuan për një atdhe tjetër, jo për atdheun e komunistëve. Unë u dënova me 17 vjet burg nga gjyqet e komunizmit në 1990-ën. Më dënoi Gramoz Ruçi! Dhe ne të presim nga ai parlament?! U bëj thirrje të gjithë qytetarëve, qytetarëve të mi, të ngrihen, se i ka mbytur fukarallëku, se na ikën fëmijët jashtë dhe s’ka kush të na hedhë një dorë dhe mbi varr. Qytetarë, mos u trembni! Shqipëria është e shqiptarëve!”