Blog

 

• Shqiptarët po ngrihen dhe po bashkohen, sepse e kanë kuptuar që tek bashkimi qëndron shpresa dhe ndryshimi. Së bashku t’i hapim rrugën ndryshimit që do të sjellë mirëqenie dhe stabilitet.

 

• Me Edi Ramën nuk ka zhvillim, nuk ka mirëqenie, nuk ka drejtësi, nuk ka punësim, nuk ka integrim. Rama nuk ka asnjë zgjidhje për hallet dhe problemet tuaja. Ai është shkaku I tyre.

 

• Edi Rama nuk është kryeministri i lezhjanëve dhe shqiptarëve, por është kukulla e krimit. Ai qëndron në pushtet nga pakti me Ndokët, Bajrat, Lul Berishët, e Shullazët kudo në vend.

 

• Dy janë objektivat tona madhore; punësimi dhe mirëqenia e shqiptarëve dhe futja e Shqipërisë në Europë. Rruga nuk është e lehtë, por eshtë plotësisht e mundur me bashkimin e të gjithëve ne që duam ndryshimin.

 

• Që ditën e pare të ardhjes tonë në pushtet, karburanti do të jetë 300 lekë/litër më lirë sesa sot. Do të vendosim fashën mbrojtëse për energjinë elektrike dhe do ta ulim çmimin e energjisë për biznesin.

 

• Ne do të hapim rrugën që çdo i ri të ketë mundësi që të ndjekë universitetin, pavarësisht prej të ardhurave të familjes së vet. Shteti shqiptar mund dhe do të paguajë për arsimin tuaj.

 

• Ne kemi një plan, këto nuk janë premtime. Plani ynë zbatohet me votën tuaj, pasi të kemi çliruar institucionet nga zgjedha e krimit dhe oligarkëve. Këtë nuk e ka në dorë asnjë parti politike. Këtë vendim e merr populli i bashkuar.

 

• Unë dhe PD jemi të vendosur t’u dalim zot fateve të vendit. Ne do t’ua marrim pasuritë deri në qindarkën e fundit oligarkëve dhe do t’ua kthejmë ju. Çdokush që ka shkelur ligjin do të shkojë prapa hekurave, duke filluar me të parin e qeverisë.

 

• 16 shkurti është një ditë bashkimi kombëtar. 16 shkurti nuk është dita kur Partia Demokratike merr pushtetin, por është dita kur ne rrezojmë një pushtet i cili nuk është i popullit dhe nuk punon për popullin.

 

• Përmes një qeverie kalimtare për zgjedhje të lira dhe të ndershme t’ju ftoj të gjithë të votoni programin tone, në mënyrë që qeveria e PD të nisë prej ditës së parë t’ju shërbejë ju, interesave, punësimit dhe mirëqenies Suaj.

 

 

FJALA E KRYETARIT TË PARTISË DEMOKRATIKE LULZIM BASHA NË LEZHË

 

Mirëse ju gjej vëllezër dhe motra, zonja dhe zotërinj, të rinj dhe të reja,

 

Nga Kavaja deri në Shkodër, nga Mallakastra në Fier, nga Durrësi në Lezhë shqiptarët po ngrihen, po bashkohen e po japin dorën njëri tjetrit. Po i japin dorën njëri tjetrit, sepse e kanë kuptuar që tek bashkimi i shqiptarëve qëndron shpresa, qëndron vlera e vërtetë e ndryshimit që do të sjellim gjithë së bashku për veten tuaj dhe familjet tuaja.

 

Dhe nuk ka moment më të mirë dhe vend më të mirë për ta kujtuar vlerën e bashkimit të shqiptarëve se këtu, këtu ku kremtohet, përmes këtij monumenti Besëlidhja e Lezhës, Besëlidhja e Lezhës për të mbrojtur lirinë, për të mbrojtur vlerat, për të mbrojtur identitetin e shqiptarëve.

 

E pra, nga historia mund të mësojmë shumë dhe ata popuj që nuk mësojnë nga historia e përsërisin historinë. Historia jonë është e mbushur me drama të mëdha. Por edhe aktualiteti është i mbushur me drama.

 

Me Edi Ramën nuk ka zhvillim.

Me Edi Ramën nuk ka mirëqenie.

Me Edi Ramën nuk ka drejtësi.

Me Edi Ramën nuk ka punësim.

Me Edi Ramën nuk ka integrim europian.

 

Ditë për ditë plasin skandale. Skandale që tregojnë se ai është i zhytur në krim. ai është i zhytur në korrupsion. Ditë për ditë plasin skandale që tregojnë:

 

Se pse nuk ka rritje pensionesh;

Se pse këtu në Lezhë janë mbyllur 10 shkolla, në të gjithë Shqipërinë mbi 250 të tilla.

Se pse mirëqenia e shqiptarëve është në pikiatë.

Se pse fuqia blerëse e shqiptarëve është më e ulëta në Ballkan.

Se pse bizneset nuk kanë punë dhe po mbyllin qepenat 50 biznese në ditë.

Se pse shumica dërrmuese e familjeve shqiptare nuk ngrohin dot as shtëpitë në dimër.

Se pse paguajmë energjinë më të shtrenjtë në Ballkan, naftën më të shtrenjtë në Europë.

Se pse paratë e shqiptarëve i vjedh Edi Rama me një grusht banditësh dhe oligarkësh.

 

Si asnjëherë në 30 vite vullneti i popullit është asgjësuar dhe sot nuk kemi kryeministër, por kemi një sharlatan, i cili ka zaptuar selinë e qeverisë shqiptare me ndihmën që i ka dhënë dhe me paktin, që i ka dhënë  me Ndokët, me Bajrat, me Lul Berishët, me Shullazët, me kriminelët anembanë Shqipërisë.

 

Nuk është kryeministri i shqiptarëve, nuk është kryeministri i lezhjanëve, është kukulla e krimit. Është një njeri, i cili nuk ka asnjë zgjidhje për hallet dhe problemet tuaja. Ai është shkaku i halleve dhe problemeve tuaja.

 

Gjatë këtyre 5 viteve jemi munduar të bëjmë rolin tonë institucional si opozitë. Kemi çuar amendamente në parlament për të rritur pensionet, për të rritur rrogat, për ulur çmimin e naftës, për të ulur çmimin e energjisë, për të çliruar energjitë pozitive të biznesit. Sepse për ne objektivi numër një është punësimi dhe mirëqenia e qytetarëve shqiptarë.

 

Dhe e kemi bërë këtë jo për interesat tona politike por për interesin tuaj. Por ju e dini fare mirë se gjitha këto propozime dhe amendamente Edi Rama i ka votuar kundër pa i diskutuar fare. I ka votuar kundër jo thjesht dhe vetëm se i propozoi Partia Demokratike, jo thjesht dhe vetëm se i propozoi opozita. I ka votuar kundër, sepse prej ditës që ka zaptuar atë karrige Edi Rama punon kundër interesit të qytetarëve, kundër interesave të vendit, kundër interesave të familjeve tuaja.

 

Prandaj, po ua përsëris, nuk ka patur dhe nuk do të ketë zhvillim me Edi Ramën, nuk do të ketë stabilitet me Edi Ramën, nuk do të ketë integrim europian me Edi Ramën. Tani ka ardhur koha që populli të marrë në dorë fatet e tij që ju të merrni në dorë fatet tuaja.

 

Ne kemi një program dhe një plan, i cili do të nxjerrë Shqipërinë  nga kriza.

Dy janë objektivat tona madhore; punësimi dhe mirëqenia e shqiptarëve dhe alternativa europiane për Shqiëprinë, futja e Shqipërisë në Europë.

 

Rruga nuk do të jetë e lehtë, por rruga do të jetë plotësisht e mundur, kur të gjithë shqiptarët do të bashkohen rreth këtyre objektivave. Hapat tonë të parë do ta çlirojnë ekonominë nga laku që i ka vënë Edi Rama.

 

• Ne do të eliminojmë taksën Rama mbi naftën, 300 lekë të vjetra për litër. Pra me ardhjen tonë në pushtet që ditën e parë, karburanti do të jetë 300 lekë më i lirë sesa është sot.
• Ne do të vendosim fashën mbrojtëse për energjinë elektrike për të gjithë popullatën dhe do ta ulim çmimin e energjisë për biznesin, në mënyrë që biznesi shqiptar të prodhojë dhe të ofrojë shërbime konkurruese në tregun tonë dhe në tregun Ballkanik.
• Ne do të bëjmë të mundur përmes hapave që do të hedhim që taksat që iu merrni shqiptarëve të shkojnë prapë tek shqiptarët, me shkolla, me spitale që funksionojnë që nuk shndërrohen në gërmadha, siç është spitali i Lezhës sot.
• Ne do t’u kthejmë ndihmën ekonomike atyre  që nuk kanë asnjë mundësi tjetër, nuk do t’i lëmë mbrapa, nuk do t’i harrojmë. Nuk do të ketë familje pa bukë, pa ujë, pa drita.

 

Ne kemi një plan, këto nuk janë premtime. Ne kemi një plan, të cilin do ta vëmë në jetë me vullnetin tuaj, me votën tuaj ne do ta vëmë këtë program në jetë. Por na duhet të çlirojmë institucionet, na duhet të rikthejmë procesin politik.

 

Sot në Shqipëri nuk ka proces politik, ka vetëm proces banditësh dhe oligarkësh. Dhe këtë nuk e ka në dorë asnjë parti politike, këtë vendim e merr populli i bashkuar. Ndaj e ftoj Lezhën ta udhëheqë këtë bashkim, ta sjellë shembullin e Besëlidhjes së Lezhës, më 16 shkurt në mes të Tiranës, bashkë me qytetarët e tjerë shqiptarë!

 

Së bashku ta çlirojmë Shqipërinë nga kjo e keqe dhe të hapim rrugën e ndryshimit pozitiv, ndryshimit që do të sjellë mirëqenie, stabilitet. Ndryshimit që do të sjellë ndryshimin e rrugës europiane. Ndryshimit që do të sjellë përmirësimin e cilësisë së shërbimeve.

 

Ne jemi gati t’iu shërbejmë dhe ju duhet të jeni gati të merrni në dorë fatin tuaj, të zhbllokoni rrugën e mbyllur nga koalicioni i Edi Ramës me krimin dhe oligarkinë. Kjo është thirrja ime. Kjo është ftesa ime.

 

Të gjithë sëbashku me 16 shkurt në Tiranë !

Zoti e bekoftë Lezhën dhe lezhjanët!

Zoti e bekoftë Shqipërinë!

Faleminderit!

 

 

FJALA E KRYETARIT TË PARTISË DEMOKRATIKE LULZIM BASHA NË LAÇ

 

Mirëse ju gjej zonja dhe zotërinj, vëllezër dhe motra, të rinj dhe të reja!

 

Sot kisha programuar të kisha në qytetin e Laçit një ecje dhe bashkëbisedim me qytetarë, me sipërmarrës, me biznese, me të rinj, oor e shoh që, ajo që do të ishte një ecje, një bashkëbisedim është kthyer në një miting spontan, ku jemi bashkuar të gjithë me një zë dhe me një qëllim.

 

Nuk ka si të jetë ndryshe. Asgjë s’mund t’ju përçajë ju kurbinasit trima, njerëz të besës, të Zotit dhe të vlerave, asgjë s’mund t’ju hutojë ju, asgjë s’mund t’ju mposhtë ju.

Unë e di, kam ardhur këtu në mesin tuaj në mënyrë të vazhdueshme dhe i njoh problemet tuaja shumë mirë. E di se kjo zonë njerëzish trima dhe punëtorë, ka qenë shënjestër të oligarkisë dhe të bandave të Edi Ramës për t’ju lodhur, për t’iu varfëruar, për t’ju shtypur, për t’ju detyruar të largoheni nga shtëpitë tuaja.

 

E di që prej një viti nga 3500 familje në ndihmë ekonomike, gjysma prej tyre janë larguar nga skema e ndihmës ekonomike, sepse Edi Ramës dhe kukullave të tij nuk u bëhet vonë për familjet e varfra të Kurbinit dhe të Shqipërisë. E di se ka dhjetëra fshatra që janë pa elektricitet, pa rrymë prej muajsh, sepse Edi Rama u ka prerë dritat. në vend që t’ju subvencionojë dhe t’ju japë para për të paguar faturën që e ka dyfishuar. Sepse ato para i do për veten e tij, banditët dhe oligarkët me të cilët hanë dhe pinë nga mëngjesi deri në darkë.

 

E di se spitali i qytetit tuaj është në gjendjen më të keqe sesa spitalet fushore të Luftës së Parë Botërore;  se lekët që duhet të shkojnë për ilaçe dhe për mjekë vilen nga oligarkët dhe Edi Rama dhe përfundojnë në xhepat e tij dhe në kontot e tij bankare. E di që buxheti i shtetit dhe taksat tuaja janë kthyer në burim pasurie për again e Surrelit dhe për miqtë e tij hajdutë me të cilët ka ardhur në pushtet dhe me të cilët mban pushtetin.

 

E di, të rinj dhe të reja të Kurbinit, që tani na kanë çelur sytë sot dhe jeni bashkë me baballarët dhe motrat tuaja. E di se 90% e maturantëve të Kurbinit nuk kanë mundësi të ndjekin studimet e larta, sepse familjet e tyre janë të papuna, sepse tarifat e studimeve universitare janë më të lartat në Europë. Jam këtu për t’ju thënë ju, rini e Kurbinit, se Partia Demokratike do t’i dalë zot fateve tuaja. Dhe ne do të hapim rrugën që çdo bijë dhe bir kurbinasi, që dëshiron ta ndjekë universitetin, të ketë mundësi që të ndjekë universitetin, pavarësisht prej të ardhurave të familjes së vet.

 

Shteti shqiptar mund dhe do të paguajë për arsimin tuaj. Mund dhe do të paguajë që ju të përgatiteni, që ju të futeni në jetë. Mund dhe do të paguajë që ju të mos mbeteni rrugëve, por të përfundoni studimet e larta, të gjeni punë dhe të jetoni me dinjitet në Kurbin, në Shqipëri në vendin tuaj.

 

Por zonja dhe zotërinj, këto probleme, sikundër problemet e mëdha të atyre që jetojnë në zona rurale dhe janë totalisht të braktisur nga kjo qeveri do të gjejnë zgjidhje vetëm kur të kemi një qeveri dhe një kryeministër që e ka lidhur fatin me ju, që ka ardhur në pushtet me votën tuaj dhe që kujdeset për fatet tuaja.

 

Sot gjithë bota e di që Edi Rama nuk është kryeministri i shqiptarëve, ai është kryeministër i krimit. Ai është kryeministri i Gjushit. Ai është kryeministri i bandave. Ai është kryeministër i oligarkëve. Ndaj nga mëngjesi deri në darkë ai kujdeset vetëm për aferat e tij, vetëm për punët e tij personale, për pasurimin e tij personal dhe si e si të mbrojë ata që e sollën në pushtet dhe ata nuk janë qytetarët shqiptarë, ata nuk janë as socialistët shqiptarë, ata janë kriminelët dhe oligarkët, një grusht njerëzish që kanë marrë peng qeverisjen e vendit.

 

Kjo është arsyeja që sa herë që ne çonim amendamente në Parlament për të rritur pensionet, për të ulur çmimin e energjisë, për të ulur çmimin e naftës, këta i rrëzonin. Sepse këta nuk kanë interesin tuaj në mendje dhe në zemër. Këta janë ulur në ato karrige, që nuk i meritojnë, vetëm për të grabitur, vetëm për të grabitur pasuritë tuaja dhe e shqiptarëve, për t’u pasuruar vetë dhe për të  ndarë pushtetin me ata që i kanë sjellë në pushtet.

 

Kjo nuk mund të vazhdojë më. Këtë e thoni ju, këtë e dëgjoj kudo që shkoj. Në Kavajë, në Shkodër, në Mallakastër, në Fier, në Lezhë, në Kurbin, në Tiranë ka një dhe vetëm një thirrje, koha e fjalëve ka mbaruar.

 

Ka ardhur koha që populli të marrë fatin e tij në dorë. Kanë kaluar 6 vite dhe e keqja vetëm sa është zhytur thellë dhe më thellë. Skandal pas skandali, aferë pas aferë, çdo ditë zbulohet se sa i lidhur është Edi Rama me krimin. Çdo ditë zbulohet se si qeveria e tij ligjet dhe rregullat i ka vetëm për të grabitur qytetarët dhe për të pasuruar kriminelët. Kjo qeverisje ka edhe një sllogan: grabit shumicën, pasuro pakicën.

 

Nuk ka zhvillim me Edi Ramën, nuk ka mirëqenie me Edi Ramën, nuk ka punësim me Edi Ramën, nuk ka Europë me Edi Ramën.

Sa kohë që të kemi një njeri si ai në krye të vendit, sa kohë që qeverisja të jetë e uzurpuar nga ai negociatat prapë nuk do të hapen për herë të tretë dhe vendi do të vazhdojë të braktiset e shpresa të vritet.

 

Unë nuk mund ta pranoj këtë. Partia Demokratike nuk mund ta pranojë këtë.  Unë dhe Partia Demokratike jemi të vendosur t’u dalim zot fateve të vendit, fateve të Kurbinit, fateve të rinisë shqiptare.

 

Ne i kemi planet dhe zgjidhjet për ju. Ne do t’ua marrim pasuritë deri në qindarkën e fundit oligarkëve dhe do t’ua kthejmë ju. Çdo kush që ka shkelur ligjin do të shkojë atje para drejtësisë dhe përpara hekurave duke filluar me të parin e qeverisë.

 

Por që të ndodhë kjo duhet të rikthejmë institucionet, duhet të rikthejmë ligjin dhe mbi të gjitha duhet të rikthejmë demokracinë. Kjo mund të ndodhë vetëm përmes një qeverisje tranzitore,  një qeverie kalimtare dhe zgjedhjeve të parakohshme parlamentare, në të cilat populli të shprehet lirisht për programin dhe planin që dëshiron të votojë.

 

Pra zonja dhe zotërinj, ju e dini se për çfarë qëndrojmë ne. Ne qëndrojmë për problemet e lirisë, demokracisë, punësimit dhe mirëqenies për qytetarët shqiptarë. Prej ditës së parë, plani ynë ekonomik, i cili është hartuar dhe ka mbështetjen e ekspertëve më të mirë të Europës, siç e patë ditën e premte me kryekëshilltarin ekonomik të partisë së Kancelares Merkel, që na qëndroi në krah dhe na ndihmoi ta zbatojmë këtë program prej ditës së parë, ditën e parë do të ulim me 300 lekë çmimin e naftës, do të heqim taksën Rama për naftën, do të rikthejmë fashën mbrojtëse të energjisë për popullsinë, do të kemi një çmim 30 deri ne 40 % më të ulët për energjinë për biznesin dhe prodhon dhe hap vende pune. Përsa i përket ndihmës ekonomike, Shqipëria, me qeverinë tone, do të ketë mundësinë, që asnjë familje të mos mbetet pa bukë, pa ujë dhe pa drita.

 

Punësim dhe mirëqenie. Punësim dhe mirëqenie për çdo shqiptar është prioriteti ynë kryesor. Për këtë ne kemi një alternativë dhe një program europian me mbështetjen europiane.

 

Por që të arrijmë tek ajo ditë, ne, Shqipëria dhe Europa ka nevojë për ndihmën tuaj. Ka nevojë për ndihmën e çdo qytetari që është i tejngopur me mashtrimet, premtimet dhe dështimet e kësaj qeverisje. Ka nevojë për revoltën e çdo qytetari që i thotë jo krimit dhe korrupsionit në pushtet. Ka nevojë për bashkimin e sovranit me 16 shkurt për t’i dhënë fund qeverisjes së bandave, për t’i dhënë fund qeverisjes së Edi Ramës.

 

Ndaj, me këtë ftesë dua t’i drejtohem të gjithë atyre që duan zgjidhje për problemet e përditshme. Me këtë ftesë dua t’ju shoh në sy dhe dua t’ju them të kini besim tek njëri-tjetri, kini besim tek Shqipëria, jepini dorën njëri tjetrit dhe ejani të gjithë në Tiranë me 16 shkurt!

 

Ndaj dita e ndryshimit po afron. E keqja është në fundin e ciklit të saj. Ndryshimi është në dorën tuaj. Drejtësia e vërtetë është në dorën tuaj. T’i japim fund kësaj bande. Të çlirojmë djemtë dhe vajzat tona nga padrejtësitë, nga makutët, nga hajdutët, nga ata që kanë ndërtuar mirëqenie mbi gjakun dhe djersën e shqiptarëve të pafajshëm. Të bashkohemi të gjithë dhe ta çlirojmë Shqipërinë nga kjo bandë uzurpatore, të këpusim zinxhirët e varfërisë. Me 16 shkurt të gjithë në Tiranë.

 

Kështu do të bëjmë të mundur që t’u japim fund padrejtësive, t’i japim fund varfërisë, t’i japim fund pamundësisë.

 

Rrugët politike që kemi ndjekur deri më sot janë shteruar, por një gjë nuk shterohet kurrë. Parlamenti, qeveria, institucionet, nuk janë pronë e Edi Ramës, ato janë prona juaj, janë prona e sovranit dhe kur sovrani vendos t’i çliroje nga pengmarrësit, ka dhe do të ketë vetëm një përfundim, triumfi i vullnetit të përgjithshëm qytetar, të bashkuar, shqiptar.

 

Një thirrje të veçantë kam për dhjetëra, qindra socialistë që janë po kaq të dëshpëruar, të tradhtuar dhe të braktisur, nga ky kryeministër dhe nga kjo qeveri, të cilët i shërbejnë vetëm vetes së tyre dhe një grushti njerëzish.

 

16 shkurti është një ditë bashkimi kombëtar. 16 shkurti nuk është dita kur Partia Demokratike merr pushtetin, por është dita kur ne rrezojmë një pushtet i cili nuk është i popullit dhe nuk punon për popullin. Dhe pas kësaj, përmes një qeverie kalimtare për zgjedhje të lira dhe të ndershme t’ju ftoj të gjithë të votoni programin tonë në mënyrë që qeveria e PD të nisë prej ditës së parë tu shërbejë ju, interesave tuaja, punësimit tuaj, dhe mirëqenies tuaj.

 

E di dhe kam dëgjuar gjatë këtyre ditëve zemërimin e shqiptarëve të ndershëm. Kam parë po kështu se si dëshpërimi dhe mungesa e shpresës i ka lënë vendin një shprese të re që po zgjohet. Po zgjohet kjo shpresë në veçanti kur jemi bashkë e kur shohim tek njëri tjetri se ndani të njëjtat halle dhe kërkoni të njëjtat zgjidhje. Nëse, kështu bashkë, vazhdojmë të qëndrojmë, e keqja i ka ditët e numëruara.

 

Është në dorën tuaj.

Zoti e bekoftë Kurbinin dhe Laçin.

 

Të gjithë bashkë me 16 shkurt. Zoti na ndihmoftë. Kisha e Laçit, Shna Ndout na ndihmoftë. Ti japim Shqipërisë alternativën europiane, të marrim fatin tonë në duart tona. Faleminderit dhe të gjithë në Tiranë me 16 shkurt.

 

Read More

• 16 shkurti nuk është dhe nuk mund të jetë si një ditë tjetër proteste. Shqiptarët e zgjidhin kontratën me krimin. Zgjidhin kontratën me oligarkinë. Zgjidhin kontratën me Edi Ramën.

 

• Edi Rama merr miliona euro nga nafta shqiptare. Kanë ardhur në pushtet me paratë që vidhen, me paratë e krimit, me paratë e drogës, me paratë e Besos me shokë, që në fakt janë paratë që duhet të shkonin për hallet tuaja

 

• Shqiptarët e thonë vetë se “nuk ndjehen të përfaqësuar nga kjo qeveri e ky parlament”. Ka ardhur koha të prishet kontrata e qeverisë me krimin.

 

• Vendi ka mundësi të dalë nga kriza. Kemi shpalosur një plan, që paratë që sot, përfundojnë në xhepat dhe kontot bankare të Edi Ramës dhe një grushti oligarkësh, ne ti kthejmë tek qytetarët

 

• Në planin tonë Antimafia, çdo qindarkë që kanë grabitur, dhe nuk kanë grabitur qindarka, por miliarda euro, do t’ju konfiskohet dhe do të kthehet tek qytetarët shqiptarë

 

• Objektivi numër 1 i Partisë Demokratike, ky është: të hapim vende pune, me paga dhe kushte dinjitoze për shqiptarët dhe në veçanti, për rininë shqiptare

 

• Ju thërrasim në Tiranë, që të ndërmerrni aktin që i takon vetëm sovranit. Nuk më takon mua, ai akt! Mua më takon të ju jap planin e daljes nga kriza.

 

 FJALA E KRYETARIT TË PARTISË DEMOKRATIKE, LULZIM BASHA, ME BANORËT NË MALLAKASTËR

 

Mirë se ju gjej zonja dhe zotërinj, të rinj dhe te reja, vëllezër dhe motra!

 

 

 

Faleminderit për këtë pritje shumë të ngrohtë sot. Në Ballsh më shumë se dielli që ka dalë, e nuk e ka kohën, po më ngroh mikpritja, entuziazmi dhe shpresa tek e nesërmja që gjeta në çdo shtrëngim dore dhe në çdo urim tuajin.

 

Vëllezër e motra, zonja dhe zotërinj, kemi qenë së bashku shpeshherë gjatë këtyre viteve në këtë shesh, në rrugët e këtij qyteti, në fshatrat përreth, në shtëpitë tuaja, bashkë me kryetarin e bashkisë, bashkë me deputetët e zonës kemi qarë hallet së bashku.

 

Nuk harroj vizitat që kemi zhvilluar në disa prej familjeve që janë ndeshur me fatkeqësitë, me humbjen e kryefamiljarëve në aksidentet e përsëritura në Uzinë. Me papunësinë që sa herë kam ardhur e kam gjetur më të shtua. Me sipërmarrjen e kësaj zone e cila gjendet në një krizë totale për shkak të rënies së fuqisë blerëse. Dhe për fat të keq sa herë që vij rruga nga Patosi deri këtu duket sikur bëhet më e keqe, më e keqe prej këtej drejt Fratarit.

 

Pra, zemërimi juaj, zhgënjimi juaj nga braktisja totale dhe harresa në të cilën ju ka lënë Edi Rama dhe banda me të cilën ai sundon vendin lexohet e kuptohet sapo ju jap dorën, akoma pa filluar të shprehni hallet dhe problemet tuaja.

 

Këto halle dhe probleme ua shoh të shkruara prindërve të këtyre fëmijëve, të këtyre vogëlushëve në fytyrë, ua shoh nënave të tyre, ua shoh dhe baballarëve të tyre. E ndjej në shtrëngimin e duarve të naftëtarëve të cilët janë mashtruar për të 10-tën dhe të 15-tën herë si sa i përket pagave që kurrë nuk i morën, si sa i përket statusit të naftëtarit që mbeti një gënjeshtër, si sa i përket cilësisë dhe sigurisë së kushteve të punës. E shoh këtë në problemet e përditshme që keni. Këtu në këtë zonë si kudo në Shqipëri, por akoma më shumë po ndihet rrënimi total i sektorëve të shërbimit. Në veçanti i shëndetësisë, ku numri i mjekëve dhe infermierëve të gatshëm për t’iu shërbyer këtu po bie në mënyrë dramatike siç po bie kudo në Shqipëri, po bie edhe në Fier. Por në veçanti në këtë bashki, në Mallakastër, emigracioni, largimi i tyre ka shkaktuar një dramë të vërtetë, një mungesë totale për përkujdesjes për vogëlushët, për foshnjat e porsalindura, për pacientët, për të sëmurët e deri për të moshuarit.

 

Ndërkohë asgjë që është premtuar nuk është realizuar. Edi Rama premtoi rritjen e pensioneve. Sapo takova pensionistë këtu që më thanë që pensioni nuk iu mjafton për të blerë as ilaçet e për të paguar faturën e energjisë. Në çdo send, në çdo mall që blini dhe konsumoni, çmimi, kostoja e lartë përfshin edhe çmimin më të lartë të naftës në Europë.

 

E pra, ja ku jemi në këtë zonë ku industria e nxjerrjes dhe përpunimit të naftës është prej dekadash punëdhënësja më e madhe, ja ku jemi në pellgun më të madh  naftëmbajtës të Europës dhe asnjëri prej jush nuk ia ka parë hajrin. Disa prej jush, shumë prej jush ia kanë parë qederin por askush nuk ja ka parë hajrin.

 

Edhe ajri është mbushur me erën e naftës, por nafta nuk ka sjellë asgjë të mirë në familjet tuaja. Përkundrazi, njësoj si në Mallakastër dhe në gjithë Shqipërinë, duhet ta paguani me çmimin më të lartë. Dhe ky çmim i naftës, dhe për ata që nuk kanë automjete, edhe për ata që nuk e përdorin për aktivitetin prodhues, drejtpërdrejtë ndikon në çmimin e bukës, të bulmetit, të mishit, të perimeve. Sepse ju e dini fare mirë, që në më pak se katër vite, Edi Rama, i ka shtuar çmimit të naftës, plot 300 lek taksë mbi karburantin, për litër.

 

E pra, mos të zgjatem shumë. Hallet dhe problemet kanë ardhur duke u shtuar. Arsyeja kryesore se pse nuk ka zgjidhje për hallet tuaja, arsyeja kryesore se pse ndërkohë që vazhdon të marrë miliona euro nga Ballshi, nga Mallakastra, nga nafta shqiptare, por asnjë cent nuk përfundon në rritje rrogash, në rritje pensionesh, kujdese të shtuara, rrugë të shtruara, shkolla më të mira, ngrohje, spitale, kujdes shëndetësor, është sepse këto para; vidhen dhe shpërdorohen.

 

Vidhen dhe shpërdorohen, sepse ky kryeministër, siç e keni parë edhe nga denoncimi i Zërit të Amerikës, nuk ka ardhur në pushtet me votën tuaj, nuk e ka lidhur fatin me fatin e qytetarëve shqiptarë. Këta kanë ardhur në pushtet me paratë që vidhen, me paratë e krimit, me paratë e drogës, me paratë e Besos me shokë, që në fakt janë paratë që duhet të shkonin për pensionet tuaja, për rrogat tuaja, për ndihmën ekonomike, duhet të shkonin për investimet në këtë bashki dhe në bashki të tjera të vendit.

 

Me dy fjalë: Edi Rama e ka lidhur fatin e tij, me një grusht grabitqarësh dhe kriminelësh. Ka shkatërruar procesin zgjedhor, ka shkatërruar parlamentin, ka shkatërruar qeverisjen e vendit.

 

Ditën e enjte në parlament, Edi Rama duhej të ballafaqohej me këto të vërteta, që nuk janë më vetëm denoncimet e opozitës, por janë fakte ligjore, të cilat kanë dalë në dritë nga gazetarë të guximshëm dhe janë transmetuar nga një media prestigjoze, siç është Zëri i Amerikës. Jo vetëm Zëri i Amerikës, edhe Deutche Welle, që është radio publike e qeverisë Federale gjermane, edhe mediat britanike, edhe Transparency International, po thonë një të vërtetë që ju e keni ndjerë në shpinën tuaj, e shikoni në tavolinën tuaj, në xhepat tuaj të boshatisur.

 

Shqipëria, sot nuk qeveriset, por sundohet nga një bandë e zhytur në krim dhe në korrupsion. Nga një kryeministër i zhytur në korrupsion, i cili është kapur në flagrancë në projekte si tek Unaza e re në Tiranë, ku keni shumë prej bashkëpatriotëve tuaj që janë zhvendosur dhe jetojnë aty, mallakastriotë, ku ka shkuar 20 milion euro kilometri, vetëm e vetëm që këto para të vidhen e të çohen në konto bankare në parajsa fiskale, siç e zbuloi Partia Demokratike, siç e zbuloi opozita, siç e ka transmetuar media e pakapur.

 

Të dashur qytetarë të Ballshit dhe të Mallakastrës!

 

Gjatë gjithë kësaj kohe, ne kemi bërë betejat tona politike. Disa prej tyre kanë dhënë sukses, siç ishte ligji për dekriminalizimin, sukses të pjesshëm, sepse Edi Rama nuk e zbatoi. Disa të tjera, kanë pasur sukses, duke mbrojtur vlera kombëtare, siç është beteja për Teatrin Kombëtar, siç është beteja për shtëpitë e mbi 1 mijë familjeve, tek zona e Unazës së re në Tiranë e kështu me radhë.

 

Por betejat kryesore politike, ato që duhet të zhvillohen në institucione, nuk kanë dhënë rezultatet që duhet të japin në një vend normal, ku ka një debat politik mes opozitës dhe qeverisë dhe ku në fund triumfon interesi publik. Kjo për arsye se në parlamentin shqiptar, sot, nuk mbrohet, por masakrohet interesi publik, interesi i qytetarëve shqiptarë. Ai parlament, ekziston vetëm prej vullnetit tuaj. Arsyeja e vetme e ekzistencës së parlamentit, është të përfaqësojë dhe të mbrojë interesin tuaj.

 

Kam një pyetje: a ndjeheni të përfaqësuar nga parlamenti i sotëm shqiptar?

 

Turma: Joooo

 

A ndjeheni të mbrojtur nga vendimet që merr parlamenti i sotëm shqiptar?

 

Turma: Joooo

 

E pra, ka ardhur koha, ti hiqni autorizimin dhe ti mbyllni kontratën kësaj maxhorance, të ardhur me votat e krimit.

 

Ka ardhur koha të bëni atë që bën çdo popull europian, kur ata që kanë marrë përgjegjësinë e qeverisjes, tradhtojnë interesat e qytetarëve, tradhtojnë interesin publik, siç iu ka tradhtuar Edi Rama dhe banda me të cilën sundon sot Shqipërinë.

 

Vendi ka mundësi të dalë nga kjo krizë.

 

Ne shpalosëm dje, në praninë edhe të miqve tanë gjermanë dhe europianë, planin tonë të emergjencës, për ta nxjerrë vendin nga kriza. Ky plan parashikon, që paratë që sot, përfundojnë në xhepat dhe kontot bankare të Edi Ramës dhe një grushti oligarkësh, ne ti kthejmë tek qytetarët. Ky plan parashikon mbi të gjitha, që ta heqim Shqipërinë dhe Mallakstrën nga kthetrat e oligarkëve dhe të ja kthejmë shqiptarëve të ndershëm, shqiptarëve punëtorë, bijve dhe bijave të këtij vendi, prindërve të këtij vendi, pensionistëve dhe të moshuarve të këtij vendi.

 

Në planin tonë Antimafia, çdo qindarkë që kanë grabitur, dhe nuk kanë grabitur qindarka, por miliarda euro, do t’ju konfiskohet dhe do të kthehet tek qytetarët shqiptarë, që janë pronarët e vërtetë të këtyre pasurive dhe të këtyre parave.

 

Me planin tonë, ekonomia do të marrë frymë me taksa të ulëta. Me planin tonë, do ti japim fund pensioneve që vetëm pensione nuk janë, por nuk janë as lëmoshë. Janë thjeshtë damka e turpit e kësaj qeverie, që ka dështuar në çdo premtim me të cilën u erdhi qytetarëve. Premtime boshe, sepse votat i bleu dhe i mori me ndihmën e krimit, drogës dhe oligarkëve.

 

Ndaj, sot nga Mallakastra, dua të jua them fare qartë: PD nesër në pushtet, nuk do të mjaftohet me konfiskimin e pasurive të të gjithë zyrtarëve dhe oligarkëve që kanë abuzuar me paratë, djersën dhe mundin tuaj.

 

Ne do ti çojmë ata para drejtësisë. Ligji do ti dënojë, do ti çojë ata në burg, dhe jo qytetarët e pafajshëm që luftojnë për mbijetesë.

 

Por, që kjo të ndodhë, do të duhet të rikthejmë procesin politik në vend.

 

Ne do të rikthejmë zgjedhjet e lira dhe të ndershme. Partia Demokratike dhe opozita, e kanë paraqitur zgjidhjen politike: Një qeveri kalimtare, e palidhur me krimin, që nuk e ka lidhur fatin e vet me Besot e Shqipërisë, që të përgatisë një proces të ndershëm zgjedhor dhe të jeni ju, qytetarët shqiptarë, që të vendosni me votë, në bazë të programit dhe në bazë të zbatimit të programit, se kush do ta qeverisë këtë vend.

 

Ne i kemi zgjidhjet. Vendi i ka mundësitë dhe do të dalë nga kjo krizë.

 

Unë, ju kërkoj sot mbi të gjitha, të besoni tek njëri-tjetri. Ti shtrini dorën njëri-tjetrit, të besoni tek ky vend. Nuk ka pse ta braktisim Shqipërinë. Nuk ka pse ta braktisim Ballshin dhe Mallakastrën. Këtu mund dhe do të ndërtojmë një të ardhme më të mirë, për veten tuaj dhe mbi të gjitha, për fëmijët tuaj.

 

Dhe pikërisht për fëmijët tuaj, për rininë e Mallakastrës, për vogëlushët e Mallakastrës, ju kërkoj: mos u dorëzoni. Bashkohuni dhe shtrijini dorën njëri-tjetrit dhe të nisim së bashku një betejë, për të ja rikthyer Shqipërinë, shqiptarëve.

 

Shqipëria, nuk mund të mbetet peng i Edi Ramës dhe i oligarkëve. Parlamenti dhe qeveria, nuk mund të mbeten vegël e krimit dhe e oligarkisë.

 

Tani që çdo mjet tjetër politik është shterruar, dhe para se unë të ju kërkoj besimin dhe votën për Partinë Demokratike, që të vëmë në jetë programin tonë, që do ulim taksat. Të ulim që në ditën e parë, 300 lek për litër çmimin e karburantit, duke hequr taksën Rama, dhe të ndezim motorët e zhvillimit ekonomik, të çlirojmë energjitë pozitive, të hapim vende pune. Vende pune me paga dinjitoze për shqiptarët, këtu në vendin e tyre. Objektivi numër 1 i Partisë Demokratike, ky është: të hapim vende pune, me paga dhe kushte dinjitoze për shqiptarët dhe në veçanti, për rininë shqiptare.

 

Por, që ti hapim rrugë këtij procesi politik, ne, unë, vendi, ka nevojë për ju. Ka shteruar mundësia për ta zgjidhur këtë brenda institucioneve, sepse institucionet i ka kapur krimi. Institucionet i kanë kapur oligarkët. Qeveria dhe parlamenti, janë kukulla në shërbim të tyre, dhe janë po kështu bashkëfajtorë, se fitimet që nxjerrin mbi gjakun dhe djersën tuaj, përfundojnë edhe në xhepat e Edi Ramës dhe politikanëve të tjerë të korruptuar sot në qeveri.

 

Ndaj, me 16 shkurt, nuk ju thërras në Tiranë për të ju mbajtur një tjetër fjalim.

 

Koha për fjalë ka mbaruar!

 

Me 16 shkurt, unë, Partia Demokratike dhe opozita e bashkua, ju thërrasim në Tiranë, që të ndërmerrni aktin që i takon vetëm sovranit. Nuk më takon mua, ai akt! Mua më takon të ju jap planin e daljes nga kriza. Mua më takon të ju jap fjalën, se së bashku do të hapim një rrugë shprese dhe besimi te Shqipëria.

 

Ndërsa ju, deleguesit e vetëm të pushtetit, ju autorizuesit e vetëm të pushtetit, ju dhe vetëm ju, të bashkuar, të gjithë shqiptarët e bashkuar, kanë të drejtën sovrane që me 16 shkurt, të përfundojmë kontratën me Edi Ramën dhe ta deklarojmë këtë në Tiranë.

 

Nga pjesëmarrja jua dhe vendosmëria juaj, le të jepet lajmi me 16 shkurt:

 

se shqiptarët e zgjidhin kontratën me krimin.

 

E zgjidhin kontratën me oligarkinë.

 

E zgjidhin kontratën me Edi Ramën.

 

Kjo është domethënia e 16 shkurtit. Nuk është dhe nuk mund të jetë, si një ditë tjetër proteste. Duhet dhe do të jetë, me bashkimin tuaj, një ditë ndryshe dhe fillimi i ndryshimit pozitiv, për çdo shqiptare dhe çdo shqiptar.

 

Sot erdha për një bashkëbisedim me qytetarët, me naftëtarët, me sipërmarrjen, por, siç e keni mbushur këtë shesh plot, ashtu e kam dhe unë zemrën plot, se shoh që është kthyer besimi dhe vendosmëria juaj, për ta marrë fatin në duart tuaja, për të mos e lënë fatin peng të një bande, që pasi ju ka vjedhur, ju ka zhgënjyer, ju ka braktisur, ju tall, siç tallet Edi Rama, ditë për ditë me ju. Ndërkohë që mbush xhepat dhe kontot, me paratë tuaja dhe bukën e fëmijëve tuaj.

 

Ndaj dhe njëherë dua të ju ftoj, që kështu siç jeni bashkë, bashkë me 16 shkurt, të derdheni në bulevardin qendror të Tiranës dhe të deklaroni vullnetin tuaj si shqiptarë të lirë, si europianë. Të deklaroni vendimin tuaj e t’i hapim Shqipërisë rrugën e zhvillimit, të mirëqenies dhe të punësimit.

 

Ju falënderoj nga zemra për këtë mikpritje.

 

Zoti ju bekoftë ju dhe familjet tuaja.

 

Zoti e bekoftë Shqipërinë .

 

Read More

FJALA E PLOTË E KRYETARIT TË PD, LULZIM BASHA GJATË PREZANTIMIT TË SHTYLLAVE KRYESORE TË PROGRAMIT EKONOMIK TË PD.

 

Të nderuar të ftuar,

 

Përfaqësues të Shoqatave të Biznesit të Vogël dhe të Mesëm,

 

Përfaqësues të Dhomave të Tregtisë, Konfederatave të Industrisë Shqiptare,

 

Të nderuar drejtues të Shoqatave të Investitorëve të Huaj në Shqipëri,

 

Përfaqësues të sektorëve të ndryshëm të ekonomisë, të bujqësisë dhe të grupeve të interesit,

 

Kam kënaqësinë e madhe që në praninë tuaj t’i uroj mirëseardhjen një prej personaliteteve më të shquara të Partisë Kristian Demokrate, të Unionit Kristian Demokrat në Gjermani dr. Martin Henzes për herë të dytë në Shqipëri, në kapacitetin e tij si një nga drejtuesit dhe frymëzuesit e programeve ekonomike dhe të infrastrukturës gjermane dhe si një mik i çmuar, i cili në bashkëpunim me partinë tonë simotër KristianDemokratët Gjermanë dhe me Fondacionin Kondrad Adenauer, drejtuesit të tij Valter Gloss, po kështu, dua t’i uroj nga zemra mirëseardhjen në këtë aktivitet, kanë dhënë një ndihmë të jashtëzakonshme në përpilimin e programit dhe alternativës ekonomike të Partisë Demokratike për Shqipërinë.

 

Po kështu dua t’i  uroj mirëseardhjen edhe drejtuesve dhe anëtareve të Komisionit të Ekonomisë dhe Financave dhe Komisionit të Veprimtarisë Prodhuese të Partisë Demokratike të opozitës, sikundër të përshëndes pjesëmarrjen edhe të të ftuarve të tjerë, ekspertë ekonomikë, njerëz me kontribute të çmuara në reformat e thella ekonomike,  që vendi ka patur në këto 3 dekada dhe kontribuues në këndvështrim kritik, por edhe me propozime të frytshme për alternativën ekonomike të Partisë Demokratike.

 

Zonja dhe zotërinj!

 

Koha që kemi zgjedhur sot mund të duket pak e çuditshme.

Vetëm dje patë edhe një herë se si parlamenti u konsumua nga batareja vulgare e një njeriu, i cili ndonëse formalisht është në krye të ekzekutivit, nuk ka çfarë ofron më përveç sharjeve, vulgaritetit, banalitetit dhe ofendimit. Nuk ka çfarë ofron më shumë në Parlament. Natyrisht,  biznesi e di që për biznesin po ofron më shumë se kaq, po ofron zgjedhë, po ofron harbutëri, arbitraritet, taksa të rritura dhe një klimë të rënduar, më të keqen sot në Ballkan, ndër më të këqijat në Europë dhe në botë.

 

Arsyet e vulgaritetit të djeshëm janë një dhe vetëm një; tashmë jo vetëm opozita, jo vetëm media e vendit, por edhe media ndërkombëtare, media prestigjioze, për të cilat Shqipëria ka qenë burim reference edhe në kohët më të errëta të këtij vendi, si Zëri i Amerikës, po tregojnë me gisht rrënjën e së keqes: faktin që kemi një qeveri,  e cila nuk ka buruar nga vota, por ka buruar nga bashkëpunimi me bandat kriminale, me krimin e organizuar me të cilin ka marrë pushtetin.

 

Këtë tha as më pak e as më shumë Zëri i Amerikës. Dhe ishte pikërisht ky konkluzion të cilin Edi Rama u mundua ta fshijë nga diskursi politik dhe nga vëmendja mediatike me një sjellje vulgare dhe rrugaçërore, do të thoja që, padyshim, i shërben qëllimeve të tij afatshkurta, por nuk i shërben analizës dhe vendimeve që na takojnë që ne të marrim si shoqëri, si popull, si njerëz të lirë, natyrisht, edhe në sektorin e biznesit.

 

Jemi në këtë situatë; kemi një qeverisje, e cila i është dorëzuar krimit të organizuar dhe oligarkisë. Kemi një qeveri dhe një kryeministër që nuk gëzojnë legjitimitetin as formalisht. Pra, as formalisht nuk mund të ulen në karriket, ku ulen për të marrë vendime në emër të shqiptarëve. Ndërsa vendimet që marrin janë vendime të cilat favorizojnë vetëm një grusht njerëzish, realisht vetëm një grusht njerëzish.

 

Pasojat për këtë i ndjejmë përditë.

 

Vendi është zhytur në një krizë të trefishtë: ekonomike, politike dhe psikologjike.Të dhënat e fundit janë jashtëzakonisht shqetësuese.

 

Gjendja e ekonomisë, punësimit, sipërmarrjes dhe mirëqenies së shqiptarëve, pas 6 vitesh bashkëqeverisje me krimin nga Edi Rama, është në kolaps.

 

Padyshim viktima më e madhe dhe dëmi më i madh është vrasja e shpresës. Shqiptarët kanë humbur shpresën, qindra mijëra kanë braktisur vendin dhe të tjerë bëhen gati ta braktisin më mundësinë më të parë që u jepet.

 

Rinia është e papunë, është e pashpresë. Rinia është dijedashëse, por me sistem arsimor në rrënim, me çmimet më të larta në Europë dhe cilësinë më të ulët të arsimimit. Rinia është në protestë, ndërsa qindra mijëra të rinj shpresën e gjejnë vetëm në emigracion.

 

Sipërmarrja e vogël, e mesme apo e madhe ka humbur mundësitë për zhvillim, për shkak të pushtimit të tregut nga një grusht oligarkësh të lidhur me Edi Ramën. Vendin e sipërmarrjes së ndershme dhe punës së ndershme në treg e kanë zënë banditët me paratë e tyre të drogës dhe krimit, të cilët janë faktor i vetëm i ndryshimit të kursit të këmbimit midis euros dhe lekut dhe pasojave shkatërrimtare që ka për sektorë të tërë të ekonomisë.

 

Sipërmarrja vuan çdo ditë dhunën fiskale, gjobëvënëse dhe korruptive të bandave inspektuese banditesko-politike të Edi Ramës, që në fakt fjalën inspektuese nuk e meritojnë sepse janë banda grabitëse dhe gjobëvënëse.

 

Investimet e huaja janë në pikiatë pas mbarimit të disa projekteve të mëdha, të trashëguara nga qeverisja demokrate. Dhe ne e dimë se me përfundimin e gazsjellësit TAP dhe investimit në Kaskadën e Devollit dhjetëra mijëra shqiptarë do të humbin vendin e punës.

 

Të huajt që tentuan të investojnë në Shqipëri u goditën nga sistemi oligarko-banditesk i Rilindjes, deri edhe fizikisht. Ata janë larguar dhe po vazhdojnë të largohen. Investitorë të rinj, seriozë, strategjikë nuk ka  dhe as nuk po duken.

Fermerët vuajnë nga konkurrenca e pandershme e sistemit oligarkik të importeve, grumbullimit, shitjes dhe nuk marrin asnjë ndihmë shtetërore. Janë fermerët e vetëm në Europë që nuk kanë marrë asnjë ndihmë shtetërore. Sepse ato pak para që ndahen për subvencionet në bujqësi kanë shkuar në xhepat e oligarkëve dhe janë ndarë me zyrtarët dhe politikanët e korruptuar.

 

Pasojat e një gjendje të tillë ekonomike bien mbi çdo shtresë shoqërore. Të varfrit, mosha e tretë, por edhe shtresa e mesme, të gjithë sot, pas 6 vitesh janë në gjendje të përkeqësuar. Blejnë më shtrenjtë, nuk kanë rritje për pagat dhe pensionet, janë përjashtuar nga ndihma ekonomike, nuk kanë shpresë për punësim, për kurim apo përkujdesje.

 

Kjo është shkurt, në mënyrë konçize gjendja e vendit, gjendja e ekonomisë.

 

Pasiguria ka mbushur shoqërinë, zemrat, shpirtrat, shtëpitë dhe bizneset e shqiptarëve. Realiteti i njerëzve është mbijetesa.

 

Këto probleme Partia Demokratike i ka denoncuar dhe vazhdon ta bëjë me këmbëngulje e vendosmëri. Por sot jemi mbledhur këtu sepse pikërisht në një moment të tillë dëshpërimi dhe kolapsi më shumë se thjesht dhe vetëm denoncimi i problemit ka rëndësi vizioni, shpresa dhe besimi për ta kapërcyer.

 

Ndaj jemi sot me miqtë tanë europianë, me miqtë tanë gjermanë për të dhënë së pari një mesazh shprese për çdo shqiptar e në veçanti në takimin tonë sot një mesazh shprese për sipërmarrjen shqiptare, gjeneratorin e punësimit dhe mirëqenies në Shqipëri.

 

Ky mesazh shprese nuk mund të mbetet thjesht një inkurajim emocional, por ka marrë trajtën e një programi të qartë, të përbërë nga masat emergjente të çlirimit të ekonomisë nga zaptuesit e saj dhe të masave të plota për ndezjen e motorëve të ekonomisë për një rritje ekonomike të lartë, të qëndrueshme, gjithëpërfshirëse e të shanseve të barabarta, për një rritje ekonomike që prodhon mirëqenie për shtresat e gjera të shoqërisë dhe ndihmon për daljen nga varfëria të shtresave të lëna në harresë e të braktisura.

 

Dua të parashtroj shkurtimisht para se të nisim bashkëbisedimin tonë shtyllat kryesore të këtij plani ekonomik.

 

Së pari, sistemi ekonomik duhet dhe do të çlirohet nga zaptimi i trefishtë i tregut; nga zaptimi nga krimi, nga zaptimi nga oligarkia dhe zaptimi nga burokracia.

 

Partia Demokratike arriti të imponojë axhendën e dekriminalizimit të institucioneve shtetërore, ndonëse Rilindja bëri çdo përpjekje për ta shmangur dhe ndalur atë. Qindra kriminelë janë larguar nga zyrat e shtetit.

Ne kemi shpallur fazën e dytë të dekriminalizimit, vetingun e politikanëve të lidhur me fije të dukshme e të padukshme me krimin, produkt i cili është edhe beteja që po zhvillohet tani. Ajo që u shfaq nga Zëri i Amerikës nuk është gjë tjetër, veçse konfirmimi nga një media ndërkombëtare i fakteve zyrtare, ligjore të prokurorisë shqiptare për një denoncim të kahershëm të opozitës.

 

Denoncimi është ky: prej zgjedhjeve të vitit 2013, i vitit 2015 dhe në veçanti të vitit 2017, duke përfshirë edhe zgjedhjet e pjesshme të Dibrës në shtator 2016 asgjë nuk është produkt i votës së shqiptarëve. gjithçka është produkt i bashkëpunimit i krimit të organizuar me një parti politike që ka vënë interesat e disa individëve mbi interesat e gjithë shoqërisë.

 

Ndaj vetingu i politikanëve është dhe mbetet një prioritet absolut të cilin ne do ta bëjmë realitet.

 

E detyruar të largojë kriminelët nga zyrat e shtetit, me ligjin e dekriminalizimit Rilindja bashkëpunon me ta në prapavijën politike dhe ekonomike. Dosja 339/1 është vetëm maja e ajsbergut, tregon kryebashkiakët kryesorë si ai i Durrësit dhe deputetë e ministra, padyshim, sipas informacioneve tona vetë kryeministrin, në transaksione të drejtpërdrejta me bandat e krimit të organizuar, transaksione që nisin me një natyrë politike; “na blini vota”, “na siguroni vota”, “do të keni favore” dhe, pastaj, kthehen në transaksione ekonomike duke shtyrë gjithë sipërmarrjen e ndershme jashtë tregut, duke shkatërruar tregun.

 

“Shqipëria Kolumbi e Europës” janë titujt e përjavshëm të mediave ndërkombëtare, është damka që na ka vënë Edi Rama, nëpërmjet të cilës,  për fat të keq, na njohin sot kancelaritë  perëndimore, mediat ndërkombëtare dhe investitorët për të cilët kemi kaq shumë nevojë për të siguruar punësimin me paga dinjitoze për shqiptarët.

 

Është provuar ajo që kemi thënë prej fillimit se krimi dhe paraja e krimit në ekonomi nuk sjell zhvillim, por sjellin rrënim. Ndaj ne kemi denoncuar që sot në opozitë  dhe do të marrim të gjitha masat për ta spastruar nesër në qeveri, nga politika dhe ekonomia.

 

Asnjë masë e Bankës së Shqipërisë dhe asnjë politikë ndërhyrëse e qeverisë së ardhme shqiptare nuk do të jetë aq e efektshme për të ristabilizuar kursin real midis euros dhe lekut që po rrënon sektorë të veçantë të ekonomisë, po rrënon fasonët që janë sot përgjegjës për dhjetëra mijëra familjarë si të vetmit që sjellin të ardhura, të vetmit që sjellin të ardhura për familjet e tyre të varfëruara që sjellin bukën në tavolinën e familjeve të tyre. kjo kërkon luftë pa kompromis.

 

Paketa jonë ligjore e propozuar është e plotë. Ajo do të zbatohet e plotë dhe do të jetë e plotë vetëm nëse zbatohet e plotë dhe integrale.

 

Oligarkia meriton të njëjtën luftë si krimi. Oligarkia do të ketë të njejtën luftë si krimi, me të njëjtat instrumenta siç luftohet krimi i organizuar,  me të njëjtat instrumenta siç do të konfiskohet pasuria e krimit të organizuar, me të njëjtat instrumente do të konfiskohet edhe pasuria e oligarkisë. Sepse ajo vjedh dhe grabit të sotmen dhe të ardhmen njësoj si krimi.

 

Një grusht oligarkësh dhe rrjetit i tyre fitojnë të gjithë tenderët shtetërorë, kontratat PPP, lejet e licencat, me çmime favorizuese për ta, me fonde limite që shpeshherë i caktojnë vetë dhe i fitojnë vetë në ato fonde limite. Grabitje e financave publike, rritje e borxhit për çdo shqiptar.

 

Oligarkia, në bashkëpunim me regjimin e Edi Ramës, po rrënon biznesin e vogël e dhe të mesëm, po dekurajon edhe biznesin e madh, që nuk është pjesë e tepsisë së pushtetit.

 

Ne kemi shpallur një platformë të qartë e të plotë për çmontimin, për shkatërrimin e sistemit oligarkik të Edi Ramës dhe shpurës së tij.

 

Këtë vit, sipas projeksioneve të institucioneve të besueshme ekonomike kombëtare dhe ndërkombëtare, ky grusht oligarkësh bëhet gati të hedhë 1.5 miliardë euro në projekte fantazëm, projekte të cilat pastaj duhet të financohen nga buxheti i shtetit, nga paratë e taksapaguesve shqiptarë.

 

Dua t’i bëj edhe një herë thirrje atyre drejtpërdrejtë dhe sistemit bankar të ndalin menjëherë këtë marrëzi.

 

Dua t’i paralajmëroj se asnjë prej kontratave të lidhura me qeverinë korruptive të Edi Ramës nuk do të zbatohen. Dua t’i paralajmëroj në veçanti në sektorin bankar mos t’i futet kësaj aventure. Sepse do të ketë pasoja jashtëzakonsiht të rënda.

 

Në qoftë se ne gjendemi para një zgjidhje të financojmë këto kontrata abuzive dhe të lëmë pensionistët pa pensione, vogëlushët pa ngrohje, shëndetësinë në kolaps, të jeni të sigurt që zgjidhja jonë është e qartë dhe e vendosur; do të falimentojmë shpurën e oligarkëve dhe jo Shqipërinë dhe shqiptarët.

 

Ndaj iu bëj thirrje institucioneve financiare të mos bëhen pjesë e kësaj piramide nëse nuk duan që kjo piramidë t’i marrë me vete.

 

Çdo kontratë koncensionare, PPP-je e lidhur me këto oligarkë, gjithsecila prej tyre do të shfuqizohen. Ky nuk ëstë kërcënim, ky nuk është premtim, ky është vendim dhe ne do ta bëjmë realitet.

 

Asnjë kontratë, asnjë leje, asnjë licencë e fituar në mënyrë abuzive nuk do të mbetet në fuqi. Çdo pasuri e vënë abuzivisht do të hetohet me barrën e provës së ligjshmërisë mbi oligarkët dhe zyrtarët që kanë dhënë këto kontrata dhe e gjetur në kushtet e keqbërjes ndaj popullit të vendit dhe interesit publik, do të konfiskohet.

 

Çdo pjesë e rrjetës së lidhjeve të oligarkisë me politikën dhe burokracinë shtetërore do të shkatërrohet e do të çohet para një drejtësie të re, të reformuar që nuk mbron por ndëshkon politikanët dhe zyrtarët e korruptuar dhe këdo që përfiton nga interesi publik për shkak të lidhjeve të tyre korruptive.

 

Ne, po kështu do të adoptojmë kritere favorizuese për bizneset e vogla e të mesme, që të përfshihen në furnizime në sektorin publik bazuar në garë të ndershme e transparente në mënyrë që të gjithë do të kenë një shanc të barabartë në rrethana të ngjashme. Me fjalë të tjera, praktika ku të gjithë shpenzimet e vendit janë në dorë të pesë oligarkëve dhe nënkontraktorëve që ata caktojnë në kushte skllavëruese do të marrë fund.

 

Burokracia represive e sistemit oligark e kriminal të Edi Ramës, sa për interesat personalë korruptive të çdo politikani e zyrtari, ka ushtruar e vazhdon ushtron terror administrativ e fiskal mbi sipërmarrjen e vogël, të mesme e të madhe, që nuk është në tepsinë e pushtetit. Me fjalë të tjera nuk mjaftohen që marrin tenderat, favoret dhe licencat, por, duke përdorur lidhjen e tyre të shkurtër me politikanët, bashkë me pushtetarët, me Edi Ramën dhe me ministrat, po shtyjnë jashtë tregut çdo ndërmarrje tjetër të ndershme. Po shtyjnë jashtë tregut ndëmarrjet shqiptare dhe po pamundësojnë futjen në treg të investitorëve të huaj. Sepse prania e invetitorëve të huaj seriozë e bën shumë më të vështirë, në shuëm rastë të pamundur zbatimin e skemave të tilla korruptive.

 

Të nderuar të pranishëm derregullimi do të prekë çdo pjesë të administratës shtetërore nën drejtimin e Partisë Demokratike.

 

Çdo leje, licencë apo autorizim, i cili nuk justifikon veten, do të shfuqizohet  brenda 100 ditëve të para të qeverisjes tonë.

 

Do të zbatojmë parimin “silence is consent” (miratim në heshtje), ku barra e provës do t’i kalojë administratës dhe jo biznesit. Do të lehtësojmë çdo barriere administrative të hyrjes dhe daljes nga tregu, si indikator i fortë për përmirësimin e klimës së biznesit.

 

U munduam bashkë me bërthamën ekonomike të Partisë Demokratike dhe ekspertët e shquar që na kanë ndihmuar të bënim një bilanc të numrit të lejeve, të autorizimit që kjo qeveri ka shtuar në këto 5 vite e gjysëm, ishte e pamundur. Por dimë t’ju themi që ka kaluar shifrën e 400 të tillave. Dhe se çmimet, tarifat imponohen për secilin prej tyre akteve të panevojshme, pengesave që janë bërë për një qëllim, për të justifikuar monopolizimin e vendimmarrjes, rriten jo nga viti në vit, por çdo tre mujor.

 

Inspektoratet e çdo lloji, që janë kthyer në banda grabitqarësh dhe që po lemerisin këdo që ka një aktivitet tregtar, mbushur me injorantë partiakë, hajdutë ordinerë, që vendosin gjoba dhe vetëm gjoba për të mbushur xhepat e tyre dhe të shefave të tyre do të riorganizohen me anë të një reforme prioritare, e cila po kështu do të përfundojë brenda 100 ditëve të para të administratës së ardhshme, qeverisjes së Partisë Demokratike.

 

Inspektoriatet e reja do të ringrihen mbi bazën e ligjshmërisë, meritës profesionale, etikës dhe transparencës.  Inspektoriatet do të veprojnë vetëm, kur kjo është e domosdoshme për të mbrojtur interesin publik apo të palëve të treta. Inspektoriatet do të veprojnë vetëm mbi metodën e vlerësimit të riskut. Asnjë biznes nuk do të shpenzojë më shumë se 5 ditë pune në vit për të pritur inspektorët, nga mbi 100 ditë që është mesatarja sot.

 

Gjatë qeverisjes tonë, në vetëm një mandat, synimi është që Shqipëria të renditet në 30 me nivelin më të ulët të burokracisë në botë.

 

Qëllimi ynë final është ta kthejmë Shqipërinë në një klimë të biznesit, në një pol tërheqës së investimeve të huaja direkte. Thithja e investimeve të huaja direkte në funksion të rritjes së punësimit është objektivi më i rëndësishëm prioritar i kësaj platforme.

E gjithë energjia e bashkëpunimit me partnerët tanë ndërkombëtarë, me ekspertët dhe politikanët e kristiandemokratëve të Angela Merkelit, me ekspertët dhe kuadrot që po ndihmojnë Partinë Demokratike nga aleatët e tjerë të Partisë Popullore Europiane dhe Institutin Republikan Amerikan konsiston në përpilimin dhe shpalljen e një plani special kombëtar për investimet e huaja në funksion të rritjes së punësimit dhe punësimit me paga dinjitoze për shqiptarët.   Për këtë, do të ngrihet edhe një institucion i veçantë i cili do të ketë përbërje nga ekzekutivi dhe sektori privat. Jo më thjesht dhe vetëm me funksione këshillimore por me aftësi vendimarrëse për të gjitha reformat ligjore dhe institucionale.

 

Çfarë synon reforma jonë fiskale? Cilat janë arsyet e masave që ne do të ndërmarrim?

 

Rritja e punësimit dhe kujdesi për sipërmarrjen.

 

• Së pari, një sistem tatimor të thjeshtë, që të japë fryte si për tatimpaguesin, ashtu edhe për administratën.
• Së dyti, vendosjen në piedestal qytetarin, tatimpaguesin dhe kthimin e inspektoriatit tatimor në shërbëtor të qytetarit.
• Së treti,duam të lëmë sa më shumë para në xhepin e njerëzve, duke besuar fort së këto para  kanë më shumë vlerë, nëse administrohen nga vetë njerëzit dhe sipërmarrësit, sesa nga burokratët e administratave.
• Së katërti, shkurtimin e duarve të gjata të inspektorëve dhe kontrollorëve. Po kështu reforma fiskale e konceptuar nga ekspertët më të mirë, nga skuadra më e mirë e fiskalistëve më të mirë në Shqipëri dhe në Ballkan synon të ulë kostot e vetëdeklarimit nga ana e tatimpaguesit.

 

Konkretisht, për Biznesin e Vogël, brenda 100 ditëve të para, do të realizohet:

 

• Rritja e kufirit të regjistrimit për TVSH nga 2 milionë lekë xhiro vjetore në 14 milionë lekë ose 140 mijë dollarë në vit. Qëllimi është krijimi i një kufiri të vetëm prej 14 milionë lekësh si për TVSH, ashtu edhe për Tatimin mbi të Ardhurat.
• Kalimi i tatimit mbi biznesin e vogël në tatim lokal, me kuota fikse sa 0,5% xhiros vjetore.
• Pagimi i kuotave fikse nga Biznesi i Vogël do të shoqerohet me marrjen e një pulle fiskale, ngjitja në vitrinë e së cilës, do t’i thotë stop kontrolleve e inspektimeve korruptive e abuzive.
• Dhe e fundit, por jo më pak e rëndësishme. Uljen e kontributit të sigurimeve shoqërore nga rreth 24% në 18% për të vetëpunësuarit, ndërsa për të punësuarit 9%.

 

Biznesi i madh, Manifaktura dhe Investitorët e huaj

 

• Taksa “Rama” për karburantet, prej rreth 30 lekë/litër, 300 të vjetra do të shfuqizohet menjëherë. Kjo nisëm do të japë efektet tek biznesi i madh, tek biznesi i vogël dhe tek ekonomia në tërësi.
• Tatim i sheshtë në nivelin 9% për: tatimin mbi fitimin, tatimin mbi të ardhurat nga paga mbi 30 mijë lekë, sepse nën 30 mijë lekë do të mbetet zero, tatimin mbi të ardhurat e tjera personale dhe kontributin e punëdhënësve dhe punëmarresve për sigurimet shoqërore.
• Në tatimin mbi fitimin do të ruhet mekanizmi i parapagimit të kësteve tremujore, por, në ndryshim nga skema e sotme, ato do të përllogariten nga vetë biznesi. Kjo është përqasja jonë e re. Si do ta menaxhojmë riskun? Nëse biznesi gabon në parashikim më shumë se 20% në tatimi përfundimtar do të mbajë përgjegjësi financiare e cila do të jetë e barabartë me interesin për pjesën e dhenë më pak. Proporcional, e drejtë dhe që garanton kushte të barabarta për biznesin.
• Rimbursimi i TVSH-së, plagë e hapur, e vjetër, tani e majisur nga kjo qeverisje, por natyrisht plagë edhe gjatë qeverisjes tonë të mëparshme. Do të marrë një zgjidhje urgjente dhe thelbi i zgjidhjes do të jetë alokimi i një fondi të veçantë, të barabartë me nevojat vjetore për rimbursim. Ky fond do të menaxhohet nga një trupë e përbashkët administratë – biznes, e cila do të trajtojë automatikisht çdo kërkesë për rimbursim.
• Prezantimin e shkallëve të reja, shumë më të larta dhe më atraktive të amortizimit, duke e kthyer Shqipërinë në vendin me shkallët me interesante në Evropë, përsa i përket zëvendësimit dhe marrjes mbrapsht në kohë rekord të shumave të investuara për asetet kapitale. Një masë e cila do të prekë drejtpërdrejtë manifakturën dhe biznesin prodhues shqiptar dhe që do të nxisë interesin e investitorëve të huaj.
• Ulje për taksën abuzive, skllavëruese të ndikimt në infrastrukturë. Vetë emërtimi e thotë se çfarë duhet të jetë: taksa e ndikimit në infrastrukturë. Është kthyer në një taksë zhvatjeje. Ajo do të zëvendësohet me një tarifë të barabartë me koston që përballon shteti për të lidhur parcelën e ndërtimit me rrjetin elektrik të ujërave të bardha dhe të zeza dhe aspekte të tjera infrastrukturore të shndërrimit të parcelës, qoftë kjo urbane apo jashtë vijave të verdha.
• Metodologjia e caktimit të çmimit të energjisë për biznesin por edhe për popullatën do të reformohet rrënjësisht. Çmimi i energjisë për biznesin prodhues do të jetë 30%-40% më i lirë se sot. Ne do të mbështesim iniciativën private për të investuar dhe ndërtuar burime të reja të energjisë së rinovueshme dhe për të mbështetur ato biznese që tashmë operojnë në sektorin e nergjise. Mos harroni: falë strategjisë sonë për të mbështetur këtë sektor, mbi 30% e energjisë që prodhon dhe konsumon sot Shqipëria, vjen nga investitorët privatë që morën të gjithë riskun e investimit përsipër për të ndërtuar centralet e energjisë, të cilët pas 25 vitesh do të jenë pronë e shqiptarëve, jo e privatëve. Të gjitha aferat me fitimin e tenderave të medhenj nga oligarkët dhe shitjen e këtyre tenderave pasi I fitojnë, me çmime skllaveruese për të vegjlit, do të marrin fund dhe do të jenë subjekt hetimi.

 

Thelbi i cdo ligji dhe përqasjeje për mbrojtjen dhe thithjen e investimeve të huaja, është garantimi që ata do të trajtohen minimalisht si investitorët vendas. Realitetin e dimë të gjithe. Zero investime të huaja në 5 vite e gjysëm. Asnjë investitor serioz nuk ka ardhur vitet e fundit. Shume prej tyre janë larguar. Edhe ata pakë të cilët kanë rezistuar, janë përballur me represion, me dëbim, rryshfete, madje edhe me dhunë fizike duke I rrahur deri për vdekje.

 

Përvec bindjes time që masat e sipërpërmendura, kam edhe një mesazh për investitorët e huaj. Plani special për investimet e huaja do të bëjë të mundur që Shqipëria, në kuadrin e masave fiskale, në kuadrin e bashkëfinancimit të trajnimit profesional, në kuadrin e çmimit  të komoditeteve bazë të aktivitetit ekonomik, do të ofrojë paketën më tërheqëse në Europën Juglindore.

 

Dua t’i drejtoj së fundmi vëmendjen edhe 2 sektorëve. Njëri drejtpërdrejt I lidhur me temën e sotme të ekonomisë, bujqësia dhe tjetri arsimi profesional.

 

E kemi thenë dhe e përsëris. I qëndrojmë platformës sonë se e vetmja rrugë për të garantuar prodhimin vendas është subvencioni i drejtpërdrejtë për fermerët.

 

• Qeveria jonë do të shpenzojë çdo vit 150 milionë usd për subvencione dhe investime në bujqësi, që do të thotë, 1% e Prodhimit të Brendshëm Bruto të vendit. 100 milionë usd do t’u jepen fermerëve si subvencionim direkt, jo nëpërmjet duarve të dyta apo të treta. 50 milionë usd do të investohen në infrastrukturën e prapambetur të ujitjes, kullimit dhe aksesit në treg.
• Do të mbrojmë prodhimet vendase nga prodhimet e importuara, të subencionuara nga vendi I origjinës që rrënojnë fermerin shqiptar. Që do të thotë, djersa dhe mundi I fermerit shqiptar, do të arrijë në tregun shqiptar me të njëjtën vlerë, siç arrin mundi dhe vlera e fermerëve të Maqedonisë së Veriut apo të Vendeve të tjera të rajonit apo europiane. Që do të thotë se konkurenca do të jetë në kushte të barabarta. Asnjë kokërr qepë, mollë apo domate nuk do të konkurojë mundin e fermerit shqiptar. Këtë do ta arrijmë me mjete tarifore dhe jotarifore, me politika sektoriale dhe buxhetore. Duke zbatuar praktikat më të mira të konkurencës, do të mundësojmë jo vetëm të ndalim këtë konkurencë të pandershme, edhe për shkak të mangësive të shtetit shqiptar, të braktisjes totale të kesaj qeveria ndaj fermerit shqiptar. Do të mundësojmë reversimin e situatës, që do të thotë rritje e aksesit në treg të prodhimeve shqiptare dhe rritjen e aftësisë konkurruese të eksporteve bujqësore dhe blegtorale shqiptare në tregjet e huaja.

 

Si rezultat I emigracionit masiv të 5 viteve të fundit ka filluar një rënie e ndjeshme e forcës së punës së kualifikuar, e cila për momentin nuk ka të ndalur. Mungesa e investimeve në arsim, ka sjellë rënien e cilësisë së arsimit dhe forcës së punës së kualifikuar. Tre janë masat e emergjencës që do të marrim.

 

• Së pari, dyfishimin e buxhetit për arsimin e lartë. Tarifa zero për student që vijnë nga familje me të ardhura deri 64 mijë lekë. Paketë të veçantë mbështetje për student nga familje në nevojë dhe investime serioze rrënjësore që do të ndryshojnë tërësisht infrastrukturën akademike dhe konviktore.
• Së dyti, për 10.000 mijë student do të ofrohen çdo vit stazhe 1 vjeçare punësimi me pagë 300 mijë lekë në muaj.  Ky projekt-zhvillimi prej 30 milionë eurosh në vit I financuar nga buxheti I shtetit, do të realizohet në bashkëpunim me biznesin.
• Së treti, fokus të veçantë për arsimin profesional për të cilin kemi diskutuar e do vazhdojmë të diskutojmë me miqtë tanë gjermanë, që kanë shembullin më të suksesshëm sot në Europë dhe në botë. Do të zbatojmë këtë model gjerman të trajtimit dual, ku 50& e formimit të të rinjve do zhvillohet në klasa dhe 50% do të zhvillohet në treg, pranë biznesit. Natyrisht për këtë ne do të nxisim dhe monitorojmë ato lëndë që kërkon tregu, duke filluar me sektorët prioritarë, teknologjinë e informacionit, agropërpunimin, turizmin, inxhinierinë, e kështu me radhë. Natyrisht, edhe biznesi që është komponenti tjetër, duhet që në këtë kuadër të funksionojë si një partner dhe jo si kontrabandist i subvencionimit të punës nga fondet buxhetore. Jam i bindur që do të prevalojë e para. Sistemi gjerman i trajnimit profesional, i zbatuar në kushtet tona, do të rrisë cilësinë e krahut të punës. Do të bëjë të mundur thithjen e investimeve të huaja.

 

Ne do t’ju ofrojmë profesionistëve të talentuar dhe të aftë për tregun e punës kushte për punësim me paga dinjitoze, këtu në vendin tonë.

 

Në mënyrë konçize, këto janë piketat kryesore në të cilat jemi gati të lëvizim menjëherë me vendosmëri, me shpejtësi. Disa prej këtyre masave do të kenë efekte të menjëhershme dhe jo vetëm do të largojnë pengesat e shtuara që kanë rënduar klimën e biznesit dhe klimën ekonomike-sociale në tërësi në vend, por, mbi të gjitha, do të ndalim këtë epidemi të vrasjes së shpresës. Vendi i ka mundësitë, kapacitetet. Shqiptarët i kanë mundësitë.

 

Me këtë plan ndalim arsyet kryesore të vrasjes së shpresës së shqiptarëve.

Të rikthejmë besimin te ekonomia.

Të rikthejmë besimin tek njëri tjetri.

Të çlirojmë energji pozitive për ekonominë shqiptare.

Ju faleminderit!

 

 

 

Read More