Blog

FJALA E KRYETARIT TË PARTISË DEMOKRATIKE, LULZIM BASHA NË PROTESTËN E BANORËVE TË UNAZËS SË RE.

Përshëndes banorët e Unazës për qëndresën e jashtëzakonshme, e cila sot ka hyrë në ditën e 89. Dua të ndaj sot me qytetarët lajmin se kurajo e tyre ka infektuar gjithë Shqipërinë, nga Shkodra në Vlorë, nga Kavaja në Korçë, qytetarët vlerësojnë qëndresën e banorëve të Unazës së Re, qëndresën e tyre të drejtë në mbrojtje të banesave të tyre, në mbrojtje të ligjit dhe të kushtetutës.

Falë kësaj qëndrese sot është arritur një fitore tjetër.

Ishte planifikuar që tenderi t’i jepej me vlerën e plotë, për të zëvendësuar kompaninë e kapur në flagrancë nga denoncimi i opozitës dhe denoncimet e medias, një kompanie tjetër, me 5 mln euro më tepër ofertë se oferta më e ulët. Falë qëndresës së qytetarëve të Unazës së Re, sot shqiptarëve u janë kursyer 5 milionë euro, të cilat Edi Rama kishte në plan t’i vidhte e t’i çonte në parajsa fiskale.

Ka ndodhur kjo vetëm për shkak të qëndresës, vetëm për shkak të protestës së pandërprerë këto banesa janë akoma në këmbë. Vetëm për shkak të qëndresës, e ardhmja e këtyre fëmijëve nuk është rrënuar nga buldozerët e krimit dhe të korrupsionit. Dhe për shkak të kësaj qëndrese, ka përfituar çdo shqiptar, sepse deri më sot, frika që e ka kapur Edi Ramën e detyroi të tërhiqet edhe nga tenderi i dytë korruptiv për Unazën.

Por sot ëshë dita të kujtojmë se akoma asnjë person i vetëm nuk ka marrë përgjegjësitë ligjore dhe penale për këtë aferë korruptive, e cila është shpalosur para syve të të gjithë botës me çmimin 20 milionë euro për kilometër dhe me zhvendosjen korruptive të Lumit të Lanës për projektin 60 milionë euro të pastrimit të parave të drogës trafikantit, mikut të Edi Ramës, Erion Veliajt dhe Taulant Ballës. Asnjë përgjegjës sepse shteti ka rënë, drejtësia është kapur dhe qeveria dhe Edi Rama kanë braktisur detyrën, kanë braktisur qytetarët, i kanë lënë në mëshirë të fatit, i dhunojnë, i tallin, i përbuzin.

Në këtë situate të rëndë, opozita e ka kryer detyrën e saj dhe i ka dalë borxh duke shterruar çdo hapësirë institucionale dhe politike.

Sot jam këtu për t’u bërë thirrje gjithë qytetarëve të Tiranës, se ndërkohë që ne ndodhemi këtu, në Këshillin Bashkiak Erion Veliaj po kalon dy akte të tjera të rënda korruptive: një akt korruptiv për të shembur një pjesë të Policisë Bashkiake dhe për t’ia dhënë për ndërtim një kompanie të akuzuar për lidhje me pushtetarët dhe pastrimin e parave të drogës dhe një tjetër akt korruptiv, për dhënien me koncesion të parkimeve në qytetin e Tiranës.

E gjitha kjo, qytetarë të Tiranës bëhet që t’ju zhvasin ju, t’ju zhvasin ju dhe të zhvasin të gjithë qytetarët e tjerë shqiptarë përmes një skeme totalisht korruptive. Kjo bëhet në kurriz tuaj, ndaj ju bëj thirrje të ngriheni të protestoni për xhepat tuaj, për të ardhurat tuaja, për të ardhmen tuaj dhe për fëmijët tuaj.

Protestoni këtu, tek Astir-i, protestoni tek Bulevardi i Ri, protestoni në Shkozë dhe bashkohuni masivisht me datë 16 shkurt, ku siç e tha artisti i jashtëzakonshëm, që ndodhet natë për natë këtu dhe nuk e ndalon dot as terrori i drejtuesve, që i paralajmëroj sot se do të japin shumë shpejt llogari,”t’i japim një grusht këtij mali të korrupsionit, të vjedhjes, nëpërkëmbjes dhe poshtërimit, t’i jap një grusht mu në zemër pushtetit korruptiv të Edi Ramës dhe ta shtrijmë përdhe. Ju keni të drejtën, ju keni forcën, ju keni kurajon, jepjani dorën njëri-tjetrit, jepjani besën njëri-tjetrit, t’ua kthejmë Shqipërinë shqiptarëve më 16 shkurt, të gjithë së bashku dhe të ndalim qeverinë më të korruptuar dhe të inkriminuar në këto 29 vite pluralizëm. Të ndalim këtë bandë hajdutësh. Nuk ka forcë tjetër që mund ta ndalë përveç qytetarëve të bashkuar.

Nuk ka shembull më inkurajues sesa ky i Unazës së re, ndaj këtu, nga ky shesh i qëndresës, sot, në këtë ditë të 89-të, i bëj thirrje gjithë qytetarëve të Tiranës të bëhen bashkë, të jemi bashkë si një familje e madhe, dhe të marrim fatin tonë, fatin e familjeve tuaja, fatin e qytetit tonë në duart tona, më 16 shkurt.

Prokuroria, që fle gjumë mbi dosjet e krimit, duhet të nisë sot hetimin, edhe për shumat e mëdha të parave të krimit, që sipas burimeve të sigurta mediatike, Erion Veliaj do të shpenzojë për të blerë vota në Këshillin Bashkiak për të vjedhur pasuritë e qytetarëve shqiptarë, për të vjedhur pasuritë publike të Tiranës, dhe për të dhënë të tjera skema korruptive siç është zhvendosja e Lumit të Lanës, e tani me Policinë Bashkiake.

Por i garantoj, as infiltrimi i sistemit të drejtësisë me bashkëpunëtorë të Sigurimit të Shtetit, as shantazhimi i organeve të reja të drejtësisë nuk ka për t’i shpëtuar. Këta njerëz, që janë bërë urë dhe mburojë për Edi Ramën, Erion Veliajn dhe politikanë të tjerë të korruptuar e të lidhur me krimin, do të ikin me turp, do të ikin me vrap nga bashkimi dhe mllefi popullor i 16 shkurtit.

Drejtësia do të pastrohet dhe rinia e Astirit – mbani vesh – as Edi Rama, as Erion Veliaj nuk kanë për të shkuar në asnjë vend tjetër, përveçse në burgun 313, aty ku çuan me të padrejtë fëmijë 13 vjeçarë dhe nëna shtatzëna, sepse mbronin pragun e shtëpive të tyre.

Nuk do t’i lejojmë të arratisen nga Shqipëria, por do të japin përgjegjësi para drejtësisë.

Kjo është rruga evropiane, ky është modeli evropian. Ju ftoj t’I jepni jetë më 16 shkurt në protestën më të madhe popullore që ka njohur Shqipëria.

Zoti ju bekoftë ju dhe familjet tuaja.

Pyetje: Zoti Basha, si i komentoni ju hetimet që ka nisur prokuroria në lidhje me përgjimet e publikuara nga Zëri i Amerikës?

Basha: Farsë totale. Prokuroria duhet të çojë në burg politikanët e kapur në flagrancë, duke blerë e shitur vota. Prokuroria duhet t’i jepte fund po të kishim prokurori, rënies së rendit kushtetues, rënies së parlamentit në duart e krimit. Me aktin e sotëm ku ajo shqetësohet për nxjerrjen e sekretit nga Zëri i Amerikës, prokuroria meriton grushtin më të fuqishëm me 16 shkurt, njësoj si Edi Rama dhe Erion Veliaj.

• Kryeautori i vjedhjes së zgjedhjeve me krimin duhet të vijë në Parlament! Nuk mund të bëni sikur nuk ka ndodhur asgjë!

• Zëri i Amerikës faktoi se gjysma e parlamentit është e zgjedhur nga një grusht kriminelësh me të cilët keni lidhur fatin.

• Asnjë temë më të rëndësishme sesa si do të zgjidhet nuk ka sot. Ose sipas propozimit për qeveri tranzitore, ose populli do ta pastrojë këtë sallë, që i ështe grabitur.

NDERHYRJA E PARË E KRYETARIT TË PD, LULZIM BASHA

Që në këtë Kuvend ka kohë që ka rënë hija e mortit, është e qartë. Ju nuk dini se çfarë thoni, nuk dini se çfarë bëni, sepse ju nuk e dini se përse jeni këtu.

Gjysma prej jush janë këtu, jo për shkak të votave të socialistëve shqiptarë, kundërshtarëve tanë politikë, për të cilët, ndasitë ideologjike për mënyrën se si duhet qeverisur vendi ndajnë dashurinë për këtë vend, por jeni këtu për shkak të një grushti kriminelësh me të cilët keni lidhur fatin tuaj, që ju kanë kapur prej tirandash dhe ju kanë sjellë këtu për t’i shërbyer interesave të tyre.

Ka 5 vjet që Partia Demokratike denoncon këtë, dhe tani, gjithçka që kemi thënë është faktuar, gjithçka kemi thënë është botuar dhe është transmetuar nga mediat më serioze të vendit dhe të botës, nga Zëri i Amerikës.

Ju pretendoni se s’ka ndodhur asgjë, ndërsa kryeautori i asgjësimit të zgjedhjeve, ai që e ka shndërruar këtë parlament në një kuplara të krimit, nuk denjon as të vijë sot këtu.

Nuk e mbajnë këmbët?

Nuk e mbajnë nervat?

S’ka marrë ilaçet?

S’i bëjnë më fajde ilaçet?

I ka mbaruar pluhuri?

Është problemi i tij.

Ne sot nuk mund të pretendojmë se jemi në një seancë normale, e po ndjekim procedura normale parlamentare.

Ndaj, gjëja e parë që duhet bërë, kjo seancë duhet ndërprerë dhe njeriu që ka përgjegjësinë për shndërrimin e këtij parlamenti nga tempull i demokracisë në një bodrum të krimit, ku kemi deputetë që nuk kanë marrë asnjëherë fjalën, sepse nuk kanë asgjë për të thënë, sepse arsyeja e vetme se përse janë këtu, është marrëdhënia e tyre me Avdylët, me Keçët, Shullazët, Dajtët, Bandën e Lushnjes, Bandën e Vlorës, Bajrët e Shkodrës.

Prandaj hipokrizia merr fund.

Sot nuk kemi temë më të rëndësishme për të diskutuar se sa mënyra se do të zgjidhet kjo krizë: Ose përmes propozimit të opozitës përmes një qeverie kalimtare dhe jo një qeverie kukullash enigmatike për të justifikuar largimin e atyre që duhet të jenë në burg, sipas përgjimeve që janë bërë publike, ose, ndryshe në këtë sallë, mund dhe duhet ta pastrojë ai të cilit kjo sallë i takon, popullit shqiptar!

​·        Organizata e Rilindjes vepron me kod mafioz, si bandë kriminale. Edi Rama dhe deputetët e tij e kanë lidhur fatin me kriminelët dhe nuk duan t’ia dinë për njerëzit e thjeshtë.

·        Detyra jonë këtu është t’i japim vendit zgjidhje me koston më të ulët, nëpërmjet një qeverie kalimtare, që të përgatisë një proces zgjedhor për një parlament të vërtetë, jo një parlament kukull të krimit.

·        Rruga tjetër e zgjidhjes është fshirja e këtij parlament me forcën e sovranit,. Parlamenti është i popullit,  jo i kriminelëve me të cilët bëni pazaret. Thirrini mendjes! Tik-tak po afron ora!

NDËRHYRJA E DYTË NË PARLAMENT E KRYETARIT TË PARTISË DEMOKRATIKE, LULZIM BASHA. 

Me makiazh dhe fasadë ju kanë demaskuar publikisht mediat ndërkombëtare. Zëri i Amerikës dje ka treguar se ju jeni hajdutët e votave dhe hajdutët e të ardhmes së shqiptarëve.

Keni zhytur vendin në krizë. Ju veproni me kod mafioz. Ju veproni si bandë kriminale. ju hani e pini me kriminelët, duke filluar nga ky i pari. Vetë e dini apo jo edhe ju ish-ministrat që më shumë rrinte me Ymer Lalën sesa rrinte me vetë Ministrin e Financave, sipas vetë ministrit të Financave, ish-ministrin e Financave.

Flisni këtu për Kod Etike? Ju keni marrë Shqipërinë peng, keni marrë zgjedhjet peng, keni marrë këtë parlament peng, e keni mbushur këtu me kukulla gjoja për te hequr nga vëmendja hajdutët me çizme  të cilët vidhnin për kryehajdutin.

Kryehajduti nuk vjen.

Çfarë po kërkojmë ne?

Të vijë këtu të përballet sot. E ka parë e gjithë bota. E di gjithë bota si e morët pushtetin në 2017. Siç iu thamë prej ditës së parë e morëm me pazaret që keni bërë me krimin.

Dhe kur e lidh fatin me kriminelët nuk ka si të bëhet vonë për shqiptarët e thjeshtë. Kur e lidh fatin me Ymer Lalën nuk të çahet koka për dibranët e thjeshtë.

Kur e lidh fatin me Emiljano Shullazin e me Dritan Dajtin nuk  të bëhet vonë as për banorët e Tiranës, as për pensionistët, as për ata të Astirit, as për ata të Bulevardit të Ri.

Është fare e qartë se çfarë ka ndodhur.

Tani nëse ju mendoni se mund ta shtyni kështu, e keni shumë gabim. Detyra jonë këtu është t’i japim zgjidhje me koston më të ulët vendit. Dhe zgjidhja mund të kalojë vetëm përmes dhënies fund të shfaqjeve të kukullave këtu, se këto janë të gjitha kukulla, enigmat, gjeagjëzat, kukulla, matrioshkat.

Matrioshkat janë ato kukulla ruse, i dinë fëmijët se çfarë janë.

T’i japin fund kësaj dhe një qeveri kalimtare të përgatisë një proces zgjedhor për një parlament të vërtetë, jo një parlament kukull të krimit.

O do të bëhet kjo përmes një zgjidhje politike siç po ua propozon opozita ose rrugë tjetër për ta fshirë këtë parlament me forcën e sovranit, se nuk është i juaji, nuk është as i kriminelëve me të cilët bëni pazaret. Është i popullit ky parlament. Thirrini mendjes! Tik-tak po afron ora! Thirrini mendjes!

Thirreni këtu atë, të vijë të japë përgjigje. Ai është arkitekti, ai është padroni i Vangjush Dakos, e i Damian Gjiknurit e të tjerëve me shokë që dalin të gjithë në dosjet e përgjimet të prokurorisë shqiptare që s’keni lënë gjë pa kapur dhe pa futur nën sundim.

Ndërprit seancën. Të vijë këtu shkaktari i shkatërrimit të zgjedhjeve në Shqipëri.

​·        Në Dibër është prishur thjeshtë pazari, Rama do një Pazar tjetër.  Me kë rrinë kriminelët e Dibrës, dhe kriminelët e Lezhës, dhe kriminelët e Shijakut, e tha dje Zëri i Amerikës.

·        Pazari u prish edhe në unazën e re, u fut një fatkeq në tender dhe dha 5 milion më pak se ai që do e fitonte tenderin.

·        Kapari është paguar dhe ABI Bank është zbuluar. Edi Rama, ABI Bank është zbuluar dhe raportet janë publikuar.

·        Do të shkulim nga ajo karrige, ty të parin, dhe nuk do të ketë asnjë ABI Bank dhe as lobist e propagandist të shpëtojnë lëkurën.

NDËRHYRJA E TRETË NË PARLAMENT E KRYETARIT TË PARTISË DEMOKRATIKE, LULZIM BASHA.

Teatër i shëmtuar ky që dëgjuam sot këtu. Del një gjoja deputete dhe bën një gjoja pyetje, dhe flet gjoja e deleguara e Dibrës dhe kthen gjoja përgjigje.

Është thjeshtë prishur pazari!

Dhe ai që ua shtrëngon fijet të dyjave, në veçanti të deleguarës së Dibrës, do një Pazar tjetër. Njësoj siç është prishur pazari sot tek Unaza. E morët vesh besoj, apo jo?

Është futur një fatkeq dhe ka ofruar 5 milion euro më pak, se ai që do të fitonte tenderin, se ishte përcaktuar se do ta merrte “Gjoka”. Sepse kapari është paguar. Kapari është paguar.

Kapari është paguar dhe ABI Bank është zbuluar. Edi Rama (i drejtohet Ramës), ABI Bank është zbuluar dhe raportet janë publikuar.

Tani, se me kë rrinë kriminelët e Dibrës, dhe kriminelët e Lezhës, dhe kriminelët e Shijakut, e tha dje Zëri i Amerikës. E tha dje Zëri i Amerikës! E dinë gjithë shqiptarët. Ju jeni një maxhorancë e ardhur këtu me banditët dhe jeni maxhoranca e banditëve.

Sot, po jua përsëris për herë të tretë, keni shansin që me koston më të vogël për vendin, hapni rrugën për një qeveri kalimtare dhe zgjedhjeve që ti sjellin vëndit një parlament të vërtetë.

Por, nëse nuk e kuptoni se tik-tak, po ju mbaron koha.

Ty të parin do të shkulim nga ajo karrige.

Do të shkulim nga ajo karrige, ty të parin, dhe nuk do të ketë asnjë ABI Bank dhe as lobist e propagandist të shpëtojnë lëkurën.

Prandaj, thirrni mendjes, zbrit nga andej para se të të shkulim nga ajo karrige.

Gjatë diskutimit me Komisionin e Ligjeve për ndryshimet në Rregulloren e Kuvendit,  opozita nuk dha konsensusin për rikthimin e imunitetit për deputetët, duke detyruar kreun e grupit parlamentar të PS, Taulant Balla të deklarojë se tërhiqet nga propozimi.

Nisur nga praktika e mëparshme, opozita kërkoi që ky vendim të mos mbetet vetëm fjalë, por tërheqja të diskutohet dhe të vendoset në Këshillin për Mandatet dhe Rregulloret.

N/kryetari i Komisionit të Ligjeve, Enkelejd Alibeaj, theksoi se PD është kundër çfarëdolloj tentative për të rikthyer në Rregullore imunitetin e deputetëve.

“Asnjë dispozite që rrit, shton imunitetin e deputetëve që janë në ndjekje penale, është e papranueshme për ne. Kërkesa ime është që të nxirni nga rendi i ditës, është një lapsus në rastin më të mirë, të Konferencës së Kryetarëve, që e ka sjellë si lëndë, pranë Komisionit të Ligjeve. Ju nuk respektoni Kushtetutën dhe Rregulloren siç duket ju ka mbetur vetëm një gjë, çështjen e imunitetit e deputetëve. Kjo e sotmja që po bëni ju, të fusni edhe një herë çështjen e imunitetit të hequr nga Kushtetuta në 2012-ën, dhe e mbani mend që nuk donit ta hiqnit imunitetin, sot po e fusni me dhunë. Frikën kush e ka? Po fusni imunitetin për të mbrojtur deputetët nga ndjekja penale” tha Alibeaj në Komision.

Gjatë diskutimeve në Komisionin e Ligjeve u kërkuan:

Çdo ndryshim rregulloreje duhet të bëhet me konsensus siç është vepruar 30 vite me rradhë. Siç e kërkon rregullorja e cila thotë se; “Çdo ndryshim i rregullores diskutohet në Këshillin për Mandatet dhe Rregulloret, kur raportet pozitë opozitë janë të barabarta pesë me pesë.

Partia Demokratike ka kundërshtuar prej një viti propozimin e Taulant Ballës për futjen e imunitetit për deputetët.

PD edhe në mazhorance në vitin 2012 propozoi heqjen totalisht të imunitetit.

PS, atëherë në opozitë, rezistoi fort që të mbeten disa elemente të imunitetit, të cilat u keqpërdorën në rastin e Saimir Tahirit.

Kryetari i Partisë Demokratike Lulzim Basha, në kuadër të turit të tij në të gjithë Shqipërinë, u takua me banorë të Kamzës, te cilët i treguan nga afër sesi qeveria i ka braktisur prej 5 vitesh. Në Valias, problem kryesor ishin pasojat e përmbytjeve, pasi deri tani kanë marrë vetëm mashtrimin e Edi Ramës dhe nuk janë dëmshpërblyer. Kryetari Basha, i cili ka qenë vetë dëshmitar i pasojave të përmbytjes, tha se për Ramën rëndësi ka të vjedhë, jo t’u shërbejë qytetarëve.

“Në kohën e përmbytjeve, kam parë me dhimbje të madhe dhe më është dashur të përmbaja veten,  kur shikoja lot të prindërve sepse i gjithë mundi i jetës së tyre dhe kursimet e fëmijëve nga emigracioni i kishte marrë lumi. Vetëm pas tre apo katër ditësh kur situata u qetësua, por gjendja vazhdonte të mbetej e mjerë, erdhi fantazma. Erdhi dhe lëshoi dy apo tre batuta e barcaleta, u rrahu krahun dy tre punëtorëve të bashkisë që po punonin, dhe i tha kryetarit, do të kesh fondin 700 mijë Euro që të përballosh emergjencën. Natyrisht ishte një tjetër mashtrim. Asnjë kokërr leku nuk iu dha Bashkisë së Kamzës. Asnjë cent dëmshpërblim 700 familjeve të cilët u përmbytën për shkak jo vetëm të motit por paklujdesisë dhe neglizhencës së Edi Ramës”

Basha tha se Edi Rama ka fituar 4 milionë euro vetëm për një ditë, por tallet me shqiptarët.

“Qeverisja e tij përkufizohet “Merri shumicës dhe jepi vetes tënde”! Edi Rama tallet me familjet e përmbytura, sikurse tallet me të gjithë shqiptarët. Ndërsa vetë sipas investigimit të medias, me njërëzit dhe famioljarët e tij, 4 milionë euro ka fituar vetëm për një ditë me ujin e KESH-it. Uji, kthehet në mallkim për njerëzit e thjeshtë dhe kthehet në pasurim për Edi Ramën. Kjo është Shqipëria që ka ndërtuar Edi Rama. Kur vjen fjala tek ekonomia, bujqësia, ndihma sociale, apo tek studentët, shëndetësia, qeverisja e Edi Ramës përcaktohet me një fjali “Merri shumicës dhe jepja vetes tënde”. Kjo nuk është qeverisje, kjo është hajdutëri me ligj.”

Përballë kësaj situate, kreu i opozitës iu tha banorëve të Valiasit se Politikisht është shteruar çdo mjet e çdo zgjidhje e mundshme.

“Kemi shteruar çdo mjet për zgjidhje. Ta zgjidhim siç e zgjidh çdo popull europian. Kemi ardhur t’ju kërkojmë ndihmë, sepse zgjidhja tani nuk është më në duart e një partie politike apo të një aleance opozitare, zgjidhja është në duart e qytetarëve shqiptarë. Ne, Partia Demokratike, kemi dalë përballë betejave, duke pasur mbështetjen e qytetarëve edhe të të majtëve, për dekriminalizimin, për ndarjen e politikës nga krimi, për platformën tonë antimafia, për oligarkinë. Që t’jua marrim lekët kudo që t’i kenë, t’ua marrim paratë që ua kanë marrë shqiptarëve dhe t’ua kthejmë shqiptarëve.

Ne kemi zgjidhje për ti dhënë fund papunësisë, për të hapur vende pune me paga dinjitoze. Ne kemi zgjidhje për shëndetësinë që është në kolapsin e vetë më të keq, nga njëra anë sepse lekët e shëndetësisë i marrin 3-4 oligarkë, dhe nga ana tjetër sepse infermierët dhe mjekët po largohen nga Shqipëria. Por këto zgjidhje nuk mund të zbatohen pa marrë një zgjidhje të madhe për problemin që ka Shqipëria. Shqipëria sot nuk qeveriset por sundohet nga një bandë. Ne politikisht kemi shteruar çdo mjet për ta zgjidhur këtë. Prandaj sot kemi ardhur t’ju kërkojmë ndihmë. Ta zgjidhim siç e zgjidh çdo popull europian. Kemi ardhur t’ju kërkojmë ndihmë, sepse zgjidhja tani nuk është më në duart e një partie politike apo të një aleance opozitare, zgjidhja është në duart e qytetarëve shqiptarë. Ju ftoj që me zgjidhjen në mendjen dhe shpirtin tuaj të vini e të marshoni më 16 shkurt në Tiranë.”

Më pas kryetari Basha vizitoi shtëpitë të cilat janë djegur në një nga lagjet më të populluara në Bathore, lagjia nr 6.

“Ajo që ka ndodhur këtu në këtë lagje është tipike e këtij kryeministri dhe e kësaj qeverie. I ka hequr dritat një familjeje e cila nuk kishte asnjë mundësi t’i paguante sepse kryefamiljarët janë pa punë, u është hequr ndihma ekonomike, dhe në këto kushte, janë detyruar të pjekin bukën me thesin e miellit të dhënë për mëshirë, jo nga shteti, por nga individë privatë, të ndizte zjarrin për të pjekur bukën e fëmijëve. Kjo u kthyen në një fatkeqësi të madhe, sepse bashkë me të, u dogjën edhe 17 shtëpi të tjera”.

Basha tha se ky vend ka zgjidhje se këto familje kanë shpresë, nqse kemi një qeveri që i kthen sytë nga njerëzit dhe fondet nga njerëzit.

“Për ndihmë sociale për ata që nuk kanë të punësuar, për rritje ekonomike që krijon vend pune, për punësim, e në veçanti për punësim për rininë. Por që të kemi një qeveri që i kthen sytë nga ju, duhet të kemi një qeveri që e ka lidhur fatin e saj me fatin tuaj. Duhet të kemi  zgjedhje për atë që ju kërkon, merr votën dhe më pas ju përgjigjet. Partia Demokratike dhe unë do t’ju përgjigjemi! Ne do të rikthejmë ndihmën ekonomike. Nuk do të ketë asnjë familje pa bukë, pa ujë, pa drita në qeverisen tonë.”

Në përfundim të një ecje përgjatë gjithë lagjeve të Bathores, kryetari i PD u ndal edhe në oborrin e një shkolle të harruar nga shteti.

“A e dini përse kam ardhur këtu sot? Kam ardhur sepse Kryetari i Bashkisë më ka thënë që shkolla juaj ka dalë jashtë funksionit. Dhe ju e bëni shkollën me turne. Kjo shkollë duhet të rregullohet patjetër dhe me urgjencë. Duhet bërë me ngrohje, me banga, me laboratorë, me kompiuter, me të gjitha. Sepse ju e meritoni. Por e dini përse kanë ardhur të gjithë këta këtu? Për ju! Që ju ta keni të nesërmen më të mirë e më të sigurt. Prandaj kanë ardhur.  Kaq kisha unë për ju, ju do ikni në shtëpi, se  ne kemi punë të tjera këtu.”

Gjatë këtyre takimeve, Basha dëgjoi edhe shumë shqetësime të qytetarëve të kësaj zone të varfër dhe i ftoi të bashkohen ata në protestën e 16 shkurtit në Tiranë, për ti dhënë fund modelit të grabitjes së qytetetarëve të Edi Ramës dhe për të kthyer modelin e një qeverie që punon e mendon për qytetarët.

Nënkryetari i PD dhe kryetari i komisionit hetimor për implikimin e strukturave policore në trafikun e drogës, Edi Paloka ka kërkuar sot në konferencën e kryetarëve shtyrjen e afatit të hetimeve, pasi institucionet nuk bashkëpunojnë me parlamentin, për dorëzimin e dokumentacionit të kërkuar.

Mazhoranca e ka refuzuar kërkesën, me pretendimin se ajo është bërë jashtë afateve për paraqitjen e kërkesës, por Edi Paloka përsëriti vullnetin e opozitës për të paraqitur një kërkesë për ringritjen e komisionit hetimor, në mënyrë që t’i shkohet deri në fund hetimit të implikimit të drejtuesve të mazhorancës në trafikun e drogës.

DEKLARATA E PLOTË E NËNKRYETARIT TË PD EDI PALOKA

“Kërkuam në konferencën e kryetarëve shtyrjen e afatit të komisionit hetimor “Tahiri”, por kërkesa u hodh poshtë me pretendimin se ka kaluar afati i kërkesës për shtyrjen e tij.

Mazhoranca nuk janë të shqetësuar për zbatimin e kushtetutës, por janë të shqetësuar nga koha kur ne duhet të kishim bërë kërkesën për shtyrjen e komisionit.

Megjithatë, ne jemi të vendosur që do ta ribëjmë kërkesën. Komisioni do të ngrihet dhe kësaj pune do t’i shkojmë deri në fund, sado të përpiqen që ta pengojnë, sepse kuptohet, ka vetëm një qëllim, edhe pse zoti Ruçi sot ju tërhoqi vërejtje formalisht institucioneve dhe ju drejtua të deleguarës së radhës, zonjës Spiropali që të ketë kujdes, që institucionet të zbatojnë kushtetutën dhe ligjin dhe t’i kthenin përgjigje parlamentit.

Jam i bindur se kjo histori do të vazhdojë kështu, sepse nuk mundet që as Rama dhe askush tjetër të vetëdemaksohen për lidhjet që tashmë janë publike dhe i di kushdo, që kjo qeveri ka direkt me krimin, dhe sidomos me trafikun e drogës, gjatë kohës që Saimir Tahiri drejtonte Ministrinë e Brendshme. 

Pyetje: Kur do e ribëni kërkesën për shtyrjen e komisionit hetimor? 

Paloka: Në momentin më të parë që do të përgatitet kërkesa, do ta dërgojmë. 

Pyetje: Bojkoti juaj mendoni se ka ndikuar në zvarritjen e punës së komisionit. A mban një peshë PD për këtë? 

Paloka: Ju bëni një pyetje që e përdori edhe mazhoranca si argument në konferencën e kryetarëve. Unë nuk e di se si mund të ketë lidhje përgjegjësia ligjore e institucioneve, për t’ju përgjigjur komisionit hetimor, me faktin jemi apo s’jemi ne në parlament. Nëse do të kishin ardhur dokumentet, siç e përsëris për të disatën herë, është detyrim kushtetues dhe ligjor i institucioneve, nëse ato do të kishin ardhur dhe nuk do të ishim marrë me to, atëhere që sigurisht kjo do të ishte përgjegjësia jonë. Por përderisa ata nuk i janë përgjigjur kërkesave të komisionit, si mund të ketë përgjegjësi opozita këtu? Pse, zbatimi i ligjit nga Ministria e Brendshme – po themi – varet nga fakti nëse është apo jo opozita në parlament? Është absurde. 

Pyetje: A mendoni se do të jetë e tejkaluar kërkesa juaj për ta ringritur komisionin hetimor për çështjen “Tahiri”, meqenëse opozita gjendet përballë protestave, parlamenti ka reformën zgjedhore, po afrohen zgjedhjet lokale dhe ju keni ngritur akuza për personazhe të tjerë të mazhorancës? Pse po interesoheni për çështjen “Tahiri” kur ka çështje të tjera për të hetuar? 

Paloka: Ky komision ka marrë emrin Tahiri në fakt, por merret me hetimin e lidhjeve të qeverisë, nga Rama e deri tek Taulant Balla, sepse në rreshtin e të akuzuarve është, pavarësisht se fitoi një gjyq për shpifje në mënyrë të shpifur.

Nuk është vetëm Saimir Tahiri. Komisioni ka marrë emrin e Saimir Tahirit, sepse ai ishte në qendër të hetimit, por janë çështje që nuk janë mbyllur. Lidhjet e kësaj qeverie me krimin vazhdojnë të jenë një problem madhor për Shqipërinë dhe sigurisht lidhen me të gjithë qendrimet që ne do të mbajmë. 

Pyetje: Domethënë do të plotësoni kërkesën për ngritjen e një komisioni hetimor, edhe me çështje të tjera, përveç lidhjeve të Tahirit? 

Paloka: Çështja është lidhja e krimit me qeverinë dhe trafiku i drogës. Pavarësisht se po e përsëris se ka emrin e Tahirit, lidhet me fenomenin, dhe sigurisht me emrat që kanë qenë dhe janë sot në qeveri.

• Erion Veliaj po përgatit dy afera të mëdha korruptive: dhënien me koncesion të parkimeve në Tiranë dhe grabitjen e tokës publike tek Policia ashkiake për interesa privatë.

• Partia Demokratike e dënon këtë politikë të neveritshme që synon grabitjen e pasurive publike dhe të taksave të qytetarëve të Tiranës për interesa korruptivë të Erion Veliajt.

• Vendimi i PD për të kushtëzuar praninë tonë në Këshill Bashkiak me heqjen dorë nga planet korruptive, është i pandryshueshëm! PD nuk bëhet pjesë e blerjes së votave nga Erion Veliaj për projekte që grabisin pronën publike.

• Vendime të tilla korruptive, kundër interesit publik, janë një nga arsyet pse Transparency International e renditi ketë vit Shqipërinë si vendin më të korruptuar të Europës.

DEKLARATË E ZËDHËNËSES SË PARTISË DEMOKRATIKE, INA ZHUPA

Erion Veliaj po përgatit dy afera të mëdha korruptive përpara se të lëshojë zyrën e Kryetarit të Bashkisë së Tiranës.

Afera e parë është dhënia me koncesion tek një firmë private e mbledhjes së të ardhurave nga parkimet me pagesë në Tiranë. Për të rrjepur më shumë nga lekët qytetarët e Tiranës, Erion Veliaj do të vendosë disa pajisje për prerjen fizike të biletës. Ky shërbim do të paguhet ekstra nga qytetarët trk firma private që ka përzgjedhur Veliaj.

Ky është një plan i hershëm i Erion Veliajt për të zhvatur para të tjera nga xhepat e qytetarëve, plan i cili do të miratohet nesër me votat e paligjshme të Këshillit Bashkiak.

Qytetarët e Tiranës nuk meritojnë shndërrimin e Tiranës në një qytet të pajetueshëm, ku parkimi i makinës është kthyer në nje ferr, për të cilin duhet të paguash akoma më shtrenjtë për koncesionin e Erion Veliajt.

Afera e dytë korruptive është e ngjashme me atë të Teatrit. Synon të vjedhë pronën publike për t’ia dhënë një firme private për ndërtim. Bëhet fjalë për një pronë  të Bashkisë tek Policia Bashkiake, në rrugën e Kavajës, të cilën Veliaj ia ka premtuar një prej klientëve të tij. Por ky vendim nuk është në rendin e ditës së Këshillit bashkiak nesër, sepse Erion Veliaj nuk ka 38 votat që i duhen për të bërë pazar me pronën publike.

Partia Demokratike e dënon këtë politikë të neveritshme që synon grabitjen e pasurive publike dhe të taksave të qytetarëve të Tiranës për interesa korruptivë të Erion Veliajt.

Vendimi i Partisë Demokratike është i pandryshueshëm! Këshilltarët tanë do të vazhdojnë të mos marrin pjesë në mbledhjet e Këshillit Bashkiak, duke mos u bërë pjesë e blerjes së votave nga Erion Veliaj për projekte që grabisin pronën publike.

Vendime të tilla korruptive, kundër interesit publik, janë një nga arsyet pse Transparency International e renditi ketë vit Shqipërinë si vendin më të korruptuar të Europës.

Vendimet e Edi Ramës dhe Erion Veliajt për të grabitur qytetarët dhe për të pasuruar me taksat tona disa klientë privatë janë arsye e mjaftueshme që organizata më e specializuar në luftën kundër korrupsionit ta rendisë Shqipërinë 8 vende më poshtë, duke na klasifikuar si vendi më i korruptuar në rajon dhe në Europë.

Protesta e datës 16 Shkurt është një mundësi që çdo qytetar i Tiranës të bashkohet me ne për t’i dhënë fund modelit të neveritshëm të hajdutëve Rama-Veliaj! Së bashku të vendosim për një model të ri, që nuk është në shërbim të disa klientëve privatë të kryeministrit dhe kryebashkiakut, por në shërbim të qytetarëve dhe interesit më të mirë publik!

Në konferencën ndërparlamentare të organizuar nga Parlamenti Europian, mbi strategjitë e komunikimit për vendet e Ballkanit Perëndimor, u diskutuan sfidat e mëdha të demokracive në zhvillim nē komunikimin me qytetarët e votuesit.

Zëdhënësja e Grupit Parlamentar te Partisë Demokratike, deputetja Grida Duma, diskutoi mbi problematikën e fjalës së lirë dhe medias së pavarur në Shqipëri.

Në këtë bashkëbisedim me përfaqësues të lartë të Parlamentit Europian, me prezencën e veçantë të Eduard Kukan, David McAllister, Elmar Brok u dakortësua që duhet një strategji e mirëfilltë mbi keqinformimin dhe të ashtuquajturën fake news.

“Besimi tek politika ka rënë dhe për shkak të disinformimit. Ne, në Parlamentin Europian, nuk i quajmë “fake news”, por keqinformim, sepse çdo informacion i gënjeshtërt bëhet me qëllim” -tha Eduard Kukan në hapjen e konferencës.

Populizmi ekstrem, nacionalizmi i dëmshëm, Brexit apo edhe Referendumi në Maqedoni janë ilustrime të keqinformimit dhe fuqisë së keqe që ka marrë “fake news”.

Pjesëmarësit theksuan se lufta kundër keqinformimit në Bashkimin Europian nuk rregullohet me një ligj të posaçëm, por vetēm mekanizma rregullatorë dhe nëpërmjet gjykatave.

“Të bësh ligj për lajmin e rremë rrezikon dhe lajmin e vërtetë në vendet me demokraci jo funksionale”- ishte mendimi që mbizotëroi gjatë konferencës, ku zonja Duma njohu pjesëmarrësit me rastin shqiptar, për mbylljen e mediave sociale me ligjin e propozuar nga qeveria për “fake news”.

Ekspertët europianë ranë dakord se autoriteti shtetëror AMA s’mund të jetë kurrësesi një gjykues për lajmet, kur në to përfshihen edhe lajme qeveritare, pra është një konflikt i pastër interesi.
Ekspertët europianë shfaqën dyshime të forta për këtë projektligj dhe kërkuan që të ndiqnin rastin shqiptar nga afër.

Në përfundimin e konferencës, ku nuk mori pjesë asnjë deputet i PS, përfaqësuesit e Parlamentit Europian dhe të parlamenteve të tjerë ishin të një mendimi se rreziku i keqinformimit përkufizohet saktë nga filozofja dhe politologia gjermane Hannah Arendt.
“Terreni ideal per regjime totalitare nuk janë as nazistët e bindur, as komunistët e bindur. Janë njerëzit, për të cilët ndarja mes faktit dhe sajesës, midis të vërtetës dhe faktit, nuk ekziston”. ​

BASHKËBISEDIMI I KRYETARIT TË PARTISË DEMOKRATIKE, LULZIM BASHA ME STUDENTË TË UNIVERSITETIT TË SHKODRËS.

Këtu nga Shkodra po ju jap një lajm nga një vendim që kemi marrë dje me Grupin Parlamentar të Partisë Demokratike. Ju e dini qëndrimin tonë për Ligjin për Arsimin e Lartë. Kur ky Ligj kaloi, ne e kundërshtuam në Parlament. Ne e konsiderojmë këtë ligj, rrënjën e së keqes që ka zaptuar universitetet, rrënjën e të keqes nga e cila po vuajnë studentët shqiptarë.

Me këtë ligj korruptiv nuk bëhet gjë tjetër veçse thellohet politika e vetme e Edi Ramës, merri shumicës, jepi pakicës.  Në këtë rast vjedhja bëhet edhe më e dhimbshme, sepse tarifat për bachelor dhe master në Shqipëri, çmimi që familjet shqiptare paguajnë për të çuar në Universitet, është më i larti në Europë. Cilësia është me dobëta në Europë, nga më e dobëta në botë.  Dhe e gjitha kjo bëhet që edhe institucionet e Arsimit të Lartë dhe jeta universitare të kontrollohen nga një grusht njerëzish për interesa politike dhe interesa korruptive financiare.

Anulimi i Ligjit për Arsimin e Lartë do të jetë akti i parë që qeveria e Partisë Demokratike do të ndërmarrë. Por kjo nuk mjafton. Ne duhet të nisim tani punën për hartimin e një ligji të arsimit të lartë, të standardeve dhe parimeve europiane.

Ndaj vendimi që Grupi Parlamentar i Partisë Demokratike ka marrë, është ngritja menjëherë  e një grupi pune, në përbërje të të cilit do të jenë;  deputetë që mbulojnë fushën e arsimit, përfshirë edhe pedagogë, ekspertë të fushës nga Partia Demokratike. Kemi skuadrën më të mirë të ekspertëve për arsimin në tërësi. Do të nisim menjëherë konsultimin me dy grupe kryesore të interesit, me studentët dhe me pedagogët.

Ndërkohë që zgjidhja që Arsimi i Lartë pret nga një Ligj i Standardeve europiane, nuk mund të jetë ndryshe, përveçse i praktikave europiane, Që do të thotë, demokratizim i vendimmarrjes, do të thotë, transparencë në vlerësimin e cilësisë së mësimdhënies, do të thotë mbështetje me fonde publike siç e kërkon Kushtetuta e Shqipërisë për institucionet e Arsimit të Lartë, të cilat janë publike, siç është Universiteti i Shkodrës, dhe fondet për të mbështetur këto Universitete, për të mbështetur këta studentë qartësisht ekzistojnë,  por vullneti i mbrapshtë i kësaj qeverie dhe i këtij kryeministri, në vend që këto fonde t’i çojë për uljen e tarifave, në vend që t’i çojë për përmirësimin e kushteve të konvikteve dhe në tërësi, kushteve të studentëve, në vend që t’i çojë në përmirësimin e auditorëve, ia ka dorëzuar 4-5 njerëzve përmes koncesioneve dhe kontratave korruptive.

Unë e kam artikuluar fare qartë zgjidhjen edhe në Parlament.

Hiqja kontratat Vilma Nushit dhe 2 të tjerëve që do të marrin 33 milionë euro këtë vit, hiqi kontratat e tre inceneratorëve të Arben Ahmetaj me shokë, 21 milionë dollarë, hiq 18 milionë dollarë që i ka rezervuar për shpenzime shtesë lluksi për qeverinë, hiq 11 milionë dollarë për zyra, orendi, makina të reja, për kryeministrin e ministrat, dhe ja ku ke para për dyfishimin e buxhetit për arsimin e lartë.

Kemi treguar edhe rrugën se si do t’i përdorim këto para. Duke zeruar tarifat për bachelor dhe master për të gjithë familjet nën 640 mijë lek me të ardhura në muaj.  Përgjysmim për të familjet me të ardhura mbi 640 mijë lek të vjetra në muaj. Duke mbështetur 5 mijë studentë që vijnë nga nevoja ekstreme ekonomike me bursa deri në 2 milionë e 200 mijë lek të vjetra në vit, për qera, ushqim, librat dhe shpenzime të tjera të jetës studentore.

Me gjithë këtë plan të reduktimit të tarifave për studentët, mbeten prapë mjaftueshëm para për t’i investuar çdo vit 32 milionë dollarë në kampuset universitare, auditorë, laboratorë, tekonologji të informacionit, në përmirësimin e cilësisë së mësimdhënies, në tërheqjen e pedagogëve më cilësorë, në sjelljen e pedagogëve të huaj.

Dhe hapi tjetër për të cilin kemi folur gjerësisht edhe më parë, është hapja e stazheve të punësimit.

Për 10 mijë studentë në vit do të ofrohen stazhe punësimi një vjeçare me pagë 300 mijë lek të vjetra në muaj që do të bëjë të mundur që një student të mos dalë dhe të lihet mes katër rrugëve por të fillojë të integrohet në tregun e punës.

Natyrisht e gjitha kjo funksionon vetëm si një pjesë e një plani të përgjithshëm.

Edi Rama është një kopjac i keq. Na dëgjon ne, është pa zgjidhje, pa ide, pa vizion, i vetmi vizion politik që ka për këtë vend është vjedhja. Por herë pas here e kap paniku. Na dëgjon ne dhe mundohet të kopjojë. Kjo nuk funksionon në gjendjen ku është sot Shqipëria me taksa të larta, me mungesë konkurence, me treg të shkatërruar, ku e vetmja politikë ekonomike është pastrimi i parave të pista të krimit, ku i vetmi produkt i qeverisjes është korrupsioni siç e parë nga raporti i Transparency International, korrupsioni që e ka zhytur vendin në nivele afrikane të keqqeverisjes.

Pra e domosdoshme është që t’i japim fund modelit që u instalua këto pesë vite. Model që siç e thotë edhe shtypi perëndimor, “The Indipendent”, i përkthyer dhe i shpërndarë nga mediat shqiptare, “është produkt i bashkëpunimit të politikanëve me kriminelët:. Të mos e lëmë  abstrakte. Këtu në Shkodër është produkt i bashkëpunimit të Edi Ramës me Bajrët me shokë.  Shkatërruan procesin zgjedhor, grabitën pushtetin, ushtrojnë presion ndaj pushtetit vendor, që të zotërojnë dhe kontrollojnë pasuritë dhe fatet e vendit.

Sot kam parë gjatë të gjithë ecjes në qytet, se njerëzve u ka shkuar aty ku nuk mban më. Njerëzit janë fare të qartë se çfarë duhet të bëjnë.

Duhet bërë ajo që bën çdo popull europian.

Nuk duhet të largohet populli, por duhet të largohet qeveria. Jo thjesht të largohet qeveria, por duhet të largohet ky model.

Kjo është domethënia e protestës së 16 Shkurtit.

Nuk është thjesht dhe vetëm një protestë për të larguar dikë nga pushteti dhe për të ardhur dikush tjetër në pushtet, është protestë për të shkatërruar këtë model.

Me këtë model nuk ka Shqipëri europiane, me këtë model nuk do të ketë rritje pagash dhe pensionesh, me këtë model nuk do të ketë konkurrencë në treg, me këtë model nuk do të ketë plotësim të kushteve të studentëve. Nuk do të ketë arsim cilësor. Nuk do të hapen dyert e Europës. Shembja e këtij modeli është detyra më e lartë e çdo shqiptari që e do veten e vetë, familjen e vetë dhe vendin e vet e çdo shqiptari patriot dhe e çdo shqiptari të ndershëm.

Dhe ftesa ime e parë për rininë shkodrane është: ejani masivisht me 16 shkurt në Tiranë. T’i japim fund këtij modeli. Vetëm me një model të vlerave europiane, mund të ecim përpara. Unë e di këtë fare mirë, se jam produkt I hapjes së Shqipërisë me Europën. Po kështu këtë e dinë fare mirë, mijëra të rinj që sot për fat të keq, nuk ndodhen sot në Shkodër. Janë larguar! Studentët ekselentë që nuk gjejnë një vend pune në Shkodër, por shkojnë në Gjermani dhe menjëherë punësohen. Takova prindërit e tyre sot. Nuk janë raste përjashtimore.

Si është e mundur që një student I ekselencës, nuk çan dot në vendin e vet, por sapo del jashtë kufijve, gjen mundësi për të rregulluar jetën e tij apo të saj?!

Është pikërisht modeli që ka ndërtuar Edi Rama. Është pikërisht modeli I shkrirje në një të interesave politike , për të marrë pushtetin në një aleancë me krimin, interesave kriminale për ta shndërruar Shqipërinë në Kolumbinë e Europës, siç thoshte artikulli i “Independent”, dhe interesave të një grushti oligarkësh, që e trajtojnë Shqipërinë si kotecin e tyre. Pasuritë publike të shqiptarëve si pulat e tyre, fondet publike të shqiptarëve, si fondet që u ka lënë baba, në këtë rast baba Edi, dhe ka lënë jetim gjithë shqiptarët e tjerë.

Këtij modeli duhet t’i japim fund. Të ndërtojmë një model të konkurencës, garës, të mirëqeverisjes ekonomike.

T’i japim fund keqqeverisjes dhe pjesë e këtij modeli është edhe reforma për arsimin e lartë, e cila nuk duhet thjeshtë të prodhojë student të ekselencës, por duhet të ndërthuret me reformat e tjera, në mënyrë që këta studentë kur të mbarojnë studimet, të ndjehen pjesë e një tregu pune, me motorrë të ndezur, me energji positive, me shqiptarë që konkurojnë këtu, në vendin e tyre, ndërtojnë këtu në vendin e tyre, prodhojnë këtu në vendin e tyre, shesin dhe konsumojnë këtu, në vendin e tyre, sepse i kemi të gjitha mundësitë! I kemi dhe të gjitha pasuritë.

Lajmi është ky: grupi I punës, nuk do të mjaftohet vetëm dhe thjeshtë me hapin e parë që kemi paralajmëruar, anulimin e ligjit të arsimit të lartë, por do të angazhohet edhe këtu në Shkodër, ku keni patur një takim në Universitet dhe ku keni diskutuar për platformën tonë. Për vetingun e politikanëve, për ndarjen e politikës nga krimi, për platformën antimafia që tua marrim këto miliarda oligarkëve dhe ti kthejmë në universitetet shqiptare, ti kthejmë në ulje taksash, në ulje çmimesh, në ulje të çmimit të energjisë, në ulje të çmimit të naftës. Në rritjne e pensioneve dhe të rrogave, në rritjen e konsumit. Në rritjen e besimit, të konfidencës të prodhuesve shqiptarë, sipërmarrësve shqiptarë. T’i kthejmë pozitivitet atij që sot është mallkimi i këtij vendi, hajdutërinë e 5 vetave më në krye Edi Ramën.

Por, edhe njëherë, ajo që dua të njoftoj sot nga Shkodra është se ky grup pune, do të nisë menjëherë bashkë me ju, bashkë me pedagogët, hartimin e një ligji europian për Arsimin e Lartë.

E kam dëgjuar thirrjen sot në Shkodër, fare mirë, nga prindërit tuaj dhe nga bashkëmoshatarët tuaj.

E kam dëgjuar padurimin tuaj, për ti dhënë fund kësaj situate.

Ju thërras të gjithë me 16 shkurt, të bëjmë atë që mendimtarët e mëdhenj europianë, e quajnë Demokracia e vërtetë.

Ku qeveria dështon në kontratën që ka me qytetarët, bashkimi më i madh i qytetarëve, bëhet përfaqësuesi I vetëm i interesit publik. I vullnetit të përgjithshëm të interesit publik.

Me 16 shkurt ejani, do të jeni ju qeveria dhe ata që do të jenë brenda në zyrat e tyre, do të jenë qytetarë privatë, që duhet të marrin përgjegjësitë e tyre para ligjit.

Tani le ta kthejmë këtë në një bashkëbisedim të vërtetë, sepse unë jam i gatshëm ti përgjigjem çdo pyetje. Por dua të di po këshut se kë kam përpara. Çfarë dëshirash keni, çfarë ëndrrash, çfarë problemesh keni? Si mendoni? Çfarë duhet të ndryshojmë?

Pyetje: Unë quhet Erisa Basha. Ëndrrat e mija kanë qënë, ose police, ose me ushtrinë, por ndërkohë që në Shqipëri ne kemi një problem që shumë femra nuk bëhen dot polici se është diskriminim. Nëse e vëmë re, janë më shumë polica burra se sa femra. Femrat nuk është se kanë shumë të ardhme në polici, këtu të paktën, brenda në Shqipëri, me këto politika që ndjekin dhe sot. Unë nuk e di tamam për çfarë me vazhdu shkollën e lartë, aq sa këtë vit e kam lënë, dmth, për arsye financiare dhe si dihet se këtu shkollat janë shumë shtrenjtë, krahasim me jashtë. Nuk ke se si e vazhdon shkollën në Shqipëri, ndërkohë që nuk e di a ke a s’ke të ardhme! Pyetja ime është: Në qoftëse ju mundeni me ndryshu këtë pjesë, që policia të ketë vend edhe për femrat, se shumë pak janë?

Basha: Nuk jemi kushërinj. Nuk do kishte problem edhe pot ë ishim apo jo?

Policia nuk është problem vetëm se nuk i ka kthyer sytë sa duhet nga vajzat e reja, nga gratë, problem është se edhe policët burra që janë aty, veç uniformën kanë të policisë. Dinjitetin e ka shkelur me këmbë krimi. Dinjiteti I policit, dinjiteti i shërbëtorit të ligjit, shkelet me këmbë, kur krimineli drekon e darkon me të parin e vendit, kur i bën pazaret me të parin e vendit. Prandaj, sfida jonë është shumë më e madhe se sa të hapim rrugën për rininë e në veçanti, për vajzat që duan të shërbejnë në uniformën e policisë. Është ta rikthejmë policinë shërbëtore të ligjit dhe jo në shërbëtore të krimit. T’i rikthejmë dinjitetin policisë. Ti rikthejmë policisë besimin tek qytetarët, sepse ju e dini që qytetarët nuk e besojmë më policinë. Si mund ta besosh një polici, e cila merr dhe trajton brutalisht, me urdhër politik, prindërit që ngrihen për bukën e gojës, apo për bukën e fëmijëve të tyre, siç bënë me kuksianët. Apo që ngrihen për shtëpitë e tyre, siç ngrihen në shkozë apo tek Astiri, në Himarë apo te Bulevardi I ri. Dhe pastaj kur vjen puna për të arrestuar një kriminel ndërkombëtar si Klement Balili, dy vjet ai bën paradë para tyre dhe këta nuk e shohin. Sigurisht e shohin, por nuk ua mban ta shohin, sepse ai është ortaku politik i të parëve të qeverisë, i ministrave, i kryeministrit.

Prandaj, hapi i parë për shkatërrimin e këtij modeli, është ndarja e politikës nga krimi. E kemi hedhur një hap me dekriminalizimin, por është I pamjaftueshëm. Ne duhet ta vetojmë çdo institucion shtetëror. Ne do ta bëjmë të pamundur për politikanët e lidhur me krimin, që të bëjnë ligje e të marrin vendime në emër të shqiptarëve.

Dhe kur të ndodhë kjo, të jeni të sigurtë që edhe policisë do t’i kthehet dinjiteti, dhe bashkë me dinjitetin, do ti kthehet standardi europian dhe pjesë e këtij standardi, do të jetë patjetër respektimi I kuotave gjinore. Që do të thotë: për vajzat shqiptare dhe për gratë shqiptare, që duan ti shërbejnë ligjit me uniform, jo vetëm që nuk do të ketë asnjë pengesë, por do të ketë nxitje dhe stimulim që të kemi sa më të shumta, sa më të afta, për t’i shërbyer ligjit, për ti shërbyer vendit të tyre. Ndaj dua ta inkurajoj Erisën, për ëndrrën që ka dhe dua ti them se Partinë Demokratike dhe mua, do na ketë në krah, bashkë me deputetët e Shkodrës, bashkë me gratë deputete, bashkë me gjithë demokratët, që ajo dhe qindra-mijëra të tjerë, që duan ti shërbejnë ligjit, të kenë gjithë mundësinë të arsimohen dhe të marrin përsipër përgjegjësinë më të lartë, atë të shërbimit civil apo të shërbimit policor, për të mbrojtur gjënë më të shtrenjtë; jetën, pronën dhe lirinë e bashkëqytetarëve.

Pyetje: Përshëndetje! Unë quhem Samuel Shkjau dhe vi nga Universiteti Luigj Gurakuqi, viti i parë, dega drejtësi. Dua të ju bëj një pyetje; Si mendoni ju ta mbështesni protestën e studentëve, tani që po vjen drejt një shuarje dhe cili është mesazhi juaj për protestuesit shkodranë dhe në mbarë Shqipërinë, të cilët kanë krijuar një lloj frike kundrejt qeverisë, ku ata po kërkojnë thjeshtë të drejtat e tyre dhe atë që u takon? Cili është mendimi juaj, sim und ti mbështesni ata në këtë rrugë që kanë ndjekur?

Basha: Së pari, ne kemi mbështetur që nga fillimi studentët dhe 8 pikat e tyre. I kemi mbështetur dhe do të vazhdojmë t’i mbështesim ndërkohë  që kemi nxjerrë platformën tonë.

Së dyti, nuk besoj se protesta po shuhet, çdo protestë ka dinamikën e vet, ka ulje-ngritjet e veta dhe jam i bindur që në qoftë se ju vazhdoni të besoni tek kauza juaj e drejtë protesta jo vetëm nuk do të shuhet por do të rritet njësoj siç po rriten temperaturat.

Së treti, dua t’ju them protesta juaj është pjesë e një proteste të madhe popullore e cila po merr formë dhe po zhvillohet dhe ne si opozitë kemi marrë iniciativën që të derdhemi të gjithë bashkë në sheshe këtu në Shkodër dhe anembanë Shqipërisë të kulmojmë me ë shkurt në Tiranë.

Nuk besoj se ka pengesë apo forcë që mund të ndalojë njerëzit që kanë frikë, por që duhet të kenë frikë vetëm Zotin.

Ata dinë ta jetojnë jetën e tyre në bazë të vlerave, dinë të luftojnë për këto vlera dhe për këtë arsye dua ta mbyll me një citim të presidentit të famshëm amerikan Rusvelt: “Gjëja që duhet të keni frikë është frika vetë!” Asgjë tjetër nuk duhet të keni frikë !

Frikë ndaj studentëve ka Edi Rama. Frikë ndaj studentëve ka qeveria. Frikë ndaj studentëve kanë të gjithë ata që i kanë hyrë në hak shqiptarëve.

Një grusht njerëzish që i kanë hyrë në hak Shkodrës, pensionistëve, sipërmarrësve, të sëmurëve, studentëve, prindërve tuaj. I kanë hyrë në hak sepse janë bërë pjesë e vjedhjes më të pashembullt në 28 vite të këtij vendi. Ata kanë frikë, ata duhet t’ju kenë frikë. Ju s’duhet të keni frikë. Ju ecni përpara dhe ju do të jeni lajmëruesit dhe mbartësit e një ere të re që po vjen.

Ju do të jeni po kështu zotërit e Shqipërisë Europiane. Për mua dhe bashkëpunëtorët e mi nuk ka mision më të shtrenjtë sesa të bëjmë gati rrugën që të merrni në dorë fatet e Shqipërisë.

Pyetje: Unë jam Edmond Martini, fakultet viti i dytë në Universitetin e Shkodrës. Unë kam kryer shkollën e mesme profesionale. Kam gjetur një punë në profesionin që kam kryer. Këtu në Shkodër kërkojnë profesionista dhe të nxjerrin nga puna. Kam një punë që marr 263 mijë lekë të vjetra rrogë. Fakulteti na shkon 1 milionë e 80 mijë lekë. Në çdo fakultet që pedagogët kanë hyrë në klasë është bërë pyetja pse e ke zgjedhur këtë degë? 80% e studentëve vetëm drejt Gjermanisë e kanë pasur mendjen. Jam detyru me ndjek fakultet të dytë që të largohem nga Shqipëria. Cilat janë politikat tuaja në mbajtjen e studentëve në Shqipëri?

Basha: Le ta marrim degën e Infermierisë që sapo përmende. Një vit më parë mu desh të shtroja tim atë në një nga departamentet e QSUT-së për një ndërhyrje goxha komplekse. Falë Zotit e kaloi shumë mirë por me këtë rast mu desh të kaloja goxha kohë pranë tij dhe pashë me sytë e mi një pavijon, pavijonin e Reanimacionit ku punon 7 infermiere, të cilët për nga aftësia profesionale, kompetencat profeisonale, dhembshuria njerëzore që trajtonin çdo pacient, jo thjesht babën tim, por çdo pacient dhe për nga orari i zgjatur ishin heronj, merrnin edhe paga të papërfillshme.

Aty mora vesh se brenda majit 6 prej infermierëve do të iknin. Natyrisht më erdhi keq në planin njerëzor të largohen bashkëatdhetarë, në këtë rast infermieret. U tmerrova duke menduar se si në këtë pavijon kërkohet një shërbim shumë i specializuar pa pritur do të mbetej vetëm 1 infermiere. Secili prej tyre iu ishte dashur 2-3 vjet që të trajtnohen.

I pyeta pse largoheni, për shkak të rrogës? Për shkak të rrogës më thanë dhe për shkak të kushteve të jetës; ku veçuan sigurinë ushqimore dhe kushtet për të rritur fëmijët e tyre.

Çfarë mund të bëjmë dhe çfarë duhet të bëjmë?

Së pari, duhet të heqim koncensionin korruptiv Vilma Nushit dhe atyre dy të tjerëve që janë 33 milionë dollarë në vit. Dhe duhet që këta infermierë t’i paguajmë këtu në SHqipëri me paga dinjitoze që të kenë mundësi të përballojnë koston e jetës dhe të planifikojnë të ardhmen e fëmijëve të tyre këtu në Shqipëri. Dhe kjo është plotësisht e mundur.

Në vend që këto para ti marrin 3 hajdutë bashkë me Edi Ramën ne t’i shpërndajëm me investime në sistemin shëndetësor ku përfshihen rritja e rrogave për mjekët dhe infermierët. 500-600 mijë lekë në muaj rroga e një mjeku të përgjithshëm. Kisha disa mjekë në zyrë para dy ditësh. Është katastrofë. Në vendet e tjera europiane iu ofrohet menjëherë 4-5fish.

Si mund t’i mbajmë kur kemi arritur në numrin më të ulët për mjekë për frymë krahasuar me çdo vend tjetër europian, po arrijmë nivele afrikane.

Pse ka ardhur kjo?

Ka ardhur për dy arsye: E para, e thjeshtë për tu kuptuar dhe po të ketë vullnet politikë e thjeshtë për tu ndrequr. Sepse paratë që ata të kenë paga kompetitive, paga që t’i mbajnë në Shqipëri i përfitojnë sot përmes korrupsionit Edi Rama dhe tre klientët e vet të sistemit të shëndetësisë. Dhe kësaj ne do t’i japim fund për të rritur pagat e mjekëve dhe infermierëve.

E dyta ka të bëjë me standardin e jetesës, edhe po të kenë këto paga dinjitoze duhet të ketë mjaftueshëm kopshte, çerdhe për të çuar fëmijët e tyre, të jenë më ngrohje në dimër dhe jo siç janë sot 80% e shkollave të Shqipërisë pa ngrohje, të kenë cilësi në arsim, ku fëmijët të marrin cilësi në arsim të nivelit europian, të përgatiten për sfidat e jetës që do të kenë pas 10 -15 vjetësh, ku ne synojmë të jemi anëtar të Bashkimit Europian. Të kenë sigurinë ushqimore, ku njerëzit nuk e dinë se çfarë hanë. Kemi dhjetëra inspektoriate që janë njëri më bandat se tjetri dhe e kanë mendjen vetëm të vjedhin, por jo të sigurojnë standardin e ushqimit, standardin e higjienës, standardin e mjedisit, vetëm të vjedhin e kanë mendjen.

Na duhet një reformë tërësore dhe kjo nuk është një punë që bëhet brenda ditës. Jam i bindur që njerëz si ti dhe ata mjekë e infermierë që fola pak më parë janë njerëz të zgjuar, ata dinë të bëjnë ndryshimin mes një situate të pashpresë siç e ka sjellë Edi Rama dhe një situate ku gjithçka nuk mund të rregullohet brenda dite, por ka një plan, ka një vizion të mbështetur në buxhet për të arritur etapë pas etape këtu në shtëpinë tonë ato standarde për të cilët ikin drejt Gjermanisë.

Po ju them që ne kemi një plan, një plan me ekspertët më të mirë gjerman, do ta shihni të premten. Rikthehen prapë këta ekspertë sepse kanë besim tek Partia Demokratike, kanë besim tek vizioni ynë europian, kanë besim tek vendosmëria jonë për t’i dhënë fund këtyre politikave korruptive dhe për të mëbshtetur të gjithë sektorët, duke përfshirë sektorët kyç siç janë; arsimi, siç është shëndetësia.

Rritja e rrogave të infermierëve, rritja e rrogave të personelit shëndetësor, rritja e rrogave të mjekëve, përmirësimi i kushteve në spitale duke anuluar koncesionet korruptive, duke anuluar miliarda euro që zhduken në xhepat e 5-6 oligarkëve dhe hajdutëve grabitqarë dhe duke i kthyer ato në reforma që përmirësojnë sektorin shëndetësor, rrisin rrogat, përmirësojnë dinjitetin dhe kushtet e punës dhe të jetës së personelit shëndetësor.

Në këto mënyrë bëhet e mundur që t’i shërbejmë më mirë pacientëve dhe familjarëve të këtyre pacientëve. Nuk është një rrugë e lehtë. Nuk mund të themi se do të arrijmë shumë shpejt standardin europian por në momentin që do të ndalim të keqen këto para do t’i kthejmë tek sistemi shëndetësor ju garantoj që shumë shpejt do të kemi një normalitet të paktën si rajon dhe pastaj do të shkojmë drejt standardeve europiane.

Sot ke dy mundësi; të ikësh se me 263 mijë unë e di sa rraskapitëse është. Nuk ia vlen, të ikësh edhe ti.

Sot ke dy mundësi: Të ikësh edhe ti se me atë punë 263 mijë lekë, unë e di se sa rraskapitëse është, nuk ia vlen. Të ikësh dhe ti.

Mundësia tjetër është të rrish, të luftosh, të përballesh, bashkë me mua, bashkë me gjithë këta të rinjtë e tjerë, të vish me ë shkurt në Tiranë. Ta çmontojmë këtë model dhe të të kthejmë ty dhe kolegëve të tu, paratë që u ka vjedhur ky model korrupsioni, paratë që meritoni për punën dhe djersën që derdhni, dinjitetin që meritoni, se meritoni dinjitet jo thjesht para dhe besimin se Shqipërinë do ta bëjmë. Se që ta bëjmë Shqipërinë na duhen njerëzit si ty.

Paradoksi është se njerëzit për të cilët Shqipëria ka më shumë nevojë, janë të parët që po i largon Edi Rama. Ta ndalim këtë të keqe, t’i mbajmë këta njerëz e të gjithë bashkë ta ndërtojmë këtu në shtëpinë tonë Europën. Kjo është zgjidhja që ofroj unë, kjo është zgjidhja që ofron Partia Demokratike. Për këtë do të punojmë, për këtë do përkushtohemi, për këtë ju thërrasim më ë shkurt: Për të ndryshuar, për të bërë reformat, për ta çuar Shqipërinë drejt Europës, afër Europës, jo thjesht për të hequr dikë nga pushteti, apo për të ardhur dikush tjerët në pushtet. Për të ndryshuar vendin duke zbatuar parimin e parë europian: Ta keni fatin tuaj në duart tuaja, mos ta kenë fatin tuaj në dorë injorantët, kriminelët, bandidët dhe hajdutët.

Me 16 shkurt nisim betejën për t’i dhënë fund këtij modeli, dhe për të ndërtuar sëbashku modelin europian. Shpresoj që t’ju jem përgjigjur. Faleminderit!

Pyetje: Përshëndetje, quhem Marsela Mehmeti. Jam studente e vitit të dytë gazetari. Problemi im ishte se ju pak më parë thatë se keni me rrit rrogat, por problem tjetër është edhe se unë jam vetëm me një prind dhe përjashtimi nga tarifat, por një problem është se unë nuk mundem të paguaj shkollën për faktin se vështirësitë janë shumë të mëdha në familjen time, dhe pse unë punoj dhe nuk mundem t’I plotësoj të gjitha kushtet që duhet të shkoj përditë dhe një kusht tjetër është që unë duhet të mos kemi asnjërin nga prindërit, që të përfitoj përjashtimin prej tarifës. Kështu kam marrë një përgjigje prej zyrës së punës. Çfarë mund të bëni ju lidhur me këtë problem.

Basha: Marsela, me planin tonë për Arsimin e Lartë, e para e punës, tarifat për familjen apo për rastin tënd që vjen nga familje me një prind, me të ardhura nën 640 mijë lekë në muaj, të vjetra apo jo, ma merr mendja mua është zerimi i tarifave.

Së dyti, pamundësia ekonomike e studentëve për të ndjekur arsimin e lartë, do të trajtohet përmes një programi të veçantë prej 2 milion e 200 mijë lekë të vjetra në vit, pë rata student të cilët realisht nuk kanë asnjë mundësi të përballojnë koston e jetës, koston e studimit.

Të gjitha këto janë të buxhetuara, nuk janë fjalë në erë, nuk janë premtime, janë një plan krejtësisht i zbatueshëm.

Teorikisht i zbatueshëm që nesër, natyrisht nuk mund të zbatohet që nesër sepse dita që do të rrëzojmë këtë model dhe këtë kryeministër, do të jetë dita që do t’i japë rrugë zgjedhjeve dhe ne do të vijmë në pushtet me zgjedhje dhe me votën e qytetarëve shqiptarë.

Por po ju them që nuk janë premtime, janë plane krejtësisht të zbatueshme. Të gjitha mundësitë për të mbështetur këto politika ekzistojnë. Dhe këtë do të bëjmë, në rastin tënd, në rastin e qindra, në fakt mijëra studentëve, që jo vetëm s’përballojnë dot tarifat, s’përballojnë dot as koston e studimit, ne do të përdorim këto para që sot shkojnë në xhepat e këtyre oligarkëve, dhe këtyre politikanëve të korruptuar për t’ju ardhur në ndihmë rinisë, për të financuar dhe për të mbështetur me para nga buxheti i shtetit, koston e papërballueshme nga familjet në nevojë ekonomike. E kemi llogaritur sa është kjo kosto. Për tre vite bachelor, dhe dy vite master, një familje duhet të paguajë mesatarisht ë milionë lekë të vjetra.

Shumë e papërballueshme për shumicën dërrmuese të familjeve. Nga do ti nxjerrin?! Nga?! I bie të kursejnë 4 rroga mesatare në vit, vetëm për të çuar një fëmijë në universitet. Por shteti i ka mundësitë, shteti i ka paratë për ta bërë këtë. Vetëm se sot kemi një kryeministër që këto para i fut në xhepat e tij, i çon në konto sekrete bankare, i çon në projekte korruptive si ato që bëjnë 20 milionë euro kilometri. Prandaj duhet shembur modeli. Duhet shkatërruar me themel ky model i cili qëndron në këmbë pa legjitimitet, pa mbështetje popullore, pa votë, vetëm falë aleancës me krimin.

Zgjidhja politike është largimi i këtij modeli, një qeveri tranzitore, zgjedhje të lira dhe të ndershme dhe ju të votoni për atë program i cili i jep zgjidhje problemeve tuaja.

Problemi yt merr zgjidhje me programin e Partisë Demokratike. Merr zgjidhje me planin tonë për Arsimin e Lartë. Pra, ka zgjidhje! Nuk ka vend për dëshpërim, ka vend për analizë, zgjuarsi, vendosmëri dhe bashkim. Prandaj të ftoj edhe ty, edhe shoqet e tua, të bashkohemi të gjithë me datë ë shkurt në Tiranë.

Pyetje: Përshëndetje, quhem Ledi Kraja. Studioj në vit të dytë, dega Turizëm. Çfarë mund të bëni ju, që bashkëmoshatarët tanë që kanë mbetur, të mos largohen jashtë vendit.

Basha: Të përmirësojmë cilësinë e Arsimit, t’ju japim mundësinë që pas arsimit të integroheni në tregun e punës, të sigurojmë që Shqipëria të ketë një treg funksional pune, një ekonomi tregu, që nuk mbyll, por hap vende pune. Këto janë tre prioritetet tona politike. Për të parin besoj fola gjerësisht, një reformë e vërtetë në Arsim, një mbështetje me fonde e institucioneve publike të Arsimit të Lartë dhe një ligj të ri të Arsimit të Lartë sipas parimeve dhe vlerave europiane. Për të dytën po ashtu kemi parashtruar një nga rrugët e lidhjes së botës universitare me tregun e punës, që janë stazhet e paguara të punës. Për të tretën na duhen një sërë reformash strukturore. Po jua them meqë studionit turizëm, besoj se studioni edhe ekonomi si pjesë e kësaj. Tre shtyllat kryesore të kësaj do të jenë, e para t’i japim fund burokracisë represive, banditëve qeveritarë, që ia kanë vënë lakun te fyti sipërmarrjes së ndershme. Si? Duke shtuar procedurat, duke hequr dengun me leje, e me tarifa e me taksa, që ka shtuar kjo qeveri mbi biznesin, duke thjeshtuar inspektimin që është kthyer në një terror të vërtetë për sipërmarrjen, duke shkatërruar monopolet dhe oligarkinë me ligjin tonë antimafia. Se janë pesë njerëz që kanë kapur gjithë tregun, gjithë fondet publike, gjithë pasuritë publike të shqiptarëve.

Së dyti, duke u krijuar mundësi, akses në treg. Kur ishim në treg na thanë se nuk kemi akses në treg. Nuk shkojmë dot në Prishtinë sepse është rritur kostoja, përmes koncensionit të Rrugës së Kombit. Nuk vij dot në tiranë sepse kostoja e lartë e naftës na e bën të papërballueshme aksesin në tregjet e Tiranës. Të çlirojmë tregjet, t’ju japim akses të gjithëve në treg. T’ju japim mundësinë të gjithë sipërmarrësve të ndihen të barabartë në treg, të konkurojnë në mënyrë të barabartë në treg e jo njëri i njerkës e tjetri i nënës.

Dhe së treti mbështetje financiare për sipërmarrjet, për startup-et, për ata që prodhojnë, për degë të veçanta ku të kemi mundësi të thithim investime të huaja, siç është teknologjia e informacionit. E dini ju që pesë vjet s’ka ardhur një investim i huaj në Shqipëri?! Asnjë investim i huaj. Se i përzënë oligarkët. Se investimi i huaj sjell konkurencë për ta, i zbulon ashtu siç janë, të paaftë për të krijuar vlerë të shtuar, të aftë vetëm për të grabitur.

Këto janë tre kolonat me anë të të cilave ne mund të arrijmë ndezjen e motorëve të ekonomisë, çlirimin e energjive pozitive, krijimin e vendeve të punës, mbështetjen përmes sistemit fiskal, taksave të ulëta, uljes së çmimit të energjisë dhe të naftës, për industrinë prodhuese, për sipërmarrjen e vogël, krijimin e një klime konkuruese, zhvilluese për vendin. Këto pra janë tre drejtimet kryesore të politikës, mbështetje e arsimit, ndërtimi i një ure ndërmjet arsimit dhe tregut dhe çlirimi i tregut nga oligarkia, shteti bandit, taksat e larta, dhe do të funksionojë.

Pyetje: Përshëndetje, jam Ardit Rrashi, kampion Shqipërie në 100 metra, atletikë. Desha me dit për ligjin e sportit. Unë kam 15 vjet në sport dhe asnjë gjë nuk është bërë për investime në sport. Është bërë stadium, ne na thonë dilni jashtë se është stadiumi i Federatës. Nuk na lënë të bëjmë stërvitje në stadium. Ne marrim leje të posaçme, duke fut mik për t’u fut në stadium. Dua të di kur mund të bëhet ligji i sportit? Dhe një zhvillim për sportin dhe sportistët që të paktën të kenë një të ardhme se shumica e vazhdojnë me të rinjtë dhe pastaj ikin se nuk ka më as të ardhura, as zhvillim. Një mundësi zhvillimi për sportistët ose një e drejtë shkolle, të paktën për ata që janë kampionë.

Pyetje: Përshëndetje, jam Ardit Rrashi, kampion Shqipërie në 100 metra, atletikë. Desha me dit për ligjin e sportit. Unë kam 15 vjet në sport dhe asnjë gjë nuk është bërë për investime në sport. Është bërë stadium, ne na thonë dilni jashtë se është stadiumi i Federatës. Nuk na lënë të bëjmë stërvitje në stadium. Ne marrim leje të posaçme, duke fut mik për t’u fut në stadium. Dua të di kur mund të bëhet ligji i sportit? Dhe një zhvillim për sportin dhe sportistët që të paktën të kenë një të ardhme se shumica e vazhdojnë me të rinjtë dhe pastaj ikin se nuk ka më as të ardhura, as zhvillim. Një mundësi zhvillimi për sportistët ose një e drejtë shkolle, të apktën për ata që janë kampionë. Çdo gjë është sakrificë dhe çdo atlet i bën me kostot e shtëpisë së vet të gjitha shpenzimet.

Basha: Do të jap një përgjigje të shkurtër. Një vend mbështet më të mirët, mbështet më të mirët në Arsim, mbështet më të mirët në Inovacion, mbështet më të mirët që sjellin vlerë të shtuar në ekonomi, sjellin teknologji të reja, hapin vende pune. Natyrisht mbështet më të mirët në art. Mbështet më të mirët në sport. Ky është një nga qëllimet e një shoqërie të drejtë. Ky duhet të jetë një nga objektivat kryesorë të një shteti të drejtë. Ne sot kemi një shtet të padrejtë. Modeli që ka ndërtuar Edi Rama mbështet më të këqinjtë. Je trafikant, bëhesh deputet, kryetar bashkie. Je hajdut, bëshesh biznesmen i madh. Je servil, bëhesh ministër. Puna e parë në jetë, ministër.

Ne duhet t’i japim fund këtij modeli dhe t’i japim fund këtij modeli do të thotë në radhë të parë të nxisim modelin që evidenton më të mirin, të garantojmë që ligji, duke përfshirë dhe ligjin për sportin dhe të gjitha ligjet e vendit, në radhë të parë garantojnë garën e barabartë mes njerëzve. Natyrisht ka disa që do ecin përpara, ka disa që do mbeten mbrapa. Për këta që do mbeten mbrapa, shteti ka buxhetin dhe politikat sociale. Apo jo?! Duhet t’i ketë. Duhet t’i ketë në rast se paratë nuk shkojnë për atë grusht oligarkësh dhe kriminelësh dhe politikanësh të korruptuar. Por po kështu, shteti duhet të mbështesë ata që janë të parët. Sepse ata janë modeli. Sepse duke i mbështetur i tregon të gjithë të tjerëve se ja “nëqoftëse çan përpara për shkak të aftësive, talentit, vullnetit siç është rastin tënd të sportistëve, do të kesh në krah shtetin. Do të mbështesë shteti. Ky është modeli i ri për të cilin po flas. Dhe në fakt nuk është model i ri, është modeli europian. Nuk na duhet ne të shpikim rrotën, na duhet thjesht të vendosim këto parime dhe t’i ndjekim këto parime. I vendosëm, i thamë, si do t’i ndjekim, kush do të ketë forcën që të detyrojë një qeveri që t’i ndjekë sot, nesër, pasnesër, këto parime? Forcën e ka vetëm populli, i cili gjykon me votë. Me votë të jep të drejtën të qeverisësh, prat ë delegon vullnetin e përgjithshëm për interesin publik dhe me votë ta heq. Këtë mekanizëm ka thyer Edi Rama.

Këtë mekanizëm ka prishur Edi Rama, prandaj ia del të vjedhë, batërdisë, gënjejë, shajë, mashtrojë, dhunojë, mëpërkëmbë dhe pastaj mendon se do t’ja hedhë duke hequr disa prej ministrave hajdutë e duke qëndruar vetë në krye të qeverisë.

Në fakt të gjithë e dimë se as Arben Ahmetaj, as Damian Gjiknuri, as Saimir Tahiri, as Fatmir Xhafaj, as Vangjush Dako, as Qazim Sejdini, nuk kanë asnjë vlerë dhe asnjë fuqi pa Edi Ramën. Fuqia e tyre është Edi Rama, fuqia e këtij modeli të keq që e ka kapur vendin tonë është Edi Rama. Prandaj ë shkurti është dita kur do të rrëzojmë modelin, dhe të parin e këtij modeli që është Edi Rama. Dhe dita kur do të sjellim një model, ku të nxisim më të mirët, të mbështesim më të mirët, të nxisim konkurencën, të nxisim vlerat, dhe në këtë mënyrë të bëjmë atë që bën çdo popull i civilizuar europian. Të ecim përpara duke nxitur më të mirët, duke mbështetur më të mirët. Sigurisht duke mos lënë mbrapa ata të cilët, për arsye të ndryshme, për shkak të rrethanave sociale, rrethanave ekonomike, kanë nevojë për mbështetjen e shtetit. Edhe ata do ta kenë mbështetjen e shtetit. Por së pari, modelin e të mirëve ne do ta ngrejmë në piedestal. Në ekonomi, në universitet, në sport, në kulturë dhe kudo.

Pyetje: Përshëndetje, jam Ivanka Petroviç. Aktualisht studioj në Fakultetin Ekonomik, viti i dytë, Turizëm. Përveç pjesës së tarifave dhe problemeve që janë të dukshme, pyetja ime është cili është plani juaj si Parti Demokratike, që studentët pas mbarimit të studimeve të integrohen në tregun e punës.

Basha: Ne besojmë te tregu, ne besojmë se një treg i lirë është mundësia më e mirë për të hapur vende pune. Dhe ne do ta mbështesim lirinë e tregut, ne do ta mbështesim konkurencën, ne do ta mbështesim sipërmarrjen.

Së dyti duke ulur çmimin e komoditeteve bazë, që lidhen drejtpërdrejtë me konkurencën e prodhimit shqiptar, apo të shërbimeve shqiptare që janë nafta, energjia.

Së treti duke bërë përmes mirëqeverisjes të mundur, që të vijnë dhe jo të largohen investimet e huaja nga vendi. Me këto masa dhe masa të tjera të ngjashme si këto, ne do arrijmë të ringjallim edhe njëherë besimin te ekonomia shqiptare që sot nuk ekziston. Sot modeli i krimit, i drogës, i pastrimit të parave është i pakonkurueshëm nga puna e ndershme. Prandaj është e domosdoshme, të lancojmë menjëherë paketën tonë të masave për të ndezur motorët e ekonomisë. Uljen e taksave, uljen e çmimit të energjisë, uljen e çmimit të naftës, janë tre hapa kryesorë të cilët do të ndikojnë në ndezjen e motorëve të ekonomisë. Në ekonominë shqiptare, ka prioritete të qarta, të cilat duhen ndjekur dhe duhen mbështetur. Prioritet është bujqësia e agrobiznesi, prioritet është energjia, prioritet është logjistika për vendin që ka Shqipëria, në raport me tregun rajonal dhe europian. Super prioritet është turizmi. Çfarë politikash mbështetëse për turizmin keni parë ju nga kjo qeveri? Asgjë. I kanë ulur taksat disa oligarkëve që ndërtojnë pallate dhe fshatra turistikë duke shkatërruar bukuritë e vendit, që pastaj ua shesin trafikantëve të drogës. Në vend që të jenë ata në dispozicion të rritjes së turizmit. Ne do të kemi politika të qarta për mbështetjen e turizmit. Dhe do të vlerësojmë që një nga degët më të nënvlerësuara të ekonomisë shqiptare, të bëhet një nga motorrët kryesorë të rritjes ekonomike. Dhe nga ana tjetër na duhet që të kemi njerëz të kualifikuar, si ju. Në një situatë të tillë, operatorët turistikë, hoteleria, restorantet, turizmi kulturor duhet të luftojnë për të siguruar personel të kualifikuar që kanë mbaruar shkollën për turizëm si ti, apo shoqja jote që foli pak më parë.

Mbyllja:

Unë dua t’ju falenderoj edhe njëherë nga zemra, do desha të dëgjoja më shumë se ç’dëgjuat ju nga unë. Shpresoj të kemi një rast tjetër që të dëgjoj më shumë, jo thjesht pyetje nga ju. Ajo që doja të thoja në fund të këtij takimi të mrekullueshëm është: trokisni derë më derë, bashkojuni gjithë rinisë shkodrane, sepse siç ma thanë në takimin e parë në qytet, Shkodra është e vendosur t’i prijë ë shkurtit. Dhe unë jam i vendosur të jem aty me Shkodrën, në krye të protestës madhështore të 16 shkurtit. Faleminderit!

FJALA E PLOTË E KRYETARIT LULZIM BASHA ME TË RINJTË E QYTETIT TË KAVAJËS

Faleminderit për këtë pritje të jashtëzakonshme që dini ta dhuroni ju, rinia e kavajës. Jashtë është një kohë me re e me shi, por këtu ka nisur të dalë dielli, dielli i shpresës, dielli i besimit. Dielli i besimit, që filloi ta ngrohë Shqipërinë, jo në verë, por në dhjetor. Dielli i besimit, që nuk e solli thjeshtë dhe vetëm Zoti, por e solli rinia shqiptare, e sollën studentët shqiptarë.

Ngjarja më shpresëdhënëse për shqiptarët, në veçanti për prindërit tuaj, ka qenë kryengritja studentore, Lëvizja Studentore e Dhjetorit, që nisi me protesta dhe vazhdon edhe sot, edhe në këtë moment që flasim, ndaj le t’i nisim një përshëndetje, këtu nga Kavaja, nga rinia kavajase gjithë atyre studentëve në auditore, në fakultete, dhe pedagogëve që po i mbështesin në qendresën e tyre e t’ju themi që nuk janë vetëm. Rinia e Kavajës është në krahun e tyre, qytetarët e Kavajës, prindërit tuaj janë në krahun e tyre, Partia Demokratike, opozita është në krahun e tyre.

Zonja dhe zotërinj, të rinj e të reja.

Sot nga Kavaja po nis një tur bashkëbisedimesh dhe takimesh me ju, i cili do të vazhdojë dhe do të shtrihet në të gjithë vendin. E para e punës kam nevojë të dëgjoj nga ju. Kemi nevojë të dëgjojmë nga ju, në veçanti nga ju të rinjtë. Aksioni që kemi nisur është një aksion me rëndësi historike për vendin. Ju e dini, shteti është një kontratë sociale, një kontratë që e nënshkruajnë të gjitha palët, për të përmirësuar dhe garantuar liritë, të drejtat, zhvillimin, mirëqenien e gjithësecilit. Pjesë e kësaj kontrate është edhe ndërtimi i institucioneve shtetërore. Pjesë e kësaj kontrate është miratimi i ligjeve, të cilat, përmes barazisë para ligjit, kanë për qëllim të garantojnë këto liri si dhe të japin siguri dhe garanci për të nesërmen.

Mirëpo kjo kontratë është shkelur me të dyja këmbët nga ata që sot janë në pushtet. Ku ka shembull më të mirë për shkeljen e kësaj kontrate sesa Ligji për Arsimin e Lartë. 4 vite më parë, më 2015-n, ky kryeministër injoroi thirrjet e rinisë studentore, injoroi thirrjet e pedagogëve të universiteteve dhe kaloi një ligj korruptiv dhe klientelist, i cili nuk ka për qëllim të garantojë barazinë, sigurinë dhe mirëarsimimin e rinisë shqiptare.

Ne e kundërshtuam në parlament, Partia Demokratike e kundërshtoi në parlament, Partia Demokratike votoi kundër. Ju e dini fare mirë, se një nga premtimet e mia të para ka qenë anulimi i këtij ligji dhe sot dua t’ju konfirmoj nga Kavaja se ditën tonë të parë në pushtet ne do ta abrogojmë ligjin për Arsimin e Lartë si një ligj korruptiv , si themeli i gjithçkaje që ka shkuar keq me arsimin e lartë në Shqipëri.

Puna do të nisë sot, në bashkëpunim me studentët dhe pedagogët, për një ligj të standardeve evropiane. Duke u bazuar në këtë ligj korruptiv, Edi Rama arriti diçka sa tinzare, aq edhe grabitqare. Nga njëra anë vazhdon të detyrojë prindërit tuaj që të paguajnë taksat më të larta në Evropë. Për shkak të këtyre taksave shqiptarët paguajnë sot naftën me çmimin më të lartë në Evropë, paguajnë energjinë me çmimin më të lartë në rajon. Për shkak të këtyre taksave, mbyllen 50 biznese në ditë, 50 kryefamiljarë që dalin në mes të rrugës.

Megjithatë këto taksa nuk përdoren për të përmirësuar cilësinë e arsimit, për të përmirësuar cilësinë e kopshteve, të shkollave 9-vjeçare, të shkollave të mesme, apo për të siguruar arsimin e mirë të lartë universitar. Këto taksa, në vend që të shkojnë për të lehtësuar kushtet tuaja dhe për të mundësuar një arsim cilësor për ju, që t’ju përgatisë për lançimin në jetë, t’ju përgatisë për tregun e punës, këto taksa vidhen dhe shpërdorohen nga 3-4 duar, të cilat fitojnë PPP-të e famshme. Tani po na premton se me 1 korrik nuk do të ketë më PPP. Normalisht se deri më 1 korrik do të jenë bërë naaa të gjitha lekët, s’do ketë lekë as për PPP. Shqipëria do të jetë vjedhur për 15 vitet e ardhshme. Arka e shtetit, paratë që merren nga taksat e shqiptarëeve, do të kenë shkuar në xhepat e një bande oligarkësh, biznesmenësh grabitqarë që nuk e meritojnë emrin biznesmen se vetëm me biznes nuk merren, merren me vjedhje, për 15-20 vitet e ardhshme. S’ka ngelur gjë tjetër për të vjedhur.

Dhe kjo do të ndodhë nëqoftëse e lejojmë ne, nëqoftëse e lejoni ju. Pyetja e parë: jeni të gatshëm talejoni ta vazhdojë këtë zhvatje, këtë vjedhje, këtë grabitje të taksave tuaja e të prindërve tuaj? Apo jeni gati të ngriheni që gjithësecili prej jush të bëjë detyrën e tij për të rikthyer një kontratë sociale mes shqiptarëve, një shtet që nuk punon dhe nuk bën ligje, por vjedh qytetarët, për të avancuar agjendën e 5 hajdutëve e 5 politikanëve të korruptuar, por për t’i shërbyer çdo qytetari?

Ta dimë pra në radhë të parë për çfarë po ngrihemi. Po ngrihemi për t’i dhënë fund një shteti grabitqar dhe për të ndërtuar një tjetër kontratë sociale midis gjithë shqiptarëve që e duan atdheun e tyre, që e duan vendin e tyre, dhe në radhë të parë, mes të rinjve shqiptarë. Sepse e kam thënë dhe dua ta përsëris: misioni më i rëndësishëm i imi, si kryetar i Partisë Demokratike, Partisë që lindi nga rinia, është që të përgatisë kushtet që kjo rini të marrë në dorë fatet e vendit nesër.

Që ta bëjmë këtë, që të rikthejmë impulsin e zhvillimit pozitiv në arsimin e lartë, si parakusht. Pa arsimin e lartë, vendi nuk mund të ecë përpara. Pa investuar tek arsimi, vendi shkon drejt falimentimit total. Ju e keni dëgjuar zgjidhjen që ne kemi propozuar në parlamentin shqiptar. Apo më mir të themi në ndërtesën e parlamentit shqiptar, se tani nuk është parlamenti shqiptar, është parlamenti i hajdutëve, është parlamenti i banditëve, është parlamenti i gjakpirësve të këtij populli.

Por në atë godinë, ne, unë kam parashtruar fare qartë, se si mund të hidhet hapi i parë për të zgjidhur krizëne  rëndë në universitetet shqiptare. Dyfishimi i buxhetit për arsimin e lartë. Dyfishimi i buxhetit për arsimin e lartë do të thotë në radhë të parë që gjithë studentët  që vijnë nga familje me të ardhura nën 640 mijë lekë në muaj do përfitojnë financimin e plotë të studimeve bachelor dhe master, do të thotë që me paratë e buxhetit të shtetit, që në fakt janë paratë e prindërve tuaj dhe me asnjë lekë shtesë çdo bir dhe bij shqiptari të ketë mundësinë të ndjekë studimet universitare të institucioneve publike të arsimit të lartë, pa paguar asnjë lekë nga tarifat universitare.

Për ato që vijnë nga familje me të ardhura mbi 640 mijë lekë përgjysmim tarifash. Për ata të tjerët që edhe me zerimin e tarifave kanë të pamundur. Sa njohim të tillë këtu në këtë sallë, jashtë kësaj salle, që  i kanë të dy prindërit të papunë, jo prej një muaj por prej vitesh, që nuk kanë asnjë të ardhur, shpeshherë jetojnë me lëmoshën e emigracionit nuk kanë as ndihmë sociale. Si mundet të imagjinojmë që këta të rinj, këta bashkëmoshatarë tuaj, që  jam i sigurt i kemi edhe mes nesh me çfarë do ta paguajnë jo tarifën e përgjysmuar, por biletën e autobusit, apo faturën e librave, apo qerane e konviktit dhe shtëpisë që marrin me qera. Ata meritojnë dhe duhet të kenë mbështetje financiare nga shteti. Dhe kjo është plotësisht e mundur.

Me planin tonë ne mundësojmë që të paktën 5 mijë studentë shqiptarë që vijnë nga familjet që nuk kanë mundësinë të përballojnë as kostot minimale, jo vetëm që të mos paguajnë tarifat universitare por të kenë mbështetjen e shtetit në vlerën 2 milionë e 2 mijë lekësh të vjetra në vit për t’u paguar të gjithë koston e qerasë, të ushqimit, të librave, të transportit publik, interurban në rastin kur duhet të shkojnë edhe tek familjet e tyre jashtë qytetit ku studiojnë. Dhe kjo është plotësisht e mundur me planin tonë për dyfishimin e buxhetit për arsimin e lartë.

Me planin tonë për dyfishimin  e buxhetit të arsimit të lartë edhe pas këtyre ndërhyrjeve mbeten mjaftueshëm para për të investuar në infrastrukturën studentore dhe në infrastrukturën akademike; në konvikte, në salla, në auditorë, në laboratorë, në IT.

Jemi i vetmi vend në Europë, ndoshta edhe në Afrikë është e vështirë të gjesh vende ku kompjuteri mësohet me shkumës dhe me dërrasë të zezë.

Nuk është shaka. Në çdo rast tjetër do të ishte për të qeshur, por është për të qarë.

Të gjitha këto para sot buxheti i shtetit i ka dhe i çon në 3 drejtime; i çon në drejtim të rritjes së shpenzimeve operative të qeverisë. Një fjalë e gjatë për të thënë më shumë karburant, më shumë bileta avioni, më shumë lluks, hotele luksoze, pushime luksoze për kryeministrin dhe ministrat e tij. 18 milionë dolllarë më shumë. Këto para Edi Rama i cili i konsideron si të tijat dhe jo tuajat, të baballarëve dhe nënave tuaja.

Po kështu shkojnë për të investuar në lluks qeveritar, në zyra, në makina.

Shuma të jashtëzakonshme dhe pastaj shikoni kontrastin. Shikoni kontrastin tek zyrat e Ministrisë së Arsimit, Ministrinë e Arsimit që farfurin nga mermeri dhe gjendjen e konvikteve të Tiranës. Imagjinoni pastaj gjendjen e infrastrukturës studentore në qytetet e tjera.

Dhe së treti këto para shkojnë për PPP-të e famshme, të cilat janë skema të vjedhjes së parave të qytetarëve. Ku nga njëra anë kemi këta biznesmenë grabitqarë që nuk prodhojnë asgjë, as nuk punësojnë, por e kanë mendjen si e si të vjedhin dhe politikanët që u japin këto kontrata.

Po ti mbledhim vetëm këto shpenzime për vitin 2019 janë planifikuar 105 milionë dollarë. Para të mjaftueshme për të realizuar planin tonë për dyfishimin e buxhetit për arsimin e lartë dhe prapë mbeten mjaftueshëm para për tu marrë me probleme të mprehta; siç është arsimi parauniversitar; siç është çështja e pensioneve; siç është ulja e çmimit të naftës; siç janë probleme të tjera akute. Për të ndalë rënien në pikiatë të vendit në një krizë të thellë ekonomike dhe sociale.

Por pyetja që shtrohet është si do të arrijmë këtë?

Shteti është një kontratë sociale me qytetarët. Njëra palë e ka zgjidhur kontratën dhe e konsideron të mirën publike të mirë private, e konsideron përgjegjësinë e qeverisjes privilegj personal.

Nuk mbetet gjë tjetër veçse ta zgjidhi edhe populli kontratën me këta që nuk e mertiojnë më emrin në qeverisje, me këtë që nuk e meriton titullin kryeministër.

Ky është mesazhi dhe kjo është domethënia e protetsës së 16 shkurtit.

Më 16 shkurt qytetarët me pjesëmarrjen e tyre do të zgjidhin kontratën me Edi Ramën dhe bandën e tij të hajdutëve në pushtet.

Se duan të dëgjojnë jo vetëm vendosmërinë e Kavajës, por edhe arsyet, argumentet pse duhet të jemi të gjithë bashkë me 16 shkurt.

Të dashur të rinj dhe të reja mesazhi kryesor që dua t’ju jap sot është se ky vend ka shpresë! Që e nesërmja është në duart tona, është në duart tuaja! Që më një kontratë të re sociale Shqipëira dhe shqiptarët kanë mudnësi që t’ju mbështesin ju bijtë tanë, bijëtë dhe bijat e tyre që të mbaroni  studimet, që të kryeni stazhe me pagesë, që të siguroni vende pune në nëj ekonomi që zhvillohet, e çliuar nga terrori i taksave të larta dhe i abuzimeve nga administrata. i një ekonomie e cila lidhet dhe funksionon si pjesë e ekonomisë rajonale dhe europiane, që të keni mundëisnë pra që të mos ndjeheni as vetëm, as të braktisur, as të zhgënjyer, as të tradhtuar.

Me planin tonë për arsimin e lartë, me planin tonë për stazhet për të gjithë ata që mbarojnë universitetet, me planin tonë ekonomik që do të çlirojë energjitë pozitive në Kavajë dhe në gjithë Shqipërinë.

Ne do të kemi të gjitha mundësitë jo vetëm që të kthejmë shpresën dhe besimin, por të bëjmë të mundur që ekonomia shqiptare të fillojë të zhvillohet me ritme të larta e t’i ofrojë punësim dhe punësim me rroga dinjitoze të gjithëve, e në veçanti të rinjve të Kavajës, të rinjve të të gjithë Shqipërisë.

Por, para se të vijë kjo kemi përpara një betejë. Dhe në këtë betejë ne duhet të jemi të qartë e të vendosur.

Unë vij sot këtu me bashkëpunëtorët e mi, dua në mënyrë të veçantë të përshëndes sekretarin e ri të Përgjithshëm të Partisë Demokratike, Gazment Bardhin.

Ka nevojë për prezantim këtu në Kavajë? Nuk ka nevojë për prezantim besoj!

Të gjithë ne këtu sëbashku jemi të vendosur që të sakrifikojmë gjithçka për një kontratë të re sociale me Shqipërinë dhe shqiptarët, e cila fillon me zgjedhje e lira dhe të ndershme.

Themeli i së keqes është kapja e pushtetit me njerëzit e lidhur me krimin të cilët u vunë në shërbim të krimit,  u vunë në shërbim të oligarkëve dhe sëbashku me ta ndërtuan këtë skemë grabitje. E cila pasi ka grabitur taksat dhe pasuritë e shqiptarëve tani synon të grabisë edhe shpresën.

Pyetja e parë që kam tani për ju: A do ta lejojmë të grabisë shpresën rinisë së Kavajës dhe rinisë së Shqipërisë?

Kjo është në dorën tuaj.

16 shkurti është dita kur zgjidhim kontratën me shkelësit e kontratës me shqiptarët.

16 shkurti është dita kur ndezim shpresën dhe besimin se Shqipëria e së nesërmes do të jetë Shqipëria e ëndrrave më të bukura, të rinisë së Kavajës dhe rinisë së gjithë Shqipërisë!

Nuk dua të zgjatem. Jam i sigurt që shumë prej jush kanë mesazhet për të ndarë me mua, me bahskëpunëtorët e mi, me kryetarin e Bashkisë së Kavajës, Isa Sakjen dhe me siguri keni edhe pyetjet, komentet dhe sugjerimet tuaja.

Një gjë të rëndësishme dua të marr me vete në këtë takim: sugjerimet, këshillat, vizionin tuaj, vendosmërinë tuaj, që ta bëjmë pjesë të uraganit të shpresës dhe besimit që nga Kavaja nis e shpërndahet në të gjithë Shqipërinë.

Pyetje: Shqiperia është kandidat për në Bashkimin Europian por kohët e fundit nuk ka bërë asnjë progres, dhe në të rinjtë nuk kemi përfituar asnjë gjë. Pyetja ime është që nëse ju do ishin në qeveri, çfarë do të bënit?

Basha: Nuk ka për të patur integrimin europian për Shqipërinë dhe për asnjë vend ku politikanët e tij janë të lidhur me krimin. Hapi i parë është ndarja e politikës nga krimi. Prandaj atë që rrëzuan në dhjetor vetingun e politikanëve atë do ta bëjmë realitet me mbështetjen tuaj, me votën e shqiptarëve të ndershëm. Pa çliruar parlamentin nga politikanët e lidhur me krimin, pa i dhënë fund një politike peng nga krimi, nuk hapen dyer e Europës.

Por kur krimi luftohet në të gjitha nivelet e në veçanti në nivelet lart ju e dini se çfarë ndodh. Nuk jeni aq të vegjel sa për të kujtuar kur prindërit tuaj rrinin me orë të tëra në radhë për të marrë vizë. Sot me pasaportat që keni në xhep udhëtoni në gjithë Europën sepse atëhere kishte një qeveri me vullnet që luftoi krimin. Unë kam nderin dhe privilegjin të isha ministër i Brendshëm që luftova për të siguruar të gjitha kushtet që ju të udhëtonit lirë, si tani e 9 vjet. Por kjo liri po kërcënohet. Ju e dini që Frontex po sjell personel për të ruajtur kufinjtë e Shqipërisë sepse nuk ka më besim tek Policia Shqipëria, në fakt nuk ka besim tek qeveria shqiptare.

Dje shtypi britanik botoi një artikull jashtëzakonisht negative për vendin tonë; Kolumbia e Europës. Rreziku i parë që mund të ndodhë e që do të ndodhë nëse ne nuk e ndalim është që pas vendosjes së policëve të huaj në kufinjtë tanë, të fillojë të kufizohet e madje të kërcënohet lëvizja e lirë e shqiptarëve. Prandaj edhe hapi i parë për të siguruar që ne të na happen negociatat do të jetë ta ndajmë politikën nga krimi dhe politikanët e lidhur me krimin ti largojmë nga institucionet dhe parlamenti dhe nga qeveria. Edi Rama nuk e bën dot këtë dhe e ka frikë ta bëjë këtë sepse ku tjetër më shumë se në Kavajë është e qartë pse nuk e do vetingun e politikanëve sepse ai është në krye të listës që ka qeverisur falë bashkëpunimit në lidhjet me krimet.  PD dhe unë u japim fjalën se me besimin e qytetarëve dhe me votën e qytetarëve akti i parë do të jetë pastrimi i institucioneve dhe tu kthehen qytetarëve, e politikanët e lidhur me krimin do nxirren jashtë.

Së dyti, garanti i garës së barabartë për administartën publike. E patë se si Zeri i Amerikës publikoi se si bëhen emërimet në administratën publike. Është një nga kërkesat kyç nga BE reforma në administratën publike. Europa është mbi të gjitha garë e ndershme. Mundësitë që u ofrohen shqiptarëve që shkojnë drejt Europës, ofrohen se ka garë dhe ecën në bazë të aftësive ndërsa këtu ecën në bazë të patronazhit dhe jo nga njerëz tëndershëm por nga kopukë të korruptuar e të lidhur me krimin. Rikthimi i garës së ndershme, rikthimi  i barazisë para ligjit të çdo qytetari, ecja para në bazë të meritës është kushti ku pa të cilin nuk mund të shkohet drejt Europës dhe është objektiv madhor  i imi dhe i PD, me garë të ndershme në politikë, në treg, në universitet, në zgjedhje. Me anë të ëktyre vlerave do të mundësojmë të ecim shumë më shpejt se sa e mendojmë sot. Ne një kohë të gjatë e mendonim të pamundur për udhëtimin pa viza të shqiptarëve dhe ia dolëm. Prap do të jemi ne që do ti kryejmë detyrat që këta nuk i kryejnë dot.

Së treti është dekriminalizimi i zgjedheve. Keni dëgjuar të flasin për reformën zgjedhore e cila është nëj copë letër pa pikë vlere. Dekriminalizimi i zgjedhjeve do të thotë që në zgjedhjet e ardhshme shqiptarët të kenë mundësi të votojnë të lirë nga kërcënimi i bandave dhe nga paratë e drogës dhe korrupsionit, që të zgjedhur drejtuesit që e meritojnë dhe këta drejtues të përgjigjen para jush për premtimet që kanë dhënë. Kjo është demokracia.

Së fundmi, platforma jonë kundër oligarkisë. Nuk mjafton të çlirojmë ato para për arsimin e alrtë pro duhet të çlirojmë edhe para për pensionistët, për fermerët, për uljen e taksave, për uljen e komoditeteve bazë të ekonomisë, të çmimit të energjisë dhe të naftës pa të cilat ekonomia jonë do të vazhdojë të mbetet jo konkuruese. Për të mundësia që biznesi i vogël të marrë frymë lirisht, për të mundësia që shtresa e mesme të mos jetë më e taksuara në Ballkan që i rri mendja si të largohet e të plotësojë llotarinë amerikane, kanadeze apo australiane.

Për ti bërë të gjitha këto të mundura ne do ti japim fund praktikës korruptive të PPP-ve dhe bashkëpunimit me një grusht oligarkësh që deri më sot kanë amrrë 2.2 miliardë euro kontrata nga ky shtet. Le ta themi fare qartë, anulumimi i secilës prej këtyre kontratave, ne do tua marrim Shqipërinë kthetrave të oligarkëve dhe nga ana tjetër do tua kthejmë qytetarëve shqiptarë. Këto para do të shkojnë për të financuar politikat tona ekonomike të cilat do të ndezin motorrët e ekonomisë, do të ndezin motorët e shpresës, së punësimit, dhe politikave sociale që do të bëjnë të mundur që në Shqipëri të mos ketë familjarë që i çojnë fëmijët e tyre me barkun bosh. Të mos ketë familjes që nuk paguajnë dot bukën, ujin dhe dritat. Këto janë hapat që do të hedhim për të bërë të mundur që Europa të na konsiderojë seriozisht dhe të hapë negociatat për anëtarësimin në BE.

Pyetje: Po flitet shumë për arsimin e lartë, ndërsa një pjesë e të rinjve skanë interes, një pjesë tjetër skanë mundësi. A keni ju dhe PD një plan për të gjetur një zgjidhje për këtë pjesë të rinisë shqiptare?

Basha: Për ata që nuk kanë mundësi, ta dëgjojnë mirë edhe ata jashtë kësaj salle se ne kemi një plan i cili është ky; të marrim 75 milionë dollarë nga shpenzimet e luksit të qeverisë, nga kontratat korruptive të Arben Ahmetajt me iniceneratorërët 21 milionë dollarë, 33 milionë dollarë nga koncensionet korruptive në shëndetësi dhe ti kthejmë këto në një dyfisim të buxhetit për arsimin e lartë. Kjo do të thotë zerim tarifashpër ata të rinj që vijnë familjet me të ardhura nën 640 mijë lekë të vjetra në muaj. Për familjet mbi këtë të ardhur, fëijët e tyre do të paguajnë gjysmën e tarifave. Pjesa tjetër e parave do përdoret që ti japim fund infrastrukturës mesjetare, kushteve të lodhura e të drobitura të konvikteve dhe autoritëve shqiptare. Kjo është zgjidhja jonë për pamundësitë financiare për mijëra të rinj që sot pasi paguajën tarifat, më të larta në Europë, marrin cilësin më ët dobët në arsim. Ne do ti japim fund kësaj. Harroni se do ta bëjë këtë Edi Rama sepse e do rininë injorante. E do popullin injjorant sepse nuk e shikon si detyrën e tij të ndihmojë njerëzit por e do veten si tregues i barcaletave sepse me ato do që tia hedhë për mynxyrat që po i bën këtij vendi.

Hai i parë dhe më kryesor është ky, ti japim fund gjendjes së falimentimit të arsimit në Shqipëri. Nuk pranojmë më me arsmin me cilësi mëtë ulët dhe çmimet më të larta. Nisim me financimin e arsimit të lartë, vazhdojmë me një reform të vërtetë. Do të bëjmë gjithçka dhe madje edhe mësues të huaj do të sjellim që arsimi të përgatisë gjithsecilinprej jush dhe gjeneratat pas jush për jetën dhe tregun e punës në nivel europian. Është plotësisht e mundur. Vendet rreth nesh po e bëjnë.

Sot është ditëlindja e Ismail Kadaresë dhe dua ta urojmë këtu të gjithë së bashku, një shkrimtar i cili u bë simbol i vokacionit perëndimor të vendit tonë në kohën kur vendi ishte me i izoluar se kurrë. Po kështu dua tu rekomandoj, për ata që nuk e kanë lexuar, një nga veprat e tij që për mua është një preferuarat, Pallatin e Ëndrrave. Tek Pallati i Ëndrrave shpjegohet, sigurisht përmes metaforave të cilat u drejtohen Perandorisë Osmane por metafora është e qartë për shqipërinë totalitare të Enver Hoxhës, se pasi kishte kontrolluar gjithëçka, Sulltani, Enveri, Edvini, do që të kontrollojë edhe ëndrat e qytetarëve, Kryekadriu. Kërkon të kontrollojë mendimet e tyre, votën e tyre, gjithcka. Dhe kjo është shkarja në totalitarizëm, në atë sistem që Kavaja e hodhi poshtë dhe hapi rrugën për rikthimin e demokracisë. Sot kjo që kemi është nëj fasadë demokracie. Ndiheni ju që merrni vendime për jetën tuaj?! Ndiheni që kjo qeveri dhe ky parlament ju përfaqëson?! Ky është fundi i demokracisë. Një maxhorancë kukull në duart e krimit, me një qeveri kukull në duar e oligarkëve. Një kryeminsitër që vetëm për të qeverisur nuk qeveris. Me 16 shkurt ne duhet ti japim fund demokracisë fasadë. Mos harroni me 16 shkurt ju jeni qeveria dhe qeveritarët janë qytetarë privatë para jush.

Pyetje: Një ndër problemet kryesore të të rinjve në Shqipëri është papunësia. Të rinj detyrohen të kryejnë punë të jashtëligjshme dhe nuk janë optimist për të ardhmen e tyre. Si do të na bindni ju për planin tuaj për punësimin e të rinjve?

Basha: Dua ta them qartë se plani im është plani për stazhet e punës për ininë. Një vit shtazh të paguar me 300 mijë lekë në muaj për të bërë kalimin nga bankat e shkollës në tregun e punës. Këtë e ka në dorë qeveria dhe qeveria ime të jeni të sigurtë që do ta bëjë këtë.

Është një plan dhe një praktikë perëndimore, është studiuar në të gjithë aspektet e saj në mënyrëne menaxhimin dhe se si do të financohet, me mbështetësit tanë me eskpertët më të mirë gjermanë të cilët do të kthehen përsëri këtë të premte për të bërë gati edhe njëherë shpalosjen e kësaj platforme ekonomike për të gjithë shqiptarët dhe rininë.

Kjo është ajo që ne kemi në dorë për stazhet e punës por këto stazhe nuk kthehen automatiksiht në vende pune dhe që të kthehen ne duhet të çlirojmë ekonominë nga taksat e larta, që të kthejmë taksën e sheshtë 9 %, që të qarkullojnë miliona euro që sot i merr banda në pushtet, do të mbeten dhe investohen në në klimë ekonomike positive dhe të çliruar nga terorri i bandave të shtetit që skanë qëllim të mbledhin për arkat e shtetit për për padronët e tyre politikë. Taksa të ulëta, çmim i lirë energjie për aktivitetet prodhuese, ulja e çmimit të naftës me 300 lekë, janë masat e para me të cilat ne do të frenojmë rënie ekonomike dhe do të fillojmë rritjen ekonomike.

Prej disa ditësh, Partia Demokratike ka denoncuar aferën e dhënies me koncesion të ujërave termale “Llixhat e Peshkopisë”. Ne jemi angazhuar të jemi në krah të banorëve në protestat e tyre dhe këmbëngulim deri në zbardhjen e plotë të kësaj afere dhe nxjerrjen e përgjegjësve që janë përzier në të. Ky koncesion i dhënë pothuajse njësoj, me të njëjtat praktika korruptive, si tenderat e koncesionet e Unazës së Re apo HEC-eve duhet të anulohet dhe personat përgjegjës të vihen përpara drejtësisë. Partia Demokratike siç ka mbështetur banorët e Astir-it prej afro 80 ditësh, do të mbështesë banorët e Llixhave dhe qytetarët e Dibrës deri në anullimin e këtij konçesioni.

Pas denoncimit tone publik dhe protestës së organizuar nga banorët para bashkisë së Peshkopisë, banorët e llixhave janë takuar me deputeten e Partisë Socialiste,  znj. Almira Xhembulla, e shoqëruar nga kryetari i Bashkisë, Muharrem Rama, Prefekti e Dibrës, Nexhmedin Shehu, duke u shfajësuar para qytetarëve sikur s’dinin gjë kur ndërkohë vendimi është i datës 11.12.2018.

Këto deklarata janë një mashtrim i pastër dhe që nuk garantojnë anulimin e procesit.

Përfaqësuesit e mazhorancës nuk mund të luajnë të paditurin, kur i gjithë dokumentacioni që firma ka dorëzuar në Shkodër është siguruar nga Bashkia e Dibrës, nga prefektura e Qarkut si dhe nga zyra e regjistrimit të pasurisë Dibër.

Si nuk ditkan gjë përfaqësuesit e mazhorancës kur bashkia vetë ka patur përfaqësuesit e vet në Këshillin e Basenit Ujor Drin – Bunë?

Si ka mundësi që përfaqësuesit e mazhorancës luajnë të paditurin, kur në këtë komision ka qenë pjesërmarrës i vëllai i deputetit socialist, Ulsi Manja.

Procedura korruptive e koncesionit, e miratuar me date 11.12.2018, cënon drejtpërsëdrejti interesat e mbi 3500 banoreve te qytetareve dibranë dhe favorizon interesat korruptive te Qeverise Rama. Me kete aktivitet jane te lidhur mbi 35 hotele, mbi 200 shtepi pritëse (biznese familjare).

Banorët e Dibrës e dinë mirë se nëse Qeveria Rama do kishte qenë e përgjegjshme dhe dashamirëse me Dibrën, do i kishte anulluar edhe HEC-et e Çidhnës dhe nuk do e shkatërronte Kanionin e Setës, ashtu siç ka thënë se do të anullojë HEC-et mbi Vjosë apo ato të Kanionit të Holtës.

U bëjmë thirrje institucioneve vendore dhe qeverisë “Rama” të mos mendojë se mund t’i mashtrojë dibranët përkohësisht, duke thënë se s’kishte informacion. Banorët e Dibrës presin anullimin e menjëhershëm të procedurës së koncesionit, përndryshe s’do t’i ndalojnë protestat dhe do të identifikojnë me emër dhe me mbiemër mashtruesit që po i shpronësojnë dhe po luajnë me jetën e tyre. ​