Blog

• Veliaj kapet në flagrancë duke gënjyer për ndryshimin e shtratit të Lumit të Lanës. Një vit më parë deklaroi nisjen e punimeve. Pas zbulimit të skandalit tha se projekti nuk është emergjencë për bashkinë.

• Ndryshe nga sa mashtron Bashkia e Tiranës, harta zyrtare e Planit Urbanistik të Tiranës tregon gjurmën ekzakte sesi është devijuar Lana në favor të projektit 60 milionë euro të trafikantit të drogës. 

DEKLARATË PD, INA ZHUPA, ZËDHËNËSE E PARTISË DEMOKRATIKE

Bashkia e Tiranës bëri dje atë që di të bëjë më mirë, të mashtrojë qytetarët për të mbuluar të vërtetën e projektit luksoz 60 milionë euro të trafikantit të drogës, Edmond Bego.

Përveç mashtrimeve të tjera, Bashkia tha se projekti që zhvendos shtratin e lumit Lanë nuk do të nisë tani. Por ky pohim kundërshton deklaratën e Kryetarit të Bashkisë së Tiranës, Erion Veliaj një vit më parë, sipas të cilit puna për Lanën do të niste shumë shpejt.

Bashkia ka dy alternativa. Ose të pranojë se kryetari Erion Veliaj gënjeu dje kur tha se nuk ka emergjencë ose të pranojë se Erion Veliaj ka gënjyer qytetarët një vit më parë.

Në çdo rast mbetet fakt i pandryshueshëm dhe i pamohueshëm se Erion Veliaj dhe Edi Rama firmosën në Planin e ndryshuar Urbanistik të Tiranës, zhvendosjen e Lumit të Lanës me qëllim që të mos prekë tokën ku do të ndërtojë trafikanti i drogës.

Ndryshe nga sa mashtron Bashkia e Tiranës, harta zyrtare e Planit Urbanistik të Tiranës tregon gjurmën ekzakte sesi është devijuar Lana në favor të projektit 60 milionë euro të trafikantit të drogës.

Kjo gjurmë tregon sesi për të mos cënuar projektin e trafikantit të drogës, u planifikua zhvendosja e Lanës mbi territorin ku ndodhen shtëpitë e 200 familjeve.

Në vend që të mashtrojë qytetarët e Tiranës, Erion Veliaj duhet t’i përgjigjet pyetjes për të cilën hesht që nga zbulimi i skandalit: Pse ai firmosi Planin për zhvendosjen e Lumit të Lanës?

Roli prej budallai dhe loja me paditë politike me shpresën për të larguar vëmendjen nga skandali, nuk e shpëtojnë Kryetarin e Bashkisë së Tiranës nga pyetja që tani e bëjnë shumë njerëz në Tiranë: Sa është pjesa e Erion Veliajt në projektin rezidencial 60 milionë euro që e detyroi atë të ndryshojë planin urban të Tiranës dhe të zhvendosë Lanën në favor të projektit të trafikantit të dënuar të drogës Edmond Bego?

• Me aktin e fshehtë normativ, Edi Rama financon klientin dhe kandidatin e tij për Kukësin, Safet Gjici, me 1.5 milionë dollarë për një projekt të pakontraktuar nga qeveria.

DEKLARATË PD, DORIAN TELITI, KESHILLTAR PËR EKONOMINË NË PD

Qeverisja e Edi Ramës është një dështim për arkën e parave publike, por jo për xhepin e miqve, klientëve dhe atyre me të cilët Edi Rama synon të blejë zgjedhjet. Safet Gjici është njëri prej tyre.

Në 11 muaj, dështimi në mbledhjen e të ardhurave është spektakolar. Buxhetit të shtetit i mungojnë 122 milionë dollarë, dëshmi kjo e krizës ekonomike të familjeve shqiptare dhe e abuzimeve korruptive në tatime dhe dogana.

Por klientët me të cilët Rama mban pushtetin, nuk e ndjejnë krizën, sepse paratë që duhet të shkonin, përshembull për të financuar studimet dhe jetesën e studentëve në varfëri ekstreme ekonomike, i merr Safet Gjici, kandidati i përhershëm i Edi Ramës për Kukësin.

Me aktin e fshehtë normativ, Edi Rama i ka shkurtuar investimet në arsim, por i ka dhënë Safet Gjicit 1.5 milionë dollarë për një punë, për të cilën ai nuk ka lidhur kontratë me qeverinë, por me Universitetin e Durrësit.

Nëpërmjet kompanisë “Kevin Construction”, Safet Gjici ka lidhur kontratë prej 5 milionë dollarë me këtë universitet, i cili, sipas dokumentave të tenderit, duhej të financohej plotësisht nga të ardhurat e vetë Universitetit.

Në realitet është ndryshe. Në këtë rast qeveria është treguar plotësisht klienteliste.

Në vend që të shlyejë rreth 240 milionë dollarë detyrime të prapambetura, të konstatuara nga FMN, qeveria e Edi Ramës mbush xhepin e Safet Gjicit me 1.5 milionë dollarë për një projekt ku ajo nuk ka asnjë detyrim.

Në Shqipëri janë me dhjetëra projektet që Universitetet kanë kontraktuar me kompanitë private, por Edi Rama ka përzgjedhur të financojë vetëm njërin prej tyre, atë të klientit Safet Gjici.

Në 5 vitet e qeverisjes së Edi Ramës Safet Gjici ka marrë rreth 30 milionë dollarë tendera, shumicën e të cilëve pa garë apo me garë fiktive. 30 milionë dollarë janë të mjaftueshme për të nisur ngritjen e një infrastrukture moderne, me auditorë, biblioteka dhe pajisje laboratorike për të gjithë universitetet e vendit.

Qeveria ka detyrimin të përgjigjet sot përse, mes dhjetëra projekteve të tjera, ka përzgjedhur të financojë me 1.5 milionë dollarë vetëm kompaninë e Safet Gjicit, kandidatit të tij për Kukësin.

Mirëmbrëma përfaqësues të dashur të medias. Ju falendroj për praninë dhe punën tuaj këtu si përnatë. Sikundër dua tu shpreh respektin atyre mediave që kanë rifilluar këtë transmetim live të protestës të përnatshme të banorëve të Unazës së Re.

Përshendes nga zemra Ilirin dhe t’ju uroj nga zemra bashkimin me familjen dhe të përsëris vendosmërinë time, të PD dhe gjithë opozitës për të qendruar në krah të këtyre banorëve për kauzën e tyre të drejtë që tashmë nuk është më vetëm kauzë e tyre apo e Tiranës por është kauzë e gjithë Shqipërisë. Është kauza e përballjes së qytetarëve që nuk mund të pranojnë më vjedhjen, grabitjen dhe pastaj mashtrimin nga një kryeministër, nga një kryebashkiak, dhe nga një qeveri e cila ka pushuar të gjitha funksionet e saj në shërbim të qytetarëve dhe është vendosur tërësisht shërbim të të vetmes axhendë së zhatjes, grabitjes së pronave publike, të parave të taksave të shqiptarëve në bashkëpunim me oligarkët dhe krimin e organizuar.

Sot, jo për herë të parë, Erion Veliaj përdori gënjeshtrën dhe bëri budallain për ti ikur të vërteës së tmerrshme dhe tronditëse që ka dalë në pah, që ka nxjerrë opozita përsa i përket pjesës tjetër të aferës së Unazës. Prej ditës së parë kur kjo pjesë e aferës është denoncuar, e kemi thënë qartë se në vitin 2017 është ndryshuar plani urbanistic i vitit 2013. Është zhvendosur shtrati i Lanës për ti hapur rrugë prishjes së shtëpive të mbi 200 familjeve me të vetmen arsye që prona e privatizuar me firmën e Arben Ahmetaj, me kontributin e 1.5 milionë eurove në emër të një trafikanti droge të dënuar të mos cënohej dhe aty të zhvillohet njëprojekt 60 milionë euro pallate shumëkatëshe. Aferë më ashiqare se kjo nuk ka.

Nga njëra anë zhvendoset shtrati i Lanës, prishen shtëpitë e mbi 200 familjeve dhe kjo bëhet me qëllim që prona e një trafikanti të dënuar droge të mos preket por të zhvillohet me firmën e Erion Veliajt, me firmën e Edi Ramës.

Edhe sot disa media thonë sipas Partisë Demokratike, por mirë nuk mjafton fakti që punën që duhet të bëjnë mediat e bën opozita por edhe kur bën opozita punën prapë së prapë disa media thonë sipas PD. i ftoj këto media të bëjnë detyrën e tyre. Të marrin dokumentet zyrtare që i kemi bërë publike, ti vëjnë krahas njëri tjetrit dhe ti tregojnë shqiptarëve ja si ishte plani urbanistik në 2013, ja si është plani urbanistik në 2017. Ja si u zhvendos shtrati i Lanës. Ja si prishen shtëpitë e mbi 200 banorëve. Këto nuk janë sipas PD, këto janë të vërtetat mbi dokumentat zyrtare që mbajnë firmën e Edi Ramës dhe të Erion Veliajt.

Por po kështu të nxjerrin para shqiptarëve planin e detajuar vendor të nënshkruar nga Erion Veliaj që i hap rrugë ndërtimit të pallateve shumëkatëshe në pronën e tjetërsuar nga një trafikant i dënuar droge. Këto nuk janë hamendësime, nuk janë akuza, janë fakte zyrtare.

Pra ftesa ime sot është që media të bëjë pjesën e saj të detyrës. Pjesë e detyrës do të ishte edhe të investigonte këtë aferë por këtë e bëmë ne, e bëri PD. Të paktën tani që është në dritë të diellit të luajnë rolin e trye dhe të mos bëhen pjesë e mashtrimeve qeveritare dhe bashkiake port u tregojnë shqiptarëve se si është ndryshuar rrjedha e një lumi për të marrë përpara shtëpitë e 200 familjeve vetëm e vetëm që të mos cënohet prona e një trafikanti droge i cili ka paguar 1.5 milionë euro ministrisë së Arben Ahmetaj dhe i ka hapur rrugën prap me firmën e Erion Veliajt planit të detajuar vendor për të ndërtuar këtu një projekt i cili po kështu është publikuar nga ne.

Mesazhi i dytë që kam për sonte është ky. E dëgjuar sot se si Rama tha që po vazhdoi protesta do ta kap edhe atë. Kjo është mendësia e Edi Ramës. Siç kam kapur të gjitha tha. Kjo është mendësia e tij. Ka buxhetin, ka parlamentin, kap drejtësinë, kap prokurorinë, kap të gjithë institucionet e shtetit dhe mendon se kështu do të kapë edhe protestën e studentëve. Jam i sigurtë se studentët e kanë dëgjuar mirë. Jam i bindur se jo vetëm nuk janë të frikësuar por kanë nënqeshur sepse studentët e dinë fare mirë që nuk i kap as Edi Rama dhe askush.

Por kjo tregon mendësinë e Edi Ramës dhe mendësia e tij është se mund ti mbyllë këto afera duke kapur institucionet, duke kapur drejtësinë,, duke kapur median vetëm e vetëm që ti shërbejë planeve të tij me oligarkët dhe me krimin e organizuar. Mësimi i qendresës tek unaza e re është që nuk ia ka dalë dhe nuk do tia dalë.

Unaza e Re ia thyu hundët kësaj propaganda mashtruese, nxorri në pah këtë të vërtetë kriminale që tani e di gjithë bota dhe po e heton  dhe Amerika, po heton kompanitë fantazama që përfitojnë këtu tendera fantazëm për të transportuar paratë e Edi Ramës, Arben Ahmetajt, Damian Gjiknurit, në parajsa fiskale. Prandaj këta qytetarë kanë një meditë të jashtëzakonshme dhe të njëjtën merinë edhe më të madhe e kanë edhe studentët sepse me qendresën e tyre dhe me mënyrën se si iu përgjigjën propagandës së shpifur me monologje të Edi Ramës me monologje nëpër auditore, duke mos i lejuar ato të bëheshin monologje, ose duke i braktisur ose duke iu përgjigjur flakë për flakë, kanë treguar një të vërtetë të madhe.

Për 5 vite vegla më e keqe e sundimit në vend, kanë qenë mashtrimi, përçarja dhe propaganda. Që kur u ngritën dhe studentët, iu thyhen hundën për herë të dytë propagandës mashtruse të Edi Ramës, nuk ka më asnjë konsumaor në Shqipëri që ta hajë çorbën e propagandës së Edi Ramës.

Atij i kanë mbetur vetëm një grusht oligarkësh, një grusht kriminelësh dhe një grusht ministrash që me drejtësinë e reformuar i pret vetëm një fat, i pret burgu. Ndërkohë që qytetarët të vetëgjesuar dhe të inkurajuar nga suksesi i protestës tek unaza e re, të frymëzuar nga qendresa e fëmijëve të tyre, e studentëve, po ngrihen e po vazhdojnë të ngrihen kundër kostos më të lartë të jetës në vendin më të varfër të Europës. Kundër çmimit më të lartë të energjisë dhe të naftës si dhe mbi të gjitha kundër padrejtësisë.

Ky është refreni i këtij dhjetori. Kjo është kënga e lirisë që Unaza e nisi që në nëntor dhe ne jemi e do të jemi këtu me këta qytetarë që kjo këngë e lirisë të mos shuhet, as të mos zhurmohet nga boritë e propagandës së dalë boje por së bashku ti Shqipërisë dhe shqiptarëve zgjidhen që meriton. Një zgjidhje që kalon në pari duke i dhënë zgjidhje probelemeve të vërteta dhe të drejta të studentëve, çështje që e trajtova edhe paradite në konferencën për shtyp. Që duhet të trajtojë menjëherë këtë krim makabër që është kryer tek Unaza e Re duke anuluar menjëherë projektin, duke i hetuar të gjthë, duke i vënë para drejtësisë dhe duke i dëmshpërblyer këta banorë për stresin e jashtëzakonshëm dhe për dëmet materiale dhe morale që kanë përjetuar si rezultat i dhunës policore, fizike, kriminale dhe psiqike të ushtruar nga Edi Rama dhe për të bërë të mundur që paratë e taksave të shqiptarëve të shkojnë për shqiptarët, jo për oligarkët, jo për kriminelët.

Shumica janë shqiptarët e ndershëm dhe dhe Rama e ka humbur pësullën sepse e di që sot ai përfaqëson vetëm vetëveten dhe një grusht oligarkësh dhe kriminelësh të cilët mund dhe do të kenë vetëm një fat; të përballen me drejtësinë.

• Edi Rama nuk ka asnjë plan dhe vullnet për të realizuar asnjë nga kërkesat e studentëve. Paketa e tij është paketa e mashtrimit të studentëve dhe tregues i panikut dhe çoroditjes së Edi Ramës.

• Zgjidhja garantohet nga alternativa e PD: anullim i menjëhershëm i ligjit korruptiv për arsimin e lartë, dyfishim i buxhetit me 74 milionë usd plus.

• Me planin e PD, shteti paguan tarifën e plotë për studentët e familjeve me të ardhura nën 640 mijë lekë/muaj dhe paguan gjysmën e tarifës për studentët e familjeve me të ardhura nën 640 mijë lekë/muaj.

• Me planin e PD, 5 milion usd mbulojnë shpenzimet e jetesës për studentët që vijnë nga familje shumë të varfra.

• Me planin e PD, 32 milionë usd investohen në infrastrukturën konviktore dhe akademike të universiteteve publike shqiptare.

• Edi Rama i ka mundësitë ta dyfishojë buxhetin për arsimin e lartë, por ai nuk do që studentët të marrin 75 milionë usd plus. Rama ka vendosur të paguajë 105 milionë usd për koncesionet e klientëve të tij.

• Zgjidhja nuk mund të jetë një zgjidhje matematike, por duhet të jetë një zgjidhje politike. Edi Rama nuk qeveris më, por vetëm grabit, mashtron dhe menaxhon krizën me propagandë, përçarje e shitblerje.

• Vendi ka nevojë për një pakt të ri kombëtar zhvillimi, por hapi i parë i domosdoshëm duhet të jetë: Largimi një orë e më parë i kësaj bande kusarësh që të vjedh natën e të mashtron ditën.

DEKLARATA E PLOTË E KRYETART TË PARTISË DEMOKRATIKE, LULZIM BASHA

Përshëndetje!

Mirë se keni ardhur përfaqësues të medias, operatorë dhe gazetarë!

Të dashur bashkëqytetarë!

Para pak minutash mbaroi viti qeveritar, ashtu siç nisi, me mashtrime dhe me premtime të pambajtura. Pas panikut total që e ka mbërthyer, Edi Rama po përpiqet të mashtrojë studentët dhe opinionin publik me të ashtuquajturin pakt për universitetin, kur, në fakt është e qartë: nga goja e tij kanë dalë fare qartë gënjeshtrat dhe mufkat që tregojnë se ai në të vërtetë nuk ka asnjë plan dhe asnjë vullnet për të realizuar asnjë nga kërkesat e studentëve.

Ta marrim çështjen e kostos së studimeve. Çikërrimat dhe mashtrimet me të cilat doli sot, të cilat janë riciklimet e atyre që ka thënë gjatë këtyre ditëve, nuk zgjidhin asnjë nga problemet e vërteta, të thella, financiare me të cilat përballet studentët dhe prindërit e tyre.
Konviktet tha do të mbarojnë deri në fund të mandatit. Natyrisht, konviktet nuk janë Unaza, nuk ka as DH e as Biba X tek konviktet, kështu që deri në fund të mandatit, se Unaza duhej bërë akoma pa marrë lejen e ndërtimit, duhej të prisheshin shtëpitë e qytetarëve, ndërsa për konviktet do të duhet të presim deri në fund të mandatit. I vetmi rast kur mund ta realizojë këtë premtim është, në qoftë se mandatin e tij populli e terminon brenda këtij gjashtëmujori, kjo po që do të ishte zgjidhje.

VKM-ja për bibliotekat. Asnjë nga zgjidhjet që kanë kërkuar studentët. Përfaqësimi i studentëve në bordet e administrimit: asnjë nga zgjidhjet që kanë kërkuar studentët. Paketa është një mashtrim, një mashtrim i plotë, por më shumë se mashtrim është shenjë e çoroditjes totale dhe e panikut që e ka kapur Edi Ramën.

Tani të vijmë pak tek rrugët e daljes nga kjo gjendje. I parashtrova në Kuvend dhe dua t’i parashtroj edhe njëherë para studentëve dhe para shqiptarëve rrugët e daljes nga ky kolaps ku gjendet sot arsimi.

Ka dy rrugëdalje.

E para është anulimi i menjëhershëm dhe i plotë i Ligjit korruptiv Për Arsimin e Lartë, që është zanafilla e të keqes. Këtu zuri fill e keqja. Ligji i Arsimit të Lartë që kaloi, përpos kundërshtimit të plotë nga pedagogët, nga studentët, natyrisht edhe nga Partia Demokratike, është gur themeli mbi të cilën qëndron kjo godinë korruptive, ku nga njëra anë, shqiptarët, prindërit e studentëve taksohen dhe nga taksat e tyre nuk jepen mjaftueshëm fonde për universitetet dhe nga ana tjetër tarifat sa vijnë e rriten. Pra, shqiptarët vidhen dyfish, por prapëseprapë nuk ka asnjë përmirësim në cilësinë e mësimdhënies.

Drama e arsimit të lartë në Shqipëri është kjo: Kemi sot arsimin e lartë më të shtrenjtë në Evropë – pra, shqiptarët paguajnë sot më shumë para për arsimin e lartë se çdo vend tjetër evropian – dhe ka cilësinë më të dobët në Evropë, një nga cilësitë më të dobëta në botë.

Pra, hapi i parë është anulimi i këtij ligji dhe hartimi, në konsultim të plotë me studentët, me pedagogët, me të gjithë shoqërinë, i një ligji modern për arsimin e lartë, ku të mishërohen parimet e arsimit të lartë në Evropë, diçka që ne, Partia Demokratike, e ka propozuar, diçka për të cilën kam folur shumë herë. Shumë prej njerëzve më të shquar, me të cilët Shqipëria sot mburret në Evropë janë produkt i standardeve evropiane të arsimit, nuk ka rrugë tjetër përveçse t’i sjellim këto standarde edhe në Shqipëri. Kjo do të thotë në radhë të parë demokratizim, dhe jo centralizim, siç bëri Ligji i Arsimit të Lartë i vitit 2015.

Demokratizim do të thotë më shumë autonomi në vendimmarrje për universitetet dhe një rol më të madh për pedagogët dhe studentët. Absolutisht qeveria do të ketë rolin e saj, të mbikqyrjes së fondeve publike, të fondeve të taksapaguesve shqiptarë, por ky nuk do të jetë një rol vendimmarrës në bordet e universiteteve. Do të thotë një rikonceptim i mënyrës sesi do të rritet cilësia e mësimdhënies në universitete, sepse thjesht dhe vetëm rritja e mbështetjes financiare nuk do të çojë automatikisht në përmirësim të cilësisë së mësimdhënies. Kjo do të thotë padyshim investim në infrastrukturën konviktore dhe akademike. Pra, konviktet, kushtet e studentëve në tërësi, sepse një pjesë e studentëve nuk rrinë në konvikte, rrinë me qira, por ata nuk mund të jenë jashtë vëmendjes.

Çështja e mbështetjes së studentëve që vijnë nga familje pa mundësi ekonomike, kjo është çështja e parë dhe natyrisht çështja e mbështetjes së infrastrukturës akademike që sot është në ditën e saj më të zezë krahasuar me çdo infrastrukturë akademike në vendet e rajonit, përfshi Bosnjë, Kosovë, Maqedoni. Bibliotekat, auditorët, mbështetja me teknologjinë e informacionit dhe natyrisht cilësia e mësimdhënies, cilësia e pedagogëve dhe rankimi i universiteteve. Të gjitha këto janë kolonat për projektin e një ligji të ri arsimin e lartë të cilën ne si Parti Demokratike do ta konsultojmë me pedagogët, me studentët në javët e para, në muajin e parë të vitit të ardhshëm.

Shtylla e dytë është dyfishimi i buxhetit për arsimin e lartë.

Edi Rama ka folur sot 45 minuta dhe ka premtuar lloj-lloj gjërash, gënjeshtra. Por nuk iu thotë shqiptarëve një gjë të thjeshtë, që totali i buxhetit për arsimin e lartë, i miratuar me votat e tij dhe të qeverisë së tij është rritur vetëm me afërsisht 2 milionë dollarë.

Çfarë do të zgjidhë ai me 2 milionë dollarë?
Çfarë tarifash do të përgjysmojë ai me 2 milionë dollarë?
Cilëve studentë do t’u vijë në ndihmë Shqipëria me 2 milionë dollarë?

Propozimi ynë është i qartë dhe i thjeshtë: dyfishim i buxhetit për arsimin e lartë. Aktualisht kjo do të thotë një vlerë prej afërsisht 74 milionë dollarë më shumë se sa ato që janë planifikuar.

74 milionë dollarë më shumë të cilat do të shpenzohen në dy drejtime:

Së pari, për të subvencionuar tarifat e studentëve dhe për të mbështetur përmes subvencionit social ata studentët, prindërit e të cilëve nuk kanë asnjë mundësi ekonomike që të paguajnë as shumën më të vogël për jetesën e tyre, qoftë kjo qira, ushqim, veshmbathje, libra, transport, telefon apo shpenzime të tjera të jetës së përditshme. Nuk dua të ndalem gjatë sesa i kushton një student një familjeje shqiptare, kemi mundësinë t’i rikthehemi kësaj çështje, e diskutova gjatë mbajtjes së qëndrimit tonë në parlament dhe amendamenteve, propozimeve që sollëm në parlament. Por dua t’ju them se për shumicën dërrmuese të studentëve nuk ka zgjidhje tjetër përveçse subvencionimit të plotë të tarifës. Pra, që prindërit dhe studentë të mos paguajnë as tarifën e Bachelor, as tarifën e Masterit, nëse vijnë nga familje me të ardhura nën 640 mijë lekë të vjetra në muaj.

Për familjet me të ardhura mbi 640 mijë lekë të ardhura në muaj, përgjysmim i tarifave për Bachelor dhe për Master. Tarifa totale e këtij propozimi të Partisë Demokratike e zbatua me numrin aktual të studentëve në universitetet publike dhe e projektuar sipas të ardhurave që ka matur censusi dhe INSTAT-i, fatura totale që të mbulohen që të gjitha familjet nën 640 mijë lekë të vjetra të ardhura në muaj, të paguajnë zero tarifa dhe familjet me të ardhura mbi 640 mijë lekë të vjetra të në muaj të paguajnë vetëm gjysmën e tarfiës, efekti total është 38 milionë dollarë.

Në propozimin tonë, në planin tonë për ndryshimin e buxhetit për arsimin e lartë mbeten afro 37 milionë të tjerë, për të cilat ne kemi propozuar që 5 milionë të ndahen në familje me vështirësi ekstreme ekonomike; në këtë rast përveç subvencionimit të tarifës këta studentë do të mbështetën me një subvencion të drejtpërdrejtë prej afro 2200 dollarësh në vit, para të cilat janë llogaritur duke patur parasysh koston e konviktit, qiranë e shtëpisë, nëse janë më shtëpi në qira, me një kosto minimale prej 6 mijë lekësh të vjetra në ditë për ushqimin dhe kosto të tjera që kanë të bëjnë me koston e librave, abonesë, telefonit, etj.

Pjesa tjetër e parave, 32 milionë dollarë do të investohen në infrastrukturën konviktore dhe akademike të universiteteve publike shqiptare.

Ky është propozimi ynë, plotësisht i arritshëm.

Le të shikojmë se ku janë këto para në buxhetin e vitit të ardhshëm.

Edi Rama ka ndarë 18 milionë dollarë për rikonstruksione, për pajisje zyrash, për orendi, për blerje makinash. Ka rritur me 21 milionë dollarë shpenzimet operative të udhëtimit, të hoteleve, të biletave jashtë shtetit. Ka ndarë 12 milionë dollarë për skandalin tek Unaza e Re. Ka ndarë 21 milionë dollarë për Klodian Zoton dhe Klodianin tjetër, dy prestanomet e Arben Ahmetajt në aferën e tre incenaratorëve të Tiranës, të Elbasanit dhe të Fierit.

Ka ndarë 33 milionë dollar për Vilma Nushin, Ilir Rrapaj dhe Jani Karathanon për 3 PPP-të korruptive në shëndetësi. Po ti mbledhim të gjitha këto bashkë, janë 105 milionë dollar që Edi Rama nuk I çon për studentët, por i çon për 7 apo 8 projekte korruptive të kontrolluara nga 3-4 njerëz të lidhur drejtpërdrejtë me të dhe me ministrat e tij të korruptuar, siç është Arben Ahmetaj.

Nuk po futemi këtu në shpenzimet e planifikuara për PPP-të e këtij viti. Po qëndrojmë vetëm tek këto shpenzime: 150 milionë dollarë, janë 30 milionë dollar më shumë se sa ç‘duhet për të dyfishuar buxhetin për Arsimin e lartë.

Janë 30 milionë dollarë më shumë sesa duhet që gjithë familjet me të ardhura nën 640 mijë lek të vjetra në muaj, mos të paguajnë më asnjë lek për tarfiat e fëmijëve të tyre në Universitet. Dalin e teprojnë, që për afro 5 mijë studentë që vijnë nga familje në nevojë ekstreme ekonomike, shteti të disbursojë 2 milionë e 200 mijë lek të vjetra në vit për t’u paguar qiranë dhe ushqimin.

Mjaftojnë për të përgjysmuar tarifën e studentëve për të gjithë ata që vijnë për familje me të ardhura mbi 640 mijë lek të vjetra në muaj.

Mjaftojnë për një fond prej 32 milionë dollarësh për konvikte, për biblioteka, për auditore, për të bërë më në fund rankimin e famshëm që edhe shqiptarët ta dinë se ku qëndrojnë universitetet shqiptare në krahasim me njëri-tjetrin në cilësinë e mësimdhënies dhe të vendosin ku ti çojnë fëmijët e tyre.

Dua ta përsëris qartë dhe shkoqur: Buxheti i 2019-ës i ka këto mundësi, por Edi Rama këto para nuk do që t’i çojë për studentët. Nuk do që t’i çojë për universitetet.

Do t’i çojë, e përsëris:

• 18 milionë dollarë shpenzime luksi qeveritare.
• 21 milionë dollarë më shumë shpenzime operative – më shumë karburant, më shumë dhoma hoteli, më shumë udhëtime me avion. 21 milionë dollar më shumë sesa sivjet!
• 12 milionë dollarë vetëm për korrupsionin tek Unaza e re.
• 21 milionë dollar vetëm për Arben Ahmetajn dhe inceneratorët e tij në Tiranë, Elbasan dhe Fier.
• 33 milionë dollar për Vilma Nushin, Ilir Rrapaj dhe Jani Karathano.

Këto janë prioritetet e Edi Ramës. Mbushja e xhepave të këtyre njerëzve, mbushja e xhepave të vet dhe të ministrave të vet, janë arsyeja pse Edi Rama, paratë e taksapaguesve shqiptarë, paratë e prindërve shqiptarë, në vend që t’i për Universitetet dhe studentët i vjedh dhe i zhvat me këto projekte korruptive.

Është e qartë se degjenerimi I sistemit arsimor është pasojë e degjenerimit të qeverisjes. Po të kishim një qeveri të përgjegjshme, po të kishim kontrollin dhe balancën e pushteteve, pot ë kishim një drejtësi funksionale, as Edi Rama, as kabineti i tij i korruptuar, nuk do të arrinin dot të bënin këtë gjëmë të madhe: të çonin 105 milionë dollarë në xhepat e pak vetave, ndërkohë që studentët kanë një muaj që protestojnë për kushte më të mira dhe për një arsim cilësor e modern. Akoma më keq. Nuk do të kishte mundësinë të gënjente kaq ashiqare, në dritën e ditës siç gënjeu sot.

Pra, është e qartë se zgjidhja nuk është dhe nuk mund të jetë thjesht një zgjidhje matematike, një përmirësim matematik i buxhetit për të cilin ju faktova se është plotësisht i mundur.

Është dhe duhet të jetë një zgjidhje politike.

Edi Rama dhe qeveria e tij, nuk qeverisin më. Ata vetëm grabisin, mashtrojnë dhe menaxhojnë krizën dhe pakënaqësinë popullore përmes propagandës, përçarjes dhe shitblerjes të çdo faktori që mund të ndihmojë në përçarje dhe në propagandën qeveritare.

Ndaj detyra jonë kryesore si opozitë është jo vetëm t’u tregojmë shqiptarëve fare qartë sesi vidhen paratë që mund të ndihmonin arsimin e lartë, por, po kështu, edhe rrugën që këto para mos të vidhen më, që kjo vjedhje të ndalë dhe taksat e shqiptarëve të shkojnë realisht aty ku ka më shumë nevojë vendi, aty ku kanë nevojë më shumë qytetarët: tek arsimi, tek pensionet, tek ndihma sociale, tek shëndetësia, tek ulja e taksave, tek ulja e çmimit të naftës dhe energjisë më të lartat në rajon. Pra, tek një pakt i ri kombëtar zhvillimi dhe për këtë padyshim hapi i parë dhe i domosdoshëm është dhe duhet të jetë: Largimi një orë e më parë i kësaj bande kusarësh që të vjedh natën e të mashtron ditën.

Faleminderit!

• Ministrja e Shëndetësisë bën propagandë me fatkeqësinë e shqiptarëve.

• Shëndetësia sot është në gjendjen më skandaloze ku humbin jetën foshnja dhe nëna 

BARDH SPAHIA, DEPUTET I PARTISË DEMOKRATIKE, DEKLARATË PËR MEDIA

Jam këtu sot për të denoncuar me forcë mashtrimet e rradhës së Ministres së Shëndetësisë të qeverisë Rama, e cila me paturpësinë dhe papërgjegjshmërinë më të madhe për gjendjen skandaloze të institucioneve shëndetësore, përgjegjëse për jetën e nënave dhe fëmijëve shqiptarë, zgjedh t’i përgjigjet me një propagandë shterpë, boshe tipike të rilindjes së famshme.

Një vit më parë nqse  e mbani mend, denoncova me forcë një rast të tmerrshëm të ndodhur në institucionet e drejtuara nga kjo Ministre ku në 10 ditë, 10 foshnje të posalindura, 10 nëna gjetën vdekjen në kushte dhe rrethana akoma misterioze.

Gjendja sot nuk ndryshon aspak nga një vit më parë ku kemi një përkeqësim të situatës përsa i përket aparaturave, gjendjes së strukturave ku nënat dhe fëmija duhet të marrin shërbimin, dhe në papërgjegjshmëri të plotë, kemi deklarata mashtruese, të papërgjegjshme nga Ministria e Shëndetësisë.

Edhe një herë dua të thërras në vëmendjen tuaj denoncimin e tmerrshëm që bëmë ekzaktësisht një vit më parë, për situatën  katastrofë ku gjenden strukturat përgjegjëse për jetën e nënës dhe fëmijës, për humbjen e jetës së nënave shqiptare.

Në atë kohë me papërgjegjshmëri totale dhe kriminale tentuan nga strukturat e Ministrisë së shëndetësisë për të mbuluar këtë fakt, u intimiduan mjekët shqiptarë, për të mbyllur gojën, për të mos denoncuar dhe e gjitha u la në harresë.

Vetëm pak ditë më parë, një investigim i BIRN, konfirmon akuzat të kësaj situate katastrofale ku ndodhen institucionet shqiptare.

Ministria zgjedhë të bëjë propagandë boshe, mashtruese për qytetarët shqiptarë.

Me papërgjegjshmëri të plotë, duke harruar se këtu kemi të bëjmë me jetën e fëmijëve shqiptarë, nenave shqiptare.

U bëj thirrje të marrin  masa urgjente!

• Skandali i projektit rezidencial 60 milionë euro pranë Unazës së Madhe përfshin jo vetëm Erion Veliajn, por edhe Ministrin e Financave Arben Ahmetaj.

• Ndryshe nga sa mashtron Ahmetaj, dokumentat zyrtare provojnë se shitja është kryer për llogari të mikut trafikant droge të Taulant Ballës.

• Edmond Bego është personi që ka paguar rreth 1.5 milionë euro në llogarinë e Ministrisë së Financave për privatizimin, të ndarë në 4 këste, nga muaji nëntor 2015 deri në mars 2016.

JORIDA TABAKU, DEPUTETE E PARTISË DEMOKRATIKE

Skandali i projektit rezidencial 60 milionë euro pranë Unazës së Madhe përfshin jo vetëm Kryetarin e Bashkisë së Tiranës, Erion Veliaj, por edhe Ministrin e Financave Arben Ahmetaj.

Të dy këta i bashkon mashtrimi në mënyrë të pacipë se nuk kanë lidhje me projektin.

I pari, Erion Veliaj mashtroi, kur deklaroi se projekti nuk ekziston dhe se nuk ka leje ndërtimi për të. Ne kemi paraqitur dokumentat zyrtarë se projekti 60 milionë euro i trafikantit ndërkombëtar të drogës e ka kaluar fazën e parë të miratimit për leje ndërtimi. Tani leja është vetëm një formalitet.

Erion Veliaj është përgjegjës me firmën e tij për ndryshimin e planit urbanistik të Tiranës. Sipas planit të 2013-ës, lumi Lanë zinte një sipërfaqe të konsiderueshme të tokës, ku Bego ka planifikuar të ndërtojë. Por plani u ndryshua në 2017-ën, pasi Bego kishte lidhur kontratë për ndërtimin e projektit 60 milionë euro.

Me firmën e Erion Veliajt dhe të Edi Ramës, Plani ndryshoi dhe Lumi Lanë u zhvendos duke mos prekur asnjë centimëtr nga toka ku do të ndërtojë trafikanti i drogës, miku i Taulant Ballës.

Gjatë gjithë këtyre ditëve, Erion Veliaj që flet për gjithçka, nuk u ka shpjeguar shqiptarëve pse e ndryshoi projektin e Lanës për llogari të projektit 60 milionë euro të Edmond Begos. Kush fshihet pas trafikantit ndërkombëtar të drogës, i cili ka deklaruar publikisht se nuk disponon 60 milionë euro.

Këto pyetjeve duhet t’u japë përgjigje edhe Ministri I Financave Arben Ahmetaj. Ai është personi i dytë kyç në këtë aferë.

Arben Ahmetaj, mashtroi qytetarët, kur tha se ministria e drejtuar prej tij nuk ka patur asnjë lidhje me Edmond Begon gjatë procesit të privatizimit të zonës, ku i dënuari me 21 vjet burg për trafik droge do të ndërtojë projektin rezidencial 60 milionë euro.

Ndryshe nga sa mashtron Arben Ahmetaj, dokumentat zyrtare provojnë se shitja është kryer për llogari të mikut trafikant droge të Taulant Ballës.  

INA ZHUPA, ZËDHËNËSE E PARTISË DEMOKRATIKE

Afera e projektit 60 milionë euro pranë Unazës së Madhe me ndërtues trafikantin e drogës Edmond Bego, e ka pikënisjen tek Ministria e Arben Ahmetajt.

Përveç përmbylljes në një kohë rekord të privatizimit dhe shitjes së ish serave pranë Unazës së Madhe, ministria e Arben Ahmetajt ka patur marrëdhënie direkte financiare me Edmond Begon për këtë pronë.

Sot do të zbulojmë dokumentat zyrtarë që nxjerrin mashtrues Ministrin e Financave dhe përgënjeshtrojnë deklaratën e tij se nuk e ka kryer privatizimin dhe shitjen në shërbim të Mond Begos dhe se nuk ka asnjë fakt që e lidhin atë me procedurat e privatizimit.

Faktet ndodhen në dosjen e privatizimit.

Edmond Bego është përsoni që ka paguar rreth 1.5 milionë euro në llogarinë e Ministrisë së Financave, të ndarë në 4 këste, nga muaji nëntor 2015 deri në mars 2016.

Pagesat janë bërë nga kompania Inerte Ekspres, në pronësi 100 përqind të Edmond Begos.

Faturat bankare që kanë dalë në ekran janë dokumenti zytar që provojnë mashtrimin e Ministrit të Financave, Arben Ahmetaj.

4 pagesat për llogari të Ministrisë së Financave mbajnë datat, njëra në 13 nëntor 2015, me vlerë 121 milionë lekë. 3 të tjerat janë paguar brenda të njëjtës ditë, më  11 Mars 2016.

Vetëm pas këtyre pagesave nga Edmond Bego, Ministria e Financave ka lidhur kontratën për privatizimin e rreth 31 mijë metrave katrorë tek ish Serat, pranë Unazës së madhe.

Me pagesën e 1.5 milionë eurove për Ministrinë e Arben Ahmetajt nga Edmond Bego, të gjithë e dimë si vijoi historia.

• Plani Urbanistik I Tiranës u ndryshua me firmën e Edi Ramës dhe Erion Veliajt,
• Projekti për Lumin e Lanës u ndryshua që të mos prekë tokën ku do të ndërtojë trafikanti i drogës
• Bashkia e Tiranës ka miratuar fazën e parë të miratimit për lejen e ndërtimit.

Projekti rezidencial 60 milionë euro pranë Unazës së Madhe dhe projekti korruptiv 40 milion euro për zgjerimin e Unazës së Madhe janë modeli më i qartë se nën drejtimin e Edi Ramës dhe Erion Veliajt, Tirana është shndërruar në lavatriçen më të madhe në Ballkan për pastrimin e parave të pista.

Të rinjtë e Partisë Demokratike u inkurajuan nga politikanë të lartë gjermanë që të ngrenë zërin dhe të marrin në dorë fatin e tyre për të ndryshuar Shqipërinë. Në Akademinë Politike 2018 me pjesëmarrjen e 120 studentëve nga i gjithë vendi, anëtari i Bundestagut, Andreas Lammel, e konsideroi Partinë Demokratike si alternativën që i duhet Shqipërisë për përparimin e saj.

“Qeveria zgjidhet që të zhvillojë vendin, ta çojë atë përpara dhe në shërbim të qytetarëve, por qeveria e tanishme nuk e ka kuptuar këtë. Nëse doni të merrni fatin në dorë, punoni për të mundësuar që ju të qeverisni, sepse kohët janë të mira për opozitën. Për fat të keq, PD është akoma në opozitë, por vitin tjetër kjo mund të ndryshojë me zgjedhjet lokale” – tha deputeti gjerman i CDU-së, Andreas Lammel në Akademinë Politike 2018 të FRPD.

Christian Kremmer, përfaqësues i Partisë Popullore Europiane, ishte shumë konkret, kur renditi problemet reale me të cilat përballet rinia në Shqipëri.

“Ne e dimë se situata është keq dhe akoma më keq për të rinjtë.  1/3 nuk gjejnë punë në Shqipëri, shume të tjerë largohen nga vendi. Të dashur miq, po luhet me të ardhmen tuaj! Mos lejoni që ky vend të trajtohet si pronë private e disa pakicave!” – tha zëvendës Sekretari i Përgjithshëm i PPE.

Christian Kremmer vuri në dukje nevojën urgjente të Shipërisë për vetingun në politikë, për një alternativë të re politike, për ndarjen reale të pushteteve dhe për një drejtësi funksionale.

“Me lejoni të them qartë: pa ndarjen e pushteteve dhe drejtësi të pavarur nuk ka liri dhe demokraci funksionale. Korrupsioni dhe lidhjet midis krimit të organizuar dhe politikës janë vjedhje ndaj qytetarëve. Korrupsioni pengon investimet dhe krijimin e vendeve të reja të punës. Prandaj, në rastin e Shqipërisë është logjike që vettingu të bëhet jo vetëm në drejtësi, por edhe për personat përgjegjës në politikë. “- u shpreh Christian Kremmer i PPE.

Akademia Politike 2018 u organizua nga FRPD me mbështetjen e fondacionit Konrad Adenauer dhe të PD. Përveç politikanëve gjermanë, me të rinjtë demokratë biseduan Kryetari i PD, Lulzim Basha, ish Kryeministri Sali Berisha. Çështjet kryesore të trajtuara në Akademimë Politike 2018 kishin të bënin me ekonominë, zgjedhjet, mediat, diplomacinë dhe rëndësinë e një elite të re politike të pakorruptuar dhe të painkriminuar. Për studentët pjesëmarrës u shpërndanë çertifikata nga drejtori i fondacionit Konrad Adenauer për Shqiperinë, Walter Glos dhe Kryetari i FRPD Belind Këlliçi.

INA ZHUPA, ZËDHËNËSE E PARTISË DEMOKRATIKE

Partia Demokratike publikoi dy ditë më parë dokumenta zyrtarë që faktojnë se me firmat e Edi Ramës dhe Erion Veliajt është ndryshuar Plani Urbanistik i Tiranës dhe është devijuar rrjedha e Lumit të Lanës për të favorizuar projektin 60 milionë euro për ndërtimin e pallateve të trafikantit ndërkombëtar të drogës, Edmond Bego.

Edi Rama dhe Erion Veliaj flasin për çdo gjë, por nuk u japin përgjigje disa pyetjeve të thjeshta.
·        Pse u ndryshua Plani Urbanistik i Tiranës dhe pse u devijua Lumi I Lanës në zonën ku planifikon të ndërtojë Edmond Bego?

·        A ka aplikuar Edmond Bego për leje ndërtimi me projektin e hartuar nga kompania italiane MISALAB?

·        A do të prishen banesat e 200 familjeve për t’i hapur rrugë ndërtimit të pallateve nga Edmond Bega?

·        Paratë e kujt do të investohen në projektin që ndryshoi rrjedhën e Lanës.

Erion Veliaj, në panik për të fshehur të vërtetën me mashtrime, e rëndoi edhe më shumë pozitën e tij, duke mohuar projektin luksoz 60 milionë euro.

Sot do t’ju provojmë me dokumenta zyrtarë se Erion Veliaj ka mashtruar dhe se bashkia e tij e ka miratuar fazën e parë të pajisjes me leje ndërtimi për këtë projekt.

Materiali video është autentik, i marrë nga sistemi elektronik i Agjencisë Kombëtare të Planifikimit të Territorit.

Në sistem prona që detyroi Edi Ramën dhe Erion Veliajn të ndryshojnë Planin Urbanistik të Tiranës dhe projektin për Lumin Lanë pranë zonës së Unazës së Re rezulton se ka kaluar fazën e parë të pajisjes me leje ndërtimi.

Pas miratimit të fazës së parë, pajisja me leje ndërtimi e projektit 60 milionë euro që devijoi lumen e Lanës është vetëm formalitet. Erion Veliaj nuk mund ta mbulojë këtë të vërtetë me asnjë mashtrim, propagandë apo me blerje mediash.

Sistemi nxjerr zbuluar mashtrimin e Erion Veliajt se gjoja në atë truall nuk ka asnjë projekt për ndërtim pallatesh.  Kjo është arsyeja e vërtetë pse ai hesht dhe nuk u shpjegon qytetarëve të Tiranës pse ai ndryshoi Planin Urbanistik të Tiranës dhe rrjedhën e Lumit Lana.

GAZMENT BARDHI, KËSHILLTAR LIGJOR I PD

Ndryshimi i Lumit të Lanës për të favorizuar një projekt rezidencial luksoz 60 milionë euro, nuk është afera e vetme e Erion Veliajt në krye të Bashkisë së Tiranës.

Në 3 vjet ai ka ndryshuar strukturën e të gjithë qytetit që t’i përshtatet projektit politik të Edi Ramës: shndërrimin e Tiranës në një lavatriçe të pastrimit të parave të pista.

E nisi karrierën si kryetar bashkie me projektin mafioz të plehrave, që i mori jetën 17 vjeçarit Ardit Gjoklaj, krim ky ende i pazbardhur. Një drejtësi e pavarur do të zbulonte se në këtë projekt janë përfshirë individë të lidhur me familjen e Erion Veliajt.

Në 3 vjet, lavatriçja e pastrimit të parave ka punuar me lejet e ndërtimit të firmosur nga Erion Veliaj për të zhdukur trashëgiminë e qytetit dhe për ta zëvendësuar atë me kulla.

Kullë 40 kate tek ETC-ja, kullë 30 kate pas Hotel Tiranës, kullë 21 kate pas Sahatit, kullë 28 kate, Syri i Tiranës në qendër të kryeqytetit, kullë prapa Presidencës, kullë në ish bllok, kulla tek parku i Liqenit, kullë tek hotel Dajti, kullë 24 kate tek ish Muzeu i Shkencave të Natyrës.

Siç mashtroi qytetarët e Tiranës se gjatë mandatit të tij do të kishte zero ndërtime në kryeqytetet, njësoj po mashtron edhe sot Erion Veliaj se nuk ekziston projekti 60 milionë euro.  i cili e detyroi Kryetarin e Bashkisë së Tiranës të ndryshojë Planin Urbanistik dhe projektin për Lumin e Lanës.

Mashtrimi, propaganda dhe presioni ndaj mediave nuk e mbulojnë dot të vërtetën se Plani Urbanistik i Tiranës dhe Projekti i Lanës u ndryshua me firmat e çiftit më të korruptuar të politikanëve në Europë, Edi Rama dhe Erion Veliaj.

Kohës së përdorimit të kryeqytetit si lavatriçe e pastrimit të parave të pista po i vjen fundi!