Blog

• Edi Rama po e mban të kyçur në sirtarët e Prokurorisë provën që çon në burg Vangjush Dakon, dosjen “339”.

• Vangjush Dako autor i masakrës elektorale në qarkun e Durrësit, në bashkëpunim me bandat.

• Vangjush Dako duhet të arrestohet pa vonesë. Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

ALBANA VOKSHI, DEPUTETE E PARTISË DEMOKRATIKE

Dosja  “339” që Edi Rama po e mban te kyçur në sirtarët e Prokurorisë është prova që çon në burg Vangjush Dakon si autor i masakrës elektorale në qarkun e Durrësit, në bashkëpunim me bandat.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës.

Dosja “339-a” është faktimi i asaj  që panë  vëzhguesit ndërkombëtarë të zgjedhjeve, kur raportuan se vota në Shqipëri u ble, se qytetarët nuk votuan të lirë dhe votuesit u kërcënuan dhe u shtrënguan nga bandat, siç është rasti i Durrësit.

Faktet e krimit elektoral të Vangjush Dakos janë të qarta dhe për këtë krim ai duhet të jetë në burg!

Vangjush Dako duhet të arrestohet pa vonesë.

Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Dosja “339” vërteton pa asnjë dyshim më :

• Se Zgjedhjet e 2017-ës u blenë bashkë me krimin,
• 10-15 deputetë u blenë nga krimi,
• Se ky Parlament është i paligjshëm dhe
• se Edi Rama është një kryeninistër i paligjshëm dhe provat për këtë Prokuroria i ka në dosjen “339”!

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës!

Me besimin se Gjermania duhet të jetë partneri strategjik ekonomik i Shqipërisë, Partia Demokratike ka nisur hartimin e programit të saj ekonomik, në bashkëpunim me ekspertët germanë të partisë qeverisëse CDU në Gjermani. I pari që ka mbërritur në Tiranë nga Berlini është dr.Martin Henze, Kryetar I Komisionit të Transportit në Këshillin Ekonomik të CDU-së. Në tryezën për programin ekonomik, me fokus tek çështjet e infrastrukturës, energjisë dhe dixhitalizimit, të zhvillohuar në selinë e Partisë Demokratike, kreu i opozitës Lulzim Basha u shpreh CDU ka tek PD një partner të besueshëm dhe të vendosur, që I qëndron parimeve të demokracisë, shtetit ligjor dhe konkurencës së lirë. “Ditën e parë që do të marrim besimin për të qeverisur vendin, do ta përdorim këtë dorë që na shtrihet nga Gjermania mike për të nisur sa më parë transformimin e vendit, për t’i dhënë Shqipërisë zhvillimin dhe shqiptarëve shpresën”- u shpreh Basha.

Kreu i opozitës tha gjatë tryezës ekonomike të realizuar nga PD, në bashkëpunim me CDU se PD është e gatshme që, në një moment të tillë krize kaq të madhe, t’u japë shqqiptarëve shpresën, besimin, rrugën e daljes nga kjo gjendje. Basha vuri në dukje se Shqipërisë I duhet një përmbysje totale e gjendjes në vend, në mënyrë që Gjermania të investojë këtu dhe të hapë vende punë.

“Së pari duhet të garantojmë shtetin e së drejtës. Asnjë investitor serioz nuk mund të japë paratë e veta në një vend ku nuk ka zbatim të ligjit, ku ligji është një copë letër pa vlerë për qeverinë, ku rregullat nuk zbatohen njësoj dhe lidhja me krimin ka shkatërruar dhe kapur institucionet kryesore të vendit. Rikthimi i vendit nën sundimin e ligjit do të thotë bërja sa më shptej funksionale e Gjykatës Kushteteuse, do të thotë një drejtësi penale dhe civile funksionale, që ndëshkon dhe nuk mbron politikanët e korruptuar dhe të lidhur me krimin, garanton të drejtat e liritë e qyterarëve, duke përfshirë të drejtat e pronës së tyre dhe të bizneseve.” – u shpreh Basha.

Gjatë tryezës për programin e ekonomisë së PD, në bashkëpunim me partnerët gjermanë të CDU-së, kreu i opozitës vuri në dukje se Shqipëria është e izoluar nga investimet e mëdha perëndimore. Ai tha se hapi i dytë do të jetë kthimi i Shqipërisë në një vend atraktiv për investimet. “Shqipëria është i vetmi vend në Ballkan që, në 6 vjet, nuk ka investim serioz perëndimor. Dy investimet e fundit perëndimore TAP-i dhe “Devolli” u kontraktuan gjatë qeverisjes së PD dhe, me mbylljen e tyre, mijëra njerëz do të gjenden pa punë”-tha Basha.

Kreu i opozitës u shoreh optimist se me ndihmën e partnerëve gjermanë dhe duke fituar betejën për demokracinë dhe shtetin ligjor, në Shqipëri do të kthehet shpresa dhe vendi do të zhvillohet.

“Ne kemi një plan dhe vendosmërinë për ta zbatuar atë deri në fund. Ne kemi partnerë të çmuar që nuk e kanë humbur shresën, që kanë ditur të shndërrojnë gërmadha ekonomike si Gjermania Lindore, në modele të shkëlqyera të zhvillimit ekonomik dhe konkurrencës”. – u shpreh Basha.

Në takimin e punës me dr. Martin Henze, një nga zërat më të rëndësishëm të politikave ekonomike të Gjermanisë, kreu i opozitës Lulzim Basha tha se për Partinë Demokratike është shumë i rëndësishëm vazhdimi i bashkëpunimit me CDU për të konkretizuar planin ekonomik, i cili është i qartë dhe i thjeshtë për t’u zbatuar.

• Përmirësimi i klimës së biznesit do të nisë me thjeshtimin fiskal, taksën e sheshtë 9 %
• Çlirimin total të biznesit të vogël e të mesëm nga tmerri i arrogancës dhe arbitraritetit tatimor.
• Sigurimi i konkurences se lirë e të barabartë në Shqipëri, duke i dhënë fund politikave klientelsite dhe korruptive, të cilat kanë përthithur deri më sot qindra milionë euro të parave publike, që nëse e lejojmë, por nuk do ta lejojmë do ta çojnë borxhin e shqiptarëve në 82 përqind.

Basha tha se PD do t’ua heqë këtë peshë shqiptarëve, do të çlirojë energjinë e kyçur të rinisë nëpërmjet takave të ulëta, displinës buxhetore, prioriteteve të qarta të investimeve publike, investimeve të kapitalit gjerman.

Kreu i PD ka një mesazh të veçantë për shqiptarët, të cilët ndjekin çdo ditë nga selia e PD betejën e opozitës kunder krimit të lidhur me pushtetin.

“Dua t’u rikonfirmoj sot qytetarëve që, ndonëse beteja e përditshme me të keqen na e pamundëson ta themi këtë përditë, ne punojmë ditë për ditë për vizionin tonë të së nesërmes, të një Shqipërie të zhvilluar, me mundëis për një jetë më të mirë për rininë dhe për të gjithë shqiptarët dhe se këtu mbështetemi fuqimisht në ekspertizën e miqve tanë të çmuar kristian demokratë.”- u shpreh Basha.

Si të gjithë gjermanët, dr.Martin Henze, një nga zërat më të rëndësishëm të ekonomisë gjermane, ishte konkret dhe i dretpërdrejtë për situatën ekonomike në Shqipëri, që e quajti katastrofale, si dhe për vendimet e gabuara strategjike të qeverisë shqiptare. Martin Henze, Kryetar i Komisionit për Transportin në Këshillin Ekonomik të CDU-së tha se “Borxhi ekonomik është shumë i lartë, popullsia po reduktohet dhe pjesa më inteligjente e shqiptarëve po kërkon azil, arratia nga zona rurale është një tjetër problem që po prek Shqipërinë, infrastruktuar është plot mangësi, gjendja me titujt e pronësisë është katastrofale dhe siguria e tyre është jetike për ata që duan të investojnë e të blejnë prona në Shqipëri.”

Dr. Henze ngriti si shqetësim nismat favorizuese për Kinën dhe Turqinë. të disa vendeve të Ballkanit, përfshirë Shqipërinë,

“Nisma 16+1 është një marrëveshje jo e mirë për Shqipërinë. Ju duhet të sqaroni ç’do të bëni, do të bëheni pjesë e BE-së apo të ndërmerrni një aleancë strategjike me konkurrentin tonë, Kinën. Nëse e kuptova mirë zotin Basha, të gjithë në Shqipëri thonë se duam të anëtarësohemi në BE. Është si në martesë, s’mund të kesh dy burra apo dy gra. Natyrisht mund të besh biznes edhe me Kinën, por s’mund të negociosh elementët nevralgjikë të ekonomisë, si portet, aeroportet, energjinë, furnizimi me ujë. Ne në Gjermani bëjmë shumë kujdes që këtë infrastrukturë të mos u jepet kompanive aziatike. Edhe ju në Shqipëri duhet të bëni shumë kujdes.“- u shpreh Henze, i cili mori si shembull sektorin e naftës.

“Pse rezervat e naftës, për shfrytëzimin e të cilave mund t’ju ndihmojnë shumë firma evropiane, në Shqipqri nuk është treguar një kujdes i tillë. Në Portin e Durrësit ka patur interes nga ana e kinezëve dhe nuk e kuptoj vërtet këtë mungesë të largpamësisë në Shqipëri. Kam patur mundësi të bëj biseda me përfaqësues të ndryshëm në BE që kanë shumë përvojë në infrastrukturën portuale, që do të angazhoheshin me shumë dëshirë në Shqipëri. “- theksoi dr. Henze.

Dr. Martin Henze vuri në dukje se Shqipëria është paralajmëruar nga partnerët në BE dhe SHBA për të mos ua dhënë portet dhe aeroportet me koncesion apo për shitje kompanive kineze dhe turke. “Tjetër gjë është të bësh biznes, me ata që Bashkimi Europian i konsideron konkurentë Strategjikë, por jo në fushën e insfrastrukturës.” – tha ai.

Dr. Martin Henze, Kryetar i Komisionit për Transportin në Këshillin Ekonomik të CDU-së shprehu besimin se demokratet janë ata që do ta çojnë vendin përpara dhe se është shumë e rëndësishme që shqiptarët të zgjedhin qeverinë e duhur.

• Edi Rama dhe Erion Veliaj po shkelin ligjin dhe Kushtetutën për shkatërrimin e shtëpive të mbi 2 mijë banorëve në proces legalizimi, pa dëmshpërblim, për të ndërtuar kulla tek Unaza e Re.

• Shteti ka shkelur ligjin, ministritë kanë shkelur ligjin, kryeministri ka shkelur ligjin. E vetmja gjë e ligjshme këtu është protesta dhe rezistenca e njerëzve për të mbrojtur shtëpitë e tyre.

• Thirrja për shqiptarët është: Mos prisni t’ju vijë e keqja në pragun e shtëpisë tuaj! Mbroni veten tuaj duke u bërë barrikadë kundër kësaj të keqeje që po ndodh këtu.

• PD do të vazhdojë të mbështesë të drejtat e qytetarëve dhe është e vendosur që bashkë me qytetarët të shporrë bandën që ka zaptuar qeverisjen dhe të rivendosë shtetin ligjor.

TAKIMI I KRYETARIT TË PARTISË DEMOKRATIKE LULZIM BASHA ME PROTESTUES TEK UNAZA E RE.

Kryetari i Partisë Demokratike Lulzim Basha u takua sot me banorët që protestojnë tek Unaza e Re kundër shëmbjes së shtëpive pa marrë më parë nga qeveria dëmshpërblimin që u takon. Klevis Hysko, një djalë 12 vjeçar, që Basha e cilësoi si zëdhënësin spontan të protestës së mbi 2 mijë banorëve, e falenderoi Kreun e opozitës që iu gjend pranë në  këtë ditë të keqe, bashkë me deputetët e opozitës. Klevisi tregoi sesa keq po e përjeton ai dhe familja e tij vendimin e qeverisë për t’u shembur shtëpitë

“Isha një ditë në shtëpi dhe gjeta prindërit e mërzitur. I pyeta prindërit: o mami çfarë keni? “O mami, po se ça dëgjuam në televizor se ka nxjerrë një ligj zoti Edi Rama”, që nuk dua t’ja përmend emrin se ma ka hequr trurin ai person, që do të prishë shtëpitë dhe njerëzit do t’i nxjerrë në rrugë të madhe. Jo vetëm që u tromaksën prindërit, por u tromaksa edhe unë. Në shtëpi, në shkollë kudo, vetëm qaj. Dhe më pyet mësuesja: O Klevis po çke? Po ja që ka nxjerrë një ligj z.Edi Rama dhe duan të na prishin shtëpitë. Pra, ka një javë, nuk nuk i zë gjumi jo vetëm prindërit e mi, por edhe mua.” – u shpreh 12 vjeçari Klevis Hysko.

Klevisi, babai dhe të afërm të tjerë të të cilit janë shoqëruar këto ditë në komisariat, u dha kurajo banorëve të mos dorëzohen derisa të fitojnë të drejtën e tyre.

‘Të gjithë fëmijëve, të gjithë bashkëmoshatarët, të gjithë njerëzve ju bëj një thirrje: Protestat mos të ndalen, le të vazhdojnë se po nuk vazhduan e kemi të humbur. Ju falenderoj të gjithëve që keni ardhur dhe mediat dhe zotin kryetar të opozitës që na jeni gjetur pranë dhe gjithë deputetët e Partisë Demokratike. Ju falenderoj nga zemra që keni ardhur. Rrofshin shqiptarët! Poshtë oligarkët, poshtë banditët!” – tha Klevis para mediave në krah të Lulzim Bashës.

Kreu i opozitës e siguroi Klevisin dhe të gjithë banorët protestues tek Unaza e Re se PD do të jetë në krah të tyre, në mbrojtje të së drejtës së tyre dhe kundër akteve të paligjshme të qeverisë.

“Nuk ka asnjë ligj për shembjen e këtyre shtëpive. Iu kanë çuar lajmërim dhe iu kanë vënë kryqe me bojë tek dera për t’u shkatërruar shtëpitë. Kjo është dëshmi e rënies totale e shtetit. Nuk ka asnjë ligj dhe asnjë akt të cilin t’u jetë komunikuar familjeve, t’u jetë dhënë koha e mjaftueshme që të jetë përgatitur dokumentacioni për shpronësim, t’u paguhen paratë e shpronësimit, t’u jepet kohë për të gjetur një banesë tjetër. Familje të tëra, qindra fëmijë janë në këtë gjendje të territorit psikologjik. Brenda më pak se 48 orëve iu thonë: Ikni se do t’ju prishim shtëpitë!” – u shpreh Basha.

Basha tha se rasti i trajtimit të mbi 2 mijë banorëve tek Unaza e re është dëshmia sesi kjo qeveri nuk respekton të drejtat e njeriut, ligjin dhe Kushtetutën.

“Edi Rama dhe Erion Veliaj kanë një projekt bashkë me një grusht oligarkësh dhe bandash që duan të pastrojnë paratë e drogës  për të ndërtuar shumëkatëshe në këtë zonë dhe shkelin ligjin, shkelin Kushtetutën, për të shkatërruar shtëpitë e mbi 300 familjeve, taksapagues të rregullt, të gjithë në proces legalizimi, një pjesë prej tyre edhe të legalizuar pa iu dhënë asnjë lekë dëmshpërblim.”- u shpreh Kryetari i PD.

Kreu i opozitës vuri në dukje paligjshmërinë e akteve të shtetit duke bërë kontrastin me të drejtën e qytetarëve për të protestuar.

“Në gjithë këtë skandal gjithçka është shkelur nga shteti. Nuk ka asgjë të ligjshme. Shteti ka shkelur ligjin, ministritë kanë shkelur ligjin, kryeministri ka shkelur ligjin, policia ka shkelur ligjin. E vetmja gjë e ligjshme këtu është protesta e këtyre njerëzve për të mbrojtur shtëpitë e tyre. Është një e drejtë kushtetuese, e pamohueshme dhe e patjetërsueshme. E vetmja gjë e ligjshme këtu, është rezistenca e tyre.”- u shpreh Basha.

Basha tha se shkelja e ligjit dhe e Kushtetutës nga qeveria në dëm të qytetarëve të pambrotjur, është paralajëmruar prej tij kohë më parë.

“E kam paralajmëruar kur nisi afera “Rama-Fusha” se ajo që nis me prishjen e Teatrit Kombëtar shumë shpejt do të shkojë në pragjet e shtëpive të shqiptarëve. Tani e keqja ka arritur në pragun e shtëpisë së mbi 317 familjeve. Thirrja ime është për të gjithë qytetarët shqiptarë, qytetarët e Tiranës, qytetarët e kësaj zone: Mos prisni t’ju vijë e keqja në pragun e shtëpisë tuaj! Ejani këtu, mbështesni me praninë tuaj, me mesazhet tuaja, me protestën tuaj të drejtën e këtyre fëmijëve, të këtyre familjarëve. Por po kështu mbroni ligjin, mbroni Kushtetutën, mbroni vetën tuaj duke u bërë barrikadë kundër kësaj të keqeje që po ndodh këtu.”- u shpreh Basha.

Kreu i opozitës u garantoi protestuesve mbështetjen e plotë dhe të vazhdueshme të PD.

“Ashtu siç kanë qenë pranë tyre që prej ditës së parë, deputetët dhe këshilltarët e PD dhe të opozitës, ashtu do të vazhdojmë të qëndrojmë në mbështetje të tyre, në mbështetje të të drejtave të tyre, në mbështetje të ligjit dhe të Kushtetutës. Le të qëndrojmë fuqimisht këtu të bashkuar, ta sprapsim këtu dhe pastaj, po të bashkuar, të rivendosim shtetin ligjor, duke shporrur bandën që ka zaptuar qeverisjen, që i imponohet qytetarëve me dhunë dhe që, po me dhunë, do t’u shkatërrojë shtëpitë e tyre, të ardhmen e tyre, qetësinë e tyre dhe mirëqenien e tyre.”– u shpreh kreu i opozitës.

Basha tha se është koha për solidaritet dhe mbështetje për një kauzë edhe më të madhe se ajo e mbi 2 mijë shqiptarëve. “Këtu nuk mbroni vetëm shtëpitë e këtyre banorëve, por mbroni pragun e shtëpisë suaj. Këtu duhet ndalur e keqja.”- u shpreh Basha.

• Faktet e krimit elektoral të Vangjush Dakos janë të qarta dhe për këtë krim ai duhet të jetë në burg!

• Dosja 339 provon modelin e marrjes se pushtetit nga Edi Rama nëpërmjet shkëmbimit të pasurive publike tek bandat për votat e blera apo grabitura nga këto banda.

OERD BYLYKBASHI, DEPUTET I PARTISË DEMOKRATIKE

Partia Demokratike kërkon arrestimin dhe gjykimin pa vonesë të Vangjush Dakos.

Faktet e krimit elektoral të Vangjush Dakos, janë të qarta dhe për këtë krim, ai duhet të jetë në burg!

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve.

Janë pikërisht ato banda që sot po marrin tendera, licenca dhe leje ndërtimi në Durrës.

Dosja 339 provon modelin e marrjes se pushtetit nga Edi Rama nëpërmjet shkëmbimit te pasurive publike tek bandat, për votat e blera apo grabitura nga këto banda për llogari të tepsisë së Edi Ramës.

Vangjush Dako duhet të arrestohet pa vonesë. Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Krimi elektoral ka bllokuar rotacionin demokratik dhe qeverisjen e shtetit të së drejtës.

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës!

• Ende heshtje nga ata që mbajnë përgjegjësi për vjedhjen e votave, për hetimin gjykimin dhe burgosjen e krimit dhe të politikanëve të lidhur me krimin, pas skandalit të bashkëpunimit të Vangjush Dakos me bandat kriminale për vjedhjen e votave në Durrës.

• Edi Rama dhe Vangjush Dako kanë rënë në grackë, nuk po gjejnë qetësi nga makthi i dosjes 339.

• 3 përgjimet, janë maja e ajsbergut e provave se Vangjush Dako e qeveris Durrësin me bandat më të rrezikshme. Vangjush Dako duhet të arrestohet pa vonesë.

• Mosarrestimi i Dakos dëshmon kapjen e shtetit nga krimi i organizuar, shkatërrimin total të Prokurorisë së Krimeve të Rënda, hedh në erë alibitë qesharake për suksesin e reformës në drejtësi.

ENKELEJD ALIBEAJ, DEPUTET I PARTISË DEMOKRATIKE

Nga momenti që skandali i vjedhjes së votave nga bandat kriminale në bashkëpunim me Vangjush Dakon, është bërë publik, heshtja ka mbuluar të gjithë ata të cilët, duhet të mbajnë përgjegjësi për vjedhjen e votave apo për hetimin gjykimin dhe burgosjen e krimit dhe të politikanëve të lidhur me krimin.

Me shpresën se ndonjë skandal tjetër do të dalë, që të mbulojë vjedhjen e votave, me shpikjen e dorëheqjeve të detyruara, me panikun që e ka kapur duke emëruar nëpunës të oborrit në krye të Ministrisë së Brendshme, me stisjen e gjasme konflikteve kushtetuese me kreun e shtetit, ndërkohë që Gjykatën Kushtetuese e rrënoi pikërisht ai, Edi Rama nuk po gjen qetësi, sepse makthi i dosjes 339 e përndjek ngado.

Dosja 339 është “gracka ku hajduti është kapur si laraska”.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës.

E deri tani janë publikuar vetëm 3 përgjime, që janë maja e ajsbergut e provave se Vangjush Dako e qeveris Durrësin me bandat më të rrezikshme, njësoj si Edi Rama qeveris vendin me krimin e organizuar.

Vangjush Dako duhet të arrestohet pa vonesë, sepse faktet e krimit elektoral të Vangjush Dakos janë të qarta dhe për këtë krim ai duhet të jetë në burg! Duhet te jete ne burg jo vetëm për këtë por edhe sepse çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Kjo grackë, të cilën e kanë ngritur ata vetë, për të kapur shqiptarët, duke iu vjedhur votën e duke i vendosur nën përdhunën e krimit, në fakt është makthi i Edi Ramës, Vangjus Dakos dhe kriminelëve me të cilët bashkëpunojnë.

Mosarrestimi i Dakos është dëshmia më e qartë e kapjes së shtetit nga krimi i organizuar me mbështetje të organizatës kriminale të Rilindjes të drejtuar nga Edi Rama.

Mosarrestimi i Dakos është prova e shkatërrimit total të prokurorisë së krimeve të Rënda.

Mosarrestimi i Dakos hedh në erë alibitë qesharake për suksesin e reformës në drejtësi.

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës!

• E gjithë vëmendja për motrat dhe kunatat e qeverisë! Fondi i Kujdesit të Detyrueshëm Shëndetësor është modeli ku nepotizmi ka më dorë 310 milionë euro në vit.

• Arben Ahmetaj dhe Ogerta Manastirliu janë anëtarë të Këshillit Drejtues të Fondit, ku është emëruar këto ditë si zv/Drejtore e Përgjithshme motra e Ahmetajt, si dhe punojnë kunata e Manastirliut, kunatat e Ballës, Agaçit, Xhafës.

IZMIRA ULQINAKU, DEPUTETE E PARTISË DEMOKRATIKE

Slloganet “Po bëjmë shtet”, “Për Shqipërinë që duam” apo “E gjithë vëmendja për ju” janë vetëm fasada propagandistike e Edi Ramës. Në të vërtetë shtetin e ka vënë në dorën e bandave të partisë, në dorën e militantëve dhe të paaftëve, si dhe në dorën e motrave dhe kunatave të partisë.

Fondi i Kujdesit të Detyrueshëm Shëndetësor është modeli i nepotizmit të qeverisë së Edi Ramës, ku ortakëria familjare është në themel të administrimit të miliarda lekëve nga taksat e shqiptarëve.

Fondi i Kujdesit të Detyrueshëm Shëndetësor është modeli i nepotizmit të qeverisë dhe i dorëzimit të shtetit në duart e motrave dhe kunatave të partisë.

310 milionë euro është buxheti vjetor i Fondit ku punon motra e Arben Ahmetajt, e emëruar zëvendësdrejtore e përgjithshme pak ditë më parë, kunata e Ogerta Manastirliut, kunata e Taulant Ballës, kunata e Engjëll Agaçit, kunata e Fatmir Xhafës. Me pak fjalë, e gjithë vëmendja është për kunatat!

Nga një anë, është Arben Ahmetaj dhe Ogerta Manastirliu që, si anëtarë të Këshillit Drejtues vendosin për Fondin e Sigurimit Shëndetësor, nga ana tjetër janë motrat dhe kunatat e tyre që firmosin për dërgimin e parave në llogaritë e klientëve të qeverisë.

Shqiptarët duhet ta dinë se nga 310 milionë euro buxhet për Fondin, 110 milionë euro janë para që shqiptarët i paguajnë direkt si sigurim shëndetësor dhe pjesa tjetër 200 milionë euro, janë nga taksat tona, që motrat dhe kunatat e ministrave i ndajnë me klientët e pushtetit.

Gjatë drejtimit të Fondit Shëndetësor nga motrat dhe kunatat e Arben Ahmetajt, Ogerta Manastirliut, Taulant Ballës, Engjëll Agaçit, Fatmir Xhafës, qeveria paguan në një vit për koncesionet në shëndetësi 24 milionë euro, për rimbursimet 90 milionë euro dhe me pjesën tjetër financojnë spitalet, ku ilaçet mungojnë, të sëmurët nuk mjekohen dhe mjekët largohen.

Është modeli I motrave dhe kunatave të ministrave në administratë që detyron 79 % të rinisë mendojë largimin nga vendi, sepse të rinjtë e kanë provuar vetë me konkurset fiktive  se vemendja e qeverisë nuk është për ta, por për familjen e kryeministrit, familjet e ministrave dhe pushtetarëve të tjerë.

PD është e gatshme të ndalojë me masa te rrepta ligjore emërimin e familjarëve të ministrave apo drejtuesve të tjerë të lartë në poste që kanë në dorë paratë e shqiptarëve apo pasuritë publike dhe natyrore të vendit.

• “Unaza e Re” është një aferë korruptive që i jep 18 milionë euro një kompanie guaskë, me pronarë të panjohur.

• Tenderi në total 40 milionë euro ka fitues të paracaktuar, me garë fiktive.

• Banoret tek Unaza e Re, të cilëve Rama dhe Veliaj u kanë marrë paratë dhe votën për legalizim, duhet të dëmshpërblehen pa vonesë.

INA ZHUPA, ZËDHËNËSE E PARTISË DEMOKRATIKE

Prej disa ditësh, qindra familje tek Unaza e Re, po protestojnë për braktisjen totale nga qeveria, e cila po u shkatërron shtëpitë pa u dhënë asnjë dëmshpërblim për llogari të një afere të madhe korruptive dhe klienteliste për rindërtimin  e 3 segmenteve të Unazës së Re të Tiranës.

Janë 40 milionë euro të shpërndarë praktikisht pa garë tek tre kompani, të cilat janë shpallur fituese, sepse pjesëmarrësja e dytë në tender, nuk ka dhënë asnjë ofertë. Kompania “Vëllezërit Hysa” është përdorur për të mashtruar ligjin dhe për të nxjerrë fituese kompanitë e paracaktuara nga Edi Rama dhe Erion Veliaj.

Skandali i aferës tek Unaza e Re thellohet edhe më shumë nga shpallja fituese e bashkimit të një kompanie guaskë, DH Albania, pronarët e së cilës janë të panjohur, me një kompani shqiptare, BIba X, që vazhdimisht ka qenë nën sekuestro për mos shlyerje borxhesh. Ky konsorcium ka fituar pjesën e luanit në tender, !8 milionë euro.

Faktet se pas rindërtimit të Unazës së re fshihet një afere korruptive janë disa:

1. Kompania Dh Albania është krijuar në korrik të këtij viti, një muaj e gjysëm para hapjes së tenderit
2. Kompania mëmë e saj është kompani e regjistruar në parajsë fiskale, me pronarë të panjohur.
3. Kompania biba X ka nuk ka përvojë në ndërtim rrugësh, aktivitet të cilin e ka shtuar pak para së të shpallej fitues i tenderit
4. Kompania Biba X, sipas të dhënave të medias, ka qenë nën sekuetsro edhe gjatë periudhës kur ka marrë pjesë në tenderin e Unazës së Re, në shkelje flagrante të ligjit të Prokurimeve Publike.

Edi Rama dhe Rrion Veliaj duhet t’u thonë sot shqiptarëve kush është pronari i vërtetë që fshihet pas kompanisë guaskë, duke grabitur me maskën e parajsës fiskale, 18 milionë euro të taksave të shqiptarëve.

Edi Rama dhe Erion Veliaj duhet të dëmshpërblejnë pa vonesë të gjithë banorët, të cilëve u kanë marrë paratë dhe votat për të legalizuar shtëpitë, ndërsa tani i trajtojnë si qytetarë të paligjshëm.

Partia Demokratike gjen rastin të sigurojë shqiptarët se me “Ligjin Antimafia” askush nuk do të gëzojë pasurinë e grabitur, duke u fshehur në guaskën e parajsave fiskale.

• Dosja “339”, nuk do të jetë “çudia që zgjat vetëm 3 ditë”! Ajo është radiografia e pushtetit të lidhur me krimin, në shërbim të krimit.

• Zbardhja deri në fund e krimit elektoral në dosjen 339 është e panegociueshme.

• Arrestimi i Vangjush Dakos ”, bashkëpunëtor me bandat për blerjen e votës është hapi i parë i domosdoshëm.

GENT STRAZIMIRI, DEPUTET I PARTISË DEMOKRATIKE

Dosja “339”, nuk do të jetë “çudia që zgjat vetëm 3 ditë”!

Dosja “339” është radiografia e pushtetit të lidhur me krimin, pushtetit në shërbim të krimit pushtetit që këmben favore me krimin, në nevojën e përbashkët për të mbijetuar në kurriz të ligjit dhe interesit publik.

Në përgjimet e dosjes 339 është faktuar simbioza e pushtetit me krimin, përmes komunikimit sistematik me bandat të Vangjush Dakos, udhëheqësit politik të fushatës në Durrës, para, gjatë dhe pas zgjedhjeve, respektivisht për të siguruar përkrahjen e ndërsjelltë, përmes favoreve të ndërsjellta duke shprehur në fund edhe mirënjohjen e ndërsjelltë për “zgjidhjen e halleve” të ndërsjellta.

“Harresë” për dosjen 339 nuk do të ketë dhe arrestimi i Vangjush Dakos është prova nëse në Shqipëri do të ketë apo jo drejtësi, do të ketë apo jo luftë kundër krimit, do të ketë apo jo normalitet ligjor e elektoral dhe për pasojë qeveri legjitime, si në çdo shtet normal.

Legjitimiteti i qeverisjes në Shqipëri është po aq solid, sa ç’është paprekshmëria e bandave dhe banditëve si Vangjush Dako.

Legjitimiteti i qeverisjes dhe përkrahja me votë e saj në popull, është aq e vërtetë sa ç është fakti se populli detyrohet të votojë në përputhje me interesin dhe influencën e bandave, të cilat nga ana e tyre kanë interes që në pushtet të jetë qeveria që:

– i lajmëron të largohen përpara arrestimit,

– që edhe nëse aksidentalisht janë arrestuar,

– që lëshon karakteristikë “rehabilitimi” për t’i nxjerrë nga burgu,

– që mbyll njërin sy, ose të dy, kur bandat ndërtojnë pa leje, zaptojnë pa ligj, kërcënojnë hapur e bëjnë karshillëk në port, në doganë, tek tatimet, në polici e madje edhe në prokurori.

Dosja 339 nuk do të mbyllet e as do të rrijë pezull, si një çudi e radhës, me të cilën shqiptarët do të mësohen. Jo!

Zbardhja deri në fund e aferave kriminale e politike të provuara në dosjen 339 është e panegociueshme, dhe arrestimi i Vangjush Dakos si ndërlidhësi dhe “hallezgjidhësi” i bandave në këmbim të votës është hapi i parë i domosdoshëm dhe urgjent në këtë drejtim.

Çdo ditë në liri për Vangjush Dakon, do të thotë një ditë më shumë skllavëri edhe më e rëndë për shoqërinë, do të thotë paprekshmëri për bandat, do të thotë shkatërrim provash, do të thotë presion e influenca kriminale që shtohen e forcohen për t;i siguruar pandëshkueshmëri Vangjush Dakos dhe bandave.

Çdo ditë bllokim i Dosjes 339 është një provë e delegjitimimit të mëtejshëm të një prokurorie nën thundrën e një qeverie ilegjitime, që sot është në pushtet vetëm për shkak të gjushëve, anëtarë të bandave të trafikut ndërkombëtar.

TAKIMI DHE BASHKËBISEDIMI I KRYETARIT TË PARTISË DEMOKRATIKE, LULZIM BASHA, ME BANORËT E PIRGUT NË BASHKINË E MALIQIT

Me banorët e Maliqit Kryetari i PD Lulzim Basha bashkëbisedoi për alternativën e opozitës për ringritjen e bujqësisë, e cila mbështetet në 3 shtylla: subvencionet direkte,  Investimet në infrastrukturë dhe mbrojtja prodhimit vendas me tarifat doganore.

 “Në rastin e bujqësisë nuk ka nevojë të shpikim rrotën. Politikat për të mbështetur bujqësinë funksionojnë njësoj, si në Europë,  edhe të fqinjët tanë, Maqedonia dhe Kosova. Buxheti ynë për subvencionet vitin e parë do të jetë 150 milion euro dhe do të vazhdojë duke u rritur sipas projeksionit tonë, siç do të vazhdojë të rritet edhe prodhimi I bujqësisë shqiptare. “- tha Basha.

Duke bërë një krahasim me fondet që parashikon buxheti 2019 vetëm për një grusht koncesionesh korruptive në pronësi të qeverisë apo klientë të saj, Basha tregoi edhe burimin e financimit për ringritjen e bujqësisë.

“100 milion euro do të harxhojë vitin e ardhshëm, po e lamë, vetëm për 10 oligarkë Edi Rama. Vetëm për tre inceneratorët, që janë makina të prodhimit të parave, Arben Ahmetaj do të marrë 22 milion euro për veten e tij, t’i fusë në xhepat e tij. Ne do t’i japim fund koncensioneve korruptive që na e kanë çuar kilometrin e rrugëve në 25 milionë euro.”- theksoi kreu i opozitës në takimin me banorët e Maliqit.

Pjesë e alternativës qeverisëse të opozitës është edhe rritja e pensioneve, paratë për te cilat do të gjenden tek dhënia fund e abuzimit me tenderat që, vetëm vitin e kaluar llogariten në rreth 500 milionë euro.

“Ne do të nisim që prej ditës tonë të parë në pushtet, rritjen e pensioneve. Rritja e parë do të jetë në nivelin e 200 mijë lekëve dhe deri në fund të mandatit, pensioni minimal në Shqipëri do të jetë 250 mijë lek të vjetra për pensionist.” – u shpreh Basha.

Kryetari I opozitës i ftoi banorët e Maliqit t’i bashkohen opozitës për të bërë të mundur që vendin të mos e qeverisë pakica, por shumica reale e këtij vendi që përkrah projektet konkrete të opozitës për zhvillimin e vendit.

 “Asgjë prej këtyre nuk mund të vijë pa një rotacion politik, pa një transformim total, që është po aq i nevojshëm sot sa para 30 vitesh. Para 30 vitesh kishim 13 anëtarë të Byrosë Politike që nuk mendonin për njerëzit, por mendonin vetëm për veten e tyre. Edhe sot kemi 5 banditë, 5 oligarkë dhe 5 politikanë që mendojnë vetëm për veten e tyre. Para 30 vitesh ata e kishin bërë Shqipërinë kopësht zoologjik të stalinizmit. Edhe sot këta 15 Banditë e oligarkë e konsiderojnë gjithë Shqipërinë çifligun e tyre.”- u shpreh Basha.