Blog

• Baxhanaku i Edi Ramës, Armando Frangu është pjesë e skemës mafioze për të nxjerrë fituese kompaninë kroate të monopolit të kontrollit online të faturimit të biznesit.

• Kompania e baxhanakut të Edi Ramës ka marrë pjesë në tender pa bërë asnjë ofertë, por për të legjitimuar procesin.

• Me paketën antimafia askush nuk do të gëzojë asgjë të fituar nëpërmjet korrupsionit dhe lidhjeve me pushtetin.

 

JORIDA TABAKU, DEPUTETE PD, NËNKRYETARE E KOMISIONIT TË EKONOMISË.

 

Tenderi që i jep një kompanie kroate monopolin e kontrollit online të faturës tatimore për çdo shitje nga biznesi është një nga tenderat haptazi korruptiv të qeverisë Rama.

Partia Demokratike denoncoi 5 javë më parë se kriteret e vendosura ishin përcaktuar për të nxjerrë fituese kompaninë kroate.

Por nuk janë vetëm kriteret e paracaktuara të tenderit që e bëjnë atë korruptiv pasi faktet provojnë manipulimin e kësaj gare.

Dokumentat e bërë publik që unë po prezantoj sot këtu tregojnë se në tenderin  fasadë prej 15 milionë euro kanë marrë pjesë 3 garues. Dy prej tyre kanë qenë aty në garë për të legjitimuar  skemën korruptive.

Bashkëpunëtor në këtë skemë është edhe Armando Frangu, baxhanaku i kryeministrit Edi Rama. Përmes kompanisë së tij B360, ai nuk ka dhënë asnjë ofertë, në garën fallco për të legjitimuar fitoren e kompanisë kroate të tenderit korruptiv prej 15 milionë dollarësh.

Partia Demokratike ka denoncuar edhe më herët se është kjo kompania e baxhanakut të Edi Ramës që merr pjesë si garuese farsë për të mbuluar tenderat e dhënë nga qeveria ish ortakut të tij. Jo pak, por 15.6 milionë euro tendera i ka dhënë qeveria e Edi Ramës baxhanakut të Edi Ramës nëpërmjet ortakut të baxhanakut.

Fiktiviteti në garë me ofertues farsë dhe me baxhanakun e Edi Ramës që përdoret për fasadë nga kroatët e Edi Ramës e provoi të drejtë denoncimin e 5 javëve më parë të Partisë Demokratike.

Partia Demokratike siguron opinionin publik që do t’i shkojë në fund kësaj afere korruptive, duke zbuluar skemën mafioze sesi kompania kroate u bë fituese e tenderit që do t’i kushtojë çdo biznesi 600 deri në 1000 euro.

Beteja jonë është kundër monopolizimit të ekonomisë dhe kundër mafias që ka zënë rrënjë në një pushtet të korruptuar.

Partia Demokratike i siguron shqiptarët se me paketën antimafia, askush nuk do të gëzojë asgjë të fituar nëpërmjet korrupsionit dhe lidhjeve me pushtetin. Me paketën antimafia, çdo tender si ky i sotmi, çdo koncesion, leje apo liçensë korruptive do të anullohet, pasuritë do të sekuestrohen dhe parat do t’u kthehen atje ku e kanë vendin: në shërbim të qytetarëve – për arsim më të mirë, për spitale më të mira, për rrugë më të mira për vende punë më shumë.

B360 AKSH

Read More

 

• Edi Rama nuk po qeveris më. Pushtetin që e bleu me ndihmën e kriminelëve, po e përdor për të mbrojtur nga drejtësia veten e tij, Dakon, Tahirin, Gjiknurin, Ballën, Xhafën, Ahmetajn dhe të tjerët.

 

• Prokuroria ka interceptuar në mënyrë ligjore dhe ka krijuar prova, pas padisë së PD për zgjedhjet e Dibrës, të përfshirjes së Tahirit, Gjiknurit dhe, të paktën, 4 deputetëve të tjerë të PS në transaksione me banda të krimit të organizuar.

 

• Vangjush Dako do të arrestohet bashkë me Elvis Rroshin e Gent Dajën. Nuk ka asnjë mundësi që as Taulant Balla, as Damian Gjiknuri, as Arben Ahmetaj, asnjë nga kupola socialiste që është përfshirë në këtë mega proçes mafioz të shitblerjes së votës, t’i shpëtojë përgjegjësisë penale.

 

• Përballja e opozitës po zhvillohet me sukses. Dy ministra të brendshëm janë larguar për shkak të luftës opozitare. Politikanët e inkriminuar do të largohen nga politika dhe do të çohen para drejtësisë.

 

• Fatmir Xhafaj s’mund të shpëtojë pse dha dorëheqjen. Ai duhet të hetohet për veprën e rëndë të fabrikimit të dëshmitarit të rremë, duke përfshirë në hetim edhe policinë dhe prokurorinë.

 

• Vangjush Dako, Elvis Rroshi, Gent Daja dhe eksponentë të tjerë të “dosjes 339” s’mund të hetohen në liri dhe me akuza të përgjithshme. Prokuroria ka shumë prova për bashkëpunimin e Dakos me krimin.

 

• Saimir Tahiri duhet hetuar në thellësi. dhe duhet ta heqin nga mendja dhe të heqin dorë nga skenari  se duhet të akuzohet për krime të lehta dhe jo për trafikun e drogës

 

• Përgjimet e bëra publike janë vetëm maja e ajsbergut. Taulant Balla duhet të merret urgjentisht i pandehur dhe të hetohet për të gjitha çështjet.

 

• Opozita do të vazhdojë betejën me krimin politik dhe me regjimin e inkriminuar të Edi Ramës deri në largimin e tij. Pa dekriminalizimin e zgjedhjeve dhe pa ndarjen e politikës nga krimi nuk ka vend për proces normal  politik.

 

• Miratimi i dy kandidaturave nga PS për KQZ-në përbën një shkelje të ligjit. PS ka uzurpuar një kandidaturë të opozitës, që është një shenjë e degradimit total të pushtetit. Opozita nuk mund dhe nuk do të bëhet pjesë e kapjes së paligjshme të KQZ-së

 

 

• Ngjarja e Bularatit është një ngjarje kriminale. Përpjekjet për ta kthyer atë në një ngjarje politike nga të dyja palët janë të dënueshme. Edi Rama synon të zhvendosë vëmendjen në mënyrë artificiale nga kriza e thellë në vend.

 

 

KONFERENCA E PLOTË PËR SHTYP E KRYETARIT TË PD, LULZIM BASHA.

 

Ju përshëndes,

 

Ju falënderoj për ardhjen në këtë bashkëbisedim me median!

 

Kam disa mesazhe që desha t’i ndaj përmes jush me qytetarët dhe pastaj jam i hapur për pyetjet dhe interesin tuaj.

 

Së pari, më lejoni ta nis me një solidaritet me banorët e Vlorës dhe Durrësit, të cilët po përballen vetëm pak orë pas nisjes së reshjeve, me një situatë të përsëritur të përmbytjeve.

 

Përmbytje në Shqipëri ka patur gjithmonë, por përmbytja në vetëm disa orë shi është treguesi i degradimit total të pushtetit vendor dhe të qeverisë, braktisjes totale në veçanti në ato zona që kanë një predispozitë të përmbytjes, të mungesës së investimeve, të mungesës së vëmendjes dhe në tërësi të largimit total të vëmendjes qeveritare, të qeverisjes nga njerëzit nga qytetarët.

 

Dhe ky është padyshim produkt i asaj që në fakt është sot e gjithë ditën bashkëqeverisja me krimin.

 

Bashkëqeverisja me krimin ka sjellë, prodhuar pushimin e qeverisjes, nuk ka më qeveri që punon, që bën detyrat para njerëzve, ka sjellë degradimin total të pushtetit vendor i cili është faktuar thjesht dhe vetëm si një vegël elektorale e partisë në pushtet dhe pasojat i vuajnë qytetarët.

 

Sipas informacioneve të para që më kanë mbërritur nga përfaqësuesit tanë në Durrës dhe në Vlorë, bëhet fjalë për dëme të mëdha në banesa dhe në njësitë tregtare, por edhe për situata që mund të përshkallëzohen drejt rrezikut për zonat të cilat mund të përballen edhe me përmbytje që mund të kërcënojnë jetën e njerëzve.

 

Thirrja ime ndaj qytetarëve është të marrin të gjitha masat për të shpëtuar dhe siguruar familjet e tyre. Dhe ndaj atyre hallkave të institucioneve që e kanë për detyre dhe paguhen për këtë punë të mos presin shfaqjen e radhës nga Edi Rama apo kryebashkiakët e dështuar, të korruptuar, e të inkriminuar, por të veprojnë për t’u ardhur sado pak në ndihmë njerëzve në këtë gjendje kritike,  e cila ka precipituar shumë shpejt dhe ka gjasa të rëndohet jo vetëm në këto dy bashki por edhe bashki të tjera të vendit.

 

Dua ta kthej vëmendjen tuaj edhe një herë tek çështja kryesore, të cilën kemi diskutuar në ditët e fundit, në javët e fundit në dritën e provave dhe fakteve zyrtare dhe ligjore të dala edhe nga çështjet në Prokurori atë të bashkëpunimit të Edi Ramës me krimin.

 

Çështja e  parë dhe kryesore që u evidentua tashmë është fakti se bashkëpunimi me krimin e Edi Ramës ka qenë një strategji e qëllimtë.

 

Ngjarjet e muajve të fundit dëshmojnë një të vërtetë të thjeshtë: Nuk është rastësore dhe as e pjesshme, as në nivele të ulëta, por është e shtrirë në të gjithë vendin dhe ka kapur kupolën e organizatës kriminale fenomeni i bashkëpunimit strategjik me krimin e organizuar për rekrutimin dhe bashkëpunimin me elementë kriminale për të manipuluar zgjedhjet, për të marrë dhe për të mbajtur pushtetin.

 

Me fjalë të tjera, Edi Rama ka nënkontraktuar fushatën elektorale dhe gjithë përpjekjen elektorale te krimi, proces i cili ka nisur para zgjedhjeve të vitit 2017.

 

Në vend të shtabeve elektorale, ku zakonisht bëjnë pjesë drejtues të partisë dhe drejtuesit lokalë, organizata kriminale e rilindjes ka krijuar shtabe kriminale me qëllim sigurimin e votave përmes blerjes, kërcënimit dhe manipulimit.

 

Këto shtabe kriminale të  organizatës kriminale të rilindjes kanë patur objektiva të qarta, të vendosura nga hierarkia e kësaj organizate kriminale që përbëhet nga drejtuesit më të lartë aktualë socialistë.

 

Bashkëpunimi me krimin si një strategji e qëllimshme e Edi Ramës ka vërtetuar se sot kundërshtari ynë politik, Partia Socialiste është një parti e kapur nga krimi.

 

Nuk ka pothuajse asnjë drejtues të Partisë Socialiste që të mos ketë bashkëpunuar me krimin apo që të mos jetë eksponent i krimit.

 

Edhe po të lëmë mënjanë Roshin, Ndokën, Prengën dhe kriminelë të tjerë që i ka sjellë në vend, të gjithë drejtuesit e ardhur nga karriera politike janë faktuar si njerëz të kriminalizuar; nga Taulant Balla, tek Damian Gjiknuri, tek Vangjush Dako, tek Qazim Sejdini, tek Ulsi Manja e me radhë.

 

Pra, organizata e rilindjes si një organizatë kriminale e ka kthyer Partinë Socialiste po kështu në një parti nën sundimin e krimit, në një narko-parti.

 

Domethënia praktike e kësaj gjendje të Partisë Socialiste është që qeverisja ka mbaruar. Edi Rama ka pushuar, ka ndalur së qeverisuri vendin dhe pushtetin që ka marrë me ndihmën e kriminelëve, nuk e përdor më për të qeverisur, por për të mbrojtur pushtetin dhe lidhjet e tij me krimin.

 

Pjesë e kësaj përpjekje janë edhe veprat e rënda kriminale për të shpëtuar veten dhe bashkëpunëtorët e tij politikë nga drejtësia.

 

Ka pushuar pra, qoftë edhe çdo lloj përpjekje për fasadë apo politika publike, çdo gjë tani bëhet për të mbrojtur veten e tij, për të mbrojtur Vangjush Dakon, për të mbrojtur Saimir Tahirin, për të mbrojtur Gjiknurin dhe për të mbrojtur të tjerët nga drejtësia.

 

Në këtë kuptim qeveria e Edi Ramës përbën thjesht dhe vetëm një kosto për shqiptarët dhe një rrezik, një burim rreziku nga i cili do të burojnë vetëm të këqija për vendin dhe për shqiptarët.

 

Detyra kryesore e opozitës, e PD, detyra kryesore e medias së lirë e qytetarëve të angazhuar është të vazhdojmë përpjekjet tona kundër krimit dhe inkriminimit të politikës.

 

Në planin konkret do të thotë se Fatmir Xhafaj nuk mund dhe nuk duhet të shpëtojë pse dha dorëheqjen, ai duhet të hetohet për veprën e rëndë kriminale të fabrikimit dhe manipulimit të dëshmitarit të rremë, duke përfshirë në hetim edhe policinë dhe prokurorinë.

 

Së bashku me të duhet të hetohet Ardi Veliu, drejtuesit e policisë së Fierit dhe gjithë përfaqësuesit e Policisë dhe Prokurorisë, të përfshirë në manipulim.

 

Natyrisht edhe kudogjenduri Taulant Balla që ka qenë garanti politik i këtij operacioni sipas pretendimit të vetë dëshmitari të rremë, por po kështu dhe në mënyrë më domethënëse edhe sipas tabulateve të përgjimit nga Prokuroria.

 

Por po kështu, në një mënyrë më domethënëse edhe sipas tabulateve të përgjimit nga Prokuroria, e cila në mënyrë paradoksale në përpjekjen për të futur në kuth denoncuesit, gazetarët dhe opozitën, i kanë mbetur në çark drejtori i përgjithshëm i Policisë, kryetari i grupit parlamentar, një nga prokurorët e çështjes, dhe natyrisht njerëzit që kanë patur direkt dijeni, kanë mbështetur direkt këtë veprimtari, Fatmir Xhafaj dhe Edi Rama.

 

Vangjush Dako duhet të arrestohet. Arrestimi i Vangjush Dakos sipas propozimit të grupit hetimor, së bashku me Elvis Rroshin, Gent Dajën, dhe prokurorin Arben Ndojin, është, një hap i paevitueshëm pa të cilin kolapsi total i Prokurorisë dhe kapja e saj totale nga krimi tashmë jo thjesht nga politika, faktohet  para gjithë shqiptarëve, duke delegjitimuar atë si organ të ndjekjes penale, duke e kthyer atë në një shtojcë të organizatës kriminale të “Rilindjes”.

 

As Vangjush Dako, as Elvis Rroshi, as Gent Daja, as eksponentët e tjerë të “dosjes 339”nuk mund të hetohen në akuza të përgjithshme e aq më pak në liri.

 

Prokuroria ka prova, shumë prova, të qarta dhe flagrante, për bashkëpunimin e Vangjush Dakos me krimin, sikundër edhe të personave të tjerë që përmenda.

 

Dhe përgjimet e bëra publike janë vetëm maja e ajsbergut. Janë bërë publike vetëm, aq me qëllim për të mbajtur nën kontroll apo mundësisht për të zbehur rolin dhe përfshirjen e Vangjush Dakos në transaksionet kriminale me bandat e krimit të organizuar, me Avdylajt dhe jo vetëm në shkëmbim të mbështetjes elektorale.

 

Pra në këtë kuptim, Vangjush Dako është një kriminel i mirëfilltë që ka bashkëpunuar direkt me krimin për pushtet  dhe para.

 

Ndërkohë që burgjet dhe institucioni i paraburgimit në Shqipëri vazhdon të procedojë me dhjetëra qytetarë për vepra të ndryshme penale nga më të lehtat te më të rëndat. Është e papranueshme që një kriminel i mirëfilltë, që ka bashkëpunuar me krimin e organizuar, me trafikantë dhe vrasës për pushtet dhe para të vazhdojë të bredhë i lirë.

 

Taulant Balla duhet të merret urgjentisht i pandehur dhe të hetohet për të gjitha çështjet, nga bashkëpunimi me kriminelin e dënuar Edmond Bego, që ka çuar në thyerjen e një sërë ligjesh, më e dukshmja ajo e prokurorimit publik, tek çështja e parave të “Toyota Yaris”, tek ndërhyrja kriminale në çështjen Xhisiela, tek bashkëpunimi kriminal me bandat e Elbasanit dhe presioni ndaj policisë dhe Prokurorisë për t’i liruar ato edhe kur janë kapur në flagrancë në proces kërcënimi, shantazhimi dhe prishje të procesit zgjedhor.

 

Janë të gjitha akuza të bazuara në fakte, prova dhe përgjime dhe duhet të hetohen deri në një.

 

Saimir Tahiri duhet hetuar në thellësi dhe duhet ta heqin nga mendja dhe të heqin dorë nga skenari  se duhet të akuzohet për krime të lehta dhe jo për trafikun e drogës. Saimir Tahiri ka qenë eksponent direkt i krimit dhe i trafikut të drogës dhe këtë nuk e mbulon dot askush e nuk e fsheh dot askush.

 

Këto janë prioritete absolute dhe padyshim në këtë rrafsh PD-ja, opozita dhe unë do të vazhdojmë betejën tonë me krimin politik dhe me regjimin e inkriminuar të Edi Ramës, deri në largimin e tij.

 

Këtë kemi bërë dhe këtë po bëjmë. Pa dekriminalizimin e zgjedhjeve dhe pa ndarjen e politikës nga krimi në Shqipëri nuk do të ketë asnjë sekondë, asnjë ditë, dhe asnjë hapësirë institucionale për proces normal  politik. Procesi normal politik ka marrë fund kur Edi Rama vendosi të bashkëpunojë me krimin për të ardhur në pushtet dhe sot gjendet në pushtet për shkak të krimit.

 

Këto janë parashtrimet kryesore me të cilat dua ta nis bashkëbisedimin me ju sot.

 

Pyetje: Zoti Basha, në mbledhjen e grupit ju keni paralajmëruar se do të dalin skandale të tjera të kësaj qeverie. A mund të na thoni edhe ne cilat janë këto skandale?

 

Basha: Po të parën ju e keni patur pak minuta më parë. Skandalin e paralajmëruar 5 javë më parë nga Partia Demokratike për aferën korruptive të Olsi Ramës dhe me gjasa të një shtetaseje të huaj që deri para pak kohësh ka shërbyer me detyra të larta në Shqipëri, si rezultat i të cilës një kompani kroate, në dhunim të rregullave minimale të konkurrencës, siç e kemi paralajmëruar, ka fituar një tender prej afro 14 apo 15 milionë eurosh, në procesin e menazhimit fiskal të vendit.

 

Prej më shumë se dy vitesh kemi paralajmëruar, në bazë denoncimesh konkrete, se kjo është një dhuratë e kryeministrit për vëllain e tij. Mekanizmi që është gjetur në këtë rast, fasada e një kompanie kroate, siç e denoncuam 5 javë më parë, vetëm fakton vërtetësinë e akuzave e denoncimeve që ne kemi bërë publike.

 

Shikoni vetëm një aspekt dhe jo thjesht që opozita i vuri gishtin dhe denoncoi se kjo do të ndodhë, kjo kompani do ta marrë, por edhe çmimi me të cilin e ka fituar, në limitet e fondit limit.

 

Për të gjitha organizatat ndërkombëtare dhe institucionet që i kushtojnë veprimtarinë e tyre luftës kundër korrupsionit, flamuri i kuq, drita e kuqe, indikatori, treguesi kryesor se një prokurim, një tender është i korruptuar, është kur ai fitohet në kufijtë e çmimit limit. Dhe kjo ka ndodhur dhe padyshim ky përbën një skandal të jashtëzakonshëm.

Tregon edhe shkallën e lartë të sofistikimit të korrupsionit të qeverisë Rama, ku arrin të përfshijë, me ndihmën edhe të faktorëve të tjerë të korruptuar jashtë vendit, kompani të huaja.

 

Denoncimi është bërë pak minuta më parë nga deputetët e Partisë Demokratike, nga nënkryetarja e Komisionit të Ekonomisë dhe Financave, zonja Tabaku dhe kryetari i Departamentit të Teknologjisë së Informacionit në Partinë Demokratike, deputeti i Elbasanit Endri Hasa.

 

Por nuk do të mjaftohemi vetëm me këtë denoncim. Një paralajmërim të qartë dua t’jua bëj sot fituesve të këtij tenderi, se do të jenë subjekt i menjëhershëm i dispozitave antimafia. Dhe i garantoj se nuk do të arrijnë të gëzojnë dot frytet e grabitjes, vjedhjes, në të cilën janë përfshirë si aksesorë të Edi Ramës dhe bashkëpunëtorëve apo familjarëve të tij.

 

Në rrafshin e skandaleve kriminale, mund t’ju them se Dosja 339, nga e cila keni parë vetëm majën e ajsbergut, në vetvete është pjesë e disa hetimeve, të nisura nga Prokuroria, disa prej tyre me kërkesën tonë, siç është dosja hetimore e Dibrës – numrin e hetimit do t’ua vëmë në dispozicion sapo ta kemi – ku janë interceptuar në mënyrë ligjore, pra janë krijuar prova dhe fakte ligjore, të përfshirjes së Saimir Tahirit, asokohe Ministër i Brendshëm, Damian Gjiknurit, asokohe dhe akoma ministër dhe, të paktën 4 deputetëve të tjerë të Partisë Socialiste, në transaksione të të njëjtës natyre si Dosja 339, me banda të krimit të organizuar, me figura të krimit të organizuar si Ymer Lala, dhe të tjerë eksponentë të krimit të organizuar, për të ushtruar presion, për të blerë vota dhe për të kërcënuar votuesit e Dibrës në masakrën zgjedhore të shtatorit 2016. Me siguri e mbani mend fare mirë që ishte prologu dhe prova gjenerale për skemën që u aplikua në gjithë vendin në zgjedhjet parlamentare të vitit 2017.

 

Në kuadër të këtyre të fundit, pra, të zgjedhjeve parlamentare të vitit 2017, siç është dëshmuar, jo vetëm nga Emiliano Nuhu gjatë intervistës së tij me kolegun tuaj Basir Çollaku, por edhe nga burime të tjera, Prokuroria e Krimeve të Rënda dhe Prokuroria e Elbasanit, kanë dhe disponojnë prova ligjore dhe faktike të përfshirjes në të njëjtat transaksione kriminale, të të paktën dy eksponentëve të Partisë Socialiste në Qarkun e Elbasanit, kryedeputetit të Partisë Socialiste për Qarkun e Elbasanit, Sekretarit të Përgjithshëm dhe Kryetarit të grupit Parlamentar, Taulant Ballës, dhe Qazim Sejdinit.

 

Megjithatë, mendoj se në kuptimin e jurisë së opinionit publik, të gjitha këto fakte dhe prova, sado të përpiqen t’i varrosin apo akoma më keq, t’i tjetërsojnë, plotësojnë mozaikun e shpalosur edhe nga vetë Dosja Hetimore 339 dhe vetëm sa e rëndojnë verdiktin, konkluzionin, përfundimin në të cilin ka arritur çdo shqiptar, i djathtë opozitar, apo i majtë, por, po kështu, opozitar me planin ogurzi të kriminalizimit të Partisë Socialiste – atë që ju thashë në fillim, kemi të bëjmë me një strategji të mirëfilltë të Edi Ramës, të vënë në jetë dhe të zbatuar të paktën një vit para zgjedhjeve, menjëherë pas zgjedhjeve të Dibrës, me qëllim që, përmes bashkëpunimit me bandat e krimit të organizuar dhe derdhjes së miliona eurove të pista, të drogës, të krimit, të trafiqeve të qenieve njerëzore dhe të korrupsionit qeveritar, të shkatërrojnë procesin elektoral.

 

Kjo ka sjellë një qeveri jo të zgjedhur nga populli, por të zgjedhur nga kriminelët, dhe që sot e kësaj dite punon për kriminelët dhe mbrojtjen e tyre dhe të politikanëve të ekspozuar, të provuar me lidhje kriminale.

 

 

Pyetje: Sot janë dëgjuar dy nga kandidaturat e propozuara nga Partia Socialiste për anëtarë të Komisionit Qendror të Zgjedhjeve. Janë dëgjuar në Komisionin e Ligjeve, ku opozita mungoi, por interesi që kemi ne është nëse Partia Demokratike do të çojë kandidatura për këtë institucion?

 

Basha: Vetë aprovimi i dy kandidaturave nga Partia Socialiste përbën një shkelje të ligjit. Partia Socialiste nuk ka të drejtë, në kuadrin aktual ligjor të propozojë dy kandidura, por ka uzurpuar një kandidaturë të opozitës, që është një shenjë e asaj që kemi thënë, degradimit total të pushtetit. Pra është kapje e paligjshme e KQZ-së dhe natyrisht që opozita nuk mund dhe nuk do të bëhet pjesë e kësaj.

 

Vetë Komisioni Qendror i Zgjedhjeve me rëndësinë që ka për procesin zgjedhor, është vetëm një pjesë e problematikës që ka shkaktuar një qeverisje e dalë nga krimi, me mandate të falura nga krimi.

 

Sot nuk kemi Gjykatë Kushtetuese, efektivisht nuk kemi Gjykatë të Lartë, kemi një Prokurore të Përgjithshme dhe një Prokurore të Krimeve të Rënda kamikaze politike dhe shërbëtore të interesave kriminale dhe qeveritare, kemi një prokurori të tërë dhe sistemin gjyqësor nën terror për të shkatërruar, mbyllur, prishur hetimet për eksponentët politikë të Partisë Socialiste, më mirë të themi të organizatës kriminale të “Rilindjes” që ka uzurpuar Partinë Socialiste dhe radha e punëve për të zgjidhur këto probleme kalon detyrimisht nga ajo që përshkrova më sipër.

 

Beteja kryesore është beteja për ndarjen e politikës nga krimi dhe për vënien e të inkriminuarve para drejtësisë, nga Saimir Tahiri e Taulant Balla te Vangjush Dako, Fatmir Xhafa e Damian Gjiknuri me shokë.

 

Pyetje: Zoti Basha, ju thoni se ju ka uzurpuar PS-ja një kandidaturë për anëtar të KQZ-së, por ama vijon të qendrojë në krye të KQZ-së Klement Zguri si përfaqësues i opozitës dhe pjesë e marrëveshjes tuaj me kryeministrin Edi Rama. Pse s’e tërhiqni atëhere zotin Zguri nga kreu i KQZ-së?

 

Basha: E tërheqim apo s’e tërheqim nuk ndryshon asgjë nga qendrimi ynë politik.

 

Pyetje: Zoti Basha, dy pyetje të shkurtra. A ka një qendrim zyrtar Partia Demokratike për ngjarjen e Bularatit, pas vrasjes së një shtetasi nga policia shqiptare?

 

Basha: Qëndrimi është i qartë, kjo është një ngjarje kriminale dhe përpjekjet për ta kthyer atë në një ngjarje politike i shërbejnë vetëm atyre që duan të largojnë vëmendjen nga kriza e thellë politike ku ndodhet vendi, në këtë anë të kufirit dhe pa dyshim ka faktorë në anën tjetër të kufirit që duan ta shfrytëzojnë për axhendën e tyre politike.

 

Të dyja përpjekjet janë të dënueshme, në rastin e përpjekjes së Edi Ramës për të zhvendosur në mënyrë artificiale dhe për të pompuar me retorikë të papranueshme kundër opozitës kundra eksponentëve të opozitës, me ish-kryeministrit Berisha dhe të tjerëve, një ngjarje e cila është një ngjarje kriminale dhe duhet trajtuar si e tillë, është vetëm tregues i gjendjes ku ndodhet ai dhe qeverisja e tij.

 

Ka pushuar së qeverisuri dhe do të kapet pas gjithçkaje për të larguar vëmendjen nga fakti që sot ne nuk kemi qeveri, por kemi një bandë, një organizatë kriminale e cila preokupim kryesor ka, se si të shpëtojë veten e tij, Ramën, Xhafën, Tahirin, Dakon, Ballën, Gjiknurin nga fati që e pret në rastin e funksionimit të drejtësisë së vërtetë dhe nga përgjegjësia politike për bashkëqeverisjen me krimin, që është produkti i ardhjes në pushtet me krimin.

 

Në një këndvështrim perspektiv, tregon se kemi të bëjmë me një njeri të destabilizuar mendërisht dhe patologjikisht, dhe këtë nuk e them  thjesht dhe vetëm për çështje tashmë botërisht të njohura të patologjisë së tij, por një njeri të rrezikshëm për Shqipërinë, i cili nuk është në gjendje vetëm të përdorë ngjarje të tilla kriminale për të zhvendosur vëmendjen, por edhe të prodhojë ngjarje dhe fenomene që mund të çojnë drejt destabilizimin Shqipërinë dhe rajonin.

 

Streha e fundit e maskarallëkut është nacionalizmi i shtirur.

 

Gjeneza e diskutimit për ndryshimin e kufijve është një projekt anti-europian dhe anti-NATO, vjen pikërisht nga drejtues të inkriminuar, politikanë gangsterë, apo politikanë të lidhur me banda të krimit të organizuar që kanë humbur legjitimitetin dhe besueshmërinë brenda vendit, dhe përdorin flamujt e tyre kombëtarë si rrecka për t’u shtirur si patriotë ndërkohë që nuk ka në historinë e Europës kryeministër më antikombëtar, më kundër interesave kombëtare se ky që e ka dorëzuar qeverisjen “toptan”, krimit të organizuar, që e ka dorëzuar kontrollin e territorit bandave të krimit të organizuar, që i ka dorëzuar ekonominë e vendit krimit të organizuar, dhe kapet si i mbyturi pas fijes së barit për të krijuar ngjarje dhe për t’i dhënë konotacione politike apo radikale ngjarjeve që janë në një sfond të thjeshtë kriminal.

 

Pyetje: Zoti Basha ju deklaruat se nuk ka dhe nuk do të ketë proces normal institucional me këtë qeverisje dhe po ashtu pak më parë në mbledhjen e Grupit Parlamentar i keni vendosur deputetët para faktit se përballja me qeverinë do të jetë më shpejt se sa mendohet, a mund të dimë pak më shumë, se kush janë rrugët e përballjes me qeverinë? Po përgatiten protesta?

 

Basha: Nuk ka asnjë mister se përballja po zhvillohet dhe do të zhvillohet jo pa sukses. Ky është rasti i vetëm kur kemi një kryeministër i cili vazhdon të qëndrojë në detyrë, ndonëse janë larguar dy ministra të brendshëm njëri pas tjetrit, për shkak të aferave kriminale. Dhe ky është rezultat dhe meritë e qëndresës dhe përballjes sonë.

 

Po mos të ishte për përballjen e opozitës, në momente të veçanta edhe krejt e vetme, sot Sajmir Tahiri do të ishte një Ministër “i nderuar” i Brendshëm, apo jo? Siç i rrihte shpatullat pa fund Edi Rama.

 

Sot Vangjush Dako do të ishte një shembull i

Gazetari: I akullores…

Basha: I akullores, supermen-it, menaxhimit të Durrësit.

 

Sot Fatmir Xhafa do të ishte njeriu që “i dha Shqipërisë Reformën në Drejtësi”. Por në fakt sot Sajmir Tahiri nuk është as Ministër, as deputet, është në hetim dhe hetimi do të vazhdojë, pavarësisht broçkullave që qarkullojnë lart e poshtë e do të thellohet, mos sot nesër. Nuk do t’i shpëtojë përgjegjësisë që në krye të Ministrisë së Brendshme e ktheu në një organizatë kriminale që bashkëpunonte me kriminelët për trafikun e drogës.

 

Fatmir Xhafa është larguar, por nuk do t’i shpëtojë përgjegjësisë penale, për atë që s’ka ndodhur në 28 vite: përdorimin e policisë dhe prokurorisë për të fabrikuar prova dhe dëshmitarë të rremë kundër denoncuesve, gazetarëve dhe kundërshtarëve politikë.

 

Vangjush Dako do të arrestohet. Do të përfundojë atje ku e ka vendin, sëbashku me Elvis Rroshin e Gent Dajën. Nuk ka asnjë mundësi që as Taulant Balla, as Damian Gjiknuri, as Arben Ahmetaj, asnjë nga kupola socialiste që është përfshirë në këtë mega proçes mafioz të shitblerjes së votës, ti shpëtojë përgjegjësisë penale.

 

Të gjitha këto janë objektivat e opozitës. Vijmë me një bilanc me të paktën 350 zyrtarë dhe politikanë të larguar për shkak të ligjit të dekriminalizimit, me dy ministra të brendshëm të larguar për shkak të luftës opozitare dhe të luftojmë ta thellojmë këtë bilanc duke larguar nga politika, politikanët e inkriminuar dhe duke i çuar ata para drejtësisë. Ky në vetvete është edhe elementi kryesor i dekriminalizimit të zgjedhjeve.

 

Sa kohë që këta njerëz vazhdojnë të administrojnë pushtet politik, çdo reformë në letër do të mbetët në letër. Por ama kur këta të humbasin postet politike dhe të vendosën para një drejtësie të vërtetë e të pavarur, ky do të shërbejë si shembull dhe paralajmërim për këdo që mendon të përsërisë apo të përfshihet në bashkëpunim kriminal për të tjetërsuar votën e shqiptarëve. Pa zgjidhur këtë problem, asnjë problem nuk zgjidhet në Shqipëri.

 

Sa kohë që qeveria e dalë nga kriminelët, me mandate të dhuruara nga krimi, ka preokupim pikërisht mbrojtjen dhe fshehjen e këtyre lidhjeve, padyshim që do të vazhdojë kjo situatë ku jemi.

 

Nuk mund të ketë qeverisje, nuk mund të ketë zgjidhje apo adresim të problemeve të qytetarëve, por do të kemi një qeveri që ka pushuar së qeverisuri, sepse është uzurpuar nga një organizatë kriminale siç është kthyer sot Rilindja e Edi Ramës.

 

Pyetje: Zoti Basha, për ta bërë këtë PD duhet të vijë në pushtet. A është gati PD për të ardhur në pushtet e për të qeverisur shqiptarët?

 

Basha: Padyshim që Partia Demokratike disponon të gjithë potencialin politik dhe njerëzor, vizionin dhe programin për të ju ofruar shqiptarëve, një qeveri të pastër nga krimi dhe lidhjet kriminale, të pastër nga konflikti i interest nga oligarkët që kanë zaptuar ekonominë dhe me një vizion të qartë për të kthyer jo vetëm thjeshtë konkurencën politike, por konkurencën e lirë në ekonomi që do të ofrojë një jetë më të mirë dhe mundësi për të gjithë shqiptarët.

 

Por, kjo kalon përmes këtij procesi. Ne duhet ta kuptojmë se Edi Rama dhe kjo e keqe, janë produkt i bashkëveprimit kriminal me krimin e organizuar. Ka ardhur me vota të vjedhura, ka ardhur me vota të manipuluara e të vjedhura nga krimi.

 

Gjëja e parë që shqiptarët duhet të kuptojnë është se vota është shumë e rëndësishme.

 

Nëqoftëse vota shitet, vjen në pushtet krimi dhe kur krimi vjen në pushtet nuk ka më vëmendje për ty, nuk ka më vëmendje për njerëzit e thjeshtë. Prandaj, për të larguar këtë të keqe dhe jo vetëm dhe jo thjesht Edi Ramën, do ta largojmë pa diskutim, detyra e opozitës është e pazëvendësueshme dhe ne po bëjmë çdo gjë që të arrijmë këtë gjë, këtë detyrë.

 

Mirë është që edhe media të bëjë pjesën e vet : hetimin, denoncimin, debatin, diskreditimin e këtij regjimi të uzurpuar nga një organizatë kriminale dhe të ndihmojnë vetëdijesimin e njerëzve për rëndësinë që ka vota. Ndërsa garantimi i kësaj vote, përmes dekriminalizimit të zgjedhjeve, shërbehet nga beteja jonë e përditshme, nga largimi i Xhafës, siç u shërbye nga largimi i Tahirit. Po shërbehet kështu duke vazhduar betejën tonë për arrestimin e Vangjush Dakos dhe Dakove të tjerë, për vënien para drejtësisë dhe dënimin e krimeve elektorale të Edi Ramës.

 

Nuk do të ketë as drejtësi, as luftë kundër krimit dhe as zhvillim ekonomik dhe shpresë për Shqipërinë, pa dënuar krimin e krimeve që është krimi elektoral.

 

Kjo është rruga në të cilën kemi vepruar me vendosmëri, shpeshherë të izoluar e të braktisur, sulmuar, të censuruar.

 

Gjykoj se sot, shumë më shumë shqiptarë i janë bashkuar kësaj beteje, që është betejë për të gjithë vendin, nuk është betejë vetëm për një parti politike, dhe shumë më shumë të tjerë po vetë ndërgjegjësohen dhe t’i bashkohen betejës për të çliruar politikën nga krimi dhe zgjedhjet nga kriminelët që është beteja për të rikthyer pushtetin tek njerëzit. Është beteja që qeveria e dalë nga vota e njerëzve, të ketë preokupim kryesor jetët e njerëzve.

 

Partia Demokratike siç ka qëndruar fort, do të vazhdojë të qëndrojë fort në këtë betejë me disa rezultate domethënëse deri më sot dhe të jeni të bindur se rezultatet do të vazhdojnë.

 

Faleminderit!

 

Read More

• Dorëzimi i gjoja provave të reja nga Saimir Tahiri është pjesë e skenarit të Edi Ramës për të përgatitur opinionin publik për mbylljen e çështjes së Saimir Tahirit. 

• Edi Rama e paralajmëroi më 16 Tetor 2018 skenarin e mbylljes së çështjes, gjoja me faktin se Saimir Tahiri nuk është nën hetim në Itali. 

• Saimir Tahiri duhet hetuar dhe dënuar për veprimtarinë kriminale të kryer në Shqipëri, dhe jo në Itali.

DEKLARATË EDI PALOKA, NËNKRYETAR I PARTISË DEMOKRATIKE

Kjo është alibia që Edi Rama i dha Saimir Tahirit dhe pas së cilës fshihet presioni që po i bëhët prokurorisë për të mbyllur çështjen.

Dorëzimi i gjoja provave të reja nga Saimir Tahiri është pjesë e skenarit të Edi Ramës për të përgatitur opinionin publik për mbylljen e çështjes së Saimir Tahirit.

Këtë që ka bërë sot Saimir Tahiri, e ka paralajmëruar Edi Rama më 16 tetor, kur njoftoi se cili do të jëtë fati i dosjes “Tahiri”.

“Erl Murati: A erdhi dosja nga Prokuroria në Parlament, që e votove dhe e rrëzove për arrestimin e ministrit të Brendshëm?

Edi Rama: Po mirë po si shpjegohet që, sot e gjithë ditën ajo dosja e famshme e atij procesi që bëhet në Itali dhe nuk bëhet këtu, nuk rezulton asgjë për ministrin e Brendshëm

Erl Murati: Atë do ta thotë gjykata.

Edi Rama: Po e ka thënë gjykata.

Erl Murati: Po do ta thotë gjykata.

Edi Rama: Po e ka thënë mor në Itali.

Erl Murati: Për kë po flet?

Edi Rama: Për atë mo për atë dosjen që thua ti, dosjen që e rrëzuam ne.

Erl Murati: Cilën pra?

Edi Rama: Për atë dosjen e Saimir Tahirit po them. Si shpjegohet?

Erl Murati: Vazhdon pra, janë shtyrë hetimet e Prokurorisë këtu në Tiranë.

Edi Rama: Ore po flas për Italinë unë, lëre në Tiranë. Në Itali!” tha Edi Rama në 16 Tetor 2018.

 

Pra, e ashtuquajtura provë e re që paraqiti sot si lajm Saimir Tahiri është fakti se në Itali ai nuk është nën hetim. Kjo është alibia që Edi Rama i dha Saimir Tahirit dhe pas së cilës fshihet presioni që po i bëhët prokurorisë për të mbyllur çështjen.

• Është fakt se Saimir Tahiri po hetohet nga Prokuroria shqiptare për krime të kryera në territorin shqiptar.

• Është fakt së shteti Italian nuk mund të hetojë një shtetas shqiptar që kryen krim në territorin shqiptar.

• Është fakt që grupi kriminal Habilaj për 4 vjet nën drejtimin e Ministrisë së Brendshme nga Saimir Tahiri organizoi trafikun ndërkombëtar të drogës me makinën private të ministrit të brendshëm.

• Është fakt se pavarësisht denoncimeve të përditshme të Partisë Demokratike për 3 vjet me rradhë për trafikun e drogës nga grupi i Habilajve me audin AA 003 GB, Edi Rama dhe Saimir Tahiri mohuan të vërtetën, sulmuan denoncuesit dhe morën në mbrojtje trafikantët e drogës.

Shumica dërrmuese e shqiptarëve e kanë të qartë se, përsa kohë Edi Rama të jetë kryeministër, kryeprokuror dhe kryegjykatës, prokuroria do të vulosë vendimet e marra në zyrën e Edi Ramës.

Garantojmë Arta Markun, Donika Prelën dhe çdo prokuror që bëhet mburojë e pushtetarëve të lidhur me krimin të organizuar, se dita e drejtësisë do të vijë edhe për ta.

Arta Marku dhe Donika Prela nuk do të shpëtojnë dot nga përballja me drejtësinë as Saimir Tahirin, as Fatmir e Agron Xhafën, as Vangjush Dakon, as Taulant Ballën e aq më pak Edi Ramën.

Read More

FJALA E PLOTË E KRYETARIT TË PD LULZIM BASHA NË BASHKËBISEDIMIN ME BANORËT E MANZËS

Më lejoni ta filloj me një konstatim që më shkon në mendje sa herë vij në këtë zonën tuaj. Siç e dini edhe vetë edhe siç me siguri ua thonë ata që vijnë për t’ju vizituar, jetoni në një nga zonat më të bukura të Shqipërisë.

Ajo që dua të theksoj për ata që vijnë te vizitojnë këtë zonë është që kjo zonë është kaq e bukur jo vetëm për shkak të natyrës apo për shkak të zotit por edhe të punës tuaj sepse në këtë zonë jetojnë njerëzit më punëtorë dhe ta palodhur të Durrësit dhe gjithë Shqipërisë.

Dhe kjo është e vertetë. Keni punuar dhe roptuar për zonë zonë dhe shumë prej jush prej 50  apo 60 vitesh kur kjo zonë ka qënë e pabanueshme dhe e keni kthyer atë në një hambar për veten tuaj dhe familjet tuaja.

Por u bënë tash sa vite që punoni e jetoni të braktisur totalisht nga shteti dhe qeveria. Jo vetëm të braktisur por shtetin nuk e shihni asnjëherë të vijë këtu për tu ndihmuar, për tju dhënë dicka por gjithmonë për t’ju marrë.

Për t’ju marrë taksat, për t’ju marrë faturën e dritave që është rritur këto 5 vite si në asnjë vend tjetër të Europës, për t’ju prerë energjinë kur nuk keni mundësi ta paguani, për t’ju marrë dhe hequr ndihmën ekonomike familjeve që s’kanë asnjë të ardhur, për t’ju mbyllur shkollat e për të larguar nxënësit, për të shkatërruar sistemin shëndetësor dhe mbi të gjitha për t’ju marrë sigurinë për jetën për jetën dhe për sigurinë tuaj dhe të familjeve tuaja.

Ky është realiteti i Manzës, i Durrësit dhe i gjithë Shqipërisë dhe zhvillimet e 24 orëve të fundit sikundër zhvillimet e fundit të këtij muaji apo të këtyre viteve ka nxjerrë në pah pse ndodh kjo. Sepse vendi nuk qeveriset nga një qeveri e dalë nga vota juaj.

Vendi nuk qeveriset nga një qeveri dhe një kryeministër i zgjedhur me votën e popullit. Kur vjen në pushtet me kërcënimet e Rrumit…Rrumi e ka ky që bënte kërcënime për zgjedhje në këtë zonë…një ushtar i Xhuxhit. Qenka në Sukth.

Pra kur vjen në pushtet mbi zullumet e Rrumit e të Gjush Dakos, mendjen e ke të punosh për Rrumin dhe Gjush Dakon dhe për bandat e tjera të Durrësit dhe Shijakut. Nuk të shkon mendja për njerëzit e thjeshtë, për hallexhintë, për fermerët, për të papunët, për rininë.

I vetmi shqetësim i një qeverie të dalë nga krimi dhe kjo nga vota e qytetarëve është se si të vazhdojë të ndihmojë krimin dhe të bëjë biznes me krimin. Ky pra është problem i të gjitha problemeve i cili ka shpërthyer si asnjëherë më parë nga skandalet e ditëve të fundit.

24 orë më parë u bë e ditur dorëheqja e Fatmir Xhafës. Largimi i tij, ndryshe nga sa pritet ta shesë propaganda e rilindjes është rezultat i një dhe vetëm një faktori; betejës dhe luftës pa kompromis të Partisë Demokratike dhe opozitës dhe qytetarëve të bashkuar rreth nesh për të larguar një njeri i cili prej ditës së parë në atë karrige kishte një dhe vetëm një merak; si të shpëtonte vëllain e dënuar për trafik droge nga përballja me drejtësinë.

Kanë kaluar 24 orë dhe Fatmir Xhafaj i cili është larguar i shkatërruar dhe i deligjitimuar nga detyra e ministrit të Brendshëm, nuk ka arritur të artikulojë asnjë arsye pse u largua. Keni dëgjuar të artikulojë pse u largua nga detyra e ministrit të Brendshëm?!

Ndërkohë propaganda e Edi Ramës dhe e bandave rivale e ka mbytur eterin mediatik me lloj lloj jusftifikimesh e barsaletash. E vërteta është gjithmonë e thjeshtë dhe e dukshme.

Fatmir Xhafaj është larguar nga frika e përballjes me përgjegjësitë e tij ligjore dhe politike për manipulimin e hetimit ndaj vartësve të tij, drejtorit të Përgjithshëm Ardi Veliut dhe njerëzve të tjerë të përfshirë në manipulimin e dosjes hetimore për vëllain e tij.

Në çdo vend tjetër të botës një ministër që përfshihet në manipulimin e një dosje hetimore për çfarëdo arsyesh dhe aq më shumë vëllain e kapur gafil do të ishte sot para drejtësisë.

Fatmir Xhafaj është larguar pikërisht për ti bërë bisht përgjegjësisë së tij ligjore dhe politike për manipulimin e dosjes së vëllait    të tij Agron Xhafaj, dosje e cila u bë e ditur vetëm falë qendrësës, guximit, vendosmërisë dhe këmbënguljes së opozitës.

Sikundër, edhe në çdo rast tejtër, në fillim u tallën dhe na akuzuan. Pastaj na sulmuan porn ë fund e vërteta trumfoi.

U vërtetua që ne kishim të drejtë se kishim një ministër të Brendshëm si askund në Europë dhe në botë vëllain e një trafikanti të dënuar droge. I cili më mbështetjen e strukturave të policisë vazhdonte të bënte ligjin dhe trafikun e drogës në Vlorë dhe në gjithë Shqipërinë. I cili 24 orë pas denoncimit nga opozita u detyrua të largohet për në Itali dhe pas kësaj vëllai i tij ministër u përfshi në një aferë kriminale për të manipuluar hetimin.

Kjo është e vërteta e vetme. Nuk ka meritë as ministri tjetër i Habilajve dhe askush tjetër për largimin e Fatmir Xhafës. Largimi i Fatmir Xhafës është dëshmi e forcës së pathyeshme të opozitës dhe Partisë Demokratike bashkë me qytetarët shqiptarë në luftën kundër krimit.

Tash dy vjet ne kemi denoncuar dosjen hetimore 339. Dosja hetimore 339 i vuri në lëvizje faktorin ndërkombëtar dhe e vuri me shpatulla pas muri Fatmir Xhafën. Faktori ndërkombëtar e detyroi atë të fillonte arrestimin e disa prej bandave kryesore të krimit me të cilat Edi Rama mori votat qershorin e vitit të kaluar.

U arrestuan Bajrat në Shkodër. U arrestuan Ndokët në Lezhë. U arrestuan Avdylët në Shijak. Por Fatmir Xhafaj, si një vasal i vërtetë i Edi Ramës nuk pati guximin të arestonte Vangjush Dakon, personazhin kryesor dhe kokën e shtabit të shitblejes së votave siç e dini fare mirë këtu në Manzë, në Sukth dhe në gjithë zonën e Durrësit.

Ky ishte momenti kur faktori ndërkombëtar e kuptoi se Fatmir Xhafaj nuk është gjë tjetër veçse një ushtar i bindur i Edi Ramës. Dhe ky ishte momenti kur Fatmir Xhafaj nuk kishte asnjë alibi për të qendruar në karrigen e ministrit të Brendshëm.

Iku me turp. Iku i demaskuar para faktorit ndërkombëtar si njeriu i cili në fund të fundit është i detyruar të zbatojë urdhërat e bosit të tij si një vasal i Edi Ramës.

Ndërkohë operacioni policor i nisur me insistimin e faktorit ndërkombëtar nxorri në pah dhe vërtetoi atë që ne si opozitë e kemi thënë prej ditës së parë.

Që prej 26 Qershorit të vitit të kaluar që zgjedhjet e vitit 2017, nuk ishin një proces politik por një process kriminal. Sepse Edi Rama nuk i fitoi këto zgjedhje por i shndërroi ato në një kasaphanë ku bandat e krimit të organizuar derdhën miliona euro të drogës dhe të korrupsionit qeveritar dhe frikësuan, shantazhuan, kërcënuan votuesit me qëllim për të siguruar pushtetin kriminal të Edi Ramës.

Dhe sot, e gjithë bota mbarë e di dhe e ka kuptuar, se përpara ka një kryeministër ilegjitim, nuk është thjesht dhe vetëm raporti i OSBE-ODHIR, i cili si asnjëherë tjetër faktoi përpara shqiptarëve dhe botës, në shqip dhe anglisht, se në Shqipëri nuk ka zgjedhje por shit-blerje votash me banda kriminale.

Nuk është thjesht raporti zyrtar i ministrave teknikë, i cili në më shumë se 700 faqe, dokumentoi shit-blerjen e votës, shantazhet, presionet, kërcënimet ndaj votuesve të thjeshtë, por tani janë edhe faktet ligjore të mbledhura nga vetë prokuroria në “Dosjen 339”, por edhe në dosje të tjera hetimore, që faktojnë se si Vangjush Dako, taulant Balla, Damian Gjuknuri, Arben Ahmetaj, Qazim Sejdini dhe të tjerë eksponentë të PS, në bashkëpunim me bandat e krimit të organizuar, e shndërruan procesin elektoral të vitit të kialuar në një masakër të vërtetë kriminale në bashkëpunim me bandat e krimit të organizuar.

Në çdo situatë tjetër një kryeministri që i plasin një nga këto skandale duhet të ishte larguar.

 

Shpresa e vetme e Edi Ramës sot është propaganda, është mashtrimi.

 

Por e vërteta është lakuriq në sytë e shqiptarëve.

 

Edi Rama e mbrojti dhe e mbajti Ilir Beqën hajdutin me çizme që shkeli mbi gjakun e të afërmve, pacientëve, foshnjeve shqiptare me korrupsionin galopant të shëndetësisë derisa u detyrua ta largojë për shkak të presionit opozitar.

 

E njëjta gjë me Sajmir Tahirin.

 

Ishte Partia Demokratike, ishte opozita, ishin qytetarët që qëndruan rreth nesh, që u kthyen në një forcë të pathyeshme që detyruan të largonte Sajmir Tahirin, e detyruan të largonte Arben Ndokën, Armando Prengën, Elvis Rroshin, e detyruan të largonte Fatmir Xhafën, nesër do të largojë me doemos, Vangjush Dakon dhe do ta çojmë në burg, aty ku e ka vendin.

 

Dhe nuk ka gjeneral, me apo pa spaleta ta shpëtojë, Vangjush Dako e ka vendin në burg, dhe në burg do të shkojë një orë e më parë, për korrupsionin, për vjedhjen, për bashkëpunimin me kriminelët, për shndërrimin e Durrësit, të kësaj treve fisnike, në një çiflig të krimit, aty e ka vendin bashkë me kriminelët e tjerë, ata që janë prapa hekurave dhe shumë të tjerë që do të rikthehen e do të përfundojnë aty.

 

Largimi i Fatmir Xhafës dje është vetëm një hap i rëndësishëm dhe domethënës në betejën tonë kundër krimit.

 

Pa e çliruar politikën nga krimi, nuk do ta çlirojmë dot ekonominë e cila ka rënë në kthetrat e bandave që grabisin prona, i vënë gjoba bizneseve, marrin sikur të jenë në pronë të “babës”, gjithçka që u del përpara, fitojnë të gjitha tenderat në kundërshtim me ligjin.

 

Dhe e kanë shndërruar ekonominë shqiptare në një ekonomi që as prodhon, as konkurron, por merret vetëm me trafik droge dhe pastrim të parave të drogës.

 

Pa e çliruar politikën nga krimi, nuk do të ketë çlirim të shoqërisë nga frika, nga pasiguria.

 

Ndaj beteja dhe kauza jonë kryesore, për të cilën kemi arritur të gjithë këto fitore së bashku me ju, është ta çojmë deri në fund çlirimin e politikës nga krimi.

 

Beteja është e fituar kur të largohet arkitekti dhe koka e kësaj mënxyre, Edi Rama dhe banda e tij në Tiranë dhe kudo në Shqipëri.

 

Dekriminalizimi i zgjedhjeve është po kështu kauza jetike e çdo shqiptari në mënyrë që ju të jeni në gjendje të zgjidhni vetë jo vetëm kryebashkiakët, por edhe deputetët, edhe qeverinë sipas gjykimit dhe mendimit tuaj me votë.

 

Vetëm kështu do të garantojmë  kryebashkiakët, administratorët, drejtorët, ministrat dhe vetë kryeministri, mos t’i dridhen këmbët para kriminelëve, pro t’i dridhen këmbët kur të vijë e të japë llogari këtu para jush.

 

Kjo është demokracia.

 

Ta lidhim drejtpërdrejt fatin e çdo politikani dhe çdo administratori në këtë shtet me qytetarët shqiptarë.

 

Për këtë duhet që së pari të këpusim fijet e krimit me politikën, se sot të gjithë pushtetarët nuk duan t’ia dinë për njerëzit.

 

Nga i pari Edi Rama deri tek administratori më i humbur, fatin e kanë lidhur me kriminelët, me banditët, që janë njerëzit që i kanë sjellë dhe i mbajnë në pushtet.

 

Kjo betejë sot ka hyrë në një fazë shumë të rëndësishme.

 

Mos harroni.

 

Me Ligjin për Dekriminalizimin, arritëm të heqim 350 zyrtarë duke përfshirë deputetë, krye bashkiakë, ministra, drejtorë anembanë administratës, parlamentit, qeverisë dhe bashkive të vendit.

 

Por beteja nuk ka përfunduar dhe nuk do të përfundojë sa kohë në krye të punëve do të kemi arkitektin e bashkëqeverisjes me krimin.

 

Ndaj edhe detyra jonë kryesore si opozitë sot, është që së bashku me qytetarët shqiptarë të tregojmë një rrugë të re në të cilën mund të ecim drejt një Shqipërie për të gjithë njerëzit, me mundësi për të gjithë, për një jetë më të mirë për çdo qytetar.

 

Drejt një Shqipërie ku qeveria mos të harxhojë gjithë kohën dhe energjitë për të fshehur lidhjet kriminale të kryeministrit dhe të ministrit të brendshëm, por t’i dedikohet fatit të fermerit shqiptar, i cili sot ka harruar se ç’është subvencionit, ndërkohë që në Maqedoni dhe Kosovë fermerët marrin deri në 150 milionë Euro subvencione dhe arrijnë të sjellin edhe këtu në Shqipëri, prodhime bujqësore me çmim më të ulët se prodhimet e fermerët tanë, që u bie bretku në punë nga mëngjesi deri në darkë.

 

Ne na duhet një qeveri, një kryeministër dhe një krye bashkiak, që mos ta kenë mendjen gjithë ditën dhe gjithë natën se cilës bandë do t’i japë leje ndërtimi e kujt do t’i japë liçensa për hidrocentrale e ku do të shkojë për pushime me banditë e oligarkë, por të mendojnë se çfarë do të bëjnë për çiftet e reja të cilat e kanë të pamundur të blejnë me kredi apo pa kredi një strehë për të filluar jetën e tyre familjare.

 

Ne na duhet një qeveri, qeveritarë, kryeministër, ministra dhe kryebashkiakë, të cilët mos ta harxhojnë gjithë ditën dhe natën duke pirë e duke ngrënë si derra si oligarkë, duke shkuar në pushime me njerëz të cilët pa asnjë meritë, pa asnjë talent, pa asnjë ide, pa asnjë vlerë të shtuar për ekonominë shqiptare, marrin me një dorë sa ç’është buxheti i një ministrie tendera dhe koncesione dhe PPP e famshme që s’është gjë tjetër veçse Pastrim i Parave të Pista.

 

Por na duhen qeveritarë dhe pushtetarë lokalë që nuk i zë gjumi nqse nuk ju kanë garantuar kushtet minimale në qendrat shëndetësore dhe në spitalet e Shqipërisë.

 

Ku milionat e taksave mos të shkojnë për oligarkë, të cilët nuk ngopen për të përfituar mbi gjakun e qytetarëve, por të shkojnë që të kemi lista të barnave të rimbursueshme njësoj si në Kosovë e në Maqedoni.

 

Të kemi mjekë që shërbejnë me dinjitet e jo duke parë nga xhepat e pacientëve dhe familjarëve të tyre.

 

Të kemi spitale që ofrojnë kushte normale për rajonin tonë.

 

Të gjitha këto janë të mundura, por së pari duhet të çojmë deri në fund betejën për të shkëputur lidhjet e krimit me politikën.

 

Pa patruar politikën nga krimi asnjë nga ato, aspirata e ëndrra dhe halle të tjera të shqiptarëve nuk do të marrin zgjidhje, ndaj këtu nga Manza, dua të deklaroj vendosmërinë time si Kryetar i Partisë Demokratike, në emër edhe të aleatëve tanë, por edhe si kryetar i Opozitës, që të vazhdojmë pa asnjë kompromis, deri në fitore, betejën tonë, për çlirimin e politikës nga krimi, çlirimin e ekonomisë nga oligarkia dhe çlirimin e shoqërisë nga pasiguria dhe pamundësia.

 

Për këtë kërkoj ndihmën tuaj.

 

Asgjë nuk do të kisha arritur pa besimin që shumë prej jush nuk e humbët as në ditët më të errëta kur krimi vuri poshtë shtetin dhe propaganda i hodhi trutë e gomarit, jo pakkujt këtu në Shqipëri dhe jashtë saj.

 

Por sot shqiptarët e shohin qartë.

 

Faktori ndërkombëtar e sheh qartë e më qartë.

 

Rrugë tjetër për ta shpëtuar këtë vend nuk ka.

 

Forcë tjetër të pathyeshme për të garantuar një Shqipëri të lirë nga krimi, përveç Partisë Demokratike dhe koalicionit tonë opozitar nuk ka, ndaj ju ftoj të bashkohemi e ta vazhdojmë këtë betejë me vendosmëri deri në çlirimin përfundimtar të qeverisjes nga krimi.

Read More

 

• Kamikazët e Edi Ramës në Prokurori nuk thonë: Kush po e mbron Vangjush Dakon nga  Forca e Ligjit. Kush e bllokoi të enjten arrestimin e   Kryetarit të Bashkisë së Durrësit?

• As kombinacionet brenda qeverisë, as vasaliteti i prokurorisë ndaj Edi Ramës nuk do ta shpëtojnë nga burgu “xhuxhin” e bandave në Bashkinë e Durrësit

DEKLARATË E PARTISË DEMOKRATIKE, SEKRETARI I GRUPIT PARLAMENTAR, GENT STRAZIMIRI

Vangjush Dako ka qindra faqe përgjime me bandat në Durrës.

Ka qindra telefonata me bandat, me të cilat bën pazar për blerjen e votave, në këmbim të favoreve, lejeve, punësimeve, tenderave, pasurive publike të Durrësit.

Në fund i falënderon për “kontributin” në rezultatin elektoral të Partisë.

Përgjimet e bëra publike deri tani janë vetëm fillimi.

Ato nuk janë as 1 përqind e aktivitetit kriminal të Vangjush Dakos, por përgjimet faktojnë se një ditë para zgjedhjeve, më 24 qershor, bandat e shtabit elektoral të Ramë kanë blerë vota për tepsinë e Edi Ramës.

Përgjimet provojnë se dy ditë pas zgjedhjeve, më 27 qershor, Vangjush Dako ka komunikuar përsëri me bandën e Avdylajve që i bleu votat, duke kërkuar takim me shefin e bandës për ta falënderuar dhe për të vazhduar pazaret në tepsinë e Edi Ramës.

Vangjush Dako pranon publikisht se në cilësinë e “supermenit” që njeh çdo qytetar të Durrësit, me adresë dhe numër familjarësh, madje më mirë dhe më shpejt se sistemi elektronik i gjendjes civile, ka komunikuar me përfaqësuesit e “familjeve të mëdha e të fuqishme”, me vetëdije të plotë që fuqia në Durrës është në duart e familjeve mafioze.

Vangjush Dako pranoi edhe publikisht se për shkak të kontakteve me ta, ka arritur “rezultat historik si drejtues politik i Partisë Socialiste” në Durrës.

Në një shtet normal, Vangjush Dako duhej të ishte arrestuar “live”, në studio por jo!

Pavarësisht këtyre fakteve, Prokuroria nuk e ka marrë asnjëherë në pyetje Vangjush Dakon.

Kamikazet e Edi Ramës ne Prokurori nuk thonë:

-Kush po e mbron Vangjush Dakon nga Forca e Ligjit.

-Kush e bllokoi të enjten arrestimin e Kryetarit të Bashkisë së Durrësit?

Vangjush Dako sot duhet të ishte në burg, njësoj si Arben Ndoka dhe Arben Çuko! Ata janë pjesë e të njëjtës dosje me numër 339!

As kombinacionet brenda qeverisë, as vasaliteti i prokurorisë ndaj Edi Ramës nuk do ta shpëtojnë nga burgu“xhuxhin” e bandave në Bashkinë e Durrësit.

Read More