Blog

• Qeveria e Edi Ramës nuk e zbatoi për 5 vjet ligjin që ndalon personat e përfshirë në krimin e organizuar të mos përfitojnë tendera dhe koncesione

• Nisma e qeverisë nuk godet krimin e organizuar, por është tentativë për të marrë në mbrojtje anëtarët e krimit të organizuar që janë aktualisht nën hetim nga prokuroria për përfitime të paligjshme në tendera publikë.

GAZMENT BARDHI, KËSHILLTAR LIGJOR I PARTISË DEMOKRATIKE

Propaganda dhe tallja me shqiptarët janë mjeti i vetëm i qeverisë së Edi Ramës për të mbuluar bashkëqeverisjen me krimin.

Nuk ka asnjë inisiativë të re nga qeveria e Edi Ramës kundër krimit të organizuar.

Ministrja e Drejtësisë e di se ligji që ndalon personat e përfshirë në krimin e organizuar të mos përfitojnë tendera dhe koncesione është në fuqi prej vitit 2006.

Neni 45 i Ligjit për Prokurimin Publik përcakton se organet shtetërore duhet të përjashtojnë nga një procedurë prokurimi çdo person për të cilin ka të dhëna se ka qenë i dënuar me vendim gjyqësor të formës së prerë për pjesëmarrje në organizata kriminale.

Me ardhjen në pushtet të Edi Ramës ky ligj nuk u zbatua dhe tenderat, koncesionet, PPP-të ranë në duart e trafikantëve të drogës dhe personave të tjerë të përfshirë në krimin e organizuar.

Të shkruash me fjalë të tjera atë që sot ekziston në ligj, është tallje me shqiptarët dhe tentativë e qartë për të marrë në mbrojtje anëtarët e krimit të organziuar që janë aktualisht nën hetim nga prokuroria për përfitime të paligjshme në tendera publikë.

• Miku i Taulant Ballës, Edmond Bega, që ka përfituar 14 milionë euro nga punë publike, si dhe leje dhe licensa,
• Klement Balili, në kërkim ndërkombëtar për trafik droge, ka përfituar 77 tendera, nga të cilat 30 pa garë.
• Edison Sali, anëtar i bandës së Agron Xhafaj, ka përfituar 12 tendera gjatë qeverisë së Edi Ramës.

Këta shembuj dhe plot shembuj të tjerë janë prova se Edi Rama, i kapur në flagrancë, po bën makiazh me ligje fasadë për të fshehur të vërtetën e bashkëqeverisjes së tij me krimin dhe pasurimin e krimit me paratë e shqiptarëve.

Read More

• Strategjia e Edi Ramës për të shitur bashkëpunimin me krimin si normalitet politik nuk e shpëton Vangjush Dakon nga dosja 339! Deri tani ka dalë vetëm maja e ajsbergut.

 ENKELEJD ALIBEAJ, NËNKRYETAR I GRUPIT PARLAMENTAR TË PD

I kapur në përgjime me trafikantë ndërkombëtarë droge para, gjatë dhe pas zgjedhjeve për të blerë pushtetin kriminal të Edi Ramës, Vangjush Dako duhet të ishte sot në burg.

Çfarë po qarkullon aktualisht në media është vetëm maja e ajsbergut për “xhuxhin”, siç e quajnë miqtë e tij kriminelë, me të cilët ka blerë pushtetin e Edi Ramës.

Vangjush Dako është pjesë kyçe e mekanizimit që Edi Rama ka ngritur për të ardhur në pushtet dhe për ta mbajtur atë nëpërmjet “të fortëve”, trafikantëve të drogës, tutorëve të prostitutave, përdhunuesve dhe vrasësve.

Strategjia për ta shitur bashkëpunimin me krimin si normalitet politik synon të mpijë reagimin e shoqërisë, kërkon të imponojë pranimin e krimit si pjesë të shëndetshme të saj, duke shkuar kështu drejt asgjesimit të demokracisë në vend.

Shembujt më flagrantë të kësaj strategjie kriminale janë pranimi i hapur i bashkëpunimit me krimin nga:

• Vangjush Dako me bandën e Avdylajve dhe Lul Berishës.
• Taulant Balla me trafikantin e drogës mik të familjes, Edmond Bego,
• Arben Ndoka, Elvis Roshi Mark Frroku, Armando Prenga, që pranojnë jo vetëm bashkëpunimin, por edhe kryerjen e krimeve prej tyre.

Nuk ka tallje më të madhe për shqiptarët sesa përbetimi I Edi Ramës se po lufton krimin, ndërkohë që bashkëpunëtorët e tij më të ngushtë konsiderojnë normalitet politik bashkëpunimin me krimin e organizuar.

Edi Rama, kryeministri që qëndron në pushtet me të paktën 15 mandate të blerë nga krimi i organizuar, dhe Vangjush Dako, supermeni i blerjes së votave me krimin, do të bërtasin përsëri për shpifje. Por faktet janë në dosjen 339.

Të dy e dinë mirë se numërimi mbrapsht për ta ka filluar!

Read More

Kryetari i Partisë Demokratike Lulzim Basha e konsideroi vetingun e politikanëve si rrugën e vetme që shpëton vendin nga bashkëqeverisja me krimin. Në takimin me të rinjtë dhe banorët e Vaut të Dejës, Basha vuri në dukje fuqizimin e krimit si mënyrën e vetme të mbajtjes së pushtetit ilegjitim nga Edi Rama.

“Sot jemi para një katastrofe më të madhe: shteti i është dorëzuar totalisht krimit të organizuar. Me Edi Ramën krimi i organizuar ia ka dalë të realizojë atë që s’e ka realizuar në asnjë vend të Europës. Shqipëria është sot në gjendjen e një grushti shteti. Nuk ka një Gjykatë Kushtetuese që është mbrojtësja e lirive dhe të drejtave themelore të qytetarëve.”-tha Basha.

Me banorët e Vaut të Dejës, kreu i opozitës shpjegoi se vetingu në politikë vendos të njëjtin standart si për politikanët dhe zyrtarët e tjerë që marrin vendime për jetën e shqiptarëve. 

 “Nuk ka për të pasur zgjidhje për këtë vend pa larguar krimin nga politika. Dhe që të largojmë krimin nga politika duhet të largojmë politikanët e lidhur me krimin. Pse të pranojmë ne që gjyqtarët, prokurorët, policët dhe gardistët t’i nënshtrohen vettingut dhe të largohen nga detyra me të drejtë, në qoftë se provohet se kanë lidhje kriminale dhe politikanët të mbeten jashtë dhe sipër ligjit? Cili popull pranon që të ketë politikanë që hanë, pinë, bëjnë pazare, bëjnë pushime, shesin e blejnë apartamente, vetura, gjithçka, me kriminelët e dënuar për drogë dhe pastaj marrin vendime sesa do të jenë taksat, sa do të jetë çmimi i naftës dhe çfarë do të bëjnë me pagat e shqiptarëve.  Vettingu i politikanëve do të bëhet.”- tha Basha.

Bashkëbisedimi me banorët e Vaut të Dejës ishte reflektim i mbështetjes së shumicës dërrmuese të shqiptarëve për vetingun e politikanëve. Me një politikë të pastruar nga krimi dhe me paketën e re antimafia të opozitës, Lulzim Basha është i bindur se politika do t’i shërbejë vetëm qytetarëve.

“Çdo kontratë korruptive, kushdo që ta ketë, pavarësisht se si do ta ketë emrin apo mbiemrin e pavarësisht se sa tesera dhe çfarë tesere mban në xhep, do të vendoset para përgjegjësisë ligjore. Ne do t’i marrim të gjitha këto kontrata koncensionare, të cilat kapin në total shifrën 2.2 miliard euro, do t’i shqyrtojmë ato me mekanizmin antimafia, do t’i çojmë drejt anullimit dhe, po me mekanizmin antimafia, do të bëjmë të mundur sekuestrimin, verifikimin dhe konfiskimin e çdo pasurie publike që këta oligarkë dhe zyrtarët publikë që i kanë firmosur kontratat, kanë vënë në kurriz të popullit më të varfër të Europës. Këto para do t’i kthehen të zotit të tyre që janë qytetarët shqiptarë.”- u shpreh kryetari i PD, Lulzim Basha.

Read More

• Kauzat dhe çështjet për të cilat ka luftuar PD u provuan të vërteta – Edi Rama e mori pushtetin në bashkëpunim me krimin dhe vota nuk ka rëndësi për zgjedhjen e qeverisë në Shqipëri.

• Besueshmëria e Edi Ramës për luftën kundër krimit është zero. U faktua nga përgjimet e Prokurorisë, se ai është kryeministër për shkak të bashkëpunimit me krimin dhe jo për shkak të votës së qytetarëve.

• Përgjimet e kriminelëve kanë faktuar se në Tiranë, Durrës, Elbasan, Lezhë, Kavajë, Dibër krimi i ka siguruar Edi Ramës të paktën 10-15 deputetë përmes kërcënimit, grabitjes dhe blerjes së votës.

• Pushteti i siguruar nga kriminelët shpjegon lejimin nga Rama të kultivimit dhe trafikimit të drogës, të mungesës së luftës ndaj krimit, të dhëniës së pafajësisë për bandat, të përfshirjes në skema gjigande të pastrimit të parave.

• Pushteti i siguruar nga kriminelët shpjegon kapjen e drejtësisë nga Edi Rama dhe emërimin e paligjshëm të Prokurores së Përgjthishme, për të mbrojtur politikanët e lidhur me krimin, duke prishur hetimet.

• Aksionet e fundit janë aksione fasadë të llogaritura sa për të bërë zhurmë pa prekur krimin. Të arrestuarit do të lirohen apo lehtësohen ngadalë. Edi Rama nuk do të shkëputet dot nga krimi, sepse lidhja e tij me krimin është burimi i pushtetit të tij.

• Shkatërrimi i procesit zgjedhor dhe politik është nëna e të gjithë të këqija. Çdo vendim që merret nga një qeveri që nuk del nga vota e qytetarëve, por del nga mbështetja e kriminelëve do t’i shërbejë krimit.

• Kjo qeveri e ka humbur legjitimitetin. Në Shqipëri nuk do të ketë luftë kundër krimit dhe drejtësi, nëse nuk do të dënohen krimet elektorale të Edi Ramës.

• Nismat për ndarjen e politikës nga krimi dhe dekriminalizimi i zgjedhjeve janë prioritete absolute të PD, që duhen miratuar për t’u dhënë mundësi qytetarëve të vendosin me votë të lirë për qeverinë që duan.

 

KONFERENCA E PLOTË PËR SHTYP E KRYETARIT TË PD, LULZIM BASHA

 

Të dashur bashkëqytetarë,

Të dashur gazetare dhe gazetarë,

 

Çdo ditë që kalon po provon se çështjet dhe kauzat për të cilat Partia Demokratike ka luftuar me një kosto të lartë politike, më në fund, janë të qarta para syve të gjithë shqiptarëve:

 

• Gjendja e drogës që ne denoncuam është bërë e qartë për të gjithë shqiptarët.
• Kriminelët në Kuvend u bënë të qartë për të gjithë shqiptarët.
• Lidhjet e ministrave dhe politikanëve me trafikun e drogës janë të ditura dhe të qarta për të gjithë shqiptarët.

 

Tashmë, kanë dalë në dritë edhe provat zyrtare, të krimit të të gjitha krimeve: marrjen e pushtetit nga Edi Rama në bashkëpunim me krimin.

 

Kriminelët janë bërë faktori kryesor elektoral në Shqipëri. Vota e njerëzve, vota e popullit, vullneti i njerëzve nuk kanë asnjë rëndësi në zgjedhjen e parlamentit dhe qeverisë në Shqipëri.

 

Kriminelët e Fushë Krujës grabitën vota për Edi Ramën në zgjedhjet e 2017, nën drejtimin direkt të deputetit Rahman Rraja. Vetë djali i Rrajës u hetua për veprimtari kriminale elektorale dhe për kërcënim ndaj votuesve, por hetimet ndaj tij u mbyllën.

 

Grupi Rraja ka qenë i vetmi shtab elektoral i PS-së në Krujë aq sa Rraja i vogël ndihet oponenti ynë politik dhe zgjedhor dhe sfidon opozitën në zgjedhje, duke provuar hapur se konkurrenti zgjedhor i opozitës dhe i Partisë Demokratike nuk janë socialistët por janë kriminelët e rekrutuar nga Edi Rama.

 

Përgjimet kanë nxjerrë në dritë faktin se kriminelët e grupit të rrezikshëm Avdylaj kanë punuar për grabitjen e votave për llogari të PS, Vangjush Dakos dhe deputetëve të Edi Ramës. Bashkë me Ramën, në pushtet erdhën edhe Avdylajt, ndaj ky grup kriminal u fuqizua në një grup dhe rrjet të rrezikshëm ndërkombëtar të trafikut të drogës.

 

Në përgjimet e Lezhës del e njejta gjë, Ndokat kanë funksionuar si banda elektorale të PS-së.

 

Në Kavajë del qartë se Elvis Roshi ka bërë të njëjtën gjë, së bashku me Gent Dajën. Madje aty krimi dhe pushteti edhe formalisht u shkrinë në një person, në personin e Elvis Roshit.

 

Në Elbasan Qazim Sejdini ka bërë të njëjtën gjë, së bashku me Taulant Ballën, trafikantët e drogës dhe pushteti i tij janë një dhe të pandarë.

 

Njësoj në Dibër, Prokuroria ka një dosje tjetër ku hetohet për shit-blerjen dhe vjedhjen e zgjedhjeve në Dibër ku janë përfshirë grupe të rrezikshme kriminale dhe Ulsi Manja, Damian Gjiknuri e Saimir Tahiri.

 

Sot, falë këtyre provave të bëra publike, mund të themi me siguri se krimi i ka siguruar Edi Ramës të paktën 10-15 mandate përmes kërcënimit, grabitjes dhe blerjes së votës.

 

E vërtetë është po kështu se 2017-a ishte përsëritje dhe thellim në përmasa edhe më të mëdha i 2013-s.

 

Në 2013-ën, modeli ishte që kriminelët vetë i bëri deputetë.

 

Në 2017-ën për shkak të pengesës formale të Ligjit të Dekriminalizimit, i përdori për të sjellë në Kuvend njerëz të caktuar nga krimi, si Jurges Çyrbja me shokë, dhe për t’i lidhur ata drejtpërdrejt me politikanët e karrierës, siç është Taulant Balla me shokë.

 

Burimi i krimit në politikë, i korrupsionit dhe i rritjes së krimit në rrugë është krimi elektoral, krimi zgjedhor.

 

Një pushtet që merret me ndihmën e kriminelëve do të punojë me kriminelët për kriminelët: Një pushtet që buron nga krimi, do të ekzistojë si pushtet i krimit.

 

Në momentin që Edi Rama vendosi të bashkëpunojë me krimin për të fituar zgjedhjet, në Shqipëri mori fund çdo lloj procesi politik. Mori fund çdo lloj mundësie që të qeverisej për popullin dhe në emër të popullit.

Ky është realiteti dramatik ku jemi sot: pushteti i Ramës është pushtet i kriminelëve, nga kriminelët, për kriminelët.

 

Pushteti i siguruar nga kriminelët shpjegon:

 

1. Pse Edi Rama lejoi kultivimin dhe trafikimin masiv të drogës, madje nën mbrojtjen direkte të policisë dhe qeverisë;
2. Pushteti i siguruar nga kriminelët shpjegon se pse Edi Rama liroi nga burgu dhe u dha pafajësi bandave nga “Hakmarrja për Drejtësi” tek Indrit Taullai dhe Lul Berisha me shokë; pse Edi Rama nuk e luftoi asnjëherë krimin;
3. Pushteti i siguruar nga kriminelët shpjegon pse Edi Rama bëri që Shqipëria të kthehet sipas Raporteve ndërkombëtare zyrtare, në një strehë të sigurtë për të gjithë kriminelët shqiptarë të përfshirë në trafikun e drogës në Europë dhe në Botë.
4. Pushteti i siguruar nga kriminelët shpjegon pse sot Edi Rama është përfshirë personalisht në operacione gjigande të pastrimit të parave nga ndërtimet masive në bregdet e në qendër të Tiranës, tek aferat korruptive të pastrimit të parave me inceneratorët, PPP e deri te plani për grabitjen e dhunshme të Teatrit Kombëtar për ta shndërruar në kulla dhe pastrim parash.
5. Pushteti i siguruar nga kriminelët shpjegon kapjen e drejtësisë nga Edi Rama,
6. Pushteti i siguruar nga kriminelët shpjegon emërimin e prokurores politike Arta Marku dhe përdorimin e saj dhe vartësve të emëruar nga ajo, për të mbrojtur të gjithë politikanët e lidhur me krimin, duke shkatërruar hetimet dhe dosjet hetimorë duke larguar të gjithë prokurorët që po i hetonin dhe duke i kaluar hetimet tek shërbëtorë të bindur dhe të kontrolluar nga të pushtetit të Edi Ramës me krimin.

 

Sot një gazetar kolegu juaj dhe një deputet i opozitës janë nën hetim sepse kanë denoncuar një kriminel; kryetari i opozitës thirret në prokurori se ka denoncuar një kriminel dhe thirret sërish në prokurori se ka nxjerrë sekretin që Taulant Balla është garant i pastrimit të parave.

 

Kush nuk është sot nën hetim: Vangjush Dako, Taulant Balla, Qazim Sejdini, Ergys Çyrbja, Damian Gjiknuri, Ulsi Manja dhe të tjerë politikanë të lidhur me krimin

Pushteti i siguruar nga krimi shpjegon sjelljen e Edi Ramës:

brutal, tallës, fyes dhe arrogant me qytetarët e thjeshtë dhe justifikues, mbrojtës dhe mbështetës i kriminelëve dhe politikanëve të lidhur me krimin.

 

Sepse Edi Rama e di që pushteti i tij nuk varet nga vota e popullit, por nga kriminelët. Ndaj ai tallet e sillet brutalisht me gazetarët, qytetarët, hallexhinjtë dhe mbështet, justifikon krimin.

 

Të dashur qytetarë,

 

Unë jam i vetëdijshëm se shumë njerëz kanë humbur besimin tek politika dhe kjo ju bën shumë të pandjeshëm ndaj vjedhjes së votës. Por sot duhet të kuptojmë se pasojat e bashkëpunimit të krimit me politikën janë shkatërruese për ju, fëmijët tuaj he të ardhmen e vendit.

 

Ne kemi përdorur shpesh termin narko-shtet, por thelbi i këtij termi është ky: trafikantët e drogës vendosin kush do të jetë deputet dhe kush do jetë në pushtet.

 

Ky është krimi më i rëndë që mund të ndodhë: një grup kriminal, një organizatë kriminale sado e fortë apo e pamëshirshme të duket e pambështetur politikisht mund të luftohet dhe të çmontohet.

 

Në vitin 2006 qeveria e PD-së dëshmoi se brenda gjashtë muaj shkatërroi çmontoi dhe çoi para drejtësisë bandat që kishin terrorizuar Shqipërinë për vite të tëra.

 

Po kur qeveria buron nga krimi, në vend të luftës kundër krimit kemi shfaqj: kemi operacionet fasadë, kemi kriminelë që nuk kapen, kemi kriminelë që sundojnë qytetet shqiptare.

 

Edhe një herë sot Elbasani sundohet nga grupet kriminale, Vlora sundohet nga grupet kriminale, Shkodra po ashtu, e gjithë zona nga Tirana deri në Shkodër përfshi Krujën, Fushë-Krujën, Kurbinin, Lezhën po ashtu., sundohen nga grupe kriminale.

 

Tirana kryeqyteti i vendit, është nën sundimin e krimit dhe të drogës: mjafton të dilni në mbrëmje në lokalet e bllokut apo në trotuaret nga zona tek Blloku deri tek Rruga e Elbasanit dhe do të shikoni se kudo ka shpërndarje dhe konsum droge dhe banditë të armatosur që argëtohen dhe konsumojnë drogëra të forta. Para syve të policisë në krahë me ministrat e Edi Ramës.

 

Aksionet e fundit janë fasadë të llogaritura sa për të bërë zhurmë pa prekur krimin. Edhe këta që janë arrestuar do të lirohen apo lehtësohen nga akuzat.

 

Edi Rama nuk do të shkëputet dot nga krimi, sepse lidhja e tij me krimin është burimi i pushtetit të tij.

 

Kjo qeveri e ka humbur legjitimitetin, faktet dhe provat tregojnë se ajo erdhi në pushtet pa legjitimitet, me votat, shantazhet dhe paratë e krimit të organizuar.

 

Kush kishte pak dyshim, tani e kupton se si bashkëvepron Edi Rama me krimin, për të blerë vota. Krimi i siguron votat Edi Ramës, ky u siguron paprekshmërinë para ligjit dhe pastrimin e parave përmes projekteve private dhe publike.

 

Në Shqipëri nuk do të ketë luftë kundër krimit dhe nuk do të ketë drejtësi, nëse nuk do të dënohen krimet elektorale të Edi Ramës – krimi i të gjithë krimeve, krimi zgjedhor!

 

Kjo gjendje dhe provat zyrtare të përfshirjes së banditëve në skemën kombëtare, nga Tropoja në Sarandë, nga Korça në Durrës dhe këtu në Tiranë, për të sjellë vota me shantazh, dhunë dhe kërcënime dhe shit-blerje me para të pista për Edi Ramën është provë e domosdoshmërisë e ndarjes së politikës nga krimi dhe dekriminalizimit të zgjedhjeve, të cilat janë prioritete absolute të Partisë Demokratike dhe të opozitës dhe janë e do të jenë prioritet i prioriteteve për çdo shqiptar.

 

Këto dy nisma duhen bërë pa humbur kohë për t’u kthyer qytetarëve pushtetin e rrëmbyer nga bandat dhe për t’i dhënë mundësinë qytetarëve të vendosin me votë të lirë dhe të ndershme për qeverisjen që duan.

 

Pyetje: Z. Basha ju dje keni folur për zgjedhje të parakohshme dhe keni kërkuar zgjedhje të parakohshme. Por a është gati Partia Demokratike të shkojë në zgjedhje të parakohshme duke marrë parasysh faktin se ende nuk ka përfunduar zgjedhjet e saj brenda partisë dhe s’kanë përfunduar as zgjedhjet për grup seksione?

 

Basha: E para, informacionin për zhvillimet brenda Partisë Demokratike nuk e keni të saktë.

 

Pyetje: Z. Basha në Shkodër nuk kanë përfunduar ende?

 

Basha: Informacionin nuk e keni të saktë. Por kjo nuk është tema sot, me gjithë respektin për ju dhe për kolegët tuaj. Ky nuk është shqetësimi që po ngre unë sot. Shqetësimi që po ngre unë sot dhe po kërkoj vëmendjen tuaj të plotë është një dramë kombëtare. Është faktimi tashmë me prova zyrtare i krimit të gjithë krimeve, i angazhimit të banditëve krah për krah rilindjes për të mbledhur vota dhe për të sjellë në pushtet në mënyrë ilegjitime një maxhorancë dhe një qeveri që nuk gëzon mbështetjen popullore.

Shkatërrimi i procesit zgjedhor, shkatërrimi i procesit politik është nëna e të gjithë të këqija. Çdo vendim që merret nga një qeveri që nuk del nga vota e qytetarëve, por del nga mbështetja e kriminelëve do t’i shërbejë këtyre të fundit dhe do të marrë nëpër këmbëe fatet dhe problemet që shqetësojnë qytetarët; qoftë nga ato të sigurisë së tyre dhe familjeve të tyre, tek ato të mirëqenies, tek vendimet që prekin drejtpërdrejtë fuqinë blerëse të shqiptarit e cila siç e patë sot nga raporti i FMN-së është më e ulëta në Europë, më e ulëta se e Bosnje –Hercegovinës, më e ulëta në gjithë Europën.

Këto janë disa nga pasojat dramatike që sjell shkatërrimi i procesit politik dhe kalimi i pushtetit nga qytetarët, nga sovrani tek një grusht kriminelësh që sot kanë vendosur se kush do të jetë Qeveria dhe kush do të jetë në Parlament.

Ndaj ajo që kërkoi sot me gjithë respektin dhe dashamirësinë ndaj jush si media është të thelloheni në këtë çështje, të pyesni Prokurorinë pse nuk arrestohet Vangjush Dako? Ta pyesni pse e mban të kyçur për të, për Elvis Roshin, për deputetët e tjerë të PS të faktuar deri dje vetëm me fotografi dhe filmime krah Avdylajve, Keçërve, Ndokajve dhe bandave të tjera të krimit të organizuar dhe sot të faktuar në përgjime, në pazare me krimin e organizuar për të sjellë mandate të pamerituara dhe të pavotuara nga qytetarët.

Sot pres t’i drejtoheni Edi Ramës, arkitektit, kokës së kësaj skeme dhe ta pyesni për përgjegjësitë e tij politike dhe juridike, për ndërtimin dhe vënien në veprim të kësaj skeme kriminale të përdorimit të kriminelëve për të sjellë mandatet në Parlament. Dhe pastaj dorëzimin e pushtetit dhe të shtetit në duart e këtyre kriminelëve, me pasoja si ato që kemi parë javët e fundit, por që janë vetëm maja e majës së ajsbergut; siç është rasti “Xhisiela” apo rastet e tjera të bërë publike nga mediat.

Pra, me gjithë respektin dhe dashamirësinë për të kaluar në tema të tjera të organizmit të Partisë Demokratike dhe gatishmërinë e Partisë Demokratike për t’u përballur elektoralisht, të siguroj se Partia Demokratike së bashku me aleatët është e gatshme të përballet dhe të fitojë.

Tema e sotme është kjo dhe prioritet i gjithë prioriteteve është ky: çfarë duhet të bëjë si shoqëri, ne si opozitë, ju si media dhe qytetarët, për të rikthyer zgjedhjet e lira dhe të ndershme?

Dhe përgjigja për këta janë dy nismat e opozitës: ndarja e politikës nga krimi dhe dekriminalizimi i zgjedhjeve.

 

Pyetje: Për tu rikthyer tek zgjedhjet, do të dërgojë PD kandidatura për vakancat e krijuara në KQZ?

 

Basha: Të jeni të sigurt që për të gjitha vendimet do të informoheni dhe qëndrimet tona do të jenë publike. Por edhe një herë ju them që kjo nuk është një konferencë shtypi normale ku mund të merremi me çështje të interesit teknik apo gjysëm teknik. Kjo është një çështje themelore e shqiptarëve.

 

Sot kemi provat nga kjo prokurori, përgjimet zyrtare të Prokurorisë, që kanë zbuluar se si deputetët dhe ministrat e Partisë Socialiste kanë bashkëvepruar me krimin në terren për të blerë, shantazhuar, kërcënuar votën e qytetarëve shqiptarë.

 

Ndaj ajo që pres dhe kërkoj nga ju, në shërbim të interesit publik dhe vetëm interesit publik, është që të bëni gjithçka për t’i shkuar kësaj çështje deri në fund për të pamundësuar që, një prokurori e vënë nën urdhra politikë, se edhe aty ka prokurorë kurajozë dhe trima, por që janë nën një presion të jashtëzakonshëm, pra, për të pamundësuar që shërbëtorët e Edi Ramës në Prokurori të varrosin këto dosje hetimore. për të mundësuar përmes presionit qytetar që është detyra e qytetarëve në demokraci dhe presionit mediatik, që është detyra e shtyllës së katërt të demokracisë, medias, të ekzekutohen fletë arrestet për Vangjush Dakon dhe pushtetarë të tjerë të PS, të cilët duhet të arrestohen, të hetohen dhe të çohen para drejtësisë për krimin e të gjithë krimeve ehe për të mbajtur përgjegjës Edi Ramës, arkitektin e rënies së zgjedhjeve, arkitektin e bashkëveprimit me krimin, si në kuptimin politik ashtu edhe në kuptimin juridik; pa u shfokusuar, pa u trembur nga gogoli prej letre që ka nxjerrë këto dy javë për të hequr vëmendjen e publikut dhe për të intimiduar median, kundërshtarët politik dhe qytetarët.

 

Kjo është detyra dhe misioni ynë jetik sot.

 

Pa zgjidhur këtë çështje asnjë çështje tjetër nuk do të zgjidhet. Nuk do të ketë as drejtësi, as luftë kundër krimit, as zhvillim ekonomik; pa vënë para përgjegjësisë penale dhe pa ndëshkuar krimin elektoral të Edi Ramës dhe bashkëpunëtorëve të tij.

 

Pyetje: Z. Basha ju si kryetar i opozitës ndoshta me të drejtë mund ta cilësoni si situatë dramatike por ka një moment të dytë. Është krijuar perceptimi se PD po kërkon të riciklojë një krizë. Duke marrë parasysh faktin se ju nuk jeni në parlament, keni braktisur reformën zgjedhore, nuk njihni institucionet kushtetuese siç është Prokuroria dhe institucionet e tjera. Sa qëndron kjo e vërtetë, që po kërkohet të krijohet një krizë politike edhe para zgjedhjeve vendore?

 

Basha: Vendi është në një krizë të thellë politike, ekonomike dhe psikologjike. Nuk ka nevojë të dalësh nga Tirana, por mirë është të dalësh edhe nga Tirana për ta konstatuar se ky realitete shtrihet nga zonat më të pasura të Shqipërisë në qendër të Bllokut, tek fshatrat më të thellë të Shqipërisë.

 

Dje kam qenë në Vaun e Dejës kur kam parë dhe prekur nga afër depresionin e thellë ekonomik dhe social të fermerëve të asaj zone, të cilët janë lënë në mëshirë të fatit dhe në mëshirë të bandave.

 

Pra, vendi është në një krizë dhe burim i kësaj krize është sepse nuk ka as kryeministër, as qeveri, as kuvend, as Gjykatë kushtetuese, as prokurori, as polici, as funksionim normal të gjykatave por ka një tufë politikanësh banditë të cilët kanë marrë peng shtetin për llogari të tyre dhe të kriminelëve dhe përmes shtetit kanë marrë peng vendin.

 

Pra, ky nuk është perceptim, ky është realitet.

 

Ajo që unë po ju them sot është se ka ardhur koha që zgjidhjen e problemeve ta nisim nga  problemi themelor: krimi i gjithë krimeve është krimi elektoral.

 

Pa zgjidhjen e këtij krimi asgjë nuk do të marrë rrugë; nuk do të ketë as drejtësi, as luftë kundër krimit, as siguri për qytetarët, nuk do të ketë as parlament, nuk do të ketë as prokurori, as polici, do të ketë shfaqje fasadë, do të ketë njerëz të cilët arrestohen me bujë dhe lirohen pa bujë, por nuk do të ketë vënie para përgjegjësisë së atyre që kanë shkatërruar themelet e bashkëjetesës demokratike të njerëzve: Zgjedhje të lira dhe të ndershme.

 

Prandaj prioriteti absolut jo vetëm i opozitës, i Partisë Demokratike, i aleatëve tanë por edhe i çdo shqiptari është dhe duhet të jetë rikthimi i vullnetit të qytetarëve. Dhe për këtë ju thashë fare qartë se kemi dy nisma që i konsiderojmë jetike: ndarjen e politikës nga krimi dhe dekriminalizimi i zgjedhjeve, për të cilat kemi bërë edhe propozimet përkatëse në mënyrë shumë aktive prej të hënës së parë të këtij sezoni parlamentar.

 

Pyetje: A do të pranojë Partia Demokratike  të hyjë në zgjedhje me Edi Ramën në rast se nuk pranohen dy nismat tuaja?

 

Basha: Kjo është një pyetje me interes sensacional, por duke qenë se zgjedhjet do të jenë në qershor nuk ka absolutisht asnjë funksion në konferencën e sotme përveçse për të hequr vëmendjen  nga çështja kryesore që ju kam parashtruar dhe çështja kryesore që ju kam parashtruar është si do të kthejmë zgjedhjet në mënyrë që të kthejmë pushtetin tek qytetarët, në mënyrë që mirë apo keq, kryebashkiakët, deputetët, dhe qeveritarët të jenë produkt i vullnetit të  qytetarëve dhe jo të kriminelëve. Ky është problemi kryesor, kjo është nëna e të gjithë problemeve.

Pa zgjidhur këtë problem asnjë çështje tjetër nuk do të marrë rrugë.

 

Pyetje: Zoti Basha ju keni deklaruar se votimi i ligjit për Teatrin është vijë e kuqe për demokracinë, pas pak aty do të jetë ligji për Teatrin, si do të veprojë Partia Demokratike?

 

Basha: I qëndroj plotësisht deklaratës që kam bërë. Unë Partia Demokratike dhe Opozita e Bashkuar, e konsiderojmë këtë ligj jo vetëm antikushtetues por provën e qartë se si shteti, në këtë rast Parlamenti, ka marrë krahun e grabitësve të pronës dhe kriminelëve që do të pastrojnë paratë e pista të drogës. Përballë nuk kanë vetëm opozitën, kanë edhe ata artistë artdashës, intelektualë, që gjej rastin t’i përshëndes për një qëndresë të jashtëzakonshme dhe qytetare në këto qindra ditë e netë në mbrojtje të Teatrit Kombëtar por përballë kanë e do të kenë të gjithë njerëzit dhe ky është momenti ku ka ardhur vendi. Kemi në një anë interesin publik, interesin e njerëzve, të artistëve, të artdashësve dhe kemi nga ana tjetër interesa kriminale, të cilat përfaqësohen nga oligarkët, nga bandat e trafikut të drogës dhe nga deputetët e Edi Ramës në Kuvend, një pjesë e mirë e tyre e ardhur me votat e kriminelëve dhe jo të qytetarëve. I keni bërë pyetjen vetes se si ka mundësi që një shtet me një buxhet prej 4.2 miliardë eurosh nuk gjen para për të ndërtuar një Teatër të ri dhe një biznesmen i vetëm i gjetka këto qindra milionë euro?!

 

Nga do t’i gjejë? Kush do t’ja japë? Bëjani këtë pyetje vetes, bëni një hetim si media që si ka mundësi që për një person të vetëm bëhet një ligj special, që të shkatërrojë Teatrin Kombëtar, në kundërshtim me ligjet e Republikës, në mungesë të Gjykatës Kushtetuese, për t’i shndërruar ato në kulla të pastrimit të parave të pista të drogës. Bëni një hetim, nuk ka nevojë të thelloheni shumë.

 

Si ka mundësi që shteti me miliarda euro buxhet nuk paska para për Teatrin dhe na dilka një kompani private, e cila në aktivitetin e saj gjithë kohën ka vetëm tendera të marrë nga shteti. S’ka ndonjë aktivitet tjetër ekonomik të ligjshëm që jemi në dijeni dhe merrka përsipër diçka që s’e merr dot përsipër shteti?!

 

Besoj se përgjigja është evidente. Kjo është ajo që kemi thënë ne, një aferë që është jo vetëm korruptive, por kriminale, jo thjesht e ndërtimit të kullave, por e pastrimit të parave të pista të drogës.

 

Dhe kështu e ka kapur për fyti Tiranën dhe kështu e ka kapur për fyti ekonominë. Kështu e ka kapur për fyti shtetin. Pse? Për të mbrojtur interesat paratë dhe pushtetin e tij, të cilin e ka bashkëndarë me krimin dhe sot ai është në pushtet vetëm për këtë qëllim. Që t’ju shërbejë atyre. Në fillim iu shërbeu duke ia lënë Shqipërinë fushë të hapur për kultivimin e drogës, pastaj iu shërbeu duke e shndërruar vendin në një strehë për kriminelët të cilët me rrjetet e tyre kriminale sipas Europolit, janë shtrirë në gjithë Europën dhe tani po iu shërben për fazën e tretë dhe më të rëndë, atë të pastrimit të parave të pista të krimit, duke shkatërruar ekonominë shqiptare, duke shkatërruar trashëgiminë kulturore siç është rasti i Teatrit.

Pra të jeni të sigurt, qëndrimi jonë është i qartë dhe i prerë. Në do të kundërshtojmë me të gjitha format dhe mënyrat në krah të qytetarëve dhe artistëve dhe padyshim që Teatri është dhe mbetet vija e kuqe.

 

Pyetje: Pse jeni i sigurt që ka një fletëarresti për Dakon? Nga e keni këtë informacion?

 

Basha:  Të merremi me thelbin e çështjes. Vangjush Dako figuron qartësisht, siç e kam denoncuar tash dy vjet, si një nga personat kyç të bashkëpunimit me bandën e Avdylajve dhe me bandat e tjera të krimit të organizuar në Durrës, ku në këmbim të mbështetjes, për të siguruar në mënyrë të paligjshme vota, pra me para apo me kërcënime, apo me shantazhe, apo me deklarimin e zonave të tëra të Durrësit apo Shijakut si zona ku nuk mund të futet opozita, ky t’i japë favore, t’i japë tendera, të ndikojë që të mos t’i hyjë gjemb në këmbë, që të vazhdojnë aktivitetin e tyre kriminal dhe madje kush është në burg të lirohet. E kujtoni garancinë që dha për Lul Berishën apo jo?

 

Pra këto janë fakte që unë dhe opozita i kemi bërë publike tash dy vjet. Diferenca apo e reja në këtë daljen time para jush sot është se këto figurojnë si prova zyrtare të dosjes hetimore 339, që nuk është e vetmja dosje hetimore. Sepse siç thashë kemi dosjen e Dibrës, ka hetime në Elbasan, kemi hetime në gjithë Shqipërinë, ku deputetët, ministrat dhe kryebashkiakët e Edi Ramës janë kapur në bashkëpunim me bandat e krimit të organizuar e në pazare votash për zgjedhjet e në veçanti për zgjedhjet e vitit 2017.

 

Pyetje: Zoti Basha a kanë Partia Demokratike dhe aleatët e saj të njëjtin qëndrim për disa çështje? Psh, ju e quajtët operacionin e policisë të ditëve të fundit një fasadë ndërkohë që kryetarja e Lëvizjes Socialiste për Integrim e vlerësoi këtë operacion. A ka një qëndrim të përbashkët të dy forcave?

 

Basha:  Qëndrimi i opozitës është i qartë dhe unik. Nuk mund të pranojmë ne që qytetarëve apo partnerëve ndërkombëtarë, t’i hidhet hi syve duke nxjerrë nga thesi i aferës kriminale një apo dy peshk të vegjël apo peshq të ngordhur për t’i shërbyer për momentin si koka turku dhe pastaj për të ua lehtësuar akuzat duke i liruar, sepse kjo është një aferë ku janë përfshirë të gjitha kokat e mëdha të kupolës së Rilindjes së drejtuar nga Edi Rama.

Kjo mënyrë veprimi bëhet pikërisht që të mundet të lehtësojnë apo të largojnë vëmendjen nga këto peshq të mëdhenj, duke filluar me Vangjush Dakon.

Prandaj pyetja kryesore që duhet të shtrosh sot nuk është ajo që bëre sepse PO, absolutisht kemi një qëndrim të unik për këtë çështje, që është një çështje jetike për shqiptarët, jo thjesht për opozitën.

 

Por pyetja që duhet të bëni është: Pse nuk arrestohet Vangjush Dako? Kush ka ndërhyrë që të mos arrestohet Vangjush Dako? Kush i ka bërë presion prokurorëve që të mos e arrestojnë Vangjush Dakon? A po bëhen përpjekje, a po hidhen miliona, po ushtrohet presion politik për të shkatërruar provat që duhet të çojnë në arrestimin e Vangjush Dakos dhe jo vetëm, edhe të deputetëve të tjerë të Partisë Socialiste, edhe ministrave të Partisë Socialiste, të cilët tashmë jo thjesht në foto apo filmime të qytetarëve apo të opozitës, por në provat e prokurorisë rezultojnë të përfshirë në pazare me bandat e krimit të organizuar për të sjellë vota të paligjshme dhe mandate të paligjshme për Partinë Socialiste.

 

Pyetje: Zoti Basha, sot në rendin e ditës në Parlament është edhe projektligji për Lojërat e Fatit. A keni një qëndrim për këtë?

 

Basha: Absolutisht asnjë veprim i kësaj maxhorance, aq më pak ato që janë të përsëritura, nuk do ta tërheqin vëmendjen e opozitës dhe unë ju ftoj që mos të tërheqin as vëmendjen e mediave dhe qytetarëve nga alarmi që është bërë publik nga vetë faktet e dala në dritë deri më sot nga Prokuroria që janë maja e ajsbergut. Dhe këto fakte dëshmojnë që në Shqipëri nuk ka më një shtet të qytetarëve por një shtet të krimit. Nuk ka më një Kuvend ku përfaqësohen interesat e qytetarëve, por ka një Kuvend ku mbrohen dhe përfaqësohen vetëm interesat e kriminelëve. Pak rëndësi ka se çfarë forme marrin.

 

Pak rëndësi ka nëse bëjnë operacione propagandistike për t’i mbyllur sot e për t’i çelur nesër, se kjo ka ndodhur edhe katër vite më parë. Apo për ta çuar pronësinë nga një grup kriminal tek një grup tjetër kriminal, qoftë edhe me etiketën e monopolit shtetëror. Të gjitha këto janë krejtësisht të parëndësishme. Besueshmëria e Edi Ramës  për luftën kundër krimit është zero në një moment kur tashmë e kemi të faktuar nga vetë përgjimet e Prokurorisë, se ai është kryeministër dhe njerëzit e tij janë në qeveri për shkak të bashkëpunimit me krimin dhe jo për shkak të votës së qytetarëve.

Çështja që kam shtruar sot para jush është një çështje tepër e rëndësishme për të mundësuar shfokusimin  apo kalimin në hapa dhe vendime për të cilat jam shumë i sigurt që do të kemi mundësi të tjera për të bashkëbiseduar. Sot tema kryesore për opozitën, që besoj është tema kryesore edhe për qytetarët dhe që duhet të jetë edhe tema kryesore e medias, është që falë punës kurajoze të disa prokurorëve, pavarësisht presioneve politike, është faktuar me prova zyrtare ajo që kemi thënë: Edi Rama dhe bandat e krimit të organizuar kanë bashkëpunuar për të zgjedhur një maxhorancë ilegjitime, me deputetë ilegjitimë dhe një qeveri ilegjitime. Një maxhorancë inekzistente që nuk reflekton votën e qytetarëve por bashkëveprimin e Edi Ramës dhe krimit të organizuar.

 

Ju faleminderit!

 

 

 

 

Read More

 

• Qeveria shqiptare është e vetmja qeveri në Europë që ka braktisur fermerët e vet. Me subvencionet paguhen kandidatët e PS për të blerë vota.

 

• 500 milionë euro shpërndahen tek 10 oligarkë me skema korrupsioni si koncesioni check up-it dhe rrugë 5 herë më të shtrenjta.

 

• Shqipëria nuk investon në bujqësi dhe nuk ndihmon fermerët, sepse ka qeverinë e gabuar, që pasuron veten dhe disa oligarkë. Këtë duhet ta ndalim sa më shpejt.

 

• Me ligjin “Antimafia” paratë dhe pasuritë e përfituara me korrupsion do të konfiskohen dhe do të investohen në bujqësi, shëndetësi, arsim, infrastrukturë.

 

• Plani i PD për mbështetjen e bujqësisë që vitin e parë me 100 milionë euro, ka tre shtylla kryesore: investimet në infrastrukturë, subvencione direkte, mbrojtje e prodhimit vendas me tarifat doganore.

 

 

FJALA E PLOTË E KRYETARIT TË PD, LULZIM BASHA NË KUSMAÇ TË VAUT TË DEJËS

 

 

Ju falenderoj nga zemra për mikpritjen dhe faleminderit për fjalët e ngrohta të mirëseardhjes. Mirëse ju gjej!

 

Kam ardhur me një kënaqësi të madhe në Kosmaç sot, ndonëse është hera e parë që futem dhe shoh tokën, serat dhe punën e mrekullueshme, për të cilën njiheni anembanë Vaut të Dejës, Shkodrës dhe gjithë Shqipërisë.

Bashkë me zotin Halim, kryeplakun, dhe me disa prej familjarëve, miqve dhe komshinjve tuaj, pamë nga afër punimet në disa disa prej serave, që tregojnë qartë se kemi të bëjmë me një komunitet fermerësh punëtorë dhe të palodhur.

 

Ia thashë, kur ishim pranë serave dhe dua t’ua them edhe ju, se këtu gjej të njëjtin shpirt pune e sakrificë si në Myzeqe, të njëjtën klimë të përshtatshme për kultivim kulturash bujqësore, në rastin tuaj perimesh, të njëjtën punë vetëmohuese  nga mëngjesi deri në darkë gjatë gjithë vitit si në dimër ashtu edhe në verë e, po kështu, të njëjtat vështirësi.

 

Më treguan se problemi kryesor me të cilin përballeni është mungesa totale e përkrahjes nga shteti. Vlera totale e investimit që ju si fshat keni bërë në mijëra dynym sera këtu në fshatin tuaj, kap afro 7 milion dollarë, të gjitha para të investuara nga ju, xhepi juaj apo të marra kredi nëpër banka.

 

Në pesë vite nuk keni marrë asnjë qindarkë subvencion  nga shteti. Është tronditëse, në radhë të parë, sepse paratë që ju paguani si taksa, si faturë energjie, sepse më thanë se është një nga fshatrat model në të gjithë Shqipërinë për pagesën e faturës së energjisë, nuk ju kthehen mbrapsht as si investime dhe as si mbështetje për bujqësinë. Po ne e dimë tashmë dhe ju e dini fare mirë se në asnjë vend të botës, në asnjë vend të Europës nuk funksionon bujqësia pa përkrahje shtetërore, pa subvencione.

 

Subvencionon Maqedonia, subvencionon Kosova. I vetmi shtet që e ka braktisur fermerët e vet në fatin e Zotit e të motit është ky shtet e kjo qeveri.

 

Po pse vallë? A ka mundësi shteti shqiptar t’i mbështesë fermerët e Kosmaçit, të Myzeqesë e të Devollit, të Xarrës, të Velipojës?! Sigurisht që ka mundësi. Për mirë apo për keq, shteti ka sot një shpenzim vjetor prej 4.2 miliardë eurosh. Po ku shkojnë këto para? Ku shkojnë këto lekë që mblidhen nga taksat tuaja?

 

Ju e dini fare mirë se ku shkojnë dhe ne si opozitë ju kemi treguar me emër e mbiemër se ku shkojnë këto lekë.

 

500 milionë euro vetëm këto vite të qeverisjes shkojnë për 10 oligarkë që i marrin paratë e taksave tuaja dhe i kthejnë ato në rrush e kumbulla. E them këtë si metaforë se magar të bëheshin rrush e kumbulla, fruta apo perime. S’bëjnë asgjë. Lekët shkojnë për skema dhe gropa të zeza korrupsioni siç është koncesioni i Check-Up-it., siç janë koncesione rrugësh që ndërtohen me 4-5-fish çmim. E normal, nëqoftëse një kilometër rrugë që do të ndërtohet për 2 milionë euro, e ndërtojnë për 10 milionë euro, s’ngelen më lekë as për subvencione, as  për shkolla, as për spitale.

 

Kjo është arsyeja se përse Maqedonia harxhon 150 milionë euro në vit, subvencione të drejtpërdrejta, para që u paguhen fermerëve maqedonas, fermerëve të Maqedonisë se janë edhe shqiptarët e Maqedonisë, që punojnë atje. Kosova harxhon 120 milionë euro për të mbështetur fermerët e Kosovës, ndërsa fermerët shqiptarë, në Kosmaç dhe kudo tjetër, rrinë me sytë nga qielli.

 

Si do të konkurrojë domatja e Kosmaçit, speci i Kosmaçit, patëllxhani i Kosmaçit, me çmimet e prodhimeve të Kosovës e të Maqedonisë. Nëqoftëse domatja, patatja apo speca që vijnë nga Kosova e Maqedonia, qeveritë e këtyre vendeve  kanë ulur çmimin duke subvencionuar kostot e prodhimit apo koston e transportit, magazinimit. Po ju kë keni? Vetëm veten tuaj, shpatullat tuaja dhe mbështetjen te njëri-tjetrit. Ju keni një pjesë e madhe prej jush edhe kreditë në bankë, që ju rrinë si shpatë mbi kokë.

 

Pra kjo është braktisja totale që bujqësia shqiptare ka në këto pesë vite, të kësaj qeverie.  Në fakt, kjo që po them nuk është totalisht e vërtetë. Ndokush edhe ka marrë subvencione. Kush ka marrë subvencion? Shikoni kush ka marrë subvencion. Kandidatët e Partisë Socialiste për pushtet. Kjo është skema.

 

Mark Babani ka marrë subvencione.

 

Përse? Që t’i derdhë si lek për të blerë si vota kur të vijnë zgjedhjet. Kjo është skema e këtij shteti të korruptuar e të falimentuar. Ju mbledh lekët ju përmes taksave, këto taksa i ndan me një grusht oligarkësh dhe klientësh të qeverisë dhe pastaj u kërkon atyre që paratë që kanë marrë në mënyrë të padrejtë dhe korruptive, t’i derdhin sa herë të ketë fushata elektorale për të shkatërruar vullnetin e qytetarëve, për të kapur pushtetin. Një rreth vicioz. E blejnë pushtetin me lek dhe e përdorin pushtetin për të vjedhur më shumë lek.

 

 

Në këtë rreth vicioz, të vetmit që fitojnë janë një grusht pushtetarësh të korruptuar, që u është bërë fytyra shollë, nga Edi Rama te Tom Doshi, tek Ditmir Bushati që premtojnë sa herë vijnë këtu nëpër fushata, subvencione e mbështetje, me një grusht klientësh të tyre, humb i gjithë populli.

 

Por në shkallaren e humbjes, askush nuk humb më shumë se fermeri shqiptar.

 

Nuk ka bërë vaki në Europë të ketë një vend që t’i ketë braktisur kaq totalisht fermerët e vetë si Shqipëria nën qeverisjen e Edi Ramës. E sfidoj sot të më tregojë një vend të vetëm në Europë, një, në Ballkan, i cili i ka braktisur fermerët në mënyrë kaq totale. As Kosova, shteti më i ri i Europës, as Maqedonia, jo e jo, as Bosnja.

 

Kjo që po ndodh është po aq kriminale sa ajo që po ndodh në shëndetësi. Ku u premtua shëndetësi falas dhe sot spitalet janë pa ilaçe, rimbursimi i barnave, është më katastrofiku në Europë dhe sistemi i shëndetësisë po zbrazet nga mjekët dhe infermierët.  Po ky nuk është problem për kryeministrin që kemi. A e patë dje çfarë problemi kishte: ‘Pse futen makinat në QSUT?’ Ky ishte problem, jo që QSUT-ja është pa mjekë e po zbrazet nga mjekët, infermierët e specialistët.

 

Dhe për të marrë barna duhet patjetër, e për të marrë shërbimin shëndetësor duhet patjetër të paguash rryshfet. Nuk janë këto problemet jo, problem është se përse u futkan makinat në QSUT. Se të sëmurët duhet të ecin në këmbë e mundësisht të bëjnë akrobaci deri sa të shkojnë te sporteli e të marrin shërbimin. Është një tallje totale me popullin sikurse është tallje ajo që ka bërë këtu në Kosmaç.

 

Ka ardhur tre herë dhe ju ka premtuar përkrahje dhe nuk ka asnjë lloj përkrahje për ju.

 

Qëndrimi im dhe qëndrimi i Partisë Demokratike është i qartë, publik dhe i vendosur. Me bujqësi dhe blegtori, sot jetojnë, apo më mirë të them mbijetojnë, gjysma e popullsisë.

Ndërkohë që shteti nuk harxhon as gjysmën e asaj që harxhon Kosova dhe Maqedonia për këtë sektor.

 

Plani ynë për të mbështetur bujqësinë përbëhet nga tre shtylla kryesore.

 

Shtylla e parë është shtylla e investime infrastrukturore për të mbështetur bujqësinë dhe zhvillimin rural. Kjo do të thotë fonde të mjaftueshme për pushtetin vendor dhe sipas rastit të pushtetin qendror, për të ndihmuar në lehtësimin e infrastrukturës që mbështet zhvillimin bujqësor, qofshin këto rrugë aksesi, kanalizime për vaditje, për kullime, për kanalet e vaditjes dhe të kullimit dhe ç’është më e rëndësishmja ndërtimin e një infrastrukturë që të mbështesë grumbullimin, magazinimin dhe nxjerrjen në treg të prodhimeve bujqësore.

 

Së dyti, subvencione të drejtpërdrejta për çdo fermer prodhues, fermer apo blegtor prodhues në bazë të prodhimit, duke respektuar prioritetet e zhvillimit, sepse Kosmaçi që njihet për domaten, për specin, për kastravecin, për sallatën, patëllxhanin, nuk mund t’i kërkohet të kultivojë fjala bie panxhar apo misër. Ajo që rritet këtu më mirë, ajo që është tradita juaj, ajo që mund të konkurroni në treg duhet të bëhet edhe prioritet i subvencionimit nga shteti, subvencionum sipas normave që ndjekin të gjitha qeveritë e Ballkanit.

 

Nga ana tjetër tarifa doganore për prodhimet e eksportit, në mënyrë që prodhimet e fermerëve shqiptarë të jenë të parat dhe pastaj të huajat. Nuk lejojmë që prodhimet bujqësore të fermerëve shqiptarë të konkurrohen në mënyrë të pandershme nga prodhimet e huaja.

 

 

NDËRHYRJA E DYTË

 

Kështu siç është gjendja, vendi po shkon në greminë. Shqipëria nuk mund ta durojë më këtë gjendje, nuk mund ta mbajë më në qafë këtë zgjedhë që i ka vënë kjo qeveri që mendon vetëm për veten e saj.

 

Po flas më konkretisht.

 

A e dëgjuat për koncesionin e rrugës Milot –Balldre? A e morët vesh se sa miliona euro do të hidhen për këtë rrugë?

Kosto e kësaj rruge nuk është as gjysma e asaj që Edi Rama vendos t’ua marrë ju dhe t’ia japë një ndërtuesi të vet. Është baras me buxhetin 2 vjeçar të investimeve publike në gjithë Shqipërinë, për një njëri të vetëm.

 

Pse?! Natyrisht sepse bashkë ndajnë paratë. Ne do ta ndalim këtë menjëherë.

 

Të gjitha këto kontrata dhe koncensione që marrin në total 2.2 mld euro do t’i nënshtrohen një shqyrtimi sipas ligjit “Antimafia”. Paratë e përfituara me të padrejtë dhe pasuritë e marra me të padrejta do të konfiskohen dhe do të kthehen në shërbim të njerëzve, në shërbim të investimeve që ju nevojiten ju.

 

Mjaftojnë 15 milionë euro për të rinovuar tërësisht infrastrukturën e rrugëve rurale në Bashkinë e Vaut të Dejës. Kryetari ka projekt, por Edi Rama nuk ka para për Vaun e Dejës, siç nuk ka para për Shkodrën, siç nuk ka para as për Vlorën që është deputet. Por paratë i ka për vete. Paratë i ka për veten e tij, për familjarët e tij, për bashkëpunëtorët e tij, për klientët e tij.

 

Kjo do të marrë fund.

 

Nuk ju premtoj mrekulli, por ju premtoj që sipas planit tonë ju si fermerë të Kosmaçit dhe gjithë fermerët e Shqipërisë do të keni një buxhet me subvencione të barabartë për frymë me atë që harxhon sot Kosova apo Maqedonia. Vitin e parë ky buxhet do të jetë 100 milionë euro për gjithë vendin dhe synimi është që të shkojmë 150 milionë euro mbështetje të drejtpërdrejtë buxhetore, por që do të shkojë tek fermerët dhe jo tek 5 oligarkë.

 

Këtij buxheti do t’i shtohet po kështu mbështetja me fonde shtetërore për të ndihmuar zinxhirin nga prodhimi tek dalja në treg. Askush prej jush nuk ka fuqinë të ndërtojë këtu një infrastrukturë magazinuese apo frigoriferike. Kjo është dhe duhet të jetë detyrë e financimit nga qeveria. Do ta bëjmë këtë me qëllim që të lehtësojmë zinxhirin e prodhimit dhe të tregtimit të mallrave dhe prodhimeve tuaja bujqësore.

 

Kjo do të bëhet natyrisht në bashkëpunim me komunitetin. Kjo do të bëhet në mënyrë të tillë që të nxisë prodhimin. Nuk do të mbijnë magazina dhe frigoriferë aty ku jetojnë miqtë e kryeministrit apo kontribuuesit e fushatave të partisë të tij, po aty ku prodhimi është i madh, ku ka nevoja reale për magazinim dhe frigoriferim.

 

Një nga këto raste është Kosmaçi, ku vit për vit, siç më informoi edhe Halimi, groposni produktet për shkak të mungesës së aksesit në treg. Pra, po! Masat do të jenë të drejtpërdrejta, masat do të jenë të menjëhershme.

 

Mos harroni, e keqja në këtë vend, është e fortë, por po kështu në qoftë se kemi njerëzit e duhur, qeverinë e duhur dhe vullnetin politik gjërat mund të ndryshojnë shumë shpejt për mirë. Duhet vullneti politik dhe vullneti politik do të përkthehet në masa të forta, të rrepta dhe të vendosura.

 

Asnjë prej oligarkëve nuk do të arrijë dot të shtrihet mbi kurrizin tuaj. Të gjitha kontratat korruptive do të anulohen menjëherë dhe paratë që sot shkojnë nga buxheti i shtetit, paratë tuaja, taksat tuaja, për këta 10 veta, për këta 10 foka të majmura me paratë e popullit më të varfër të Ballkanit, këto para do të shkojnë për prioritetet tona kryesore.

 

Prioritet absolut është bujqësia me investime, mbështetja e rinisë përmes stazheve të punës dhe trajnimit në mënyrë që këtu në Shqipëri të sigurojnë vende pune me paga dinjitoze, siç e bën Maqedonia. 1 mijë deri në 1 mijë e 500 veta i kanë trajnuar dhe sot shkojnë nga kompanitë nga Gjermania e Suedia, nga Spanja dhe Amerika, nga Japonia dhe Tajvani, dhe hapin vende pune në Maqedoni, ku punojnë pranë shtëpive të tyre, s’kanë nevojë të shkojnë emigrantë.

 

Pse e bën Maqedonia dhe s’e bëjmë dot ne?! Për një arsye të vetme, sepse kemi qeverinë e gabuar, qeverinë që mendon vetëm për veten e saj, vetëm për xhepat e saj. Këtë duhet ta ndalim dhe këtë e keni në dorë ju. Mjafton t’i shkatërrojmë mekanizmin, me të cilin kanë sunduar këto 5 vite. Ju marrin ju taksat, ju lënë në mëshirë të fatit, ju lënë me sytë se çfarë po bjen dhe kush po na e sjell dhe pastaj ju lëshojnë Mark Babanët dhe Tom Doshët e Ditmir Bushatët ditën e zgjedhjeve për të ua prish mendjen me një 50 mijë lekësh, apo 20 mijë lekësh apo 100 mijë lekësh.

 

Kjo duhet të marrë fund dhe do të marrë fund. Shqiptarët janë ndërgjegjësuar, janë vetëdijësuar. Unë e shoh këtë kudo. Dhe ju do ta keni prap mundësinë të zgjidhni qeverinë që doni dhe ta mbani përgjegjëse për premtimet dhe jo të rrini kështu që, sa herë që ka fushata të vijnë të bëjnë gallatë e të tallen me ju, të premtojnë e të zhduken. Pse? Sepse e dinë që kur do të vijë dita e zgjedhjeve atë votë do ta nxjerrin me hir e me pahir, me kriminelë, me banda e me shitblerje votash.

 

Një test i madh po afron, vitin e ardhshëm do të kemi zgjedhjet vendore dhe këto zgjedhje vendore të cilat mund të jenë fare mirë në të njëjtën kohë edhe me zgjedhjet e përgjithshme të parakohshme, do të jenë një shans i jashtëzakonshëm,  që ju të ushtroni të drejtën që keni, për të vendosur se çfarë qeverisje doni.

 

Unë jam sot këtu jo thjesht për t’ju kallëzuar problemet dhe autorët e problemeve por për t’ju komunikuar bindjen time më të thellë, se të gjitha këto problem mund të zgjidhen, nëqoftëse ju ushtroni të njëjtën mençuri, që ushtroni për serat tuaja, për familjen tuaj, për një aferë të madhe, për një punë të madhe kombëtare, siç është zgjedhja e drejtuesve të duhur, si në nivel lokal ashtu edhe në nivel qendror dhe për t’ju garantuar dhe për t’ju dhënë fjalën se jo premtimet, por planet që kemi për bujqësinë, për Kosmaçin, për Shkodrën dhe për gjithë Shqipërinë do të vihen menjëherë në jetë me ardhjen në pushtet të një qeverie të dalë nga vota juaj dhe që do t’ju shërbejë ju dhe vetëm ju.

 

Read More

Vendimi i Gjykatës nuk është në shërbim të interesave të qytetit. Ai varros ato copa të fundit të demokracisë qytetare në Tiranë. Është një vendim i cili i jep të drejtë propagandës në pushtet dhe dënon, duke konsideruar si shpifje debatin, mbrojtjen e interesit të qytetarëve.

Të mbrosh interesin e qytetarëve, rritjen abuzive të çmimit të ujit me 40% për banorët e Tiranës, sot përbën shpifje. Pra ky është realiteti.

Erion Veliaj arriti që, me debatin e shpifjes, me rilindjen e drejtësisë, me rikthimin e ligjit famëkeq 55, sot të kërkosh demokraci të kërkosh një debat qytetar, të mbrosh interesat e qytetit, ti mund të dënohesh.

Është një dënim fatkeq i cili mbron një kryebashkiak gënjeshtar.

Ai premtoi që çmimi i ujit, publikisht e ka thënë, që nuk do të rritet.

Ai premtoi që çmimi i transportit publik nuk do të rritet.

Ai premtoi moratorium për ndërtimet dhe sot ka ndodhur krejt e kundërta.

Ai premtoi se sikur edhe një pemë e vetme do të pritej,  do të jepte dorëheqjen.

Ai është një kryebashkiak gënjeshtar, që sot u paraqit para gjykatës së rrethit Tiranë si një viktimë e turbulluar shpirtërisht.

Ai kërkon të mbysë dialogun qytetar, llogaridhënien që është sistemi që na mban të bashkuar. Po nuk pati llogaridhënie një i zgjedhur ai kthehet në diktator, drejtësia në pushtim, në një grusht shteti.

Mendojeni edhe njëherë, Erion Veliaj ndihet i turbulluar shpirtërisht se ne e akuzojmë për një aferë për rritjen jo transparente të çmimit të ujit për banorët e Tiranës. Po kështu për taksat, manotariumin e ndërtimeve.

Janë me dhjetëra raportet ndërkombëtare që e konsiderojnë bumin e ndërtimeve në Tiranë si një lavatriçe për paratë e drogës.

Sot të thuash të vërtetën në Tiranë, të mbrosh demokracinë, të mbrosh dinjitetin e sovranit, dënohesh për shpifje.

Ky është realisht një tranzicion i tmerrshëm, një rikthim mbrapsht 27 vite, ky është një grusht shteti, që e nënshtron të drejtën të zgjedhurin, qytetarin që kërkon më shumë transparencë.

Dhe në këtë vendim që flasim sot vetë shteti shqiptar është deklaruar se rritja e çmimit është jo transparente, se nuk ka patur një arsyetim të mirëfilltë.

Gjykata dha një vendim të pakuptueshëm , thjesht sepse jemi në periudhën e Rilindjes, rilindjes së drejtësisë, e cila po i nënshtrohet presionit të pushtetit

Pra këtu është realisht një diktaturë, është rikthim i një autoritarizmi, i cili e ka vendosur drejtësinë si një pushtet i pavarur krejtësisht në shërbim të pushtetit.

Ju faleminderit!

 

Read More

Policia e Shtetit, e cila në 5 vitet e drejtimit të vendit nga Edi Rama, veproi si një organiztatë në mbrojtje të krimit me lidhje politike, tani po bëhët vegla më e shëmtuar dhe e rrezikshme e propagandës së kryeministrit, peng i krimit.

Lista me të ashtuquajtur 300 të fortë, nuk ka asnjë emër krimineli, asnjë emër të forti, që drejton realisht bandat dhe organizatat kriminale në vend.

Drejtori i Përgjithshëm i Policisë, Ardi Veliu, i cili u emërua në këtë detyrë për shkak të miqësisë me të fortin e Vlorës Agron Xhafaj, i dënuar për trafik ndërkombëtar droge, ka zgjedhur të bëjë megafonin e kryeministrit kundër interesit të qytetarëve për luftë të vërtetë kundër krimit të organizuar.

Operacioni “Forca e Ligjit” është pjesë e propagandës së Edi Ramës.

Asnjë bos i krimit nuk është arrestuar.

Asnjë pasuri e bosëve të krimit nuk është sekuestruar.

Nëse  Forca e Ligjit do të kishte goditur vërtet krimin, negociatat për anëtarësimin e Shqipërisë në Bashkimin Europian, do të ishin hapur.

Operacionet apo paketat me emra propagandistikë janë shpikje e Edi Ramës për të mbuluar lidhjet e tij dhe të bashkëpuntorëve të tij me krimin.

Është fakt se Taulant Balla përmendet për disa nga dosjet e rënda që janë në hetim. Por kryetari I grupit parlamentar të Partisë Socialiste është i lirë.

Është fakt se Vangjush Dako është I kapur në përgjim me disa kriminelë, por, megjithëse disa peshq të vegjël arrestohen, kryebashkiaku I Durrësit, është i lirë.

Është fakt se Qazim Sejdini është kokë e këmbë i zhytur me bandat e Elbasanit, por kryebashkiaku I Elbasanit është i lirë.

Është fakt se Damian Gjiknuri, Arben Ahmetaj, Jurgis Çyrbja, Ulsi Manja përmenden edhe këta në disa nga dosjet e rënda që janë në hetim, por të gjithë janë të lirë.

Të fortët e vërtetë janë drejtuesit e organizatave kriminale, që Policia e Fatmir Xhafës dhe Ardi Veliut, jo vetëm nuk i arreston, por i njofton të shkojnë në drejtim të paditur edhe kur operacionet e partnerëve ndërkombëtare i evidentojnë si bosë të krimit të organizuar në vend.

Fatmir Xhafaj dhe Ardi Veliu, kanë detyrimin të informojnë qytetarët

Sa nga bosët e krimit të organizuar janë arrestuar.

Sa është numri i familjeve mafioze që janë shkatërruar.

Sa janë Laboratorët e Drogës që janë zbuluar nga Policia Shqiptare, pa kërkesën e partnerëve.

Të konsiderosh suksese arrestimin e të moshuarve, rojeve apo shoferëve, është, më e pakta, shfokusim ndaj luftës së vërtetë me krimin.

Në të vërtetë, në Shqipëri ligji nuk do të ketë asnjëherë forcë, bosët e krimit nuk do të arrestohen, përsa kohë ata janë të ulur, bashkë me Edi Ramën, në karrigen e kryeministrit të vendit.

Read More

Basha: Prokuroria mbron lidhjet e qeverisë me krimin si sekret shtetëror

Basha: Në aferën Toyota Yaris janë të përfshirë edhe dy deputetë të tjerë të PS, Ulsi Manja dhe Jurgis Çyrbja.

DEKLARATA E KRYETARIT TË PARTISË DEMOKRATIKE, LULZIM BASHA PAS DALJES NGA PROKURORIA E TIRANËS

Prokuroria ka kërkuar dëshminë time për hetimin që ka hapur në lidhje me nxjerrjen e sekretit shtetëror sa i përket veprës kriminale të futjes së parave të krimit me Toyota Yaris.

Ky veprim dëshmon se deklaratat e mia publike, denoncimet e mia publike për përfshirjen e Taulant Ballës në dhënien e garancive politike dhe në trafikimin e paligjshme të parave të pista të krimit, janë të vërteta. Sot dua t’u them se në këtë aferë janë të përfshirë edhe dy deputetë të tjerë të Partisë Socialiste, Ulsi Manja dhe Jurgis Çyrbja.

Kam ardhur me shumë dëshirë sot në prokurori për të ju dëshmuar shqiptarëve se ku ka degraduar sistemi i prokurorisë shqiptare. Në vend që të hetojë se kush qëndron prapa transaksioneve kriminale të miliona eurove me Toyota Yaris, në vend që të hetojë se kush i garanton këto akte të rënda kriminale, po e trajton këtë si një nxjerrje të sekretit shtetëror.

Prokuroria ka fakte dhe prova të mjaftueshme për të kërkuar menjëherë arrestimin e Taulant Ballës. Për të kërkuar dekada burg për Saimir Tahirin, Vangjush Dakon, Damian Gjiknurin, Qazim Sejdinin me shokë.

Por e kapur nga pushteti kriminal i Edi Ramës dhe nga krimi, prokuroria po i trajton lidhjet e pushtetarëve me krimin si sekret shtetëror. Po mbron lidhjet e Taulant Ballës me bandat e krimit të organizuar, lidhjet e Vangjush Dakos me bandat e krimit të organizuar me bandat e krimit të organizuar, si sekret shtetëror.

Nëse prokuroria do të vepronte mbi përgjimet zyrtare, faktet dhe provat që disponon, sot Taulant Balla duhet të ishte në ARREST.

Sot Vangjush Dako duhet të ishte në arrest.

Sot Saimir Tahiri, Vangjush Dako, Taulant Balla, Qazim Sejdini duhet të kishin një pretencë me dekada burg.

Sot Fatmir Xhafaj do të ishte jashtë politikës.

Por unë nuk jam i paduruar, sepse e di që drejtësia mund të vonojë por nuk do të mungojë.

Së bashku me Taulant Ballën, Ulsi Manjën, Jurgis Çyrbjen, Vangjush Dakon, Qazim Sejdinin me shokë, do të vijë dita kur para drejtësisë të jenë edhe veglat  që e kanë shndërruar prokurorinë në një aksesor të këtij regjimi kriminal dhe të krimit të organizuar, Arta Marku dhe Donika Prela.

Read More

• Dosja hetimore mbi të cilën është vepruar përgjysëm natën e mbrëmshme, është dosja hetimore e Vangjush Dakos.

• Peshku i madh i kësaj çështje quhet Vangjush Dako, të tjerët janë peshq të vegjël të cilët po serviren si pjesë e përpjekjes së Edi Ramës, Fatmir Xhafës dhe Donika Prelës, për të shpëtuar peshkun e madh.

• Nuk kemi një Prokurori të Krimeve të Rënda, kemi një celulë kriminale e cila i shërben pikërisht këtij plani: që duke i servirur opinionit publik dhe partnerëve ndërkombëtare disa peshq të vegjël, të mbyllet hetimi për Vangjush Dakon dhe të paktën katër depuetët të tjerë socialistë.

PRONONCIMI PËR MEDIA I KRYETARIT TË PARTISË DEMOKRATIKE, LULZIM BASHA

Pyetje: Komenti juaj për këto aksione të policisë të cilat rezultojnë me arrestimin e dy ish-deputetëve të PS por edhe me disa eksponentë të botës së krimit?

Basha: Dosja hetimore mbi të cilën është vepruar përgjysëm natën e mbrëmshme, është dosja hetimore e Vangjush Dakos.

Peshku i madh i kësaj dosje është Vangjush Dako, i cili, siç kam paralajëmruar tash dy vjet, është kapur në flagrancë në përgjime zyrtare të Prokurorisë shqiptare dhe të partnerëve ndërkombëtare, në transaksione politike dhe financiare me krimin e organizuar.

Pra, në shkëmbim të votave për Partinë Socialiste, duke iu ofruar tendera dhe të tjera lehtësira grupeve kriminale të krimit të organizuar shqiptar.

Pra, peshku i madh i kësaj çështje quhet Vangjush Dako, të tjerët janë peshq të vegjël të cilët po serviren si pjesë e përpjekjes së Edi Ramës, Fatmir Xhafës dhe Donika Prelës, për të shpëtuar peshkun e madh të kësaj dosje Vangjush Dakon dhe për të shkatërruar provat, hetimet, të cilat çojnë dhe duhet të çojnë në arrestimin një orë e më parë të Vangjush Dakos.

Kjo është e vërteta!

Ky është realiteti që kam denoncuar tash dy vjet. Kjo është një nga dosjet që ka marrë përsipër të shkatërrojë Donika Prela.

Ndaj, ngjarjet e mbrëmshme nuk janë gjë tjetër vetëm se pjesë e skenarit të shkatërriimt të dosjes hetimore ndaj peshkut të madh të kësaj dosje që quhet Vangjush Dako.

Peshqit e vegjël që kanë arrestuar mbrëmë, do të lirohen dhe akuzat do t’u lehtësohen. Është e gjitha pjesë e një përpjekje të Prokurorisë të kapur nga krimi dhe nga Edi Rama dhe Fatmir Xhafa.

Sot ne faktikisht nuk kemi një Prokurori të Krimeve të Rënda, kemi një celulë kriminale e cila i shërben pikërisht këtij plani: që duke i servirur opinionit publik dhe partnerëve ndërkombëtare disa peshq të vegjël të cilëve prapë se prapë do t’i lehtësohen akuzat dhe do të lirohen, siç ka ndodhur në të gjitha rastet e derisotme, të mbyllet hetimi për Vangjush Dakon dhe të paktën katër depuetët të tjerë socialistë, si pjesë e kësaj dosje hetimore.

Të njëjtin fat i presin edhe dosjet e tjera hetimore, të cilat ngarkojnë drejtpërdrejt me përgjegjësi kriminale Taulant Ballën, Damian Gjiknurin, Arben Ahmetaj, dhe natyrisht edhe hetimet për Sajmir Tahirin dhe Agron e Fatmir Xhafajn.

Asgjë të re nuk kemi përveçse një përpjekje propagandistike për ta shfryrë dosjen Dako-Krimi i  Organizuar, në një dosje peshqish të vegjël dhe ndonjë peshk i ngordhur që edhe ata do t’i lehtësojnë dhe do t’i nxjerrin shumë shpejt në arrest.

Pyetje: Z. Basha, por përse i paragjykoni operacionet? Ambasadori i BE-së në Tiranë pati vlerësime maksimale për operacionet…

Basha: Unë nuk paragjykoj asgjë. Unë ju kam thënë para dy vjetësh, që ka një dosje në Prokurorinë e Krimeve të Rënda për Vangjush Dakon. Unë ju kam  thënë para dy javësh, që po bëhet gjithçka për ta shkatërruar këtë dosje.

Dhe ajo që ndodhi mbrëmë është pikërisht kjo, mosarrestimi i Vangjush Dakos dhe manipulimi i dosjes hetimore, për t’ju ushqyer ju dhe nëpërmjet jush shqiptarët dhe disa peshq të vegjël është pikërisht ajo që po ndodh.

Nuk ka asnjë paragjykim këtu, por ka faktim të asaj që kam thënë prej kohësh, Edi Rama dhe Fatmir Xhafa, bashkë me Donika Prelën e cila ka qenë prokurore në Durrës, të bëjnë gjithçka që hetimi për Vangjush Dakon të degjenerojë në arrestimin e përkohshëm të disa ish-deputetëve dhe disa cironkave të tjera.

Read More

• Kompanitë e bixhozit, klientë të Edi Ramës, po i investojnë paratë e bixhozit në fushën e ndërtimit me lejen e Edi Ramës.

• Dajlan Avdia ka shitur aksionet tek APEX dhe, me firmën e Edi Ramës, brenda 7 muajsh ka marrë leje për tre kulla gjigande në qendër të Tiranës, në zonën e ish bllokut dhe mbrapa Presidencës.

INA ZHUPA, ZËDHËNËSE E PARTISË DEMOKRATIKE

Kompanitë e bixhozit, klientë të Edi Ramës, po i investojnë paratë e bixhozit në fushën e ndërtimit me lejen e Edi Ramës.

Rasti më flagrant është ai i kompanisë APEX, kompania më e madhe e bixhozit në Shqipëri. Një nga aksionerët e kësaj kompanie, Dajlan Avdia, ka shitur aksionet e tij pak kohë përpara se Rama të deklaronte mbylljen për disa kategori të lojrave e fatit.

Partia Demokratike po publikon sot për herë të parë kontratën e shitjes së 16 % të aksioneve prej rreth 500 mijë euro nga klienti i Edi Ramës tek partneri i tij austriak i APEX-it.

Me tërheqjen nga biznesi i lojërave të fatit, aktiviteti i Dajlan Avdisë do të përqëndrohet tek ndërtimi, një fushë tjetër që nga Departamenti Amerikan I Shtetit konsiderohet si mjet kryesor për pastrimin e parave të pista të krimit dhe korrupsionit.

Dajlan Avdia ka në pronësi dy kompani të mëdha ndërtimi, “Techno Alb” dhe “Invest Society”. Në emër të këtyre dy kompanive, Edi Rama dhe Erion Veliaj kanë dhënë disa leje ndërtimi në dy nga zonat më të shtrenjta të kryeqytetit – në qendër të Tiranës dhe në zonën e ish bllokut.

Me firmën e Edi Ramës dhe të Erion Veliajt, biznesmeni I bixhozit Dajlan Avdia brenda 7 muajsh ka marrë leje për tre kulla gjigande:

• Njëra në nëntor 2017 në zemër të Bllokut,
• Një tjetër në shkurt të këtij viti tek Kulla e Sahatit.
• Për kullën e tretë leja u dha në muajin qershor, pak pasi klienti i Edi Ramës shiti aksionet e bixhozit. Kjo kullë do të ndërtohet mbrapa presidencës.

Lejet e ndërtimit për biznesmenin e madh të bixhozit janë një provë flagrante të mbështetjes së Edi Ramës për transferimin e veprimtarisë së pastrimit të parave nga bixhozi tek ndërtimi.

Read More