Demokratët Euroatlantikë - Partia Demokratike

21 Maj

0

Basha shpreh ngushëllime për ndarjen nga jeta të kryetarit të Shoqatës të të Përndjekurve Politik, Tanush Mulleti

by PD in Lajmi fundit

Kryetari i PD, Lulzim Basha, ka shprehur ngushëllime për ndarjen nga jeta të Tanush Mulletit, pinjoll i denjë i një prej familjeve më fisnike të Tiranës dhe përfaqësues i një brezi të përndjekurish politikë që treguan dinjitet, largpamësi dhe kurajo.

Basha shprehet se “Mulleti si kryetar i Shoqatës së të Përndjekurve Politikë, bëri gjithçka që shtresa nga e cila vinte të trajtohej me dinjitet dhe të kishte rolin që i takonte në shoqërinë shqiptare”.

Postimi i plotë i kryetarit të PD, Lulzim Basha:

Ndarja nga jeta e Tanush Mulletit, pinjollit të denjë të një prej familjeve më fisnike të Tiranës, është një lajm i trishtë jo vetëm për familjarët dhe të afërmit, por edhe për miqtë, bashkëpunëtorët dhe bashkudhëtarët e kauzës së lirisë dhe dinjitetit kombëtar.

Tanush Mulleti ishte përfaqësues i denjë i një brezi të përndjekurish politikë që treguan dinjitet, largpamësi dhe kurajo. Si kryetar i Shoqatës së të Përndjekurve Politikë ai bëri gjithçka që shtresa nga e cila vinte të trajtohej me dinjitet dhe të kishte rolin që i takonte në shoqërinë shqiptare.

Njerëz të tillë fisnikë dhe të virtytshëm që vuajtjet e patregueshme të përndjekjes i kthyen në forcë dhe në guxim për të dëshmuar realitetin e kobshëm të diktaturës, meritojnë nderimin dhe mirënjohjen më të thellë të qytetarëve dhe vendit.

U prehtë në paqen e merituar dhe i paharruar kujtimi i tij!

21 Maj

0

“Shtrimet në spitale rriten, buxhetimi për Shëndetësinë jo”, Oriola Pampuri: Pagesat për 4 PPP e padobishme shkon në 50 mln euro, ndërsa Urgjenca akoma nuk rinis punë

by PD in Lajmi fundit

Nënkryetarja e PD, Oriola Pampuri, në një postim në Facebook, shkruan se që shtrimet në spitale në të gjithë vendin rriten me vlerë dyshifrore nga viti në vit, ndwrsa buxhetimi qëndron në vendnumëro. Pampurit shprehet se gati dy herë më shumë se sa investimet në Shëndetësi shkojnë cdo vit pagesa për 4 koncesionaret PPP, plot 50 milionë euro.

Ajo më tej thotë se këto koncesione vazhdojnë të jenë të padobishme dhe këtë e tregojnë kostot e rritura për barna të rimbursueshme nga buxheti i shtetit dhe rritja e shpenzimeve jashtë sistemit, pra “para nga xhepi” i shqiptarëve me mbi 60% për trajtime ndaj sëmundjeve të cilat dhe nga ana e tyre janë rritur nga viti në vit.

Deputetja e PD gjithashtu sjell në vëmendje deklaratën e ministres së Shëndetësisë se Urgjenca e Spitalit të Ri të Tiranës do të riniste të funksiononte, ndërkohë po afron fundi i Majit dhe akoma nuk hapur.

Postimi i Nënkryetares së PD, deputetja, Oriola Pampuri:

Ndërkohë që shtrimet në spitale në të gjithë vendin rriten me vlerë dyshifrore nga viti në vit, buxhetimi qëndron në vendnumëro.

Në fakt kjo është situata në Shëndetësi, në kontradiktë nevojat përkundrejt shpenzimeve buxhetore. Gati dy herë më shumë se sa investimet në Shëndetësi shkojnë cdo vit pagesa për 4 koncesionaret PPP, plot 50 milion euro.

Megjithatë pavarësisht se kanë thuajse sa qeveria që rëndojnë buxhetin e shtetit, sikundër check-up këto koncesione vazhdojnë të jenë të padobishme. Këtë e tregojnë kostot e rritura për barna të rimbursueshme nga buxheti I shtetit nga njëra anë dhe tjetra me rritjen e shpenzimeve jashtë sistemit, pra “para nga xhepi” i shqiptarëve me mbi 60% për trajtime ndaj sëmundjeve të cilat dhe nga ana e tyre janë rritur nga viti në vit. Pra efekti parandalues që do të duhet të kishim nga diagnostikimi në kohë nëpërmjet check-up i cili targeton pikërisht popullsinë më potenciale për patologji kronike e të rënda, është në fakt një dështim i plotë.

Sipas të dhënave të INSTAT, mbi 40% e shtrimeve ndodhin në QSUT dhe një pjesë e konsiderueshme janë prej rritjes së sëmundjeve kronike.

Kjo panoramë tregon qartë që politikat publike, programet dhe strategjitë e qeverisë bëhen thjeshtë për fasadë, ndërkohë papërgjegjshmëria dhe babëzia për të abuzuar me fondet publike po merr jetë njerëzish.

Makutëria e qeveritarëve të korruptuar të një modeli qeverisës gati 30 vjecar, imun nga pandëshkueshmëria, imun nga shteti i së drejtës, imun nga drejtësia kanë vepruar me arrogancë të plotë në kurriz të qytetarëve shqiptarë, të shëndetit e jetës së njerëzve.

Sot ish ministra do të duhet të jenë përgjegjës jo vetëm politikë por dhe para drejtësisë për shkatërrimin e Shëndetësisë por dhe për gjendjen që është shërbimi parësor e dytësor në të gjithë vendin.

Po afron fundi i Majit, dhe premtimi i Ministres së rë të Shëndetësisë se Urgjenca e Spitalit të Ri të Tiranës do të riniste të funksiononte, është jo vetëm një sfidë publike e saj, por tregon një model se ku shkon papërgjegjshmëria dhe mungesa e transparencës së qeverisjes.

Plot 17 milion euro ishte fatura e parë që shqiptarët paguan për rikonstruksionin e godinës, ndërkohë pas Zjarrit pa fajtorë, me gati 4 muaj pa ofrim shërbimi urgjence, apo dhe gati më shumë se gjysma e godinës jashtë funksionit, dhe me një faturë të kripur ndërhyrjerje pa transparencë, qytetarët sërisht janë në pritje se kur do të rinisë.

21 Maj

0

51 vjetori i revoltës së Spaçit, Basha: Drodhi themelet e regjimit. Ishin të vetmit njerëz të lirë në një Shqipëri të robëruar

by PD in Lajmi fundit

Kryetari i Partisë Demokratike, Lulzim Basha, ka kujtuar sot përvjetorin e revoltës së Spaçit, ku megjithëse nën terror e të rrethuar me tela me gjëmba, të burgosurit nga diktatura kryen një akt të paimagjinueshëm guximi duke u ngritur në revoltë e që drodhi themelet e regjimit.
Në postimin e tij, kreu i PD thotë se “edhe pse s’ka shpagim të plotë për vuajtje dhe sakrifica të tilla, fatkeqësisht pas rënies së regjimit komunist nuk u bë mjaftueshëm për të përndjekurit dhe familjet e tyre”.
Sipas Bashës ajo që do të bëjë PD është njohja e pjesës së përgjegjësisë së shtetit për ferrin në të cilin janë detyruar të kalojnë, duke marrë fund një herë e mirë kalvari i dëmshpërblimit ekonomik të drejtë për vuajtjet e tyre.

Më poshtë postimi i plotë:

Ndonëse Shqipëria ishte një kamp i madh i rrethuar me tela me gjemba, 51 vite më parë, në një akt të paimagjinueshëm guximi revolta e Spaçit e dridhi regjimin e Tiranës.

Burrat që u ngritën kundër diktaturës gjakatare në një prej burgjeve më famëkeqe komuniste, ishin të vetmit njerëz të lirë në një Shqipëri të robëruar. Revolta e Spaçit është përjetësuar në histori si monument i qëndresës dhe trimërisë përkundër terrorit të pashembullt.

Mirënjohje dhe lavdi përjetë heronjve të Revoltës së Spaçit!

Edhe pse s’ka shpagim të plotë për vuajtje dhe sakrifica të tilla, fatkeqësisht pas rënies së regjimit komunist nuk u bë mjaftueshëm për të përndjekurit dhe familjet e tyre. Ndaj ajo që do të bëjmë është të njohim pjesën e përgjegjësisë së shtetit për ferrin në të cilin janë detyruar të kalojnë, duke marrë fund një herë e mirë kalvari i dëmshpërblimit ekonomik të drejtë për vuajtjet e tyre.

Po kaq e rëndësishme është puna e madhe dhe e vonuar me kast për përjetësimin e kujtesës historike.

Burgu i Spaçit është dëshmi therëse e kalvarit të vuajtjeve dhe persekutimit çnjerëzor, është golgota e torturës dhe terrorit të mijëra të burgosurve politikë dhe familjeve të tyre. Ky monument i trashëgimisë historike vendi simbol dhe eponim i dhunimit të lirive dhe të drejtave themelore, njëkohësisht simbol i qëndresës e revoltës në ditët më të errëta të regjimit komunist, duhet të marrë vendin që i përket.

I papranueshëm është plani për ngritjen e një instalacioni artificial larg larg vendit të memories duke e shndërruar burgun e Spaçit në një aneks, duke shkaktuar humbjen graduale të interesit mbi vlerat e tij si trashëgimi historike, si një vend memorie e dëshmisë së gjallë, si një moment reflektimi dhe përballje emocionale me të vërtetën, e për rrjedhojë degradimin e plotë të tij në harkun e pak viteve.

Në nderim të kujtesës të atyre që nuk jetojnë, të atyre që kemi mes nesh, dhe për hir të brezave të ardhshëm, Partia Demokratike e Shqipërisë, i ka propozuar në Kuvendin e Shqipërisë shpalljen Muze Kombëtar të Kampeve të Spaçit dhe Tepelenës.

Rishikimi i teksteve shkollore dhe pelegrinazhi i brezave të rinj në vendet simbol të terrorit dhe persekutimit komunist janë investime të domosdoshme të shoqërisë dhe shtetit shqiptar për të mos harruar dhe mos përsëritur kurrë më tragjeditë e të shkuarës së errët të diktaturës.

20 Maj

0

“Për Edi Ramën kanë rëndësi vetëm oligarkët”, Oriola Pampuri: Pagat dhe pensionet e qytetarëve qëndrojnë në vend

by PD in Lajmi fundit

Nënkryetarja e PD, Oriola Pampuri, shprehet se në Shqipëri vetëm pagat dhe pensionet qëndrojnë në vend, ndërsa shtrenjtësia e jetesës vijon të rritet. Ne postimin e saj në Facebook, Pampuri thotë se kjo vjen nga politikat ekonomike dhe sociale të ndjekur nga qeveria Rama, e cila çon miliona euro për afera korruptive dhe një grusht të vogël oligarkësh, ndërsa lë pas dore mirëqenien e shqiptarëve.

Deputetja e PD, sjell në vëmendje të dhënat e fundit të INSTAT për rritjen çmimit të mobilerive, gjë që do të ndikojë në në shtrenjtimin e produkteve të mirëmbajtjes së shtëpisë. Sipas saj, Partia Demokratike zotohet se në programin e saj ekonomik do t’i japë zgjidhje shqetësimeve dhe halleve të njerëzve, si një detyrim politik dhe moral.

Postimi i plotë i nënkryetares së PD, deputetja, Oriola Pampuri:

Në këtë vend vetëm pagat dhe pensionet qëndrojnë në vend.

Shtrenjtësia e jetesës në Shqipëri shkon në proporcion të zhdrejtë me të ardhurat e qytetarëve shqiptarë.

Kjo është përgjegjësi e drejtpërdrejtë e politikave ekonomike dhe sociale të ndjekur nga qeveria Rama, e cila, duke investuar miliona euro për afera korruptive si ajo e inceneratorëve apo koncensionet abuzive në shëndetësi, ka lënë pas dore mirëqenien e njerëzve.

Për Edi Ramën dhe qeverinë që ai drejton nuk kanë rëndësi qytetarët e thjeshtë të këtij vendi, por vetëm një grusht i vogël oligarkësh, të lidhur me pushtetin dhe pjesë të tjera të politikës, si garanci e mbajtjes në këmbë të një sistemi korruptiv që ka 34 vite që i varfëron shqiptarët dhe i detyron të largohen nga ky vend.

Sipas të dhënave të fundit të INSTAT, mobileritë dhe arredimi kanë pësuar një rritje të lartë prej mesatarisht 6 për qind duke filluar nga viti 2022 dhe kjo do të ndikojë në shtrenjtimin e produkteve të mirëmbajtjes së shtëpisë, ndërkohë që produktet me bazë drurin janë të rëndësishme për familjet shqiptare.

Ky shtrenjtim i gjithçkaje në këtë vend dhe pamundësia për të përballuar jetën, janë një ndër arsyet e shumta që shqiptarët largohen drejt vendeve të tjera për një jetesë më të mirë.

Ajo që duhet të bëjmë ne, është të largojmë Edi Ramën dhe qeverinë e tij dhe t’u mundësojmë shqiptarëve një jetë më të mirë në vendin e tyre.

Për këtë arsye, Partia Demokratike e Shqipërisë zotohet se në programin e saj ekonomik do t’i japë zgjidhje shqetësimeve dhe halleve të njerëzve, si një detyrim politik dhe moral, për t’u shkëputur një herë e përgjithmonë nga mendësia e politikës që vjedh njerëzit për të mbajtur pushtetin.

Për Partinë Demokratike të Shqipërisë, një individ i fuqishëm në aspektin ekonomik, do të thotë një shoqëri më e mirë dhe më e qëndrueshme, do të thotë një Shqipëri e begatë dhe e jetueshme, dhe këtë do ta realozojmë sepse ua kemi borxh shqiptarëve!

19 Maj

0

Kryetari i PD, Lulzim Basha, në Spaç me Agron Hoxhën që vuajti 13 vite në këtë burg

by PD in Lajmi fundit

Në prag të përkujtimit të Revoltës së Spaçit, kryetari i PD Lulzim Basha ishte në Spaç së bashku me Agron Hoxhën, i cili vuajti 13 vite në këtë burg. Në bisedën me Bashën, Marsidin dhe Ermalin, Hoxha ka rrefyer vuajtjet dhe zhgënjimin nga qeverisja pas rënies së regjimit.

Kryetari i PD u ndal tek borxhi që PD i ka të përndjekurve, neglizhenca për të mirëmbajtuar dhe shndërruar në muze kujtese vendet e vuajtjes së dënimit për të përndjekurit politik dhe domozdoshmërinë e hapjes së dosjeve të bashkpunëtorëve të sigurimit të shtetit si dhe të KGB dhe UDB. Basha nënvizoi faktin se Dosjet përdoren sot nga ata që kanë pasur akses tek to, si mjete shantazhi ndaj funksionarëve politik, punonjësve të sektorit të medias dhe ekonomisë.

Agron Hoxha tregoj arsyet e arrestimit, vuajtjet në burg, si vriteshin dhe as trupat si ktheheshin familjes dhe si nisi revolta e Spaçit

Këtu kam ardhru në gusht të vitit 1975, isha vetëm 20 vjeç. Isha dëanuar për agjitacion propagandë dhe bisedë arratisje. Po bisedoja me 4 shokë dhe agjitacioni që ishte brenda bisedës. Nuk na pëlqente jeta që bënim. Ishte një jetë që nuk kishte privatësi. Doje të dëgjoje një këngë të huaj, nuk të linin, doje të lije pak flokë se ishim të rinj, apo të vishje pantallonat që doje, nuk të linin. Imagjino që të kesh një dënim për këto gjëra që të them unë. U dënuam të katër shokët, 2 me burgim me 25 vite dhe 2 me pushkatim, njëri 19 vjeç dhe tjetri 34 vjeç. Unë asnjëherë nuk e përqafova nënën dhe babain tim. Biles dhe mbesa ishte 7, 8 vjeçe kur erdhi në takim, donte të më puthte kur të ikte dhe polici nuk e la.
Të themtë drejtën kur erdha në Spaç, kur pash natyrë kështu u ndjeva i lirë. Sepse çfarë kisha hequr 7 muaj në birucat e Fierit, lagështirë, tmerr, dhunë, çfarë të them unë. Një njeri në moshën time në atë kohë ishte e pamundur t’i rezistoje dot atyre veprimeve që kryenin ata ndaj të burgosurve. Këtu ka qenë biruca e kampit. Këtu vije nëse nuk përmbushje normën të punës që të kishin ngarkuar. E dyta, në kamp kishte një rregullore të brendshme këta, që nuk të lejonin të mësoje gjuhë të huaja. Në qoftë se do të gjenin një libër të huaj, vije te biruca 30 ditë. 30 ditë në birucë në -15 gradë celsius i zhveshur.
Kur erdha këtu më caktuan minator, isha 20 vjeç. Minatori është profesioni më i rëndë i minierës, ku kisha në ngarkim dhe dy punëtorë. Dhe unë kam bërë biruca disa herë sepse nuk përmbushja dot normën sepse ai që kisha unë në turn, përshembull punëtori ishte shumë sëmurë, apo ishte shumë plak, skishte fuqi dhe e paguaja unë. Më thoshin mua ata kush nuk punoi nga këta, unë asnjëherë nuk u kam thënë që nuk punoi ky, as ai. Unë punoja në lopat me ata, bënim çështë e mundur që ta zinim ciklin. Edhe ata punonin me gjithë mundësitë e tyre, por aq takat kishin, 2 pleq që mund të ishin dhe të pafuqishëm, edhe të sëmurë dhe ndaj unë birucën e kam bërë shumë herë dhe unë e di çfarë kam hequr këtu. Pjesa më e keqe e burgut tim biruca ishte. Unë shumë herë kur isha vetëm në birucë, veja kurrizin se ishte dërrasë dhe gjithëandej ishte beton, ftoht kiamet. Ta rezatonte të ftohtin edhe tavani, ishte gjë e tmerrshme. Kam mbajtur një plak njëherë këtu me frymë nga shpatullat. i fryja në shpatulla, iu bënë ujë shpatullat sa nuk duroi dot, erdhi roja në mëngjes dhe i tha rojës o më vrisni ose më hiqni që këtu se nuk duroj dot. Më bëni çfarë të doni vetëm më hiqni.
Puna në galeri ishte shumë e rëndë, ka pasur shumë viktima. Ata që vdisnin i merrnin dhe i çonin atje poshtë. Familjarëve u thoshin që vdiq, por trupat asnjëherë nuk u kthyen. Thoshin që duhet të mbarojë dënimin, edhe pse kishte vdekur. Pavarësisht nuk ua jepnin asnjëherë trupin.
Unë kisha shkoë që kishin qenë në revoltën e Spaçit. E gjitha ka ndodhur për një shall. Jo hiqe shallin, ishte ftohtë do vinte tjetri kapelen shallin, se ishte tmerr, jo hiq shallin dhe e morën e futën në biruc. Bëheshin ditët nuk po e nxirrnin. Ai oficeri harroi derën hapur, ky iku, Pal Zefi e kishte emrin. Polici erdhi për ta marrë dhe e gjeti te cepi. U shtynë aty me policin, i gjuajti polici, gjaujtën ata policin. Kampi u fut, goditën polecët, ikën me vrap policët, kapelet nëpër mure ikën dolën jashtë. E raportuan si problematikë dhe filluan pastaj ta rrethonin. Policia u kërkoi të dorrëzohen, këta nuk u dorrëzuan dhe u bë shtetrrethimi. Aty filloi revolta e vërtetë, njerëzit nuk bindeshin më, policët nuk futeshin më dhe filluan me kërkesat.

Agron Hoxha rrefen tmerrin: Babai me vdiq pa i thene lamtumire, te burgosurit i vrisnin dhe as trupin sua jëpnin familjareve

Vitet e para vinin më shikonin edhe babai edhe nëna. Pastaj u plak im at dhe biles rradhën e fundit më tha që unë nuk do vij më tha dhe uroj të lirohesh shpejt e të më gjesh gjallë. Kur dola nuk e gjeta gjallë, e gjeta të vdekur. Nënën e gjeta të gjallë. Më thoshte im vëlla kur u lirova që babai para se të vdiste ishte shumë sëmuë dhe i thoshte vëllait tim u thuaj atyre të partisë të ma sjellin sa ta shoh dhe ta marrin prap.

Hoxha tregon se si u takua me policin e burgut dhe zhgënjimi nga ata që morën pushtetin pas rrëzimit të regjimit

Unë mbaj mend një ish polic të kampit që quhet Pjetër Koka, ai ka qenë më i keqi. Ai s’të falte, të tjerët edhe falnin, ai ishte më i keqi. Kishte një të mirë që nuk të prekte me dorë asnjëherë, por më mir të të fuste një shpullë sesa të rije 30 ditë në birucë. Kur e kam takuar në demokraci nuk i kam folur, çrarë t’i flisja një krimineli, halabaku. Jemi ndëshur në Astir dhe atëherë punoja tek instituti i të përndjekurve dhe po shkoja në këmbë kur u hasëm ballë për ballë. Por një njeri që e shikon 13 vite çdo ditë, fytyrën e tij unë më mirë mbaja mend Pjetër Kokën sesa mbaja mend babain tim. 2013 apo 2014 ka qenë, e pash kështu dhe ika. Ai si duket i ndaloi këmba mendoi se edhe mund t’i flisja, ika dhe nuk i fola.
Do thuash ti pse nuk u irritove, pasi sa herë të ka future në birucë ky njeri ti fare nuk ke gjak? Këtë në fakt duhej ta bënin ata që morën pushtetin, jo unë. Se unë po ta vrisja atë do vija prap në burg. Ajo i takonte atyre njerëzve, ashtu siç e kishin bërë vendet e tjera, se këta s’ishin të vetëm. Përshembull Çekia, këta persona i përjashtoi nga të gjitha funksionet shtetërore që të gjithë. Domethënë mori masë shteti, jo personi.

Hoxha mesazh të fortë nga burgu i Spaçit: Mos shkoni pas kultit të individit

Brezit të ri do t’i thoja që t’i iki atij mendimit që të ngrejë kulte për individin, ky është hapi i parë për demokracinë. Ajo të jetë sipas shkallës së intelektit ose njohurive që ke, domethënë meritokracia të shkojë atje ku duhet. Ky popull duhet ta ketë ndjenjën e rotacionit, se 30… ne kishim Enverin, më mirë të rinim me të. Se pastaj kur u bënë të gjithë si Enveri, çfarë kuptimi ka. Me kalimin e kohës ndryshojnë edhe kërkesat e njerëzve, ndryshojnë edhe mentalitetet e njerëzve, edhe besoj që edhe duke u shkolluar tani na u dha mundësia që fëmijët tanë të studiojnë edhe jashtë shtetit, kanë të tjera mundësi. Në fund të fundit pse mod të ingranohen edhe ata nëpër partitë politike. Me mentalitet i ri, them se demokracia do eci mbarë. Brezit të ri i them të njihen me të kaluarën, me vuajtjen e këtij populli që mos të kthehemi prap aty, por të gëzojmë demokracinë.

Prej 20 vitesh ruan burgun e Spaçit, politika futi në sherr të përndjekurit. Thirrje Bashës: Faleminderit që erdhe, bëj diçka për të përndjekurit se po vdesin

Ky është viti i 20 qëkujdesem për burgun. Ky ka qenë e mirëorganizuar për t’u fshirë si histori. Që në 90 ky u la që të ruhej. Fatos Lubonja, ka ardhur njëherë këtu për të marrë, ti ke qenë kryetar Bashkie, makina juaj ka ardhur këtu dhe nuk gjeti shtyllë. i kemi nxjerr nga galleria për t’i çu atje. Njëzit si Agroni shyqyr që janë gjallë. Unë po të isha person zyrtar me këta do merresha , nuk do merresha shumë me politikanët dhe me llojin e tyre. Do merresha me këta se këta janë ajka jonë, kanë vuajtur me të gjitha mënyrat. Unë kujtoj një rast dhe nuk rri dot pa e thënë: kur ka qenë kryetar bashkie në fillimet e veta Edi Rama, erdhën 2 autobusa, unë isha këtu. Dhe disa i kishte nisur Edi Rama me fletushka të përndjekur, disa i kishte nisur Sali Berisha. Edhe këta arritën u konfliktuan me njëri-tjetrin këtu te burgu. Dhe kjo më vjen keq dhe thosha si këta njerëz të vuajtur i përdor politika.
Këta duan ndihmë, këta janë mbetur rreth 400 vetë të nderuar, se të tjerët kanë vdekur dhe duan përkujdesje. Dhe duan përkujdesje, se kush do ta bëjë? Kam një falenderim për ty zoti Basha, që ke ardhur dhe e ke prek vet këtu. Se shumë njerëz që janë të politikës dhe ata që kanë ambicie për të ardhmen duhej të vinin ta shkelnin këtë vend dhe pastaj të shikonin gjërat e tjera. Kur ta prekësh shpirtërist këtë vend, atëherë mendoj se i bën gjërat mirë.

Përgjegjësia e PD për mos kthimin në muze të vendeve të vuajtjes së dënimit dhe mungesës së dëmshpërblimit

Fakti është një mungesë, është një padrejtësi e dytë. Padrejtësia e parë është dënimi juaj çnjerëzor, padrejtësia e dytë është fakti që shteti demokratik, pas rënies së kominizmit detyrë të parë duhej të kishte vendosjen e drejtësisë në raport me ata që vuajtën persekutimin komunist me ju nëpër burgje, kampe përqendrimi. Dhe këtu, jo vetëm që nuk ka ndodhur kjo, për fat të keq një pjesë e tyre vazhduan në administratë, një pjesë e tyre u graduan në administratë. Dhe nuk po flas për administratën e PS ku kanë ruajtur edhe lidhjet, por po them edhe në administratat e Partisë Demokratike. Shokuese siç është, sepse do ta them haptazi jo për justifikim, rolin e disa prej tyre e kam kuptuar, e kam marrë vesh më vonë, por fakti është që kishte persona me pozita të larta dhe me pozita zbatuese persekucioni, që më vonë e gjetën veten e tyre në pozita të larta ekzekutive pas vitit 92.

Shpagim personal ndaj këtyre të vuajturve është e pamundur të jepet për këto vuajtje. Ajo që mund të përpiqemi të bëjmë, është të njohim pjesën e përgjegjësisë së shtetit për ferrin në të cilin janë detyruar të kalojnë. Po sa ka njerëz përgjegjës për persekucionin që vazhdojnë edhe sot e kësaj dite detyrat në administratën shtetërore. Dhe pasja vimë tek pjesa politike. Kemi një problem nga ata që quhen rëndom në gjuhën e popullit, quhen bashkëpunëtor të sigurimit të shtetit, por nuk janë vetëm bashkëpunëtorët, janë dhe agjentët, janë dhe operativët e sigurimit të shtetit. Dhe brenda kësaj pastaj kemi një problem tjetër të lindur nga politika, që është përpjekja për t’i shantazhuar apo më mirë të themi përpjekja për t’i kontrolluar përmes shantazhit. Pra njerëz të caktuar në Shqipëri që kanë akses në dosje. Akses të paligjshëm në kopje të dosjeve apo dhe në dosje origjinale shantazhojnë edhe sot e kësaj dite njerëz me përgjegjësi publike. Që nga politikanë, anëtarë të parlamentit, zyrtarë të lartë, sipas raportimeve të para disa kohëve deri në zyrtarin më të lartë të Republikës dhe nerëz të tjerë me përgjegjësi publike, qofshin të botës së medias, apo të botës së ekonomisë të cilët jetojnë një jetë të dyfishtë. Duken sikur po bëjnë një jetë normale, por kur u tundet një dosje kthehen në njerëz të kontrolluar.

Gjëja e parë që duhet të ndodh është që personat që marrin përgjegjësi politike, nuk duhet të jenë të shantazhueshëm, pra të mos kenë dosje bashkëpunimi me sigurimin e shtetit apo një akt më i rëndë me diktaturën e atëhershme. Propozimi që qëndron prej kohësh në parlament është që çdo person që merr përgjegjësi politike, deputet, ministër, kryetar bashkie, anëtar i këshillave bashkiak, duhet të firmos një formular që nuk ka qenë apo që ka qenë bashkëpunëtor, e tjerë e tjerë. E dyta pastaj, personat që kanë pasur një rol bashkëpunimi me sigurimin e shtetit, nuk mund të jenë përfaqësues të popullit.

Është 2024, 34 vite që nga rënia e kominizmit. Është 49 vite që kur Agroni është dënuar. Është një brez i tërë i cili ka bashkëjetuar në këtë dramë dhe pjesë e kësaj shoqërie, janë ata që kanë shkaktuar këtë dramë. Nuk mundet më, edhe për hir të kujtesës të atyre që nuk jetojnë, për hir të nderimit dhe respektit të këtyre që kemi mes nesh, por dhe për hir të brezave të ardhshëm të vazhdojmë të jetojmë me këtë skizofreni brenda shoqërisë tonë ku kemi një numër jo të vogël personash publik që për tjetër gjë e mbajnë veten, e tjetër gjë ndihen se janë. Kjo duhet të marrë fund.

Duhet të marrë fund dhe një aspekt tjetër, që është agjenturat e shërbimeve armiqësore me Shqipërinë. Atëherë në një aspekt të caktuar dhe në një kohë të caktuar, se në disa raste kanë qenë dhe aleatë për një kohë të shkurtër dhe në veçanti sot. Autoritet përkatëse duhet të marrin masa të ekspozojnë agjenturën sovjetike dhe agjenturën e UDB-së në Shqipëri, për të hequr çdo mundësi që këta njerëz të riaktivizohen qoftë përmes vullnetit të tyre apo përmes shantazhit, që në qoftë se ju do aktivizoheni në agjenturat e reja të BIA apo FSB-së dhe GRU-ja, atëherë do keni pasoja. Është fare e thjsht, në qoftë se ka njerëz të gjallë në Shqipëri sot që atëherë kanë qenë agjenturë e UDB-së dhe e KGB-së, është në interesin e sigurisë tonë kombëtare që këto të ekspozohen. Nuk bëhet fjalë për dënim penal, thjesht të ekspozohen që të dihen këta njerëz kanë qenë pjesë të agjenturave, pikërisht që të shmangim çdo mundësi që sot keqpërdoren sërish nga shërbime sekrete armiqësore ndaj Shqipërisë dhe ndaj NATO-s.

19 Maj

0

“Në 1 qershor mbahet Kuvendi për prezantimin e Programit”, Agalliu: PD e vetmja forcë politike që tregon seriozitet dhe alternativë qeverisëse

by PD in Lajmi fundit

Në datën 1 qershor, në orën 11:00, te Parku Olimpik, Partia Demokratike e Shqipërisë, do të zhvillojë Kuvendin për prezantimin e Programit. Lajmin e bën me dije, Sekretari për Programin, Arbi Agalliu, i cili në postimin e tij në Facebook, gjithashtu thotë se PD është e para forcë politike në vend që po prezanton programin e saj lidhur me zgjedhjet e 2025.

Deputeti i PD më tej thotë se kjo tregon edhe njëherë seriozitetin e PD për të qenë një alternativë qeverisëse në zgjedhjet e ardhshme, për të larguar këtë qeveri të korruptuar.

Postimi i plotë i Sekretarit për Programin në PD, deputeti, Arbi Agalliu:

Partia Demokratike e Shqipërisë është e para forcë politike në vend që po prezanton programin e saj lidhur me zgjedhjet e 2025.

Si “Sekretar për Programin” kam kënaqësinë të bëj me dije se në datën 1 Qershor, në orën 11:00 te Parku Olimpik, PD do të zhvillojë Kuvendin për prezantimin e Programit.

Ky fakt tregon edhe njëherë seriozitetin e PD për të qenë një alternativë qeverisëse në zgjedhjet e ardhshme.

Me një program cilësor dhe me një ekip me profesionitë dhe integritet do të kërkojmë votën e shqiptarëve për të larguar këtë qeveri të korruptuar.

18 Maj

0

Basha me të rinjtë e degës së PD, Vlorë: Energjia e tyre është besim se një e ardhme më e mirë po vjen për Shqipërinë

by PD in Lajmi fundit

Kryetari i PD, Lulzim Basha, ditën e sotme e ka kaluar me të rinjtë e degës së PD, Vlorë. Në një postim në Facebook, Basha ka publikuar disa foto ku shihet duke luajtur volejboll.

Ai shprehet se energjia dhe entuziazmi i tyre është motivim dhe besim se një e ardhme më e mire po vjen për çdo të ri dhe për Shqipërinë.

Postimi i plotë i kreut të PD, Lulzim Basha:

Një ditë e jashtëzakonshme me të rinjtë e PD të Vlorës. Energjia, entuziazmi i tyre është motivim dhe besim se një e ardhme më e mire po vjen për çdo të ri dhe për Shqipërinë.

17 Maj

0

Kryetarja e PD, Fier, Eriselda Çelaj: Bashkia Fier për vitin 2024 ka rritur taksat dhe tarifat vendore si për bizneset ashtu edhe për familjarët

by PD in Lajmi fundit

Kryetarja e degës së PD, Fier, Eriselda Çelaj, thotë se kryebashkiaku i Fierit, Armando Subashi, ka rritur taksat dhe tarifat vendore si për bizneset ashtu edhe për familjarët, përfshi edhe taksën bujqesore për të gjitha kategoritë e tokës. Në postimin e saj në Facebook, ajo shprehet se “është dyfishuar apo edhe trefishuar tarifa e shërbimit për komunitetin ku perfshihet tarifa e pastrimit, e ndriçimit dhe e gjelbërimit”.

Ndonëse tarifa e ujit u rrit me 20%, Çelaj thotë se një pjesë e mirë e qytetarëve nuk furnizohen me ujë.

Postimi i plotë i kryetares së degës së PD, Fier, Eriselda Çelaj:

Të nderuar qytetarë!
Fieri përtej propagandës së Armando Subashit dhe Edi Ramës, është një realitet, i cili i përballë banorët e qytetit me vështirësi të mëdha.

Bashkia Fier për vitin 2024 ka rritur taksat dhe tarifat vendore si për bizneset ashtu edhe për familjarët, përfshi edhe taksën bujqesore për të gjitha kategoritë e tokës.

Është dyfishuar apo edhe trefishuar tarifa e shërbimit për komunitetin ku perfshihet tarifa e pastrimit, e ndriçimit dhe e gjelbërimit.
Bashkia nuk ofron sherbime por takson dhe shpërdoron.

Pavarësisht investimeve në rrtjetin e ujësjellës-kanalizimeve, sërish furnizimi me ujë të pijshëm në Fier dhe në rrethinat e tij ngelet problem për shumë banorë, të cilët, edhe pse paguajnë rregullisht tarifën e ujit të pijshëm, nuk furnizohen rregullisht me të.

Ndonëse tarifa e ujit u rrit me 20%,një pjesë e mire e qytetarëve nuk furnizohen me uje, ndërsa ata që furnizohen nuk e marrin ujin në cilësi të mirë për t’u konsumuar.

Gjithashtu, ndotja e qytetit ngelet një problem shqetësues, duke shtuar mungesën e hapësirave të gjelbra, paraqeve dhe këndet e lojërave për fëmijët.

Zona rurale e Bashkisë Fier përballet me një vështirësi edhe më të madhe përsa i përket infrastrukturës dhe jetesës, duke bërë që banorët e këtyre zonave të largohen dhe ta braktisin vendlindjen e tyre, si pasojë e vëshitrësive të mëdha.

Këto janë vetëm një pjesë e shqetësimeve që Partia Demokratike, dega Fier, ka evidentuar, duke i vënë përballë propagandës së pushtetit, i cili nuk e sheh realitetin, por mundohet ta fshehë pas shfaqjeve propagandistike.

Partia Demokratike, dega Fier, ngelet e vendsur për të qenë në krah të qytetarëve fierakë, duke u bërë zëri i halleve dhe shqetësimeve të tyre.

17 Maj

0

Basha: Instituti Albanologjik i Tiranës, një nga pronat publike që synohet të kalohet tek oligarkët përmes ligjit që u miratua dje

by PD in Lajmi fundit

Kreu i PD, Lulzim Basha ka flour sot për ligjin që kalon pronat publike tek privati dhe që u miratua dje në Kuvend me votat e mazhorancës.

Basha e quajti këtë si një ligj të porositur nga oligarkët që duan të marrin pronat publike dhe një prej tyre që synojnë është Instituti Albanologjik i Tiranës. Sipas tij, interesat e personave të shpallur non grata për arsye të krimit të organizuar synojnë këtë pronë përmes këtij ligji.

“Indiciet fillestare të marra përmes denoncimeve që vijnë në Partinë Demokratike, tregojnë se interesat e personave të shpallur non grata për arsye të krimit të organizuar dhe influencimit dhe korruptimit të zgjedhjeve, i kanë vënë syetë Institutit Albanologjik të Tiranës. Kjo është një nga mijëra pronat që bie nën këtë ligj dhe që po synohet përmes këtij ligji. Megjithatë ne, bashkë me departamentin Anti-Korrupsion, me departamentin tonë juridik po bëjmë analizën e plotë. E sigurt të jetë që në momentin e parë që të kemi diçka si me thënë është përtej dyshimit, këtë do ta bëjmë publike dhe do ta çojmë aty ku duhet çuar në SPAK” – tha Basha në konferencën për mediat.

17 Maj

0

Konferenca e kryetarit të Partisë Demokratike, Lulzim Basha

by PD in Lajmi fundit

Kryetari i Partisë Demokratike, Lulzim Basha, në konferencën për mediat, foli për projektligjin për kalimin e pronave publike tek privatët, të formalizuar dje në Kuvendin e Shqipërisë. Ai tha se ky ligj është në bashkëpunim me mafien e pronave dhe me të ashtuquajturit investitorë strategjik, që nuk është gjë tjetër veçse bashkëpunimi mes një grushti oligarkësh shqiptarë me politikanët e korrupstuar të kësj qeverie.

Zoti Basha tha se departamenti Anti-Korrupsion në PD, e ka vendosur këtë çështje në listën e prioriteteve që do ta ndjek në bashkëpunim me të gjithë faktorët anti-korrupsion në vend, që nga organizatat jo-qeveritare, mediat investigative, SPAK dhe partnerët ndërkombëtar dhe natyrisht me theks dhe destinacion të veçant.

DEKLARATA E KRYETARIT TË PARTISË DEMOKRATIKE, LULZIM BASHA, NË KONFERENCËN PËR MEDIAT

Përshëndetje! Konferencën e sotme për shtyp dua ta nis me aktin e rëndë të formalizuar dje në Kuvendin e Shqipërisë, për kalimin e pronave publike në funksion të një skeme tashmë të mirë konsoliduar të ksaj qeverie, në bashkëpunim me mafien e pronave dhe me të ashtuquajturit investitorë strategjik, që nuk është gjë tjetër veçse bashkëpunimi mes një grushti oligarkësh shqiptarë me politikanët e korrupstuar të kësj qeverie. Është e njëjta skemë si skema e inceneratorëve, është ligj me porosi apo vjedhje me ligj. Para disa javësh, ndërkohë ky ligj po diskutohej në Kuvendin e Shqipërisë, në mënyrën tashmë të njohur të përpjekjes për të fshehur të vërtetat çka e pamë edhe tek ligji për amnistinë ku pretenduan për një kohë të gjatë që nuk do të përfitonin të korruptuarit dhe më pas u zbulua se afro 100 të dënuar nga SPAK dhe GJKKO, përfituan nga amnistia, edhe këtu pretenduan fillimisht se do të ishte thjesht transferim drejtorie nga një ministry në ministrinë tjetër, ku ndërkohë tinëzisht u futën dispozita ligjore të cilat mundësojnë që përmes tjetërsimit në forma të ndryshme, ankandit, shitjes, këmbimit, pronat publike të vihen në dispozicion të transaksioneve të caktuara.

Në këtë mënyrë, sipas sinjalizimeve të para që kemi, prona me vlerë në qendër të Tiranës, do të vihen në dispozicion të personave të shpallur non grata pikërisht për shkak të korrupsionit dhe pjesëmarjes së tyre në krim të organizuar dhe në ndikimin e paligjshëm në procese zgjedhore. Të tjera prona me vlerë, prona publike për momentin me statusin pronë publike, do të vihen në dispozicion të oligarkëve që po rrënojnë bregdetin dhe po ndërtojnë pa asnjë transparencë, duke zbardhur dhe pastruar paratë e korrupsionit të qeveritarëve nga Vlora në bregdet, në qendër të Tiranës dhe kudo tjetër.

Ndaj, dua pikë së pari dhe mbi të gjitha ta bëj të qartë se Partia Demokratike që e denoncoi këtë aferë sapo u publikuan të dhënat e këtij projektligji tashmë të miratuar dje nga votat e mazhorancës socialiste, nuk do të ndalet pro do ta çojë këtë çështje në çdo instancë ligjore, kushtetuese dhe penale për të pamundësuar që mafia e pronave dhe bashkëpunimi mes oligarkëve të korruptuar shqiptarë dhe zyrtarëve të korruptuar shqiptarë të shkaktojë këtë dramë të dyfishtë.

Në rradhë të parë duke dëmtuar interesin publik shqiptar, duke tjetërsuar pronat publike shqiptare. Dhe në rradhë të dytë duke vazhduar një krim të rëndë i cili kryhet mbi pronarët shqiptarë. Mbi ata të cilëve u është tjetërsuar prona nga regjimi komunist. Më pas nuk kanë përfituar dot as kthimin e pronës dhe asnjë kompensim me vlerën e ligjit, por kanë parë se si prona tashmë me statusin pronë publike, në vend që t’i nënshtroheshin një analize dhe më pas të përdoreshin për kompensimin e drejt të pronarëve, janë të grupuar në të ashtuquajturën Korporatë të Investimeve Strategjike dhe tashmë çfarë ka mbetur po i drejtohet kësaj tjetër afere, tjetër mekanizmi që ka një dhe vetëm një qëllim: të bashkëndajë përmes një skeme korruptive vlerat e pronave publike mes një grushti oligarkësh dhe zyrtarëve të korruptuar shqiptarë.

Njësoj si në aferën e inceneratorëve, kjo maskohet gjoja me interesin publik. Njësoj sin ë aferën e inceneratorëve kjo nuk ka asnjë lidhje me interesin publik, është një zhvatje e pastër që po i bëhet pasurive publike të vendit. Për këtë arsye, departamenti Anti-Korrupsion në PD, e ka vendosur këtë çështje në listën e prioriteteve që do ta ndjek në bashkëpunim në partneritet me të gjithë faktorët anti-korrupsion në vend, që nga organizatat jo-qeveritare, mediat investigative, partnerët ndërkombëtar dhe natyrisht me theks dhe destinacion të veçant. Strukturën e Posaçme Anti-Korrupsion, për të parë përfshirjen dhe përfitimin e dyanshme të zyrtarëve të korruptuar shqiptarë të çdo niveli dhe personave që fshihen pas kësaj skeme të pastër korruptive.
Miratimi i djeshëm me votë, njësoj si miratimi i amnistisë para disa javësh, vetëm sa nxjerr zbuluar se as Edi Rama dhe as qeveria e tij jo vetë, që nuk janë serioz, por nuk janë në gjendje të formulojnë asgjë që është e pakorruptuar. Larg prej kësaj, ata vazhdojnë dhe në këto muaj të fundit të mandatit të tyre qeverisës të zhvasin, të shpërdorojnë, të tjetërsojnë çdo pasuri publike dhe taksat e shqiptarëve.

Ky është Edi Rama, kjo është e vërteta e luftës Kundër Korrupsionit të shpalllura me tam tame disa javë më parë. Fakti është që asgjë nuk mundet dhe nuk do ta devijojë rrugën 11 vjeçare të korruptuar të kësaj qeverie, përveç nje përpjekje të përbashkët për ta larguar me votë në zgjedhjet e ardhme parlamentare dhe një përpjekje të vazhdueshme për të çuar para drejtësisë dhe prapa hekurave aty ku askush s’ju bën dot derman, as Edi Rama, as oligarkët, këdo që abuzon me paratë dhe me pasuritë e shqiptarëve. Kjo është çështja kryesore ku doja të vendosja theksin dhe vëmendjen sot.

17/05/2024

Blog