Blog

Fjala e kryetarit të Partisë Demokratike, Lulzim Basha

Zonja dhe zotërinj,
10 muaj më parë, në fillimet e kësaj legjislature paralajmërova tre gjëra:
1. Paralajmërova se pas fazës së kultivimit dhe trafikut masiv të kanabisit, krimi në vend do të evoluojë në një fazë dhe formë të re dhe më të rrezikshme: në trafikun e drogave të rënda dhe, mbi të gjitha, në pastrimin e parave dhe kapjen e ekonomisë formale nga krimi.
2. Paralajmërova se në Shqipëri do të shkatërrohej çdo proces demokratik politik, çdo politikë institucionale për t’u zëvendësuar me sundimin personal të një njeriu.
3. Paralajmërova se i vetmi interes që do të kishte Edi Rama, do të ishte ruajtja e pushtetit të tij me çdo mjet, që do ta zhyste atë dhe kupolën e tij qeverisëse gjithnjë e më shumë në krim.

Edhe pse isha i bindur që këto gjëra do të ndodhnin, as unë vetë nuk e kisha menduar që brenda 10 muajve ato, jo vetëm do të provoheshin plotësisht, por në një kohë kaq të shkurtër, i gjithë pushteti do të degradonte, kalbëzohej dhe falimentonte plotësisht.
Në 10 muaj Shqipëria ka prodhuar kronika të krimit politik më shumë se e gjithë Evropa në 10 vjet.
Këta 10 muaj e keqja shpërtheu dhe po qelb gjithë Shqipërinë dhe Europën.
Këto 10 muaj e keqja doli në shesh  pa makiazh, pa ngjyra, pa fasada: Rilindja ka dalë lakuriq dhe, të gjithë, më në fund, zbuluan se ajo është një kërmë, që mbjell kolerën kudo ku shkel.
Tani shqiptarët dhe Europa mësuan të vërtetat që u mbajtën ca kohë fshehura nga makineria më e madhe e agjitacion-propagandës që ka parë ndonjëherë Shqipëria:
* Mësuan se Ministri i tyre i Brendshëm, krahu i djathtë i lëvduar për katër vjet si hero nga Edi Rama ishte një trafikant i rëndomtë droge që kishte shitur jo vetëm pushtetin, por edhe shpirtin për drogën.
* Mësuan se policia e tyre, krenaria e propagandës së Edi Ramës, ishte kthyer në një organizatë kriminale në shërbim të trafikut të drogës.
* Mësuan se pasardhësi i Ministrit trafikant të Brendshëm është një tjetër mbështetës i trafikut që bënte i vëllai, i dënuar në Italia me vendim të formës së prerë.
* Mësuan se krybashkiaku i Durrësit ishte ortak me kriminelët për të vjedhur vota në shkëmbim të tenderave publikë.
* Mësuan se Ministri i Energjisë, njësoj, jep e merr me kriminelët në skemën e qeverisë: një leje – një votë.
* Mësuan se Ministri i Financave është bërë njësh me mafian e plehrave për ta kthyer Shqipërinë në kosh të plehrave të Evropës.
* Mësuan se numër dy i Partisë Socialiste është garanti i pastrimit të parave të krimit dhe të mafias.
Shqiptarët panë dhe mësuan sesi vendi i tyre është bërë një nga vendet kryesore të trafikut të kokainës në botë dhe mësuan se, kudo në Evropë, ku janë kapur tonelata kokainë në Shqipëri, në Spanjë, në Gjermani, në Greqi, në Turqi ku janë përfshirë shtetas shqiptarë, të lidhur drejtpërdrejt me Edi Ramën dhe qeverinë e tij, që përdorin Shqipërinë si bazë të tyre.

Shqiptarët panë si po mbijnë nga hiçi kulla dhjetëra katëshe dhe dhjetëra e qindra milionë euroshe, që po e kthejnë Shqiëprinë në një lavatriçe të paprecedentë të pastrimit të parave të pista.

Sikurse kanë parë sesi banka e familjes së kryeministrit po kap gjithë sektorin bankar, ndërkohë që po ngrihet kudo alarmi se në bankat e Shqipërisë pastrohen para.

Përballë krimit në yrysh, fatkeqësisht shqiptarët panë këto 10 muaj edhe drejtësinë fasadë, me prokurorinë e kapur nga Kryeministri, e cila si kurrë më parë si në këto 10 muaj, ka liruar dhe lehtësuar kriminelë pa i hyrë gjemb në këmbë dhe nuk ka mundur të kapë asnjë kokë të krimit dhe asnjë politikan të korruptuar apo të ldhur me krimin.

Shqiptarët panë sesi u shpërbë Gjykata Kushtetuese dhe sesi u paralizua Gjykata e Lartë, duke e kthyer Shqipërinë në vendin e parë në historinë e botës, përfshi edhe të diktaturave, pa Gjykatë Kushtetuese dhe praktikisht pa Gjykatë të Lartë. Kaq mjafton për të pezulluar çdo mbrojtje të të drejtave të njeriut, të lirisë, të pronës.

Shqiptarët panë këta 10 muaj edhe si vetingu u shndërrua në vegël politike të Edi Ramës për të kapur të gjitha institucionet e drejtësisë.

Shqiptarët panë këta 10 muaj sesi ka vazhduar pa u ndalur, pa u ngopur grabitja e vendit me konçesione të reja për rrugë, porte aeroporte, kontrolle teknike dhe çdo gjë të mundshme në favor të oligarkëve me paratë e zhvatura direkt nga njerëzit ose taksat e tyre.

Shqiptarët kanë parë këto 10 muaj sesi e edhe ajo ekonomi anemike është përqëndruar në mënyrë të frikshme dhe kriminale në duart e pak njerëzve, të pesë-gjashtë klientëve që kontrollojnë çdo gjë në marrëveshje me Edi Ramën.
Në mënyrë skandaloze sistemi bankar po përqëndrohet në pak duar, sistemi arsimor në pak duar, sistemi shëndetësor në pak duar, sektori i ndërtimit në pak duar, tregtia në pak duar.

Askund nuk është mishëruar e gjithë kjo e keqe, e shkrirë e gjitha në një, sesa në përpjekjen për shkatërrimin e godinës së Teatrit Kombëtar:

Aty janë bërë bashkë etja e Edi Ramës për para duke zhvatur pronat publike për të ndërtuar dhe marrë pjesën e tij.
* Me qëllimin e tij për të pastruar paratë e drogës që do të financojnë këtë projekt masiv ndërtimi prej qindra milionë dollarësh
* Me projektin e tij për të përqëndruar gjithë ekonominë në pak duar, duke e bërë këtë projekt me oligarkun e preferuar dhe arkitektin e preferuar.
* Me mënyrën personale, autokratike të qeverisjes pa përfillur as ligje, as institucione, as standarde duke bërë një ligj antikushtetues dhe duke tjetërsuar në mënyrë antiligjore dhe kriminale pronën publike;
* Me kontrollin e të gjitha pushteteve prej tij,
* Me mungesën e drejtësisë  pa asnjë mundësi për antikushtetueshmërinë e këtij ligji
* Me shkeljen e të drejtave të njeriut dhe të pronës, ku dy pronarëve u janë njohur pronat, por nuk u kthehen, sepse do t’ia japin privatit.

Në këtë projekt janë manifestuar të gjitha anët e Edi Ramës: hajduti i sëmurë, krimineli me kollare, gënjeshtari patologjik, sundimtari dallkuak ballkanik.

E gjithë karriera politike e Edi Ramës, që nga fillimet e saj, është e lidhur me dy faktorë të rëndësishëm: me paratë e krimit dhe drogës, dhe me vjedhjen me ndërtuesit e hapësirave publike të Tiranës.

Të gjithë e dinë sesi Edi Rama para gati 20 vjetësh trashëgoi paratë e një nga bandave kryesore të drogës të asaj kohe në Tiranë, me të cilat siguroi pushtetin dhe vazhdimin e karrierës politike.

Sikurse të gjithë e dinë se që në ditët e para si Ministër Kulture dhe Kryetar Bashkie zbuloi paranë e madhe që bëhet me leje ndërtimi dhe me vjedhjen e pasurive publike.

Në kohën kur ishte kryetar bashkie, ai e ktheu Tiranën në një lavatriçe parash të krimit: nuk mbeti trafikant droge, kriminel dhe i korruptuar që nuk ndërtoi në Tiranë duke marrë leje nga Rama në këmbim të 20 përqindëshit.

Si Kryeministër ka më shumë pushtet dhe tani garanton direkt trafikun e drogës, tani garanton direkt pastrimin e parave, duke dhënë leje ndërtimi nga Velipoja në Ksamil.

Ja si përfundoi bashkëqeverisja me krimin.

Pesë vjet bashkëqeverisje me krimin. Dhe do të vazhdojë çdo ditë, sa kohë të jetë në pushtet.

Rezultati është varfërimi i shqiptarëve, izolimi i tyre nga Europa dhe braktisja e vendit.

Moshapja e negociatave ishte rezultat i krimit dhe korrupsionit të Edi Ramës. Ështe rezultat i zgjedhjes së vetëdijshme të Edi Ramës për të mbrojtur Saimir Tahirin, Fatmir Xhafajn, Gjiknurin, Dakon, habilajt, balilët dhe të gjithë kokat e krimit dhe politikanët e korruptuar dhe të lidhur me krimin.

Oqean? Mos gënjeni veten tuaj zotërinj ambasadorë, se shqiptarët nuk gënjehen më! Peshqit e mëdhenj janë në krahun tuaj në çdo pritje zyrtare dhe në podiumin e qeverisë këtu në parlament.

Edi Rama zgjodhi krimin dhe jo Shqipërinë dhe sot ai nuk del dot më nga vatha e krimit. Ai nuk është thjesht një politikan ballkanik i korruptuar dhe i inkriminuar: ai është një politikan i kapur dhe kontrolluar tërësisht nga krimi.

Shqipëria ka nevojë për ndryshime të mëdha. Por ndryshimi i parë dhe fillimi i të gjitha ndryshimeve është largimi i Edi Ramës dhe, bashkë me të, i regjimit të tij kriminal. Vetëm atëhere Shqipëria do të ketë sërish mundësinë të shohë përpara më optimizëm.

Ndërhyrjet në parlament të Kryetarit të Partisë Demokratike Lulzim Basha për të siguruar të drejtën e opozitës për të bërë pyetje dhe për të marrë përgjigje nga Ministrja e Kulturës për ligjin që shkatërron Teatrin Kombëtar për ndërtimin e kullave të Edi Ramës. Basha tha se tentativa për t’i mbyllur gojën opozitës, duke e trajtuar atë si fasadë, do të thotë t’i vësh flakën Parlamentit.

NDËRHYRJA E PARË E LULZIM BASHËS

Që t’u bësh pyetje këtyre hajdutëve që kemi mbrapa, me kryehajdutin që nuk ka ardhur akoma, është e kotë. Por LSI insiston akoma, insiston. Ka bërë pyetje.

Keni sjellë një projekligj me urgjencë, për të vjedhur Teatrin, për të pastruar 200 milionë euro të drogës, po përdorni procedurën me urgjencë.

Emergjencën tuaj për të vjedhur e ka kuptuar gjithkush, edhe ata qindra mijëra qytetarë dhe artistë që po protestojnë jashtë.

Mos u zgërdhini! Hajdutë qepeni gojën!

Por, që mos t’i përgjigjesh as pyetjeve të opozitës ç’kuptim ka ky Parlament?

Ç’kuptim ka që të vazhdojmë këtu, në qoftëse bedelët e kryehajdutit vijnë dhe as nuk i përgjigjen pyetjeve të opozitës?

Çfarë kujtoni se jeni ju more?

Çfarë mendoni, nga e keni marrë pushtetin? Mendoni se ata kriminelë dhe ato lekë droge që ju kanë dhënë pushtetin do t’ju mbrojnë deri në fund?

Po i vini flakën Parlamentit. Thirrni mendjes! Thirrini mendjes!

Në krevat me krimin. Tenderat me krimin. Tani doni ta shndërroni dhe këtë Parlament në mënyrë përfundimtare në një tetatër të krimit.

Prandaj nëse nuk ka këllqe ajo siç nuk kishte në komisione, nëse s’ka këllqe ky tjetri, le të vijë ai, ideatori I vjedhjes 200 milionë euro të japë përgjigje këtu.

Kush jeni ju që e trajtoni opozitën si dekor, si fasadë?

Keni marrë pyetje, përgjigjiuni pyetjeve. Minimalisht përgjigjjuni pyetjeve!

Pyetjet janë të qarta, janë konkrete. Dilni këtu e përgjigjjuni pyetjeve!

Mos vazhdoni këtu me procedurë fasadë, se nuk do t’i lini rrugë tjetër qytetarëve pastaj t’ju trajtojnë siç trajtohet çdo fasadë kriminale.

Dhe mos u zgërdhini, hajdutër!

NDËRHYRJA E DYTË E LULZIM BASHËS

Opozita denoncon krimin, ju i lini kriminelët të arratisen, ju merreni me denoncuesit.

Opozita denoncon vjedhjen dhe hajdutërinë, ju i bëni hajdutët ministra, u jepni imunitet, i mbroni nga kjo sallë.

Standardin e mbrojtjes doni ta ktheni edhe në ligj dhe kërkoni t’i mbyllni gojën opozitës.

Ku ju çon mendja more fatkeqë?

Mendoni se kështu do të vazhdoni ta shtyni?

Mendoni se me propagandë, do të mbuloni vjedhjen e shekullit dhe shndërrimin e Shqipërisë në strehë të krimit të organizuar që prodhon drogë dhe pastron paratë e drogës me kullat e Edi Ramës dhe bankën e Edi Ramës?

Dhe do na mbyllni gojën me një palo Kod Etike?

Kodi i Etikës është –  mos vidh! Kodi i Etikës është – mos bashkëpuno me krimin! Kodi i Etikës është -mos të vijnë ministra të lidhur me drogën dhe krimin, por për të luftuar drogën dhe krimin. Ky është Kodi i Etikës!

Prandaj kjo seancë ka vetëm një mënyrë për të vazhduar dhe kjo është, jepini përgjigje pyetjeve që ju kanë drejtuar kolegët e LSI-së!

Jepini përgjigje pyetjeve!

Nëse keni ndërmend ta vazhdoni si fasadë, do të merrni përgjigjen që meritoni!

• Protesta për Teatrin është një maratonë e qytetarisë dhe vlerave europiane që i qëndron përballë një qeverie antieuropiane.  

• Projekti i grabitjes së Teatrit Kombëtar, është një projekt i një narkokryeministri, i cili ka 20 vjet që do ta tjetërsojë këtë truall për kulla. 

• Parlamenti duhet të ndalë çdo iniciativë legjislative derisa të ketë Gjykatë Kushtetuese, e cila u nxor jashtë funksionit nga Edi Rama për të grabitur tokën publike, për të pastruar paratë e drogës dhe për të fituar së paku, 200 milionë euro nga kullat. 
• Ligji për Teatrin është shembull unik në Europë i një ligji antikushtetues, i bërë me emër dhe mbiemër.  Ky është ligji “Fusha-Droga-Rama-Grabitja”.  
• Paralajmërimi për Edi Ramën është qe të tërhiqet sa nuk është vonë. Ligjet antikushtetuese të kaluara në mungesë të Gjykatës Kushtetuese, janë shpallje lufte e një narkoqeverie ndaj popullit të vet dhe unë e di që populli do të dijë t’i përgjigjet.  

• Nëse përpjekjet me presidentin, trupin diplomatik nuk do të mjaftojnë, ne do të jemi këtu me të gjithë trupat tanë për t’ju kundërvënë me çdo formë e me çdo çmim këtij atki mafioz dhe kriminal.  

• 200 milionë euro janë para e madhe, blejnë shumë gjëra, blejnë edhe shpirtra njerëzish. Nëqoftëse për Teatrin ka shpirtra të blerë me paratë e krimit e të drogës e të krimit, të blerë nga Edi Rama, mos u shkurajoni. Ata s’do ta kalojnë këtë akt kriminal pa u përballur deri në pikën e fundit me qytetarët, me opozitën për vlerat europiane.

Fjala e plot e kryetarit të Partisë Demokratike, Lulzim Basha

Dua të përshëndes të gjithë të pranishmit sot këtu në këtë protestë e cila është kthyer në një maratonë të qytetarisë, të kulturës dhe të europianizmit.

Gjithësecili prej jush me praninë tuaj këtu, me praninë tuaj të përsëritur dhe qëndresën së përnatshme, i jep një mesazh një kombi të tërë në kërkim të shpresës, një kombi të tërë kokëulur, sepse na u mbyllën përsëri dyert e Europës, se pavarësisht se kemi një qeveri antieuropiane, ne kemi një popull dhe një kulturë europiane. Dhe ja ku është shembulli, ja ku është etaloni i kulturës sonë europiane.

Une vi t’ju flas në rradhë të parë si qytetar e t’ju them që si qytetar, jam në krahun tuaj në këtë betejë esenciale për kulturën shqiptare.

Ky është “Rrethi Italo-Shqiptar Skënderbeg”,  pjesë e identitetit të qytetit të Tiranës, kryeqytetit të Shqipërisë.

Shkatërrimi i kësaj pjese esenciale të kujtesës historike të qytetit, është një vepër më shumë në drejtim të shkatërrimit të identitetit të kulturës, historisë, në mënyrë që ne mos të jemi në gjendje t’ju themi fëmijëve tanë nesër, se çfarë është ky qytet.

Të fshijmë gjurmët e baballarëve tanë dhe prindërve të tyre.

Pra është një akt  kundër  qytetit, kundër kujtesës së qytetit.

Por ne e dimë fare mirë, se kjo nuk është vetëm një betejë qytetare, nuk është thjesht dhe vetëm një betejë për kulturën, për teatrin, për artin.

Regjimi nuk duhet të na kompleksojë.

Politikë do të thotë të kujdesesh për fatet e qytetit. Kjo është origjina e fjalës politikë.

Sikundër fjala idiot në greqishten e lashtë përshkruante njerëzit që nuk kujdesen për fatet e qytetit, por e kanë mendjen vetëm për veten e tyre,  prandaj më vjen mirë që këtu nuk kemi asnjë idiot, por kemi njerëz të cilët për polisin, për qytetin, janë këtu dhe ku ka dy qytetarë, aty bëhet politikë.

Mos kini asnjë kompleks, aty bëhet politika.

Nuk behet politika dhe me gjirizet e narkoshtetit kudo ku ka dy qytetarë bëhet politikë.

Dua t’jua them fare qartë dhe shkoqur.

Projekti i grabitjes së Teatrit Kombëtar, është një projekt i narko-mafias, është një projekt i një narko-kryeministri.

Ka 20 vjet që do ta tjetersojë këtë truall për kulla.

Ju e dini fare mirë historinë, artistët e dinë fare mirë, qytetarët e Tiranës e dinë fare mirë.

Nuk ja ka dalë për arsye të ndryshme edhe për qëndresën e disa socialistëve që sot i shoh kokëposhtë e gojëkyçur si Pandeli Majko.

Por sot ai ka në dorë të gjitha pushtetet. Edhe arrën edhe gurin. Është kryeministër, është kryeprokuror, është kryegjyqtar, është kryeredaktor, është kryeregjisor. Është kreu i kupolës mafioze dhe i duhet patjetër ky territor për të pastruar qindra milionë euro të drogës dhe të krimit.

Nqse me një Toyota futen 3 milionë, imagjinoni sa futen në Shqipëri.

Kjo është ajo që u kap. Imagjinoni sa futen. M,iliarda euro thotë BBC Ëorld.

Ku do të shkojnë këto para? Pyesni veten tuaj, pyesni njëri-tjetrin.

Pyesni të afërmit tuaj kur të ndaheni sonte nga ky tubim.

Ku do të shkojnë 3 miliard euro të drogës dhe të krimit, do të pastrohen me PPP, në koncesione, dhe ndërtime kullash në Tiranë dhe ky projekt këtu, është projekti i grabitjes dhe i vjedhjes së mbi 200 milionë euro fitim të kullave që duan të ndërtojnë në këtë tokë të shenjtë, për historinë, kujtesën, teatrin, kulturën, dhe krenarinë kombëtare.

Së dyti, është një projekt vjedhje e tokës publike. Dokumentat që sot kanë botuar deputetët e Partisë Demokratike janë përtej çdo dyshimi. Prova se kjo është një tokë publike, me një destinacion, teatrin, prej dhejtëra dekadash, gjithçka tjetër është mashtrim.

Së treti, këtu po ekzekutohet përfundimisht shteti ligjor.

Është asgjësuar Gjykata Kushtetuese. Nuk ka Gjykatë Kushtetuese dhe në çdo shtet normal, për çfarëdo arsye, larg qoftë, nqse bie aeroplani me të gjithë gjyqtarët e kësaj gjykate brenda, në atë moment, Parlamenti duhet të ndalë çdo iniciativë legjislative, derisa të ketë Gjykatë Kushtetuese.

Prandaj shpejtojnë për vjedhje.

Kush ka ngut që e kanë kaluar me proçedurë të përshpejtuar, që futet nesër në Parlament.

Kush e ka ngutin? Vetëm hajdutët. Vetëm Edi Rama dhe veglat e tij. Vetëm ata kanë ngut, askush tjetër nuk ka ngut. Ata kanë ngut dhe kanë frikë.

Nqse nuk e bëjnë me proçedurë të përshpejtuar, nqse ne qëndrojmë këtu, nqse ne rezistojmë dhe nesër ka një Gjykatë Kushtetuese funksionale, ky ligj përfundon në kosh.

A e dini përse?

Pyesni studentin e vitit të parë të Fakultetit Juridik në orën e parë të mësimit, i thonë se parimi numër një i ligjit është se Ligji duhet të jetë i përgjithshëm.

Nuk mund të ketë ligje me emër dhe mbiemër. Ligj për Edi Ramën, Ligj për Lulzim Bashën. Ligjet janë norma të përgjithshme të cilat vendosin barazi para ligjit të çdo subjekti, para çdo qytetari.

Ky është një ligj me emër. Ky është “Ligji Fusha”. Në fakt është “Ligji Fusha-Rama”. Në fakt është Ligji “Fusha-Droga-Rama”. Është “Ligji Fusha-Droga-Rama-Grabitja”. Dhe ky është shembull unik në Europë i një Ligji antikushtetues.

Gjykatë kushtetuese nuk ka. Parlamenti është ilegjitim dhe është mbushur me karaktere anonimë të ardhur aty me paratë e drogës dhe të krimit. Ndaj paralajmëimi qëë I kam dhënë Edi Ramës të enjten e kaluar dhe që do të ja përsëris dhe nesër është që të heqë dorë dhe të tërhiqet sa nuk është vonë.

Ligjet antikushtetuese të kaluara në mungesë të Gjykatës Kushtetuese, janë shpallje lufte e një narkoqeverie ndaj popullit të vet dhe unë e di që populli do të dijë t’i përgjigjet. Ju siguroj se edhe ne do të dimë si t’i përgjigjemi nesër Brenda sallës.

Unë ju inkurajoj të jeni masivisht atje. Ju bëj thirrje gjithë demokratëve, ju bëj thirrje gjithë qytetarëve, ju bëj thirrje edhe socialistëve të ndershëm që nuk hanë në sofrën e krimit që quhet  Rilindje t’i bashkohen protestës nesër.

Ju jap fjalën se do të bëjmë gjithçka që igji nesër të mos kalojë, por ju e dini.

Numrat i ka narkoshteti, nuk i ka opozita.

Ne pas kësaj do t’i bëjmë presion Presidentit të Republikës, të mos e dekretojë ligjin. Nëse maxhoranca nuk heq dorë dhe e sjell  ligjin sërish në Parlament, ne do të ju ftojmë përsëri në betejë.

Unë i bëj thirrje trupit diplomatik dhe çdo faktori ndërkombëtar që të mos mbyll sytë përpara këtij atentati kushtetues dhe para këtij akti të thellë korruptiv.

Dhe nëse të gjitha këto nuk mjaftojnë, të jeni të sigurtë se ne do të jemi këtu me të gjithë trupat tanë për t’ju kundërvënë me të gjithë mjetet, me çdo formë e me çdo çmim, këtij aki mafioz dhe kriminal.

Vjedhjes së truallit, shkatërrimit të teatrit, vjedhjes së 200 milionë eurove për të pastruar paratë e drogës dhe të krimit.

Së fundmi dua të them se, jam i vetëdijshëm për pjesën tonë të përgjegjësisë që kjo arenë e mahnitshme e kujtesës sonë kombëtare, nuk është në lartësinë ku duhet të ishte dhe bashkë me ndjesën që nuk kemi bërëmë shumë për këtë pjesë të historisë dhe artit tonë, sigurisht kemi bërë shumë më shumë, në shumë fusha, por duhet të kishim bërë më shumë edhe për artin dua t’ju jap dy premtime.

Së pari dua të ju premtoj se ne në planin dhe projektin tonë, në vizionin tonë për nesër, për Shqipërinë europiane, parashikojmë një tjetër mënyrë të mbështetjës së artit.

Me financim dhe mbështetje dinjitoze për artin dhe kulturën dhe autonomi në duart e njerëzve të artit dhe të kulturës dhe jo vendimarrje nga zyrat e shtetit.

Vendimmarrja do të decentralizohet si kudo në Europë në duart e bordeve të zgjedhura nga artistët dhe njerëzit e kulturës.

Premtimi i dytë që dua t’ju jap është që borxhin e pashlyer ndaj Teatrit Kombëtar dhe ndaj rrethit “Italo-shqiptar Skanderbeg” ne do ta shlyejmë.

Kjo pjesë e çmuar e  identitetit dhe qytetarisë së Tiranës, kjo pjesë e patjetërsueshme dhe e pazëvendësueshme e kulturës shqiptare, do të vijë në parametrat e lavdishme për të cilat është dizenjuar dhe i ka rezistuar dhjetëra dekadave dhe do t’i rezistojë edhe shekujve, por për këtë së pari vjen lufta, së pari vjen beteja.

Ose do ta humbim këtë betejë dhe bashkë me të do të humbim çdo shans për Shqipërinë europiane, ose do ta fitojmë dhe jam i bindur që do ta fitojmë për t’i treguar mbarë kombit dhe mbarë Europës se këtu, esenca, fibra europiane jo vetëm nuk e ul kokën, por triumfon dhe do të triumfojë.

Ne na keni dhe do të na keni në krah deri në fitoren e kësaj beteje dhe ju ftoj të jeni me ne.

Ne brenda në sallë do të bëjmë punën tonë, ju jashtë salle do të bëni punën tuaj dhe të gjithë bashkë do t’i japim zë kësaj aspirate të drejtë për të mbajtur teatrin, për të rregulluar teatrin, për të ndalur planin e grabitjes  dhe të vjedhjes që e ka emrin: Edi Rama dhe narkoshtet.

Tani, këtu në qoftë se ka njerëz, 200 milionë euro janë para e madhe, blejnë shumë gjëra, blejnë edhe shpirtra njerëzish. Nëqoftë se ka shpirtra të blerë me paratë e krimit e të drogës e të krimit, të blerë nga Edi Rama, mos u shkurajoni. Janë shitur për shumë më pak edhe të tjerë, europianë, të huaj. Mos u shkurajoni, është realiteti i jetës.

Festoni dhe të festojmë sëbashku kurajon qytetare që lulëzon përmes shpirtit tuaj dhe të pranisë suaj në këtë shesh dhe më këtë kurajo të jemi nesër të gjithë aty për t’i treguar narkoshtetit se nuk do të klojë këtë akt criminal pa u përballur deri në pikën e fundit me qytetarinë, me Partinë Demokratike, me opozitën shqiptare, me të gjithë ata të cilët për vlerat europiane të lirisë e demokracisë do të dinë të sakrifikojnë.