Demokratët Euroatlantikë - Partia Demokratike

15 Maj

0

Merita Bakiu reagon për protestën në zonën e Urës së Lumithit: Banorët meritojnë zgjidhje dhe duhet të dëmshpërblehen

by PD in Lajmi fundit

Anëtarja e Kryesisë dhe deputetja e PD, Merita Bakiu, ka reaguar për protestën e banorëve në zonën e Urës së Limuthit, që preken nga autostrada Thumanë-Kashar. Bakiu shprehet se kjo është një ngjarje e paralajmëruar dhe pavarësisht protestave dhe kërkesave të shumta nga ana e qytetarëve, mesa duket kanë rënë në vesh të shurdhët.

Ajo gjithashtu thotë se familjet meritojnë një zgjidhje dhe duhet të jenë në skemën e dëmshpërblimit.

Reagimi i Anëtares së Kryesisë së PD, deputetja, Merita Bakiu:

Ajo që po ndodh me familjet dhe banorët në zonën e Urës së Limuthit që preken nga autostrada Thumanë-Kashar, është një ngjarje e paralajmëruar, e cila, pavarësisht protestave dhe kërkesave të shumta nga ana e qytetarëve, kanë rënë në vesh të shurdhët, sepse kjo qeveri kur vjen puna te interesi i njerëzve, e ka më të lehtë për të mbrojtur interesin e oligarkëve dhe të klientëve të saj.

Në emër të Partisë Demokratike të Shqipërisë kërkojmë zgjidhje për këto familje, sepse edhe ata meritojnë një zgjidhje për t’u dëmshpërblyer dhe për të qenë në skemën e dëmshpërblimit.

Për Partinë Demokratike nuk ka interes më të madh se interesi i njerëzve, ndaj do të bëjmë gjithçka që ata të jenë në qendër të programit dhe qeverisjes sonë.

Ndryshimi në Shqipëri është i nevojshëm për ta çmontuar këtë qeveri të korruptuar së bashku me oligrakët e saj, që vjedhin njerëzit për të mbajtur pushtetin dhe procedojnë penalisht qytetarët që protestojnë kundër korrupsionit.

15 Maj

0

Denoncimi i PD, Krujë: Fermerët e Gramzës, Dervenit, Bushneshit dhe Miliskajt, të braktisur nga qeveria. Zero mbështetje në subvencione dhe investime

by PD in Lajmi fundit

Kryetari i degës së PD, Krujë, Sabah Sheta, në një postim në Facebook, shprehet se fermerët në këtë bashki nuk kanë mbështetjen e qeverisë shqiptare. Sheta thotë se “në degën e PD, Krujë, vijnë ankesa nga fermerët e zonave si; Gramza, Derveni, Bushneshi dhe Miliskaj të cilët të “ngopur” me lugën bosh, të fyer nga propaganda rilindase kërkojnë të denoncohet maskarada e mashtrimeve të ekzekutivit me mbështetjen ndaj bujqësisë”.

Postimi i kryetarit të PD, Krujë, Sabah Sheta:

Fermerët shqiptarë nuk kanë mbështetjen e qeverisë shqiptare. Evidente kjo është edhe në territorin e Bashkisë Krujë, ku askund nuk duket dora e institucioneve në ndihmë të atyre që punojnë, lodhen çdo ditë, sakrifikojnë për të mbajtur familjet e tyre.
Në adresë të degës së PD Krujë vijnë ankesat nga fermerët e zonave si; Gramza, Derveni, Bushneshi dhe Miliskaj të cilët të “ngopur” me lugën bosh, të fyer nga propaganda rilindase kërkojnë të denoncohet maskarada e mashtrimeve të ekzekutivit me mbështetjen ndaj bujqësisë.
Qeveria e Rilindjes ardhur në pushtet që në vitin 2013 nuk ka bërë asgjë për fermerët që mezi kanë mbijetuar, të tjerë kanë falimentuar dhe askush nga zyrtarët nuk është shqetësuar. Mungesa e vëmendjes ka qenë në disa drejtime që nga mos vënia dorë e përmirësimit të infrastrukturës në terren më investimet në rrugë dhe kanalizimet e kanaleve kulluese dhe ujitëse deri tek mos subvencionimi si mbështetje për t’i motivuar për të punuar sa më shumë sipërfaqet e tokës si dhe të shtojnë numri e gjethëve sa i përket blegtorëve.
Ministria e Bujqësisë referon shifra në mbështetje të bujqësisë shqiptare, por në fakt sa i përket fermerëve në territorin e Bashkisë Krujë as ka qenë prezente për të iu gjendur atyre dhe ndihmuar në të përditshmen e tyre ku derdhin djersë e shpesh nuk arrijnë të sigurojnë fitimin e tyre si pasojë e kostove të shtrenjta, mos garantimin e grumbullimit si garanci për shitjen e prodhimit.
Bazuar në informacionet që kemi marrë në terren nga fermerët, Partia Demokratike dega Krujë denoncon faktin e mosdhënies së subvencioneve të premtuara nga qeveria për sasinë e prodhimit apo për gjethët për kokë, siç ndodh në vendet e rajonit apo ato fqinje europiane si Greqi dhe Itali, atje ku aspirojmë të shkojmë. Në Krujë ka 30 vjet që nuk iu pastrohen kanalet kryesore për kullimin e tokave. Fermerët punojnë shumë, rraskapiten, fitojnë pak, aspak dhe madje shpesh nuk mungojnë as ata që dorëzohen duke mbyll aktivitetin. Naftën nuk dihet kush e merr, ama flitet për miliona që dalin nga institucioni Ministria e Bujqësisë. Nuk ka subvencione as për bagëtitë që mbajnë si dhe për prodhimin bujqësor. Askush në qeveri nuk i ka sytë nga bujqësia. Skemat korruptive të konfirmuar tashmë dhe nga investigimet vendase apo dhe të vet BE, e cila monitoron grantet e veta, i kanë detyruar fermerët shpesh të kërkojë të mos merren më me këtë punë. Fermerët krutanë, këta njerëz të punës nuk i shikon asnjë në qeveri. Pyetja që shtrojnë në këtë raste është: Kur kanë shkuar fondet qw janë e deklaruara nga Ministria e Bujqërisë me destinacion që në çeljen e buxhetit të çdo viti. Më skandal është fakti që edhe ata fermerë që sakrifikojnë pa fund dhe prodhojnë shpesh gjendet përballë konkurrencës së pandershme që vjen nga vendet fqinje duke patur një qeveri që nuk iu mbron dhe siguron prodhimin. Çmimi me të cilin duhet të shesin prodhimin shpesh i detyron ata të keni një minimum fitim, ose baraz, për të mos thënë që dalin e dhe të humbur. Gjendur në këto kushte kemi parë mjaft situata që prodhimet e tyre kalben dhe hidhen. Gjendur në këto kushte dega e PD Krujë apelon ndaj qeverisë që të jetë në ndihmë të fermerëve si detyrim i saj ndaj tyre. Si opozitë garantojmë qenien krah tyre sot për të ngritur zërin dhe mbështetur në çdo formë reagimi proteste, por nesër në mazhorancë zëri i tyre do të dëgjohet fuqishëm si një dëshmi që pa një bujqësi të zhvilluar nuk mund të këtë një Shqipëri të zhvilluar dhe pretendon Bashkimin Europian.

14 Maj

0

Kreu i PD, Roskovec, sjell rastin e fermerit Sokol Azizi: Mbolli 6 dynym sera pa ndihmën e shtetit, sërish përballet me vështirësi të shumta

by PD in Lajmi fundit

Kryetari i degës së PD, Roskovec, Syrja Misiraj, sjell në vëmendje shembullin e fermerit Sokol Azizi në fshatin Ngjeqar, i cili ndonëse ka mbjellë 6 dynym sera pa kurrfarë mbështetje nga shteti, sërish përballet me vështirësi të shumta.
Me anë të një postimi në Facebook, Misiraj shprehet se Sokoli është një nga rastet e shumta, i cili është rikthyer në vendin e tij për të jetuar dhe investuar, por vështirësitë e shumta e kanë bërë atë të mendojë sërish largimin dhe emigrimin. Më tej ai shprehet se pushteti vjedh fondet e BE për bujqësinë, ndërsa fermerët e ndershëm që punojnë me djersën e ballit për të mbajtur familjen, përballen me vështirësi të mëdha.

Postimi i plotë i kryetarit të degës së PD, Roskvec, Syrja Misiraj:

Ndërkohë që pushteti vjedh fondet e BE për bujqësinë dhe subvencionet ua jep vetëm njerëzve të lidhur ngushtësisht me të, fermerët e ndershëm, që punojnë me djersën e ballit për të mbajtur familjen, përballen me vështirësi të mëdha.

Ky është rasti i fermerit të ri Sokol Azizi në fshatin Ngjeqar, Bashkia Roskovec, i cili ndonëse ka mbjellë 6 dynym sera me shpenzimet e veta, pa kurrfarë mbështetje nga shteti, sërish përballet me vështirësi të shumta, duke mos pasur as mundësi për ra vjelë prodhimin e tij sepse kostoja e punës është më e lartë se ajo e produktit.

Sokoli është një nga rastet e shumta, i cili është rikthyer në vendin e tij për të jetuar dhe investuar në Shqipëri, por vështirësitë e shumta e kanë bërë atë të mendojë sërish largimin dhe emigrimin.

Kjo është gjendja e sotme e fermerëve, blegtorëve dhe qytetarëve shqiptarë, sepse kjo qeveri dhe ky kryeministër e kanë mendjen vetëm për të vjedhur, për të bërë shoë dhe propagandë dhe për të mbështetur vetëm një grusht të vogël njerëzish në dëm të një grupi shumë të madh.

Partia Demokratike e Shqipërisë zotohet që do ta ndryshojë këtë realitet, sepse për të mbështetja e bujqësisë është një ndër shtyllat kryesore të programit të saj qeverisës.

Për Partinë Demokratike të Shqipërisë fermerët janë një hallkë e rëndësishme e ekonomisë dhe mirëqenia e çdo familjeje shqiptare për ne është e rëndësishme.

Do ta bëjmë me programin dhe njerëzit e duhur dhe me vullnetin për ta ngritur ekonomikisht individin, sepse prej kësaj gjëje ekonomia dhe vendi vetëm të mira ka.

14 Maj

0

Konferenca COSAP, Kreshnik Çollaku: Shqipëria bllokon me “veto” Serbinë, pasi kjo e fundit nuk pranoi anëtarësimin e Kosovës në këtë komision

by PD in Lajmi fundit

Nënkryetari i PD, Kreshnik Çollaku, është duke marrë pjesë në konferencën e Komisioneve për Çështjet Europiane të Evropës Juglindore, që po mbahet në Podgoric. Në një postim në Facebook, Çollaku shprehet se një nga kërkesat që kishte bërë Shqipëria, ishte pranimi i Kosovës në COSAP, kërkesë që u bllokua nga delegacioni Serb. Si kundërpërgjigje, deputeti i PD shprehet se Shqipëria i vendosi Veto propozimeve të Serbisë për t’i përfshirë në Rezolutën finale dhe që u mbështet nga delegacionet e vendeve të tjera.

Postimi i plotë i nënkryetarit të PD, Kreshnik Çollaku:

Serbia bllokon me “veto” Kosoven, Shqiperia bllokon me “veto” Serbine..,ne COSAP.
Ne Podgorice nga dt 12-14 maj,u mbajt konferenca e COSAP ( konferenca e komisioneve per ceshtjeve evropiane te evropes juglindore).
Ne kete konference mori pjese dhe nje delegacion parlamentar nga Shqiperia.
Ne kete takim nder ceshtjeve te tjera e rendesishme ishte per ne dhe kerkesa qe ,ne me pare kishim paraqitur per pranimin e Kosoves si antare me te drejta te plota ne COSAP.
Duke qene se vendimarrja ne COSAP behet vetem ne menyre unanime, delagacioni Serb, bllokoi me “Veto” kerkesen tone per antaresim te plote te Kosoves.
Ne kunderpergjigje sic kishim paralajmeruar me pare ,Shqiperia vendosi “Veto” propozimeve te Serbise per ti perfshire ne Rezoluten finale te Konferences.
Ne dekalruam se ky qendrim i Shqiperise do te jete i pandryshueshem derisa Serbia te ndryshoje qasje ndaj Kosoves.
Pra sa here dhe derisa kur Serbia te bllokoje antarsimin e Kosoves me Veto,po aq here Shqiperia do te bllokoje me Veto cdo propozim serb ne COSAP,duke pamundesuar Rezolute finale.
Te gjitha delegacionet e tjera mbeshteten kete qendrim te Shqiperise.
Shqiperia mbetet e perkushtuar per integrimin e rajonit ne BE ,dhe bashkpunimin nderrajonal,Shqiperia mbeshtet dialogun Kosove-Serbi,por te pakten ne kete organizem rajonal CoSAP ,Shqiperia do ti pergjigjet ne cdo perpjekje per bllokim te Kosoves nga Serbia me Reciprocitet.
—-
Me poshte caste nga debati per Kosoven.

14 Maj

0

“Evenimenti i Ramës në Athinë”, deputetja e PD, Eralda Bano: Asgjë nuk i jep logjikë çmendurisë dhe kërcënimeve që administrata jonë përballet çdo ditë

by PD in Lajmi fundit

Anëtarja e Kryesisë dhe deputetja e PD, Eralda Bano, ka ironizuar takiminin e kryeministrit në Greqi, duke thënë se i madhi i vendit, pasi për 11 vite ka ndjekur më shumë se 60% të shqiptarëve jashtë vendit, kishte mbledhur të gjithë administratën në autobusë dhe bëri sikur kishte mbledhur emigrantët.
Në një postim në facebook, Bano shprehet se më shumë se gjysma e drejtorëve në vend ka qenë pjesë e kësaj çmendurie, e shumë prej tyre kanë shkuar pa dëshirë por duhej të shkonin sepse u rrezikohej buka e gojës. Sipas saj, asgjë nuk i jep logjikë çmendurisë dhe kërcënimeve që administrata jonë përballet çdo ditë.

Reagimi i Anëtares së Kryesisë dhe deputetes së PD, Eralda Bano:

Këtë javë kishim një eveniment special për Shqipërinë dhe shqiptarët tanë në Greqi.
I madhi i vendit, pasi për 11 vite ka ndjekur më shumë se 60% të shqiptarëve jashtë vendit, kishte mbledhur të gjithë administratën në autobusë dhe bëri sikur kishte mbledhur emigrantët.
Nuk e di se nga t’ia nis me shqetësimet që ka ky “ekskursion” i këtij të çmenduri që ka ndjekur të gjithë qytetarët e tani po i përndjek dhe andej nga janë.
Më shumë se gjysma e drejtorëve në vend ka qenë pjesë e kësaj çmendurie, e shumë prej tyre kanë shkuar pa dëshirë por duhej të shkonin sepse u rrezikohej buka e gojës. Pra edhe i marrim me dhunë nëpër shfaqje të tilla të shëmtuara por edhe i kërcënojmë që të mos ngrenë kokë kurrë.
A nuk është turp? A nuk mjaftojnë terrori që këtyre individëve ju bëhet në vendin e tyre të punës? Është turp në fakt por jo për ata të cilët kanë qenë të detyruar të shkojnë por është turp për këtë palaço që e quan veten kryeministër.
Ndjej gjithashtu keqardhje për ata pak emigrantë që ishin pjesëmarrës atje sepse e di që kanë shkuar me shpresën se vendi i tyre ndoshta ka ndryshuar pak e tashme mund të kthehen dhe të investojnë. Por jo. Aty u përballën me dëlirin e një palo lideri dhunues i çdo gjejë që ne kemi të shenjtë…familjen, punën…bukën e gojës.
Nuk kam më fjalë. Asnjë gjë që mund të them nuk e justifikon dhe nuk i jep logjikë çmendurisë dhe kërcënimeve që administrata jonë përballet çdo ditë. Uroj vetëm që të kuptojnë se edhe këta që i kanë futur në punë nuk kanë dashur kurrë të mirën e tyre. Mjafton të shohësh sesi po përfundojnë në burg gjysma e atyre që ky palaço quante shokë.
A mendoni se ata që punojnë në administratë kanë ndonjë shans, kur të gjithë shokët e tij janë në burg?
Ndoshta ka ardhur koha që të rivlerësojmë të gjithë ne,limitin që duhet ti vendosim këtij pushteti

14 Maj

0

Indrit Sefa zbardh skemën e vjedhes me tendera publik të ministrit Arbian Mazniku dhe këshilltarit të kryeministrit Endri Fuga

by PD in Lajmi fundit

Sekretari për çështjet ligjore dhe zgjedhore në PD, Indrit Sefa, ka zbardhur skemën e vjedhjes me tendera publik të ish-zëvendëskryebashkiakut, Arbjan Mazniku dhe këshilltarit të kryeministrit, Endri Fuga. Në një deklaratë për mediat, Sefa shprehet se kompania 3I-Solution, ka si pronar burrin e motrës të administratorit të restorantit “The Home”. Ky restorant është në pronësi të ministrit Arbian Mazniku dhe këshilltarit të Ramës, Endri Fuga, ndësa ka fituar nga bashkia e Tiranës plot 4 tendera me vlerë qindra milionë eurosh.

Sefa shprehet se skema është e njëjtë si ajo e 5D dhe i bën thirrje SPAK që të shtrijë hetimet në këtë skeme korrupsioni e cila është e frymëzuar nga Edi Rama dhe e zbatuar nga ushtarët e tij Erion Veliaj me bashkëhajdutët e tjerë.

DEKLRATË E PARTISË DEMOKRATIKE, SEKRETARI PËR ÇËSHTJET LIGJORE DHE ZGJEDHORE NË PD, INDRIT SEFA

Skema është e njëjtë.

5D nuk është fenomon i izoluar, e gjithë bashkia vjedh njësojë, madje dhe me mbështetje të Edi Ramës. Trajtimi i insitucioneve publike si plaçkë personale dhe tjetërsimi i fondeve në xhepat e funksionarëve të lartë, është frymëzuar dhe bekuar nga Edi Rama. Promovimi i zëvendësit të Erion Veliajt si ministër i Ramës, tregon qartësisht që këta janë bashkërisht pjesë të kësaj skeme të tmerrshme korrupsioni.

Arbjan Mazniku si zevendës i Erion Veliaj sëbashku me Endri Fugën këshilltarin e besuar të Edi Ramës, në pikun e pandemisë COVID 19, ku asnjë qytetar nuk lejohej të dilte nga shtëpia, blenë restorantin “The Home” dhe pronarin që e shiti këtë biznes e lënë përsëri administrator të tij.

Familjari i admnistratorit të restorantit të Maznikut dhe Fugës ka marrë 4 tendera nga Erjon Veliaj dhe bashkëhajdutët e tij. Kompania 3I-Solution ka marrë tender 50 milionë nga Ujësjellesi i Tiranës i drejtuar nga Redi Molla në vitin 2020.

Po i njëjti Redi Molla pasi shkon si administrator te kompania e bashkisë, Tirana DC, i jep përsëri tender prej 700 milionësh burrit të motrës së administratorit të Arbjan Maznikut dhe Endri Fugës.

Mazniku si nënkryetar bashkie i ka dhënë kompanisë 3I-Solution, pra burrit të motrës së administratorit të bisnesit të tij, një tender prej 105 milionësh që në janar të vitit 2022 si dhe duke mos e lënë me kaq, në qershor të të njejtit vit Ujësjellësi i Tiranës i ka dhënë përsëri një tender prej 20 milionësh të njëjtës kompani.

Kompania 3I-Solution ka fituar gjithsej 4 tendera publik dhe të gjithë tenderat i ka përfituar në bashkinë e Tiranës dhe në ndërmarrjet në varësi të saj, të cilat kontrollohen nga Erion Veliaj.

Kjo kompani ka një rekord të jashtëzakonshëm, të gjitha kompanitë e tjera që kanë konkurar me të janë skualifikuar. Në të gjitha tenderat publik ku ka konkuruar kompania 3I-Solution sh.p.k asnjë konkurent i saj nuk është kualifikuar duke e bërë këtë kompani të vetme në garë.

Skema ëshjtë e njëjtë. Erion Veliaj nuk është vetëm.

Ai udhëhiqet dhe drejtohet nga mentori i tij Edi Rama. Edi Rama i dërgon njërzit për të drejtuar bashkinë e tij. Edi Rama i bën politikat e betonizimit të Tiranës, Edi Rama ja promovon hajdutët e devotshëm të Erion Veliajt duke i bërë ministra.

Aksi i bulevardit bashki-kryeministri është i gjithi një skenë krimi, që fillon me inceneratorët dhe shtrin tentakulat e korrupsionit në të gjithë jetën ekonomike të vendit.

Partia Demokratike ka kallëzuar në SPAK Edi Ramën dhe Erion Veliajn si pronarët faktik të Inceneratorit të Tiranës i cili u pohua publikisht nga bashkëhajduti tjetër në kërkim ndërkombëtar Arben Ahmetaj. Faktet e reja tregojnë qartë që skema e vjedhjes 5D është bërë me bekimin e Edi Ramës dhe me realizimin e Erion Veliajt.

Edi Rama është nona e korrupsionit, ndërsa Veliaj, Ahmetaj, Beqja, Mazniku, Fuga, Qato, Tusha, Molla, dhe të gjithë hajdutët e tjera janë pjesë e haremit të tij pervers për të vjedhur shqipërinë.

Partia Demokratike e shqipërisë i bën thirrje SPAK që në mënyrë imediate të shtrijë hetimet në këtë skemë korrupsioni e cila është e frymëzuar nga Edi Rama dhe e zbatuar nga ushtarët e tij, Erion Veliaj me bashkëhajdutët e tjerë.

Partia Demokratike i bën thirrje të gjithë qytetarëve si dhe kompanive private të cilët janë viktimë e padrejtësive dhe nuk i drejtohen personalisht organeve të drejtësisë, të paraqesin çdo informacion që ata disponojnë në Partinë Demokratike e cila do të vendosi në dispozicion të gjithë burimet njërzore që ajo disponon për të çuar përpara drejtësisë çdo funksionarë që abuzon me detyrën shtetërore në dëm të qytetarëve.

13 Maj

0

Mitingu i Ramës në Athinë, Basha në “Drejt”: Duhet hetuar se me shpenzimet e kujt shkoi administrata në Greqi

by PD in Lajmi fundit

Kryetari i Partisë Demokratike, Lulzim Basha, ka zhvilluar një intervistë në emisionin Drejt në televizionin Ora Neës. Ndër të tjera kreu i PD, është përgjigjur për mitingun e kryeministrit në Athinë, ndërsa tha se duhet hetuar se me shpenzimet e kujt shkoi administrata në Greqi.

“Si mund të mos reagoja kur njeriu që është përgjegjës për largimin më të madh të shqiptarëve në 34 vite, drejtpërdrejtë oërgjegjës, në fund të mandatit të tij të tretë, pasi ka plotë 4 palë zgjedhje që premton votën e shqiptarëve jashtë Shqipërisë, shkon atje me administratën publike me vete që është një çështje për t’u zbardhur. Si udhëtuan këta njerëz, me shpenzimet e kujt udhëtuan aty, për të krijuar një mizensen e cila nuk bind askënd. Ne e dimë që në Greqi ka me qindra e mijëra bashkëatdhetarë, numrat varijojnë nga 600-900 mijë dhe afërmendsh, çdo politikan kryesor i vendit mund të organizojë një tubim nëse dëshiron të organizojë një tubim. Pse duhet ta ngresh administratën, ta shkulësh administratën nga Tirana për ta çuar atje? Që të ndihet mirë Edi Rama? Po si ndihen ata shqiptarë që ka përzënë në këto 11 vite? Si ndihen ata shqiptarë mendojnë ditë për dfitë të largohen pikërisht për shkak të keqqeverisjes, të korrupsionit të Edi Ramës që ka varfëruar vendin dhe ka pamundësuar shanset për një jetë normale për mijëra e mijëra shqiptarë. Sot jemi 13 maj, është bërë para 1 viti censusi, pse nuk publikohen të dhënat e censusit. Sepse, pavarësisht prej alibive që gjoja me hakerime, fakti është që të dhënat janë tronditëse. Dhe tregojnë se darama më e madhe që ka shkaktuar Edi Rama, produkt i të gjithë dramave të tjera, është shpopullimi i Shqipërisë” – tha Basha.

Zoti Basha dha edhe mënyrën se si largohet qeveria e Edi Ramës.

“Si largohet kjo qeveri? Korrupsionin e kësaj qeverie e ka marrë vesh gjithë bota, jo vetëm shqiptarët. Lidhjet e tyre me krimit janë faktuar. Shqiptarë ti dinë më mirë se sa t’ia numëroj unë. Shqiptarët presin alternativën dhe shpresën, si një instrument ndryshimi për mirë. Hera e fundit që ka ndodhur kjo është pothuajse e harruar. Ndryshimi vjen përmes luftës dhe politikës. Për 200 vite Evropa ka zgjedhur politikën për të zgjidhur konfliktet. Ndërkohë politika në shqipëri është kthyer në biznes, nuk është më arti i zgjidhet se kontradiktave dhe që të ecë para ekonomia. Kur është bërë debati i fundit mes kryet të opozitës dhe kryeministrit? Opozita duhet të fitojë betejën me veten, para se të fitojë betejën me këtë qeveri. Duhet pastruar shtëpia për tu përballur me qeverinë. Kemi brenda opozitës që kanë vendosur axhendën e tyre personale mbi atë të opozitës” – u shpreh Basha.

Më tej kreu i PD, foli edhe për rezolutën e propozuar nga PS për komisionin kundër korrupsionit, të cilin e quajti banal. Sipas tij, nëse politikanët e kanë seriozisht luftën kundër korrupsionit, të votojnë propozimet e PD që janë në Kuvend si vetting u politikanëve, heqja e imunitetit dhe amendamentet që forcojnë SPAK-un.

“Pas 11 vitesh të thuash që më duhet një komision i veçant që në 10 muajt që kanë mbetur të luftojë korrupsionin, s’ka njeri që të beson, edhe qentë e rrugëve që ecin me ty. Ke pasur 11 vite pushtetin dhe të paska munguar ty një komision me opozitën që të luftosh korrupsionin, kjo është demagogji e nivelit më banal. Në qoftë se ka vullnet për të luftuar korrupsionin, nise nga propozimet e opozitës të Partisë Demokratike në Kuvend. Ligjin për vettingun e politikanëve tashmë i plotë dhe në përputhje totale me Komisionin e Venecias, e ka që prej 6 nëntorit. Propozimi për heqjen e imunitetit. Luan, ti tani nuk je deputet dhe nuk ke imunitet. Ndërkohë kolegët e tu që janë deputetë, në vend që të ndiqen penalisht për çdo lloj vepre penale për të cilën mund të dyshohen, gëzojnë të drejtën, privilegjet që kjo ndjekje të mos ushtrohet derisa kolegët e tjerë të japin leje. Po kjo s’është barazi para ligjit. Kujt i flet për luftën kundër korrupsionit, kur sapo është arratisur zëvendëskryeministri dhe jo njeri do si do, por njeriu më i besuar i Ramës, sepse u desh 2 javë të bëheshin procedurat për imunitetin e Arben Ahmetajt. Heqja e imunitetit, kemi çuar para dy javësh propozimet tona për SPAK-un, si të fuqizohet SPAK-u. Për fat të keq, sot i vetmi faktor politik që godet korrupionin e Edi Ramës, por është koherent me SPAK-un, është Partia Demokratike. Të tjerët thonë jemi kundër korrupsionit, por jemi dhe kundër SPAK-ut” – u shpreh Basha.

13 Maj

0

Sekretari i Përgjithshëm i PD, Enkelejd Alibeaj, reagon për vrasjen e efektivit të policisë: Kambanë alarmi për qytetarët e zakonshëm! Të zbardhet sa më shpejt ngjarja.

by PD in Lajmi fundit

Sekretari i Përgjithshëm i PD, Enkelejd Alibeaj, ka reaguar për vrasjen e efektivit të policisë në qytetin e Fierit. Nëpërmjet një postimi në Facebook, Alibeaj, shprehet se ky është një sinjal i dyfisht dhe një kamban alarmi për brishtësinë që ka sigurina publike.

Deputeti i PD, i bën thirrje organeve kompetente të zbardhin sa më shpejt ngjarjen e rëndë dhe përgjegjësi të dalë përpara drejtësisë.

REAGIMI I SEKRETARIT TË PËRGJITHSHËM TË PD, ENKELEJD ALIBEAJ

Vrasja e efektivit të policisë në mes të ditës në qytetin e Fierit, është tregues i brishtësisë që ka rendi dhe siguria publike në Shqipëri.

Goditja ndaj punonjësve të rendit publik është një sinjal i dyfishtë dhe një kambanë alarmi shqetësuese për qytetarët e zakonshëm rrugëve të vendit, të cilët janë të pambrojtur dhe nuk e dinë me kë përballen.

Njerëz të armatosur qarkullojnë lirshëm në të gjithë vendin dhe kjo është detyrë e organeve ligjzbatuese për të mbrojtur dhe siguruar rendin.

Partia Demokratike e Shqipërisë i kërkon organeve kompetente të zbardhin sa më shpejt ngjarjen e rëndë të ndodhur në qytetin e Fierit dhe kërkojnë që përgjegjësi të dalë përpara drejtësisë.

Veç të tjerash, rendi dhe siguria publike janë një ndër shkaqet e largimit të njerëzve nga Shqipëria, ndaj Partia Demokratike e Shqipërisë garanton të gjithë qytetarët shqiptarë se në programin e saj qeverisës rendi dhe siguria publike do të kenë prioritete absolute, duke forcuar policimin në komunitet dhe bashkërendimin e një sërë institucioneve së bashku për të minimizuar ngjarje të tilla.

13 Maj

0

Protesta e fermerëve/ Reagon deputetja e PD, Eralda Bano: Ministria e Bujqësisë e ka mendjen vetëm për të vjedhur fondet

by PD in Lajmi fundit

Deputetja e PD, Eralda Bano, ka reaguar në lidhje me protestën e e fermerëve. Bano shprehet se është tmerr të mendosh dhe të shohësh sesi po vdes ngadalë çdo fije shprese për këdo që jeton me djersën e ballit.

Sipas saj, ministria Bujqësiesë në vend që të mbështesë fermerët për mundin e tyre, e ka mendjen për të vjedhur fonde.

Reagimi i deputetes së PD, Eralda Bano:

Është një tmerr të mendosh dhe të shohësh sesi po vdes ngadalë çdo fije shprese për këdo që jeton me djersën e ballit.

Ndjej dhimbje teksa shoh mundin e fermerëve të hedhur në rrugë. Shtet i ndyrë!

Ministria e Bujqësisë që në vend të mbështesë ata fermerët që kanë dalë në Fier, Lushnje, Berat, Kavajë dhe Vlorë për mundin e tyre, e kanë mendjen vetëm për të vjedhur fondet.

A kanë Perëndi këta njerëz kaq të këqinj a jo? Zoti i faltë për gjynahet që po i bëjnë njerëzve që punojnë e mbajnë familjen me djersën e ballit e me mund pa fund.

Zoti i faltë sepse unë e di që shqiptarët nuk do i falin kurrë!

13 Maj

0

“Klasa të mbetura bosh, e shkolla të mbyllura”, Alfrida Marku: Rreth 4600 nxënës më pak është bilanci i qeverisë së Edi Ramës në Lezhë

by PD in Lajmi fundit

Sekretarja për pushtetin vendor dhe decentralizimin në PD, Alfrida Marku, në një postim në Facebook, shprehet se rreth 4600 nxënës më pak ulen në bankat e shkollave të Lezhës. Marku thotë se për shkak të rënies së numrit të nxënësve, 14 shkolla fillore janë mbyllur gjatë 5 viteve të fundit, në zonat rurale të këtij qarku.
Kryetarja e degës së PD, Lezhë më tej shprehet se sipas të dhënave ende jo zyrtare të Censusit të fundit, në Lezhë banojnë jo më shumë se 35-40 % e popullsisë dhe këto sipas saj janë bilencet e qeverisjes së Edi Ramës.

Postimi i plotë i Sekretares për pushtetin vendor dhe kryetarja e degës së PD, Lezhë, Alfrida Marku:

Propagandës së Kryeministrit me emigrantët, duke shpërdoruar taksat tona e keqpërdorur emigrantët, i jep përgjigje realiteti në Lezhë e kudo në vendin tonë: klasa të mbetura bosh, pa nxënës, e shkolla të mbyllura, për shkak të emigrimit masiv të shqiptarëve.
Afërsisht 4600 nxënës më pak që ulen në bankat e shkollave të Lezhës, është bilanci nga dita e parë e qeverisjes e deri më sot. 2000 nxënës më pak vetëm në 5 vitet e fundit.
Për shkak të rënies së numrit të nxënësve, 14 shkolla fillore janë mbyllur gjatë 5 viteve të fundit, në zonat rurale të Lezhës, përfshirë këtu edhe shkollën fillore ku ndodhemi në fshatin Balldren. Në 15 shkolla të tjera, po në zonat rurale, mësimi zhvillohet në klasa të përziera.
E ndërkohë, sipas të dhënave ende jo zyrtare të Censusit të fundit, në Lezhë banojnë jo më shumë se 35-40 % e popullsisë.
Nëse duam të dimë se si një qeverisje është për qytetarët e saj, mjafton të shohim sa prej tyre largohen apo kthehen nga apo në vendin e tyre. Mjafton të shohim politikat për fëmijët, mbrojtjen, zhvillimin, arsimimin e fëmijëve dhe të të rinjve !
Pasi ka drejtuar për më shumë se një dekadë qeverisjen më të korruptuar në 34 vite, duke detyruar shqiptarët të largohen, Kryeministri, në vitin e fundit të qeverisjes, nuk ka më kohë të flasë për punë apo projekte, por duhet të japë llogari e mbajë përgjegjësi para shqiptarëve.

Blog