Blog

Tregtarët  e vegjël në Tiranë janë të revoltuar nga përfshirja e tyre në skemën e TVSH-së, çka do të thotë se nga 1 prilli kostot e tyre do të rriten, fitimi do të ulet dhe shumë prej tyre janë në rrezik falimentimi.

Nënkryetarja demokrate e Komisionit të Ekonomisë, Jorida Tabaku u takua me disa nga tregtarët e vegjël, të cilët iu shmnagën identifikimit për shkak të frikës nga tatimorët.

Në shumë biznese, deputetja Jorida Tabaku, u njoh me gjendjen e rëndë financiare, e cila po i çon drejt falimentimit.

Arsyet e pragut të falimentit, thonë bizneset janë, taksa e Bashkisë së Tiranës për shkollat, të cilën e paguajnë brenda një njësie bashkiake, tre herë, rënia e xhiros me 30% çdo vit, rënia e fuqisë konsumatore, emigrimi i qytetarëve, që do të thotë më pak blerje dhe fitim dhe barra e re e përfshirjes në tvsh nga data 1 Prill.

Taksa e “Rrugës së Kombit”, thonë tregtarët, do të dëmtojë importet, por edhe fuqinë blerëse nga zonat veriore të vendit, të cilët do t’i drejtohen tani qyteteve më të afërta në Kosovë, si Prizreni ose Gjakova.

“Jemi të marrë fund”, thotë një tregtar, i cili prej 25 vitesh, së bashku me familjen drejton një biznes veshjesh. “Po më dridhen këmbët nga këto taksa. Ky shtet nuk ka stabilitet të ligjeve fiskale. Parimi i tyre është që të godasin më shumë ata që paguajnë më shumë taksa. Kam 25 vite që i jam përkushtuar biznesit. Kam bërë gati pashaportat e familjes të iki. Po si të iki? Unë kam bërë gabimin më të madh në jetë, që kam mësuar fëmijët e mi të duan Shqipërinë. Kam bërë gabimin më të madh që nuk i kam larguar nga këtu”, u shpreh me lor në sy, një tregtar në bashkëbisedim me deputeten Jorida Tabaku, i cili nuk donte të indentifikohej për shkak të frikës nga tatimorët.

Deputetja Tabaku, theksoi se ky është realiteti me të cilën përballen shqiptarët sot”

“Jemi përpjekur që të bisedojmë me bizneset që preken nga ndryshimet  e takjsave që hyjnë në fuqi me 1 Prill. TVSH-ja e biznesit të vogël, që fillon nga pragu 2 milion, taksa e re e pronës dhe tarifa e “Rrugës së Kombit”. Bizneset në këtë treg preken në mënyrë masive nga të treja. Po të shikoni, pothuajse gjysma e bizneseve kanë mbyllur qepenat. Bizneset që nga janari kanë pasur qeranë e rritur nga 30 deri në 50% si rezultat i rritjes së taksës së pronës, dhe nga tarifa e “Rrugës së Kombit”, sepse një pjesë e madhe e të gjithë blerësve tek bizneset, vijnë nga vendet të cilat duhet patjetër të kalojnë në “Rrugën e Kombit”. Ka rënie të konsumit. Bizneset më thonë se konsumatorët blejnë më pak. Është prekur nga emigracioni, sepse një pjesë e madhe e blerësve të këtij tregu kanë qënë nga ajo shtresë që tashmë ka emigruar. Duke pasur parasysh edhe rritjen e çmimit të energjisë, rritja e taksës së tatimfitimit deri në 15%, tatimin mbi dividentin që e kanë shtuar këtë vit për bizneset që konsiderohen si më të mëdha. Ka rritje masive të përgjithshme të shpenzimeve që shkojnë për taksa. Në fund të ditës, në xhepin e biznesit mbetet 15% e të gjithë zhiros së biznesit, që është vetëm për të mbuluar shpenzimet për mbijetesë. Kjo është shprehja që të gjitha bizneset kanë thënë; jemi në kushtet e mbijetesës” theksoi zonja Tabaku, pas takimit me tregtarët.

Rritja  etaksave dhe vendosja e bizneseve të vogla në skemën e TVSH-së është kundërshtuar nga Fondi Monetar ndërkombëtar, Dhoma Amerikane e Tregtisë, Shoqata e Biznesit të Vogël shqiptar, si një skemë falimentuese.

Rritja e taksave për biznesine vogël vjen paralelisht me uljen e taksave për miqtë dhe klientët e Edi Ramës, të cilët me hotelet e tyre  me 5 yje do të paguajnë zero tatim fitim dhe 6 përqind TVSH.

Deklaratë e deputetit Gent Strazimiri

Vettingu në polici do të bëhet nga një person me dosje me njollë, i shkarkuar nga Këshilli i Lartë i Drejtësisë që në vitin 2002, për shkak se është gjetur i padenjë për të dhënë drejtësi, ç’ka shkatërron kredibilitetin e proçesit, duke e shndërruar edhe de facto në “edving”.

Agim Hysi, deri dje zëvendësdrejtor, është komanduar nga Ministri i Brendshëm Fatmir Xhafaj në krye të Shërbimit te Brendshëm, pra të policisë së policisë, organit që me ligj bën vettingun e përditshëm të Policisë së Shtetit.

Zyrtarisht, ky funksion është instrument në duart e Ministrit të Brendshëm për të kontrolluar çdo strukturë dhe efektiv policor për të parandaluar përfshirjen në korrupsion, në krim të organizuar apo në çdo lloj veprimtarie të paligjshme.

Agim Hysi, ka në dosjen e tij disa njolla, marrë në proçese për lirimin haptazi në kundërshtim me ligjin, të personave subjekt i krimeve të rënda. Ky është edhe shkaku për të cilin ai u shkarkua në vitin 2002 nga Këshilli i Lartë i Drejtësisë dhe humbi çdo shkallë ankimimi, përfshirë edhe Gjykatën e të Drejtave të Njeriut në Strasburg.

Me emërimin e Agim Hysit, Fatmir Xhafaj ka gjetur personin më të padenjë, të çertifikuar me vendime gjykatash që nga shkalla e parë deri në Strasburg, për t’i garantuar shqiptarët për integritetin dhe ndershmërinë e trupës së Policisë së Shtetit.

Kjo është arsyeja përse Partia Demokratike këmbënguli që vettingu i policisë të nisë nga Ministri i Brendshëm, pasi me perzgjedhje të tilla të padenja, proçesi i ashtuquajtur i Vettingut në polici, reduktohet në një proces ‘edvingu’ për të garantuar vijimin e paligjshmërisë, padenjësisë, pandershmërisë në strukturat e Policisë.

“Edvingu” i Fatmir Xhafajt dhe Edvin Ramës, do të shërbejë për të garantuar ‘bravo çunat’ e shpallur gjoja në kërkim, të vazhdojnë të qetë vakancat që u dha Partia, që ditën kur i urdhëroi, në fakt, të ‘dalin në ilegalitet’ sa të qetësohen ujërat.

‘Ujëra të qeta’ për “çunat” dhe garantët e tyre në narkoqeveri NUK DO TË KETË KURRË.

Kjo është mbase pak, por e sigurtë që sot!

Deklaratë e deputetit Enkelejd Alibeaj

Prokuroria e Krimeve të Rënda ka të faktuar të paktën prej 4 muajsh se lidhja mes Ministrit të Brendshëm Saimir Tahiri dhe trafikantëve të drogës, bandës së Habilajve, mbahej edhe nëpërmjet Drejtorit të Policisë së Vlorës, Jaeld Çela, i shpallur në kërkim si bashkëpunëtor në trafikun ndërkombëtar të drogës.

Partia Demokratike disponon dokumentat zyrtare që e provojnë këtë lidhje.  Kjo është masa e sigurisë arrest me burg e vendosur nga Gjykata e Krimeve të Rënda për 2 oficerët e lartë të policisë, Jaeld Çela dhe Gjergji Kohila, shef i antidrogës në Vlorë, me akuzën e pjesëmarjes në grup të strukturar kriminal, kultivim dhe trafikim të kanabisit.

Dokumenti me 18 faqe është bazuar në të dhënat e antimafias italiane, e cila ka përgjime bisedash dhe shkëmbime mesazhesh mes Habiljave dhe drejtuesve më të lartë të Policisë së Vlorës, të cilët provohet se ishin garantët për mbjelljen dhe trafikun e kanabisit drejt Italisë.

Bisedat mes drejtuesve të bandës së Habiljave dhe drejtuesve të policisë së Vlorës, provojnë se Policia e Shtetit, jo vetëm ishte kthyer në roje të transportit të kanabisit drejt Italisë, por Jaeld Çela ka dekonsipruar operacionet e Shërbimit Informativ Shtetëror për llogari të Habilajve, që vetë trafikantët në përgjime i quajnë “kusho të ministrit” dhe që “siguronin garanci për kanabisin”.

Të gjitha këto do t’i gjeni të zbardhura në mesazhet e telefonave qe i përkasin Jaeld Çelës, telefoni i të cilit është i vlefshëm për të provuar se ai ishte pika e kontaktit me Ministrin e Brendshëm, Saimir Tahiri, nëpërmjet shoferit të tij Gentian Çeka dhe mikut të ministrit Tahiri, Orest Sotës.

Në vendimin e gjykatës thuhet se Jaeld Çela kishte komunikime telefonike me Artan Habilajn, i cili kishte në përdorim makinën e Ministrit të Brendshëm; kishte komunikime me Gentian Çekën, shoferi personal i Saimir Tahirit; kishte komunikime me Orest Sotën, të cilit iu gjetën 863 mijë euro në makinë, bashkë me dy patentat  e Saimir Tahirit.

Çdo shqiptar që i dëgjon këtë fakte e ka të qartë se këto nuk janë lidhje rastësore, por janë lidhjet që tregojnë se Saimir Tahiri ka qenë garancia politike për kultivimin dhe trafikimin e kanabisit nga banda e Habiljave.

Ajo çfarë nuk ka kuptim për shqiptarët është, pse për Drejtorin e Policisë së Vlorës Jaeld Çela, ka kërkesë për arrest me burg dhe për Ministrin e Brendshëm Saimir Tahiri, që kontrollonte piramidën e trafikut të drogës, ka mbrojtje politike të kryeministrit Edi Rama.

Për të mbrojtur me imunitet politik Saimir Tahirin, dhe, nëpërmjet tij, veten, si arkitekti dhe përfituesi kryesor i kanabizimit të Shqipërisë, Edi Rama është kthyer në pengesën kryesore për hapjen  e negociatave për anëtarësimin e Shqipërisë në Bashkimin Europian.

Alket Hyseni, deputet i Partisë Socialiste e ka grabitur pronën në bashkëpunim me ish -kryerregjistruesin e Vlorës, Rezart Elmazi.

Alket Hysenin dhe Rezart Elmazin ilidh koha kur të dy kanë qenë pjesë e Task Forcës për evidentimin e pronave të tjetërsuara në Bregdetin e Jugut nga Vlora në Dhërmi. Alket Hyseni, sot, deputet i Partisë Socialiste, në kohën e tjetërsimit të kësaj prone ka qenë Kryetar i Task Forcës, ndërsa Rezart Elmazi ishte anëtar i saj. Kjo do të thotë se të dy kanë qenë në dijeni të konfliktit për pronën, e cila i ka kaluar Alket Hysenit nga një përson iI burgosur një vit më parë për fallsifikim dokumentash pronësie. Transaksionet me pronën e tjetërsuar në emër të Alket Hysenit janë bërë në kohën kur Rezart Elmazi është emëruar nga Edi Rama drejtor I hipotekës në Vlorë.

Sa për ilustrim, Rezart Elmazi, ishte në listën e 100 zyrtarëve më të korruptuar që Edi Rama publikoi para zgjedhjeve, por lista e zezë vlejti sa për propagandë zgjedhore, sepse Edi Rama e ka shpërblyer duke  e sjellë në një vatër po aq të madhe korrupsioni, Drejtor të ALUIZNI-t në Tiranë.

Por asgjë nga këto nuk do të ndodhte, nëse pjesë e skemës mafioze për grabitjen e pronave në bregdet nuk do të ishte Edi Rama. Partia Demokratike publikoi të dielën dy dokumentat që provojnë se kryeministri që bërtet se po bën shtet ka dhënë leje për ndërtimin e një resorti turstik mbi pronën e grabitur, duke mos marrë parasysh vendimin e Gjykatës për pezullimin e çdo veprimi me pronën. Leja e Edi Ramës është dhënë për llogari të mikut ndërtues Gon Papuli dhe  deputetit Alket Hyseni, që deri pak muaj më parë drejtonte  Zyrën Kundër Pastrimit të Parave, prej nga ka mbikqyrur edhe transaksionet financiare të bankës së gruas së kryeministrit.

Peshk më të madh se kryeministri drejtësia nuk ka ku të gjejë dhe është rasti ideal për t’u dhënë shqiptarëve shpresën reale për një drejtësi jopolitike, që punon për qytetarët dhe jo për pushtetarët.

Partia Demokratike dhe Lëvizja Socialiste për Integrim mbajtën mbledhje të përbashkët të Grupeve Parlamentare.

Kryetari i PD-së, Lulzim Basha, theksoi se çështja kryesore e takimit është rreziku serioz që paraqet moshapja e negociatave për anëtarësim me Bashkimin Europian.

Basha theksoi se Edi Rama është i interesuari i vetëm për të mos hapur dritën e gjelbër për shqiptarët, pasi ai mbron krimin.

Fakt është se Shqipëria, tha Basha, është sot në krye të listës së zezë për krimin e organizuar dhe trafikun e drogës, me kryeministër Edi Ramën, si mbrojtësi kryesor i Sajmir Tahirit, njeriut të prezumuar nga prokuroria italiane, si i përfshirë në trafikun e drogës.

“Sepse Ministri i tij i Brendshëm, shembullori, më i miri, kryetari i PS-së së Tiranës, njeriu i ngarkuar në zgjedhjet e 2017-ës, në zgjedhjet e pjesshme në Dibër në 2016-ën, në zgjedhjet e 2015-ës, sikundër në zgjedhjet e 2013-ës drejtpërdrejt si ndërlidhësi me grupet e krimit të organizuar për shitblerjen e votës. Njeriu i faktuar përmes partnerëve italianë si i përfshirë në trafikun e marijuanës dhe të armëve përmes bandës “Habilaj”, sot e kësaj dite vazhdon të mos dalë para drejtësisë”, tha Basha.

Fjala e plotë e kryetarit të opozitës dhe Partisë Demokratike, Lulzim Basha në mbledhjen e përbashkët me Lëvizjen Socialiste për Integrim:

Më lejoni pikë së pari t’ju kërkoj ndjesë për nisjen e këtij takimi të përbashkët të opozitës parlamentare, për arsyen e thjeshtë që për më shumë se gjysëm ore, fonia në sallën e Kuvendit mbeti peng i synimeve të maxhorancës për t’i hequr zërin opozitës.

Natyrisht këtu s’ka asgjë të re, prandaj le të procedojmë me këtë takim, të parin që zhvillojmë në këtë sallë dhe që do të mbahet në mënyrë periodike mes opozitës parlamentare dhe alternativës europiane të Shqipërisë.

Dua në fillim të fjalës t’ia bëj të qartë të gjithë qytetarëve që na ndjekin, se sfondi prapa i takon takimit pasardhës që do të zhvillohet në këtë sallë të Këshillit Kombëtar të Integrimit. Por fatmirësisht edhe ne sot jemi mbledhur për të njëjtën temë, për çështjen madhore dhe kombëtare, dhe shqetësimin numër një të opozitës dhe shqiptarëve, kërcënimin që po i vjen integrimit europian të vendit, anëtarësimit të Shqipërisë në BE, hapjes së negociatave, mospërmbushjes së kushteve të vendosura nga Komisioni Europian dhe nga vendet anëtare, kushtet të cilat nuk po përmbushen si rezultat i rekordeve kriminale dhe korruptive të maxhorancës që ishte mbledhur këtu para 2 orësh.

Më lejoni në fillim të fjalës time po kështu të rikonfirmoj në emër të Partisë Demokratike, në emër të koalicionit opozitar, në emër të gjithë opozitës së bashkuar, qëndrimin tonë të qartë dhe pa ekuivoke të cilin ia kemi komunikuar ne vazhdimësi institucioneve europiane; për të cilin kemi lobuar e vazhdojmë të lobojmë pranë partive tona simotra në organizatat përkatëse, në rastin e PD pranë Partisë Popullore Europiane.

Ne kërkojmë hapjen e negociatave. Ne kemi kërkuar dhe u kërkojmë të gjithë miqve tanë të ndikojnë në hapjen e negociatave. Ne e bëjmë këtë me bindjen e thellë se hapja e negociatave, është një akt që do t’ ndihmojë shqiptarët të dalin nga udhëkryqi i rrezikshëm ku ndodhen sot, do t’i ndihmojë përmes rritjes së monitorimit dhe mbikëqyerjes së institucioneve europiane duke treguar dhe shpalosur të vërtetën, Shqipërinë reale të cilën Edi Rama dhe banda në pushtet mundohen ta mbysin ditë për ditë me tam –tamet e propagandës dhe me raportet falso të cilat shpërndajnë nga mëngjesi deri në darkë anembanë globit.

Pesë kushtet themelore të Komisionit Europian dhe kushtet shtesë të vendeve anëtare janë larg përmbushjes. Dhe ne e dimë fare mirë se nëse ky mbetet një proces i vlerësuar thjesht dhe vetëm në bazë të meritës Shqipërisë nuk do t’i hapen negociatat.

Kjo është arsyeja përse kemi shpalosur me forcë qëndrimin tonë duke argumentuar të qartë para institucioneve europiane dhe para vendeve anëtare.

Moshapja e negociatave do të ndëshkojë shqiptarët e ndershëm.

Moshapja e negociatave do të pengojë arritjen e standardeve dhe plotësimin e 5 kushteve.

Moshapja e negociatave do të ndihmojë klikën në pushtet të konsolidojë pushtetin e krimit, t’i shpëtojë rekordeve të tmerrshme të korrupsionit, të devijojë reformën në drejtësi dhe të kapë organet e drejtësisë, të shkatërrojë plotësisht ekonominë kombëtare duke e kthyer atë në një ekonomi të drogës dhe po kështu të shkatërrojë të gjithë investimin e Bashkimit Europian dhe partnerëve tanë strategjikë, SHBA, të bërë në 27 vite për demokracinë dhe shtetin ligjor.

Sot ka një faktor dhe një njeri që është i interesuar për mos hapjen e negociatave dhe ky është njeriu që kërcënon nga mëngjesi deri në darkë me skenarë rusë, kinezë, turq, por që nuk jep asnjëherë llogari:

Se, pse Shqipëria është sot në krye të listës së zezë për krimin e organizuar dhe trafikun e drogës?

Se, pse Ministri i tij i Brendshëm, shembullori, më i miri, kryetari i PS-së së Tiranës, njeriu i ngarkuar në zgjedhjet e 2017-ës, në zgjedhjet e pjesshme në Dibër në 2016-ën, në zgjedhjet e 2015-ës, sikundër në zgjedhjet e 2013-ës drejtpërdrejtë si ndërlidhësi me grupet e krimit të organizuar për shitblerjen e votës. Njeriu i faktuar përmes partnerëve italianë si i përfshirë në trafikun e marijuanës dhe të armëve përmes bandës “Habilaj”, sot e kësaj dite vazhdon të mos dalë para drejtësisë.

Për arsyen e thjeshtë, sepse nga kjo sallë e ka mbrojtur me imunitetin parlamentar duke shndërruar parlamentin në gjykatë për të mbrojtur Saimir Tahirin dhe përmes Saimir Tahirit të gjithë qevenë e tij të zhytur në krim dhe të kapur nga krimi.

Kriteri i parë dhe kryesor, lufta kundër krimit, lufta kundër drogës jo vetëm që nuk ka njohur progres, por krimi dhe droga vazhdojnë të përbëjnë kërcënimin numër një për sigurinë kombëtare të vendit.

Krimi dhe droga vazhdojnë të përbëjnë eksportin kryesor të Shqipërisë drejt Italisë dhe vendeve të BE, pra kërcënimin numër një edhe për sigurinë e vendeve partnere, edhe për strategjinë e sigurisë së NATO-s ku jemi anëtarë.

Në vend që të luftojë krimin, në vend që të verë përpara drejtësisë njerezit e evidentuar në raportet ndërkombëtare nga Habilajt tek Balilajt tek pronarët e vërtetë të kokainës të Maminasit, Edi Rama përpiqet nga mengjesi deri në darkë ti shpëtojë ata, vazhdon të ushtrohet presion i jashtëzakonshëm për të ndalur sabotuar apo abortuar hetimet ndaj Saimir Tahirit.

Vazhdon të ushtrohet presion i jashtëzakonshëm për të mos nisur hetimin ndaj Vangjush Dakos, Qazim Sejdinit, Damian Gjiknurit të faktuar në lidhje kriminale në shërbim të interesave pasurore ose të pushtetit në shërbimit të shkembimit me shitblerjen e votave në zgjedhjet e përgjithsahmëe dhe zgjedhjet lokale.

Vazhdojnë të sabotohen hetime kyçe për të vënë përpara përgjegjësisë njerë në nivelet më të larta të pushtetit jo veteëm ministra dhe deputettë por dhe drejtorë të rëndësishëm të administratës duke nisur që nga vetë kryeministria. Kjo për një arsye të vetme, problem numër një i vendit është autokracia, i gjithë pushteti në dorë të Edi ramës në mënyrë që jashtëligjshme dhe jashte institucionale Edi Rama sot kontrrollon qeverine parlamentin segmenette kryesore të gjyqësorit, median dhe ekonominë ky është dhe problem numër një.

Asnjë vend nuk mund të futet në Europë duke pasur në vend një qeverisje transparente dhe llogaridhënëse një sundim oriental i inkriminuar i korruptuar.

Kjo është dhe detyra kryesore e opozitës parlamentare jo veteëm të denoncoje dhe të shpalle të vërtetat e aferave kriminale dhe korruptive siç kemi bërë e di të vazhdojmë të bëjmë ditë për ditë por po kështu i tregojmë shumicës dërmuese të shiqptarëve rrugën se si 3 milion shqiptarë nuk mund e nuk duhet e nuk do të mbeten peng i 10 qeveritarëve kriminelëve dhe oligarkëve të korruptuar, nuk mund të ketë vlerësim pozitiv për kriterin e parë dhe kryesor të integrimit të vendit që është lufta kundër krimit dhe drogës pa arrestuar dhe pa vënë para drejtësisë Saimir Tahirin, pa nisur hetimet pa thelluar hetimet dhe pa vene para drejhtësisë kryebashkiakët e korruptuar e lidhur me krimin dhe ministrat e tjerë të korruptuar e të lidhur me krimin.

Nuk mund të fshihet Edi Rama siç u përpoq të fshijeh para dy orësh mbrapa Alket Hysenit. Alket Hyseni duhet të hetohet për aferën e tjetërsimit të mijëra metrave katrorë në bregdet por është Edi Rama ai që ka firmosur një leje të kundraligjshme ndërtimi mbi këtë truall, jo vetëm të kundraligjshme porn ë thyerje të vendimi të gjykatës pezullon çdo akt të mëtejshëm.

Ky është shteti me standarde të dyfishta. Një kryebashkiak arrestohet ndonëse ndodhet vetëm 20 metra larg gjykatës dhe ka pranuar dhe pranon bashkëpunimin e plotë për ate çka akuzohet. Ne jemi për zbatimin e plotë të ligjit dhe barazi para ligjit të kujtdo nga qytetarët e thjeshtë tëk politikanët e pushtetshëm, kjo është atsye pse ne i kërkojmë drejtësisë të bëjë punën e saj të pavarur e të pandikuar nga axhenda politike e ne veçanti nga axhenda e Edi Ramës një axhendë kriminale e korruptive. Në funskion të kësaqj axhende Edi Rama ka gënjyer Bashkimin Europian në selinë e tij në Bruksel ku u shpreh se si rezultat i vetingut jane larguar 17 gjyqtarë dhe prokurorë. Pas informacionit të marrë zyrtarisht nga opozita rezulton se vetëm 6 të kanë dhënë dorëheqjen apo janë larguar si rezultat i proçesit të vetingut, të tjerët kanë dalë në pension apo i ka mbaruar mandati. Ky është shqetësimi ynë i dytë kryesor moszbatimi i reformës në drejtësi, kapja e drejtësisë dhe përdorja e drejtësisë si mburojë e aferave kriminale dhe korruptive në të cilat është zhytyr kjo qeveri.

Zbatimi i Reformës në Drejtësi është një tjetër kyç i antarësimit të vendit ne BE. Ne votuam unanimisht paketën kushtetuese që është thelbi i Reformës në Drejtësi. Ne duam që refroma në drejtësi të zbatohet ashtu siç është votuar. Jemi kundër kapjes të prokurorisë, emerimit pa vetimg të prokurores së përgjithshme dhe prokurorëve të tjerë, shantazhmimit nga mëngjesi deri në darkë të prokurorisë, nga Taulant Balla me shokë për të mbyllur dosjet e krimit dhe të korrupsionit me urdhët të Edi Ramës.

Ne jemi për zbatimin e plotë dhe pa vonesa të reformës në drejtësi ashtu siç e kemi votuar ne konsensusin e 22 korrikut 2016 Kushtetutën e Shqipërisë. Edi Rama e ka të pamundur të plotësojë kriterin tjetër themelor të luftës kundër korrupsionit. Raportet e fundit e rendisin Shqipërinë mes 20 vendeve më të korruprtuara të botës, arsyet shqiptarët i kanë të shkruajtuar në lëkurën e tyre, i kanë të shkruajtuar në tavolinat e tyre të bukës, i kanë në xhepat e tyre dhe po kaq qartë po ua thonë miqtë dhe partenerët që kanë për detyrë të na ndihmojnë e te monitorojnë luftën kundër korrupsionit.

Dëgjuat nga FMN-ja tha fare qartë atë që është sahqetësimi im kryesor, nga faza e kultivimit të kanabisit duke kaluar ne fazën e heroinës dhe konainës dhe tani po kalojmë në fazën e pastrimit të parave të pista, 3 P-ve të famshme, 1 miliardë eurove që nuk është gjë tjetër veçse një skemë mashtuese prapa të cilës fshihet projekti kriminal i pastrimit të parave të pista të drogës dhe të krimit. Kjo është faza me e avancuar e sundimit kriminal në vend sepse ndikon drejtpërdrejt tek ekonimia shqiptare. Sot Shqipëria nuk prodhon nuk rinovon nuk ka teknologji të re nuk konkurron as brenda vendit asme rajonin dhe jo më tej.

Si mund të konkurrohet në një ekonomi ku me nje kontenier bananesh fiton 180 milion euro.

Cilat kompani, cilët sipërmarrës, cilat biznese mund të konkurojnë në një ambient ku milionat e eurove të drogës përdoren nga mëngjesi në darkë, për tëblerë dhe zhvendosur biznese të ligjshme, në ndërtim, në turizëm, në trajtimin e mbetjeve dhe në çdo sektor tjetër të ekonomisë.
Nuk ka investime të huaja.

Dy investimet e huaja të kontraktuara nga qeveria demokratike po shkojnë drejt fundit. Me mbarimin e këtyre dy investimeve siç u paralajmërua edhe nga FMN ekonomia futet në një cikël reçesioni. Investime të huaja nuk ka. Investime të brendshme nuk ka, përkundrazi! Vetëm vititn e kaluar, 800 milionë euro janë larguar nga vendi sipas statistikave zyrtare të Bankës së Shqipërisë.

I vetmi investim që ecën në Shqipërinë e Edi Ramës është investimi në krim, investimi në drogë.

Këto janë të pamjaftueshme për të krijuar mundësi për shqiptarët.

Kjo është arsyeja që teatri banal i Edi Ramës u demaskua me shifrat zyrtare që publikuam javën e kaluar, ku nga njëra anë, me një të goditur të lapsit largon 30 mijë familje nga ndihma ekonomike dhe nga ana tjetër tregon se zyrat e punësimin kanë 454 vende të lira pune.

Ekonomia në kolaps është dështimi më spektakolar i Edi Ramës në këto pesë vite.

Është shqetësimi ynë më madhor.

Rezultatet e kësaj gjendjeje i njohim të gjithë. Pa mundësi, pa shpresë. Emigracioni ka arritur përsëri nivele rekord. Me Edi Ramën Shqipëria prodhon dhe eksporton vetëm krim, drogë dhe emigrantë.

Ky është gogoli që tremb Europën dhe jo përrallat që tregon Edi Rama. Të mos flasim për aspekte të tjera që kanë të bëjnë me reformën në administratë e cila është katandisur pikërisht ashtu siç e paralajmëroi. Në tepsinë personale të Edi Ramës ku njerëzit hiqen nga puna dhe vihen në punë, jo për atë që përfaqësojnë në vlera, por për atë që përfaqësojnë, në ushtarë të bindur të bandës në pushtet.

Rezultate të tmerrshme për qytetarët, drejtorë shkollash, mësues, personel shëndetësor të pakualifikuar, shpeshherë me rekorde të dyshimta madje edhe me rekorde penale, pretendojnë të kujdesen për fëmijët tanë, nëpër shkolla dhe në sistemin shëndetësor shqiptar.

Kapitulli i fundit; të drejtat e njeriut.

E drejta themelore e njeriut është, të zgjedhë i lirë.

Kjo është asgjesuar në mënyrë të përsëritur nga Edi Rama duke kulmuar me zgjedhjet e qershorit të vitit të kaluar, ku vetë BE, përmes studimit të financuar, ka vërtetuar se 20% e shqiptarëve kanë pranuar shitblerjen e votës. Një parlament ilegjitim, një qeveri ilegjitime dhe ka lidhur fatin e saj me paratë e pista të drogës, është kërcënimi dhe problemi kryesor për Shqipërinë europiane.

Ne si opozitë, kemi denoncuar dhe do të vazhdojmë të denoncojmë me emër dhe mbiemër, me fakte dhe shifra “Corpus-Delict”-in, tërësinë e aferave korruptive dhe kriminale, por ne po kështu jemi të vendosur t’i japim Shqipërisë rrugën e daljes nga kjo krizë e gjithanshme. Ajo fillon me unifikimin e qëndresës sonë për hapjen e negociatave, hapjes së ekonomisë nga kthetrat e klientëve të Edi Ramës që po shkatërrojnë ditë për ditë mijëra vende pune dhe po mbyllin mijëra biznese.

Jo është axhenda jonë politike, por kjo nuk do të ndodhë thjeshtë dhe vetëm në hapësirën institucionale, e cila sabotohet ditë për ditë nga narko-qeveria. Nuk e kam fjalën për mikrofonat e kam fjalën për shkeljen flagrante të ligjit, të Kushtetutës, të Rregullores së Kuvendit, edhe për gjërat më elementare që është detyrimi i qeverisë t’i përgjigjet kërkesave të opozitës, për llogaridhënie në Komisionet parlamentare.

Ndaj, dua të përsëris sot nga kjo mbledhje e përbashkët e opozitës parlamentare, thirrjen dhe ftesën për të gjithë qytetarët shqiptarë, e në veçanti për elitën e vendit, për intelektualët, për akademikët, për artistët, për profesionistët, të bashkohemi në këtë përpjekje të madhe që ka një dhe vetëm një qëllim. 3 milionë shqiptarët dhe fati ynë europian, të mos mbetet në dorë të një bande prej 10 politikanësh të korruptuar, të inkriminuar, kriminelësh dhe oligarkësh.

Jam besimplotë se ajo që së bashku nisëm, në aksionin popullor të 27 janarit, e kombinuar me një zhdërvjellësim dhe intensifikim të opozitës parlamentare, në Tiranë dhe kudo në Shqipëri, do të bëjë të mundur, së bashku me partnerët tanë europianë, të mbyllim një orë e më parë këtë kapitull të errët, këtë ëndërr dhe ankth të keq, të sundimit kleptokratik dhe kriminal të Edi Ramës, dhe t’u kthejmë shqiptarëve autoritetin mbi fatin e tyre dhe të fëmijëve të tyre, që shqiptarët të kenë në dorë në vendin e tyre, fatin e tyre, zgjedhjet, institucionet, vendimet kryesore.

Natyrisht ne kemi alternativën tonë për luftën kundër krimit, për ekonominë, për shëndetësinë dhe arsimin.

Nuk do të ngurojmë ta shpallim këtë publikisht, jo vetëm para mediave, por kudo me qytetarët shqiptarë. Sot prioriteti numër një është t’u kthejmë njerëzve shpresën dhe besimin se kjo betejë nuk është as për ardhjen në pushtet të opozitës, as për ardhjen në pushtet të një partie, apo një partie tjetër. Kjo është një betejë ekzistenciale për të shpëtuar Shqipërinë.

Ndaj ftojmë të gjithë shqiptarët e ndershëm, u bëjmë thirrje të bëhen pjesë e kësaj beteje!

Falemnderit!