Blog

Kryetari i Partisë Demokratike, Lulzim Basha tha se 5 vitet e fundit kanë qenë 5 vite të humbura për Shqipërinë dhe se ka ardhur koha që, nëpërmjet alternativës së Partisë Demokratike për çlirimin e tregjeve nga monopolet, shqiptarëve t’u kthehet vetëbesimi se Shqipëria mund të bëhet një vend i zhvilluar.

Kryetari Basha mori pjesë në konferencën (De)Rregullimi i Tregjeve, organizuar nga Forumi i Tiranës për Lirinë Ekonomike-Instituti Pashko.

Duke iu referuar dy shtyllave kryesore të ekonomisë për zhvillimin dhe punësimin, investimeve të brendshme dhe investimeve të huaja, Kryetari i Partisë Demokratike tha se “Shqipëria ka shënuar një rekord të paprecedentë për çdo vend postkomunist duke mos patur asnjë investim të ri të huaj në këto 5 vite”.

Basha argumentoi se për shkak të mungesës së investimeve punësimi ka rënë dhe emigracioni është rritur, veçanërisht ai i të rinjve dhe i profesionistëve.

Për të treguar se vendet e rajonit kanë ecur përpara me investimet, Basha paraqiti të dhënat për 10 javët e para të vitit për Bosnjën,  Maqedoninë, Malin e Zi dhe Serbinë.

Bosnja me 7 investime të huaja, disa mijëra vende të reja pune një marrëveshje me BERZH 750 milionë euro për një autostratdë.

Maqedonia me 4 investime të huaja, mbi 600 vend etë reja pune, disa dhjetëra milionë euro investime në energjitikë, zhvillim teknologjik, industri.

Mali i Zi  me 3 investime te huaja, kryesisht në turizëm elitar, me rreth 1 miliard euro.

Serbia vetëm për 10 ditët e para të marsit ka 9 investime shumë të mëdha në hoteleri, industri, miniera, teknologji me mbi 5 mijë të punësuar dhe qindra milionë euro investime, për të cilat qeveria serbe ka paguar 9.5 milionë euro që t’i thithë në ekonominë serbe.

“Ku jemi me Shqipërinë? Çfarë investimi të huaj kemi thithur në mars, janar–mars 2016, 2017, 2015, 2014? Kaluan 5 vite dhe nuk ka një investim të huaj. Përkundrazi, ka ikur Sheratoni, ka ikur Glaxo Smith Kline, iku Onmix që do të ndërtonte resortin 400 milionë euro”- tha Basha.

Kreu i opozitës theksoi se edhe tek investimet e brendshme është e njëjta situatë dhe askush nuk mund të tregojë asnjë investim domethënes në infrastrukturë, teknologji informacioni, përvec abuzimit me Rilindjen Urbane, shtrimi i qyteteve me pllaka dhe palma.

Basha vuri në dukje se braktisja e Shqipërisë nga investitorët e huaj reflektohet edhe tek rënia e saj e ndjeshme në raportin e The Heritage Foundation. “Liria ekonomike në Shqipëri ka zbritur nga vendi i 54-të në botë në vendin​ e 65–të në botë”- citoi Basha raportin, ku janë më rënie edhe treguesit e tjerë të rëndësishëm për investitorët, ato të barrës fiskale, lirisë së të bërit biznes, lirisë së investimit, që e zhvendosin Shqipërinë në gjoepolitikë afrikane.

Edhe në raportin e Doing Business Shqipëria renditet nga fundi, në vendin e 125 në botë për pagesën e taksave dhe ne vendin e 120-të në botë për respektimin e kontratave, çka i pengon investitorët të vijnë në një vend që nuk respekton kontratat.

Basha tha se përkeqësim i ndjeshëm për Shqipërinë vërehet edhe tek raportet e Bankës Botërore, Fondit Monetar Ndërkombëtar, Forumit Ekonomik Botëror, ku Shqipëria është vendi i fundit në rajon për nga konkurrueshmëria.

Kryetari i Partisë Demokratike vuri në dukje se një tregues tjetër i gjendjes së rëndë të vendit është borxhi publik, i cili vazhdon të rritet nga qeveria.

“Borxhi publik është një problem i madh për vendin, sepse është edhe ai i fshehuri, për të cilin foli edhe FMN-ja para pak ditësh. PPP-ja nuk është vetëm pastrimi i parave të pista, por është edhe borxh i fshehur publik. Çdo marrëdhënie e drejtpërdrejtë  e qeverisë me një konçensionar është borxh për shqiptarët, të cilët do ta paguajnë për 10, 15, 20 apo 30 vjet.”-tha Basha.

Kryetari i opozitës theksoi se qeveria nuk ka asnjë prioritet tjetër në fushën ekonomike përveç kriminalizimit dhe orientimit nga paraja e zezë, siç është ajo nga trafiku i drogës. “Boom-i i papritur i ndërtimeve në Tiranë, i pajustifikuar nga kredia bankare të çon në pyetjen se me çfarë parash po ndërtohen, kur i vetmi aktivitet i suksesshëm është ai i trafikimit të kanabisit, kur asnjë kokë e krimit apo peshk i madh  nuk është kapur dhe  paraja është e paprekur në dorë të krimit. Është e qartë se qëllimi  qëllimi kryesor i krimit është ta fusë këtë para në ekonomine e ligjshme, ta riciklojë në ekonomine e ligjshme dhe të kapë ekonomine e ligjshme”.-u shpreh Basha.

Kreu i Partisë Demokratike solli të dhëna se për shkak të vendimeve të gabuara me taksën progressive, që po i merr frymën ekonomisë, në Shqipëri të ardhurat nuk u realizuan asnjëherë këto 5 vitet e fundit, pavarësisht rritjes së taksave. “Mosrealizimi për vitin e kaluar, 120 milionë dollarë, është rezultati i drejtpërdrejtë edhe i përqëndimit dhe krijimit të klientelës”- u shpeh Basha, i cili vuri në dukje se janë gjithsej 10 individë që fitojnë gjithë tenderat  dhe koncesionet, pjese e PPP-së.

“Nuk ka treg të lirë më pesë operatorë të fuqishëm  që bëjnë çdo aktivitet ekonomik të vendit dhe nuk janë asgjë tjetër përveçse monopole  dhe skema oligarkike” tha Basha duke theksuar se zemra e ekonomisë janë sipërmarrësit e vegjël dhe të mesëm. Kryetari i PD u shpreh se 3000 biznese të vogla janë mbyllur në periudhen janar-shkurt dhe e vetmja politikë fiskale që ofron qeveria është futja e tyre në skemën e TVSH-së dhe heqja e TVSH-së për hotelet me 5 yje. “Kjo është politika fiskale tipike klienteliste”-tha Basha.

Kreu i opozitës propozoi masa konkrete për ringritjen e ekonomisë, duke cilësuar si prioritet kryesor çlirimin e tregjeve, çka kërkon një reformë të thellë që çliron ekonominë nga monopolet, oligogpolet dhe nga ndërhyrjet qeveritare. “Fillon nga ndalimi me ligj i krijimit të monopoleve nga shteti, duke hequr kontrata ekskluzive dhe liçensat ekskluzive. Ndalimi i çdo konçesioni me përjashtim të atyre në infrastrukturë që bëhen vetëm pas çertifikimit nga institucionet ndërkombëtare, si FMN dhe Banka Botërore.”-tha Basha.

Propozimi tjeter i kreu të opozitës ishte për zhdukjen e të gjithë favoreve ligjore, fiskale ndaj çdo veprimtarie që dëmton shëndetin e njerëzve, duke përfshirë inceneratorët. Çfarë nuk ka vlerë të shtuar për ekonominë, që nuk disbursohet, duhet të zhbëhen të gjitha”-tha Basha, i cili tha tregu i lirë duhet të vendosë për të gjithë ata që kanë ide.

Modernizimi i sistemit fiskal është një tjetër propozim i alternativës ekonomike të PD, që synon largimin e inspektorëve tatimorë nga mjediset e biznesit. “Aty ku punon, aty ku derdhet djersë, aty ku krijohet, aty ku krijon vende pune, aty ku lëviz kapitali, taksidari duhet të ndalohet me ligj prania e tij. Përmes modernizimit të sistemit fiskal, pa shpikur asgjë, duke aplikuar standartet europiane të vetëdeklarimit dixhital.”

Basha theksoi se programi ekonomik dhe vizioni i Partisë Demokratike nuk paraqet një arrnim apo korrigjim të së sotmes, por një transformim të thellë. “Prandaj ju siguroj se qëllimi i programit dhe vizionit të PD është çlirimi total i tregut nga monopolet, ndalimi i praktikave monopoliste dhe ekskluziviste”- tha Basha, i cili vuri në dukje se këto janë masa “që kthejnë besimin tek ekonomia, besimin tek leku, besimin tek vetvetja”

Kreu i PD u shpreh se “merita më e madhe e veprave të mëdha infrastrukturore, siç është Durrës-Kukës, ishte vetëbesimi që u dha shqiptarëve se ne jemi në gjendje të bëjmë vepra të mëdha, që u përkthyen menjëherë më pas në dhjetëra, qindra, mijëra inovacione të vogla e të mesme, që çoi në rritje ekonomike, rritjen  e punësimit, rritjen e vetëbesimit të shqiptarëve.”

Basha tha se në këto 5 vjet ky model është shndërruar në modelin e drogës, të 180 milionë eurove në një kontenier bananesh. “Çfarë frymëzon kjo? Kjo shkatërron biznesin. I thotë biznesit çfarëdo që të bësh ti, sado inovacion të kesh, sado ide të mira të kesh, ti nuk konkurron dot.”- tha Basha, që e cilësoi këtë një model shkatërrues edhe për rininë.

Basha tha se ka vetëm një rrugë për të kthyer vetëbesimin e shqiptarëve, që reflektohet në platformën e PD për çlirimin e ekonomisë nga monopolet, për tregun e lirë, taksën e sheshtë. “Por një transformim i thellë ekonomik nuk mund të ndodhë pa një tranformim të thellë politik, duke nisur nga konkurueshmëria, hapja dhe meritokracia”- tha Basha. Ai garantoi se kjo është ajo që do të bëjë Partia Demokratike “duke modernizuar plotësisht funksionimin e saj, duke zhdukur çdo pengesë autokratike të vërtetë apo të perceptuar”. Kreu i opozitës tha se “do t’i jepet mundësi çdo demokrati të konkurrojë, të marrë përgjegjësi dhe të përfaqësojë axhendën tonë emancipuese europiane të lirisë ekonomike dhe të lirisë politike para shqiptarëve, duke nisur me zgjedhjet e ardhshme politike.”

Kryetari i PD Lulzim Basha vizitoi disa familje në Lezhë që janë përjashtuar nga ndihma ekonomike dhe kanë mbetur në mëshirë të fatit, pa asnjë të ardhur. Rasti i Ardian Danit, është ai i babait që, pas vdekjes së bashkëshortes, rrit i vetëm 3 fëmijë të mitur. Pas heqjes së ndihmës ekonomike lypja në rrugë dhe shitja e gjakut është e vetmja mënyrë mbijetese për Ardianin.

“E kam bërë mbrëmë një copë byrek, rafti ja ku është bosh. Tek Kryqi i Kuq kam dhënë gjak. Për çfarë? Vetëm për të mbajtur fëmijët me një pako makarona. Frigoriferi nuk punon. Urdhëro. (Frigoriferi bosh) Gjak trupi po jap, vetëm me rrit tre jetimë”.

Agentina Bacaj është kryefamiljare, nënë e tre fëmijëve, e zhytur në dëshpërim pas heqjes së ndihmës ekonomike. Të katërt jetojnë në një dhomë me qera, në kushte të mjerueshme, por pa ndihmë ekonomike, sepse vajza e madhe e saj kishte bërë praktikë dy muaj në një vend pune.

Agentina: Kam katër muaj pa paguar qera. Më japin bukë për sevap. Më mirë më shku me u mbyt me tre kalamaj.

Basha: Jo, jo. Kemi ardhur për të thënë që jemi në krahun tënd e të fëmijëve të tu. E rëndë është situata, por vetëm nuk të lëmë.

Gjendja është po kaq e rendë në familjet e Leonora Lukës, nënë e tre fëmijëve, e Hyrije Berishës, që jeton në kushte ekstremë varfërie dhe mbijeton me lëmoshë, Afërdita Lugjës, nëna e dhunuar e tre fëmijëve, që jeton në skamje me urdhër mbrojtje, por pa bukë për fëmijët, e Dorinës, nënës 22 vjeçare, që rrit e vetme në 10 metra katror tre femijë të mitur, e Bashkim Mekrizvanit, i cili jeton duke mbledhur kanoçe për të siguruar disa të ardhura për ilaçet e vajzës Xhonana me sëmundje të rëndë. Ai i tregoi Bashës se edhe energjinë elektrike ia kishin prerë dhe nuk kishte asnjë të ardhur tjetër perveç ndihmës ekonomike.

“Ne më mirë me u myt në det.”- u shpreh i dëshpëruar kryefamiljari i pashpresë.

Basha: Ne kemi ardhur për të qarë hallin me ju dhe për të ngritur zërin për ju. Se opozita vetëm fjalën ka. Do ta ngremë zërin për ju. Do të tregojmë të vërtetën tuaj jo gënjeshtrat që ju thotë Edi Rama. Do t’i themi se u ke hequr bukën njerëzve më të pamundur, më në nevojë dhe të luftojmë t’ju kthejmë ndihmën ekonomike.”

Qeveria nuk e ka bërë akoma transparencën e pikëve që ka nxjerrë jashtë skemës së ndihmës mbi 20 mijë familje të varfra. Në datën 15 Mars opozita ka thirrur në interpelancë kryeministrin Edi Rama, i cili nuk ka prioritet uljen e varfërisë në vend. Nëse qeveria e tij do të reduktonte shpenzimet e luksit, ato do të mjaftonin për të paguar ndihmën ekonomike për 30 mijë familje.

Edi Rama duhet t’u tregojë sa më shpejt shqiptarëve përse e ka takuar dje në mëngjes Saimir Tahirin në një nga spitalet private të Tiranës.

Edi Rama duhet të tregojë se për çfarë kanë biseduar për më shumë se 1 orë me ish Ministrin e tij të Brendshëm, i akuzuar për trafik droge.

Edi Rama duhet të flasë edhe nëse vëllai i tij fshihet pas kokainës kolumbiane dhe jo t’u shesë shqiptarëve 613 kilogramë kokaine për sapun.

Ka një arsye pse Edi Ramën e ka pushtuar një heshtje varri për kokainën, madje as nuk mburret më për kapjen e saj.

Arsyeja është se kokat e vërteta të kokainës janë pranë tij, në majat e politikës dhe në gjirin e familjes. Arsyeja është se garancia që ai dhe njerëzit e tij u dhanë kriminelëve të Klanit të Gjirit të Kolumbisë dështoi, sepse ia dogjën partnerët ndërkombëtare.

Ndaj Edi Rama sot ndjehet nën presion nga të gjitha anët, çfarë i ka shkatuar një gjendje të rënduar psiqike, për të cilën ai ka tre ditë që viziton spitalin.

Edi Rama gjendet mes dy zjarresh. Nga njëra anë ka presionin e trafikantëve, të cilëve u ka shkaktuar një dëm të madh dhe janë të rrezikuar. Nga ana tjetër, është nën presionin e partnerëve ndërkombëtarë. Edi Ramës i është bërë e qartë nga disa qeveri europiane se po nuk u kapën kokat e kokainës, nuk ka Shqipëri në Europë!

Edi Ramës i është bërë e qartë se, nëse Saimir Tahirit nuk i hiqet mbrojtja politike, nuk ka Shqipëri në Europë! Por Edi Rama nuk e dorëzon dot as Saimir Tahirin, as Olsi Ramën as Agron Xhafajn, se pastaj do t’i duhet të dorëzohet vetë.

Këtë fakt nuk mund ta fshehë as Edi Rama, as matrioshkat e tij, që me përralla me rubla ruse, përpiqen më kot të fshehin të vërtetat kriminale të kryeministrit të vendit.

• 613 kilogramë kokainë ka mbetur jetime, sepse qeveria nuk kap dot pronarët e vërtetë, vëllain e kryeministrit.
• Për Ulsi Manjën dhe zëdhënësit e qeverisë së kokainës përgjigja është se turp kombëtar është të shndërrosh atdheun në parajsën e drogës dhe të krimit. 

Deklarata e nënkryetarit të Komisionit të Sigurisë, Flamur Noka

Sasia më e madhe e drogës së fortë, e kapur ndonjëherë në Shqipëri, 613 kilograme kokainë e pastër, ka përfunduar deri tani  jetime dhe, fatkeqësisht, deri ne fund te procesit, do të rezultojë jetime. Kjo tregon  qartë se ajo ka ardhur në Shqipëri me garanci dhe ka mburojë të fortë  politike.

Në duart e drejtësisë si në rastin e Xibrakës, janë  vetëm shoferi i kamionit dhe pritësi i ngarkesës me banane, sepse pronarët e vërtetë nuk zbulohen e nuk kapen dot, pasi për ta  u kujdes vetë qeveria, sepse qeveria nuk kap dot kupolen, nuk kap dot familjen kryeministrore, nuk kap dot vëllanë e Edi Ramës.

Policia shqiptare, Ministri Xhafaj dhe kryeministri Edi Rama, vazhdojnë të fshihen dhe nuk japin llogari, përse pronari në letra Arbër Çekaj u largua nga Shqipëria një ditë përpara se policia të ndërhynte për bllokimin e kokainës, e cila mbahej prej 9 ditësh në Portin e Durrësit.

Ministri Xhafaj dhe kryeministri Rama vazhdojnë të fshihen dhe nuk japin llogari se pse dhe nga kush u dekonspirua operacioni, si pasojë e të cilit sot droga e kapur nuk ka pronar.

Çfare frike ka Edi Rama që bëri çdo përpjekje për ta quajtur operacion super të suksesshëm të policisë  një operacion plotësisht të tradhëtuar?!

Edi Rama duhet t’u thotë shqiptarëve se pse gënjeu dhe kush e shtrëngoi të bënte gjithshka për të fshehur faktin që droga u sinjalizua dhe u ndoq deri në destinacion nga DEA dhe Marina kolumbiane.

Edi Rama hesht dhe nuk tregon a ka lidhje me kokainën kolumbiane i vellai i tij, Olsi Rama, dhe lan duart me shkarkimin e  drejtorit të Portit të Durrësit më 24 shkurt, 5 ditë pas mbërritjes në port të kokainës.

Nga destinacioni – Shqipëri, sasia e kokainës- 613 kilogramë  dhe vlerës së deklaruar – 180 milionë euro, do të thotë se kokaina ishte e pastër, rreth 300 mijë euro 1 kilogram. Çka do të thotë se Edi Rama duhet të tregojë ku është laboratori që do të përgatitej kokaina për tregun europian dhe kush fshihet edhe pas laboratorit.

Përfitoj nga rasti t’I them Ulsi Manjës dhe çdo zëdhënësi të qeverisë së kokainës se turp kombëtar është të shndërrosh atdheun në parajsën e drogës dhe të krimit.

Pyetje : Z Basha a kemi një datë për Kuvendin Kombëtar?

Basha: Po, kemi dhe është vendosur me vendim unanim të kryesisë të PD-së, e cila është data 28 dhe 29 Prill, kur Kuvendi Kombëtar i PD-së do të zhvillohet në Tiranë dhe do të marrë vendimet e rëndësishme për Partinë Demokratike, një parti e anëtarëve, si një parti e shqiptarëve që do t’i prijë një transforimimi të thellë politik dhe ekonomik të vendit. Kështu që, ju falenderoj për durimin dhe praninë tuaj gjatë kohës që është zhvilluar mbledhja e Kryesisë së Partisë Demokratike.

Diskutimi ka qënë jashtëzakonisht i frytshëm. Padyshim që ka mendime kritike. Pa i rrahur mendimet nuk mund të shkohet në vendime ,të cilat përfaqësojnë konsensusin e të gjithë anëtarëve të kryesisë. Edhe njëherë dëshiroj të falenderoj anëtarët e kryesisë për frymën e përgjegjësisë me të cilën diskutuan gjatë ditës së sotme. Falenderoj të gjithë anëtarësinë e Partisë Demokratike, që ka përmbyllur një proces analize, konsultimi, propozimesh dhe t’i kujtoj të gjithë anëtarët dhe simpatizantët e Partisë Demokratike se shqiptarët e shohin këtë jo thjesht si një proces brenda Partisë Demokratike, por si procesi nga i cili do të lindë një shpresë dhe një rrugë e re për çdo shqiptare dhe shqiptar.

Pyetje: Z Basha a do ta shfrytëzoni periudhën deri në mbledhjen e Kuvendit Kombëtar për tu ulur me kritikët, që të mos shkoni të përçarë?

Basha: Kryesia ka miratuar vendimet, të cilat do t’i japin mundësinë çdo demokrati të kontribuojë në këtë proces dhe unë personalisht do të garantoj që ky të mos jetë një proces formal por i vërtetë i bashkimit të të gjitha kontributeve dhe ideve për këtë platformë të PD si parti e anëtarëve, për këtë transformim të PD-së që do t’i paraprijë transforimit që presin shqiptarët.

Shkrimi i publikuar në Mother Jones, një media ekstremiste e majtë e njohur për qëndrimet e saj anti-Trump, është financuar nga Edi Rama me para të paligjshme.

Shkrimi është pjesë e një fushate të qëllimshme për të mbuluar kokainën dhe lidhjet e familjes Rama me të.

Akuzat me rusë të artikullit janë thellësisht qesharake, por për t’i bërë edhe më qesharake, sot ato i ripërcolli Elisa Spiropali.

Elisa, e cila nga puna në doganë duket se ka krijuar një njohje të veçantë për oligarkët, ka bërë sot një sallatë ruse me oligarkë dhe Kremlin.

Është shenjë e nivelit të turpshëm të korruptimit dhe inkriminimit të Partisë Socialiste fakti që ruajtësja e nderit në PS është bërë Elisa Spiropali. Por është akoma më e rëndë që një parti e tërë po angazhohet përherë e më shumë në mbrojtje të drogës dhe të krimit.

Edhe ky cikël akuzash të mercenarëve të paguar me paratë e kontrabandës dhe trafikut që kur Elisa ishte Drejtoreshë e Përgjithshme e Doganave, do të diskretitohen.

Ajo që mbetet është ajo që ka rëndësi – Saimir Tahiri si trafikant dhe familja Rama e përfshirë në tregtinë e kokainës.

Këta janë rreziku i destabilizimit të Shqipërisë.

Ne ditën ndërkombëtare të gruas dua t’u uroj të gjitha vajzave dhe grave sa më shumë suksese dhe lumturi për veten e tyre dhe fëmijët. Sot disa prej grave dhe vajzave janë kënaqur me një lule, disa të tjera janë ngritur në protestë për më shumë të drejta. Ka gra që i kanë folur publikut nga konferenca luksoze, por ka shumë edhe nga ato gra që janë pa asnjë ndihmë.

Sot me mendje jam me të gjitha nënat që nuk kanë me çfarë ushqejnë fëmijët e tyre. Jam me Marijen në Kamëz, kryefamiljare e përjashtuar nga ndihma ekonomike, që mban fryëmn gjallë me gjysëm thesi miell.

Jam me Mirelën, nënën e Maristelës në Vorë, që nuk kishte më para për të blerë ilaçet për vajzën e sëmurë rëndë me azëm, sepse i kishin hequr të drejtën e ndihmës ekonomike. Jam me Dritën në Kavajë, që kishte çuar të dy fëmijët pa ngrënë në shkollë, sepse emri i saj nuk ishte më në listën e ndihmës ekononike.  Sot jam me Valentinën në Obot të Shkodrës, e cila, përveç heqjes nga ndihma ekonomike, tani vuan edhe përmbytjen e shtëpisë.

Në mendje sot kam edhe Anitën nga Tirana, nënën që rri në rradhë tek spitali onkologjik, por jo gjithmonë merr kurën e duhur, sepse ilaçet mungojnë.  Në mendje kam çdo nënë dhe grua që nuk ia del dot të mbyllë muajin, çdo grua që dhunohet, çdo grua që fle dhe zgjohet me brengën për fëmijën e paushqyer!

Çdo dhimbje e tyre është motiv për mua që të bëj gjithçka për ta ndryshuar këtë realitet!

Makina e propagandës së Edi Ramës ka prodhuar dje një shkrim me pagesë në një media të majtë të dorës së dytë për të shpifur për financimin e Partisë Demokratike.

Shkrimi është qesharak për nga përmbajtja dhe skandaloz për nga fallsifikimi i fakteve dhe kapërcimet logjike.

Shkrimi është produkt i një fushate të gjerë që ka ndërmarrë Edi Rama, të financuar nga burime të paligjshme që vijnë nga bota e krimit dhe e korrupsionit.

Kjo fushatë ka për qëllim të shkurajojë përpjekjet e opozitës dhe të çdo faktori tjetër kundër drogës dhe krimit. Fushata e financuar me burime të paligjshme po bëhet tani që Edi Rama po ushtron presion për të mbyllur hetimet ndaj Saimir Tahirit dhe për të mos hetuar garantuesin politik të trafikut të kokainës kolumbiane.

Partia Demokratike nuk ka thyer asnjë ligj, as shqiptar, as amerikan dhe të asnjë vendi tjetëR. Partia Demokratike nuk ka patur e nuk ka asnjë lidhje direkte apo indirekte me individë apo kompani ruse.

Përpjekja e Edi Ramës dhe e mercenarëve të tij për të implikuar Partinë Demokratike është betejë shterpë. Asgjë nuk do ta largojë Partinë Demokratike nga lufta kundër drogës, krimit dhe kapjes së shtetit nga interesat kriminale. Sikurse kemi bërë çdo ditë për më shumë se katër vjet, do të vazhdojmë çdo ditë derisa kriminelët në politikë dhe në rrugë të dalin para drejtësisë.

Të gjithë ata që sot joshen nga mbrojtja dhe paratë që u jep Edi Rama për të punuar kundër interesit të shqiptarëve dhe të ardhmes së tyre europiane, nuk do të ketë kush t’i mbrojë nesër para drejtësisë.

 Deklaratë e deputetit Luçiano Boçi

Jemi në ditën magjike të 7 Marsit, kur mësuesit janë në qendër të vëmendjes dhe të mirënjohjes së të gjithëve!

Japim sot urimet më të bukura për misionarët e dijes, për mësuesit, për pedagogët e sotēm dhe atyre që edukuan ndër vite breza të tërë.

Por sot shprehim edhe solidaritetin me problemet, shqetësimet dhe hallet e tyre, që nisin nga keqpagesa e shkojnë deri tek pasiguria për vendin e punës.

Probleme për të cilat askush nuk i dëgjon e askush nuk u jep përgjigje.

Sepse arsimi nuk është një prioritet kryesor për qeverinë e Edi Ramës, modeli i të cilit nuk është mësuesi, por trafikanti i drogës.

Në buxhetin e këtij viti, arsimi në Shqipëri është ndër zërat më të keqfinancuar, duke mos mbajtur premtimin për të investuar në arsim rreth 50 milionë euro në vit. Financimi tani është sa për mbijetesë, tek 32 milionë euro, ku pjesa më e madhe shkon për paga dhe fare pak për investime.

Rama e Nikolla duhet t’u përgjigjen pedogogëve për pagat mjerane me të cilat i trajtojnë dhe për shkatërrimin e univerisiteteve publike.

Pse u bllokuan prej 3 vitesh titujt akademike, keshillat e profesoreve dhe doktoraturat.

Duhet të përgjigjen pse janë rritur tarifat e shkollimit dhe janë shtuar llojet e tarifave.

Duhet të japin llogari pse një student shqiptar në universitet publik paguan nje tarifë për master në mijëra euro më të madhe ose të barabartë me një universitet privat dhe sa një student europian.

Duhet të përgjigjen pse sot shumë të rinj braktisin universitetin për arsye ekonomike e largohen nga shqipëria.

Rama e Nikolla duhet t’u përgjigjen mësueseve pse i kanë lënë pa kontratë pune prej gati 9 muajsh.

Ata duhet ta dijnë që një mësues pa pagën e 13 të mohuar prej 5 vitesh dhe pa shpërblimin e hequr, sot merr një pagë vjetore totale më të vogël se ajo e 2013-tës.

Rama dhe Nikolla duhet të japin llogari prindërve pse nuk pranojnë të japin tekste falas për nxënësit e arsimit parauniversitar dhe pse paratë e fëmijëve të tyre i kanalizojnë drejt klientelës dhe koncesioneve.

Kjo politikë ka ndikim të padiskutueshëm në uljen e cilësisë se mësimdhënies dhe në përgjithësi në cilësinë e arsimimit të fëmijëve.

Arsimi rimbëkëmbet duke investuar, duke rritur pagat e mësuesve dhe pedagogëve, duke siguruar tarifa të përballueshme për studentët dhe treg pune për të rinjtë! Dhe së bashku ne do ta realizojmë këtë projekt!

Ministri i Mjedisit Blendi Klosi, që harxhon më shumë kohë në kazino se në zyrë, doli sot në qytet për të mbrojtur inceneratorët, importin dhe djegien e plehrave.

Për Partinë Demokratike është e papranueshme që shëndeti i banorëve të Tiranës të trajtohet nga Ministri i Mjedisit si hedhje zarash në kazinotë e tij të preferuara.

Afera 178 milionë euroshe e inceneratorëve është një nga aferat më korruptive të qeverisë Rama. Të tre djegësit e plehrave, në Elbasan, Fier dhe Tiranë janë nën administrimin e Klodian Zotos, sekserit të Arben Ahmetajt.

Partia Demokratike ka siguruar dokomentacionin e plotë se Klodian Zoto është bërë administrator edhe i kompanisë së riciklimit të mbetjeve në Tiranë. Kjo do të thotë se Edi Rama, duke përdorur kukullën e tij Veliaj, ka përqendruar në një dorë industrinë e ricikilmit të mbetjeve. Sipas kontratës Bashkia e Tiranës, pra Erion Veliaj, është e detyruar ta furnizojë Klodian Zoton me 550 tonë plehra në ditë dhe, nëse nuk e arrin këtë objektiv, do ta paguajë kompaninë me lekët e banorëve të Tiranës.

Për pasurimin e vet nëpërmjet inceneratorëve, Edi Rama u ka hequr liçensën 100 bizneseve të riciklimit dhe po lë pa punë mijëra familje. Tani është e qartë përse Edi Rama u bë flamurtar i importit të plehrave, duke mashtruar shqiptarët se ricikluesit do të falimentonin pa lëndë të pare importi.​