Blog

Deklaratë e deputetes së Partisë Demokratike,  Albana Vokshi

Ministria e Çështjeve Sociale në vazhdën e deklaratave qëllimisht nuk u tregoi  shqiptarëve përse ka hequr nga skema e ndihmës ekonomike të paktën 20 mijë familje në varfëri ekstreme.

4 shembujt e sjellë prej zyrtares së qeverisë janë të dënueshëm, por ato nuk mbulojnë as dështimin 4 vjeçar për të pastruar skemën nga e njëjta qeveri, as mungesën e ndjeshmërisë për familjet e përjashtuara.

Deputetët e Partisë Demokratike ishin  të shtunën e kaluar në disa prej familjeve në varfëri ekstreme, të cilat nuk dinin asnjë arsye përse ishin hequr nga lista e ndihmës në janar, ndërsa në dhjetor e kishin marrë atë.

Qeveria, që u kujdes të reklamonte 4 rastet e familjeve me makina, nuk dha asnjë shpjegim përse nuk marrin ndihmë familjet e Eduard Thaçit, që  jeton së bashku me bashkëshorten dhe 3 fëmijët e mitur vetëm me borxhe.

Zyrtarja e Qeverisë dështoi të tregonte pse familja e Ilir Ibrahimit, me katër anëtarë, me dy fëmijë të vegjël dhe jeton në një shtëpi të rrënuar.

Pse, Fitnete Murati që është invalide, nuk merr as ndihmë ekonomike, as KEMP dhe ka prej tre vjetësh që jeton pa ndihmë ekonomike.

Këto foto tregojnë qartë gjendjen e mjeruar ku ata jetojnë.

Partia Demokratike ka denoncuar prej disa ditësh që Qeveria bë mënyrë abusive ka larguar nga skema e ndihmës:

–      Rreth 15 mijë familje në Tiranë,

–      752 familje në KAmëz

–      1600 familje në KAmëz

–      682 familje në Kavajë

–      752 familje në Lushnjë

–      826 familje në Divjakë

–      Mbi 2000 familje në Pogradec

Qeveria nuk shpjegon pse ka përjashtuar mijëra nëna kryfamiljare me fëmijë jetimë, mijëra familje të komunitetit rom dhe egjiptian, mijëra invalidë që jetojnë vetëm me ndihmë ekonomike (lista e familjeve të hequra nga skema e Ndihmës Ekonomike në Kamëz).

Dhjetëra mijë familje në mungesë totale transparence, pa dhënë asnj arësye pse janë hequr, pa publikuar asnjë indikator apo pikë se si përjashtohen familjet pavarësisht nga aplikimi që kanë bërë.

Në shkelje të të drejtave kushtetuese, qeveria ka ndëtuar një sistem abuziv, të cilin ne dyshojmë se ajo do ta përdorë gjatë zgjedhjeve për t’u blerë votën me bukën e gojës.

Qeveria nuk ka publikuar asnjë vendim për sistemin e pikëve që përjashtojnë familjet nga ndihma dhe e ka lënë përzgjedhjen  në duart e dy njerëzve, që kontrollohen nga Ministrja.

Riaplikimi nuk është zgjidhja.

Partia Demokratike kërkon shfuqizimin e menjëhershëm të vendimit të qeverisë për ndihmën ekonomike të muajit janar, që përjashtoi rreth 20 mijë familje.

Të bëjë publike në mënyrë urgjente vendimin për treguesit përjashtues të ndihmës ekonomike, në mënyrë që familjet të njihen me kriteret.

Partia Demokratike beson se pezullimi i skemës, që thellon varfërinë dhe rishikimi i saj janë hapat e duhur.

Kjo nuk është një kërkesë politike, por është një nevojë humane.

Kryetari i Partisë Demokratike Lulzim Basha, priti në takime të veçanta raporterin e Grupit Parlamentar CDU/CSU në Bundestag z. Thorsten Frei dhe anëtarët e Parlamentit Britanik, John Whittingdale dhe Martin Vickers.

Deputeti gjerman Frei ishte me mision faktmbledhës për permbushjen nga Shqipëria të 7 kushteve të integrimit, për të cilat do t’i raportojë grupit më të madh parlamentar në Bundestag, CDU/CSU.

Në të dyja takimet temat e bisedimeve u përqendruan tek nevoja jetike e Shqipërisë për të ndarë qeverisjen nga krimi, aleanca me të cilin vazhdon të jetë pengesa kryesore për hapjen e negociatave me Bashkimin Europian.

Kryetari i opozitës theksoi se ashtu sic kontatohet edhe në strategjinë e zgjerimit, kapja e shtetit nga krimi dhe interesat private është sfida më jetike me të cilën përballet Shqipëria. Treguesi më i mirë për këtë është çështja “Tahiri”, dhe qëndrimi që mbajti Rama duke rrëzuar kërkesën e prokurorisë dhe mbrojtur Tahirin me imunitet duke e kthyer Kuvendin në Gjykatë.

Ai u shpreh se kanabizimi i vendit ndodhi me dijeninë dhe mbështetjen e plotë të kryeministrit dhe instancave më të larta qeveritare të cilët kanë bashkëpunuar me organizatat kriminale në këmbim të parave dhe ndërhyrjes së tyre në zgjedhje.

Për të mbrojtur pushtetin e tij, theksoi kryetari i opozitës Basha, kryeministri po përqendron të gjithë pushtetin dhe vendimmarrjen dike shkelur Kushtetutën dhe ligjet dhe duke uzurpuar çdo institucion, përfshirë Prokurorinë, Gjykatat dhe Reformën ne Drejtësi.

Kryetari i Partisë Demokratike theksoi se krimi i organizuar me mbështetje qeveritare, përveç investimit në zgjedhje po kap sektorë jetikë të ekonomisë.

Basha tha se eksodi i shqiptarëve është  pasojë direkte e krizës ku e ka zhytur vendin aleanca e qeverisë me krimin. Pseudo -stabiliteti i bazuar në bashkqeverisjen me krimin nuk është real dhe si i tillë nuk mund të zgjasë.

Kreu i opozitës rikonfirmoi qëndrimin e opozitës për krijimin e një qeverie antimafia si hap i domosdoshëm për të zgjidhur krizën dhe për të rikthyer procesin politik përmes reformës zgjedhore dhe zgjedhjeve demokratike.

Kryetari Lulzim Basha siguroi bashkëbiseduesit se Partia Demokratike mbështet plotësisht hapjen e negociatave, duke e konsideruar këtë hap si kontribues në monitorimin e qeverisë, e cila është përgjegjëse për mospërmbushjen e kushteve të integrimit.

• Vota pro e PD-së për miratimin konsensual të deklaratës së Komitetit të Stabilim Asociimit me Bashkimin Europian është kontribut për avancimin e integrimit europian të vendit. 

• Në deklaratën e përbashkët janë përfshirë disa nga shqetësimet kryesore të opozitës që nga marrja e masave për shitblerjen e votës deri tek hetimi i politikanëve të lartë si njërëzit e zakonshëm, pa mbrojtje nga parlamenti.

Komunikimi i plotë i Genc Pollos pas miratimit të deklaratës së përbashkët:

Kjo deklaratë u miratua edhe me votat e opozitës. Është kontributi i vetëm që ne mund të kemi për të ndihmuar në avancimin e Shqipërisë drejt Bashkimit Europian. Për të ndihmuar në çeljen e negociatave të cilën shpresojmë të ndodhë në qershor. Ne do të vazhdojmë në këtë rrugë edhe pse qeveria mund të vazhdojë me refrenin e saj se fajtore është opozita për gjithçka, përfshi edhe votimin e Integrimit Europian. Faktet flasin më shumë se deklaratat dhe do të thoja që ky sot është një test, i cili përfshin shumë nga shqetësimet tona, i cili mori votat edhe të Partisë Socialiste dhe të gjithë partive të Parlamentit Europian, të përfaqësuara nga eurodeputetët, duke nisur nga shqetësimi për blerjen e votave, në zgjedhjet e fundit parlamentare, nga presioni mbi votuesit, siç e parashikon e ligji penal shqiptar. Është një tekst që parashikon që politikanët e lartë, përfshirë ish-ministrat e brendshëm dhe deputetët aktualë, të mos kenë mbrojtje ndryshe nga qytetarët e këtij vendi. Këto rekomandime njohin shqetësimin e madh të ngritur nga opozita në tre vitet e fundit për kanabizimin e madh të vendit. Dhe fakti që kjo pranohet nga i gjithë spektri i europarlamentarëve, tregon që BE është i ndërgjegjshëm për këtë. Mund të mos jenë dy ose tre nëpunës të tij, por çka është e rëndësishme është theksi i këtij dokumenti i avancimit të grupeve kriminale të kanabisit dhe kokainës.

Tjetër shqetësim i opozitës që reflektohet në këtë dokument janë partneritetet private-publike. Bëhet thirrje që të ketë kontroll dhe vlerësim të investimeve publike dhe PPP-ve, pasi ato janë shqetësim në shumë drejtime. Çështja e azilkërkuesve dhe shkaqet që qytetarët shqiptarë lënë vendin janë bërë një problem jo vetëm për Europën, por edhe për Shqipërinë dhe thirrja për qeverinë është të marrë masa për këtë gjë.

Liria e medias është një temë që ne gjerësisht po e debatojmë dhe problemi i ndërhyrjes politike është aktuale, dhe e pasqyruar në rekomandimet e sapomiratuar.

Është një dokument më të cilin të gjithë jemi të kënaqur. Më vjen mirë që shqetësimet tona, ndryshe nga ç’ndodh në seancë plenare, morën votat e mazhorancës dhe të gjithë eurodeputetëve të pranishëm.

Pyetje: Cilat ishin shqetësimet kryesore të opozitës?

Pollo: Votëblerja dhe presioni kriminal ndaj votuesve; kryesore është përdorimi i imunitetit parlamentar për të mbrojtur zyrtarët e lartë kur ata përballen me akuza penale. Nuk mund të kenë mbrojtje legjislative më të lartë se sa qytetarët e thjeshtë. Shqetësim ishte jo vetëm kanabizimi, por kalimi i drogave të rënda, si kokaina. Përmenden drogat e forta me fjalë në tekst. Shqetësimi ynë ishte abuzimi me PPP dhe kërkojmë vlerësim dhe kontroll të tyre. Para dy vjetësh Parlamenti Europian specifikisht e ka përmendur në një rezolutë të tij për Shqipërinë dhe ka ngritur këtë shqetësim. Çështja e azilkërkuesve është në numër shumë të lartë në Francë dhe Gjermani dhe rekomandimet i kërkojnë qeverisë shqiptare që të trajtojnë rrënjën e problemeve që i detyrojnë shqiptarët që të ikin. Sepse nuk është një ikje normale, por ikje masive. INSTAT thotë se në tre vitet e fundit janë larguar një qytet sa Fieri apo sa Durrësi. Kjo përbën një problem në Shqipëri, por kur këta njerëz nuk dinë ku të shkojnë, përbën problem për vendet pritëse dhe konkretisht Franca. Liria e medias dhe ndërhyrja politike ishte çështja tjetër.

Sot qytetarëve dhe mediave u kemi kërkuar të njohin një Tiranë tjetër. Një Tiranë e cila është shumë e ndryshme nga Tirana që qytetarët shohin përditë, nga Tirana që serviret nga propaganda e pushtetit dhe Bashkisë Tiranë, Tirana e ndriçimit, pastrimit, gjelbërimit. Kjo është një Tiranë virtuale, e gënjeshtërt, falso. Tirana e vërtetë është kjo Tirana këtu, Tirana e gropave, ndotjes dhe e njerëzve që keqqeverisin dhe Tirana e korrupsionit.

Sot ka ndodhur një ngjarje shumë e rëndë. Një tavan i shkollës “Osman Myderizi”, është rrëzuar. Vullneti i të plotëfuqishmit që fëmijët të kenë shpëtuar, pasi jeta e fëmijëve u rrezikua. Një mësuese u lëndua rëndë.

Kjo shkollë është pjesë e atij teatri, asaj telenovele bashkiake, ju e kujtoni para një viti kryetarin e Bashkisë që mburrej se po rikonstrukton shkolla dhe kopshte, ne bashkëpunim me biznese private, të cilët askush nuk i kuptoi nga ishin dhe nga dolën dhe sot jemi pas një viti në një shkollë me tavan të rrëzuar ku jeta e mesuesve dhe nxënësve është rrezikuar. Kjo është Tirana e vërtetë, Tirana që klith nga keqqeverisja, nga abuzimi dhe nga korrupsioni. Unë ju ftoj që të pyesni kryetarin e Bashkisë dhe çdo përfaqësues të mazhorancës në Tiranë. Çfarë i kushton Bashkisë së Tiranës që realisht të rehabilitojë dhe rinkostruktojë këto shkolla? Do t’ju thonë mbase: S’kemi fonde. Por kur t’ju thonë përse s’kanë fonde, bëjini pyetjen: Përse harxhoni  2 milionë e gjysëm euro për të mbjellur e shkulur palma e pisha në autostradë.

Absolutisht përveç babëzisë për të vjedhur për të grabitur dhe nga ana tjetër fallsitetit. Për të shitur një Tiranë që nuk ekziston, një Tiranë që njerëzit e shohin si telenovelë darkave, por në fakt kur dalin nesër në mëngjes, kur shkelin baltën dhe thithin ndotjen, rrezikojnë jetën, si këta fëmijë rrezikojnë sot, është Tirana e vërtetë.

Sigurisht propaganda mund të mbajë por mund të mbajë për një periudhë kohe. Do të vijë një kohë që qytetarët e Tiranës do ta kuptojnë se kush i qeveris, pse i qeveris, si abuzon dhe patjetër, në atë kohë do të bien jo vetëm tavani i shkollës, por do të bjerë kjo fasadë propagande, dhe kur të bjerë, mjerë ata që do të zërë brenda.

Mesazhi ynë është për të treguar se njerëzit duhet të reagojnë, jemi në një akt flagrant korrupsioni. Kjo shkollë është rikonstruktuar, sipas kryetarit të Bashkisë së Tiranës në 2016. Askush nuk kuptoi se me çfarë fondi, kush e bëri, çfarë morën në përfitim ata që e bënë dhe ja ku ndodhemi sot. Shkolla ka rënë dhe jetët e fëmijëve janë rrezikuar. Ne do të vazhdojmë të denoncojmë, do të bëjmë betejat tona politike, por në fund të fundit janë qytetarët që vendosin, janë ata që jetojnë në këtë qytet mizerabël i cili mbulohet nga dritat dhe propaganda e Bashkisë Tiranë.

Grupi parlamentar i Partisë Demokratike ka  marrë sot vendimin të dorëzojë kërkesën për një Komision Hetimor për çështjen e drogës dhe çështjen e Sajmir Tahirit, që është e njëjta çështje faktikisht.

Kjo kërkesë ka marrë edhe mbështetjen e grupeve të tjera opozitare parlamentare dhe do të depozitohet ditën e sotme.

I gjithë opinioni publik është njohur me faktin se për dy vite me rradhë, ndërsa Shqipëria po shndërrohej në një hambar të mbjelljes, kultivimit, korrjes dhe trafikimit të drogës, Ministria e Brendshme, kryeministri, Policia e Shtetit dhe gjithë hallkat e tjera ishin në disponim zyrtar të informacionit se kjo bëhej vetëm përmes përfshirjes së drejtëpërdrejt të kupolës më të lartë të drejtueseve të Policisë së Shtetit dhe oficerëve të lartë të policisë në terren. Bëhej drejtëpërdrejt me bekimin, rryshfetin dhe bashkëndarjen e drogës dhe të ardhurave të drogës nga ata që paguhen nga taksapaguesit shqiptarë për të  luftuar drogën dhe krimin, nga kupola më e lartë e Policisë së Shtetit.

Edi Rama e ka pasur këtë informacion mbi tavolinë, Sajmir Tahiri e ka pasur këtë informacion mbi tavolinë, Haki Cako dhe paraardhësit e tij e kanë pasur këtë informacion mbi tavolinë.

E kanë pasur në mënyrë zyrtare nga Shërbimi Informativ i Shtetit, e kanë pasur në mënyrë zyrtare nga shërbime të tjera inteligjente të huaja dhe institucione të tjera që nga Interpoli e Europoli. E kanë patur nga denoncimet e përditshme të opozitës, me emra, me fakte, me shifra dhe me data, e kanë patur këtë informacion nga media, gazetarë kurajozë të së cilës kanë shkuar dhe kanë rrezikuar edhe në parcela me kanabis për të treguar se realiteti ishte ky: Shqipëria e mbytur në drogë dhe jo mohimi i këtij problemi nga Edi Rama.

Por Edi Rama dhe qeveria, kanë vendosur t’i varrosin këto fakte dhe këto fakte janë varrosur në Ministrinë e Brendshme. Këto fakte janë varrosur në kasafortën e kryeministrit për një arsye të vetme, sepse droga është bërë me dijeninë, bekimin dhe nën mbrojtjen e qeverisë dhe kryeministrit.

Kjo është arsyeja pse Edi Rama ka shkelur Kushtetutën dhe ligjin, ka shkelur Rregulloren e Parlamentit duke e kthyer Parlamentin në Gjykatë për të mbrojtur Sajmir Tahirin kur prokuroria e Krimeve të Rënda kërkoi arrestimin  e tij.

Ndërhyrja e mazhorancës dhe ezekutivit në skandalin Tahiraj –Habilaj, do të jetë po kështu pjesë e këtij hetimi parlamentar për të ekspozuar qartësisht,  jo vetëm mekanizmin që çoi jo vetëm në kthimin e Shqipërisë në Kolumbinë e Europës por dhe  masat e dëshpëruara që ka marrë deri më sot Edi Rama dhe vazhdon të marrë që përgjegjësit të mos dalin para drejtësisë.

Duke nisur me Sajmir Tahirin e duke vazhduar me oficerët më të lartë të policisë dhe përfituesit politikë, njerëzit që kanë ndarrë paratë e drogës për të blerë zgjedhjet e 25 Qershorit dhe jo vetëm, për të blerë pasuri brenda dhe jashtë Shqipërisë .

Ky do të jetë objekti i këtij Komisioni Hetimor Parlamentar, kërkesa për të cilën dorëzohet sot.

Kemi diskutuar në Grupin Parlamentar dy çështje të tjera të rëndësishme të aktualitetit dhe që kanë të bëjnë me bandën në pushtet që nuk njeh gjë tjetër veç cetralizimit të gjithçkaje.

Pasi u përpoqën dhe dështuan të vënë nën kontroll Federatën e Futbollit, tani i janë sulur artistëve.

Dua të shpreh solidaritetin dhe mbështetjen totale timen personalisht dhe Partisë Demokratike, për kauzën e drejtë të artistëve. Teatri nuk mund të jenë tullat dhe godinat. Teatri janë artistët, teatri është Robert Ndrenika dhe kolegët e tij. Ndaj duke ju shprehur mbështetjen tonë totale, paralajmëroj Edi Ramën i cili ka 20 vjet që planifikon të ndërtojë kullë tek Teatri Kombëtar.

E paralajmëroj të tërhiqet nga ky plan ogurzi. Asnjë veprim nuk mund te kryhet për teatrin dhe me teatrin dhe me teatrin pa miratimin e faktorit kryesor, që janë artistët, sepse artistët janë teatrit.

Asnjë veprim nuk mund të kryhet dhe natyrisht nuk mund të vihen në veprim skema korruptive siç është ndërtimi i gradacelave, me të njëjtin sistem që po ndërtohet vepra tjetër kriminale, kulla me stadium, pa marrë shqyrtimin e çështjes nga artistët, të cilët kanë mbështetjen tonë të plotë. Sikundër kanë  mbështetjen tonë të plotë në mossovjetizimin e artit sepse projekt-ligji që po sillet, është një projekt sovjetik që njësoj si në çështjen e arsimit dhe çdo çështje tjetër, gjithçka të jetë në duart e qeverisë, përmes fallsiteteve, bordeve që emërohen nga ministrat, kryeministri, zgjidhen drejtorë që do të ishte më mirë t’i zgjidhte kryeministri, do të ishte më e ndershme. Por kjo kohë ka marrë fund në Europë, do të marrë fund në Shqipëri.

Partia Demokratike është e vendosur se me vizionin tonë për decetralizimin, për kufizimin e pushtetit qeveritar, decentralizimin e kompetencave, ta zbatojë në të gjitha fushat, duke përfshirë fushën e artit.

Artistët do të jenë ata që do të vendosin përmes bordeve të vërteta drejtuese dhe jo fiktive, të zgjedhura nga ministra dhe qeveria, përmes bordeve të vërteta të vendosin ata, drejtuesit e tyre, mënyrën e shpenzimit të të ardhurave, qofshi ato të ardhura buxhetore, të taksapaguesve shqiptarë, pa cilat arti nuk funksionon në asnjë vend të Europës. Qofshin ato të ardhura të përftuara nga aktiviteti i tyre.

Decentralizim, dhënia e pushtetit të plotë për menaxhimin e përditshmërisë, vetëm artistët përmes mënyrave he mekanizmave europiane dhe ndalja e planit ogurzi për përjashtimin e artistëve ndaj çdolloj vendimmarrje për teatrin, janë qëndrimet e qarta të Partisë Demokratike.

Këto janë qëndrime të cilat ne i mbajmë në vazhdimësi për ngjarje të ngjashme, siç është drama e pedagogëve që është nënprodukt i Ligjit klientelist për Arsimin e Lartë. Ne kemi paralajmëruar se ky ligj do ta çonte arsimin në kolaps dhe në kolaps është.

Në kolaps është karta e studentit, në kolaps janë kreditë për studentët, në kolaps është kërkimi shkencor. Arsimi i Lartë është i varrosur në këtë moment nga Edi Rama dhe ligji i tij klientelist për Arsimin e Lartë.

Nuk janë vetëm makutë, janë edhe kampionë të paaftësisë. Se edhe për këtë ligj duke e mbrojtur me pathos, natyrisht duke mbrojtur klientët e tyre, nuk kanë prodhuar aktet nënligjore, përgjegjësia është e Edi Ramës dhe e tëpaaftes që ka si Ministre Arsimi, që e ka pranuar këtë përgjegjësi sot, duke thënë që tani me shpejtësi do të bëj aktet nënligjore.

Duke ritheksuar atë që Kryetarja e Komisionit, shpalosi që të enjten e kaluar e në vazhdimësi, dua të siguroj botën akademike, se për ne prioritet mbetetet, jo thjeshtë arnimi apo ndalja e përkohshme e hemoragjisë, por zhbërja e Ligjit të Arsimit të Lartë, miratimi i një Ligji me konsultim vendimmarrës me të gjithë botën akademoke, duke përfshirë trupën e pedagogëve, të kërkuesve shkencorë dhe studentëve dhe prindërve, një ligj i cili i përgjigjet përgjegjësive kushtetuese të shtetit për të mbështetur financiarisht institucionet publike të arsimit të lartë dhe që respekton standardin europian, autonominë e plotë të universiteteve.

Pa zhbërë këtë ligj klientelist, problemet do të vazhdojnë të thellohen, arsimi i lartë është në koma dhe arsyeja është Ligji klientelist i Edi Ramës.

Zhbërja e këtij ligji dhe një ligj i ri i hartuar së bashku me botën akademike është jo thjeshtë alternativa, por vendosmëria e opozitës, vendosmëria e Partisë Demokratike dhe vizioni ynë për të nesërmen e arsimit të lartë në Shqipëri.

Pyetje: Z. Basha, si e shpjegoni dorëheqjen e dy zonjave në Berat për t’i hapur rrugë Astrit Veliajt në Parlament?

Basha: Astrit Veliaj është numri dy në listën e Beratit. Komisioni Qëndror i Zgjedhjeve vendos se kush do të marrë mandatin. Këto janë çështje të KQZ-së dhe të vullnetit të personave përkatës. Rasti në asnjë gkë nuk ngjan me Arben Ndokën, aq sa ngjan televizioni juaj me një motorskaf droge. Sepse Arben Ndoka është një person i dënuar për prostitucion, ndërsa në këtë rast nuk kemi asnjë pretendim për kriminalitet, në asnjë nga kandidatët kushdoqoftë deputet i ardhshëm.

Pyetje: Zoti Basha, është tërhequr Partia Demokratike nga kallëzimi penal për Ministren e Drejtësisë, i paralajmëruar në Kuvend nga deputeti Enkelejd Alibeaj?

Basha: Jo, nuk jemi tërhequr nga kallëzimi penal por i paraprijmë me këtë Komision Parlamentar për përgjësitë e Edi Ramës, për varrosjen e fakteve të raportuara të konfirmuar nga shërbimet zyrtare shqiptare dhe të huaja. I ka varrosur sepse dihet që droga nuk mund të bëjë pa Sajmir Tahirin, pa krerët më të lartë të policisë, pra nuk mund të bëjë pa Edi Ramën. Ne do t’i shkojmë deri në fund kësaj përgjegjësie. Pjesë e kësaj përgjegjësie është edhe grabitja e llogaritarit të drogës për të cilën çdokush do të mbajë përgjegjësitë e veta duke përfshirë edhe Ministren e Drejtësisë.

Pyetje: Keni një koment lidhur me faktet e publikuara nga shtypi grek se qeveria shqiptare dhe ajo greke kanë arritur marrëvëshjen për shelfin kontinental dhe ndarjen e zonave ekonomike?

Basha: Kjo është një aferë e errët pa transparencë dhe të gjitha gjasat janë që kemi të bëjmë me një skenar kriminal. Përsa i përket përfshirjes së palës shqiptare, dje kemi patur një prononcim të institucionit të Presidentit që nuk ka plotëfuqishmëri dhe në ndjekje të këtij prononcimi, anëtarët tanë të Komisionit të Jashtëm, duke nisur nga dita e sotme do të kërkojnë sipas ligjit që detyron qeverinë, në këtë rast Ministrinë e Jashtme, dokumentacionin e plotë të negociatave të mbajtura sekret nga pala shqiptare. Gjithçka që e dimë, e dimë nga prononcimet greke.

Ne  do t’i shkojmë deri në fund kësaj çështje, do ta zbardhim deri në fund dhe nëse rezultojnë të vërteta pretendimet e shpallura nga media greke apo në disa raste nga zyrtarët grekë, askush nuk do t’i shpëtojë përgjegjësisë ligjore dhe penale.

Pyetje: Përse vendosët tani për të ngritur Komisionin Hetimor, ju besoni se hetimit të Tahirit do t’i shkojë më në fund opozita dhe jo institucionet vendase ose ndërkombëtare.

Basha: Komisioni Hetimor nuk heton veprën penale por heton përgjegjësinë e qeverisë dhe parlamentit për të penguar në këtë rast hetimin, siç e ka penguar, dhe çështë më e rëndësishmja përgjegjësitë e Edi Ramës dhe të institucioneve të Ministrisë së Brendshme, të Policisë, për injorimin e sinjalizimeve që vinin zyrtarisht, përsa i përket përfshirjes së policisë, së shtetit, politikanëve, pushtetarëve, minitrave në mbjelljen, kultivimin dhe trafikimin e drogës në Shqipëri. Kjo do të hetohet dhe natyrisht drejtësia e pavarur e pakapur do ta kishte zbardhur sot rastin “Tahiri” dhe përmes rastit “Tahiri” do të kishte vënë para përgjegjësisë të gjithë të tjerët që janë përgjegjës për kthimin e Shqipërisë në një “Kolumbi të Europës”, për këtë arsye Edi Rama është investuar. Ka kapur prokurorin, ka shkatërruar Reformën në Drejtësi dhe tani nuk ka asnjë shans që rasti “Tahiri”, të zbardhet përmes drejtësisë, aq më shumë pas rrëmbimit të llogaritarit, njeriu i cili do të depononte për shumat e përftuara nga Tahiri dhe nga politikanë të tjerë në aferën e bandës Habilaj. Ka dhjetëra banda të tjera, ka dhjetëra politikanë të tjerë, disa trë tjerë si përshembull Damian Gjiknuri dhe Arben Ahmetaj, janë denoncuar në mëdia në komunikim me Klodian Zoton e inceneratorëve. Përsëri për shuma parashë dhe influenca të paligjshme të parave, dmth për blerje votash. Këto nuk mund të zbardhen sa kohë që drejtësia do të vazhdojë të jetë e kapur sa kohë që Edi Rama dhe shpura e tij e banditëve në pushtet nuk do të vihen para përgjegjësisë. Komisioni Hetimor është një hap institucional por jo i vetmi hap që ne do të hedjim, derisa t’i vëmë para përgjegjësisë këtë bandë që nuk e ka vendin në qeveri, por e kanë vendin para drejtësisë.

Edi Rama dhe Blendi Klosi nxituan të mbyllin me një deklaratë ndjese çështjen e ndërtimit të hidrocentraleve tek Kanionet e Osumit. Por të dy luajnë teatër me Shqiptarët. Letra e publikuar në media e ish Kryetarit të Kuvendit Ilir Meta, zbulon se Rama ka qenë në dijeni të projektit që dëmtonte kanionet e Osumit, por ka vazhduar me miratimin e tij në dhjetor 2017, kur tepsine e kishte të gjithën për vete.

Rama dhe Klosi luajnë teatër edhe me premtimet për ndjekje penale, sepse ata kanë graduar me detyra më të larta, personat që kanë firmat në lejen mjedisore, pa të cilën nuk nis dot ndërtimi i asnjë projekti.

Sa për informacion, zyrtari që ka miratuar lejen mjedisore për Osumin, ish Drejtori i Lejeve Mjedisore (z. Baduni), tani është graduar nga Blendi Klosi si Drejtor i Turizmit në Ministrinë e Mjedisit dhe Turizmit ku punon edhe Klosi.

Nuk ka absurditet më të madh që ai që firmos për shkaterrimin e një zone turistike unikale të drejtojë edhe politikat e turizmit.

Kjo mund të ndodhë vetëm në qeverine “Rama”, e cila premton me fjalë se nuk do të dëmtojë natyrën, por me vepra jep leje që shkatërrojnë mjedisin ose leje që prishin parqe e lulishte në Tiranë për të ndërtuar kulla 44 katëshe.

Në fakt, me zonat e mbrojtura po ndodh një skandal tjetër i madh. Në krye të Agjensisë së Zonave të Mbrojtura është emëruar Zamir Dedej. Deri para pak vitesh, ai ishte drejtor i një shoqate mjedisore, e quajtur INCA. Sot, buxheti i Agjensisë për investime/monitorime/trainime, mbi 330 milionë leke, i janë kaluar shoqatës mjedisore të drejtorit Dedej.

Në këtë vend peshku i madh po peshkon peshkatarët se licensat per peshkim i kontrollon vetë kryepeshku.​

• Qeveria përjashton nga ndihma ekonomike më shumë se 20 mijë familje të varfra. 

• PD ofron ndihmë ligjore për familjet e përjashtuara dhe i kërkon transparencë Ministrisë. 

• Që prej 2013-ës PS ka përjashtuar nga ndihma 55 mijë familje të varfra.

Deputetet e Partisë Demokratike të Qarkut të Tiranës, Oriola Pampuri, Grida Duma dhe Rudina Hajdari vizituan disa familje, në zonën e Bathores, të cilat janë hequr padrejtësisht nga skema e ndihmës ekonomike.

Sipas informacioneve që ka Partia Demokratike, që nga janari dhe deri tani, nga skema ekonomike janë përjashtuar më shumë se 20 mijë familje.

• Tiranë janë hequr 15 000 familje
• Gjirokastër janë hequr 1 600 familje
• Divjakë janë hequr 825 familje
• Kamëz janë hequr 782 familje
• Lushnjë janë hequr 750 familje
• Kavajë janë hequr 680 familje

Që kur Partia Socialiste ka ardhur në pushtet nga skema e ndihmës ekonomike janë përjashtuar rreth 55 mijë familje që jetojnë në mjerim.

Deputetet e partisë Demokratike ishin në familjen e Eduard Thaçit, ku ai jeton së bashku me bashkëshorten, Teftën dhe 3 fëmijët e mitur. Atyre u është hequr ndihma ekonomike dhe zonja e shtëpisë thotë se jetojnë vetëm me borxhe.

Edhe në në familjen e Ilir Brahimit, jetojnë në gjendje të mjeruar katër anëtarë, prindërit me dy fëmijë të vegjël. Por që prej janarit ata nuk marrin më ndihmën ekononomike, edhe pse jetojnë në një banesë të rrënuar.

Deputetet e Partisë Demokratike konstatuan se mes skamjes dhe lagështirës jetojnë 13 anëtarë të një familje tjetër, mes tyre 2 fëmijë të mitur. Familjes së Binak dhe Osman Mulakut në Bathore i është hequr ndihma, për të vetmen arsye, se një anëtar i tyre është punësuar në një fabrikë këpucësh.

Fitnete Murati është invalide. Ajo tregoi se nuk merr as ndihmë ekonomike, as KEMP dhe ka prej tre vitesh që jeton pa energji elektrike, me një borxh prej rreth 5 milionë lekë, të cilat është e pamundur t’i paguajë për shkak të borxheve dhe mungesës së të ardhurave.

Në familjen e Ramazan Islamajt, invalid pune, ish-ushtarak prej 42 vitesh, mbizotëron varfëria e thellë. I shtrirë në një shtrat me lagështirë, Ramazani thotë se i merr ilaçet me para borxh.  Bashkëshortja e tij është e papunë dhe i është refuzuar ndihma ekonomike.

Partia Demokratiike, që po e ndjek prej disa ditësh situatën, u ofroi të gjithë të përjashtuarve nga skema ndihmë ligjore për rikthimin e tyre në skemën e ndihmës ekonomike.

Gjithashtu, deputetja Grida Duma, siç tregohet në dokumentin bashkëngjitur, i ka kërkuar Ministrisë së Shëndetësisë dhe Çështjeve Sociale të bëjë transparencë për sistemin e ri të pikëve për marrjen e ndihmës ekonomike.

Prononcimi i deputetes Grida Duma:

“Qytetarët në nevojë, nuk kanë asnjë ide përse janë hequr nga kjo skemë. Nuk kanë informacion as bashkitë. Me këtë sistem online një qytetare si zonja Selvie që të bëjë aplikimin online. Nga një banesë që nuk ka drita, të shkojë e të aplikojë në internet. Kjo është reforma e famshme e ndihmës ekonomike. Merrte 12 mijë lek, nuk merr asnjë lek sot. Jetojnë me borxhe. Ajo që do bëjmë është se përveç shkresës që i kemi dërguar Ministres së Shëndetësisë për të na treguar dhe bërë transparente kriteret mbi të cilat vlerësohet marrja ose jo e ndihmës ekonomike, është që në zyrën tonë të avokatisë në Partinë Demokratike, me zyrën ekonomike me bashkinë përkatëse të ndjekim rast pas rasti të gjitha familjet që janë përjashtuar nga ndihma ekonomike dhe të tregojnë që janë jo vetëm në metitën e tyre dhe në detyrimin e shtetit për t’I rifutur në skemë, por edhe për t’i treguar se kjo lloj skeme nuk funksionon dhe është e dështuar. “, deklaroi deputetja Grida Duma.

Prononcimi i deputetes Rudina Hajdari:

Deputetja Rudina Hajdari theksoi se në të gjithë terrenin e Tiranës janë hequr nga ndihma ekonomike rreth 15 mijë familje. “Në Kamëz janë hequr 752 familje nga skema e ndihmës ekonomike. Por jo vetëm në Kamëz, në të gjithë terrenin e Tiranës janë hequr diku te 15 mije familje dhe kjo ka ndodhur në të gjithë terrenin dhe jashtë Tiranës. Nuk e dimë pse këto familje po hiqen nga skema e ndihmës ekonomike. Jemi përballë një realiteti që qeveria i ka shpallur luftë të varfërve. Prandaj ne jemi këtu në anën e së vërtetës”, theksoi deputetja Hajdari, duke shtuar se gjendja e këtyre  familjeve dëshmon braktisjen e plotë të qeverisë ndaj tyre.

Deklarata e plotë e Kryetares së Komisionit të Arsimit, Albana Vokshi, për pagat e pedagogëve 

Sot është data 10 shkurt dhe asnjë pedagog dhe staf në universitetet publike, nuk kanë marrë ende pagat.

Janë 15 mijë familje, të cilave qeveria u ka shkelur kontratat dhe askush nuk mban përgjegjësi. Ndërkohë, kur qytetarët shkelin kontratat dhe nuk paguajnë dritat dhe ujin përfundjonë në burg. Këtë fat e kanë provuar mbi 38 mijë qytetarë dhe me këtë fat vazhdojnë të kërcënohen çdo ditë nga kryeministri dhe ministrat e tij.

Minsitrja e Arsimit dështoi sot të japë përgjigje persë pedagogët nuk janë paguar për punën e tyre. Ndjesa e saj është hipokrite. Ajo lau duart si Ponc Pilati dhe nuk pranoi se ajo është përgjegjësja dhe shkaktarja kryesore e kësaj situate që fakton se ligji i arsimit të lartë ka dështuar.

Për shkak se Ministrja e Arsimit nuk ka nxjerrë qëllimisht aktet nënligjore, që do të lejonin pagesën për mbi 15 mijë pedagogë dhe stafit të administratës së universiteteve publike, ka nga ata pedagogë që kanë kërkuar borxh për të paguar faturat e familjeve të tyre.

Të enjten, në seancën e parlamentit, kam kërkuar që Ministrja Nikolla të raportonte urgjentisht në lidhje me këtë problem, i cili është unikal në llojin e tij në botë, madje edhe për regjimet më autokratike. Por Ministrja në shkelje të përsëritur të Rregullores së Kuvendit, nuk u paraqit në seancë. Njësoj si sot, ajo nuk dha asnjë shpjegim për kolapsin financiar të Universiteteve publike.

I gjithë sistemi i arsimit të lartë publik është paralizuar prej mungesës së akteve nënligjore, të cilat duhet të ishin miratuar që në prill të 2016. Ky është shpërdorim i qartë i detyrës nga Ministrja e Arsimit, e cila me mosveprimin e saj është subjekt i nenit 248 të Kodit penal për shpërdorim detyre, sepse në mospërmbushje të rregullt të detyrës, ka dëmtuar interesat e ligjshme të 15 mijë shtetasve.

Por nuk është vetëm kaq. Synimi është për të nënshtruar këdo që mund të cënojë pushtetin e tij. Edi Rama po shkatërron të gjithë sistemin arsimor, po përpiqet të vërë nën kontroll artistët, të pengojë të rinjtë të arsimohen, të shkatërrojë trashëgiminë kulturore. Pra të mbajë të nënshtruar elitën dhe rininë.

Prej papërgjegjshmërisë së dyshes Edi Rama dhe Lindita Nikolla sot, 15 mijë familje janë pa të ardhurat që ju takojnë me ligj.

Prej papërgjëgjshmërisë së dyshes Rama-Nikolla, sot mijëra të rinj nuk kanë mundësi të arsimohen për shkak të tarifave të rritura.

Prej papërgjëgjshmërisë së dyshes Rama-Nikolla, kërkimi shkencor ka ndalur. Përçmimi për elitat ka bërë që prej 3 vitesh në Shqipëri të mos jepen tituj shkencorë.

Prej papërgjëgjshmërisë së dyshës Rama-Nikolla, studentët janë pa karta e nuk marrin dot kredi studentore.

Prej papërgjëgjshmërisë së dyshes Rama-Nikolla në asnjë universitet nuk hapen dot degë të reja.

Prej papërgjëgjshmërisë së dyshës Rama-Nikolla, rektoratet janë kthyer në burime konfliktesh kompetencash apo edhe fizike.

Prej papërgjëgjshmërisë së dyshes Rama-Nikolla, autonomia e Universiteteve Publike është cënuar rëndë.

Partia Demokratike do të jetë në mbështetje të pedagogëve, artistëve, rinisë  për të mos lejuar nëpërkëmbjen e tyre dhe në mbrojtje të të drejtave të tyre.

Shqipëria në BE është aspirata më e lartë e gjithë shqiptarëve. Shqiptarët duan të jenë pjesë e vërtetë e Europës. Partia Demokratike e do Shqipërinë në BE. Unë personalisht dhe bashkëpunëtorët e mi kemi lobuar dhe vazhdojmë të punojmë me partnerët tanë europianë që Shqipërisë t’i hapen negociatat. Ky është investimi ynë ndaj gjithë shqiptarëve dhe të ardhmes sonë të përbashkët.

Ne duam që negociatat të hapen edhe pse vendi përballet me shqetësime të rënda dhe serioze nga një sërë vendesh anëtare të BE-së në lidhje me krimin dhe drogën me origjinë nga Shqipëria dhe me emigracionin e paligjshëm nga bashkqytetarët tanë që kanë humbur shpresën dhe mundësitë të jetojnë në Shqipëri.

Ne shpresojmë që këto probleme të mos ndikojnë në vendimin për negociatat nga vendet e BE-së dhe të mos pengojnë hapjen e tyre. Me këtë rast përshëndes raportin për strategjinë për zgjerim të BE-së e cila konfirmon vullnetin e BE-së për anëtarësimin e vendeve të Ballkanit.

Por qartësisht përtej këtij vullneti politik, strategjia ngren probleme serioze dhe vë gishtin mbi plagët kryesore që ka vendi ynë.

Raporti flet qartë dhe më forcë për kapjen e shtetit nga interesat private dhe lidhjet mes krimit të organizuar dhe qeverisjes, për probleme të rënda dhe serioze të korrupsionit, për shkeljen e të drejtave të njeriut dhe lirisë së medias, për ekonomi jokonkuruese që duhet të reformohet thellësisht, për mungesën e zgjedhjeve të lira dhe të ndershme dhe për shtypjen e rolit të opozitës politike.

Ky raport është një radiografi e trishtuar e realitetit shqiptar dhe disa vendeve të tjera të Ballkanit.

Strategjia bën thirrje për ndryshime dhe transformime të vërteta demokratike për daljen nga ky realitet dhe thekson se procesi i integrimit nuk është proces mekanik por proces përqafimi real të vlerave dhe standarteve politike dhe ekonomike europiane.

Me këtë rast dua të theksoj vullnetin e Partisë Demokratike dhe timin për të ndryshuar politikën dhe ekonominë shqiptare duke përqafuar standardet dhe vlerat europiane, me qëllim futjen e Shqipërisë në BE brenda një dekade.

• Bylykbashi: Proçesi dhe votimi antikushtetues për KLGJ/KLP varrosi përfundimisht Reformën në Drejtësi, duke çuar përpara skemën e Ramës për kapjen e sistemit. 
• Bylykbashi: Votimi në parlament është nul. Që lista të legjitimohej, duhej prania e të paktën 94 deputetëve. Vendimet e KLGJ/KLP me këta anëtarë do të jenë të pavlefshme. 
• Bylykbashi: Të 10 anëtarët e listës për KLGJ/KLP janë të paligjshëm; të skualifikuar nga ONM, të përfshirë në dënime politike, me pasuri të pajustifikuar.    
• Bylykbashi: Ora ime është më e lirë sesa makina e kryeministrit. Si unë, edhe koleget e mi në PD nuk kanë frikë nga reforma në drejtësi. Ata që duhet të kënë frikë janë Edi Rama dhe ministrat e tij. 

Konferenca e plotë e deputetit Oerd Bylykbashi me gazetarët

Seanca e djeshme ishte seanca ku u varros përfundimisht konsensusi kushtetues dhe dispozitat kushtetuese të marrëveshjes së 21 dhe 22 korrikut 2016. Ai konsensus i arritur me aq vështirësi me contribution e drejpërdrejtë të zonjës nuland dhe të komisionerity Han me një rol të jashtëzakonshëm të Komisionit të Venecias i cili jo vetëm rrëzoi propozimet e vazhdueshme të partisë socialiste që synonin kapjen e sistemit të të drejtësisë por dha edhe gudidat e padiskutueshme se si duhet të ishte reforma në drejktësi. Të gjitha këto u hodhën në kosh në seancën e mbrëmshme.

Sigurisht në një proces i cili ishtye korruptuar që kur ligji u ndryshua në mënyrë antikueshtetuese dhe u vendosën filtra që KLP dhe KLGJ janë jashtë paerlamentit në thyerje të marrëveshjes politike dhe të Kushtetutës, të gërmës se Kushtetutës jo vetëm të frymës, nuk kishte sit ë ndodhte ndryshe që kandidatët që do të dilnin nga ai process do të ishin të gjithë të kontrolluar nga kryeministri Edi Rama dhe për rrjdhojë objektivi i Edi Ramës ishte që në çdo rast shorti do të prodhontye rezultatin që ai dëshironte. Pra sa herë do të futesh dorë për të kapur një kandidat, po aq herë do të kapej Edi Rama.

Nuk mundet që qëllimi i kapjes politike të sistemit të drejtësisë prishte procesin kushtues dhe rolin kushtetues të parlamentit dhe është pikërisht ajo që ka ndodhur në këtë proces që u përmbyll dje. Kandidatët që dolën nga ajo listë, mund të bëj një përmbledhje të shkurtër, kemi dy kandidatë të skualifikuar qartazi pa asnjë ekuivok nga ONM-ja. Kemi dy kandida të cilët kanë qënë persona të përfshirë drejpërdrejt në dënimin e qytetarëve shqiptarë për politikë në periudhën e komunizmit në rolin e gjyqtarit apo të prokurorit. Kemi nëj kandat i cili ëhstë përfshirë në 10 vitet e fundit në politikë, në strukturat drejtuese të partive politike, kriter ndalues. Kemi katër kandidatë që nuk plotësojnë kriteret ligjore, rastet janë akumulative pasi kanditat kanë më shumë se një kriter ndalues, nuk plotësojnë kriteret ligjore. Kemi kandidatë të cilët nuk kanë paguar rregullisht detyrimet tatimore ndaj shteti. Dhe shtatë prej dhjetë kandidatëve të përzgjedhur me këtë short nuk janë të çertifikuar për sa i përket pasurisë, pra nuk iu është bërë VETTING-u.

Të mos harrojmë që ka persona të cilët për shkak të lidhjeve familjare me funksionarë të drejtësisë apo funksione që kanë pasur si këshilltarë në Gjykatën e Lartë etj, duhe të u ishte bërë VETTING-u për në Sistemin e Drejtësisë. Siç e shihni lista e këtyre kandidatëve është e korruptuar dhe ligjerisht kandidatët nuk plotësojnë kriteret ligjore që janë skualifikuese dhe lista është e korruptuar politikisht për sa i përket të gjithë procesit që ka sjellë tek këta kandidatë të seklektuar nga Edi Rama.

Në mënyrë specifike do ju parashtroj disa prej rasteve më të rënda:

Fatmira Luli, gjyqtare në periudhën e komunizmit. Ka dënuar me dënime politike deri para rënies së komunizmit dhe një nga vendimet e fundit është një dënim i datës 20 prill 1991 të një qytetari të Tiranës vetëm pse ka marrë pjesë në protestën e rrëzimit të bustit të Enver Hoxhës më 20 shkurt 1991.

Nuriha Sehiti prokurore që ka marrë pjesë rregullisht në gjyqe politike duke kërkuar rregullisht dënime të ashpra për qytetarët për agjitacion dhe propogandë apo për të tradhëti të lartë ndaj atdheut për shkak se kanë kapërcyer kufin për tu arratisur nga Shqipëria Komuniste e asaj kohe.

Kandidati Gent ibrahimi, pavarësisht rekordit professional, në mënyrë specifike ONM-ja konstaton faktin që kandidati nuk përmbush kushtin e periudhës 5 vjeçare si pedagog në Shkollën e Magjistraturës i jashtëm ose i brendshëm, ONM me tagër të drejpërdrejtë kushtetues e skualifikin si në mospërputhje me kriteret ligjore.

Kandati Alfred Balla gjithashtu është skualifikuar nga ONM jo vetëm për mospëmbushje të periudhës së kërkuar nga ligji në Shoërinë Civile, pra 5 vite kontribut në Shoqërinë Civile, porn ë mënyrë specifike ONM shprehet se “Ka paraqitur si platform konkurimi indikisht platformën e nëj kandidati tjetër të skualifikuar, Plarend Ndrecës, ky akt përbën një mospërmbushje të kritereve morale nga ana e kandidatit”.

Kandidatja Naurela Llagami, është konstatuar nga institucionet gjatë procesit se nuk plotëson kushtet për sa i përket afatit në eksperiencën profesionale, jo vetëm në konflikt interesi me institucionet përzgjedhëse (kontrata pune me subjektet vendimmarrëse në komisionet të cila e kanë përzgjedhur si kandidate), nuk e vërteton me dokumenta që ka qënë pjesë e shoqërisë civile sepse në të njëjtën kohë ka qënë Këshilltare në Gjykatën e Lartë dhe e ka pasur të ndaluar të ishte e punësuar në komisionet e tjera. Gjithashtu rezulton te ketë qënë në marrëdhënie partneriteti me familjarë të kryebashkiakut të Tiranës. Kjo tregon qartë edhe preferencën politike. Kandidatë të tjerë si rasti në fjalë janë skualifikuar për të njëjtat kushtet që janë identifikuar në këtë rast, por kjo ka kaluar ndërsa të tjerët janë skualifikuar nga filtrat.

Kandidati Maksim Çoku, pedagog i së drejtës, por bie në komision nga anëtarët e opozitës, është idenfikuar fakti që ka qënë në organet drejtuese të partive politike në 10 vjeçarin e fundit e për rrjedhojë përplaset me këtë kriter ligjor.

Ju përmenda disa prej rasteve që jo vetëm korruptojnë listat që i janë paraqitur Kuvendit pët votim, sepse nuk janë në përputhje me kriteret ligjore. Jo vetem kemi situatën antikushtetuese se si kanë ardhur por ajo që është më e rëndësishme, duhet thënë dhe diçka tjetër, përtej faktit që sa herë ne do të përzgjedhim kandidatët e Edi Ramës shorti është i paligjshëm por mbi të gjitha dje nuk nuk ka ndodhur proces votimi në Parlamentin e Shqipërisë. Kushtetuta kërkon që Kuvendi të votojë me 94 vota, dhe nëse nuk arrihet një rezultat pozitiv për listën, që do të thotë lista rrëzohet, në raundin e tretë listat të dala nga shorti quhen të emëruar. Dje nuk ka ndodhur process votomi, nuk jemi përpara një rezultati ku rrëzohet lista. Porcesi I votimit është nul për një fakt të thjeshtë kushtetues. Neni 78 i Kushtetutës percakton: Kuvendi vendos me shumicën e votave në prani të më shumë se gjysmës së gjithë anëtarëve të tij përveç  rasteve kur kushtetuta parashikon një shumicë të cilësuar në rastin konkrret Kushtetuta parashikon 94 vota bazuar në jurisprudenca e e Gjykatës kushtetuese Shqiptare, në  jurisprudencen e  Kolegjit zgjedhor dhe juriprudencen kushtetuese të vendeve të tjera përfshirë Kosovën.

Kuorumi  i nevojshëm i pjesëmarrjes se deputetëve në procesin e votimit duhet të jetë së paku sa numri i votave të kërkuara  për miratimin e një akti të caktuar. Për rrjedhojë duke qenë se në sallë dje në procesin e votimit ishin  vetëm 73 deputetë dhe kërkoheshin 94 prezent, pavarësisht preferencës për listën procesi i votimit është nul, nuk ka votim e për rrjedhoje nuk mund të hyjë në funksion dispozita automatike për emërimin e kandidatëve.

Opozita nuk mund të merrte pjesë në një farsë antikushtetuese që u inskenua në Parlamentin shqiptar në këtë periudhë. E për rrjedhojë nuk mund të bëhesh pjesë e atij procesi . Është detyrimi i mazhorancës  që të ulesh  të kërkonte zgjidhjet kushtetuesë dhe politike në mënyrë që të kishim një proces siç u projektua në datën 21 korrik 2016. Tentativa e Edi Ramës për ta kapur me çfarëdo lloj mbështjetje dhe çdo lloj përpjekje nuk ka bërë gjë tjetër veçse ka rrënuar procesin. Për rrjedhoje lista e djeshme është nul, procesi i djeshëm është nul dhe nuk ka asnjë emërim automatik. Nëse do të konsituoheshe në të ardhmen KLGJ ose KLP me këta 5 anëtarë në secilën trup  do të rrënonin legjitimitetin kushtetues të Këshillit të Lartë Gjyqësor dhe Këshillit të Prokurorisë , e për rrjedhoje do të bënim nul vendimmarrjet e  këtyre  organeve qeverisëse të sistemit të drejtësisë.  Këtë thotë Kushtetuta, shteti i së drejtës  në Shqipëri bazohet mbi Kushtetutën e shkruar. Nuk bazohet as në memo  as në memorandume bashkëpunimi midis institucioneve. E vetmja gjë që kërkon Kushtetuta është që çdo veprim i institucioneve të bashkohet në Kushtetutë dhe në ligj e për rrjedhoje çdo shtytje më tej në këtë rrugë antikushtetuese nuk do të bëjë gje tjetër veçse jo vetëm do të cënojë këto institucione por do të vonojë më shumë reformën në drejtësi. Edi Ramës i intereson reforma në drejtësi që të kapë sistemin e drejtesis3ë, opozitës i intereson “Reforma në Drejtësi” siç e përcakton Kushtetuta dhe Komisioni i Venecias.

Pyetje: Z. Bylykbashi, ju deklaroni që dje nuk ka ndodhur votim sepse mungonte kuorumi i deputetëve, por debati për kuorumin nuk është i ri në Shqipëri. E kemi bërë veçanërisht për zgjedhjet e Presidentit për tre raundet e para, pasi e zgjedhin kreun e shtetit me 84 vota. Nëse kujtohem mirë, Partia Demokratike atëherë ka mbështetur tezën se mjaftojnë 71 për ta quajtur raundin e parë të ezauruar, të dytin, të tretin dhe me rradhë… A keni ndryshuar ju qëndrim z. Bylykbashi në lidhje me kuorumin e votimit që kërkon shumicë të cilësuar?

Bylykbashi: Ky debat që ju i referoheni është i vitit 2012. Në fakt Kushtetuta ka një parasikim krejt të veçantë për Presidentin dhe debati nuk ka qenë ekzakt ky. Kushtetuta ka një parashikim të shkruar e zezë mbi të bardhë që votimet quhen të kryhera në rastin e Presidentit kur nuk ka kandidat. Të tre raundet e para të votimit u quajtën të kryera se për asnjë nga raundet e votimit në vitin 2012 nuk pati kandidat. Ky ka qenë debati i asaj kohe. Që atëherë ka patur jurisprutencë që ka përcaktuar qëndrimin që po flasim sot. Gjykata Kushtetuese ka sqaruar më tej situatën në lidhje me kuorumin duke interpretuar Kushtetutën dhe në vitin 2013 ju kujtoj se për një dispozitë shumë të ngjashme me Kodin Zgjedhor që përcakton vendimmarrjen me shumicë të cilësuar në KQZ, ku duhen pesë vota për vlefshmërinë e një vendimi të caktuar, mbledhja e KQZ të cilët hetuan dhe nxorën shkeljet e jashtëzakonshme ligjore për manipulimin e votave në Lezhë dhe në Shkodër, u quajtën nul nga Kolegji Zgjedhor, pra nga Gjykata që interpreton dispozitën sepse përcaktoi fare qartë vendimmarrjet që janë cilësuar kërkojnë kuorum të cilësuar. Të njëjtën linjë përcakton, duke filluar nga 2009, Gjykata Kushtetuese, dhe në mënyrë fare të qartë e thotë dispozita kushtetuese. Nuk duhet ngatërruar Presidenti me këtë dispozitë që është zbatuar dje nga Parlamenti. Presidenti ka një rregullim specifik që quan të kryera votimet kur nuk ka kandidatë dhe kjo është situata që ka ndodhur në 2012, jo ajo që ndodhi në Parlamentin shqiptar.

Pyetje: Do ta vejë Partia Demokratike në lëvizje Gjykatën Kushtetuese për votimin që ndodhi mbrëmë në Parlament?

Bylykbashi: Unë ekspozova antikushtetuetshmërinë e proçesit, nulitetin e proçesit përballë Kushtetutës dhe sigurisht që kjo sjell dy pasoja. Goditshmërinë përpara Gjykatës Kushtetuese dhe nga ana tjetër paligjshmërinë dhe antikushtetuetshmërinë e këtyre funksionarëve që i bën ata vulnerabël nesër përballë proçedurave për shkarkim. Këto nuk i duhen drejtësisë shqiptare. Asaj i duhet soliditet. Ankimi në Gjykatën Kushtetuese ju besoj duhet ta keni parasysh që ajo ka pesë anëtarë nga nëntë që ka në numrin e përgjithshëm. Vetëm pesë anëtarë kanë mandat të plotë. Një anëtar ka mandat të mbaruar por që vazhdon të qëndrojë në detyrë. Ju e dini se Gjykata Kushtetuese është bllokuar qëllimisht përgjatë dy viteve të fundit nga mazhoranca, vetëm e vetëm që të mos merrej vendim me pesë vota. Dhe rekordi i vendimeve me katër me tre por mungesa e votës së pestë e ka rrëzuar është 15 ose 20 vendime të Gjykatës Kushtetuese, përfshirë disa për Reformën në Drejtësi. Partia Socialiste ka bllokuar të gjitha emërimet në drejtësi, gjatë vitit 2017, vazhdon ta bllokojë gjatë vitit 2018, me justifikimin e vettingut vetëm e vetëm për të bllokuar emërimet në Gjykatën Kushtetuese. Që të plotësohet GJK dhe të vendosë mbi këto shkelje që po ndodhin sot e kësaj dite. Të bllokojë emërimet në drejtësi në mënyrë që të bllokojë zgjedhjen e Inspektorit të Lartë të Drejtësisë nga Parlamenti me shumicë të cilësuar. Nuk i intereson. Sa kohë ka një këshill të emërimit në drejtësi që i quan të pafavorshme, do të vazhdojë ta bllokojë, në mënyrë që këto organe të sistemit të drejtësisë, të barzvlefshme në rëndësi me KLGJ dhe KLP, të mos ngrihen, sepse nuk i leverdis Edi Ramës. Ne do të gjykojmë me kujdes të gjitha rrethanat. Proçesi i djeshëm ishte nul, nuk ka anëtarë të KLGJ-së dhe KLP-së nga Parlamenti, sipas Kushtetutës dhe e vetmja zgjidhje është rikthimi tek dispozitat kushtetuese. Partia Demokratike ndërkohë ka paraqitur zgjidhjen duke shfuqizuar nëpërmjet amendamenteve të propozuara për shfuqizimin e këtyre filtrave antikushtetuese. Sa më shumë vonohet, me çfarëdo rrahje shpatullash, aq më keq do të jetë për sistemin e drejtësisë. Shqiptarëve nuk i duhet kush janë qeveritarët e sistemit të drejtësisë, i duhet drejtësia e thjeshtë, e shpejtë, efikase dhe e pakorruptuar. Kjo gjë nuk ka ndodhur ende dhe do shumë kohë që të ndodhë. Edi Ramës i intereson të mbrohet ai vetë, Sajmir Tahiri dhe i gjithë enturazhi i tij i korruptuar dhe i kriminalizuar që të mos shkojnë përpara drejtësisë.

Pyetje: Në cilin vendim i referohet kuorumit Gjykata Kushtetuese konkretisht për rastin e votimeve me shumicë të cilësuar. Ju përmendët 29/2009 por cili është konkretisht intepretimi.

Bylykbashi: Është një vendim për deputetin Ilir Beqja në vitin 2011, në mënyrë specifike, ata interpretojnë që minimumi i kuorumit është 71 për seancat normale, me përjashtim kur kërkohet shumicë e posatshme. Këtë shpreh Gjykata Kushtetuese në këtë vendimmarrje të saj. Ju përmenda edhe rastin e Kolegjit Zgjedhor por ju kujtoj faktin që Gjykata e Kosovës anulloi zgjedhjen e Presidentit të Kosovës, pikërisht për këtë arsye sepse në seancën e zgjedhjes Presidenti i Kosovës i asaj kohe u zgjodh pa kuorumin e kërkuar nga Kushtetuta që duhej të ishte në përputhje me shumicën e cilësuar, pra jo vetëm jurisprudenca shqiptare por edhe jurisprudenca kushtetuese e krahasuar çon në këtë konkluzion. Çdo ngatërresë me rastin e Presidentit është e pabazë dhe e pavënd për një arsye shumë të thjeshtë. Presidenti ka rregullim specifik, që përjashton bllokimin.

Pyetje: A jeni për plotësimin e vendeve vakante në Gjykatën Kushtetuese pasi Presidenti shpalli vakancat. Kemi KLD pa veting dhe a mund t’i zgjedhim dhe gjyqyarët kushtetues pa vetting?

Bylykbashi: Reforma në Drejtësi nuk mund të ngatërrojë këmbët e veta. Nuk mundet që institucionet e përcaktuara të drejtësisë të pengojnë njëra-tjetrën. Nëse tani kemi një sistem të shpërbërë të drejtësisë, sistemin e vjetër, boshllëku nuk mund të qëndrojë pa fund. Cënohen të drejtat e shqiptarëve, të pronësisë e të tjera shumë të rëndësishme për ta, cënohen të drejta të personave të cilët mund të jenë të dënuar në mënyrë të padrejtë, pra jo vetëm interesa të partive politike. Gjykata Kushtetuese sot është në kolaps. Mjafton vetëm kjo që po ndodh, e vënë në dukje edhe nga Gjykata Kushtetuese që shqiptarët të mos merren më me drejtësinë shqiptare dhe t’i drejtohen drejtpërdrejtë Gjykatës Europiane të të Drejtave të Njeriut në Strasburg. Dhe kjo është e rëndë që Shqipëria të marrë një tjetër dënim nga Strasburgu për mosmbrojtje të të drejtave të qytetarëve të saj. Presidenti i Republikës ka bërë lëvizjen më të fundit në kompetencë të tij. Sigurisht që maxhoranca do të përpiqet të pengojë në plotësimin e vendeve bosh në Gjykatë Kushtetues, do të përpiqet që të pengojë edhe Gjykatën e Lartë të plotësohet. Ju e dini se sot Gjykata e Lartë është në një situatë dramatike për sa i përket anëtarëve. Do të pengohet ngritja e Inspektori i Lartë i Drejtësisë. Në qoftë se Këshilli i Lartë Gjyqësor dhe Këshilli i Lartë i Prokurorisë janë organet që bëjnë disiplinimin e gjyqtarëve, nuk është vetëm vetingu. Vetingu nuk mund të jetë si fronti demokratik ku të gjithë ankohen por askush nuk shkon në gjykatë. Trupat që do disiplinojnë gjyqtarët janë Këshilli i Lartë Gjyqësor dhe për prokurorët është Këshilli i Lartë i Prokurorisë. Por ama nëse nuk ngrihet edhe Inspektori i Lartë i Drejtësisë sistemi bie në kolaps. Këtë kërkon sot Partia Socialiste. Nxitimi nuk mund të jetë vetëm për ata që do të zgjedhë Edi Rama. 5 jo gjyqtarët dhe 5 jo prokurorët e KLGJ-së janë vetëm pjesa më e vogël e dy trupave. Nxitim i reformës në drejtëis nuk mund të jetë heqja e dëshmitarit kyç Nazer Seitaj për ta hequr nga hetimi në Shqiperi. Ndërkohë po me nxitim sillen dispozita për ta mbrojtur Saimir Tahirin dhe të ngjashëm me rregulloren e Parlamentit. Jo! Reforma në drejtësi do të thotë ngritje e SPAK-ut tani dhe jo ngritje e SPAK-ut provizor të Edi Ramës me memorandum bashkëpunimi midis Ministrit të Brendshëm dhe prokurores provizore. 

Pyetje: Z.Bylykbashi ju flisni për një proces antikushtetues dhe antiligjor për përzgjedhjen e anëtarëve të KLGJ-së dhe KLP-së, por mbrëmë pati një reagim nga ambsasori amerikan ku në një farë mënyre bekoi këtë proces duke thënë se politkanët nga të dyja palët kanë frikë nga reforma në drejtësi dhe ai është më i prirur për të besuar një përzgjedhje rastësore sesa një përzgjedhje nga politikanët shqiptarë. A është Partia Demokratike ajo që ka frikë nga reforma në drejtësi? 

Bylykbashi: Unë nuk komentoj deklarata të diplomatëve. Ajo që duhet të bëjë unë dhe kushdo tjetër, profesionistë, politikanë apo kushdo është të lexojë të zezë mbi të bardhë, Kushtetutën e Republikës së Shqipërisë dhe asgjë tjetër. Asgjë tjetër nuk ka ndikim mbi vendimmarrjen e organeve kushtetuese shqiptare. Unë e kam orën më të lirë sesa makina e kryeministrit dhe për rrjedhojë si unë shumica e kolegëve të mi në Partinë Demokratike nuk kemi frikë nga reforma në drejtësi. këtu jemi, reforma në drejtësi të bëjë punën e saj. Ata që duhet të kenë frikë janë ministrat si Saimir Tahiri, ministra të tjerë të korruptuar, kryetarë bashkish dhe Edi Rama që i mban ata. Ky është sikleti e për rrjedhojë nëse ne do ta bazojmë reformën në drejtësi në Kushtetutë dhe jo në memorandume bashkëpunimi dhe çdo lloj forme tjetër. Vetëm atëherë do të kemi drejtësi për shqiptarët, të korruptuarit dhe kriminelët në burg dhe do të na pranojë Bashkimi Europian. Çdo formë tjetër e improvizuar nuk ka vend në shtetin e së drejtës në Kushtetutën shqiptare. Ne nuk e bazojmë drejtësinë tek precedentët. Ne e bazojmë në germën e shkruar të Kushtetutës. 

Pyetje: Ju thatë që një nga kandidatët ka lidhje familjare me kryebashkiakun e Tiranës. Mund të na flisni më shumë për këtë lidhje?

Bylykbashi: Më tepër se kaq nuk mund të vë në dispozicion. Këto janë informacione të sjella pranë Partisë Demokratike. Mbetet për t’u investiguar. Ajo që është e rëndësishme është që këta kandidatë janë lënë të filtrohen në mënyrë prioritare për të ardhur deri tek kjo listë. Kandidatë të tjerë të cilët nuk kishin prirjen që i duhesh Edi Ramës kryeministër për të njëjtat kushte janë s’kualifikuar nga filtrat para parlamentare apo nga Sekretari i Përgjithshëm.

Kandidatë të cilët i ka thënë ONM-ja jo, por i duheshin Edi Ramës kanë kaluar dhe shorti i përzgjodhi. Me procesin që përmbylli dje Edi Rama, edhe ONM-ja u hodh në koshin e plehrave. Operacioni Ndërkombëtar i Monitorimit sot ka një vlerë shumë të zvogëluar në raport me atë që kemi parashikuar në Kushtetutë ne sot.

E për rrjedhojë pasojë do të jetë edhe mbi procesin e vetingut. Kur ONM-ja të identifikojë personat e korruptuar në gjyqësorin shqiptar, të bëjë rekomandim negativ për ta por ata i duhen Edi Ramës, ju siguroj që ata do të kalojnë të gjithë procesin e vetingut.

Pyetje: Ju theksuat se lista e miratuar dje është nul, ndërkohë që PD ka një vendim për ta rinisur edhe një herë procesin, në qoftë se po nga cila pikë?

Bylykbashi: Partia Demokratike ka bërë veprimet themelore në procesin e reformës në drejtësi, ka dhënë konsensusin për Kushtetutën me datë 22 korrik. Që do të thotë, parashikoi një proces i cili do të ishte i pastër dhe në përputhje me Komisionin e Venecias, ku kandidatë të ligjshëm do të kishin mundësinë të përzgjidheshin nga një trupë parlamentare. Dhe nëse kandidatët e ligjshëm nuk do të përzgjidheshin me një konsensus politik, këta kandidatë të ligjshëm do të përzgjidheshin shumë mirë edhe me short. Por ne kemi një proces antikushtetues, kemi kandidatë të paligjshëm e për rrjedhojë shorti nuk mund të përzgjedhë asgjë tjetër përveç paligjshmërisë.

Një ekspert amerikanë, nga më të mirët në fushën dhe doktorinën e të drejtës, kryesisht asaj zgjedhore në vitin 2003, në rastin kur Shqipëria kërkonte të zgjidhte anëtarin e Komisionit Qëndror të Zgjedhjeve, në atë kohë organ kushtetues me short, u shpreh: “Shorti nuk sjell asnjë garanci që sjell kandidatët më të mirë dhe më profesionistë për një organ kushtetues.” Pavarësisht kësaj ne të gjithë ramë dakord, opozita dha konsensusin për mekanizmin zhbllokues. Por ajo që duhet të kuptohet është: Mekanizëm zhbllokues me kandidatë të ligjshëm në një proces kushtetues. Dje ne kishim kandidatë të paligjshëm, një proces antikushtetues, për rrjedhojë nul dhe për rrjedhojë lista sot nuk ekziston.