Blog

Deklarata e plotë e deputetes Valentina Duka për përgjegjësinë e Ministres së Kulturës për shkatërrimin brenda pak ditësh të dy urave monument kulture. Në foto është edhe premtimi më 6 janar 2018 i Mirela Kumbaros për restaurimin e urës në Zagori dhe deklarata e saj se pas përmbytjeve ura nuk rrezikon të shembet.   

Jam këtu për të shprehur indinjatën e thellë, nga zhdukja në hartën e monumenteve të kulturës të dy urave shumë të rëndësishme, siç është Ura e Hoshtevës në zonën  e Libohovës një urë e periudhës Osmane, e përdorshme edhe sot nga banorët e Zagorisë. Dhe ura tjetër e krahinës së Orgockës, edhe kjo një urë e periudhës osmane që i takon Qarkut të Korçës, që si deputete e Partisë Demokratike ta përfaqësoj në Parlamentin e Shqipërisë.

Këto dy ura janë të trashëguara nga 300 vjet më parë, të ruajtura me shumë fanatizëm nga banorë të zonës, por edhe nga specialistë shqiptarë që e kanë dashur kulturën dhe brenda dy ditësh, si rezultat i vërshimit të lumenjve, ato zhduken jo vetëm nga harta e monumenteve të kulturës, por edhe nga harta e gjeografisë së Shqipërisë për të mos i parë më kurrë. Sado premtime të ketë se ato do të rindërtohen, ato nuk mund të bëhen ashtu sikundër kanë qenë.

Janë ura unikale dhe që banorët e këtyre zonave, specialistë të trashëgimisë kulturore, kanë kohë që trokasin në derën e Ministres së Kulturës për të ndërhyrë urgjentisht në riparimin e tyre, por derë e saj ka qenë e mbyllur. Përegjigja e Ministres së Kulturës ka qenë arrogante, qeveria Rama nuk ka reaguar në kohën e duhur për restaurimin e këtyre veprave kaq të rëndësishme të pasurisë sonë kombëtare.

Kam pasur fatin të vizitoj shumë ura të tilla në vendet e Ballkanit, ku qeveritë e Ballkanit shpenzojnë pothuajse dyfishin e parave të qeverisë Rama për t’i ruajtur ato. I ruajnë ato dhe nuk i shkatërrojnë ashtu sikundër ndodhi në Shqipëri. Prandaj jam këtu, që në emër të Partisë Demokratike, të dënoj papërgjegjshmërinë e qeverisë Rama. Në mbrojtje të institucioneve të kulturës sonë kombëtare, si elementë, si pasuri e madhe e kulturës sonë kombëtare për të sotmen dhe të ardhmen e shqiptarëve.

Kryetari i Këshillit të Legjislacionit, Enkeljed Alibeaj, denoncoi sot me fakte sesi sistemi i ri i drejtësisë po kapet nga qeveria nëpërmjet promovimit në krye të sistemit të gjyqtarëve dhe prokurorëve të kohës së komunizimit, të përfshirë në gjyqe politike.

“Procesi për anëtarët e KLGJ dhe KLP prodhoi një rezultat dramatik ku sot anëtarë të KLGJ dhe KLP janë jo vetëm kandidatë të përjashtuar nga ONM, jo vetëm kandidatë që nuk plotësojnë kriteret, jo vetëm kandidatë që nuk kanë paguar taksat, jo vetëm kandidatë të angazhuar në politikë, por edhe individë të kriminalizuar, për shkak se kanë dënuar politikisht qytetarët shqiptarë, thjesht se kanë menduar që liria dhe demokracia janë vlera që duhet të aplikohen edhe në shoqërinë tonë”-tha Alibeaj gjatë mbledhjes së Këshillit.

Për të faktuar këtë z. Alibeaj publikoi vendimet politike të dhëna nga këta gjyqtarë dhe prokurorë, që sot janë zgjedhur të qeverisin sistemin e ri të drejtësisë në vend. Në këto vendime konstatohet se dënimet dhe akuzat ndaj qytetarëve shqiptarë, nga anëtarët e sotëm të KLGJ dhe KLP, janë dhënë për motive qartazi politike dhe me akuzë për tradhëti ndaj vijës së partisë dhe vlerave të partisë.

Kryetari i Partisë Demokratike, Lulzim Basha, takoi në Divjakë fermerë të revoltuar nga braktisja e qeverisë, pasojë e të cilës ishte mbetja e pashitur e prodhimeve të tyre. Mungesa e subvencioneve, çmimi i lartë i karburantit, konkurenca e pandershme e prodhimeve të huaja, taksat e larta ishin disa nga arsyet pse prodhimet në Divjakë nuk shiten as nën çmimin e kostos.

“Basha -Sa ju ka dalë kosto e lakrës

Fermer – 15 lekë është kosto e prodhimit

Basha – Dhe e shisni me një të tretën?

Fermer – aq dhe nuk shitet

Basha- Sa e shisni pataten

Fermer – Me 20 lekë dhe nuk e shesim dot. katër kuintalë presh e kam shitur vetëm 15 mijë lek

Fermer-  Nuk ka bërë vaki ndonjëherë të shitet me 100 lekë kilja e karrotës.”

Fermerët treguan se një javë më parë kryeministri Rama jo vetëm nuk u ka dhënë zgjidhje problemit të shkaktuar nga qeveria e tij, por ëshë tallur me fermerët. Kreu i opozitës i nxiti fermerët që të mos zgjedhin rrugën më të shkurtër, pranimin e situatës kokëulur dhe hedhjen e prodhimeve. Basha tha se rruga e vetme është bashkimi me opozitën në protestë para kryeministrisë për të larguar qeverinë që e ka lidhur fatin me një grusht të korruptuarish dhe kriminelësh.

Fermer – Vjen kryeministri para një jave. I thonë fermerët që nuk po shitet lakra. Ai merr një lakër atje dhe I thotë “ti e paske kokën më të madhe se lakra”

Fermer – Erdhi dhe i tha tjetrit “mbaje preshin”. Po a i thuhet popullit kështu more?!

Fermer – Ku do të ushqehet populli po s’u shitën këto prodhime? Me cfarë? Vjen këtu e tallet me popullin. Turp të ketë ai burrë. Turp të ketë. (Fermerët në kor – turp, turp, turp)

Fermer -Mos kini frikë o popull. Flisni flisni, sepse po shkojmë cdo ditë e më poshtë. Nuk mendon më njeri për ne.

Fermer – Nëqoftëse ne do të punojmë veç e veç, kështu do ta pësojmë gjithmonë. Nëse bashkohemi, do të shkojmë nga Divjaka në Tiranë me zetora dhe me mallin tonë.

Basha – Këto prodhime mos i hidhni në kanal, po merrini e sillini para kryeministrisë. Unë do të jem në ballin tuaj, bashkë me deputetët tuaj. Shkojmë bashkë ia cojmë para kryeministrisë T’ia bllokojmë rrugën të keqes. Asgjë nuk ju mungon përvecse një qeverie që ta keni në krah e të mos ta keni kundër”-u shpreh Basha.

Basha tha se Shqipëria e ka plotësisht të mundur subvencionimin e fermerëve me të paktën 150 milionë euro në vit, një masë kjo që, sipas planit të Partisë Demokratike, bashkë me uljen me 240 lekë për litër të naftës dhe lehtësi të tjera për uljen e taksave, do të ndikojë menjëherë në rimëkëmbjen e fermerëve.

“Ditën e parë që do të na besoni me votë, do të kthejmë jo thjesht vëmendjen, por fondet nga fermerët. Do t’ju subvencionojmë, do të mbrojmë prodhimet tuaja, duke vendosur tarifa doganore për ata që ju konkurrojnë  në mënyrë të pandershme. Aq sa subvecionon qeveria e huaj, aq duhet të paguajnë në doganat shqiptare  Kur të vijnë tek tregu shqiptar, të konkurroni në mënyrë të barabartë”-tha Basha.

• Qeveria detyron personelin mjekësor t’i shërbejë Vilma Nushit.  
• Kontrata që vendos Qendrat Shendetësore në shërbim të konçesionit të Check-Up, e paligjshme. 

Deklarata e deputetit Bardh Spahija për kontratën që detyron personelin mjekësor t’i shërbejë konçesionarit të Check-Up

Edi Rama ka vendosur zyrtarisht sistemin e shëndetësisë në shërbim të konçesionit korruptiv të check-up.

Tani, për miken dhe klienten e tij Vilma Nushi, do të punojë i gjithë personeli në qendrat shëndetësore, i detyruar me një kontratë të paligjshme.

Bëhet fjalë për detyrim – kërcënimin  që u është shtuar në kontratat e punës mjekëve  për të informuar dhe për të sjellë  me imponim popullsinë në qendrat ambulatore për të kryer  Chek-up-in.

Këtu është pjesa e  kontratës mes firmës që ka konçesionin dhe Fondit të Sigurimeve të Kujdesit të Detyruar Shëndetësor e miratuar në Dhjetor 2014.

Ky ndryshim i kontratës së mjekëve, është një shkelje flagrante qe vendos shendetësinë në dispozicion të interesave të rrezikshme që i përkasit klaneve pranë kryeministrit.

Çfarë do të thotë që të vihen në shërbim të Vilma Nushit, mjekët për një shërbim që duhet ta kryejë vetë konçesionari, i cili paguhet me lekët e taksapaguesve shqiptarë?

Përse duhet të bëjnë mjekët ndërgjegjësimin, informimin dhe bindjen e publikut për t’iu drejtuar qendrave ambulatore?

Kjo është një shkelje e hapur e Kodit të Punës, pasi  në kontratën e mjekëve me Fondin për 2018-ën, që pritet të firmosin këto ditë mjekët e familjes në mbarë vendin, nuk thuhet që mjeku do paguhet për checkup-in. Domethënë një angazhim dhe stërmundim i tepërt, por i papaguar nga ministria, sepse milionat shkojnë për Ramën dhe Vilma Nushin me kompani.

Skema që detyron me kontrate mjeket dhe infermieret të punojnë për konçesionarin synon së pari të mbulojë dështimin e konçesionit. Deri tani, edhe me manipulimin e shifrave, vetëm 27 përqind e shqiptarëve e bën check-up. Ndërsa Vilma Nushi paguhet njësoj, rreth 6 milionë euro në vit.

Pas skemës për të vënë personelin shëndetësor në shërbim të konçesionit të Ramës për check-up, fshihet edhe synimi për të rritur fondin e miliona eurove që shteti i paguan klientes së kryeministrit.  Me detyrimin e mjekëve për të bërë check-up për moshat deri në 75 vjeç, rritet jo vetem numri, por edhe shansi që Vilma Nushi të kërkojë zgjerim fondesh.

Partia Demokratike i kërkon Ministrisë së Shëndetësisë të tërheqë kontratën e paligjshme që detyron mjekët dhe infermierët të punojnë për konçesionin e dështuar të Edi Ramës. Nëse kësaj kontrate i shkohet deri në fund, ne do të ndjekim rrugën ligjore për të vendosur para drejtësisë shërbëtoret e oligarkëve të shëndetësisë.

Konferencë për shtyp e Enkelejd Alibeaj, Oerd Bylykbashi dhe Gazment Bardhi për marrëveshjen që krijon prokurorinë private të Edi Ramës

• Marrëveshja Xhafaj-Marku krijon Prokurorinë Private të Përhershme të Edi Ramës dhe vendos drejtësinë në shërbim të Saimir Tahirit. 

• Marrëveshja përcakton se Prokuroria do të funksionojë jo sipas Kushtetutës, por në bazë të një vendimi qeverie të pabotuar në fletoren zyrtare dhe në bazë të Urdhrit 204 të Kryeministrit. 

• Marrëveshja bën të pavlefshëm ligjërisht çdo hetim ndaj krimit të organizuar dhe zyrtarëve të lartë të korruptuar.

Marrëveshja mes Prokurorit të Përgjithshëm të Përkohshëm dhe Ministrit të Brendshëm vendos prokurorinë në shërbim total të Saimir Tahirit, të mbrojtjes së tij, të eliminimit të provave, të rrëmbimit të dëshmitarëve, të prishjes së hetimit. Gjatë kohës që u vendos Prokurori i Përgjithshëm i Përkohshëm, publiku shqiptar ka patur mundësinë të njihet me kthimin e pasaportës së Saimir Tahirit, lirimin e Orest Sotës mbajtësit të parave të Saimir Tahirit, me skandalin e fundit të rrëmbimit te Nezar Seitit, gojës që do të fliste për lidhjet kriminale dhe paratë kriminale të Saimir Tahirit dhe Edi Ramës, në shkelje skandalozë të Kushtetitës dhe ligjit. Pra, sot është lidhur një marrëveshje mes Prokurorit të Përgjithshëm të Përkohshëm dhe Ministrit të Brendshëm, një marrëveshje mes qeverisë dhe prokurorisë, një marrëveshje mes Saimir Tahirit dhe prokurorisë, një marrëveshje mes Edi Ramës dhe Prokurorisë. E shkruar e zeza mbi të bardhë, marrëveshja zëvendëson Kushtetutën, Kodin e Procedurës Penale, Ligjin për Prokurorinë, zëvendëson Ligjin për SPAK-un, të gjitha këto pjesë të reforms në drejtësi, një marrëveshje që bazohet, ndër të tjera, në një vendim të qeverisë me numër 637 të dt 6.11.2017, vendim që nuk është botuar në Fletoren Zyrtare dhe është i pavlefshëm. Dhe jo vetëm kaq. Kjo marrëveshje është bazuar në Urdhrin 204, dt 23 .11.2017 të kryeministrit Edi Rama. Një marrëveshje që bazohet në urdhrin e kryeministrit, që do të thotë vendos totalisht Prokurprinë në nënshtrim, nën urdhra të qeverisë të Edi Ramës të atij organi që do të duhej të ishte i pavarur, jo politik dhe që do të duhet të hetonte krimin dhe korrupsionin politik të qeverisë së Edi Ramës. Në terma të thjeshtë, ka ndodhur që nga një situatë antikushtetuese, ku kishim një Prokuror të Përgjithshëm të Përkohshëm aktualisht, sot kemi një Prokuror Privat të Përhershëm të Edi Ramës.

Gazment Bardhi, këshilltar ligjor i grupit parlamentar të PD: Marrëveshja e lidhur sot mes Prokurorit të Përgjithshëm dhe Ministrit të Brendshëm, praktikisht ka ndryshuar Kushtetutën, Kodin e Procedurës Penale dhe Ligjin për Prokurorinë e Posaçme Kundër Krimit të Organizuar dhe Korrupsionit, SPAK, si dhe ligjin e organizimit të Prokurorisë. Si kushtetuta, ashtu edhe Kodi i Procedurës Penale dhe ligji për organzimin e prokurorisë parashikojnë se deri në krijimin e strukturës së Posaçme Antikorrupsion dhe kundër krimit të organizuar kompetencën për hetimet ndaj veprave penale kundër krimit të organizuar dhe korrupsiointi për zyrtarët e lartë publikë e ka përkatësisht Prokuroria e krimeve të Rënda dhe prokuroritë e rretheve sipas jurdiksionit që kishin përpara hyrjes në fuqi të ndryshimeve në kuadër të reformës në drejtësi. Ajo që bën kjo marrëveshje është ndryshimi I këtij rregulli. Nuk do të jenë më rregullat që përcakton Kodi i Procedurës Pënale për caktimin e Prokurorëve që hëtojnë një çështje, por do të jë jetë Ministri i Brendshëm dhe Prokurori i Përgjithshëm që, nëpërmjet kësaj marrëveshjeje bashkëpunimi do të caktojnë prokurorët konkretë që do të hetojnë çështje konkrete të krimit të organizuar dhe korrupsionit të zyrtarëve të lartë. Caktimi në këtë formë dhe në mënyrë të paligjshme i porkurorëve që do të hetojnë çështje konkrete të krimit të organizuar dhe trafikut të drogës dhe më pas çështje të korrupsionit të zyrtarëve të lartë, përsa kohë janë caktuar në kundërshtim më rregullat e Kodit të Procedurës Penale, i bëjnë këto hetime tërësisht të pavlefshme. Pasoja  e parë e paligjshmërisë së marrëveshjes së Ministrit të Brendshëm dhe Prokurort të Përgjithshëm të Përkohshëm është që të gjitha hetimet aktuale apo që do të nisin në të ardhmen ndaj krimit të organizuar dhe zyrtarëve të lartë të korruptuar do të jenë të goditshme në gjykatë për pavlefshmëriabsolute të hetimeve të kryera. Pra, kjo marrëveshje i shërben shmangies nga përgjegjësia penale e zyrtarëve të lartë të korruptuar që janë nën hetim sot apo që do të jenë nesër dhe të gjitha grupeve të rrezikshme kriminale që, aktualisht, janë nën hetim, apo do të jënë në të ardhmen nën hetim nga prokuroria. Së dyti, në kundërshtim flagrant me Kodin e Proçedurës Penale, për të mbajtur nën kontroll hetimin e pavarur që bëjnë prokurorët e çështjes sipas Kushtetutës dhe ligjit, marrëveshja parashikon Raportim mujor, brenda datës 10 të çdo muaji për hetimet përkatëse që kryejnë këta prokurorë tek Prokurori i Përgjithshëm dhe kjo bëhet me qëllimin e vetëm, të pasjes dijeni mbi këto hetime, dhe sigurisht ndërhyrjes politike të tyre. Së treti, caktimi I prokurorëve që luftojnë krimin e organizuar dhe korrupsionin e zyrtarëve të lartë do të duhet të bëhet pas skanimit të integritetit të tyre profesional dhe moral nga Komisioni i Pavarur i Kualifikimit, apo sic i njohin të gjithë, organet e Vettingut. Ky rregull i parashikuar në lugj shmanget nga marrëveshja përkatëse e bashkëpunimit pasi prokurorët do të duhet të kalojnë vetëm çertifikimin nga ILDKP-ja dhe DSIK-ja që është organ nën varësinë direkte të kryeministrit të Shqipërisë. Ju e dini që ka gjashtë muaj që ka nisur proçesi i vettingut për prokurorët dhe gjyqtarët dhe në gjashtë muaj, sot nuk kemi asnjë rezultat konkret të verifikimit për një proluror apo një gjyqtar të vetëm, ndërkohë që marrëveshja parashikon që ky proçes vettingu që do të bëjë Prokurori i Përgjithshëm dhe Ministri I Brendshëm me ndihmën e strukturave në varësi të kryeministrit do të duhet të përfundojë brenda pesë ditëve.

Besoj është e qartë për të gjithë që nuk do të ketë verifikim as të integritetit moral dhe as të integritetit profesional të këtyre prokurorëve, por verifikimi i vetëm do të jetë politikë. Pra, nëse prokurori i nënshtrohet partisë në pushtet apo nuk i nënshtrohet partisë në pushtet. Të gjitha shkeljet e kësaj marrëveshje qoftë me Kushtetutën, qoftë me Kodin e Procedurës Penale vijnë vetëm në kuadër të forcimit të klimës së pandëshkueshmërisë zyrtarëve të lartë. Sepse nëse cakton kryprkurorin në mënyrë të paligjshme bën nul të gjitha hetimet ndaj tyre.

Dhe së dyti, liri për të gjitha grupet kriminale në vend. Caktimi i paligjshëm i prokurorëve do të bëjë të pavlefshme hetimet që po kryhen ndaj tyre.

Së fundmi dua të theksoj, se kjo marrëveshje është edhe një formë mbulimi ligjor që Prokurori i Përgjithshëm dhe ministri i Brendshëm po përpiqen për të vënë në jetë planin për ndryshimin e prokurorëve  që kanë sot nën hetim çështje të nxehta për opinionin publik.

Sepse dihet që me ngritjen e këtyre seksioneve, çështjet që ata do të kenë apo që kanë aktualisht nën hetim do të duhet t’i kalojnë seksioneve që kanë kompetencë lëndore sipas marrëveshje bashkëpunimi midis Prokurorit të Përgjithshëm dhe Ministrit të Brendshëm.

Thënë me një shembull konkret, dosja e ish-ministrit të Brendshëm Saimi Tahiri pas ngritjes për 5 ditë të këtyre seksioneve, nuk do të jetë më nën hetim nga prokurorët që e kanë sot nën hetim, por me një urdhër të Prokurorit të Përgjithshëm që do të duhet të dalë sipas pikës 1.11 të këtij Memorandumi Bashkëpunimi, do t’i kalojë prokurorëve të besuar që do të kalojnë vetëm testin politik, besueshmërisë ndaj partisë dhe që do të caktohen sipas këtij memorandumi bashkëpunimi. 

Oerd Bylykbashi: Qëllimi i reformës në drejtësi kur u nis, ndër të tjera ishte garantimi i pavarësisë së sistemit të drejtësisë dhe në mënyrë të veçantë i ndjekjes penale me një qëllim të thjeshtë: që të zhbëhet përfundimisht pandëshkueshmëria e zyrtarëve të lartë, politikanëve, ministrave, krimit të organizuar.

Kjo qe përpjekja e vazhdueshme e Partisë Demokratike kur e çuam dy herë në Komisionin e Venecias draftin kushtetues të Partisë Socialiste dhe sipas Komisionit të Venecias kapte drejtësinë. Me sukses e fituam atë betejë me datë 21 korrik, u arrit një marrëveshje që garantonte në kushtetutë moskapjen e drejtësisë.

Që nga atëherë e në këto dy vite, PS ka bërë çdo gjë për të zhbërë konsensusin kushtetues me një qëllim të thjeshtë: kapjen e sistemit të drejtësisë, në mënyrë të veçantë të Prokurorisë, të ndjekjes penale në mënyrë që ministrat e korruptuar, ministrat e inkriminuar në krimin e organizuar apo kriminelët trafikantë të cilët i kanë shërbyer këtij pushteti për të ardhur në qeveri me vota të blera dhe me presion të mos dënohen.

Ligji për SPAK-un, strukturën e posaçme antikorrupsion, pra për Prokurorinë e Posaçme që do të luftojë korrupsionin dhe krimin e organizuar është i vetmi ligj në 7 ligjet e reformës në drejtësi që është miratuar me konsensusin e plotë, pra edhe me votat e Partisë Demokratike.

Kjo bazuar në pranimin e plotë nga ana e partnerëve ndërkombëtarë, në mënyrë të veçantë nga OPDAT të të gjitha vërejtjeve që bënte Partia Demokratike në lidhje me kapjen që siguronte në ligj të Prokurorisë drafti i Partisë Socialiste.

Pra, me mbështetjen e partnerëve ligji u ndryshua në përputhje me propozimet tona dhe u garantua moskapja e SPAK-ut. Po kështu me vendim të Gjykatës Kushtetuese është hequr mundësia për të kontrolluar dhe në ligjin e SPAK-ut, për të kontrolluar qeveria Byronë Kombëtare të Hetimit. Këto kanë ndodhur në të shkuarën. Ajo që bënë kjo marrëveshje sot zhbën totalisht Kushtetutën, ligjin e SPAK-ut dhe vendimin e Gjykatës Kushtetuese që garantojnë moskapjen e Prokurorisë që kërkon të dënoj Saimir Tahirin, ministrat, Edi Ramën dhe gjithë kriminelët habilajt e me radhë që janë rrotull tyre.

E gjithë kjo ndodh në një moment shumë kritik, kur Gjykata Kushtetuese në vetvete po përballet me një kolaps të vazhdueshëm, që nuk po arrin më të marrë vendime dhe bllokohet në mënyrë të qëllimshme ngritja në numër të plotë i Gjykatës Kushtetuese, në mënyrë që këto veprime antikushtetuese të mos zhbëhen përmes kësaj gjykate.

Shteti i së drejtës bazuar në Kushtetutë dhe në ligj ka rënë, sot bazohet në memorandume të cilat qarkullojnë nëpër zyrat e pushtetit por jo Kushtetuta dhe ligji.

Qëllimi është i thjeshtë: Edi Ramës Kryeministër, të zhytur në zullumet e krimit dhe korrupsionit i duhet një prokuror privat i përkohshëm, këtë  e arriti me 18 dhjetor.

Ky prokuror i përkohshëm privat ka luksin që të arrijë marrëveshje afatgjata, që tregon qartë se dizenjo e kryeministrit është ta mbajë sa më gjatë për të garantuar se do të bëjë hetimin penal siç i leverdis Edi Ramës.

Meqë nuk mjaftonte Prokurori i Përgjithshëm i Përkohshëm Privat, sot Edi Rama krijon edhe SPAK-un privat nëpërmjet kësaj marrëveshje.

SPAK-u i parashikuar në Kushtetutë dhe në ligj si i pavarur edhe nga Prokurori i Përgjithshëm me këtë marrëveshje është nën urdhrin e plotë të Edi Ramës, nëpërmjet zbatuesit të këtij urdhri që është Ministri i Brendshëm.

Ministri i Brendshëm është ai që do t’i diktojë punën prokurorisë në hetimin e krimit të organizuar, përfshi dosjen “Habilajve”.

Prishja e hetimit nëpërmjet paligjshmërisë dhe antikushtetueshmërisë që i garanton kjo marrëveshje është dhurata më e madhe që i bëhet Edi Ramës për të pasur imunitetin nga ndjekja penale dhe nga ndëshkimi penal në vitet e ardhshme. Sepse të gjithë ata që do të dënohen do të kenë mundësinë ta godasin paligjshmërinë në Gjykatë Kushtetuese apo më lart.

Në konkluzion, kjo marrëveshje antikushtetuese, e paligjshme e cila në vetvete përbën një skandal të papranueshëm dhe që është një zhbërje e të gjithë objektivave të reformës në drejtësi, nuk është gjë tjetër veçse gjethja e fikut me të cilën Edi Rama kërkon të mbulojë kapjen e drejtësisë nëpërmjet mashave që po prodhon me memorandumet e tij. 

Pyetje: Cili është ndryshimi mes struktures së krijuar në këtë marrëveshje dhe SPAK-ut?

Enkelejd Alibeaj: SPAK-u është Prokuroria Speciale, do të duhet të hetojë sipas ligjit, sipas reformës në drejtësi krimin e organizuar, korrupsionin e qeveritarëve. Që të jetë e suksesshme dhe e besueshme për t’i hetuar në mënyrë të suksesshme qeverinë dhe krimin, do të duhej të ishte, përdoret ky term-të ishte tashmë, -i pavarur nga politika, i pavarur edhe nga Prokurori i Përgjithshëm. Dhe kjo ishte një nga tezat më të mëdha të reformës në drejtësi. Shpresa e madhe që “Forca e ligjit” do të sintetizohej tek SPAK-u, Prokuroria Speciale.

Marrëveshja e shndërron SPAK-un, në një trup prokurorësh politikë dhe të besuar të Edi Ramës, pa veting, prej komisioneve të vetingut, pa ONM, që kalojnë vetëm filtrin e Fatmir Xhafës.

Dhe së fundi që janë nën urdhrat e drejtpërdrejtë, tashmë jo në mënyrë okulte, por të shkruar e zeza mbi të bardhë të drejtuesit të SPAK-ut me emrin Edi Rama.

Ky është ndryshimi. Ky është fundi pa lavdi i reformës në drejtësi. 

Pyetje: Përse nuk e merrni në konsideratë këtë marrëveshje si ndihmë ndaj luftës së krimit të organizuar dhe  korrupsionit, përderisa SPAK nuk është ngritur?

Gazment Bardhi: Deri në ngritjen e Prokurorisë së Posaçme Antikorrupsion dhe kundër krimit të organizuar e ka vendosur Kushtetuta dhe Kodi i Procedurës Penale se kush i ushtron kompetencat e kësaj strukture. Kompetencat e kësaj strukture ushtrohen nga Prokuroria e Krimeve të Rënda dhe sipas kompetencës që kanë prokuroritë nëpër rrethe. Caktimi i prokurorëve për hetimin e një çështje konkrete, bëhet sipas rregullave të Kodit të Procedurës Penale me short. Risia që sjell kjo marrëveshje është: eliminimi i shortit, krijimi i një trupe prokurorësh të besuar dhe besnikë ndaj partisë dhe qeverisë që do të marrë në dorë kontrollin e hetimit të këtyre çështjeve.

Dua të theksoj edhe një gjë, nxitimi për të krijuar këto seksione në kushtet kur ne jemi në prag të ngritjes së Këshillit të Lartë të Prokurorisë dhe SPAK-u sipas ligjit krijohet vetëm brenda 2 muajve nga krijimi i Këshillit të Lartë të Prokurorisë, tregon se synimi i kësaj marrëveshje është heqja e dosjeve nga duart e prokurorëve që sot i hetojnë këto çështje, kalimi i çështjeve penale, përfshi dosjen e ish-ministrit të Brendshëm Saimir Tahiri në duart e prokurorëve besnikë me qëllim që ajo të mbyllet ende pa u krijuar Prokuroria e Posaçme Antikorrupsion, ajo që ne e njohim me termin SPAK.

Nuk mund të ndryshosh Kushtetutën dhe Kodin e Procedurës Penale me marrëveshje bashkëpunimi të diktuara me urdhër Kryeministri, është cituar në Memorandumin e Bashkëpunimit midis Ministrit të Brendshëm dhe Prokurorit të Përgjithshëm.

Prokurori i Përgjithshëm dhe gjithë prokurorët në territorin e Republikës së Shqipërisë janë të detyruar t’i nënshtrohen Kushtetutës dhe ligjit, jo marrëveshjeve të bashkëpunimit që lidh përfaqësuesi i Edi Ramës në Prokurorinë e Përgjithshme me përfaqësuesin e Edi Ramës në Ministrinë e Brendshme. 

Pyetje: Zoti Bylykbashi, ju negociuat me amerikanët për ligjin e SPAK. 

Oerd Bylykbashi: Ajo negociatë dhe ajo marrëveshje është një nga elementët kryesorë dhe një nga arritjet kryesore të opozitës; jo vetëm që ishte në përputhje me akordin e asistuar nga partnerët ndërkombëtarë në kohën kur u miratua Kushtetuta, dhe që ligjet do të miratoheshin me shumicë të cilësuar, kur partnerët ndërkombëtarë na u ofruan për të kërkuar zgjidhje dhe për të negociuar një zgjidhje të përbashkët për ligjin e SPAK-ut, për shkak se ka një rëndësi kaq të madhe, ishin këta partnerë ndërkombëtarë që pranuan të gjitha objeksionet tona, kjo është prova më e fortë e vullnetit të opozitës shqiptare, PD për reformën në drejtësi dhe për luftën kundër krimit të organizuar dhe korrupsionit.

SPAK-u është tehu i shpatës i sistemit të drejtësisë. Ishte shpata e Demokleut që ndoshta i mungonte sistemit të vjetër të drejtësisë. E arritëm nëpërmjet atij ligji me konsensus të plotë njësoj si për Kushtetutën, e për rrjedhojë zbatohet e tillë. Veprimi i sotëm nuk është gjë tjetër veçse, i hiqet shpata drejtësisë i jepet në dorë kryeministrit për të bërë drejtësinë siç donë ai.

Në ç ‘kuptim?! Do ta fusë në këllëf në mënyrë që Habilajt kompani, Tahiri dhe ministrat e tjerë  të korruptuar të mos shkojnë para drejtësisë.

Shumë e thjeshtë, nëse ata shkojnë para drejtësisë edhe Edi Rama është pas tyre në rresht. Për rrjedhojë kjo përbën edhe zhbërjen e një prej kolonave kryesore që ka reforma në drejtësi dhe do të jetë me pasoja të rënda afatgjata në zbatimin e shpejtë të kësaj reforme.

Deklarata e anëtarit të Këshillit Bashkiak të Tiranës Fabian Topollaj, për vendimin e Gjykatës mbi pavlefshmërinë e 6 mandateve të PS

• Gjykata Administrative shpall të pavlefshëm mandatin e 6 anëtarëve të Këshillit të Bashkiak të Tiranës.

• Vendimi i Erion Veliajt për rritjen e çmimit të ujit, buxheti klientelist dhe të gjitha vendimet e tjera korruptive janë të pavlefshme.

• PS dhe Erion Veliaj në Këshillin Bashkiak të Tiranës sot janë në minorancë.

Deklarata e plotë e anëtarit të Këshillit Bashkiak, Fabian Topollaj.

Topollaj: Jam sot këtu për të lajmëruar se Gjykata Administrative i ka hequr mandatin 6 këshilltarëve të Partisë Socialiste në Këshillin Bashkiak të Tiranës. Ka deklaruar absolutisht të pavlefshëm mandatin e këshilltarëve të cilët e kanë marrë këtë mandat si zëvendësues të këshilltarëve që janë deklaruar deputetë nga zgjedhjet e 25 qershorit.

Kjo është një vendimmarrje shumë e rëndësishme e Gjykatës e cila ka pasoja shumë të mira për qytetarët e Tiranës.

Kjo është një vendimmarrje, e cila sjell anullimin e pothuaj të të gjithë vendimeve të Këshillit Bashkiak nga data 26 Korrik 2017 dhe në vijimësi dhe është një vendimmarrje e cila rrëzon rritjen e çmimit të ujit për qytetarët e Tiranës. Një rritje kjo abuzive e  bërë nga Erion Veliaj. Është një vendimmarrje, e cila rrëzon automatikisht me dhjetëra afera korrutive të bëra nga Erion Veliaj,  të kaluara në Këshillin Bashkiak të kësaj periudhe.

Lajmi i mirë i anullimit të 6 mandateve të këshilltarëve bashkiakë të Partisë Socialiste, është që më në fund pavarësisht se Erion Veliaj është përpjekur dhe ka blerë deri tani 4 këshilltarë të LSI-së, lajmi i mirë është që interesat e qytetarëve të Tiranës, sot në qytetin e Tiranës në Këshillin Bashkiak janë më shumë se interesat klienteliste të Erion Veliajt.

Unë në rolin e Këshilltarit Bashkiak, bëra detyrën time duke ndjekur këtë çështje ligjërisht, për anullimin e të gjithë këtyre vendimmarrjeve abuzive dhe korruptive, siç është rritja e çmimit të ujit dhe dhjetëra afera korruptive të kaluara nga Erion Veliaj në këtë periudhë.

Shpresoj që opozita e cila është me më shumë mandate sot në Këshillin Bashkiak, të ruajë këtë mazhorancë, sepse opozita në Këshillin Bashkiak, ka parësore interesat e qytetarëve, ndërsa Erion Veliaj që ka dalë në minorancë ka parësore dhe vetëm interesat e tij klienteliste dhe korruptive.

Lajmi për qytetarët e Tiranës është që Erion Veliaj ka kaluar në minorancë në Këshillin Bashkiak.

Kjo ka sjellë rrëzimin e të gjitha akteve korruptive. Falenderoj Gjykatën Administrative që ka dhënë një vendim tepër të drejtë në këtë rast.

Pyetje: Nga  e ka bazuar vendimin Gjyakata?

Topollaj: Gjykata e ka bazuar vendimin në Ligjin për Vetëqeverisjen Vendore i cili parashikon krejt qartë proçedurën se si merret mandati i këshilltarit bashkiak. Në mbledhjen e 26 korrikut, 6 këshilltarë të PS-së nuk e kanë marrë mandatin sipas proçedurës ligjore. Kjo për shkak se Erion Veliaj nuk i kishte votat për t’iu dhënë mandatin në Këshillin Bashkiak 6 këshilltarëve të rinj. Vendimi është krejtësisht i qartë dhe efektet e tij janë poz itive. Anullon rritjen e çmimit të ujit dhe dhjetëra afera korruptive të Erion Veliajt të dhëna gjatë kësaj periudhe në qytetin e Tiranës.

Pyetje: Çfarë ndodh me mandatin e këshilltarëve?

Topollaj: Për t’u rimandatuar duhet të bëhet proçedura nga e para. Është Këshilli Bashkiak ai që vlerëson se a duhet ta marrin apo jo mandatin këta këshilltarë, ashtu siç ligji e parashikon, por përpara se të ndodhë kjo, duhet të anullohen të gjitha vendimet që janë kaluar nga korriku i 2017-ës e këtej.

• Ekstradimi i Nezar Seitit, financiarit që do të dëshmonte para drejtësisë sa parà ka marrë nga droga Rama dhe Tahiri është skandali më i madh në 27 vjet.

• Familjarët e Seitit kanë pohuar se ai do të bëhej bashkëpunëtor i drejtësisë duke rrëzuar alibinë e Ramës për të mbrojtur Saimir Tahirin.

• Kreut të Grupit të Opozitës iu ndërpre fjala dhe nuk iu lejua të kërkojë praninë në sallë të Edi Ramës, përgjegjësit kryesor për ekstradimin e paligjshëm të Seitit.

• Ky Parlament është pengesa kryesore për drejtësinë, për barazinë para ligjit për Integrimin Europian. Opozita do të qëndrojë bashkë me shumicën e shqiptarëve.

Deklarata e plotë e Kryetarit të Partisë Demokratike, Lulzim Basha para Parlamentit

Skandali më i madh në 27 vjet histori është rrëmbimi i Nezar Seitit, financieri i bandës së Habilajve. Njeriut që ka mbajtur shënim se sa para i janë dhënë Saimir Tahirit, sa për veten e tij, sa për Edi Ramën, sa për zyrtarët e tjerë të lartë të kësaj mafia, të kësaj bando-qeverie.

Dhe i cili sipas vetë pohimeve të familjarëve të tij ishte bërë gati të kthehej në bashkëpunëtor të drejtësisë, duke i dhënë kështu çështjes “Tahiri -Habilaj” një zgjidhje vendimtare duke rrëzuar çdo alibi të Ramës për mos arrestimin dhe mos vënien para drejtësisë dhe prapa hekurave të ministrit të tij shembull. Duke i dhënë Shqipërisë peshkun e parë të madh i cili do të hapë rrugën për peshqit e tjerë të mëdhenj autorët e inkriminimit të Shqipërisë, autorët e aleancës me krimin, autorët e mbytjes së Shqipërisë në drogë si pasojë e së cilës shqiptarët sot janë më të varfër, më të papunë, më të pashpresë dhe me emigracionin më të lartë sesa në 15 vitet e fundit.

Por mafia në pushtet e ekstradoi duke shkelur të gjitha ligjet me një qëllim, që t’i mbyllë gojën dhe të zvarrisë dhe të mbrojë Saimir Tahirin, për të mbrojtur Edi Ramën, për të mbrojtur kupolën mafioze në pushtet.

Sot opozita në Parlament kërkoi fjalën në përputhje me rregulloren për të kërkuar praninë e Edi Ramës i cili u fsheh, siç u fsheh para bashkimit të shqiptarëve më 27 janar, kërkoi vrimën e miut për t’u fsheh opozitës siç u fsheh zërit të qytetarëve më 27 janar.

Kërkoi praninë e Edi Ramës për ta përballur pikërisht me këtë skandal më të madhin në 27 vite. E rëndë është bashkëpunimi i ish-ministrit të Brendshëm me bandat e drogës dhe përfitimi i milionave të drogës. Por shumëfish më i rëndë është ky skandal i cili vërteton se Kryeministri, Ministri i Brendshëm, Ministri i Drejtësisë, Prokuroria e Përgjithshme, Drejtoria e Ekstradimeve në Prokurori, Drejtoria e Ekstradimeve në Ministrinë e Drejtësisë, Drejtoria e Përgjithshme e Burgjeve, Interpoli, Policia e Shtetit janë bërë të gjithë bashkë në këtë komplot, në këtë konspiracion për t’i mbyllur gojën dëshmitarit kyç në momentin që ky pranoi të bëhej bashkëpunëtor i drejtësisë.

Vendi është në kthetrat e mafias. Opozita nuk do të pranojë kurrë t’i mbyllet goja. Ky nuk është më nje Parlament. Kjo është një zezanë, pengesa kryesore për drejtësi, për barazi para ligjit, pengesa kryesore për avancimin e shqiptarëve në rrugëtimin e tyre europian.

Më 27 janar shqiptarët treguan se e kanë vrarë frikën dhe se e kanë vendosur të marrin fatin e tyre në duart e tyre.

I garantoj sot këtu jashtë kësaj salle dhe brenda kësaj salle se opozita do të jetë në krah dhe në ballë të kësaj përpjekje jetike për të marrë në dorë fatin tonë. I cili sot është në duart e një bande kriminale, siç e provon qartësisht super-skandali i rrëmbimit nga shteti të dëshmitarit kyç Nazer Seitaj.