Rama u pasurua duke shitur 220 milionë euro naftë, duke i falur kompanisë borxhin 100 milionë euro dhe duke lejuar mospagimin e taksave në shumën e 50 milionë eurove gjatë vitit 2017.
Video tregon se Partia Demokratike e denoncoi skemën që në shtator 2016 dhe se Edi Rama mashtroi, kur foli atëherë për zgjidhjen e problemit.
Tani, naftëtarët janë sërish në protestë për rrogat e papaguara, por Edi Rama tallet, kur naftëtarët thonë se nuk kanë bukë.
Rama mbron Sajmir Tahirin, mbron trafikun e drogës. Nuk ka drejtesi, as Europë, nese Tahiri dhe policia e inkriminuar nuk japin llogari para drejtesise! Protesto per drejtesine e barabarte per te gjithe! Protesto me 27 janar!
Komunikimi pas takimit të aleatëve opozitarë në Partinë Demokratike
Komunikimi i plotë me gazetarët pas takimit të aleatëve opozitarë në selinë e Partisë Demokratike.
Basha: Kemi rakorduar me aleatët parlamentarë të gjitha detajet për ditën e nesërme, sa i takon organizimit politik. Jemi në përditësim të lajmeve nga të gjitha anët e vendit, nga Tirana, të cilat flasin për një pjesëmarrje gjigande, rekord në protestën e nesërme.
Sot ka një marrëdhënie të re, të ndryshme, nga gjashtë muaj më parë, midis pushtetit dhe qytetarëve. Shumica dërrmuese e qytetarëve, nuk kanë më asnjë dyshim se ky pushtet është i kapur nga banditët dhe dhe është në funksion të banditëve.
Ka vendosur ekonominë dhe drejtësinë në funksion të mbrojtjes së banditëve dhe kriminelëve. Dhe, kjo është arsyeja e të gjithë halleve dhe padrejtësive që përjetojnë familjet e shqiptarëve, pavarësisht prej bindjeve të ndryshme politike.
Kjo është edhe arsyeja se përse nesër në sheshin e protestës, do të derdhen me qindra mijëra shqiptarë, demokratë, socialistë të bindjeve të ndryshme politike për t’u bashkuar në një protestë qytetare dhe popullore, e cila paralajmëron dhe shpall këtë raport të ri të shumicës dërrmuese të qytetarëve, të vendosur për të çliruar Shqipërinë, drejtësinë, qeverinë dhe ekonominë nga krimi dhe një pakice pushtetarësh të inkriminuar e të korruptuar, të cilët kanë blerë pushtetin e tyre në zgjedhjeve të 25 Qershorit dhe që janë sot pengesa kryesore për Shqipërinë europiane, për vendet e punës, për ndaljen e hemoragjisë së emigrimit, për shkollat dhe institucionet e shëndetësisë të cilat janë në kolaps, për të ardhmen e rinisë studentore, për punësimin e të rinjve dhe të gjithë të papunëve, për shpresën dhe besimin e shqiptarëve për një të nesërme më e mirë.
Ne të gjithë do të jemi në këtë protestë. Unë do të jem me familjen time. Nuk do të jetë luftë, nuk do të jetë as spektakël, do të jetë një protestë madhështore popullore që do të japë këtë mesazh: Do të shpallë që shumica e shqiptarëve të ndershëm nuk e pranojnë më realitetin e banditëve në qeveri. Banditët e kanë vendin para drejtësisë, e kanë vendin në burg dhe kjo është dhe pengesa kryesore që duhet hequr për Shqipërinë europiane me një ekonomi të zhvilluar, me vende pune dhe me mundësi dinjitet dhe liri për çdo shqiptare e çdo shqiptar.
Ndaj ejani të gjithë, mos rrini në shtëpi duke mallkuar, mos rrini gojëkyçur e të heshtur para padrejtësive që ju bëhen. Dita e nesërme është dita e shpalljes së bashkimit më të madh të shqiptarëve të ndershëm. Është dita e shpalljes një herë e mirë e këtij raporti të shumicës dërrmuese të qytetarëve përballë një pakice e cila nuk ka rrugë tjetër përveçse të hapë rrugën, të mos jetë më pengesë, të largohet dhe përmes një qeverie antimafia, t’i japë shqiptarëve zgjedhje të lira e të ndershme, t’i japë shqiptarëve, një qeveri të çliruar nga krimi, një drejtësi të çliruar nga krimi, një ekonomi të çliruar nga krimi, shëndetësi, arsim dhe shërbim për të gjithë!
Pyetje: Znj. Kryemadhi, Policia thotë se ka informacione që mbështetës të LSI-së do të bëjnë dhunë më 27 janar. Si është e vërteta?
Kryemadhi: Kjo është frika e Edi Ramës. I bëj thirrje të gjithë shqiptarëve, sidomos vajzave dhe grave, madje edhe ju gazetarëve, që të jeni prezentë për të protestuar për fyerjen e madhe që Rama i ka bërë medias shqiptare, duke u quajtur kazan. Prezentë të jenë të gjithë ata shqiptarë për faktin që kjo qeveri po krijon një eksod të paparë të rinisë shqiptare drejt vendeve të tjera.
Prezentë të jenë me familjarët dhe fëmijët e tyre sepse nuk ka për të pasur asnjë dhunë në protestë. E vetmja dhunë mund të jetë nga provokatorët e Edi Ramës. Dhe i bëj thirrje të gjithë qytetarëve të mbajnë telefonat me vete, të filmojnë çdo provokator, të jenë të kujdesshëm.
Dhe ne nga ana jonë do të marrim masa për të mos rënë pre e provokimeve, të punonjësve civil të Policisë së Shtetit. I bëj thirrje ministrit të Brendshëm, Xhafaj, të jetë i kujdesshëm me deklaratat që lëshon policia se do të ketë probleme, do përballet jo me përfaqësuesit e LSI por me realitetin e dhimbshëm dhe ët hidhur që po kalojnë shqiptarët. Protesta e nesërme do të jetë një ndër protestat më paqësore por do të jetë një nga protestat më madhështore që ka bërë ndonjëherë opozita në Shqipëri. Do të marrin pjesë jo vetëm shqiptarë por edhe ata ndërkombëtarë që janë të martuar me shqiptarë, edhe ata të huaj që punojnë dhe jetojnë në Shqipëri sepse do të protestojnë kundër taksidarëve të Edi Ramës dhe gjobave të Edi Ramës dhe gjobave të kriminelëve kundër bizneseve të huaja. Do të protestojnë sepse duan të jetojnë ën Shqipëri ashtu si të gjithë shqiptarët e tjerë.
Ndaj mos kini frikë. Do të protestë shumë e bukur. Edhe Zoti e ka bekuar protestën e ditës së nesërme me këtë kohë kaq të bukur. Dhe të jeni të bindur që kur Zoti është me opozitën sigurisht që do të jetë edhe më të gjithë shqiptarët.
Pyetje: Çfarë do të ndodhë me 28 janar?
Basha: Tani edhe një herë për 27 janarin. Të rrimë tek 27-a.
Kryemadhi: Do ta vendosi populli 28-ën, nuk do ta vendosim ne.
Basha: Dua të theksoj edhe një herë këtë që tha znj. Kryemadhi që ne do të jemi në protestë me familjarët dhe çdo gjë informacion apo fake news që shpërndahet për një skenar ndryshe të një proteste, shpreh panikun dhe përpëlitjet e fundit të kriminelëve në pushtet dhe interesave të kriminelëve që mbron pushteti i korruptuar i Edi Ramës.
Mund ta them me gojën plot që paniku është i justifikuar për arsyen e vetme, sepse nesër do të marrë formë dhe do të ketë konturet më të qarta për t’u parë për çdo faktor politik vendas dhe të huaj bashkimi i madh i shqiptarëve për ndryshim, pavarësisht prej gjërave që na ndajnë.
Ne jemi të gjithë të bashkuar këtu në dëshirën për ndryshim. Vendi nuk mund të vazhdojë kështu. Na bashkon e ardhmja, shpresa që nuk vdes kurrë, besimi për një të nesërme më të mirë dhe mbi të gjitha dëshira për ndryshim. Shqiptarët e kanë kuptuar, kështu nuk vazhdohet më. Dhe nesër bashkimi i madh i shqiptarëve në këtë protestë do të jetë sinjali më i qartë se kështu nuk do të vazhdohet më, se balanca është zhvendosur përfundimisht në krahun e së mirës, në krahun e shqiptarëve të ndershëm, se nuk ka forcë kriminale, korruptive, banditë të veshur me portofole ministrore apo deputetësh, apo me funksione të tjera zyrtare të cilët mund të mbajnë më peng Shqipërinë, ekonominë e saj, fëmijët e saj, të ardhmen e saj europiane. Ky do të jetë mesazhi i protestës. Ejani të gjithë! Secili ka hallin, padrejtësinë e vet. Të gjithë bashkohemi në domosdoshmërinë për ndryshim. Dhe nesër do të jetë bashkimi më i madh i shqiptarëve për të shpallur nisjen e këtij ndryshimi.
Mirë se vini nesër në orën 12:00 në Bulevardin “Dëshmorët e Kombit”!
Faleminderit!
Fjala e plotë e kryetarit të Partisë Demokratike, Lulzim Basha, në Kuvend
Zonja dhe zotërinj, të nderuar qytetarë,
E shikoni si është katandisur kjo sallë. Kështu katandiset Parlamenti i një vendi, kur mazhoranca zgjidhet me votat e Durim Keçërve, e banditëve, e shulazërve, e habilajve, e balilajve. Ky është fati i asaj që duhet të jetë, tempulli i demokracisë dhe që duhet të marrë vendimet më të rëndësishme për jetët tuaja dhe fëmijëve tuaj.
Nuk ka fund tjetër autokracia e krimit dhe korrupsionit, përveç se fundit që shikoni këtu në sallë.
Kur vjen në pushtet me votat e krimit, nuk ke përgjegjësi për qytetarët, ndaj përgjegjësia e vetme e kësaj mazhorance të kapur në krim dhe të zhytyr në drogë, është të shtyjnë orët me tallje ndëkrohë që fryjnë pasuritë dhe pushtetin e tyre.
Do të doja shumë në këtë sallë të flisja për investime, por në Shqipëri investime nuk ka.
Investitorët janë përzënë me dajak nga banditët e Edi Ramës, për t’iu rrëmbyer investimet, për t’iu rrëmbyer pronat, për t’iu rrëmbyer pronat, për t’iu rrëmbyer kapitalin. Dhe janë zëvendësuar me kriminelët me damkë nga Emiliano Shullazi, tek Lul Berisha. Me një qëllim, për të vazhduar pasurimin dhe pushtetin e Edi Ramës.
Do të doja shumë të flisja për politika ekonomike, por e vetmja politikë ekonomike është grabitja e pasurive të vendit nga Edi Rama dhe bandat plaçkitëse e klientëve të tij.
E vetmja politikë ekonomike për këtë vit, është pasurimi i Edi Ramës dhe sejmenëve të tij, të ulur pas meje përmes grabitjes qindar milionë euro të aferës së inceneratorëve e cila sapo ka nisur të zbulohet.
Do të doja të flisja për politikat e punësimit, të flisja për punësimin tuaj të dashur qytetarë, por e vetmja industri që krijon vende pune sot në Shqipëri, është industria e krimit.
Dhe do të bëhet më keq! Shqipëria është në prag të falimentimit ekonomik. 13 mijë biznese mbyllën dyert vitin e kaluar. 50 në ditë. Nëse nuk e ndalim sot rrënimin, vendi do të falimentojë.
Shqipërinë e kërcënon kaosi, sepse rendi dhe siguria janë në përkeqësim nga dita në ditë: kriminelët, banditët e lënë të lirë rrugëve, të pasuruar me paratë e drogës po luftojnë nëpër rrugët e Shqipërisë, nëpër sheshet e qyteteve tona për të larë hesape dhe për të zgjidhur konkurencën mes tyre. Tritoli dhe vrasjet e fundit në Shkodër, Vlorë, Krujë, Gjirokastër e Tiranë janë fatkeqësisht vetëm fillimi.
Nga kjo rrugë pa krye ku ka hyrë vendi ynë, nuk mund të na nxjerrë njeriu që na solli këtu. Nëse nuk largohet, Edi Rama do të vazhdojë të prodhojë fatkeqësi dhe shkatërrim për këtë vend, për familjet tuaja, për fëmijët tuaj!
Harrojeni, se një njeri që e mbushi politikën me kriminelë, një njeri që zgjedh trafikantët të bëjnë ligje dhe drejtojnë vendin, një njeri që mes kriminelëve ndihet më mirë se mes familjes së tij, një njeri që u heq paratë e ilaçeve të msëmurëve me kancer për t’ja dhënë klientes së tij, një njeri i babëzitur për para’ dhe pushtet, do të mund të reflektojë apo të ndryshojë.
Edi Rama do të mbetet ai që është: një njeri që fle edhe me djallin, për para dhe pushtet.
Këtij njeriu nuk mund t’ia lëmë në dorë fatin e fëmijëve tanë. Këtij njeriu nuk mund t’ia lëmë në dorë të ardhmen tonë.
Shqiptarët sot janë njerëzit më të varfër dhe më të pashpresë të Europës. Harrojeni se nga kjo varfëri do të dalim duke qëndruar gojë mbyllur e të heshtur!
Heshtja sjell vetëm një gjë: të varfërit i varfëron më shumë dhe të pasurit i pasuron më shumë.
Nëse heshtim, të gjithë ne, të gjithë shqiptarët do të varfërohen edhe më shumë, Edi Rama dhe banda e tij e plaçkitësve do të pasurohen e do të bëhen edhe më të fortë.
Sot dua t’ju them të rinjve se nëse nuk doni ta kërkoni të ardhmen në rrugët e botës, duhet të dilni e të reagoni nëpër sheshet e Shqipërisë.
Dua t’ju them të sëmurëve dhe familjarëve të tyre, se nëse nuk doni të vuani për të pasuruar Vilma Nushin me shokë, duhet të ngriheni e të reagoni sot!
Dua t’ju them nënave, nëse nuk doni që fëmijët tuaj të përfundojnë si përdorues të drogës, duhet të ngrini zërin tuaj sot!
Sot unë dua t’ju them bizneseve të vogla, se nëse nuk reagoni, nesër do të jeni të gjithë skllevër të konçesionit të TVSH-së që po përgatitet për vëllain e kryeministrit.
Disa nga ju mund të mos jenë dakord me mua dhe Partinë Demokratike. Por ne kemi bërë diçka që është e qartë dhe e thjeshtë për t’u kuptuar nga të gjithë: Ne kemi qëndruar.
Ne qëndruam përballë krimit. Ne qëndruam përballë drogës. Ne qëndruam përballë keqqeverisjes.
Sepse ne qëndruam, u denoncua projekti i kthimit të Shqipërisë në Kolumbi. Sepse ne qëndruam, parlamenti u pastrua nga shumë kriminelë, trafikantë, vrasës dhe përdhunues.
Sepse ne qëndruam, u ndalua, të paktën deri tani, importi i plehrave.
Por kaq nuk mjafton. Është koha të bashkohemi e të qëndrojmë të gjithë.
Ndaj ju ftoj që të ngrihemi e të qëndrojmë së bashku. Si shqiptarë, si njerëz që jetët i kemi të lidhura me njëri-tjetrin, si njerëz që të ardhmen e kemi bashkë në këtë vend.
Ne kemi vetëm një qëllim: një shoqëri të drejtë dhe të mirë për të gjithë.
Ne duam të njëjtën gjë: një shoqëri ku ka një drejtësi të barabartë, si për Saimir Tahirin ashtu edhe për Dritan Zaganin, si për Erion Veliajn ashtu edhe për Ardit Gjoklajn, si për Vilma Nushin edhe për dyqanxhinjtë që mbajnë fëmijët me stërmundimin e përditshëm e të përnatshëm.
Ne duam të njëjtën gjë: një shoqëri ku të gjithë fëmijët e shqiptarëve të kenë mundësitë e fëmijëve të pushtetarëve.
Ne duam të njëjtën gjë: një shoqëri ku ka liri, mundësi dhe dinjitet për çdo shqiptar.
Një shoqëri ku puna vlerësohet, një shoqëri ku e ardhmja ndërtohet me mund garantohet, sigurohet e ardhmja juaj dhe e fëmijëve tuaj!
Një shoqëri ku kryeministri nuk është më edhe padroni i ekonomisë, edhe padroni i biznesit, edhe padroni i artit, edhe padroni mediave, i fjalës së lirë, i shpirtit.
Ne duam një shoqëri ku të mos jemi të detyruar të dëgjojmë llomotitjet e lajthitjet e përditshme të një kryeministri mashtrues, ndërkohë që fëmijët e shqiptarëve nuk kanë as bukë, as shkollë, as të ardhme.
Nëse i duam këto të drejta, duhet të ngrihemi për këto të drejta.
Nëse duam drejtësi duhet të ngrihemi të luftojmë e të ngremë zërin për drejtësi.
Nëse duam punë duhet të ngrihemi e të kërkojmë një qeveri që punon për punësimin.
Nëse do të heshtim dhe do të rrimë në shtëpi, do të vazhdojmë të jemi të tallur, të shpërfillur e të braktisur.
Asnjë qeveri nuk i ka rezistuar popullit bashkuar.
Asnjë qeveri, asnjë aleancë me krimin, asnjë qeveri sado e korruptuar nuk do t’i rezistojë dot bashkimit të njerëzve të ndershëm.
Unë dua t’i siguroj sot të gjithë: nëse ne bëhemi mijëra në sheshet e Shqipërisë, e keqja do të largohet.
Nuk ka asnjë alternativë tjetër: e vetmja alternativë përballë një qeverisje të keqe dhe inkriminuar, është forca e njerëzve që bëhen bashkë për të mirën, për lirinë, për dinjitetin, për të ardhmen.
Ndaj unë ju ftoj sot bashkëqytetarët e mi, të gjithëve pa përjashtim:
Ejani, të shtunën në orën 12.00, dhe deklaroni refuzimin tuaj, JO-në tuaj, distancimin tuaj, mospranimin e të keqes.
Ejani, pasnesër me 27 janar, bashkohuni me qindra mijëra shqiptarë, dhe ngrijeni zërin tuaj për çdo hall që ju ka mbërthyer, për çdo padrejtësi që ju bëhet çdo ditë.
Ejani, të diktojmë me bashkimin më të madh, fundin e qeverisë së paligjshme, fundin e kryeministrit narko-trafikant, për ti hapur rrugën një qeverie të ligjshme antimafia, një qeverie anti-varfëri, një qeverie të Reformës në Drejtësi.
Ejani t’ja dalim.
Ejani ta mundim mallkimin, se shqiptarët nuk bëjnë dot demokraci si gjithë Europa.
Ejani, ta dëshmojmë se mund ta bëjmë e bashkë do ta bëjmë.
Të shtunën në orën 12.00 përballë të keqes!
Kryetari i Partisë Demokratike Lulzim Basha tha në Rrëshen, se vendi nuk do të bëjë përpara, nëse do të vazhdojë të qeveriset nga aleanca me krimin. Basha, ftoi qytetarët që, me pjesëmarrjen e tyre në 27 Janar, të tregojnë refuzimin dhe vendosmërinë për largimin e Edi Ramës.
“Ne e dimë fare mirë se nuk ka asnjë vend ku kryeministri është kapur në flagrancë në bashkëpunim me krimin dhe vazhdon të mbetet në detyrë; ku Ministri i tij i Brendshëm në 4 vite dhe krahu i tij i djathtë është demaskuar si koka e drogës dhe shefi i tij vazhdon të mbetet në detyrë; ku studimet konfirmojnë se 20% e shqiptarëve kanë pohuar blerjen e votes dhe kryeministri mbetet në detyrë; se nuk ka asnjë shans që Shqipëria të futet në Europë pa futur Saimir Tahirin në burg, pa futur të gjithë zyrtarët e tjerë të korruptuar e të lidhur me krimin në burg, pa vënë Edi Ramën para përgjegjësisë politike dhe ligjore.“- u shpreh Basha.
Lulzim Basha tha se më 27 Janar shqiptarët do të tregojnë se nuk pranojnë të jenë më spektatorë të teatrit të Ramës, i cili fsheh me shfaqje luksoze varfërinë e qytetarëve dhe rrënimin e vendit.
“Kur i heq të gjitha, kur heq Edi Ramën balerin, Edi Ramën artist, Edi Ramën sportist, Edi Ramën babagjysh, kur i heq të gjitha këto me çfarë mbetemi? Mbetemi me një ekonomi të shkatërruar, me një bujqësi në faliment, me rini të pashpresë, me emigracion në rritje, me çmime në strastosferë të naftës, të dritave, të ujit. Me këto mbetemi. E gjithë pjesa tjetër është një shfaqje, është narkozë,”-tha Basha.
Kryetari i Partisë Demokratike theksoi se varfëria, papunësia, taksat e larta, gjobat ndaj bizneseve dhe mosdhënia llogari e kanë burimin tek blerja e zgjedhjeve me paratë e krimit dhe korrupsionit.
“Kam kënaqësinë ta jap këtë mesazh në Mirditë, se nuk ka asnjë mospërputhje; programi ynë, vizioni ynë, protesta jonë, objektivat e kësaj proteste dhe fitorja e betejës sonë është në përputhje totale me axhendën perëndimore, me Uashingtonin dhe me Brukselin,”-u shpreh Kryetari i Partisë Demokratike.
Deklarata e plotë e Drejtueses së Departamentit Antikorrupsion, Lealba Pelinku
Ndërtimi i 3 fabrikave për djegien e plehrave në Elbasan, Fier dhe Tiranë është një nga aferat më të mëdha korruptive të qeverisë së Edi Ramës.
Për të mbuluar korrupsionin, qeveria i ka mbajtur të fshehta kontratat e inceneratorëve, me të cilët Edi Rama dhe Arben Ahmetaj do të zhvasin 178 milionë euro, duke djegur plehra dhe duke helmuar ajrin.
2 prej 3 kontratave, ajo e Fierit dhe e Tiranës nuk janë botuar as ne Buletinin e Agjensise se Prokurimeve Publike dhe as ne Fletoren Zyrtare, duke kryer kështu edhe vepër penale.
Por, megjithëse qeveria i ka trajtuar kontratat e inceneratorëve te Fierit dhe Tiranës si sekret shtetëror, Partia Demokratike ia ka dale t’i gjejë këto kontrata, të cilat bëhen publike sot për herë të parë.
Kontratat kanë shkelje të rënda ligjore!
Përshembull: Kontrata për Fierin nuk ka të specifikuar vendin se ku do të ndërtohet, duke hyrë në histori si kontrata më antiligjore e firmosur ndonjëherë, sepse asnjë kontratë nuk mund të firmoset pa patur të përcaktuar truallin ku do të kryhet ndërtimi.
Kontrata e inceneratorit të Fierit, me pronarë të vërtetë Edi Ramën dhe Arben Ahmetajn, është ndër kontratat më korruptive, sepse ajo nuk ka të specifikuar as teknologjinë, as firmën e inceneratorit, asgjë!
Kontrata nuk e ka përcaktuar teknologjinë, sepse ajo është pjesa më e kushtueshme e një fabrike për djegien e plehrave. Sa më pak të kushtojë teknologjia, si këto që janë ndërtuar dhe po ndërtohen në Elbasan, Fier dhe Tiranë, aq më shumë helme do të nxjerrin në ajër nga djegia e plehrave!
Zbulimi i kontratave sekrete për inceneratorët e Fierit dhe Tiranës nxjerr zbuluar edhe mashtrimin skandaloz të pronarit të 3 inceneratorëve, Ministrit të Financave, Arben Ahmetaj.
Duke u përpjekur të akuzojë Lulzim Bashën, që kishte denoncuar aferën prej qindra milionë euro të inceneratorëve, Ministri i Financave deklaroi – citoj: “Projekti i Tiranës është ende larg konkretizimit dhe hëpërhë nuk mund të thuhet që është e sigurtë që do të zbatohet”
Që ky është një mashtrim i paskrupullt, këtë e tregojnë dy fakte:
Së pari, nga dokumenti i zbuluar prej Partisë Demokratike faktohet se kontrata për inceneratorin e Tiranës është firmosur në fund të Gushtit 2017, pra 3 muaj perpara se Arben Ahmetaj të gënjente publikisht.
Së dyti, “për një projekt që nuk ishte e sigurt se do te zbatohej”, Ministri i Financave Arben Ahmetaj ka përfshirë në buxhetin e 2018-ës disa miliona euro si pagesa për inceneratorin e Tiranës, ku në ortakëri është edhe kryebashkiaku Erion Veliaj.
Në ditët në vazhdim, Partia Denokratike do të shpjegojë me detaje sesi Edi Rama dhe Arben Ahmetaj, u kanë dhënë të drejtë inceneratorëve të djegin mbetjet pa i ndare ato, duke shkaktuar ndotje të lartë mjedisore dhe rrezik maksimal për shëndetin!
Në një vend ku drejtësia nuk kontrollohet nga kryeministri, kjo dosje do të përbënte prioritet për drejtësinë, por prokuroria hesht dhe peshqit e mëdhenj vazhdojnë të jenë të paprekshëm!
Partia Demokratike fton qytetarët të bashkohen me opozitën në 27 janar për t’i dhënë fund qeverisjes që nuk mendon për shëndetin tonë, por për pasurimin e kryeministrit dhe një grusht njerëzish rreth tij.
Së bashku, ne 27 Janar ne mund t’ia dalim!
Një tjetër kriminel i rrezikshëm është jashtë dyerve të burgut.
Durim Keçi, një nga peshqit e krimit, mik i Edi Ramës dhe Blendi Klosit, është liruar nga burgu. Me shumë gjasë, ai nuk do të ekstradohet në Itali, ku është dënuar për trafik drogë dhe prostitucioni.
Kryetari i Partisë Demokratike, Lulzim Basha, e paralajëmroi që në tetor se Durim Keçi do t’i shpëtonte drejtësisë, sepse kishte mik kryeministrin Edi Rama dhe i ka shërbyer atij në çdo palë zgjedhje. Në tetor, Lulzim Basha bëri të njohur ekzistencën e tabulateve telefonike të Edi Ramës me Durrim Keçin, të cilit i garantoi mosekstradimin.
Dhe kështu ndodhi. Reforma në drejtësi u përdor për të çliruar nga drejtësia kriminelët si Keçi dhe të tjerë të fuqishëm, që kërkohen për ekstradim në Itali.
Por Lirimi i Durim Keçit është edhe efekt i presionit të Edi Ramës ndaj drejtësisë dhe kontrollit politik nëpërmjet kryeprokurorit antikushtetues.
Që kur Edi Rama emëroi Prokurorin e Përgjithshëm pa vetting dhe në kundërshtim me kushtetutën:
Bashkë me lirimin e kriminelit Durim Keçi, këto janë prova konkrete se Edi Rama e ka blerë pushtetin nëpërmjet krimit dhe po e mban nëpërmjet kapjes së drejtësisë.
Ne kemi detyrën historike të mos lejojmë diktaturën e krimit! Prandaj ftojmë çdo shqiptar të bashkohet me opozitën në 27 Janar në sheshin e protestës për t’i thënë Edi Ramës se ne jemi njerëz të lirë dhe nuk e pranojme zgjedhën e krimit!
· Qeveria e paligjshme nuk ka për t’i rezistuar dot bashkimit të shqiptarëve. Më 27 Janar shqiptarët do t’i thonë Ramës se koha e tij ka mbaruar.
· Raporti i Forumit Ekonomik Botëror konfimon se varfëria dhe pabarazia janë rritur ndjeshëm gjatë 5 viteve të fundit. Pakica, e përfaqësuar nga Rama, është pasuruar akoma më shumë.
· Në 27 Janar të mundim mallkimin, se Shqipëria nuk bëhet. Së bashku do ta bëjmë Shqipërinë!
Pritja e shkodranëve për Kryetarin e Partisë Demokratike që në hyrje të qytetit me nje varg të gjatë makinash, tregoi akoma pa nisur aktivi, se shkodranët do të jenë në krye të protestës së 27 Janarit. Lulzim Basha u shprehu mirënjohjen për mikpritjen e veçantë, për mbështetjen që i japin atij dhe Partisë Demokratike, si dhe për kurajon për t’u ngritur kundër padrejtësive edhe në kohët më të vështira. Basha është i bindur se këtë mesazh shkodranët dhe shqiptarët do ta japin edhe të shtunën në sheshin e protestës.
“Qeveria e paligjshme nuk ka për t’i rezistuar dot bashkimit të shqiptarëve. Nuk i rezistoi dot diktatura e jo më t’i rezistojë Edi Rama, ky frikacak që e mbyllën 1200 naftëtarë në bunker. Çfarë do t’i bëjnë 12 mijë shkodranë, 120 mijë shqiptarë të bashkuar në sheshin e protestës më 27 janar? Do t’i thonë se koha jote ka marrë fund!” – u shpreh Basha.
Basha tha se arsyeja kryesore e shqiptarëve për të protestuar është braktisja që u ka bërë qeveria këto 5 vjet, gjatë të cilave gjendja ekonomike e shumicës absolute të familjeve është përkeqësuar. Kreu i opozitës theksoi se shkaku kryesor për gjendjen e mjeruar në vend është qeverisja nga një grup njerëzish që pushtetin e blenë me paratë, e krimit, drogës dhe korrupsionit.
“E vërteta është ai prindi në Laprakë që kishte shitur gjakun e trupit të tij për të ushqyer dy djemtë. E vërteta janë qindra, mijëra pensionistë që pasi paguajnë faturën e kripur të dritave dhe të ujit, nuk u ngelen lekë për ilaçe. E vërteta janë qindra, mijëra të rinj të talentuar, të zgjuar, që nuk studiojnë dot, sepse prindërit nuk paguajnë dot tarifat e dyfishuara.”- tha Basha.
Lulzim Basha iu referua raportit të Forumit Ekonomik Botëror të Davosit, i cili thotë se varfëria dhe pabarazia janë rritur në mënyrë të shfrenuar gjatë 5 viteve të fundit, si rezultat i korrupsionit të shfrenuar, taksave të larta, dhe depërtimit të kriminelëve në vendimmarrjen politike të qeverisë shqiptare.
“Këto konstatime, tregojnë hendekun në rritje midis shumicës dërrmuese të njerëzve dhe një pakice oligarkësh, klientë të Ramës që vetëm flasin, vjedhin e shpërdorojnë paratë e shqiptarëve. Nuk janë socialistë, nuk janë të majtë, janë një klub pasanikësh, hajdutë, plaçkitës dhe grabitës. Kusarë pra, që nuk janë pasuruar me djersën e ballit. por me varfërinë e popullit dhe blerjen e votave.” –theksoi Basha.
Basha ftoi shqiptarët t’i bashkohen opozitës për të dhënë mesazhin kryesor se qeveria duhet të largohet dhe se shqiptarëve duhet t’u jepet mundësia të zgjedhin me votë të lirë një qeveri që e ka lidhur fatin me qytetarët dhe jo me krimin dhe oligarkët.
“Ndaj unë i ftoj të gjithë pa përjashtim, të gjithë edhe shpresëhumburit, edhe socialistët e ndershëm që ndjehen të turpëruar nga kjo bandë. Ejani t’ia dalim sepse bashkë të gjithë do t’ia dalim. Ejani të mundim mallkimin, se Shqipëria nuk bëhet. Sepse Shqipëria do të bëhet! Ejani ta bëjmë! Së bashku do ta bëjmë!” – u shpreh Kryetari i Partisë Demokratike.
Deklarata e plotë e kreut të Departamentit të Mjedisit, Jamarbër Malltezi
Më 23 Nëntor 2017 Edi Rama u ka vendosur shqiptarëve një taksë të re, të padëgjuar kurrë më pare, taksën e plehrave, taksë e cila do të hyjë në xhepat e Edi Ramës dhe Arben Ahmetajt nëpërmjet vënies në punë të fabrikave të djegies së plehrave në Tiranë, Fier dhe Elbasan.
“Taksa” nuk është një term i shpikur nga Partia Demokratike për të akuzuar qeverinë, por është shkruar e zeza mbi të bardhë në dokumentin e miratuar më 23 Nëntor nga Komisioni i Ndihmës Shtetërore, me Kryetar njërin nga pronarët e vërtetë të 3 inceneratorëve, Ministrin e Financave, Arben Ahmetaj.
Ja të nderuar shqiptarë vendimi Nr. 77, datë 23 Nëntor 2017 i Komisionit të Ndihmës Shtetërore, ku thuhet qartë se bizneset që do të gjenerojnë energji nga plehrat do të marrin ndihmë shtetërore për të paktën 15 vjet.
Pra, nuk ndihmohet prodhimi i energjisë së pastër, energjisë diellore apo të erës, por ndihmohet nga shteti energjia e prodhuar nga fabrikat e plehrave të Arben Ahmetajt dhe Edi Ramës.
Ja, edhe pika 10 ku thuhet se “Skema financohet nga një “taksë”, e ashtuquajtura detyrim i shërbimit publik (ndaj Operatorit të Shpërndarjes), të cilit i është ngarkuar detyrimi për blerjen e energjisë nga prodhuesit e energjise prej pjesës së biodegradueshme të mbetjeve të ngurta dhe më pas për ta ofruar dhe shitur në treg”.
Çfarë do të thotë kjo me fjalë më të thjeshta dhe më të kuptueshme?
Kjo do të thotë se skema financohet me taksën që detyron OSHEE-në të blejë energjinë e prodhuar nga inceneratorët e Edi Ramës dhe Arben Ahmetajt me çmimin që do të përcaktojë po Edi Rama dhe Arben Ahmetaj në Entin Rregullator të Energjisë.
Kjo do të thotë se, jo vetëm që Rama dhe Ahmetaj po marrin 178 milionë euro nga taksat tona për 3 inceneratorët që do të djegin plehra dhe do të lëshojnë helme në ajër, por ata kanë vendosur “taksën e plehrave,” që të shesin energjinë e prodhuar nga inceneratorët dhe të vazhdojnë të pasurohen për vete!
Nuk ka ndihmë shtetërore as për të përmbyturit, as për naftëtarët, as për të përndjekurit politikë, as për ish-pronarët, as për të papunët, as për kryefamiljarët që nuk ushqejnë dot fëmijët, as për të rinjtë që braktisin vendin. Ndihmë ka vetëm për inceneratorët e Edi ramës dhe Arben Ahmetajt.
Afera e inceneratorëve është një nga aferat më korruptive të qeverisë Rama. Nga tre kontratat klienteliste të inceneratoreve, vetëm ajo e Elbasanit është bërë publike.
Partia Demokratike faktoi me dokumenta se sesi korrupsioni detyron qeverinë të kryejë Brenda 24 orëve 9 procedura të komplikuara, të cilat marrin zakonisht disa muaj.
Kontratat e djegësave te Fierit dhe Tiranës nuk janë botuar as ne buletinin e Agjensisë së Prokurimeve Publike dhe as në Fletoren Zyrtare.
Këto përbejnë vepra penale, sepse shteti po nxjerr 74 milionë euro para publike në vit, pa botuar fare kontratat, duke i konsideruar si sekret shteteror!
Në një vend ku drejtësia nuk kontrollohet nga kryeministri, kjo dosje do të përbënte prioritet të prokurorisë. Por në këtë vend ku është prishur busulla morale, PESHKU I MADH PO PESHKON PESHKATARET!
Partia Demokratike inkurajon mediat të mos heshtin, të mos bëhen palë me ata që shkatërrojnë shëndetin e shqiptarëve, të mos lejojnë që milionat e inceneratorëve të djegin integritetin e medias dhe të helmojnë burinin e informacionit për shqiptarët.
Partia Demokratike fton qytetarët të bashkohen me opozitën në 27 janar për t’i dhënë fund qeverisjes që nuk mendon për shëndetin tonë, por për pasurimin e kryeministrit dhe një grusht njerëzish rreth tij.
Së bashku, ne 27 Janar ne mund t’ia dalim!
Foto Kozma Jano spiun 1 dhe 2 provojnë se kandidati për anëtar KLP ka qenë bashkëpunëtor i Sigurimit të Shtetit.
Në vetëdeklarimin për lidhje me ish-sigurimin, ka deklaruar “jo”.
-Është rekrutuar kur ka punuar në Portin e Durrësit në vitin 1977 nga operativi Sefer Alikaj. Ka pasur qëllim agjenturën brenda policisë. Është bashkëpunëtor (informator) i Sigurimit. Katela model 2 e tregon këtë.
-Po ashtu, me vendimin nr.13, datë 19.4.1996 (nr.10 i vendimit), komisioni “Mezini”, i ka ndaluar kandidimin në emër të subjektit politik Partia e Unitetit Kombëtar (vendimi bashkëlidhur)
Foto Kozma Jano komunist fakton kandidimin në 2011 për Partinë Komuniste në Lushnje.
Altin Hazizaj i denuar është dokumenti i Prokurorisë së Përgjithshme, që provon se kandidati për KLGJ/KLP është dënuar dy herë.
Blloku i fotove në PDF ka këtë renditje: