Demokratët Euroatlantikë - Partia Demokratike

08 Maj

0

“INSTAT dhe EUROSTAT rrëzojnë propagandën e qeverisë”, Karabina: Në vitin shkollor 2023-2024 u regjistruan 3,7% më pak nxënës dhe 3.6% më pak student se një vit më parë

by PD in Lajmi fundit

Zëdhënësja e PD, Mirela Karabina, në një deklaratë për mediat u shpreh se institucione serioze si INSTAT dhe EUROSTAT janë duke ia çjerrë përditë popagandën qeverisë së Edi Ramës. Ajo shprehet se sipas INSTAT, në vitin shkollor 2023-2024 u regjistruan në arsimin zyrtar 3,7% nxënës më pak se një vit më parë. Ndërsa një ulje me 3.6% ka shënuar edhe numri i studentëve në Universitet krahasuar me një vit më parë.

DEKLARATË E PARTISË DEMOKRATIKE, ZËDHËNËSJA, MIRELA KARABINA

Institucione serioze si INSTAT dhe EUROSTAT janë duke ia çjerrë përditë popagandën qeverisë së Edi Ramës.

Përballë retorikës për Shqipëri të lulëzuar me 10 milionë turistë në vit, të dhënat zyrtare tregojnë një realitet tjetër, të trishtë, i cili është shqetësues për të gjithë.

Sipas INSTAT-it, në vitin shkollor 2023-2024 u regjistruan në arsimin zyrtar 3,7% nxënës më pak se një vit më parë.

Në arsimin 9-vjeçar u regjistruan 3,4%, ndërsa në arsimin e mesëm të lartë 4.3%, më pak nxënës se një vit më parë.

Po ashtu, një ulje me 3.6% ka shënuar edhe numri i studentëve në Universitet krahasuar me një vit më parë.

Kjo tkurrje dhe kjo rënie e numrit të nxënësve dhe të studentëve sigurisht që shoqërohet edhe me pasoja të tjera, duke filluar nga reduktimi i mësimdhënësve dhe në uljen e personelit mbështetës.

Kriza e arsimit dhe shpopullimi i vendit është duke dhënë përditë pasoja të rënda, ndërsa nëse nuk marrim masa të menjëhershme e ardhmja do të përkeqësohet.

Të rinjtë zgjedhin të largohen si pasojë e mungesës së shpresës dhe të keqqeverisjes, ndërsa ata që mbarojnë gjimnazin largohen të studiojnë jashtë, për shkak të perspektivës dhe lehtësirave që vendi i tyre nuk ua ofron.

Në kushtet e një krize të madhe shoqërore, Partia Demokratike e Shqipërisë ka përgjegjësinë dhe detyrën për të dhënë zgjidhje dhe për ta nxjerr arsimin nga kriza.

Po ashtu, vetëm të treguarit me vepra dhe vullneti i duhur politik për ta ndryshuar këtë realitet, do të jepte mesazhe pozitive për ta ndalur në mënyrë të menjëhershme hemoragjinë e largimeve masive.

Ne jemi të vendosur për një program qeverisës që do t’i japë zgjidhjet e duhura çështjes së arsimit dhe problemeve të tjera sociale.

Do ta bëjmë këtë me ekipin e duhur të ekspertëve tanë dhe me njerëzit e përzgjedhur që do të përfaqësojnë PD-në në zgjedhjet e radhës.

07 Maj

0

Anëtarja e Kryesisë së PD, Marinela Ziu i përgjigjet Ramës: KLSH thotë se faturat e dëmit ekonomik nga shpërdorimi i financave publike është 10 miliardë euro

by PD in Lajmi fundit

Anëtarja e Kryesisë së PD, Marinela Ziu, i është përgjigjur deklaratave të kryeministrit Rama për korrupsionin qeveritar. Në një postim në facebook, Ziu shprehet se vetëm raportet e KLSH thonë se faturat e dëmit ekonomik nga shpërdorimi i financave publike është 10 miliardë euro. Ajo më tej sjell të dhënat e Ministrisë së Finacave se dëmi nga kontratat koncesionare, që gjysmat kanë përfunduar në SPAK, është 2.2 miliardë euro.
Ziu gjithashtu nxjerr të dhëna zyrtare edhe nga Departamenti Antikorrupsion në Partinë Demokratike, në 10 vitet e fundit, ku 1 në 2 tendera jepen pa garë.

Reagimi i Anëtares së Kryesisë së PD, Marinela Ziu:

PESHKU QELBET NGA KOKA DHE KOKA E KORRUPSIONIT ËSHTË EDI RAMA!
Korrupsioni endemik në çdo kontratë publike dhe çdo institucion, mungesa totale e konkurrencës dhe gara fiktive është faktuar në çdo Raport Kombëtar dhe Ndërkombëtar.
Sipas Kontrollit të Lartë i Shtetit, fatura e dëmit ekonomik si pasojë e shpërdorimit të financave publike shkon mbi 10 miliardë euro. Në terma të thjeshtë, janë shpërdoruar të paktën 2 nga 10 buxhetet e fundit të shtetit.
Sipas të dhënave të Ministrisë së Financave, fatura e kontratave koncesionare të lidhura nga kjo qeveri, pjesa dërmuese e të cilave ka përfunduar në SPAK për shkelje të ligjit, tejfryrje të pajustifikuar të fondeve, paracaktimit të fituesve dhe pagesave miliardëshe për punë të pakryera, është të paktën 2.2 miliardë euro ose 30.6% e Prodhimit të Brendshëm Bruto.
Korrupsioni me tendera është korrupsion i përditshëm dhe që në mënyrë zinxhir, përfshin nga zyrtarët më të lartë deri në zyrtarët më të ulët.
Nga të dhënat zyrtare dhe publike të analizuara nga Departamenti Antikorrupsion në Partinë Demokratike, në 10 vitet e fundit:
* Nëse sipas Gjykatës Ndërkombëtare të Auditit 1 në 3 tendera ishtë pa garë në vitin 2018, tashmë 1 në 2 tendera është pa garë, në mungesë totale konkurrence ose konkurrencë fiktive.
* Në procedurat me garë, nqs do të kulifikohej fituese oferta më e ulët si një nga kriteret minimale të Ligjit “Për Prokurimin Publik”, ndërkohë që kulifikohet fituese oferta më e lartë, e cila në pjesën dërmuese është në kufij 100% të fondit limit, buxhetit të shtetit do ti kurseheshin edhe të paktën 500 milionë euro.
Frika nga drejtësia e pakapur dhe fundi i pandërshkueshmërisë detyroi Kryeministrin, që gjysmën e qeverisë e ka nën hetim apo gjykuar për korrupsion nga SPAK, të dalë dhe delirojë me shifra inekzistente për korrupsionin.
Partia Demokratike është e vendosur në luftën e saj kundër korrupsionit me propozime të qarta dhe akte konkrete në mbështetje të SPAK dhe BKH.

07 Maj

0

Fjala e kryetarit të Partisë Demokratike, Lulzim Basha, në konferencën për mediat

by PD in Lajmi fundit

FJALA E KRYETARIT TË PARTISË DEMOKRATIKE, LULZIM BASHA, NË KONFERENCËN PËR MEDIAT

Të dashur bashkëqytetarë, dy orët që sapo u përmbyllën shënojnë fjalimin më të gjatë të një drejtuesi të vendit që në kohët e diktaturës. Dy orë për të justifikuar gjendjen e qeverisjes. Dy orë për t’i mbushur mendjen shqiptarëve, se pas 11 vite qeverisje ekonomia e tyre, kostoja e jetesës, shanset për punësim të rinisë, rrogat e ulëta, gjendja e mjerueshme e shëndetësisë së premtuar falas dhe përgjysmimi i vendit në këto 11 vite, nuk janë përgjegjësi as e Edi Ramës, as qeverisë së tij. Dy orë për t’i mbushur mendjen vetes dhe atyre që e rrethonin se rradha e gjatë e bashkëpunëtorëve që ndodhen sot në qelitë e SPAK-ut, në kërkim ndërkombëtar për korrupsion apo nën hetim për vjedhjet qindra milionë euroshe, nuk janë përgjegjësi as e kryeministrit, as e qeverisë. Fjalim i denjë për një mision ndërkombëtar si ato të OKB, që me helmeta blu dhe me administratë ndërkombëtare zbarkojnë për herë të parë në një vend të gërryer as nga lufta, as nga përplasja civile, por nga korrupsioni sipas raporteve të vet BE dhe SHBA, më i kudogjendur, më i përhapur, më galopant që Shqipëria dhe në fakt ballkani ka njohur.

E pra, për këtë Edi Rama nuk i njëh vetes së tij asnjë përgjegjësi, as politike dhe as ligjore. 2 orë fjalë pa fund, për të shpjeguar sikur të ishte dy orëshi i parë i qeverisjes së tij dhe jo fundi, muzgu i 3 mandateve se pse fajin për korrupsioni nuk e ka Edi Rama, nuk e ka qeveria, por e ka sistemi. Dhe për të premtuar sërish njësoj si para 12 vitesh, një sistem tjetër, një sistem i cili do të luftojë korrupsionin dhe do të mundësojë kaq e kaq të mira për shqiptarët dhe për Shqipërinë. Por në fakt e vërteta është ndryshe, është e thjesht, është e dhimbshme dhe dihet mirë nga çdo shqiptarë. Dihet padiskutim nga shumica dërrmuese e shqiptarëve, që e ndjejnë nën lëkurën e tyre faturën e rënduar të korrupsionit qeveritar, kur bëhet fjalë për koston e jetës, ku bëhet fjalë për nivelin e pagave, bëhet fajël për nivelin e mjerueshëm të pensioneve, ku bëhet fjalë për mungesën totale të mbështetjes për fermerin, ku bëhet fjalë për rënien në kolaps të sistemit arsimor dhe atij arsimor, ku bëhet fjalë për mirëqenien e munguar të premtuar, por kurrë të realizuar, ku bëhet fjalë për vrasjen sistematike të shpresës që ka shtyrë gjysmën e Shqipërisë jashtë kufijve të saj në këto 11 vite të qeverisjes së Edi Ramës dhe ministrave e kryebashkiakëve të tij.

Në veçanti dukej se ky 2 orësh i dhimbshëm për t’u dëgjuar, por domethënës në çdo fjalë të kotë ju rëmdon socialistëve. Në veçanti atyre që në veçanti prej votës për këtë qeveri dhe për këtë kryeministër, kanë parë që familjet e tyre të përgjysmohen. Fëmijët e tyre t’i drejtohen emigracionit dhe ëndrrat me të cilat ngritën fushatat e Partisë Socialiste, të shkrumbohen bashkë me milionat e shqiptarëve në inceneratorët e korrupsionit, në tenderat dhe PPP, me oligarkët dhe me bashkëpunimet me personat me rekorde kriminale, siç u mohuan në fillim, siç u zbuluan më pas dhe siç tani për fatin tonë të keq i njeh me emër dhe mbiemër çdo shqiptarë dhe e mbarë bota.

Në dy orë ditirambe për luftën imagjinare ndaj korrupsionit, Edi Rama dështoi të përmend emrat e disa bashkëpunëtorëve të tij më të ngushtë. Nga Sajmir Tahiri, tek Arben Ahmetaj, nga Vangjush Dako tek Erion Veliaj, e Lefter Koka me shokë, të cilët janë dhe zyrtarët më të lartë të ndjekur dhe të dënuar për korrupsion dhe në bashkëpunim me krimin e organizuar, sot e tash e 10 vite në raport me çdo vend tjetër më botën Euro-Atlantike. Asnjë vend tjetër, nuk ka parë, as mund të imagjinojnë qytetarët e këtij vendi që një kryeministri t’i kapet në flagrancë zëvendëskryeministri, ministri i brendshëm, kryebashkaiku i tij i preferuar, kryebashkiaku i kryeqytetit, dhjetëra ministra e zëvendësministra, sekretar të përgjithshëm, drejtorë të përgjithshëm, dhe ai vet për asnjë çast mos të pranojë përgjegjësinë që ka, përgjegjësinë politike që ka për këtë orgji korrupsioni e cila rëndon mbi shqiptarët e thjesht. Pra, në një përpjekje për të pastruar veten nga e papastrueshmja. Nga ajo që çdokush tashmë e di dhe e thotë: peshku qelbet nga koka. Është e pamundur që kjo të jetë qeveria më e korruptuar në këto 34 vite, por kryeministri të jetë dorëjashtë, të jetë i pastër, madje të jetë zemërdhembshur. Dhe të zotohet pas 12 vitesh sërish si para 12 vitesh se do të jetë ai që do të luftojë korrupsionin!

E vërteta është se korrupsioni po merr goditjet e para pikërisht për shkak të SPAK, këtij produkti të çmuar për çdo shqiptar që të gjithë e dimë që sot kundërshtarë kryesor në punën e tij, ka pikërisht ekzekutivin, partinë në pushtet. E cila ka ndaluar, sipas raportimeve zyrtare me urdhër çdo denoncim për korrupsionin. Ndërkohë që korrupsioni pranohet si problemi kryesor, Edi Rama shfajësohet duke thënë që denoncimi i tij nuk mund të jetë detyrë kryesore e shtetit. Nuk mund të jetë detyrë kryesore e tij apo e ministrave të tij. Sepse këta nuk paskan të drejtën të ndërynë në procedura për të luftuar korrupsionin. Në fakt e kundërta është e vërtetë, nuk ka detyrë më të rëndësishme për kryeministrin, për ministrat sesa të luftojnë korrupsionin. Nuk ka detyrë më të rëndësishme se të denoncojnë çdo aferë apo çdo dyshim për aferë në institucionet e ligjzbatimit. Kjo është A-ja e politikëbërjes në një shtet normal.

Por në qoftë se kjo do të ndodhte, nuk do të kishim me dhjetëra ministra të hetuar, të arrestuar, të dënuar me dhjetëra drejtorë të bashkisë së vendit, të hetuar, të arrestuar dhe afër dënimit. Fakti është, siç e thotë proverbi i lashtë shqiptar dhe jo vetëm që peshku qelbet nga koka. Dhe ndonëse aty ku drejtësia ka bërë punën e vet të lavdërueshmë, duke i nxjerrë petët lakrorit, duke bërë të pamundur dhe pas shumë e shumë përpjekjesh mbrojtjen e figurave të diskredituara si në rastin e Sajmir Tahirit. E lavdëroi si një yll në ngjitje, si bashkëpunëtori më i ngusht i kryeministrit kur u zbulua se ishte arkitekti i kanabizimit të Shqipërisë. Si në rastin e Arben Ahmetajt aleatit më të ngusht personal të Edi Ramës jo thjesht zëvendëskryeministri i tij i cili ndodhet sot në arrati pikërisht sepse Edi Rama mori 2 javë bashkë me mazhorancën e tij për të pranuar heqjen e imunitetit. Në raste të tjera mbrojtja është akoma më flagrante. Shikoni Ilir Beqajn, pasi u zbulua në vjedhje galopante përmes sterilizimit, Check Ap-it, e shumë e shumë aferave të tjera korrupstive në sektorin e shëndetësisë, u gradua si koordinator për ndihmën e Bashkimit Europian, duke i dhënë jo vetëm mbështetje politike, por siç i thonë në gjuhën popullore “i vari ujkut mëlçinë në qafë”.

Shikoni Frida Krifcën, ministrja e bujqësisë do të thoja unike në historinë e vendeve që aspirojnë anëtarësimin në Bashkimin Europian, e cila u kap tashmë me abuzimin e jo vetëm taksave të shqiptarëve, vjedhjen jo vetëm të subvencioneve që duhej të shkonin tek fermerët, por të taksave të europianëve që në vend që të shkonin për fermerin shqiptar, u shndërruan në vila, në restorante luksoze për pushtetarët dhe miqtë e tyre. Politikë e gjithëfarësojshëm.

Shikoni Olta Xhaçkën, e cila në kundërshtim me vendimin e Gjykatës Kushtetuese u mbrojt nga kryeministri në një akt të paprecedent, të barabartë me një krizë kushtetuese, ku parlamenti refuzon t’i bindet Kushtetutës dhe Gjykatës Kushtetuese.

Këto janë të vërtetat, këtojanë faktet. Mund të flasësh 2 orë, mund të flasësh 12 orë, mund të pretendosh që ke ardhur sot në Shqipëri, ndërkohë që ke 11 vite që qeveris. Dhe në çdo vit, korrupsioni dhe niveli i tij janë rritur dhe sot kanë ardhur deri në grykën e këtij vendi duke përmbytur shpresat e qindra mijëra shqiptarëve që të votuan për ndryshim, por që panë që në vend të ndryshimit, vendi u llangos akoma më keq, qeverisja u bë akoma më e papërgjegjshme dhe pamundësitë ekonomike, vrasja e shpresës, larguan gjysmën e qytetarëve gjatë qeverisjes tënde. Këto janë faktet, të tjerat janë siç e thotë populli janë fukarallëk.

Le të ndalemi për një çast tek ajo që duket dhe jo ajo që është. Pasi është kapur në flagrancë në dhjetëra afera, qeveria, ministrat, kryebashkiakët, e kushdo tjetër në piramidën shtetërore, papritur po na ofrojnë një rezolutë për të luftuar korrupsionin. Një rrezolutë si një barcaletëm, si një hartim të dobët, si diçka të pagëlltitshme. Kujt i hyn në punë rezoluta? Rezoluta nuk tregon asnjë marrje përgjegjësie në raport me aferat e tmerrshme korrupstive, që tashmë i dinë të gjithë shqiptarët për shkak të SPAK-ut. Të atij SPAK-u që ndodhta nuk do të kishte nevojë të ekzistonte në qoftë se nuk do të ekzistonte ky korrupsion dhe kjo pandëshkueshmëri. Rezoluta nuk do t’i kthejë miliarda euro të zhdukura në xhepat e thellë të zyrtarëve shqiptarë, e të investuara në skemat e pastra të pastrimit të parave në kullat e Tiranës dhe në resortet e bregdetit dhe jo vetëm, edhe jashtë vendit. Siç e dinë fare mirë partnerët, agjencitë e tyre të ligjzbatimit dhe jam i bindur dhe vet SPAK dhe BKH. Rezoluta nuk do të bëjë asgjë për të frenuar këtë rendje marramendëse drejt pasurimit të paligjshëm të zyrtarëve të korrupstuar shqiptarë. Përkundrazi, pas një apologjie dy orëshe do të inkurajohen të vazhdojnë dhe më tej, sepse e kuptojnë që nga i pari i punës nuk ka asnjë brerje ndërgjegjje, nuk ka asnjë reflektim politik, larg qoftë marrje e përgjegjësisë politike për të bërë atë që çdo kryeministër në Europë do ta kishte bërë në rrethana të tilla. Por ka një sy shkelje që “ju vazhdoni të bëni atë që bëni në piramidën e korruptuar të pushtetit partisë socialiste, dhe unë do vazhdojë të bëj sikur nuk di gjë, por kujdes mos kapeni se atëherë nuk kam ç’tju bëj”.

Nëse me të vertetë Edi Rama, grupi i tij parlamentar duan të japin një sinjal në luftën e tyre kundër korrupsionit, nëse do me të vërtetë të ndalë këtë çmenduri kolektive të pushtetit të tij që ka shkatërruar më shumë se ekonominë e vendit, ka shkatërruar shpresën e shqiptarëve për të ndërtuar një jetë normale këtu, atëherë nuk është vendi për më shumë fjalë. Pas dy orësh fjalim, është e kotë të merremi prap me 2 faqe rezolutë. Koha për fjalë ka kohë që ka përfunduar. Ka përfunduar 11 vite më parë kur more pushtetin dhe premtove që do ta qeverisje vendin me një sistem që do të mundësonte korrupsioni. Sot Shqipëria ka rekordet më negative dhe ky padiskutim sikur asgjë tjetër është akti më i rëndë politik dhe përgjegjësia më e madhe që ke para shqiptarëve.

Do me të vërtetë të bësh diçka një vit para zgjedhjeve të përgjithshme, qoftë edhe për interesat e tua politike, se për të tjerat nuk besoj se ka shumë shqiptarë që të besojnë. Atëherë është fare e thjshtë, lëri fjalët dhe kalo në vepra. Ligjin për vettingun e politikanëve e ke në parlament prej 6 nëntorit, eja ta votojmë së bashku. Eja të bëjmë për çdo politikan duke e nisur nga ty dhe unë atë që ke propozuar për policët e Shqipërisë, dikur për administratën. Atë për të cilën rreh gjoksin se e paskesh bërë ti për magjistratët ti në raport me magjistratët shqiptarë. Eja të vendosim çdo politikan shqiptar të 200 politikanëve kryesor të vendit në lupën e vettingut. Të pasurive personale dhe familjare, të hetimit të tyre të hollësishëm, të hetimit të rrethit shoqëror të çdo politikani dhe të kontakteve të papërshtatshme sipas propozimit solid dhe në përputhje të plotë edhe me rekomandimin e Komisionit të Venecias që prej 6 nëntorit ti dhe Lindita jote e mbani në syrtar. Eja dhe voto heqjen e imunitetit për veten, për mua dhe për çdo politikan, në mënyrë që të marrë kuptim zotimi yt për barazi para ligjit. Se sot nuk jemi të barabart me qytetarët. Sot as SPAK, askush nuk vepron dot pa lejen e mazhorancës tënde, siç u provua edhe në vonesat pas vonese derisa i dhe mundësinë bashkëpunëtorit tënd të shkojë në arrati, numrit tënd të dytë. Eja voto heqjen e imunitetit për parlamentarët. Voto zoti kryeministër amendamentet tona për SPAK-un, të cilin sot na e shpalle si fëmijën tënd. Hiqja pra bllokadën e heshtur, darën e rrethimit që ke shpallur në nivelet e larta të qeverisjes tënde dhe jepi resurset e nevojshme, burimet e nevojshme njerëzore dhe financiare, infrastrukturën e nevojshme ligjore sipas amendamenteve që kemi paraqitur, në mënyrë që SPAK me të vërtetë të mos ketë asnjë pengesë për të luftuar korrupsionin.

Bëj këto tre akte si fillim, në qoftë se ka një grimcë të vërtete në atë që për 2 orë me rradhë u përpoqe të shplash me fjalimin e sapo përmbyllur. Në qoftë se ka një grimcë reflektimi, në qoftë se ka një grimcë përgjegjshmërie, ia ke borxh jo opozitës, jo Partisë Demokratike, jo mua, por shqiptarëve, përgjigjen ndaj këtyre tre akteve konkrete. Jo rezoluta, jo vjersha, jo fjalime pafund të lodhura, të mërzitshme të pabesueshme. Akte konkrete: Vetting për politikanët, fund imunitetit parlamentar, përforcim të SPAK me burime njerëzore dhe infrastrukturë ligjore. Aktet janë në Parlament, meri silli në seancë e t’i votojmë së bashku. Kjo është përgjigjja e Partisë Demokratike, jam i bindur kjo është ajo që presin dhe merritojnë shqiptarët si një fillim për të kthyer mbrapsht dallgën e tmerrshme të korrupsionit të këtyre 11 viteve.

07/05/2024

07 Maj

0

Reagim i nënkryetarit të PD, Kreshnik Çollaku: Pleniumi i komitetit qendror të Rilindjes, pamundësoi mbledhjen e Komisionit të Politikës së Jashtme

by PD in Lajmi fundit

Nënkryetari i Partisë Demokratike, Kreshnik Çollaku, në një postim në facebook, shprehet se konferenca e sotme e kryeministrit Edi Rama, bashkë me grupin parlamentar të PS, ka pamundësuar mbledhjen e sotme të Komisionit të Politikës së Jashtme. Kjo sipas Çollakut, është rasti kur Partia del mbi institucionet kushtetuese të Republikës.

Reagimi i Nënkryetarit të PD, Kreshnik Çollaku:

Per shkak te “pleniumit te komitetit qendror te Rilindjes, dhe fjales se kryeministrit ne Plenium”..,sapo eshte pamundesuar dhe anulluar ne Parlament mbledhja e Komisionit te Politikes se Jashtme.
Rasti kur Partia del mbi institucionet kushtetuese te Republikes.
Rasti per te kuptuar seriozitetin e degradimit te shtetit dhe qeverisjes.

06 Maj

0

“Ky nuk mund të jetë Durrësi që duam”, kreu i PD Durrës, Joni Myshketa: Plehrat mbysin zonën e unazës së plazhit

by PD in Lajmi fundit

Mbeturinat vazhdojnë të jenë shqetësimi kryesor për qytetin bregdetar, në prag të fillimit të sezonit veror. Kreu i PD, të degës Durrës, Joni Myshketa, ka denoncuar një tjetër rast, tashmë në zonën e unazës së plazhit, ku pirgu i mbeturinave përfundon në mes të rrugës apo në buzë të detit. Myshketa shprehet se ky është një rrezik pasi aty kalojnë përditë qindra banorë, të moshuar, fëmijë dhe rrezikojnë shëndetin. Ai i bën thirrje bashkisë që të marrë masa të menjëhershme, pasi çdo minutë e vonuar shkon në dëm të jetës dhe kjo nuk ka ngjyra partiake.

Denoncimi i kryetarit të degës së PD, Durrës, Joni Myshketa:

Pas denoncimeve të njëpasnjëshme të bëra nga Partia Demokratike Dega Durrës në lidhje me situatën tejet të rënduar nga plerat, mbetjet e papastërtitë që zaptojnë hapësirat e qytetit ne zonat e plazhit, pranë qendrave te banuara, qytetarët kanë reaguar duke na dërguar pamjet si më poshte ku duket qartazi situata katastrofike e ndotjes ambientale.
Ndodhemi në një nga zonat më të populluara një nga lagjet e qytetit fare pak metra larg bregut të detit ne zonën e unazës së plazhit.
Pamjet nuk lenë vend për koment.
Ky nuk është dhe nuk mund të jetë kurrësesi Durrësi që duam.
Ky nuk është Durrësi që kjo maxhorancë e korruptuar kërkon të na e shesë si histori suksesi.
Neglizhenca
Makutëria
Arroganca
Abuzimi
Janë frut I kësaj gjendje mjerane të zonës ku kalojnë përditë qindra banorë, të moshuar, fëmijë duke rrezikuar shëndetin, nga burimet e shumta te infeksionit për shkak të përhapjes së ndonjë pandemie.
Në rast shiu I gjithë ai pirg mbetjesh përfundon në mes të rrugës a buzë të detit si denoncimi I javës që shkoi.
I bëj thirrje Bashkisë të marrë masa të menjëhershme në lidhje me pastrimin e zonës, pasi çdo minutë e vonuar shkon në dëm të jetës dhe kjo nuk ka ngjyra partiake poŕ është e shtrenjtë dhe e shenjtë për secilin prej nesh.
I bëj thirrje të gjitha organeve ligjzbatuese të nxjerrin para përgjegjësisë ligjore të gjithë shkaktarët e kësaj gjendjeje pasi është përgjegjësi penale një dëm I tillë.
I bëj thirrje të gjithë qytetarëve durrsak të na adresojnë çdo problematikë që rëndon mbi ta si rasti në fjalë për shkak të abuzimit me postin publik.
Ju garantoj se Partia Demokratike është dhe mbetet përherë në krah të çdo qytetari të ndershëm pa asnjë dallim ngjyrimi politik, duke denoncuar e duke u bërë pjesë e zgjidhjeve të situatave që rëndojnë mbi jetën e secilit prej nesh.
Vetëm në aleancë të përbashkët do ja dalim.

06 Maj

0

Xhemal Gjunkshi denoncon aferën korruptive me shëtitoren e llixhave në Peshkopi: Fondet u dhanë para zgjedhjeve dhe punimet përfunduan në përrua!

by PD in Lajmi fundit

Anëtari i Kryesisë së PD, Xhemal Gjunkshi, së bashku me sekretaren e degës së PD, Dibër, dy nënkryetarët dhe kryetarin e Forumit Rinor i degës, kanë denoncuar aferën korruptive të bashkisë me shëtitoren e llixhave në qytetin Peshkopisë. Gjunkshi shprehet se fondet për këtë projekt janë dhënë para fushatës elektorale, ndërsa punimet që janë kryer kanë përfunduar në përrua.

Denoncimi i Anëtarit të Kryesisë së PD, Xhemal Gjunkshi:

Afera Korruptive e projektit 3D e Shëtitores së Llixhave në Bashkinë Peshkopi gati për në SPAK!

Nuk kanë të mbaruar abuzimet me fondet publike të Qeverisë Qendrore dhe asaj në nivel lokal. Fonde që jepen para fushatave elektorale, për të blerë zgjedhjet dhe që përfundojnë në përrua!

06 Maj

0

Rasti i nënës me tre fëmijët në Shkodër, reagon Pampuri: Ajo që sot nuk bëhet, është alokimi i fondeve pikërisht për t’i ardhur në ndihmë grave të dhunuara

by PD in Lajmi fundit

Nënkryetarja e PD, Oriola Pampuri, ka reaguar për rastin e nënës me tre fëmijët në Shkodër. Në një postim në facebook, Pampuri shprehet se trishtimi është më e pakta ndjesi që mund të ndjejë në shpirt çdokush që dëgjon rreth ngjarjes makabre.

Ajo ngre shqetësimin se sistemi i referimit, si dhe mungesa e përgjegjshmërisë e sektorëve socialë në njësitë administrative përkatëse, mundëson këto fatkeqësi. Deputetja e PD, gjithashtu tregon se “ajo që sot nuk bëhet, është alokimi i fondeve pikërisht për t’i ardhur në ndihmë grave të dhunuara, duke u siguruar strehë për banim, mundësi për punësim, mundësi për të financuar çerdhen, kopshtin e shkollën e fëmijëve deri në moshën që ata janë të aftë për punë”.

Reagimi i plotë i Nënkryetares së PD, Oriola Pampuri:

Trishtimi është më e pakta ndjesi që mund të ndjejë në shpirt çdokush që dëgjon rreth rastit të nënës dhe tre fëmijëve, në Shkodër, ku prej ditësh u deklaruan të humbur, e nga dje ngjarja filloi të marrë një rrjedhë aq tragjike sa dhe në filma horror, refuzon ta shohësh e ndërron kanal.

❗️Por bazuar në deklaratat e familjarëve, e vetmja referencë tashmë ku mund të mbështetesh për të konturuar të vërtetat është e trishtë se si sot pas kaq vitesh vijojmë ende të përballemi me histori dhune në familje, me shifra alarmante, me situata nga më makabret, dhe ajo që dëgjojmë sa herë ndodhin ngjarje të tilla, është fjalia rutinë; shtrëngim masash, forcim ligji, “shtrëngim dhëmbësh” thua se do bëjnë namin.

Në fakt ligjet i kemi, madje shumë të mira, por ajo që mungon është vëmendja dhe dëshira për të përmirësuar e për të shëruar një plagë kaq të rëndë të shoqërisë sonë.

❗️Si profesioniste më parë se ligjvënëse, kam qënë pjesë e grupeve të punës, për hartimin e manualeve të trajnimit për parandalimin e dhunës, ndërgjegjësimin e grave dhe shoqërisë në tërësi për ta referuar atë, kemi hartuar manuale e broshura ndërgjegjësimi, por ja ku jemi sërish.
Sistemi i referimit, si dhe mungesa e përgjegjshmërisë e sektorëve socialë në njësitë administrative përkatëse, të cilat duhet të kenë nën vëzhgim çdo ngjarje në komunitet, dhe duhet të referojnë çdo situatë që cënon mirqënien psikologjike të fëmijëve dhe grave.

Ajo që sot nuk bëhet, është alokimi i fondeve pikërisht për t’i ardhur në ndihmë grave të dhunuara, duke u siguruar strehë për banim, mundësi për punësim, mundësi për të financuar çerdhen, kopshtin e shkollën e fëmijëve deri në moshën që ata janë të aftë për punë, mundësimin e shkollimit apo dhënies së një profesioni të të gjitha atyre grave që durojnë dhunën psikologjike e fizike, për arsyen e vetme sepse nuk kanë asnjë lloj mundësie të përballojnë jetesën e të rrisin fëmijët.

Të gjitha këto mund të realizohen, nëse paratë nuk do të shkonin për mashtrimin e check up, për abuzimin me sterilizimin, dializën e laboratorët. Të tjerat janë lot krokodili për tu hedhur hi syve shqiptarëve.
Mjaft më me fjalë, ka ardhur momenti i akteve konkrete.

06 Maj

0

Ngjarja në Shkodër, Jupi: Tronditës lajmi! Në çdo rrethanë të ketë ndodhur, tregon mosbesimin që çdo grua dhe vajzë ka ndaj çdo hallke të sistemit të shërbimit social

by PD in Lajmi fundit

Sekretarja për Gruan dhe anëtarja e Kryesisë së PD, Taulanda Jupi, ka reaguar në lidhje me ngjarjen e ndodhur në Shkodër, ku një nënë bashkë me fëmijët e saj dyshohet se është mbytur në lumin Buna për shkak të dhunës në familje. Jupi e konsideron si një lajm tronditës, ndërsa sipas saj, ngjarja tregon se “në çdo rrethanë të ketë ndodhur kjo fatkeqësi tregon qartë mosbesimin që çdo grua dhe vajzë ka ndaj çdo hallke të sistemit të shërbimit social”.

Reagimi i plotë i sekretares për Gruan dhe anëtaren e Kryesisë së PD, Taulanda Jupi:

Tronditës lajmi se një vajzë e mitur gjendet e mbytur dhe më tronditës dyshimi se ky vetflijim ashtu si edhe zhdukja prej tre ditësh e nënës së voglushes së ndjesë së bashku me tre fëmijët e saj ka ndodhur për shkak të dhunës në familje nga babai dhe bashkshorti.

Në çdo rrethanë të ketë ndodhur kjo fatkeqësi tregon qartë braktisjen ndaj çdo gruaje dhe çdo vajzë që sot pëballet me dhunën në familje apo çdo formë tjetër të saj, tregon mungesën totale të kujdesit për mirëqenien dhe shëndetit mendor ndaj grave dhe vajzave, veçanërisht në zonat rurale.

Në çdo rrethanë të ketë ndodhur kjo fatkeqësi tregon qartë tregon mosbesimin që çdo grua dhe vajzë ka ndaj çdo hallke të sistemit të shërbimit social, mosbesim ndaj mekanizmit të referimit të dhunës dhe institucioneve përgjegjës (në këtë rast në bashkinë Shkodër apo njësinë administrative), tregon mosbesimin ndaj çdo institucioni që ka detyrë mbrojtjen dhe sigurinë e jetës.

Për të ndalur dhunën ndaj grave dhe vajzave ka nevojë urgjente për akte konkrete duke filluar nga ashpërsimi i legjislacionit, zbatimi rigiroz i këtij legjislacioni, koordinim dhe reagim në kohë të institucioneve përgjegjes të pushtetit vendor, qendror dhe agjensive ligjzbatuese dhe sigurisht mbështetje financiare për viktimat e dhunës në familje.

Për të ndalur dhunën ndaj grave dhe vajzave, këtë dramë të shoqërisë shqiptare nuk mjaftojnë statuset dhe fjalët ngushëlluese nga ministrat dhe deputetët, sa herë që një grua apo vajzë humb jetën për shkak të dhunës.

Mosveprimi me akte konkrete kundrejt një fenomeni të tillë i bën bashkëpunëtorë dhe përgjegjës në këtë padrejtësi.

05 Maj

0

Dita e Dëshmorëve të Kombit/ Deputetja e PD, Bano: Më sjell ndërmend të pushkatuarit, të burgosurit dhe të internuarit. Dhanë jetën për atdhe i cili u shndërrua në diktaturën më të egër!

by PD in Lajmi fundit

Në ditën e dëshmorëve të Kombit, deputetja e PD, Eralda Bano, ka përkujtuar 6027 të pushkatuar, 34135 të burgosur e të dënuar politik dhe 59009 të internuar. Në një postim në facebook, Bano shprehet se shumë dhanë jetën për një atdhe i cili u shndërrua nga marrëzia e një karakteropati, në diktaturën më të egër që kishte njohur koha. Ndërsa drama më e madhe sipas saj, është se askush nuk mbajti përgjegjësi dhe nuk u dënua për këto krime çnjerëzore.

Postimi i plotë i deputetes së PD, Eralda Bano:

Dita e Dëshmorëve të Kombit më sjell ndërmend 6027 të pushkatuar, 34135 të burgosur e të dënuar politik dhe 59009 të internuar.

Shumë dhanë jetën për një atdhe i cili u shndërrua nga marrëzia e një karakteropati, në diktaturën më të egër që kishte njohur koha.

Drama më e madhe është që kurrë askush nuk mbajti përgjegjësi dhe nuk u dënua për këto krime çnjerëzore. Dhe kurrë askush nuk denjoi të pyeste veten PSE?!

Kush i lejoi sekretarët e rinisë dhe ish-sigurimsat të ngjiteshin vetë apo të ngjisnin sojin e tyre në parlament?

Kush mban përgjegjësi që sot në pushtet për të tretën herë është djali i Kristaq Ramës?

Kush i lejoi këto rudimente komunsitësh të vinin në pushtet?

Demokracia e vërtetë ndodh kur qytetarët marrin vendime mbi bazën e i formacionit real dhe të pagjymtuar.

E kjo demokraci nuk ndodhi dot as kur emri ju vu Demokraci.

05 Maj

0

Podcast 5/ Basha zbulon si u bë minister transportesh, si lindi projekti për rrugën e Kombit dhe momentin më emocionues pas përfundimit. Flet për korrupsionin qeveritar dhe pasionin e tij

by PD in Lajmi fundit

Në podcastin e radhës me Ermal Peçin dhe Marsid Gupin, kreu i PD, Lulzim Basha tregon si u bë Ministër Trasportesh. Ai gjithashtu treon se si lindi projekti për rrugën e Kombit, pengesat për ndërtimin e saj, nga mungesa e fondeve e deri të përpjekjet për ta ndalur ketë projekt nga aktorë të huaj, që nuk donin bashkimin kombëtar të shqiptarëve përmes infrastrukturës dhe fuqizimit të portit të Durrësit.

Jeta e politikës aktive do të fillonte me deputetë. Kur dhe një gjë që nuk doja, ishte të mos përfundoja në ministrinë e drejtësisë, pasi sapo kisha ardhur për 5 vite në derpartamentin e drejtësisë të UNMIK-ut. Puna e fundit që kisha bërë ishte bartja e kompetencave nga UNMIK-u te qeveria e Kosovës, krijimi i Ministrisë së Drejtësisë së Kosovës. Dhe me thënë të drejtën isha bërë overdozë me çështjet e Ministrisë së Drejtësisë apo të ngjashme dhe nuk doja të merresha fare me atë çështje. Kur një ditë të bukur më merr Berisha në telefon, “ku je”, këtu i them, “eja pak më tha. Futem në zyrën e tij, te selia e vjetër, më thotë: “Lul do të shkosh në ministrinë e transporteve”. Ku?! – i thash. “Në ministrinë e Transporteve”. Çlidhja kam unë i thash me ministrinë e Transporteve?! Lul tha, aty ka shumë korrupsuion, ti je jurist, të luftosh korrupsionin. Që ishte në fakt edhe slogani kryesor i fushatës së 2005-ës. Takimi mbaroi për më pak se një minutë dhe unë u largova me dilemma të mëdha. Se nuk e dija çfarë ishin prokurimet publike, çfarë ishte thesari i shtetit, çfarë ishte studimi i fizibilitetit, çfarë ishin projektet inxhinierike. Pra në rafshin e infrastrukturës nuk kisha absolutisht asnjë informacion.

Kur punoja në Kosovë, më binte të udhëtoja 3, 4 herë në muaj nga Shqipëria në Kosovë dhe e kundërta. Në fillim i bia nga Maqedonia sepse ishte rruga më e mirë. Kur detyrohesha t’i bija nga Kukësi, në veçanti kur nisi lufta në Maqedoni, ishte një ferr i vëretë. Ideja e madhe që më ngrohu dhe më bëri të kuptojë si mision, pra ma ktheu nga një detyrë politike, normale anëtarë i kabinetit, ma ktheu në një mision personal dhe në një mundësi të jashtëzakonshme. Pra, rruga e Kombit ishte gjithçka në motivimin e parë. Dhe biseda e parë që kam bërë pas kësaj, kur u vendosën prioritet politike. Mos harroni në programin tonë që shpallëm para shqiptarëve në 2005-ën, kandidati për kryeministër atëherë, Berisha premtoi Milot-Rrëshen, si pjesë e rrugës së Kombit. Pra, rrugën e Kombit si prioritet, por brenda 4-vjeçarit të parë do të bëjmë Milot-Rëshen.

Që në prag të pavarësisë së Kosovës, ekzistonin barriera fizike. Male, vargmale të cilat vazhdonin ta mbanin izolimin në këmbë. Volumi i shkëmbimit ekonomik ishte minimal, ishte torturë për veturat që të kalonin nga Tirana në Prishtinë dhe nga Prishtina në Tiranë, e jo më për kamionët. Turizmi po kështu. Pra, ishin gjithë këto dimensione që e bënin rrugën e kombit shumë më shumë sesa një projekt të madh, strategjik, inxhinierik. Ishte një projekt gjeostrategjik. Dhe këtu, siç e shikoja unë, sigurist edhe me begraundin e dikujt që kishte punuar, jetuar në Kosovë, por dhe që kishte vetëdijen që gjysmën e familjes e kishte nga Kosova. Kështu e shikonin edhe ata që e përkrahën këtë projekt. Kështu e shikonin edhe ata që e kundërshtonin. Edhe kundërshtimet filluan të duken që në fillim, “jo s’keni para për ta bërë, jo duhet të rrisni borxhin, keni pengesë FMN, keni pengesë Bankën Botërore, rregulloni rrugën aktuale, mos mendoni për investime kapitale, mendoni për mirëmbajtjen e rrugëve. Ka prioritete të tjera Shqipëria”. Pse kjo rrugë Durrës-Kukës ishte pyetja më madhe se rruga e Kombit u quajt më vonë. Pyesnin edhe skeptik të shëndetshëm që donin të dinin çishte ky projekt, por edhe ata që kishin një objektiv të qartë për të penguar një korridor të drejtpërdrejtë transporti dhe një corridor ekonomik siç është ky, midis Tiranës dhe Prishtinës. Sikundër kishte të tjerë që lobonin që korridori kryesor i transportit në Kosovë të mbetej korridori 10, me fjalë të tjera Beograd-Nish-Selanik. Se fjala Durrës nuk është kot aty. Mund të kishim thënë Tiranë-Prishtinë, por është Durrës-Kukës. Ideja e kësaj rruge ishte të fuqizonim portin e Durrësit dhe përmes tij të rivendosnim Shqipërinë si një aktor të fuqishëm tregtar në bazenin mesdhetar.

Basha ka treguar anën emocionale në lidhje me rrugën e Kombit. Ai shprehet se thotë se rruga për të kishte një dimension gjeostrategjik, Kombëtar, personal si një amanet i gjyshërve të tij. Më tej ai shprehet se “brenda saj gjeja domethënien e pse jam futur në politikë, në kuptimin konstruktiv të fjalës, se motivimi i parë ishte sigurisht largimi i qeverisë së korruptuar të atëhershme”.

Basha: Unë e kisha ndarë mendjen që të jepja gjithçka për bërjen e rrugës Durrës-Kukës, kur e kuptova se çfarë pengesash kishte dhe që kapërcimi i këtyre pengesave ishte i mundur, që rruga mund të bëhej, e ndava mendjen time pa e ditur se çfarë do vinte. Por kjo më dha dhe qetësinë edhe para, edhe pasi erdhi ajo që erdhi që kjo rrugë ia vlente gjithçka, jo karrierën time politike, që e jepja me kënaqësinë më të madhe, por gjithçka. Rruga për mua kishte një dimension gjeostrategjik, një dimension Kombëtar, një dimension emocional, personal si një amanet i gjyshërve të mi. Brenda saj unë gjeja domethënien e pse jam future në politikë, në kuptimin konstruktiv të fjalës, se motivimi i parë ishte sigurisht largimi i qeverisë së korruptuar të atëhershme. Sot më jepet mundësia të reflektoj për këtë. Nuk e kam për turp t’iu them që herën e parë kur jam futur me makinë në tynelin e përfunduar, kam qenë në makinë të shtetit, pra kam, qenë mbrapa, shoqëruesit përpara të cilët nuk besoj se e kanë vënë re, por unë si kam mbajtur dot lotët.

Kryedemokrati ka folur edhe për akuzat që iu bënë për rrugën Durrës-Kukës. Ai flenderon të gjithë ata që u angazhuan në akuza të pabaza, pasi sipas tij “pa ndihmën e tyre ndoshta do ishte harruar roli im në ndërtimin e kësaj rruge”. Basha u shpreh se vendosja e traut në rrugën e Kombit është një hile e keqe që u bëhet qytetarëve dhe për këtë shprehu angazhimin e tij që një nga aktet e para si kryeministër do të jetë largimi i atij trau. Ai gjithashtu fioli për korrupsionin qeveritar në vitet e vitet e fundit, që si pasojë ka sjellë largimin masiv të shqiptarëve.

Basha: Fillimisht akuzat e kundërshtarëve i kam shpërfillur me një farë neverie. Thoja çfarë janë këta 238 milionë euro dëme, ndërkohë që pagesa totale kur unë jam larguar nga ministria ishte vetëm 60 milionëshi i garancisë që të fillonin punimet. Pra, ishte një stisje totale. Sigurisht që e çuan në prokurori, e dija të gjitha domethënë çfarë bënë. Pastaj faza e dytë që kam patur ka qenë një zemërim në kufijtë e tërbimit. Tani mirë që nuk më japin dekoratë, se nuk e dua nuk e kam bërë për dekoratë, mirë që nuk thonë faleminderit, po pse duhet të bëjnë këtë tjetrën pse janë kaq të ligë derisa e kam kuptuar që e kisha gabim. Çdo gjë e kishte dorën e Zotit brenda. Dua t’i them faleminderit Edi Ramës dhe gjithë të tjerëve që u bashkuan në atë betejë balte kundër meje. Në veçanti faleminderit atyre që e bënë këtë çështje penale, edhe të tjerëve që për agjenda të ngushta politike, ndoshta dhe disa që mund të kenë pasur Brenda familjes time politike kontribuan në të. Sepse pa ndihmën e tyre ndoshta do ishte harruar roli im në ndërtimin e kësaj rruge. Jo se e kam nevojë që të kujtohem, por ata kanë kontribut të përjetësohet roli im në ndërtimin e kësaj rruge. Sigurisht asnjë prej akuzave nuk qëndron. Rruga sot ka dëshmuar se ka qenë investimi ekonomik më i urt dhe më dobiprurës i shtetit shqiptar që nga themelimi. Vetëm volume i turizmit e justifikon çdo dy vjet koston totale të rrugës. Volumi ekonomik e ka justifikuar 8, 9m herë ndërtimin e rrugës. Kostoja e ndërtimit të rrugës, jo sot por edhe para 10 vitesh, është minimalisht 2 deri në 3 herë më e lartë sesa momenti që u ndërtua dhe u përfundua. Dhe është prokurimi publik më i pastër që ka pasur ndonjëherë Shqipëria dhe Ballkani.

Nuk ndihem mirë kur shoh që në kohën kur u ndërtua nuk ishte me pagesë, ndërsa sot është me pagesë. i qëndroj angazhimit tim që kjo rrugë duhet të mirëmbahet, padiskutim, por vendosja e traut zhbën gjithçka. Ideja është që s’ka më pengesa, papritur i vënë traun. Pra është një hile e keqe me anë të së cilës shteti heq përgjegjësitë për të paguar për mirëmbajtjen e kësaj rruge për të cilat i merr taksat. Ia jep këto përgjegjësi privatit i cili merr taksë ekstra dhe fitimprurëse. Kështu që i qëndroj një angazhimi që e kam bërë public para shqiptarëve, që një nga aktet e para si kryeministër është largimi i këtij trau.

Rruga është zhvillim dhe këto rrugë janë ndërtuar edhe për t’i dhënë një hov të ri ekonomisë lokale. Fakti që megjithëse janë ndërtuar dhe jo pak, prap se prap ka një shpopullim të këtyre zonave dhe një braktisje masive, tregon që të ndërtosh rrugën nuk është mjaftueshëm. Kjo është një qeveri e cila me politikat e saj në vend që të ndihmojë dhe të lehtësojë jetën e njerëzve e bën më të vështirë dhe detyron largimin e tyre dhe kjo po ndodh tani. Ne sot mund të kemi një Shqipëri gjysmë për gjysmë në krahasim me atë që Edi Rama mori për të qeverisur në vitin 2013, dhe kjo është një nga arsyet se pse nuk botohen të dhënat e censusit.

Në fund, ai ka treguar dhe një nga pasionet e tij që janë makinat. Por ai tregon se që kur ka lindur goca e tij, është bërë shumë i kujdesshëm.

Basha: Kam qenë i çmendur për makinat, kam qenë i tmerrshëm me makinat. Kjo ishte para se të lindte goca. Që kur ka lindur goca jam bërë tmerrësisht i kujdësshëm.

Blog