Blog

Këtë bashkëbisedim kemi një muaj që e kemi programuar, por për shkak të zhvillimeve të përditshme prioritare në frontin e emergjencës kombëtare ku ndodhemi. Por kjo për të cilën do të flasim sot, po kështu është një emergjencë kombëtare. Bëhet fjalë për gjendjen e ekonomisë, faktin që jemi para një katastrofe ekonomike që, nëse nuk e shmangim do të ketë pasoja për dekada të tëra.

Dua ta nis duke ju thënë se rreziku kryesor është kriminalizimi dhe kapja e ekonomisë nga paratë e drogës dhe të krimit, rreziqet që mbart kjo për të sotmen dhe për të nesermën e ekonomisë shqiptare. Çfarë kam parasysh me këtë; mund ta ilustroni vetë me kronikën e ditës, 613 kg kokainë kapur në Durrës, sasi rekord, e kapur falë agjencive të huaja të antidrogës dhe ligjzbatimit, tre ditë pasi kryeprokurori italian i Antimafias deklaroi në Tiranë që mafia në Shqipëri ka lidhje me politikën dhe ka pushtuar policinë.  613 kg pluhur i bardhë përbëjnë një vlerë monetare. Sot policia ka deklaruar se vlera e kësaj ngarkesë është 180 milionë euro. Një ngarkesë e vetme 180 milionë euro. E kam denoncuar dhe e kemi denoncuar me dhjetëra herë në parlament, në mediat tuaja dhe kudo, epoka e kanabisit tani është pasuruar me heroinën, kokainën dhe pastrimin e parave të pista.

Dhe pikërisht këtu vjen edhe rreziku ekzistencial për shoqërinë, sepse siç u shpreh edhe prokurori i Antimafies, tani rreziku i kriminalitetit është mbartur drejt politikës dhe ekonomisë. Një paralajmërim i Partisë Demokratike tash 5 vjet, një kauzë jo thjesht politike dhe opozitare, por qytetare. E kemi denoncuar ne, e kanë denoncuar gazetarë, analistë kurajozë dhe intelektualë, anëtarë të elitës së shoqërisë. Por nuk e kemi ndalur, përkundrazi është transformuar. Ku është transformuar? Në radhë të parë është transformuar brenda ekonomisë tonë. Sot përmes grafikëve dhe shpjegimeve të një ndër ekspertëve më të shquar të statistikave në Ballkan dhe në Europë, zonjës Ines Nurja, do t’ju bëjmë një prezantim ju dhe, përmes jush qytetarëve, se si ekonomia shqiptare është në prag katastrofe dhe cili është roli i krimit dhe i drogës me mbështetje qeveritare në këtë katastrofë ekonomike dhe sociale me të cilën po përballet vendi.

Ta nisim me çështjen e parë; kapjen e ekonomisë me paratë e drogës. Nuk ka sektor ku kjo duket më qartë sesa sektori i ndërtimit në Shqipëri dhe në veçanti në Tiranë. Një bum ndërtimesh i financuar nga çfarë? Merrni të dhënat e publikuara sot. Numri i lejeve të ndërtimit për rezidenca për banim në një vit është rritur me  80%. 2016-a viti rekord i prodhimit të drogës. 2017-a, viti rekord i lejeve të ndërtimit në Bashkinë e Tiranës. Kemi një rritje drastike të ndërtesave me mbi 3 kate. Pra, nuk bëhet fjalë për riparim çatish apo ndërtim privat të vogël shtëpish. 200 % është rritur numri i ndërtesave mbi 3 kate. Ndërsa vlera monetare sipas vetë të dhënave të INSTAT-it është rritur me 260%. Ndërkohë përqindja e kredisë në ndërtim është njësoj si një vit më parë. 200% rritja e lejeve për ndërtesa, 260%  rritja e vlerës monetare por këto të gjitha u bëkan jo me më shumë para, siç ta do mendja sepse nga viti në vit ka inflacion, rriten çmimet, por me pothuajse me të njëjtën shumë parash. 14.4% ka qenë vlera, përqindja e kreditimit për ndërtimin në 2016-ën, 15% në 2017-ën. Me çfarë po financohen këto ndërtime ekstra? Me çfarë po financohen kullat, ndërtimet në Tiranë, të cilat përbëjnë mbi 80% të volumit, pjesën tjetër e ka Fieri, Durrësi dhe disa qendra të tjera të mëdha por pjesën e luanit e ka Bashkia e Tiranës. Le ta themi haptas që Bashkia  e Tiranës është kthyer në një lavatriçe të pastrimit të parave të pista të drogës dhe të krimit. Dhe kjo ilustrohet nga bumi i ndërtimit dhe në veçanti i ndërtimeve të larta në Tiranë, të cilat nuk kanë asnjë racionale ekonomike, nuk kanë asnjë kuptim për sa i përket strehimit. Pavarësisht prej manipulimit me shifra dihet se në Tiranë ka apartamente bosh, të pashitura, por ka lidhje vetëm me paratë e krimit.

Aspekti i dytë i kapjes së ekonomisë nga krimi dhe paratë e krimit është PPP-ja; Partneriteti Publik Privat, 1 miliard dollarë i shpallur nga Edi Rama dhe i denoncuar nga ne si pastrimi i parave të pista. Në veçanti kjo duket në sektor të tillë, siç është sektori i mbetjeve urbane ku privati po investon për inceneratorë pro në fakt investimin po e paguan qytetari nga taksat e tij dhe kjo është një formë edhe më e thellë e kriminalizimit të ekonomisë. Pse?

Në qoftë se ndërtesat po bëhen vetëm me paratë e krimit dhe të drogës, këtu po përzihet paraja e krimit dhe e drogës me taksat e shqiptarëve.

Kjo po ndodh përmes përqendrimit të pushtetit të vendimmarrjes dhe projeketeve në pak duar; koncensionet, tenderat po i fitojnë pak duar, atë që rëndom njihet si oligarkët.

Përqendrimi nuk po ndodh vetëm në sektorin e koncesioneve apo në sektorin e lejeve të ndërtimit, po ndodh dhe në sektorin financiar. Kemi një bankë me pronar offshore të quajtur Abi Bank, e cila ka blerë bankën NBG, në një kurs kohor prej disa muajsh. Këto pra janë tiparet e kapjes së ekonomisë nga interesa kriminale, nga paratë e krimit dhe të drogës.

Tani le t’i hedhim një sy çfarë thotë INSTAT me shifrat e veta:

• Sektori i ndërtimit del me boom, por kjo nuk vjen as nga investimet e fondeve publike, as nga kreditimi nga bankat. Nga vijnë këto para? Nga janë ky boom parash për ndërtimin?
• Bujqësia ka një rritje ekonomike, por ka 17 mijë të shpunësuar. Pra, ulet numri i të punësuarve megjithatë sektori vazhdon me rritje ekonomike. Nuk ka nevojë as të jesh ekonomist, madje as të kesh mbaruar shkollën e mesme për të kuptuar që këtu ka diçka që nuk shkon. Nga njëra anë, sipas vetë të dhënave zyrtare, ka 17 mijë të punësuar më pak se një vit më parë, po prapë sektori është në rritje. Bëhet fjalë për një sektor, i cili e ka ndier deri në palcë konkurrencën nga kultivimi dhe tregtia e drogës. Për të kaluar pastaj tek efektet që kjo jep te popullsia.
• Do të shikoni në grafikë dhe do t’u shpjegohet me hollësi nga zonja Ines Nurja se, pretendimi që punësimi është rritur, bazohet mbi një falsifikim të të dhënave zyrtare, që përbën vepër penale në Shqipëri. Për të kapur shifrën që ka caktuar qeveria, INSTAT ka deklaruar mbi 10 mijë apo  15 mijë të punësuar mbi moshën 64 vjeç. Rritja më e madhe e punësimit është mbi moshën 64 vjeç . T’ju pyes të 7 ju gazetarë të nderuar që jeni këtu. Ka ndonjëri prej jush shpjegim sesi punësimi në tri mujorin e tretë të vitit të kaluar rritet vetëm te kategoria e mbi  64 vjeçarëve. Sepse as në shkencat ekonomike, as në vlerësimin që i bëjmë ne, gjendjes në terren, nuk shohim 64 vjeçarë të puësuar. Përkundrazi ankesat kryesore janë që mbi 45-50 vjeç nuk gjen punë, por INSTAT ka deklaruar se shumica e atyre që janë të punësuar janë mbi 64 vjeç.
• Dhe së fundi efektet sociale që përbëhen nga dy aspekte. Vetë INSTAT e pranon që familjet shqiptarë kanë ulur shpenzimet ushqimore. Kjo tregon varfërinë e thelluar, ndërkohë që janë të detyruar të rrisin shpenzimet arsimore për rritjen e tarifave të universiteteve dhe  kostot e tjera të shtuara të arsimit publik.
• Kjo ka sjellë një rritje të pabarazisë me 90% të popullsisë gjatë një viti që ka mbetur në vendnumëro ose është zhytur në varfëri. Dhe është në këtë sfond që qeveria vendos të heqë edhe 20 mijë të tjerë nga ndihma ekonomike, pa asnjë shpjegim.

Kjo pra është gjendja e vendit që denoncon më mirë sesa unë, sesa opozita madje dhe sesa ju, pasojat e në qeverie pa asnjë politikë dhe prioritet të vërtetë ekonomik.  Prioritet i vetëm ka qenë ta bënte Shqipërinë zonë të lirë të krimit. Në 2016 e mbolli me hashash, në 2017 përdori paratë e hashashit për të shkatërruar proçesin politik dhe po kështu në 2017 me infrastrukturën dhe paratë e hashashit ka kaluar në heroinë, kokainë dhe kapjen e sektorëve të ekonomisë, me prioritet, ndërtimin , turizmin, menaxhimin e mbetjeve.

Në strukturën ekonomike pavarësisht se këto po ndodhin me paratë e drogës, po dëmtojnë dhe po shkatërrojnë të sotmen dhe të nesërmen e shqiptarëve. Të marrim dy shembuj. Këto ndërtime nuk janë gjë tjetër veçse piramida droge. Çfarë roli do të kenë këto nesër pasnesër në ekonomi. Si do të kontribuojnë për të krijuar vende të reja pune? Nuk munden sepse roli i tyre i vetëm është të pastrojnë milionat e drogës. PPP ( partneritet publik, privat ) në fakt janë borxh i fshehur, bëhen për të pastruar paratë e drogës, bëhen për të shpërdoruar dhe vjedhur paratë e taksapaguesve siç është rasti i inceneratorëve që është rasti unik, ku çdo television dhe çdo gazetari i çensurohet lajmi, sepse Arben Ahmetaj, Edi Rama dhe Klodian Zoto operojnë një fond të veçantë për të çensuruar lajmin për inceneratorët në çdo media dhe madje  vendosim një bast sot se cilat nga mediat do ta transmetojnë këtë pjesë të denoncimit tim. Por për këtë çështje do të kemi më shumë informacion në ditët në vijim, dhe përmes kësaj të rrisë dhe te thellojë borxhin publik të Shqipërisë.

Konçesionet dhe PPP-të janë mënyrë e fshehur për të rritur borxhin.  Unë e kam bërë këtë, problem prezent , e kam denoncuar para FMN-së, e cila ka bërë reagimete saj të para. Pres nga ata dhe institucionet e tjera reagime të forta në këtë drejtim, veçanërisht nga ata që janë gardianët e nivelit të borxhit publik. Borxhi publik i Shqipërisë po rritet në mënyrë marramendëse dhe sekrete nga PPP-të dhe nga konçesionet  korruptive. Këto janë çështjet që po denoncojmë sot. Tani ia jap fjalën znj. Nurja e cila do t’jua bëjë të qarta përmes prezantimit dhe grafikëve, ju dhe qytetarëve të interesuar që na ndjekin, duke e  mbyllur me këtë konstatim dhe bindje të thellë prezantimin tim paraprak:  të gjitha këto tregojnë nga njëra anë që ekonomia shqiptare është në prag të një katastrofë që, nëse nuk shmanget sot, do të ketë për efekt zhdukjen e mijëra mijëra vendeve të tjera të punës dhe rritjen e  plagës sociale që do të çojë edhe më shumë në rritjen e emigracionit. Por nga ana tjetër kjo është një thirrje drejtuar të gjithë faktorëve shoqërore. E zhveshur nga interesi imediat politik i opozitës para kësaj qeverie apo kësaj bande quajeni si të doni. Kemi nevojë për një transformim të thellë ekonomik. Kemi nevojë për një transformim dhe ndryshim  të thellë ekonomik, i cili mund të vijë vetëm përmes çlirimit të tregjeve , luftës ndaj monopoleve, luftës ndaj oligarkëve dhe oligopoleve dhe kur them luftë e kam fjalën për masa të forta ligjoredhe zbatimin e tyre dhe sektorëve të tjerë. Integrimin e ekonomisë tonë që sot është totalisht e shkëputur nga rajoni, nga rajoni e jo më nga Europa, përmirësimi i teknologjisë që ka mbetur në vend umëro prej më shumë se gjysëm dekade dhe thithjes së investimeve të huaja. Siç e kuptoni të gjitha këto të cilat janë të domosdoshme për transformimin e ekonomisë tonë kombëtare nuk mund të bëhen pa një transformim të thellë politik. Por këtu dua të ndaloj para se të kaloj në tema të tjera para se të marrim vëmendjen tuaj për çështje të tjera , me qëllim që të bëjmë një analizë më të detajuar të problemeve kryesore që paraqita para jush.

Ines Nurja: Unë do të përqëndohem tek disa të dhëna që janë pika kyçe në lidhje me ekonominë shqiptare.

• Do të filloj me bujqësinë. Dihet që bujqësia është një nga sektorët që ka dhënë gjithmonë pjesën kryesore të prodhimit, rreth 20% ka qenë vetëm bujqësia dhe faktikisht vitet e fundit është parë që bujqësia ka pasur rritje minimale ka pasur raste ku kanë qenë edhe  vlera negative, por ajo që bie ne sy është që në tre mujorin e fundit ka një ulje drastike të numrit të të punësuarve në bujqësi rreth 17 mijë veta ndërkohë që duhet menduar që në bujqësi janë të punësuar më shumë se gjysma e forcës punëtorë që ekziston në Shqipëri dhe rritja ekonimike është më 0.52%. Normalisht që këto shkojnë më tej në drejtim pra rritja ekonomike te rritja e numri të të punësuarve ndërkohë që ka ndodhur për herë të parë një rënie drastike e numrit të të punësuarve dhe një rritje ekonomike minimale.
• Në grafik është shfaqur edhe industria me një rritje 1970 veta dhe faktikisht janë dy sektorët më kryesorë, buqësia dhe industria që prodhojnë dhe faktikisht dhe rritja e punësimit  është ose negative ose më një rritje minimale, pra tregon që Shqipëria nuk prodhon më dhe ulja e punësimit e pasqyron këtë më mirë.
• Një tregues tjetër që bie në sy është tregtia me pakicë. Faktikisht ne të gjithë e dimë që tregëtia me pakicë pasqyron drejtpërdrejt konsumin e familjeve shqiptare dhe po të shikojmë grafikun që është paraqitur për tregtinë më pakicë ,do të shikojmë që tregtia me pakice sa vjen dhe ulet dhe ka arritur vlerën më të ulët në vite 1.1% rritje në tre mujorin e tretë, e cila tregon që familjet shqiptare nuk konsumojnë më, sepse kjo ka lidhje të dretpërdrejtë me shpenëzimet  për familjet shqiptare. Pra tregtia me pakicë vjen dhe ulet tregon që dhe konsumi i familjeve shqiptare sa vjen dhe ulet më tepër. Një tjetër tregues interesant faktikisht që ka të bëjë me punësimin.
• Unë u përqëndrova tek punësimi sepse është diçka që ka të bëjë shumë me largimin e shqiptarëve nga vendi. Këtu është i paraqitur një grafik me të dhënat e punësimit të ndara në dy grupe. 15-29 vjeç që do të jetë pjesa që duhet të jetë më shumë  e punësuar dhe të punësuarit mbi 64 vjeç dhe po të shikohet, të punësuarit 15-29 vjeç kanë zbritur numrin e tyre. Me 1100 veta është zvogëluar numri i të punësuarve të kësaj kategorie ndërsa mbi 64 vjeç është rritur rreth  8000 veta. Pra faktikishit i jepet përparësi, gjithmonë mbas grupit të të dhënave pjesës më të moshuarve në Shqipëri, ndërkohë që pjesa e rinisë që duhet faktikisht të punësohet, ata që dalin direkt nga shkolla ka një ulje dhe kjo ka të bëjë jo vetëm me të tashmen cfarë ndodh por edhe me të ardhemn e Shqipërisë.
• Në grafikun e mëposhtëm është një grafik shumë interesant, i cili është marrë faktikisht nga Eurostati dhe tregon përqindjen e të larguarve nga Shqipëria, ata që janë rregjistruar dhe kanë kërkuar azil ekonomik. Po të shikojmë rreth 80% e atyre që largohen nga Shqipëria janë deri në moshën 34 vjeç. Pra edhe nëqoftë se në të ardhmen do të kemi një zhvillim ekonomik, me largimin e  të rinjve ku do ti gjejmë këto forca punëtore për ti punësuar në Shqipëri. Pra kemi dy fenomene: nuk punësohen të rinjtë për momentin përkundrazi zvogëlohet numri I të punësuarve dhe nga ana tjetër shtohet numri i të larguarve deri në moshën 34 vjeç. Shqipëria rrezikon plakjen e popullsise që është një fenomen i cili shihet edhe në vendet e tjera por që në Shqipëri po na troket në derë dhe do të jetë diçka shumë negative për ekonominë tonë.
• Një tjetër tregues interesant është pabarazia. Është bërë një studim ne lidhje me konsumin e familjeve, dy vite janë krahasuar dhe është parë që rritja ka qenë minimale mirëpo ajo që është vënë re me kujdes është që shpenëzimet për ushqime janë ulur ndërkohë që janë rritur shumë shpenëzimet për arsim. Për ato shpenëzime që janë rritur janë vetëm për një pjesë të vogël të familjeve shqiptare. Grafiku i mëposhtëm paraqet që vetëm 10 % e familjeve kanë rritje me 200 mijë lek të vjetra  në muaj ndërsa 90% e familjeve kanë një rritje me 3 mijë lek të vjetra afërsisht. Ajo rritje që është bërë i ka shkuar pjesës më të pasur të familjeve shqiptare ndërsa 90% e familjeve kanë ngelur në të njëjtin nivel si pasojë e rritjes së arsimit kanë zbritur dhe më poshtë. Kjo tregon që pabarazia sa vjen dhe theksohet në Shqipëri dhe kjo faktikisht nuk është e mirë për të ardhemn tone.
• Grafiku i fundit fare i cili është paraqitur është paga minimale sipas Eurostatit dhe pot ë shikoni unë kam marrë tre vende në krahasim Bullgarinë, Rumaninë dhe Shqipërinë për krahasimin ndër vite. Deri ne vitin 2012- 2013 ne kemi qenë ose më mirë se Bullgaria ose në të njëjtin nivel me Rumaninë dhe pas kësaj ndryshimi ka ndodhur I menjëhershëm për këto vende nërkhë që Shqipëria ka ngelur pothuajse në të njëjtat nivele të pagës minimale. Vendet etjera kanë pasur njëe rritje drastike te pagës minimale. Nuk po krahasohemime vendet e rajonit sepse vendet erajoni kanë qenë gjithmonë në vlera më të larta se Shqipëria por me vendet që ne kemi qënë të së njejtit nivel faktikisht ndryshimi që ka ndodhur këto dy vitet e fundit është drastik. Vendet e tjera kanë ecur shumë përpara, Shqipëria ka ngelur me një pagë minimale thuajse si ajo më parë.
• Ndërtimi është vlera që është pasqyruar këtu, një rritje shumë e madhe vlerash dhe ndërkohë që sic përmendi më pare zoti Basha vetë kreditë kanë ngelur po në të njëjtin nivel. Atëherë kjo rritje kaq e madhe e vlerës së ndërtimit me çfarë merret nga kush investohet? Përgjigjen e dini vetë sepse është droga e cila mbillet në Shqipëri që e financon ndërtimin sidmos të rezidencave me shumë kate sidomos në Tiranë.

Këto janë disa nga grafikët kryesorë që unë kam menduar që tregojnë gjëndjen ekonomike në të cilën ndodhet vendi e pasqyruar e pasqyruar në të dhënat që janë të publikuara.

Basha: Të gjitha të dhënat të formatuara dhe me burimet përkatëse ku burimi kryesor, pavarësisht prej manipulimit, mbetet INSTAT. Aty ku ka manipulim, e keni te evidentuar. Do t’ju vëmë në dispozicion formatin elektronik, ndoshta ju ndihmojnë edhe për përgatitjen e kronikës së lajmeve. Kështu që, pa u zgjatur më tej në këtë prezantim, le ta kalojmë në bashkëbisedim.

Top Channel: Jo më larg se dje Top Channel iu referua shifrave të Ministrisë së Financave për një ulje të borxhit, 69.9%, ndonëse është prap në kufi rreziku. Ndërkohë ju më parë u shprehët se borxhi është rrezik real nga gjithë këto shifra apo keni shifra të tjera që janë të ndryshme nga Ministria e Financës?

Basha: Ta shpjegojmë pak në mënyrë që ta kuptojnë edhe njerëzit. Borxhi nga çfarë përbëhet? Përbëhet nga huatë që qeveria merr, apo jo. Borxhet, huatë, kreditë, që qeveria merr të cilat pastaj strukturohen në formën e një borxhi kombëtar. Në vitin 2013, siç ju kujtohet me një përqasje të paprecedentë, u llogaritën në borxh kombëtar edhe një sërë transaksionesh që nuk klasifikoheshin deri atëherë si borxh si për shembull, pagesa të papaguara kontraktorëve të punëve publike, dikush që kishte ndërtuar një rrugë, një ujësjellës apo një shkollë, që e kishte ndërtuar para afatit apo në disa raste e kishte ndërtuar Brenda afatit dhe nuk kishte marrë ajkoma paratë që I detyrohej pororsitësi, në këtë rast shteti shqiptar në formën e një institucioni qendror apo lokal. U llogaritën po kështu edhe borxhet e kompanive publike dhe parrulla e qeverisë ishte “Do të ulim borxhin”. Borxhi u kontabilizua në 2013 në 62%. Le të marrim për një moment të mirëqënë shifrën e Ministrisë së Financës që borxhi sot është 69.9%, pra pothuajse 70%. Pesë vite pas ardhjes së Edi Ramës, borxhi jo vetëm që nuk është ulur por është rritur. Është rritur ndërkohë që interesat e borxhit kanë rënë. Deri në vitin 2013 interesat e borxhit për Shqipërinë, por jo vetëm për Shqipërinë kanë qënë pothuajse dyfishi I ineteresave që janë sot. Pra, e para është që borxhi nuk ka rënë por është rritur. Në krahasim me vitin 2013 sot Shqipëria ka një borxh më të madh. Edi Rama e ka futur Shipërinë dhe shqiptarët në një borxh më të thellë se sa seç e ka gjetur dhe nuk arrin të justifikojë dot se pse i ka marrë këto para borxh. Ka ndërtuar ndonjë vepër madhore? Ka rritur pensioned he rroga? Ka bërë shëndetësinë falas? Sigursht, ju e dini fare mirë se përgjigja për të treja këto shumë të tjera është JO. Këto para janë marrë borxh për skema korruptive dhe abusive të cilat janë edhe shkaku kryesore se pse Shipëria renditet sot si vendi më i korruptuar I ballkanit dhe ndër më të korruptuarit e botës. Keni parë besoj, se njërëzit nganjëherë shohin më mirë fotografinë se shifrat, profilet e liderëve që radhiten me Edi Ramën, një prej tyre ishte gjysëm lakuriq, besoj se ishte monarku i Suazilandit, aty e ka quar Shëipërinë. E keni parë apo jo? Apo ka ndonjëri që s’e ka parë? Mund ta nxjerrim. Është Suazilandi, lideri tribal i Suazilandit dhe Edi Rama. Tani në këtë moment cili është kërcënimi? Që borxhi do të vazhdojë të rritet porn ë mënyrë të fshehtë. Çfarë kam parasysh me këtë? A e dini ju shifrën duhet të paguajmë këtë vit për konçesionet dhe për PPP-t? Është në gjendje dikush nga ju të mna thotë? Është në buxhetin e shtetit. Janë planifikuar 70 milion euro të taksave të shqiptarëve të cilat do të paguhen për Check-up-in, për inceneratorët, për sterilizimin dhe për një sërë konçesionesh korruptive. Ky është borxhi i fshehur, sepse këto janë, siç e dini, kontrata 10, 20, 30 vjeçare. Që do të thotë se qeveria në emër të shqiptarëve ka firmosur një borxh tjetër të fshehur. Ka firmosur që në 10, 20 apo 30 vitet e ardhshme në varësi të kontratave të paguaja çdo vit një shumë parash e cika nuk vjen duke u zvogëluar por duke u rritur për dy arsye: E para sepse rritet numri i këtyre konçesioneve dhe PPP-ve

E dyta sepse në disa raste rritet kostoja e tyre.

Pra si konkluzion, borxhi sot është, siç e ka pohuar edhe Ministria e Financës, më i lartë se sa ishte në vitin 2013 dhe borxhi sot kërcënohet nga rritja përmes borxhit të fshehtë, koçesioneve dhe PPP-ve që janë skema të pastra zhvatje, skema të pastra korrupsioni. Paguhen drepërdrejt nga xhepat e taksapaguesit shqiptar.

Klan: Unë kam dy pyetje dhe po i bëj një nga një. Përse është Partia Demokratike në lidhje me marrëveshjen e detit me Greqinë, pasi i vetmi zë në fajt, denoncues nga rëdhët e selisë blu është ai ish-kryeministrit Berisha dhe duke marrë në konsideratë edhe faktin që një ditë më parë përsëri Presidenti Ilir Meta refuzoi kërkesën për dhënien e plotfuqishmërisë ministrit të jashtëm Ditmir Bushati për të nisur negociata me palën greke?

Basha: Së pari Partia Demokratike nuk hesht. Sot kemi patur të thirrurr në komisionin e punëve të jashtme jo për herë të parë por për hërë të dytë Ditmir Bushatin.  Nëqoftëse nuk e dini po jua them dhe ky është një nga aktet që Partia Demokratoike ka ndërmarrë. Natyrisht që edhe Sali Berisha ka qenë dhe është i Partisë Demokratike. Por po ju them që Partia Demokratike jo vetëm që nuk ka heshtur por ka qenë në ballë të përpjekjes për transparencë. Le ta bëj edhe një herë të qartë siç e kam bërë prej fillimit të kësaj afere qëndrimin tonë: ne duam marrëdhënie të mira fqinjësore me Greqinë. Ne duam dhe jemi të interesuar të zgjedhimin problemet e mbetura pa zgjidhur.  Por ne jemi kundra çdo pazari dhe nuk do të pranojmë kurrë  një Pazar në kurriz të interesave kombëtare, në kurriz të interesave të Shqipërisë. Në këtë kuadër kemi kërkuar prej ditës së parë transparencën që nuk vjen. Kemi kërkuar sqarime, sepse të vetmet informacione i kemi marrë nga pala greke dhe këto sqarime nuk vijnë, përkundrazi përballemi me gënjeshtra. Sot mohojnë që kanë negociuar, ndërkohë që mund ta shikoni në arkivat tuaja e kana pranuar me gojën plot që negociatat kanë nisur, kanë vazhduar, kanë kulmuar në Kretë dhe pastaj në Korçë. Që në stafet e negociatave ka persona të nivelit teknik. Dhe të gjitha këto janë bërë në shkelje totale të vendimit të Gjykatës Kushtetuese. Shkelje flgrante të përcaktimeve që Gjykata Kushtetuese ka përcaktuar në vendimin  e saj në tentativën për negociata në marëveshjen e vitit 2009. Pra pozicioni ynë është i qartë prej fillimit. Pozicioni ynë është mbajtur në të gjithë nivelet e Partisë Demokratike nga unë si kryetar, nga zoti Berisha, nga zoti Shehu si nënkryetari demokrat i komisionit të Punëve të jashtme dhe nga një numër i madh deputetësh.

Klan: Edhe një koment në lidhje me deklaratën e ish-minitstrit të mbrojtjes Arben Imami i cili thotë se ju jeni vënë prej më shumë se një jave në dijeni të faktit se njëri prej anëtarëve të grupit negociator Artur Meçollari ka qenë i lidhur me shërbimet secrete të huaja dhe se përmes heshtjes suaj, jo vetëm që dilni kundër qëndrimit të mbajtur nga ish-kryeministri Berisha por në një farë mënyre po pozicionoheni pro kryeministrit Rama.

Basha: Mendoj se me çështjet e rëndësishme që trajtuam sot uroj që kjo të mos jetë një alibi për t’i ikur mesazheve të rëndësishme që dhamë, por përgjigjia ime është kjo. Absolutisht që kryetari i opozitës për çdo dijeni që ka marrë, ka marrë edhe masat dhe hapat e duhur dhe më duken marrëzi të pretendohen gjëra të tilla. Unë nuk komentoj deklaratën e askujt, mos e merrni këtë për koment, por kryetari i opozitës ka marrë hapat e nevojshëm në raport me denoncimin dhe ndjekjen institucionale të të gjitha formave të problemit.

Konferenca e plotë për shtyp e Kryetarit të Partisë Demokratike Lulzim Basha dhe shpjegimet e ekspertes se statistikave Ines Nurja.

• Familjet pa ndihmë ekonomike çojnë fëmijët pa bukë në shkollë.
• Pas përjashtimit nga ndihma të miturit punojnë për të mbajtur frymën gjallë.
• Me paratë e inceneratorëve mund të paguheshin 47 mijë familje të varfra.

Kryetari i Partisë Demokratike, Lulzim Basha, vizitoi disa familje të përjashtuara nga skema e ndihmës ekonomike në Bashkinë e Kavajës. Gjendja në familjen e Kastriot Mihanit është e mjerueshme. Baba i dy fëmijëve dhe i bashkëshortes me problem mendore, Kastrioti tregon dhimbjen e një kryefamiljari që, ndryshe nga sa thotë kryeministri, nuk gjen dot punë dhe nuk mund t’u sigurojë bukë fëmijëve.

Basha: Ai thotë që ju preferoni 60 mijë lekëshin e ndihmës në vend që të merrni 200-300 mijë lekë rrogë. 

Kastriot Mihani: Ore vëlla, gjeje ku, të më ofrojë punë, atëherë po. Po nuk shkova me punu, le ta heqë ndihmën. Unë jam njeri që punoj kudo. Si e heq përkrahjen pa lidhje? Çfarë do të hanë kalamajtë? Kanë ikur kalamajtë pa bukë sot në shkollë. 

Mes familjeve të përjashtuara nga ndihma ekonomike ka shumë nga ato që kanë fëmijët sëmurë, por, sërish nuk marrin asnjë ndihmë nga shteti. I tillë është rasti i Fatmira Shimës, e cila e përballon e vetme pamundësinë e familjes së saj.

Fatmira Shima: Jemi të gjithë copë -copë. Kështu jepet jepet e drejta, shkon Edi Rama e heq asistencën robve, iu heq bukën e gojës?. Sa merrsha unë?! 16500 lekë, me atë do të mbaja familjen time, gocën që kam sëmurë, burrin që e kam çuar në azil nga zori. S’kam të ardhura fare. Edhe fëmijët i kam gjysëm robi. 

Ndihma ekonomike u është hequr edhe grave të dhunuara nga burrat, që rrisin të vetme fëmijët dhe pa ndihmën ekonomike nuk kanë asnjë të ardhur tjetër. Me bahskëshortin në burg për dhunë në familje, Liljana Eminaj rrit e vetme dy fëmijë të mitur, njëri prej të cilëve detyrohet të shkojë në shkollë dhe të punojë.

Basha: Të hoqën nga lista pa e parë shtëpinë fare?

Liljana Eminaj: Asnjë s’erdhi.

Basha: S’të kanë dhënë asnjë shpjegim pse të hoqën ëëë? Po me çfarë jetoni tani, fëmijët me çfarë i mbani?

Liljana Eminaj: Del çuni me mbledh kanaçe.

Basha: Sa vjeç është çuni?

Liljana Eminaj : 13 është. 

Partia Demokratike e konsideron situatën një emërgjencë kombëtare dhe ka thirrur në një interpelancë kryeministrin Rama, por ai e ka shtyre përgjigjen për në mesin e marsit. Kryetari i Partisë Demokratike u shpreh se qeveria i ka paratë, por prioritet i saj nuk është ndihma e njerëzve në nevojë.

“Jo 20 mijë që ka hequr, por 47 mijë familje mund të paguhen në qoftë se lekët e shtetit nuk i çon për inceneratorët privatë të Arben Ahmetaj, që do të thotë se i çon tek xhepat e Arben Ahmetajt dhe tek xhepat e vet”- tha Basha.

Kryetari i Partisë Demokratike, Lulzim Basha, i shprehu Komisionerit për Zgjerimin, Johannes Hahn mbështetjen e plotë  të opozitës për hapjen e negociatave të anëtarësimit me Bashkimin Europian. Gjatë takimit në Tiranë me Johannës Hahn, kreu i opozitës e nxiti Komisionerin për të ndikuar për një rekomandim pozitiv nga Komisioni.

“Pavarësisht problemeve të keqqeverisjes në vend, shqiptarët aspirojnë për të qenë pjesë e Bashkimit Europian dhe kanë perqafuar vlerat e Bashkimit Europian”- u shpreh Lulzim Basha.

Kryetari i Partisë Demokratike theksoi se opozita beson se hapja e negociatave do të ofrojë një mekanizëm të fortë dhe të pavarur për monitorimin e nivelit të demokracisë, respektimit të të drejtave të njeriut dhe të cilësisë së qeverisjes në Shqipëri.

Basha siguroi Komisionerin Hahn për  vazhdimin e angazhimit pa kompromis të opozitës për luftën kundër krimit dhe korrupsionit, të zbatimit në mënyrë kushtetuese dhe të paanshme të reformës në drejtësi, si dhe plotësimin e kritereve të tjera për hapjen e negociatave të anëtarësimit.

Në takimin me komisionerin Hahn, Kryetari i Partisë Demokratike theksoi se opozita është e vetëdijshme se vendet anëtare të Bashkimit Europian kërkojnë prova dhe rezultate konkrete dhe se Partia Demokratike do të luajë rol te rëndësishëm për arritjen e tyre.

• Për ekskursionin në Berat Edi Rama ka shpenzuar mjaftueshëm para për të paguar ndihmën ekonomike për të gjitha familjet e hequra në mënyrë abuzive në Qarkun e Beratit.

• Rama mashtron dhe s’e beson askush, kur thotë se një qytetar preferon ndihmën ekonomike me 50 mijë lekë në vend të punës me 300-400 mijë lekë në muaj.

• Mashtrimi i Ramës bëhet për të mbuluar të vërtetën e dhimbshme, se në qeverinë e tij nuk ka vende të reja pune dhe se vendet e punës po mbyllen çdo ditë.5 vjet pas ardhjes në pushtet të Ramës me moton “më punësoni, t’ju punësoj”, është e qartë se shqiptarët kanë punësuar një një parazit dhe një hajdut!

• Çdo qytetar duhet të ngrihet për fatin e vet! Mos e lejoni Ramën t’ju kërcënojë me bukën e fëmijëve! Ta heqim nga puna këtë kryeministër parazit, mashtrues dhe hajdut! 

Komunikimi i plotë i Kryetarit Basha me gazetarët:

Edi Rama sot nga Berati ka përsëritur gënjeshtrën e trashë që nuk e beson asnjë shqiptar, se personat në nevojë ekonomike preferojnë më mirë 50 mijë lekë të ndihmës ekonomike sesa punë me 300, 350 apo 400 mijë lekë.

A ka shqiptarë që e beson këtë?

A ka gazetarë, njeri të medias, sipërmarrës, të papunë që e beson këtë gënjeshtër të trashë të Edi Ramës?

Sigurisht askush nuk e beson.

Pse e bën këtë?

Për t’i shpëtuar një fakti të dhimbshëm dhe një përgjegjësie që është kryekëput e Edi Ramës.

E para, nuk ka vende pune. Ekonomia është në krizë, politika e taksave të larta, fryma armiqësore ndaj biznesit, TVSH-ja që tani pritet t’i vihet mbi shpinë sipërmarrjes së vogël, po shkatërrojnë vendet e punës.

Nuk ka vende pune në Berat ku ndodhet sot Edi Rama. Nuk ka vende pune në asnjë rreth, në asnjë qytet të Shqipërisë. Përkundrazi, vendet e punës po mbyllen.

E dyta, pasi ka shëtitur dhe ka bërë ekskursion në çdo cep të Beratit nuk ka gjetur kohë të shkojë në një familje të cilës i është prerë ndihma ekomomike, t’i shohë në sy dhe të kuptojë se ndihma ekonomike iu është hequr në mënyrë abuzive, pa asnjë shpjegim.

Unë kam shkuar, i kam parë, do të avazhdoj t’i shoh, familje që jetojnë prej tre vitesh pa drita, kryefamljare e cila mezi blen një thes mielli, 25 mijë lekë të vjetra sepse pjesën tjetër të ndihmës ekonomike ia marrin dritat, uji dhe ilaçet.

Kryefamiljar invalid, me një apo dy gjymtyrë të dëmtuar, me tre apo katër fëmijë për të rritur, të cilët nuk i çon dot as në shkollë sepse nuk iu blen dot as këpucët.

Kjo është gjendja e familjeve në nevojë ekstreme të cilët janë hequr pa asnjë shpjegim nga lista e ndihmës ekonomike.

Sigurisht ka, edhe mund të ketë abuzues. Këta abuzues janë në këto lista sepse i ka futur Edi Rama në këto lista dhe ne duam që çdo abuzues të largohet. Por ndërkohë janë 20 mijë familje të cilat janë larguar pa asnjë shpjegim.

Detyra e Kryeministrit nuk është t’i përgojojë këto familje, të tallet, t’i nënçmojë. Detyra e kryeministrit është t’iu japë urgjentisht ndihmën ekonomike, për të cilën u detyrohet sipas ligjit, t’u gjendet pranë me fondet që qeveria ka për ndihmën ekonomike.

Këto fonde ekzistojnë. Nuk është arsyeja se nuk ka fonde, por këto fonde në vend që të shkojnë për njerëzit në ndihmë ekonomike, shkojnë për luks qeveritar.

Bëni një llogari të thjeshtë, në Berat këto 48 orë shpura qeveritare me dieta, me shpenzime, me dreka me darka, me hotel, me punonjësit e Gardës që zhvendosen masivisht sa herë lëviz kryeministri, kanë shpenzuar mjaftueshëm para për të paguar ndihmën ekonomike për të gjitha familjet e hequra në mënyrë abuzive në Qarkun e Beratit.

Në vend që këto familje të kenë 50 mijë lekëshin dhe të blejnë dy thasët e miellit për një muaj, ato lihen në mëshirën e fatit për bukën e gojës që Edi Rama dhe banda e tij qeveritare të hazdisen në luks, në gostira dhe në ekskursion në Qarkun e Beratit.

E mbani mend para 5 vitesh dhe prapë para 1 viti si tha: “Më punësoni që t’ju punësoj.” E pra, qytetarë të Beratit dhe të gjithë Shqipërisë keni punësuar një parazit dhe një hajdut.

Mos e lejoni t’ju kërcënoj me bukën e fëmijëve tuaj!

Merreni fatin tuaj në dorë, mos e lejoni të vazhdojë më kjo farsë e shëmtuar !

Ne nuk do t’i ndahemi asnjë sekondë kësaj emergjence kombëtare.

Një politikan abuziv, një parazit, një hajdut i cili nuk meriton gjë tjetër, veçse kryengritje qytetare dhe largimin e tij sa më parë nga përgjegjësitë të cilat nuk i kryen, duke dhunuar ditë për ditë fatin e qytetarëve.

Pyetje: Sipas kryeministrit, janë 19 mijë abuzues në këto lista.

Basha: Ky është një mashtrim i pafytyrë. I kam parë këtu në Kamëz, do t’i shoh kudo ku janë. Përse nuk shkon të përballet me këto familje, përse nuk shkon t’u thotë, keni abuzuar dhe nuk meritoni asnjë ndihmë ekonomike, ju, që s’keni asnjë të ardhur, asnjë pension, që keni tre vjet që nuk paguani dot dritat, që jetoni me thesin e miellit, përse nuk shkon të përballet me këto fakte? Sepse është një gënjeshtër. Është një gënjeshtër e ulët. Shumica dërrmuese e këtyre familjeve nuk kanë asnjë mundësi tjetër, përveç ndihmës ekonomike. Ku janë këto vende të punës që nuk i pranokan shqiptarët. Që pranokan më mirë dy thasë me miell, se aq është ndihma ekonomike, se sa të marrin 300 mijë lek në një vend normal pune, ku janë këto vende pune? Sigurisht që nuk janë as në fantazinë e Edi Ramës, Edi Rama gënjen se e di fare mirë që nuk ka vende të tilla pune, por abuzon dhe fsheh të vërtetën dhe kjo është një vepër kriminale në kuptimin human dhe ligjor.

Pyetje: Zoti Basha do të ketë protesta për këtë çështje?

Basha: Protesta ka patur edhe sot në Berat, me përpjekje për t’i mbajtur larg syve të medias. Protestat e mëdha janë detyrë e çdo qytetari. Ne si opozitë i kemi thirrur, i kemi organizuar dhe do të vazhdojmë t’i organizojmë, por çdo qytetar duhet të ngrihet për fatin e vetë, duke filluar nga ju, gazetarët që jeni ditë për ditë nën goditjen dhe nënçmimin e pushtetit, intelektualët, pedagogët, artistët, sipërmarrësit, fermerët dhe ata që kërcënohen me bukën e fëmijëve të tyre. Organizimi i protestave, mbledhja dhe bashkimi në protestë, është tubimi më i lartë i qytetarëve në demokraci. Opozitën e kanë dhe do ta kenë në krahun e tyre.

Pyetje: A do ta votoni kodin e sjelljes së deputetëve ditën e hënë? Në atë kod ka një nen ku thuhet se deputetët nuk lejohet të marrin dhurata në udhëtime si psh siç e quani ju, ekskursion në Berat.

Basha: Të paguara nga taksat e shqiptarëve. Garda nuk paguhet me dhurata. Batalioni i gardës që lëviz me kryeministrin nuk paguhet me dhurata. Vetëm kosto e zhvendosjes së qindra oficerëve dhe nënoficerëve të gardës, me dietat e tyre do të mjaftonin për të mbajtur ato familje që i kanë hequr me të padrejtë nga ndihma ekonomike. Kjo është e vërteta. Të tjerat janë gënjeshtra dhe mashtrime, nuk i ha askush, nuk i beson askush. E beson ti që ka ndonjë në Berat që thotë më mirë 50 mijë lek ndihmë ekonomike se 300 mijë lek i punësuar? Beson se ka njerëz të tillë? Do t’ia themi një herë njëri-tjerit se ky mashtron ditën për diell, gënjeshtra që nuk i beson askush dhe pastaj t’u themi shqiptarëve që nuk ka rrugë tjetër përveç se ta heqim nga puna këtë parazit, mashtrues dhe hajdut. I cili para një viti tha: “Më punësoni, t’ju punësoj”. Ndërkohë ka shpunësuar shqiptarë dhe tani u heq edhe bukën e fëmijëve.

Pyetje: Do të kërkoni ndjekje penale dhe ligjore për përgjegjësit?

Basha: Do të bëjmë të gjitha ato që na takojnë si opozitë. Në rradhë të parë vetëdijesimin e njerëzve për gënjeshtrat, mashtrimet dhe aktet kriminale, të kësaj qeverie, të këtij kryeministri, në raport jo vetëm me personat në nevojë ekstreme ekonomike por edhe të tjerë të cilët e meritojnë ndihmën dhe nuk kanë pasur ndihmë deri sot, jo vetëm ata që janë hequr me të padrejtë. Natyrisht do të ndjekim të gjitha mënyrat dhe metodat që ndjek një opozitë.

Shantazhimi dhe intimidimi i Kryeredaktores së Monitor; Ornela Liperi dhe Kryeredaktorit të Panorama, Robert Rakipllari, gjatë një përballje televizive me Kryetarin e Bashkisë Tiranë, dëshmon që liria e mediave në Shqipëri është e rrezikuar.
Përdorimi i gjuhës së dhunshme, shantazheve, përçmimi dhe sulmet politike ndaj gazetarëve inkurajojnë dhunë edhe fizike ndaj tyre dhe akte që ndikojnë në lirinë e shprehjes në Shqipëri.
Komiteti i Stabilizim Asociimit në Deklaratën e Përbashket mes Parlamentit Europian dhe atij Shqiptar ngriti shqetësimin për ndikimin e madh të interesave ekonomike dhe politike që rrisin autocensurën dhe rrezikojnë lirinë e shprehjes dhe sigurinë e gazetarëve.

Personazhi i “njëmijë e një historive” korruptive me pasoja kriminale, siç ishte shfrytëzimi për vdekje i grave dhe fëmijëve në Landfillin e tij në Sharrë dhe rekordmeni i mashtrimeve u vetëdeklarua si “gjobitës” i koorporatave mediatike.

Disa herë gazetarët kanë denoncuar ndërhyrjen direkte të Kryetarit të Bashkisë Tiranë në politikat editoriale dhe detyrimin e turpshëm për të transmetuar kasetat e tij pa dubla gjatë xhirim-mashtrimeve nëpër skutat e Kryeqytetit.

Në cilën kullë të pushtetit jeton Erion Veliaj që shantazhon gazetarët, duke gërmuar jo vetëm në jetët e tyre personale, por duke iu bërë edhe biografinë e punëdhënësve të tyre?!

Kjo sjellje përbën një agresion të paprecedent dhe përdorim të gjuhës poshtëruese dhe çnjerëzore ndaj gazetarëve, kopje e shëmtuar e ŔAMES  në një sjelljeje që nxit dhunë dhe urrejtje.

Në mbështetje të nenit 98 dhe 99 të Rregullores së Kuvendit, Partia Demokratike do të kërkojë zhvillimin e një debati në Kuvend për sjelljet e papranueshme dhe të paprecedenta ndaj gazetarëve të zyrtarëve të lartë shtetërore në Shqipëri.

Në mbështetje të nenit 55 të Rregullores së Kuvendit, Partia Demokratie do të dërgojë për shqyrtim dhe miratim në Kuvendin e Shqipërisë edhe të një Projekt Rezolute për dënimin e përdorimit të gjuhës së urrejtjes dhe poshtëruese ndaj gazetarëve, si dhe njohjen e rolit të pazëvendësueshëm të medias së lirë në zhvillimin e demokracisë në Shqipëri.

Deklaratë e zëdhënesës së Partisë Demokratike, Ina Zhupa

 Emërimet e dyshimta të Edi Ramës në pika kyçe të administratës janë treguesi më i qartë se prapa fasadës dhe propagandës për “bashkëqeverisje me njerëzit e zakonshëm” qëndron tepsia e pushtetit të korruptuar.

Rasti i Erjon Manohasës është tipik për një qeveri që predikon drejtësi, por mbështet dhe gradon ata që kryejnë padrejtësi.

Për këdo që nuk  e njeh, Erjon Manohasa ka qenë, deri para pak kohësh, Drejtori i Fondit të Sigurimit të Detyrueshëm Shëndetësor, që menaxhon interesat multimilionere të shëndetësisë. Por drejtori i tepsisë së pushtetit, perfaqësues i PDIU-së, u shkarkua nga detyra me vendim gjykate “për shpërdorim detyre”, sepse dyshohej se firmosi një kontratë korruptive për nje laborator hemodialize ne Durrës, që nuk plotësonte asnjë kusht për këtë shërbim jetësor për të sëmurët.

Sot, sërish si pjesë e tepsisë së pushtetit, drejtori i shkarkuar Erjon Manohasa është emëruar sërish drejtor. Ai do të jetë në krye të Drejtorisë së Integrimit dhe Projekteve në Institutin e Statistikave. Thënë ndryshe, të dhënat statistikore që Bashkimi Europian do të marrë nga Shqipëria janë në përgjegjësinë e të njëjtit drejtor që u hoqi të sëmurëve të drejtën e kurimit me hemodializë në spital, duke i detyruar ta bënin atë në një apartament që nuk plotësonte asnjë standard.

Rasti i Erion Manohasës si modeli i zyrtarit të shkarkuar nga gjykata për shpërdorim detyre me dyshime për korrupsion, nxjerr në dritë realitetin që fshihet nga propaganda qeveritare: se tepsia e pushtetit jo vetëm nuk është çuar për skrap, por ajo ka vend për këdo që i shërben pushtetit të korruptuar dhe të inkriminuar të Edi Ramës.

Kryetari i Partisë Demokratike, Lulzim Basha, vizitoi disa familje ekstremisht të varfra, të cilat janë hequr padrejtësisht nga skema e ndihmës ekonomike. Dëshmitë tronditëse të grave kryefamiljare, të mbetura pa asnjë ndihmë, të nënave që nuk kanë bukë për fëmijët tregojnë lëniën në mëshirë të fatit nga qeveria të më shumë se 20 mijë familjeve në të gjithë vendin. Marie Gjoka është një nënë e vuajtur, që tregon hisotrinë tronditëse sesi ngeli pa asnjë të ardhur, pas vdekjes së bashkëshortit të sëmurë, në përpjekje për të marrë KEMP-in ditën që bashkëshorti u nda nga jeta.

“Marije Gjoka: Kisha burrin për KEMP dhe vdiq ditën që ia lidhën dhe vajta të kërkoja KEMP-in që ta varrosja dhe nuk ma dhanë. Më dhanë vetëm 50 mijë lekë për me e varros. Nuk e di nga t’ia mbaj. Ka ardhur kulmi.”

Në bashkinë e Kamzës, ku Basha vizitoi familjet në skamje, janë hequr në janar rreth 780 familje nga skema e ndihmës ekonomike, por askush prej tyre nuk e di arsyen, edhe pse ata janë njësoj të varfër. Në frigoriferët apo dollapët e vjetër të Shpresa Arapit, Artur Rungos, Donika Shetës nuk ka asgjë për të ngrënë.

“Basha: Për çfarë u thanë që skeni pikë mjaftueshëm? U dhanë shpjegim?

Shpresa Arapi: Jo fare. Kemi mbetur pa asnjë lek. Nuk kemi asgjë dhe frigoriferin e kam bosh.

Basha: Pra, pa ndihmën ekonomike, ju do t’ju presin edhe dritat dhe ujin. Ose do t’ju marrin do t’ju çojnë në burg. Kjo është e papranueshme.”

“Bashkëshortja e Artur Rungos:  Listën e kam bërë të gjatë në dyqan dh s’kemi me çfarë të paguajmë. Vetëm me borxhe dhe asnjë lloj ndihme.

Basha; Nuk u dhanë shpjegim pse ua hoqën ndihmën?

Artur Rungo: Jo fare, asnjë shpjegim.”

“Basha: Kishit ndihmë ekonomike?

Donika Sheta: Kisha, por ma kanë hequr tani.

Basha: Po pse ta kanë hequr?

Donika Sheta: Më thanë që nuk plotëson kushtet. Nuk e di çfarë kushtesh, kur unë s’kam asgjë, asnjë kusht për të jetuar. Thanë nuk plotëson pikët. Nuk kam as lavatriçe, as dush. Asgjë nuk kam.

Basha: Po të ardhura të tjera përveç ndihmës ekonomike keni pasur?

Donika Sheta: Kam vetëm 20 mijë lekë pension të vjetra.”

Pak ditë më  parë qeveria deklaroi se ka hequr nga skema e ndihmës ekonomike ata që nuk e meritojnë, por dëshmitë në familjen e Pranvera Tetovajt dhe Gëzim Ukdashit tregojnë për një situatë katastrofike, ku iu është prerë edhe uji i pijshëm.

“Pranvera Tetovaj: Nënën e kam të paralizuar. Asistencën ma kanë hequr. Lekët e përmbytjes nuk i kemi marrë. Skam asgjë, as dyshek për nënën.“

“Bashkëshortja e Gëzim Ukdashit: Edhe ujin na e kanë ndërprerë. Kush të na japë ndonjë pikë ujë, e marrim. S”kemi lekë të blejmë një thes miell, pale dritat dhe ujin.

Basha: Prandaj kemi ardhur, në rradhë të parë t’I tregojmë botës kujt ia kanë hequr ndihmën, njerëzve më të pamundur dhe kjo është kriminale. Kjo do të thotë t’ju kërcënojë me bukën e gojës. “

Partia Demokratike e konsideron një emergjencë kombëtare mbetjen pa asnjë të ardhur dhe heqjen e ndihmës shtetërore të mbi 20 mijë familjeve dhe për këtë arsye ka kërkuar një debat urgjent me kryeministrin.

Grupi parlamentar i Partisë Demokratike vendosi të kërkojë mocion me debat me kryeministrin Edi Rama për çështjen e heqjs nga skema e ndihmës ekonomike të mbi 20 mijë familjeve të varfra në të gjithë vendin.
Pas mbledhjes së grupit parlamentar, ku deputetët nga zona të ndryshme të vendit raportuan për heqjen nga skema të mijëra familjeve, Kryetari i PD, Lulzim Basha, tha se përjashtimi nga skema është bërë në mënyrë të pashpjegueshme dhe kriminale. “Ndihma ekonomike është e vetmja e ardhur me të cilën mbajnë shpirtin gjallë. Kjo është një dramë njerëzore po edhe një emergjencë kombëtare.”- u shpreh Basha.
Kreu i opozitës vuri në dukje se për shkak të vullnetit të Edi Ramës sot Shqipëria është i vetmi vend në Europë që ka futur në karantinë urie apo ka çuar drejt emigracionit shumë qytetarë për shkak të varfërisë, që nuk kanë mundësi të sigurojnë ushqimin e përditshëm, ilaçet, energji elektrike apo ngrohje për shtëpitë e tyre.
Kryetari i Partisë Demokratike tha se këto janë metoda spastrimi që kryeministri po i përdor ndaj qytetarëve të vet, prandaj ai u bëri thirrje mediave ta vendosin sa të munden në qendër të vëmendjes së tyre përjashtimin nga skema e ndihmës ekonomike të mijëra familjeve ekstremisht të varfra. “Nuk ka gjë më urgjente: jetë njerëzore në rrezik. Edi Rama u ka lënë vetëm një mundësi-të shuhen, të vdesin ose të largohen, që do të përbëjë një tjetër valë refugjatësh që do të mbulojë Europën”.
Duke iu referuar shkresës së 31 Janarit, që PD i ka nisur Ministres për Çështjet Sociale, Basha vuri në dukje se Minsitrja mban të fshehur informacionin dhe me kalimin e afatit ligjor dyjavor, ajo është në kushtet e ndjekjes penale (për shpërdorim detyre).
“Përflitet se kriteret e përdorura janë prania e një televizori apo një frigoriferi. Ndërkohë që shumica dërrmuese e familjeve që ne kemi vizituar nuk ka as frigorifer, as televizor. Por, edhe në rast se mund të kenë një televizor të dhuruar, ky nuk përbën kriter për heqjen e ndihmës ekonomike. Ligji e thotë qartë ndihmë ekonomike përfitojnë ata që nuk kanë të ardhura. Të kesh një televizor, një frigorifer apo një radio, nuk do të thotë automatikisht të kesh të ardhura.”-tha Basha.
Këto janë arsyet përse Partia Demokratike do të kërkojë mocion me debat, “për të vënë-siç tha Basha, Edi Ramën dhe marionetat e tij para përgjegjësisë dhe për të zbardhur pjesë të këtij skenari kriminal kundër pjesës më të pambrojtur të shoqërisë.”

Kryetari i Partisë Demokratike Lulzim Basha shprehu në Budapest vlerësimin e opozitës në Shqipëri për Strategjinë e Ballkanit Perëndimor, që rikonfirmon vullnetin politik të Unionit për anëtarësinë e rajonit në Bashkimin Europian.

Gjatë fjalës së tij në Samitin e udhëheqësve botërorë të partive të qendrës së djathtë, zoti Basha tha se, anëtarësimi në Europë është për shqiptarët një aspiratë kombëtare, të cilës Partia Demokratike i ka shërbyer dhe e ka çuar përpara sa herë ka qeverisur vendin.

Lulzim Basha vuri në dukje se ishte Partia Demokratike që firmosi me Bashkimin Europian, Marrëveshjen e Stabilizim Asociimit, anëtarësoi vendin në NATO, mundësoi heqjen e vizave me BE-në, plotësoi kushtet që vareshin prej saj për statusin e vendit kandidat dhe mori dy herë nga Komisioni rekomandim pozitiv.

Kreu i opozitës u shpreh se prej 5 vjetësh Shqipëria nuk ka bërë asnjë hap përpara dhe se mbetja në vendnumëro ka si shkak qeveritarët, qe kanë vënë interesin dhe pasurimin vetjak, mbi aspiratën europiane të shqiptarëve, duke tradhëtuar popullin e vet.

“Korrupsioni dhe kapja e shtetit nga interesat private, futja e grupeve kriminale në gjithë nivelet e qeverisjes, zgjedhjet e manipuluara, ekonomia e dobët që ju shërbën vetëm disave janë ato qe i mbajnë vendet tona larg të ardhmes Europiane.”- u shpreh Basha në Samitin e Udhëheqësve Botërorë të Partive të Qendrës së Djathtë.

Kryetari Basha pati një takim të veçantë me mikpritësin e Samitit, kryeministrin Viktor Orban. Kreu i opozitës e siguroi zotin Orban se Partia Demokratike po punon për alternativën e projektit europian të vendit dhe se Partia Demokratike është e vendosur ta ndryshojë Shqipërinë duke çliruar politikën, ekonominë dhe shoqërinë nga autokracia dhe monopolet.