Blog

Shteti i rënë, qeveria e rënë de facto, narkoshteti i ulur këmbëkryq në jetën e përditshme të çdo shqiptari, janë shqetësimi më i madh i vendit, janë kauza kryesore e betejës opozitare.

Edi Rama është sot një kryeministër i rënë politikisht, i rënë moralisht, i rënë brenda vendit, i rënë jashtë vendit.

Çdokush e tregon me gisht, si njeriun që ideoi dhe zbatoi projektin e Shqipërisë, hambar droge.

Mjafton të shikoni analizën e Guardia di Finanzës. Në vitin 2013 – 300 parcela droge, në 2014 – 800 parcela droge, në 2015-1400 parcela droge dhe në 2016 – 2086 parcela droge të zbuluara vetëm nga Guardia di Finanza, e cila vrojton jo më shumë se 20% të territorit.

Këtë vit, që kultivimi i drogës nuk është i njëjti si në 2016-ën, Edi Rama bërtet “fitoren”.

Në fakt, nuk është as Edi Rama, as policia e korruptuar e Haki Çakos me shokë, përgjegjëse për këtë rënie të prodhimit, përgjegjëse për këtë rënie të prodhimit, siç e di çdo shqiptar dhe fakir fukarenjtë që i ka shtyrë dëshpërimi dhe mjerimi drejt këtij veprimi të paligjshëm, është çmimi.

Shkoni në Tepelenë. Më lirë do të blini kanabisin se sa çajin e malit.

50 deri në 80 Euro kilja e kanabisit. Sepse, mijëra tonelata kanabis të prodhuara kryesisht në vitin 2016, presin të trafikohen drejt Europës.

Trafikohen ditë për ditë, siç kapen ditë për ditë nga autoritetet italiane.

Prandaj, jemi në kushtet e një narko-republike e cila nuk ka më asnjë legjitimitet. Zgjidhja e vetme është largimi një orë e më parë e Edi Ramës, një qeveri anti-mafia, e cila të shkëpusë, të shembë, lidhjet e politikës me krimin.

Këtë nuk mund ta bëjë Edi Rama me marrëzirat që këput me “planet sekrete”. Planet kundër krimit gjithmonë janë sekrete. Kujt ia shet këto dëngla. Plan sekret që e di Edi Rama, nuk është plan kundër krimit. Prandaj, zgjidhja e vetme për vendin, jo thjesht për opozitën, për Partinë Demokratike, është largimi një orë e më parë i një njeriu të provuar katërcipërisht të lidhur me krimin.

Nuk ka shqiptar dhe nuk ka faktor perëndimor mos ta ketë të qartë përgjegjësinë politike të Edi Ramës për shndërrimin e Shqipërisë në një narko-shtet dhe kjo do të mjaftonte për çdo njeri, të jepte dorëheqjen.

Opozita do të vazhdojë betejën për largimin e tij dhe të qeverisë së tij dhe do të vazhdojë të zgjerojë koalicionin me çdo qytetar shqiptar dhe çdo faktor tjetër politik dhe jo politik për të realizuar një mision kombëtar, një imperativ kombëtar – largimin e Edi Ramës, një qeveri antimafia që të shembë lidhjen krimit me politikën, të realizojë reformën zgjedhore dhe sovrani të vendosë qeverisjen e ardhshme.

Pyetje: Keni një strategji për këtë zoti Basha, do të filloni protestat?

Basha: Kemi një strategji,e cila po shpaloset ditë pas dite, javë pas jave.

Pyetje: Do të ndërmerni ndonjë veprim konkret? Çfarë mekanizmi do të përdorni?

Basha: Kjo javë e cila ka nxjerrë në pah edhe një nga aspektet e shëmtuara, kriminale të kësaj qeverisjeje, siç është trafiku, apo transporti i parave kesh të trafikut të drogës, si ato që u kapën në Elbasan dhe u mbajtën të fshehta me urdhër të Edi Ramës, është një javë përballjeje totale të opozitës, sic e keni parë, sic ka filluar ditën e sotme në komisonet parlamentare dhe sic do të vazhdojë deri ditën e enjtë ne seancë plenare.

Pyetje: Kur do t’i bëni publike faktet e reja që keni z.Basha?

Basha: Faktet po bëhen publike dhe opozita është jashtëzakonisht e angazhuar së bashku me qytetarët, me punonjësit e ndershëm të Policisë së Shtetit dhe cdo organ tjetër të paprekur dhe të pacënuar nga trafiku i drogës dhe natyrisht me partnerët tanë strategjikë.

Pyetje: Kur do të fillojë reforma zgjedhore?

Basha: Reforma zgjedhore do të fillojë atëherë kur vendi të ketë një qeveri antimafia, e cila në vend që të përdorë kriminelët dhe paratë e drogës për të blerë vota, t’i çojë ata para drejtësisë dhe ti lerë shqiptarët të vendosin të lirë me votën e tyre qeverisjen dhe qeverinë që dëshirojnë.

Pyetje: Ka një qëndrim Partia Demokratike lidhur me përfundimin  e mandatit të Prokurorit të Përgjithshëm?

Basha: Qëndrimi ynë është zbatimi pikë për pikë i Kushtetutës dhe i ligjeve dhe çdo hap për të vendosur kthetrat e narkomafias në organin e Prokurorisë do të përballet me një betejë totale politike nga ana e opozitës.

Pyetje: Ka një intepretim nga ana e Kryeprokurorit që mandati përfundon pas dy vitesh, bazuar në precedentin e Ina Ramës, ndërkohë që, edhe mbi faktin që mandati është 7 vite dhe jo 5 vite. Partia Demokratike, ka një qëndrim lidhur me këtë situatë? Socialistët mendojnë se z.Llalla ikën në Dhjetor.

Basha: Edi Rama ka hallin e Tahirit dhe hetimeve të tjera. Ka hallin e petëve që i kanë dalë lakrorit dhe nuk ka hall mandati. Dhe në funskion të ndalimit të hetimit, në funksion të mbrojtjes së Tahirit, që në fakt është mbrojtja e vetvetes, ai është gati t’i thotë dorës, këmbë, dhe këmbës, dorë. Ndërsa, në rastin konkret qëndrimi ynë është respekti i plotë për Kushtetutën dhe ligjet e paketës në drejtësi. Dhe nuk do të lejojmë asnjë keqintepretim në funksion të kapjes së Prokurorisë dhe presionit të vazhdueshëm ndaj prokurorëve për të ndalur hetimet e të paprekshmëve dhe në veçanti të peshqëve të mëdhenj.

Pyetje: Pra ju jeni për vazhdimin e mandatit?

Basha: Jo këtë po e thoni ju. Ne jemi për respektimin total të kushtetutës dhe në këtë kuadër njerëzit tanë në komisionin e ligjeve dhe ekspertët tanë do të hedhin hapat konkretë.

Pyetje: Z. Basha, a keni pasur sot takim me Ministrin e Brendshëm të Italisë dhe çfarë keni biseduar?

Basha: Kam patur kënaqësinë sot të takohem me Ministrin e Brendshëm italian z.Minniti të cilin e falenderova për kontributin e jashtëzakonshëm që Italia ka dhënë dhe po jep në luftën kundër krimit të organizuar dhe trafikut të narkotikëve në veçanti.

Bashkëbiseduam për gjendjen kritike të krimit të organizuar në Shqipëri dhe mora garancitë, të dhëna edhe publikisht, se Italia do të vazhdojë të ndihmojë në goditjen e krimit të organizuar, të ndihmojë Shqipërinë dhe shqiptarët për të dalë nga kjo gjendje e rëndë e trafikut të drogës dhe influencës së bandave të krimit të organizuar në shoqëri dhe në jetën e Shqipërisë.

Në veçanti, vlerësoj mesazhin e Ministrit të Brendshëm Minniti për gotitjen e organizatave të mëdha të trafikut të drogës dhe goditjen e të paprekshmëve.

Ky është një mesazh domethënës, që Italia ka një përkushtim serioz politik për të ndihmuar Shqipërinë në një pikë kyçe të rrugëtimit të saj drejt integrimit europian.

Mora vlerësimet për rolin e opozitës gjatë gjithë këtyre viteve, si një opozitë e përkushtuar për një kauzë të rëndësishme kombëtare, siç është lufta kundër krimit të organizuar, lufta kundër kthimit të Shqipërisë në një republikë të narko-trafikut, dhe natyrisht e sigurova se Partia Demokratike, unë dhe opozita, do të vazhdojmë betejën tonë në mënyrë që në Shqipëri të mos ketë organizata të krimit të organizuar të cilat bëjnë ligjin, që vendosin zgjedhjet. Të mos ketë të paprekshëm dhe drejtësia të veprojë njësoj për të gjithë qytetarët dhe të gjithë qytetarët të jenë të barabartë para ligjit.

Boll e trajtoni si njeri që po ndjek logjikë. E vetmja logjikë që po ndjek janë 1.3 miliardë euro në vit drogë, përfitime të tij dhe kupolës mafioze, që duhet t’i mbrojë.

Del këtu ky dhe na flet si linguist. Nuk është linguist.

Ky është kapo i kupolës. Ja çfarë thonë dy raportet më të fundit. Se ky është gati ti vërë zjarrin për këtë gjithë Shqipërisë jo vetëm Shkozës dhe Himarës. Prandaj është i rrezikshëm.

Ja çfarë thonë dy raportet.

Raporti i Institutit të Bashkimit Europian për Studime të Sigurisë dhe Raporti i Qendrës së Monitorimit të Drogës dhe Varësisë ndaj Drogës.

Për vite me radhë, pjesa më e madhe e kanabisit që hynte në tregun e BE kishte një prejardhje nga vendet e Magrebit, kryesisht Marok. Megjithatë, vitet e fundit raportohet një ndryshim për trafikimin e marijuanës dhe vajit të marijuanës nëpërmjet rajonit të Ballkanit Perëndimor, veçanërisht Shqipërisë, fakt ky i lidhur me rritjen galopante të kultivimit të kanabisit në këtë vend. Kjo është shkruar në anglisht dhe është përkthyer në shqipen e pastër zyrtare. Rruga e Ballkanit dhe rruga jugore, janë dy rrugët kryesore të trafikimit të opiumit dhe të heroinës në Bashkimin Europian.

Rruga jugore që kalon nga Adriatiku nëpërmjet Shqipërisë, është shndërruar në aksin më të rëndësishëm të një tregu prej 24 miliard Euro.

24 miliard Euro!

24 miliard euro, do të thotë, 6 vite buxheti i shtetit. Ja për cfarë llomotit ky këtu. Që të mos flasim për këtë, për përgjegjësinë e tij pjesën e tij, hisen e tij.

24 miliard Euro.

Për ty gjithçka është për të qeshur. Për të qeshur është kjo për ty. ( I drejtohet Taulant ballës. ) Ti qesh por banorët e Elbasanit dhe Librazhdit nuk qeshin siç qesh ti. Se nuk kanë ato që ke ti.

Se ata, janë për ty, janë për këtë, dhe për një grusht njerëzish, asgjë. Ata skanë bukë. 30% e atyre që sblejnë dot bukë, dhe ushqimet e shportës, janë më shumë në Librazhd.

Dhe 43% e atyre që nuk ngrohin dot shtëpinë, me siguri, do të jetë më e lartë në Librazhd, por ty nuk të bëhet vonë.

Ti qesh, në vend që të heshtje e të reflektoje. Nëse të ka mbetur një fije përgjegjësie, karshi asaj që ka qenë një forcë politike, se sot është grup kriminal, nuk ka më shpresë.

Do të dalin dhe në partinë tuaj, jam i sigurtë, njerëz që do ti thonë jo krimit, por është mirë të dalin sot, në vend që të qeshin me krimin që i është bërë zgjedhë njerëzve.

Të ardhurat nga trafikimi i drogave janë kthyer në burimet kryesore financiare për grupet terroriste si ISIS , Alkaida dhe Hezbollah, thotë raporti. Këto organizma nëpërmjet rrjeteve të ndryshme të narkotikëve që operojnë në rrugët hyrëse të BE, po rrisin bashkëpunimin mes tyre, duke u ndihmuar nga gjendja e vendeve të dështuara ose nga kapitali politik i cili përpiqet të lehtësojë këto aktivitete të paligjshme.

Këto që u them sot shqiptarëve i dëgjoni dhe ju nga partnerët, se ata flasin dhe me ne. Por nuk ju bën përshtypje.

Jeni gati ta shkatërroni Shqipërinë si një partner strategjik të perëndimit dhe të NATO-s, vetëm për xhepat tuaj dhe martesën tuaj me krimin.

Dhe së fundmi, efektet sociale të kanabisit tek shqiptarët.

60%, rritur konsumi i kanabisit tek të rinjtë, 7% më shumë krahasuar me vitin e kaluar. 13,9% vetëm moshën 15-34 vjeç. Po të ishit njerëz që u qani hallin njerëzve, duhet të shkulnit flokët në vend që të qeshni.

Kushdo që e ka ndjekur këtë gjysëm ore në Parlament e kupton fare mirë sikletin e madh të Edi Ramës.

Eshtë i njëjti siklet që ka, që kur është rifutur në këtë sallë. Prapë me paratë e krimit, prapë me lekët e drogës, prapë me banditët në krahë, në mendje, në shpirt, në kuletë, në parti dhe në tabulatet e shërbimeve të huaja.

Ky që nuk duronte dot aleatë politikë në prehër, sot nuk e ka krimin në prehër, është vetë në prehrin e krimit.

Asnjë vendim nuk merr dot ky njeri, pa krimin dhe kriminelët.

Asnjë vendim nuk merr dot ky njeri për qytetarët e këtij vendi që po largohen si asnjëherë më parë nga sytë këmbët.

Nuk thotë një fjalë. Një fjalë të vetme nuk arrin të shqiptojë. Për ata 30% të shqiptarëve që natë për natë, jo vetëm kur kemi ne Parlament, jo vetëm kur flet opozita, por natë për natë, nuk paguajnë dot bukën e fëmijëve të tyre.

Moti po ftohet. 43 mijë e 100 familje, anembanë vendit nga Himara në Shkozë, atyre që nuk ua ke prishur shtëpitë, nuk i ngrohin dot, atyre që ua ke prishur, i ke lënë në mes të katër rrugëve.

43 mijë e 100 familje. Miliona shqiptarë që nuk ngrohin dot shtëpitë e tyre, po a i bëhet vonë këtij?

Ky ka mënyra, forma, sporte dhe substanca të tjera për t’u ngrohur. Dhe mbi të gjitha, 1.3 miliardë Euro në vit, edhe po të digjeshin si letër, mjaftojnë për ta ngrohur Edi Ramën.

Të tjerat janë bullshit, bullshit, bajga. Vjen këtu dhe ndot ambientin, se njeri nuk të beson më, ta kanë pirë ujinshqiptarët. Nga Himara në Shkozë, nga Konispoli në Vermosh, ta kanë pirë ujin.

Ti je shkaktari dhe përgjegjësi kryesor që 56% e shqiptarëve duan të largohen nga vendi, sot që flasim.

Dyfishim në raport me katër vite më parë. Ti je përgjegjësi dhe autori i një ekonomie në krizë që nuk prodhon asgjë, përveç drogës.

Ti je përgjegjësi dhe autori i marrjes peng të demokracisë, përmes marrjes peng të votës, duke marrë peng qytetarët me kriminelët që janë partia jote e vetme.

Nuk kam dalë këtu të them që PS është një parti antikombëtare dhe nuk mund ta them kurrë, sepse njoh dhe kam miqësi me socialistë që janë po aq të dëshpëruar sa unë.

Të gjithëve u ke vjedhur Shqipërinë me krimin, atyre u ke vjedhur edhe partinë me krimin.

Je ti Edi Rama, askush tjetër. Dhe të gjithë ata njerëz të cilët kanë dorëzuar dinjitetin dhe kanë vendosur të bëhen sharlatanë të shfaqjes tënde makabre, që i lë shqiptarët pa bukë, pa drita, pa ujë, pa të ardhme, pa rend, pa siguri, që ti dhe krimi të keni 1.3 miliardë të ardhura në vit.

Nuk ka asnjë arsye tjetër, për moshapjen e negociatave, përveç faktit që vendi sundohet nga krimi, që qeveria jote është e zhytur në krim dhe e kapur nga krimi.

E di unë, e di ti, e dinë këta këtu, e di e gjithë bota.

E kjo do të jetë e do të vazhdojë të jetë arsyeja e bllokimit të negociatave për Shqipërinë deri ditën kur shumica e heshtur, por e ndershme e shqiptarëve, përfshirë të socialistëve të ndershëm, do të të tregojnë ty një herë e përgjithmonë derën, si episodi më i zi, në 27 vite të vështira të tranzicionit shqiptar.

Me zig-zag-et e tyre, me sfidat e tyre, me të mirat dhe të këqijat e tyre, vendi eci përpara.

U fut në NATO, u hoqën vizat, u ndërtua infrastruktura, derisa erdhe ti.

Çfarë bëre ti? Solle kriminelët. Kush i solli kriminelët në Parlament? Kush i solli banditët e drogës, përdhunuesit në krye të bashkive të vendit?

Kush i ul pushtetarët e sotëm në një tavolinë me krimin ku planifikojnë para zgjedhjeve, dhe festojnë pas zgjedhjeve? Je ti Edi Rama. Ti, je përgjigjia e të gjitha të zezave. Ndaj largimi yt nuk është thjesht dhe vetëm kërkesa ime. Zgjidhja që unë parashtroj para çdo shqiptari, që do të vazhdojë të jetojë këtu, e mos t’ia mbathë nga sytë këmbët, por është zgjidhja që bashkon çdo shqiptar të ndershëm, demokrat dhe socialist.

Mund të vish këtu, mund të dridhesh dhe spërdridhesh, mund të vishesh dhe të zhvishesh, të shpikësh justifikim pas justifikimi për faktin që ke dy muaj në këtë Kuvend, që nuk jep përgjigje, për përgjegjësinë tënde akute dhe supreme për kthimin e Shqipërisë në delen e zezë të krimit dhe të drogës.

Por përgjigja është prapë, je ti Edi Rama! Je ti!

Për ta perifrazuar me një fushatë amerikane: You can take a pig, you can dress him up, you can call him Edi, but he is still a pig.

1.3 miliardë euro!

Ky që bilbilos këtu, kaq ka nxjerrë me drogën Shqipëria, 1.3 miliard euro.

A e kuptoni ju o shqiptarë se sa janë 1.3 miliardë euro?!

Sigurisht që nuk e kuptoni dot, është një shifër astronomike. Mendja nuk e kupton dot, nuk ka lidhje, nuk mund ta përkthesh dot as me kaq shtëpi, as me kaq apartamente, as në kaq vakte për të ngrënë, nga ato që i kanë rralluar shumica e shqiptarëve, 30% e të cilëve nuk paguajnë dot ushqimet e shportës.

Krye mashtruesi, krye përfituesi i drogës .

Keni parë si vjen këtu, i thahet pështyma, patrioti.

30% e shqiptarëve nuk paguajnë dot për bukën.

1.3 miliardë euro ky dhe Habilajt e këtij dhe flet për patriotizëm ky që rrënoi Shqipërinë, ky që çon 260 mijë shqiptarë në 4 vite në azil politik, eksod njësoj si në vitet ’90. Ky është patrioti i madh, po mbron shqiptarët dhe fëmijët e tyre duke iu pamundësuar 43% të familjeve që të ngrohin shtëpitë.

Ky patriot i madh.

Eshtë thënie e vjetër, nuk iu ikën dot.

Streha e fundit e maskarait është pseudopatriotizmi.

Po të ishe patriot ti, kishe dhënë dorëheqjen ditën kur tu kapën mushkonjat e para. Sepse, ti që nuk lije një tjegull pa leje, tregove se e kishe vënë gjithë territorin në funksion të bandave. Në një sistem normal demokratik ti duhej të ishe shkarkuar dhe proceduar para drejtësisë.

Por beteja për demokracinë dhe shtetin ligjor nuk ka marrë fund në Shqipëri. Ti nuk mund ta fitosh kurrë këtë betejë, as të justifikohesh para shqiptarëve për faktin që ta ka mbyllur derën Europa, si kryetrafikant, si i kapur në bashkëpunim me bandat, si njeriu që e mbrojte ish-ministrin tënd të Brendshëm nga drejtësia, e cila veproi jo në bazë të akuzave të opozitës.

Po, i kemi bërë ne ato akuza, dhe u vërtetuan se janë të gjitha të vërteta. Por jo nga ne, por nga antimafia italiane që nuk ka autoritet në botë ta vejë në diskutim, as ti, as homologu yt në Itali, askush tjetër. Aty është e transkriptuar e zezë mbi të bardhë se si trafikantët, miqtë e tu, tregojnë me gisht punonjësit e policisë dhe thonë këta janë tanët. Ku tregohet qartë se si vendoset infrastrukturën e vendit, portet dhe aeroportet e vendit, dhe radarët, në funksion të trafikut të drogës 1.3 miliardë euro.

Jo këto që the, por ti e ke për borxh të vish këtu dhe të zhvishesh lakuriq para njerëzve, të bësh gjithçka, vetëm që të heqësh vëmendjen nga 1.3 miliard euro, që minimumi i ke gllabëruar ti dhe një grusht kriminelësh, në kurriz të një vendi të shndërruar në delen e zezë të Europës, të një ekonomie të rrënuar, të një imazhi të shkatërruar. Kjo është vepra jote. Kjo është trashëgimia jote për vendin. Ti ke mbaruar si kryeministër. De facto, ti e di fare mirë që qeveria jote ka mbaruar punë me shqiptarët.

Ndaj, teatrin e shëmtuar mund ta vazhdosh edhe pak kohë. Në fund të fundit, zgjedhja të takon ty dhe askujt tjetër nëse do ta pranosh rrëzimin e qeverisë tënde ilegjitime institucionalisht, ose me popullin përpara dhe rreth teje.

Kryeministri përpiqet t’i ikë pyetjes fondamentale. Përse e zhyte Shqipërinë në krim, përse e zhyte Shqipërinë në drogë, përse e mbushe këtë parlament me të dënuar nga e gjithë Europa për trafik droge.

Përse i bëre kryetarë bashkish?

Ç’punë ka kryebashkiaku yt në komisariatin e policisë, kur arrestohet Durim Keçi?

Ç’punë kanë kryebashkiakët e tu në tavolinat e kriminelëve. Ç’punë ke ti me kriminelët ?

Ç’punë ka ministri yt me ata që kërkohen për ekstradim.

Po të them ty, Edi Rama! Nuk i ikën dot kurrë kësaj pyetje ti.

Je bërë karikaturë e përkufizimit që njeh i madh e i vogël, se streha e fundit e maskarait është pseudopatriotizmi.

Ti patriot? Po ti ke tre vjet që i bllokon Shqipërisë hapjen e negociatave.

Ne tregohemi me gisht prej teje si vendi me eksportin më të madh të drogës.

E ke në kushte, lufto krimin, lufto korrupsionin. Çfarë bën ti?

Ta thotë raporti i Bankës Botërore. Korrupsioni është kthyer në kapje shteti. Sepse ti merr milionat me kërbaç nga xhepat e të varfërve për të shpërblyer pesë miqtë e tu oligarkë që kanë shtënë gjithçka në dorë në këtë vend.

Sepse ti, drekon dhe darkon me kriminelët me të cilët ndan pushtetin dhe i përdor për të mbajtur pushtetin tënd ilegjitim.

Ja ku e ke eksportin, o më i madhi i kastravecëve.

Ja ku e ke eksportin tënd. Këto nuk janë shifrat e opozitës, janë shifrat e botës. Ja, ky është eksporti yt, droga!

Droga është eksporti yt!

I ke vënë kazmën vendit. Ti nuk duhej të ishe aty.

Ti nuk mund të ishe aty në një sistem demokratik. I gjithë investimi yt është që ky sistem të mbetet në duart e kriminelëve. Nuk do të jetë kështu për shumë gjatë. Do të vijë ora që do të përgjigjesh. As batutat, as megafonët, siç e ke nisur traditën tënde të mashtrimit, nuk do të bëjnë më punë. Do të japësh llogari, herët a vonë.

Unë besoj më shumë herët, se sa vonë.