Demokratët Euroatlantikë - Partia Demokratike

03 Maj

0

Kryetarja e Komisionit të Medias, Flutura Açka i përgjigjet Ramës: Në Ditën Ndërkombëtare të Medias, ju jeni njeriu i fundit që mund të bëni moral për lirinë e fjalës

by PD in Lajmi fundit

Reagimi i Kryetares së Komisionit të Medias, Flutura Açka:

Zoti Kryeministër,

Në vitet 2023-24 ka mbi tridhjetë raste që gazetarët shqiptarë janë fyer dhe linçuar, në disa prej të cilave ju jeni protagonist.

Në Ditën Ndërkombëtare të Medias, ju jeni njeriu i fundit që mund të bëni moral për lirinë e fjalës dhe shtypit.

Gazetarët shqiptarë:

– nuk kanë status mbrojtës të veçantë që të jenë tërësisht të mbrojtur
– paguhen më së shumti nën dorë dhe një pjesë é tyre janë të pasiguruar
– diktohen nga shefat e tyre për vërtetësinë e lajmit dhe humbim vendin é punës nëse nuk binden
– u jepen kaseta të gatshme nga politika dhe u diktohet linja politike nga konjukturat politike
– nuk kanë asnjë siguri për vendet e punës prej mungesën së kontratave
– shantazhohen shpesh nga pushteti me të gjitja format é mundshme përmes drejtuesve dhe familjarëve
– intimidohen shpesh për t’u nënshtruar përmes favoreve shtetërorë qendrorë dhe lolalë
– janë pjesa e shqiptarëve më e ekspozuar nga arroganca e pushtetit dhe e politikës.

Si drejtuese Komisionit Parlamentar për Mjetet e Informimit Publik dhe si njeri i zejes së fjalës shpreh mbështetjen time të plotë ndaj gazetarëve shqiptarë, të drejtave dhe rolit të tyre të shenjtë në mbrojtje të fjalës së lirë.

Reporters sans frontières (RSF) / Reporters Without Borders (RWB)
Reporters sans frontières / Reporters Without Borders / RSF
Media Shqiptare
Faktoje

03 Maj

0

“Tatimi i profesioneve të lira do të rrisë papunësinë në Lezhë”, Alfrida Marku: Rreth 2 mijë biznese përballen me ndryshimet abuzive

by PD in Lajmi fundit

Rreth 2 mijë subjekte nga profesionet e lira në qarkun e Lezhës po përballen me faturat si pasojë e ndryshimeve abuzive të tatimit mbi të ardhurat. Anëtarja e Kryesisë së PD, Alfrida Marku, shprehet se “e gjitha kjo është për të penguar lirinë e ushtrimit të profesionit duke vendosur subjektet në kushte të pabarabarta dhe do të rrisë papunësinë në Lezhë”.

Më poshtë postimi i anëtarit të kryesisë së PD, Alfrida Marku:

Rreth 2 mijë subjekte nga profesionet e lira në qarkun e Lezhës, ndër të cilët afër 1 mijë vetëm në Bashkinë Lezhë, kanë nisur të përballen me faturat si pasojë e ndryshimeve abuzive të tatimit mbi të ardhurat.
15-23 % tatim mbi fitimin, barrë e shtuar për 2 mijë të vetëpunësuar, persona fizikë të shërbimeve të profesioneve të lira, ose e thënë ndryshe për afër 2 mijë familje në Qarkun Lezhë.
E gjitha kjo, është vijimësi e politikave për të shkatërruar shtresën e mesme, për të penguar lirinë e ushtrimit të profesionit duke vendosur subjektet në kushte të pabarabarta, e që në mënyrë të pashmangshme do të nxisë informalitetin, do rrisë papunësinë në qarkun Lezhë, i cili sipas të dhënave të INSTAT ka nivelin më të lartë të papunësisë në vend.

03 Maj

0

Gjunkshi denoncon rastin e fshatit Ostren më Bulqizë: Fëmijët pa transport rrezikojnë të mbeten pa shkollë. Qeveria e ka mendjen tek korrupsioni

by PD in Lajmi fundit

Anëtari i kryesisë së PD, Xhemal Gjunkshi, në një videos të postuar në rrjetet sociale la ngritur një problematikë shqetësuese siç është transporti i nxënësve të zonave të largëta me shkollën. Ai solli rasti e nxënësve në fshatin Ostren të Bulqizës, të cilët pa transport janë në mëshirë të fatit.

Më poshtë postimi i anëtarit të kryesisë së PD, Xhemal Gjunkshi:

Transporti i nxënësve të zonave të largëta për në shkollën më të afërt, është një problem në të gjithë Shqipërinë.

Gjëja e parë që bëri kjo qeveri në këtë drejtim, është heqja e transportit falas për nxënësit dhe për mësuesit.

Ndërkohë që mësuesve nuk iu është reflektuar në rrogë një gjë e tillë, nxënësit e zonave të thella ngelen në mëshirë të motit dhe të fatit.

Rasti i mbi 25 nxënësve në fshatin Ostren të Bulqizës, është një ndër qindra në të gjithë vendin.

Kryeministri Rama dhe ministra Manastirliu nuk kanë as dëshirën, as vullnetin e duhur, për t’i dhënë zgjidhje këtij problemi.

Kjo qeveri është e mbytur nga korrupsioni dhe e zënë me propagandë që nuk i shërben njerëzve.

Partia Demokratike zotohet që t’i japër zgjidhje përfundimtare këtij problemi duke rikthyer transportin falas për nxënësit e zonave të largëta dhe një zgjidhje të arsyeshme për mësuesit, duke i mirëpaguar ata për rrugën e largët.

Ky është synimi dhe zotimi i PD-së, sepse ne kujdesemi për njerëzit.

02 Maj

0

PD, Karabina: Dështimi i arsimit në vend, që u pasqyrua te “Pisa”, është përgjegjësi e drejtpërdrejtë e dështimit të qeverisë shqiptare

by PD in Lajmi fundit

DEKLARATË E PARTISË DEMOKRATIKE, ZËDHËNËSJA, MIRELA KARABINA

Ministrja Manastirliu nuk mund të fshihet pas gishtit për dështimin e arsimit shqiptar dhe të marrë si shembull Gjermaninë, sepse e pakrahasueshmja nuk mund të krahasohet.

Dështimi i arsimit në vend, që u pasqyrua më së miri nga përgjigjet e fundit të “Pisa-s”, janë përgjegjësi e drejtpërdrejtë e dështimit të qeverisë shqiptare.

Ministria e Arsimit nuk ka pasur as vullnetin as vizionin e duhur për t’i adresuar problematikat siç do duhej të adresoheshin, por dështimit iu përgjigj me propagandë, ku Kryeministri i vendit foli për arritje dhe për ecje përpara, ndërkohë që të vërtetën e shkollës shqiptare e prekin mësuesit, prindërit dhe nxënësit në përditshmërinë e tyre.

Pasi vendi ynë u rendit i fundit në Rajon, nuk ka pasur asnjë diskutim, asnjë tryezë debati, asnjë përgjegjësi, asnjë vullnet për të folur për problemin dhe se si do duhej të zgjidhej ai, duke dëgjuar dhe u ulur me ekspertët e fushës, por është vijuar të flitet për gjëra të mëdha, ndërkohë që dështimi ka ardhur pikërisht nga kjo qasje që përqëndrohet te forma dhe jo te përmbajtja, te propaganda dhe jo te realiteti.

Arsimi në Shqipëri ka një mijë e një probleme. Atë e prekin përditë mësuesit dhe nxënësit, prindërit dhe komuniteti.

Ndaj Partia Demokratike zotohet për ta rikthyer arsimin në shinat e misionit dhe të normalitetit të tij.

Pikë së pari, duke e shkëputur atë nga propaganda dhe duke dëgjuar ekspertët e fushës, sepse arsimi është një kambanë e madhe alarmi që nuk mund t’i përkasë vetëm një partie politike, por bëhet fjalë për të ardhmen e krejt shoqërisë sonë.

Si e tillë, arsimi ngelet prioritet i rëndësishëm i PD-së dhe do të bëjmë gjithçka për ta ndryshuar këtë realitet të trishtë, sepse vetëm kështu mund të kontribuojmë vërtet për një Shqipëri më të mirë për të gjithë.

02 Maj

0

Basha: PD është e vetmja forcë politike që ka kërkuar qartësisht mundësimin e votës së diasporës

by PD in Lajmi fundit

REAGIMI I KRYETARIT TË PD, LULZIM BASHA, PËR VOTËN E DIASPORËS

Partia Demokratike e Shqipërisë është e vetmja forcë politike që ka kërkuar qartësisht mundësimin e votës së diasporës.

Bashkatdhetarët tanë duhet të votojnë si një e drejtë kushtetuese, por politika e vjetër e tranzicionit të stërzgjatur ka frikë, sepse ata janë arsyeja kryesore që shqiptarët janë larguar.

Të vendosur për t’i mundësuar diasporës të drejtën e votës!

02 Maj

0

Prononcimi për mediat i sekretarit të përgjithshëm të PD, Enklejd Alibeaj, në oborrin e Kuvendit

by PD in Lajmi fundit

PRONONCIMI PËR MEDIAT I SEKRETARIT TË PËRGJITHSHËM TË PD, ENKLEJD ALIBEAJ, NË OBORRIN E KUVENDIT

Ne i kemi paraqitur disa kërkesa zonjës kryetare të Parlamentit, që tashmë e dini që është kallëzuar nga ana jonë në SPAK dhe po ua parashtroj edhe juve për t’ua parashtruar se cilat janë këto kërkesa, nevoja që ne besojmë që publiku i do. Janë një sërë interpelancash që kemi kërkuar me kryeministrin, njëa daton që në tetor të 2023-it. Kemi paraqitur disa iniciativa ligjore, ato të cilat ne besojmë që janë nevojë urgjente dhe kërkesë e publikut, siç është paketa e plotë e mbështetjes që do të duhet t’i jepet SPAK-ut. Kemi paraqitur projektet të tjera siç është heqja e imunitetit. Një ndryshim në rregulloren e Kuvendit për heqjen e imunitetit të deputetëve që nuk besojmë që është thjesht dhe vetëm një nevojë e demokracisë, por është nevojë urgjente e publikut shqiptar për t’i dhënë mbështetje SPAK-ut.
Kemi paraqitur edhe projektpropozimez tona për kodin zgjedhor. Dhe po marrë shkas pikërisht nga ngjarja që ndodhi në parlament. Me të drejtë sot shqiptarët e diasporës kërkojnë votën e tyre, kërkojnë të drejtën e tyre kushtetuese. Ky parlament u bë së paku prej disa muajsh që është në shkelje totale të Kushtetutës, të vendimeve të Gjykatës Kushteutuese, për t’i garantuar votën e diasporës. Dhe çdo ditë që ecën në fakt është një shkelje e kësaj të drejte. Mesa duket anë gjetur me një hipokrizi therrëse që ta zvarrisin nëpë skutat e parlamentit gjasme diskutimin për reformën zgjedhore. Ndërkohë që në parlament është depozituar nga ana jonë që në 15 nëntor të vitit të kaluar, drafti i plotë i votës së diasporës, së bashku me disa të tjera, si listat e hapura, Shqipria një zonë, votimi dhe numërimi elektronik.
Ndaj me të drejtë ata djem, ata njeëz të cilët kuptojnë, besojnë që ky parlament duhet të jetë zëri i tyre, do të jetë mbështetësi i interesave të tyre, ka dalë prej kohësh nga roli i vet. Zhvillohet thjesht dhe vetëm një hipokrizi. Çudia më e madhe është që për interesa të vogla okulte, siç ishte në rastin e amnistisë, natën e gjetën me shpejtësi gjuhën e përbashkët për të nxjerr të korruptuar të dënuar nga SPAK dhe GJKKO, për t’i njerrë dhe për t’i amnistuar.
Ky pra është dopjo standardi që aplikohet në këtë parlament, me dorën e Lindita Nikollës dhe me mbështetjen e të gjithë atyre që 25 ditë më parë u bënë bashkë si një front anti-SPAK. Nsaj besoj që kjo është mënyra më e mirë për t’ia bërë të ditur publikut nëpërmjet medias se çfarë i takon çezarit, t’i japim Çezarit. Për një nga nevojat dhe kërkesat e mëdha të pothuajse gjysmaës të shqiptarëve dhe votës së tyre, e ka çuar deri në fund detyrimin e vet, misionin e vet për votën e diasporës. Çdo e enjte që bëhet një teatër dhe që nuk diskutohet vota e diasporës, që nuk diskutohet mbështetja që i duhet dhënë SPAK-ut, që nuk diskutohet heqja e imunitetit, që nuk diskutohet vettingu i politikanëve, që nuk diskutohen interpelancat e kërkuara prej kaq e kaq muajsh, është thjesht nëj thikë pas shpine që i bëhet shqiptarëve. Sigurisht kjo nuk është e re, por se ne jemi këtu për t’ua bërë me dije shqiptarëve që jemi në të njëjtën linjë me nevojat dhe kërkesat e tyre.

Data: 02/05/2024

02 Maj

0

Skandali me bashkëshortin e ministres Ibrahimaj, Pampuri: Përgjigjja e kryepolicit të Tiranës është e rëndë

by PD in Lajmi fundit

DEKLARATË E PARTISË DEMOKRATIKE, NËNKRYETARJA, ORIOLA PAMPURI

Përgjigjja e kryepolicit të Tiranës lidhur me rastin e bashkëshortit të ministes Ibrahimaj është i rëndë dhe vërteton pikërisht akuzën e PD që ligji në këtë vend nuk është i barabartë për të gjithë.
Problemi i mospasqyrimit të lajmit nuk ka të bëjë me sencacionin, por me mbajtjen fshehur të ngjarjes pikërisht se i akuzuari ishte burri i ministres së qeverisë Rama.
Ajo që e bën edhe më të rëndë është deklarata se ishte e pamundur shoqërimi dhe arrestimi i bashkëshortit të ministres, por materialet iu referuan prokurorisë.
A është kjo e njëjta procedurë edhe për njerëzit e zakonshëm?
Përse e kishte të vështirë policia e shtetit për ta shoqëruar dhe për ta proceduar bashkëshortin e ministres Ibrahimaj?
Në cilën shtëpi u fsheh ai që policia nuk e gjeti dot dhe nuk arriti ta procedojë?
Nëse një shqiptar i zakonshëm do të bënte një goditje për shkak të detyrës apo plagosje me thikë, a do të ishte e njëjtë sjellja e policisë së shtetit?
Në qeverisjen e Edi Ramës shqiptarët nuk janë të barabartë!
Ka disa që arrestohen për gjëra të vogla dhe të tjerë që “tolerohen” për gjëra të mëdha!
Kjo është pabarazi!
Rasti i burrit të ministres Ibrahimaj është pikërisht ky!
Prandaj PD zotohet për barazi përpara ligjit për të gjithë!
Vetëm kështu Shqipëria do të jetë e jetueshme për njerëzit.

02 Maj

0

Prononcimi për mediat i kryetarit të Partisë Demokratike, Lulzim Basha, në oborrin e Kuvendit

by PD in Lajmi fundit

PRONONCIMI PËR MEDIAT I KRYETARIT TË PARTISË DEMOKRATIKE, LULZIM BASHA, NË OBORRIN E KUVENDIT

Trajtimi i gjyqësorit dhe trajtimi i medias duhet të jenë të njëjtë nga politika. Jo vetëm kërkesat që parashtruat këtu, por faktikisht politikanët nuk kanë punë të komunikojnë drejtpërdrejtë as me gazetarët, as me redaktorët, as me pronarët e medias. Një kod etike i standardeve europiane do ta ndalonte këtë, ose do t’i kërkonte çdo politikani që ka një kontakt të këtill, të shpjegonte natyrën e kontaktit, sepse dihet që këto kontakte bëhen për pazare, bëhen për favore, bëhen për të ushtruar presion. Por padiskutim që sot jetojmë në një ambient mediatik i cili është pothuajse tërësisht i dominuar nga interesat politike. Pa zgjidhur këtë, asgjë tjetër nuk zgjidhet dot. Edhe situata ekonomike e gazetarëve është një derivat i kësaj, duke i mbajtur gazetarët për bukën e gojës, janë më të kontrollueshëm. Kaq e thjeshtë është . Prandaj demi duhet kapu nga brirët dhe briët janë konflikti i interesit midis politikës dhe medias. Trajtimi i kësaj çështejeje kërkon në radhë të parë një angazhim të vërtetë politik dhe në radhë të dytë këtë që sapo keni nisur dhe për të cilën ju inkurajoj, një qëndrim të qartë dhe të prerë. Sepse sado të jetë presioni i politikës mbi pronarët e mediave, pronaët e medias nuk bëjnë dot gjë nëse ndeshen në murin e solidaritetit të gazetarëve. Ky është qëndrimi im personal, padiskutim edhe Partia Demokratike e ka pjesën e vet të reflektimit në këtë çështje. Nuk mendoj se jemi shkaku i problemit. Por mund të kemi kontribuar me format dhe mënyra të ndryshme në përpjekje për t’iu kundërvënë betejës së vazhdueshme së qeverisë për të vënë nën kontroll politik median. Ndaj jemi të hapur që në bashkëpunim edhe me organizime të ndryshme të gazetarëve, të koordi nojmë pjesën tonë që na takon ne si opozitë për të mbështetur një faqe të re për median shqiptare. Mos të harrojmë se 34 vite më parë liria e medias i parapriu lirive të tjera, konsolidoi lirinë e sapofituar politike dhe kontribuoi në zhvillimin e një debati të shëndosh politik dhe shoqëror derisa interesat politike iu mbivendosën. Liria e medias, gjyqësori i pavarur janë dy shtyllat dhe dy kollonat të një shoqërie të lirë dhe të përpauar. Gjithkush që kërkon të jetojë në një vend normal, me standarde normale duhet ta dij se kjo do të jetë e pamundur sa kohë që nuk ka një media të lirë dhe një gjyqësor të pavarur. Kështu që në këtë kuptim, jo vetëm që solidarizohem me kërkesat e shpallura këtu dhe shpreh reflektimin dhe ndjesën tonë si Parti Demokratike për atë pjesë të problematikës që mund të ketë ardhur nga vet ne. Por kërkoj dhe shty të gjithë mediat shqiptare, të gjithë punonjësit e medias, gazetarë, operatorë, kryeredaktorë që ta vazhdojnë këtë aksion. Ndërsa politikës, atyre që me sinqeritet duan të mbështesin lirië e medias, i kërkoj ta kapin demin nga brirët. Konflikti i interesit mes nivelit të lartë politik, pushtetit të çfarëdolloj natyre qoftë ky dhe pronarëve të medias, është burimi i të keqes, aty duhet kërkuar e keqja dhe duhet nisur, siç e thash me një kod etik i cili do të detyronte në Shqipëri, si kudo në Europë, shpjegime të qarta për çdo kontakt të papërshtatshëm midis politikanëve, njerëzve të pushtetit dhe njerëzve të medias. Sigurisht media është e pranishme në formate intervistash, në konferenca, emisione, por çdo kontakt i një natyre tjetër qoftë ky SMS, telefonata, kërcënime publike, apom private, apo përplasje interesash me pronarët e medias, duhet jo vetëm të përjashtohet nga ky kod etik, por dhe të kriminalizohet, pra të bëhet subjekt i ndjekjes penale. Nesër është dita e lirisë së shtypit dhe është momenti për të shprehur ndjesën dhe nevojën për një reflektim. Por siç e thash, nëse e lëmë në kuadër të 1 ditë vit, kjo s’ka për të shkuar askund. NE kemi pasur raste të bisedojmë off rekord, që është një format etik për çështje të ndryshme duke përfshirë edhe lirinë e medias, është e qartë që zhytja e Shqipërisë vit pas viti është produkt i pastër i pushtetit dhe i nevojës së një pushteti të korruptuar për të kontrolluar çdo media, për të kontrolluar çdo zë të lirë. Dhe sigurisht kjo bëhet dhe me e rrezikshme kur pushteti politik, përzihet me interesat e krimit të organizuar.

Çështja tjetër që desha të trajtojë është puna e amnistisë. Tashmë është e qartë se ajo që ne ngritëm si shqetësim, ka qenë një plan i mirëfilltë. Dhe pyetja e parë që shtrohet është, pse edhe në rastin e projektligjit të parë u konsultua SPAK-ku, Prokuroria? Pse në rastin e dytë këta u përjashtuan dhe gjithçka erdhi si nëj pazar i çastit të fundit. Përgjigjen e kemi paa syve tanë. Ulsi Manja dhe qeveria që ai përfaqëson, Partia Socialiste, vet Edi Rama, kanë pasur një dhe vetëm një interes, i kanë mbajtur 3 muaj më gjatë në burg një numër të madh familjarësh, prindërish të dënuar, që do të përfitonin më herët nga amnistia, që të lironin mbi 80, madje shifra ka arritur mbi 100 persona të dënuar për korrupsion. Kjo nuk do të ishte e mundur pa bashkimin e votave me një pjesë të deputetëve të cilët ndodhen aty me votat e Partisë Demokratike. Ndaj ne kemi depozituar dje kërkesën për një interpelancë urgjente me Ulsi Manjën, sikundër që ky është momenti që çdokush që i është kërkuar në pretendime false të votojë për këtë amnisti, të shpreh distancim të plotë dhe të qartë. Partia Demokratike dhe deputetët e Partisë Demokratike dhe çdokush i dalë nga votat e Partisë Demokratike, pavarësisht prej diferencave që mund të kemi për çështje të tjera, nuk mund të përzihen e të përfshihen në këtë Pazar të ndyrë i cili kishte dhe ka për qëllim së pari lirimin e zyrtarëve të korruptuar dhe të dënua për korrupsion nga SPAK-u. Dhe së dyti lëshimin e këtij mesazhi të lig dhe të rrezikshëm për drejtësinë dhe demokracinë që edhe në rastet kur zyrtarët dënohen, politika, në këtë rast qeveria në bashkëpunim me segmente të cilat ndodhen në aty me votën e opozitës, i lirojnë duke bërë presion të hapur ndaj dejtësisë. Ndaj për këtë kemi kërkuar interpelancë urgjente dhe presim që mos të ketë të njëjtin fat si me interpelancat e tjera të kërkuara me Edi Ramën, si në rastin e zëvendëskryeministrit Ahmetaj dhe në rastin e kampeve të refugjatëve. Ne presim përgjigje zyrtare nga institucionet e drejtësisë të cilëve u kemi kërkuar informacion të sakt. Mesa duket në mënyra dhe forma të tjera, meë jemi edhe tek media, kolegët tuaj kanë qenë në gjendje të sigurojnë burime të besueshme që ky numër vërtetitet nga 80 deri në 100 zyrtarë të korruptuar, të dënuar edhe njëherë nga GJKKO. Po e pësëris që 2 kanë qenë qëndrimet tona për të cilat kemi kërkuar reflektim nga të gjithë. Së pari nga qeveria, por edhe nga të tjerët. I pari që nga amnistia nuk mund të përfitojë askush i dënuar nga GJKKO për korrupsion. Dhe së dyti që nuk mund të përjashtohet asnjë protestues që është ngritur kundër korupsionit qeveritar. Kështu që të dhënat të cilave iu referohem janë të dhëna të bëra publike nga kolegët tuaj, ndërkohë që presim përgjigje zyrtare nga institucionet e dejtësisë.

Datë: 02/05/2024

02 Maj

0

Këshilltari i PD në bashkinë Vlorë, Myzafer Elezi: Rruga “Dervish Hekali” në Vlorë në gjendje të rrënuar. Kam depozituar një propozimin me shkrim, për rikonstruksionin e saj

by PD in Lajmi fundit

Anëtari i Kryesisë dhe këshilltari i PD në bashkinë Vlorë, Myzafer Elezi, në një postim në facebook, ka përcjell shqetësimin e banorëve për rrugën “Dervish Hekali” në qytetin e Vlorës e cila është në gjendje të rrënuar. Elezi shprehet se “në atë segment rrugor, përveç banorëve të lagjes ka edhe disa biznese që ushtrojnë aktivitetin e tyre”.

Ai gjithashtu thotë se ka depozituar në Bashkinë Vlorë një propozimin me shkrim, për rikonstruksionin e rruges, duke kërkuar që nga ana e Drejtorisë së Shërbimeve Publike në Bashkinë Vlorë të merren masa për kanalizimin, shtrimin, asfaltimin dhe ndriçimin e rrugës së lartpërmendur.

Më poshtë postimi i plotë i Myzafer Elezit:

Të nderuar miq,

Disa qytetarë të lagjes “Kushtrim”, në qytetin e Vlorës, më kanë ngritur një shqetësim lidhur me infrastrukturën rrugore në lagjen e tyre.

Nga verifikimi në terren i gjendjes së infrastrukturës rrugore në atë lagjje, rezulton se:

Rruga “Dervish Hekali” në Lagjen “Kushtrim”, Rajoni nr. 5, Vlorë, me gjatësi rreth 300 metra, është në gjendje të rrënuar. Sa herë që bien reshje rruga dëmtohet, e për rrjedhojë bëhet e pakalueshme. Ajo përkeqësohet çdo ditë duke mbetur kështu një problem i madh për banorët e asaj lagjeje. Rruga ka nevojë për kanalizim, shtrim, asfaltim dhe ndriçin.

Theksoj se, në atë segment rrugor, përveç banorëve të lagjes ka edhe disa biznese që ushtrojnë aktivitetin e tyre.

Duke marrë në konsideratë shqetësimin e qytetarëve, sot, kam depozituar në Bashkinë Vlorë një propozimin me shkrim, për rikonstruksionin e rruges, duke kërkuar që nga ana e Drejtorisë së Shërbimeve Publike në Bashkinë Vlorë të merren masa për kanalizimin, shtrimin, asfaltimin dhe ndriçimin e rrugës së lartpërmendur.

Duke faleminderuar qytetarët e Vlorës, i sugurojmë ata se këshilltarët e Partisë Demikratike do të jenë gjithmonë në krah të tyre, për të trajtuar në Këshillin e Bashkisë çdo problematikë të tyre.

02 Maj

0

Bashkia Lezhë diskriminon banorët e 6 njësive administrative/ PD, Marku: Propaganda nuk është as shërbim, as investim , por vetëm përpjekje për të manipuluar opinionin

by PD in Lajmi fundit

Në një reagim në profilin e saj në rrjetin social facebook, Sekretarja e Pushtetit Vendor dhe Decentralizimit në PD, Alfrida Marku, shprehet se plani i investimeve në Bashkinë Lezhë, i paraqitur 5 muaj me vonesë, shpërndan në mënyrë të disbalancuar dhe diskriminon banorët e 6 njësive administrative në këtë Bashki.

Më tej kryetarja e PD Lezhë thotë se “propaganda nuk është as shërbim, as investim , por vetëm përpjekje për të manipuluar opinionin publik”.

Më poshtë postimi i plotë i Alfrida Markut:

PLANI PA PLAN I INVESTIMEVE për këtë vit, i paraqitur nga Bashkia Lezhë pothuajse 5 muaj me vonesë dhe pa asnjë projekt konkret të detajuar, shpërndan në mënyrë krejtësisht të disbalancuar buxhetin duke lënë në harresë apo DISKRIMINUAR banorët e 6 njesive administrative në Bashkinë Lezhë.

⛔️Asnjë investim në infrastrukturën rrugore , si zë i vetëm në buxhetin e këtij viti për investime, nuk është parashikuar nga Bashkia Lezhë për këtë vit për banorët e njesive administrative Balldren, Shëngjin, Dajç, Blinisht, Ungrej dhe Lezhë përjashtuar këtu një rrugë në lagjen Shehër, një investim i pamjaftueshëm krahasuar me faktin që në qytetin e Lezhës banojnë më shumë se 1/4 e banorëve të Bashkisë.

Bashkia Lezhë duhet të bëjë transparencë në lidhje 5.3 miliard lekë të parashikuar në buxhetin e këtij viti, për infrastrukturën rrugore, si investime të reja apo projekte që vijojnë nga viti i kaluar, kjo për faktin se situata në në terren reflekton pikpyetje të arsyeshme: asnjë metër rrugë në asnjë njesi administrative të Lezhës, në asnjë lagje , në fshat e qytet, nuk rezulton e shtruar apo rehabilituar, ndërkohë që jemi në muajin e pestë të këtij viti buxhetor .

Banorët e Lezhës paguajnë gjithnjë e më shumë taksa dhe tarifa vendore duke besuar në përmirësim të shërbimeve dhe investime të reja, por i vetmi shërbim ku bashkia Lezhë investohet për të bërë maksimumin është propaganda.

❌Propaganda nuk është as shërbim, as investim , por vetëm përpjekje për të manipuluar opinionin publik.

Blog