Blog

Këshilltari i lartë i kancelares Merkel, ka vijuar me turin e tij në Kavajë, në takimet me qytetarët të organizuara nga Partia Demokratike.

Hans Joachim Falenski theksoi se programi i Lulzim Bashës është hartuar në bashkëpunim me CDU gjermane.

Falenski e cilësoi tronditëse gjetjen e sondazhit më të fundit, që tregon se 56 përqind e shqiptarëve duan të largohen. Eshte qeveria, që duhet të largohet, u shpreh ai.

“Sipas një sondazhi tepër serioz 56% e shqiptarëve duan të largohet për arsye ekonomike nga Shqipëria. Ata duan të largohen sepse nuk duan të durojnë më qeverinë e Ramës. Çfarë thirrje është kjo? Kjo do të thotë: Rama ti nuk e bën dot, jo! Nuk duhet të ikin njerëzit, por qeveria Rama duhet të ikë. Eshtë e qartë që socialistët nuk mund të bëjnë ekonomi dhe nuk kanë marrëdhënie të mirë me paratë, as këtu as në Gjermani. Partia Demokratike në bashkëpunim me Konrad Adenauer dhe Partinë Kristian-Demokrate dhe Kristian-Sociale në Gjermani ka hartuar këtë program ekonomik. Ky program do të mundësojë një  ekonomi të fortë dhe vende të reja pune. Partia Kristian Demokrate në Gjermani së bashku me Angela Merkel e vërteton cdo ditë se ky program funksionon sepse cdo ditë krijon vende të reja pune. Ky program ekonomik do të funksionojë edhe në Shqipëri dhe do t’ju cojë drejt suksesit. Për këtë arsye shkoni votoni në datën 25 qershor. U thoni të gjithë miqve dhe të njohurve tuaj të shkojnë të votojnë. Ata duhet të zgjedhin Partinë Demokratike dhe aleatët e saj”, u shpreh Falenski.

Këshilltari i Angela Merkel, Hans Joachim Falenski, vleresoi sot programin ekonomik të Partisë Demokratike, si efikas, të realizueshëm e që do të vërë në lëvizje ekonominë shqiptare.

Ky program, tha Falenski, funksionon cdo ditë në Gjermani, krijon vende pune, dhe do funksionojë edhe në Shqipëri.

Deklaratat e këshilltarit të Angela Merkel, u bënë sot paradite gjatë një takimi të organizuar nga PD me qytetarë të Durrësit.

“Qeveria Rama duhet të ikë dhe kjo është më e thjeshja dhe më e mira. Socialistët nuk mund të bëjë ekonomi dhe nuk mund të menaxhojnë para. Kjo qeveri nuk ia ka arritur dhe nuk e ka bërë këtë. Partia Demokratike në bashkëpunim me Partinë Kristian-Demokratike Gjermane dhe me Fondacionin Kondard Adenauer ka hartuar këtë program ekonomik. Ky program siguron një ekonomi të fortë dhe më shumë vende pune. Partia Kristian-Demokratike Gjermane së bashku me Angela Merkelin e vërtetojnë cdo ditë që ky program funksionon dhe cdo ditë krijohen vende të reja pune. Prandaj ju them që ky program funksionon ndaj na besoni ne dhe i besoni Lulzim Bashës. Shkoni votoni me 25 Qershor. Ju thoni të gjithë miqve dhe të njohurve tuaj të shkojnë të votojnë. Votoni për ndryshimin e qeverisë dhe do hyni më shpejt në Europë”, tha Falenski.

Lulzim Basha ishte pranë banorëve të fshatit Hamil në Fier, ku u shpjegoi planin e tij ekonomik, dhe mënyrën se si do funksionojë për qytetarët, për fermerët, për të rinjtë, për pensionistët, për të papunët.

“Unë nuk vij me premtime, unë vij këtu me një plan ekonomik që na është dashur dy vite ta hartojmë pasi kemi parë gjendjen në terren, pasi kemi parë problemet reale, mundësitë reale për të dalë nga kjo gjendje. Pasi e kemi konsultuar me ekspertët më të mirë të fushave të bujqësisë dhe blegtorisë dhe pasi kemi marrë vulat e ekspertëve më të mirë të ekonomisë në Gjermani, në Europë, që janë këshilltarët ekonomikë të kancelares gjermane. Qëllimi është  rritja ekonomike, punësimi, mirqënia e njerëzve”, tha Basha.

Duke u ndalur tek premtimet e Ramës, Basha tha se ai nuk I përmend më, dhe vjen me premtime të reja, sepse të gjithë e kanë kuptuar se I braktisi ato që ditën e parë, dhe nuk bëri asnjë përpjekje për ti përmbushur.

“Para katër vitesh kur erdhën për të marrë votën, Edi Rama premtoi 300 mijë vende pune, premtoi shëndetësi falas, premtoi legalizime falas, premtoi mbështetje për bujqësinë, naftë pa akcizë, imputet bujqësore, uljen e taksave për 97% të shqiptarëve, rritjen e rrogave, premtime pa fund. Sot pas katër vitesh vjen dhe nuk flet më për premtimet. Tani vjen me premtime të tjera, por në fakt ajo që njerëzit gjykojnë, është se cfarë bëri këto katër vjet. Paska ardhur Panariti këtu dhe thotë nuk kisha fonde. Gënjen! Shteti ka harxhuar këto katër vjet 16 miliardë euro. Vetëm për fishekzjarret në hapjen e Sheshit Skënderbej, janë hedhur qindra mijëra euro, midis 200 dhe 400 mijë euro. Ja pra, lekët i kanë, por lekët i bëjnë palma, lekët i bëjnë pllaka, lekët i bëjnë fishekzjarre, lekët i bëjnë fasada, në vend që t’i sjellin dhe t’i bëjnë ndihmë për fermerët, t’i bëjnë investime për infrastrukturën  të hapin vende pune si në fshat ashtu edhe në qytet. Eshtë e mundur, sigurisht është e mundur”, u shpreh Basha.

Lulzim Basha paraqiti planin e tij ekonomik para qytetarëve të Libofshës, një plan konrekt, i zbatueshëm dhe realist që do të ndikojë në shtimin e parave në xhepat e qytetarëve, në rritjen e konsumit, të prodhimit. Një plan ekonomik që do ndezë dhe vërë në lëvizje ekonominë shqiptare, do krijojë vende pune e sigurojë mirqënie për qytetarët.

“Unë vij me një plan ekonomik. Asnjë pjesë e këtij plani ekonomik nuk funksionon si një premtim vec nga të tjerët. Plani ekonomik përbëhet nga shtylla të vecanta por të lidhura me njëra-tjetrën. Një, ulja e taksave, ulja e tvsh-së. Vetëm me uljen e tvsh-së tek xhepat e konsumatorit mbeten 400 milion euro. Me taksën e sheshtë 9%, me uljen e cmimit të naftës, me eleminimin e taksës rama 240 lek për litër, me uljen e cmimit të energjisë, ne krijojmë një ambient të favorshëm për sipërmarrjen dhe për fermerët. Vetëm me tvsh-në rrisim fuqinë blerëse me 400 milion euro në vit. Imagjinoni, 400 milion euro më shumë, për njerëzit për të blerë qumështin, bulmetin, fruta, perimet, bukën, mishin. 400 milion euro më shumë se sot”, tha Basha.

Lulzim Basha, u tha banorëve se Edi Rama jo vetëm nuk mbajti asnjë premtim, por nuk bëri asnjë përpjekje, dhe që ditën e parë në pushtet zgjodhi prioritete të tjera, jo interesat e hallet e qytetarëve.

“Fshati dhe fermerët janë të përjashtuarit e mëdhenj të republikës së vjetër. Ju premtoi naftën pa aksizë apo jo. Ju premtoi subvencione, ju premtoi vaditje, kullim, lehtësim për imputet bujqësore? A kishte mundësi t’i bënte? Katër vite ka harxhuar 16 miliardë euro buxhet. Rilindja urbane, 400 mln euro. Shfaqja me fishekzjarre tek sheshi Skënderbej ka kushtuar qindra mijë euro. 16 mln euro ka kushtuar sheshi. Vetëm fishekzjarret kanë kushtuar midis 200 dhe 400 mijë euro sipas ekspertëve. Sa vetë do të kishin marrë subvencione me këto para po të kishin shkuar për fermerët? Sa familje do të kishin marrë ndihmë  ekonomike? Sa pensione do të ishin rritur për një vit nëse këto para nuk do të kishin shkuar për fishekzjarret e lali erit?”, u shpreh Basha.

Lulzim Basha u ka shpjeguar nga afër sot qytetarëve planin e tij ekonomik që do të clirojë energji, do të rrisë konsumin, do të sjellë të ardhura në xhepin e shqiptarëve, do të krijojë vende pune e do nxisë prodhimin.

Në zonën e Unazës së re, Basha u takua me pronarë të biznesit të vogël, të cilët i siguroi se detyrimi i tyre do të jetë vetëm 1.5 përqind e xhiros vjetore, dhe një pullë në xham që tregon shlyerjen e kësaj shume, do të mbajë larg tatimorët dhe abuzuesit që kanë lodhur e grabitur dyqanet e njësitë tregtare gjithë këto vite.

Studentët dëgjuan nga Basha planin për ta anuluar ligjin e arsimit të lartë, dhe ardhjen në fuqi të një ligji të ri që do sjellë studentin në vendimmarrje, do ulë tarifat e do ta bëjë të mundur për këdo që të ndjekë shkollën e lartë, pavarësisht gjendjes së tij ekonomike.

Kryetari i opozitës u tha qytetarëve se Shqipëria po vuan jo vetëm mosmbajtjen e premtimeve nga Edi Rama, por sidomos faktin se ai nuk bëri asnjë përpjekje në 4 vite, dhe i braktisi premtimet që ditën e pare, dhe zgjodhi prioritete të gabuara që nuk ishin në interesin e njerëzve, por të lidhura me tekat e tij.

Ekonomia, do të jetë prioriteti im i palëkundur, tha Basha.

Lulzim Basha takohet me qytetarë dhe pronarë të biznesit të vogël në Burrel. Pulla në xhamin e lokalit do mbajë larg tatimorët dhe abuzuesit e shtetit.

Lulzim Basha gjatë prezantimit të programit ekonomik në Dibër, u ndal në Burrel ku takoi tregtarë të biznesit të vogël. Basha dëgjoi ankesat e tyre dhe u tha se plani i tij me ulje taksash, do nxisë konsumin e do rrisë prodhimin në vend.

“Ulje të taksave, subvencione për fermerët, sepse këtu kemi më shumë fermerë. Rritje konsumi që sjell rritje të kërkesës në treg, rritje të prodhimit, rritje të kreditimit dhe paratë e shtetit nuk do të hidhen  më për investime koti për palma, do të hidhen për investime që ndihmojnë ekonominë”.

Basha gjatë takimeve me qytetarët shpjegoi projektin e tij për biznesin e vogël. Basha i shpjegon pronarit të një dyqani të vogël, se si pulla që do të vërë ai në xham që tregon se ka shlyer detyrimet, do të mbgajë larg çdo tatimor a përfaqësues të shtetit që shkojnë për të abuzuar e bërë presion.

“Po të jeni poshtë tavanit, bravo ju qoftë, por sipër 1.5%-shit nuk keni për të shkuar dot kurrë me detyrime. Kur të marrin frymë farmacisti, tregtari, kur të marrë frymë biznesi i vogël dhe në veçanti biznesi prodhues, atëherë fillon dhe rigjenerohet ekonomia. Qëllimi nuk do të jenë taksat dhe terrori, qëllimi do të jetë punësimi. Pullën këtu Agim, u gjet tatimor lokal apo qëndror përtej pullës, (tregon prangat me duar) do të thotë është vetëm për korrupsion. Nuk do të ketë më tatimorë rrugëve. Rrugëve duhen konsumatorë, duhen punëtorë, fermerë, tregtarë, sipërmarrës. Tatimorët të gjithë në kazermë”.

Lulzim Basha tha sot në Kurbin, që Edi Rama duhet të vijë në debat, derisa merret me programin e tij gjithë kohës, dhe së fundmi ka nisur të bëjë premtime të reja. Basha tha se Rama ka frikë sepse nuk ka bilanc ndërsa ai dhe ekipi i tij ka një program që ka funskionuar në perëndim. Ky plan do ulë taksat dhe do hapë vende pune për shqiptarët ndaj dhe Rama merret me këtë program.

“Tragjëdia nuk është vetëm që Edi Rama nuk mbajti premtimet por tragjedia është se Edi Rama nuk bëri as përpjekjen më të vogël për ti mbajtur premtimet. Shkoi në drejtim të kundërt dhe sot vjen e bën premtime të reja. Nuk ka plan, nuk ka vision, nuk ka vullnet. Eshtë totalisht i shkëputur nga realiteti. Unë nuk kam premtime. Kush u thotë premtime u thoni se ky është program ekonomik. Nuk janë premtime. Edhe njëherë nga Kurbini dua të përsëris ftesën për debat. Ke 3 javë që merresh me programin tim. Eja tani në debat. Eja të na gjykojë populli. Premtimet e tua, bilancin tënd dhe unë programin tim për Republikën e Re, për ekonominë e fortë dhe të nesërmen e sigurtë.

“Ka frikë nga e vërteta. Eja në debat dhe përballu me të vërtetën. Zgjedhja është e jotja por mosbërballja me të vërtetën do të kushtojë edhe me rëndë me 25 Qershor ku republika e vjetër të marrë fund me votën e qytetarëve të bashkuar. Punësim, taksa të ulëta, ekonomia nga mëngjesi në darkë do jetë beteja jonë. Plani im do funksionojë siç ka funksionuar në Europë”, tha Basha.

​

Lulzim Basha shpjegoi para grave e vajzave në Lezhë programin ekonomik të Republikës së Re. Basha tha se plani i tij ka funksionuar në perëndim dhe do funskionojë edhe në Shqipëri pasi ka pasur mbështetjen e eskpertëve më të mirë ekonomikë gjermanë.

“Taksat do të ulen, dhe do kemi taksë të sheshtë. Do ketë më shumë para në xhepin e shqiptarëve për të blerë dhe më shumë para për biznesin për të investuar në vende pune.” Basha tha se do të ketë investim në arsim me shkolla me drekë për fëmijët shqiptarë dhe pensione minimale 250 mijë lekë në muaj. Të rinjtë do kenë praktika pune ndërsa fermerët para në dorë për prodhimin.

“Programi im ka praktika pune nj​ë vjeçare për 10 mijë studentët më të mirët me pagesë prej 200 mijë lekësh në muaj dhe për 75% deri në 90% prej tyre do të mundësojë një të ardhme të sigurtë, një vend të mirë pune. 100 milionë euro në vit do të shkojnë për të subvencionuar fermat dhe fermerët shqiptarë dhe gratë shqiptare që punojnë në sektorin bujqësor”, tha Basha.

Kryetari i opozitës theksoi se Rama i kishte mundësitë për të mbajtur premtimet, por i shpërdoroi këto 4 vite. Ndërsa, programi i demokratëve do funksionojë e do të përmirësojë jetën e shqiptarëve.

“Edi Rama i kishte mundësitë ti mbante premtimet por Edi Rama i braktisi premtimet që ditën që u bë kryeministër. Mbajeni mend, mos e harroni. Kjo është e rëndësishme në gjykimin që do bëni ju në datën 25 Qershor. Sot thotë nuk kisha kohë. Kishte 4 vjet. Kishte 16 miliardë euro, nga 4 miliardë çdo vit, që i ka shpenzuar. Kishte mandate plot në Parlament për të marrë vendimet e duhura për të lehtësuar jetët tuaja. Por mori vendime që ua vështirësuan jetën. Kishte në dorë të ulte taksat, të ndihmonte ekonominë dhe gratë kryefamiljare në veçanti. Por çfarë bëri?! I rriti taksat për të gjithë shqiptarët”, tha Basha.

Lulzim Basha dhe ekipi i tij shpalosën programin ekonomik para të rinjve të Shkodrës. Basha tha se programi i hartuar nga eskpertët më të mirë të Europës është i plotë për të rritur vendet e punës dhe mirëqënien e shqiptarëve. Do ulen taksat, do jepen stazhe të paguara për të rinjtë, para për fermerët, rritje pensionesh si dhe mbështetje për familjet në nevojë.

“Ky është plani ekonomik që do nxjerrë Shqipërinë nga kriza, që do ndezë motorrët e rritjes ekonomike dhe që ka në qendër punësimin. Të gjitha janë masa që funksionojnë bashkë. Asnjëra prej tyre veç e veç. Asnjëra nuk është premtim por pjesa e një plani që funksionon në integralitet duke nisur me uljen e taksave, me uljen e TVSh-së, me taksën e sheshtë 9% që janë një revolucion i vërtetë fiskal që do çlirojë qindra milionë euro në konsumin e Shkodrës dhe gjithë Shqipërisë.

“Janë qindra milionë euro që do nxisin prodhimin, që do çojnë në rritjen e kërkesës, për vende të reja pune, për kreditim, për investime kapitale. Ky është modeli që ka funksionuar në Europë që e kam parë, e kam studiuar dhe ky është modeli që do funksionojë në Shqipëri.

“Ulja e taksave, taksa e sheshtë 9%, ulja e çmimit të naftës, zerimi i taksës Rama mbi naftën, çmimi i energjisë më i lirë në rajon. Do ta bëjnë Shqipërinë ambjentin më tërheqës për investimet e brendshme dhe të huaja dhe do të ndezin motorrin e shpresës. Rinia e Shkodrës dhe gjithë Shqipërisë do përfitojë nga ky plan ekonomik ku do të shpenzojmë çdo vit 25 milionë euro për 10 mijë stazhe me 200 mijë lekë të vjetra në muaj për të sapodiplomuarit”, tha Basha.  ​

Lulzim Basha shpalosi sot programin për bujqësinë dhe rritjen ekonomike me fermerët e Zvezdës në Korçë. Basha tha se fermerët do mbështeten me para në dorë në shumën 100 milionë euro në vit. Këto para do ulin koston e punës dhe do të rrisin fitimet për fermerët.

“Unë kam ardhur me një program serioz, të zbatueshëm, të verifikuar nga eskpertët ekonomik më të mirë të Europës të kancelares Merkel. Këto janë zgjidhjet që do funksionojnë për gjithë ekonominë. Por një shtyllë e rëndësishme është bujqësia, janë fermerët, sepse 47 shqiptarë në 100, jetojnë me aktivitetin rural, me bujqësi, me blektori, me blegtari, një pjesë e vogël me peshkim dhe natyrisht agrobiznesi. Eshtë shtylla e ekonomisë shqiptare. Ky thotë merrni kredi. Nuk e ka haberin se çfarë keni hequr këto 3 vite. Ky nuk e di se edhe po të doni nuk merrni dot kredi se jeni zhytur në borxhe, apo jo. Programi im ka investimet në bujqësi, ka subvencionin e drejtpërdrejtë pa nipt, pa burokraci, pa kasë fiskale, pa rregulla të kota që shpiken për mosdhënien e subvencionit. Paratë do shkojnë tek fermerët në bazë të prodhimit që gjeneroni, plot 100 milionë euro që së pari do zeroni koston e mekanikës. Së dyti, do tentojmë uljen dhe zerimin e kostove për plehrat kimike dhe imputeve të tjera bujqësore”, tha Basha.

Kryedemokrati Basha tha se ulja e taksave, rritja e pensioneve, do të rrisë fuqinë blerëse të shqiptarëve. Kjo do të rrisë prodhimin dhe vendet e punës për shqiptarët.

“Nga ana tjetër, do të ulim TVSh-në që do gjenerojë 400 milionë euro në xhepat e shqiptarëve të cilat do të rrisin konsumin. Ku ka treg nëse ska lekë për të harxhuar?! Vetëm me uljen e TVSh-së ne do e rrisim fuqinë blerëse me 400 milionë euro vit për vit. Këto lekë, i marrin sot tatimorët, ia çojnë Edi Ramës dhe ai i bën kullë në Korçë. Taksa të ulëta, rritje konsumi, subvencione për fermerët, ndalimi i importeve që konkurojnë në mënyrë të pandershme djersën tuaj, masa ekonomike që do rrisin fuqinë e shtresave në nevojë si dhe për pensionistët, të gjitha janë të lidhura në një koncept të ekonomisë së fortë dhe të një të nesërme të sigurtë”, tha Basha.