Blog

Lulzim Basha paraqet programin në Kukës. Ndihmë të përvitshme për fermerët dhe 10 mijë stazhe të paguara për të sapodiplomuarit

Lulzim Basha dhe ekipi ti tij shpalosën programin ekonomik të Republikës së Re në Kukës. Basha tha se do të ulë taksat, duke shtuar paratë në xhepat e qytetarëve. Do kemi taksë të sheshtë vetëm 9% ndërsa fermerët do përfitojnë të gjithë subvencion me një fond prej 100 milionë eurosh në vit. Të rinjtë e sapo diplomuar, 10 mijë prej tyre në vit, do kenë stazhe të paguara nga Republika e Re.

“Me uljen e taksave, me uljen e TVSh-së e cila do të gjenerojë çdo vit 400 milionë euro më shumë në xhepat e shqiptarëve me rritje konsumi, rritje të fuqisë blerëse, me taksën e sheshtë 9%, do të sigurojmë qindra milionë euro kapitale dhe kreditime të ekonomisë. Këto, do të kthehen në vende pune, në punësim , në pozitivitet dhe rritje ekonomike. Hapi im i dytë do të jenë 10 mijë stazhe për 10 mijë të sapodiplomuar, drita e syrit të prindërve të Kukësit. Me përfundimin e universitetit, për 1 vit me radhë 10 mijë të rinj shqiptarë do kenë mundësi të kenë stazhe, praktika të paguara me 200 mijë lekë në muaj 1 vit me radhë. Fermerët e Kukësit dhe mbarë Shqipërisë duhet ta dinë se në Republikën e Re kanë 100 milionë euro subvencione çdo vit për ta. 1% e Prodhimit të Brendshëm Bruto do destinohet për të financuar fermerët, pa sekserë, pa burokraci, pa nipt. Ne do të hapim vende pune, do të hapen fabrika për shkak të taksës më të ulët në ballkan”, tha Basha. ​

Lideri i opozitës Lulzim Basha ne takim me qytetarët e Gramshit theksoi se Republika e Re, i ofron shqiptarëve investime, zhvillimin e biznesit, ulje taksash si dhe mundësi për vende pune.

“Vendimet e para që do të marr janë vendime që ju mbështesin ju dhe njerëzit e punës. Ulja e tvsh-së do të sjellë 400 milionë euro në vit më shumë në xhepat e konsumatorëve shqiptarë, në xhepat tuaja. TVSH-ja është taksa që paguan gjithësecili prej jush, nga bebja e sapolindur, tek më I moshuari në këtë qytet. Të gjithë paguani 20% më shumë TVSH, tek buka e gojës, tek nafta, tek gjithçka tjetër. Unë do ta ul TVSH-në, 400 milionë euro do të rritet konsumi, fuqia juaj blerëse. Paratë që do të qarkullojnë në ekonomi. Taksa e sheshtë 9% do të gjenerojë miliona euro investime. Tajksa Rama mbi naftën. Plotë 240 lek për litër, do të anulohet që ditën time të parë si kryeministër, sepse nafta është gjaku i ekonomisë dhe ekonomia e fortë është detyra e parë e kryeministrit tuaj të ardhshëm. Nuk ka shtet të fortë pa ekonomi të fortë, nuk ka shtet të fortë me qytetarë të varfër. Fund fasadave dhe estradave. I gjithë investimi do të jetë për hapjen e vendeve të punës, për fabrika të reja, për mbështetje për rininë“, tha Basha.

Në Belsh, Basha tha se do të punojë për shqiptarët, duke u dhënë shansin të shkollohen, punojnë dhe të kenë jetë më dinjitoze. Të kenë të njëjtat mundësi që ai pati kur njohu dhe preku ëndrrën europiane.

“Ju jap fjalën se nuk jam në këtë betejë për veten time, as për egon time, as për rehatinë e jetës sime, as për rehatinë e familjes sime, ju e dini kam patur shanse në jetë fare i ri. Kam studiuar, kam ndërtuar jetën time. Kisha mundësinë të ndërtoja një jetë të rehatshme kudo që ta dëshiroja, nga Holanda në Amerikë, pork am zgjedhur të bëj këtë betejë, sepse tani që ma priu fati në jetë të realizoj gjithçka që kam realizuar në rini, tani është rradha ime të bëj gjithçka që këta të rinj të kenë të njëjtat mundësi se edhe unë bir prindërish të thjeshtë jam. Jam ky që jam për shkak të mundësive që mu ofruan dhe punës sime dhe do të bëj gjithçka që të njëjta mundësi t’I kenë edhe të rinjtë e Belshit“, tha Basha.

Për kryetarin e Partisë Demokratike, prioritet i Republikës së Re, është punësimi i shqiptarëve dhe e ardhmja e sigurtë e fëmijëve të tyre.

Lulzim Basha dhe ekipi i tij njohin elbasanasit me programin. Ulje taksash, ekonomi e fortë, vende pune, 100 milionë euro në vit për fermerët, 10 mijë stazhe të paguara në vit për të rinjtë

Lulzim Basha dhe ekipi i tij paraqiten programin e Republikës së Re para qytetarëve të Elbasanit. Basha tha se nga studimet dhe eksperienca e tij në Holandë ka mësuar se shqiptarët duhet të kenë shans për të ecur përpara. Ai tha se është radha e tij të luftojë që shqiptarët të kenë të njëjtat mundesi dhe kjo do jetë sfida dhe ëndrra e tij.

“Ky nuk është më thjeshtë dhe vetëm projekti im. Kjo nuk është vetëm përkëthimi i ëndrrës europiane që unë preka si student në Universitetin e Utrehtit. Mu dha mundësia dhe shkëlqeva me atë mundësi përmes punës time dhe ia dola të siguroj vlerësimet më të larta në organizatat ndërkombëtare ku punova. Nxorra një mesim të madh të cilin e pashë pastaj të çdo i ri dhe e re shqiptare, dhe mësimi është ky; shqiptarët e duan punën, jepu mundësinë dhe ata do shkëlqejnë. Mua mu dha mundësia në vitet e vështira në një nga vendet më të përparuara të Europës, më demokratike të Europës në Holandë në një qytet binjak me Elbasanin, në Utreht, në një nga universitetet më të mira të botës. Tani është radha ime të luftoj ditë e natë që këtë mundësi ta ketë çdo qytetar, çdo i ri, çdo e re e Elbasanit. Kjo është sfida ime. Kjo është lufta ime. Ky është frymëzimi im. Kjo është ëndrra ime”, tha Basha.

Kryedemokrati tha se Republika e Re do të ulë taksat duke nisur me TVSh-në duke shtuar mbi 400 milionë euro në xhepat e shqiptarëve të thjeshtë.

“Taksa të ulëta, mbështetje për bizneset që hapin vende pune, 10 mijë stazhe për të rinjtë çdo vit të paguara nga shteti, 100 milionë euro subvencione për fermerët. Këto janë masat e vërteta. Pa tavalla, pa demagogji, pa cirk, pa lojëra, që unë do të vë në funksion për të kthyer rrotën e ekonomisë shqiptare, për tu dhënë shqiptarëve bashkë me Republikën e Re një ekonomi të fortë që punëson dhe zhvillon”, tha Basha.

Lulzim Basha dhe ekipi i tij në Cerrik. Republika e Re sjell ekonomi të fortë dhe të nesërme të sigurtë

Lulzim Basha dhe ekipi i tij në Cërrik shpalosën programin ekonomik të Republikës së re. Basha tha programi i tij do ulë TVSh-në për të rritur paratë në xhepat e shqiptarëve, do ketë taksë të sheshtë 9 %, do hapen fabrika për vende pune, 100 milionë euro para në dorë për fermerët dhe stazhe të paguara për të rinjtë e sapodiplomuar për të gjetur shpejt vend pune.

“Vendimi im i parë për të vënë në lëvizje planin tim ekonomik, i cili është hartuar dhe ka vulat e eskpertëve më të mirë të Europës këshilltarëve ekonomik të Angela Merkel që e kanë vlerësuar dhe çertifikuar publikisht. Hapi im i parë do të jetë ulja e TVSh-së, taksa e sheshtë 9 %, ulja e taksës për biznesin e vogël dhe futja në garnizone të ushtrive të inspektorëve dhe tatimorëve, çlirimi i qindra milionë eurove në xhepat tuaj si rezultat i uljes së çmimeve. Me uljen e TVSh-së plot 400 milionë euro të cilat sot përpihen nga oligarkët do të të jenë në xhepat tuaja, në tavolinat tuaja të bukës, do të jenë shpenzimet tuaja, pra të rritjes së fuqisë tuaj blerëse. Do të rritet xhiroja e ekonomisë, do të kthehet besimi tek kreditimi i ekonomisë. Do të mbështetet drejtpërdrejtë sipërmarrja që krijon vende pune. Do t’i hiqet laku nga fyti sipërmarrjes së vogël. Ekonomia do marrë frymë. Do çlirojë energji pozitive dhe do krijojë punësim”, tha Basha.

Kryedemokrati tha se lufta e tij do jetë hapja e vendeve të punës në veçanti për të rinjtë shqiptarë që do mbështeten direkt nga Republika e Re, përmes financimit të praktikave pune me 200 mijë lekë në muaj për 10 mijë të rinj.

Lulzim Basha u paraqet qytetareve në Kavajë e Durrës programin që ul taksat, ndihmon fermerët, hap vende pune e ndihmon njerezit në nevojë

Lulzim Basha dhe ekipi i tij shpalosi në Durrës programin ekonomik të Republikës së Re për ulje taksash, taksë e sheshtë 9%, 100 milionë euro subvencione për fermerët, stazhe për të rinjtë e sapodiplomuar dhe ndihmë për biznesin që ndërton fabrika për hapjen e vendeve të punës. Basha tha se beteja e tij është t’u japë të njëjtat shanse shqiptarëve siç i përfitoi ai në rininë e tij, në shkollimin ne Europë.

“Kam jetuar në Europë, jam shkolluar në Europë, kam luftuar dhe ndërtuar suksesin tim në Europë. Mund të kisha qënë atje duke jetuar jetën time, duke shijuar jetën time. Por jam këtu seps​e borxhi që kam ndaj këtij vendi pret të shlyhet. Jam këtu se mundësitë që mua mu ofruan ti ketë nesër çdo i ri dhe çdo e re e Durrësit, çdo i ri dhe çdo e re e Shqipërisë. Kjo është beteja ime, kjo është ëndrra ime. Ta shoh standardin që preka dhe që më bëri ky që jam, jo më nëpër vendet e Europës por në vendin tim, në Shqipëri, në Tiranë, në Durrës, në Shkodër, Vlorë, Korçë dhe anembanë Shqipërisë. Ky është motivi im”, tha Basha.

Në Kavajë, kryedemokrati prezantoi kryetarin e ardhshëm të Bashkisë së Kavajës Isa Sakja. Basha tha se mbështetja për Republikën e re do të hapë mundësi për ekonomi dhe vende pune.

“Vendimi im i parë do të jetë ulja e TVSh-së, ulja e taksave me qindra milionë euro që përfunduan këto 4 vite në xhepat në oligarkëve, do të kthehen në xhepat tuaja, në rritje të konsumit, në rritje të xhiros, në rritje të ekonomisë dhe vende pune. Rini e Kavajës, 10 mijë studentë në vit do të kenë të paguar nga Republika e Re stazhin, praktikën mësimore, praktikën për vendet e punës me 200 mijë lekë të vjetra në muaj për 1 vit me radhë. Kjo do të jetë ura që do tu çojë nga bankat e shkollës tek vendet e punës”, tha Basha.

Lulzim Basha paraqet programin në Krujë. “Mundësia që mu dha për të studiuar, punuar dhe njohur Europën, frymëzim për të sjellë të njëjtat standarde në Shqipëri”

Lulzim Basha dhe ekipi i tij shpalosën në Krujë pragramin ekonomik të Republikës së Re. Basha tha se do ulen taksat, për më shumë lekë në xhepat e qytetarëve. Do të kemi 100 milionë euro subvencionime për fermerët, 10 mijë stazhe të paguara për të rinjtë si dhe rritje pesnionesh, e vende të reja pune me hapje fabrikash.

“Në radhë të parë do i japim fund taksave të larta që i kanë marrë frymën ekonomisë. Ekonomia e fortë do të bazohet në taksa të ulta. Ulje e TVSH-së, taksa e sheshtë 9%, do të çlirojnë sipas përllogaritjeve të ekipit tim ekonomik dhe ekspertëve më të mirë europianë nga partia simotër e lokomotivës ekonomike gjermane e kancelares Angela Merkel, çdo vit, 400 milionë euro në xhepat tuaja. Programi im ekonomik parashikon stazhe të paguara për të rinjtë e reja të Krujës që mbarojnë studimet e larta. 1 vit do të ketë të paguar stazhin me 200 mijë lekë të vjetra në muaj. Cdo statistikë botërore thotë se minimalisht 75% deri në 90% e të rinjve që ndjekin stazhe dhe praktika pune, përfundojnë duke siguruar një vend pune. 100 milionë euro subvencione për bujqësinë, 1% e Prodhimit të Brendshëm Bruto, që fermerët shqiptarë ta kenë të zeruar koston e mekanikës dhe të kenë para nga shteti për të zbutur deri në eleminim koston e plehrave kimike dhe imputeve të tjera bujqësore. E nesërme e sigurtë do të thotë rritje pensioni për të 650 mijë pensionistët shqiptarë duke synuar pensionin minimal 250 mijë lekë në fund të 4 viteve të para të Republikës së re, do të thotë rritje të ndihmës ekonomike, do të thotë pagesë nga shteti e faturës së energjisë deri në 300 kilovat dhe faturës së ujit, për njerëzit në nevojë. Unë do të jem kryeministri i ekonomisë, i punësimit”, tha Basha.

Kryedemokrati tha se eksperienca e tij e studimeve dhe e punës në Europë i kanë dhënë frymëzimin për ta ndërtuar Shqipërinë si vendet e përparuara perëndimore.

“Fare i ri kam pasur mundësinë e artë ti njoh shoqëritë më të përparuara demokratike. Mundësia që pata për të studiuar në Holandë, më dha po kështu frymëzimin, ëndrrën që një ditë që të shoh në vendin tim të gjitha ato aspekte që e bëjnë Holandën dhe Europën të fortë. Holandën dhe Europën e bëjnë qytetarët e fortë, e bën ekonomia e fortë dhe jo politikanët e krekosur si gjela majë plehut”, tha Basha.