Kryetari i Partisë Demokratike, Lulzim Basha ka uruar sot përmes një letre, Presidentin e zgjedhur të Francës, Emmanuel Macron.
Duke vlerësuar zgjedhjet në Francë, Basha e përgëzon Presidentin e zgjedhur Macron, për kurajon dhe projektin e tij.
Më poshtë, letra e urimit të z.Basha.
Paraditen e 80-të në çadrën e protestës për zgjedhje të lira, u diskutua mbi zgjedhjet e përgatitura nga qeveria, të cilat opinionistët, gazetarët dhe ekspertët i shohin si një kërcënim real monist.
Gazetari Fitim Zekthi tha se rruga që kjo qeveri ka ndjekur këto katër vite është dëshmi e pastër e korruptimit nga pushteti i pakontrolluar. Imagjinoni tani që kjo qeveri të jetë e vetme në qeveri – tha Zekthi – imagjinoni çfarë ndodh pa kontrollin e pushteteve dhe ‘check and balances’. Zgjedhjet moniste, sipas Fitim Zekthit, domosdoshmërisht prodhojnë pushtet të pakufizuar, sa kohë nuk ka opozitë parlamentare që e kushtëzon.
Opinionisti Ergys Mërtiri rëndësinë e situatës e sheh jo tek interesat vetjake të qytetarëve apo udhëheqësit demokrat, por tek dinjiteti njerëzor dhe nevoja për rregulla loje, që garantojnë zqytetarët për liri në zgjedhje. Eshtë në dinjitetin tonë të protestojmë e të mos lejojme të kthehemi në telajon e kryeminsitrit, ku çdo mendim i tij duhet t’i imponohet gjithkujt, pavarësisht nëse shoqëria mendon se është ide e dështuar – tha Ergys Mërtiri.
Demokracia, tha ai, është tek përfshirja e pakicës në qeverisje dhe pushtet, nëse qytetarët e çadrës dëshiron t’i quash të tillë.
Eriseda Rista, tregoi eksperiencën e saj me djalin 11 vjeçar të cilit i ishte ofruar hashash nga disa djem moshatar, gjë e cila për nënën e dy fëmijëve kjo nuk përputhet me shprehjen e kryeministrit që thotë se po bën shtet.
Studentet Anxhela Petashi dhe Aurela Kurti folën për studentët që nuk gjejnë punë, pavarësisht diplomës së tyre. Ligji i arsimit të lartë la mijëra maturantë jashtë dyerve të universiteteve publike, më “fatlumët” e të cilëve u drejtuan nga universitetet private, klientë të dyshes Nikolla – Rama.
Ekonomisti Ibrahim Hackaj bëri thirrje për nevojën që, përpos dekriminalizimit të Parlamentit shqiptar, të përmirësohet edhe niveli intelektual dhe ai i vlerave e aftësive shkencore.
Juristja Mirlinda Çollaku është nëna e një djali 15 vjeç. Ajo tregoi se si më shumë se nga fjalët e saj, djali edukohet me modelin që sheh. Dhe shoqëria jonë për fat të keq ka inspiruar një model, ku ska rëndësi sa njohuri ke, por sa lidhje ke me të fortët e zonës dhe të qytetit – tha ajo. Çollaku theksoi se çdo qytetar duhet të garantojë minimumin e një shteti normal pasi përmes indiferencës, seicili ka përgjegjësi në situatën ku gjendemi.
Arsyeja më e madhe për këtë është instikti mbrojtës për fëmijët tanë – tha Mirlinda Çollaku.
Kryetari Lulzim Basha tha se qeveria në 4 vjet dështoi të përfaqësonte interesat e qytetarëve sepse zgjodhi të pasurojë një grusht njerëzish që i lidhi me pushtetin e tij.
Ndaj, qeveria kërkon me cdo kusht të kapë votën, të mos lejojë zgjedhje të lira, pasi e di mirë se me votë të lirë do të ndëshkohet nga qytetarët, tha Basha.
“Plani kriminal i Edi Ramës, është t’iu mohojë shqiptarëve mundësinë për të zgjedhur. Fillimisht, plani ishte t’ua mohonte këtë të drejtë, me opozitën prezente në fletën e votimit, por me krimin dhe drogën në qafën e votuesve. Më 18 shkurt qytetarët ia dogjën këtë plan, ndaj tani plani tij është të shkojë në zgjedhje të asgjesuara moralisht, politikisht dhe ligjërisht, vetëm me një subjekt politik, me koalicionin e sharlatanëve, hajdutëve dhe kriminelëve, me të cilët qeveris Shqipërinë në këto 4 vite”, tha Basha
Lulzim Basha tha institucionalizimi i realitetit të dalë nga lëvizja 80 ditore e qytetarëve, Republikës së Re, kërkon qytetarët shqiptar në bashkimin më të madh më13 maj, të majtë e të djathtë, për të ardhmen e tyre dhe të familjeve të tyre.
Basha: Mbledhja e përbashkët e Grupit Parlamentar dhe e Kryesisë u bë për organizimin e protestës së 13 majit. Vendimi është marrë, sanksionuar nga nivelet drejtuese të Partisë Demokratike dhe koalicionit opozitar. Detyrat janë ndarë. Momentumi i besimit të qytetarëve shqiptarë, se së bashku do të ndalim marrjen e vendit peng nga krimi dhe droga përmes asgjesimit të demokracisë, me zgjedhje fasadë, zgjedhje moniste, të diktuara nga krimi dhe nga droga dhe jo nga qytetarët shqiptarë, ky momentum, i cili u konfirmua nga sprapsja e krimit dhe drogës në Kavajë, do të shumëfishohet me datë 13 maj, në protestën më të madhe që ka njohur Shqipëria, në bashkimin më të madh të shqiptarëve, në Bulevardin Dëshmorët e Kombit, në orën 12.00, të shtunën e 13 majit.
Pyetje: Z. Basha, janë mbyllur mundësitë për një marrëveshje?
Basha: Prej ditës së parë dhe çdo ditë, ne jemi të hapur për dialog politik. Dialogu politik duhet të ketë premisën e suksesit ndërtuar mbi kuptimin dhe pranimin e të vërtetave nga të gjitha palët. Nëse, e vërteta e krimit dhe e drogës që janë sot aleatët e njërës palë në këtë përballje, palës qeveritare, refuzohet nga ana e qeverisë, atëherë premisat për një marrëveshje me dialog, janë zero. Por nëse pala tjetër, duke pranuar përgjegjësitë për gjendjen katastrofike të vendit në raport me krimin dhe drogën dhe impaktin e drejtpërdrejtë elektoral të krimit dhe të drogës në zgjedhjet e ardhshme, atëherë ne jemi të hapur që me dialog politik t’i japim shqiptarëve garancitë për zgjedhje të lira dhe të ndershme.
Duhet të jetë fare e qartë për këdo, në veçanti për skeptikët apo kundërshtarët tanë, se nuk kërkojmë, as nuk do të pranojmë, asnjë dhuratë, lëmoshë, apo kompromis politik për Partinë Demokratike, për partitë e opozitës, për poltikanët. Sepse kjo betejë nuk bëhet për ne, për karriket tona, por bëhet për të drejtën e qytetarëve për të zgjedhur të lirë nga kërcënimet e krimit, kartelit të drogës dhe shitblerja masive e votës, që janë tre problemet kryesore, me të cilat përballen zgjedhjet e ardhshme në Shqipëri. Po kështu të rikonfirmoj fare qartë se Partia Demokratike kurrë nuk ka marrë, dhe nuk do të marrë ndonjë vendim për bojkot të zgjedhjeve. Kurrë nuk ka marrë e nuk do të marrë ndonjë vendim për mospjesmarrje në zgjedhje. E gjithë kjo betejë bëhet për të marrë pjesë në zgjedhje. Për t’u dhënë shqiptarëve mundësinë të zgjedhin, por ama të zgjedhin të lirë.
Pyetje: Por ju po e lini partinë jashtë zgjedhjeve z.Basha.
Basha: Ato që do të organizohen me datë 18 qershor, nuk do të jenë zgjedhje, do të jenë votime të një koalicioni monist, të ndihmuara nga droga dhe nga krimi. E gjithë përpjekja jonë dhe e gjithë qytetarëve shqiptarë, është që 18 qershori, nëse nuk ka reflektim nga pala tjetër, të shënojë jo një votim fasadë të diktuar nga krimi dhe droga, por një sprapsje totale të krimit dhe drogës dhe çdo krahu politik përfaqësues të tyre, sepse me 18 qershor, votime moniste pa opozitën, me krimin dhe me drogën, nuk do të ketë.
Pyetje: Por, z. Basha, ju keni marrë kritika edhe sot edhe në mbledhjen e kaluar se po e lini Partinë Demokratike për herë të parë jashtë zgjedhjeve.
Basha: Asnjë kritikë nuk kam marrë. Jeni thellësisht të keqinformuar, por nëse pretendon se ka kritika, është shprehur një mendim nga një anëtare e grupit parlamentar.
Pyetje: Sot, por mbledhjen e kaluar ka pasur disa deputetë.
Basha: E keni gabim. Dhe unë ua kam dhënë të plotë zbardhjen këtu në këto shkallë, kështu që kërkoj të insistoni tek të vërtetat dhe jo tek fake news. Mendimet do të rrihen. Kjo Parti Demokratike ekziston, është themeluar dhe do të vazhdojë të ekzistojë, që çdokush të thotë mendimin e tij. Por pasi sheshohen argumentat, merren vendime. Pra pa dyshim është shprehur një mendim nga një anëtar i Grupit Parlamentar, njëkohësisht anëtar i kryesisë, i bazuar në një premisë të gabuar, premisën e mospjesmarrjes në zgjedhje. Dhe në mënyrë unanime, mbledhja e përbashkët e Grupit dhe e Kryesisë, ka konstatuar atë që kemi thënë prej ditës së pare; nuk ka bojkot të zgjedhjeve, nuk ka mospjesmarrje në zgjedhje nga ana e opozitës, por ka luftë të vendosur, totale, paqësore, demokratike, për të mos lejuar marrjen peng të zgjedhjeve, nga krimi dhe nga droga.
Ky është vendimi për të cilën qytetarët shqiptarë protestojnë tash 79 ditë. Ky është vendimi që do të mbështesë bashkimi më i madh i shqiptarëve me datë 13 maj, vendimi se në Shqipëri nuk do të lejojmë më farsë elektorale. Zgjedhje fasadë të diktuara nga krimi dhe droga në Shqipëri nuk do të ketë, as më 18 qershor, e as në një datë tjetër. Do të shkojmë vetëm drejt zgjedhjeve të lira dhe të ndershme. Pa dyshim që opozita do të jetë e përfaqësuar dhe qytetarët do të vendosin me votën e tyre.
Pyetje: Z. Basha, ndërkombëtarët po e përsërisin gjithmonë e më shpesh, se do t’i njohin këto, që ju i cilësoni si votime moniste.
Basha: Nuk do të ketë asnjë hap të askujt që do të detyrojë kthimin e opozitës dhe të qytetarëve nga kjo vendimmarrje. Zgjedhje moniste, zgjedhje të diktuara nga krimi, zgjedhje fasadë, të bëra vetëm për të legjitimuar një Parlament që nuk diktohet nga vota e popullit, por nga vota e krimit dhe e drogës, në Shqipëri nuk do të ketë. Interpretimet e qendrimeve të ndërkombëtarëve, gjithsecili i bën sipas vlerësimit të vet. Vlerësimi ynë është realist dhe bazohet në të gjitha kriteret, parimet, themelet, mbi të cilat ngrihen shoqëritë moderne perëndimore, të cilave duam t’i përkasim, si të Bashkimit Europian, apo Shteteve të Bashkuara të Amerikës.
Kryedemokrati Lulzim Basha, si çdo paradite prej 79 ditësh tashmë, bashkëbisedoi me qytetarë në Sheshin e Lirisë, për problemet që ata zgjedhin t’u japin zë.
Për shumëkënd, çadra e protestës është vendi ku mund të thuash të vërtetat e pacensuruara, si Erika Buzali, studentja që foli në emër të maturantëve që mbetën jashtë dyerve të universiteteve publike. Ligji i arsimit të lartë penalizoi dhjetëra miq të saj, ëndrra e të cilëve u thye në mes – tha vajza në emër të mijëra bashkëmoshatarëve që u zhgënjyen nga reforma aspak transparente dhe klienteliste.
Pedagogu i Universitetit të Arteve, Harri Aleksi foli për artistët e rinj të cilët janë të dënuar nga mungesa e punësimit dhe promovimit, si intelektualë të rinj. Qeveria është armiqësore ndaj artit dhe kulturës shqiptare, duke lënë artistët e rinj në harresë – thekson Aleksi – në vend të tyre promovohen artistë të huaj dhe aktivitetet e tyre.
Brunilda Imami, Fato Muraj folën në emër të rinisë, së ardhmes së tyre të pasigurt në një vend ku qeveria nxit drogën dhe me arrogancë injoron problemin që ajo sjell. T’i themi jo diktaturës së Ramës, – tha zonja Muraj – kësaj klike harbute, makute, e mbarsur me mllef për demokratët dhe demokracinë.
Kryedemokrati Lulzim Basha tha se problemetmë të mëdha që qeverisja e Edi Ramës i ka sjellë popullit, nuk mund të artikuluohet nga askush tjetër më mirë se vetë ata, qytetarët të cilët për fat të keq, media tradicionale nuk gjen kohën t’i transmetojë.
“Sa bukur që flasin qytetarët e pranishëm në këtë agorë. Kush na ndjek përmes Facebook, e di për çfarë flas. Në kohën që fatkeqësisht mediat e kapura nga qeveria i japin hapsirë televizive vetëm kryetarit të opozitës, jo qytetarëve në agorë.
Ndërkohë që Rama bën tavalla në Facebook dhe me këtë tavalla merren mediat, sepse korporatat mediatike shqiptare, mediat kryesore të vendit, janë arma më e fuqishme e republikës së vjetër.
Kanë axhendën e tyre politike, kanë axhendën pasurore, lejet e tyre të ndërtimit, dhe vetëm axhendën e qytetarëve nuk kanë.
Por do të vijë dita kur gazetarët shqiptarë do të kenë të nëjtin status si gjyqtarët dhe prokurorët shqiptarë për të thënë të vërtetën për ti shërbyer qytetarëve dhe interesit publik dhe jo derrave të pushtetit, kriminelëve dhe oligarkëve.”
Zoti Basha tha se mburojë e kësaj paligjshmërie të imponuar nga qeveria e Edi Ramës është bërë edhe Komisioni Qendror i Zgjedhjeve, i cili përmes kryetarit të tij Denar Biba, ka refuzuar transparencën e listës së partive të regjistruara në zgjedhjet fasadë të 18 qershorit.
“KQZ refuzoi të vërë në dispozicion të 3 anëtarëve të votuar nga opozita sipas Kodit Zgjedhor, listat e partive që janë detyruar të mbledhin firma për të bërë bypassin e kolapsit zgjedhor, për mos regjistrimin në koalicion.
Ashtu siç me paligjshmëri refuzoi të zbatonte ligjin me 28 prill, duke pranuar listat që kanë ardhur me vonesë, po kështu, sot me paligjshmëri refuzon transparencën si armikun kryesor të gënjeshtrës dhe aleatin kryesor të së vërtetës. E vërteta e firmave falso, e vërteta e kompanive dhe shërbimeve publike që paguhen nga taksat e shqiptarëve dhe në vend që të sjellin ato shërbime, janë shndërruar në firmosës të listave të partive politike, që nuk kanë as anëtarë, as struktura por janë fasada e shëmtuar e pseudopluralizmit të Ramiz Ramës në vitin 2017.
Parti që i ka mbushur me firmat e OSSHE-së, të Shërbimit Kombëtar të Punësimit, dhe koorporatave të tjera shtetërore, për të na shpikur fasadën e një pluralizmi që nuk ekziston, sepse për këto zgjedhje nuk është regjistruar asnjë subjekt tjetër, përveç atij të 2015-ës, si një koalicion, madje edhe ai i paplotë.”
Kjo provë e kolapsit institucional vërteton edhe njëherë se asgjë nuk do të ndryshojë, nëse qytetarët nuk e marrin në duart e tyre të ardhmen dhe mirëqënien e tyre.
“Nëse republika e vjetër vazhdon të mbetet në këmbë, pensionet do të vazhdojnë të bien në fuqinë e tyre blerëse, sepse rritjet që janë ligjërisht të detyrueshme sipas normës së inflacionit dhe rritjet e tjera që premtoi republika e vjetër kur mori pushtetin, kurrë nuk do të shkojnë në xhepat e pensionistëve. Do të shkojnë në xhepat e pushtetarëve të korruptuar, të cilët nuk ngopen, por blejnë dhe ndërtojnë vila, pallate, hotele me pishina, konto bankare dhe madje banka, për veten e tyre dhe për pasuritë e tyre.
Nëse republika e vjetër vazhdon të mbetet në këmbë, fermerët nuk do të shohin subvencione, si nuk panë këto katër vite. Kjo sepse paratë që duhej të shkonin për fermerët për një jetë dinjitoze; që të vetëpunësohen për të krijuar një ekonomi e cila do të ndihmonte me prodhim vendas, cilësor dhe me çmime të përballueshme dhe pjesën tjetër të qytetarëve; këto para zhduken në xhepat e një kaste të korruptuar, një grushti njerëzish që i ndajnë me njëri-tjetrin gjithë çka përfitojnë nga ky shtet.”
Kjo është beteja e nisur më 18 shkurt – tha Lulzim Basha, i cili përsëriti thirrjen për bashkimin më të madh poullor, në emër të një të ardhmeje më të mirë për ç’do qytetar, të majtë e të djathtë, që lirinë nuk e sakrifikon për pushtetin e fasadave të monizmit modern të Edi Ramës.
“Gjithçka do të ndryshojë, asgjë nuk do të jetë më si më parë, nese e garantojmë me vullnetin e bashkuar të qytetarëve shqiptarë.
Tashmë të gjithë janë ndërgjegjësuar se përse bëhet kjo betejë. Edhe pse censura qeveritare është investuar mjaft për të turbulluar mendjet e njërëzve, për të zhvendosur temën e këtij diskutimi jetik për të ardhmen e shqiptarëve, 79 ditë të qëndresës madhështore qytetare kanë shkatërruar fasadën e propagandës qeveritare. Sot çdo shqiptar e di që për këtë bëhet beteja.
Beteja bëhet nëse qeverinë e ardhshme do ta zgjedhë droga, krimi, apo do ta zgjedhin bashkëqytetarët, të djathtë e të majtë, gegë e toskë, myslimanë e të krishterë, demokratë e socialistë.
Në funksion të kësaj ceshtje ekzistenciale, për ju dhe familjarët tuaj, për fëmijët tuaj dhe për të gjithë vendin tonë, ju ftoj në bashkimin më të madh popullor, ditën e shtunë ora 12.00, në Sheshin e Lirisë.”
Paqësorë por të vendosur, Lulzim Basha tha se fitorja do të vijë jo nga forca, por nga fuqia e bashkimit të gjithë shqiptarëve.
Prononcimi i Lulzim Bashës pas mbledhjes së grupit parlamentar dhe kryesisë së Partisë Demokratike
Basha: Mbledhja e përbashkët e Grupit Parlamentar dhe e Kryesisë u bë për organizimin e protestës së 13 majit. Vendimi është marrë, sanksionuar nga nivelet drejtuese të Partisë Demokratike dhe koalicionit opozitar. Detyrat janë ndarë. Momentumi i besimit të qytetarëve shqiptarë, se së bashku do të ndalim marrjen e vendit peng nga krimi dhe droga përmes asgjesimit të demokracisë, me zgjedhje fasadë, zgjedhje moniste, të diktuara nga krimi dhe nga droga dhe jo nga qytetarët shqiptarë, ky momentum, i cili u konfirmua nga sprapsja e krimit dhe drogës në Kavajë, do të shumëfishohet me datë 13 maj, në protestën më të madhe që ka njohur Shqipëria, në bashkimin më të madh të shqiptarëve, në Bulevardin Dëshmorët e Kombit, në orën 12.00, të shtunën e 13 majit.
Pyetje: Z. Basha, janë mbyllur mundësitë për një marrëveshje?
Basha: Prej ditës së parë dhe çdo ditë, ne jemi të hapur për dialog politik. Dialogu politik duhet të ketë premisën e suksesit ndërtuar mbi kuptimin dhe pranimin e të vërtetave nga të gjitha palët. Nëse, e vërteta e krimit dhe e drogës që janë sot aleatët e njërës palë në këtë përballje, palës qeveritare, refuzohet nga ana e qeverisë, atëherë premisat për një marrëveshje me dialog, janë zero. Por nëse pala tjetër, duke pranuar përgjegjësitë për gjendjen katastrofike të vendit në raport me krimin dhe drogën dhe impaktin e drejtpërdrejtë elektoral të krimit dhe të drogës në zgjedhjet e ardhshme, atëherë ne jemi të hapur që me dialog politik t’i japim shqiptarëve garancitë për zgjedhje të lira dhe të ndershme. Duhet të jetë fare e qartë për këdo, në veçanti për skeptikët apo kundërshtarët tanë, se nuk kërkojmë, as nuk do të pranojmë, asnjë dhuratë, lëmoshë, apo kompromis politik për Partinë Demokratike, për partitë e opozitës, për poltikanët. Sepse kjo betejë nuk bëhet për ne, për karriket tona, por bëhet për të drejtën e qytetarëve për të zgjedhur të lirë nga kërcënimet e krimit, kartelit të drogës dhe shitblerja masive e votës, që janë tre problemet kryesore, me të cilat përballen zgjedhjet e ardhshme në Shqipëri. Po kështu të rikonfirmoj fare qartë se Partia Demokratike kurrë nuk ka marrë, dhe nuk do të marrë ndonjë vendim për bojkot të zgjedhjeve. Kurrë nuk ka marrë e nuk do të marrë ndonjë vendim për mospjesmarrje në zgjedhje. E gjithë kjo betejë bëhet për të marrë pjesë në zgjedhje. Për t’u dhënë shqiptarëve mundësinë të zgjedhin, por ama të zgjedhin të lirë.
Pyetje: Por ju po e lini partinë jashtë zgjedhjeve z.Basha.
Basha: Ato që do të organizohen me datë 18 qershor, nuk do të jenë zgjedhje, do të jenë votime të një koalicioni monist, të ndihmuara nga droga dhe nga krimi. E gjithë përpjekja jonë dhe e gjithë qytetarëve shqiptarë, është që 18 qershori, nëse nuk ka reflektim nga pala tjetër, të shënojë jo një votim fasadë të diktuar nga krimi dhe droga, por një sprapsje totale të krimit dhe drogës dhe çdo krahu politik përfaqësues të tyre, sepse me 18 qershor, votime moniste pa opozitën, me krimin dhe me drogën, nuk do të ketë.
Pyetje: Por, z. Basha, ju keni marrë kritika edhe sot edhe në mbledhjen e kaluar se po e lini Partinë Demokratike për herë të parë jashtë zgjedhjeve.
Basha: Asnjë kritikë nuk kam marrë. Jeni thellësisht të keqinformuar, por nëse pretendon se ka kritika, është shprehur një mendim nga një anëtare e grupit parlamentar.
Pyetje: Sot, por mbledhjen e kaluar ka pasur disa deputetë.
Basha: E keni gabim. Dhe unë ua kam dhënë të plotë zbardhjen këtu në këto shkallë, kështu që kërkoj të insistoni tek të vërtetat dhe jo tek fake news. Mendimet do të rrihen. Kjo Parti Demokratike ekziston, është themeluar dhe do të vazhdojë të ekzistojë, që çdokush të thotë mendimin e tij. Por pasi sheshohen argumentat, merren vendime. Pra pa dyshim është shprehur një mendim nga një anëtar i Grupit Parlamentar, njëkohësisht anëtar i kryesisë, i bazuar në një premisë të gabuar, premisën e mospjesmarrjes në zgjedhje. Dhe në mënyrë unanime, mbledhja e përbashkët e Grupit dhe e Kryesisë, ka konstatuar atë që kemi thënë prej ditës së pare; nuk ka bojkot të zgjedhjeve, nuk ka mospjesmarrje në zgjedhje nga ana e opozitës, por ka luftë të vendosur, totale, paqësore, demokratike, për të mos lejuar marrjen peng të zgjedhjeve, nga krimi dhe nga droga.
Ky është vendimi për të cilën qytetarët shqiptarë protestojnë tash 79 ditë. Ky është vendimi që do të mbështesë bashkimi më i madh i shqiptarëve me datë 13 maj, vendimi se në Shqipëri nuk do të lejojmë më farsë elektorale. Zgjedhje fasadë të diktuara nga krimi dhe droga në Shqipëri nuk do të ketë, as më 18 qershor, e as në një datë tjetër. Do të shkojmë vetëm drejt zgjedhjeve të lira dhe të ndershme. Pa dyshim që opozita do të jetë e përfaqësuar dhe qytetarët do të vendosin me votën e tyre.
Pyetje: Z. Basha, ndërkombëtarët po e përsërisin gjithmonë e më shpesh, se do t’i njohin këto, që ju i cilësoni si votime moniste.
Basha: Nuk do të ketë asnjë hap të askujt që do të detyrojë kthimin e opozitës dhe të qytetarëve nga kjo vendimmarrje. Zgjedhje moniste, zgjedhje të diktuara nga krimi, zgjedhje fasadë, të bëra vetëm për të legjitimuar një Parlament që nuk diktohet nga vota e popullit, por nga vota e krimit dhe e drogës, në Shqipëri nuk do të ketë. Interpretimet e qendrimeve të ndërkombëtarëve, gjithsecili i bën sipas vlerësimit të vet. Vlerësimi ynë është realist dhe bazohet në të gjitha kriteret, parimet, themelet, mbi të cilat ngrihen shoqëritë moderne perëndimore, të cilave duam t’i përkasim, si të Bashkimit Europian, apo Shteteve të Bashkuara të Amerikës.
Kjo agorë sot nuk i ngjan agorave të tjera sepse gjithçka që po ndodh këtu, në fakt do të ndodhte në kryeqytetin e demokracisë dhe lirisë në Kavajë. Por kjo agorë, ky tempull i lirisë, ky bashkim i madh i qytetarëve, në fitoren e betejës së parë, me sprapsjen e krimit dhe drogës nga plani ogurzi për të asgjesuar demokracinë lokale në Kavajë, bëri të mundur që ne të jemi sot këtu në Tiranë për të bërë bilancin e një beteje të parë dhe për tu bërë gati për betejën finale me kupolën politike të republikës së vjetër.
Sa bukur që folën qytetarët e pranishëm në këtë agorë. Kush e ndjek përmes facebook, e di fare mirë për çfarë e kam fjalën. Nuk mundem të riprodhoj, në kohën që fatkeqësisht mediat e kapura nga qeveria i akordojnë vetëm kryetarit të opozitës, por jo qytetarëve në këtë agorë.
Po si nuk keni turp?! Po si e harxhoni të gjithë kohën me tavallatë e Edi Ramës në facebook, tha këtë e tha atë, sepse ka që kur është themeluar kjo agorë, që nuk merret me asnjë punë të shtetit.
Jo se merrej më përpara, po asnjë përgjigje nuk u jep qytetarëve për hallet, për premtimet, me të cilat erdhi në pushtet, për 300 mijë vendet e punës, për shëndetësinë falas, për taksat e ulëta, për energjinë, për çmimin e naftës, për arsimin.
Për asnjë nga këto çështje nuk flet, por bën tavalla në facebook dhe me këtë tavalla merren mediat, ne vend që të japin zërin e qytetarëve.
Po si nuk keni turp?! Mirë që nuk keni kurajo, po turp a keni?! A keni turp që i hiqni zërin qytetareve tuaj, të cilëve duhet t’u shërbeni!
E kanë ngrënë turpin me milionat e oligarkisë, që mbahet në këmbë sepse korporatat mediatike shqiptare, mediat kryesore të vendit, janë arma më e fuqishme e republikës së vjetër.
Kanë axhendën e tyre politike, kanë axhendën e tyre pasurore, lejet e tyre të ndërtimit, aferat dhe alleshverishet e tyre me pushtetin dhe vetëm axhendën e qytetarëve nuk kanë.
Qytetarë të Shqipërisë mundohuni ta ndiqni zërin tuaj dhe jo thjesht zërin tim përmes facebook. Braktisini ekranet e turpit dhe gazetat e turpit. Janë pjesë e komplotit ekonomik. Nuk janë në krye të tavolinës jo, rrinë aty dhe marrin kockat që u hedhin Edi Rama dhe çeta që është ulur rreth sofrës.
Ndajnë kockat dhe thërrimet e gostisë që është shtruar me paratë e popullit më të varfër në Europë që grabitet ditë për ditë nga republika e vjetër, përmes këtij komploti ekonomik, përmes taksave të larta, përmes çmimeve të larta, përmes tarifave të larta, përmes koncensioneve dhe tenderave abuzivë.
Ja pse, Shqipëria nuk ecën para, ja pse rriten në vend që të ulen tarifat, ja pse më pak të rinj shkojnë në universitete dhe më shumë emigrojnë, ja pse shërbimi shëndetësor sot është edhe më i dobët se para 4 vitesh, ja pse vendet e punës mbyllen. Sepse paratë në republikën e vjetër i kontrollon një grush njerëzish rreth kësaj sofre, të cilës, i bëjnë temena mediat e kapura nga regjimi që i shërbejnë axhendës së tyre politike dhe pasurore.
Por dita e lirisë do të vijë edhe për median shqiptare. Dita per këta burra dhe djem të rinj, operatorë dhe ata djem dhe vajza gazetarë kur nuk do të kenë më presionin e klientëve të qeverisë, do të vijë dita kur gazetarët shqiptarë do të kenë të nëjtin status si gjyqtarët dhe prokurorët shqiptarë për të thënë të vërtetën për ti shërbyer qytetarëve dhe interesit publik dhe jo derrave të pushtetit, kriminelëve dhe oligarkëve.
Në facebook të paktën nuk ka censurë. Aty dëgjoni zërin e qytetarëve që thonë të vërtetat me kurajo që u jep trimëri kësaj lëvizje, opozitës, dhe gjithë kombit të bashkuar për zgjedhje të lira dhe të ndershme.
***
Brenda 2 ditësh do të festojmë ditën e Europës që është dita e fitores mbi nazifashizmin, 9 Maji. Eshtë festa në radhë të parë e demokracisë dhe demokratëve në Shqipëri.
Ne jemi përpjekur në këto vite të vështira dhe ia kemi dalë të hedhim hapat më domethënës drejt Europës, me Stabilizim-Asociimin, me aplikimin për statusin kandidat, me heqjen e vizave për qytetarët shqiptarë.
Asnjëra prej këtyre nuk ishte lëmoshë dhe nuk ishte dhuratë. Ishin arritje e Shqipërisë dhe shqiptarëve ndërkohë që drejtonte një forcë që ishte thellësisht europiane dhe europianiste siç ka qënë, siç është dhe siç do të jetë Partia Demokratike.
Por a mund të ketë Europë për Shqipërinë, pa zgjedhje të lira dhe të ndershme. A mund të ketë demokraci pa themelin e bashkëjetesës demokratike që është liria e votës. Kjo dhe vetëm kjo është Europa, ëndërr e shqiptarëve, sepse sot për fat të keq po përvijohen dy Europë.
Europa që ne duam, e lirisë, e shtetit ligjor, e drejtësisë së vërtetë, e demokracisë së vërtetë, e barazisë para ligjit, e mundësive për të gjithë, e konkurencës së ndershme si motor i përparimit, e mediave të pakapura e të pacensuruara, të patrembura dhe të pa intimiduara nga qeveritë, i opozitave si institucion garant i demokracisë.
Kjo është Europa që ne njohim, kjo është Europa që ne duam dhe kjo është Europa drejt së cilës ne do të marshojmë së bashku me Republikën e Re.
Për fat të keq kemi parë edhe një faqe të shëmtuar që kurrsesi nuk mund të përfaqësojë Europën e vërtetë. Ju e dini për çfarë e kam fjalën, për ata që nuk e shohin drogën edhe pse po u rritet para ballokoneve të veta në vilat e tyre luksoze. Për ata që nuk duan tia dinë për krimin ndonëse drekojnë në të njëjtat restorante me kriminelët më në zë të Shqipërisë, Ballkanit dhe Europës.
Për ata që nuk mjaftohen vetëm duke i shërbyer qeverisë por e kanë kthyer në një mision luftën ndaj opozitës duke reflektuar mentalitetin e tyre thellësisht antidemokratik, pra anti-europian.
Për ata që kanë harruar të numërojnë e nuk numërojnë dot as numrat e mëdhenj, 2.5 milionë rrënjët e kanabisit që u deklaruan të asgjesuara dhe nuk ka asnjë procesverbal të vetëm që të provojë që janë asgjesuar, por në fakt nuk janë asgjesuar por janë ruajtur dhe po tregtohen nga shteti i bërë njësh me krimin dhe krimi i bërë njish me shtetin.
Mirë që nuk numërojnë dot 2.5 milionë, por as nga njëshi deri në 50 nuk numërojnë dot. Siç i numëron ai djali bukurosh aty, djali i Endrinit. Edhe ai numëron nga një në 50, por disa nga këta nuk numërojnë dot.
Nga 17 Qershori – deri në 28 Prill, për të parë se edhe ligjërisht Edi Rama, Ilir Meta dhe republika e vjetër kanë thyer Kodin Zgjedhor se edhe ligjërisht, nuk ka lista zgjedhore të ligjshme, se edhe ligjërisht, përpos moralisht dhe politikisht, nuk ka zgjedhje me 18 Qershor.
Pra ne jemi me Europën e CERN-it, që ka filluar të provojë me eksperimente ekuacionet më të ndërlikuara që mendja njerëzore, ajo e Anjshtanjit, e parashikoi dhe jo me këtë që nuk numëron dot nga 1 deri në 50.
Kjo nuk është Europë, as Azi, ky është analfabetizëm dhe korrupsion.
Pra, vëllezër dhe motra, askush në këtë vend nuk e do më shumë Europën, nuk ka luftuar më shumë për Europën e nuk do të luftojë më shumë për Shqipërinë Europiane, se ky bashkim i madh qytetar, se kjo opozitë, se kjo Parti Demokratike.
Tani meqë jemi të procedurat zgjedhore, sot KQZ-ja ka bërë harakirin total. Ka refuzuar të vërë në dispozicion të 3 anëtarëve të KQZ të votuar nga opozita të votuar sipas Kodit Zgjedhor, listat e partive që janë detyruar të mbledhin firma për të bërë bypassin e kolapsit zgjedhor, për mos regjistrimin në koalicion.
Kanë refuzuar për një arsye të thjeshtë, sepse kjo KQZ, është bërë mburojë e paligjshmërisë.
Ashtu siç me paligjshmëri refuzoi të zbatonte ligjin me 28 prill, duke pranuar listat që kanë ardhur me vonesë, po kështu, sot me paligjshmëri refuzon transparencën sepse transparenca është armiku kryesor i gënjeshtrës, është aleati kryesor i të vërtetës.
Transparenca dhe e vërteta janë armiqtë kryesorë të republikës së vjetër dhe me transparencën e këtye listave e vërteta do dalë në shesh. E vërteta e firmave falso, e vërteta e kompanive dhe shërbimeve publike që paguhen nga taksat e shqiptarëve dhe në vend që të sjellin ato shërbime, janë shndërruar në firmosës të listave të partive politike që nuk kanë as anëtarë, as struktura por janë fasada e shëmtuar e pseudopluralizmit të Ramiz Ramës në vitin 2017.
Në fakt Ramizi nuk pati guxim ta bënte, ky ia ka kaluar edhe Ramizit me çmendurinë e tij. Parti që nuk kanë anëtarë. Ne e dimë që nuk kanë anëtarë, madje edhe kryetarët i kanë me gjysëm kohe.
Parti që i ka mbushur me firmat e OSSHE-së, të Shërbimit Kombëtar të Punësimit, dhe koorporatave të tjera shtetërore, për të na shpikur fasadën e një pluralizmi që nuk ekziston, sepse i madh e i vogël e di që për këto zgjedhje nuk është regjistruar asnjë subjekt tjetër, përveç subjektit që garoi në vitin 2015, si një koalicion, madje edhe ai i paplotë.
Ky është një turp i madh. KQZ-ja është e kapur në flagrancë dhe në krim. Eshtë shfaqur si dëshmitarja e rreme e Edi Ramës. Eshtë një tjetër provë e kolapsit fatal institucional të republikës së vjetër, e komplotit të lirisë dhe të drejtës themelore, që është vota e lirë.
KQZ-ja ka marrë fund për ne, si një entitet i republikës së vjetër.
***
Pse bëhet gjithë kjo luftë?
Bëhet për atë që tha maturantja.
Bëhet nëse paratë do të vazhdojnë të administrohen, siç i administron republika e vjetër, apo nëse do të kthehet tek qytetarët shqiptarë.
Kaq para janë. Këto janë resurset e Shqipërisë. Nëse republika e vjetër do të vazhdojë avazin e vet, atëherë tarifat e studentëve do të vazhdojnë të rriten, më pak studentë do të jenë në gjendje t’i paguajnë. Më shumë studentë detyrohen të lënë shkollën. Akoma më shumë maturantë do ta kenë të pamundur të nisin studimet e larta.
Nëse republika e vjetër vazhdon të mbetet në këmbë, pensionet do të vazhdojnë të bien në fuqinë e tyre blerëse, sepse rritjet që janë ligjërisht të detyrueshme sipas normës së inflacionit dhe rritjet e tjera që premtoi republika e vjetër kur mori pushtetin, kurrë nuk do të shkojnë në xhepat e pensionistëve sepse do të shkojnë në xhepat e oligarkëve, do të shkojnë në xhepat e pushtetarëve të korruptuar, të cilët nuk ngopen, por blejnë dhe ndërtojnë vila, pallate, hotele me pishina, konto bankare dhe madje banka, për veten e tyre dhe për pasuritë e tyre.
Nëse republika e vjetër vazhdon të mbetet në këmbë, fermerët nuk do të shohin kokërr leku subvencione, siç nuk kanë parë këto katër vite, sepse paratë që duhej të shkonin për fermerët për një jetë dinjitoze për veten e tyre, të vetëpunësohen për të krijuar një ekonomi e cila do të ndihmonte me prodhim vendas, cilësor dhe me çmime të përballueshme dhe pjesën tjetër të qytetarëve, këto para, zhduken në xhepat e një kaste të korruptuar, një grushti njerëzish që i ndajnë me njëri-tjetrin dhe oligarkët që përfitojnë gjithçka nga ky shtet.
Toka, subvencione, pasuri, naftë, minerale dhe gjithçka tjetër.
Kjo është beteja që kemi nisur prej 18 shkurtit në këtë agorë. Ose republika e vjetër do të vazhdojë të ndajë paratë e shqiptarëve për veten e saj, për një grusht përfituesish, për një kupolë politike që ekziston vetëm për t’i shërbyer pasurimit të vet dhe pushtetit të vet, ose do të kemi një qeveri që kontrollohet vetëm nga qytetarët shqiptarë, përmes zgjedhjeve të lira dhe të ndershme.
Ky është udhëkryqi. Nuk ka as shteg as monopat tjetër. Do të ecet në një rrugë, ose do të ecet në një rrugë tjetër.
Ose qeverisja do të vazhdojë të kontrollohet nga oligarkët, nga pushtetarët e korruptuar, kriminelët dhe bosët e drogës, dhe gjithçka që ky vend ka, do të jetë për ta dhe në dispozicionin e tyre dhe për pasurimin e e tyre dhe për pushtetin e tyre, ose qeverisja do t’i kthehet përfundimisht kontrollit të qytetarëve shqiptarë.
Kjo e dyta mund të ndodhë vetëm nëse zgjedhjet e ardhshme do të jenë të lira dhe të ndershme.
Kjo e dyta mund të ndodhë vetëm nëse vota e çdo shqiptari do të garantohet përtej çdo dyshimi, nga një proces i ndershëm zgjedhor.
Për ne, kjo garanci, e tashmë për botën mbarë, nuk mund të jetë përveçse një garanci politike.
***
Ai që shkaktoi kriminalizimin e shtetit, ai që e mbushi Shqipërinë me drogë, ai që vodhi e shpërdoroi 2.8 miliardë euro nga buxheti i shtetit, me tendera, me check-up-e, me koçesione, në katër vite, nuk mundet kurrë të ëndërrojë që për katër javë apo katër muaj, ne t’i besojmë zhbërjen e zullumeve të republikës së vjetër dhe fatin e zgjedhjeve dhe votës së shqiptarëve.
Kjo nuk mund të ndodhë dhe nuk do të ndodhë. Ndaj, rruga e vetme drejt zgjedhjeve të lira dhe të ndershme, është qeveria teknike me mbështetje të gjërë politike, e cila jo vetëm do të njohë, por edhe do të luftojë problemet e rënda të vendit, që kanë sjellë këtë kolaps politik, këtë krizë elektorale dhe politike.
Duke nisur me largimin e kriminelëve nga institucionet, duke vazhduar me luftën e vërtetë kundër drogës dhe paratë e drogës.
Duke garantuar kushtet që shqiptarët të votojnë si qytetarë të lirë, si qytetarë europianë.
Duke garantuar kështu kushtet e barabarta të garës, duke filluar që nga financimi i partive politike, deri tek liria e mediave në mënyrë që qytetarët të gjejnë pasqyrimin e problemeve dhe shqtetësimeve dhe shpresave të tyre, në vend të tallavasë kryeministrore, bajate që luhet ditë për ditë, nga mediat e kapura dhe të trysnuara nga qeveria.
Këto janë kushtet, jo të miat, as të Partisë Demokratike. Asgjë nuk kam kërkuar e nuk do të kërkoj as për veten time, as për partinë time, as për koalicionin tonë politik. Madje, nëse ka diçka që ne mund të ofrojmë dhe mund të japim, do ta jap me dëshirën dhe vullnetin më të mirë, që në minutën e parë.
Por një gjë nuk e jap, se nuk është e imja. Do të luftoj deri në fund, deri në fitore, dhe kjo është garancia totale, që çdo shqiptar, i djathtë apo i majtë, votues i imi, apo kundër meje, të ketë të drejtën të votojë i lirë, i pakërcënuar, i pashitur dhe i pablerë.
Për këtë jemi ngritur në këtë betejë, nga kjo varet fati i Shqipërisë dhe i shqiptarëve. Asgjë nuk do të ndryshojë nëse e braktisim këtë parim të madh.
Gjithçka do të ndryshojë, asgjë nuk do të jetë më si më parë, nese e garantojmë me vullnetin e bashkuar të qytetarëve shqiptarë.
Unë kam besim të madh se tashmë të gjithë janë të ndërgjegjësuar se pse bëhet kjo betejë.
Edhe pse censura qeveritare dhe investimi qeveritar për të turbulluar mendjet e njërëzve, për të zhvendosur temën e këtij diskutimi jetik, për të ardhmen e Shqipërisë dhe shqiptarëve, edhe pse ky investim është bërë me shumicë, prapë se prapë, këto 79 ditë të qëndresës suaj madhështore ia kanë dalë të shkatërrojnë fasadën e propagandës dhe çdo shqiptar e di që për këtë bëhet beteja.
Beteja bëhet nëse qeverinë e ardhshme do ta zgjedhë droga dhe krimi, apo do ta zgjedhni ju bashkëqytetarët e mi, të djathtë e të majtë, gegë e toskë, myslimanë e të krishterë, demokratë e socialistë, ju, dhe jo kriminelët, jo droga, jo politikanët e kapur nga krimi dhe nga droga.
Nëse do të jeni ju ata që do të vendosni, kush do u përfaqësojë në parlamentin e ardhshëm, apo do të jenë prapë kryetarët e partive, e aq më pak kryetarët e partive të lidhur me kriminelët.
Në funksion të kësaj ceshtje ekzistenciale, jetike, për ju dhe familjarët tuaj, për fëmijët tuaj dhe për të gjithë vendin tonë, ju ftoj në bashkimin më të madh popullor, Ditën e shtunë, në orën 12.00 në këtë shesh të lirisë dhe të së vërtetës.
Ejani të gjithë, të vetëdijshëm për rëndësinë historike të këtij momenti, të kësaj përballje, midis të vjetrës që duhet dhe do të shkojë, dhe të resë që po vjen.
Të vetëdijshëm për forcën e pathyeshme të bashkimit të shqiptarëve, për një kauzë të drejtë qytetare, kombëtare, para vetes sonë, para historisë, para fëmijëve tanë, para Europës, para Zotit. Kauzë e drejtë, e drejta juaj, jo e partive politike.
Dhe po kështu, të qetë dhe paqësorë me vetëdije se fitorja do të vije jo nga forca e forcës, por nga forca e bashkimit total dhe pjesmarrjes totale të shqiptarëve në këtë betejë.
Bashkë, ditën e shtunë në orën 12.00, ballëpërballë shpresa dhe besimi tek e ardhmja që po vjen, dhe republika e vjetër që përgatitet të hyjë në analet e historisë.
Të bashkuar gjithëpërfshirës, të gjithë shqiptarët do të jenë qytetarë të Republikës së Re. Asnjë nuk do të jetë më qytetar i republikës së vjetër të dredhive, krimit, drogës, hipokrizisë dhe korrupsionit.
E ardhmja nuk ndalet dot më! E shtuna e ardhshme shpalos para shqiptarëve derën e madhe të kësaj të ardhme europiane.
Zoti i bekoftë shqiptarët!
Zoti e bekoftë Shqipërinë!
Mesazhi i Lulzim Bashës në ditën e 79 të protestës për zgjedhje të lira e të ndershme
Në ditën e 79-të protestës qytetarë në “Sheshin e Lirisë”, studentë, pedagogë, intelektualë e qytetarë të thjeshtë, diskutuan në lidhje me problemet në arsim, varfërinë, dhe mungesën e shanseve.
Erika Buzali, tha se në Çadrën e Lirisë ajo ndjehet e lirë për t’u shprehur, pasi qeveria e Rilindjes i mohoi të drejtën për studim shumë maturantëve e bashkëmoshatareve të saj, me miratimin e ligjit për arsimin. Sipas saj kjo reformë ishte jo transparente dhe la jashtë dyerve të fakultetit dhjetra miq të saj.
“Jam ish-maturante me ëndrra të thyera në mes. Përfaqësoj mijëra bashkëmoshatarë që u zhgënjyen nga reforma arsimore. Me transparencë zero. U favorizuan privatët dhe klientët e qeverisë. Nuk ka mundësi punësimi dhe të ardhme, po mendojmë emigrimin. Tarifat ishin 180 mijë lek të vjetra ato kanë arritur në mbi 300 mijë lek të vjetra. Kjo tregon mbushjen e xhepit të qeverisë nga të rinjtë. Të rinjtë duan mbështetje. Unë e dua Shqipërinë, Shqipëria jonë nuk ka nevojë për Edi Ramën, drogën e krimin. I ftoj të gjithë të rinjtë e të rejat ti shkojmë deri në fund kësaj nisme”, tha Erika.
Harri Aleksi, pedagog në Universitetin e Arteve, shtroi problemin e rrugës së mbyllur të artistëve të rinj në Shqipëri.
“Studentët e mi punojnë punë të rëndomta, të cilat dëmtojnë studimet e tyre. Përballemi me sfida banale që nuk kanë të bëjnë me mësimdhënien, zhvillimin intelektual dhe artisik. Këta studentë janë të zënë si në një kurth në një sistem arsimor që nuk u garanton asgjë në të ardhme. Nuk ka mundësi reale punësimi dhe promovimi, si intelektualë të rinj. Sistemi arsimor favorizon klientët e caktuar të shkollave private. Monopolizon të drejtat e studimit. Qeveria është armiqësore ndaj artit dhe kulturës shqiptare, sepse artistët e rinj janë të lënë në harresë dhe pas dore. Në vend të tyre promovohen artistë të huaj dhe aktivitetet e tyre. Ne kemi nevojë për një sistem më të fortë arsimor”, theksoi Aleksi.
Ndërsa akademikja Brunilda Imami, shprehu shqetësimin e saj si nënë, pas problemit të madh me kultivimin e lëndëve narkotike në Shqipëri, dhe rrezikun ndaj të cilit kanosen fëmijët e saj.
“Ju admiroj për guximin dhe durimin. Ne shqiptarët, jemi shumë të mirë, inteligjentë dhe punëtorë por qeverisja e keqe ndikon negativisht. Flas si nënë. Ne jemi kundër kanabisit. Fëmijët po na rriten, çfarë edukimi, arsimi mund t’i japim duke pasur atë bimë që ka mbirë kudo”, u shpreh e shqetësuar ajo.
Ndërsa zonja Fato Muraj, vuri në dukje largimin e të rinjve si një rikthim i diktaturës së egër 50 vjeçare. Me të njëjtat metoda si ajo e komunizmit, po jetojmë ne sot, nga Edi Rama dhe qeverisja e tij.
“I përkas atij brezi që u rrit dhe jetoi në diktaturë, që provoi urinë, zinë e bukës, mungesën e dritave, që i rriti fëmijët me qiri dhe tallon. Që diktatura e egër i ktheu shqiptarët, qytetarët më të lashtë të kontinentit europian, në një hiç. Që na izoloi dhe ndau nga bota, nga informacioni dhe qytetërimi, duke përjetuar një tragjedi varfërie dhe izolimi të tejskajshëm. A do lejojmë ne të kthehet Shqipëria mbrapsht, të bjerë prapë në gropën e hiçit, në errësirë? A do të lejojmë të rinjtë të marrin rrugën e mërgimit dhe nënat të qajnë përsëri e të mos u thahen sytë nga lotët? T’i themi jo diktaturës së Ramës, kësaj klike harbute, makute e mbarsur me mllef për demokratët dhe demokracinë. Në fjalët e fundit të Ramës kuptojmë se zgjedhjet për të cilat lufton Partia Demokratike dhe aleatët e saj, na qenka një lojë shahu, se Shqipëria qenka fushë shahu. Këta gjeneralët na qëndrojnë në karrike sipas qejfit dhe ne kundërshtarët që mund të na hanë dhe mund të na eleminojnë si gurët e shahut sipas qejfit të tyre”, u shpreh qytetarja, duke theksuar se bashkimi qytetar do tia dalë të sjellë shpresë e besim në vend.
Lulzim Basha tha se është për të ardhur keq që mediat nuk e transmetojnë zërin e qytetarit, kërkesat dhe hallet që ata kanë, sic vijën të vërteta në Sheshin e Lirisë.
Duke vlerësuar këtë bashkim të madh qytetar e popullor, Basha analizoi edhe një herë se ishte kjo arsyeja, pse Rama u tërhoq nga plani ogurzi që kishte për të asgjesuar votën dhe pluralizmin në Kavajë.
Por misioni ende s’ka mbaruar.
“Ditën e shtunë, në orën 12.00 në këtë shesh të lirisë dhe të së vërtetës.
Ejani të gjithë, të vetëdijshëm për rëndësinë historike të këtij momenti, të kësaj përballje, midis të vjetrës që duhet dhe do të shkojë, dhe të resë që po vjen.
Të vetëdijshëm për forcën e pathyeshme të bashkimit të shqiptarëve, për një kauzë të drejtë qytetare, kombëtare, para vetes sonë, para historisë, para fëmijëve tanë, para Europës, para Zotit. Kauzë e drejtë, e drejta juaj, jo e partive politike. Dhe po kështu, të qetë dhe paqësorë me vetëdije se fitorja do të vijë.
Jo nga forca e forcës, por nga forca e bashkimit total dhe pjesmarrjes totale të shqiptarëve në këtë betejë.
Bashkë, ditën e shtunë në orën 12.00, ballëpërballë shpresa dhe besimi tek e ardhmja që po vjen, dhe republika e vjetër që përgatitet të hyjë në analet e historisë. Të bashkuar gjithëpërfshirës, të gjithë shqiptarët do të jenë qytetarë të Republikës së Re.
Asnjë nuk do të jetë më qytetar i republikës së vjetër. Të dredhive, krimit, drogës, hipokrizisë dhe korrupsionit. E ardhmja nuk ndalet dot më!
E shtuna e ardhshme shpalos para shqiptarëve derën e madhe të kësaj të ardhme europiane”, tha Basha.
Bashkëbisedim në Sheshin e Lirisë, dhe të vërtetat e qytetarëve për varfërinë, pamundësinë për të ndjekur studimet, mungesën e shanseve për punë, kanabisi, tarifat e rritura dhe hallet e mëdha të shoqërisë
Mëngjesin e ditës së 78-të të protestës për zgjedhje të lira, kryedemokrati Lulzim Basha diskutoi me qytetarët për fitoren e Republikës së Re ndaj zgjedhjeve moniste të përgatitura nga Rilindja për Kavajën.
Intelektualët, profesionistët dhe studentët folën për arritjen e qëndresës qytetare dhe për problemet që i shtyjnë ata të ngrenë zërin.
Studentët folën për mënyrën si e shohin të tashmen dhe të ardhmen e tyre. Edhe ata me shkollim të nivelit master treguan për mungesën e vendeve të punës dhe përfundimin e pashmangshëm të të rinjve në Call Centre, pavarësisht shkollimit të marrë.
Taulanda Jupi solli në vëmendje vargjet e John Lennon kur thonte: Në fillim na quajtën ëndërrimtarë, por si të tillë nuk jemi të vetëm. Aktorja tha se ishin ata të rinj, qytetarët qëndrestar të maratonës 78 ditore të protestës për zgjedhje të lira, fitimtarët e vërtetë të betejës për Kavajën. Kjo fitore duhet të jetë motivim për një fitore edhe më të madhe – tha Taulanda – të mos vetkënaqëmi dhe të mbetemi këtu.
Kjo fitore e qytetit të Kavajës, dhe si e tillë e gjithë Shqipërisë, për Agron Tufën është një simbolikë e fitores së shënuar në Kavajë 27 vite më parë. Ai i thirri qytetarëve të vrasin frikën dhe të ngrihen për të drejtat e tyre.
Lirinë nuk mund t’jua marrë askush, nëse qëndroni të vendosur. – ky ishte apeli i studiuesit Ndriçim Kulla, i cili çadrën e protestës e sheh si risinë më të fundit politike që po shkakton impakt edhe tek më skeptikët e kauzës për zgjedhje të lira.
Kryetari i Partisë Demokratike, Lulzim Basha falenderoi qytetarët shqiptarë për vendosmërinë në arritjen e drejtësisë për Kavajën dhe gjithë Shqipërinë.
“Tërheqja e Edi Ramës nga zgjedhjet e diktuara nga krimi në Kavajë, është vetëm rezultat i qendrës suaj dhe vendosmërisë për të mos lejuar monizëm të diktuar nga krimi dhe nga droga.
Qytetarët që luftuan për 11 javë, çdo ditë, arritën atë që askush tjetër nuk e arriti dot për 3 vite e gjysëm, madje as opozita parlamentare nuk ia doli të siguronte në 3 vite e gjysëm atë që shqiptarët e bashkuar arritën për Shqipërinë, për veten tuaj dhe për të ardhmen tonë në 78 ditë.”
Kryedemorkati tha se Edi Rama u tërhoq nga ‘masakra elektorale’, që kishin rezervuar për datën 7 maj në Kavajë bandat kriminale të përgatitura për të larë hesapet me njëra tjetrën.
“Askush nuk kishte ndërmend të bënte asgjë. As Edi Rama nuk kishte ndërmend të tërhiqej nga ky plan ogurzi. Ambasadat u kufizuan me deklarata, ngahera dhe pa to. Socialistët e ndershëm të Kavajës ulën kokën para krimit.
Gjithçka u përmbys sepse e vetmja forcë që mund ta ndalë, që mund të përballet dhe fitojë përballë krimit të veshur me pushtet, janë shqiptarët e bashkuar në këmbë, të vendosur se nuk do të kthehen nga kjo rrugë pa fitore totale të demokracisë në Kavajë dhe në gjithë Shqipërinë.”
Lulzim Basha i premtoi qytetarëve se ky vend nuk do të shohë më kurrë zgjedhje moniste pa pjesmarrjen e opozitës dhe as një process që nuk garanton lirinë dhe vërtetësinë e votës së shqiptarëve.
“Tërheqja nga Kavaja nuk është dhuratë e nuk është lëmoshë, por është sprapsje e detyruar nga refuzimi masiv i kavajasve për t’u keqpërdorur ditën e dielë.
Të vetmet zgjedhje që ky vend do të mbajë do të jenë zgjedhjet e lira e të ndershme, të lira nga krimi, droga dhe monizmi, përmes një qeverie teknike e cila do të përmbushë mandatin popullor për zgjedhje të lira dhe të ndershme.
Ndaj letë mos kemi asnjë iluzion se ky proces i rikthimit të zgjedhjeve të lira e të ndershme, të cilin ne natyrisht preferojmë ta zgjidhim përmes dialogut, do të ketë sukses pa patur edhe një herë bashkimin më të madh të shqiptarëve në këmbë e të vendosur, pa i demonstruar përmes pjesëmarrjes më masive të shqiptarëve javën e ardhshme këtu në këtë bulevard Edi Ramës, kupolës politike të republikës së vjetër dhe mbarë botës se shumica dërrmuese e shqiptarëve nuk do të pranojë kurrë zgjedhje të diktuara nga krimi, të diktuara nga droga dhe pa opozitën.”
Zoti Basha i drejtoi një thirrje cilitdo, që padrejtësinë e përjetuar këto katër vjet kërkon ta lërë pas dhe shpreson ende në një realitet më të begatë për të apo fëmijët e tij. Të bashkohen në marshimin paqësor të javës së ardhshme, për të treguar edhe njëherë se vetëm me forcën e vendosmërisë së pathyeshme të qytetarëve, zgjidhja vjen për gjithë Shqipërinë.
Thirrjen zoti Basha ia drejtoi çdo shqiptari, çdo të riu e të reje, çdo të papuni apo punëtori të pavlerësuar denjësisht, çdo nëne dhe babai që dëshiron të ardhmen e sigurtë të fëmijëve të tyre, të bashkohen në marshimin paqësor të javës së ardhshme, për të treguar edhe njëherë se vetëm me forcën e vendosmërisë së pathyeshme të qytetarëve, zgjidhja vjen për gjithë Shqipërinë.
Njoftim per shtyp 6 Maj 2017
Mirëse keni ardhur në këtë agorë, fillimin e javës së 12-të të lëvizjes më të madhe dhe bashkimit më të fuqishëm të qytetarëve për zgjedhje të lira dhe të ndershme dhe për Republikën e Re të qytetarëve shqiptarë.
Asgjë në historinë e shoqërive, kombeve dhe shteteve nuk ka rënë nga qielli. Asnjë e drejtë, asnjë liri, asnjë territor, asnjë pasuri, nuk i është falur kurrë askujt nga askush. Gjithçka në historinë e njerëzimit është fryt dhe produkt i përpjekjeve, i betejave, i qendresave dhe i fitoreve të njërit apo tjetrit faktor. Kjo është e shkruar në historinë mijëra vjeçare të njerëzimit dhe nuk ka asnjë shembull në këtë histori që ta përjashtojë; gjithçka vjen përmes përpjekjeve, gjithçka vjen përmes betejave dhe gjithçka mbahet mbahet në këmbë përmes betejave. Aq më shumë, kur vjen fjala për liritë dhe të drejtat themelore të individit që janë çdo ditë e në çdo kohë nën kërcenimin dhe presionin e faktorëve që duan të pasurohen e të fitojnë pushtet mbi kurrizin e qytetarëve të thjeshtë.
Këto janë të vërteta të moçme, jo dhjetra vjeçare, as qindra vjeçare, por mijëra vjeçare të historisë së njerëzimit. Profesorët e nderuar mund ta ilustrojnë këtë me shembuj të panumërt. Shumë prej tyre ju i dini vetë dhe nuk kam ndërmend të zgjatem në këtë të vërtetë të padiskutueshme të natyrës njerëzore dhe njerëzimit. Por dua t’u them nën dritën e kësaj të vërtete, se tërheqja e Edi Ramës nga zgjedhjet fasadë të diktuara nga krimi në Kavajë, është vetëm dhe vetëm rezultat i betejës tuaj, i qendresës tuaj, i vendosmërisë tuaj për të mos lejuar monizëm të diktuar nga krimi dhe nga droga.
Asgjë tjetër, pa këto përpjekje, nuk do të ndodhte, përveç një gare fasadë. Në një vend kaq të dashur për shqiptarët si Kavaja, me kontributin e saj të shquar në historinë e re të lirisë dhe demokracisë tonë 27 vjeçare, ku u ngul krimi me përfaqësuesin e saj më ogurzi Elvis Roshin, i cili pasi i rezistoi çdo përpjekjeje ligjore e kushtetuese në bazë të ligjit për dekriminalizimin, më në fund e detyruan të dorëhiqej, ku kreu i inkriminuar i Partisë Socialiste në Kavajë, Gent Daja dëshironte të kandidonte bashkëshorten e tij, e pas presionit të opinionit publik u tërhoq dhe vendosën të kandidonin mëkëmbësin e Elvis Roshit. Gjithçka pra, ishte përgatitur për zgjedhje fasadë, votime fasadë. Paratë ishin ndarë, njerëzit ishin kërcënuar, bandat brenda pushtetit kishin bërë gjithçka gati për një masakër të vërtetë elektorale në Kavajë.
Këto janë faktet. Këto i dini ju, i di unë, i dinë madje socialistët në Kavajë dhe në mbarë Shqipërinë. I di edhe Edi Rama dhe përfaqësuesit e vendeve të huaja këtu në Tiranë. Askush nuk kishte ndërmend të bënte asgjë. As Edi Rama nuk kishte ndërmend të tërhiqej nga ky plan ogurzi produkt i drejtpërdrejtë i projektit të tij të inkriminimit të shtetit. Ambasadat u kufizuan me deklarata dhe nganjëherë pa deklarata fare. Socialistët e ndershëm të Kavajës ulën kokën para krimit. Dhe ua them sinqerisht se deklaratat për shtyp dhe qendrimet e opozitës në emisione, në parlament, apo jashtë parlamentit, nuk do të kishin arritur dot asgjë përballë kësaj masakre elektorale që po përgatitej me uljen në gjysëmshtizë të flamurit të demokracisë, pikërisht në shtëpinë ku flamuri i demokracisë u ngrit për herë të parë në Kavajë.
Asgjë nuk kishte për të ndodhur, por gjithçka u përmbys sepse, e vetmja forcë që mund ta ndalë, i vetmi faktor që mund të përballet dhe fitojë përballë krimit të veshur me pushtet, dhe pushtetit të inkriminuar, jeni ju, janë shqiptarët e bashkuar që janë në këmbë, janë të vendosur dhe nuk do të kthehen nga kjo rrugë pa fitoren totale të demokracisë në Kavajë dhe në gjithë Shqipërinë.
Mos e harroni këtë vëllezër e motra, qytetare dhe qytetarë, e në veçanti ju të rinj e të reja. Mos harroni se, në këtë lojë, kupola politike e republikës së vjetër ka miliarda euro interesa në tendera dhe koncensione korruptive, në paratë e drogës, në asete dhe resurse të shqiptarëve nga nafta dhe mineralet, të bregdeti e gjithçka tjetër. Në këtë lojë të madhe, ku shiten e blihen faktorët politikë, mediat, lobimi e gjithçka tjetër, në këtë përballje për jetë a vdekje, për lirinë dhe demokracinë e vërtetë, e vetmja forcë, e vetmja forcë që mund t’i ndalë jeni ju, qytetarët e bashkuar. E vetmja forcë që mund të sjellë ndryshimin e vërtetë, është bashkimi më i madh i shqiptarëve për zgjedhje të lira, për liri dhe demokraci.
Tërheqja nga Kavaja, nuk është dhuratë e nuk është lëmoshë, por është sprapsje e detyruar nga refuzimi masiv i kavajasve për t’u keqpërdorur ditën e dielë. Eshtë sprapsje, e detyruar, nga projektimi i bashkimit më të madh të qytetarëve që ishte bërë gati të marshonte drejt Kavajës, të çlironte Kavajën dhe nga Kavaja të niste çlirimin e Republikës së Re anembanë Shqipërisë.
Ndaj të mos kemi asnjë iluzion se ky proces i rikthimit të zgjedhjeve të lira e të ndershme, të cilin ne natyrisht preferojmë ta zgjidhim përmes dialogut, do të ketë sukses pa bashkimin më të madh të shqiptarëve, në këmbë e të vendosur. Pa i demonstruar Edi Ramës, kupolës politike të republikës së vjetër dhe mbarë botës, përmes pjesëmarrjes më masive të shqiptarëve javën e ardhshme këtu në këtë bulevard, se shumica dërrmuese e shqiptarëve nuk do të pranojë kurrë zgjedhje të diktuara nga krimi, të diktuara nga droga, dhe pa opozitën.
Të vetmet zgjedhje që ky vend do të mbajë, do të jenë zgjedhjet e lira e të ndershme, të lira nga krimi, të lira nga droga, me një qeveri teknike e cila do të përmbushë mandatin popullor për zgjedhje të lira dhe të ndershme.
Ju keni luftuar tash 11 javë, ditë për ditë, 24 orë në ditë, por ju keni arritur atë që askush tjetër nuk e arriti dot për 3 vite e gjysëm, madje as opozita juaj parlamentare nuk ia doli dot të siguronte në 3 vite e gjysëm këtë që ju, shqiptarët e bashkuar, keni arritur për Shqipërinë, për veten tuaj dhe për të ardhmen tonë në 78 ditë. Mos e harroni këtë!
Unë nuk e harroj, unë e di fare mirë, e njoh, e kam ditur forcën e bashkimit të bashkatdhetarëve të mi, të bashkëqytetarëve të mi dhe e prek ditë për ditë.
Unë e di se për ku jemi nisur të gjithë bashkë dhe e shoh dritën e ditës së parë të Republikës së Re në sytë e të rinjve dhe të rejave, në sytë e burrave dhe grave që janë bashkuar tash 78 ditë në protestë, dhe të atyre që na ndjekin nga jashtë me sytë e mendjes dhe të shpresës. Kjo ditë po vjen, askush nuk e ndal dot, askush nuk e ndal dot.
Dita e Republikës së Re ku qytetarët do të kenë fatet e tyre në duart e tyre, dita kur Shqipëria do të jetë e juaja dhe jo e politikanëve, aq më pak e kriminelëve dhe oligarkëve, po vjen.
Askush nuk e ndal dot dhe e vetmja forcë që kontrollon gjithçka mbi këtë tokë është me ne, është me këtë ditë, Zoti është me të drejtën është me shqiptarët.
Por kjo ditë do të vijë edhe më shpejt, do të vijë edhe më bukur, do të vijë edhe më parë, sa më shumë të jemi, sa më të bashkuar të jemi, sa më të vendosur të jemi në përballjen me republikën e vjetër në grahmat e saj të fundit.
Ndaj bëjini thirrje çdokujt, çdo miku, të afërmi, çdo burri dhe gruaje, në veçanti çdo të riu dhe të reje të bashkohet në marshimin e javës së ardhshme në manifestimin më të madh që Shqipëria ka njohur ndonjëherë të forcës së vendosur, paqësore por të pathyeshme të qytetarëve shqiptarë për zgjedhje të lira e të ndershme, themelin e Republikës së Re që po agon.
Zoti e bekoftë Shqipërinë!
Zoti i bekoftë shqiptarët!
Mesazhi i Lulzim Bashës në ditën e 78 të protestës për zgjedhje të lira e të ndershme, 6 Maj 2017
