Blog

Fevziu: Parlamenti i Maqedonisë është pushtuar nga protestuesit të cilët kanë ndërhyrë dhunshëm ndaj deputetëve. Lideri Zajev i LSDM-së i cili pritet të bëhet kryeministër është goditur. Shpërthimi ka ndodhur me këtë justifikim, se përse një shqiptar duhet të jetë në krye të kuvendit. Z.Basha keni koment për gjendjen?

Basha: Si gurisht që është një ngjarje shumë e rëndë, tronditëse. Tronditëse edhe për ne shqiptarët duke qenë se një numër i deputetëve shqiptarë janë sulmuar fizikisht në një ditë historike për shqiptarët e Maqedonisë, ku kanë arritur të zgjedhin për herë të parë, një nga tre figurat kushtetuese të Republikës së Maqedonisë, Kryetarin e Kuvebdit. Duhet të kujtojmë se kriza ka nisur si një krizë mes dy partive kryesore maqedonase, partisë së Gruevskit në pushtet prej afro një dekade dhe opozitës së Zajevit përmes skandalit të publikimit të kasetave ku u shfaqën përgjime të skenave të pretenduara të korrupsionit dhe skandaleve të tjera ku pretendohet përfshirja e zyrtarëve të lartë në qeveri e cila çoi drejt një marrëveshje politike që u finalizua me krijimin e një qeverie që do të mbikqyrte zgjedhjet. Ja vlen të theksohet se zgjedhjet u zhvilluan dhe u çertifikuan konform standardeve. Partia e parë në këto zgjedhje, me një diferencë shumë të vogël ishte partia e Gruevskit e cila nuk arriti të formonte qeverinë për shkak të mungesës së mbështetjes nga partitë shqiptare të cilat tradicionalisht kanë përbërë pjesën tjetër të qeverisë në këto vite, ku komuniteti i shqiptarëve që përbën një të tretën e popullsisë gjithonë ka qenë i përfaqësuar. Nga ky moment kriza, e cila kishte nisur si një krizë mes dy partive politike maqedonase nisi të marrë nota nacionaliste dhe nota ndëretnike. Në këtë, moment, si kryetar i opozitës dua të theksoj në radhë të parë mbështetjen tonë totale për shqiptarët e Maqedonisë dhe të gjithë faktorin politik shqiptar në Maqedoni. Kërkesën për të qëndruar sa më të bashkuar, gjakftohtë përballë provokimeve dhe për të bashkërenduar çdo aksion politik në funksion të stabilitetit, demokracisë dhe funksionimit të institucioneve demokratike që janë të zgjedhura nga një proces i pakontestuar zgjedhor. Se si zgjidhet kjo, është një çështje e brendshme e institucioneve, jo e partive politike në Shqipëri. Interesi ynë si shqiptarë, dhe kur flas për qytetarët shqiptarë, nuk kam parasysh vetëm shqiptarët e Republikës së Shqipërisë, por shqiptarët kudo ku janë, interesi parësor i Republikës së Shqipërisë, është një Maqedoni e qetë dhe demokratike me një perspektivë europiane dhe euroatlantike, e cila garanton në mënyrë të padiskutueshme të drejtat e komunitetit shqiptar i cili është një komunitet shtetformuës në Maqedoni. Ky është momenti për të treguar jo zell protagonizmi për të afishuar qëndrime të cilat i bëjnë dëm objektivave afatgjatë të shqiptarëve të Maqedonisë dhe objektivave të ligjshme kushtetuese të Republikës së Shqipërisë për të mbrojtur të drejtat e tyre, por për t’u bashkuar pavarësisht krizës së jashtëzakonshme elektorale në vend, me një qëndrim të ftohtë i cili ndihmon në radhë të parë interesat e shqiptarëve të Maqedonisë dhe pa dyshim edhe interesat e vendit tonë fqinj për të gjetur rrugën e paqëtimit të një vendi i cili në fund të fundit ka mbajtur zgjedhje të lira dhe të ndershme.

Fevziu: Z.Basha, kjo situatë në Maqedoni ka ardhur thuajse pas një viti e gjysëm përplasjesh midis opozitës dhe mazhorancës, protestave të opozitës përpara selisë së qeverisë, të ngjashme me atë që opozita po bën këtu. A rrezikon Shqipëria një përplasje të tillë nga protestat e opozitës?

Basha: Nuk ka asnjë paralele midis gjendjes në Maqedoni dhe krizës që ky vend po jeton dhe krizës politike në Shqipëri. Ndryshimi është i qartë. Destabiliteti është një fjalë e madhe që nuk na çon askund. Nga njëra anë, kemi një krizë politike të provokuar nga publikimi i përgjimeve i cili çoi në një marrëveshje politike me një kabinet teknik që e çoi vendin drejt zgjedhjeve të lira dhe të ndershme. Të pakontestuara nga asnjë palë. Pas këtyre zgjedhjeve të lira dhe të ndershme, konflikti ka marrë përmasa nacionanliste dhe ndëretnike. Dhe këtu, përplasjet janë pasojë e një loje interesash që luhet kryesisht mes dy partive maqedonase dhe ku shqiptarët dhe çështja legjitime e të drejtave të tyre po përdoret si kapital politik i brendshëm.  Gjendja në Shqipëri është ndryshe. Në Shqipëri po luftohet që të kemi pikërisht zgjedhje të lira dhe të ndershme që të kemi votën e lirë, që është fondamenti i bashkëjetesës demokratike.

Fevziu: Por ju keni bërë thirrje për mosbindje civile e cila mund të përfundojë në dhunë.

Basha: Atë e thoni ju, sepse protesta e ditës së hënë faktoi se opozita shqiptare dhe qytetarët e bashkuar për kauzën për zgjedhje të lira dhe të ndershme, demonstruan me një kulturë paqësore, europiane që nderon kauzën për zgjedhje të lira dhe të ndershme.

Fevziu: Por ishte protesta e parë e mosbindjes civile, rreziku që përshkallëzimi të jetë i tillë, ekziston apo jo?

Basha: Sigurisht që mospranimi i kauzës për zgjedhje të lira dhe të ndershme, siç po ndodh deri sot, ku konsiderohet si një kauzë e një partie politike apo disa personave, ndërkohë që vetë përfaqësuesit europianë e konsiderojnë Shqipërinë në një krizë të rëndë politike dhe zgjedhore për shkak të kërcënimit të votës së lirë dhe mosarritjes së dakordësisë politike, natyrisht që mbart me vete edhe rrezikun e destibalizimit. Por, duhet të përsëris qëndrimin tim dhe kolegëve të mi të aleancës opozitare, të qartë dhe të prerë, se jemi të vendosur, absolutisht të vendosur, të qëndrojmë deri në fitoren e kauzës për zgjedhje të lira dhe të ndershme, që do të thotë që qytetarët të vendosin me vote, dhe jo kriminelët, banditët dhe droga, por kjo vendosmëri ka qenë, është dhe do të jetë vetëm në trajtat dhe format paqësore, siç është edhe mosbindja civile.

Fevziu: Sot ka pasur një lajm ku Ilir Meta po kandidon për postin e presidentit të Republikës në raundin e katërt që zhvillohet nesër në orën 5. Në deklarimin që ka bërë Taulant Balla në emër të grupit parlamentar të PS-së dhe firmave të mbledhura nga i gjithë grupi parlamentar i LSI-së duket vetëm çështje procedure që Ilir Meta nesër në orën 17.00 të jetë presidenti i ri i Shqipërisë. E para, përse Partia Demokratike nuk iu bashkua mazhorancës për gjetjen e një Presidenti konsensual pas ftesës që ju bë edhe nga Rama dhe nga Meta për këtë çështje? Pra që mos t’ia jepte njërit prej dy përfaqësuesve të mazhorancës dhe e dyta, çfarë mendimi keni për Metën president?

Basha: Ftesa ka qenë prej fillimit e pasinqertë, sepse prej tre muajsh palët kanë që dakord për zgjedhjen e Metës president dhe në funksion të kësaj, janë bërë një numër lëvizjesh të cilat i janë shitur publikut si lëvizje në përputhje me realitetin politik të imponuar nga kërkesa e qytetarëve për zgjedhje të lira dhe të ndershme. Ky është teatri politik. Ky është teatri i kukullave që luhet tash katër vite në Tiranë, kjo është fasada e republikës së vjetër, ku pushtetarët bëjnë gjithçka për pasurinë, pushtetin dhe interesat e tyre. Dua ta përkufizoj këtë si aktin e fundit të një qeverisje të dështuar, të inkriminuar dhe mashtruese. Prej katër vitesh qeveria qëndron nën akuzë për korrupsion galopant siç përmendet në raportin e fundit, përmes tenderave, koçensioneve, qindra milionë euro, vjedhje të mëdha që kanë shkaktuar varfëri ekstreme, kanë shkatërruar ekonominë, qëndron në akuzë për kthimin e Shqipërisë në pikën më të madhe të kultivimit dhe shpërndarjes së drogës në Europë. Njëra palë, në veçanti Edi Rama dhe struktura e kupolës kriminale është faktuar me fakte të pakundërshtueshme si autorja e kësaj gjendje. Pala tjetër, e cila herë pas here ka mbajtur qëndrime kritike, qoftë në raport me kocensionet, për tenderat, për drogën, për kriminelët në pushtet, por në fakt, në asnjë moment nuk ka kondicionuar përveç verbalitetit politik, me votë, këtë ralitet të përkeqësuar të shqiptarëve.

Sot, ky teatër kukullash që kanë mbajtur të dy partitë kryesore në koalicion, ka përfunduar me një pazar tipik të republikës së vjetër. Shikoni ku është katandisur demokracia në këtë vend. Ulen dy njerëz në restorant dhe vendosin kush do të jetë presidenti i Republikës.

Fevziu: Votat i kanë.

Basha: Me procedurë sigurisht që mund ta bëjnë. Kjo natyrisht nuk është mënyra se si zgjidhet njeriu që përfaqëson unitetin e popullit. Në kulmin e një krize politike, në kulmin e delegjitimimit të institucioneve shtetërore për shkak të krimit, drogës, krizës politike që ka mbërthyer vendin, këta, me një pazar tipik siç kanë mbyllur çështjet e tjera, kanë mbyllur çështjen e kreut të shtetit.

Ky është kapitulli i fundit i republikës së vjetër. Shkojnë në restorante e pijnë verë që kushtojnë sa dhjetë pensione apo sa njëzet ndihma ekonomike, duke vendosur të dy se kush do të jetë kreu i shtetit në përjashtim total, jo thjesht të opozitës, se opozita asnjëherë nuk ka kërkuar rol në zgjedhjen e Presidentit, por në përjashtim total të interesit të qytetarëve, të interesit publik dhe të problemeve dhe sfidave legjitime për të cilat qytetarët kërkojnë zgjidhje e në veçanti zgjidhje politike tash 70 ditë.

Fevziu: Keni pasur ju ose z.Berisha një marrëveshje me Metën ose një kontakt për të sinkronizuar lëvizjet gjatë protestës?

Basha: Absolutisht jo, kjo është një gënjeshtër e stisur në laboratorët e pushtetit për interesat e pushtetit.

Rakipllari: Z.Basha, ju, Metën e keni përshëndetur vazhdimisht, sidomos gjatë kohës që keni qënë në protestë, për qëndrimet e tij në raport me zgjedhjet e lira dhe në raport me protestën tuaj. Keni qeverisur me të 4 vjet në koalicion, z.Berisha e dëgjova mbrëmë që e përshëndeti rolin e tij si të përgjegjshëm etj, etj. Parlamenti që e ka zgjedhur është një parlament legjitim sepse është një parlament që është zgjedhur në kohën që ishit ju në pushtet, pse nuk e pranoni Metën tani ju si President konsensual kur e keni përshëndetur gjatë gjithë kësaj kohe.

Basha: Sepse, të pranojmë ne Metën si President konsensual do të thotë që ne të bëhemi pjesë e kësaj farse ku as qytetarët nuk janë pyetur dhe as vetë faktorët politikë nuk janë pyetur. Ju, nga burimet tuaja, duhet ta dini që një numër i madh deputetësh socialistë dhe të LSI-së janë të shokuar nga kjo, sepse kanë besuar diçka tjetër, ndërsa përshëndetjet e mia nuk i janë drejtuar asnjëherë snjë personi, as Ilir Metës, i janë drejtuar qëndrimeve të mbajtura në momente të caktuara, nëqoftëse, qëndrimi i Kryesisë së LSI-së para një muaji ka qenë që kriminalizimi i shtetit, droga me impakt elektoral dhe korrupsioni galopant kërcënojnë zgjedhjet e ardhshme dhe se nuk mund të imagjinohen zgjedhje pa opozitën.

Padyshim ky është një qëndrim i përgjegjshëm që është përshëndetur atëherë dhe do të përshëndetet në çdo moment që do të mbahet. Kjo absolutisht nuk e largon opozitën nga qendrimi konseguent, kritik për nivelin ku është katandisur demokracia në republikën e vjetër, që është një demokraci fasadë.

Edhe këtu, në këtë akt të fundit të kësaj qeverisje në largim, qeverisje të dështuar, të një shteti të dështuar, të falimentuar dhe mashtrues karshi qytetarëve, shohim mashtrimin e fundit, mashtrimi i fundit është që e gjithë koreografia, i gjithë teatri i javëve të fundit, është bërë me një qëllim, për të justifikuar një vendim që dy persona e kanë marrë me njëri-tjetrin, në restorant, për kreun e shtetit. Populli, qytetarët dhe aq më pak opozita, nuk kanë patur asnjë mundësi të shprehen.

Ralipllari: Presidenti zgjidhet nga parlamenti, as nga qytetarët e as nga askush.

Basha: Të ligjshëm dhe legjitim janë disa koncepte të cilat duhet ti trajtojmë me shpjegimin e plotë para qytetarëve. I ligjshëm dhe legjitim ka qenë edhe ligji për segregacionin racial, deri kur Martin Luther King-u dhe lëvizja e tij ndryshuan ligjin në Amerikë, i ligjshëm dhe legjitim ka qenë edhe ligji për skllavërinë, por i ligjshëm dhe legjitim nuk do të thotë nevojshmërisht i drejtë, e pranueshme apo në funksion të interesit publik. Padyshim, nëse nesër këta me votat që kanë marrë në 2013-ën, sigurisht edhe me votat e krimit që janë akoma në Parlament, zgjedhin një President të Republikës, padyshim që procesi do të jetë i ligjshëm por a do të jetë i drejtë, a do të ketë respektuar interesin publik, a do të jetë një proces që përfaqëson vlerat më të mira mbi të cilat duhet të ngrihet kreu i ardhshëm i shtetit, kjo jo, kjo ska ndodhur.

Rakipllari: Me qëndrimin tuaj të deri tanishëm z.Basha, ndaj Metës, si Parti Demokratike, a i keni dhënë ju atij mundësinë që të zgjidhet sot President dhe të jetë më i pranueshëm, kur mund të zgjidhnin edhe dikë tjetër. Ju zgjodhët Nishanin në 2012 që ishte i Partisë Demokratike, kurse sot po zgjidhet Meta që është një person më i pranueshëm për opozitën, ta themi hapur.

Basha: Jo, këtë e thua ti, po çfarë përfaqëson kur e thua këtë? Z.Rakipllari opozita jonë ka qenë në opozitë të pandashme, (dhe ky është një diskurs i vjetër që më kot të përpiqeni të bëjmë diversion), ndaj Ramës dhe ndaj Metës. Sigurisht, Rama ka patur pjesën e vetë të zullumit dhe Meta pjesën e vet të përgjegjësisë për ushqyerjen dhe mbajtjen në këmbë të zullumit.

Fevziu: Z. Berisha u shpreh që Meta e kupton më mirë krizën është më…

Basha: Komentet se çfarë thonë z.Berisha edhe të tjerët i bëni ju si analistë, qëndrimi ynë është ky, ky është akti i fundit i teatrit të kukullave që maskon pazaret, komplotin ekonomik kundër shqiptarëve, që sot janë më të papunë, më të varfër, më të pashpresë se 4 vite më parë. Ky është akti i fundit i një shteti të falimentuar, të inkriminuar dhe mashtrues karshi shqiptarëve, akti i fundit edhe në kuptimin kronologjik.

Rakipllari: Kjo është shumë e qartë por unë po thoja këtë gjë, që a ka përgjegjësi opozita që shkuam këtu, që Ilir Meta u bë një person i pranueshëm dhe sot të zgjidhet President.

Basha: Tani, është apo s’është i pranueshëm Ilir Meta, këtë se vendos dot ti dhe ne nuk mund ta marrim të mirëqënë. Ne dimë që, Ilir Meta dhe Edi Rama kanë bërë pazarin e radhës dhe me këtë Pazar, ku është përjashtuar tërësisht interesi publik, në mungesë totale transparence, po shkon dhe po bëhet kreu i shtetit.

Rakipllari: Ky pazar u votua në 2013 z.Basha, është i votuar nga qytetarët. U votua aleanca PS-LSI në 2013 dhe ky parlament do të zgjedhë Presidentin e Republikës.

Basha: Po ndajmë dy gjëra nga njëra-tjetra, për procedurat ligjore, absolutisht ata i kanë votat, asnjëherë ne nuk kemi kërkuar të jemi pjesë e procesit të zgjedhjes së Presidentit. Kur na është ofruar si pazar, sa për të larë gojën, sigurisht, se pazari ishte bërë, kemi thënë që Presidenti nuk është pjesë e asaj që ne kërkojmë, ne kërkojmë zgjedhje të lira dhe të ndershme, asnjë ofertë për pushtet në tavolinë. Presidenti, (Drejtori i Postës që ndoshta pas ndërhyrjeve që këta kanë bërë ka më shumë kompetenca se Presidenti i Republikës), apo Ministrat, apo të tjerë, nuk kanë qenë këto arsyet pse opozita është në protestë bashkë me qytetarët, arsyeja e vetme pse ne jemi në protestë është vetëm interesi publik, është vota e lirë dhe e ndershme dhe prandaj ti thuash sot opozitës se është përgjegjëse për pazarin Rama-Meta mendoj se është një përpjekje e dështuar.

Haxhiu: Realisht nuk më duhet analiza për Metën apo për Ramën, unë po dua të merrem pak me karakterin politik tuaj. Me një shpejtësi të jashtëzakonshme, duke qenë njeriu i cili ka punuar shumë me ndërkombëtarët, ke krijuar një kundërshti, mos të them kundërshtarë, mos të them deri në armiqësi prej state-department deri te fqinjët këtu. Pse? Si e arrite këtë?

Basha: Kaq e ke pyetjen? Premisa jote është tërësisht e gabuar, si kryetar i opozitës jam pritur në Uashington, në nivele që nuk është pritur kurrë një Kryetar opozite, asnjëherë. Si kryetar opozite kam arritur që nivelet e përfaqësimit të Partisë Demokratike dhe kauzën e saj të drejtë ta mbroj dhe ta kthej në një kauzë të Bashkimit Europian. Mos harro Baton, që për 6 muaj betejë dhe bojkot parlamentar të vitit 2014, për kauzën e madhe të dekriminalizimit, kur Europa në tërësi, sigurisht e okupuar edhe nga problemet e veta, nuk kishte asnjë informacion për shkak të megafonëve të propagandës qeveritare të Edi Ramës, Partia Demokratike ia doli, e vetme, të ekspozojë të vërtetën tronditëse dhe arriti një fitore të jashtzakonshme për popullin shqiptar, ligjin për dekriminalizimin, që sot me të vërtetë nuk po zbatohet, por që do të zbatohet shumë shpejt një ditë dhe ajo ditë do të vijë shumë shpejt. Partia Demokratike arriti, (përkundër izolimit të falangave të Ramës të financuara nga mercenarët e George Soros me axhendë dhënien e pushtetit të drejtësisë, si dhuratë Edi Ramës, që është një komplot kundër lirive themelore të demokracisë shqiptare), ta çmontonte, ta kthente në parametrat europianë të Komisionit të Venecias dhe të impononte konsensusin e 22 Korrikut dhe Partia Demokratike dhe opozita e bashkuar do të arrijë me mbështetjen ndërkombëtare ti imponojë në Shqipëri standardet europiane për zgjedhje të lira e të ndershme. Të lira nga diktati i krimit, të lira nga influenca e drogës, të lira nga paratë e korrupsionit dhe koncesioneve dhe tenderave të kësaj qeverie me korrupsion galopant, që s’është thënë asnjëherë, është hera e parë që thuhet në raportet e Departamentit të Shtetit, dhe ne do tia dalim.

Unë jam i vetëdijshëm që kjo kërkon një sakrificë dhe sulmet që bëhen ndaj meje dhe ndaj Partisë Demokratike, dhe sigurisht ndaj gjithë lëvizjes, janë sulme të cilat nuk kanë për bazë asgjë tjetër, pëveçse interesat afatshkurtra të Edi Ramës dhe pushtetit të tij. Por, unë jam i vetëdijshëm se edhe ata të cilët sot nuk e kuptojnë, siç nuk kuptuan kauzën tonë për Dekriminalizimin, siç nuk kuptuan qëndresën tonë për reformën në drejtësi sipas standardeve, dita do të vijë kur do ta kuptojnë që kjo qëndresë bëhet për një kauzë të drejtë që ka të bëjë me liritë dhe mundësitë e çdo shqiptari të ndershëm. S’bëhet as për Partinë Demokratike, as për pushtetin tim.

Gazetari: Po deklarata e sotme e Ambasadorit Lu, ishte shumë e ashpër…

Basha: Jo, s’ishte fare e ashpër!

Fevziu: Ka deklaruar që zgjedhjet edhe pa Partinë Demokratike janë legjitime.

Basha: Merre dhe vendose të gjithë deklaratën, nga fillimi deri në fund, se është një deklaratë e shkurtër, por më lejoni të them këtë

Basha: Mund të jenë të ligjshme dhe legjitime, por nuk do të jenë të pranueshme.

Fevziu: Kush të tha që nuk do të jenë të pranueshme?

Basha: Sigurisht sepse ai nuk do të bëjë ty historikun në një intervistë …

Rakipllari: Ky është qëndrimi amerikan, z.Basha, ky i zotit Lu?

Basha: Jo, ajo është intervistë e dhënë për VOA. Unë s’jam as presidentet i SHBA, as sekretar i Shtetit.

Rakipllari: Po ju keni informacion, keni kontakt?

Basha: Eshtë fare e qartë, zgjedhje pa opozitën, në një vend anëtar të NATO-s janë të papranueshme. Këtë e bëri të qartë edhe ndërmjetësuesi europian në shënimin e tij në profilin e tij në “Facebook”. Shqipëria është në një krizë të rëndë politike dhe zgjedhore, dhe zgjedhjet janë në rrezik, ishte deklarata e tij. Në deklaratën e ambasadorit Lu vihet re qartë shqetësimi edhe në pjesën përpara, se këtu, keni marrë vetëm pjesën e fundit të intervistës dhe shprehja se mund të jenë të ligjshme dhe legjitime nuk do të thotë asgjë për vlerën e këtyre zgjedhjeve. Po e them edhe një here, në vendin e ambasadorit Lu, deri në vitin ’63-’64 qytetarët me ngjyrë nuk lejoheshin të uleshin në pjesë të caktuara të transportit urban, nuk lejoheshin të futeshin në lokale. Ka shumë rëndësi sepse ishin ligje legjitime dhe të ligjshme, por nuk ishin ligje të drejta, ishin diskriminuese, ishin çnjerëzore.

Fevizu: Cfarë nuk është e drejtë këtu në Shqipëri?

Basha: U shkallmuan nga lëvizja për të drejtat civile. Një shembull tjetër, edhe procesi i skllavërisë ishte i ligjshëm dhe legjitim, por ishte çnjerëzor. Këtu sigurisht mund të tentohet dhe do të dështojë një proces zgjedhor pa opozitën por një proces zgjedhor pa opozitën e kthen Shqipërinë 27 vite pas.

Fevziu: Në një vend që vetë opozita nuk po shkon, Kryeministri është shprehur se ne do të vazhdojmë zgjedhjet, ka parti të tjera opozitare që janë regjistruar dhe do të bëjnë opozitë në Parlament?

Basha: Atë shpikjen e opozitës nuk e bën dot ai. Nuk e bëri dot Ramiz Alia. Ne jemi para një zgjedhje fondamentale si Parti Demokratike dhe kjo zgjedhje është; të marrim pjesë në një proces farsë zgjedhor i cili është i paracaktuar nga krimi, droga dhe paratë e korrupsionit dhe shteti i bërë njësh me partinë, apo të luftojmë për votën e lirë. Ne kemi bërë zgjedhjen tonë bashkë me një shumcië shqiptarësh të bashkuar për votën e lirë. Çdo përpjekje për t’i imponuar shqiptarëve votime që nuk mund të jenë zgjedhje….

Fevziu: Ka 27 vite kjo që po bëni z.Basha…

Basha: Sikundër është unikale gjendja në të cilën ndodhet Shqipëria.

Fevziu: Ka qenë në ’97-ën në gjendje më të rëndë Shqipëria dhe partitë nuk e kanë bojkotuar zgjedhjet…

Basha: Absolutisht në ’97-ën nuk ke pasur trafikantë kandidatë për deputetë, nuk ke pasur trafikantë dhe kriminelë kryetar bashkish. I ke pasur në rrugë me bandat, por nuk i ke pasur në Parlament, as kriminelët, as trafikantët, as baronët e drogës nuk i ke pasur kryetarë bashkish dhe nuk e ke pasur Shqipërinë në ’97-ën të mbjellur me drogë si sot. Nëse ka një arritje ndërmjetësimi europian i ditës së martë, është që ka njohur rrezikun që i kanoset zgjedhjeve nga krimi në pushtet dhe nga droga dhe ka nisur procesin e ndërmjetësimit për arritjen e një zgjidhje.

Fevziu: Këto janë deklarata të drejtpërdrejta z.Basha? (deklarata e ministrit të jashtëm gjerman)

Basha: Ti mos bëj konkluzione të gabuara. Deklaratë mjerane, sepse ai që nuk shikon drogën, tonelatat e drogës, që nuk shikon kriminelët në pushtet, inkurajon më shumë drogë, më shumë kriminelë, ndëshkon Shqipërinë, ndëshkon edhe Gjermaninë, që tashmë ka 100 mijë azilantë, dhe në qoftë se në Shqipëri nuk rivendoset për mundësi të barabarta për qytetarët me zgjedhje të lira dhe të ndershme, atëherë Shqipëria do të ketë dy probleme, por edhe Gjermania do të ketë problemet e saj.

Haxhiu: E the që unë do të ndërtoj një sakrificë karshi këtyre sulmeve që vijnë nga ndërkombëtarët. A e rrezikon Lul Bashën, liderin e Partisë Demokratike, a e rrezikon Partinë Demokratike duke u armiqësuar më të gjithë ndërkombëtarët? Dhe ku e ka fundin kjo armiqësi? Se kjo duhet ta ketë një fund.

Basha: Edhe një here, dua të sqaroj se premisa se, PD është armiqësore është një premisë e gabuar. Partia Demokratike ka marrëdhënie të shkëlqyera me komunitetin ndërkombëtar. Unë kam qenë në vizita të shkëlqyera në Uashington, në Bruksel dhe do të jem prapë në ditët e ardhshme.

Fevziu: Ku do të jeni?

Basha: Në të gjitha qendrat kryesore të vendimarrjes politike perëndimore.

Fevziu: Përfshi Uashingtonin?

Basha: Në gjitha qendrat kryesore. Do ti keni hap pas hapi të gjitha detajet. Pse pritem unë? Nuk pritem si njeri i problemeve por si njeri i zgjidhjeve të ardhme perëndimore të Shqipërisë. Ajo që unë ofroj dhe ajo që kryeministri aktual nuk ofron, është garancia për një Shqipëri të standardeve europiane dhe amerikane. Pa dyshim, ti këtë e ke parë edhe në deklaratat e ndërkombëtarëve, kauza e zgjedhjeve të lira dhe të ndershme, kauza e luftës kundër krimit, kauza e luftës kundër drogës është mbështetur.

Haxhiu: Standarde..

Basha : Po ti çfarë pret që ndërkombëtarët të thonë bravo që nuk je në Parlament, bravo që bojkoton! Po kjo nuk mund të ndodhë asnjëherë.

Haxhiu: Ke marrë përsipër një mandat që ndoshta nuk të takon se rrezikon PD e cila ….

Basha: Atë e vendosin demokratët dhe qytetarët dhe nuk e vendos askush individualisht sipas premisave apo fakteve të gabuara nga nisen. Të njëjtin qëndrim kanë patur të tjerët kur ne nisëm bojkotin e parlamentit për çështjen e dekriminalizimit. Madje, edhe miqtë tanë nuk na kuptuan, derisa sa faktet u shpalosën, derisa PE dërgoi një delegacion të posaçëm që i imponoi Edi Ramës ligjin tonë për dekriminalizimin. Ne nuk kishim votat, siç nuk kemi votat në këtë legjislaturë për të imponuar një ligj të tillë drastik. Por drejtësia e kauzës nga njëra anë që na dha forcën e argumentit dhe qëndresa, çoi në një interes publik për çdo shqiptar.  Nuk fitoi thjesht dhe vetëm PD dhe Lulzim Basha, fituan qytetarët shqiptarë me ligjin për dekriminalizimin. Sot jemi në një tjëtër betejë akoma më ekzistenciale, betejën për votën e lirë. Në qoftë se qytetarëve iu mohohet vota e lirë nga krimi, nga droga, Shqipëria shkon drejt një katastrofe totale.

Haxhiu: A mundesh betejën kundër drogës, kundër kriminalitetit ta bësh jashtë Parlamentit? Nuk mundesh të ndërtosh kauzë jashtë Parlamentit? Nuk mundesh dhe nuk ke atë të drejtë të vendosësh PD në një rrezik duke ik nga Parlamenti, duke rrezikuar kryetarin e saj, duke rrezikuar 20 e ca vjet të ekzistimit të saj?

Basha: Ti po flet për PD dhe fatin e saj. Unë po flas për interesin publik dhe fatin e Shqipërisë. Këtu qëndron edhe ndryshimi. Ju e shikoni me sytë e një ekuacioni politik, unë e shikoj me sytë e një misioni patriotik. Në ekuacionin politik, do të mendosh, të ngre, të ul, merr më shumë deputetë, merr më pak deputetë, në misionin patriotik ajo që ka më shumë rëndësi është a do të ketë votë të lirë.

Sa i përket vendimmarrjes, vendimmarja është një vendimarrje e forumeve të caktuara nga PD, që është Kolegji i Përbashkët i Kryesisë të Partisë Demokratike, grupit Parlamentar të Partisë Demokratike dhe kryetarëve të degëve të PD, që është praktikisht Këshilli Kombëtar i PD, i sanskionuar po kështu njëzëri, unanimisht nga të 27-të partitë e tjera opozitare, përfshi 5 parti parlamentare. Ky është një vendim jo personal por një vendim i opozitës së bashkuar, i PD dhe forumeve të saj dhe i sanksionuar tash 69 ditë nga protesta rekord në Europë, 69 ditë, 24 orë para Kryeministrisë. E kundërta, braktisja e kësaj axhende publike për hir të ekuacioneve politike, pra kolltuqeve opozitare apo çfarëdo tjetër, apo një Parlament fasadë, që del nga zgjedhje fasadë, do të ishte braktisje e interesit publik. Këtu zgjedhja e PD, dhe e imja personalisht, është e qartë dhe e vendosur, asnjë pazar për arritje dhe privilegje, por betejë vendimtare për iinteresin publik.

Haxhiu: Ti ke të drejtë të bojkotosh parlamentin, të flasësh për dekriminalizimin dhe për mosbindje civile. Të gjitha të drejtat e Zotit i ke por si kandidat për kryeministër s’mund të flasësh për këto pa votuar vetingun. Unë e konsideroj çadrën të pasinqertë…

Basha: E ke premisë të gabuar dhe unë do të tregoj pse është e gabuar. Së pari, për ty dhe këdo që nuk e di, ne e kemi votuar vetingun sepse vetingu është sot në Kushtetutën e Shqipërisë. Eshtë aty, vetëm se ne e kemi votuar, sepse Venecia tha se nëse opozita nuk jep Ok për vetingun, nuk mund të ketë veting. Sepse është një proces traumatik nëse bëhet në mënyrë të njëanshme. Kur Komisioni i Venecias tha ne nuk rekomandojmë procesin e vetingut nëse nuk ka mbështetje të gjerë politike, nëse ne nuk do donim vetingun, mjaftonte të thohim se ne nuk kemi besim tek ky proces se do ta bëjë drejtësinë më të mirë. Çfarë thamë ne në 2014-2015-2016?! Po, gjyqsori dhe prokuroria ka nevojë për veting në mënyrë që gjyqtarët dhe prokurorët e korruptuar të largohen dhe të pakorruptuarit të kenë mundësi të luftojnë krimin dhe korrupsionin. Pas kësaj, Edi Rama u përpoq për një vit e gjysëm që të shtinte në dorë përmes amendamenteve kushtetuese kontrollin se si do të bëhej largimi i këtyre gjyqtarëve dhe prokurorëve të korruptuar. Ai dështoi. Më 21 korrik falë qendresës time dhe të PD-së, të shumë kritikuar dhe shigjetuar nga lloj lloj njerëzish dhe mercenarë të Xhorxh Sorosit, që kishin axhendë mbështetjen e Edi Ramës, dhe jo drejtësinë shqiptare, në fund të fundit ne fituam këtë betejë. Me 21 korrik vetingu u votua në Kushtetutë. Më 21 korrik u bë edhe një marrëveshje politike që 7 ligjet kryesore për zbatimin e kushtetutës do të votoheshin me konsensus. Edi Rama u përpoq ti kalojë pa konsensus 6 prej tyre bashkë me vetingun. Ligjin për SPAK-un e detyroi amerika ta votonte me vërejtjet tona. Ligji i sotëm për vetingun ka 3 probleme. Rama bëri 3 gjëra për ta hedhur në erë vetingun. E para, i dha të drejtë vetes së tij për të ndërhyrë në procesin e vetingut me 3 drejtoritë që i ka nën kontroll, Drejtorinë për Parandalimin e Pastrimin e Parave, drejtorinë e Informacionit të Klasifikuar dhe Shërbimin e Brendshëm. E dyta, ne kërkuam që procesi dhe kontrolli i gjyqtarëve të kishte një radhë, nga gjykatat më të larta tek më të ulëtat sepse po ta ta bësh pa radhë dhe sipas qefit, u bën presion gjyqtarëve dhe prokurorëve dhe e treta, që afati i kontrollit të ishte i përcaktuar me ligj dhe jo i pakufizuar se ti rrish me dosje hapur prokurorit dhe gjyqtarit, është tradita e Sigurimit të Shtetit por nuk mund të jetë kurrë modeli europian i modelit të drejtësisë së pastër. Të 3 këto vërejtjet tona nuk u morën parasysh. Tani, Rama thotë që opozita është në çadër se nuk do vetingun. Unë i them, qeveri teknike për zgjedhje të lira dhe të ndershme, ku maxhoranca të propozojë kandidatin për kryeministër me aprovimin tonë dhe menjëherë pas kësaj votojmë vetingun sipas marrëveshjes kushtetuese të 21 korrikut.

Fevziu: Po nëse e ndryshonin ligiin dhe sjell qeveri teknike pse nuk e votoni vetingun?

Basha: Kush tha që nuk e votojmë. Absolutisht që po.

Rakipllari: Aktualisht ka një vendim të Gjykatës Kushtetuese për vetingun dhe e ka mbyllur këtë histori…

Basha: Ne kërkojmë zbatimin e këtij vendimi që kërkon ndryshime ligjore. Me këto ndryshime ligjore përfshin dy çështje që duken teknike por janë të rëndësishme për të mos i bërë presion gjyqtarëve dhe prokurorëve nga kriminelët dhe të korruptuarit që të fillojë nga gjykata më e lartë tek më e ulëta dhe të ketë një afat kohor. Me këto ndryshime, PD absolutisht voton vetingun që orën e parë të qeverisë teknike.

Bashkëbisedim në Sheshin e Lirisë për problematikat e Qarkut të Lezhës, për varfërinë, mungesën e vemendjes së shtetit, braktisjen totale të qeverisë. Zgjidhjet që ofron Republika e Re, me qeverisjen për qytetarët.

Paraditen e 68 në Sheshin e Lirisë, kryetari demokrat Lulzim Basha bashkëbisedoi me qytetarët për problemet e banorëve të qarkut të Lezhës. Profesionistë, fermerë, sipërmarrës dhe familjarë ndanë shqetësimet e tyre, të cilat prekin jetën e ccdo qytetari të zonës.

Ema Osmani 38 vjecce, mama e një vajze 15 vjeccare tha se kërkon të gjejë punë në mënyrë që të jetë në gjendje t’i japë vajzës së saj adoleshente të ardhmen që ajo do. Edhe pse e diplomuar në një nga unviersitetet e Stambollit, Ema Osmani e ka të pamundur të gjejë një punë me pagë dinjitoze, pasi ministria e shtetit shqiptar refuzon t’i konvertojë diplomën e huaj.

Dina nga Lezha ngriti zërin për gratë dhe fëmijët jetim të penalizuar nga një Vendim i Këshillit të Ministrave të vitit 2015 për ndihmën sociale. Ajo tregoi historinë e një nëne, djali 40 vjeccar i të cilës për të përballuar jetesën për veten dhe tre fëmijët, u lidh me një grup kriminal për të cilët mbolli hashash. Por ditën kur babai i tre fëmijëve vajti të dorëzonte mallin e korrur dhe paketuar, për të mos e paguar, e vranë.

Jak Pjetri, ekspert i ndihmës ekonomike akuzoi Ministrinë e Mirëqënies Sociale dhe ish-ministrin Blendi Klosi për ligjin për ndihmën ekonomike, i cili nis zbatimin në muajin dhjetor të këtij vitit. Pjetri shpjegoi se Ministria e Mirëqënies ka përcaktuar një tavan (vlerë maksimale) prej 8 mijë lekësh të reja për ndihmën sociale për qytetarët. Pjetri tha se përmes një VKM-je, ministri i kohës Blendi Klosi ka përjashtuar burrat kryefamiljarë nga skema e ndihmës sociale duke lënë vetëm gratë kryefamiljare. Edhe këto të fundit shteti i ndihmon vetëm me nga 6 mijë lekë të reja.

Artur Lazri, pedagogu nga Mirëdita foli për atë që e quajti “corba në arsim, gatuar nga ministria Nikolla”. Drejtorët e shkollave në Mirditë nuk zgjidhen më për profesionalizëm apo eficencë në vendin e punës – tha Lazri – por zgjidhen në bazë të kush ka sjellë më shumë antarësime të reja në parti. Pedagogu denoncoi edhe mënyrën e preferuar të propagandës së “të bërit shtet” të rilindjes: fasadat. Pedagogu tregoi se si gjimnazi kryesor në Rrëshen për momentin është në rikonstruksion, duke i lënë nxënësit jashtë shkollave dhe duke zhvilluar orët e shkurtuara të mësimit me turne. Kemi denoncuar edhe ndërtimin në sheshin e qytetit prej 1.7 miliard lekësh – tha Lazri – para të cilat mund të ishin përdorur për të përmirësuar jetesën e qytetarëve të qarkut.

Ergin Mataj, sipërmarrës turizmi në Lezhë tha se qytetarët po burgosen për një kupon tatimor, ashtu si për faturat elektrike të papaguara nga pamundësia. Kjo tregon mungesën e plotë të shtetit social i cili godet edhe ata që janë përtokë.

Marie Deda iu drejtua kryeminsitrit Rama për t’i thënë se Lezhianët nuk i hanë gënjeshtrat e premtimeve elektorale të pambajtura. Premtoi ulje cmimesh, premtoi se do hapte kanale vaditëse dhe kanale kulluese, premtoi uljen e imputeve dhe premtoi subvencione – tha qytetarja e cila theksoi se këto të fundit janë dhënë vetëm në mënyra selective, ku nga 782 persona, nga këta vetëm 18 morën subvencione, të gjithë njerëz të afërt të pushtetit.

Kryetari Lulzim Basha tha se gjatë katër viteve të Rilindjes në pushtet është munduar të bëhet avokati mbrojtës i qytetarëve të qarkut Lezhë dhe Kukës, problemet e të cilëve i ka parë edhe nga afër në takimet e tij me banorët.

“Kush është në marrdhënie pune, është nën presionin e përditshëm të pasigurisë se, edhe sa do ta ketë atë vend pune; është nën presionin e përditshëm të çmimeve që rriten, fuqisë blerëse që bie, faturave dhe taksave që mbijnë si kërpudhat pas shiut për të rënduar edhe më shumë gjendjen ekonomike dhe gjendjen psikologjike të prindërve dhe fëmijëve që shohin fenomenin më të dhimbshëm në familje, mungesën e shpresës dhe mundësive të pridërve për t’iu ardhur në ndihmë. Biznesi shqiptar sot është jo-konkurues edhe me biznesin e Kosovës dhe të Maqedonisë. Vendet e punës mbyllen me një shpejtësi tragjike, investime të reja nuk ka, fuqia blerëse e shqiptarit është më e ulëta në Ballkan dhe krahasohet me vendet e Afrikës Ekuatoriale. Ndihma ekonomike për njerëzit në nevojë është një tallje, një poshtërim. Eshtë një shuplakë në fytyrën e më të pamundurve, atyre që nuk ia dalin dot të ngrenë kokën. Ka hequr nga skema e ndihmës ekonomike, plot 40 mijë familje, të cilat janë flakur në mëshirën e fatit dhe një pjesë e tyre janë detyruar të largohen në emigracion”.

Zoti Basha tha se përmes qëndresës së qytetarëve është bërë edhe më i dukshëm dallimi mes republikës së vjetër dhe asaj të vlerave europiane që shqiptarët kërkojnë.

“Karshi këtij realiteti që ju e njihni fare mirë sepse e keni në shpinën tuaj, në lëkurën tuaj, kemi një luks të shfrenuar shpenzimesh të degjeneruara të një grushti pushtetarësh të korruptuar. Kjo ndodh kur e blen palmën e autostradës nga 600 deri në 900 euro, e sigurisht që nuk të bëhet vonë për njerëzit që nuk kanë para për të blerë ushqimin e ditës.

Ky është realiteti kriminal, i një kaste që nga humbur çdo lidhje me realitetin me të cilin jetojnë shqiptarët, ka humbur çdo lidhje me popullin e vet, ka humbur çdo ndenjë dhembshurie dhe përgjegjshmërie, në raport, me popullin e vet. Eshtë zgjedhja e Edi Ramës që të harxhojë vetëm në katër muajt e parë të këtij viti 380 milionë euro para të shqiptarëve, për shpenzimet administrative, pra për makinat, zyra, për dieta, për biletat e avionit, për luksin qeveritar. Kjo zgjedhje e Edi Ramës ka në themel mungesën e përgjegjshmërisë para qytetarëve”.

Përmes thyerjes së lidhjes mes oligarkisë dhe pushtetit, dhe me anulimin e cdo koncesioni korruptiv që shpërdoron paratë e qytetarëve, Lulzim Basha premtoi rritje të mirëqënies së banorëve të qarkut Lezhë, Kukës dhe gjithë Shqipërisë.

“Do të çlirojmë qindra milionë euro të taksave të shqiptarëve, me të cilat do t’i përgjigjemi sektorëve më emergjentë që ditën e parë. Ndihma ekonomike e familjeve në nevojë do të dyfishohet brenda vitit të parë të qeverisjes së Republikës së Re. Për çdo fëmijë shqiptar në familjet në nevojë ekonomike, në kuadër të planit tonë për orarin 8 me 4 të shkollave fillore dhe të shkollave të mesme, do ketë një drekë të paguar. Cdo bir, e bijë shqiptari, do të marrë një subvencion prej 30 mijë lekë të vjetra në muaj, si pjesë e paketës tonë për arsim dinjitoz, për shëndetin e fëmjëve shqiptarë.”

Lulzim Basha tha se gjithcka mund të arrihet përmes vullnetit qytetar, politik dhe proceseve institucionale, sapo të sigurohen zgjedhje të lira e të ndershme.

Mesazhi i Lulzim Bashës në ditën e 68 të protestës për zgjedhje të lira e të ndershme

Me dhjetëra herë qytetarët dhe qytetaret e Qarkut të Lezhës, nga Bashkia e Lezhës, nga Bashkia e Kurbinit, nga Bashkia e Mirditës, e kanë nderuar dhe stolisur këtë Shesh të Lirisë duke nisur nga balli i protestës së 18 shkurtit.

Askush nuk e harron, të gjithë e dimë, të gjithë jemi mirënjohës.

Sot në këtë ditë të 68-të të protestës tonë të pandërprerë, në këtë ditë të 68-të të lëvizjes dhe bashkimit më të madh të shqiptarëve për zgjedhje të lira e të ndershme, dua të përsëris nga zemra mirënjohjen dhe falënderimin për burrat dhe gratë fisnike të Qarkut të Lezhës, që na nderojnë sot me praninë e tyre në këtë Shesh të Lirisë, krahas qytetarëve të tjerë të shumtë këtu nga Tirana dhe rrethet e tjera të vendit.

Vëllezër e motra, dje e kishte fjalën Qarku i Fierit, sot Qarku i Lezhës. Një numër i madh problemesh dhe hallesh të shqiptarëve janë njësoj. Ii thanë dje fierakët, lushnjarët, sot i thonë lezhjanët, mirditasit, kurbinasit. Këto janë probleme jetike, të përditshme që kanë të bëjnë me luftën dhe përpjekjen e përditshme për mbijetesë të familjeve shqiptare, teksa shteti kriminal i Edi Ramës i ka privuar dy, në tre raste, edhe ndihmën ekonomike, e cila është në nivele të mjerueshme, totalisht të pamjaftueshme për të paguar edhe faturat e energjisë, e jo më për të mbajtur fëmijët me bukë.

Kush është në marrdhënie pune, është nën presionin e përditshëm të pasigurisë; edhe sa do ta ketë atë vend pune; është nën presionin e përditshëm të çmimeve që rriten, fuqisë blerëse që bie, faturave dhe taksave që mbijnë si kërpudhat pas shiut për të rënduar edhe më shumë gjendjen ekonomike dhe gjendjen psikologjike të prindërve dhe fëmijëve që shohin fenomenin më të dhimbshëm në familje, mungesën e shpresës dhe mundësive të pridërve për t’iu ardhur në ndihmë.

Unë e kam parë dhe prekur këtë realitet anembanë Lezhës, Mirditës dhe Kurbinit, në shtëpitë e banorëve të qyteteve dhe në shtëpitë e fermerëve të zonës. E kam parë dhe e kam prekur mjerimin e tyre, dëshpërimin e tyre por edhe revoltën e tyre të dhimbshme. Për tre vite me radhë, ne, jemi përpjekur të jemi zëri juaj dhe avokatët e çdo shqiptari dhe shqiptareje të ndershëm, pavarësisht prej bindjeve politike të cilët njësoj përjetuan dhe përjetojnë përkeqësimin e gjendjes së tyre ekonomike.

Edi Rama dhe rilindja e kriminalizuar e kanë shkatërruar ekonominë shqiptare, me taksa të larta; me çmimin e karburantit dhe energjisë, në qiell, i ka vënë kazmën çdo sipërmarrje të vogël, të mesme, të madhe, prodhuese, shërbimesh, fermere, eksportuese.

Biznesi shqiptar sot është jo-konkurues edhe me biznesin e Kosovës dhe të Maqedonisë. Vendet e punës mbyllen me një shpejtësi tragjike, investime të reja nuk ka, fuqia blerëse e shqiptarit është më e ulëta në Ballkan dhe krahasohet me vendet e Afrikës Ekuatoriale.

Karshi këtij realiteti që ju e njihni fare mirë sepse e keni në shpinën tuaj, në lëkurën tuaj, në tavolinat tuaja, në xhepat tuaja, në mënyrë të përditshme, karshi këtij realiteti, kemi një luks të shfrenuar shpenzimesh të degjeneruara të një grushti pushtetarësh të korruptuar, të një grushti hajdutësh me pushtet të lidhur me ca hajdutë të tjerë që i ndihmojnë të vjedhin taksat e shqiptarëve, oligarkëve të koncensioneve dhe të korracuar nga një grusht banditësh, kriminelësh, përdhunuesish, trafikantësh, që Edi Rama, i solli në Partinë Socialiste dhe sot i ka bërë deputetë, kryetarë bashkish dhe drejtorë të institucioneve më të rëndësishme në vend.

Kjo është gjendja e vendit. Ky është realiteti 4 vjeçar i rilindjes së krimit dhe krimit të rilindur.

***

Por, sot, tash 68 ditë diçka e madhe ka ndryshuar.

Shqiptarët, që e kanë përjetuar këtë realitet e që janë revoltuar dhe ngritur herë veç e veç e herë në grupe të vogla, që kanë protestuar në mënyrat e tyre, shpeshherë deri në dhimbje, deri në vetëflijim, tashmë janë bashkuar dhe të bashkuar do të qëndrojmë deri në fitoren e kauzës tonë të drejtë.

Kauza e shqiptarëve është që burimet e tyre natyrore, taksat e tyre t’i shërbejnë një populli të tërë dhe të mos jenë në shërbim të një klike, të një duzine të korruptuarish dhe të inkriminuarish, të cilët, përfitojnë tash 4 vjet në kurriz të djersës, sakrificës dhe jetës së gjithë popullit shqiptar.

Kjo kauzë është një kauzë e drejtë tek Zoti, është kauza e rikthimit të shpresës që çdokush, përmes lirisë, do të ketë mundësi të bëjë më të mirën për veten e tij dhe për familjen e tij.

Sot, kjo mundësi është asgjesuar. Eshtë asgjësuar, sepse ekonominë e kanë marrë peng oligarkët me Edi Ramën. Eshtë asgjësuar sepse buxhetin e kontrollojnë pushtetarët e korruptuar me në krye Edi Ramën. Eshtë asgjesuar, sepse siguria në fshtatrat, qytetet, rrugët tona, është zeruar, sepse rendin publik e ka në dorë krimi i organizuar dhe narkotrafikantët me komandant Edi Ramën.

Sapo bëra një bisedë me zonjën këtu, dhe më tha që pensioni që përfiton nga bashkëshorti që ka ndërruar jetë është 3 mijë lekë të reja në muaj dhe këtë e përfiton vetëm në emër të fëmijës që ka.

Çfarë të bësh me 30 mijë lek të vjetra? Çfarë të bësh me këtë shumë?

Çfarë të bësh me këtë shumë?

Fatura e energjisë minimalisht vjen në nivelin 20 mijë lek, shpeshherë 30 mijë lek dhe më lart.

Ndihma ekonomike për njerëzit në nevojë është një tallje, një poshtërim. Eshtë një shuplakë në fytyrën e më të pamundurve, atyre që nuk ia dalin dot të ngrenë kokën.

Si ka mundësi, që shteti shqiptar, i cili sot ka taksa më të larta se para katër vitesh, që mbledh më shumë para nga faturat e energjisë se sa para katër vitesh, që mbledh më shumë para nga faturat e ujit, se para katër vitesh, që ka shtuar më shumë taksa në nivel qendror dhe bashki të administruara nga socialistët në nivel lokal, ky shtet pra, nuk arrin dot të paguajë një ndihmë ekonomike dinjitoze, të paktën të sigurojë mbijetesën e familjeve në nevoje.

Ka hequr nga skema e ndihmës ekonomike, plot 40 mijë familje, të cilat janë flakur në mëshirën e fatit dhe një pjesë e tyre janë detyruar të largohen në emigracion.

Kjo ndodh, kur e blen palmën e autostradës nga 600 deri në 900 euro, e sigurisht që nuk të bëhet vonë për njerëzit që nuk kanë para për të blerë ushqimin e ditës.

Kur e blen shishen e verës sa pensionet e 10 pensionistëve, dhe e pi me banditët në dreka dhe darka, populli nuk është më ndjenjë, por është statistikë, është përçmim, është zero.

Ky është realiteti kriminal, i një kaste që ka humbur çdo lidhje me realitetin në të cilin jetojnë shqiptarët, ka humbur çdo lidhje me popullin e vet, ka humbur çdo ndenjë dhembshurie dhe përgjegjshmërie, në raport, me popullin e vet.

Kjo gjendje nuk është e paracaktuar as nga burimet e Shqipërisë, as nga Zoti. Eshtë zgjedhja e Edi Ramës që ta blejë palmën 600 euro dhe t’i lërë shqiptarët në ndihmë ekonomike, në kufijtë e ekzistencës.

Eshtë zgjedhja e Edi Ramës që t’i investojë për buzëkuqin e rilindjes urbane, për 600 milionë euro sheshe dhe fasada, ndërkohë që, pjesa tjetër e qyteteve dhe fshatrave kridhet në mjerim.

600 milione euro për një infrastrukture që shkatërrohet, për investimet e rilindjes që dalin skarco dhe prishen me shiun e parë.

Eshtë zgjedhja e Edi Ramës që të harxhojë vetëm në katër muajt e parë të këtij viti 380 milionë euro para të shqiptarëve, për shpenzimet administrative, pra për makinat, për zyrat, për dietat, për biletat e avionit, për luksin qeveritar.

Këto janë vendime të vetëdijshme të Edi Ramës. Që paratë që u mblidhen me haraç dhe kërbaç shqiptarëve, mos t’ua kthejë as në investime të vërteta që ndihmojnë ekonominë dhe hapin vende pune, as në rritje pensionesh, rrogash, apo ndihme ekonomike dhe as në ulje taksash për biznesin që hap vende pune apo rrit rrogat.

Kjo zgjedhje e Edi Ramës ka në themel mungesën e përgjegjshmërisë para qytetarëve. Mungesa e përgjegjshmërisë para qytetarëve, ka në themel aleancën e Edi Ramës me krimin e organizuar dhe me narkotrafikun, sepse plani i tij ka qenë dhe mbetet që në zgjedhjet e ardhshme të mos lejojë qytetarët të shprehen me votë të lirë, por t’i grabisë, siç e tha një ndër diplomatët kryesorë në Tiranë, t’i grabisë me paratë e korrupsionit dhe paratë e drogës dhe bandat e drogës që sot kanë kontrollin e plotë të territorit dhe të kufijve.

***

Mirëqenia e shqiptarëve nuk do të ndryshojë, mjerimi i shqiptarëve do të rritet, paratë e shqiptarëve do të vidhen, nëse kjo betejë nuk kurorëzohet me fitore totale dhe të plotë me shpartallimin dhe çmontimin e organizatës kriminale brenda shtetit shqiptar, me shpartallimin dhe çmontimin e kartelit të drogës, brenda shtetit shqiptar dhe me organizimin e zgjedhjeve të lira dhe të ndershme, përfshirë votimin elektronik përmes një qeverie teknike me mbështetje të gjerë politike, që është e vetmja rrugë dhe rruga e ndershme për t’i dhënë fund kësaj krize politike.

Shqipëria i ka resurset për t’iu përgjigjur problemeve të mëdha dhe të jashtëzakonshme në çdo fushë.

Në projektin tonë, që së bashku do ta vemë në jetë, në realitetin kushtetues dhe ligjor konkret të Republikës së Re, që është projekti juaj dhe e vërteta që po afrohet çdo ditë, qeveria dhe kryeministri kurrë nuk do të harxhojnë 900 euro për një palmë, kur qytetarët shqiptarë vuajnë për bukën e gojës.

Nuk do të harxhojë kurrë 600 milionë euro për pllaka, tualet dhe buzëkuq, kur infrastruktura kombëtare shkon drejt rrënimit, kur fermerët nuk kanë ujë për arat e tyre, nuk kanë rrugë aksesi, nuk kanë tregje.

Dhe kur e blejnë naftën sa frengu pulën apo sa kryeministri për benzin e tij, siç na thoshte para katër vitesh, por sot e ka bërë edhe më të shtrenjtë me politikat e tij mizore ndaj fermerëve.

***

Republika e Re i ka të gjitha mundësitë.

Ne do të nisim me çmontimin e oligarkisë të koncesioneve, duke anuluar çdo koncesion korruptiv, nga i pari, tek i fundit.

Do të çlirojmë qindra milionë euro të taksave të shqiptarëve, me të cilat do t’i përgjigjemi sektorëve më emergjentë që ditën e parë.

Ndihma ekonomike e familjeve në nevojë do të dyfishohet brenda vitit të parë të qeverisjes së Republikës së Re.

Për çdo fëmijë shqiptar në familjet në nevojë ekonomike, në kuadër të planit tonë për orarin 8 me 4 të shkollave fillore dhe të shkollave të mesme, do ketë një drekë të paguar. Cdo bir, e bijë shqiptari, do të marrë një subvencion prej 30 mijë lekë të vjetra në muaj, si pjesë e paketës tonë për arsim dinjitoz, për shëndetin e fëmjëve shqiptarë.

Këto para, këto lek, i ndan sot Edi Rama me oligarkët dhe hajdutët e tij.

Me Republikën e Re, këto lekë do të vijnë tek ju, do të vijnë tek fëmijët tuaj.

Që të ndodhë kjo, këto lekë duhet t’ia marrim oligarkisë dhe t’ia kthejmë qytetarëve.

***

Ky është një proces institucional që mund të ndodhë vetëm përmes zgjedhjeve të lira dhe të ndershme.

Kur them që do t’ia marrim, nuk them se do të sulemi në zyrat e shtetit, por do të largojmë nga zyrat e shtetit, oligarkët, klientët e pushtetit duke larguar pushtetarët e korruptuar, që nuk e shohin mjerimin e qytetarit të thjeshtë, që nuk e shohin vuajtjen tuaj, që nuk e dëgjojnë ankesën tuaj, nuk e ndjejnë dhimbjen tuaj, se ju zënë sytë zhaget e oligarkëve dhe të korruptuarve, me të cilët vjedhin ditë për ditë buxhetin e shtetit, të ardhurat e tuaja.

Kështu pra kalon rruga për t’i kthyer paratë e shqiptarëve, tek shqiptarët, për t’ia hequr derrave të majmur të korrupsionit, dhe për t’ia kthyer fëmijëve shqiptarë, pensionistëve shqiptarë, studentëve shqiptarë, sipërmarrësve shqiptarë, fermerëve shqiptarë, artit dhe kulturës shqiptare, arsimit shqiptar dhe shëndetësisë shqiptare.

Në këtë projekt, guri i parë janë zgjedhjet e lira dhe të ndershme. Vetëm kur qytetarët të kenë mundësi të zgjedhin me votën e tyre, mund dhe do të fillojë zbatimi i projektit të Republikës së Re.

Dje Edi Rama e bëri të qartë se është gati të dorëzojë ministrat e tij, se është gati të dorëzojë kreun e KQZ-së, se është gati të dorëzojë zyrtarët e policisë e kudo tjetër, por nuk është gati të dorëzojë karriken e tij.

Merri, çfarë problemi ka, merri ministrat, merr këtë, merr atë, sepse kështu funksionojnë këta, merr, merr, jep e merr, merr e jap, jap e merr, kështu e kanë mendjen, kështu funksionon pazari i peshkut të qelbur nga koka, dhe tani duan të fusin edhe Partinë Demokratike dhe Lulzim Bashën në këtë pazar.

Që ta braktisim këtë kauzë popullore, që të bëjmë pazarin tonë me Edi Ramën, që të bëjmë pazarin tonë politik për interesat tona politike dhe vetjake dhe të braktisim ëndrrën e shqiptarëve për një Republikë të Re, ku zotër të jenë qytetarët.

Kjo është ëndrra e një nate vere e Edi Ramës dhe Ilir Metës, që nuk do të bëhet kurrë realitet.

Partia Demokratike, unë dhe aleatët tanë, jemi të vendosur të qendrojmë fuqimisht dhe vendosmërisht, krah për krah qytetarëve të thjeshtë të këtij vendi, krah për krah protestuesve të lirisë dhe qindra mijëra shqiptarëve të tjerë, deri në realizimin e plotë dhe total të kërkesave që populli ka shtruar për zgjidhje.

***

Ne nuk duam pushtet në tavolinë, nuk kemi kërkuar dhe as nuk do të pranojmë pushtet në tavolinë.

As poste ministrash, as post Presidenti, asnjë post për të bërë kompromis të ndyrë në kurriz të zgjedhjeve të lira e të ndershme, që janë vendimi i këtij bashkimi popullor.

Nuk kemi kërkuar pushtet në tavolinë.

Kemi kërkuar qeveri teknike, me kryeministër teknik, me ministra teknikë të cilët gëzojnë besimin e gjithë palëve në politikë. Nuk kemi qenë përjashtues, përkundrazi, ju kemi thënë që propozimet për emrin e kryeministrit teknik le të vijnë nga partia më e madhe e shumicës, sigurisht me miratimin e opozitës siç është tradita e qeverisë teknike.

Por Edi Rama refuzon të ndahet nga karrikia e tij. Edi Rama thotë se për katër javë do të bëjë dekriminalizimin që nuk e bëri për katër vjet.

Edi Rama thotë se për katër javë do të luftojë drogën që e mbolli, e bekoi dhe e korri për katër vjet.

Mos harroni! Mos harroni!

Katër vjet, nuk tha asnjë fjalë kundër drogës. E inkurajoi atë drejtpërdrejt dhe në mënyra të tërthorta. E mbrojti dhe e mbron atë. Katër vjet, luftoi orë e minutë për të mbrojtur kriminelët, që solli në karriket e pushtetit.

Orë e minutë, dhe tani që është ligji për Dekriminalizimin, pengesa e vetme për ta zbatuar, është Edi Rama.

Ky njeri që nuk e pa, nuk e njohu, nuk e luftoi drogën, ky njeri që i solli kriminelët në Partinë Socialiste dhe në krye të institucioneve, ky pra na premtoka që për katër javë do ta zgjidhë problemin nëse Partia Socialiste, Partia Demokratike bien dakord të zëvendësojnë disa ministra.

Ky është një propozim qesharak. Po të mos ishim në këto kushte të rënda të vendit, na takon të qeshim ma aq forcë sa do të mbanim barkun me dorë nga dhimbjet, por nuk është koha për të qeshur.

Eshtë koha për të thënë se, Edi Rama nuk largohet nga karrikia dhe nuk pranon një qeveri teknike, sepse me qeveri teknike nuk kalon koncensioni 100 milionë euro për laboratorët, që i jepet mikut të Vilma Nushit, e cila i ka marrë tashmë 100 milionë të tjera për check-up-in.

Me qeveri teknike bie torta e pazarit me oligarkët.

Po të ketë qeveri teknike, skafi me tre motorë të fuqishëm të Habilajve që ka tash 4 ditë në llucin e Ishmit, dhe për të cilin hesht Edi Rama, hesht Fatmir Xhafaj dhe asnjë media akoma nuk ka gjetur kurajon të shkojë ta filmojë, do të ishte sekuestruar dhe të zotët do ishin para drejtësisë.

Me qeveri teknike, do të ishte e pamundur që policëve shqiptarë, mësuesve shqiptarë, mjekëve dhe infermierëve shqiptarë, prindërve shqiptarë, t’u bëje presion për të regjistruar identitetin e tyre dhe të dhënat e tyre personale, për të marrë dhe fotokopjuar kartat e identitetit në funksion të një shteti-parti dhe një partie-shtet, që bëhet gati të shkojë në votime pa opozitën.

Prandaj nuk e do qeverinë teknike, se me qeverinë teknike marrin fund skemat e koncensioneve korruptive dhe bie shtylla e fuqisë së krimit të organizuar që është vetë pushteti kryeministror i Edi Ramës.

***

Dhe për të njëjtat arsye, kemi thënë dhe do ta themi deri sa ta bëjmë realitet, se zgjedhje pa qeveri teknike dhe pa largimin e Edi Ramës nuk ka e nuk do të ketë. Nuk ka e nuk do të ketë votime monopartiake, me Partinë Socialiste dhe bishtat e Partisë Socialiste sido që të quhen sot, nuk ka e nuk do të ketë votime monopartiake.

Sot dëgjuam një propozim nga Beni, i cili në mëngjes thoshte të bëjmë një mocion kundër Ramës për të rrëzuar Ramën në Parlament. E keni dëgjuar besoj apo jo?! Duke marrë të mirëqenë se do ta ketë të njëjtin mendim deri në darkë, siç e ka edhe në mëngjes, se e ka këtë problem, që ndryshon, dua t’i shpjegoj me dashamirësi çdo qytetari se përse kjo nuk funksionon.

Ne kërkojmë një zgjidhje gjithëpërfshirëse.

Ne nuk duam përjashtimin e Partisë Socialiste nga qeveria teknike, e kemi thënë prej fillimi se duhet të ketë mbështetje të gjerë politike, si fondamenti i një procesi elektoral me premisa barazie, i paqes dhe bashkëjetesës demokratike. Duam pra, një zgjidhje gjithpërfshirëse dhe jo përjashtuese. Ne nuk duam që përmes një procesi, t’i pararendim gjykimit të qytetarëve me votë. Duam që qytetarët të gjykojnë dhe të votojnë të lirë dhe të pakërcënuar.

Se ftesa jonë i është drejtuar çdo formacioni të madh politik në vend për t‘i dhënë Shqipërisë një qeveri teknike me mbështetje të gjerë politike me mandatin e paracaktuar.

***

Koha për ta zgjidhur këtë me dialog po shkon drejt mbarimit.

Më mirë vonë se kurrë. Çdo minutë reflektim është i mirëpritur, por le ta bëjmë fare të qartë sot, se duke nisur nga sot, kjo lëvizje e madhe popullore, po bëhet gati të shtrihet e të çlirojë sheshet dhe rrugët e republikës së vjetër përmes një aksioni të përshkallëzuar politik, përmes akteve të mosbindjes civile të cilat do të shpalosen njëri pas tjetrit.

Votime pa opozitën nuk do të ketë.

Zgjedhje të diktuara nga krimi nuk do të ketë.

Javën e ardhshme, nis bashkimi i armatave paqësore të Republikës së Re, nga jugu në veri, nga lindja në perëndim.

Fushëbeteja jonë e parë dhe fitorja e parë e popullit të bashkuar kundër zgjedhjeve fasadë, është Kavaja e lirisë dhe demokracisë.

Protestues të lirisë, maratonomakë të Republikës së Re, qytetare dhe qytetarë, të reja dhe të rinj, lë te bashkohemi me marshimin e javës që vjen.

Qytet më qytet, qark më qark, këtu në Tiranë dhe në Kavajë për t’i treguar Shqipërisë dhe mbarë botës, se ky vend ka Zot qytetarët e tij, jo krimin, jo drogën, jo oligarkinë dhe as qeverinë e kapur nga krimi.

Të gjithë bashkë në një bashkim edhe më të madh se i 18 shkurtit, do të përballemi dhe do të fitojmë betejën tonë, për Kavajën pa krim, pa drogë, për Shqipërinë pa krim pa drogë.

Beteja jonë do të shkojë totalisht, dhe e pathyeshme, deri në fitoren e kauzës së drejtë popullore.

Zoti e bekoftë Kurbinin, Mirditën, Lezhën!

Zoti i bekoftë shqiptarët!

Zoti e bekoftë Shqipërinë!

Më lejoni ta nis fjalën time sonte me një falenderim dhe mirënjohje të thellë për David McAllister, kryetarin e Komisionit të Punëve të Jashtme në Parlamentin Europian, njëkohësisht zv/president i Partisë Popullore Europiane, si dhe për eurodeputetin Knut Fleckenstein, raporterin për Shqipërinë në Parlamentin Europian, të cilët erdhën sot në Shqipëri dhe nuk kursyen asnjë përpjekje për ti kontribuar një zgjidhjeje reale të krizës politike që ka mbërthyer vendin tonë. Falenderimet dhe mirënjohjen time, Partisë Demokratike, opozitës dhe cdo qytetari protestues.

Për fat të keq, përpjekja e dy ndërmjetësuesve europianë nuk pati sukses. Kjo, sepse Edi Rama refuzon qeverinë teknike të zgjedhjeve të lira si zgjidhjen e vetme, por edhe si zgjidhjen e ndershme për të krijuar kushte dhe premisa të barabarta për zgjedhje të lira dhe të ndershme, duke zbatuar ligjin për dekriminalizimin, pra duke larguar kriminelët nga institucionet shtetërore, duke luftuar trafikun e drogës, kultivimin dhe paratë e drogës si kërcënim jetik për demokracinë dhe për votën e lirë të qytetarëve shqiptarë dhe duke garantuar reformën zgjedhore sipas rekomandimeve të OSBE/ODIHR-it, përfshirë edhe votimin biometrik elektronik dhe numërimin elektronik të votës.

Ky refuzim, ka për bazë frikën e Edi Ramës për të lëshuar karriken kryeministrore dhe për të lëshuar kështu garancitë që ai i ka dhënë tash 3 vite e gjysëm krimit të organizuar dhe narkokartelit në narkorepublikën që ka ndërtuar me duart e tij.

Ju duhet ta dini se Partia Demokratike ka rënë dakord me një numër të madh propozimesh të natyrës teknike, të cilat do të ndihmonin për të përshpejtuar procesin e dekriminalizimit dhe për të luftuar me të vërtetë drogën. Por, Partia Demokratike, opozita dhe qytetarët e ndershëm të këtij vendi, të majtë e të djathtë, nuk mund të pranojnë kurrë që këto detyra, të cilat Edi Rama me vetëdije nuk i kreu gjatë kohës që ishte ne qëverisje, këto detyra, që nuk i kreu sepse beri të kundërtën duke sjellë kriminelët në parlament në krye të bashkive dhe institucioneve publike të vendit, duke e kthyer Shqipërinë në një hambar droge për përfitime pasurore dhe të pushtetit të tij, ky njeri pra, që dështoi të bëjë detyrat e tij para shqiptarëve tash 4 vite, do të mund ti bënte ato në këto 4 javë që i kanë mbetur të mandatit të tij.

Asnjë mendje e shëndoshë nuk mund të pranojë që njeriu që shkaktoi kriminalizimin e Shqipërisë, që e ktheu Shqipërinë Kolumbinë e Europës, do të jetë po kështu përgjigja për këto probleme në më pak se katër javë që i kanë mbetur nga mandati i tij.

Ndaj, kushti i patjetërsueshëm për zgjedhje të lira dhe të ndershme, mbetet qeveria teknike me mandatin popullor për të luftuar drogën, për të nxjerrë jashtë institucioneve kriminelët dhe për të krijuar kushtet për zgjedhje të lira dhe të ndershme duke përfshirë votimin dhe numërimin elektronik.

Dua po kështu të denoncoj dhe të dënoj aktin e turpshëm të kondicionimit të luftës kundër drogës dhe kriminalizimit me gjoja votën për vetingun. Dua ti them sot cdo shqiptari dhe miqve tanë ndërkombëtarë, se kjo nuk është cështje, ose ose, ose dekriminalizim dhe drogë, ose veting, por, është cështje, edhe edhe.

Partia Demokratike angazhohet solemnisht para qytetarëve shqiptarë se me një qeveri teknike të zgjedhjeve të lira e të ndershme, do të zbatohet plotësisht ligji për dekriminalizimin, do të luftohet droga, do të krijohen kushtet për zgjedhje të lira dhe të ndershme dhe do të nisë menjehere zbatimi për vetingun, sipas përcaktimeve kushtetuese dhe marrëveshjes politike të 21 korrikut.

Edi Rama, nuk do as zgjedhje të lira, as veting të vertetë që të pastrojë drejtësinë nga gjyqtarët dhe prokurorët e korruptuar, sepse i trembet demokracisë së vërtetë dhe drejtësisë së vërtetë.

Në këtë përballje, ka patur dhe do të ketë perballe jo vetëm opozitën por të gjithë qytetarët e ndershëm shqiptarë.

Ne, nuk do të pranojmë zgjedhje fasadë, të diktuara nga krimi dhe droga, as veting fasadë të diktuar nga Edi Rama dhe interesat e tij korruptive dhe kriminale.

Ne jemi të vendosur të vazhdojmë pa kthim betejën tonë, betejën popullore për zgjedhje të lira dhe të ndershme, përmes një qeverie teknike, për veting të vërtëtë, vetëm sipas përcaktimeve kushtetuese të 21 korrikut dhe marrëveshjes politike të 21 korrikut.

Shembulli i kësaj lëvizje të paprecedentë në Shqipëri dhe Europë, frymëzon çdo shqiptare e çdo shqiptar të ndershëm dhe miqtë e Shqipërisë demokratike, të lirë dhe europiane.

Të vendosur, do të vazhdojmë qëndresën tonë në këtë monument të lirisë, në çadrën e lirisë, në sheshin e lirisë. Dhe javën e ardhshme do të nisim përshkallëzimin e mosbindjes civile anembanë Shqipërisë, për t’i treguar Edi Ramës dhe tiranisë së krimit dhe drogës se, koha kur në Shqipëri bëheshin votime por jo zgjedhje, ka marrë fund një herë e mirë.

Nuk do të ketë më kurrë votime dhe jo zgjedhje. Nuk do të ketë kurrë pushtet pa opozitë.

Republika e Re po agon dhe nuk do të ketë forcë mbi tokë që ta ndalë.

Zoti ju bekoftë ju!

Zoti i bekoftë shqiptarët!

Zoti e bekoftë Shqipërinë europiane!

Mesazhi i Lulzim Bashës sonte, pas refuzimit të Edi Ramës, për të zgjidhur krizën politike, 25 Prill 2017

Bashkëbisedim në Sheshin e Lirisë për gjendjen e sotme në Qarkun e Fierit, shkatërrimin e ekonomisë, të arsimit, të shëndetësisë. Varfëria dhe ikja masive e të rinjve, shpërdorimi dhe pasurimi i oligarkëve me pasuritë e mëdha që ka ky qark, si nafta dhe bujqësia.

Paraditen e së martës në Sheshin e Lirisë, qytetarë të Fierit nga shtresa të ndryshme shoqërore, profesionale, ekonomike dhe sociale bashkëbiseduan me kryetarin demokrat Lulzim Basha lidhur me problematikat që ata dhe bashkëqytetarë të tyre hasin në qarkun e Fierit.

Emiljano Mone, me profesion inxhinier denoncoi planin e kësaj qeverie për ndërtimin e një inceneratori, për të cilin, qytetarët e Fierit kanë dalë në protestë. Ai tha se ndërtimi i këtij inceneratori, jo vetëm shkel kushtet bazë të nevojshme, si largësia nga vendet e banuara apo pikat e furnizimit me resurse natyrore (elektricitet, gaz etj.)por mbi të gjitha është vendosur të ndërtohet pa i pyetur fare banorët e zonës, si e kërkon edhe ligji. Emiljano Mone akuzoi qeverinë se po përdor resurset natyrore të Fierit dhe gjithë Shqipërisë vetëm për pasurimin e tij dhe të disa kompanive të lidhura me të.

Altin Malokaj, specialist bujqësie tha se fermerët fierakë përballen me faktin se nuk kanë treg ku të sheshin prodhimet e tyre, të cilët i lënë në ara, ku dhe i kalben duke çuar dëm punën dhe mundin e tyre. Mungesa e rrugëve e ndërthurur me rritjen e vazhdueshme të çmimit të naftës e bëjnë edhe më të pamundur transportin e mallit.

Ermal Stefa nga Lushnja tregoi për një studim të kryer me një kompani kosovare për bujqësinë dhe fermerët. Shqetësimi kryesor i tyre ishte mossubvencionimi, akciza e lartë dhe tregu i shitjes – tha ai – dhe fermerët thonë gjithashtu se po  u kalben perimet dhe frutat në sera sepse prodhojnë por nuk kanë ku të shesin.

Erlind Kapllani, tregoi se sipërmarrësit fierakë, mes të cilëve edhe ai vetë, kanë mbyllur qepenat pasi nuk përballojnë dot taksimin e lartë dhe fuqinë blerëse të dërrmuar të qytetarëve fierak.

Financierja Luljeta Sejko tha se falimentimi i sipërmarrësve vjen jo vetëm si shkak i rritjes së taksave dhe tarifave vendore dhe qendrore, por edhe për shkak të investimeve selektive. Tenderat i marrin ato firma që janë pranë kryetarit të Bashkisë  – tha Luljeta Sejko duke sjellë edhe disa shifra. Si mund të besohet, tha Sejko, se rritja ekonomike ka ardhur me 3.4% kur njëkohësisht shifra e papunësisë është rritur dhe pagat jo.

Ylli Salaj inxhinier nga Patosi, tha se i vetmi moment kur rilindja ka investuar për Fierin ishte për betonizimin e tij dhe projektin e Rilindjes Urbane. Investohet aty ku është investuar tre-katër herë më parë – tha inxhinieri duke akuzuar kryeministrin, se po shpërdoron pa përgjegjësi paratë e popullit në projekte fasada pa asnjë funksion lehtësues në jetën e qytetarëve.

E tillë ishte dhe dëshmia e Alban Ferros, mjekut i cili denoncoi falimentimin e shëndetësisë në spitalin e Fierit. Spitalit i ka bërë një fasadë të bukur, por pas saj ka vetëm skamje – tha mjeku duke vijuar më tej – salla operatore ishte bosh dhe për këtë arsye, shumë mjek të mirë reaguan dhe pezulluan operacionet në spitalin e Fierit. Ferro kërkoi që në Republikën e Re t’i kthehet dinjiteti bluzave të bardha sepse sipas tij, hajdutët e vërtetë fshihen pas koncesioneve, jo pas uniformave të bardha.

Në anën tjetër Zana Numani, me një eksperiencë mbi 25 vite në arsim në Fier, tha se kjo mungesë investimesh dhe infrastructure, rëndon edhe mbi supet e fëmijëve të tyre, të cilët duhet të përshkojnë kilometra të tëra për të mbërritur në shkolla që janë pa ngrohje, pa laboratorë apo mjete didaktike të nevojshme për edukimin e tyre. Numani e përshkroi situatën e mësuesve sot me një citim nga Pashko Vasa: Më thuaj tani mësues si je, si një lis i rrëzuem përdhe.

Kryetari Lulzim Basha i tha bashkëbiseduesve të Fierit, se gjendja e tyre e jetesës, jo vetëm nuk duhet të ishte ajo e varfërisë dhe skamjes, por duhet t’i përgjigjej gjithë këtyre pasurive dhe aseteve përmes investimeve në përmirësimin e jetës së qytetarëve të qarkut Fier.

“Një qark me pasuri të jashtëzakonshme natytore, siç është nafta, në këtë qark gjendet pellgu më i madh naftëmbajtës në Shqipëri, Ballkan dhe Europë. Në këtë qark ndodhet sasia më e madhe e tokës së punueshme bujqësore në Shqipëri. Në këtë qark kalon dhe një nga investimet kryesore të huaja në Shqipëri, gazsjellësit TAP, i kontraktuar gjatë qeverisjes së kaluar, me të cilën vetëmburret kryeministri i dështuar i këtyre 4 viteve, që nuk ka sjellë një investim të huaj, por ka larguar disa investime përmes pasigurisë, krimit dhe korrupsionit. E megjithë këto pasuri, resurse dhe asete, prapë se prapë, banorët e Qarkut të Fierit jetojnë në varfëri dhe një pjesë prej tyre në varfëri ekstreme. Numri i bizneseve që janë mbyllur në Qarkun e Fierit, është i dytë më i larti në Shqipëri. Numri i të rinjve që janë larguar në këto 4 vite nga Qarku i Fierit, është i dyti në Shqipëri, pas Qarkut të Kukësit. Sasia totale e taksave të rritura që qytetarët e Fierit paguajnë, përllogaritet në 250 milionë euro në vit më shumë”, tha Basha.

Lulzim Basha theksoi se e vërteta e fierakëve është bërë më e dhimbshme nga viti në vit duke vënë përballë tyre realitetin e shtetit të Edi Ramës.

“Dje është firmosur një koncension i ri plot 100 milionë euro për laboratorët e mjekësisë, një skemë e pastër vjedhje dhe korrupsioni e cila firmoset në prag të zgjedhjeve, si pjesë e pazareve të peshkut që është qelbur nga koka dhe si lajtmotiv i republikës së vjetër që është komploti ekonomik kundër xhepave, tryezave dhe fateve të çdo shqiptari dhe çdo shqiptareje. 100 milionë euro do të mjaftonin që çdo vit çdo pensionist të kishte rritje 25% pensioni, por nuk ka rritje pensioni për pensionistët, sepse lekët i vjedh Edi Rama me hajdutët e tij”, tha Basha.

E vetmja mënyrë për t’i dhënë fund këtij komploti në kurriz të fierakëve, është sigurimi i zgjedhjeve me votë të lirë  që do të garantojë një republikë të re në interes vetëm të qytetarëve.

“Përmes zgjedhjeve të lira dhe të ndershme ku  qytetartë do të kenë fatin e tyre në dorën e tyre dhe qeveria që del do të jetë përgjegjësë para tyre dhe jo para oligarkëve jo para kriminelëve. Qeveria e re, e Republiës së Re, do të investojë 150 milion euro në vit në bujqësi nga të cilat 100 milion do të jenë subvecione të drejtëpërdrejta për fermerët.

Biznesi i vogël nuk do ta shohë e nuk do ta njohë më taksidarin shqiptar. Me një pullë të vetme të fiksuar në derën apo dritaren e biznesit të vogël, cdo taksidar që do të futet brenda do të prangoset për korrupsion nga policia e re e Republikës së Re. Shqiptarët në qeverinë e re të republikës së re do të shohin investime për  shkollat e fëmijëve të tyre. Në asnjë qytet, në asnjë lagje, në asnjë fshat nuk do të ketë ndërtesë më dinjitoze se godina e shkollës. Fëmijët shqiptarë do të një rregjim europian të shkollimit.

Nga ora 8 e mëngjesit deri në orën 4 të pasdites, pas mësimit do të kenë mundësinë të bëjnë detyrat ose të angazhohen në sport, në kulturë, në gjuhë të huaja, nën mbikqyrjen e mësuesve shqiptarë rrogat e të cilëve do të jenë dy herë më të larta se sot, me paratë që do tu marrim hajdutëve të koncesioneve dhe korrupsionit”, tha Basha.

Mesazhi i Lulzim Bashës në ditën e 67 të protestës për zgjedhje të lira e të ndershme 

Sot në agorën e lirisë kanë ardhur përfaqësues të fushave dhe shtresave të ndryshme shoqërore, ekonomike, intelektuale, të Qarkut të Fierit. Nga Fieri, Lushnja, nga Patosi dëgjuam disa prej dëshmive rrënqethëse të të vërtetave të dhimbshme që përjetojnë çdo ditë banorët e Qarkut të Fierit, qarku i dytë më i madh në Shqipëri pas Qarkut të Tiranës. Një qark me pasuri të jashtëzakonshme natytore, siç është nafta, në këtë qark gjendet pellgu më i madh naftëmbajtës në Shqipëri, Ballkan dhe Europë. Në këtë qark ndodhet sasia më e madhe e tokës së punueshme bujqësore në Shqipëri.

Në këtë qark kalon dhe një nga investimet kryesore të huaja në Shqipëri, i kontraktuar gjatë qeverisjes së kaluar me të cilën vetëmburret kryeministri i dështuar i këtyre 4 viteve, që nuk ka sjellë një investim të huaj, por ka larguar disa investime përmes pasigurisë, krimit dhe korrupsionit, dhe ky është gazësjellësi TAP.

E megjithë këto pasuri, resurse dhe asete, prapë se prapë, banorët e Qarkut të Fierit jetojnë në varfëri dhe një pjesë prej tyre në varfëri ekstreme. Numri i bizneseve që janë mbyllur në Qarkun e Fierit është i dytë më i larti në Shqipëri. Numri i të rinjve që janë larguar në këto 4 vite nga Qarku i Fierit, nga zonat urbane, nga qytetet kryesore, Fieri, Lushnja dhe qytete të tjera dhe nga zonat rurale është po kështu, i dyti në Shqipëri pas Qarkut të Kukësit.

Fieri ka përjetuar deri në kockë shkatërrimin ekonomik të rilindjes së inkriminuar të Edi Ramës. Fieri nuk ka parë akoma një ditë të bardhë, asnjë premtim të mbajtur nga fushata zgjedhore me të cilën  Edi Rama, në Qarkun e Fierit doli fitues.

Asnjë premtim nuk është mbajtur. Sasia totale e taksave të rritura që qytetarët e Fierit paguajnë, përllogaritet në 250 milionë euro në vit më shumë. Nga 1 miliardë e 500 milionë që paguan më shumë e gjithë Shqipëria, 1/6 e paguan Qarku i Fierit, dhe këtu nuk llogariten taksat e veçanta që duhet të inkasohen për shkak të burimeve të veçanta natyrore siç është nafta.

Mund ta themi me gojën plot, që nëse këto 4 vite, Edi Rama ka ndërtuar përmes qeverijes së tij të korruptuar dhe kriminale një Aparteid të vërtetë, ku në një anë janë shumica dërrmuese e shqiptarëve të djathtë e të majtë dhe në anën tjetër një klikë, një grusht pushtetarësh të lidhur me një grusht kriminelësh dhe një grusht oligarkësh, fierakët dhe lushnjarët dhe gjithë banorët e Qarkut të Fierit janë në krye të këtij grupi të madh shqiptarësh që Aparteidi i Edi Ramës e ka ndarë në dysh.

Keni dëgjuar Edi Ramën dhe ushtrinë e sharësve të tij me pagesë, që janë prapa këtyre mureve, janë nja 50 sharës me pagesë që paguhen me lekët e taksapaguesve shqiptarë, që do shkojnë të gjithë para drejtësisë në Republikën e Re, sepse, në vend që të bëjnë punë për shqiptarët, merren me sharjen e kundërshtarëve të Edi Ramës; shajnë opozitën, shajnë mediat, shajnë kundërshtarët e tij brenda Partisë Socialiste, sharës me pagesë, por lekët i marrin nga qytetarët dhe këta shares, njësoj si padroni i tyre mbjellin përçarjen dhe urrejtjen, i fryjnë përçarjes kombëtare dhe një nga shprehjet e tyre të preferuara për t’i fryrë përçarjes ëshët shprehja “malok”. E keni dëgjuar apo jo?!

E vërteta është se Edi Rama ka qenë njësoj dorërëndë për xhepat e malokëve të veriut dhe malokëve të jugut, njësoj dorërëndë për malësi e për fushë, njësoj hajdut karshi demokratëve dhe socialistëve, njësoj mashtrues dhe i pashpirt me çdo shqiptar e çdo shqiptare.

Të vetmit njerëz që Rama ka favorizuar, ka pasuruar, ka ngritur në pushtet janë një tufë kriminelësh dhe ata nuk i diskriminon, i ka edhe nga jugu edhe nga veriu kriminelët, çetën e kriminelëve me të cilët qeveris Shqipërinë që është e vetmja konstituencë, i vetmi grusht njerëzish që ka bërë hajër në rilindjen e tij të inkriminuar dhe krimin e rilindur në këto 4 vite të qeverisjes së tij.

Fieri, mbajeni mend mos e harroni pra; Fieri është në krye të listës si qark për diskriminim, për numrin më të madh të personave të larguar, i dyti pas Kukësit, për sasinë më të madhe të taksave të shtuara, për rëninen në pikiatë të ekonomisë, sigurisë dhe mirëqenies në Qarkun e Fierit.

Dëshmitë e sotme janë vetëm maja e ajsbergut.

Unë kam qënë në Fier shumë herë këto 4 vite si kryetar i opozitës, në qytetet e këtij qarku, kam qenë në fshatrat e këtij qarku, pa filtra, jo për propagandë, por për të njohur dhe parë gjendjen, ashtu siç është. Dhe ju them, siç u kam premtuar qindra-mijëra qytetarëve, fermerëve, të rinjve, të rejave, pensionistëve, të papunëve, biznesit të vogël, se të vërtetën e tyre, do ta them ashtu siç e kam parë.

Dhe e vërteta e tyre është bërë me e dhimbshme nga viti në vit; vuajtjet e tyre janë shtuar, papunësia është rritur, pamundësia për të mbyllur muajin është halli kryesor në çdo fshat dhe qytet të Qarkut të Fierit. Dhe gjithmonë, togfjalëshi që dëgjoj kudo nga jugu në veri, nga lindja në perëndim, dhe këtu në Tiranë, është : “Nuk ka lekë, s’ka lekë, s’ka punë, s’ka mundësi!”. E pra, sot që flasim për këto halle të vërteta të shqiptarëve sot e kemi fare të qartë se ku shkojnë këto lekë.

***

Dje është firmosur një koncension i ri plot 100 milionë euro për laboratorët e mjekësisë, një skemë e pastër vjedhje dhe korrupsioni e cila firmoset në prag të zgjedhjeve, si pjesë e pazareve të peshkut që është qelbur nga koka dhe si lajtmotiv i republikës së vjetër, që është fasada e komplotit ekonomik kundër xhepave, tryezave dhe fateteve të çdo shqiptari dhe çdo shqiptareje.

Kjo është Shqipëria e Edi Ramës, kjo është republika e vjetër. Fasadë në kryeministri, fasadë në Kuvend, fasadë në demokraci, fasadë zgjedhje, fasadë pushtet vendor, fasadë investime, vetëm investime fasadë. Prapa fasadës, krime, drogë dhe hajdutëri e rilindjes së inkriminuar dhe krimit të rilindur.

Shikoni se sa e urren kjo çetë e korruptuar kriminale popullin e vetë. Vjedhin përmes konçesioneve të cilat paguhen me paratë e buxhetit të shtetit. Pra, rrisin taksat, u marrin ju kacidhen e fundit si taksë e shtuar, si taksë e re, si faturë e rritur e energjisë, si faturë e rritur e ujit, si ato taksat që shpikin, i mbledhin të gjitha dhe pastaj në vend që t’i investojnë për ju, ia japin kompanive fantazëm. 100 milionë euro do të mjaftonin që çdo vit, çdo pensionist të kishte rritje 25% pensioni, por nuk ka rritje pensioni për pensionistët, sepse lekët i vjedh Edi Rama me hajdutët e tij, në Ministrinë e Shëndetësisë, me Ilir Beqën, dhe Ilira Beqën që ka vënë tani. Nuk ka rëndësi emri i ministrit, sepse hajduti numër një është vetë Edi Rama, madje hajdut me bankë.

Oreksi vjen duke ngrënë. Vjedhin paratë e buxhetit, por ai buxhet, laj thaj 4 miliard euro në vit është. Kështu që, kanë shpikur mënyra të tjera për të vjedhur shqiptarët, por tani, jo thjesht në kurriz të xhepave të shqiptarëve, por në kurriz të shëndetit të shqiptarëve dhe kjo është skema e ndërtimit të inceneratorëve, djegësve të plehrave. Djegësi i plehrave në Elbasan, është pararendësi i kësaj skeme korruptive, projekt i mafias ndërkombëtare të plehrave, me seli në Itali dhe me investim kryesor në Ballkan, Edi Ramën.

Prandaj duan ligjin e mbetjeve, sepse duan që në Elbasan, në Fier, në Tiranë, në Durrës, anembanë Shqipërisë, t’i marrin shpirtin këtij populli, t’i shpifin kancerin këtij populli, duke djegur këtu në Shqipëri plehrat e Italisë dhe gjithë Europës, vetëm për të mbushur xhepat e tyre dhe të mafias ndërkombëtare të plehrave që qëndron pas tyre.

Po, nuk i mjaftojnë koncesionet, të ashtuquajtura koçensione, që paguhen nga buxheti i shtetit. Tani po ndërtojnë edhe inceneratorët e helmeve që ta mbushin Shqipërinë me helme. Ta helmojnë Shqipërinë, të helmojnë fëmijët e shqiptarëve, vetëm e vetëm për të përfituar shumat e majme që mafia ndërkombëtare e plehrave paguan për asgjesimin e plehrave që nuk i asgjesojnë në vendet e tyre, pikërisht që mos të helmojnë popullin e tyre dhe fëmijët e tyre.

Po nuk ka gjë, se ua merr Edi Rama me 40 hajdutë. Pale, se helmohen shqiptarët dhe fëmijët e tyre, mjafton që të mbushin xhepat. Ky është komploti kundër shqiptarëve. Komplot kundër ekonomisë suaj. Komplot kundër mirëqenies suaj. Komplot kundër shëndetit tuaj dhe fëmijëve tuaj.

Dhe për këtë arsye është thirrur në ndihmë edhe krimi i organizuar shqiptar, llumi i llumit. Ata që bëjnë dhe shesin drogë. Ata që shesin nënat dhe motrat tona rrugëve të Europës. Llumi i llumit, më të ndyrë që një shoqëri ka, që Edi Rama i ka bërë deputetë, i ka bërë kryetarë bashkish, i ka bërë drejtorë të mëdhenj dhe sot u ka dhënë çelësat e territorit dhe çelësat e kufijve.

Fasada ndërkohë vazhdon punën. Vazhdon teatri politik. Fatmir Xhafaj, një njeri i stërvitur mirë me taktikat e sigurimit të shtetit, njësoj si kur torturonte të rinjtë dhe të rejat e Krujës, duke i akuzuar se kishin pirë një gotë raki kur vdiq xhelati i Shqipërisë Enver Hoxha, me të njëjtin zell, me të njëjtën taktikë, me të njëjtën pacipësi, pafytyrësi, i shkruan letër prokurorit dhe i thotë: Më thuaj se cilat janë rastet kur ju nuk jeni thirrur për asgjesimin e drogës. Pra, e çon vëmendjen e popullit përmes mediave të kapura, se gjoja qenka faji i prokurorëve.

Vëllai i numrit dy të një bande ndërkombëtare të trafikut të kokainës nga Venezuela në Itali, vëllai i Agron Xhafajt, Fatmir Xhafaj i shkon për shtat të përpiqet të mbulojë gjurmët e ujkut. Por ujku duket qartë. E mbajnë mend shqiptarët se si para katër muajsh rrahën gjoksin me disa idiotë që thonin: Po të isha në Shqipëri, edhe unë do të mbillja drogë. E mbani mend, apo jo?

Thonin, 2.5 milionë rrënjë kemi shkatërruar. Tani pyetja është fare e thjeshtë. Lëre prokurorinë, lëri mediat, lëri qytetarët, lëre opozitën, dhe na trego procesverbalet e shkatërrimit të 2.5 milionë rrënjëve të kanabisit. Ku i ke? Ku i ke proçesverbalet për 10 mijë ton drogë? Na i trego! Na i trego! Tregojua shqiptarëve, tregojua të huajve.

Nuk i tregon dot se droga nuk u shkatërrua kurrë por u magazinua nga policia, nga kupola e korruptuar e policisë në bashkëpunim me Edi Ramën dhe banditët e tij në tunelet dhe magazinat e shtetit. Po del sot një pjesë e saj, kur kapet në brigjet italiane. Nuk ka si ta dorëzojë drogën Edi Rama, sepse ka dalë garant për drogën me kokën e vetë, sepse është vetë pjesë e pandalshme e drogës dhe e parave të drogës.

Kjo është arsyeja. Ka 48 orë që u kemi thënë se në grykderdhjen e Ishmit ka ngecur në llucë motoskafi i Habilajve me tre motorrë. Ua thamë këtu në çadër. I bëmë thirrje edhe medias, por këta nuk kanë faj se është punë me kokë ajo. Ku e ke policinë që të bën kaq krenar, të cilën e vure pas protestuesve paqësorë, pse nuk e çon të kapësh skafin e Habilajve. Sepse Habilajt janë asgjë më pak se Edi Rama, Sajmir Tahiri, Fatmir Xhafa dhe kupola kriminale e trafikantëve në pushtet pas kësaj fasade.

***

Nuk mund të ketë e nuk do të ketë subvencione për fermerët sepse paratë do të shkojnë tek konçensionet korruptive të Edi Ramës; Nuk ka e nuk do të ketë asnjë ndryshim në vjedhjen e përditshme që i bëhet naftës së shqiptarëve, sepse vjedhja e naftës bëhet nga kjo qeveri, nga ky kryeministër në bashkëpunim me kopukë si Harry Sargeant III, që pastaj me  paratë e naftës shqiptare lobon për llogari të krimit të organizuar shqiptar në Uashington – përpiqet të lobojë të paktën, se deri tani bërrylin ka marrë se pak më vonë do të marrë dicka tjetër nga Uashingtoni. Nuk mund të ketë përmirësim në arsimin shqiptar se nuk ka lekë për arsimin, nuk ka lekë për mësuesit, nuk ka lekë për shkollat. Lekët shkojnë për koncesionet korruptive për investimet fasadë për vjedhjen e organizuar  të shtetit shqiptar. Nuk ka lekë për shëndetësinë.

Nuk ka lekë për shëndetësinë dhe i vetmi projekt për shëndetësinë është një projekt korruptiv për rajonin e Fierit, ku prapë me koncesion, duan të ndërtojnë një spital privat që do të rrjepë edhe njëherë firakët pasi i kanë sëmurë me helme, pasi i kanë sëmurë me mjerim dhe varfëri, ti rrjepin përmes një investimi korruptiv në rrajonin e Fierit.

Asgjë nuk ka për të ndryshuar nëse e lemë në këmbë republikën e vjetër, nëse e lemë në këmbë fasadën e këtij komploti kriminal politik ekonomik, kundër ekonomisë  dhe shëndetit të shqiptarëve.

Por ne jemi mbledhur këtu e nuk do të shpërndahemi derisa të hapim ligjërisht rrugën drejt Republikës së Re përmes zgjedhjeve të lira dhe të ndershme. Përmes zgjedhjeve të lira dhe të ndershme ku qytetarët do të kenë fatin e tyre në dorën e tyre, dhe qeveria që del prej tyre do të jetë përgjegjëse para tyre dhe jo para oligarkëve, jo para kriminelëve.

Dhe në këtë mënyrë, kjo është garancia, as Lulzim Basha as dikush tjetër dhe as ndonjë parti politike. Garancia e vetme e Republikës së re është ky bashkim qytetar dhe qartësia dhe vendosmëria juaj. Por me këtë qartësi dhe vendosmëri, me këtë bashkim popullor, fitorja që po vjen me të vërtetë do ti hapë rrugë, një Republike të Re, ku qeveria jo thjesht ul kokën para jush, por jep llogari para jush.

***

Në këtë republikë të re, ku cdokush do të jetë i barabartë  para ligjit, ku gjyqtarët dhe prokurorët e  pavarur dhe të pakorruptuar, nuk do të kenë frikë të venë para drejtësisë, kriminelët që sot rrinë në sallonin e Edi Ramës, nuk do të kenë frikë por do ti gjejnë milionat e vjedhur, në ishujt Cayman dhe kudo ku ti kenë cuar;  Në këtë Republikë të Re, paratë tuaja, dhe pasuritë e Shqipërisë, do të jenë vetëm për ju. Prandaj, në vend të 100 milion euro koncesion laboratoresh, e 80 milion euro koncesion sterlizimi, e 100 milion euro koncesion check-up-i, e dhjetra koncesione të tjera korruptive, që do t’i anuloj, që në orën time të parë si kryeministër i zgjedhur me votë të lire, me këto para, dhe me një plan e vizion europian, qeveria e re e Republiës së Re, PO, do tia dalë të investojë 150 milion euro në vit, në bujqësi, nga të cilat 100 milion do të jenë subvencione të drejtëpërdrejta për fermerët.

Po për biznesin e vogël? Biznesi i vogël, nuk do ta shohë e nuk do ta njohë më, surratin e taksidarit shqiptar. Me një pullë, me një pullë të vetme të fiksuar në derën apo dritaren e vogël të biznesit të vogël, cdo taksidar që do të futet brenda, do të prangoset për korrupsion nga policia e re, e Republikës së Re.

Po, shqiptarët me qeverinë e re të Republikës së Re, do të shohin investime për  shkollat e fëmijëve të tyre. Në asnjë qytet, në asnjë lagje, në asnjë fshat, nuk do të ketë ndërtesë më dinjitoze se shkolla e asaj lagje, se shkolla e atij fshati. Fëmijët shqiptarë do të kenë një rregjim europian të shkollimit. Nga ora 8 e mëngjesit, deri në orën 4 të pasdites. Pas mësimit do të kenë mundësinë të bëjnë detyrat ose të angazhohen në sport, në kulturë, në gjuhë të huaja, nën mbikqyrjen e mësuesve shqiptarë, rrogat e të cilëve, do të jenë dy herë më të larta se sot, me paratë që do t’u marrim hajdutëve të koncesioneve dhe korrupsionit.

Në krye të 4 viteve, 250 mijë lek pension minimal për pensionistët shqiptarë.

Shëndetësia shqiptare do të reformohet, është i vetmi vend në Europë që akoma nuk ka cmimin për grupin e diagnozave, është akoma në 1990, përsa i përket kësaj dhe për këtë, një pjesë të përgjegjësisë e ka edhe PD. Dhe unë dua të përsëris ndjesën time të thellë, që nuk arritëm të bëjmë më shumë. Edhe pse shpesh herë justifikohemi duke thënë që shëndetësinë ua lamë aleatëve, ky nuk është justifikim. Kjo do të marrë fund. Republika e Re, do ta reformojë shëndetësinë shqiptare. Mos harroni, vetëm në tre vite, keni paguar ju shqiptarë, 1 milard e 230 milion euro për shëndetësinë falas, por nuk ia keni parë hajrin ju, se hajrin ia shikon Vilma Nushi me Edi Ramën me shokë.

Nafta shqiptare, mineralet shqiptare, bregdeti shqiptar, janë pasuri të jashtëzakonshme. Ato në Republikën e Re, do të prodhojnë të ardhura jo për oligarkët, as për pushtetarët e korruptuar, por vetëm për qytetarët shqiptarë për nevojat dhe projektet tuaja.

***

E kuptoni që kjo nuk është lojë. Po flasim për miliona. Shumëkush prej jush, ndoshta nuk e kupton matematikisht, se për çfarë bëhet fjale. Janë miliona, qindra miliona, miliarda. Rruga është e qartë. Shqipëria është në udhëkryq. Ose do të vazhdojmë kështu siç jemi, kështu siç jemi shqiptarët humbin përditë, të djathtë e të majtë, të rinj e të moshuar, nga jugu dhe nga veriu, humbin shqiptarët, humbin ekonomikisht, në shëndetin e tyre, në të drejtën e tyre, në lirinë e tyre, në shpresën e tyre.

Pra ose do të vazhdojmë kështu – kur Edi Rama për herë të parë tregohet i sinqertë teksa deklaron se: “Kemi shumë, shumë, për të humbur!” -e ka fjalën për veten e tij, e ka fjalën për Armando Prengën, e ka fjalën për Arben Ndokën, e ka fjalën për Eskobarin e Ballkanit, e ka fjalën për Ilir Beqjen, e ka fjalën për pushtetarët e korruptuar – ose do të humbin shqiptarët, ose do të humbasë oligarkia.

Në lojë janë miliardat. Një grusht oligarkësh duan t’i mbrojnë ata, shqiptarët janë ngritur për të kthyer të drejtën tek i zoti dhe i zoti është vetë populli shqiptar.

***

Rrugë tjetër nuk ka, përveçse zgjedhjeve të lira e të ndershme me një qeveri teknike; e cila paraprakisht do të largojë kriminelët nga institucionet, e cila do të luftojë me të vërtetë drogën dhe paratë e drogës, e cila do të zbatojë reformën zgjedhore, do të krijojë kushtet për zgjedhje të lira të ndershme, duke përfshirë votimin biometrik dhe elektronik, dhe numërimin elektronik.

Për pensionistët, po e përsëris.

***

Rruga drejt bashkekzistencës demokratike dhe mirëqenies së çdo shqiptari, kalon përmes zgjedhjeve të lira e të ndershme. Për të arritur aty, ka dy mënyra. Mënyra e parë është me dialog, dhe sot kemi shansin ta zgjidhim me dialog. Lulzim Basha në këtë dialog nuk përfaqëson veten e tij, as vetëm Partinë Demokratike, as vetëm opozitën. Unë shkoj në këtë process, me vetëdijen e plotë se, përfaqësoj interesat e një bashkimi të jashtzakonshëm qytetar, bashkimit më të madh popullor.

Ndaj, e kam shumë të thjeshtë të bëj kompromis, të gjej gjuhën e kompromisit politik për gjithçka që më takon mua dhe Partisë Demokratike, por nuk bëj, e nuk do të bëj asnjë tërheqje, për gjithçka që i takon fateve të qytetarëve, fateve të demokracisë shqiptare, fatit të zgjedhjeve të lira e të ndershme.

Zgjidhja që ne ofrojmë është zgjidhje e ndershme. Nuk po i kërkojmë pushtet në tavolinë, nuk po i kërkojmë të shporret megjethëse e meriton të shporret me gjithë çfarë i bëri Shqipërisë, por po i kërkojmë të lejojë popullin të vendosë me votë të lirë e të ndershme.

Uroj, që të gjitha palët ta përdorin këtë shans për t’i dhënë fund krizës me dialog, për t’i dhënë fund me dialog republikës së vjetër, dhe për t’i dhënë shqiptarëve Republikën e Re të ligjit, të drejtësisë, të demokracisë dhe lirisë. Por, le ta kenë fare të qartë, se ne jemi të bashkuar dhe të vendosur për ta çuar këtë betejë deri në fund.

Fundi, nuk do të jetë votim pa opozitën. Fundi, nuk do të jetë shpërndarje e popullit. Fundi, do të jetë fitorja e kauzës tonë të drejtë.

Ndaj le të urojmë që sot arsyeja e shëndoshë të mbizotërojë edhe në mendjet e sëmura të pakicës që ka kapur peng popullin dhe do të marrë peng zgjedhjet. Ta urojmë, ta shpresojmë, e t’i lutemi Zotit edhe për kundërshtarët tanë. Të shpresojmë që rruga e arsyes dhe dialogut do të na çojë drejt një bashkimi kombëtar për Shqipërinë europiane, sigurisht me harmoninë dhe pasurinë e pluralizmit politik brenda.

Një gjë është e sigurtë, përmes dialogut ose përmes përballjes, populli do të fitojë gjithmonë.

Zoti e bekoftë Shqipërinë!

Zoti i bekoftë shqiptarët!

Doris Pack: Qeveria e Tiranës e lidhur me krimin, diplomatët heshtin… McAllister ndërmjetësi i duhur për të bindur palët për “qeverinë e zgjedhjeve.”

Protesta e Partisë Demokratike për Votën e Lirë u bë pjesë e diskutimeve në takimin e Bordit Drejtues të Forumit të Grave të Partive Popullore Europiane që u mbajt këto dy ditë në Bruksel nën kujdesin e Presidentes Doris Pack.

Kryetarja e Lidhjes Demokratike të Gruas së Shqipërisë, Albana Vokshi raportoi rreth zhvillimeve më të fundit politike në Shqipëri dhe dhe shprehu vendosmërinë e Partisë Demorkatike për të garantuar zgjedhje të lira dhe të ndershme, standard themelore të çdo shoqërie europiane.

Deputetja demorkate i informoi koleget e saj të Partive Popullore Europiane për fushatën e keqinformimit të partnerëve të huaj nga qeveria Rama përmes propagandës dhe lobimeve të financuara me para të pista. Ajo denoncoi kriminalizimin e Parlamentit dhe të qeverisjes, kanabizimin e Shqipërisë dhe përgatitjet për blerjen e zgjedhjeve me paratë e drogës.

Zonja Vokshi shprehu mirënjohje dhe falenderoi Presidenten e Forumit te Grave te Partise Popullore Europiane (EPP Women) Znj. Doris Pack për mbështetjen e protestës popullore për zgjedhje të lira dhe të ndershme.

Presidentja e Forumit te Grave te PPE (EPP Women), znj. Doris Pack shprehu shqetësim për qeverisjen e lidhur me krimin në Shqipëri dhe qortoi heshtjen e diplomatëve të huaj. Ajo kritikoi qëndrimin e Ministrit të Jashtëm të Gjermanisë gjatë vizitës së tij në Tiranë.

“Ajo çfarë po ndodh në Shqipëri aktualisht është një çmenduri. Vendi  i mbushur  i gjithi me drogë, një rrezik jo vetëm për kthimin e Shqipërisë në vend kryesor për prodhim dhe eksport droge, por për mjedisin ku rriten fëmijët shqiptarë,” u shpreh zonja Doris Pack.

“Në Parlament dhe administratë mbahen me dhjetra persona me rekorde kriminale se kanë paguar për pushtetin e Ramës, ndërkohë profesionistët hiqen nga puna për bindje politike” — deklaroi Pack.

Ajo përgëzoi lidershipin e PD-së për manifestimet paqësore dhe shprehu bindjen se në kushtet aktuale ku ndodhet Shqipëria, krijimi i Qeverisë Teknike që do të organizojë zgjedhje të lira dhe të ndershme, mbetet zgjidhja e vetme.

Znj. Pack pershendeti kërkesën për zgjidhjen e situatës me ndihmën e Partisë Popullore Europiane dhe shprehu besimin e plotë se Zv Presidenti i Parlamentit Europian McAllister si ndërmjetësi i duhur për zgjidhjen e krizës në Shqipeëri.‎

Lidhja Demokratike e Gruas së Shqipërisë është anetare e Forumit të Grave të Partive Popullore Europiane.‎

Përshëndetja e Lulzim Bashës në mbyllje të protestës 1 orëshe, paqësore, e të vendosur në akset kryesore të vendit

Jemi të bashkuar në këtë lëvizje kombëtare dhe europiane, të bashkuar në vendosmërinë tonë për të mos ia dorëzuar Shqipërinë, krimit dhe drogës, për të mos ia dorëzuar lirinë tonë, tiranisë së korrupsionit dhe të krimit në pushtet, por të përbashkuar, siç jemi bashkuar, qindra mijëra shqiptarë, miliona shqiptarë nga jugu në veri nga lindja në perëndim; për zgjedhje të lira dhe të ndershme, me një qeveri teknike, e cila do të largojë kriminelët nga institucionet, sipas ligjit të dekriminalizimit, që do të luftojë me të vërtetë drogën dhe paratë e drogës, që do të krijojë kushtet për zgjedhje të lira dhe të ndershme, përfshirë votimin biometrik dhe numërimin elektronik të votës së çdo shqiptari e çdo shqiptareje dhe, menjëherë pas kësaj, votimin dhe zbatimin e vetingut dhe reformës në drejtësi, sipas përcaktimeve kushtetuese dhe marrëveshjes politike të 22 korrikut.

Zoti i bekoftë shqiptarët për këtë sakrificë dhe këtë qëndresë.

Ky është një paralajmërim se vendosmëria e kësaj lëvizje popullore, e këtij bashkimi qytetar është e pathyeshme për realizimin e zgjedhjeve të lira dhe të ndershme.

Ju ftoj ta përmbyllim këtë protestë duke u larguar me qetësi dhe paqe, pa asnjë provokim, dhe pa iu përgjigjur asnjë provokimi.

Më parë, ju ftoj të gjithëve ta mbyllim këtë protestë, me hymnin tonë kombëtar.

Në këtë mbrëmje të 65-të të protestës tonë pa ndalim, 24 orë në ditë jemi mbledhur sonte këtu, bashkë me kryetarët e partive aleate të koalicionit të opozitës së bashkuar, për të dhënë nga ky shesh i lirisë, bashkë me ju, kampionët e lirisë dhe demokracisë, një mesazh për të gjithë qytetarët shqiptarë, për ditën e nesërme, ditën e përshkallëzimit të aksionit politik për zgjedhje të lira e të ndershme, për liri dhe demokraci të vërtetë, për mos dorëzimin e fatit të shqiptarëve dhe të Shqipërisë në duart e tiranisë së krimit, të korrupsionit dhe të drogës.

Planet ogurzeza të republikës së vjetër për të shkatërruar zgjedhjet e shqiptarëve, për të shkatërruar vullnetin e lirë të shqiptarëve, për të parandaluar agimin dhe ardhjen e Republikës së Re, do të dështojnë me sukses të plotë.

Aspiratën qytetare popullore dhe kombëtare për zgjedhje të lira e të ndershme, e përmes zgjedhjeve të lira e të ndershme, themelimin e një Republike të Re, ku zoti i fateve është qytetari dhe shërbëtor qeveritari, nuk ka forcë ta ndalë.

Prej 65 ditësh, duke nisur nga bashkimi ynë i jashtëzakonshëm më i madhi në 27 vite, me 18 Shkurt, ne kemi protestuar denjësisht, paqësisht, duke i treguar Shqipërisë dhe mbarë Europës fytyrën e vërtetë europiane të shoqërisë shqiptare. Asnjë veprim nuk e ka cënuar vendosmërinë tonë për protestë paqësore, asnjë provokim i ulët i kastës së republikës së vjetër, nuk na ka lëkundur nga qendrimi ynë. Kështu do të jetë edhe nesër, protestë madhështore, paqësore por e vendosur dhe e pathyeshme në shërbim të çdo shqiptari e çdo shqiptareje, në shërbim të Republikës së Re.

E dinë fare mirë shqiptarët dhe dinë ta bëjnë krahasimin me ata që jo shumë vite më pare, tek bllokonin rrugët kombëtare, digjnin gomat e makinave, digjnin makinat dhe thyenin e shkatërronin institucionet me gurë, me shishe me benzinë, e mbajmë mend fare mirë se çfarë lloj dhune ushtrohej në protestat e tyre.

Dhunë në protestat e opozitës së bashkuar dhe qytetarëve të Republikës së Re nuk ka e nuk ka për të patur! Dhuna është tipar i dobësisë morale, dhuna është tipari dallues i frikacakëve dhe këtu jemi të gjithë njerëz të kurajos qytetare, frikacakët fshihen pas fasadës.

Policia e shtetit, burrat dhe gratë me uniformë, të cilët ndajnë të njëjtat halle me qytetarët shqiptarë dhe që keqpërdoren në mënyrën më të mjerë, më kriminale, nga ky pushtet, duhet ta dinë se nga qytetarët e bashkuar nesër në bllokimin total të transportit kombëtar mes orës 11:00 dhe 12:00, do të gjejnë forcën pozitive dhe paqësore që lufton edhe për të drejtat e tyre, të atyre që nëpërkëmben, të atyre që keqtrajtohen, të atyre që intimidohen për të dhënë, të dhënat e tyre personale, dhe të familjarëve të tyre, në funksion të fushatës së republikës së vjetër dhe çetës së krimit që kryeson.

Të atyre që shohin teksa, kolegët e tyre në shërbim të ndërmarrjeve kriminale, grada e ulët arrestohet ndërsa komandantët nuk i prek ligji, se komandantët e kupolës kriminale në polici janë vetë karriket dhe këmbët e karrikeve të pushtetit të inkriminuar të Edi Ramës.

Por, dua ti kujtoj fare mirë drejtuesëve të kupolës së policisë së shtetit, që përmes shkresave të tyre të turpshme dhe qendrimeve të tyre publike, që sot, kanë thyer ligjin, dua ti kujtoj se do të vëzhgohen dhe regjistrohen nga toka dhe nga ajri, dhe se për çdo shkelje dhe cënim të të drejtës hyjnore për protestë paqësore, do të përballen me forcën e plotë të ligjit.

Neni 261 i Kodit Penal, sanksionon dënime penale për ata që pengojnë mbledhjen dhe manifestimin paqësor politik të qytetarëve të republikës.

E kemi Top Channel këtu? Ku është kamera e Top Channel? Cila është? Top Channel, dy herë në ditë fake news, e bëre baltë fare!

Nuk jep leje, nuk jep leje policia për grumbullimet paqësore të qytetarëve shqiptarë, tash një dekadë.

Ligji kërkon që policia vetëm të njoftohet, policia nuk jep leje, njoftohet dhe është njoftuar, ndaj hiqe fake news, le të ta falim meqë është darka e të dielës, po ta konsiderojmë injorancë dhe jo shërbim ndaj Edi Ramës dhe çetës së tij kriminale në pushtet.

I pa precedent, keqpërdorimi politik që i bën policisë Edi Rama, por do të marrë fund së shpejti. Ky është një argument më shumë dhe më i qartë se pse nuk mund të ketë zgjedhje të lira e të ndershme me një polici të nënshtruar e të bërë zap politikisht nga një çetë pushtetarësh të bërë zap nga krimi dhe nga droga.

Vëllezër dhe motra, qytetare dhe qytetarë të Republikës së Re që po lind në zemrat tuaja, në shtëpitë tuaja, në këtë agorë të lirisë dhe në çdo qytet të vendit tonë, nesër bashkohemi midis orës 11:00 dhe 12:00 të gjithë bashkë.

Të rinj e të reja, artistë, sportistë, gazetarë, do të jenë aty me ne, punëdhënës e punëmarrës do të jenë aty me ne, studente dhe studentë do të jenë aty me ne, të pa punë e të shpunësuar, biznese të vogla që janë mbyllur e që mezi rrinë hapur, do të jenë aty me ne, demokratë e socialistë do të jenë nesër me ne për të treguar vendosmërinë tonë në kauzën kombëtare për zgjedhje të lira e të ndershme.

Ejani pa frikë dhe paqësisht, por vendosmërisht.

Një orë sakrificë kombëtare, për një pafundësi të mirash në Republikën e Re që po vjen, për dinjitetin tuaj, për lirinë dhe të drejtat tuaja themelore, për mirëqënien dhe punësimin tuaj, për një të nesërme të sigurtë dhe një ekonomi të fortë për çdo shqiptar, nesër mes orës 11:00 dhe 12:00 bashkohemi dhe ngrihemi së bashku!

E nesërmja vjen si një ditë e re në aksionin e Republikës së Re, me vendosmëri totale, me masivitet popullor, me paqe në zemrat tona.

Asnjë lule nuk do të dëmtohet, asnjë gotë nuk do të thyhet. Trafiku do të bllokohet për 1 orë, por trafiku i drogës, trafiku i krimit, trafiku i votave, trafiku i parave të pista të korruspionit do të marrin fund njëherë e mirë.

Nesër në orën 11.00, anembanë Shqipërisë, në rrethrrotullimin e Shqiponjës, në kryqëzimin e teknologjikut, 2 pika në Tiranë. Rrethrrotullimin e Plugut, dhe gjithë Jugu do të mblidhet aty. Rrethrrotullimin e Rrugës së Kombit me nacionalen Shkodër-Tiranë, rrethrrotullimin e Milotit, dhe gjithë Veriu do të jetë aty. Në rrethrrotullimin e Bradasheshit, Korça, Elbasani dhe gjithë Juglindja e gjitha do jetë aty.

Një orë bashkim për vite të tëra Shqipërie të lirë dhe demokratike për veten dhe fëmijët tuaj. Ngrihemi së bashku. Bashkohemi paqësisht neser në orën 11.00. Zoti e bekoftë Shqipërinë. Zoti i bekoftë shqiptarët.

Mesazhi i Lulzim Bashës pasditen e 65 të protestës për zgjedhje të lira e të ndershme, 23 Prill 2017