Blog

Sa herë që mblidhemi në këtë agorë, qytetarë, përfaqësues të këtij populli fisnik dhe europian marrin fjalën dhe ndajnë të vërtetat e tyre, dhe sot në këtë ditë të 65, na nderojnë kampionë të vërtetë të sportit shqiptar, të cilët ju i prisni me dashamirësi, me gëzim dhe entuziasëm sepse dhe ju, të gjithë ju këtu, dhe qindra mijëra shqiptarë që ndërtuam këtë monument të lirisë dhe themelin e Republikës së re, jeni kampionët e kohës së re, që po vjen. A e keni pyetur ndonjëherë veten se pse kampionët tanë si Bekim Basha që ka ngritur flamurin shqiptar dhe që ka bërë të këndohet himni ynë kombëtar në dhjetra kampionate, përmes sakrificës së tij, përmes talentit të tij dhe fitoreve që ka korrur në emër të Shqipërisë e dhjetra e dhjetra kampionë të tjerë, nuk marrin asnjë mbështetje, nuk marrin as edhe nderimin që meritojnë?

E mbani mend se si e keqpërdori kombëtaren e futbollit, a thua se ky ishte trajneri i kombëtares dhe menjëherë sa u mbyll ai kapitull, zero investime për sportin.

Kampionë të ndryshëm që ngritën flamurin në mundje, në peshëngritje, në atletikë, në kërcim për së gjati, asnjë fjalë nuk u tha për ta, nga ky që në kampionatin europian, nga mëngjesi deri në darkë, bëntë sikur ishte babai dhe nëna e kombëtares shqiptare.

Për një arsye te vetme.

Kur është puna për ta keqpërdorur sportin për politikë, Edi Rama është kampion.  Kur është puna për të nderuar sakrificën e kampionëve tanë, Edi Rama është kërmill i kompleksuar nga ajo që përfaqësojnë kampionët e vërtetë. Prandaj, nuk i nderojnë kampionët se ata për shkak të kompleksit të tyre, miq të preferuar, shokë, anëtarë të gostive të tyre, kanë vetëm njerëzit pa vlera, servilët, gënjeshtarët, mashtruesit, bundrat e krimit dhe vetë kriminelët. Aty ndihen kampionë, ndërsa me kampionët, para tyre, ndihen dhe janë kërmij.

Ky është tipari i republikës së vjetër, i kakistokracisë, i sundimit nga më të këqinjtë ku më të të këqinjtë janë në krye të vendit dhe më të mirët janë kërcënim për ta. Ndaj, bëhet gjithcka për të asgjesuar dhe denigruar më të mirët, duke asgjesuar konkurencën e lirë dhe të ndershme në ekonomi, në arsim, në sport, në kulturë në gazetari dhe në politikë, sepse kakistokracia, sundimi nga më të këqinjtë e ka tmerr konkurencën. Sepse, konkurenca në një komb të lire e shporr sundimin nga më i keqi dhe nxjerr më të mirët në krye të fateve të vendit, në ekonomi, në sport, në kulturë në gazetari dhe në politikë.

Por kombet nuk bëjnë përpara, kur sundohen nga më të këqinjtë. Shqipëria e vitit 1990, që shumë prej jush e mbajnë mend shumë mire, është dëshmia më rrënqethëse se ku përfundon një shoqëri dhe një vend kur zgjedh të ulë kokën të pranojë të sundohet nga më të këqinjtë dhe nga më i keqi. Në 1990 e pamë vendin tonë dhe veten tonë me standardin e jetesës më të ulët sesa vendet e Afrikës ekuatoriale, këtë na solli komunizmi i Enver Hoxhes me propagandën e tij me shtypjen e tij, me eliminimin e më të mirëve dhe mbi të gjitha, me eliminimin e lirive duke nisur me lirinë për të zgjedhur qeverinë, sepse nuik mund të zgjidhje sepse kishe vetëm një alternativë vetëm një mundësi, dhe nëse nuk votoje, të priste persekutimi i egër politik. Nuk kishte zgjedhje, nuk kishte mundësi, dhe prandaj shqiptarët përfunduan në atë derexhe. Marrim vetëm një shembull, për 30 vite me radhë, 30% e buxhetit të shtetit shkonte për ndërtim bunkerësh, jo për rrugë as ujësjellësa, as investime për ekonominë, por bunker, ndërkohë që populli vuante prej urisë. Pse po i kthehem histories, që shumë prej të rinjve nuk e kanë jetuar atë kohë, dhe nuk e dinë, por gjithë ju të tjerët e dini sepse një komb që harron historinë e ti, është i destinuar ta përsërisë atë.

***

Kasta aktuale në pushtet ka bërë shumë që ne të harrojmë historinë tone, duke glorifikuar komunizmin si dicka të mirë e të lavdërueshme me ca të mira e të meta dhe, duke mos thënë asnjë fjalë, për të zezat e tij dhe në vecanti për kultin e tij të krimit dhe lidhjen e tij totale me privimin e qytetarëve nga mundësia për të zgjedhur. Skeni pse zgjidhni ju, zgjedh shteti, shteti i bën të gjitha dhe e pamë cfarë bëri shteti. Ky koncept i shtetit të forte, i shtetit kriminal, është në bazë të cdo të keqe që njerëzimi ka njohur.

Asnjë shoqëri nuk ka ecur përpara me shtet të fortë dhe individ të përulur. Amerika, Europa Perendimore, vende, drejt të cilave shqiptarët emigrojnë, vende, që shqiptarët adhurojnë, për sistemin e tyre politik, institucional, ligjor ekonomik arsimor dhe shëndetësor, janë vende me individë të fortë dhe shtet të së drejtës. Eshtë individi i fortë ai që bën ndryshimin midis përparimit dhe prapambetjes, midis mirëqënies dhe mjerimit, midis Lindjes dhe Perëndimit. S’kamdëgjuar shqiptarë që duan të emigrojnë drejt Lindjes, që kanë kërkuar azil në vende të Lindjes, madje do të thoja dhe në vendet të BE që i përkasin ish-Lindjes nuk janë të preferuara. Skam dëgjuar përshembull të kërkohet azil në Poloni, apo Ceki. Shqiptarët duan dhe synojnë vetëm Perëndimin.

Sepse, në bindjen e cdo shqiptari, nuk ka vlerë më të rëndësishme se sa liria individuale që do të thotë liria për të zgjedhur, por për të zgjedhur, kur ke mundësi për të zgjedhur.

Liria dhe mundësia janë të lidhura pazgjidhmërisht me njëra tjetrën. Pa liri nuk ka mundësi. Nuk ka mundësi për të ndjekur rrugën tënde për një jetë më të mirë, për tu kualifikuar për një profesion, për të gjetur dhe për të mbajtur një vend pune që garanton të ardhura dinjitoze për veten dhe për familjen. Pa liri, nuk ka e nuk mund të ketë një ekonomi të fortë. Pa liri, nuk ka e nuk mund të ketë një shtet që i përgjigjet nevojave të qytetarëve ndërkohë që mbron dhe garanton të dretat e qytetarëve. Pa liri nuk ka mundësi. Pa liri, nuk ka siguri dhe kjo është arsyeja pse qindra e mijëra shqiptarë janë larguar nga Shqipëria këto 3 vite e gjysëm të rilindjes së krimit, të krimit të ngritur në pushtet. Sepse, asgjesimi sistematik dhe progresiv i lirive dhe të drejtave të qytetarëve, ka zhbërë mundësitë ka zhbërë sigurinë pra ka zhbërë shpresën se këtu mund të bëjë një jetë për fëmijët dhe për veten e tyre.

***

Në thelb e gjitha kjo nuk është një përplasje ideologjike. Ata që i thonë vetes së majtë, nuk janë të majtë. Në fakt shumë prej politikave të tyre i ngjajnë etatizmit fashist të Musolinit dhe Adolf Hitlerit. Asgjë nuk i bashkon me të majtën që është kundërshtarja ideologjike, politike e të djathtës së PD, dhe aleatëve tanë. Koncepti i tyre për shtetin nuk është koncepti i shtetit të solidaritetit të së majtës,  por është shteti kriminal dhe i inkriminuar, ku njësoj si fashistët kanë vendosur në kupolën e shtetit një cetë kriminelësh që kontrollojnë të gjithë burimet e shtetit.

Një cetë oligarkësh, pushtetarësh dhe kriminelësh që kontrollojnë gjithcka. Kontrollojnë buxhetin e shteti, nga i cili kanë vjedhur në 4 vite, 2.8 dhe jo 2.4, por 2,8 miliardë euro, vetëm sipas raporteve zyrtare të Kontrollit të Lartë të Shtetit. Kontrollojnë asete dhe burime natyrore të Shqipërisë, minierat, naftën, bregdetin, pyjet tokat bujqësore. Kontrollojnë në mënyrë totale koncesionet, që në fakt janë skemat e vjedhjes në shendetësi, në transport, në energji, pra kontrollojnë të gjithë pasurinë kombëtare të shqiptarëve. E duke qënë se kjo nuk u mjafton, sepse ekonominë e kanë futur në pikiatë kanë shpikur edhe kanabizimin e Shqipërisë, shndërrimin e Shqipërisë në një hambar droge.

Nga e gjitha kjo, shqiptarët janë sot më të varfër se para 4 vitesh. Janë sot më të papunë se para 4 vitesh. Marrin sot shërbime më të këqia në shëndetësi, se para 4 vitesh. Paguajnë fatura më të kripura të energjisë dhe të ujit, se para 4 vitesh. Punojnë më shumë por fitojnë me pak dhe fuqia e tyre blerëse është më e vogël se para 4 vitesh. Ky është komploti ekonomik i drejtuar kundër çdo shqiptari.

Në këtë komplot shqiptarët nuk janë të ndarë në të majtë e në të djathtë. Humb sipërmarrësi, humb punëdhënësi, humb i vetëpunësuari, humb i papuni, humb i punësuari që nuk ka siguri për punën, humb i riu që kërkon një vend pune, humbin fëmijët e shqiptarëve, humbin pensionistët, të djathtë e të majtë janë viktimat e republikës së vjetër, të këtij komploti ekonomik i cili ka vetëm një synim; pasurimin e një grushti njerëzish me në krye Edi Ramën.

E vetmja forcë që mund ta zhbëjë këtë komplot ekonomik është kjo lëvizje popullore dhe qytetare e cila ka treguar tash 65 ditë se të gjitha ingranazhet e komplotit ekonomik dhe politik kundër shqiptarëve, të gjitha ingranazhet financiare, politike, ekonomike, ndërkombëtare, të paguara me paratë e drogës dhe të korrupsionit të kësaj qeverie, janë të pamjaftueshme për ti bërë ballë një populli të tërë që është ngritur dhe bashkuar për fatet e tij, jo për opozitën, as për Partinë Demokratike, as për mua dhe askënd tjetër, por që të marrë në dorë fatet e tij, duke shkallmuar njëherë e përgjithmonë komplotin ekonomik që është republika e vjetër.

Shqiptarët, e kanë kuptuar se asgjë nuk do të ndryshojë në jetët e tyre nëse vendi nuk ndahet nga krimi politik dhe politika e inkriminuar. Shqiptarët e kanë kuptuar, të djathtë e të majtë, se propaganda politike që bëhet përditë në parlament e qeveri, është një teatër kukullash për t’ju marrë mendjen, për tu zënë kohën televizive, për t’ju zënë sytë, ndërkohë që duart e zgjatura të qeveritarëve të korruptuar dhe të kriminelëve në pushtet, vjedhin çdo ditë nga xhepat e shqiptarëve, nga buxheti i shtetit, milionat që kurrë nuk shkojnë për investime që ju përmirësojnë jetën, që u hapin vende pune, apo përmirësojnë shëndetësinë dhe arsimin e tyre.

E gjitha është një teatër politik që i trajton shqiptarët si dele, ndërkohë që një tufë politikanësh vjedhin ditë për ditë miliona e miliarda për veten e tyre.

Në funksion të kësaj, është edhe kapja e medias. Kapja e medias është jetike për të vazhduar teatrin politik. Kapja e medias dhe shfrytëzimi shtazarak që u bëhet gazetarëve të ndershëm dhe punonjësve të ndershëm të medias është ekzistencial për vazhdimin e këtij komploti ekonomik dhe politik kundër shqiptarëve. Le të amrrim një shembull tjetër. Dje e morëm shembullin, por mesa duket e kanë të vështirë edhe këta se janë nën presion. Dje morëm kampionin e fake news, Top Channel. Prap sot, Top Channel. S’e ka fajin gazetari i shkretë. Top Channel sot riqarkullon lajmin e një portali europian, nga njëfarë Martin Banks. Unë e kritikoj këtë, se ka edhe media që janë tualet fare. Me ato nuk merrem fare, se nuk janë media. Ato janë uturaku ku ulet kryeministri. Këta që i kritikoj, e bëj, se mendoj se ka një shpresë për ta të mos kthehen në uturakë të kryeministrit që na e kanë shpallur si portalin zyrtar të Bashkimit Europian.

Top Channel nuk ka shkuar aq larg, por na evidenton këtë, dhe na e përdor këtë Martin zhagen, për të trembur shqiptarët dhe për të amplifikuar thirrjet e Edi Ramës, dhe qehajajve dhe sejmenëve të tij, për të frikësuar popullin e për të kujtuar 97-tën.

Nëse vendos të botosh çdo lajm, pse nuk boton Forbes, se Top Channel ka disa njerëz që dinë anglisht. Ndonjëri edhe ka jetuar në Angli. E dini se kush është Forbes apo jo?! Çfarë thotë Forbes? Ja t’ia citojmë që të mos thonë që e tha nga vetja e vet; “Edi Rama drejton një ndërmarrje kriminale në vend që e ka kthyer Shqipërinë në qendrën europiane të krimit të organizuar dhe trafikut të drogës”. Pse është zhdukur kjo nga mediat e kapura?!

Reporterre i Francës, thotë: Eshtë vështirë të imagjinohet që pushtetarët nuk janë të përfshirë në trafikun e drogës.

Çështja Zagani që mori mbulim total në të gjithë Europën dhe këtu kalon me ndonjë retush të vogël.

Pse? Sepse mediat dhe kapja e mediave janë jetike për republikën e vjetër dhe për krimin e lidhur me republikën e vjetër. Asnjë taktikë e republikës së vjetër që nis zhaget drejt portaleve në Europë për të bërë propagandën e tyre, nuk e zbraps një popull të bashkuar që nuk është ngritur në këmbë për një parti politike por për fatet e tij. Këta që bëjnë këtë lloj propagande nuk e shohin drogën, nuk e shohin krimin.

Kush nuk e sheh drogën dhe krimin është ose i papërgjegjshëm, pra indiferent karshi fateve të shqiptarëve dhe Shqipërisë, ose i zhages. Zhagia vjen me burime të shumta. Vjen me paratë e korrupsionit, të drogës e cila vazhdon të vërshojë nga mëngjesi deri në darkë me tonelata drejt Europës, dhe ku këta bëjnë vetëm shfaqje, se nuk guxojnë të ndërmarrin aksione të vërteta.

Ka 3 ditë në grykëderdhjen e Ishmit që motorskafi i Habilajve me 3 motorrë të fuqishëm, ka ngelur në llucë. E dinë të gjithë. E di Policia, e di ministri i brendshëm, e di kryeministri, dhe nuk guxojnë ta prekin me dorë motoskafin e Habilajve, sepse Habiljat janë pronarët e vërtetë të kësaj qeverie, të këtij kryeministri, të atij ministri të brendshëm dhe kupolës së policisë të bërë njësh me narkotrafikantët. Kjo është arsyeja, që asnjë media, nuk flet për këtë. E di gjithë Ishmi. Nuk guxojnë, dhe nuk u vë faj, të çojnë kameran, a të bëjnë një fotografi apo një filmim qoftë edhe fshehurazi, e të thonë; çbën ky skaf me 3 motorrë të fuqishëm tash 3 ditë në llucën e Ishmit?

Kush e ka këtë skaf? E ka shteti i Edi Ramës, shteti i inkriminuar dhe i korruptuar dhe i droguar i Edi Ramës.

Portali Europorter nuk i sheh këto gjera. Çfarë ia ka zënë sytë?! Zhagia ia ka zënë sytë. Ky në fakt ka edhe një emër interesant, Martin Banks, Martin Bankat. A thua se nuk është zhagia apo ka diçka tjetër në këtë mes.

A ka ndonjë bankë?! Ka një bankë të çuditshme në Shqipëri që quhet ABI-Bank. Prit se ka zhage, e zhage. ABI Bank ka për aksionerë dy investitorë të privatizimeve në Rusi në vitet 90-të që kanë regjistruar fondet e tyre në Cayman Islands, Ishujt Kejmen. E dini ju çfarë janë Ishujt Kejmen? I di populli të gjitha, janë parajsat e pastrimit të parave dhe jo thjeshtë fiskale. Në Ishujt Kejmen, me ligj, ndalohet të pyetet se kush është pronari i një kompanie. Pra ligji në Ishujt Kejmen ndalon që ti të marrësh vesh, kush është pronari i një llogarie bankare apo një kompanie dhe pikërisht kompania mëmë e ABI Bank-ut këtu në Tiranë, është regjistruar në Ishujt Kejmen.

Kush është në bordin e kësaj banke?! Eshtë bashkëshortja e kryeministrit shqiptar. Eshtë edhe njëfarë Rezze Schlauch, ish minister federal i Gjermanisë dhe sot ndër lobistët kryesorë të Edi Ramës në Berlin. Këta janë në bordin e e një banke të themeluar nga investitorë në pasuritë e patundshme dhe privatizimet në Rusi, që paratë e tyre i kanë çuar në parajsat fiskale ku kryesisht hetimet e vendeve demokratike janë për pastrim parash.

Zhagia nuk është vetëm zhage. Zhagia bëhet edhe bankë. Interesat e republikës së vjetër nuk i mban dot vetëm një zhage, si mban dot vetëm Taulanti në krah. Një zhage mund ta mbash në krah deri në Vjenë, në Berlin apo Bruksel, por këto zhaget e mëdha kanë nevojë për banka.

Ku janë lekët e shqiptarëve?! Ska lekë thonë. Ska lekë thotë fermeri, qytetari, i riu. Ku janë lekët?! Në zhaget dhe bankat e republikës së vjetër. Me një qëllim, për të mbajtur në këmbë republikën e vjetër me çdo kusht e me çdo çmim. Tani, kaq shumë sa kam folur për ABI bank do ishte fare normale që po të ishin të pastër këta njerëz të hapin gjyq kundër meje, apo jo?! Si thoni, do ta hapin një gjyq kundër meje?! Po pse nuk do ta hapin gjyqin?! Kanë frikë se mos them ndonjë gjë tjetër.

Komploti ekonomik kundër shqiptarëve dhe fasada e këtij komploti që është teatri politik, parlamenti, qeveria si fasadë, si teatër politik janë të tmerruara nga kjo lëvizje popullore dhe nga kjo që ju qytetarë të bashkuar të majtë e të djathtë keni vendosur; që nuk do të ketë e nuk do të pranohen më votime moniste por do të ketë vetëm zgjedhje të lira dhe të ndershme, zgjedhje sipas standardeve europiane të cilat mund e duhet të vijnë vetëm përmes një qeverie teknike.

***

Para disa ditësh Strasburgu, për herë të dytë refuzoi 3 kandidatët e qeverisë për gjyqtarë në Gjykatën e Strasburgut. Kjo është e paprecedentë. Asnjëherë nuk ka ndodhur të rrëzohen kandidatët e Shqipërisë. Ndodhi para disa muajsh, dhe ndodhi për të dytën herë. Edi Rama, e mbani mend, tha që për kandidatët që do çojë në Strasburg, do e zbatojë vetingun në mënyrë vullnetare. Ja pra e zbatoi vetingun, sipas tij, në mënyrë vullnetare dhe ja ku dolën tek ara e Tares.

Të tre kandidatët u refuzuan sepse vetingu i Edi Ramës çoi si kandidatë të gjithë shqiptarëve, për gjyqtarë në Gjykatën e Mbrotjes të së Drejtave të Njeriut, kunatin e Fatmir Xhafës, Sekretaren e Përgjithshme të Mirela Kumbaros dhe një ndër eskpertet kryesore të Xhorxh Sorosit për të kapur drejtësinë shqiptare për hesap të Edi Ramës.

Strasburgu i tha jo, dhe ky është një lajm i mirë. Por është po kështu një dritare për çdo shqiptar që është skeptik kur u themi se reformën në drejtësi ky e do për vete. Ja pra si e do drejtësinë Edi Rama. E do me gjyqtarë dhe prokurorë nën kontrollin e tij total. Njerëz të cilët nuk do të kenë as guximin dhe as profesionalizmin, as ndershmërinë, as përgjegjësinë dhe as lirinë e pavarësinë për të luftuar korrupsionin dhe krimin e organizuar, për ti ndërshkuar ato sipas ligjit, por që do të jenë nën kontrollin total të kupolës kriminale të Edi Ramës për të mbrojtur dhe jo luftuar pushtetarët e korruptuar dhe krimin e organizuar të lidhur me ta.

Ja pse oferta jonë për veting sipas përcaktimeve kushtetuese dhe marrëveshjes politike të 22 korrikut, u fut tmerrin në palcë sepse i hedh në erë mjaullimat e tyre. Mjaullinte sot edhe maçoku i punëve të jashtme nga Shkodra. Po hajde pra, kur e ke guximin. Qeveri teknike, marrëveshjen politike të 22 korrikut, nuk ka pse të presim për zgjedhjet, kalojmë dhe zbatojmë vetingun sipas reformës kushtetuese!!!

Por nuk ia mban, ka vetëm 2 mënyra. Ose në kontrollin e tij ose ndryshe mos ta bëjë fare duke pretenduar se nuk e do PD-ja. Pse nuk e do PD-ja?! Pse, nuk e do populli dhe opozita aleatin në drejtësi, që do të luftojë krimin e organizuar dhe korrupsionin. Kush i trembet luftës kundër krimit të organizuar dhe luftës kundër korrupsionit?! Ju? Qytetarët?! Opozita që ka 3 vjet e gjysëm që lufton ditë për ditë, apo pushteti me mijëra skelete në dollapin e tij. Kjo është oferta dhe nuk ka pse ta shtyjmë vetingun pas zgjedhjeve.

Mos e merr peng reformën në drejtësi. Hapi rrugë zbatimit të reformës në drejtësi, qeveri teknike, veting sipas 21 korrikut dhe zbatojmë konsensusin politik për një drejtësi të pavarur e të pakapur.

Kanë 48 orë që nuk përgjigjen për ofertën tonë për president nga populli. Dje kishin nxjerrë të gjorin Gramoz për të thënë atë që nuk ua zë goja dot vetë; nuk e zgjedhim dot nga populli se nuk ka kohë, se nuk ndryshojmë dot kushtetutën. Kohë për të vjedhur gjejnë gjithmonë, kohë për koncensione deri në minutën e fundit, kohë për ta mbushur vendin me drogë, për të nisur motoskafe e avionë drejt Europës, në mëngesi në darkë gjejnë. Kohë për të ndryshuar kushtetutën, për ti kthyer popullit atë që i takon popullit, këtë, kupola kriminale e republikës së vjetër, nuk e gjen dot.

Para 10 vitesh, e mbani mend të gjithë, Edi Rama kërcënoi se nuk do të hynte në zgjedhje nëse nuk ndryshohej kushtetuta dhe ligji që çdo votues të kishte me vete certifikatën e lindjes. E mban mend apo jo. U ndryshua kushtetuta. Nuk kishim atëhere as karta biometrike dhe as pasaporta biometrike. Donte këtë garanci dhe iu dha kjo garanci. U ndryshua kushtetuta për certifikatat e lindjes që kërkoi Edi Rama, ndërsa sot, i njëjti njeri që e ka mbushur Shqipërinë me drogë, që e ka mbushur shtetin me kriminelë, refuzon ti kthejë popullit atë që është e popullit, presidentin nga populli dhe zgjedhje të lira e të ndershme.

Nuk kanë asnjë argument. Kanë vetëm një interes. Të ruajnë me çdo kusht pushtetin, të ruajnë me çdo kusht pasurinë e tyre. Këtu jemi ballë për ballë, por jo e djathta me të majtën. Shumica dërrmuese e qytetarëve shqiptarë, me një çetë të korruptuarish hajdutësh që edhe pse valëvisin ndonjë flamur partie, skanë asnjë lidhje, as më të majtët dhe as me të djathtët, as me socialistët, as me socialdemokratët. Kanë lidhje vetëm me pasurinë e tyre, me xhepat e tyre, me drogën, me krimin dhe me korrupsionin.

Me qendrimet e tyre armiqësore ndaj interesit publik  Edi Rama i ka paralajmëruar dështimin e ndërmjetësimit europian të martën që vjen. Unë prapë i bëj thirrje sot, që ti thërrasë mendjes, ti hapë rrugë dialogut në funksion të zgjidhjes, përmes një qeverie teknike, me mbështetje të gjerë politike, me një mandat për të nxjerrë kriminelët nga politika, sipas ligjit të dekriminalizimit për të luftuar me të vërtetë drogën dhe paratë e drogës dhe për të krijuar kushtet për zgjedhje të lira dhe të ndershme, që përfshijnë votimin biometrik dhe elektronik si dhe numërimin elektronik. Në asnjë nga këto kushte nuk është interesi politik i PD-së apo i opozitës, por vetëm interesi publik i shqiptarëve të majtë e të djathtë e të bashkuar.

Ndaj jemi dhe mbetemi të gatshëm për dialog, por harroje se mund të kthesh mbapsht monizmin. Harroje se do të ketë zgjedhje pa opozitën. Zgjedhje pa opozitën është një kontradiksion në terma. Votime po, por zgjedhje pa opozitën nuk mund të ketë dhe opozitën nuk mund ta krijojë kurrë pushteti. Nuk ka zgjedhje pa opozitën, ka votime pa opozitën.

Votim pa opozitën nuk do të ketë, as në Kavajë dhe as në Shqipëri. Shqiptarët janë të bashkuar dhe të vendosur duke nisur me protestën e nesërme, ku është i thirrur të bashkohet çdo shqiptar e çdo shqiptare.

Një orë bllokim i trafikut kombëtar është një sakrificë e vogël dhe një dhuratë e madhe për Shqipërinë e re, për bllokuar trafikun e drogës, për të bllokuar trafikun e krimit, për të siguruar liritë themelore të qytetareve dhe që janë garancia e mirëqënies së qytetarëve. Mos harroni, nesër 1 orë të gjithë bashkë të vendosur dhe thellësisht paqësorë.

Bashkohemi të bllokojmë të keqen me këtë parajamërim që ti hapim rrugë të mirës për çdo shqiptar duke larguar dhe mundur drogën, duke larguar dhe mundur krimin, duke iu kthyer qytetarëve të drejtën për të zgjedhur me votë të lirë e të ndershme. Me bekimin e Zotit, me paqen në shpirtrat tanë, me vendosmëri totale, le të bashkohemi nesër mes orës 11.00 deri në 12.00 për ti thënë ndal krimit, dal drogës, ndal korrupsionit, po zgjedhjeve të lira dhe të ndershme dhe republikës së re të qytetarëve shqiptarë. Zoti e bekoftë Shqipërinë. Zoti i bekoftë shqiptarët.

---

Mesazhi i Lulzim Bashës në ditën e 65 të protestës për zgjedhje të lira e të ndershme, 23 Prill 2017

Read More

Me urdhër të Edi Ramës, krerët e policisë që nuk luftojnë krimin, trafikantët, banditët, por bëhen palë me ta, kërcënuan sot qytetarët e lirë të vendit, në një përpjekje të dëshpëruar për të ndalur popullin të shprehet.

Partia Demokratike dhe Opozita e Bashkuar, i bëjnë të qartë sot kupolës së policisë të heqin dorë nga keqpërdorimi politik dhe të mos pranojnë të dalin kundër popullit për interesat e Edi Ramës.

Partia Demokratike dhe Opozita e Bashkuar i bën të ditur publikisht cdo punonjësi dhe funksionari të policisë, se do të filmohet e do të regjistrohet emër për emër kushdo që tenton të pengojë apo intimidojë qoftë dhe një qytetar të vetëm.

Do të mbajnë përgjegjësi penale para ligjit, dhe nesër do të përgjigjet deri më një, cdo drejtues, shef apo punonjës policie që do tentojë të cënojë të drejtën sovrane të qytetarëve për të protestuar paqësisht.

Protesta nesër do të jetë paqësore, por e vendosur dhe e pathyeshme.

Partia Demokratike dhe Opozita e Bashkuar kanë 65 ditë që protestojnë, pasi mbajtën një nga mitingjet më të mëdha që ka parë ndonjëherë Shqipëria. Të gjitha veprimet kanë qenë paqësore dhe shembull i qytetarisë më të lartë europiane që ka dëshmuar shoqëria shqiptare. Nuk ka patur asnjë provokim, asnjë incident të vetëm, asnjë prishje të qetësisë apo pronës publike.

Protesta e Opozitës së Bashkuar dhe qytetarëve do ta shpëtojë Shqipërinë nga krimi që ka sjellë Edi Rama. Me besimin tek vlerat e demokracisë dhe lirisë, Partia Demokratike dhe Opozita e Bashkuar do të vazhdojë qëndresën qytetare me çdo mjet demokratik deri sa të sigurojmë zgjedhjet e lira dhe të ndershme.

I bëjmë thirrje të gjithë qytetarëve shqiptarë të bashkohen masivisht nesër mes orës 11 dhe 12 paradite në këtë protestë kundër krimit dhe drogës me mbështetje qeveritare, për të ndalur krimin, për të ndalur pushtetin e lidhur me krimin dhe për të siguruar të drejtën themelore të qytetarëve në demokraci, të drejtën e zgjedhjeve të lira dhe të ndershme.

---

Njoftim per shtyp, 23 Prill 2017

Read More

Lulzim Basha bashkëbisedim për gjendjen e sotme dhe rolin e gruas në shoqëri në ditën e 64 të qëndresës për zgjedhje të lira e të ndershme

 

Paraditen e 64 të protestës në sheshin e lirisë, qytetarët bashkëbiseduan me Lulzim Bashën për rolin e gruas shqiptare dhe vendin që ajo zë në shoqëri. I ftuar i veçantë në Sheshin e Lirisë sihte edhe kryetari i lëvizjes Vatra për degën Michigan, Edmond Rrapaj, i cili shprehu mbështetjen për kauzën e shqiptarëve.

 

Dhjetëra vajza dhe zonja, nga shtresa dhe formime profesionale të ndryshme, folën për rëndësinë e gruas në një shoqëri. Regjisorja Taulantia Jupi zgjodhi fjalët e një gruaje të fortë, Margaret Thatcher për të shprehur bindjen se edhe gruaja shqipare ka shumë për të kontribuuar në formimin e të ardhmes së fëmijëve dhe familjes së saj.

“Nëse doni që diçka të thuhet, thërrisni një burrë, por nëse doni që diçka të bëhet, thërrisni një grua”.

 

Oriola Pampuri, psikologe, tha se gratë profesioniste në Shqipëri po udhëtojnë drejt shteteve europiane si Gjermania për të siguruar punë dhe për t’u siguruar se puna e tyre do të vlerësohet ashtu si duhet.

Alfrida Dedgjonaj solli rastin e industrisë fasone për të ilustruar shpërdorimin e krahut të punës që ndodh në Shqipëri. Gratë, për shkak të varfërisë, përballojnë kushte pune skllavëruese, për një pagesë që nuk i përgjigjet as asaj minimale të përcaktuar me lig, tha nënkryetarja e bashkisë së Lezhës duke marrë qytetin e saj, si shembull të keqmenaxhimit më të madh të Rilindjes në këto katër vjet, kriminalizimit të pushtetit – Në 2013-ën, pa mbaruar ende gjysma e parë e mandatit, u ezaurua lista shumëemërore e socialistëve në Lezhë, duke i hequr mundësinë Lezhes të përfaqësohet nga njerëz dinjitozë që njohin realitetin atje.

 

Mirela Karabina, Irsida Shehi dhe Leticia Gusho argumentuan se çdo grua dhe çdo qytetar i Shqipërisë duhet të kuptojë se forca e ndryshimit ndodhet tek vetë ata dhe se nuk duhet të tregohen më indeiferent. Pedagogia Mirela Karabina tha se ka ardhur koha që vajzat dhe nënat shqiptare të veprojnë për të kërkuar ndryshimet që duan për një të ardhme më të mirë të fëmijëve të tyre. Nuk duhet më indiferencë, sepse kur ngrihemi zëri ynë dëgjohet dhe kjo çadër po e vërteton këtë gjë, tha juristja Irsida Shehi.

 

Në mbështetje të kauzës dhe protestës qytetare në Sheshin e Lirisë foli kryetari i lëvizjes Vatra në Michigan, Edmond Rrapaj.

“Jam ktu t’u jap një mesazh gjithë demokratëve. Qëndresa juaj këtu tregon vlerat e larta të përgjegjësisë komëbtare dhe lirisë. Këtu ju nuk jeni për vete por për shqipërinë dhe vlerat demokratike. Një qeveri që mendon vetëm si të pasurohet për vete dhe stimulon kanabisin dhe krimin, duhet laguar me votë ose në një formë jo të dëshirueshme, e cila prodhon dhimbje.  Vatra është me ju. Unë ju përgëzoj në emrin tim personal si kryetar i vatrës në degën Michigan, që më parë këtë vend e kishte miku im, Alfons Grishaj, ai ju përshëndet, themelues i PD Shkodër dhe pishtar i demokracisë. Më porositi t’u them se nëse është nevoja na bëni me dije dhe ne do të jemi këtu si në vitet 1990. Ne jemi në kundërshtim të hapur me pushtetarët të cilët bëjnë regres.”

 

Kryetari Lulzim Basha tha se prej 64 ditësh shqiptarët mblidhen për të folur për realitetin që e prekin çdo ditë.

 

“Kjo nuk është të bësh politikë, por të prekësh nga afër realitetin e dhimbshëm që jeton shumica dërrmuese e shqiptarëve. Këto janë faktet. Ekonomia është shkatërruar. Taksat janë rritur. Çmimet dhe faturat e energjisë, ujit dhe karburantit, janë rritur. Fuqia blerëse ka rënë. Shqiptarët fitojnë më pak, harxhojnë më shumë, vuajnë më shumë dhe e kanë më të vështirë të gjejnë një vend pune në një ekonomi që tkurret nga dita në ditë edhe sepse më shumë se 300 mijë shqiptarë, 10% e popullsisë, janë larguar për shkak të ekonomisë së shkatërruar, prapë se prapë, kjo nuk ka sjellë asnjë përmirësim, por përkeqësim edhe më të madh në tregun e punës dhe në gjendjen e përgjithshme ekonomike në vend”.

Shifrat në regjistrin e gjendjes civile japin një pasyrë të eksodit të shqiptarëve gjatë këtyre katër viteve.

“E morën pushtetin kur regjistri i gjendjes civile kishte 3 milionë e 140 mijë banorë rezidentë në Shqipëri, dhe sipas të dhënave të të njëjtit regjistër të gjendjes civile, sot janë 2 milionë e 740 mijë. 300 mijë i ka detyruar kjo qeveri, kjo bandë me kriminelët në pushtet, të largohen. Krimi dhe droga, tenderat dhe koncesionet korruptive, babëzia qeveritare për të harxhuar, siç thonë shifrat zyrtare, 2.8 miliardë dollarë në 4 vite përmes abuzimeve, keqpërdorimeve, vjedhjes, dhe miliardat e tjera për zyra, për orendi, për karburant, për makina, për luks qeveritar, këto e kanë kredhur Shqipërinë në një mjerim të vërtetë ekonomik”.

 

Dështimi i kësaj qeverie në sigurimin e vendeve të punës dhe mirëqënies së qytetarëve të cilët e shohin realitetin në jetën e përditshme dhe ndryshimin e tij si nata me ditën nga propaganda mediatike qeveritare, janë arsyeja pse Edi Rama ka frikë nga gjykimi popullor me votë të lirë.

 

“Ata e dinë se me këtë bilanc të mjerë, me këtë mjerim dhe varfëri totale që kanë shkaktuar në Shqipëri, ku askush nuk ndihet më mirë, ku fjala kryesore e njerëzve është; nuk ka punë, nuk ka shëndetësi, nuk ka arsim, nuk ka siguri, nuk ka drejtësi, dhe ata e dinë se me zgjedhje të lira dhe të ndershme, gjykimi popullor do të jetë i drejtë dhe i pamëshirshëm për shkaktarët e kësaj gjendje me në krye Edi Ramën. Që ta mbajë në këmbë, kërkon me çdo kusht të prishë zgjedhjet e ardhshme. Pengesa e vetme, forca e vetme që mund ta ndalë e ta ndryshojë këtë, jeni ju, anëtarët e kësaj lëvizje të madhe popullore që lindi me 18 shkurt e që rritet nga dita në ditë.”

Zoti Basha tha qytetarëve se ata janë e vetmja pengesë ndaj pazareve të republikës së vjetër.

“Asgjë nuk do të ndryshojë nëse kjo betejë nuk përmbyllet me fitore, dhe prelud i fitores, janë zgjedhjet e lira dhe të ndershme me qeveri teknike që do të kryejë dekriminalizimin sipas ligjit, do të luftojë drogën dhe do të mundësojë zgjedhje të lira dhe të ndershme me votim biometrik, elektronik dhe numërim elektronik për të gjithë qytetarët shqiptarë. Të gjithë qytetarët fitojnë, pavarësisht prej bindjeve të tyre politike, pavarësisht se për kë e hedhin votën e tyre në zgjedhje. Çdo qytetar fiton me kauzën e kësaj lëvizje popullore”.

 

Read More

Mesazhi i Lulzim Bashës në ditën e 64 të protestës për zgjedhje të lira e të ndershme 

Më lejoni ta nis me një falënderim dhe mirënjohje të thellë në radhë të parë për gratë, për zonjat, për vajzat shqiptare, për zonjushat që kanë qenë në këto 64 ditë, margaritari i Republikës së Re dhe frymëzimi europian i kësaj lëvizje të jashtëzakonshme popullore.

 

Dhe së dyti, të falënderoj Vatrën, organizatën më të vjetër atdhetare, politike në historinë e Shqipërisë që vazhdon aktivitetin e saj, aktivistët e saj, drejtuesit e saj; ju falënderoj nga zemra për mbështetjen që i jepni Shqipërisë, shqiptarëve dhe kauzës tonë për liri dhe demokraci të vërtetë të standardit amerikan, sikundër Vatra e njeh dhe e mbështet shumë mirë.

 

Në këtë ditë të 64-të, lëvizja jonë popullore ka shënuar përmes mobilizimit më masiv qytetar një numër fitoresh të qarta politike dhe qytetare; siç është çjerrja e maskës së republikës së vjetër para syve të çdo shqiptari, Europës dhe Amerikës mbarë; siç është tregimi i të vërtetës së dhimbshme të vendit tonë, të vërtetës së çdo shqiptari, të çdo familjari e familjareje që është bërë akoma më e dhimbshme në këto 4 vite të keqqeverisjes dhe qeverisjes kriminale të një çete pushtetarësh të bërë njësh me krimin, eshtë e vërteta e një ekonomie të shkatërruar nga Edi Rama dhe banda e tij kriminale dhe e korruptuar.

 

Krimi dhe droga, tenderat dhe koncesionet korruptive, babëzia qeveritare për të harxhuar, siç thonë shifrat zyrtare, 2.8 miliardë dollarë në 4 vite përmes abuzimeve, keqpërdorimeve, vjedhjes, dhe miliardat e tjera për zyra, për orendi, për karburant, për makina, për luks qeveritar, këto e kanë kredhur Shqipërinë në një mjerim të vërtetë ekonomik.

 

Mijëra biznese të vogla kanë mbyllur qepenat, njerëz që ushqeheshin permes aktivitetit të vetëpunësimit në këto biznese janë hedhur në mes 4 rrugëve nga kjo qeveri shkatërruese, nga ky kryeministër i papërgjegjshëm dhe shkatërrimtar për biznesin e vogël.

 

Mijëra të tjerë kanë humbur vendet e punës në kompani të mëdha e të mesme, të cilat nën presionin e taksave të rritura, nën presionin e çmimit të rritur të energjisë, nën presionin e çmimit të rritur të karburantit, nën presionin e abuzimit dhe arrogancës së rritur të Edi Ramës që përkthehet në harbutërinë e Policisë, Tatimeve, Doganave dhe çdo shërbimi qeveritar, janë detyruar për të siguruar mbijetesën e tyre, duke larguar njerëzit nga puna, duke u ulur rrogat dhe të ardhurat e tyre, duke bërë kështu që Shqipëria të jetë krah vendeve afrikane, vendeve të të varfra afrikane sa i përket fuqisë blerëse.

 

***

Përtej llomotitjeve dhe broçkullave të përditshme të një kryeministri me përgjegjësi kriminale për shkatërrimin e ekonomisë, një pyetje e thjeshtë fare merr të njëjtën përgjigje nga të djathtë, e nga të majtë, nga veriu në jug, nga të rinj e të reja, e nga të moshuar:

 

A jetoni sot më mirë?

A keni sot më shumë para për të shpenzuar?

A blen sot pensioni, rroga apo të ardhurat tuaja më shumë se para 4 vitesh?

A keni shanse më të mëdha për punësim?

Ju që jeni në punë, a jeni të sigurt për vendin e punës që keni?

A merrni shërbim shëndetësor më të mirë?

A paguani më pak për arsimimin e fëmijëve tuaj?

A paguani tarifa më të ulëta për universitetet ku çoni të rinjtë dhe të rejat?

 

Të gjitha pyetje që kanë të bëjnë me jetën e përditshme të shqiptarit, të gjitha janë pyetje që marrin një ‘JO’ të prerë. Dhe ky nuk është një fakt politik. Kjo nuk është të bësh politikë, por të prekësh nga afër realitetin e dhimbshëm që jeton shumica dërrmuese e shqiptarëve.

 

Këto janë faktet. Ekonomia është shkatërruar. Taksat janë rritur. Çmimet dhe faturat e energjisë, ujit dhe karburantit, janë rritur. Fuqia blerëse ka rënë. Shqiptarët fitojnë më pak, harxhojnë më shumë, vuajnë më shumë dhe e kanë më të vështirë të gjejnë një vend pune në një ekonomi që tkurret nga dita në ditë edhe pse më shumë se 300 mijë shqiptarë, 10% e popullsisë, janë larguar për shkak të ekonomisë së shkatërruar, prapë se prapë, kjo nuk ka sjellë asnjë përmirësim, por përkeqësim edhe më të madh në tregun e punës dhe në gjendjen e përgjithshme ekonomike në vend.

 

Mos harroni! E morën pushtetin kur regjistri i gjendjes civile kishte 3 milionë e 140 mijë banorë rezidentë në Shqipëri, dhe sipas të dhënave të të njëjtit regjistër të gjendjes civile, sot janë 2 milionë e 740 mijë.

 

300 mijë i ka detyruar kjo qeveri, kjo bandë me kriminelët në pushtet, të largohen, duke shkatërruar ekonominë, duke e kthyer vendin të pasigurt, me pasiguri totale, për qytetarët, për fëmijët e tyre dhe duke shkatërtruar shpresën për një të nesërme më të mirë.

 

Këto janë faktet e pakundërshtueshme.

 

Ky është realiteti.

 

Çirret nga mëngjesi deri në darkë me propagandë, me gënjeshtra, me mashtrime.

E vetmja arritje e Edi Ramës, është kriminalizimi i shtetit dhe kanabizimi i Shqipërisë.

Ekonomia është shkatërruar, gjendja ekonomike e shqiptarëve është shkatërruar, papunësia është rritur, shanset për një jetë më të mirë, kanë shkuar në minus.

 

***

Kjo është arsyeja se pse republika e vjetër dëshiron të shkatërrojë zgjedhjet e ardhshme.

Ata e dinë se me këtë bilanc të mjerë, me këtë mjerim dhe varfëri totale që kanë shkaktuar në Shqipëri, ku askush nuk ndihet më mirë, ku fjala kryesore e njerëzve është; nuk ka punë, nuk ka shëndetësi, nuk ka arsim, nuk ka siguri, nuk ka drejtësi, dhe ata e dinë se me zgjedhje të lira dhe të ndershme, gjykimi popullor do të jetë i drejtë dhe i pamëshirshëm për shkaktarët e kësaj gjendje me në krye Edi Ramën.

 

Ndaj, republika e vjetër, që është fasada e këtij komploti politik dhe ekonomik, kundër fatit të shqiptarëve, kundër xhepave të shqiptarëve, kundër ekonomisë së shqiptarëve, kundër punësimit të shqiptarëve, kundër shëndetësisë dhe shërbimeve të tjera për shqiptarët, republika e vjetër pra po bën gjithçka për të mbajtur në këmbë këtë klikë të korruptuar dhe të inkriminuar.

 

Që ta mbajë në këmbë, kërkon me çdo kusht të prishë zgjedhjet e ardhshme.

Pengesa e vetme, forca e vetme që mund ta ndalë e ta ndryshojë këtë, jeni ju, anëtarët e kësaj lëvizje të madhe popullore që lindi me 18 shkurt e që rritet nga dita në ditë.

Ju jeni pengesa, shansi i vetëm por edhe mundësia e artë për ta ndalur dhe për ta çmontuar me themel republikën e vjetër.

 

Ata e dinë këtë fare mire, ndaj, taktika e tyre konsiston në dy platforma: të shkurajojnë anëtarët e kësaj lëvizje popullore që sot është më e madhe se opozita dhe Partia Demokratike përmes diversionit, kërcënimeve, shantazheve dhe gënjeshtrave. Ose të blejnë ballin e kësaj lëvizje popullore, që është opozita politike e vendit dhe Partia Demokratike.

 

E në funksion të kësaj të dytës, ka nxjerrë në tregun e gjësë së gjallë, postin e Presidentit të Republikës, sikur të ishte viç dhe jo institucioni që duhet të përfaqësojë unitetin e popullit, institucioni që duhet të garatojë liritë dhe të drejtat e qytetarëve.

E ka nxjerrë në pazar për të joshur dhe mëkuar politikën opozitare me qëllim që të braktisë lëvizjen popullore dhe fatet e qytetarëve.

 

Dje e ka marrë përgjigjen. Opozita as nuk kërkon dhe as nuk pranon pazar politik në kurriz të zgjedhjeve të lira e të ndershme me postin e Presidentit të Republikës.

 

Presidenti i Republikës në konceptin e  Republikës së Re, dhe jo të pazarit të republikës së vjetër, i takon popullit dhe do të zgjidhet nga populli me votë direkte.

 

24 orë pas bërjes publike të këtij qëndrimi, ky që nuk lë fjalë pa thënë, e rrenë pa bërë, ka heshtur.

 

Kanë heshtur dhe Edi Rama dhe Ilir Meta për propozimin tonë për një President të zgjedhur nga populli.

 

Pse kanë heshtur?

 

Sepse është futur populli në mes dhe populli ka prishur pazarin.

 

Populli e prish pazarin e republikës së vjetër. Ja ku duket qartë komploti politik kundër qytetarëve që e ka emrin republika e vjetër.

 

Në vend që të bashkoheshin me iniciativën tonë, me iniciativën tuaj për një president të zgjedhur nga populli, kanë 24 orë që heshtin sepse në republikën e vjetër dhe në projektin e Edi Ramës vetëm populli nuk figuron, vetëm fati i qytetarëve nuk figuron. Gjithçka për karrigen e tij, gjithcka për pushtetin e tij, gjithcka për pasurinë e tij. Asgjë për qytetarët. Po oferta për vetingun pse s’kanë marrë përgjigje?

 

Para 48 orësh propozoi ta shtyjmë vetingun pas zgjedhjeve, përgjigja ime, përgjigja jonë është: Asnjë shtyrje për Vetingun.

 

Menjëherë pas qeverisë, që do të organizojë zgjedhje të lira dhe të ndershme, pra menjëherë pas paktit kombëtar për qeverinë zgjedhore, ne jemi gati të votojmë vetingun dhe pesë ligjet e tjera në përputhje me marrëveshjen konsensuale, politike, të 22 korrikut dhe t’i japim rrugë gjyqtarëve dhe prokurorëve të pavarur të bëjnë punën e tyre në bazë të ligjit dhe jo në bazë të maliqit, të orekseve, paranojave apo anktheve të justifikuara të maliqit.

 

E kam fjalën për këtë maliqin këtu, për asnjë maliq tjetër.

 

Nuk e do, sepse kjo e nxjerr në pah dinakërinë, tinzarinë e tij dhe mercenarëve të Xhorxh Sorosit, që e ka mbështetur këto dy vite jo për të reformuar drejtësinë shqiptare, por për ta kapur drejtësinë shqiptare dhe për t’ia dorëzuar peshqesh njeriut më të korruptuar dhe më të inkriminuar në skenën politike ballkanike.

 

Njeriut, i cili është kapur me presh në duar duke paguar 80 mijë dollarë në thyerje të ligjit amerikan, për një foto, me Presidentin Obama, në vitin 2012.

 

I shkreti Bilal e hëngri prej këtij, por ligji amerikan parashikon që edhe përfituesit e një vepre penale, kanë përgjegjësi penale.

 

Nuk është vendi im t’i tregoj drejtësisë amerikane se çfarë duhet të bëjë se me siguri që do të vijë dita që do ta bëjë.

 

Por, është koha dhe vendi t’i përsëris ambasadorit amerikan në Tiranë, kërkesën popullore që t’i heqë vizën amerikane Edi Ramës, i cili është faktuar si shkelës i ligjit amerikan përmes donacionit ilegal në fushatën e Presidentit Obama.

 

Nuk ka, dhe nuk mund të ketë, dy standarde. Dikujt i hiqet viza dhe dikush e mban vizën edhe kur kapet me presh në duar, ndaj, e përsëris kërkesën time publike, hiqja vizën amerikane Edi Ramës.

 

***

 

Heshtje për ofertën e presidentit, sepse ka hyrë populli në mes. Populli u prish punë këtyre.

 

Heshtje për ofertën e vetingut, sepse kanë frikë. Këta janë ata që kanë frikë nga gjyqtarët dhe prokurorët e pavarur,  të pakorrutuar e të pakorruptueshëm.

 

Heshtje totale prej 24 orësh, sepse e gjithë kjo betejë po zhvillohet për dy palë interesa.

Ne jemi këtu, jo për interesin tonë, jo për interesin e Partisë Demokratike, jo për interesin e opozitës, aq më pak për interesin tim apo kujtdo lideri tjetër politik.

 

Ne jemi këtu, për interesin publik dhe kombëtar të qytetarëve shqiptarë, të cilët e dinë fare mirë se asgjë nuk do të ndryshojë në jetët e tyre, në ekonominë e tyre, për punësimin e tyre, për cilësinë e tyre të jetës, nëse nuk shkatërrojmë aparatin kriminal që dikton sot qeverisjen e vendit.

 

Asgjë nuk do të ndryshojë nëse nuk nxjerrim kriminelët nga zyrat e shtetit, nëse nuk i themi ndal drogës, nëse nuk kemi qeveri që ulet dhe nderon qytetarin shqiptar, jo kriminelin, jo narkotrafikantin, apo oligarkun e zhages, por vetëm qytetarin shqiptar, Asgjë nuk do të ndryshojë nëse kjo betejë nuk përmbyllet me fitore, dhe prelud i fitores, janë zgjedhjet e lira dhe të ndershme me qeveri teknike që do të kryejë dekriminalizimin sipas ligjit, do të luftojë drogën dhe do të mundësojë zgjedhje të lira dhe të ndershme me votim biometrik, elektronik dhe numërim elektronik për të gjithë qytetarët shqiptarë.

Kush fiton? Qytetarët fitojnë. Të djathtë e të majtë.

 

Të gjithë qytetarët fitojnë, pavarësisht prej bindjeve të tyre politike, pavarësisht se për kë e hedhin votën e tyre në zgjedhje.

 

Çdo qytetar fiton me kauzën e kësaj lëvizje popullore. Ja që nuk po luftojmë për asgjë në lidhje vetëm me Partinë Demokratike dhe për gjithçka në lidhje me fatet e çdo shqiptari dhe çdo shqiptareje, sot dhe nesër.

 

Me fitoren e kësaj kauze, fiton çdo shqiptar.

 

Kriminelët nxirren nga institucionet, fitojnë të djathtët dhe të majtët.

 

Droga ndalet dhe nuk dikton proçesin politik, fitojnë të djathtët dhe të majtët.

 

Zgjedhje të lira dhe të ndershme, ku as kriminelët, as të korruptuarit, as militantët nuk diktojnë dot, voton apo nuk voton dot, ta marr apo ta jap kartën e identitetit, ta numëroj apo nuk ta numëroj votën, kush fiton?

 

Cdo shqiptar fiton kur kjo kauzë fiton, prandaj fitorja e kësaj kauze është e pashmangshme, totalisht e sigurt, sepse është kauza e çdo qytetari shqiptar.

 

***

 

Por nga ana tjetër, dikush siç e ka thënë vetë, ka shumë shumë për të humbur. Edi Rama humbet pushtetin e tij mbi krimin. Edi Rama humbet miliardat që merr nga droga. Edi Rama humbet mundësinë ta trajtojë shtetin si parti – shtet më keq se në kohën e Ramiz Alisë, duke vënë të gjitha institucionet e shtetit në funksion të Partisë Socialiste me kërcënime, me shatazhe, me sms-ra, me heqje nga puna, me përdorim të mësuesve, të shkollave, të klasave, të nxënësve, të policëve, të anëtarëve të Forcave të Armatosura, të shëndetësisë, si asnjëherë më parë.

 

Kjo është shpresa e tij e vetme.

 

Ky është projekti ogurzi i Edi Ramës. Prandaj nuk ndahet dot nga karrikja e kryeministrit, se që të ndahet nga karrikja e kryeministrit, do të thotë të zbresë në garë i barabartë, dhe i barabartë në garë ai e di fare mirë se çfarë e pret me votë të lirë dhe të ndershme.

 

Gjithçka për të shmangur lojën e ndershme.

 

Përse e bën?

 

E bën për socialistët?

 

Sigurisht që jo, se nuk ia kanë parë hajrin as socialistët, hajrin ia kanë parë vetëm një grusht kriminelësh që nuk i gjeti në PS, por i nxori nga burgjet dhe i solli në PS.

 

Socialistët shqiptarë, janë vëllezërit dhe motrat tona, shpeshherë edhe brenda familjes, në mes komshinjve tanë, janë bashkëqytetarët tanë dhe ndajnë në tërësi problemet që ndajnë demokratët, opozitarët dhe gjithë shqiptarët.

 

Plani i Edi Ramës për të mbajtur me cdo kusht e cdo mjet karriken kryeministrore nuk është as për socialistët shqiptarë, as për demokratët, jo e jo, është vetëm për Edi Ramën dhe për bandën e kriminelëve me të cilët ka ndarë dhe ndan pushtetin dhe privilegjet e pushtetit, tash 4 vjet.

 

Përballë janë qartësisht interesat e një populli të tërë që i thotë Edi Ramës: hap rrugë për zgjedhje të lira dhe të ndershme dhe interesat e Edi Ramës dhe një cete banditësh e të korruptuarish që i thonë popullit; Mbylle! Qepe! Largohu se këtë vend e kam pronën time.

 

Në kuadër të kësaj, ka paralajmëruar se PD, opozita e vendit mund të zëvendësohet nga një opozitë të cilën do të na e emëroka Edi Rama pas zgjedhjeve që do të bëjë, apo pas votimeve që do të bëjë pa opozitë më 18 qershor.

 

E qartë! Kjo është ambicia e tij finale, kjo ëhstë cmenduria dhe deliri i një njeri që pasi ka dështuar me cdo premtim që iu dha shqiptarëve, tani e bezdis edhe opozita dhe do të emërojë vetë atë.

 

Ndodh, ka vende ku diktatorët emërojnë opozitën. Ne vetë, kemi jetuar në një vend të tillë, ku diktatori jo vetëm e emëronte opozitën, por edhe e likujdonte opozitën.

Por, mendoj se nuk jam as i gabuar, as i ekzagjeruar, po të konstatoj dhe të konfirmoj sot, në emrin tim, në emrin tuaj dhe në emër të cdo shqiptari se, kjo ditë në Shqipëri, nuk do të kthehet, kurrë.

 

Nuk do të kthehet kurrë, dhe, nëqoftëse dikush, kushdo qoftë ai, bën hesape të tilla, të emërojë opozitë, pra të likujdojë de-facto opozitën, të bëjë gati valixhen e të shkojë në azil, para se populli ta ngrejë zgupthi.

 

***

 

Me qëndrimet e tij Edi Rama ka paralajmëruar qartësisht, dështimin e negociatave që presim të martën e ardhshme.

 

Ai po e thotë qartë, të zezë mbi të bardhë, se për karrigen time, për pushtetin tim, për pasurinë time dhe të një grushti kriminelësh e oligarkësh, nuk i hap rrugë zgjidhjes që kërkojnë qytetarët dhe opozita, pra nuk i hap rrugë zgjedhjeve të lira dhe të ndershme.

 

Edi Rama ka paralajmëruar këto 48 orë dështimin e negociatave akoma pa mbërritur, ndërmjetësit europianë.

 

Por, ne jemi totalisht të qartë e të vendosur, në objektivin e përbashkët për Republikë të Re, për zgjedhje të lira dhe për një qeveri, që i garanton ato.

Jemi të qartë e të vendosur.

 

Propaganda e Edi Ramës synon të trembë shqiptarët. Sot na flet për në 97. Dhe thotë që këtu, janë ata që kanë bërë ‘97. Në fakt, i ka në krah, me Gramoz Rucër e me shokë, i ka në krah. Shumica e këtyre që janë këtu në çadër, as nuk kishin lindur në 97. Por një gjë ta ketë të qartë. 97 për prapanicën tënde nuk do të bëhet kurrë.

 

Populli nuk do të përcahet, populli po bashkohet. Ne jemi totalisht të vendosur për ta cuar këtë betejë deri në fund, me fitore.

 

Por, ne jemi totalisht të vendosur ta marrim këtë fitore për të gjithë shqiptarët pa u thyer një gotë, pa u këputur një lule, paqësor, demokratik, e të vendosur deri në fund.

 

Ndaj, hiq dorë nga përcarja, hiq dorë nga kërcënimet, dhe kot i harxhon lekët që u ke vjedhur shqiptarëve, duke i cuar zhagen këtyre që kishin shkruar sot, se kishte shkruajtur një një farë Martin “zhagia”.

 

Dhe disa nga mediat tona e kishin marrë e përtypur të gjitha si lopa…

 

Po pse, Martin zhagia është Bashkimi Europian?

 

Nuk ka dhe nuk ka për të pasur dhunë.

 

Ka, dhe ka për të patur qëndresë dhe vendosmëri paqësore demokratike ditën e Hënë dhe cdo ditë në vijim, derisa populli i vendosur dhe i bashkuar, të sigurojë zgjedhje të lira e të ndershme dhe me votë të lirë e të ndershme, ta shporrë krimin, ta shporrë drogën, ta shporrë korrupsionin dhe ti hapë rrugë të vetmit projekt për Shqipëri europiane, për Shqipëri të zhvilluar, për Shqipëri moderne,  që nuk mund të vijë kurrsesi nga autorët e krimit, nga autorët e drogës, nga autorët e korrupsionit, por do të vijë e po vjen kalëruar mbi shpresat e një populli të tërë.

 

Zoti e bekoftë Shqipërinë,

 

Zoti i bekoftë shqiptarët.

 

 

Read More

Apeli i intelektualëve në Sheshin e Lirisë dhe mbështetja për kauzën e zgjedhjeve të lira e të ndershme

 

Paraditja në Sheshin e Lirisë mblodhi qytetarët në një diskutim me gazetarë, botues dhe student, mbi Republikën e Re. Qytetarë të të gjitha shtresave dhe brezave, folën me besim dhe shpresë, për një zgjidhje të situatës.

 

Ndricim Kulla, botues, tha se kjo qeveri me në krye Edi Ramën, e ka mbuluar Shqipërinë me kanabis në nivel kapilar, ku pothuajse i gjithë territori u mboll me drogë. Ndriçim Kulla ngriti pyetjen nëse ka ndonjë opozitë në botë e cila do të pranonte të hynte në zgjedhje me këtë sistem kanabizimi.

 

Opozita në mënyrë të natyrshme kërkoi që në zgjedhje të hynim me një qeveri teknike – tha Ndriçim Kulla duke e quajtur si të vetmen zgjidhje që do të krijonte një standard të ri për zgjedhjet në vend. Kulla tha se rruga paqësore që qytetarët zgjedhin prej 63 ditësh, e solli në çadrën e protestës. Në përfundim të fjalës, Kulla një mesazh për ndërkombëtarët e dha përmes fjalëve të mençura të Mit’hat Frashërit, se sduhet të kthehemi në lodër të të huajve për interesat e tyre të turpshme.

 

Studiuesi Behar Gjoka tha se zgjedhjet pa opozitën në një shtet demokratik edhe mund të ndodhin, por do të nënkuptonin dështim. Ajo që më shqetëson mua është që ata mendojnë se mund ta lënë vendin pa pluralizëm – tha Gjoka, duke dënuar ndarjen që i është bërë qytetarëve nga qeveria, si ata brenda çadrës, apo jashtë saj. Gjoka tha se kështu qeveria del kundër protyestës dhe këtë e quajti të papranueshme.

 

Gazetari Flavio Qarri tha se sot gazetarët duhet të pyesin veten nëse po thonë të vërtetën apo jo. Problemi kryesor është se ne jemi me të vërtetën dhe është shumë më e vështirë të mos humbasësh lirinë, sesa të pranosh tiraninë e cila zgjedh dhe vendos gjithçka për çdo qytetar.

 

Reltar Deda, gazetar, tha se ai dhe kolegët e tij janë dëshmitarë të izolimit më të madh që i është bërë ndonjëherë figurave dhe politikave të caktuara. Shtypi sot është në një fazë të mbylljes në vetvete dhe mbizotëron një ekstazë në komunikim  – tha Deda –  ekstazë sepse nuk është e vërtetë. Ai foli edhe për të drejtën që qytetarët kanë për të votuar të lirë, gjë të cilën një politikë e inkriminuar smund ta sigurojë. Rast shembullor i kësaj është edhe qarku i Lezhës ku Reltari voton. Lezha ka prodhuar absurdin – tha ai – ku të gjithë deputetët e listës së një force politike (Partisë Socialiste), rrëzohen njëri pas tjetrit sit ë inkriminuar.

 

Ervin Halili dhe Gentian Xhanari folën për nevojën për pastrimin e politikës nga kriminelët dhe zbritjen e politikbërjes në nivelin qytetar ku shqiptarët  të bëhen pjesë e vendimeve për të ardhmen e tyre. Këtë, qytetarët thanë se e presin me Republikën e Re e cila dueht ngritur mbi parimet e dhjetorit ’90, ato të lirisë dhe demokracisë. Gentian Xhanari i tha çdo qytetari që ka qënë në çadrën e protestës për zgjedhje të lira, se arroganca ndaj sakrificës së tyre nuk duhet të ketë vend në republikën e re.

 

Lulzim Basha i tha qytetarëve se merita për idenë dhe konceptin e Republikës së re është e qytetarëve të lirë dhe në Republikën e Re asgjë nuk do të jetë më si mëparë.

 

“Do të jetë një shtëpi e madhe e xhami sa i përket transparencës, do të jetë një fuqi e madhe, çelik, sa i përket zbatimit të ligjit, dhe do të jetë një garanci totale për lirinë dhe të drejtën e çdo shqiptari, siç e ka traditë modeli i demokracive perendimore. Sepse, ky është modeli mbi të cilin ne po ngremë Republikën e Re.”

 

Republika e re është për çdo shqiptar, të majtë e të djathtë, në pushtet apo jo, pasi në themel ka kontrollin dhe balancimin e pushteteve.

 

“Në këtë model, qytetarët zgjedhin me votë të lirë, shumica ka përgjegjësinë e vendimeve por kurrsesi monopolin e pushtetit dhe pakica apo opozita, që po kështu, mandatohet nga qytetarët, ka detyrën e shenjtë të kontrollit dhe balancës së pushtetit, së bashku me opinionin e shëndosh publik, i cili është vendimmarrës çdo ditë, jo vetëm në ditën e zgjedhjeve; i cili, nuk guxon të injorohet në një Republikë  të Re, demokraci të vërtetë, aq më pak të manipulohet, apo të kërcënohet, apo të shantazhohet, apo të goditet nga administrata, nga taksat, nga policia, me heqje nga puna, kanë për aleatë median e lirë, fjalën e lirë.”

 

Zoti Basha tha se kto janë vlerat euro-atlantike për të cilat qytetarët luftojnë prej 63 ditësh në qëndresën e tyre për zgjedhje të lira e të ndershme, gjë për të cilën asnjë ndërkombëtar nuk mund të shprehet kundër.

 

“Për vlerat e përbashkëta që na bashkojnë por edhe për sigurinë e përbashkët. Sepse një Shqipëri e sigurt, kontribuon për një Europë të sigurtë. Kontribuon në partneritetin strategjik dhe sigurinë euroatlantike, ndërsa një Shqipëri që ka humbur kontrollin e territorit dhe të kufijve, e ka dorëzuar kontrollin e territorit të kufijve tek krimi i organizuar, kontribuon me pasiguri për Europën, dhe kthehet në konsumatore të partneritetit strategjik me Shtetet e Bashkuara të Amerikës.

 

Miqtë tanë mbështesin kauzën e drejtë, por kjo është një betejë e vështirë. Kupola e krimit, oligarkët në pushtet kanë miliarda për të humbur. Ata kanë përdorur dhe do të përdorin çdo lloj makinacioni për të ndalur dhe komprometuar këtë lëvizje, për të kthyer avazin e vjetër të republikës së vjetër.

 

Kush ka nevojë për më shumë informacion, për të njohur realitetin, ka gjetur dhe do të gjejë tek ne partnerët e durueshëm, objektivë, të përgjegjshëm. Sot në opozitë, nesër në qeverisje, Partia Demokratike dhe opozita e sotme shqiptare, do të jetë partneri më i përkushtuar europian dhe euroatlantik, për një Shqipëri të sigurtë që lufton krimin dhe drogën, që lufton korrupsionin dhe që zbaton një reformë në drejtësi sipas konsensusit të 22 korrikut”.

Lulzim Basha theksoi edhe njëherë bindjen se nuk ka asnjë mënyrë tjetër për zgjidhjen e kësaj krize veç sigurimit të zgjedhjeve të lira e të ndershme përmes një qeverie teknike.

 

“Garantimi dhe sigurimi i zgjedhjeve të lira dhe të ndershme do të kryhet vetëm me një qeveri teknike, e cila do të ketë në thelb të mandatit të saj, dekriminalizimin e shtetit, luftën kundër drogës dhe paketën e zgjedhjeve të lira dhe të ndershme përfshirë votimin biometrik, elektronik, dhe numërimin elektronik. Standardet janë të panegociueshme!”

 

Read More

Mesazhi i Lulzim Bashës në ditën e 63 të protestës popullore për zgjedhje të lira e të ndershme

Lëvizja dhe bashkimi më i madh i shqiptarëve për demokraci të vërtetë, për zgjedhje të lira dhe të ndershme, feston çdo ditë shpresën që po ringjallet jo thjesht në këtë Shesh të Lirisë po anembanë Shqipërisë, përmes sakrificës, kurajës dhe përgjegjësisë së qytetarëve të bashkuar tash 63 ditë, në këtë lëvizje historike e të paprecedentë për Shqipërinë dhe për Ballkanin.

 

Kjo, sikundër ideja, koncepti i Republikës së Re, nuk janë merita e askujt tjetër përveçse e juaja, qytetarë të lirë dhe maratonomakë të lirisë.

 

Republika e Re, nuk ka asgjë të përbashkët me fasadën dhe nuk do të ketë fasadë, për këtë ju siguroj, asnjë lloj fasade. Por, do të jetë një shtëpi e madhe e xhami sa i përket transparencës, do të jetë një fuqi e madhe çeliku sa i përket zbatimit të ligjit, dhe do të jetë një garanci totale për lirinë dhe të drejtën e çdo shqiptari, siç e ka traditë modeli i demokracive perendimore. Sepse, ky është modeli mbi të cilin ne po ngremë Republikën e Re.

 

Në këtë model, qytetarët zgjedhin me votë të lirë, shumica ka përgjegjësinë e vendimeve por kurrsesi monopolin e pushtetit dhe pakica apo opozita, që po kështu mandatohet nga qytetarët, ka detyrën e shenjtë të kontrollit dhe balancës së pushtetit. Së bashku me opinionin e shëndoshë publik, i cili është vendimmarrës çdo ditë, jo vetëm në ditën e zgjedhjeve, i cili, nuk guxon të injorohet në një Republikë  të Re, demokraci të vërtetë, aq më pak të manipulohet, apo të kërcënohet, apo të shantazhohet, apo të goditet nga administrata, nga taksat, nga policia, me heqje nga puna, kanë për aleatë median e lirë, fjalën e lirë.

 

Sot, mediat konvencionale janë tërësisht nën pushtetin dhe presionin e pushtetit. Nga sot, le të nisim konkursin e “fake news”. “Fake news” për javën që mbyllëm, kush janë kampionët e “fake news”?  Këtë javë kemi dy kampionë: “Top-Channel”  dhe “Balkanweb” dhe “Panorama online” për fat të keq.

 

“Top-Channel” e merr majën e “fake news” sot, për interpretimin allasojçe, sipas qejfit të Edi Ramës, që i bëri prononcimit tim të djeshëm për vetingun. Edi Rama dje tha se: “Eshtë i gatshëm ta shtyjë vetingun pas zgjedhjeve”. Dhe unë iu përgjigja se: vetingu, “nuk ka pse të shtyhet pas zgjedhjeve po do të bëhet menjëherë pas qeverisë zgjedhore, pra qeverisë që do të përgatisë zgjedhjet, sipas dhe vetëm sipas, konsensusit të 22 korrikut të vitit të kaluar”.

 

Edi Rama, së bashku me të paguarit e Xhorxh Sorosit në Shqipëri, çfarëdo pasaporte që të kenë, për një vit e gjysëm u përpoqën ta kapin drejtësinë dhe ta vënë nën kontrollin e tij.

 

Kishte dy projekte për drejtësinë. Ky ishte projekti i Edi Ramës dhe Xhorxh Sorosit, dhe i të paguarve të Xhorxh Sorosit, të kapnin drejtësinë dhe t’ia jepnin peshqesh investimit më të madh të Xhorxh Sorosit në Ballkan, që është Edi Rama; për pushtetin e tij. Dhe projekti i gjithë pjesës tjetër të qytetarëve dhe PD që ka dashur, do dhe do të mbështesë fuqimisht një reformë të vërtetë në drejtësi ku qeveritë dhe partitë politike nuk mund të kenë pushtet mbi drejtësinë, projekt për të garantuar gjyqtarë dhe prokurorë që nuk mbrojnë, por luftojnë dhe ndëshkojnë krimin e organizuar dhe korrupsionin qeveritar.

 

Për një vit e gjysëm kjo betejë u luftua. Rama dhe mercenarët e tij të paguar nga Xhorxh Sorosi, dhe opozita me qytetarët dhe me parimet europiane të drejtësisë, me arbitër Komisionin e Venecias që e fitoi totalisht betejën kushtetuese duke diktuar në Kushtetutën e Shqipërisë një reformë në drejtësi sipas parimeve europiane.

 

Në një marrëveshje politike 7 ligjet kryesore, zbatuese të kësaj reforme do kaloheshin me konsensus. Por Edi Rama, i mbështetur nga mercenarët e paguar nga Xhorxh Soros, shkatërroi këtë marrëveshje dhe kaloi 6 nga këto 7 ligje pa konsensusin e opozitës, me qëllim kontrollin politik të drejtësisë siç ishte qëllimi fillestar, origjinal i reformës në drejtësi. Vetëm një ligj, kaloi me konsensusin tone, për shkak të insistimit të Shteteve të Bashkuara të Amerikës dhe ky është ligji për Strukturën e Posaçme Antikorrupsion dhe Byronë Kombëtare të Hetimit, i cili ka votën tonë, vulën tone, dhe pret zbatimin e tij sa më parë.

 

Por ligji për vetingun, ligji për KLGJ-në, KLP-në dhe 4 ligjet e tjera janë bërë në shkelje të marrëveshjes politike, me qëllimin e vetëm të kontrollit politik të Edi Ramës mbi drejtësinë. Ndaj, ia përsëris sot atij dhe mercenarëve të Xhorxh Sorosit në Shqipëri, pavarësisht prej pasaportave që kanë, se nuk ka asnjë shans, zero shans, që Partia Demokratike të bëhet alibi për kapjen e drejtësisë nga Edi Rama.

 

Por nga ana tjetër siç ja thashë dje, nuk ka nevojë ta shtyjmë vetingun pas zgjedhjeve. Jo, nuk ka nevojë të shtyjmë vetingun pas zgjedhjeve. Menjëherë pas paktit kombëtar, për një qeveri teknike të zgjedhjeve të lira dhe të ndershme, Partia Demokratike dhe opozita janë të gatshme të marrin përgjegjësitë kushtetuese, ligjore që sipas konsensusit të 22 Korrikut të vitit të kaluar, t’i hapin pa pritur zgjedhjet e ardhshme, menjëherë rrugë vetingut dhe zbatimit të reformës në drejtësi për të pasur gjyqtarë dhe prokurorë të ndershëm, të pakapur, që të nisin punën e tyre kundër kriminelëve, kundër krimit të organizuar, kundër drogës dhe kundër korrupsionit të pushtetarëve dhe kundër korrupsionit të nivelit të lartë që sot bën kërdinë në xhepat e shqiptarëve.

 

Por pikërisht, Edi Rama do drejtësinë në kontroll, ose jo reformë në drejtësi. As njërën as tjetrën. Veting menjëherë pas qeverisë teknike, sipas konsensusit të 22 Korrikut. Nuk ka nevojë të presim për zgjedhjet, dhe nuk ka nevojë ta kushtëzojmë me zgjedhjet këtë.

 

Fake news. Pra Top Channel e merr medaljen e parë, sepse thotë që Basha, veting pas zgjedhjeve, ku unë sapo kisha thënë që vetingu nuk ka pse të presë zgjedhjet.

 

***

 

Dhe, medaljen e dytë e merr Balkaweb sot, dhe për fat dhe Panorama-on line, e cila, e ka mbajt disi reputacionin e vet për media të pavarur, por sot jo.  Balkanweb, medaljen e javës së turpit. Sigurisht, kanë kohë të reflektojnë, jo vetëm për këtë lajm, por dhe për shumë lajme të tjera, por ky është kulmi. Ja pse; “Nënsekretari a amerikan i Shtetit, theksoi rëndësinë e pjesëmarrjes së të gjitha partive politike në zgjedhje”, thuhet në një komunikatë të Nënsekretarit amerikan të Shtetit.

 

“Rëndësinë e pjesëmarrjes së të gjitha partive politike në zgjedhje”, që do thotë, harroje Edi Rama se mund të bësh zgjedhje pa opozitën. Këtë kërkesë të arsyeshme të standardit të demokracisë më të madhe në botë, e merr Balkanweb, e merr porosi prej këtij këtu, (kryeministria ..) dhe na e kthen në ultimatum.

 

Porosinë e jep ky, (me dorë nga kryeministria) se ky e shkruan traktin. Ia con mediave të kapura, pastaj e merr nga mediat e kapura dhe thotë shiko cfarë lajmi i madh. Vetë e shkruan në darkë, në mëngjes ia publikojnë mediat e kapura, pastaj në drekë e citon si lajm. Fake-news Balkanweb. Lajme falso, turp të keni. Peshku është qelbur nga koka, rrini larg kokës së qelbur të peshkut. Pra këto janë medaljet e javës për fake-news. Që nga sot, do ti strukturojmë pak më mirë, por këto të dyja nuk kishin si të mos merrnin vendin e parë.

 

***

 

Tani, të kthehemi tek problemi i madh i zgjedhjeve të lira dhe të ndershme të kërcënuara nga krimi dhe droga. Të kthehemi tek një lajm që është zhdukur me befasi nga të gjitha portalet dhe lajmet e kontrolluara nga qeveria, në ekrane dhe gazeta. Forbes, është një ndër mediat kryesore dhe më serioze të përgjegjshme, botërore, me seli në SHBA. Ja cfarë thotë Forbes: “Edi Rama, drejton një ndërmarrje kriminale në vend që e ka kthyer Shqipërinë në qendrën europiane të krimit të organizuar dhe të  trafikut të drogës”.

 

Ndërsa, në të njëjtën ditë, një portal mediatik i Francës, Reporterre.net, pasi citon disa të dhëna të drogës në Shqipëri, mbi lidhjet e pushtetit me drogën, mbi  rastin Zagani, oficerin e antidrogës që kapi veturën e Sajmir Tahirit me drogë në dispozicion të Habilajve, të cilin e arrestuan dhe e detyruan të shkojë për azil në Zvicër, dhe kjo media franceze konkludon se është totalisht e pamundur të imagjinohet se pushtetarët nuk janë  të përfshirë në këtë gjendje dramatike të krimit të organizuar dhe drogës në Shqipëri.

 

Pse i themi këto? Pse i citojmë këto, kur të gjithë shqiptarët e dinë gjendjen e drogës. I citojmë për të vetëdijësuar ata gazetarë, ato media, që kanë një fije ndërgjegje dhe një fije kurajo, që të mos i largohen asnjë ditë denoncimit të krizës totale të vendit, sa i përket rënies totale të shtetit, sepse republika e vjetër është së pari narko-republikë e drejtuar nga një kastë politikanësh të lidhur me drogën. Faktet janë të përditshme.

 

8 ton drogë u kapën në ngarkesën e zhdoganuar nga Qazim Sejdini. Kryetari i Bashkisë së Elbasanit, që i gjithë Elbasani e di se e mbajti pushtetin me ndihmën e bandave më të rrezikshme në Shqipëri dhe në Britani të Madhe, i cili u filmua duke kërcënuar gazetarët, sot është dokumentuar si njeriu që operon përmes të ashtuquajturave agjensi doganore një rrjet të trafikut të drogës, ky kryetar bashkie, emblemë dhe kurorë e rilindjes së kriminalizuar të Edi Ramës, ky është fakti i fundit, por fakte të tilla ka përditë.

 

Droga është jo vetëm përgjegjësi politike e Edi Ramës, por është projekti politik i Edi Ramës. Si shpjegohet ndryshe, që as ministri i drogës që hoqi, as ministri, vëllai i kokainës që solli, nuk zbatojnë procedurat ligjore për asgjesimin e sasive të drogës që kapen? (E shesin, reagojne të pranishmit).

 

Po sigurisht që e shesin. Shesin jeshilen sepse të bardhën e duan për vete. Se pa të bardhën, nuk funksionon republika e vjetër as një orë, jo më një ditë.

 

E kemi ndarë së bashku para disa javësh. Të marrim shifrën zyrtare prej 2.5 milionë rrënjësh, që këta paskan asgjesuar. A na i tregon procesverbalet o ti, i të vërtetës, që na publikon gënjeshtrat tona sipas teje? Na trego pak procesverbalet e 2.5 milionë rrënjëve të shkatërruara. Nuk i nxjerr dot, sepse nuk i ka. Sepse nuk janë asgjesuar. Sepse po zbulohen çdo ditë dhe po kapen çdo ditë nga vendet fqinje. Kjo është industria shtetërore e drogës me në krye Edi Ramën.

 

Ja tha sot edhe Prokurori i Përgjithshëm. Prokurorët nuk marrin pjesë, as në sekuestrimin, as në administrimin, as në asgjesimin e drogës, siç e do ligji, sepse i prishin punë kupolës së korruptuar mafioze në policinë e shtetit, e cila sipas urdhrave politike të Edi Ramës, nuk e asgjeson por e tregton drogën.

 

Nuk e asgjesojnë dot mallin e tyre, sepse droga shqiptare ka një pronar, dhe ky është Edi Rama dhe kupola kriminale e republikës së vjetër – kriminale, jo thjesht sepse droga është krim, por kriminale sepse ka mbushur me kriminele Parlamentin, bashkitë e vendit, policinë dhe institucionet kryesore publike në vend.

 

I dini këto apo jo? Por sot, duhet t’i kujtojmë, sepse kjo është arsyeja që ngrihet në këmbë një popull i tërë, në bashkimin më të madh të shqiptarëve më 18 shkurt, dhe na çoi në vendimin se nuk ka e nuk do të ketë zgjedhje me Edi Ramën kryeministër.

 

Tani nuk luftojmë këtu vetëm për fatet e popullit shqiptar, vetëm për fatin e Shqipërisë, ua kam thënë ju dhe bashkëbiseduesve perendimorë. Ne luftojmë këtu edhe për Europën dhe për Amerikën. Për vlerat e përbashkëta që na bashkojnë por edhe për sigurinë e përbashkët.

 

Sepse një Shqipëri e sigurtë, kontribuon për një Europë të sigurtë. Kontribuon në partneritetin strategjik dhe sigurinë euroatlantike. Ndërsa një Shqipëri që ka humbur kontrollin e territorit dhe të kufijve, që e ka dorëzuar kontrollin e territorit të kufijve tek krimi i organizuar, kontribuon me pasiguri për Europën, dhe kthehet në konsumatore të partneritetit strategjik me Shtetet e Bashkuara të Amerikës.

 

Në këtë dialog, ne kemi përballë tre lloj njerëzish; ata që e dinë dhe e njohin situatën, që nuk janë kursyer me mbështetjen e tyre, ata që nuk e njohin situatën dhe që kanë nevojë të informohen vazhdimisht. Këta janë shumica dërrmuese e partnerëve tanë europianë dhe amerikanë, asnjë dyshim mos të keni, janë në krahun e zgjedhjeve të lira, janë kundër krimit, janë kundër drogës, janë për reformën e vërtetë në drejtësi, jo për reformën e Xhorxh Sorosit, që e hedh drejtësinë në kontrollin e Edi Ramës, dhe këta janë shumica absolute.

 

Por ka edhe një pakicë të cilët kanë vendosur të jenë mercenarë të Edi Ramës. Zhagia ne nuk na impresionon. Kush na mbështet sepse njeh situatën dhe ka besim, është një aleat jo vetëm i Shqipërisë dhe i shqiptarëve, por edhe i Europës dhe i bashkëpunimit euroatlantik.

 

Kush ka nevojë për më shumë informacion, për të njohur realitetin, ka gjetur dhe do të gjejë tek ne partnerët e durueshëm, objektivë, të përgjegjshëm. Sot në opozitë, nesër në qeverisje, Partia Demokratike dhe opozita e sotme shqiptare, do të jetë partneri më i përkushtuar europian dhe euroatlantik, për një Shqipëri të sigurtë që lufton krimin dhe drogën, që lufton korrupsionin dhe që zbaton një reformë në drejtësi sipas konsensusit të 22 korrikut.

 

Sa për këta të zhages, nuk na impresionojnë. Ta kemi fare të qartë. Parimet dhe vlerat për të cilat jemi tash 63 ditë, e do të jemi deri në fitore, janë në esencë, vlerat dhe parimet e përbashkëta europiane dhe amerikane. Ndaj, kjo parti, dhe ju qytetarët e lirë që jeni bashkuar në këtë lëvizje, kemi qenë, jemi dhe do të jemi në krye të përpjekjes europiane dhe euroatlantike për një Shqipëri të lirë, demokratike, të zhvilluar dhe të sigurtë.

 

***

 

Miqtë tanë mbështesin kauzën e drejtë, por kjo është një betejë e vështirë. Sepse kupola e krimit, oligarkët në pushtet kanë miliarda për të humbur. Ata kanë përdorur dhe do të përdorin çdo lloj makinacioni për të ndalur dhe komprometuar këtë lëvizje, për të kthyer avazin e vjetër të republikës së vjetër.

 

Sot, dua t’u përsëris fare qartë kundërshtarëve tanë politikë; Ta heqin nga mendja se ka një rrugë tjetër përveç sigurimit të zgjedhjeve të lira dhe të ndershme dhe garantimi dhe sigurimi i zgjedhjeve të lira dhe të ndershme do të kryhet vetëm me një qeveri teknike, e cila do të ketë në thelb të mandatit të saj, dekriminalizimin e shtetit, luftën kundër drogës dhe paketën e zgjedhjeve të lira dhe të ndershme përfshirë votimin biometrik, elektronik, dhe numërimin elektronik.

 

Standardet janë të panegociueshme! Asnjë afat kohor apo kushtetues, apo pseudokushtetues, nuk mund të ngrihet mbi të drejtën natyrale të shqiptarëve për zgjedhje të lira dhe të ndershme.

 

Pra standardet janë të panegociueshme!

 

***

Na kanë ftuar këtë javë për punën e Presidentit. “Ne i kemi votat, po hajdeni ta bëjmë me konsensus.” “Ne, i kemi paret, po hajde ta blejmë bashkë.” Ça do blejmë? Do blejmë ndonjë viç në treg?

 

I kujt është Presidenti? Eshtë i Ilir Metës? Eshtë i Edi Ramës? Eshtë i Lul Bashës? I kujt është?

 

Atëherë oferta ime është, të zgjedhim President nga populli. Hap i rëndësishëm në projektin e Republikës së Re është transferimi i pushtetit tek qytetarët. Ju e dini, ne e kemi diskutuar shumë herë bashkë në projektin kushtetues dhe institucional të Republikës së Re.

 

Natyrisht, fokusi ynë është beteja për zgjedhje të lira dhe të ndershme, si hapi më i rëndësishëm në Republikën e Re. Por meqenëse çështja e Presidentit po shtrohet në tavolinë, meqenëse po kërkoni kontributin tonë, meqenëse po kërkoni përfshirjen tonë, për të demostruar seriozitetin dhe vendosmërinë tonë për Republikën e Re, ju japim një dhe vetëm një ofertë për çështjen e Presidentit të Republikës: të ndryshojmë Kushtetutën, ta zgjedhë populli shqiptar.

 

Ta përmbledhim.

 

Vetingu nuk ka pse të presë zgjedhjet por mund të kryhet menjëherë pas paktit kombëtar, për një qeveri teknike të zgjedhjeve të lira dhe të ndershme, sipas konsensusit të 22 korrikut.

 

Presidenti t’i kthehet popullit shqiptar!

 

Zgjedhje me 18 qershor, nuk ka, dhe nuk për të pasur.

 

Zgjedhje pa opozitën, nuk ka dhe nuk ka për të pasur.

 

Çdo përpjekje për dialog duhet të ketë parasysh, se mbi standardet zgjedhore europiane, mbi çështjen e qeverisë teknike që do t’i garantojë, nuk ka dhe nuk do të ketë asnjë tërheqje.

 

Rruga për dialog, për një pakt kombëtar, për zgjedhje të lira dhe të ndershme, për pakt kombëtar për një Shqipëri europiane, mbetet e hapur edhe për partitë e republikës së vjetër.

Sepse kultura jonë, formimi ynë, vlerat tona janë ato europiane, pra dialogu. Por edhe vendosmëria jonë është për të mos dorëzuar më kurrë vlerat europiane tek krimi, tek droga dhe tek një kastë e korruptuar që e ka kthyer Shqipërinë në logon e vetë.

 

Prandaj, kjo ofertë nuk duhet të kuptohet si dobësi, por si zemërgjerësi.

 

Dy janë rrugët. Ta zgjidhim përmes dialogut, ose ndryshe populli do ta marrë në dorë!

 

Zoti e bekoftë Shqipërinë!

 

Zoti i bekoftë shqiptarët!

 

 

Read More

Dita e sotme është mbushur me zhvillime politike të prodhuara sa nga propaganda e sa nga halli i koalicionit të zullumit, i cili që prej ditës së sotme zyrtarisht ka vendosur të mos jetë në koalicion, por që vazhdon të mbajë peng, për shkak të zullumit në të cilin janë zhytur, zgjidhjen që pret një popull i tërë, që presin qytetarët shqiptarë, që presin miqtë e Shqipërisë, zgjidhjen e krizës politike të shkaktuar për shkak të makutërisë së verbër e cila i shtyn drejt projektit ogurzi të asgjesimit të zgjedhjeve të lira e të ndershme.

E kemi thënë prej ditës së parë të kësaj lëvizjeje madhështore, popullore, kombëtare dhe demokratike për zgjedhje të lira e të ndershme, për Republikën e Re që po vjen falë sakrificës dhe qëndresës tuaj, se rrënjët e kësaj lëvizjeje, janë thelllë në aspiratën e çdo qytetari, e çdo të riu e të reje, të çdo familjari, kryefamiljari për ti dhënë fund republikës së vjetër të demokracisë fasadë, të parlamenteve fasadë, të qeverisjes fasadë, e cila, për shqiptarët, ka prodhuar vetëm një ekonomi fasadë, rend dhe siguri fasadë, drejtësi fasadë, shëndetësi fasadë, arsim fasadë.

Sepse qëllimi i vërtetë i republikës së vjetër është të shërbejë vetëm si një fasadë për komplotin e madh politik dhe ekonomik që është drejtuar kundër çdo shqiptari, çdo shqiptari të ndershëm, çdokujt që dëshiron të jetojë me djersën e ballit, çdokujt që dëshiron që në liri, sipas aftësive dhe mundësive të tij, apo të saj, të ndërtojë një jetë për veten e tij, për familjen, për shoqërinë dhe një mirëqenie për kombin.

Ky komplot, ka marrë goditje vdekjeprurëse nga çadra e lirisë dhe nga lëvizja jonë kombëtare për Shqipërinë europiane.

62 ditë më parë apo le të themi, 65 ditë më pare, i mbani mend si krekoseshin, balozët e krimit të organizuar dhe tutorët e tyre politikë pas kësaj fasade, sepse kishin në xhep asgjesimin e zgjedhjeve të lira e të ndershme.  Realitetin e tmerrshëm të këtij vendi e kishin bombarduar me propagandën e paguar shtrenjtë me paratë e gjakut dhe të djersës së shqiptarëve, të cilat i vidhnin me koncesione, me tendera, me taksa të larta, me fatura, me abuzime, me hajdutëri dhe me paratë e krimit të organizuar dhe të drogës me të cilin bashkëqeverisin Shqipërinë tash 4 vjet.

 

Por fasada ka rënë, fasada është çjerrë.

Kush e çorri?Ju e çorrët! Shqiptarët e bashkuar në këtë lëvizje e kanë shkatërruar fasadën e gënjeshtrës.

E vërteta ka dalë në pah për të gjithë dhe madje për gjithë botën dhe sot ju them nuk ka bojë ta lyejë më realitetin e Shqipërisë së gjunjëzuar nga krimi dhe korrupsioni.

Por po kështu nuk ka më forcë ta kthejë mbrapsht këtë vullnet popullor që po kërkon të drejtën natyrale, të drejtën hyjnore, për të marrë në dorë fatet e tij.

 

Fatet e shqiptarëve nuk do të jenë më kurrë rob i komploteve politike dhe ekonomike, ky është premtimi i Republikës së Re, ky do të jetë realiteti i ëndrrës që po vjen.

 

Kush e arriti këtë? Ju e arritët, ju dhe qindra mijëra shqiptarë anembanë Shqipërisë që kanë qenë këtu vetë apo me zemër dhe mendje.

 

***

Opozita ka qenë dhe është më e bashkuar, më e vendosur dhe më e fortë se kurrë për të qenë në ballë të kësaj lëvizjeje deri në fitoren e saj. Së bashku morëm një vendim, nuk ka zgjedhje fasadë, zgjedhje të diktuara nga krimi dhe droga dhe opozita e respektoi kontratën e 18 Shkurtit, opozita sot është e bashkuar dhe e vendosur, kjo çadër dhe kjo lëvizje e madhe ia doli po kështu të shpërthejë e shpartallojë pazaret dhe intrigat.

Edhe sot u përpoqën të shkelin ligjin dhe Kushtetutën. KQZ-ja me të vërtetë ka refuzuar regjistrimin apo pranimin e kërkesës për të shtyrë regjistrimin e koalicioneve dhe sot në Shqipëri nuk ka koalicione zyrtare për zgjedhjet e 18 Qershorit.  Por ajk duhet ta hedhë atë poshtë, sepse, tani do të flas pak fare si jurist për juristët e KQZ-së, sepse po nuk e hodhët poshtë, jeni në kushte të shpërdorimit të detyrës dhe do ju çojmë për ndjekje penale.

 

Nuk ka kompromis me ëndrrën e shqiptarëve për Republikën e Re, por ka patur ka e do të ketë një gadishmëri për dialog të vërtetë që i shërben zgjidhjes.

Në këtë dialog ne vijmë me kërkesat e parashtruara nga qytetarët shqiptarë që përbëhen nga dy pjesë, dy pjesë të lidhura pazgjidhshmërisht me njëra tjetrën.

Hapi i parë është qeveri teknike me mbështetje të gjerë politike.

Hapi i dytë, mandati i kësaj qeverie, që ka të bëjë me zbatimin deri në fund të ligjit të dekriminalizimit për të larguar kriminelët nga institucionet shtetërore, nga parlamenti, nga bashkitë, për ti larguar ata që nuk na ranë nga qielli, as nuk i gjeti në Partinë Socialiste, por i solli Edi Rama për pushtetin e vet dhe i mban për pushtetin e tij në krye të vendit, në krye të punëve.

Së dyti, luftë të vendosur dhe të vërtetë kundër drogës që deri para një muaji nuk e shihte, se nuk ekzistonte, nuk e shihte as ai, as ish Ministri i tij i Brendshëm, as Ministri i tij aktual i Brendshëm, as miqtë e zhages nuk e shihnin drogën.

Ua kishte zënë sytë zhagia, prandaj se shikonin drogën. E megjithatë ti ia ke zbrazur zhaget gjithë shqiptarëve, dhe flasim për zhaget me të cilat korrupton ata që të qëndrojnë në krah kundër interesave të shqiptarëve, prapë se prapë, ne jemi për një zgjidhje me dialog.

Dhe së treti, kushtet për zgjedhje të lira e të ndershme, reformë të plotë zgjedhore, votim elektronik, biometrik dhe numërim elektronik.

Ne 24 orët e fundit, pazari i peshkut që është qelbur nga koka, nga Konispoli në Vermosh, nga Bilishti në Rodon, ka filluar manovrat që mendojnë se do e nxjerrin në breg republikën e vjetër që ua ka marrë e po ua merr lumi përditë. Pazari i peshkut mendon se tani që nuk po ia del dot faqe kurajos dhe bashkimit qytetar, do të negociojë me opozitën, me ne, politikanët e opozitës, një pazar politik që të mbajë në këmbë republikën e vjetër, dhe ti shesë qytetarëve sapunin për djath dhe kjo përbëhet nga dy platforma.

Platforma e pare, është hajde ti bëjmë edhe luftën kundër drogës edhe luftën kundër krimit edhe kushtet për zgjedhje të lira e të ndershme, po hajde se i bën Ed Rama këto. Pra njeriu përgjegjës për shndërrimin e Shqipërisë në Kolumbinë e Europës, sa i përket sasive të drogës, se në Kolumbi drogën e bëjnë të gjitha palët, kurse këtu drogën e kontrollon Edi Rama dhe çeta e tij, ajo që e solli në pushtet, pra, ky që e mbushi Shqipërinë me drogë, tani do besimin tonë se mund të luftojë drogën dhe paratë e drogës. I zoti i zhages, thotë do ta hedh zhagen në lumë.

Së dyti, njeriu që solli kriminelët në pushtet që e detyruam të bënim ligjin për dekriminalizimin me ndihmën e partnerëve tanë europianë, që sot u thotë botërisht, aleatit të vet dhe ambasadorëve, që jam bërë pishman që kam kaluar ligjin për dekriminalizimin, kërkon që shqiptarët ta besojnë se tani do ta zbatojë ky ligjin për dektriminalizimin, tani që e ka lakun në fyt nga ky bashkim popullor dhe vendosmëria juaj për ta spastruar politikën nga kriminelët.

Dhe së treti, njeriu që shkatërroi katër palë zgjedhje, Korçën e mbani mend, zgjedhjet e 2015, Dibrën dhe Kolonjën, ky do na garantojë kushtet për zgjedhje të lira e të ndershme.

Sigurisht, që nuk ka njeri që e beson, as të vetët nuk e besojnë. Pra Edi Rama nuk e ka e nuk do ta ketë kurrë besimin për të kryer këto detyra si Kryeministër.

Rruga tjetër, thotë, hajde të bëjmë qeveri teknike dhe shkojmë në zgjedhje me 10 korrik. Pra, qeveria teknike fasadë.  10 korrikun po e them meqë po qarkullojnë këtë ide, që do shpërndajmë parlamentin, se nuk zgjedhim presidentin, do futemi në krizë kushtetuese, dhe kushtetuta mbi të gjitha.

Qeveri teknike, po a e ka kjo qeveri teknike kohën e mjaftueshme për të zbatuar mandatin e saj që shqiptarët me të vërtetë të votojnë të lirë nga krimi, nga droga, që kartat e tyre të identitetit të mos blihen dhe të mos mblidhen. Sigurisht që jo.

Asnjëra dhe as tjetra veç e veç nuk bëjnë fajde. Të dyja bashkë, është oferta e lëvizjes më të madhe kombëtare për demokraci të vërtetë, për liri të vërtetë dhe drejtësi të vërtetë. Të dyja bashkë po, e bëjnë punën.

Ndaj, tash 62 ditë, ftesa jonë është kjo; së bashku, pavarësisht se kush i ka përgjegjësitë, ti japim fund e ta varrosim republikën e vjetër, këtë fasadë të komplotit kundër shqiptarëve, kundër xhepave të tyre, kundër punësimit të tyre, kundër shëndetësisë dhe arsimit të tyre dhe të hapim rrugën për një Shqipëri europiane me një pakt kombëtar të Shqipërisë europiane.

***

Kjo, zonja dhe zotërinj, është rruga e vetme në të cilën do të vazhdojë të qendrojë e të marshojë lëvizja jonë e madhe kombëtare dhe qytetare për liri dhe demokraci.

 

Por sot dua t’u njoftoj se në funksion të arritjes së këtij qëllimi madhor, të këtij vendimi të patjetërsueshëm të 18 shkurtit, opozita e bashkuar me në krye Partinë Demokratike të Shqipërisë ka vendosur intesifikimin e protestës qytetare në të gjithë Shqipërinë, duke ruajtur si pishtar, si bërthamë, si monument të kësaj lëvizje, çadrën e lirisë, 24 orë në ditë, por duke e shtrirë atë në mbarë vendin.

Ditën e hënë, të gjithë qytetarët shqiptarë, të djathtë, të majtë, patriotë, të rinj, të reja, të moshuar, bashkohemi mes orës 11.00 dhe 12.00 në bllokimin total të trafikut kombëtar në gjithë Shqipërinë. Ky është vendimi i opozitës së bashkuar.

 

Kjo orë është një orë e madhe e solidaritetit kombëtar. Eshtë një orë e madhe mesazhi i shqiptarëve të bashkuar ndaj kastës së korruptuar të republikës së vjetër se kurrë më nuk do të ketë tërheqje dhe kompromis, as pazar me interesat e republikës së vjetër por vetëm qendresë deri në hedhjen e themelit të Republikës së Re, që janë zgjedhjet e lira dhe të ndershme.

Por është po kështu, edhe fillimi i një aksioni politik, i cili vetëm do të përshkallëzohet për të kulmuar në një tjetër kulm, në datën 7 Maj, ku ne do ti rrijmë deri në fund fjalës së dhënë shqiptarëve dhe kavajasve, për të mos ia dorëzuar më Kavajën krimit, për ti thënë ndal krimit, drogës dhe kriminelëve në Kavajë, dhe pastaj në të gjithë Shqipërinë.

Oferta për dialog të vërtetë dhe për zgjidhje të vërteta, nuk tjetërsohet nga asnjë manovër për të shpëtuar karriken e kriminalizuar të Edi Ramës, por do të vazhdojmë të qendrojmë si një ofertë dinjitoze, për një zgjidhje gjithëpërfshirëse.

***

Tani populli e kupton dhe nuk ka nevojë për Fakultet Juridik. E kuptojnë qytetarët, natyrisht e kuptojnë dhe juristët dhe studentët e shkencave politike këtë që do them tani. Eshtë mirë ta kuptojë dhe Edi Rama, dhe nëse e di, akoma më mirë, se do të thotë se vetëm po gënjen, nëse nuk e di domethënë, është dhe injorant: Kushtetuta e Shqipërisë dhe kushtetutat e vendeve të tjera, ekzistojnë vetëm për të mbrojtur liritë dhe të drejtat natyrale dhe hyjnore të qytetarëve të tyre. Liritë dhe të drejtat e qytetarëve sic e ka thote Thomas Jefferson jane vetëevidente, të dhëna nga Zoti. Kushtetuta është instrument për ti garantuar ato.

Por të drejtat e qytetarëve dhe ndër to, e drejta për të zgjedhur me votë të lirë të pakërcënuar nga krimi e nga droga, të pableshme nga zuzarët e korrupsionit, është një e drejtë e cila qendron mbi cdo normë ligjore, dhe çdo normë ligjore, përfshirë Kushtetutën, ul kokën para të drejtës se qytetarëve për të vendosur me votë të lirë qeverinë e tyre.

Liria e qytetarëve është themeli, liria dhe të drejtat themelore të qytetarëve të republikës, janë themeli për të cilat Kushtetuta vepron si mburojë dhe jo si alibi.

Për të mbrojtur këto liri, ekziston Kushtetuta, dhe nuk janë këto liri për tu sakrifikuar për hir të Kushtetutës apo çdo parashikimi tjetër ligjor. Këto të drejta janë vetëevidente, thotë Thomas Jefferson.

Janë të drejtat tuaja me të cilat keni lindur, pavarësisht se i shkeli diktatura, për një pjesë tuajën. Keni lindur dhe ju shoqërojnë gjatë gjithë jetës tuaj. As nuk i jep as nuk i merr, as Edi Rama, dhe askush tjetër.

Ndaj të jeni fare të qartë. Zgjidhja e vetme që garanton bashkëekzistencën demokratike që garanton bashkëjetesën demokratike e cila sot kercenohet nga krimi, nga droga, që janë projektet elektorale te Edi Rames, zgjidhja e vetme, është qeveria teknike me mandatin popullor për të luftuar pikërisht drogën dhe për të garantuar votat e shqiptarëve dhe për të nxjerrë kriminelët nga qeverisja e vendit.

Dialog, absolutisht për të arritur këtë, dialog me zemërgjerësi për gjithëpërfshirje. Ne kemi zemërgjerësi që çdokush që pendohet, ti themi mirësevjen në Republikën e Re. Përndryshe, ajo që nisim të hënën, ajo që bashkë nisim të hënën, do të jetë vetëm paralajmërimi i parë se ne, nuk kthehemi nga kjo rrugë pa fitoren totale të kauzës qytetare.

Fitorja e kësaj kauze nuk është ambicie personale apo politike e imja apo opozitës. Eshtë domosdoshmëria e diktuar nga rrethanat dhe koha.

 

2017 do të jetë viti i fundit i krimit në pushtet dhe i pushtetit të bërë njësh me krimin. 2017 do të jetë hera e fundit që shqiptaret luftojnë për zgjedhje të lira e të ndrshme. 2017 do të jetë viti i fundit për drogën dhe drogmenët kudo ku janë.

 

Zgjedhjet para nesh janë të qarta, vendimet janë marrë. Kur Republika e Re, realiteti që të gjithë presim, endrra që ka zbritur në zemrat dhe mendjet e shumicës derrmuese të shqiptarëve, të jetë duke prodhuar efektet e saj konkrete për të përmirësuar jetesën e njerëzve, për të ngritur edhe njëherë ekonominë në këmbë, e pastaj për të ndezur motorrët e zhvillimit, për punësim shëndetësi që garanton trajtim me dinjitet dhe profesional të të sëmurëve, për arsim që edukon brezin e ardhshëm, shpresën e këtij vendi, shpresën e prindërve të këtij vendi, atëherë kur të kthejmë kokën pas, dy reflektime do na kujtohen në mendje dhe zemër.

I pari që kemi kaluar vite të errëta, kur këtu krimineli përshëndetej nga policët, kur këtu krimineli bënte ligjin. Kur krimineli dhunonte qytetarët në dyert e policisë, kur krimineli bënte ligje për drejtësinë, kur krimineli emëronte policin, doganierin, tatimorin.

Por ne do të jemi krenarë duke i thënë njëri-tjetrit dhe brezave që vijnë: kohët ishin të errëta, sfidat ishin të mëdha, por sot jemi këtu ku jemi, sepse ne thamë jo, ne thamë ndal, ne u ngritëm u bashkuam dhe fituam.

Zoti e bekoftë Shqipërinë!

Zoti i bekoftë shqiptarët!

---

Fjala e Lulzim Bashes ne Sheshin e Lirise, 20 Prill 2017

Read More

Kryetari i Partisë Demokratike, Lulzim Basha bashkëbisedoi sot me aleatët demokristianë në ditën e 61 të protestës për zgjedhje të lira e të ndershme, të cilët shpallën bashkimin e tyre në Sheshin e Lirisë, si shenjë e fuqizimit dhe e mbështetjes së kauzës për votën e lirë. Partia Demokristiane e Nard Ndokës dhe Lëvizja Demokristiane e Mëhill Gecajt vendosën sot unifikimin e tyre. Në bashkëbisedim morën pjesë intelektualë si Frrok Cupi, aktivistë të demokristianëve, qytetarë të angazhuar dhe përfaqësuesit e demokristianëve të Kosovës, si dhe pjestari i koalicionit opozitar, z.Vangjel Dule.

Gecaj u shpreh se po ndërmerr hapin e bashkimit me Partinë Demokristine për të fuqizuar qëndresën dhe rezistencën ndaj qeverisë së inkriminuar, për të rritur forcën për zgjedhje të lira e të ndershme.

Nadr Ndoka ka vlerësuar diversitetin që ka sot opozita që është shumë plurale në forcat që janë bashkuar.

“Të gjithë ku që protestoni në cadrën e lirisë, sillni shpresë, guxim dhe kurajo për cdo njeri sot. Për Alternativën Demokristiane, kjo është një ngjarje e vecantë. Bashkimi ynë bashkë me z.Gecaj fuqizon alternativën tone, edhe si bashkëpunotëre e ngushtë me Partinë Demokratike. Eshtë meritë e Partisë Demokratike e cila ka ruajtur pluralizmin tek e djathta. Ka një mozaik vlerash dhe ngjyrash tek opozita e bashkuar sot, tek e djathta shqiptare.

Kjo është e vecanta e kësaj opozite, e këtij bashkimi. Kemi përballë një parti që nuk ka program, madje ata duan të nxjerrin njëri-tjetrin nga koalicioni.

Partia Socialiste thotë, të nxjerrim jashtë LSI-në që na bëri pis qeverisjen. LSI thotë të ndahemi nga Partia Socialiste sepse na turpëruan me keqqeverisjen e tyre, me koncensionet duke krijuar një klimë mosbesimi tek shqiptarët. Kemi një mazhorancë në agoni, dy parti që kacafyten me njëra-tjetrën, që janë problematike edhe për institucionet shqiptare.

Do t’i bëj thirrje kryeministrit Rama që të ikë, dhe kjo është më e pakta që ne kërkojmë. Për reformën zgjedhore, e vetmja kërkesë e Ramës në vitin 2009, ishte përjashtimi i LSI-së nga skena politike. Rama kërkoi ndryshimin e Kushtetutës për zgjedhjen e Presidentit me këmbëngulje për ta bërë presidentin palë, jo një person mbi palët si garantues i Kushtetutës dhe unitetit kombëtar por i zgjedhur nga një palë. Sot ai nuk e njeh as këtë institucion. Sot kjo mazhorancë ka shpallur kapitullimin e vetë”, u shpreh Nard Ndoka.

Lulzim Basha përmendi vazhdimin e politikës së krimit të Ramës, sic po dëshmohet në Kavajë, dhe presionet e pashembullta ndaj administratës e qytetarëve për të mbajtur me cdo kusht pushtetin atje.

“Shikoni Kavajën sot. Ikën një kriminel, një përdhunues i dënuar në Itali, një trafikant i dëbuar nga Zvicra, dhe kë kandidon? Mëkëmbësin e kriminelit. Dhe në funksion të mëkëmbësit të kriminelit, cfarë bëjnë? Presion absolut, shkollave dhe gjimnazeve të Kavajë, presion absolut mësuesve, presion absolut prindërve. Pse? Sepse mëkëmbësi i kriminelit duhet të fitojë me cdo kusht, edhe kur nuk ka kundërshtarë përpara. Kjo është fytyra e vërtetë e republikës së vjetër, e qeverisë së inkriminuar që mundohet ta mbajë atë në këmbë.

Dhe, ndërkohë që hedh gjithë këto hapa, dhe investohet rëndë për të mbuluar të vërtetën, këtej na del si engjëll. Kërkon shtyrjen e datës së regjistrimit, për të mirën tonë. Për të mirën e shqiptarëve, jo për të mirën e partive, zgjedhje të lira dhe të ndershme do të ketë vetëm me një qeveri teknike e cila do të luftojë krimin, e cila do të uftojë drogën dhe do të krijojë kushtet për zgjedhje të lira dhe të ndershme. Sa për atë thënien, ti me bukë e ne me gurë, po të them që nuk lahet mjalti me shëllirë. Këtë mjaltin që ke gatuar vetë, ke vetëm një rrugë që mos ta hash të gjithin vetë, duke iu bashkuar një pakti kombëtar politik i cili një herë e përgjithmonë do të braktisë projektet e republikës së vjetër, interesat e republikës së vjetër që janë një grusht njerëzish, një grusht pushtetarësh, një grusht oligarkësh dhe një grusht kriminelësh, dhe do të përqafojë vetëm axhendën e interesit publik të qytetarëve shqiptarë. Eshtë rrugë e ndershme, dhe ne nga ky shesh, e ofrojmë me fisnikëri, edhe pse ti nuk e meriton, sepse ke qenë shkaktari, arkitekti i republikës së vjetër, i republikës së krimit dhe korrupsionit.

Por harroje, se do të ketë tërheqje nga ky projekt. Republika e Re po vjen. Republika e Re është e pashmangshme, është një realitet që e do cdo shqiptar. Cfarë do të thotë Republikë e Re? Republika e Re do të thotë që në kushtet e zgjedhjeve të lira dhe të ndershme, vetëm përmes një qeverie teknike që i garanton ato, në këto kushte, dhe vetëm në këto kushte, sovrani, qytetarët do të vendosin me votë të lire”, tha Basha.

Duke folur për Republikën e Re, Lulzim Basha u shpreh:

“Dhe me votë të lirë edhe qeveria e ardhshme, kushdo që të jetë ajo, edhe opozita e ardhshme, nuk do të kenë asgjë të përbashkët me këto që kemi sot.

Përse e them këtë? Sepse në kushtet e Republikës së Re, përmes ndryshimeve kushtetuese dhe institucionale, do të jetë e pamundur të kemi një qeveri arrogante me qytetarin. Të kemi një shtet arrogant me qytetarin dhe servil me pushtetarin.

Do të jetë e pamundur që një qeveritar apo një kryeqeveritar që guxon t’i kryejë vendit këto mënxyra që kjo qeveri i bëri për katër vite, të vazhdojë të qëndrojë në fron, sepse Republika e Re do të ketë të gjitha instrumentat për ta rrëzuar për 24 orë cdo qeveri që tenton të dalë mbi Kushtetutën dhe mbi ligjin. Dhe një opozitë e cila do të ketë të drejtat e plota kushtetuese dhe ligjore për të bërë rolin pa të cilën nuk mund të ketë demokraci, kontrollin e plotë, kontrollin dhe balancën e pushtetit. Në këtë mënyrë, do të sigurojmë që kushdo që merr përsipër të shërbejë në politikë, kushdo që merr përsipër të kërkojë votën për të qenë në pushtet, apo për të përfaqësuar shqiptarët në opozitë, ta dijë se, nuk do të jetë një profesion për t’u pasuruar brenda natës, por do të jetë puna më e vështirë, më e sikletshme, më llogaridhënëse para sovranit dhe pronarit të vërtetë të këtij vendi, që janë qytetarët e Republikës së Re, janë shqiptaret dhe shqiptarët e ndershëm. Këto parime gjejnë përkthim në shprehjet e dokumentave moderne ku Shqipëria është palë dhe ku Shqipëria ka marrë tashmë angazhime para botës.

Nuk ka vende anëtare të BE-së, që nuk garantojnë zgjedhje të lira dhe të ndershme, por këto parime kanë lindur me vetë identitetin europian, me konceptin e Republikës europiane. Res-publika europea, apo Respublica christiana, sic e njohin miqtë tanë demokristianë ku themelor është dhe mbetet dinjiteti i individit, i cili nuk mund të garantohet nga një shtet i fortë, por do të garantohet nga një qytetar i fortë dhe një shtet në shërbim të qytetarit.

Këto janë shinat mbi të cilat do të ecë ky projekt. Zgjedhjet e lira dhe të ndershme janë investimi i parë në këtë drejtim”.

---

Njoftim per shtyp, 19 Prill 2017

Read More

Koalicioni Opozitar, përmes një letre të nënshkruar nga kreu i grupit parlamentar të PD, Edi Paloka, ka sjellë në vëmendjen e KQZ, se afatet e parashikuara në nenet 64 dhe 65 të Kodit Zgjedhor, për regjistrimin e partive politike dhe koalicioneve zgjedhore, janë afate prekluzive, dhe nuk mund te shtyhen.

PS dhe LSI i kanë kërkuar KQZ-së që të shtyjë afatet e regjistrimit të koalicioneve zgjedhore. Në letrën e koalicionit opozitar drejtuar KQZ sot pasdite, thuhet se qëndrimi i KQZ ndaj kësaj kërkese, apo vendimmarrja mbi këtë kërkesë, do ta nxirrte këtë institucion thellësisht politik që shërben si mashë elektorale për kastën qeverisëse.

Bashkëngjitur letra e plotë drejtuar KQZ-së.

 

 

 

 

Read More

Read More