Blog

Deputetët e Partisë Demokratike, Bedri Mihaj dhe Kozma Dashi ishin sot pranë banorëve të Zharrëzit që janë futur në grevë urie, në përpjekje për të gjetur zgjidhje për problemer e rënda që kanë shkaktuar në këtë zonë punimet e Bankers. Deputetët Mihaj dhe Dashi rikonfirmuan mbështetjen për kërkesat e banorëve dhe kërkuan që qeveria të reagojë menjëherë e të ofrojë zgjidhje pasi gjendja shëndetësore e grevistëve është rënduar.

“Greva e urisë është një sakrificë sublime që e bën kushdo që i futet një rruge të tillë demonstrative për të zgjidhur hallet kur janë diskutuar shumë herë, nuk kanë gjetur zgjidhje, dhe është veprimi i fundit që bëjnë qytetarët. Duke qenë se është një sakrificë sublime, natyrisht që priten probleme shëndetësore. Pesë persona kanë qenë në spitalin e Fierit, ata kanë marrë ndihmën e nevojshme, u është dhënë mjekim ambulator dhe katër janë rifutur, ndërsa një është ende në spitalin e Fierit. Nëse problemet e tyre nuk do të zgjidhen, këta do të vazhdojnë, e kanë bindje që do ta vazhdojnë grevën e urisë dhe rreziqet për jetën bëhen evidente. Në këtë aspekt, i bëj thirrje qeverisë, kryeministrit, si deputet i qarkut të Fierit, që duhet patjetër ti futet seriozisht problemeve që ka kjo zonë sepse janë probleme që rrezikojnë jetë njerëzish, rrezikojnë pronat e tyre, rrëzikojnë të ardhmen e tyre”, u shpreh deputeti Mihaj.

“Nuk është herë e parë që jemi këtu. Shqetësimi i banorëve, siç e kemi thënë në deklaratë që ne si deputetë lançuam, e cila sot me kërkesat e banorëve të Zharëzës, e kemi çuar në tryezën e kryeministrit, pas takimit të parë. Qeveria ka detyrimin dhe tagrin të bëjë hapin e rradhës, të mos braktisë këta njerëz në hallin e tyre, por të shikojë ato pika dhe t’i zgjidhë. Nuk ka transparencë deri tani, por mund të them se ka një sens arrogance, sepse koha ikën, këta janë në situatë shumë të vështirë shëndetësore dhe krijohet idea se askush nuk po interesohet. Po krijohet idea se më shumë po politizohet se sa zgjidhet halli. Se a është fenomen natyror, apo po e shkakton njeriu, qeveria duhet ta zgjidhë. Ne kemi kontaktuar me Institutin e Gjeoshkencave me drejtues dhe kemi përsëritur, përse i paguan shteti këto megastruktura dhe nuk arrin të japë një përgjigje të qartë, pa ekuivokë, ashtu si në deklaratë. Tani jemi të shqetësuar për situatën e njerëzve këtu dhe të vijnë përfaqësues nga qeveria për të zgjidhur problemin e jo vetëm për fjalë. Deri tani nuk ka përgjigje nga qeveria dhe nuk ka transparencë”, tha deputeti Kozma Dashi.

Banorët e Zharrëzit janë në ditën e 7 të grevës së urisë. Punimet e Bankers kanë prishur banesat e tyre dhe e kanë bërë jetën të pamundur. Banorët kerkojnë dëmshpërblim dhe hetim të kontratës për punimet që ben kompania.

Njoftim per shtyp i Partise Demokratike, 27 Dhjetor 2016

Erjon Veliaj ka të paktën tre kallëzime penale në organin e akuzës, për ndërtim pa leje, shpërdorim detyre që solli si pasojë vdekjen e 17 vjecarit Ardit Gjoklaj, dhe falsifikim firme, e provuar tashmë dhe e pranuar nga vetë ai, e megjithatë, shqiptarët e shohin kryetarin e bashkisë së Tiranës, herë si dasmor të prokurorit të Tiranës, herë si mik drekash e darkash në restorante.

Ndërkohë që dosjet presin në prokurori, Erjon Veliaj jo vetëm nuk hetohet, por shpallet mik special i kryeprokurorit të Tiranës.

Me 8 dhjetor, u bë një vit që Erjon Veliaj falsifikoi firmën e policit bashkiak, për ti vënë gjobë protestës së PD. Ekspertimi ka treguar se firma e punonjësit të bashkisë ishte falsifikuar. Veliaj vetë ato ditë sfidoi ligjin duke thënë se ai mban përgjegjësi, ai e ka vënë gjobën. Por prokuroria në vend se ta cojë cështjen përpara, e emëron krushk të pandehurin.

Amjentalistët kanë bërë kallëzim penal për ndërtimin pa leje tek Paku i Liqenit, por prokuroria e Tiranës i ka zëvendësuar hetimet me qëndrime me orë të gjata në restorante më të pandehurin.

Prej gushtit, Veliaj është përgjegjës për vdekjen e Arditit, dhe mbarë shoqëria kërkon drejtësi. Partia Demokratike ka bërë kallëzim penal në organin e akuzës, por prokuroria ka prioritet marrëdhëniet e mira me Veliajn, ftesat për dasëm e dreka-darkat, dhe jo hetimin dhe drejtësinë.

Partia Demokratike i bën thirrje Prokurorit të Përgjithshëm të ndërhyjë dhe të mos lejojë mbylljen e dosjeve me qoka e shkëmbime favoresh. Partia Demokratike gjithashtu e kujton Erjon Veliajn se në mos sot nesër do të ketë drejtësi për Arditin e shpërdorimet e falsifikimet e tij, krime të rënda që sdo të mund ti mbyllë nëpër dasma e restorante.

Deklarata per mediat e Enkelejd Alibeajt, 26 Dhjetor 2016

Jam Edona 22 vjeç, studioj për inxhinieri ndërtimi.

Ndoshta Edi Rama ka zgjedhur të heshtë, por unë dhe shumë shoqe të miat, duam ta pyesim; pse nuk e shkarkon Elvis Rroshin nga Kryetar Bashkie?

Nuk i mjafton Edi Ramës ajo që Elvis Rroshi ka bërë?

Nuk është i mjaftueshëm dënimi nga drejtësia europiane për përdhunim dhe trafik droge?

A e ka menduar Edi Rama se duke mbrojtur Elvis Rroshin po inkurajon dhunuesit e grave dhe të fëmijëve?

A e ka menduar Edi Rama se duke mbrojtur Elvis Rroshin po inkurajon drogën dhe trafikantët?

A ka menduar Edi Rama se duke mos u përgjigjur, ai rreshtohet me të keqen.

Cfarë tjetër duhet të ndodhë që kryeministri të mbajë një qëndrim, të shkarkojë Elvis Rroshin?

Deklarata per mediat, 26 Dhjetor 2016

Të gjithë besimtarëve të krishterë u uroj nga zemra: Gëzuar ditën e lindjes së Krishtit, lindjes së shpresës, besimit dhe shpëtimit. Këtu nga Katedralja e Shën Gjergjit në Fier, ku kam uruar Imzot Nikollën, Mitropolitin e ri të Fierit dhe të gjithë besimtarët e Fierit dhe besimtarët anembanë Shqipërisë, dua të përsëris urimin tim: Krishtlindje të gëzuara për të gjithë besimtarët e krishterë, për të gjithë shërbëtorët e Zotit në të gjitha kishat, katedralet, manastiret anembanë Shqipërisë, dhe për të gjithë shqiptarët kudo që janë. Paqja e Zotit qoftë mbi shqiptarët. Në veçanti kam një urim që kjo ditë të sjellë më shumë shpresë dhe besim tek një e nesërme më e mirë për të vobektët, për të pamundurit, për njerëzit në nevojë, për të sëmurët, për të moshuarit. Zoti e bekoftë Shqipërinë. Zoti i bekoftë shqiptarët kudo që janë. Gëzuar!

Njoftim per shtyp i Partise Demokratike, 25 Dhjetor 2016

Partia Demokratike dënon me forcë dhunimin e qytetarit Niko Ndini në Korçë i cili shprehu sot lirinë e mendimit në prani të Edi Ramës. Por fjalët nuk i pelqyen kryeministrit, dhe për këtë qytetari u dhunua nga garda dhe policia. Eshtë e trishtë sesi me këtë sjellje të denjë vetëm për byroistet e dikurshëm, Edi Rama edhe në vigjilje të Krishtlindjes, nuk përcon mesazhin e paqes dhe bashkimit, por të dhunës, përcarjes dhe ndëshkimit të njerëzve për mendimet e tyre. Partia Demokratike kërkon hetim të plotë dhe angazhim serioz të prokurorisë për këtë ngjarje të rëndë, për të vënë para ligjit përgjegjësit e kësaj shkelje brutale dhe dhune ndaj një standardi të shenjtë siç është liria e mendimit.

Deklaratë e Partisë Demokratike, 24 Dhjetor 2016

Gjimnazistja pyet kryeministrin: Cfarë duhet të ndodhë tjetër që të veprosh

Jam Amanda 18 vjeç.
Dua të pyes sot Edi Ramen; përse nuk e shkarkon Elvis Rroshin nga Kryetar Bashkie?
A nuk i mjafton Edi Ramës ajo që Elvis Rroshi ka bërë? Nuk i mjafton dënimi nga drejtësia europiane për përdhunim dhe trafik droge?
A e ka menduar Edi Rama se duke qëndruar në krah të Elvis Rroshit po inkurajon dhunuesit e grave dhe të fëmijëve?
A e ka menduar Edi Rama se duke mbrojtur Elvis Rroshin po inkurajon drogën dhe trafikantët?
Cfarë tjetër duhet të ndodhë që kryeministri të mbajë një qëndrim?
Cfarë duhet të ndodhë tjetër që Edi Rama ta shkarkojë Elvis Rroshin?

Deklarate per mediat, 24 Dhjetor 2016

Shtresa më e varfer e shoqërisë është ajo pjese e popullsise qe trajtohet me Ndihme Ekonomike. Në kulmin e vafërise, me nje te rene te lapsit dhe pa asnje kriter, u shkurtuan, nga 120 mije familje qe trajtoheshin, në rreth 80 mije, pra nje e treta u hoqen nga lista, duke i konsideruar si JO TE VARFER.

Ndihma ekonomike vazhdon prej me shumë se katër vitesh të jete po e njejta pra maksimumi ka qene dhe vazhdon të jete 80 mije leke te vjetra në muaj per nje familje me 6 apo me shumë antare, pamvaresisht rritjes së cmimeve si rezultat i inflacionit. Pra, me pak fjale, kemi një ulje të konsumit gjatë këtyre katër viteve për keto familje.

Po e njejta situate është për të paaftet fizikisht dhe shoqeruesit e tyre, të cileve perpos qe u janë shtuar procedurat dhe kriteret per te mos perfituar pagesat e paaftesise. Sot, duhet te kene 15 vite pune, me pare ka qene 10 vite, pra është shtuar me 50% periudha e punesimit, për të mos e marrë këtë pagese; po ashtu, në 5 vitet e fundit duhet të kene 1 vit pune, kriter qe është shtuar gjatë kesaj periudhe qeverisje, kriter perjashtues për shkak se kjo ka qene edhe periudha me e veshtire per tu punesuar një njeri normal, jo me keta persona. Ndërkohë, nuk ka pasur asnjë rritje për pagesat ndaj tyre.

Pagesa e papunësise, ka qene që nese kishe një vit pune, mund të merrje 1 vit pagese papunësie, ndersa tani mund te marresh vetem 3 muaj pagesë papunësie.

Pensionet e pensionisteve nuk kane pasur asnje rritje, dhe vetem vitin e fundit kemi nje rritje indeksim ne nivelin e inflacionit vjetor, pavaresisht se cmimet e produkteve dhe shërbimeve që konsumon kjo shtrese janë shtrenjtuar më shumë se dyfishi i inflacionit.

Për 4 vite nuk pati asnjë shperblim për fund vitin për pensionistet

Për shkak të varferise dhe mungesës së shpresës (sipas studimeve të Bankes Boterore edhe për shkak te korrupsionit) kanë ikur nga Shqiperia nga 50 mijë deri në 80 mijë shqiptarë në vit.

Këto jane shtresat në nevoje dhe te varferit në Shqiperi, kjo është e vërteta e 4 viteve.

Reagim i Partise Demokratike, 23 Dhjetor 2016

Jam Anilda 18 vjeç.

Dua të pyes sot Edi Ramen, pse nuk e shkarkon Elvis Rroshin nga Kryetar Bashkie?

Nuk i mjafton Edi Ramës ajo që Elvis Rroshi ka bërë? Nuk i mjafton dënimi nga drejtësia europiane për përdhunim dhe trafik droge?

A e ka menduar Edi Rama se duke mbrojtur Elvis Rroshin po inkurajon dhunuesit e grave dhe të fëmijëve?

A e ka menduar Edi Rama se duke mbrojtur Elvis Rroshin po inkurajon drogën dhe trafikantët?

Cfarë tjetër duhet të ndodhë që kryeministri të mbajë një qëndrim?

Deklarata e maturantes Anilda Sulejmanaj, 23 Dhjetor 2016

Partia Demokratike respekton vendimin e Gjykatës Kushtetuese në lidhje me Ligjin e Vettingut dhe ripohon vendosmërinë e saj për spastrimin e sistemit të drejtësisë nga të korruptuarit dhe shërbëtorët politikë.

Partia Demokratike mbetet njësoj e shqetësuar se ligji aktual do ta vendosë vettingun e gjyqtarëve dhe prokurorëve nën kontrollin e Kryeministrit.

Kontrolli qeveritar i vettingut është njësoj i rrezikshëm pavarësisht se kush është kryeministër. Por në kushtet aktuale, kur kryeministër është Edi Rama i cili është i lidhur me krimin dhe është zhytur në korrupsion, kontrolli kryeministror i vettingut do ta thellojë korrupsionin dhe kapjen e drejtësisë nga politika.