Blog

Albana Vokshi për koncesionin dhe pasojat e dëmshme që do sjellë në shëndetësinë dhe financat e vendit

Jam sot për të rikonfirmuar qëndrimin e vendosur të Partisë Demokratike kundër konçesionit të laboratorëve, që prej fillimit të vitit 2015 dhe në mënyrë të vazhdueshme deri më sot. Unë dhe deputetet e tjerë të PD-së në Komisionin e Shëndetësisë, kemi bërë disa denoncime në lidhje me këtë konçesion korruptiv dhe abuziv.

Konçesioni i rrjetit të laboratorëve publikë vjen pas atij të check-up-it, të sterilizimit, të dializës dhe është një hap tjetër në planin e mirëmenduar dhe të qëllimshëm të Edi Ramës për të privatizuar shëndetësinë në favor të klientëve të tij.

Së shpejti, do të marrim vesh se kush nga klientët e kryeminitrit do ta gëzojë këtë pjesë të shëndetësisë. ‎Ky konçesion e çon aferën në më shumë se 400 milionë euro për 4 konçesione, vetëm në shëndetësi. 400 milionë euro që duhet të shkonin për shëndetin e qytetarëve shqiptarë.

Konçesioni i rrjetit të laboratorëve nuk ka asnjë rast të ngjashëm në botë.

Askund nuk është aplikuar në këtë shtrirje. Vlen të theksohet që të gjitha eksperiencat ndërkombëtare nuk dëshmojnë sukses, por kryesisht dështime apo rikthime në sektorin shtetëror.

Konçesioni po bëhet në mungesë transparence. Detajet e tij po mbahen të fshehta. Nuk janë pyetur mjekët, nuk janë pyetur punonjësit.

As Komisionit të Shëndetësisë të Kuvendit nuk i është dhënë informacion i plotë mbi konçesionin, duke shkelur kushtetutën, legjislacionin në fuqi.

Por ajo që e bën edhe më skandaloz këtë koncesion është se aplikimi i këtij projekti në QSUT sjell efekte të shumëfishta negative: për karakterin unik të shërbimeve laboratorike, në dëmtimin e parikthyeshëm të funksionit pedagogjik, edukativ-formues dhe shkencor të këtyre shërbimeve, që janë qendra kombëtare unike, ekselence për formimin, specializimin dhe punën kërkimore të të rinjve në këto fusha.‎ Dëmet do jenë të mëdha e të pariparueshme.

Konçesioni është korruptiv:

Beqaj pretendon që duhen 11 milionë euro investime, që qeveria nuk i bën dot, sepse nuk i ka këto fonde. Por gjithkush e di që në këtë sektor, rinovimi dhe modernizimi i laboratorëve mjekësore spitalore publike, nuk ka nevojë për investime fillestare, sepse testet laboratorike shoqërohen me teknologji në përdorim, mirëmbajtje si dhe informatizim laboratorik.

‎Konçesioni është tejet korruptiv:

Në një kërkim në faqen zyrtare të Agjensisë së Prokurimit Publik, në lidhje me shpenzimet për laboratorët në të gjithë vendin, na rezulton që në një vit, qeveria shpenzon më pak se 1 milionë euro në vit. ‎

Pra, nga 1 milion euro në vit që kushton sot i gjithë sistemi i laboratorëve, pasi t’ia kalojë privatit, shteti do t’i paguajë atij 8 milionë euro. Janë 7 milionë euro më shumë nga taksat e qytetarëve që do shkojnë në xhepat e klientit të rradhës.

Konçesioni do të monopolizojë sistemin laboratorik mjekësor, do të prodhojë çmime të pakontrolluara e të larta, do të cënojë cilësinë dhe transparencën e shërbimit dhe do të krijojë problem të sigurisë për shëndetin e pacientëve. Në këtë sistem të korruptuar që ne kemi, privati do të gjejë përherë mundësi të dëmtojë cilësinë për të fituar më shumë.

Konçesioni pritet të rrisë ndjeshëm korrupsionin nëpërmjet inflacionit të testeve laboratorike duke rritur fiktivisht pagesat nga shteti, nëpërmjet taksapaguesve.

Konçesioni pritet të ketë pasoja të ndjeshme njerëzore dhe humane, pasi rrezikon të hedhë në rrugë rreth 850 mjekë dhe staf mjekësor.

Me shumë gjasa, ata do të zëvendësohen nga njerëz më pak të kualifikuar por që kanë në xhep teserën e partisë, që ndjekin mbledhjet e PS-së, apo japin zarfet nën dorë.

‎Konçesioni, s’është gjë tjetër veçse një proçedurë korruptive dhe abuzive, vetëm 6 muaj para zgjedhjeve të përgjithshme, ‎që përbën një shkelje të rëndë.

Partia Demokratike i kërkon Edi Ramës  të tërhiqet nga ky koncesion kurruptiv i cili do ketë pasoja të rënda humane, shkencore, didaktike, financiare‎.

Partia Demokratike nuk e njeh, dhe do ta kthejë mbrapsht këtë konçesion, këtë vjedhje të re në shëndetësi, ashtu si edhe të tjerat që kanë bërë Edi Rama dhe Ilir Beqaj.

Enkeleid Alibeaj thirrje prokurorisë dhe KQZ të zbatojnë pa zvarritje ligjin e dekriminalizimit

Zbulimi nga media i rastit të deputetit të mazhorancës, Shkelqim Selami, i cili ka fshehur të dhënat dhe nuk ka deklaruar një dënim në Itali për trafik qëniesh njerëzore, tregon edhe një herë pse Edi Rama nuk e do dekriminalizimin, e pengon atë, dhe nuk është i gatshëm ta zbatojnë.

Ndërkohë që Europa e ka theksuar, e ka vënë tek kushtet e vendit tonë për integrimin europian, Edi Rama nuk bën asnjë përpjekje për aplikimin e dekriminalizimit, për ndarjen me krimin, me personat me të shkuar kriminale që i ka në parlament, në bashki e në zyra qendrore.

Jo vetëm nuk shkarkon Rroshin, të cilit ia quajti publikisht të mbyllur shërbimin kur i doli dënimi në Itali për përdhunim, por jep letra rekomandimi për kreun e bandës në Durrës, Lulzim Berisha, dhe del se po pasuron radhët me anëtarë të rij të klubit të krimit, me deputetë si Selami.

Pra Edi Rama vazhdon kontratën e tij me krimin në të gjitha format, dhe nuk ka ndërmend të ndahet prej tij.

Partia Demokratike i bën thirrje institucioneve që ligji i dekriminalizimit i ngarkon me këtë detyrë, KQZ dhe Prokuroria, të veprojnë me shpejtësi, të mos i zvarrisin rastet si deputeti Selami, e të tjerë deputetë dhe kryetarë bashkie të kësaj mazhorance.

Eshtë koha për pastrimin e politikës nga krimi.

Enkelejd Alibeaj për mbrojtjen që i është dhënë nga qeveria Eskobarit të Ballkanit

Sot, është publikuar në faqen zyrtare të Ministrisë së Drejtësisë kronologjia e çështjes së Klement Balilit, ku rezulton se eskobari i Ballkanit siç u cilësua nga CNN, është shpallur në kërkim ndërkombëtar që në datën 17 maj të këtij viti.

Prej kësaj date, prej 17 majit, Saimir Tahiri ka qenë nën detyrimin për ta ndaluar Klement Balilin, për të zbatuar urdhërin e kërkimit ndërkombëtar për veprën penale Krijim dhe Drejtim të Organizatës Kriminale, pa pritur më asnjë procedurë tjetër.

Ja ku është publikimi i Ministrisë së Drejtësisë, e gjeni në faqen e saj zyrtare.

Kjo është një dëshmi se Saimir Tahiri dhe Edi Rama, kanë mbrojtur Klement Balilin prej 8 muajsh. Nesër bëhen saktësisht 8 muaj, që Saimir Tahiri dhe Edi Rama refuzojnë të zbatojnë urdhërin për arrestimin e Klement Balilit.

Kjo pra është lidhja e qeverisë me krimin, ky është inkriminimi në nivelet më të paimagjinueshme.

Kjo është dëshmia që Edi Rama nuk shkëputet nga krimi, nuk zbaton dekriminalizimin që e kërkon edhe Europa si kusht për procesin e integrimit.

Kjo është mbrojtja e drogës, e trafikantëve, e karteleve.

Ne e kemi denoncuar qysh ditën që Edi Rama e emëroi Klement Balilin shefin e transportit të jugut, si emërimin e një personi me të shkuar kriminale, të arrestuar në flagrancë me 750 kilogram drogë.

Por Edi Rama jo vetëm nuk reagoi pas këtij denoncimi, por edhe kur vjen kërkesa për arrestimin e tij, nga gjysma e policive të Europës, nuk e zbaton dhe e mbron atë deri në fund.

Ja pra kush është rreshtuar me krimin, me drogën, me trafikantët, kundër shqiptarëve, kundër interesave të vendit.

I nderuar z. kryetar

Të nderuar kolegë deputetë,

Meqenëse Kryeministrit i pëlqen t’i referohet raporteve të ndërkombëtarëve, të citojë edhe thënie të paqena nga Shën Tereza, Kanti etj…Meqenëse as i kupton, për të kënaqur kërshërinë e tij dhe të kolegëve deputetë, por edhe të qytetarëve që në këtë orë na ndjekin, do t’u referohem vetëm raporteve të fundit që për fatin e keq të Ramës janë me bollëk, dhe mjafton t’u referohemi atyre si albitër i paanshëm…

Raporti I para dy ditëve i Eurostat thekson që Shqipëria, nën qeverisjen, politikat dhe reformat e Ramës, është “suksesshëm” vendi i dytë më i varfër në Evropë, me të ardhura për frymë vetëm sa 30% e meatares së vendeve të BE, duke lënë pas vetëm Bosnjën në vendin e fundit me 28%.

BERZH, në një studim që publikoi para disa ditësh ndalet më atë që Shqipëria është vendi me nivelin më të lartë të korrupsionit, e që ai (korrupsioni) mbetet sfida më e madhe.

Po ashtu, Banka Botërore në Country Snap shot (Albania) (tetor 2016): Poverty rate – niveli i varfërisë në Shqipëria është 47.5% ndërkohë që e lamë në nivelin 12.5% në 2013.

Dhe sot, ju qeveritarë, guxoni e na thoni që jeni solidarë… politikat tuaja janë solidare…Po ku është solidariteti kur ju jeni pasuruar shumë më shumë në vitet e fundit dhe qytetarët janë varfëruar shumë më shumë.

Po si mund të thoni sot që ju bëni politika solidare, kur qytetarët s’kanë me cfarë t’i ushqejnë fëmijët e tyre…

• Kur 100 mijë fëmijë s’kanë vafte ngrënie të mjaftueshme.
• Kur 50 mijë fëmijë shfrytëzohen për punë në rrugë?
• Kur me politikat tuaja keni spastruar popullsinë, këni zbrazuar fshatra të tëra, mbi 200 mijë shqiptarë janë larguar në dy vite
• Ndërkohë që 200 mijë të tjerë kanë aplikuar vetëmnë njëvit, pra gati 10% e popullsisë ose janë larguar ose po tentojnë të largohen.

Raportet e fundit të agjensive të mirënjohura ndërkombëtare tregojnë dështimin e reformave të Qeverisë Rama. Sot Shqipëria është vendi më i varfër dhe më i korruptuar në Evropë. Ka dështuar totalisht në implemetimin e ligjit të dekriminalizimit dhe antikorrupsionit. Sot vendin e kanë marrë peng trafikantët dhe bandat. Sot shteti ligjor është nën kthetrat e kriminelëve që bëjnë ligjet.

Thoni 24 ore në ditë që doni Vetting. Shumë mirë! Edhe unë, edhe kolegët e mi jemi pro Vetting-ut, sa më parë! Shqiptarët duan dhe meritojnë drejtësi! Por nuk meritojnë drejtësinë e kapur nga Edi Rama, por atë që ata realisht meritojnë! Ndaj, dua t’i bëj një apel Ramës të mbajë duart larg drejtësisë! Pasi drejtësia e Ramës është e lyer me duart e bandave dhe kriminelëve!

Korrupsioni dhe bandat kriminale janë të këqijat më të mëdha të këtij vendi.

Rama së pari

• Kriminalizoi parlamentin, dhjetëra depujtetë me problem më drerjtësinë shqiptare por edhe ndërkombëtare
• Kruminalizoi administratën, dhjetëra drejtues u vërtëtuan të kishin precententë penale e të dënuar;
• Kriminalizoi ekonominë me paratë e drogës që mbushi tërë sipërfaqen e vendit.
• Më pas krinimalizoi edhe votën duke humbur shpresën shqiptarëve që vota e tyre do të shkojë e do të lexohet ashtu si duhet.

E përsëris: Shteti i së drejtës është marrë peng, ndaj edhe deklaratat e Ramës tashmë s’i beson më askush refuzimi për hapjen e negociatave ka vetëm një përgjegjës, dhe ai është Edi Rama!

Të nderuar kolegë,

Korrupsioni dhe krimi ka kapluar vendin!

Shëndetësia zë vendin e parë por për korrupsionin që e ka pushtuar. Ministri i Shëndetësisë zë vendin e parë, por për të korruptuar dhe për figurë të urryer!

Korrupsioni tashmë i përhapur në cdo qelizë në shëndetësi, ka shkatërruar cdo shtyllë të saj, por ajo cfarë është shqetësuese është që po ju mohon qytetarëve atë çka atyre jau siguron kushtetuta: të drejtën për shërbim shëndetësor.

Po si mund të marrin kurën mijëra pacientët me kancer te onkologjiku kur më shumë se 400 mln euro shkojnë për koncesionet e check up, sterilizimit, dializës e tani laboratorëve? Që 400 mln shkojnë për shoqen Vilma, për shokun Ilir (jo beqa), për pronarin e kafenesë në një rrugë të humbur në Berat, e tani për klientin që ju siguroj e ka gjetur prej kohësh Beqa, sipas përmasave të fitimeve nga ai po qep koncesionin e laboratorëve.

Në media është vënë alarmi: çdo dy ditë vdes një pacient në spital për mungesë të barnave, kurave, dozat e nevojshme. “Velcade” quhet një kimiopreparat që mban peng dhjetëra të sëmurë në shërbimin e hematologjisë. Mungojnë nga antibiotikët te citostatikët lista e medikamenteve që mungojnë është e gjatë ato janë shumë të shtrenjta e nuk mund ta sigurojnë shpesh herë vetë pacientët: endoxan, Mabthera, etj.

Një zotëri i cili ka 11 vjet spitalevë pasi e shoqja është e sëmurë, thotë që një dozë kushton 2500 euro, ndërkohë gruas së tij i duhen 3 doza. Ai merr vetëm 130 mijë lekë në muaj pension. Si mundet ai t’i sigurojë gruas së tij këtë medicament?

Pyes z. Ahmetaj. A është kjo Qeveri Solidare? Që Vilma merr 185 mln lekë në muaj pa bërë asnjë analizë, pa bërë asgjë, ndërkohë që një pacient në dy ditë mund të humbi jetën në spital?

“Jemi bërë të thërrasim: ku je Enver! Le të më vrasin por të më japin të drejtën 11 vite spitaleve. Çdo dy ditë vdes një pacient, dje vdiq një nga Saranda” thotë familjari I pacientes të sëmurë me kancer (raporton gazeta Shëndet+).

Mendoni pak: diktatura, dhuna e ushtruar, shkelja e të drejtave nga qeveria Rama, është shumë herë më keq se dhuna më e egër e qoftëlargut!

“Open data” tregon që janë bërë 3 herë blerje nga QSUT për “Velcade”, por pacientët nuk e marrin atë ose e marrin vetëm ata që njohin Ministrin apo pushtetarët të tjerët, thjesht mund t’i luten zotit që t’i shpëtojë.

Pyes përsëri Ministrin e Ekonomisë: a është qeveri solidare kjo? A është sociale? A e mbron të varfërin? A ja merr të pasurit për të ndihmuar të varfërin? Këta janë pyetje retorike gjithkush e di përgjigjen.

Po pse nuk ka barna, kura, terapi për pacientët? Pse nuk investohet në public? Pse nuk mbështeten mjekët?

Të gjithë tashmë e dimë: Ministri nuk është më përfaqësues i qytetarëve, por është përfaqësues i klaneve e klientëve 24 orë punon vetëm për ta, për veten dhe shefin e tij në Qeveri.

Nuk e di si ndiheni ju kolegë deputetë të maxhorancës, por mua më vjen turp kur dëgjoj Ministrin e Shëndetësisë që pa u zverdhur, skuqur, pa ju dridhur qerpiku, të pranojë publikisht e botërisht që ai shoqe Vilmës i jep cdo muaj para për 10000 analiza që ajo s’i bën kurrë që çdo muaj 185 milionë lekë në muaj ose 2.5 miliardë lekë në vit, të taksave tonë, taksapaguesve shqiptarë shkojnë në llogaritë e Vilmës? Ramës? Beqes? Ndërkohë që pacientët cdo ditë mund të humbasin jetën për mungesë të Velcades apo barnave të tjera?

Sa spitale modern, qendra shëndetësore mund të ishin ndërtuar me këto fonde? Sa pacientë mund të ishin kuruar apo shpëtuar nëse këto para s’do t’i jepeshin Vilmës, apo Ilirit, po të bëheshin barna, pajisje, aparatura në spitale apo QSH?

Por nuk mbaron me kaq. Tani para zgjedhjeve kanë vendosur të japin edhe laboratorët me koncesion. Koncesion me afat 10 vjecar, me një total rreth 100 mln euro, që tejkalon mandatet e disa qeverive por janë zgjedhjet e ju duhen para, para për të blerë votat.

I kam dërguar shkresa zyrtare, i kam kërkuar të dërgojë Studimin e feasibilitetit, miratuar më anë të një ligji në këtë PArlament. Por ai refuzon. Refuzon të vijë në Komision! Refuzon të japë informacion e t’i përgjigjet deputetëve?

Çfarë i jep këtë siguri Beqes i cili refuzon të sjelle një studim të një marrëveshje për të cilën ka marrë votat në këtë kuvend? Po për cfarë e këni dhënë ju votën të nderuar kolegë? Që të vijë Beqa e t’ju thotë: s’dua t’jau jap raportin sepse kështu më pëlqen? E pastaj pas insistimit e pas presionit edhe të LSI të sjellë një raport në të cilin ka fshehur të dhënat më të rëndësishme? Sepse thotë që janë konfidenciale? Sepse qenkan konfidenciale për ne, ligjvënësit, por Beqaj mund t’ki ketë, që t’ja japë asaj kompanie të cilën e ka parazgjedhur ai dhe Rama.

Çdo gjë, terr informativ! Mungesë transparence! Për një koncesion i cili shumë shpejt mund të kthehet në rrezik të madh edhe kombëtar. Mund të kthehet në një rrezik për financat, për buxhetin. Mund të na kthehet në rrezik për shëndetin. Për mirëqenien e qindra familjeve. Rrezik për madje edhe sigurinë kombëtare!

Pse inistohet kundër vullnetit të të gjithë profesionistëve, teknikëve dhe mjekëve të laboratorëve, duke i shmangur duke i injoruar ata, dukë neglizhuar qëllimshëm cdo sensibilizim në lidhje me rreziqet që mund të vijnë? Dëmet që mund të shkaktohen?

Po pse aplikohen këtu në shqipëri formula që askush nuk guxon ti aplikojë? Edhe vëndet më të zhvilluara? Kur edhe të gjitha eksperiencat ndërkombëtare nuk tregojnë asnjë sukses?

Në asnjë vend të Bashkimit Europian nuk është aplikuar kjo praktikë e kushtueshme dhe monopoliste, që cënon sigurinë e shëndetit të popullatës. Projekte pilot me asistencën financiare të Bankës Botërore janë kryer në në disa vende si Egjipti, India dhe në Nigeria është testuar në disa spitale.

Çfarë thonë profesionistët e fushës?

“Çdo sugjerim dhe rekomandim  mbi aplikimin e PPP në formë koncesioni në sistemin laboratorik publik është bazuar në konsultime të gjera me profesionistë të mjekësisë laboratorike, të shoqatave europiane dhe botërore të mjekësisë laboratorike, dokumneta strategjike të Bashkimit Europian sic është Raporti i Panelit të Ekspertëve të Komisionit Europian lidhur me “Analizën ekonomike dhe vlerësimin e partneritetit publik privat në shëndetësi në vendet e Bashkimit Europian” dhe publikime periodike shkencore”.-thuhet në deklaratën e Shoqatës së Biokimisë Klinike dhe Mjekësisë Laboratorike shqiptare, e cila argumenton si më poshtë:

• Nuk ka të dhëna të qarta dhe të provuara për suksesin e PPP në shëdetësi.
• Komisioni i  ekspertëve të KE shprehet në rekomandimet e tij se “nuk është e mundur t’ju japim nje rekomandim të bazuar në evidenca shteteve anëtare të BE lidhur me rolin e PPP në shëndetësi”
• PPP në shëndetësi KA PASUR MË SHUMË HIJE SE SA DRITA” ( referuar sistemit Spanjol)
• PPP në shëndetësi ka një shtirje shumë të vogël në vendet e BE
• Nga analiza e panelit të eksperteve të KE rezulton se PPP ne te gjitha vendet e BE perfshin vetem 1% te investimeve ne sektorin e kujdesit shendetesor; perjashtim ben vetem Anglia dhe Portugalia.
• Nuk kemi asnjë evidence as nga dokumenta të BE, IFC dhe as nga vëzhgimi i literatures periodike shkencore lidhur me aplikimin e PPP në shëndetësi në formë të centralizuar dhe të gjeneralizuar.
• Ndërkohë në Shqipëri është kërkuar të studjohet aplikimi i PPP në formë koncesioni në 18 laboratorë publike spitalore që përbëjnë mbi 80% të sistemit laboratorik publik në vend.
• Krijohet monopol dhe dominim tregu (shembulli negativ i Aeroportit Nënë Tereza). Operatori privat do të orientohet nga fitimi duke u kufizuar dhe përqëndruar në kompani diagnostike me të cilët do të bëjë marrëveshje preferenciale.
• Koncesionari do të ketë interes të rrisë numrin e analizave me qëllim rritjen e fitimit ( rrezikohet të kemi inflacion testesh laboratorike). Për këtë qëllim ai do të nxisë mjekët kliniciste që të kërkojne sa më shumë analiza dhe kështu do të rritet në mënyrë të konsiderueshme dhe fiktive pagesa që shteti, nëpërmjet taksapaguesve, duhet t’i rimbursojë kompanisë private.
• Shembulli i Lesothos në Afrike ku një spital i ngritur sipas këtij modelit sot merr 1/2 e buxhetit të shëndetësisë së atij vendi.
• Nuk ka asnjë shembull ku shërbimi laboratorik unikal  universitar i një shteti të jepet me koncesion.
• Aplikimi i këtij projekti në QSUT do të kishte efekte të shumëfishta negative jo vetëm për karakterin unik të shërbimeve laboratorike në këtë qendër universitare, por dhe në dëmtimin e parikthyeshëm të funksionit pedagogjik, edukativ-formues dhe shkencor të këtyre shërbimeve, që janë qendra kombëtare unike dhe ekselence për formimin, specializimin dhe punën kërkimore të të rinjve në këto fusha.”

Nëse pyet Përfaqësuesit e Shoqatave të Biokimisë Klinike dhe Mjekësisë Laboratorike apo të teknikëve të laboratorëve, deklarojnë që nuk kanë asnjë dijeni e nuk janë konsultuar për koncensionin e shërbimit laboratorik mjekësor. As nuk janë pyetur, dhe as nuk janë përfshirë në asnjë grup pune. Pra, tinëzisht, profesionistët dhe ekspertët më të mirë janë përjashtuar nga vendimmarrja, megjithëse ligji thotë ndryshe!

Ministri thotë që është sektor që ka nevojë për investime të mëdha të cilat Qeveria nuk I bën dot se nuk i ka paratë. Justifikim bajat, i cili nuk qëndron aspak: Ky justifikim është hedhur poshtë nga ata që tërë jetën e tyre i janë përkushtuar kësaj fushe, pasi investimet e viteve të fundit nuk mungojnë, dhe as stafi i trajnuar e professional nuk mungon.

Është e rëndësishme të theksohet që analiza laboratorike është akt mjeksor, ashtu si kryerja e cdo procedure tjetër si vizita, dëgjimi me stetostoskop, kirurgji etj e si të tilla nuk mund të trajtohen “e bën aparati analizën”.

Shërbimi laboratorik është në funksion të të gjitha shërbimeve të tjera, kardiologjisë, pediatrisë, kirurgjisë etj. Nëse kirururgu, gjinekologu janë të fokusuar vetëm në punën e tyre, me anën e analizave laboratori i ORIENTON të gjithë të tjerët. Pa frikë mund të themi se laboratori vendos 80-90% të diagnozave. Për këto e për shumë arësye të tjera, ky shërbim duhet të mbetet shërbim public.

Ndaj, I kërkoj Kryeministrit dhe Ministrit të Shëndetësisë ta tërheqin sa më parë këtë iniciativë të rrezikshme për shëndetin, për buxhetin, për kërkimin shkencon, për mirëqenien e 850 familjeve por dhe të sigurisë kombëtare.

Ju kërkoj ta tërhiqni sa më parë këtë aferë korruptive dhe abusive  dhe 8 mln Eurot e alokuara për laboratorët t’i rialokojini për shëndetin dhe jetën e qytetarëve.

Fjala në Parlament e Albana Vokshit, 15 dhjetor 2016

Kryetari i Partisë Demokratike pret në takim Drejtorin për Europën Jug-Qëndrore në Departamentin Amerikan të Shtetit, z.Mathew Palmer 

Kryetari i Partisë Demokratike, Lulzim Basha priti sot Drejtorin për Ceshtjet e Europës Jug-Qendrore në Departamentin Amerikan të Shtetit, z.Mathew Palmer, me të cilin ndau vlerësimin për mbështetjen e vazhdueshme që Shtetet e Bashkuara i japin Shqiperise, e po ashtu ndau edhe shqetësimet për situaten aktuale në Shqipëri.

Z.Basha shprehu shqetësimin për sfidat e mëdha që po has Shqipëria, mbi të gjitha me cështjet që kanë të bëjnë me krimin, korrupsionin, me drogën, me zgjedhjet e lira e të ndershme dhe me dekriminalizimin.

Kryetari Basha tha se Partia Demokratike ka dhëne dhe jep mbështetje totale për integrimin europian të Shqipërisë dhe është e vendosur të vazhdojë kontributin e saj maksimal për të ardhmen europiane të vendit. Ai shprehu mbështetjen e opozitës dhe Partisë Demokratike për Reformën në Drejtësi që në hapat e parë, si një projekt thelbësor për të ardhmen afatmesme dhe afatgjate të Shqipërisë dhe si një instrument për të luftuar disa nga problemet madhore që Shqiperia ka. Basha theksoi faktin se ajo që Shqipëria ka nevojë është një drejtësi të pavarur, dhe jo e kapur nga qeveria apo kryeministri; sepse një sistem gjyqësor i kapur është një sistem gjyqësor i korruptuar, në shërbim të krimit dhe politikanëve të korruptuar.

Moszbatimi i ligjit të dekriminalizimit si provë e mungesës së vullnetit për t’u ndarë me krimin dhe për të respektuar sundimin e ligjit është një problem i madh për demokracinë dhe shtetin ligjor, u shpreh z. Basha, duke shtuar se individë me rekorde te rënda kriminale, të denoncuar nominalisht, me emër me pozicione dhe me fakte, edhe nga ambasadori Lu, jane sot në krye të bashkive të vendit, në Parlamentin shqiptar dhe në strukturat drejtuese të Partisë Socialiste.

Futja e personave me precedente kriminale në politike, administratë publike dhe vendimmarrje, ka ndikuar gjithashtu që droga të kthehet në aktivitetin më të madh prodhues në vend, duke sjellë investimin e krimit të organizuar në një infrastrukturë të tërë të prodhimit dhe trafikimit të drogës, dhe mosveprimi i shtetit ndaj trafikantëve nga ana tjetër, janë indikacione të qarta të rolit nxitës dhe mbrojtës për këtë aktivitet nga segmentet më të larta shtetërore, theksoi kreu i opozitës.

Sfida më e madhe sot është garantimi i zgjedhjeve të lira në kushtet kur procesi zgjedhor kërcënohet nga droga dhe kriminelet me mbeshtetje qeveritare, u shpreh z. Basha.

Nga ana e tij, z.Palmer, e falenderoi z.Basha për bashkëpunimin e deritanishem dhe theksoi se Shtetet e Bashkuara të Amerikës i ndjekin me shume kujdes zhvillimet në Shqiperi dhe se ata kanë gjithmonë nën vemendje dhe monitorim proceset zgjedhore dhe garantimin e zgjedhjeve të lira dhe të ndershme.

Njoftim për media i Partisë Demokratike, 14 dhjetor 2016

Partia Demokratike përshëndet miratimin e shpejtë të Opinionit të Komisionit të Venecias për 4 pyetjet që i ka drejtuar Gjykata Kushtetutese për vettingun. Opinioni i Komisionit të Venecias përbën kontribut për shqyrtimin e shpejtë dhe objektiv të cështjes nga Gjykata Kushtetuese.

Komisioni i Venecias, në paragrafin 64, ka shprehur qartë opinionin se grupi i punës i përbërë nga organet që janë nën varësinë apo ndikimin e Kryeministrit (sic janë DSIK, SHKB në Ministrinë e Brendshme, DPPPP, etj), duhet të jetë domosdoshmërisht nën mbikëqyrjen dhe kontrollin e plotë të Komisionit të Pavarur të Vettingut. Konkretisht, paragrafi 64 thekson se: “Për Komisionin e Venecias, konkluzioni themelor është që grupi i punës, i cili ka rolin kryesor në kontrollin e figurës dhe që përbëhet nga personel sigurie, të funksionojë nën mbikqyrjen dhe kontrollin e organeve të rivlerësimit dhe që të gjitha materialet në dispozicion të grupit të punës duhet të jenë në dispozicion të tyre”. Ky konkluzion themelor i Komisionit të Venecias konfirmon tërësisht qendrimin e Partisë Demokratike, se; procesi i kontrollit të gjyqtarëve dhe prokurorëve (vetting) duhet të bëhet vetëm nga organet kushtetuese të rivlerësimit, dhe se cdo organ tjetër qeveritar duhet të veprojë nën mbikëqyrjen dhe kontrollin e organeve kushtetuese të rivlerësimit (Komisioni i Pavarur i Kualifikimeve dhe Kolegji i Apelimit). E thenë qartë, paragrafi 64 i Opinionit të Komisionit të Venecias, sanksionon se vettingu i gjyqtarëve dhe prokurorëve duhet të bëhet jo nga Kryeministri, por nga organet kushtetuese të rivlerësimit.

Komisioni i Venecias në paragrafët 46 dhe 58 çmon se është Gjykata Kushtetuese që duhet të vlerësojë nëse organet kushtetuese të rivlerësimit, kanë kontrollin e plotë mbi organet qeveritare, si kusht që ligji të jetë në përputhje me nenet 6 dhe 8 të KEDNJ-së.

Ne nxisim Gjykatën Kushtetuese që të përfundojë në një kohë të shkurtër shqyrtimin e kushtetutshmërisë së ligjit të vettingut, sipas të gjithë cështjeve të ngritura në kërkesën e Partisë Demokratike. Komisioni i Venecias shprehet qartë në paragrafin 15, se nuk merr përsipër të analizojë përputhshmërinë ligjit me Kushtetuten dhe legjislacionin e brendshëm. Kjo detyrë i takon vetëm Gjykatës Kushtetutese, e cila duhet të garantojë që ligji i vettingut të jetë në përputhje me Kushtetutën.

Vettingu, sipas Kushtetutes është garancia e vetme për lagimin nga sistemi të gjykatësve dhe prokuroreve të korruptuar‎. Vettingu, sipas ligjit antikushtetues të Edi Ramës mbron të korruptuarit dhe kriminelët në pushtet.