Blog

Zoti kryetar!

Zonja deputete!

Zotërinj deputetë!

Mendja, zemra dhe shqetësimi im është sot tek ata dhjetëra, mijëra e ndofta më shumë fëmijë, burra dhe gra, të cilët përjetojnë ditë shumë të vështira nga kjo përmbytje. Nuk ka qenë katastrofale në hektarë, por ka marrë jetë njerëzish, dhe ka qenë nga më shkatërrimtaret të infrastrukturës së zonave rurale, e cila është gjithnjë infrastrukturë fragile, Dhe sot, nga lumi i Zi në Tropojë e deri në Pogon e Koshovicë, ka me qindra mijëra tonelata gurë të rrëzuar, tombina, ura të vogla të shkatërruara e që kanë bllokuar banorët, në një kohë kur, ajo, që spo ja them emrin për shkak të këtyre zonjave këtu, rri e krihet në parlament, e nuk ka dhënë asnjë qindarkë për ta.

Nga të katër anët vijnë sms, nuk ke ç’tu thuash, sepse sot vendi faktikisht nuk ka qeveri! Dëshmia më flagrante se sot ky vend nuk ka qeveri është fjalimi me kokë në tepsi që mbajti kufoma e pakallur që quhet kryetar qeverie sot. Zoti kryetar ju e konstatuat vet, sot ai foli këtu me kokën në tepsi. Dhe unë e kuptova mirë hallin e tij, e ka të qartë se e ka kokën në tepsi, dhe e ka kokën në tepsi para së gjithash dhe mbi të gjitha nga ky raport, i cili në çdo rresht, në çdo fjalë, në çdo presje, në çdo fjali e në çdo kapitull i thotë se me ty nuk ka negociata. Se negociatat do t’i hapë PD, do t’i hapë opozita. Ky është raporti, prandaj flet me kokë në tepsi.

Përsa i përket rekomandimit, vlerësoj gjithë punën e Komisionit dhe shpreh keqardhjen që nuk vendosi hapje pa kushte negociatash, sepse hapja pa kushte e negociatave ishte kërkesë e jonë, sepse hapja pa kushte ishte absolutisht zotim i forcës tonë politike për t’i trajtuar ato në mënyrën më serioze pasi dihet se shqiptarët po presin me padurim të lajnë duart nga kjo qeveri që është bërë simbol i plehut, simbol i korrupsionit, simbol i krimit, simbol i gjithë të këqijave.

Ndaj do kisha dashur shumë sot që ky raport të ishte vendim për hapje negociatash. Ju që jeni mësuar të lexoni vetëm mashtrimet e tij dhe ai që lexon vetëm mashtrimet e veta, ju keni përgjegjësi të rëndë para shqiptarëve. Në këtë vend dy vite më parë ka ardhur kancelarja e Gjermanisë, në krah të tij (Ramës), para gjithë shqiptarëve i tha një fjalë; negociatat do të hapen pasi ju të votoni, dhe jo vetëm të votoni por të zbatoni reformën, dhe ne të shohim e të bindemi sesi po e zbatoni atë.

Në mënyrën më serioze, Merkel dha të qartë kërkesën e Europës dhe e bëri këtë në Tiranë. Bëtë gjithçka që kjo të mos ndodhte.

Unë shpreh dhimbje që Komisioni nuk urdhëroi hapjen e menjëhershme, sepse ne do ta çonim përpara procesin por ju e detyruat Komisionin. Çdo shqiptar që e lexon rekomandimin, e ka të qartë si drita e diellit se është meritë e opozitës e cila votoi reformën. Edhe dje në krah e kishte kur fliste ai i pafytyrë, se nuk fliste njeriu ashtu kur ka në krah një diplomate, por ia përplasi në fytyrë sepse Rekomandimi ka të bëjë me Reformën që e votoi opozita. Rekomandimi ynë ka të bëj me votimin e reformës, të cilën e votoi opozita, dhe po të mos e votonte opozita rekomandimi nuk do ishte kërkund në horizont. Opozita ka bërë dhe do bëj gjithçka…

Mos më bëni të përmënd atë që thanë mbrëmë Knut Flickenstein, Kukan, etj. Njëri tha se do të duhen të paktën nja dy vite për të hapur negociatat. Nuk po them atë çka dimë ne, por po them atë që thanë zyrtarisht ata. Ddomethënë do t’i hapë PD. Cfarë tha Kukan? Tha se zgjedhjet janë testi bazë i transparencës së demokracisë. Duhet të jesh i verbër të mos kuptosh e të mos dish të lexosh rekomandimet, se Komisioni ka thënë çdo gjë, se Flickenstein tha të njëjtën gjë.

Ata që duan ta lexojnë me ndershëmri Komisionin, i ka thënë të gjitha Komisioni, ata që duan ta lexojnë me kokë në tepsi, ata pastaj vërtiten siç u vërtit Edi Rama këtu. Komisioni për fat të keqpër shkak tuajin dhe të Edi Ramës nuk hapi negociatat.

Meqë e keni pasion mashtrimin e shqiptarëve më lejoni të sqaroj pak shqiptarët.

Kishte 3 rryma.

-Njëra rrymë ishte që të gjitha problemet të kalonin në paketën e negocimit. I kësaj rryme ishte Edi Rama, i cili bënte përpjekje të jashtëzakonshme. I kësaj rryme ishte opozita. Nëse opozita kërkonte kushte, dhe bënte shumë mirë, të cilat s’janë të saj, janë kushte të funksionimit të demokracisë.

-Një rrymë tjetër ishte që në mënyrë kategorike Jo, asnjë rekomandim.

-Rryma e tretë prevaloi zërin e më të fuqishmëve, prevaloi ajo që Angela Merkel u tha shqiptarëve në Tiranë: Do votoni reformën, do zbatoni reformën, do t’u shohim sesi do ta zbatoni. Kështu që si përfundim negociatat nuk u hapën dhe shakaxhinjtë vazhdojnë misionin e tyre, të bëjnë rrugaçin në parlament por kjo është puna e tyre. Si përfundim njëriu që i pengoi shqiptarët dy vite me radhë për të votuar tre ligje, me rekomandim të shkruajtur e zezë mbi të bardhë i pengoi dhe sot duke u përpjekur të kapë prej zverku reformën në drejtësi. I pengoi edhe sot. Por i them Edi Ramës se kjo është gënjeshtra e fundit, se këta janë muajt e fundit në pushtet. E them dhe një herë, se qenit kur i vjen ngroshja shkon dhe urinon në derë të selisë.

Zotëria (Rama) shtroi një çështje këtu, përsëri me kokë në tepsi.

Ka ndërhyrë për korrupsion politik në një fushatë elektorale më shumë se çdo njëri tjetër mbi tokë. Fushatat elektorale janë fushata elektorale, janë të hapura dhe çdo njëri ka mendimet e veta për fushatën, për kandidatët, e për të tjerat. Por ndërhyrja në mediat më kryesore amerikane, që ky as me sy nuk i sheh po të mos ja ofrojë korrupsioni politik, përbën një akt korruptiv shumë të rëndë. Po pse them me kokë në tepsi? Sepse e di ai mirë që kokën e ka në tepsi dhe e di që do iki sepse shqiptarët do i vënë drynin, por vepron në parimin e  të sëmurit psikik që nuk njeh kurrë gabim, të keqe apo pendesë.

Ju e dëgjuat kur foli. A vdiqën tre vetë nga përmbytjet? Dhimbje është për ne dhe për çdo njëri. I vetmi që nuk përmëndi asnjë çerek fjale për vdekjen e tyre dhe  që nuk bëri asnjë ngushëllim për familjet e tyre ishte kreu qeverisë. E mblodhi një shtab emergjence, dhe mirë bëri, por një fjalë nuk tha se patëm tre viktima, një ngushëllim familjeve të tyre nuk ja u çoi. Nuk ka ky ndjenja nerëzore. I sëmuri psikik këtë ka, ky është tipari kryesor i psikopatit. Nga një anë (Rama)  i thotë tjetrit (Trump) turp i qytetërimit botëror, e përdorin të gjitha mediat, dhe nga ana tjetër thotë se e ka thënë për Kosovën. Tipike e të sëmurit, tipike e njëriut që ka kokën në tepsi. Cfarë ndodhi me Kosovën. Mediat serbe, për hir të së vërtetës e shkruan dhe e thanë që Trump ka thënë se është bërë gabim i madh me Kosovën, se ka thënë duhet ti kërkojmë të falur Serbisë. Kur mediat serbe e përsërittën për së dyti, direkt zëdhënësi i tij e përgënjeshtroi në mënyrë kategroike. Po pse ky (Rama) nuk pranon përgënjeshtrimin. Ky vetëm për menderen e tij e ka, se e di që e ka kokën në tepsi. Nëse Rama e bëri herën e parë, të na thotë pse e citoi herën e dytë kur fushata e Trumpit ka përgënjeshtruar dhe ka thënë në mënyrë absolute se nuk është e vërtetë. Përsa i përket bombartimeve, kandidati në zgjedhje i SHBA në kohën e Luftës ka qënë shumë më radikal, ka kërkuar futjen e trupave tokësore në Kosovë, ka qënë më radikal në moralin e asaj që nuk duhet të vrasim në 10 mijë metra lartësi por duhet të fusim trupat dhe të realizojmë qëllimin. Kundër Kosovës paska qënë futja e trupave? Eshtë turp ta pretendosh këtë, por e bën sepse kokën e ka në tepsi. E ka nga shqiptarët kokën në tepsi, nuk e ka nga Trump apo nga komisioneri Hahn.

Dy fjalë lidhur me vizitat e tij në Beograd. Më jepet rasti ti kthej një përgjigje për këtë megjithëse ky ka një zinxhir mashtrimesh pa fund. Ka thënë se paraardhësi im nuk e bënte këtë. Tani unë do sqaroj pozicionin tim. Nuk kam asnjë vërejtje pse ka shkuar në Beograd. Përkundrazi, unë nuk kam qënë kundër zhvillimeve të marrëdhënieve me Beogradin por kam patur dy parime. E para, i kam ftuar të vijnë ata në Tiranë dhe presidenti Tadiç ka pranuar ftesën dhe e keni të botuar në mediat zyrtare. Kam patur dhe një kusht të dytë; të vini dhe t’u vijmë por për Kosovën asnjë fjalë. Do sqaroj shqiptarët unë këtu, folklorin shitjauni atyre që hanë folklor, unë merrem me politikë jo me folklor. Për kosovën asnjë fjalë. Ka qënë ministër i jashtëm i partisë aleate sot tuajën kur Merkiç ka ardhur në zyrën time. Ka ardhur e kam pritur në zyrën time dhe nuk është diskutuar asnjë fjalë për Kosovë. Nuk ka folur kush më shumë se unë për kosovën në këtë vend. Pse kjo? Sepse serbët ishin patologjikë në kërkesën e tyre që Tirana dhe Beogradi, dhe jo Prishtina, të zgjidhin çështjen e Kosovës. Kjo ishte arsyeja që unë ja u kisha përcaktuar shumë qartë që për Kosovën do bisedoni me udhëheqësit e Kosovës.

E dini ju sa ftesa, që në fund të 2005, kërkesa që të bëjmë marrëveshje të përbashkëta për ta zgjidhur në 24 orë-48 orë çështjen e Kosovës. Që të gjitha kanë marrë atë që duhet të merrnin, Tani a bëri gabim Rama se u tha që duhet të njihni pavarësinë? S’bëri aspak gabim. Po ku dëshmoi Rama skandaloz për të mos thënë më shumë. Skandaloz u dëshmua te marrëveshja që përfshin tre vendet dhe firmoset vetëm nga Tirana dhe Beogradi. Ajo është absolutisht një thikë e mirëfilltë në interesin kombëtar, por ju s’keni interes kombëtar. Nëse ti me Beogradin nënshkruan marrëveshje për autostrada dhe hekurudha që përfshijnë Prizrenin dhe Prishtinën, të dy ju, Tirana dhe Beogradi e hiqni veten si zotër të Prishtinës. Dhe ky është një akt i shëmtuar, jashtëzakonisht i rëndë. Ata udhëheqës kosovarë, të cilët i kanë shprehur këto dhe ja kanë shprehur atij në mënyrën më të vendosur këto, por nuk dinë ata se i sëmuri psikik s’mund të ketë pendesë, ata vetëm këtë kanë patur, sepse ata kanë respekt dhe mirësjellje. Po kur nënshkruan ti në territorin e tyre, në territorin e republikës sovrane të tyre, marrëveshje pa palën kosovare…..

Ne absolutisht do bëjmë rezolutën kundër kësaj marrëveshjeje. Ta harrojë kush se mund të firmosë nga Tirana për Kosovën, në asnjë rrethanë pa patur plotfuqinë e presidentit të Kosovës apo të qeverisë së Kosovës. Firmat janë plotfuqira dhe këto i bën vetëm një njëri që s’ka apatrid, që s’ka dhè, s’ka interes kombëtar, një njëri i papërgjegjshëm. Do e shohësh ti marrëveshjen e detit se për llogari të kujt është bërë, mos u ngut, unë kam durim. Do e shihni ju se pse u fut në spirale Rama. Unë jam i qetë fare. Mos mendoni ju se veprimet antikombëtare të tij nuk do dalin një ditë, do dalin që ç’ke me të. Marrëveshja e detit u rrëzua për hesap të një pale të tretë dhe jo për interesin kombëtar të shqiptarëve. Mbajeni mënd për ata që kanë qoftë dhe minimumin e interesit kombëtar dhe kjo fjalë e imja di t’u ndjekë ju çdo muaj dhe çdo vit, ju do shihni këtu e do jeni dëshmitar të frikës që i futët interesit kombëtar me qëndrimet tuaja. E bëtë strikt për interesa të një pale të tretë, sepse s’keni interes kombëtar.

Njerëz që s’kanë asnjë interes kombëtar, njerëz të cilët për llogari dhe para të një pale të tretë i futën një thikë të fortë interesit kombëtar dhe koha do e provojë se cila është dhe se çfarë bëtë. Sikundër i futët thikën Kosovës për llogari të Beogradit me marrëveshjen që firmosët.

Zoti kryetar!

Pra, njëriu që foli këtu me kokë në tepsi, edhe të tjerë që flasin sot në vende të tjera me kokë në tepsi, jo nga Trumpi por nga popujt e tyre, kanë hallin e karriges së tyre dhe jo të vlerave. Amerika është vendi i vlerave, e kanë bërë të madhe vlerat dhe forcë më të madhe në botë që të lëshojë vlerat nuk ka. Nuk ka ngel njëri i blerë e i shitur, nuk ka ngel njëri pa moral, njëri i lidhur kokë e këmbë me krimin si Edi Rama të bëj avokatinë e vlerave amerikane. Nuk doja fare të hyja në këtë debat, s’ishte pse të ishte debat i sotëm ky, por hyri vet, foli me kokën në tepsi, foli dhe mbrojti korrupsionin e tij, mbrojti faktikisht fatin e tij të humbur, karrierën e tij të fikur nga shqiptarët. E pe studimin: 27% flasin për këtë qeveri, 38% për qeverinë e Sali Berishës. Dhe më vjen keq për këtë sepse ajo tani është një arkiv, shqiptarët duhet ët shohin përpara. Dhe kur e pashë atë studim u trishtova, njerëzit nuk duhet të udhëhiqen nga nostalgjia, qeveria ime është e nostalgjisë tani, është qeveri e të shkuarës, shqiptarët meritojnë qeverinë e sotme dhe të ardhme. Të sotmen e vlerësonin 11 pikë më poshtë se ish qeverinë. A ka dënim më të madh se kjo?

E dini çpo më kujtoni? Kthehemi pak në vitin 2005. Cfarë ndodhi në maj të këtij viti. Të gjithë ambasadorët përveç njërit, dhe ky ishte ambasadori republikës së Turqisë, pa përjashtim kishin çuar dispaçe se fiton e lavdishmja PS. Të gjitha kancelaritë kishin pregatitur telegrame për PS. E gjithë Internacionalja Socialiste e botës kishte pregatitur telegrame për PS. Që të gjitha u ngelën në sirtar. Fitoi PD dhe fitoi jo në këto rrethana që janë dhjetë herë më të favorshme për të se sa ç’ishin në 2005. Kështuqë në fytyrën e secilit, edhe në buzëqeshjet tuaja unë shoh dëshpërimin e thellë të disfatës që ju pret.

Sa për raportin, pesë kushtet, që të gjitha janë të shkruara në raport dhe nëse ju thoni jo, ju garantoj se do i detyroni partnerët t’ja u numërojnë një nga një.

REPLIKA E ZOTIT BERISHA ME MINISTRIN BUSHATI

Ju e dëgjuat parafolësin tek tha se qeveria e kryesuar nga Berisha lejoi Serbinë pa kushte që të marrë kryesimin e rradhës së OSBE-së. Kjo është një paftyrësi dhe ky është i paftyrë. Pse? Vetëm atë që se bëri qeveria. Qeveria i vuri kusht Serbisë, kusht me garant dhe ndërmjetës dhe këtë kusht e di ish ministri i jashtëm i Shqipërisë që përfaqësointe LSI-në, që e keni patur ministër deri para një muaji. Dhe kushti ishte ky; të pranojë dhe njohë diplomat reciproke të universiteteve dhe kryesisht Presheva. Dhe delegacioni shqiptar që ishte në një nga vendet baltike u përball me presione për ta lejuar dhe e lejoi me kusht, dhe e lejoi me një kohë të caktuar për heshtjen. Por i paftyri është i paftyrë, i lejon vetes të flasi kështu. I paftyri është i paftyrë kur thotë se ka dhënë intervista me lëkë. Në jetën time kurrë nuk kam dhënë qoftë dhe një intervistë të vetme me lekë. Kam qënë i kërkuar jo pak nga mediat, por intervista me lëkë smë ka shkuar mendja kurrë ti jap ndonjë medieje. I paftyrë përsëri kur thotë për çështjen e detin. Kam qënë kryeministër, kam disponuar të dhënë dhe informacione dhe këtë që e them e them me përgjegjshmëri të madhe dhe të plotë se është veprim totalisht në interes të palës së tretë. Dhe koha do e provojë këtë! I paftyri thotë se e çuam në Gjykatë. E çoi Rama në gjykatë, nuk e çuam ne në gjykatë. E çoi për llogari dhe para të palës së tretë. Duke thënë këtë ju them se edhe pse unë dija gjithaçka për këtë, përsëri e them se qeveria shqiptare është e detyruar të respektojë vendimin e gjykatës, prandaj urdhëroni të shkoni në arbitrazh dhe le ta zgjidhë arbitrazhi sepse ka arbitrazh dhe gjykatë deti, ka jo një por dy madje, sepse qeveria shqiptare këtë çështje nuk mund ta zgjidhi duke shkelmuar mbi vendimin e gjykatës kushtetuese. Ky ka qënë qëndrimi im zyrtar. E kam mbajtur kur kam qënë edhe vet në qeveri, e kam mbajtur edhe tani që jam në opozitë. Kurse tjetra është firmosja e marrëveshjeve. Këta janë skllevër të Beogradit. Meka e tyre është Beogradi. Kush është ai që mund të firmosë marrëveshje pa palën e interesuar? Vetëm nëse është koloni. As e inkurajon kurrë Bashkimi Europian një gjë të tillë. Ky është një akt aventurier i Ramës që mendon se Kosova është një hiç, që mendon se Kosovën do ta zgjidhë problemin duke e destabilizuar Kosovën. Që mendon se destabilizimi i Kosovës është rruga drejt bashkimit kombëtar. Këta janë aventurirë, këta bëjnë lojën e Beogradit, këta bëjnë lojën e ndarjes së Kosovës por një lojë që do dështojë në mënyrën më të turpshme. Kosova është shtet i pavarur dhe askush s’mund të vendosë për Kosovën. As Beogradi as Tirana përveç këtij bastardi dhe atij tjetrit, bastard të bllokmenëve xhelat që shitën ditë e natë çështjen kombëtare. Këta që janë mbrujtur me shitjen e saj tek Beogradi, këta do mbrojnë çështjen? Këta mbrojnë mafien dhe interesat e tyre po s’mundet kurrë të mbrojnë çështjen kombëtare.

A e detyroi ky zotëri (Rama) të ikë gjismën e parlamentit me vizitën e tij në Kosovë, vizitën e tij të parë si kryeministër në Kosovë. Ky e detyroi LDK të dalë nga parlamenti. A e deturoi ky përfaqësues të partisë tjetër, PDK-së të reagojnë fuqishëm nga postet që patën për vizitën e tij të fundit në Beograd. Sigurisht, të nëshkruash marrëveshje ku të jetë territori Kosovës mbi të, asnjë diskutim ska që ti ke bërë një akt të pabesë sa më nuk bëhet. Unë e kuptoj se në ç’batak keni rënë. Ky që ka mbushur ministrinë  ejashtme me soj e sorollop kushurinjtë e tij, e ka katandisur në derexhenë më të zezë të historisë së saj, më jo serioze, më të turpshme merr fjalën këtu dhe shpif njëri pas tjetrit. Po sa për raportin, nëse ka një gjë ajo është reforma në drejtësi që u votua nga opozita. Po ti je i paftyrë. Nga njëra anë thoni hajd etë punojmë, nga ana tjetër thoni po e pengoni. Dhe filloni e mbaroni me fjalime kundra opozitës. Bij të etërve mizorë, që kundërshtarin e kishin armik për ta zhdukur. A e dini ju që mbrëmë, bashkëshortja e ministrit dhe ish kryeministrit quan fitorene  Tramp si fitoren e Hitlerit. Se që ta dini ju, ajo Delina ka fuqi më shumë se të gjithë grupi këtu. Ne jemi një vend aleat i SHBA dhe alenca me SHBA është jashtëzakonisht jetike për shqiptarët dhe nëse nga qeveria shqiptare, pasi Rama mbron këtu atë që ka thënë për kandidatin e zgjedhur, nxjerr pastaj ish basgkëshorten dhe e quan si fitoren e Hitlerit, këtu i bie që po silleni si etërit tuaj, as Enver Hoxha e Mehmet Shehu sdo silleshin ndryshe. Si mund të flitet kështu për një njëri i cili solli një risi të jashtëzakonshme. Cdo njëri mund të ketë në fushatë deklarata për tu bërë vërejtje, por ama ajo ishte fushata për herë të parë në historinë e SHBA me paratë e Donald Trumpit. Pse nuk nuk e thoni këtë? Pse nuk e thoni që ky njëri mund ti japi fund atij sistemi që nuk është i përshtatshëm fare, ta marrim shembull të gjithë. Asnjë qindrakë nga paratë e taksapaguesve nuk u përdor, të gjitha të vetat. Ps e ekeni tmerr ju Trumpin? Sepse Trump fitoi nga rrjetet sociale sepse të gjitha rrjetet zyrtare mbi tokë ju përveshën kundër. Rrofshin rrjetet sociale! Prandaj i ka tmerr Rama rrjetet sociale e nga portalet. Dëgjoja mbrëmë edhe Delinën, ish bashkëshorten, dy portale ma kanë sulmuar Edin thoshte. A e dini ku e ka hallin e protaleve? Portalet kanë një gjë të keqe shumë për Edin, se krahas shkrimit kanë dhe zërin. Kjo e tmerron atë. Se portalet i nxjerrin deklaratat e tij me zë e figurë nga arkiva dhe kjo e vret atë shumë. Portalet janë bërë lugati i tij, lugati juaj. Portalet do ju përmbysin ju!

Fjala në Parlament i ish-kryeministrit Sali Berisha, 10 nëntor 2016

• Rekomandimi për hapjen e negociatave për anëtarësimin e Shqipërisë në Bashkimin Europian është një lajm i shkëlqyeshëm për Shqipërinë dhe për gjithë shqiptarët.
• Reformat e thella që ne ndërmorëm hodhën gurët e themelit dhe ndërtuan konturet e këtij procesi përmes asociimit të Shqipërisë dhe përmbushjes së gjithë detyrimeve për marrjen e statusit kandidat.
• Rruga që kemi përpara është e vështirë, sfida të mëdha dhe të menjëhershme na presin, mbi të gjitha zgjedhjet e ardhshme dhe prerja e lidhjes së politikës me krimin
• PD, partia e interesit kombëtar, partia e integrimit europian të vendit do të jetë po kështu partia që do të hapë negociatat me Bashkimin Europian, dhe përmes bashkimit të të gjithë shqiptarëve që duan një qeveri të kontrolluar nga qytetarët dhe jo nga krimi, që duan një qeveri të pastruar nga korrupsioni, çka mund të kaloj vetëm përmes një drejtësie vërtetë të pavarur dhe jo të kapur nga qeveria, ne do t’ia dalim.

Konferenca e plotë për mediat e Kryetarit të Partisë Demokratike Lulzim Basha

Të dashur bashkëqytetarë,

Të nderuar përfaqësues të medias,

Rekomandimi për hapjen e negociatave për anëtarësimin e Shqipërisë në Bashkimin Europian është një lajm i shkëlqyeshëm për Shqipërinë dhe për gjithë shqiptarët.

Urojmë dhe shpresojmë që ky rekomandim të kthehet sa më parë në një vendim të Këshillit Europian për hapjen e negociatave të Shqipërisë. Kjo është një fitore në radhë të parë e qytetarëve shqiptarë që kanë besuar dhe besojnë tek e ardhmja europiane e vendit, që kanë luftuar dhe luftojnë për të ardhmen europiane të vendit.

Hapja e negociatave do të jetë fillimi i një rruge të gjatë, të vështirë por të sigurt dhe të pakthyeshme të përparimit të vendit tonë.

Sot ka një dritë shprese për të gjithë shqiptarët që e duan Shqipërinë si gjithë Europa. Në çerekshekullin e kaluar Shqipëria ka njohur probleme të mëdha, kriza të rrezikshme shoqërore dhe politike dhe si shumë shpesh ka njohur edhe dështime. Prandaj ia dedikoj këtë arritje, në radhë të parë dhe ja njoh si meritë njerëzve të thjeshtë, ka qenë forca e dëshirës së tyre dhe presioni që i kanë bërë politikës ajo që i ka detyruar politikën të ndërmarrë hapa në procesin e integrimit.

Si kryetar i Partisë Demokratike, partisë së lindur me sloganin :“Ta bëjmë Shqipërinë si gjithë Europa!”, partisë që i kontribuoi këtij vendi me firmosjen e marrëveshjes së stabilizim asociimit, me dorëzimin e aplikimit për anëtarësim në Bashkimin Europian, me marrjen e rekomandimit pozitiv për statusin kandidat; si partia që bëri të mundur lëvizjen e shqiptarëve pa viza në zonën Shengen, nuk mund të mos shpreh vlerësimin më të madh për kontributin që kanë dhënë burrat dhe gratë, demokratë dhe demokrate, Partia Demokratike bashkë me gjithë shqiptarët në këtë proces.

Reformat e thella që ne ndërmorëm hodhën gurët e themelit dhe ndërtuan konturet e këtij procesi përmes asociimit të Shqipërisë dhe përmbushjes së gjithë detyrimeve për marrjen e statusit kandidat.

Natyrisht vlerësoj kontributin e gjithë kujt tjetër në këtë proces. Rruga që kemi përpara është e vështirë. Sfida të mëdha dhe të menjëhershme na presin, mbi të gjitha zgjedhjet e ardhshme dhe prerja e lidhjes së politikës me krimin, e cila ka rezultuar në një dëm të pallogaritshëm për të sotmen dhe të nesërmen e Shqipërisë, me formën e saj më akute, kanabizimin e vendit.

Partia Demokratike dhe unë jemi të vendosur të jemi në krye të këtyre përpjekjeve. Personalisht zotohem se do të bëj çdo gjë që politika të kthehet në një instrument që i shërben aspiratave të qytetarëve dhe mbi të gjitha të aspiratës së tyre europiane.

Kjo rrugë e vështirë do të kaloj doemos përmes disa sfidave me të cilat për fat të keq kryeministri sot refuzoi të përballet. Sfida numër një mbetet ajo e zgjedhjeve të lira dhe të ndershme. Sfidë po kaq e madhe, siç u shprehën qartë komisioneri Hahn, që dëshiroj ta falënderoj bashkë me ekipin e tij dhe përfaqësuesja e Bashkimit Europian në konferencën me Kryeministrin, mbetet lufta kundër krimit, lufta kundër korrupsionit, fusha në të cilat Shqipëria nuk ka bërë përpara.

Ndaj dua të siguroj qytetarët shqiptarë se PD, partia e interesit kombëtar, partia e integrimit europian të vendit do të jetë po kështu partia që do të hapë negociatat me Bashkimin Europian, do të nisë këtë proces kulmues për ëndrrën tonë europiane. Dhe përmes bashkimit të të gjithë shqiptarëve që duan një qeveri të kontrolluar nga qytetarët dhe jo nga krimi, që duan një qeveri të pastruar nga korrupsioni, çka mund të kaloj vetëm përmes një drejtësie vërtetë të pavarur dhe jo të kapur nga qeveria, ne do t’ia dalim.

Pyetje: Z. Basha ju po thoni që sigurisht Partia Demokratike ka patur një rol në procesin e integrimit të Shqipërisë, por kjo që u vendos sot nga Bashkimi Europian është vlerësimi i reformave të kësaj qeverie të cilat e çuan në këtë moment. Në fakt nuk u dëgjua nga ana juaj asnjë deklaratë në lidhje me atë që është ndërmarrë gjatë kësaj kohe dhe ka çuar në këtë vendim? Bashkimi Europian nuk foli për zgjedhje të lira apo për çështje të cilat ju i keni kërkuar jo vetëm në Shqipëri por edhe në arenën ndërkombëtare siç janë zgjedhjet e lira apo krimi, sigurisht kusht ishte ligji i Vetingut dhe zbatimi i këtij ligji. Si e shihni ju këto dy momente?

Basha: Së pari, më lejoni t’ju them se PD është e vendosur të japë kontributin e saj dhe e ka provuar këtë me vepra dhe jo me fjalë. Dy reforma thelbësore, të vlerësuara nga Komisioni Europian do të ishin të pamundura pa PD, pa qëndrimin tonë të palëkundur pro europianist dhe pro vlerave të Europës. Reforma në drejtësi, konsensusi unanim për ndryshimet kushtetuese është shprehimisht vlerësuar nga Komisioni Europian si një kontribut thelbësor i opozitës shqiptare, i Partisë Demokratike.

Së dyti, ligji për dekriminalizimin, për prerjen e lidhjeve të krimit me politikën dhe politikës me krimin është vlerësuar botërisht, ndërkomëbtarisht si një hap i domosdoshëm për ecjen përpara të Shqipërisë.

Pyetja që më bëtë për zgjedhje të lira dhe të ndershme, mund t’ua kthej ju dhe përmes jush edhe atyre që na ndjekin përmes medias: A ka shqiptarë demokratë apo socialistë, apo  të çfarëdo bindje që beson se Shqipëria mund të ecë qoftë edhe një milimetër përpara drejt bashkimit me kombet europiane në Bashkimin Europian, pa garantuar zgjedhje të lira dhe të ndershme?!

Më lejoni të shkoj një hap me tej. A mund të ketë zgjedhje të lira dhe të ndershme pa prerë lidhjet e krimit me politikën, çka do të thotë zbatim i plotë i ligjit të dekriminalizimit?

A mund të ketë zgjedhje të lira dhe të ndershme në një vend ky aktiviteti kryesor ekonomik, si volum i Prodhimit të Brendshëm Bruto është kthyer kultivimi  dhe trafikimi i drogës?

A mund të ketë zgjedhje të lira dhe të ndershme me një qeveri që ekziston vetëm për të zhvatur buxhetin e qytetarëve shqiptarë përmes prokurimeve pa tender?

Këto janë probleme të thella dhe të mprehta që raport-progresi i Komisionit Europian i ngre qartë dhe në mënyrë të vendosur për këdo që ka sy për të lexuar dhe veshë për të dëgjuar.

Partia Demokratike ka dhënë kontributin e saj për reformën në drejtësi dhe do të vazhdojë ta japë atë. Por jo një reformë në drejtësi ku kryeministri apo ministrat e tij të siguerojnë imunitet përmes mbajtjes në sistem të prokurorëve dhe gjyqtarëve të korruptuar që mbyllin dosjet e tyre apo futjes në sistem të militantëve që garantojnë mosndëshkueshëmrinë e tyre.

Ndaj është e domosdoshme të zbatohet reforma në drejtësi sipas konsensusit unanim të 22 korrikut. Partia Demokratike dhe unë qëndrojmë për këtë: Zbatimin e plotë, pa mëdyshje të Kushtetutës së 22 korrikut. Është pala tjetër e cila në dhunim të hapur të zotimeve që kishte marrë çoi në Kuvend dhe miratoi pa konsensusin e opozitës ligje që bien ndesh me Kushtetutën e 22 korrikut.

Pse e bëri këtë?! Sepse mesa duket nuk është në interesin e saj zbatimi i menjëhershëm i këtyre amendamenteve kushtetuese, të cilat ne i kemi votuar me ndërgjegje të plotë dhe kanë mbështetjen e plotë të opozitës deri në zbatimin e tyre deri në një. Këtë kërkon Bashkimi Europian, ky është një ndër kushtet që u radhit sot bashkë me lajmin e mirë që iu dha shqiptarëve dhe për këtë Bashkimi Europian, qytetarët shqiptarë, duhet ta llogarisin Partinë Demokratike dhe Lulzim Bashën si aleatin dhe mbështetësin numër një.

Ne nuk do të lejojmë zhbërjen e Reformës në Drejtësi. Ne nuk do të lejojmë një drejtësi të kapur nga Kryeministri. Por kemi besim të madh se përmes ndihmës së faktorit ndërkombëtar përmes mekanizmave kushtetues që vendi zotëron, do ta rikthejmë në binarët kushtetues procesin e reformës në drejtësi, dhe do të nisim pa vonesë zbatimin e kësaj reforme, si një ndër kushtet kryesore për ecjen përpara të Shqipërisë, për hapjen faktike të negociatave që është objektivi më madhor i Partisë Demokratike e që do të jetë pa dyshim arritja jonë më e parë pas marrjes së besimit të qytetarëve shqiptarë.

Pyetje: A do të bashkëpunoni me mazhorancën për reformat, pasi z.Rama sapo u shpreh skeptik për mungesën e vullnetit të opozitës duke ju konsideruar madje edhe bllokues?

Basha: Z. Rama në të kaluarën jo fort të largët, ka bërë deklarata fort të rënda të cilat janë mbajtur shënim se çfarë thotë dhe se çfarë bën. Ti thuash Policisë së Shtetit se armiku juaj kryesor nuk është krimi por është opozita, nuk është thjesht lajthitje, por është një qëndrim i qartë, jo vetëm kundër opozitës, por edhe në raport me krimin. Por, nuk jam këtu për të folur për z. Rama, sepse për z. Rama sot besoj ka një konsensus të madh shoqëror dhe politik: Largimi i tij i hap rrugë zbatimit të kushteve të Bashkimit Europian. Dhe ne do të punojmë me të gjithë qytetarët e ndershëm shqiptarë për të larguar çdo pengesë, çdo pengesë që qëndron në rrugën europiane të Shqipërisë.

Sot bëri sikur shtriu dorën e bashkëpunimit ndaj opozitës. Por edhe kur dorën e ka patur të mbledhur grusht, edhe kur gjuhën e ka patur, siç e ka të helmatisur në raport me opozitën, kjo opozitë, kjo Parti Demokratike dhe ky kryetar kanë bërë gjithçka dhe do të vazhdojnë të bëjnë gjithçka për të nesërmen europiane të Shqipërisë.

Sepse kjo nuk ka të bëjë me Edi Ramën, nuk ka të bëjë me një njeri, por ka të bëjë me qindra, mijëra familje shqiptare, me fatin e miliona shqiptarëve sot dhe nesër. Ndaj, kemi qëndruar fuqishëm për vlerat themelore të Bashkimit Europian, vlerat themelore të Europës. Drejtësinë e pakapur. Një vit e gjysëm betejë për të mposhtur puçin institucional që kishte përgatitur dhe gatuar dhe ja dolëm. Tani, nuk kërkojmë asgjë më shumë dhe nuk pranojmë asgjë më pak se zbatimi në gërmë dhe në shpirt i Kushtetutës së 22 korrikut. Dekriminalizimin, nuk e kërkuam për veten tonë, por e kërkuam sepse jemi të bindur se as Bashkimi Europian, as Shtetet e Bashkuara të Amerikës, as NATO, askush nuk mund të pranojë apo të tolerojë një vend që humb dinjitetin e tij përmes një qeverie të kontrolluar nga krimi. Dhe kjo vlen edhe për zgjedhjet e lira dhe të ndershme.

Nuk bëhet fjalë thjesht për kritere teknike. Zgjedhjet e lira dhe të ndershme për Partinë Demokratike, për mua, jam i bindur për shumicën e një pjese dërrmuese të shqiptarëve, janë një proces i zëvendësimit të një qeverie të korruptuar dhe të kontrolluar nga krimi, me një qeveri të kontrolluar nga qytetarët shqiptarë dhe që i shërben qytetarëve shqiptarë.

Për këtë nuk duhet thjesht një ndryshim, por duhet një përmbysje totale e këtij sistemi që i ka nxjerrë qytetarët shqiptarë jashtë vendimmarrjes, që ka asgjësuar hapësirën politike të debatit dhe ku vendimmarrjet më të rëndësishme për shëndetësinë, për arsimin, për bujqësinë, për punësimin, për prokurimet, merren në zyrat e krimit. Këto janë sfida të vërteta. Ky është realiteti me të cilin përballen sot shqiptarët dhe opozita është në ballë të përpjekjes për ti dhënë shqiptarëve shpresën dhe besimin tek një e nesërme europiane.

Sot kemi këtë lajm, të mirë, i cili vjen pa dyshim si rezultat i kontributit tonë në shumë vite. Vjen gjithashtu si rezultat i të vetmes reformë ku duhej kontributi i opozitës dhe opozita e dha këtë kontribut, por që mbetet peng jo si rezultat i mosbashkëpunimit të Partisë Demokratike me qeverinë, por si rezultat i mosbashkëpunimit të qeverisë me opozitën për të luftuar krimin, për të zbatuar ligjin për dekriminalizimin, për të reflektuar dhe luftuar problemin e madh të drogës dhe për të garantuar zgjedhje të lira dhe të ndershme.

Por dora ime mbetet e shtrirë për këdo që nuk ka interes të mbajë statuskuonë e qeverisë të kontrolluar nga krimi, statuskuonë e zgjedhjeve që prishin, kapen e blehen. Statuskuonë e kthimit të drogës në aktivitet kryesor ekonomik të Shqipërisë. Dhe jam i bindur se dora ime e bashkëpunimit se thirrja ime, thirrja jonë për një aleancë të gjerë, rezonon sot me shumicën dërrmuese të shqiptarëve. Ka një shpresë, ka një dritë në fund të tunelit, por tuneli është i errët dhe i vështirë. Së bashku do t’ia dalim në krye.

Pyetje: Z. Basha, Komiteti i Stabilizim Asociimit më parë në Bruksel nuk ka arritur të dalë në një deklaratë të përbashkët duke qenë se pjesa më e madhe e PD-së  votuan kundër një pjese të amendamenteve të hartuara nga europarlamentarët. Mendoni sot që një pjesë e deputetëve tuaj gabuan, pasi Majlinda Bregu votoi si maxhoranca?

Basha: Më lejoni të korrigjoj informacionin që shpallët këtu. E vërteta është se në 13 mbledhjet e Komitetit të Stabilizim Asociimit ka patur vetëm një deklaratë ku opozita e drejtuar nga unë ka dhënë konsensusin. Në 12 raste të tjera, ky komitet nuk ka arritur kurrë në një deklaratë dhe kjo nuk ka të bëjë me qëndrimet e europarlamentarëve, po ka të bëjë dhe ka pasur të bëjë me mosrakordimin politik mes mazhorancës dhe opozitës, edhe kur kemi qenë ne në qeveri, edhe sot kur qeveria është kjo që është.

Dita e djeshme ka qenë ora kur opozita duhej të vendoste, midis të vërtetës dhe gënjeshtrës. Të pranonte një deklaratë ku zgjedhjet e lira dhe të ndershme, dekriminalizimi, korrupsioni dhe problemi i drogës zeroheshin, apo ti ngrinte këto probleme, këto sfida me qëllim që së bashku me të gjithë faktorët e interesuar kombëtarë dhe ndëkrombëtarë të bëjmë ç ‘është e mundur për zgjidhjen e  tyre, pasi pa zgjidhjen e tyre Shqipëria nuk mund të bëjë asnjë hap përpara. Zgjidhja e tyre nuk mund të jetë monopol i një partie.

Si opozitë kemi drejtuar gishtin tonë tek Edi Rama, përgjegjësin kryesor për thellimin e situatës së korrupsionit, të krimit dhe të drogës. Por nuk na mungon vullneti që me çdo faktor politik dhe shoqëror të bëjmë detyrën tonë dhe e dimë fare mirë, e dimë ne, e dinë shqiptarët që na ndjekin, e di Europa, e dinë Shtetet e Bashkuara të Amerikës, se Shqipëria mund të ecë përpara vetëm pasi të zgjidhë këto probleme të rënda dhe të rënduara gjatë këtij tre vjeçari e në veçanti gjatë vitit të fundit.

Zgjedhjet e lira dhe të ndershme, zbatimin e ligjit të dekriminalizimit dhe trajtimin e problemit të madh me të cilin është ballafaquar këtë vit, atë të drogës, si aktiviteti kryesor ekonomik i shqiptarëve. Shpreh besimin tim të madh se kjo shkëndijë shprese për Shqipërinë Europiane, do të kthehet në një burim frymëzimi për t’u bashkuar me PD, për të realizuar së bashku reformat e munguara dhe ju jap fjalën se Partia Demokratike do të jetë në lartësinë e pritshmërive të qytetarëve shqiptarë dhe do të jemi ne, partia e interesit kombëtar, partia e integrimit europian të vendit që do të bëjmë të mundur hapjen e negociatave dhe vazhdimin e rrugës sonë europiane deri në anëtërësimin e plotë të Shqipërisë në Bashkimin Europian.

Njoftim për media i Partisë Demokratike, 9 nëntor 2016

Dëgjohet në Komisionin Parlamentar të Medias, gazetarja që investigoi aferën e Sharrës. Bojkotojnë deputetët e mazhorancës

Komisioni i Edukimit dhe Mjeteve te Informimit Publik, zhvilloi degjesën me ish – Drejtoreshën e Informacionit në televizionin A1News , Alida Tota e cila u shkarkua nga puna menjëherë pas publikimit te investigimit në landfillin e Sharrës, ndërrmarrje në administrimin e Bashkisë së Tiranës, ku u denoncua fshehja e krimit në landfill dhe shfrytëzimi për punë të rënda i dhjetra fëmijëve si dhe kushtet cnjerëzore ku punonin mbi 300 gra dhe burra, të gjithë pa kontrata pune. Dëgjesa me gazetaren Tota dhe perfaqësuesin e Shoqatës së Gazetarëvë Profesionistë, Aulon Kalaja u bojkotua nga deputetët e Partisë Socialiste, ndërsa u ndoq nga afër nga përfaqësia e Delegacionit të Bashkimit Europian, Zyra e Këshillit të Europës, prezenca e OSBE-së dhe ambasada italiane. Gazetarja Alida Tota denoncoi influencën e Kryetarit te Bashkisë së Tiranës, Erjon Veliaj ne shkarkimin e saj nga puna, pak kohë pas sms së dërguar, ku i kërkohej prononcim zyrtar për gjetjet e investigimit. Gazetarja Tota deklaroi se shantazhet dhe kërcënimet në adresë të saj dhe të ekipit editorial vazhduan për disa orë, deri në shkarkimin e menjëhershëm të saj nga puna. Ndërkohë që u censurua denoncimi i saj në media, deklaratat e organizatave të gazetarëve, protestat e tyre dhe së fundmi dhe mbyllja e emisionit Publicus që vazhdoi investigimin e censuruar në landfill dhe që denonconte edhe presionet mbi gazetarët dhe mediat të Kryetarit të Bashkisë se Tiranës. Gazetarët Tota dhe Kalaja shprehën shqetësimin për përshkallëzimin e censurës në media dhe kërkuan nga Komisioni i Medias të adresojë problemet e mprehta që përballet sot gazetaria në Shqipëri e sidomos ajo investigative, ku denoncohen krimet e rënda, korrupsioni politik, abuzimet e pushtetit dhe lidhjet e tij të dyshimta me koorporata, përfshi edhe ato me profil politik. Kryetari i Komisionit te Edukimit dhe Mjeteve të Informimit Publik, z. Genc Pollo shprehu shqetësimin e përsëritjes së bllokimit të seancës dëgjimore nga ana e mazhorancës, duke e cilësuar urdhër politik të kryeministrit për të shtuar presionin mbi lirinë e shtypit. Komisioni miratoir në seanvën e radhës, dëgjesën me gazetarët e emisionit investigativ Publicus.
Parlamënti shqiptar dhe ai Europian shprehën shqetësim  për censurën e medias në dëklaratën  e djeshme në Bruksel.

Njoftim për media i Partisë Demokratike, 9 nëntor 2016

Opozita ka votuar pro dhe mbështet procesin e integrimit në Bashkimit Europian të Shqipërisë.

Prononcim i deputetit Aldo Bumcit për NEWS 24

Pyetje: Jeni një ndër 5 deputetët e PD-së që keni votuar kundër rekomandimit të hapjes së negociatave për Integrimin e Shqipërisë?

Gënjeshtër që mund ta prodhojë vetëm Taulant Balla. Është një takim ku thelbi nuk është deklarata por diskutimet. Axhenda vendoset nga Bashkimi Europian. BE-ja kërkonte që ne të informonim  për zgjedhjet, reformën në drejtësi, zbatimin e ligjit të dekriminalizimit, luftën kundër krimit, drogës dhe korrupsionit. Këto ishin temat që kishin vendosur BE-ja, që priste informacion nga ne dhe kjo është detyra jonë si deputetë të opozitës, që të përcjellim këndvështrimin tonë dhe informacionin tonë.
Në këtë takim nuk ka vendimmarrje. Ky është një takim diskutimi, informimi. Shqetësimet tona i ndau edhe Fleckenstein, që është reporteri për Parlamentin Europian që mbulon Shqipërinë, z.Kukan dhe deputetë të tjerë të cilët folën për problemet me zgjedhjet, për problemet me moszbatimin e ligjit të dekriminalizimit ku keta dy deputet kanë qënë ndërmjetës dhe garant  të parlamentit Europian dhe për ceshtjen e kultivimit te droges.
Ky është thelbi i këtij takimi. Në 13 vite ky takim ka vetëm, një deklaratë të përbashkët, quhet deklaratë e përbashkët sepse të dy palët shumica, edhe opozita duhet të bien dakord për këtë deklaratë.

Pyetje: A është opozita pro hapjes së negociatave?

I vetmi paragraf që kishte konsensusin e të gjithë palëve qeveri dhe opozitë ishte paragrafi i parë që thotë shprehimisht, e thotë shumë qartë: Mbështesim integrimin e Shqipërisë kur të plotësohen kushtet në fusha kryesore dhe këto të jenë të pakthyeshme; mbështesim hapjen e negociatave në atë fazë ku implementimi i reformave të jetë i besueshëm dhe hapja e negociatave do të jetë një nxitje për shtyrjen më tej të reformave.

Pyetje: Cilat janë kushtet që duhen plotësuar?

Kushtet që duhen plotësuar nuk i vendos opozita shqiptare. Kjo është një lojë që do të bëjë Partia Socialiste dhe më vjen keq që z.Balla gënjeu dhe nuk tha të vërtetën. Kushtet i vendos Bashkimi Europian.
Nuk ka votuar njeri kundër rekomandimit, nuk ka patur asnjë votë për të vendosur për rekomandimin këtu dhe nuk është diskutuar, a jeni ju pro rekomandimit  kjo pyetje nuk është shtruar dhe nuk ka qenë kurrë e shkruajtur. Dhe unë ju thashë që kemi votuar pra “pro”, ke amendamentin e parë që është i votuar nga të gjithë ne.
Por mosplotësimi i kushteve: zgjedhje të lira dhe të ndershme, moszbatimi i ligjit të dekriminalizimit, mungesa e luftës ndaj krimit dhe drogës. Këto janë çështje që kanë shqetësuar europarlamentarët edhe Bashkimin Europian. Plotësimi i këtyre kushteve hap negociatat.

Pyetje: A nuk do të ishte mirë të hapeshin negociatat dhe paralelisht të zbatoheshin dhe kushtet?

Nuk vendos kushte opozita, nuk merr vendime opozita, ky është një manipulim që po bën Partia Socialiste, nuk është ky një komision që merr një vendim është një komision që informohet, diskutohet, dëgjohet zëri i qytetarëve shqiptarë dhe të atyre që kanë ardhur në Europë për të kërkuar azil dhe që nuk po jetojnë dot në këtë Shqipëri sepse po të ishte bërë Shqipëria si Europa nuk do të largoheshin.
Pra, ky është një komitet që nuk merr vendime dhe është mashtrim i hapur të thuash që opozita votoi kundër.
Thelbi i çështjes është: kushtet i vendos Bashkimi Europian dhe Bashkimi Europian në bashkëpunim me komisionin dhe Komisioni Europian nesër do të dalë me propozimin, ky propozim do ti nënshtrohet vendimeve të vendeve anëtare, Gjermanisë dhe vendeve të tjera, në Këshillin e Ministrave dhe janë ata që do të vendosin për Shqipërinë; hapjen e negociatave, hapjen me kushte dhe etapa të mëtejshme.
Por kjo lidhjet me plotësimin e kushteve dhe jo me opozitën shqiptare. Për shkak se është qeveria më e dështuar, më e korruptuar, më e kriminalizuar do të fshihet sikur opozita kundërshton. Nuk e ka kundërshtuar opozita, absolutisht, opozita mbështet procesin e integrimit në Bashkimit Europian të Shqipërisë.

Pyetje: Kur mendoni se duhen çelur negociatat?

Unë besoj se negociatat duhen çelur, e para kur kjo qeveri të mbajë zgjedhje të lira dhe të ndershme dhe kur të luftojë drogën. Kjo Shqipëri me këtë përhapje të frikshme të drogës dhe mungesën e zgjedhjeve të lira dhe të ndershme po shkon drejt një krize dhe ky është një problem i madh me të cilin ne po ballafaqohemi prej tetë muajsh.

Pyetje: Pra ju thoni pas 2017-ës?

Vendimin nuk e marr unë, vendimin e merr Bashkimi Europian.
Zgjedhjet janë kushti i parë që BE-ja i ka vënë çdo vendi anëtar. Dhe kjo përmasë e frikshme që ka marrë fenomeni i drogës me ndikime në shoqëri, ekonomi dhe në zgjedhje është alarmuese. Por vendimin do ta marrë BE-ja dhe Këshilli i Ministrave. Ky ishte një takim që ne kemi informuar mbi çështje që ka kërkuar BE-ja dhe çështjet janë shumë të qarta; çështjet janë krimi, zgjedhjet dhe dekriminalizimi.

Pyetje: Pse u nda vota juaj nga zonja Bregu?

Nuk ka patur asnjë ndarje vote ndërmjet nesh dhe znj.Bregu. Zonja Bregu ka votuar të gjitha propozimet e Partisë Demokratike, pra çfarë propozimet bëmë ne që shumica i rrëzoi më votë  dhe unë ju thash që nuk ka pasur kurrë votë në 13 vite, ka pasur konsensus. Zonja Bregu votoi pro propozimeve tona, ndërsa votoi “pro” propozimeve tona kjo është shumë e qartë se nuk ka ndarë votë.

Kryetari i Partisë Demokratike, Lulzim Basha u takua sot me përfaqësues të Unionit të Ekspertëve Mjedisor Shqiptar (UEMSH). Vendimi i mazhorancës për importin e plehrave ka qenë në qendër të këtij takimi. Në këtë takim zoti Basha solli në vëmendje dhe vendimin e koncesionarit për tu tërhequr nga ndërtimi i impiantit të djegieve në Fier. Zoti Basha tha se vendimi për tu tërhequr në një kohë kur është pezulluar ligji i mbetjeve tregon se interesi i koncesionarit dhe Edi Ramës nuk ishte përpunimi i mbetjeve vendase, por i atyre që kishte planifikuar qeveria të sjellë nga Europa. Zoti Basha theksoi se PD, siç e ka bërë të ditur, do të respektoi vullnetin e qytetarëve për importin e mbetjeve dhe çdo çështje që ka sensibilitet publik ,sot në opozitë e nesër në qeveri.
Pas takimit zoti Basha dha një prononcim për mediat:
Basha: Takimi me ambientalistët ishte në frymën e bashkëpunimit. Qëndrimi i Partisë Demokratike, është i qartë : pranimi i dekretit të Presidentit, ndalimi i importit të plehrave deri sa populli të shprehet me referendum dhe për këtë kemi qëndruar dhe do të qëndrojmë fuqimisht në krah të qytetarëve, të interesit qytetar, të shoqërisë civile, e cila është e angazhuar fuqimisht dhe dua t’i përshëndes.
Pyetje: Z.Basha, janë amendamentet e Partisë Demokratike një thirrje kundër hapjes së negociatave nga Bashkimi Europian?
Basha: Jo.
Pyetje: Z.Basha përse duhen ato amendamente? Çfarë ju rëndonte ju një caktim date, një shprehje vullneti nga Partia Demokratike për hapjen e negociatave?
Basha: Kush tha që na rëndonte?
Pyetje: Një vizë e hequr atje do të thotë që ju rëndon.
Basha: Ju ftoj që ta shikoni me sytë e objektivitetit qytetar dhe jo me sytë e Taulant Ballës. Ne s’kemi kërkuar asgjë më shumë dhe asgjë më pak sesa ç ‘kërkon Bashkimi Europian: plotësimin e pesë kritereve; zgjedhje të lira dhe të ndershme, dekriminalizimin dhe luftë kundër drogës. Këto janë qëndrime të njohura të Bashkimit Europian, këto janë qëndrime të njohura të opozitës, përfaqësojnë interesin publik të qytetarëve . Gjithçka tjetër është manovër për t’i hedhur hi syve qytetarëve dhe për të hequr vëmendjen nga dështimi i Edi Ramës ne drejtim të pesë prioriteteve, dhe në veçanti sa i përket dekriminalizimit, luftës kundër drogës dhe zgjedhjeve të lira dhe të ndershme.

Njoftim për media i Partisë Demokratike, 8 nëntor 2016

Prononcim i Kryetarit të Partisë Demokratike Lulzim Basha për situatën e përmbytjeve

Partia Demokratike dhe unë personalisht po ndjekim me vëmendje dhe shqetësim të madh situatën e krijuar në vend si rezultat i përmbytjeve masive anembanë vendit. Prej orëve të para të mëngjesit kam kontaktuar  me përfaqësuesit e Partisë Demokratike në zonat më të goditura, si dhe me të zgjedhurit tanë lokalë por edhe me deputetët e Partisë Demokratike. Gjendja vazhdon të jetë shumë e rëndë. Prioriteti numër një për ne është ruajtja e jetëve njerëzore. Për fat të keq është shënuar viktima e parë në Klos.

Dua t’i bëj thirrje kryeministrit të ndërpresë menjëherë shfaqjen televizive me Shtabin e Emergjencave “live” para kamerave, të marrë vendimet që nuk i ka marrë deri tani,e  ti bëjë ato transparente; vetë të niset së bashku me kryetarët dhe drejtuesit e institucioneve në krye të detyrës aty ku qytetarët përballen me izolimin nga uji, me rrezikimin e jetëve dhe të nisin menjëherë masat lehtësuese.

Padyshim që gjendja klimaterike ka qenë e rëndë, është paralajmëruar si e tillë nga qeveria, nga Ministria e Brendshme prej disa ditësh, por për fat të keq nuk është marrë asnjë masë për të parandaluar efektet e tmerrshme siç është izolimi i familjeve, kërcënimi i jetëve njerëzore.

Humbja e një jete njerëzore është një lajm shumë i trishtë. Çfarë kërkojmë është që qeveria dhe Edi Rama të lënë shfaqjet dhe të zbresë në terren.

Në këtë moment të gjitha autoritetet do të kenë mbështetjen e plotë të opozitës me gjithçka që mund të ofrojmë, me burime njerëzore dhe gjithcka tjetër qe kemi në dispozicion. Po kështu kërkojmë të merren masa urgjente për njoftimin e popullsisë. Kemi marrë lajme, jemi njoftuar nga mediat për hapjen e portave të hidrocentraleve. Nuk mund të ndodhë orë përpara se sa të jepet lajmërimi, për qytetarët.  Duhet të kishin qenë në gjendje të njoftonin popullsinë më përpara kur e dinin së do të kishte reshje, nëse do të merrnin masa për hapjen e dyerve të hidrocentraleve.

Pra, hapja e dyerve të hidrocentraleve e cila do të sjellë përmbytje edhe më të mëdha duhet të ishte  bërë  e ditur përpara popullsisë lokale. Por kjo nuk është koha që të merremi me këtë problem që qartësisht tregon që qeveria është tërësisht e papërgatitur për këtë situatë.

Është koha për ti bërë thirrje qeverisë  të dislokojë të gjitha mjetet ushtarake dhe civile në ndihmë dhe mbrojtje të jetës së qytetarëve, në ndihmë dhe mbrojtje të sigurisë së qytetarëve

Opozita në të gjitha planet këtu në qendër nga ku po e ndjekim situatën, me të zgjedhurit tanë lokalë, me këshilltarët tanë lokalë aty ku nuk kemi të zgjedhurit tanë, me deputetët tanë është dhe do të jetë në krah të përpjekjes për të ndihmuar të dilet nga kjo gjendje.

Gjej rastin tu bëj thirrje qytetarëve të mbrojnë mbi gjithçka jetën e tyre dhe të fëmijëve të tyre sepse ajo është e parikuperueshme, gjithçka tjetër edhe në mos nesër, pasnesër do të rikuperohet, e kam fjalën për vlerat pronësore. Jeta e tyre është prioriteti numër një, të mbrojnë jetën e tyre, të familjeve të tyre dhe të fëmijëve të tyre.

Dhe të përsëris thirrjen ndaj  deputetëve të Partisë Demokratike dhe të pushtetit  vendor aty ku kemi të zgjedhurit tanë, të vazhdojnë të jenë në krye të detyrës, siç kanë qenë që në orët e para të mëngjesit. Unë do të vazhdoj të mbaj kontakt dhe lidhje me ta.

Njoftim për media i Partisë Demokratike, 8 nëntor 2016

Këshilltarët e PD denoncojnë trafikun e rënduar si kurrë më parë që po shkakton kosto të madhe për banorët. 

Këshilltarët e Partisë Demokratike në Bashkinë e Tiranës denoncuan sot makthin që ka krijuar Erjon Veliaj në qytet, me trafikun e rënduar, të pahasur më parë në këto përmasa, duke shkaktuar kosto të madhe tek qytetarët në cdo drejtim.

Projektet klienteliste dhe korruptive të Ramës që zbatohen nga Veliaj, kanë përkeqësuar cilësinë e jetës në Tiranë, pasi korrupsioni dhe interesat private të pushtetit janë kthyer në prioritet.

“Sot Tirana, qendra e saj është në një emergjencë të madhe. Eshtë në një emergjencë të trafikut që po shkatërron nervat e qytetarëve të Tiranës, po shkatërron ekonominë e tyre, po i lë në mes të trafikut, po përkeqëson ndjeshëm cilësinë e ajrit në të gjithë zonën, dhe në anën tjetër është në një emergjencë shëndetësore pasi ambulancat, zjarrëfikësja dhe shumë mjete të tjera fizike, kanë një vështirësi të madhe për të kaluar dhe ngadalësojnë vazhdimisht hapin e tyre, duke përkeqësuar cilësinë e jetës së qytetarëve. Në anën tjetër, Erjon Veliaj vendos qytetarin e Tiranës në fund të listës së shqetësimeve, duke menduar vetëm për asfalt elektoral dhe beton elektoral. Ndërkohë që sot Tirana, ka nevojë të theksuar për shumë e shumë investime të tjera të dobishme, sicc janë ujësjellës kanalizime, pasi qyteti përmbytet ccdo herë dhe në ccdo rast që bie shi dhe ka nevojë për një stacion multi-modal të ri që të largojë shumicën e autobusëve dhe mjeteve publike nga qendra e qytetit duke lehtësuar trafikun, ka nevojë për një tram për qytetin që do të zvogëlonte ndjeshëm trafikun. Pra, ccfarë po bëhet nga e gjitha kjo? As edhe një gjë. Veliaj thjesht po bllokon qendrën e Tiranës, duke e bërë situatën edhe më të rëndë për xhepat e të gjithë qytetarëve, për shëndetin e të gjithë qytetarëve. Edhe unaza e vogël që duhej të ndërtohej e duhej të përfundonte është ende larg përfundimit të saj”, u shpreh Mateo Spaho, këshilltar i PD në Bashkinë e Tiranës.

Njoftim për media i Partisë Demokratike, 7 nëntor 2016

Përplasja mes  policisë së Lezhës dhe  Mirditës për drogën në Rrëshen dhe shkarkimet në bllok të  oficerëve të policë që kryen operacionin, janë  treguesi më i qartë se ku ka degraduar shteti i Edi Ramës, dhe se kush është padroni i vërtet i drogës në Shqipëri.  Këtë ka deklaruar kryetari i Partisë Demokratike, Lulzim Basha në takimin me drejtues të strukturave të PD në degën 12 në Tiranë.  Mbi 3 tonët e drogës të kapur  në Mirditë janë një tjetër fakt i kanabizimit të vendit nga Edi Rama.

“Ky është një shtet i banditizuar në çdo qelizë, për pazaret e drogës nuk po luftojnë më vetëm bandat me njëra-tjetrën por po lufton edhe shteti brenda shtetit. Mbi tre tonë drogë kanë kapur në ish-pularinë në Rrëshen, jo në majë të malit por në qytet, në ish-pularin në Rrëshen. Prej katër apo pesë orësh e mbanin të rrethuar dhe nuk guxonte të hynte policia. Policia e Rrëshenit kishte braktisur operacionin, policia e Lezhës nuk guxonte të hynte. Është treguesi më i qartë i kriminalizimit të shtetit e të policisë nga Edi Rama, e ka vënë në funksion të padronëve të drogës. Ka tregues më të qartë se kush është i zoti i drogës?! E kush tjetër përveç Edi Ramës.”

S’ka punësim, s’ka investime, s’ka para për fermerët sepse paratë  shkojnë tek miqtë e Edi Ramës. Vetëm gjatë vitit 2016, nga janari deri në shtator, 14 kompani me lidhje miqësore, politike dhe klienteliste me Edi Ramën kanë përfituar 42.2 milionë dollarë. Me këto para  mund të hapeshin 55 mijë vende pune në një vit.

“Droga, krimi, hajdutëria qeveritare, këto janë tre përgjegjësit kryesore për gjendjen e vendit. Subvencione jo, vende pune jo, investime jo. Pse?! Sepse kjo është zgjedhja e Edi Ramës. Jo se nuk ka lekë, siç gënjen lartë e poshtë, se lekë për miqtë e vet ka. Pse paske lekë ti për t’i dhënë Vilma Nushit 1.7 miliard, 134 milionë dollarë  të tjera i ka marrë 11-sha, kombëtarja e korrupsionit. Dy herë vetëm muajin që sapo lamë mbrapa ka marrë çarterin, 80 mijë euro për Bruksel, 85 mijë euro për në Hamburg. Në qoftë se vendi duhet të shohë një ditë të bardhë kushti numër një është largimi i kësaj qeverie, largimi i këtij Kryeministri.”

Njoftim për media i Partisë Demokratike, 7 nëntor 2016

Qytetarët në protestë. Salianji: Nuk dëgjohet komuniteti, korrupsioni prioritet i Bashkisë

Banorët e Alliasit në Tiranë ankohen prej muajsh për shkak të lojerave të Bashkisë me devijimin e projektit të rrugëve në këtë zonë cka u ka perkeqësuar jetën. Ata thonë se prej dy muajsh është tejkaluar afati i punimeve, shtrimit të tubacioneve dhe asfaltimit. Banorët janë të shqetësuar sepse projekti i miratuar 2 vite më parë është ndryshuar për shkaqe korruptive. Ata kanë kërkuar dëgjesë me kryetarin e bashkisë Erjon Veliaj, por nuk janë pritur dhe as nuk kanë mundur të ankohen për kushtet mesjetare në të cilat jetojnë, në zemër të kryeqytetit. Sekretari i Aksionit Qytetar në Partinë Demokratike, Ervin Salianji i takoi banorët, ku dëgjoi nga afër shqetësimin e tyre.
“Projekti i zgjerimit të rrugës ishte 11 metra, është bërë 9. Këto janë bërë për interesa të firmës. Duam që projekti të zbatohet me cilësinë e përcaktuar më parë”, shprehet nje banor.
“Kemi kohë që e presim këtë projekt, jo vetëm sot. Ky projekt që është ndryshuar nuk i sjell të mira askujt në këtë komunitet. S’jemi dakort. Më mirë ta lënë pa bërë”, ankohet nje qytetar i zones.

Partia Demokratike me mbeshtetjen e CDU-së së Kancelares Angela Merkel përfundoi programin e zhvillimit ekonomik për 7 fusha,  ekonomi tregu, financa publike, arsim, energjetikë,  infrastrukturë,  zhvillim rural dhe teknologji informacioni. 

• Më pak shtet arbitrar dhe arrogant dhe më shumë liri për individin.

• Programi qeverisës i PD, realist, konkret, i matshëm dhe i bëshëm.

• Tatimet dhe taksat e qeverisë tonë do të përbëjnë gjithmonë pjesën më të vogël të kostos së qytetarëve dhe të sipërmarrjeve dhe do të kthehen tërësisht në shërbim të tyre. Që do të thotë: taksa të ulëta; taksë e sheshtë 9 për qind, TVSH 15 për qind, taksa të ulëta, më pak taksa. Dhe asnjë shpenzim që nuk shkon tërësisht në shërbim të taksapaguesit.

Dua ta nis me një falënderim të madh për të gjithë ekipin që ka punuar për më shumë se një vit tashmë për alternativën ekonomike të Partisë Demokratike. Për alternativën që do të siguroj rritje ekonomike, zhvillim ekonomik përmes taksave të ulëta, përmes shpenzimeve qeveritare, jo për luks, as për fasada por për investime që përmirësojnë jetën e qytetarëve, që përmirësojnë rritjen ekonomike; që sjellin më shumë punë dhe punë me paga më të mira.

Pak më parë në takimin final me ekspertët e pranishëm sot këtu, diskutuam paradoksin në dukje të parashtrimit të platformës ekonomike të opozitës në një kohë kur në Shqipëri janë rrezikuar dhe kërcënohen shtyllat themelore të stabilitetit dhe demokracisë.

Gjendja aktuale e vendit është e paprecedentë dhe kjo për shkak të situatës së krimit, të drogës, si parathënie të rënies së zgjedhjeve të lira dhe të ndershme- një çështje të cilën unë së bashku me Partinë Demokratike, me aleatët tanë, me koalicionin opozitar dhe me një aleancë gjithmonë e më të gjerë qytetarësh e kemi në qendër të vëmendjes.

Por dua të garantoj çdo qytetar shqiptar se ndërsa kjo sfidë jetike, demokracia, pra zgjedhjet e lira dhe të ndershme, dekriminalizimi, lufta kundër krimit dhe drogës mbetet në qendër të betejës dhe të aksionit tonë opozitar, ne po kështu marrim përgjegjësitë tona si opozitë dhe si alternativa për nesër, për t’iu shpalosur shqiptarëve, jo thjesht dhe vetëm denoncimet me fakte, argumenta, shifra, emra dhe mbiemra, institucionale dhe ligjore, jo vetëm thjesht indinjatën dhe përgjegjësit për këtë çështje, por po kështu dhe rrugët e daljes.

Rrugët e daljes kalojnë patjetër nga një model i ri politik në radhë të parë, i një demokracie funksionale në duart e qytetarit shqiptar dhe jo në duart e një mekanizmi të kalbur të politikës në Tiranë që e ka përdorur dhe po e përdor vetëm për pasurimin e vet dhe të një grushti njerëzish, me ose pa rekorde kriminale.

Shembja e këtij establishmenti  të korruptuar dhe kriminal është hapi i parë që duhet hedhur. Instalimi i një modeli politik, ku pushtetin ta kenë qytetarët dhe institucionet e ndërtuara nga qytetarët me përgjegjësinë e votës. Eshtë A-ja pa të cilët nuk mund të themi as B  dhe as C.

Por dua të ndaj sot me shqiptarët lajmin e mirë se opozita po përfundon procesin e hartimit të një alternative të plotë e të gjithanshme e cila përbën rrugëzgjidhjen, rrugëdaljet për shumë nga problemet e përditshme; siç është papunësia, varfëria, shkaqet kryesore por jo të vetme për dëshpërimin, për eksodin masiv, për zbrazjen e Shqipërisë; siç është gjendja dramatike e arsimit, e shëndetësisë, e bujqësisë, e pensionistëve, e shtresave në nevojë, e kështu me radhë.

Në thelb qeverisja, përtej rendit dhe sigurisë, nuk është gjë tjetër veçse rishpërndarje e të ardhurave, sa taksa mbledhim dhe si i shpenzojmë ato.

Sa herë që kjo punë bëhet keq e mos më keq, përballemi me  pallavra, me retorikë, por në thelb gjithçka bëhet e qartë nga shifrat e buxhetetit. Sa të ardhura mbledh qeveria? Çfarë sistemi fiskal ka? Sa janë taksat dhe si i shpenzon ato?

Prioritetet e qeverisë apo mungesa e tyre janë të skalitura në buxhete, në ato të planifikuara dhe ato të realizuara.

Prioritetet tona që ne i kemi shpalosur, i kemi konsultuar e po i konsultojmë me qytetarët, kanë qenë subjekt i një inspektimi të hollësishëm dhe një diskutimi që zgjat prej më shumë se një viti me ekspertë të njohur ndërkombëtarë, europiane dhe amerikanë.

Sonte kam një falënderim të veçantë për  Unionin Kristian Demokratë Gjerman, të udhëhequr nga Kancelarja Merkel, për Fondacionin Konrad Adenauer, të cilët na janë gjendur pranë në këtë proces, përmes ofrimit të ekspertizës më të mirë ekonomike, makro-ekonomike, fiskale.

Dua të falënderoj Walter Glos, drejtorin rezident të Konrad Adenauer në Tiranë, që ndodhet edhe sonte në krahun tim dhe në krahun e Partisë Demokratike.

Dhe dua t’i uroj mirëseardhjen edhe para publikut shqiptar dy ekspertëve më në zë të Konrad Adenauer dhe  Unionit Kristian Demokrat gjerman, z. Mathias Hübscher dhe Matthias Schäfer.

Ekspertë të ekonomisë dhe financave që gjatë muajit të fundit kanë qënë pjesë e diskutimeve me ekipin tonë për programin e Partisë Demokratike dhe gjatë dy ditëve të fundit, me këtë ekip që shikoni këtu në sallë dhe të tjerë që nuk ndodhen këtu në sallë, kanë diskutuar në detaje për projekt-programin, për alternativën e Partisë Demokratike.

Kam marrë komente shumë pozitive nga diskutimet e bëra me ekspertët tanë, dhe të dy ekspertët e lartë gjermanë janë shprehur me optimizëm për ofertën tonë programore, për alternativën tonë.

Projekti i programit tonë i përgjigjet sfidave me të cilat përballet Shqipëria, përmes parimeve më të mira të Partive të Qendrës së Djathtë Europiane, e në veçanti të CDU të drejtuar me sukses nga Kancelarja Merkel.

Ne ndamë të njëjtin qëndrim dhe orientim me ekspertët gjermanë se duhet të rikthejmë besimin tek politika si instrument ndryshimi për jetën e qytetarëve, besimin tek institucionet e demokracisë, besimin tek liria, besimin tek nisma e lirë, si domosdoshmëri për të rikthyer rritjen e fuqishme ekonomike, si i vetmi gjenerues i mirëqenies, punësimit dhe zhvillimit.

Për kthimin e besimit është folur gjatë me ekspertët tanë, kemi folur gjatë së bashku. Dhe unë vlerësoj në radhë të parë këshillën më kryesore të miqve tanë, të dy ekspertëve: jo premtime boshe, jo shumë e për lumë, e të rrejshme ashtu siç bëri dhe vazhdon çdo ditë qeveria aktuale. Ndaj, angazhimet tona programore janë vetëm realiste, konkrete, të matshme dhe të bëshme.

Kemi diskutuar dhe punuar prej muajsh intensivisht, mes nesh, me grupet e interesit, me qytetarët anembanë Shqipërisë dhe së fundmi edhe me partnerët tanë ndërkombëtarë, në veçanti këto ditë me partnerët tanë gjermanë, për të hartuar një program të zhvillimit ekonomik që është pjesë e një programi terësor, që përcakton mënyrën dhe mjetet, burimet financiare sesi do të arrihen objektivat tanë, dhe se si do të mbajmë angazhimet që marrim përpara qytetarëve.

Ky është rasti për të theksuar se ne besojmë tek modeli i ekonomisë së tregut me një komponent të fuqishëm social, zbatuar me sukses në Gjermani nga partnerët tanë politikë nën drejtimin e Kancelares Merkel dhe po adoptojmë në programin tonë elementë të këtij koncepti, të arsyeshëm për realitetin shqiptar.

Për ne, tregu i lirë me një komponent të fuqishëm social është më shumë sesa një model ekonomik; përfaqëson një model organizimi të shoqërisë, pra një rend shoqëror ku krijohet hapësira për të zhvilluar shpirtin krijues, krijohet hapësira ku çdokush përmes lirisë që ofron ky model të mund të shfrytëzojë për përfitimin e tij dhe të familjes së tij në maksimum aftësitë dhe mundësitë që i jepen dhe ku dinjiteti njerëzor prevalon mbi ndërhyrjen dhe arrogancën, arbitraritetin e shtetit. Më shumë liri, më pak shtet. Më pak shtet arbitrar dhe arrogant dhe më shumë liri për individin.

Nga liria, sigurisht e lidhur me përgjegjësinë merr forcë ky model i ekonomisë së tregut me një komponent të fuqishëm social dhe shtyllat e tij janë: konkurrenca dhe solidariteti.

Këtu në këtë model, njerëzit e kanë të mundur të jetojnë të pavarur dhe po të pavarur të marrin vendime dhe të zgjedhin mënyrën dhe rrugët për suksesin e tyre, për përfitimin e mjeteve të jetesës për vete, për familjen e tyre dhe për të tjerët  që kanë nën përgjegjësinë e tyre.

Ky model i lirisë, po kështu nënkupton një qeverisje të përgjegjshme e cila iu mundëson shtetasve të saj konkurrencë të hapur dhe të ndershme në bazë të shtetit ligjor; pa monopole, një shtet anti-monopolist, një shtet në terma ekonomikë, shpall armiqësinë totale me monopol të hapur apo të fshehur. Po kështu një shtet që siguron akses të lirë në sipërmarrje private, mundësinë që çdo qytetar të kyçet drejtpërsëdrejti apo si i punësuar në sipërmarrjen private, që mbron dhe zhvillon lirinë kontraktuale, që eliminon barrierat administrative dhe i mbron qytetarët nga barrierat administrative, sigurinë e pronës dhe sigurinë e jetës.

Partia Demokratike ka besuar prej ditës së saj të parë tek shpirti sipërmarrës i njeriut në liri si forca më e madhe lëvizëze në shoqëri. E ky është rasti të ripohojmë këtë besim bazë që na mbledh së bashku, ne besojmë tek shqiptarët, tek të rinjtë, tek të rejat, tek burrat dhe gratë në qytet dhe në fshat. Ne besojmë tek përgjegjësia e tyre për të marrë përsipër me lirinë e plotë vendimet që iu takojnë për të zhvilluar ekonominë personale, familjare dhe komunitare dhe për të marrë përsipër edhe rrisqet bashkëshoqëruese.

Që këto sipërmarrje të iniciativës së lirë të jenë të suksesshme është e domosdoshme zgjerimi i hapësirës së lirisë me një kuadër ligjor sa më të thjeshtë, zbatuar me ndershmëri dhe pa diskriminim, pa diferencim, midis nënës dhe njerkës, midis demokratëve dhe socialistëve, me infrastrukturë moderne, me akses në rrjetet e informacionit, me energji elektrike, hidrokarbure, të garantuar dhe të lirë, mundësi për arsim cilësor për të gjithë të lidhur me punësimin, sipërmarrjen dhe tregun.

Për ne kjo arrihet përmes një shteti të vogël dhe efikas, jo të madh dhe zullumqar, shërbëtor të qytetarëve dhe të sipërmarrjes, jo padronë të çdo frymori në Shqipëri. Në këtë kuptim paratë kanë më shumë vlerë nëse investohen me kurajo dhe krijimtari nga njerëzit e lirë, sesa nëse mblidhen me lopatë nga një shtet zullumqar, jo transparent dhe vetë shërbyes. Sepse në fund të fundit janë njerëzit ata që krijojnë punësim, ofrojnë shërbime, sjellin zhvillim, sjellin mirëqenie.

Ndaj, tatimet dhe taksat e qeverisë tonë do të përbëjnë gjithmonë pjesën më të vogël të kostos së qytetarëve dhe të sipërmarrjeve dhe do të kthehen tërësisht në shërbim të tyre. Që do të thotë: taksa të ulëta; taksë e sheshtë 9 për qind, TVSH 15 për qind, taksa të ulëta, më pak taksa. Dhe asnjë shpenzim që nuk shkon tërësisht në shërbim të taksapaguesit: buzëkuq, fasada, makina luksi, orendi, zyra, shpenzime marramendëse për udhëtime, dieta pa fund, etj, etj; abuzime që sot i kushtojnë çdo vit buxhetit të shtetit 100 -130 milionë dollarë e barabartë me 50 mijë vende pune me rrogë minimale 300 mijë lekë në muaj, për një vit. 300 mijë lekë në muaj për 12 muaj, 50 mijë shqiptarë mund të paguheshin me paratë e shpenzuara kot nga kjo qeveri.

Në këtë mënyrë taksat dhe tatimet nuk kthehen në një barrë, në një mallkim, në një kosto por në një investim të qytetarëve për veten e tyre dhe shteti ka detyrën që këtë investim ta shumëfishojë në shërbim të qytetarëve.

Këto janë parimet më të mira të CDU-së. Këto janë dhe parimet që udhëheqin edhe programin tonë. Dua të falënderoj nga zemra edhe një herë ekspertët e CDU-së dhe të Fondacionit Konrad Adenauer për punën e bërë me ne, dhe për vazhdimin e saj deri në përfundimin e këtij projekti së shpejti.

Matthias Schafer- Drejtues i politikave ekonomike te Conrad Adenauer:

Schafer:  Programi i PD i përshtatshëm për të zgjidhur problemet që frenojnë rritjen ekonomike

Schafer: Program i PD, rikthen besimin

Schafer: Programi i PD, jo premtime boshe por realiste

Schafer: Skemë taksimi që ndihmon sipermarrjen, garanton rritje ekonomike, vënde të reja pune

Schafer: Taksa të thjeshta dhe transparente

I dashur Kryetar Basha,

Të nderuar zonja dhe zotërinj,

Kanë qenë dy ditë shumë intensive, nga njëra anë sepse sfidat para të cilave qëndron shoqëria dhe ekonomia shqiptare, janë të mëdha, por nga ana tjetër gjithashtu, dhe kjo është një gjë që dua ta them që në fillim para se të kaloj tek disa pika të programit ekonomik, mua më bindi shumë serioziteti me të cilin ne shkëmbyem ide me njëri-tjetrin, me ekspertët e Partisë Demokratike. Folëm për problemet e situatës ekonomike, por gjithashtu edhe për pikat konceptuale për t’i zgjidhur këto probleme në programin e zgjedhjeve të ardhshme. Ishte një përgatitje e shkëlqyer dhe ne shumë shpejt arritëm që të hynim në një diskutim shumë të saktë, shumë serioz dhe për këtë sigurisht nga ana ime dhe nga ana e kolegut Matias Hubscheru ju falenderoj shumë.

Ludvig Erhard, Ministri i Ekonomisë, i cili ka qenë në kohën e kancelarit Adenauher dhe njëri nga etërit e Fondit Ekonomik, ka thënë gjithmonë, 50 përqind, gjysma e një suksesi ekonomik, është besimi dhe psikologjia. Kështu që besoj se këto janë dy pika shumë të rëndësishme të cilat na ndihmojën për të ecur dhe për të mos e humbur fillin e diskutimit, dhe sipas këtyre pikave ne u orientuam në diskutimet tona. Pra si mund ta krijojmë besimin e shqiptarëve, besimin tek institucionet, tek politika, tek përfaqësuesit e tyre, të cilët në fund të fundit janë aty për të sjellë ndryshim ekonomik dhe besoj se me këtë program dhe me shumë pika të tij, ne kemi mundësinë që ju në Shqipëri t’u ofroni qytetarëve një përgjigje të sinqertë dhe të realizueshme se si do ta ringrini në këmbë ekonominë shqiptare. Pra kjo është pika e dytë e rëndësishme, pra rritja. Është një pikë shumë e rëndësishme që u përmend edhe në fjalën e kryetarit. Njerëzve nuk duhet t’u bëhet premtime boshe, por duhet t’u ofrojmë prespektiva realiste, duhet të kemi guximin të vendosim prioritete, për t’i çuar gjërat përpara, ato që janë të rëndësishme. Edhe në këtë pikë sërish një citat të Ludvig Erhard i cili që herët në historinë e Republikës Federale Gjermane, ka thënë: Ne nuk bëjmë dot magji në politikë, por ajo që mund të bëjmë është që të punojmë fort. Pra, duhet të punojmë në politikë dhe në ekonomi. Ne duhet të krijojmë kuadër me të cilin mund të punohet për të mirën e gjithësecilit dhe të gjithë shoqërisë. Kjo është idea jonë. Një ekonomi tregu, sociale e cila është e lidhur me shumë punë, me sfida, me besim, dhe pikërisht këto janë bazat e rritjes ekonomike. Tani do të kaloj në programin konkret, për të cilin folëm këtu në diskutim të hapur, dhe ne sollëm idetë tona të cilat ndërthureshin me përvojën e ekspertëve shqiptarë. Nga këndvështrimi im, ky program është i përshtatshëm për të zgjidhur shumë probleme që frenojnë rritjen ekonomike në Shqipëri dhe për të sjellë një kurs më të shpejt dhe më të fuqishëm rritjeje në këtë vend. Thelbësore është situata e infrastrukturës publike. Çfarë prioritetesh vendosen këtu? Si mund të zhvillohet infrastruktura, e cila në thelb u jep njerëzve mundësinë që të përdorin potencialet e tyre. Që të përfshihen me idetë e tyre në dinamikën ekonomike dhe të mos jetë të varur nga ato që u jep shteti, por që të marrin vetë situatën dhe përgjegjësitë e tyre në dorë. Dhe për të qëndruar sërish në këmbë. Pikërisht në këtë drejtim, infrastruktura, ndërtimi i rrugëve, i aeroporteve etj, vazhdon me infrastrukturën në fushën e arsimit, të gjitha këto janë ato pika kyçe të cilat mbështesin procesin e rritjes me qëllim që qytetarët të bëhen sërish të pavarur dhe të veprojnë. Një pikë e rëndësishme gjithashtu është edhe arsimi. Ne arritëm në përfundimin që është shumë e rëndësishme që të rritet cilësia në fushën e arsimit dhe pritshmëritë e njerëzve nga fusha e arsimit, me qëllim që njerëzit ta gjejnë veten në një zhvillim dinamik dhe ti vënë thekset pikërisht aty ku duhet. Sa më herët që fëmijët të bëhen e të ndjehen pjesë e sistemit të arsimit, infrastrukturës, aq më të mira janë perspektivat për të realizuar një rregull ekonomik dhe një program ekonomik i cili mbështetet nga një dinamikë e sektorit privat, e jo thjesht nga shteti. Sepse në fund të fundit shteti është sipërmarrësi më i keq i mundshëm. Pra duhet që të  mbështetet iniciativa private, reformat dhe ndryshimet në sistemin e taksave janë gjithashtu të rëndësishme. Duhet krijuar bindja që të kemi një sistem taksash të thjeshtë, transparent me qëllim që të ardhurat e njerëzve të mbeten po tek ta. Kemi zhvilluar disa propozime në fushën e taksave të cilat duhet të kontribuojnë për të mbështetur dinamikën sipërmarrëse. Kjo është një përvojë të cilën e kemi bërë në Gjermani dhe kjo çon në rritjen e vendeve të punës, në rritjen e mirëqenies. Këto janë disa ide në fushën e politikave të taksave për të njohur rritje në ekonominë shqiptare. Nëprmjet rritjes ekonomike mund të krijohen vende të reja pune, duke krijuar bazat e barazisë sociale, pasi dua të theksoj se përzierja e rendit të lirisë ekonomike e kombinuar me një ekuilibër social përbëjnë baza të rëndësishme edhe për ata persona të cilët kanë vështirësi apo e kanë më të vështirë që të jenë pjesë e ekonomisë së lirë të tregut. Pra, duhet të lidhin si përgjegjësinë individuale për sipërmarrjen ekonomike si edhe përgjegjësinë sociale për shtrasat më të dobëta në mënyrë që mos përmirësohet vetëm ekonomia shqiptare por edhe shoqëria shqiptare. Pasi nuk flasim vetëm për rendin ekonomik, por edhe për rendin shoqëror, për atë rend shoqëror për të cilin ne duam të jetojmë. Në këtë kuptim dëshiroj që për dy ditët e fundit të shpreh falenderimet dhe vlerësimet për të gjitha çështjet që kemi biseduar. Besoj se të gjitha potencialet e këtij vendi janë të tilla që ju mund të ofroni impulse që këto potenciale të mund të shfrytëzohen në të ardhmen akoma më mirë dhe shumë më mirë seç ka ndodhur në periudhën e fundit. Ju falenderoj që kishim mundësi të ishim pjesë e këtij procesi dhe ju uroj shumë suksese.

Walter Glos, Drejtor i zyrës së Konrad Adenauer për Shqipërinë 

I dashur z. Basha,

Arsyeja përse jemi këtu sot në krahun tuaj është e thjeshtë, Partia Kristian Demokrate e Gjermanisë, Partia Demokratike e Shqipërisë janë që të dyja anëtare të familjes europiane të Partive Popullore dhe në këtë kuptim ne si fondacion politik që ndodhemi pranë Partisë Kristian Demokrat të Germanisë, jemi një partner i cili mbështet në Shqipëri Partinë Demokratike. Unë besoj se jo vetëm ajo çka kemi diskutuar gjatë këtyre dy ditëve të fundit me njëri tjetrin por hartuar dhe rënë dakort, bashkëpunimi në fusha të ndryshme partiake, mund ti vëmë re ndërkohë, sigurisht që nuk përfundon këtu, por do të vazhdojmë edhe më tej. Lulzim ndoshta kur jemi ulur këtu në mjediset e Partisë Demokratike përpara disa muajsh dhe kemi folur për çështje të ndryshme, një prej pikave ka qenë programi i politikave ekonomike të Partisë Demokratike dhe kur kemi biseduar se në ç’masë do të ishte e mundur mbështetja nëpërmjet ekspertëve të CDU-së apo Fondacionit Konrad Adenauer, ne e pritëm mendjehapur dhe me shumë dëshirë këtë kërkesë tuajën dhe u përpoqëm që të bënim më të mirën për t;ju mbështeur. Nëse mendoj ditët e shkuara, unë vetë që ndodhem në Shqipëri prej 10 muajsh, në këtë vend të mrekullueshëm, mund të them se gjatë këtyre dy ditëve kam mësuar vërtetë shumë rreth ngjarjeve që kanë ndodhur përsa i përket fushës së arsimit, të shëndetësisë, të infrastrukturës, bujqësisë. Është një shkëmbim gjatë këtyre dy ditëve të fundit, të cilat do të më ndihmojnë mua  dhe Fonacionin për punën e mëtejshme. Kur shikoj dhe mënyrën shumë intensive me të cilën PD është angazhuar përgjatë këtyre ditëve, besoj se kjo ka lehtësuar punën e eskpretëve tanë dhe kontributin e tyre ndaj dëshiroj të falenderoj përfaqësuesit dhe bashkëpunëtorët e PD por edhe eksprtët. Bashkëpunimi ynë do të vazhdoj edhe më tej dhe uroj që të vazhdojmë të mbështesim këtë proces. Sfidat ndodhen përpara nesh dhe janë të tilla, që të finalizohen në program ekonomik, e cila do të shërbejë edhe për fushatën elektorale dhe jam i sigurt se do të kemi një program shumë të mirë ekonomik, në mënyrë që popullsia e Shqipërisë të ketë një qartësi se cila do të jetë rruga ekonomike e PD për procesin e zhvillimit ekonomik. Do të keni mbështetjen e Fondacionit tonë.

Njoftim për media i Partisë Demokratike, 5 nëntor 2016