Blog

Kryetari i Partisë Demokratike, Lulzim Basha mori pjesë në Samitin e PPE që u mbajt në Maastricht, Holandë. Në këtë Samit një vend të veçantë ka zënë gjendja e jashtzakonshme e kultivimit dhe trafikut të drogës në Shqipëri. Ky zhvillim dramatik është kthyer në një shqetësim për vendet anëtare të Bashkimit Europian, siç u evidentua edhe në diskutimet e mbajtura në Samitin e PPE nga perfaqesues dhe drejtues të institucioneve europiane.

Në fjalën e tij, kryetari i opozitës Basha duke shprehur shqetësimin se te ardhurat e drogës do të përdoren, siç ndodhi në zgjedhjet e vitit 2015 dhe në ato të Dibrës, për të blerë vota, kërkoi mbështetje për të garantuar zgjedhje të lira dhe të ndershme në Shqipëri.

“Për fat të keq një nga temat që dominoi në këtë samit ishte Shqipëria, problemi i jashtëzakonshëm i drogës, i krimit dhe rrjedhojat që kjo ka për stabilitetin, për demokracinë e Shqipërisë dhe për stabilitetin rajonal dhe më gjerë për Europën. Në këtë kuadër jo vetëm prezantimi që unë bëra për situatën e jashtzakonshme sa i përket kultivimit dhe narkotrafikimit por edhe informacionet e dhëna nga personalitetet e pranishme në këtë samit, që nga presidenti Daul, përfaqësuesit e komisionit etj, tërhoqën vëmendje të madhe dhe u bënë subjekt i diskutimit të hollësishëm. Eshtë e qartë se ajo që qeveria Rama përpiqet ta mbajë të fshehur, ta mohojë brenda Shqipërisë, tashmë ka kapërcyer kufijtë e Shqipërisë është kthyer në një problem të jashtëzakonshëm ndërkombëtar.

Prova për këtë nuk janë vetëm artikujt e njëpasnjëshëm në mediat botërore, provë për këtë është shqetësimi i jashtzakonshëm që zuri ky problem në Samitin e Partive Popullore Europiane. Problemi i drogës, i krimit dhe i lidhjes së tyre me politikën janë tashmë në qendër të vëmendjes së Bashkimit Europian. Zgjidhja e këtij problemi kërkon vullnet politik, vullnet politik të cilin Partia Demokratike, opozita, unë, e kemi, prandaj kërkojmë mbështetjen për të krijuar kushtet për zgjedhje të lira dhe të ndershme.

Përmes zgjedhjeve të lira dhe të ndershme, Partia Demokratike, alternativa që ne përfaqësojmë do ti japë zgjidhje përfundimtare dhe të shpejtë këtij problemi me qëllim që të mos rrezikohen aspekte të tilla të ndjeshme për shqiptarët siç është lëvizja e lirë. Një të drejtë që mezi e fituam pas sakrificave dhe një pune të jashtzakonshme dhe që sot padyshim vihet në rrezik nga karteli i drogës në bashkëpunim me qeverinë e Edi Ramës.”

Kryetari i Partisë Demokratike, Lulzim Basha shtoi se kjo situatë është pasojë e kriminalizimit të shtetit nga Edi Rama dhe lidhjeve të tij me trafikantët. Hashashizimi i Shqipërisë është një problem i shkaktuar, i rritur, i nxitur, i mbrojtur dhe i mbajtur në këmbë nga bashkëpunimi me krimin, që ishte risia që Edi Rama solli në zgjedhjet e 2013-ës, e forcoi në zgjedhjet e 2015-ës dhe sot e ka konvertuar në mbushjen e Shqipërisë me drogë, tha zoti Basha. Moszbatimi i ligjit të dekriminalizimit lidhet me projektin e tij për t’i përdorur kriminelët dhe trafikantët për të deformuar vullnetin e votuesve në zgjedhjet e ardhshme theksoi kryetari i opozites.

“Ne kemi insistuar në zbatimin e ligjit të dekriminalizimit sepse është pikërisht moszbatimi i ligjit të dekriminalizimit që mban Artur Bushin në Krujë, Elvis Roshin në Kavajë, me dhjetëra, me qindra të inkriminuar anembanë administratës shtetërore, në Policinë e Shtetit, në dogana, në tatime, në drejtori të ndryshme. Dhe janë këta individë me përkrahje e mbështetje dhe mbrojtje nga Edi Rama që kanë bërë të mundur shumëfishimin e sipërfaqes me drogë nga viti i kaluar në këtë vit dhe kthimin e Shqipërisë, siç u përmend sot në këtë samit, në hambarin më të madh të drogës në Europë, në Kolumbinë e Europës.

Shqetësimi padyshim ka të bëjë edhe me demokracinë, edhe me stabilitetin. Një vend ku pista avionësh ndërtohen për narkotrafikantët dhe përdoren nga narkotrafikantët, nesër nuk siguron dot standardet e NATO-s apo të një vendi normal sa i përket luftës kundër terrorizmit. Kjo është një infrastrukturë lehtësisht e konvertueshme nga në funksion të krimit të organizuar në funksion të terrorizmit.

Situata është dramatike dhe kërkon masa dramatike. Unë pata rastin të konfirmoj vullnetin e opozitës, të Partisë Demokratike, për t’iu përveshur një beteje të gjithanshme, totale me kartelin e drogës që sot qeveris Shqipërinë. Betejë e cila mund të kurorëzohet me sukses vetëm me largimin e Edi Ramës, si parakusht për garantimin e zgjedhjeve të lira dhe të ndershme dhe fitoren e një alternative e cila në vend që të bashkëpunojë me krimin dhe me drogën, do të shtypë krimin dhe drogën dhe do të rihapë perspektivën europiane, zhvillimin, punësimin, punën e ndershme, të drejtën dhe lirinë e çdo shqiptari për të punuar dhe jetuar me djersën e ballit në vendin e tij.”

Njoftim per shtyp i Partise Demokratike, 21 Tetor 2016

Mediat greke denoncojnë qeverinë shqiptare për 1 ton kanabis të kapur dje në afërsi të Athinës, duke thënë se është e të njëjtit rrjet të Balilit, “Escobarit të Ballkanit”, i cili është i lirë dhe ushtron aktivitetin e tij nën mbrojtjen e Edi Ramës edhe pse e kërkon gjysma e policive të Europës dhe DEA Amerikane.

Ndërkohë në këto momente që flasim, lajmet bëjnë të ditur se 21 kg kokainë e lidhur me shqiptarë është kapur sërish në Greqi.

Pra, “Fronti i të keqes”, pas mediave me prestigjoze italiane, portaleve analitike,  strategji e politikebërëse të Shteteve te Bashkuar të Amerikës, tashmë ka kapur edhe Greqinë, e cila na thenkesh se edhe pse sajmiri i Kryeministrit paska asgjesuar 99.99% të drogës në Shqipëri, 0.001%-shi i mbetur po u merr frymën…

E verteta është se “Fronti i së keqes” drejton sot këtë vend nën divizën “mileti le të lehë, droga të ecë përpara”. Dje 4 nxënëse të shkollës 9 vjecare në Krujë humbën ndjenjat pikërisht nga hashashi i djegur në klasën e tyre.

Në Krujë, aty ku 3 ditë më parë u gjet buzë aksit kombëtar hambari i drogës, me 1.3 tonë kanabis, që nuk u zbulua as nga policia, as nga OSHEE edhe pse konsumonte energji si një fabrikë; por u desh bashkëpunimi i shërbimeve me Prokurorinë e Krimeve të Rënda për të ndalur këtë krim.

Droga që kapin autoritete fqinje, droga që kap Prokuroria dhe shërbimet, edhe pse me tonelata pothuajse cdo ditë, sipas Edi Ramës është vetëm 0.2 përqind e sasisë.

Nisur vetëm nga kjo shifër e qeverisë, përfytyroni se sa mijëra ton drogë janë kultivuar në vendin tonë dhe po kthehen e pritet të kthehen cdo ditë në qindra milionë euro, para me të cilët Edi Rama kërkon të blejë pushtetin me cdo kusht.

Cdo shqiptar sot është nën thirrje për të reaguar.

Ngrihu, përpara se droga të shkojë në klasën e djalit apo vajzës tënde, përpara se droga të mbulojë lagjen e rrugën ku ti jeton, duhet të ngrihesh kundër kësaj të keqeje që sjell rrënim të shoqërisë, helmim, konflikte, vrasje e hasmëri. Shqipëria e pastër, pa drogë, është Shqipëria pa Edi Ramën.

Deklaratë e deputetit Gent Strazimiri, 21 tetor 2016

Të dashur qytetarë

Sot në seancën plenare, diskutohet një projektligj procedurial , i emërtuar  si buxheti faktik i vitit 2015 , që në tetorin e 2016 në  pamje  të pare  duket  ka  pak   për   të    përcjellë tek  qytetarët  për vitin e shkuar, por në se synon të qartësosh atë  çka  shifrat  e  këtij   buxheti  pasqyrojnë,  petet e lakrorit hapen, e  ajo çka shihet nuk mbulohet dot nga largimi  I  Shkëlqim Canit  nga  kabineti .

Opozita  fjalën ka, po fjala e saj as ka qenë dje, thjesht retorikë politike dhe aq më pak është sot, kur kjo qeveri është  në  vitin  e  katërt  të  keqqeverisjes  së  shqiptarëve.

Sot,  shifrat  faktike   të  2015  si dhe raporti i kontrollit të lartë  të  shtetit, faktojnë    të  zezën  mbi  të  bardhë,  atë cka  dihet e provohet çdo ditë nga çdo shqiptar jashtë taborrit  të Ramës, rrënimi ekonomik  i vendit dhe humbja e çdo perspective  për  një  jetë  e  shoqëri  më  të  mirë.

 Rama shpesh e ka per merak te thote : Fanatiku nuk ndryshon mendje  por nuk ndryshon as argumente,,,,

I bej thirrje te lexoj shifrat  ,dikush  t’ia shpjegoje dhe te ndryshoje  argumentet mbrojtese   se  luajti  mendsh  dynjane.

Raporti  i zbatimit faktit të buxhetit, përmes shifrave, tabelave me ngjyra e pa ngjyra, jep përgjigjen e shumë pyetjeve që  në këtë parlament nuk kemi rreshtur së bëri, dhe  së akuzuari këtë qeveri e këtë kryeministër.

Ky raport, fakton përmes shifrave të vetë Qeverisë,  ecurinë e ekonomisë kombëtare për vitin 2015, si kanë operuar sektorët bazë të ekonomisë, si ka qenë raporti mes të ardhurave dhe shpenzimeve, importit dhe eksportit, të ardhurave për frymë, e shumë e shumë pyetje të tjera, të cilat  në një mënyrë masin dhe kenaqësinë e lumturinë e jetes  në  këtë  vend.

Sa e mirë ka qenë realisht cilësia e jetës së shqiptarëve e tregojnë përpos dhjetra fakteve e ngjarjeve, 300 mijë të larguarit nga Shqipëria e mes tyre  tanime  jane  bere  400 mjekë. Të jesh mjek do të thotë të kesh pas mundësinë të studjosh gjatë, të kesh një punë e profesion nga më të preferuarit.  Të jesh mjek e të emigrosh, do të thotë një gjë e madhe  nuk shkon në këtë vend, e kjo gjëja , e ka emrin Edi Rama.

Shifrat flasin, e tregojnë sa keq performoi ekonomia nën governancën e Ramës:

deficiti tregtar i 2015 u rrit me 1.6% krahasuar 2014; importet  ranë me 1.4%, ndërsa eksportet me 4.9% referuar 2014.

Loja e shifrave, është në merakun e propogandës së Kryefinancierit dhe Kryeministrit të kësaj qeverie.  E ndërsa, raportin ndërkombetar të 2015  “Doing Business” e përcollën si një fitore të qeverisjes së  tyre, teksa vleresimi për Shqipërinë përmirësohej me 40 vende, harruan t’u shpjegonin shqiptarvëe se përmirësimi bazohej në masat e ndërhyrjet  ligjore  të  2013  të  qeverisë  Berisha.

Po mendja e madhe për t’keq vet thonë shkodranët,    “DOING BUSINESS 2016” tregoi se Shqipëria kishte  humbur plot 35 vende nga vlerësimi i një viti më parë, për fatin e keq dhe  të  1 milion  shqiptarëve  të  varfëruar  e të zhgënjyer nga  kryeministri  që  e votuan.

Është Banka Botërore ajo që shprehet për përkeqësimin e indikatorëv kryesorë,

“të fillosh një biznes”, “furnizimi me energji elektrike, “regjistrimi i pronës” , “aksesi ne kreditim”, “pagesa e taksave” – rrjedhojë e  rritjes së barrës fiskale,

 Rezultati dihet ; Shqiperia më pak atraktive në rajon për investitorët e huaj, dhe më problematike dhe e pasigurtë për ata vendas e të huaj  (mjaft te kujtoni  investitorin 500  Mil.euro te masakruar), vend ku siguria është e rrënuar deri në institucionet e sigurisë së lartë kombëtare, siç është aeroporti Rinasit.  Rekordin e “good governancës”  e arritëm me  lejet  e  ndërtimit . Por  ka  dhe me keq kur mendon qe bizneset  jane nen kercenimin e gjobvenieve (Ketu nuk po flas per gjobat e shtetit) nga ana e  miqve  te  qeverise.

E ndërsa qeverisni keq e më keq, problemi është se qeverisimi me keq se i gjithë Rajoni, keq me taksat e  klimën ndaj biznesit, shprehet Raporti i Forbes-it, për korrupsionin dhe vetë Rama e di që nuk e kontrollon dot më, për borxhin publik  shkelët jo vetëm marrëveshjen me FMN, por dhe  kushtetute e  ligjin  qe  e kishim  vendosur ne kohen tone , borxhi publik jo me shume se  62 %.

Natyrisht, kur flitet për buxhetin faktin të vitit 2015, FMN shprehet se performanca e të ardhurave ne buxhet ishte zhgenjyese.

 Aksionet kundër informalitetit të drejtoreshës të shpërblyer si zvministre  sollën që të ardhurat totale të 2015 të rezultonin 19.7 miliarde lekë më të ulta sesa plani i rishikuar me aktet normative (-5%), nderkohë qe rezultuan 36 miliardë lekë me pak sesa planifikimi fillestar (-8.7%).

Performanca e doganave për 2015, është – 35.5 miliarde leke (350 milione dollare) me pak sesa planifikimi fillestar “realist sipas qeverise kur prezantonte buxhetin e ketij viti”, ose 12% me pak.

13.5 ml eurot e Croën Agent  avulluan ,  e vetmja gje  qe do te mbahet mend  eshte se  ato euro   shërbyen vetëm për fjalën e thënë Administrata e Rames e korruptuar .

2015 shënoi uljen e të  ardhurave nga TVSH me 5.6 miliardë leke (-4.3%), rimbursimi TVSHsë nga 2014  u ul me 1.9 miliarde lekë/muaj  më pak,  akcizat rezultojne pothuasje 12.7 miliarde me te ulta sesa planifikimi fillestar duke konfirmuar nivelin e larte të evazionit dhe kontrabandes, sidomos ne  cigare  dhe  karburante.

2015, uli  me  6  miliardë   lekë (60 milione dollare, ose 17.1  % me pak) të ardhurat personale, u ulën taksat nacionale, dhe renta minerare  u ul me 26 milione dollarë.

Sigurisht, kjo ulje drastike e të ardhurave impaktoi shpenzimet të cilat për 2015 rezultojnë ;

420 milionë dollarë me te ulta sesa planifikimi fillestar,

dhe 258 milionë dollarë më të ulta sesa planifikimi i rishikuar me aktet normative.

Krekoset  Rama  ne ekrane  e ketu foltore , por se kuptoj per cfare …?

 te ikim nga shifrat  dhe te dalim te faktet ….

Mburret per pagat   qe  nuk janë prekur  fare  për  mbi  3 vjet ,  ?

Te ardhurat e disponueshme  sapo e tha ministri….. e perkthyer qe ne fund te muajit  teprojne  para ne xhepat e administrates…

e  pavertete e madhe .. nuk gjeni dot  nje punonjes  administrate , mjek, mesues, zyrtare te ndershem  qe te mbylli muajin  me shpenzimet , pyetini  me gjeni dhe  qofte ai nje socialist  i ndershem).

 mjeksësia rënkon jo vetëm nga korrupsioni,

Predikuat mjekesi falas , Jo vetem  qe  nuk ekziston , por ju siguroj  me fakte dhe emra konkret qe  ne Dr.pacientet kane  blere  dhe  serum  tek  farmacite  perballe…

Fotot e spitaleve të Ramës bëjnë xhiron  e  botës  se ngjajnë me  spitalet  e  luftës;

Pa  zotesine e  Tahirit  tani  duhet ti shtojme  ushtrine  qe  ose mbledh plehra ose duhet të korrë kanabis;

 Policia nuk të mbron kur duan të të vrasin, por të vë gjoba sipas planit,

Arsimi  pa  investime  (asnje shkolle e re apo kopesht ne Dr) ,  të  tjerat   ja shihni vetë, universitete me  kuota  të paplotësuara dhe studentë me rezultate të mira  pa  të   drejtë  studimi ;

cmimet  rriten  e  varfëria rritet ,

sheshet  me shatërvanë e shkurre të Rilindjes ndezin drita; shqiptarë të hutuar nga lloqe delirantësh për  legalizimin e kanabisit, plehrave e prostitucionit, nga cmenduritë e gjeopolitikës  që  turbullon  kosovarë  e  shqiparë  bashkë.

Edi Rama, vec një mendje si jotja mund të rrënonte kaq shume. 

Ju faleminderit

Fjala ne Kuvend e deputetit Igli Cara, 20 Tetor 2016

Drejtuese e seancës,

Kolegë deputetë,

Debati për buxhetin kulmon debatin rreth politikës financiare në vend, duke tërhequr edhe vëmendjen e qytetarëve, të cilët presin me ankth cfarë po ndodh me ekonominë shqiptare, dhe ekonominë e tyre familjare. Debati për buxhetin zakonisht është më I rëndësishmi në një legjislaturë pasi buxheti orienton politikat qeveritare, e politikat qeveritare duhet të adresojnë cështje kyc të ekonomisë, financave prat ë përditshmërisë së cdo qytetari shqiptar. . . Por në relacionet  e kabineteve ministrore, zakonisht ‘copy paste’ të një viti më parë, në asnjë rresht nuk gjendet sa është niveli i jetesës së shqiptarëve në vitin 2015, ndaj I drejtohemi, për të qenë të besueshëm edhe për ata që na ndjekin, organizmave të specializuar ndërkombëtarë të cilat na paraqesin një gjendje shumë e rëndë për ekonominë shqiptare që as fjalimet e stërzgjatura e lodhëse të Kryeministrit dhe as përrallat e Ministrit të Financave nuk e mbulojnë dot:

• Banka botërore vë alarmin që në Shqipëri 47% e popullsisë jetojnë në nivelin e varfërisë me 500 lekë në ditë,
• Papunësia është rritur (INSTAT) me 5 pikë përqindje që nga 2013. Edhe sipas Kombeve të Bashkuara dhe Bankës Botërore papunësia mes të rinjve është mbi 33% pra më shumë se dy herë më shumë se ajo e popullsisë: (http://ëëë.un.org/youthenvoy/2014/12/restoring-hope-albanias-unemployed-youth/
• Raporti që sapo është publikuar I EUROSTAT tregon që fëmijët e pashoqëruar ishin në një numër shumë herë më të madh ndër fëmijët azilantë.
• krahasimi i statistikave shkollore me ato të popullsisë tregon që numrin e vajzave jashtë sistemit arsimor të moshës 7 – 16 vjec është rreth 19 mijë vajza. Ndaj dua t’I bëj thirrje ministres Nikolla, që të grejë një grup punë urgjent për të parë nga afër këtë fenomen tejet negative e të marrë masa sa s’është tepër vonë.
• Shoqëria civile ka muaj që kërkon ndihmë për mbi 100,000 fëmijë që jetojnë në kushte të një varfërie ekstreme, dhe nuk kanë as vaftet normale e as para për të blerë librat.
• Ka patur një plan kombëtar për fëmijët e rrugës. Dhjetëra milionë Euro janë dhënë nga donatorët dhe buxheti I shtetit…por sot ata që quhen fëmijët rrugës janë ende edhe më të shumtë në numër në rrugë. Fëmijët e rrugës janë sot në Kordinën e Vdekjes në Sharrë.

Shumë fonde janë akorduar nga Buxheti I Shtetit për Arsimin Profesional, por as ato nuk kanë mjaftuar për të bindur rininë që modeli dhe oferta e shkollave profesionale ishte ai I duhuri për ta… Na përmendin shpesh modelin gjerman, austriak, zviceran etj…por si mundet të krahasoni Shqipërinë me këto vende që janë fabrika të punësimit të botës ndaj kanë të zhvilluar sistemin e shkollimit të zanateve. Në shqipëri zanatet janë vetëm për t’i shërbyer familjeve dhe shërbimeve por jo industrisë. Ku ka industry mekanike? Ku ka industry elektrike? Ku ka industry ushqimore? Ku ka industri tekstile? Paradat propagandistike të Kryeministrit apo Ministrit të Mirëqenies nuk kanë mundur të ndryshojnë mendjet dhe dëshirat dhe ëndërrat e të rinjve të talentuar shqiptarë, të cilët duan arsimimin e duhur, një vend pune që paguhet me një pagë të duhur për të bërë një jetë dinjitoze ashtu sic ata e meritojnë…

Kompleksi I Ramës ndaj tyre, nuk ka mundur ti bëjë ata që të shkëputen nga endërrat e të pranojnë punët që nuk paguhen ashtu si duhet, ose ato të skllavërisë si të landfillit të Sharrës..

Por edhe ata që ju përgjigjën thirrjeve të Qeverisë Qendrore apo vendore, që ju përgjigjën thirrjeve të Veliajt për një punë të siguruar e me standarte në Lanfillin e Sharrës, fatin nuk e patën të mirë…Kryeministri dhe Kryetari I Bashkisë nuk ju siguruan as jetën, e jo më kushtet e mira e me standarte në punë… Në Sharrë dhjetëra fëmijë të moshës edhe 10 vjec, qindra gra e vajza, djem e burra, u shfrytëzuan si skllevër…dhe Kryeministri ende hesht…ndërkohë që Kryetari I Bashkisë ka nisur, në një rast të paprecedent lincimin e mediave që guxojne të pasqyrojnë atë që ka ndodhur në Lanfillin famëkeq…

Ngjarja tragjike, ku humbi jetën një grua 48 vjecarë nënë e 2 fëmijëve, e më pas në rrethana dramatike 17 vjecari, Ardit Gjoklaj është dëshmi e mungesës së alternativës së të rinjve për të dalë nga varfëria. I ndjeri Ardit ishte punësuar për të blerë librat dhe veshjet për shkollën, për të ndihmuar prindërit e tij, pas thirrjeve në televizione të Veliajt. Por investigimet gazetareske të Alidës që u pushua menjëherë nga puna pas ndërhyrjeve të Kryetarit të Bashkisë, vazhduar nga stafi profesionist I Publikus, denoncuan fshehjen e krimeve në landfillin e administruar nga Bashkia e Tiranes, shfrytëzimin e fëmijëve në punë në turnet e natës dhe punësimin e paligjshëm dhe pa asnjë kusht teknik dhe higjiene.

Por Veliaj nuk u ndal këtu…Fillimisht mbylli “Hashtag.al”. Gjetën studion e Zonjës së Parë të Tiranës dhe shkuan deri në Teksas për ta bllokuar duke sajuar një hisori sa qesharake aq dhe absurde…

Pastaj ju vërsulën Lolitës…duheshin gjetur patjetër vajzat e reja që nuk po e lënë rehat Ramën me të tijët…e gjithë Qeveria në këmbë për të zbuluar kush qendron pas këtij profili… Ministra dhe zëdhënës të Qevrisë, po hartojnë në fshehtësi ligje për ti mbyllur gojën edhe atyrë që kanë mbetur kurajozë e po vazhdojnë denoncimet e aferave skndaloze të Kryeministrit dhe oborrit të tij Qeveritar…

Kontrolli i pronareve të mediave, presionet ndaj gazetarëve e kanë nxjerrë nga kostumi zyrtar Kryeministrin dhe në këtë dyzim rolesh, ravijëzohet qartë në atë pjesë që i përket më shumë, DHUNUESIT… e kemi parë së fundmi në një dhunë verbale dhe psikologjike ndaj hallexhinjve, ndaj kolegeve të nderuara, ndaj gazetareve profesioniste sic ishte rastin I fundit I intërvistës televizive të dy ditëve më parë …. Nisur nga rastet e persëritura të kësaj sjellje aspak të denjë për detyrën që mban, do mirëprisja të gjitha koleget e mija deputete që në rast përsëritje të ndërmarrim një Vendim për të reaguar!! Një fjalor I tillë vulgar e fyes nuk mund të jetë I pranueshë për asnjë prej nesh…Cdo mendojnë fëmijët tuaj nëse e dëgjojnë Kryeministrin të fyejë nënën e tyre deputete? Po vajzat e mija kur të rriten??? Dhunë e tillë verbale, në këtë sallë por edhe jashtë saj, është e patolerueshme dhe e papranueshme e duhet ndalur sa më parë…

Të nderuar kolegë,

Në dy vitet e para të mandatit qeverisës detyruan largimin nga Shqipëria të rreth 200 mijë shqiptarëve, ku 80% e tyre janë të rinj. Qeveria e korruptuar, pa program dhe pa vizion detyroi të rinjte të braktisin vendin, duke shënuar eksodin e dytë më të madh të emigrimit të shqiptarëve për shkak të varfërisë dhe pasigurisë, pas viteve 90-të. Ndërkohë sot në Shqipëri, të rinjtë ndodhen në udhëkryq:

• Mijëra student janë në ankth sepse me shumë gjasa do mbeten pa shkollë;
• Që të gjejnë një punë në administratë ose duhet të jesh familjar, apo mik e shok I ndonje qeveritari, osë të marrësh teserën e PArtisë, ose të paguan nën dorë;
• Nëse ke një mastër apo doktoraturë, bën mirë të punosh marangoz, apo kamarier, apo tornitor, sepse Kryeministri me profesion piktor ka kompleks nga ju, se jeni më të mirët, më pa komplekse, …e nuk ju do nëpër këmbë…
• E nëse nuk je në gjendje të gjesh punë si kamarier apo montator, atëherë ke dy alternativa të tjera: të punosh në fason po call center edhe në një pagë nën minimale (që janë mbushur me mjekë e juristë) ose të përballeni me shfrytëzimin për punë në parcelat e kanabisit.
• Shqipëria e mbuluar nga Kanabisi ka shqetësuar edhe Ambasadorin e ri të Britanisë.

Por, Kryeministrin bezdiset pse ne apo analistët e mirënjohur ndërkombëtarë për cështjet e sigurisë, ngremë shqetësimin që Shqipëria po kthehet në një Kolumbi në Ballkan… Vallë a e din Kryeministri që 52 vite (më shumë se 5 dekada) konflikt I përgjakshëm në Kolumbi, që ka marrë 226 mijë jetë dhe ka zhvendosur më shumë se 6 mln të tjerë është mbajtur gjallë vetëm prej drogës, narkotrafikut???

E sot në Shqipëri, dhjetra të rinj janë vrarë nga grupet rivale të trafikantëve, ndërsa qindra të tjerë të detyruar nga varfëria punojnë si skllevër në plantacionet e drogës, kudo të gjendura në territorin e Shqipërisë. Varfëria ekstreme po I bën burra e gra të lënë punët në fasone, apo bujqësi…pasi paga në parcelat e hashashit është e majme…dhe tunduese, ju siguron të ardhura më të mira… E nga ana tjetë kjo kjo krijon një situatë të vështirë për sektorët prodhues si bujqësia, fasonët etj…

Është tronditës lajmi I sotëm që 4 nxënëse në Fushë Krujë kanë përfunduar në spital, dyshohet prej përdorimit të hashashit. Kolegu im Dogjani e ngriti në prani në Kryeministrit këtë shqetësim. E cfarë bëri ai? U ngërdhesh, u tall dhe ju referua një rasti të para 2 javëve ku 6 nxënës përfunduan në spital… Për cilëndo arësye qoftë, për përdorim hashashi, apo për shkaqe të tjera, a është kjo shqëtësuese??? Pse për t’I cuar në spital I dërgojnë prindërit fëmijët e tyre??? Si mundet të talleni më këto fakte???

Ja, ky është Kolumbizimi z. Kryeministër… dhe Konferencat e gjata për shtyp të Ministrit të Brendshëm nuk e zgjidhin dot këtë problem…

Të nderuar kolegë!

Keni vënë në zjarr kazanin e propogandës, për të devijuar vëmëndjen e shqiptarëve me diskutimet shterpë të deputetëve dhe ministrave të cilët prej disa orësh po sikletosen për të mbuluar me retë e mashtrimit, një nga praktikat më korruptive dhe më të sikletshme për ju si mazhorancë, atë të avokatisë së Buxhetit Faktik.

 Më vjen keq, vecanërisht për koleget zonja e nëna të së majtës, që duhet të luajnë një rol të shëmtuar në fakt, që është ai i vlerësimit të një buxheti, që legjitimon statusin më të vështirë të nënës shqiptare, të gruas shqiptare, të vajzave dhe të moshuarve, që janë në pikën e hallit dhe në kohët më dëshpëruese të tyre.

Dhe për të shprehur të drejtën e asaj cka mendoj, janë pikërisht këto muajt e fundit të vitit, kur diskutohen buxhetet, faktike apo të radhës, që bën edhe më të pasuportueshëm realitetin parlamentar, kur manipulimi dhe propaganda qeverisëse, kthehen në neveri për shqiptarët që ndjekin seancat “live” nga televizoret.

 Sepse realiteti që ngreni ju me mashtrimet dhe marrëzitë këtu në Parlament, nuk ka as edhe një fije lidhjeje me të vërtetën e mjerimit të shqiptarëve, me kronikat e varfërisë dhe jetesës si në Mesjetë, që televizionet përcjellin cdo ditë nga terreni, Veri, Jug, Lindje dhe Perëndimi të Shqipërisë, me të vertetën e bilanceve dramatike që shkakton krimi nga hierarkia e lartë e pushtetit, me kultivimin, korrjen dhe transportin e drogës dhe deri tek krimi ordiner i vjedhjeve të bizneseve apo vrasjeve e aksidenteve në rrugë.

Është buxheti që shpreh dhe një herë shterpësinë e politikave dhe aq më tepër të pseudoreformave të kësaj qeverie, që në këto tri vite kanë vetëm një arritje- shpopullimin në masë të këtij vendi të vogël dhe për këtë do të keni dënimin më të rëndë të brezave që po rriten.

Duket akoma më absurde dhe tepër cinike, të flasim sot për buxhet kur për tre vite nuk janë ndërtuar as edhe tre kilometra akse nacionale, nuk është lidhur as edhe një fshat me qendrat e bashkive të Qarkut të Kuksit, kur për tri vite nuk është derdhur as edhe një para për ndërtim shkollash, qendra shëndetësore, nuk është lëvruar para për hapje vende pune atje ku shumë familje jetojnë në varfëri dhe kushte mbijetese.

Një nga koleget e majta, e quajti sukses të vitit 2015, Reformën Territoriale e cila presupozohej që përvec të tjerave të sillte rritjen e cilësisë dhe numrit të shërbimeve që do të merrnin qytetarët.

Për turpin tuaj, qytetarët e Tropojës, duhet të shkojnë në Kukës për të marrë një vulë nga Prefekti I Qarkut në ndonjë dokument që iu duhet ta paraqesin në institucionet shteterore.

Flitet për sot për buxhetin e vitit 2015, në një kohë kur në Tiranë dhe qytetet kryesore të vendit,  sipas raporteve ndërkombëtare për të drejtat e fëmijëve, janë mbi 5 mijë fëmijë të mitur, që nuk ndjekin shkollën rregullisht, sepse duhet të shesin paketa apo facoleta, që të nxjerrin bukën e gojës.

 A mund të quhet buxhet i një vendi, që synon hapjen e negociatave me BE, kur mbi 70% e të rinjve duan të largohen nga sytë këmbët sepse nuk gjejnë shpresë, nuk gjejnë punësim, nuk gjejnë të ardhmen në atdhe, sepse e vetmja mundësi është kanabisi, është korrupsioni, është të marrurit me punë të pista, për të shtyrë ditën apo javën?

Pra buxheti juaj është pikërisht ai buxhet, që buron dhe investohet per mbjelljen dhe korrjen e parcelave, për trafikimin e qindra ton hashashi nga Shqipëria drejt Italisë dhe vendeve të Evropës. është buxheti që në fakt sponsorizon tenderat e “shëndetësisë falas”, është buxheti që varfëron të ardhurat e familjeve për të majmur zyrtarët e drejtuesit e  OSSHE, një humnerë fiskale që nuk investon as edhe një para në terren për rrjetin e amortizuar.

Në mungesë të ministrit në sale, po ju kujtoj se janë me dhjetra familje në këtë zonë kaq të varfër që kanë marrë borxhe e kredi që nuk do ti lajnë ndoshta gjithë jetën për të paguar kamatvonesat. Dhe ju si shtet si i përgjigjeni kësaj sakrifice? Vetëm me mllef e injorim total.

 Mbi 10 familje kanë dalë në qiell të hapur në kushte të një varfërie të thellë sepse shtëpitë e tyre të vjetra janë djegur krejtësisht nga problemet në rrjetin fundor elektrik.

 Asnjë dëmshpërblim, asnjë fond, asnjë mbështetje nga shteti, vetëm disa ndihma të Emergjencës Civile, të cilën gjej rastin ta vlerësoj dhe ta falënderoj.

 Ky buxhet është gjithashtu buxheti që mbështet universitetet private për të zhvatur deri në monedhën e fundit prindërit që sakrifikuan jetën për arsimin e fëmijëve.

Të rinjtë me mesatare të lartë përvec mundit dhe djersës për rezultate të lartë, duhet të japin dhe para për të fituar një të drejtë me Kushtetutë. Pse?

Sa për ilustrim për zonjen Nikolla.

Eshtë një shkollë e vogël në skajin verilindor të Shqipërisë, në Zogaj të Tropojës, e cila shquhet si treve arsimdashëse.

 Matura sivjet kishte 10 nxënës, 9 prej të cilëve fituan të drëjtën e studimeve të larta sipas skemave tuaja, por vetëm 5 prej tyre arritën të regjistroheshin dot dhe a dini pse? Sepse prindërit e tyre nuk kanë mundësi, sic keni ju për vajzën tuaj, ti shkollojnë në privat, as këtu në Tirane e jo më në Francë, Itali apo gjetkë.

Si nuk turpëroheni, nga ata prindër që qajnë me lot, se nuk kanë të ardhura as për tu blerë librat fëmijëve të tyre?

Pas këtyre e shumë fatkeqësive të tjera për shqiptarët, vini sot e kërkoni votën për buxhetin e krizës që shkoi dhe një krize edhe më të madhe që po vjen.

Ky dokument  eshtë faktimi i treguesve të një ekonomie kriminale,  të nje shteti kundër ligjit dhe standarteve demokratike, ka ngritur treguesit e një shoqërie në krizë të thellë papunësie, ekonomie, sociale dhe mbi të gjitha të mungesës së një perspektive në afate më të largëta.

Duke hyrë dhe më në brendësi të këtij drafti ne, si deputetë të opozitës, por dhe ekspertë të fushave të ndryshme, vlerësojnë mentalitetin që ju keni në këto tri vite qeverisje për atë që konsiderohet orientimi i zhvillimit ekonomik të vendit.

 A mund të flasim ne sot pra për orientim ekonomik, për forcim të një tregu kur fuqia blerëse është tkurrur si asnjeherë në këtë cerekshekulli demokraci dhe pluralizëm, kur afron 10 mijë biznese të vogla e të mesme kanë mbyllur qepenat dhe papunësia ka shkruar në nivel kombëtar mbi 30 %?

Cili sektor mund të konsiderohet sot prioritet për zhvillimin e Shqipërisë?

Bujqësia? Agrobiznesi? Blegtoria?

 As edhe një nga këto drejtime të ekonomisë bujqësore nuk është në fokus të politikave të një shteti i cili po ngren vetëm ekonominë e kanabizimit, punësimin e kanabisit , shtetëzimin e kanabisit, institucionalizimin e tij, si prioritet për të ardhura, si një mënyrë për të punësuar gra, vajza,  të moshuar burra e fëmije, si krahu më i lirë i punës dhe për të sjellë fitime marramendëse tek njerëzit e qeverisë, njerëzit e pushtetit, drejtues të policisë dhe zyrtarë të tjerë

Kolegë!

Si deputete e Tropojës, disa herë kam ngritur zërin se kjo zonë aq e pasur me drurë frutorë dhe  arrorë, gështenja dhe boronicë, nuk arrin të gëzojë as edhe një të ardhur nga kjo dhuratë e natyrës .

 Pse?

Sepse Rama e qeveria e tij klanore, ka prioritet të tjera zona, të cilat i përdor si hambare për vota, e nga ku bën show me regji televizive, ku jep leksione fshatarëve sesi ta shesin rrushin nga shtëpitë apo në rrugë.

Nga kjo foltore konfirmoj sërish me dhimbje dhe akuzoj këtë qeveri se Tropoja, zona që duhej të ishte destinacioni i turizmit malor, është kthyer në emblemën e mjerimit kombëtar.

Dhe nga kjo seancë sot kam një thirrje pë Kryeministrin.

 Zoti Kryeministër, meqënëse po i afrohesh  fundit të mandatit dhe besoj krejt fundit tënd politik, të ftoj të vizitosh Valbonën, të paktën një herë në jetën tënde dëshmo se, nuk ke patologji  për alpinët.

Eja dhe thuaju banorëve, këtyre guximtarëve të turizmit që shteti nuk i ka ndihmuar as  edhe me një qindarkë.

U ke borxh të madh ti sqarosh: cfarë ju leverdis më shumë  Hec-et  apo turizmi? A do të cënojnë biodiversitetin e kësaj  lugine kaq të vecantë për Ballkanin dhe Evropën, ndërtimin HEC-ve atje?

 A do të sjellin energji elektrike për banorët e braktisur apo shkatërrim të natyrës dhe të  mjedisit?
Por për këto përgjigje lypset besë dhe jo mashtrime e fshehje pas murit të FB apo Tweeter.

 Tregohu të paktën burrnor me Veriun, me Tropojën, Bashkia e së cilës është ndër më të izoluarat e më të braktisurat, me një buxhet të papërfillshëm, me investime ZERO në infrastrukturën rrugore vecanërisht asaj ndërkufitare.

Tropoja e harruar në këtë buxhet të shkuar por dhe në atë që do të vijë, është një nga zonat më të izoluara në Republikë e Shqipërisë.

 Asnjë lekë nga taksat dhe faturat e larta që tropojanët paguajnë deri më një, nuk hidhen për ndërtime rrugësh apo investime të tjera në infrastrukturë.

Pse nuk miratoni dhe levroni fondet per fillimin e punimeve në  rrugën Kam- Kepenek- Zogaj- Qafë Prush e më tej Zgjeç e Peraj, projekti teknik i së cilës eshte gati, 18,5 km gjatësi rruge kostuar në vlerën rreth 4,8 milion euro( asgjë krahasuar me pasuritë nëntokësore të kësaj zone) prej së cilës 1600 banorë do kishin përfitim të drejtperdrejtë?
Edhe sa do presin 2200 banorët e Tropojes për 22 km të Rrugës Buçaj-Padesh- Koshare- Gjoçaj që të kenë mundësi të zbresin kështu në Junik?
Apo 11 mijë banorë të Hasit me ndërveprim të theksuar me Gjakovën, që po presin nga ju 12 km deri në Qafe Prush për  rrugën Golaj- Dobrunë- Goden- Dol dhe më pas Gjakovë?
Aktualisht 3110 banorët e Pac, Berishë madje edhe një pjesë e fshatrave të Pukës për  më pak se 20′ do të zbrisnin në Gjakovë nëpërmjet aksit Pac- Qafë Gjonaj- Babaj Bokës, por ju nuk iu intereson aspak kjo.

Për të mos përsëritur veten dhe kolegët, po bëj vetëm edhe një përmbledhje për buxhetin tuaj faktik për Tropjën:

Zero investime edhe për shëndetësinë…

Zero investime edhe për arsimin, ku së paku mund të kishit rast për hapjen e një shkole profesionale hoteleri-turizëm…

Për ndonjë skeptik nga bashkëpatriotët e mi që mund të jetë duke na ndjekur dhe po pret ndonjë fjalë të mirë- Po do kemi një shëtitore, një fasadë urbane e cila do të sjellë ZERO të ardhura, ZERO punësim, ZERO shpresë….

Kolegë!

Për ta mbyllur, unë mendoj se fakti më domethënës i krizës dhe falimentimit të këtij pushteti është pikërisht ky buxhet faktik që keni sjellë sot për votim.

Nuk ka më shpëtim për ju me manipulim e mashtrim shifrash, strategji e buxhete.

Shpëtimi janë reformat  dhe lufta kundër krimit e korrupsionit.

Ky është  programi i Opozitës dhe zbatimi I tij,nga qeveria e ardhshme demokratike, do të jetë shpresa për një Shqipëri normale e të jetueshme, e jo I asaj që të gjithë po duan të ikin prej saj me dëshpërim.

Faleminderit!

I nderuar drejtues i seancës!
Të nderuar deputetë!
Të nderuar qytetare e qytetarë!

Buxheti faktik për vitin 2015, na prezantohet sot si një raport për situatën makroekonomike dhe buxhetore për vitin që kaloi, për rezultatet dhe treguesit kryesorë të buxhetit të qeverisjes, nga njëra anë,  por edhe me raportin e Kontrollit të Lartë të shtetit që pasqyron realizimin e këtij buxheti.
Ajo çfarë shihet haptas dhe krejt qartë është evidentimi i problematikave dhe dëmeve ekonomike të konsiderueshme, rrjedhojë e keqmenaxhimit në fusha të ndryshme të ekonomisë: Këto me pak rreshta mund të përmblidhen:
–         Të ardhurat e përgjithshme janë realizuar në vlerë 379,206 milion lekë, nga 414,469 milion lekë të planifikuara me një mosrealizim prej 35,263 milion lekë (91.5%).
–         Shpenzimet e përgjithshme të buxhetit për vitin 2015, u realizuan në vlerë 437,408 milion lekë nga 472,697 milion lekë të planifikuara ose 92.53% me një diferencë nga plani 35,289 milionlekë. Krahasuar me realizimin e shpenzimeve të vitit 2014, këtë vit janë shpenzuar më pak 1,441 milion lekë ose 0.3%.
–         Borxhi Publik për vitin 2015 rezultoi në vlerën 1,065,712 milion lekë ose 73.86% të PBB-së, për vitin 2015, nga niveli prej 1,024,787 milion lekë ose 73.49% të PBB-së i realizuar për vitin 2014.
Pra, e përkthyer më thjeshtë, kemi arkëtuar më pak, kemi investuar më pak dhe jemë në borxh më shumë.
Sot po miratojmë një buxhet faktik, për atë çfarë u bë dhe u shpenzua gjatë vitit që kaloi dhe përtej shifrave të gjithë mund të lexojmë qartë rezultatin. Nuk ka vende të reja pune. Nuk ka investime të reja. Nuk ka asnjë rrugë të re. Nuk ka asnjë urë të re, asnjë shkollë të re, sepse paratë që duhet të destinoheshin për këto investime janë bërë rrush e kumbulla nga një grusht qeveritarësh.
Dhe së dyti, mund të shikojmë që kemi një volum shpenzimesh luksi të pakrahasueshme me zërat e shpenzimeve të qeverisjes së mëparshme, të pakrahasueshme për frymë të ndonjë qeverie europiane me ekonomi në rregull e jo më me ekonomi në krizë.
Kjo ka sjellë jo vetëm tkurrjen e ekonomisë, mbylljen e vendeve të punës, humbjen e besimit të konsumatorit dhe si rezultat edhe të biznesit, rënien e kreditimit, rënien e eksportit, rënien e importit, por ka sjellë edhe një dëm të madh biznesit dhe të investimeve të huaja në Shqipëri.
Por unë dua të përqendrohem tek fondet që qeverisja qendrore i ka dhënë pushtetit vendor, ku shihet qartë pabarazia e dukshme dhe diskriminimi në shpërndarjen e tyre sipas rajoneve.
Buxheti i vitit 2015 ishte i pari që zbatonte reformën e re territoriale duke transferuar tek pushteti vendor një sërë shërbimesh dhe funksionesh publike. Rreth një të katërtën e parave për pushtetin vendor i merr  dhe i shpërndan Fondi i Zhvillimit Rajonal, ndërkohë që investimet e këtij fondi zgjasin më shumë se një vit. Pikërisht në raport del qartë se  kriteret e zgjedhjeve të tij për investime realizimi i të cilave prekin drejtpërdrejtë qytetarin nuk ishin asnjëherë shumë të qarta dhe ekziston rreziku që jo të gjitha paratë janë ndarë barabar mes bashkive të majta dhe atyre të djathta, duke respektuar orekset e partiakëve në pushtet.
Gjatë auditimit nga Kontrolli i Lartë i shtetit është konstatuar se shpërndarja e Fondit të Zhvillimit të Rajoneve, sipas qarqeve ka paraqitur një disproporcion të nivelit të fondeve të shpërndara. Një pabarazi  totale.
Kështu nga auditimi konstatohet se në nivel të përgjithshëm shpërndarja sipas rajoneve reflekton një disnivel shpërndarjeje prej 63%, por ky disnivel është i ndryshëm po të analizojmë shpërndarjen brenda programeve të veçanta.
Kështu në programin “Shqipëria dixhitale” disniveli midis qarqeve që kanë përfituar nga ky fond rezulton më i larti prej 91%, në programin “Infrastruktura vendore dhe rajonale rezulton një disnivel prej 27%, për programin “Arsimi” ka një disnivel prej 21%, për programin “Ujësjellës-Kanalizime” ka një disnivel ndërmjet qarkut që ka përfituar më shumë dhe atij më pak prej 60%.
Imagjinoni çfarë shpërndarjeje i është bërë parave për pushtetin vendor. Nuk ka nevojë për të bërë shumë politikë. Shifrat janë kokëforte. Edhe pse raporti i KLSH-së nuk e jep, kërkoni shpërndarjen gjeografike të këtyre fondeve për të parë sesi kjo qeveri ka shpërndarë paratë, për të dalluar qartë diskriminimin që i bën bashkive të caktuara, kryesisht atyre të veriut, qofshin edhe të majta. E gjitha kjo përpiqet të mbulohet përmes praktikave korruptive dhe një inefiçence të pashembullt.
Kështu, mungesa e raportimit faktik të Fondit të Zhvillimit të Rajoneve, të përfshirë në treguesit e buxhetit vendor përbën një ngërç, që rrjedh  nga problematika që fillojnë që në planifikimin fillestar që keni bërë. Fondi i Zhvillimit të Rajoneve programohet si një fond pjesë e buxhetit vendor, kur realisht është një fond që planifikohet për tu shpërndarë si për pushtetin vendor dhe atë qëndror në Ministritë e Linjës.
Pra, plot 1 vit e gjysëm pas miratimit të reformës territoriale që  ndryshonte ligjin bazë të organizimit e funksionimit të qeverisjes vendore, vazhdoni të  tregoni haptazi se as atëherë dhe as tani nuk kishit asnjë vizion, asnjë projekt, asnjë ide të qartë se si duhej bërë reforma.
Si rezultat i mbartjes së kësaj paqartësie, siç paraqitet edhe në raportin e Kontrollit të Lartë të Shtetit, alokimi i Fondit të Zhvillimit të Rajoneve si në pushtetin qëndror dhe atë vendor, nuk lejon një mënyrë të saktë të raportimit të treguesve faktik tij, duke çuar në një pështjellim në trajtimin e këtij fondi.
Si rezultat, në raportin e buxhetit faktik mungon nje pasqyrim transparent i realizimit të zërit Fond Zhvillimi të Rajoneve duke përbërë një risk të lartë për financat publike, në mangesinë e transparencës së raportimit faktik të tij.
E thënë me pak fjalë, e gjithë kjo është bërë për të lejuar lehtësisht, jo vetëm ndarjen e pabarabartë, por edhe duke krijuar mundësi për abuzime korruptive, që janë në fakt dy orientimet e vetme të kësaj qeverisjeje.
Prandaj, është lënë në një situatë të tillë evazive edhe kuadri ligjor i zhvillimit rajonal, ku të përcaktohet në mënyrë të saktë dhe të qartë qëllimi dhe destinacioni, në lidhje me shpërndarjen e parave midis pushtetit qëndror, atij vendor, por dhe barazinë midis rajoneve.
Prandaj,  gjatë vitit 2015 Shkodra është diskriminuar duke marrë përsëri vetëm 1% të fondit total të investimeve nga Fondi i Zhvillimit të Rajoneve, padyshim më e ulëta krahasuar me Bashki të ngjashme si Fieri, Durrësi, Vlora apo Korça. Ky është sfondi i shifrave që krekos një kryeministër dhe që si refren ndaj kërkesave dhe projekteve të bashkive të këtyre zonave përdor gjithnjë, vetëm një shprehje: kokërr leku nuk keni.
Në fakt, këtë  diskriminim e kanë parë dhe po e shohin qartë e gjithë zona e veriut edhe këto ditë, kur përmbytjet prej  reshjeve relativisht normale për këtë periudhë të vitit, kanë shkaktuar një të vdekur, kanë prekur familje që kanë mbetur mes katër rrugëve aq sa në mënyrë dëshpëruese  kërcënojnë me vetëflijim, si dhe kanë shkatërruar dhjetëra biznese.
E pse? Sepse fondet dhe investimet në prita dhe argjinatura për këto zona kanë qenë zero. Sepse shteti i tyre i ka ndarë në të tanët dhe të tyret.
Kësaj situate diskriminuese, megjithëse si temë jashtë buxhetit do t’i shtoja edhe atë çfarë po ndodh me mësuesit në Shkodër. Në mënyrë të fshehtë dhe pa asnjë njoftim zyrtar, të gjithë mësuesit që kanë mungesë të orëve sipas normave përkatëse, janë paguar me orëmësimore dhe jo me ditë pune. Kjo gjë është marrë vesh vetëm tani, që mësuesit u ballafaquan me mungesa, në pagat e muajit shtator. Në kundërshtim me ligjin dhe udhëzimet qe ka nxjerrë vetë Ministria e Arsimit dhe Sportit, Drejtoria Arsimore ka futur në sistem më shumë se 40 mësues të rinj, militantë partiakë, që t’i kenë ushtarë të devotshëm gjatë zgjedhjeve të ardhshme. Orët mësimore që u janë dhënë të emëruarve të rinj, janë marrë nga ngarkesa mësimore e mësueve që ishin në sistem, por që tani kanë filluar të paguhen më orë. Kjo mënyrë veprimi ka dy qëllime: i bëhet hapur presion armatës së mësuesve që unë sot të paguaj me orë, ndërsa nesër të largoj fare nga sistemi, si dhe shpërblen paraprakisht militantët partiakë, duke i futur brenda sistemit, që t’i ketë ushtarë të bindur gjatë fushatës së ardhshme elektorale.
Premtimi për rritjen e pagave me 10 % në mars të vitit të ardhshëm një muaj para fillimit të fushatës, (kur për 3 vite me rradhë nuk janë përmbushur as indeksimet e inflacionit as detyrimet për shpërblimet e fundivitit), është një fyerje tjetër e madhe që iu bëhet gjithë mësuesve të këtij vendi dhe në këto momente tingëllon dyfish fyese për mësuesit shkodranë.
Normalisht nuk mund të pritet tjetër nga politika dhe qeverisja juaj, ashtu si shifrat e këtij buxheti që po miratojmë sot.
Ky buxhet faktik me ulje investimesh dhe rritje borxhi, që tregon kokëfortë sesi po e varfëroni këtë vend, është saktësisht, fytyra e qeverisjes suaj e shprehur me shifra.
Kam nje thirrje për shqiptarët, reflektoni se çdo ditë po bëhet më vonë. Një ish i burgosur i nazismit,pastori gjerman dikur thoshte:

“Kur ata erdhën për socialistët, unë nuk reagova sepse nuk isha socialist. Kur ata erdhën për sindikalistët, unë nuk reagova, sepse nuk isha prej tyre, edhe kur erdhën për çifutët unë nuk reagova përsëri, sepse nuk isha çifut. Në fund, kur ato erdhën për mua, nuk kishte mbetur më askush të fliste apo të reagonte”

Nese nuk reagojmë sot, është e sigurtë që do vijë dita të na trokasin në derë dhe s’do ketë mbetur askush më të reagojë për ne. Po bëhet vonë për të gjithë.

Fjala ne Kuvend e deputetes Irma Kopliku, 20 Tetor 2016

Në mungesë të një plani real për ekonominë dhe të një vizioni të qartë se cilat do të jenë burimet e rritjes ekonomike dhe mirëqenies në vend, qeveria paraqiti,  miratoi dhe zbatoi  buxhetin e vitit 2015. Buxheti 2015 ndoqi vetëm një qasje: rritjen e taksave dhe akcizave, me rreth 180 milion eujro dhe shtimin e taksave te reja me 112 milione euro.. te cilat janë thjesht taksa pragmatiste, pa vizion zhvillimi për ekonominë. Viti 2015 ishte një vit i vështirë për ekonominë tonë, sidomos pas rritjes së pritshme të çmimit të energjisë elektrike për 75% të familjeve në vend. Në vend të stimulimit, në vitin 2015 qeveria shtoi masat shtrënguese si: rritja e taksave, ulja e investimeve publike, bllokimi i rritjes së pagave dhe pensioneve, ulja e ndihmës ekonomike, etj, të cilat tregojne se ne 2015 pati mungesë të stimulit fiskal dhe bllokim të frymëmarrjes së ekonomisë.

Në vend të mbështetjes së rritjes ekonomike, buxheti 2015 rëndon qytetarët dhe bizneset dhe i kontribuon rënies ekonomike dhe punësimit.

Ne vitin 2015, paga mesatare në ekonomi, e korrektuar me rritjen e çmimeve, ka rënë sipas Bankës së Shqipërisë me 5.5 përqind. Ky nuk është është një rast i izoluar, por një tendencë dramatike që vazhdon prej tre vitesh, duke çuar në një rënie totale të pagës për punonjësin mesatar me rreth 13 për qind në terma realë. Kjo do të thotë të gjithë ata, të cilët kanë si burim të vetëm jetese të ardhurat nga puna, ne 2015 ishin rreth 13 për qind më të varfër se tre vjet më parë. Dhe sipas Bankës Botërore në këtë grup bie pjesa më e madhe e familjeve shqiptare, pasi në rang kombëtar pagat sigurojnë gjysmën e të ardhurave totale në ekonomi. Por rënia e pagave nuk është dimensioni i vetëm i pasojave dramatike të krizës në tregun e punës. Paralelisht, ne dy vitet e 2014/ 2015, mijëra qytetarë kanë humbur vendet e punës teksa papunësia është rritur me ritme të shpejta duke kërcyer në mbi 17 për qind.

I vetëm ky fakt do të mjaftonte për të kuptuar se me çfarë intensiteti po përkeqësohet standardi i jetesës për pjesën dërrmuese të familjeve dhe në çfarë përmasash është dhimbja që janë duke përjetuar pjesa më e madhe e qytetarëve.

Sipas Bankës Botërore, ne vitin 2015 Shqipëria ishte vendi i dyte me rritjen me te ulet ekonomike në rajon, me 2,61%

çka përbën një ecuri zhgënjyese, EDHE në raport me pritshmeritë,. Me keto shifra,  ne 2015 ekonomia  thelloi dhe po vazhdon te thelloje  hendekun e prodhimit. Per ta thene me fjale me te thjeshta, humbjet tona nga kriza po rriten. Ndaj kur qeveritaret propagandojne Po rigjallerimin apo ringritjen e ekonomise . shnderrohen thjesht ne gaztore.

Për shumë vite me radhë, Shqipëria ka qenë ekonomia më dinamike e rajonit me rritjen më të shpejtë të prodhimit. Rënia në vendin e parafundit është treguesi më i qartë i mediokritetit të “Rilindjes” së pretenduar ekonomike. Por jo i vetmi. Një tjetër shqetësim është ai që lidhet me strukturën e rritjes.

Kur erdhi në pushtet qeveria e majtë u zotua se do të ndryshonte profilin ekonomik të vendit duke premtuar një model ekonomik të orientuar drejt prodhimit. Sipas ekspertëve të Rilindjes modeli i mëparshëm ishte shteruar dhe nuk mund të garantonte më zhvillimin ekonomik të vendit. Ndaj duhej një model i rilindur, i cili do te mbështeste sektorët prodhues.

Por sipas INSTAT, të gjithe sektorët prodhues të ekonomisë janë në një krizë të thelle me rënie të fortë të prodhimit. Me konkretisht sektori bujqësor u rrudh me 1.94 për qind, ndërsa prodhimi industrial ra vitin e kaluar me 2.94 për qind krahasuar me një vit më parë.

Për vitin 2015, shpëtimtari i ekonomisë ishte ndërtimi. Në shtesën prej 2.61 për qind të Prodhimit Kombëtar, dy të tretat erdhën pikërisht nga ndërtimi. A është kjo nje meritë e reformave të qeverisë? NATYRISHT QE Jo. Ecuria pozitive e ndërtimit i dedikohet dy faktorëve.

Së pari, investimeve publike të financuara me borxh. Tre vitet e fundit Shqipëria e ka rritur borxhin publik me mbi 10 për qind të prodhimit Kombëtar duke u bërë kështu vendi me rritjen më të lartë të borxhit Një pjesë e këtij borxhit ka shkuar për të financuar disa projekte publike veçanërisht ato të qëndrave të qyteteve.

Së dyti, arsyeja tjetër se pse ndërtimi është rritur janë dy projekteve madhore private, kaskada e Devollit dhe gazsjellësi Transadriatik. Të dy këto projekte janë të kontraktuar nga qeveria e mëparshme. Që do të thotë “Rilindja” ekonomike edhe ne 2015 ka  ecur me këmbët e Berishës. Por pjesa më shqetësuese e të gjithë kësaj, mbetet fakti se këto të dy janë investimet e fundit të mëdha që kanë mbërritur në Shqipëri. Që pas kontraktimit të tyre, në vend nuk është afruar më asnjë investim i huaj. Dhe arsyet gjenden pas fasadës së Rilindjes.

Pavarësisht normave pozitive të rritjes ekonomike ne 2015, familjet shqiptare u përballen me një krizë të paprecedentë mirëqënie, e cila ka dërrmuar në masë buxhetet dhe të ardhurat e tyre. Te Mos harrojmë që taksa progresive u vendos nga Rilindja  me argumentin se do të ulte varfërinë në vend dhe do të bënte rishpërndarje të pasurisë. Përveç rritjes së taksave faktikisht nuk është vënë re asnjë politikë as ne 2015 e as sot , e cila mundet ti kete ardhur në ndihmë shtresave në nevojë. Por ne 2015 ndodhi e padegjuara dhe e papara ndonjehere me pare:

Ne kulmin e krizes me te thelle, me te eger dhe me te pameshirshme me shtresat ne nevoje, qeveria shqiptare shkurton me 20 per qind transfertat per familjet e varfera.

Balancimi i buxhetit ne kurriz te te varferve nuk eshte thjesht i tmerrshem. Eshte i pashpirt. Eshte makaber. Eshte dhe i turpshem.  Eshte kanibalizem financiar. Kete e beri rilindja ne 2015 dhe vazhdon ta beje… Shqiperia nuk shpenzon shume per te varferit. Ne raport me prodhimin kombetar shpenzon edhe me pak se vendet e tjera. Nuk mjaftoi genocidi me faturat e dritave, qe ka zhytur me dhjetera mijera familje ne varferi, por u shkurtoi edhe ndihmen ekonomike, duke u hequr edhe kafshaten thate te bukes…

Per here te pare ne jeten time, vitin e kaluar KAM PARE NE TV nje nene 100 vjecare te qaje.
Jo per shkak se jeta ka qene e ashper me te. Asfare. Ky brez ka duruar vuajtje dhe dhimbje qe sot nuk mund te imagjinohen. Kane perjetuar urine, kane pare luften, kane jetuar 5 dekada ne regjimin me barbar te Europes, ate te eterve….

Keta nuk i perul dot dhimbja.
Por keta thyhen nga poshterimi. Kete nenen e kane poshteruar. E kane neperkembur ca dordolece qe mendojne se mund te sillen me njerezit si bande kanibalesh, ca xhelatet tuaj me pinca ne dore.  Ata jane fytyra e qeverisjes suaj. Dhe ajo nena nje shekullore me lot ne sy Eshte pasqyra e qeverisjes suaj.

Në një komb, ku më shumë se gjysma e qytetarëve jetojnë me më pak se 5 dollarë në ditë, ajo që po materializohet në ekonominë reale tejkalon edhe skenarët më të zymtë në tragjeditë greke, ato klasike apo moderne.

Buxhetet familjare janë goditur në masë dhe bashkë me to edhe shpresa për një rigjallërim të shpejtë në aktivitetin ekonomik.

Pavarësisht numrave pozitiv të rritjes ekonomike apo të ardhurave në buxhet, një sistem ekonomik, i cili nuk shpërndan mirëqënie për shumicën e qytetarëve të tij, është në sensin më themelor i dështuar. Dhe kjo duhet të jetë një këmbanë alarmi per cdo qeveri te pergjegjshme, por jo per tonen…

Në tetor 2015, Banka Botërore raportonte : Shqipëria në skamje, gjysma e popullsisë nuk mund të blejë një bukë  e reth 1/3 e shqiptarëve jetojnë thuajse në varfëri ekstreme.

Edhe ne 2015 Shqipëria sërish mbeti shteti më i varfër në Europë.

Sipas këtyre të dhënave, të ardhurat për frymë ishin njësoj si shtete të tjera të varfra në Afrikë, si Togo dhe Nambia.

Ndaj nuk ’e kuptoj  si nuk kanë turp ata që flasin për mirëqënie?

Shqiptaret iken vjet dhe po vazhdojne te ikin nga varferia dhe mjerimi, duke qene ne 2015  azilkerkuesit e pare ne Europe dhe te dytet ne bote pas sirianeve qe largohen nga ISIS-i dhe Asadi.

Në pjesën e të madhe janë të rinjtë ata që kane ikur ne 2015 e vazhdojne te ikin. Sipas të dhënave të detajuara të Eurostat, grupmosha nga 18 deri në 34 vjeç përbënte gati 45% të totalit të azilkërkuesve për Shqipërinë.

Si në vjershat e rilindësve të vjetër, përsëri ngrihet pyetja e përshtatur “Po tani rini, më thuaj si je”?

Krejt e drobitur e rrxuem mbi dhé. Kush kalon shkel, merr nëpër këmbë, dikush na çon e na tërheq me i shkue pas, me marr një post, një ofiq, një makinë, ca pare që bien erë, e erë askujt nuk i del.

politika fiskale NE 2015 BERI të njëjtin dëm edhe në kahun tjetër, atë të shpenzimeve. Në gjysmën e parë të vitit, investimet publike, të cilat janë shpenzimet e vetme produktive të buxhetit ishin më të ulëtat në 8 vitet e fundit, përjashto vitin e kaluar.

shpenzimet kapitale 2015 rezultuan ne masen 4.3% te PBB-se, nderkohe qe mesatarja e periudhes 2007-2013 rezulton te jete 6.2% te PBB-se.

Ne 2015, Maqedonia dhe Serbia, jane të parat në botë për hapjen e vendeve të punës nga investimet e huaja, Shqipëria mungon.

Për gjithë vitin 2015, investimet e huaja në Shqipëri ishin 5.7% më të ulëta në raport me 2013-n.

Investimet e huaja direkte rane per te dytin vit radhazi edhe ne 2015 me 11%  .

NDIKIMI KRYESOR I INVESTIMEVE TE HUAJA DIREKTE (FDI) ESHTE ZGJERIMI I PUNESIMIT, POR JO NE SHQIPERI. KJO KERKON LUFTE PA KOMPROMIS KUNDER KORRUPSIONIT, PERMIRESIM TE KLIMES SE BIZNESIT, FUTJEN NE VEND TE SA ME PAK KOMPANIVE OFFSHORE, SISTEM FISKAL BASHKOHOR DHE JO NEGOCIME FORMALE DHE JOFORMALE RAST PAS RASTI, SIC NDODH NE VENDIN TONE…

Në kohë krizash ekonomike, kur sektori privat është i trembur dhe ul kërkesën për mallra dhe shërbime, janë qeveritë ato të cilat vendosen në linjën e parë të aktivitetit ekonomik. Duke rritur shpenzimet për investime, qeveritë konsumojnë, krijojnë kërkesë në ekonomi dhe hapin vende të reja pune. Kjo më pas shkakton një efekt pozitiv kaskadë, përmes të ashtuquajtuarit multiplikator fiskal, ku një lek shpenzim i qeverisë e rrit prodhimin më shumë se aq. Në terminologjinë ekonomike, këto janë ato që njihen si politikat kundërciklike ose stimujt fiskal.

Në vitin 2008-2009 Shqipëria e përdori në mënyrë agresive stimulin fiskal, duke shpenzuar deri në 10 për qind të prodhimit kombëtar për investime publike. Sipas FMN-së, politika aktivite e buxhetin në atë kohë ishte një nga arsyet kryesore që e mbajti ekonominë larg recesionit, por me një kosto, atë të rritjes së borxhit drejt niveleve të paqëndrueshme.

Ne 2015  EDHE Konsumi i shqiptarëve ka shënuar një rënie me gati 0.2% , duke kaluar në territor negativ për herë të parë që nga viti 2010, kur dhe raportohet kjo e dhënë.

Në një ekonomi, 50% e prodhimit të brendshëm bruto të së cilës vjen nga tregtia e shërbimet, konsumi është një element mjaft i rëndësishëm , që ndikon në rritjen e vendit.

… Te bjere konsumi ne nje ekonomi, ku gjysma e shpenzimeve te familjeve shkon vetem per ushqime, eshte tragjedi humanitare.

Barra fiskale u rrit  me afersisht 1 % te PBB ne 2015  , por të ardhurat në raport me PBB-në ranë .

Nuk është vetëm kredia që ka shënuar ecurinë më të keqe historike në vitin 2015.).

Bankat “transferuan” jashtë 204 milionë euro në 2015, kredinë e ulën me 65 mln euro,

Sipas Fondit Monetar Ndërkombëtar teksa në vendet e Ballkanit, si Serbia Bosnja, Maqedonia, Mali i Zi dhe Serbia kredia ndaj sektorit privat ka shënuar rritje nga 2-7 për qind në varësi të secilit vend, përjashtim ka bërë vetëm Shqipëria e cila ka shënuar rënie të huasë me 2.9% më 2015.

Për shkak të kësaj situatë niveli i ndërmjetësimit të bankave në Shqipëri mbetet i ulët, me kredi të sektorit privat në rreth 35 për qind të PBB-së, krahasuar me 45 për qind të PBB-së në rajonin e Ballkanit Perëndimor.

Edhe depozitat shënuan rritjen më të ulët historike në gjithë ekonominë e tranzicionit që pas vitit 1992, kur raportohen të dhënat nga Banka e Shqipërisë.

BB: Shqipëria i vetmi vend në Europë dhe Azi me rritje të remitancave me 8% në vitin 2015. Nderkohe qe Sipas një vlerësimi të Bankës Botërore, norma e rritjes së remitancave për vendet në zhvillim ka rënë në 0.4% në vitin 2015. 

Shqipëria, me rënien më të madhe të eksporteve të mallrave në rajon në 2015, prej 17.3 %

sipas të dhëna të Komisionit Europian, të publikuara në raportin e fundit tremujor të vendeve kandidate dhe potenciale kandidate në BE.

Projektet me financime të huaja, nga 99 % realizim më 2013, vetëm 19% më 2015, pra Institucionet publike kanë humbur dukshëm këtë vit aftësinë për të realizuar projektet me financime të huaja. 

asnjë kategori e vetme shoqërore, asnjë grupim interesi nuk ka PERFITUAR AS ME BUXHETIN E 2015, POR AS DHE SOT… me përjashtim të një grupi ortakësh dhe klientësh të qeverisë

Të gjithë të gënjyer, të gjithë të mashtruar, të gjithë të zhgënjyer, të gjithë goditur, të gjithë të nëpërkëmbur, të gjithë TE vjedhur nga qeveria e zullumeve kombëtare DHE SKANDALEVE… Të gënjyer të sëmurët dhe familjarët e tyre që sot ashtu sikurse VJET  NUK PANE asnjë përmirësim në spitalet e shërbimit shëndetësor por vetëm përkeqësim, dhe me zemër të dhimbsur shikojnë se si familjarët e tyre në vend që të  marrin kujdesin e merituar shëndetësor, aq më pak kujdesin e premtuar falas përballen me standardet më të zeza që shëndetësia shqiptare ka njohur 25 vite.
Të mashtruar ushtria e të papunëve shqiptarë e cila sa vjen e shtohet e bashkë me të shtohet çdo natë dëshpërimi, pasiguria për bukën e gojës, për bukën e përnatshme të fëmijëve të tyre.
Të lënduar fermerët shqiptarë të cilët janë lënë në mëshirë të fatit, në mëshirë të motit, madje edhe më keq edhe atëherë kur ja dalin me punën e tyre, me djersën e tyre t’i mbijetojnë kushteve atmosferike dhe motit iu del përpara një qeveri e cila jo vetëm që nuk garanton por i godet në çdo cep, i godet për NIPT-in, i godet për tatimet, i godet në treg me një klientelë importuesish korruptivë që iu heqin bukën e gojës.
Të cenuar mijëra studentë anembanë Shqipërisë, të goditur NE dinjitetin e tyre nga fjala e dhënë dhe fjala e ngrënë nga pabesia e Edi Ramës me ligjin korruptiv për arsimin e lartë. Ligj i cili sot privon mijëra studentë të vazhdojnë studimet e tyre

Të varfëruar të gjithë me një ekonomi në rënie, me një ekonomi në sprapsje në ditën e saj më të zezë, pa kreditim, pa investime, pa konsum, pa punësim, pabesi. Të vjedhur të gjithë në taksa dhe tarifa E TARIFA 50 % TE RRITURA  që nuk shkojnë në buxhet por zhduken në xhepat e kontrabandistëve të një grushti qeveritarësh të lidhur me ta.
Të vjedhur në tendera, prokurorime të drejtpërdrejta E KONCENSIONE KORRUPTIVE.

TE harruar ISHIN NE BUXHETIN E 2015 E VAZHDOJNE TE JENE EDHE   pensionistët në varfërinë e pasigurive të tyre që është e vetmja gjë që shtohet ndërkohë që vlera e pensionit dhe fuqia blerëse bie, vetëm bie.
I goditur, i trembur, i nëpërkëmbur biznesi nga tatimet, nga gjobat, nga taksat, nga kërcënimet, nga inspektorët, nga zuzarët që nuk kanë të sosur ditë për ditë.

Kanë vjedhur paratë e shqiptarëve në shuma marramendëse, 400 milionë dollarë në dogana dhe në tatime, më shumë se 770 milionë dollarë në prokurime dhe tendera, 600 milionë euro vetëm me aferën CEZ. 

Kur jua thua në sy atë që është e vërtetë bëhen nervozë, këlthasin, nxehen. Nuk duan ta pranojnë dhe duan të ndyjnë gjithë dynjanë. Kjo është mënyra se si reagojne pushtetaret kur u kujton korrupsionin dhe pasuritë e pamerituara.

Nuk kam parë politikanë të pasuruar nga politika në botë dhe e di përse? Sepse këta e kanë vendin në burg! Kam parë plot të tillë në Shqipëri. Që bredhin me makina luksoze; jetojne ne shtepi luksoze, vila luksoze me një kamje që nuk është e merituar.

paratë për t’i blerë ato janë paratë e mundit dhe djersës se shqiptareve;  që u vjedhin  qytetarëve të Shqipërisë dhe sa herë përmendet korrupsioni hidhen në sulm. Janë politikanë që nuk ndëshkohen; janë hajdutë që nuk vuajnë për krimin e tyre! Jane ata qe na qeverisin.

Ke deshtuar si kryeminister , por dhe si kryedeputet.

Vlora, kampion per papunesi!

Të dhënat e fundit të anketës tremujore të forcës së punës të INSTAT, tregojnë se shkalla e papunësisë në Vlorë ishte 26.45, më e larta në vend dhe shumë më e madhe se mesatarja e vendit prej 15.5%.

Në raport me tremujorin e mëparshëm, papunësia në Vlorë është rritur lehtë (në tremujorin e parë ishte 26.3%), ndryshe nga pjesa më e madhe e qarqeve, që kanë parë një rënie të këtij treguesi në tremujorin e dytë të vitit.

Filloi me luften kunder varferise dhe korrupsionit, por realisht varferia eshte edhe mw e madhe dhe korrupsioni akoma mw i thelle e mw vulgar!
Filloi me reforma, nw energji, tatime etj, por tw gjitha mbeten aksione tw nje çete kaçakesh, Filloi me eksplozive, shkaterrime e rrenoja, vajten tre vjet, qe ne qytetin tim), nuk ka mbyllur asnje pune tw filluar, vetem e ka kthyer qytetin nw nje germadhe!

Gjërat mund të ndryshojnë nëse shqiptaret  duan t’i ndryshojnë ato!
valle a nuk u lodhen shqiptaret duke patur vuajtjen, mjerimin, llumin, balten e pluhurin shoqeruese te çdo hapi qe hidhin ne kete shqiperi te kthyer ne germadhe?!
Vertet nuk u lodhet?
ata qe tallen me te gjitha keto, ata qe na zhyten ne kete derexhe, ata qe me parate e dhimbjes, vuajtjes, djerses e gjakut tone defrejne, nuk jane lodhur hiç duke u kenaqur me kusarite e tyre!
E keshtu do vazhdojne derisa ne t’u dalim perballe!
Si valle shqiptaret jane  katandisur keshtu, ne skllever?!
Nje skllaveri e thurur aq bukur prej nje merimange paralizuese sa nuk po guxojne as te besojme se do kete nje te neserme per kete vend!
ku Pushteti njehsohet me kusarine  e babezine.

Fjala në Kuvend e deputetes së Partisë Demokratike, Liljana Elmazi, 20 tetor 2016

Pa prerë tentakulat e krimit dhe larguar Edi Ramën nuk ka dhe nuk mund të ketë proces të ndershëm zgjedhor. Ky është prioriteti i Partisë Demokratike dhe çdo qytetari të ndershëm sot, tha kryetari i Partisë Demokratike, Lulzim Basha në bashkëbisedimin me drejtues të strukturave të PD dega 7. Pasi të garantohen zgjedhje të lira dhe të ndershme, tha zoti Basha ne duhet të zgjedhim sistemin zgjedhor që fuqizon rolin e votuesit.

“Sot kemi një sistem politik për të cilin jemi bashkëfajtorë. E nisëm me idenë që rajonal-proporcionali do të eliminonte dallkaukët, pse jo edhe kriminelët por falë Edi Ramës ky u kthye në djepin e krimit në politikë. Duke përdorur atributet që ka kryetari i partisë, listat e Partisë Socialiste u bënë si listat e galerave të Italisë, Belgjikës, ku shkoi i mori kriminelët dhe i solli.
Ne do të shqyrtojmë të gjitha mënyrat dhe format për ti dhënë fund këtij sistemi, për të mbushur hendekun midis vendimmarrësve dhe zgjedhësit, për të fuqizuar zgjedhësit. Ndonëse fokusi ynë sot janë zgjedhjet e lira dhe të ndershme, procesi dhe pastaj modeli. Pa i prerë tentakulat e krimit nuk ka dhe nuk mund të ketë proces të ndershëm zgjedhor. Nuk ka rrugë tjetër përveçse të insistojmë në atë që është konkluzion i disa proceseve zgjedhore dhe i disa proceseve të tjera në raport me luftën kundër krimit dhe drogës, dhe të kërkojmë largimin me çdo kusht të Edi Ramës. Dhe të garantojmë përmes një qeverisje pa Edi Ramën kushtet për zgjedhje të lira dhe të ndershme.
Në qoftë se procesi garantohet dhe ne duhet ta garantojmë patjetër procesin, atëherë ne duhet të jemi gati të prezantojmë skemat elektorale bashkëkohore që garantojnë që qytetari fuqizohet në vendimmarrje.”

Ndërkohë që s’ka mbajtur asnjë premtim, papunësia është rritur, varfëria është shtuar, shërbimet ndaj qytetarëve janë përkeqësuar, Edi Rama vazhdon të mbahet nga krimi që e veshi në pushtet.
Droga është  e vetmja ofertë politike, i vetmi instrument që Edi Rama ka për të mbajtur pushtetin, tha zoti Basha.

“Kriminelët u futën në politikë si pjesë e planit të Edi Ramës për të marrë pushtetin. Pas kalimit të ligjit të dekriminalizimit dhe të betejës politike që ne patëm për kalimin e këtij ligji, Edi Rama me ndërgjegje ndaloi zbatimin e këtij ligji duke mbajtur figura të komprementuara, të njohura ndërkombëtarisht si Elvis Roshi apo si Artur Bushi në krye të bashkive, e me dhjetëra e me qindra të tjerë të kalibrave të ndryshëm kudo në strukturat shtetërore. Këta i hapën rrugë kultivimit të drogës. Droga është një produkt i drejtpërdrejtë i simbiozës krim- pushtet. Droga është projekt politik dhe në fakt e vetmja ofertë politike, i vetmi instrument që Edi Rama ka për të mbajtur pushtetin.
Ajo që ne konstatojmë dhe prekim është përkeqësimi që ka shënuar në çdo fushë të jetës. Ajo që konstatojmë dhe prekim është një qeverisje që ka shkelur çdo nen në kontratën me qytetarët. Shikoni ekonominë në gjendjen më të zezë si rezultat i taksave që janë rritur për biznesin e vogël, për biznesin e mesëm, për biznesin e madh. Shikoni shëndetësinë e cila sot nuk është në gjendje të ofrojë shërbim as për 80% të pacientëve që merrnin shërbim para dy vjetësh, sipas statistikave të bëra zyrtare sot dhe cilësia e shërbimit i ngjan asaj të para 10 apo 15 vjetësh.
Pse? Sepse paratë e destinuara për shëndetësinë, në vend që të shkojnë për ilaçe, në vend që të shkojnë për aparatura, në vend që të shkojnë për të paguar mjekë dhe për të patur mjaftueshëm mjekë në shërbim në spitalet publike vidhen dhe futen në xhepat e dy-tre oligarkëve që kanë marrë koncesione dhe vidhen si me rubinetë muaj për muaj, një milionë, dy milionë, tre milionë euro taksa paguesve shqiptarë për shërbime që nuk kryejnë apo që nuk kanë asnjë vlerë për ta.”

Njoftim për media i Partisë Demokratike, 20 tetor 2016

Mbrëmë, teksa Edi Rama mohonte drogën në emisionin “Studio e Hapur”, Prokuroria e Krimeve të Rënda dhe Shërbimi inteligjent, kapën 1.3 tonë kanabis në Krujë, në territorin e Artur Bushit.

Ndërkohë që fut në kazanin e tij mediat më të rëndësishme të botës që flasin për këtë cështje, prokuroria dhe shërbimi inteligjent, për të kapur drogën në Krujë, ashtu si edhe 23 tonët në Vlorë, duhet patjetër të shmangin Edi Ramën.

Nëse Edi Rama ka dijeni për aksionin, droga shpëton, trafikantët shpëtojnë.

Prokuroria e Krimeve të Rënda dhe Shërbimi Inteligjent kapin drogë, Antimafia Italine ka ngritur alarmin, media ndërkombëtare raporton për rrezikun e kanabisit shqiptar, 8 vrasje kanë ndodhur këto 3 muaj për drogën, droga ka zbritur në shkollat e vendit, sipërfaqja e mbjellë është pesëfishuar sipas Guardia Di Finanza, kapanonet e përpunimit të hashashit kanë pushtuar malet, helikopterët e Mimit zbulojnë parcelat pa dashje, e persëri Edi Rama thotë ska drogë.

Vetëm dy vetë në Shqipëri dhe në mbarë globin e mohojnë drogën. Këta janë Edi Rama dhe Saimir Tahiri.

Askush nuk pret që Edi Rama e Saimir Tahiri të pranojnë drogën, sepse ata e drejtojnë, e menaxhojnë, këtë biznes kriminal, që po sjell vrasje, shkatërrim të rinisë, helmim të shkollave e fëmijëve tanë, që po sjell destabilizim të shoqërisë.

Droga vazhdon cdo ditë, sepse droga krijon fondin e qindra milionë eurove që Edi Ramës i duhet për të mbajtur pushtetin, për të blerë votat.

Edi Rama po kërkon të fusë me dhunë drogën në ambjentin tonë, në cdo familje shqiptare, sepse është e vetmja alternativë që ka.

Po shqiptarët smund ta pranojnë.

Eshtë në dorën e shqiptarëve të mbrojnë familjet dhe të ardhmen e tyre nga ky rrënim.

Eshtë në dorën e shqiptarëve ta pastrojnë vendin nga droga.

Shqipëria pa drogë, është Shqipëria pa Edi Ramën.

Deklaratë e deputetit të Partisë Demokratike, Flamur Noka , 19 tetor 2016