Blog

Të dashur motra dhe vëllezër,

I nderuar kryetar i Partisë Demokratike Lulzim Basha,

Jo rastësisht sot gjendem në këtë ngjarje të Partisë Demokratike, për një arsye të vetme, thash vëllezër dhe motra, pasi PD na mundësoi të njohim vëllai vëllanë, motra motrën, na mundësoi që Dibra e Madhe dhe Peshkopia të jetë një qytet. Partia Demokratike na ofroi mundësinë të njohim tokën, truallin, historinë e Shqipërisë. Partia Demokratike hyri në zemrat tona, jo për inat të të tjerëve por për arsye të kombit dhe çështjes shqiptare. Jemi një territor i cili është njohur, si vend i njerëzve të mençur, të ditur, fisnikë, bujarë, të ditur, atdhetarë, patriotë, por një gjë duhet të dimë, Dibra është territor i cili eksporton mendjen dhe jo rastësisht sot kemi lagjen e dibranëve në Shkup, lagjen e dibranëve në Stamboll, lagjen e dibranëve në Tiranë, por një qytet dibran e kemi në Shtetet e Bashkuara të Amerikës. I kujtoj të gjitha këto për një arsye të vetme se nuk goxojmë ti tradhëtojmë, pasi dibranët qoftë në Shkup, në Stamboll, qoftë në Shtetet e Bashkuara të Amerikës, në Tiranë janë demokratë. Dija e tyre na ofron dhe na inspiron që edhe ne ti mbetemi besnikë Partisë Demokratike. Të gjithë ata demokratë që janë në Amerikë dhe jashtë Dibre edhe para Luftës së II-të Botërore. Nuk jemi jabanxhinj në zhvillimet demokratike, por jemi tanët. Të nderuar vëllezër dhe motra, thash që Dibra është territor që eksporton mendje.

Por, a do të kishte kënaqësi më të madhe për ne dibranët, për ta thënë hapur dhe burrërisht, një ditë të kemi Lulzim Bashën kryeministër, birin e Dibrës, të kemi Sherefedin Shehun, kryetar të Bashkisë së Dibrës, kjo është kënaqësia dhe ardhmëria jonë.

Suksese të mëtejshme, ju faleminderit!

Fjala e kryetarit te Komunës së Dibrës së Madhe Ruzhdi Lata ne hapjen e fushates ne Diber per zgjedhjet kryebashkiak

Të dashur bashkëqytetarë,

Jam sot para jush për të kërkuar edhe një herë besimin tuaj, por kësaj here jo për t’ju përfaqësuar, por për të punuar bashkë me ju për të ndryshuar Dibrën e për t’u dhënë shpresë dibranëve.

E mora këtë vendim, për të kandiduar për detyrën e kryebashkiakut, për të shlyer me punën time borxhin e madh që i kam Dibrës. Këtu u linda dhe u rrita. Dibra më mbështeti në rrugën time si profesionist e politikan, më votoi dhe më nderoi. Por mbi të gjitha më dha emrin dibran, i cili më bëri krenar kudo ku kam shkuar e punuar, në Shqipëri apo në botë.

Për këto arsye, unë sot qëndroj para jush jo vetëm si profesor, si ekonomist, e as thjeshtë si politikan, por si njeriu që do të shërbejë e të ndërtojë bashkë me ju Dibrën.

Dibra ka provuar këto 3 vjet mashtrimin, dhunën e pushtetit dhe grabitjen e pushtetarëve dhe të klientëve të tyre. Qeveria ka poshtëruar qytetarët, rritur varfërinë dhe rinia ka humbur shpresën për të jetuar në këtë vend. Pas gjithë këtyre, kryeministri vazhdon të tallet me Dibranët duke ju kërkuar mbështetje që t’ju shtojë të zezat që ju ka bërë në këto 3 vjet.

Por ai nuk mund të tallet me dibranët.

Ju e njihni Bexhet Becin por edhe shumë familje të tjera që janë në errësirë sepse nuk mund të paguajnë faturën e rritur të dritave që u premtoi se do ta ulte. Shumica e familjeve dibrane presin të marrin ndihmën ekonomike për të paguar faturën e dritave.

Ju e njihni Izet Selxhaferin i cili kish te punësuar 50 vetë në linjën e përpunimit të frutave, por që po falimenton. Në këtë situatë janë edhe kompania Koop- Frut 2012, Frigoriferi i Mollëve i vëllezërve Nikolli, baxhoja dhe tufa e dhive të Selmanit në Muhurr, etj.

Ju e dini se u mbyll Filiali Universitetit e tarifat u rritën dhe për pamundësi financiare shumë student si Daije Kadriu, Ervis Murrja, Gresa Alku, Hike Hoxha, etj, i nderprenë studimet.

Pronarët e autobusëve dhe furgonëve kanë humbur punën nga pazaret e licencave. Por dhe ata që i morën janë nën presion nga kriteret skualifikuese absurde të bashkisë të cilat kapërcehen vetëm duke paguar nën dore.

Por, ka edhe më keq mbasi ju i njihni Adraman Selishtën dhe Pellumb Farrukun, të cilët u burgosën dhe gjobitën për ndërtimin e një shtëpie të thjeshtë në tokat e tyre në fshat.

Këtë situate unë e kam denoncuar në Kuvendin e Shqipërisë por, për të qenë në krahun tuaj, për t’i dhënë zgjidhje së bashku problemeve te Dibrës, për tu dhenë shpresë dhe punë me dinjitet dibraneve, e mora vendimin të ofroj veten time për t’i shërbyer Dibrës dhe dibranëve.

Bashkë me vendimin unë kam përgatitur edhe projektin për zhvillimin e Dibrës për tu dhenë zgjidhje halleve dhe problemeve te shumta:

Kam takuar mjaft familje që janë në errësirë se s’paguajne dot energjinë. Unë sot dua t’u them këtu para jush, se në Bashkinë e Dibrës nuk do të ketë më asnjë familje që do të rrijë në errësirë se s’paguan dot energjinë. Bashkia do të vërë në dispozicion një fond të posaçëm për familjet në pamundësi ekonomike për t’u paguar faturën e energjisë që fëmijët të kenë mundësi të mësojnë në dritë.

Vizitova bizneset dhe dyqanet dhe u jam angazhuar që tarifat e shërbimeve për ta do të jenë zero dhe se vendimi im i pare, do të jetë ai i uljes në minimum të taksave për biznesin e vogël. Ata do të jenë partnerët e mi për zhvillimin dhe zbukurimin e qytetit.

Ndërsa fermerët dhe blegtorët do të mbështeten me ndihmën ekonomike kur ata kanë më shumë nevojë, me ndërmjetësim dhe kontakte me tregtaret si edhe me panaire lokale për kontraktimin dhe shitjen e produkteve të tyre. Ata do të këshillohen dhe ndihmohen nga profesionistët që sot mungojnë në Bashki.

Eksperiencën time do ta vë në shërbim të tyre për të sjellë fonde të cilat mbështesin investimet për Baxho, Frigoriferë, Magazina dhe Linjat e Përpunimit.

Përvoja dhe besimi që kanë tek unë partnerët dhe institucionet financiare vendase dhe të huaja, do të sjellë investime për shfrytëzimin e burimeve minerale të Gipsit dhe Gurit të Kuq, si edhe të burimeve të tjera që ka Dibra. Ndërsa në bashkëpunim me agjencinë Gjermane për Zhvillim (GIZ) do të punojmë për identifikimin dhe mbështetjen e projekteve për zhvillimin e turizmit familjar, si shtëpitë pritëse apo hanet, shtigjet turistike, etj.

Si profesor dhe njeri i universiteteve do të garantoj Rikthimin e Shkollës së Lartë Universitare në Dibër sipas një modeli të përshtatur me arsimin profesional që i përgjigjet tregut të punës dhe i shërben zhvillimit të zonës tonë.

Pastrimi i qytetit dhe heqja e mbetjeve urbane do të përmirësohen që në muajin e pare të punës time, ndërsa përmirësimi i furnizimit me ujë të pijshëm do të jetë prioritet i vazhdueshëm për të gjithë Dibrën.

Për zhvillimin e Dibrës zotimi im është mirëmbajtja, zgjerimi dhe përmirësimi i rrugëve të fshatrave me ndërmarrjen e mirëmbajtjes në varësi, por do zbatoj edhe shumë projekte të mëdha të Infrastrukturës.

Prioriteti im janë: Asfaltimi i çdo blloku banimi dhe rivitalizimi i hapësirave të gjelbërta në qytet, Unaza e madhe e Peshkopisë, Ndërtimi i Parkut të Gjelbër të qytetit të Peshkopisë, asfaltimi i rrugëve turistike drejt Korabit, Lurës, Selishtës, Dardhës, Reçit, Muhurrit, Arrasit, rrugët e fshatrave Dovolan, Majtarë, Melan, Staravec, Shimcan, Zimur, Bellove, Rabdisht, Zagrad, Cerjan, Vrenjt, Limjan, Shumbat, Venisht, Dypjakë, Sllatine, Kalle, Zall-Kalis dhe Tejs-Radomirë. Ne do ta kthejmë Dibrën ne një kantier të madh pune dhe punësimi.

Mirëadministrimi dhe zgjerimi i rrjetit vaditës do te jetë prioriteti për mbështetjen e bujqësisë. Projektet më të rëndësishme që do të zbatoj janë: Kanalet Vaditës rezervuari i Bllaces-Maqellare dhe Cernjeve-Shumbat, dhe zgjatimi dhe përmirësimi i kanaleve të Fushë Cidhnes, Llixha-Kandërr, Sohodollit si dhe i të gjithë kanaleve të tjerë ekzistuese.

Qyteti do të ketë një rehabilitim të plotë të fasadave dhe ndërtesave karakteristike dhe do të rikonstruktohet Qendra Kulturore e Fëmijëve, e kombinuar edhe me funksionin ”KINEMA”.

Së fundi duke përgëzuar futbollistët e Korabit ju premtoj se do të fillojmë projektin e rikonstruksionit të plotë të stadiumit te futbollit “Korabi” për ta bërë të standardeve të superligës.

Jam i bindur se shumë prej jush me dashamirësi por dhe kundërshtarët tanë do fillojnë sulmet. Po leket ku do t’i gjejë?

E para është Vizioni, prioritet e qarta dhe dëshira për t’u shërbyer qytetarëve. Dhe në këtë e kemi dëshmuar.

Përvoja , integriteti dhe besueshmëria ime janë garanci për sigurimin e financimit te projekteve nga institucionet financiare ndërkombëtare dhe donatoret.

Por garanci mbi garancitë e imja dhe e juaja e të gjithëve ne, është kryeministri i ardhshëm Lulzim Basha, i cili Dibrën e ka pasur e ka dhe do ta këtë në prioritet e tij.

E jo vetëm kaq, por së bashku me Lulzim Bashën, ne do të përfundojmë atë që nisëm, Rrugën e Arbrit.

Prandaj mbështetja juaj për mua mbetet garancia më e madhe për kthimin e punës dhe dinjitetit të Dibrës.

Faleminderit.

Fjala e kandidatit per kryebashkiak ne Diber, Sherefedin Shehu, 26 Gusht 2016

Të dashur zonja dhe zotërinj, qytetarë dibranë,

I dashur Lulzim basha,

I dashur Sherefedin Shehu

Ju po më kujtoni vitin 1990. Në këtë ditë të bekuar shoh në fytyrat tuaja, kthimin e shpresës, ashtu si në dhjetor 1990. Ky është heroizmi më i ri i popullit dibran. U shpërndaftë kjo erë e mirë në të gjithë Shqipërinë. Në këtë lum, njerëzor që ka vërshuar sot këtu, shoh që shumica janë të rinj, janë lulja e djelmnisë dibrane. Këta djem dhe vajza janë asnjë dyshim burimi i mrekullueshëm i lindjes së shpresës. Ata nuk mund të pajtohen me dëshpërimin, rinia juaj nuk mund të pajtohet me dëshpërimin dhe dëshpërimin e sjell korrupsioni, frika dhe mashtrim i qeveritar.

Rinia nuk mund mund të pajtohet me këtë mashtrim, sepse përmes këtij mashtrimi, përmes këtij dëshpërimi kjo qeveri kërkon ta zbrazë shqipërinë e nga rinia dhe do që të ketë një Shqipëri me pleq të nënshtruar dhe nuk mund ta pranojë këtë gjë.

Dua të besoj se Dibra i ka të gjitha cilësitë për ta ngjallur shpresën e gjithë shqiptarëve me shembullin e saj. Përveç traditës, ka edhe njeriun tek i cili duhet të besojë pa asnjë ngurim. Ky është Sherefedin Shehu. Është burrë i mirë në kuptimin që ju në Dibër i jepni kësaj fjale.

Është burrë i mirë sepse nuk është peng as i krimit, as i korrupsionit siç janë shumica e të tjerëve. Është një punëtor i palodhur sepse beson se burim i të gjitha të mirave është puna Dibrës i duhet një burrë i tillë me këto cilësi. Dua me këtë rast ti drejtohem në mënyrë të posaçme prindërve. Besojini rinisë, ndiqeni rininë.

Ajo do të mundet ta vrasë frikën, ajo do të mundet ta çojë përpara këtë mrekulli që ka filluar. Zoti e bekoftë Dibrën. Falemnderit!

Fjala e Besnik Mustafaj ne hapjen e fushates ne Diber per zgjedhjet kryebashkiak

Të nderuar bashkëqytetare dhe bashkëqytetarë,

I nderuar kryetar i Partisë Demokratike z. Lulzim Basha,

I nderuar profesor Sherefedin Shehu, kryetar i ardhshëm i Bashkisë së Dibrës,

Të nderuar deputetë,  miq e mbështetës të garës sonë,

Unë, jam Irini Shehu, mjeke dhe kryetare e Lidhjes Demokratike të Gruas në Dibër,

Jam sot këtu për të garantuar në emër të nënave, vajzave, grave të Dibrës, për t’i ofruar mbështetjen  tonë  profesor Sherefedin Shehut, kryetarit të ardhshëm të Bashkisë Dibër.

Profesor  Shehu, ka bashkuar rreth vetes si askush më parë gra të djathta, të majta  e të paangazhuara. Ka bashkuar  qindra nëna që në këto 3 vite janë zhytur në varfëri dhe dëshpërim, nga pamundësia për të ushqyer fëmijët, për t’u siguruar energjinë elektrike, për t’u mundësuar arsimin, për t’u siguruar kushtet më jetike.  Sherefedin Shehu ka bashkuar rreth vetes qindra intelektuale që e dinë se qeverisja është punë që kërkon profesionist.   Dibra nuk ka më kohë për të humbur, nuk ka më kohë për eksperimente , Dibrës i duhet Sherefedin Shehu  i cili është provuar si menaxher dhe si askush tjetër, e di se për çfarë ka nevojë Dibra, di të gjenerojë dhe menaxhojë fonde.

Shumëkush i dha votën të majtës për ta provuar. Po sot?  Ngado dëgjon poemë mjerimi.  Jo vetëm që nuk është mbajtur asnjë premtim, por gjendja është përkeqësuar dhe më tej.
Shembujt  të panumërt na ka ofruar vetë në këto tre vjet të uzurpimit të pushtetit.

Meqë profesioni im është ai i mjekes dhe jam çdo ditë në kontakt me pacientët, do t’ju risillja në vëmendje, megamashtrimin e shëndetësisë falas…
 Shëndetësia është sot në ditën e saj më të zezë.  Nëpër spitale mungojnë ilaçet më jetike, ilaçet e skaduara janë kthyer në shqetësim për çdo njeri.  Shëndetësia falas është  mungesa e shtretërve në spitale që pacientët të paguajnë tek bizneset e tyre. Shëndetësia falas për ta është largimi nga puna i infermierëve  dhe sanitarëve. Shëndetësia falas është degdisja e mjekëve profesionistë në zonat më të thella vetëm se nuk mendojnë si rilindas.  Shëndetësia falas është check up-i i famshëm përmes të cilit miliona Euro po përfundojnë në xhepat e qeveritarëve dhe klaneve të tyre.

Çdo mjek që ka besuar tek shëndetësia falas sot, është dhe duhet të jetë i turpëruar.

Të dashura nëna, motra, zonja dibrane.

Nga ky podium sot, dëshiroj  t’ju ftoj  të votoni profesor Sherefedin Shehun,  jashtë bindjeve partiake, jashtë interesave të vogla familjare.

Dibra është shtëpia jonë e madhe që ka nevojë të drejtohet nga më i mençuri, siç na njeh historia, dhe më i miri që është provuar si i tillë në karakter, dije, profesionalizëm. Ky është  Profesor Sherefedin Shehu, kryetari i ardhshem i bashkisë  i cili,  jam e bindur se do të na bëjë të ndjehemi mirë, sa herë që në çdo familje shqiptare  do të flitet për Dibrën e jo të ulim kokat e të kapërdijmë mospajtimin me atë që thuhet për të, sikundër na është dashur të bëjmë këto kohët e fundit.

Bëhuni pjesë e fitores që nuk do të keqadministrohet !

Fitorja e profesor Sherefedin Shehut është fitore për Dibrën, për gjithsecilin prej nesh!

Ju faleminderit!

Fjala e kryetares së Lidhjes Demokratike të Gruas, Irini Shehu  ne hapjen e fushates ne Diber per zgjedhjet kryebashkiak

Të dashur qytetare dibranë, motra e vellezër!

Të nderuar miq e aleatë!

Ndjehem i repektuar që si mik më dhatë privilegjin të hap këtë takim madheshtore të kësaj ode gjigande dibrane.

Të kësaj ode ku sot janë mbledhur burrat dhe grate që i japin dinjitet Dibrës dhe gjithë Shqipërisë.

Ata burra dhe gra që na janë bashkluar dhe këto ditë që nga Dibra e madhe deri në Tiranë.

Figura e personalitete të  nderuara dibrane që i kanë dhënë emër nder e dinjitet jo vetëm Dibrës por gjithë Shqipërisë këtej e andej kufirit.

Më vjen mirë që një nga këto personalitete të përzgjedhura midis kandidaturave po aq dinjitoze, PD e sjell sot që ju me votën tuaj ta zgjidhni jo vetëm qytetarë të parë të Dibrës por edhe ti ngarkoni barrën që me punë  mencuri e ndershmeri ta çojë Dibrën në vendin që i takon ne tribunën e nderit.

E ne jemi të bindur se Sherefedin Shehu përfaqëson këto tipare më të mira të dibranëve, mençurine, punën e ndershme

Kam biseduar këto ditë me mjaft banorë të Dibrës, nga Kalaja e Dodes deri në Maqellare, e kam ndjere një brengë në bisedat e tyre.  “ Po kërkojnë të na fyejnë e të na poshtrojne”,-thanë.

Po kërkon ti fyejë Edi Rama në mënçurinë e tyre duke mashtruar përseri e ne dinjitetin e tyre duke shpallur gati publikiht se voten që nuk ia japin do e blej ose do e marre me dhune.

Por përgjigjen po e merr përdite e do e marre me mire me 11 shtatore nga gjith dibranët  të majtë e të djathtë.

Dibra nuk shitet e nuk bliket e sa me shume nuk mund të lihet peng i krimit.

Degjova ministrin e gjobave te energjise te deklaronte se nese fiton kandidati i djathte Rama nuk do e ndihmoje. Po pse kur e ka ndihmuar Edi Rama Dibren?!

E pra kryetari i Bbashkise i rilindjes ihte, por nje qindarke nuk i dha Edi Rama për Dibrën.  Me paturpësinë që vetëm nje si ai mund te kete erdhi ketu dhe tha: Nuk e kemi lenë pas dore rrugën e Arbrit. Kemi tre vjet që negociojmë me Kinezët. Talljene fakt kane lënë pas dore jo vetëm rrugen e Arbrit por Dibrën dhe gjithë Shqiperinë.

Një mëtër rruge nuk e shtoi ne rrugen e Arbrit. Nje qindarkë nuk dha për Dibrën. Tani para zgjedhjeve po hedh milionat. Por jo për dibren e dibranet por për oligarket me te cilet ndan parate e grabitura. E pate se si hidhej perpjete ketu Sadri Abazi duke bertitur me duar e me kembe Rrofte Edi Rama.votoni Edi Ramen .

Sigurisht për Sadritë, rroftë Edi Rama, sepse mblidhen bashkë dhe paratë që ua grabisin shqiptarëve ditën,  i ndajnë bashkë natën. Vetë në një javë kanë përlarë së bashku miliona euro, sadritë dhe Edi Rama. Janë miliona që jua grabisin çdo ditë, me taksa, me gjoba e me çdo mënyrë duke ju prerë ndihmën sociale dhe pensionet të varfërve e të pamundurve e duke i ndarë më pas me tendera e me koncesione me oligarkët e Ramës dhe me këto para që jua grabisin ditën për diell qytetarëve shqiptarë, kërkojnë në errësirën e natës t’ju blejnë votën. Po atyre që i kanë grabitur e çuar drejt mjerimit, drejt luftës për bukën e gojës, ndaj dibranët më 11 Shtator, do rrëzojnë Ramën në Dibër dhe shqiptarët shumë shpejt do të rrëzojnë Ramën në të gjithë Shqipërinë. E pas kësaj me Sherefedin Shehun, kryetar Bashkie dhe me Lulzim Bashën kryeministër do të mbarojmë jo vetëm Rrugën e Arbërit, por do të bëjmë që ëndrra të kthehet në realitet, do të punojmë për ta bërë Shqipërinë ashtu siç e kërkojmë që nga dhjetori ‘90, si gjithë Europa.

Fitore!

Fjala e nënkryetarit të PD, Edi Paloka ne hapjen e fushates ne Diber per zgjedhjet kryebashkiak

Kryetari i komunës Dibër e Madhe: Rrugën e Arbrit do ta mbarojnë ata që e filluan

Kandidati për kryebashkiak të Dibrës Sherefedin Shehu, u takua me banorë të Zall Dardhës. Pas shqetësimit të banorëve për mungesë investimesh, z. Shehu theksoi se prioritet i Edi Ramës janë punët që sjellin të ardhura për të dhe miqtë e tij. Z. Shehu solli në vëmendje rastin e shëtitores së Dibrës ku po harxhohen miliona dollarë në prag zgjedhjesh dhe për t’u hedhur hi syve dibranëve.

“I bëjnë punët vetëm për të futur ca lekë në xhep, i bëjnë punët për të mbajtur karriken, për të blerë vota dhe shpreson se ndoshta dibranëve mund t’ua marrë edhe një herë mendjen. Por juve nuk mund t’jua marrë me bulevardin e Peshkopisë. Aty janë 800 metra bulevard. Me lekët e atyre 800 metratlve te Peshkopisë, duhej të ishin bërë 40 rrugë asfalti. Me ato 800 metra u thotë ju: Jam larë, kështu që të jeni të sigurt se nesër këtu nuk do të ketë asnjë gjë”.

Në bashkëbisedimin me banorët, z. Shehu theksoi se Dibra ka një potencial të madh turistik i cili me investime nund të kthehet në burim të ardhurash, punësimi dhe mirëqënie për banorët e zonës.

“Turizmi kërkon projekte të mëdha. Unë një pjesë e kam dhe flas për rrugën që shkon në Reçë, rrugën që shkon në Lurë, rrugën që shkon në Bjeshkët e Korabit, rrugën që shkon në Bjeshkët  e Bellovës dhe të Radishtit. Zgjidhja më e madhe do të jetë Rruga e Arbërit. Lulzim Basha kur ma ngarkoi këtë detyrë tha: Ne të dy do të bëjmë Rrugën e Arbërit”, tha kandidati i Partisë Demokratike për Bashkinë e Dibrës, z. Sherefedin Shehu.

Njoftim për media i Partisë Demokratike, 25 gusht 2016

Nuk ndalen tenderat që Edi Rama ndan mënjanë për oligarkun e tij Sadri si këste për blerjen e votës në Dibër dhe pasurimin e tyre të metejshëm.

Çdo tender është i vlefshëm për të marr copën e radhës nga paratë e shqiptarëve për interesat klienteliste e të mbajtjes së pushtetit me cdo kusht.

Sadriu i Ramës ka kapur së fundmi tenderin për ndërtimin e shkollës në Maqellarë, me vlerën totale prej 790 milione lekësh.

Edhe kësaj rradhe si përherë me tenderat e Ramës për Sadriun fiton oferta më e lartë, e kompanisë së tij Alko Impex, me diferencë me ofertën më të ulet me 98 milion lek.

98 milion lek më shumë që i jepen njerit prej të dërguarve me punë votash në Dibër, Sadriut, në kurriz të qytetarëve. Me këto para që ju përkasin qytetarëve mund të ishin paguar 1430 pagesa papunësie për dibranët, mund të kishin një punë me page minimale 445 pjestarë te familjeve dibrane. Me këto para mund ti merrnin pensionin e tyre për një jetë me pak më shumë dinjitet 652 pensionist në qytet dhe 1186 pensionistë në fshat.

Por jo, asgjë nga këto nuk ndodh sepse Rama zgjedh ti shpërdoroj paratë e qytetarëve duke ja dhënë oligarkut të tij me mision të veçantë.

Ndërsa qytetarët do zgjedhin shumë shpejt që të përdorin votën e tyre për të larguar nga pushteti në Dibër e më pas në gjithë Shqipërinë të gjithë Ramët dhe Sadritë e tyre.

Shqipëria do jetë më mire pa Edi Ramën.

Oferta, 98 milionë lekë më shumë se të tjerët. Deklaratë e zëdhënëses Ina Zhupa, 25 gusht 2016

Dëgjojeni pak thirrjen publike të këtij që sot hesht, censuron mediat e që po bllokon zbardhjen e të vërtetës për aferën e madhe kriminale e korruptive të landfillit të Sharrës.

“Dua t’u bëj thirrje të gjithë atyre që sot e sigurojnë jetesën e tyre, duke ndërhyrë në koshat e bashkisë, që ta lënë atë punë të paligjshme, për të punësuar edhe 200 punonjës të tjerë, për ta çuar në 400. Ne mund të punësojmë pa fund njerëz që realisht duan të punojnë”.

Këtë thirrje ka bërë Erjon Veliaj me 16 mars të këtij viti.

Pra lini punën e paligjshme dhe hajdeni në landfillin e Sharrës.

Ardit Gjoklaj e shumë të tjerë iu përgjigjen kësaj thirrje.

Po ajo çfarë gjetën atje, ishte një mashtrim i madh i Erjon Veliajt.

Vdekja e Arditit, dhe investigimi më tej nga disa media tregoi se Lanfilli i Veliajt dhe partnerit të tij, kryetarit socialist të Peqinit, që nuk i dorëzohet drejtësisë, ishte një ferr paligjshmërie.

Të mitur, burra e gra që punonin të pasiguruar.

Shfrytëzoheshin deri fëmijë 10 vjeç.

Shfrytëzoheshin me tre turne, në atë punë të rëndë e sfilitëse, për fare pak lekë.

Me këtë thirrje publike, Erjon Veliaj e coi drejt vdekjes Arditin. Ai është padyshim përgjegjësi kryesor, jo vetëm se administron landfillin që është biznesi i tij, por sepse i garantoi publikisht njerëzit për ligjshmëri. Me fjalën e tij shkuan të punonin hallexhinjtë, që u kthyen në skllevër.

Çfarë pret prokuroria të marrë në ndjekje penale Erjon Veliajn?

Pse Erjon Veliaj qëndron mbi ligjin?

Pse hesht e nuk ka thënë asnjë fjalë prej 2 javësh për ngjarjen e rëndë?

Pse i bën mediat të heshtin, dhe mediat kombëtare madje që hiqen si të pavarura?

Partia Demokratike do të kërkojë deri në fund drejtësi për Arditin dhe drejtësi për Arditin do të ketë, sado të përpiqet Erjon Veliaj ta mbyllë këtë krim.

Deklaratë e Sekretares së Marrëdhënieve me Publikun, Grida Duma, 25 gusht 2016

Kandidati për kryebashkiak të Dibrës, Sherefedin Shehu u takua me banorë të fshatrave Tomin dhe  Limjan. Zoti Shehu u njoh nga banorët me problematikat e shumta me të cilat përballen dhe indiferencën totale të qeverisë. Banorët theksuan se në këto 3 vjet jeta e tyre është përkeqësuar më tej, papunësia është rritur,  varfëria është shtuar dhe po bëhet gjithnjë e më e pamundur sigurimi i bukës për fëmijët. Zoti Sherefedin Shehu theksoi se e gjithë kjo situatë është për shkak të keqqeverisjes së Edi Ramës. Edi Rama kujtohet për qytetarët vetëm kur duhet tu marrë votën.

“Shqipëria qeveriset nga një kryeministër që erdhi në pushtet me premtime për të zgjidhur hallet tona, por po largohet duke na shtuar një thes me halle. Në Maqellarë dhe në fshatra të tjera, është dyfishuar tarifa e ujit të pijshëm.  Pra, pa bërë asnjë përmirësim në shërbime, pa ofruar asnjë gjë më tepër, i thua, do të paguash dyfishin. Cila është logjika? Ti nuk ofron shërbim, dhe kërkon lek. Prej kujt kërkon lek?! Prej atij që është në skemën e ndihmës ekonomike?!”, tha Shehu.

Ndërsa shumica e fshatrave të Dibrës nuk kanë infrastrukturë rrugore, kur qytetarët vuajnë për bukën e gojës, janë në erresirë se nuk paguajë dot faturën e energjisë elektrike, janë të papunë, Edi Rama u harxhon 870 milionë lekë për të zëvëndësuar asfaltin me pllaka në shëtitoren e Dibrës, theksoi zoti Shehu.

“Edi Rama ka filluar punimet në Bulevardin e Peshkopisë në prag te zgjedhjeve. Ata që kanë fituar tenderin kanë pasur çmimin më të shtrenjtë. Në vend që të bëj 40 rrugë, shkon e bën një Bulevard. E kishim me asfalt, do që ta bëjë me pllaka. Po le ta mbanin asfalt, por përse të mos ketë asfalt këtu dhe ne dhjetra fshtatra te tjera. Kjo qeveri  nuk është qeveri që bën investime për të zhvilluar vendin. Prej tre vitesh këtu nuk ka marrë njeri subvencion. Ka njerëz që në Dibër kanë në pikëpyetje dhe bukën e gojës shkon në burg pse nuk ka paguar faturën e energjisë elektrike rri pa drita pse nuk ka mundesi të paguajë faturën e energjisë elektrike”, tha Shehu.

Njoftim per shtyp i Partise Demokratike, 24 Gusht 2016