Blog

Duke ndjerë humbjen e thellë të 11 shtatorit, Edi Rama ka vendosur të japë akoma më shumë nga  paratë e shqiptarëve Sadriut qe ai t’i përdorë për të blerë vota.

Vetëm dy ditë më parë Sadriu i Ramës ka marrë një tjetër tender në kundërshtim me ligjin prej 1.73 miliard lekësh për rivitalizimin e hapësirave publike në zonën pranë Pallatit të Kulturës në Dibër. Oferta e kompanisë “ALKO Impex”, ishte 220 milion lekë më shumë se oferta më e ulët.

Por Edi Rama nuk do t’ia dijë për ligjin, nuk do t’ia dijë për lekët e shqiptarëve. Shqetësimi i tij i vetëm është që Sadriu të blejë sa më shumë vota në zgjedhjet në Dibër, ndaj dhe nuk ndalen tenderat korruptivë  për të.

220 milionë lek më shumë që Rama i fal Sadriut, mjaftonin për të paguar 3170 pagesa papunësie për mijëra familje në gjendje të rëndë ekonomike në Dibër,  mund të përdoreshin për të punësuar 987 dibranë me pagë minimale nga lista prej mijëra te papunësh në Dibër. Me 220 milionë lekë të korrupsionit Rama-Sadri, mund të paguheshin 1447 pensione mesatare ne qytet ose 2632 pensione mesatare në fshat.

Por Edi Rama e ka treguar se nuk e ka prioritet qytetarin, e aq më pak dibranët që i urren dhe i përbuz.

Ndaj dibranët ia bënë të qartë dje me braktisjen totale, se koha e Edi Ramës ka mbaruar.

Shqipëria është më mirë pa Edi Ramën.

Deklarata për mediat e zëdhënëses së Partisë Demokratike, Ina Zhupa, 24 Gusht 2016

Ristani: Rama i tmerruar nga humbja në Dibër, vë në dispozicion të banditëve e kriminelëve oficerë të korruptuar dhe të kriminalizuar të policisë

I braktisur nga dibranët dhe shqiptarët dhe përballë humbjes së thellë  të 11 shtatorit,  Edi Rama ka mobilizuar banditë e kriminelë dhe u ka vënë atyre në dispozicion oficerë të korruptuar dhe të kriminalizuar të policisë. Përkrah trafikantit të femrave Arben Ndoka, në fushatën elektorale të Dibrës, Edi Rama ka çuar, siç e shihni në këtë foto të publikuar nga mediat,  shefin e krimeve të Mirditës, Klajdi Osmani. Ky person i njohur si garant i trafikantëve të drogës në Mirditë,  është angazhuar në fushatën elektorale të Partisë Socialiste në Dibër.

Ky fakt i zbuluar nga mediat, rikonfirmon se Edi Rama e ka bazuar të gjithë fushatën e Dibrës  tek bandat dhe kriminelët me të cilët e gënjen mendja se do të frikësojë dhe tjetërsojë vullnetin e zgjedhësve.

Por dibranët ia bënë të qartë vendimin e tyre dje, duke e lënë në vetminë e tij,  se mashtrimet me të cilat erdhi në pushtet nuk mund t’i mbulojë me asnjë trafikant, asnjë kriminel apo bandit me uniformë policie. Humbja e Ramës  është e pashmangshme sepse nuk ka mbajtur asnjë premtim ndaj dibranëve por i ka zhytur varfëri dhe pasiguri. S’ka bërë asnjë investim, s’ka hapur asnjë vend të ri pune, ka dhunuar dhe poshtëruar Dibrën dhe çdo dibran të djathtë e të majtë. E vetmja kontratë që ka Rama dhe kandidati i tij  është ajo me krimin.

Por i ka bërë llogaritë gabim. S’ka kriminel, bandit apo trafikant që të ruaj pushtetin e Edi Ramës. Koha e tij ka mbaruar. Shqipëria do të jetë më mirë pa Edi Ramën.

Deklaratë e Sekretarit të Përgjithshëm të Partisë Demokratike, Arben Ristani, 24 gusht 2016

​Të gjitha dëshmitë që kanë dalë në media, të punonjësve të landfillit, të familjarëve të tyre, tregojnë se ishte thirrja e Erjon Veliajt që i bëri të shkonin e të punonin aty.

Erion Veliaj me thirrjen që bëri në televizione, premtoi punë të sigurt e kushte teknike të garantuara.

Këtë thirrje dëgjoi edhe Arditi 17 vjeç, por gjithçka rezultoi një mashtrim.

Mashtrim i Erion Veliajt që për fat të keq Arditit i mori jetën.

Është zbuluar se jo vetëm nuk kishte asnjë parametër teknik e sigurie në landfillin e Veliajt, në biznesin e tij me kreun peqinas të PS-së, por aty shfrytëzoheshin barbarisht çdo ditë, të mitur e gra me tre turne për fare pak lekë.

Pagesa ishte qesharake ndërkohë që të rinjve, të miturve, burrave dhe grave u merrej fryma në atë punë të rëndë, në atë biznes fitimprurës për Veliajn dhe partnerin e tij Teqja, i shpallur në kërkim nga policia.

Të gjitha këto rrethana e nxjerrin Erion Veliajn njësoj përgjegjës e njësoj fajtor sa ata që direkt në landfill merrnin në punë të mitur e nuk garantonin kushte.

E nxjerr fajtor Veliajn thirrja e tij publike për rekrutim në atë aferë kriminale, thirrje që solli vdekjen e 17 vjeçarit.

Çfarë pret prokuroria që të thërrasë Veliajn e ta marrë atë nën përgjegjësi penale.

Ky falsifikator, hajdut, i korruptuar që mbledh të mitur në biznesin e tij, ku rezulton që mund të humbësh dhe jetën, pse qëndron mbi ligjin?

Çfarë duhet të ndodhë tjetër që ky mashtrues që shet për punë të mirë e të sigurt një ferr paligjshmërie ku humb jetën një 17 vjeçar, të mbajë përgjegjësi e të dalë para ligjit.

Erion Veliaj është sot pa asnjë dyshim përgjegjësi kryesor për humbjen e jetës së Arditit.

Nëse prokuroria vonon hetimin e ndjekjen e tij penale, për fat të keq bëhet pjesë e padrejtësisë.

Partia Demokratike do të qëndrojë fort tek kjo çështje,  ne do të bëjmë gjithçka që të zbardhet e plotë ngjarja e të përgjigjen para ligjit ata që e shkaktuan dhe e çuan drejt vdekjes Arditin.

Deklarata për mediat e deputetes së Partisë Demokratike, Mimoza Hajdarmataj, 24 Gusht 2016

Kandidati për kryebashkiak te Dibrës, Sherefedin Shehu ka vijuar takimet derë me derë ne fshatrat e Dibrës. Z. Shehu u takua me banorë të fshatrave Pekë dhe Pjeqë. Sherefedin Shehu theksoi se Rama nuk mund ta ketë kurrë Dibrën pasi në qeverisjen e tij  nuk u bë asnjë investim dhe taksat e dibranëve shkuan për zyra luksi e mirqënie të qeveritarëve në Tiranë. Ndërkohë që Dibra është braktisur prej tre vitesh nga qeveria në prag të zgjedhjeve, Rama u kujtua për asfaltimin e rrugës kryesore në Peshkopi. Ky investim prej mijëra eurosh nuk është gjë tjeter veçse një përpjekje e dëshpëruar e Ramës për t’u hedhur hi syve dibranëve që për premtimet e pambajtura dhe mënyrë për të mbushur xhepat e pushtetarëve, theksoi kandidati Shehu.

“Kur i erdhi dita që të ballafaqohet me qytetarët u kujtua për shëtitore. E bënë për të mashtruar, e bënë për të vjedhur. Me paratë që bëhet shëtitorja e qytetit të Peshkopisë do të bëheshin 40 rrugë fshatrash. Natyrisht që ne e dimë se qyteti ka nevojë, por më parë ai ka nevojë të pastrohet ashtu siç është”, tha ai.

Z. Shehu theksoi se Edi Rama erdhi në pushtet me filozofinë e zgjidhjes së halleve, por i ka shtuar barrën e tyre shqiptarëve. Në takime banorët i shprehën shqetësimin e tyre kandidatit Shehu për mungesën e vendeve të punës, pamundësinë për të paguar energjinë dhe shërbimet publike, shtyrjen e afateve në dhënien e ndihmës ekonomike.

Fermerët theksuan se nuk kanë marrë asnjë subvecion në këto vite dhe se investimet për bujqësinë mungojnë tërësisht.

Banor: Ata të majtë që nuk e kanë kuptuar që ata të majtë janë qeveria më e papërgjegjshme që ka parë Shqipëria, besoj kanë forcën që ta kuptojnë se thika u ka shkuar në kockë njerëzve. Njerëzit po ikin nga vendi i tyre, po emigrojnë se nuk kanë shpresë për këtë vend. Kemi 38 mijë të burgosur të pafajshëm nëpër burgje që nuk kanë para për të paguar dritta, dhe ekonomia është në pikë të hallit. Të dashur bashkëfshatarë, ju lutëm, kthjellohuni. Ju jeni shumë të kthjellët, por them të kthjellojmë ata që nuk janë ende të qartë, nëse ka ndonjë që ta shfrytëzojmë këtë mundësi dhe ta nderojmë Dibrën.

Banor: Shumë prej jush i keni prindërit pensionistë. Ai është tallur prej tre vitesh me pensionistët. Tre vjet. Nuk ka bërë asnjë shtesë pensioni.

 Banore: Tokat që janë në prodhim nuk bën asgjë, as nuk i subvencionon. Blegtoria te them, u sëmurën lopët, vaksinat u bënë me lek, se kush i mori, nuk e di…

Kandidati Shehu theksoi se prioritet për të do të jënë investimet që hapin vende pune dhe sigurojnë mirëqënie për banorët.

Sherefein Shehu: Unë nuk kam ardhur për karrike, sepse karriken e kisha. Kam ardhur që të punoj me ju, që të realizojmë ato projekte që janë të mundshme për t’u realizuar për ju, dhe të tilla ka shumë… Në rradhë të parë duhen bërë investime atje ku japin efekte. Investimet japin efekte po të bëhen për zhvillimin e bujqësisë. Që të bëhen investime aty ku ka potenciale turizmi, të bëhet rruga e lurës, të bëhet rruga që të çon në Bjeshkë.

Njoftim per shtyp i Partisë Demokratike, 23 Gusht 2016

Nuk ndalen favoret e Ramës për oligarkun e tij Sadri, në shkelje të ligjit. Paniku prej votës së 11 shtatorit, e ka bërë Edi Ramën të hapë qesen e të dorovisë paratë e shqiptarëve sipas interesit klientelist. Oligarku i Ramës ka marrë një tender pak ditë më pare, 870 milionë lekë për rikonstruksionin e bulevardit Elez Isufi në Dibër, ku ishte paracaktuar si fitues ai dhe nipi i tij me firmën ALKI Impex.

Të gjashtë operatorët e tjerë në garë u skualifikuan ndonëse dy prej tyre kishin bërë ofertë me 200 milionë lekë më pak se firma e Sadriut.

Ankesat e tyre ligjore tek KPP e Edi Ramës, u hodhën poshtë me urdhër, sepse dihet që njeriu që vendos për çdo tender në vend, është vetë Edi Rama, i cili i ka kërkuar Sadriut të hidhet në sulm e të blejë sa më shumë vota në zgjedhjet në Dibër, ndaj dhe nuk ndalen tenderat për këtë oligark të rilindjes.

200 milionë lek më shumë se sa kushton puna, i jep Rama Sadriut, me të cilat mund të paguheshin në Dibër 1333 pensione në qytet, 2424 pensione në fshat, 2900 familje mund të merrnin pagesë mujore për papunësinë dhe 909 persona mund të përfitonin të punësuar me pagë minimale.

Por Edi Rama ia jep këto dhe qindra milionë lekë të tjerë të taksave të shqiptarëve, Sadriut, në shkelje të ligjit, që Sadriu t’i përdorë më pas për të blerë votat në Dibër për kandidatin e qeverisë.

Sepse Ramës nuk i interesojnë qytetarët, por blerja e votës, kapja e pushtetit me çdo kusht. Me këto akte korrupsioni dhe me këto krime ndaj votës së lirë, Edi Rama në fakt po blen vetëm fundin e tij të shpejtë.

Dibranët e dinë mirë si gjithë qytetarët e vendit, se Shqipëria është më mirë pa Edi Ramën.

Deklarata për mediat e zëdhënëses së Partisë Demokratike, Ina Zhupa, 23 Gusht 2016

​

Përveç bandave të drogës të cilat mbështetjen e Ramës për biznesin kriminal duhet ta shlyejnë me shantazhim të qytetarëve për zgjedhjet e 11 shtatorit, Rama ka thirrrur nën armë edhe të tjerë si Arben Noka, i raportuar dje nga media.

Dibra po rikonfirmon se aleanca e vetme e Edi Ramës është ajo me trafikantët e kriminelët. Pasi ka prishur kontratën me qytetarët me mashtrimet e tij, pasi ka shkelur me dy këmbë çdo premtim ndaj dibranëve të cilët i ka zhytur në skamje dhe papunësi sepse nuk bëri asnjë investim, nuk hapi asnjë vend të ri pune, nuk bëri asnjë kilometër rrugë, Rama i kthehet të vetmit pakt që ka mbajtur në këto 3 vite, paktit me krimin.

Ai shpreson se krimi do ta shpëtojë nga gjykimi i popullit me votë. Por ky është gabimi tipik i nje sundimtari që i ka ardhur fundi. Asnjë trafikant, kriminel, asnjë bandë nuk do ta shpëtojë Edi Ramën nga gjykimi i popullit me votë.

Ai dhe banditët e tij do të përballen me fuqinë e pathyeshme të bashkimit popullor.

Fundi i sundimit të Edi Ramës dhe bandës së tij, do të vërtetohet masivisht më 11 shtator. Çlirimi nga banda nis në Dibër, dhe shqiptarët mbarë do t’i hapin rrugën zhvillimit, punësimit, rendit e sigurisë. Shqipëria do të jetë më mirë pa Edi Ramën.

Kandidati për kryetar të Bashkisë së Dibrës z.Sherefedin Shehu zhvilloi një bashkëbisedim me banorët në Kastriotit dhe në Brest të Sipërm. Zoti Shehu u njoh me shqetësimet e banorëve te cilët janë lënë tërësisht në harresë. Asnjë investim nuk është bërë gjatë tre viteve të qeverisë Rama vetëm është përkeqësuar situata ekonomike. Rritja e çmimit te energjisë elektrike është bërë e papërballueshme, thanë banorët, të cilët treguan se ndihmën ekonomike e shpenzojnë për të paguar faturat e rritura.

Dibra dhe dibranët, të mençur e punëtorë, nuk kanë nevojë për lëmoshë por për dorën e shtetit, të cilën Rama ia ka refuzuar me përçmim këto tri vite, sepse ka rritur çmimin e energjisë, theksoi z. Shehu.

“Kjo qeverisje e keqe e ka çuar vendin në një moment shumë të vështirë. Këtu tek ne sidomos në Dibër, e sidomos tek rinia, ka humbur shpresa. Ne duhet të rikthejmë shpresën. Ju jeni punëtorë, njerëz që nuk prisni qeverinë që t’ju japë lëmoshën, por keni nevojë për mbështetje dhe kjo mbështetje juve ju ka munguar. Përveç kësaj mbështetje që duhej t’jua jepte qeveria, ajo jua ka shtuar barrën. Këtu tek ju, si në të gjithë Shqipërinë, sidomos në zonat e varfëra, pritet ndihma ekonomike, për të shkuar që të paguash faturën e rritur të energjisë elektrike”.

Prioritet i Bashkisë do të jenë akset rrugore që lidhin fshatrat me qendrën e njësisë, dyfishimi i subvecioneve në bujqësi e blegtori, vënien në punë të magazinave të grumbullimit të prodhimeve,  kanalet e vaditjes etj, theksoi Shehu.

Ai theksoi se bashkëpunimi me organizatat ndërkombëtare, me Bashkimin Europian, Bankën Botërore, dhe institucione të tjera do të jenë prioritet i punës  së tijë që do të sjellë fonde për investime që do të ndërmerren në konsultim të drejtpërdrejtë me banorët dhe jo për fasada që mbushin xhepat e pushtetarëve.

“Fati e ka dashur që të përgatis buxhetin e të gjithë shtetit, ndaj është e lehtë për mua të përgatis buxhetin e një bashkie, që do të thotë, që ato dy lekë që do të kemi, duke më pasur mua si kryetar Bashkie do të dimë ti përdorin më mirë.  Unë do të filloj me projektet e vogla, do të filloj në Dovolan, aty nuk është as 1 km rruga për ta dërguar asfaltin në fshat. Do të vij këtu tek ju dhe ju jap fjalën se, sot një vit, asfalti do të jetë këtu në qendër (Brest të Sipërm).

Sepse ky është projekti im, tha kandidati i PD, për Bashkinë e Dibrës, z. Sherefedin Shehu.

Njoftim për media i Partisë Demokratike, 22 gusht 2016

Sadriu i Ramës po vazhdon të përfundojë edhe katin shtesë në Pallatin e tij në zemër të Tiranës, dhe Edi Rama jo vetëm që e lejon, ndalon ligjin të funksionojë, por del dhe e mbron publikisht përmes dallëndyshes së INUK-ut, drejtoreshës kukull të Ergys Hoxhës, i cili drejton operacionin kriminal dhe korruptiv të blerjes së votës në Dibër.

Ja ku kemi këtu vendimet për prishje objekti të pallateve të Sadriut të Ramës, sepse janë ndërtuar pa leje.

Edi Rama vetë kur ishte kryetar bashkie ka nxjerë vendim për prishjen e pallateve.

Bashkia Tiranë, vendim për prishje objekti, 17.02.2010.

Më pas Rama u miqësua me Sadriun, ose Sadriu diti se si ta rregullonte punën me të. Dhe sot Rama ka ndryshuar mendje, del dhe thotë se Sadriu është në rregull, dhe i paska legalizuar pallatet. Si mund të legalizohet një objekt për të cilin ka vendim prishje?

Të gjithë këto; janë përpjekje kriminale për të mbuluar këtë shkelje skandaloze të ligjit, këto dy standarde në vend, ku mijëra vetë janë në burg për një rregullim catie, ndërsa Sadriun e Ramës nuk e gjen gjë për ndërtimin e një kati të tërë pa leje në mes të Tiranës.

Kjo padrejtësi do të marrë fund.

Dibra e para do të clirohet me 11 shtator nga ky sundim bande.

Shqipëria do të jetë më mirë pa Edi Ramën.

Deklaratë e zëdhënëses Ina Zhupa, 22 gusht 2016

E vërteta është tronditëse dhe dramatike:

Me dijeninë e plotë të Erion Veliajt, në Landfillin e Sharrës, shfrytëzoheshin për punë të rënda fëmijë 10 vjeçar!

Investigimi kurajoz i ndërmarrë nga Drejtoresha e Lajmeve në A1News Alida Tota bashkë me stafin e saj zbuloi dëshmitë tronditëse:

– Në landfilldin e Sharrës, administruar nga Bashkia e Tiranës dhe Firma 3R, shfrytëzoheshin 50 fëmijë, madje edhe të moshës 10 vjeç;

– Ky shfrytëzim do të vazhdonte edhe sot nëse nuk do të humbte jetën Arditi 17 vjeç, që punonte në landfill turn i tretë.

‎- Veliaj në një dëshmi televizive post – produksion, të montuar nga zyra e tij e shtypit u bëri thirrje qytetarëve të punësoheshin ne landfill pasi do të punojnë me kontrata dhe siguracione. Por e vërteta është, se i zhytur thellë në korrupsionin e plehrave lejoi të shfrytëzoheshin fëmijë, gra dhe burra, të cilët u trajtuan si skllevër, pa kontrata dhe pa siguracione. Sipas dëshmive në investigim, një pjesë e grave janë larguar me dhunë nga landfilli pa marrë asnjë pagesë për punën e bërë.

– Veliaj dhe kryetari socialist i Peqinit, i kërkuar nga drejtësia por që mbrohet nga Edi Rama, nuk kishin siguruar asnjë kusht higjieno-sanitar ‎

– Në landfill nuk respektoheshin kusht teknike të sigurisë në punë. Riciklimi kryehej nga punonjësit pa pajisjet mbrojtëse dhe s’merrnin as trajnime për sigurinë teknike.

Ku ishin institucionet përgjegjëse per verifikimin e kontratave, kushteve e standarteve ne Landifllin e Sharrës?

Ku janë institucionet për mbrojtjen e grave? Po agjencia për mbrojtjen e femijëve? A nuk ka bërtitur Rama me muaj të tërë burg-burg-burg ne emër të formalizimit te punësimit? Sa punëtorë kishte të formalizuar në Lanfill??

A janë llogaritur 300 punonjesit e landfillit të Sharrës në propagandën e 300 mijë vendet e reja të punës?

A janë krijuar vendet e punës me mëditje për gratë, ne emër të barazisë gjinore dhe promovimit të grave ne Shqipëri? Kush e kontrollon skllavopronarin Erion Veliaj!

Shfrytëzimi i 50 fëmijëve në Landfill-in e Sharrës, vetëm 10 minuta larg zyrës së Kryetarit të Bashkisë së Tiranës dhe 8 minuta nga zyra e shefit të tij Rama është dëshmia e kapitullimit të institucioneve shtetërore.

Në cilësinë e Kryetares së Komisionit Parlamentar të Punës, Cështjeve Sociale dhe Shendetësisë, i bëj thirrje Prokurorisë të thellojë hetimet për këtë krim shtetëror, për të cilin kanë edhe një provë të pakundërshtueshme, një investigim mediatik të lenë në gjysmë të rrugës, pas shkarkimit nga puna të Drejtoreshës së Lajmeve të televizionit A1News, znj.Alida Tota, me urdhër të skllavopronarit Veliaj.

Nëse Erion Veliaj po merret me censurimin e mediave dhe nuk ka kohe të shkruaje dorëheqjen, Kryeprokurori duhet të rinisë punën, aty ku gazetarët e ndërprenë për shkak të censurës.

Kryetarit të Kuvendit i kërkoj që të thërrasë një seancë urgjente për skandalin e shfrytëzimit të fëmijëve dhe grave në landfillin e Sharrës, i administruar nga Veliaj dhe Kryetari në kërkim i Partisë Socialiste të Peqinit.

Deklaratë e deputetes Albana Vokshi, 22 gusht 2016

Edhe pas denoncimit publik, edhe pas denoncimit që kanë bërë banorët e zonës, një kat i tërë me qindra metra katrorë në zemër të Tiranës, vazhdon të ndërtohet pa leje, por me bekimin e Edi Ramës.

Kjo shkelje haptazi e ligjit ndodh cdo ditë prej të paktën një jave, dhe ligji nuk e zë oligarkun e Edi Ramës, Sadri Abazi.

Mijëra njerëz kanë hyre në burg këto tre vite dhe jane edhe sot në qeli për një avlli pa leje, apo një rregullim tjegullash. Përfundojnë në pranga qytetarët për një gjë shumë të vogël brenda shpisë së tyre, ndërsa Sadriu i Ramës bën një kat pa leje tek stacioni i trenit, përqesh banorët, tallet me policët dhe asgjë nuk ndodh.

Fqinjët e oligarkut të Ramës kanë njoftuar policinë dhe INUK-un para dy ditësh.

Ata u paraqiten, por u larguan pas 5 minutash, pa marrë asnjë masë. Ndërtimi vazhdon edhe në këtë moment që flasim.

Pse nuk e kap ligji Sadriun? Pse ligji funksionon për qytetarët, por jo për Sadriun?

Sepse me Edi Ramën nuk ka ligj, por ka sundim bande.

Ka dhe një arsye tjetër pse ligji nuk e kap Sadriun sidomos këto ditë. Janë zgjedhjet në Dibër. Sadriut i është kërkuar të hidhet në sulm e të blejë sa më shumë vota, dhe në këmbim i lejohet të ndërtojë pa leje dhe kundër ligjit, si dhe favore të tjera për të cilat do të denoncojmë nesër.

Kjo padrejtësi duhet të marrë fund. Banda e Edi Ramës duhet shkulur me cdo cmim.

Dhe kjo do ndodhë shumë shpejt. ‪‎

Shqipëria më mirë pa Edi Ramën.

Deklaratë e zëdhënëses Ina Zhupa, 21 gusht 2016