Blog

Zoti kryetar i Kuvendit,

kolege dhe kolegë deputetë

Caktimi i nje seancë të jashtëzakonshme vetëm 5 ditë para asaj të zakonshmes, është cinizmi më i madh që i bëhet shqiptarëve në udhëkryqin e tmershëm të krimit, korrupsionit, drogës që mbulon vendin dhe varferisë së njerëzve të thjeshtë. Çdo njeri racional e kupton se asgjë e jashtëzakonshme  nuk ndodh në këto 5 ditë përveç nevojës së qeverisë për një alibi propagandistike për të dalë nga gjendja ku ndodhet vendi sot.

Çdo mëngjes shqiptarët e thjeshtë po e nisin me tablonë më të tmershme që ka pasur ky vend. Krimi dhe siguria publike janë  makth, banditë që vjedhin bankat, por nuk kapen, vjedhin shtëpitë, vrasje, krime, varfëri, korrupsion pa fund, drogë, drogë, drogë në çdo fshat, në çdo cep të vendit, platancione që ruhen me arme si në Kolumbi, baronët e drogës që shfrytëzojnë varfërinë dhe të pamundurit por dhe pushtetin për ta ndihmuar në industrinë e krimit: E për të përmbyllur tablonë, njerëz, trafikantë të drogës, të ulur nga administratë e deri në parlament qe iu zgjerdhihen të varfërve e të pamundurve dhe u thonë se ka një alibi për varferinë, papunësinë, drogën, armët, është drejtesia që në aktoret e tablosë më therëse do e spastrojmë e do e nënshtrojmë.

Që ka gjyqtarë e prokurorë të korruptuar, më të keq nganjëherë edhe se banditët,  as që diskutohet, dhe padyshim që ata janë fajtorë për moscuarjen para përgjegjësisë dhe ndërshkimin e gjithë atyre që vjedhin, trafikojnë, ndihmojnë trafikantet dhe rrjepin të pamundurit, por nuk janë alibi për dështimin e plotë me këto 3 vjet të Edi Rames. Nuk është drejtesia alibia e dështimit të Ramës. Nuk është drejtësia për dështimin e Ramës në Dibër, se Shukriun ua solli Rama dibranëve, nuk është drejtësia alibia e Ramës në Dibër, që të dënuarit për trafiqe janë në krye të fushatës për të bërë aleancën me krimin si mjet për të mbajtur pushtetin dhe për të fituar pushtet.

Nuk është drejtesia, alibia që në këto 3 vjet Rama nuk arriti të ndërtojë as një km rrugë, asnjë shkollë, asnjë spital, as edhe nje vend pune per te papunet por vec per trafikantet. Nuk ka dot alibi rama ne keto 3 vjet as per arsimin se nga Cania i Sarandes deri tek Luiza e Lushnjes, i vendosi Rama me doren e vet per te shembur arsimin dhe dhunuar e nperkember njerezit e thjeshte, votuesit, taksapaguesit, shqiptaret. Por ne keto 3 vjet ishin padyshim njerezit e botes se krimit, te denuar e liruar nga kjo drejtesi,  qe u pasuruan, jo fale gjyqtareve e prokuroreve, por fale nje njeriu me te cilin lidhen kontraten me fitimprurese per krimin ne gjithe Europen, por me vrastare per vendin: kontraten e krimit me politiken. Politika dhe krimi ne keto 3 vjet  u bene nje. Krimi morri poste, u ul vete ne parlament, merr dhe vendime per gjyqtaret e prokuroret. Krimi u ul ne administrate, u fut ne polici dhe promovoi miqte, shoket cunat e krimit qe mbjellin hashash ne do fshat, ne cdo cope toke te nje vendi qe i eshte gjunjezuar, ne baze te kontrates me krimin. Ju me ndihmoni ne opozite kur jam ne pushtet une ta shperblej.

Kjo eshte historia e deshtimit te ketij vendi, te parlamentit, te politikes dhe mbi te gjitha te qeverise. Kjo eshte tabloja me therese e kesaj nje republike, ku te gjithe pervec krimit ndjehen keq. Padyshim dhe ne te opozites ndjehemi keq, qe jo vetem nuk kemi ndermend te fshehim plehrat poshte tapetit, por dhe me fort duhet tit hemi qe shqiptaret mos genjehen nga nje makineria e propagandes  e mirepaguar nga gjaku dhe djersa e tyre se ka nje alibi per gjendjen dhe fajtor nuk eshte qeveria. Kane padyshim faj gjyqtaret e prokuroret e korruptuar te cilet u gjunjezuan te paret si cdo here duke i sherbyer qeverise me shpresen se dita e ndershkimit do ishta larg tyre. U gjunjezuan dhe liruan vrases, deputete e ish deputete, liruan trafikantet e ndodhur ne makina deputetesh, femije vrases te deputeteve,  trafikante te lidhur me politiken qe ikin nga syte kembet.

Keto jane te vertetat dhe e di se shumica e qytetareve te majte e te djathte por dhe deputete te majte ketu qe nuk u perfshine ne plackitjen e Rilindjes ne keto 3 vjet mendojne keshtu. Te tjeret po mendojne se medemek neve te  PD, po mbrojme gjyqtaret e prokuroret. Se medemek ju doni te largoni gjyqtaret e prokuroret e korruptuar dhe ne i mbrojme.

Ke te mbrojme ne nga 15 gjyqtaret e Gjykates se Larte? Ata 5  qe denuan Paloken se me demek fyeu Ramen, 5 te tjeret qe denuan Ristanin se medemek cenoi nderin e Rames se kishte lidhje me trafikantet, apo ata 5, qe falen Arben Ndoken qe qelloi 5 hapa me larg sy te gjitheve Gent Strazimirin? Ke mbrojme ne nga keta te 15??

Ke te mbrojme nga gjykatat e Apelit? Sherbetoret e Partise socialiste qe i dhane pronat Shullazit pa qene nje dite pronar, apo ata te gjykates  administrative qe jane zhndruar ne keto 3 vjet ne ushtare te bindur te qeverise, ku 80 % te vendimeve jane pro qeverise dhe kunder qytetareve. Statistika te tilla gjen vetem ne vende afrikane ku 80% e gjyqtareve i bejne temena qeverise. Ke te mbrojme gjyqtaret e prokuroret qe u zhndruan ne sherbetore te qeverise pas kercenimeve personale te Rames dhe futen ne burg 37.000 qytetare per aksionet imagjinare te Rames per energjine, ujin e ndertimet pa leje? Gjyqtaret e prokuroret qe burgosin te pamundurit qe nuk kane te paguajne energjine dhe lirojne trafikantet e droges te lidhur koke e kembe me qeverine ? Sa trafikante jane denuar nga ata qe mbjellin 90% te Shqiperise me hashash?

Asnjerin nga keta soje nuk mbrojme ne.  Por ne jemi opozite e vendit dhe si cdo opozite,  ne e kemi per detyre ndaj zgjedhesve, ndaj qytetareve, republikes parlamentare qe ti themi ndal qeverise kur ajo kerkon te kape totalisht pushtetin gjyqesor, ta marre nen sqetull ta shantazhoje, e ta kape duke e vene prefund ne sherbim te njerezve te krimit qe ka ne parlament, ne qeveri, ne administrate.  Sepse ne e dime se armiku me i madh i drejtesise eshte kapja politike, venia e drejtesise ne sherbim te krimit te veshur me pushtet, venia ne sherbim te trafikanteve te ulur ne karigen e deputeve e qeveritareve, e korrupsionit.

Ndaj dhe beme ate qe ju nuk e bete asnje dite te vetme ne 8 vjet kur ishit ne opozite.  U perfshime kaq intesivisht nje vit me pare dhe jemi po aq aktive ne reformen ne drejtesi sepse e dinim se nese nuk do ishim ne, ju do e kishit bere reformen sic e kishit planin e Rilindjes, te kapur e nenshtruar ne sherbim te ministrave te korruptuar, trafikante te droges, krimit te lidhur me pushtetin.

Deshmi e plote e kesaj qe po them,  eshte drafti kushtetutes i nje viti me pare, qe i jepte drejtesine teresisht ne dore Edi Rames, i jepte te gjitha organet e reja qe krijoheshin, ti emeronte ai te gjitha, te kishte ai dore te lire  ne kontrollin e plote te drejtesise.

Ne e dinim se po mos hynin ne, vrulli i arrogances do te fshinte nga faqja e dheut cdo gjyqtar e prokuror te ndershem qe do  te qendronte ne kembe nje minute kunder qeverise dhe do refuzonte sherbimet ndaj saj. Ne e dinim se nese nuk do ishim angazhuar ne edhe parteneret nuk do mund te ndihmonin ne ndertimin e nje reforme per nje drejtesi solide, te pergjegjshme ta pavarur te paaneshme. E denim se nuk do ishim ne nje vit me pare, byroja e hetimit do ishte nen ministrin e brendeshem, se ministri i qeverise, kryeministri do te emeronin, hetonin e largonin vete gjyqtaret,  sepse omni prezenenca e Ministrit ishte barbari juridike dhe shembje e plote e standarteve europiane.

Ishim te vetedijshem per rolin e opozites, beme ate qe ju nuk e bete kurre ne 8 vjet dhe ndoqem jo rrugen e lehte te bojkotit sic benit ju, por rrugen e veshtire, punen per konsesusin.  U veteofruam per te qene bashke dhe per ti provuar shqiptareve se ju nga dita e pare e niset me djallezi dhe hile kete process dhe se qellimi i vetem i reformes, ishte kapja politike. Ndaj punuam duke bere mbi 300 rekomandime,  1000 faqe analiza e rekomandime drejtuar Venezias dhe nderkombetareve, me shume se 1000 emaile dhe shkembime mendimesh mes eksperteve tane dhe nderkombetare
mijera ore pune gjate ketij viti.

Angazhuam Komisionin e Venecias, sepse ishte aleati me i besueshem dhe kryesor larg qellimeve afashkurtra dhe mbrojtesi me racional dhe i qendrueshem i parimeve dhe standarteve europiane per nje drejtesi me gjyqtare e prokurore jo  si ata qe kemi sot, qe e peson vetem qytetaret e thjeshte dhe opozita dhe krimi iken ne drejtim te paditur. Por per per nje drejtesi te afte te pergjegjshme, llogaridhenese, ndershkuese ndaj krimit dhe korrupsionit, dhe  te pavarur nga qeveria e rradhes, te panenshtuar dhe pakontrolluar as nga Rama kryeminister,  as nga Basha kryeminister.

Ishte kjo pune e jashtezakonshme, por mbi te gjitha e sinqerte deri te cdo sekonde e opozites, eksperteve jashtezakonisht profesionale te saj, qe solli rrezimin e draftit  te Rilindjes plot 38 here nga Venezia, per te kerkuar futjen e reformes Kushtetutese ne shinat e standarteve Europiane, duke i hequr hilet e ulta te hartuara fshehtas qytetareve por edhe fshehtas ju deputeteve te majte e te djadhte.

Ne mengjesin e 22 korrikut reforma Kushtetuese u miratua me 140 vota. Opozita arriti te cmontonte kapjen politike qe ishte inskenuar. Eleminoi kapjen politike te KED, KLGJ, kapjen politike te KLP, te ILD,  te KKP (vetingut). Eleminoi kapjen politike te SPAK, vendosjen e Byrose nen hyqmin e Rames ne Ministrine e Brendshme. Por padyshim qe beri tolerime, ne favor te konsesusit, ne dem kompetencave presidenciale, te sigurise juridike per antaret e institucioneve, dhe per dhjetra ceshtje te tjera si ishte dhe neni idiot per detyrimin e Presidentit qe te zgjidhte brenda 5 diteve antaret e KED. Ky nen e te tjere u vendosen ne tekst nga PS vetem nga paranoja qe kishin ndaj Presidenti te Republikes dhe  asnje prej tyre nuk doli te kerkonte ndjese per kete paranoje te turpshme qe e futen implementimin e kushtetutes ne kolaps.

Ne te vertete, pavarsisht na pelqen apo jo ligji, ky nen apo ai nen i Kushtetutes, ato duhet te respektohen, duhet te zbatohen, pa asnje ekuiovok, zero, perfshi ketu nga qytetari i thjeshte, tek ne 140 deputetet qe e votuam ketu.

Dhe ky parim, zbatimi i perpikte i kushtetutes se 22 korrikut duhet te jete e vetmja linje qe duhet te ecet edhe per ligjet e paketes se reformes ne drejtesi. Edhe tek projektligji i vetingut qe kemi sot. Nuk ka patur asnje dileme, ne asnje sekonde PD per vetingun, per karantinen qe duhet te vendosen gjyqtaret e prokuroret e vendit per te larguar njehere e pergjithmone, gjyqtaret e prokuroret e paafte e te korruptuar.

E mbeshtetem ne parim qe para nje viti pa asnje ekuivok Vetingun dhe ndertimin e prokurorise special. E mbeshtetem me te gjitha votat opozites ne 22 korrik, vetingun bazuar ne rekomandimin e Venecias per nje process me standerta europiane qe mbante larg qeverine dhe pushtetin nga procesi.

Vetingu sipas Rilindjes nje vit me pare  ishte futja ne provim e gjithe gjyqtareve e prokuroreve me nje testim me goje, perfshi testin psiokologjik, te bere totalisht nga njerezit e Rilindjes dhe jo orange te pavarura, model ky teresisht socialist. Recidivist ne llojin e vet, pasi e kishin bere po te njejtet njerez te Rilindjes se sotme qe  ne vitin 2000 ku larguan gjyqtare dhe vendosen ne krye te gjykatave, nga shkalla e pare e Tiranes e deri tek e Larta, ministra, ish ministra, zevendesministra, deputetet i bene gjyqtare ne gjykate te larte, ministrin e bene kryetar te gjykates se larte, kryetarin e komisionit te ligjeve e bene kryetar te gjykates kushtetutese e keshtu me rradhe, ministra e zevendesministra antare te KLD. Por ama te gjithe keta Sali Berisha i respektoi ne mandate deri diten e fundit edhe pse nuk e meritonin nje minute me perjashtim te Ilir Pandes qe vertet qendroi i ekulibruar deri diten e fundit te mandatit.    Ky model i rilindjes qe gjendej ne rajon vetem tek si motra e saj Serbe qe e kishte zhvilluar testimin me goje kete 2 vjet me pare dhe kish deshtuar plotesisht.  Te njejtin model rilindja kish percaktuar edhe per njesite antikorupsion te cilat ne menyren me absurde te imagjinueshme do ishin nen ministrin e brendeshem. Ministri i brendeshem qe do hetonte ministrat e tjere. Paradoks total. Po aq paradoksal  ishte dhe propozimi i nje  modeli qe paraqiti Ukraina ne Venecia me nje parashikim iluminist qe te shkarkonte gjithe gjyqtaret e prokuroret e ti emeronte nga e para. Propozim qe morri pergjigjien e merituar nga Komisioni i Venecia.

Zonja deputete,

Zoterinj deputete,

Padyshim qe Vetingu, karantina per gjyqtaret e prokuroret ashtu sic eshte pershkruar ne Kushtetuten e 22 korrikut pas rrezimit ne 38 here te drafteve te qeverise eshte nje mase e rendesishme per te vendosur besimin e qytetareve tek gjyqtaret e prokuroret.

Ne kemi mbeshtetur hapur  qendrimin e Komisionit te Venezias se Vetingu eshte  Nje proces jo i zakonshem, i rralle por i nevojshem per te larguar gjyqtaret e prokuroret e korruptuar te paafte dhe te kapur politikisht e te nenshtruar dhe per ti ndare ata nga gjyqtaret e prokuroret e ndershem, te pavarur dhe jo sherbetore politike te qeverise. Por ne kete  process thote Venecia ka nje rrezik potencial qe krijon rrezikun e kapjes se gjyqesorit nga forca politike qe ka pushtetin (paragrafi 97-128 i Venecias).Ndaj Venecia kerkoi 2 kushte: pavarsi te instituioneve te reja qe do bejne vetingun, standrte europiane gjate spastrimit te drejtesise.  Ky process i perkoheshem  do te perfshinte tre kompomente

1. kontrolli i pasurise
2. kontrolli i figures
3. kontrolli i aftesive profesionale.

Do te behej instituione krejtesisht te reja, qe do kryenin perkohesisht kete process dhe do te kishin pushtetin eksluziv per te kaluar ne karantine gjithe gjytaret e prokuroret e vendit dhe te ndanin njehere e mire shapin nga sheqeri, llumin nga te pastrit e te ndershmit, te pavarurit nga te nenshtruarit politik. 

Ky ishte konsesusi i 22 korrikut per Vetingun ne Kushtetute sipas nenit 179 te saj. Vetingun  duhet ta bejne eksluzivisht organet e reja, organet e reja teresisht te pavarura nga Rama, Basha apo Meta, Procis te behej Brenda standarteve europiane te Konvetes Europiane.

Por ku jemi sot? Ligji i sotem vjen ketu pa konsesusin e opozites. Ai eshte ne shkelje totale te Kushtetutes se 22 Korrikut

E kthen permbys Kushtetuten duke e kthyer procesin e vetingut teresisht ne favor te nje mazhorance politike. Dhunon standartet europiane dhe Konveten dhe si  i tille ose duhet te ndryshohet sipas amendamenteve te opozites.

Po perse ky draft bie ne kundershtim me kushtetuten e re

1 – Se pari, Vetingun duhet ta kryejne Komisioni i vetingut  qe do krijohet sipas Kushetutes, por antaret e Komisionit te Vetingut, nje komision i konceptuar si pavarur qe do kete pushtetin per te larguar gjyqtaret e prokuroret e korruptuar e te paafte,  sipas nenit 24 te ketij ligji do te jene nen monitorimin  e plote te kujt thoni ju? Te Edi Rames. Antaret e komisionit do ti monitoroje i Drejtori i DPPP qe eshte nje Alket Hyseni,  kryetar i komisionit te garancive statutore ne PS. Kaq me mjafton. Tani si mendoni ju, eshte ne perputhje me kushtetuten qe sekretari i partise te kontrolloje antaret e komisionit te Vetingut qe do pastroje gjyqtaret dhe qe ky komision te jete i pavarur pastaj?? Po as i PD nuk mund te jete neser, se kjo eshte barbari, eshte paradoks. Kete e kupton edhe vajza ime 10 vjec, nuk ka nevoje fare per super eksperte, qe te na mbushin mendjen, le pastaj edhe klithmat e Kryeministrit se medemek ekspertet europiane ngulin kembe qe ky Alket Hyseni duhet te kontrolloje antaret e Vetingut, dhe mqse ne qenkemi kunder kontrollit te tyre nga nje sekretar Partie, ne te PD qenkemi kunder BE dhe SHBA. Po ka njeri me mend qe e pranon kete?  Kjo e ka te shkruar ne balle. Fare duhet te beje opozita? Ti thote aferim kryeministrit qe kerkon te kontrolloje teresisht komisionin e vetingut? Askush nuk duhet ta shkoje nepermend qe opozita ketu apo gjetke, opozita e sotme apo e neserme ti thote po nje percaktimi te tille.

se dyti, ne kishim rrene dakord ne 22 korrik se vetingun, kontrollin e pasurise, kontrolin e njohurive dhe kontrolline figures per gjyqtaret do ta benin eksluzivisht komisioni i vetingut. Kete thote neni 179 e vijues i Kushetutes. Kurse p/ligji i njeanshem qe keni sjelle vendos rol aktiv dhe përcaktues organe të kontrolluara apo nën varësinë e pushtetit ekzekutiv (ILDKPKI dhe DSIK), qe padyshim pasjell kontroll tërësor të Qeverisë në të gjithë komponentët e procesit të rivlerësimit duke lene jashtë cdo kontrolli apo drejtimi nga organet e vettingut. Ky fakt, bie ndesh me pikën 5, të nenit 179/b, ku specifikohet se rivlerësimi kryhet nga KPK. Gjithashtu, kjo bie ndesh me pikat 3 dhe 4 të Nenit Ç të Aneksit të Kushtetutës.

Se treti dhe me paradoksi sigurisht eshte kontrolli i figures se gjyqtareve e  prokuroreve ne kreu V.   Per te gjithe qytetaret por dhe per ju kolege qe nuk e keni lexuar ndoshta, gjyqtaret largohen nga detyra automatikisht, pavarsisht nese jane ose jo te pasur, jane ose profesioniste, jane ose jo te korruptuar apo te ndershem, te gjitha keto nuk kane rendesi, mjafton qe te ekzistoje nje foto e nje gjyqtari apo prokurori me nje person qe ka qene i denuar, gjyqtari apo prokurori iken nga detyra. Mjafton qe sipas nenit 34 te kete nje deshmimtar qe te thote se ka pare ne filan local nje gjyqtar apo nje prokuror me nje person qe eshte denuar, eshte i padenuar por i eshte ngritur akuze etj, vetem me kete deshmi gjyqtari e prokurori nga gjykata kushetutese e deri tek gjykata e shkalles se pare e nderpret karieren. Dhe me paradoksi eshte se kete nuk e ben komisioni i vetingut qe supozohet te jete i pavarur sipas kushetutes, por kete ben nje grup pune me  antare:

Drejtori i  SHPCB e ministrit te brendeshem, drejtori i Edi Rames per informacionin e klasifikuar te dy emerime politike, njerez te lidhur koke e kembe me partine socialiste.  Keta ddrejtore te Edi Rames dhe Saimir Tahirit sipas nenit .. do  mblidhen dhe do thone se gjyqtari x apo y duhet te ike nga detyra jo se eshte i korruptuar apo i paafte por se keta, drejtoret e Edi Rames medemek paskan foto dhe deshmimtare  se i paskan pare me njerez te papreshtatshem dhe duhet te largohen se ky medemek eshte standard europian.

Ky kapitull qe vendos gjyqtaret e prokuroret nga me i thjeshti deri tek gjykata kushtetutese e prokurori i pergjithshem nen vleresimin e drejtoreve te krysministrit dhe ministrit te brendeshem eshte barbari juridike, antikushtutese pasi bie ndesh me nenet 179 e vijues dhe  dhunon standertet eurpiane per nje gjykim te drejte e te provuar ne procesin e vetingut. Ky process i largimit te gjyqtareve e prokuroreve bazuar ne foto e deshmi te mbledhura nga drejtoret e Saimir Tahirit dhe Edi Rames eshte skandaloz, i paparnueshem, eshte selektiv dhe absurd. Ky jo vetem qe nuk eshte standart europian si thote Venecia dhe te pakten 8 here ne keto 10 vjet Gjykata e Strasburgut per largimin e gjyqtareve, por eshte sa qesharak aq edhe meskin per ne qe kerkohet ta miratojme.

Po ja ku jemi ne ketu. Na fotografoni, keni fotografi me te mire? Ne bashke me te denuarit per trafik nderkombetar droge, ne bashke me denuarit per trafik prostitucioni, grabitje. Merni fotot tani jut e mediat dhe 3 milion shqiptare qe na degjoni dhe nese eshte standart per ju,  na largoni te gjitheve, edhe ata qe jane trafikante dhe ne qe rrime me trafikante, beni vetingun e ketij lloji fare thjeshte duke u nisur nga fotot e kryeministrit me trafikantet qe i beri kryetar bashkie dhe deputete qe i solli ketu. Te shpetoje parlamenti njehere nga ky veting pastaj nese ky eshte standart europian ta bejme edhe per gjyqtaret e prokuroret. Nese nje leter apo fotografi  e nje drejtori te ministrit te brendeshem  qe prokuroi apo gjyqtari jane pare ne nje kafe me nje ish te denuar, mjafton, qe te ikin nga detyra, atehere te ikim e shporemi ne te paret nga kjo salle sepse deshmimtare kemi 3 milion shqiptare se si ne rrime ne trafikante ketu ne zemer te parlamentit dhe kemi kryetare bashkie trafikante.

Ky eshte standarti i dyfishte qe perdor kryeministri edhe tek ky projektligj dhe nuk ka ekspert qe te thote se gjyqtari apo prokurori duhet te largohen nga detyra me letra, foto apo deshmi te mbledhura nga drejtori i Edi Rames dhe Saimir Tahirit. Nuk ka ekspert qe te thote se gjyqtaret e krimeve te renda, prokuroet e krimve te renda, prokurorin e pergjithshem dhe antaret e gjykates Kushtetutese ne nje republike paralamentare duhet te kontrolloje drejtori i ministrit te brendeshem kushdo qofte ai sot apo neser, apo drejtori i kryeministrit, sot apo neser. Dhe le pastaj kur degjon dhe Edi Ramen qe thote se medemek meqenese ne opozita qenkemi kunder kontrollit te gjyqtareve dhe prokuroreve nga drejtori i ministrit te brendeshem dhe drejtori personal i Edi Rames, ne qenkemi kunder BE dhe kunder ShBA se medemek BE dhe SHBA ngulkan kembe se kontrollin e gjyqtareve e prokuroreve duhet doemos ta bejne  vetem drejtoret e Saimir Tahirit dhe Edi Rames.

Po cfare kujton ju  se opozita do i beje aferim Kryeministrit?

Le te dale ketu e te na thote kushdo se  qenka standart euoprian qe drejtoret e ministrit te brendshem dhe kryeministrit te kontrollojne gjyqtaret e prokuroret. Dhe se keshtu paskan dash edhe qytetaret reformen. Jo absolutisht. Qytetaret kane kerkuar qe te largohen gjyqtaret dhe prokuroret e korruptuar dhe te paafte qe nuk e justifikojne pasurine e tyre. Kete process qytetaret duan ta bejne shpejt por duhet ta bejne jo organet qe jane sot e gjithe diten dhe kane deshtuar, nuk duan ta bejne as Edi Rama sot e as Lulzim Basha neser kryeminister, por duhet ta bejne organe te pavarura nga politika dhe qeveria para se gjithash. Kete percakton qarte Kushetutea ne neniet 179 dhe anekset e saj, dhe cdo devvijim de e bente antikushtetues ligji. Do e bente ligjin te pavlere, nul dhe do te deshtonte reformen ne drejtesi, ne te njejten menyre, ne te njejten forme sic deshtoi Byroja KOmbetare e Hetimit qe do ndershkonte gjyqtare prokurore dhe politikane te korruptuar. E mbani mend propaganden 1 vit me pare.  Cfare nuk do bente Byroja, por Rama e donte nen vehte, nen ministrin e brendeshem qe i te hetonte korrupsionin e qeverise se tij. Paradoks total, qe deshtoi edhe pse u be me arrogance njelloj sic behet sot, me injorim te plote te konsesusit dhe standarteve europiane, njelloj si po behet sot, me qellim per ta patur nen vehte gjithe procesin, njelloj sic behet dhe sot. Dhe ja ku jemi pas nje viti sot, BKH qe do hetonte te paprekshmit qe e donin shqiptaret, nuk deshtoi se e kishte fajin populli por se keshtu e donte Edi Rama.

Zonja deputete

Zoterinj deputete

Qytetare shqiptare

Opozita e ka dhene voten e saj 100% ne 22 korrik per procesin me te thelle kushtetutes dhe sipas standarteve europiane per pastrimin radikal te drejtesise nga gjyqtaret dhe prokuroret e korruptuar, te paafte dhe te kapur politikisht, te njohur si veting.

Projektligji i sjelle sot nga qeveria eshte jashte cdo konsesusi, cdo standarti europian dhe bie dhunon kushtetuten e vendit.

Kryeministri kerkon qe pastrimin e drejtesise, kontrollin e gjyqtareve e prokuroreve ta beje ai me ministrat dhe drejtoret politike, dhe opozita e vendit, sic do opozite ne cdo vend demokratik nuk mund te pranoje kapjen politike te ketij procesi.

Ky projektligj dhunon hapur Kushtetuten e 22 korrikut dhe miratimi i tij ne menyre te njeanshme, pa konsesus rrezikon deshtimin e reformes, per te cilin fajtor njelloj se tek Byroja e Hetimit do te jete nje njeri Edi Rama.

Opozita nuk do e votoje nje projektligj pa konsesus qe dhunon Kushtetuten dhe standartet europiane. Opozita do ndjeke rruge ne mbrojtje te Kushtetutës se 22 korrikut per nje reforme ne drejtesi vetem dhe vetem sipas asaj Kushetute dhe bazuar ne standartet me te mira euroatlantike.

Ju faleminderit shume per vemendjen.

Fjala në Kuvend e nënkryetarit të Grupit Parlamentar të PD, Eduard Halimi, 30 Gusht 2016

Zoti kryetar,

është thirrur në mënyrë të jashtëzakonshme kjo konferencë kur, në vetëdijen e çdo shqiptari emergjencë e emergjencave është shndërrimi i vendit të tyre në kanabistan. Shndërri i i Shqipërisë në kanabistan, duke filluar nga zonat më të thella të Alpeve, më të rrezikshëm, më të dëmshëm në këto vite, kjo është piramida më e rrezikshme me të cilën përballet Shqipëria dhe shqiptarët.

(hyn Rama në sallë)

…U  ktheve zotërote! Urime për presidentin Ndoka ( Arben Ndoka). Doja të të uroja për Ndokën që e zgjodhe president (i Federatës së Mundjes), edhe për Ymer Lalën se e bërë këmishë, bodyguard. Dhe pregatitu t’i lëshosh vendin Ymer Lalës- Eshtë bërë pazari me ty, kot je ti, ta them unë që je kot sepse është bërë marrëveshja me Ymer Lalën. Sepse socialistëve të Dibrës, i nxirret për veshësh jashtë kandidati që shpallet dhe emërohet kandidati i Ymerit. Këto janë probleme të brendshme tuajat. Ti këto veprime i bën siç i ke thënë një ambasadori, dhe jo vetëm një ambasadori në fakt, se këta në Veri janë kriminelë, këto pra i bën duke u nisur nga hipoteza se dibranët janë kriminelë dhe duan Ymer Lalën, se  shkodranët janë kriminelë dhe duan Martin Cubin, se lezhjanët janë trafikantë dhe duan trafikantin Arben Ndoka, se laçianët janë kriminelë dhe duan kriminelë si Prenga por them që kjo është qëndrimi më i ulët e më racist, është urrejtja më e madhe krahinore që nga koha e Enver Hoxhës deri sot. Por nuk jemi mbledhur për këtë sepse kjo do të jetë çështje e një diskutimi më të gjërë. Sot jemi mbledhur për tjetër çështje.

Zoti kryetar,

opozita ka luftuar shumë për standartet, siç e keni parë dhe prap opozita është e vendosur për të luftuar për asgjë tjetër veçse për standarte. Dhe këtu po prishet pikërisht, në mënyrë të verbër, ai konsensusi që është sanksionuar në Kushtetutë. Po nëse ne vendosëm nene në Kushtetutë se si do të bëjmë vettingun, po si do ti thyejmë me ligj këto? Ju a doni të funksionojë reforma apo jo? Ne nuk po themi që të mos u përmbahemi ligjeve, ne po themi t’u përmbahemi amendamenteve, dhe amendamentet thonë se verifikimet i bën BKH, ndërsa ju tani na thoni se i bën sekretari organizativ i Edvin Ramës, në detyra të ndryshme. Po këta ishin, këta ishin deri tani dhe si ka penguar njëri të bëjnë detyrën, por ne në këtë reformë përcaktuam një mënyrë tjetër verifikimi dhe vettingu dhe për këtë ramë dakort dhe e votuam këtu. Tani ju pse e ndryshoni? Doni ta rrëzoni reformën? E rrëzoni shumë kollaj ne nuk tërhiqemi.

Kë bërë dy vjet përpjekje, dhe më vjen keq që të flas kështu, por t’i kemi thyer turinjtë siç e kemi dashur dhe prap do të t’i thyejmë turinjtë, ty, se i bën ti këto e jo të huajt. Kemi bërë dy vjet punë e ti rrëzojmë kështu? E kemi fiksuar në Kushtetutë që vettingun do e bëjë BKH. Hajdeni pra zotërinj që të bëjmë ligjin e BKH dhe të votojmë BKH dhe të bëjmë siç thotë reforma. Po tani vettingun doni ta bëni me sekretarin organizativ të Partisë Socialiste apo drejtorin e statutit të PS.

Ju bëheni qesharakë. Kjo as që kalon por dëmton reformën. Ka një ndërgjegje. Nuk jeni thyer nga ne ju, jeni thyer nga ato qeveri që kreu juaj ju thoshte se “i kam me vete”. Ai ju thoshte se i ka me vete dhe pas dy orësh merrte kartonin e kuq. Mos bëjmë pra gjëra qesharake. Kemi rënë dakort dhe e kemi sanksionuar në Kushtetutë hajdeni ti përmbahemi Kushtetutës. .

Eshtë e vërtetë që ka defekte edhe materiale dhe defekte të tjera, po hajde t’i korrigjojmë e përmirësojmë, është në detyrimin tonë që të bëjmë që reforma të ketë sukses. Nëse ne e votuam me ndërgjegje reformën, nëse ne ishim të binur se ky sistem do reformohet, hajdeni ti qëndrojmë parimeve pra por jo t’a rrëzojmë reformën. A nuk jeni ju që nxorrët atë zonjën t’i thotë Kolegjit Elektoral se “do ta shohësh me vettingun ti”? Shtrigash doni ta bëni vettingun? S’do ta bëni dot kurrë atë. Do thyeni qafën, do bllokoni reformën por këtë s’keni për ta bërë kurrë jo një të thotë por dhe njëqind të thonë. Se bën dot kush kurrë këtë. E provuat dy vjet rresht se si u thyet nen pas neni sepse donit të bënit pikërisht kët. Si bëtë dot në Kushtetutë dhe ktheheni tani ti bëni me ligj dhe organizoni gjahun e shtrigave. Në demokraci nuk ka gjah shtrigash. Në demokraci ka dinjitet njerëzor, nuk të lejon ai të bësh gjahun e shtrigave, ai të lejon të bësh vlerësime objektive, të lejon të qëndrosh mbi bazën e konventës euroipiane të të drejtave të njeriut, të lejon të rrisësh performancën. Ne bëmë Kushtetutën e drejtësisë, e votuam me qëllimin më të mirë, tani ju doni të rrëzoni atë që votuam? Ju jeni qesharakë. Ndaj zoti kryetar mendoj që kjo seancë ti kushtohet kanabisit. Të ulet komisioni, i cili është i detyruar të gjejë aplikimin e amendamenteve kushtetuese, zbërthimin e tyre. Por nëse kemi thënë se me vettingun do merret BKH, do merren vetorët, s’mund t’ja delegojmë me ligj tjetër kujt. Hajde të bëjmë ligjin.

Unë  e kuptoj se ke hall të bësh president Arben Ndokën dhe deputet Ymer Lalën por ne këtu kemi hall për reformën. Të jesh i bindur se nuk do marrësh asnjë votë nga Veriu me këto që bën, dhe ta dish mirë se ky është shtatori i fundit i yti në pushtet, ky është shtatori i fundit i Edi Ramës në pushtet!

Fjala ne Kuvend e ish kryeministrit Sali Berisha, 30 Gusht 2016

Kemi këtu një mashtrim klasik të Edi Ramës.

Ja fatura që dërgon ai për qytetarët para zgjedhjeve.

Kemi një faturë për një familje në Dibër në fund të majit të 2015, pra pak para zgjedhjeve të qershorit.

Thotë se detyrimi për vitet 2007-2015 është zero lekë.

Mbaruan zgjedhjet, nxjerr kokën Edi Rama.

Ja fatura e fundit të qershorit.

E njëjta periudhë që para zgjedhjeve faturohej me zero lekë, i vjen pas një muaji familjes së varfër dibrane, me 1 milionë e 580 mijë lekë.

Këto lloj faturash kanë qenë masive.

Ky është mashtrimi tipik i Edi Ramës para zgjedhjeve, një prej përpjekjeve të tij për të kapur votat.

Prandaj ka dërguar në Dibër Damianin, njeriun e faturave të larta të energjisë, të faturave abuzive, njeriun e burgut dhe errësirës për të varfërit.

Me mashtrime, me kërcënime, me milionat e Sadriut, me çdo formë Edi Rama po tenton të kapë votën në Dibër.

Po dibranët kanë një shprehje; ma hodhe një herë të daltë njani sy, ma hodhe herën e dytë, u bafsha qorr.

Dibranët dhe shqiptarët nuk mund të mashtrohen dy herë.

Vota e 11 shtatorit ka për të zbrapsur damianët e gjithë marifetet e Ramës.

Dibra, e para do të nisë një ditë të re pa mashtrimet e pa krimet e qeverisë.

Dibra më mirë pa Edi Ramën.

Shqipëria më mirë pa Edi Ramën.

Deklaratë e deputetes Dhurata Çupi, 30 gusht 2016

Banorët: Na kanë lënë me muaj në errësirë, sot na thonë na jepni votën t’u lidhim dritat

Kandidati për kryebashkiak të Dibrës Sherefedin Shehu u takua me banorë të fshatrave Rreth-Kale,  Vajmëdhej dhe Reç. Infrastruktura rrugore dhe bujqësore si  dhe furnizimi me ujë  janë problemet parësore të banorëve. Zoti Shehu theksoi se ndërmarrjet e Bashkisë, ajo e Mirëmbajtjes, Ujësjellësi dhe Bordi i Kullimit do të vihen në punë 24 orë për t’u shërbyer banorëve, në përmirësimin e infrastrukturës, ujësjellësin dhe riparimin e pastrimin e  kanaleve vaditëse

“Në postin e kryebashkiakut që në ditën e parë do të punoj për lidhjen e ujësjellësit nga lagjja Sheh i Sipërm me Sopanitin. Do të vazhdojmë zgjatimin e kanaleve vaditës, riparimin dhe pastrimin e tyre.

Këtë do ta bëj me bordin e kullimit që i është transferuar Bashkisë. Dhe e kam unë të drejtën për të marrë vendimin se ku do t’i përdor ato njerëz dhe ku do t’i përdor ato para.

Infrastruktura për mua do të ndahet në dy kategori. Infrastruktura e fshatrave që sot nuk ju sheh kush me sy kur bashkia ka një ndërmarrje të mirëmbajtjes së rrugëve. Ata njerëz do të marrin rrogat për të punuar për ju. Por ka edhe projekte të mëdhaja dhe ato janë projektet e zhvillimit. Unë do të bashkëpunoj me institucione ndërkombëtare për ti realizuar,” -theksoi zoti Shehu.

Kandidati për kryebashkiak Sherefedin Shehu u njoh dhe me shqetësimin e banorëve për furnizimin me energji. Banorët u ankuan se dhe pse ua kanë ndërprerë energjinë, pasi s’kanë mundësi ta paguajnë, faturat vazhdojnë t’u vijnë. Ata treguan se së fundmi punonjësit e OSHEE –së u kanë premtuar lidhje të energjisë në këmbim të votës, por u shprehën të bindur se pas zgjedhjeve do t’ua presin sërish.

Sherefedin Shehu: Tre muaj ja kanë prerë dritat por i vinte fatura edhe pse i kishin prerë.

Banor: Po dhe mua mi kanë prerë e tani thonë më jep votën, të japi dritat. Këto metoda përdorin.

Banor:  Na koritën (turpëruan) vendin, tokën dhe njerëzit në vorre (varre). Duke e njohur njeri pa familje, pa edukatë, pa moral, hajdut, jepëm votën, çfarë kërkon populli më?! Duhen larguar një orë e më parë.

Zoti Shehu theksoi se në Bashkinë e Dibrës nuk do të ketë më asnjë familje që do të rrijë në errësirë se s’paguan dot energjinë. Bashkia do të vërë në dispozicion një fond të posaçëm për familjet në pamundësi ekonomike për t’u paguar faturën e energjisë që fëmijët të kenë mundësi të mësojnë në dritë.

Njoftim për media i Partisë Demokratike, 30 gusht 2016

Kandidati për kryebashkiak i Dibrës, Sherefedin Shehu i shoqëruar nga deputetët Arben Imami dhe Gent Strazimiri u takua me banorë të Lurës.  Ndërtimi i infrastrukturës rrugore dhe zhvillimi i turizmit janë prioritetet e shpalosura nga zoti Shehu. Që vitin e parë, theksoi zoti Shehu do të nis rehabilitimi i infrastrukturës rrugore dhe investimet për furnizimin me ujë të pijshëm ndërsa në planin afatgjatë zhvillimi do të bëhet i planifikuar dhe për këtë do të hartohet plani i zhvillimit urban, theksoi Sherefedin Shehu.

Sherefedin Shehu: Që të vijnë investitorët këtu në radhë të parë duhet rruga. Rruga  që vjen nga Rrësheni dhe rruga nga Përlati, ju garantoj që do të fillojë brenda vitit. Dhe ju garantoj që vitin tjetër  deri në hyrje të urës së Lushës, siç i themi ne, do të fillojë asfaltimi dhe gradualisht edhe në krahun e Dibrës do të fillojë lidhja me asfaltin. Do të ketë një plan të zhvillimit urban.

Lura si një nga zonat më të bukura të Shqipërisë ka potenciale të mëdha për zhvillimin e turizmit. Krahas infrastrukturës zoti Shehu theksoi se ka nisur diskutimet me institucione ndërkombëtare për të investuar në shtëpitë karakteristike të Lurës për t’i kthyer në destinacione mikpritëse për turistët.

Sherefedin Shehu: Lura ka edhe traditën familjare, kështu që këto kulla meritojnë që të jenë mikpritëse. Unë kam vënë kontaktet që tani me Agjencinë Gjermane për Zhvillim, ajo ka një program për turizmin familjar që ka filluar nga zona e Korabit, do ta sjellim edhe këtu në Lurë.

Turizmi theksoi zoti Shehu është një mundësi e mirë për zhvillimin e zonës dhe punësimin.

Njoftim per shtyp i Partise Demokratike, 29 Gusht 2016

Partia Demokratike organizoi sot një aksion qytetar para Bashkisë së Tiranës, për të kërkuar drejtësi për Arditin, 17 vjecarin që vdiq me 6 gusht në Landfillin e Sharrës.

Mesazhi i këtij aksioni ka të bëjë me përgjegjësinë që ka drejtpërdrejt Erion Veliaj në këtë histori krimi dhe korrupsioni dhe përpjekjet që ai po bën për ta mbyllur cështjen.

Kësaj proteste iu bashkuan shumë të rinj, qytetarë të Tiranës dhe familjarët e Arditit.

 “Unë dua drejtësinë e vëllait tim. Edhe unë kam qënë në landfillin e Sharrës. Kam punuar dy muaj atje. Në Landfill punohej pa siguracion, pa veshje, pa maska dhe pa asgjë mbrojtëse. Unë dua drejtësinë e vëllait tim sepse e kanë masarkuar dhe pastaj e fshehën për të mos treguar”, u shpreh Ardinan Gjoklaj, vëllai i Arditit.

“Mora vesh nga media që para Bashkisë së Tiranës do ishte ky tubim i madh. Kam ardhur ti bëj një thirrje qytetarit të parë të Tiranës si familjar, edhe si shqiptar. Të mos mundohet askush që të përgënjehstrojë këtë rast që na ka ndodhur, ne me 5 vrasje në familje. Mirë që na kanë vrarë djalin, por edhe kanë mbuluar krimin. I kërkoj atij që të përdorë levat shpirtërore, shoqërore, njerëzore, edhe ligjore dhe të zbardhin çështjen, dhe të mos mohohet ngjarja. Çdo gjë e Arditit ndodhet në landfill edhe sot. Fatkeqësia ka qënë e jona dhe i kam kërkuar Erion Veliajt përmes medias dhe i them prapë, të vijë në familje siç më kanë ardhur mijëra shqiptarë nga çdo anë dhe më kanë thënë: të rroni vetë, dhe këtë ta thotë edhe kryetari i familjes së madhe të Tiranës, por jo të spekulojë që jo ka qënë dhe jo ska qënë Arditit në punë se unë kam lëvizur me përgjegjësin dhe drejtorin e ndërmarrjes duke e kërkuar. Kjo gjë na rëndon shumë. Eshtë gjynah se ishte 17 vjeçar, duke punuar për të blerë libra”, tha Vuksan Gjoklaj, xhaxhai i Arditit.

“Sot jemi mbledhur këtu për Arditin dhe ai përfaqëson të gjithë ata që ndihmojnë familjen dhe punojnë për bukën e gojës. Si këshilltare e Partisë Demokratike ne do të bëjmë detyrën tonë. Lufta jonë nuk do ndalet derisa familja e Arditit që u zhyt në kthetrat e vdekjes të mos jetojë në kthetrat e varfërisë. Ne do të kërkojmë që të mundësohet strehimi i familjes së Arditit dhe që vëllait të tij ti mundësohet një bursë. Bashkia e Tiranës është përgjegjëse për këtë që ka ndodhur”, deklaroi Klodiana Shalla, këshilltare e PD në Bashkinë e Tiranës.

“Historia e kryebashkiakut që qesh është në fakt historia e një vampiri. Një vampir i cili do të përpijë dhe të thihë gjakun e çdo qytetari të Tiranës për të krijuar parajsën e vetë financiare. Jemi në një rast tragjik. Me një kauzë që nuk është më vetëm e familjarëve por edhe e qytetarëve. Kauza e Arditit është kauza e gjithë shoqërisë shqiptare. Kauza e Arditit është një kauzë që tregon nëse drejtësia në këtë vend do të jetë për të bërë drejtësi, që të ketë drejtësi edhe për të dobtin. Që ligji të funksionojë edhe ndaj më të fortit, kryetarit të Bashkisë, kryetarit të Edi Ramës në PS-në së Peqinit, që mbrohet prej tij.

Ka tentativa për ta mbuluar ngjarjen, pavarësisht dëshmisë së familjarëve për makabritetin e këtij akti, tentativa nga kryebashkiaku i Tiranës, i cili është pronar i drejtpërdrejtë dhe përgjegjës i drejtpërdrejtë për atë paligjshmëri atje, duke nisur nga mosvendosja e administratorit. Nuk e ka vendosur siç e parashikon ligji ose e ka hequr pasi ka ndodhur ky krim makabër. Dhe Ardiani e tregon me dëshminë e vet që ka punuar bashkë më vëllain, që i kanë trajtuar si kafshë, duke u thirrur me lista emërore pa asnjë kusht teknik, pa siguracione. Pa zbatuar Kodin e Punës siç e ka detyrimin kryebashkiaku edhe si administrator, si pronari dhe si dhe thirrësi që ka kërkuar që këta qytetarë të punojnë në landfillin e tij personal.

Mediat kanë nxjerrë dëshmi tronditëse. Kanë pyetur qytetarë të ndryshëm dhe kanë gjetur edhe fëmijë 10 vjeçarë të cilët detyrohen të punojnë në punë të zezë në këtë landfill. Dëshmi që flasin se si shfrytëzohen këta në mënyrë të pashpirt nga Erion Veliaj dhe nga pronari i kompanisë që është i mbrojturi i Edi Ramës, kryetar i PS-së në Peqin. Punojnë 18 orë në ditë si Ardiani 18 vjeç dhe Arditi 17 vjeç, dhe nëse bëjnë 1 minutë pushim i keqtrajtojnë. Kapin shiringa me dorë, qelqe, pa masa mbrojtëse, ndërkohë që ky biznes i Erjon Veliajt nxjerr 50 milionë lekë në ditë. Nuk mjafton me kaq, sepse pavarësisht se ndodhi ky krim shtetëror, ky makabritet për qytetarët, kryebashkiaku Veliaj tenton të manipulojë dhe censurojë mediat, tenton që lajmin për vrasjen ta mbyllë e ta fshehë, ashtu siç bën tentative me Edi Ramën, presione mbi prokurorisë dhe institucionet që të mos e hetojnë këtë ngjarje sepse përgjegjësi i drejtpërdrejtë për këtë akt korruptiv dhe kriminal është Erion Veliaj. Partia Demokratike është në mbështetje të familjarëve të Arditit, të kësaj kauze, dhe ne nuk do të gjejmë qetësi derisa Arditi të marrë drejtësinë e merituar”, u shpreh Ervin Salianji, Sekretar për Aksionin Qytetar në PD.

Njoftim per Shtyp i Partise Demokratike, 29 Gusht 2016

Ka një angazhim total të institucioneve, ministrive e bashkive të Edi Ramës për të dhënë miliona për Sadriun. 12 miliardë lekë ka marrë për një vit, një shumë që do të mjaftonte si pagesë papunësie për 15 mijë familje në Dibër.

Ja disa nga dorovitjet, për një vit;

OSHE, 940 milionë lekë për Sadriun

Ministria e Mirëqënies, 440 milionë lekë

Drejtoria e rrugëve, 562 milionë lekë

Bashkia Kavajë, 1 miliardë e 390 milionë lekë

Bashkia Patos, 120 milionë lekë

Bashkia Peqin, 180 milionë lekë

Bashkia Pukë, 230 milionë lekë

Bashkia Librazhd, 84 milionë lekë

Bashkia Librazhd, 480 milionë lekë

Bashkia Tiranë, 1 miliardë e 840 milionë lekë

Bashkia Dibër, 870 milionë lekë

Bashkia Dibër sërish, 1 miliardë e 720 milionë lekë

Sërish Bashkia Dibër, 780 milionë lekë

Në të gjitha rastet, oligarku i Ramës paraqitet me ofertën më të lartë. Merr gjithë fondin e vënë në dispozicion. Nuk ka garë, kushdo që paraqitet përballë tij skualifikohet. Shumë prej tyre Sadriu i kap si operator i vetëm.

Vetëm në Dibër për një vit Sadriu ka marrë 3 miliardë lekë, pra ka marrë të gjithë buxhetin e Bashkisë.

Merr paratë e dibranëve, dhe shkon sot atje për tu marrë dhe votën, për ta blerë atë ku të mundet sepse ai është i përbuzur nga cdo dibran.

Kjo është fatura e korrupsionit e Edi Ramës me Sadriun e tij vetëm për një vit.

Se kjo është skema e tij; pasuritë dhe paratë e shqiptarëve për vete, ndërsa për popullin, burgun, varfërinë dhe emigracionin.

Ky sundim oligarkësh do të bjerë shumë shpejt. Dibra do të clirohet e para me 11 shtator, e më pas gjithë vendi.

Shqipëria do të jetë më mirë pa hajdutët e Ramës.

Shqipëria do të jetë më mirë pa Edi Ramën.

Deklarata për Mediat e zëdhënëses Ina Zhupa, 28 Gusht 2016

Faktet e zbuluara e nxjerrin Erion Veliajn drejtpërdrejt përgjegjës për vdekjen e Arditit në landfillin e sharrës.

Një landfill i kthyer në një ferr paligjshmërie dhe njëkohësisht në parajsë financiare për Veliajn.

Erion Veliaj garantoi punë të sigurtë e brenda legjislacionit, dhe u bëri thirrje publike qytetarëve të paraqiteshin në landfillin e tij.

Doli se aty u shfrytëzuan edhe fëmijë 10 vjec, u shfrytëzuan dhe shfrytëzohen burra e gra e të rinj, me tre turne, të pasiguruar e pa asnjë kusht teknik, ndërkohë që Veliaj dhe partneri i tij në arrati, kryetari socialist i Peqinit që mbrohet nga Edi Rama, fitojnë deri në 50 milionë lekë në ditë.

Sipas akteve që ka kaluar në Këshill Bashkiak, në aferën e tij për mbetjet në Tiranë, Veliaj vetë është i ngarkuar të caktojë administratorin e impiantit të Sharrës, pra ishte ai përgjegjës për sigurinë në punë, për zbatimin e normave të Kodit të Punës.

I kapur në këtë krim, e në këtë aferë korruptive, Erion Veliaj po bën gjithcka për të mbyllur cështjen, dhe po mbyll edhe gojën e disa mediave, dhe televizioneve kombëtare në vend.

Po ushtron cdo presion të mundshëm për të mos lejuar hetim.

Cdo qytetar pyet sot me të drejtë, përse Erion Veliaj nuk merret në ndjekje penale?

Përse ligji nuk funksionion në këtë rast mbi kryebashkiakun e Edi Ramës?

Përse paska imunitet Erion Veliaj kur kapet në krim e në korrupsion?

Kjo është një padrejtësi e madhe që nuk ka të bëjë vetëm me Arditin e familjarët e tij, por që prek cdo qytetar.

Partia Demokratike është e vendosur të kërkojë deri në fund drejtësi, hetim të plotë e zbardhje të ngjarjes.

Nesër ne do të nisim një aksion qytetar, për të ngritur zërin, për të mos lejuar Erion Veliajn që të mbyllë këtë krim të rëndë.

Cdo qytetar i Tiranës që është me ligjin, që është për barazi para ligjit, që kërkon hetim dhe drejtësi për humbjen e një jete të pafajshme, për faj dhe përgjegjësi të Erion Veliajt e korrupsionit të tij, është i ftuar të bëhet pjesë e këtij aksioni.

Për Arditin, për drejtësinë, për ligjin.

Deklarata për mediat e Sekretarit për Aksionin Qytetar, Ervin Salianji, 28 Gusht 2016

Kryetari i Partisë Demokratike, Lulzim Basha dhe kandidati për kryebashkiak të Dibrës, Sherefedin Shehu u takuan me banorë të fshatit Brezhdan. Banorët i bënë të ditur zotit Basha se 80% e bagëtive të fshatit të tyre janë prekur nga sëmundja. Megjithë shqetësimin e shprehur në instrancat më të larta, për dy muaj askush nuk u erdhi në ndihmë, derisa sëmundja u përhap me shpejtësi. Para disa ditësh, thanë banorët, ka mbërritur një numër i kufizuar vaksinash përkundrejt pagesës prej 30 mijë lekësh.

Banor: 80 % e bagëtive të këtij fshati janë të prekura nga sëmundja.

Banor: 1800 vaksinat e para që erdhën u dhanë me lekë. Në zonën e Kastriotit edhe këtu tek ne.

Basha: Sa lekë u merrnin për një vaksinë?

Banor: Nga 25 deri në 30 mijë.

Banor: Lopa është shumë e shtrenjtë për ne, nëna e familjes. Me atë lopë rrojmë.

Banorët shprehn shqetësimin për mungesën e investimeve. Asnjë metër rrugë nuk është shtruar në 3 vjet dhe pse është fshati më i madh dhe fare pranë qytetit. Furnizimi me uje është reduktuar në vetëm një orë gjithë ditën. Zoti Basha theksoi se qeveria nuk nuk e ka mendjen tek hallet e qytetarëve por si të pasurohet vetë dhe klientët e tij. Këtë, tha Basha, e dëshmon dhe rasti i Sadri Abazit që ka përfituar 4 herë më shumë se gjithë buxheti i bashkisë.

“Kemi shpresë se do e ndryshosh këtë fshat. Është fshati më i madh i Dibrës. Fshati me më shumë tradita në Dibër. Dhe sot shihe si është katandisur”, u shpreh një banor.

“12 milionë euro i ka marrë Sadri Abazi me një dorë. 4 herë më shumë se buxheti i Bashkisë së Dibrës. Por me këto pare jo vetëm që mund tu vinte në ndihmë ju, mund të zëvëndësoheshin lopët që janë prekur, mund të ndërtoheshin këto rrugë, mund të ndërtohej ujësjellësi,  mund të merrnit subvencion për bujqësinë. Vetëm me diferencën e çmimit të asaj që ka marrë ai, dhe ofertës më të ulët, muaj për muaj mund të merrnin ndihmë ekonomike mbi 1 mijë familje. Mund të jepeshin pensione për mbi 1500 familje në fshat, për mbi 1 mijë familje në qytet. Mund të bëheshin investime. Pra lekët janë. Por lekët, buxhetin, Skavicën, pasuritë e këtij vendi, Edi Rama i do për vete dhe klientët e vetë. Për shqiptarët ka emigracionin, për krimin ka drogën. Kështu i ka ndarë punët”, tha Basha.

Njoftim per shtyp i Partise Demokratike, 28 Gusht 2016

Krimi në landifllin e Erion Veliajt e ka origjinën në një skemë të pastër korrupsioni e paligjshmërie.

E gjitha nisi në maj të këtij viti, kur Veliaj kaloi në Këshill Bashkiak ndërmarrjen Eco-Tirana.

Pa garë, pa konkurencë, ai i dha një kompanie italiane 49 përqind të aksioneve, ndërkohë që vetë mbajti 51 përqind të saj.

E bëri firmën italiane pronare të mbetjeve të Tiranës, dhe i dha asaj ekskluzivitetin e tregtimit, riciklimit dhe përfitimit prej kësaj industrie.

Dhe për më tepër, Erion Veliaj, vendosi ti dhurojë edhe 2.5 milionë euro vetëm vitin e parë. Shumë që sipas planit të miratuar do të rritet nga viti në vit.

Të gjitha këto janë një grumbull me shkelje të Erion Veliajt.

Por më e rënda është se ende sot që flasim, edhe pse firma e tij ka nisur punimet, nuk rezulton zyrtarisht një administrator përgjegjës për landfillin, pra personi që është përgjegjës për sigurinë dhe respektimin e kodit të punës.

Kjo vërtetohet nga një kërkim i thjeshtë që bëhet në faqen e QKR.

Sic mund ta shihni në ekran, tabela e administratorit ekzekutiv është pa emër.

Aktet e kaluara në Këshill, bëjnë direkt përgjegjës Erion Veliajn, i cili është i ngarkuar për caktimin e administratorit, sipas pikës 5 të vendimit të këshillit Bashkiak.

Ja ku është vendimi.

Dy janë mundësitë.

Ose Erion Veliaj ka shkelur vendimin e Këshillit Bashkiak duke mos e caktuar administratorin ekzekutiv, gjë që në këtë rast e bën atë direkt përgjegjës, ose pas vdekjes së Arditit dhe zbulimit të paligjshmërisë së madhe atje, e kanë fshirë, e kanë zhdukur emrin e administratorit nga faqja e QKR.

Këto fakte e nxjerrin direkt përgjegjës Erjon Veliajn, për paligjshmërinë e landifllit, për atë aferë krimi e korrupsioni që mori jetën e Arditit.

Këto fakte e nxjerrin direkt përgjegjës Erion Veliajn për shrytëzimin e të miturve e mosrespektimin e normave të sigurisë dhe Kodit të Punës.

Eshte kjo arsyeja pse ai hesht, i fshihet kësaj ngjarjeve, është kjo arsyeja pse censuron median.

Ai po bën gjithcka për ta mbyllur këtë histori krimi dhe korrupsioni.

Përse nuk heton Prokuroria?

Pas këtyre fakteve, institucioni i akuzës është në detyrimin të nisë ndjekjen penale ndaj Erjon Veliajt?

Përse Erion Veliaj qëndron mbi ligjin?

Kush e ndalon ligjin të funksionojë në këtë rast?

Pse paska imunitet Erion Veliaj i kapur në krim dhe korrupsion, kur ai në të vërtetë ka përgjegjësi direkte ligjore e administrative për vdekjen e Arditit.

Deklaratë e Sekretares së Marrdhënieve me Publikun, Grida Duma, 27 Gusht 2016