Blog

Kreu i PD-Demokratët Euroatlantikë, Lulzim Basha, ka ngritur shqetësimin për vështirësitë me të cilat përballen qytetarët shqiptarë për të siguruar barnat dhe shërbimet shëndetësore. Në një postim në facebook, Basha shprehet se 33% e shqiptarëve nuk ia dalin dot të blejnë ilaçet që nuk mbulohen nga skema e sigurimeve shëndetësore, ndërsa shumë barna që rimbursohen janë të cilësisë të dobët dhe nuk përfshijnë sëmundje me kosto të lartë të trajtimit.

Basha e cilësoi këtë situatë pasojë e korrupsionit dhe keqmenaxhimit dhe akuzoi qeverinë se nuk tregon interes për shëndetin e qytetarëve. Ai theksoi se shqiptarët detyrohen të paguajnë nga xhepi 60% të kostove shëndetësore, një përqindje më e lartë në rajon.

Në përgjigje të kësaj krize, Basha sjell në vëmendje programin e Demokratëve Euroatlantikë, i cili garanton shërbim shëndetësor bazuar në nevojat e qytetarëve. Sipas tij, me këtë program, çdo qytetar do të ketë akses të barabartë në spitale publike dhe private përmes kartës së shëndetit. Përmes nismës “mjekim sipas diagnozës”, do t’i jepet fund listës abuzive të rimbursimit të barnave dhe do të eliminohet abuzimi nga mafia e barnave.

Postimi i plotë i Bashës:

Një qeveri që punon vetëm për vete, nuk ka interes shëndetin e qytetarëve.

Sot shqiptarët e kane gjithnjë e me te veshtire te blejne ilaçet e nevojshme për tër kuruar semundjet e tyre e të pamundur të marrin sherbimin e nevojshëm shendetësore

Shqipëria ka përqindjen më të madhe të njerëzve në rajon që përballen me vështirësi për blerjen e barnave dhe shërbimeve shëndetësore që nuk mbulohen nga skema e Sigurimeve Shëndetësore.

33% e shqiptarëve nuk ia dalin dot të blejnë barnat që nuk mbulohen nga sekma e sigurimeve. Ndërkohë barnat që mbulohen nga skema e sigurive, janë të një cilësie të dobet dhe nuk mbulojnë shumë sëmundje ku kosto e ilaceve është e lartë

Korrupsioni, keqmenaxhimi dhe prioritetet e gabuara kërcënojnë shëndetin e qytetarëve, që sot paguajnë 60% të shërbimeve shëndetësore nga xhepi.

Shqipëria meriton më shumë, prandaj programi i Demokratëve Euroatlantikë shërbim shëndetësor do të jetë sipas nevojës dhe jo sipas xhepit.
Me kartën e shëndetit për çdo qytetar, do të mundësohet akses dhe shërbim shëndetësor njësoj si në spitalet publike, ashtu dhe në ato private. Me programin “mjekim sipas diagnozës” do t’i jepet fund listës abuzive të rimbursimit dhe abuzimit të mafias së barnave me jetën dhe shëndetin e shqiptarëve.
Shqipëria meriton më shumë!

Kryetari i PD-Demokratët Euroatlantikë, Lulzim Basha, ka reaguar pas sulmeve të Sali Berishës duke e quajtur këtë të fundit si peng të dosjeve të tij dhe që përdoret nga Edi Rama si gogol në çdo palë zgjedhje.

Basha shprehet se Berisha i përdor demokratët si mburojë, kur i duhen për protestat para SPAK-ut dhe si dele kur i duhen numrat Edi Ramës në Parlament. Sipas tij, Demokratët nuk meritojnë të tërhiqen zvarrë nga frika e Berishës nga e shkuara e tij, dhe as të përdoren nga ky i fundit në pazaret me Edi Ramën dhe Ilir Metën.

Reagimi i plotë i Bashës:

Sali Berisha është peng i dosjeve të tij, prandaj përdoret nga Edi Rama si gogol në çdo palë zgjedhje. Berisha i përdor demokratët si mburojë, kur i duhen për protestat para SPAK-ut dhe si dele kur i duhen numrat Edi Ramës në Parlament, siç bëri kur bashkoi votat me Ramën për të liruar të korruptuarit përmes amnistisë dhe për të mbyllur listat.
Demokratët nuk meritojnë të tërhiqen zvarrë nga frika e Berishës nga e shkuara e tij, dhe as të përdoren nga ky i fundit në pazaret me Edi Ramën dhe Ilir Metën.
Demokratët dhe shqiptarët meritojnë më shumë, prandaj ne do të përballemi me ta në zgjedhje duke iu ofruar qytetarëve një model tjetër, që e përdor politikën për t’i shërbyer njerëzve, jo interesave perosnale të hallexhinjëve të SPAK.
Shqipëria meriton më shumë!

Kryetari i PD-Demokratët Euroatlantikë, Lulzim Basha në intervistën për Euronews u pyet edhe për hetimet ndaj Sali Berishës. Basha u shpreh se ajo që ka ndodhur është paralajmërimi që bëri para 3 vitesh që Berisha po përdor Partinë Demokratike në përballjen me drejtësinë.

Ai përsëriti se Berisha nuk ka axhendë të sjell PD në pushtet por po e bën këtë për fatin e tij personal dhe të familjes së tij. Sipas Bashës, kështu përfiton edhe Edi Rama për të zgjatur pushtetin e tij.

Pjesë nga intervista e Bashës:

Ajo që ka ndodhur është pikë për pikë ajo që kam paralajmëruar para 3 vitesh. Sali Berisha nuk ka axhendë tjetër përveçse ta përdor Partinë Demokratike si mburojë në përballjen me drejtësinë. Dhe e pamë para dy javësh që pas tre vitesh koha vërtetoi atë që kam thënë. Sali Berisha nuk ka axhendë të sjell demokratët në pushtet. i gënjeu kur tha që për 6 muaj rrëzon Ramën. Krijoi një situatë e cila çoi në disfatën më të thellë të PD në dekada, siç ishin zgjedhjet e 14 majit 2023. Humbi më vonë për herë të dytë Kukësin. Humbi bastione si Tropoja, Shkodra, sepse Sali Berishës nuk i intereson fati i demokratëve, nuk i intereson fati i shqiptarëve, por po e bën këtë për fatin e tij personal dhe të familjes së tij.
Kjo është axhenda personale e Sali Berishës dhe në mënyrë do të thoja mrekullisht edhe axhenda që i leverdis Edi Ramës për të zgjatur pushtetin e tij. Ndaj janë në një sinkroni të plotë. Bashkë kanë votuar për të liruar të dënuarit nga SPAK, nërkohë që javën e ardhshme, dhjetëra protestues demokratë do të vazhdojnë të paraqiten para dyerve të gjykatave sepse po ky grup që votoi për të akuzuarit e Edi Ramës, rrefuzoi të kërkonte lirimin nga akuza të atyre që protestuan kundër korrupsionit.

Në intervistën për Euroneës, Lulzim Basha tha se në programi i demokratëve euroatlantikë do të jetë në zgjedhje dhe do të shpaloset nga kandidatët për deputetë.

Basha tha se demokratët euroatlantikë nuk do të heqin dorë nga rekursi në Gjykatën e Lartë dhe në të njëjtën kohë do të punojnë për përzgjedhjen e kandidatëve për deputetë. Sipas tij, në javën e parë të tetorit një pjesë e tyre do të jenë në terren, ndërsa zyrtarizimi do të jetë në një format që përfshin edhe aleatët politik.

Pjesë nga intervista e Bashës:

Nga ana ligjore çdo vendim që do të merret, sigurisht ne presim me bindje që drejtësia të bëhet. Do të bëjmë çdo investim që drejtësia të bëhet, që Gjykata e Lartë t’i qëndrojë konseguent vendimit të saj të parë dhe të rrëzojë vendimin korruptiv të 11 qershorit. Për të cilin kam informacione se kanë nisur dhe hetimet paraprake për mundësi korruptimi për vendimin e 11 qershorit. Informacione të cilat i kam marrë rreth datës 10 gusht që ka indicje. Por kjo tregon edhe njëherë se sa e rëndësishme është që ne t’i qëndrojmë rekursit në Gjykatën e Lartë.

Por ama nuk humbasim asnjë sekond dhe në çdo rast, çfarëdo që të ndodh, alternative jonë, demokratët euroatlantikë me programin tonë do të jetë në zgjedhje. Madje do t’ju them që programi ynë është i pari i shpallur, shumë shpejt përmes mediave do të organizojmë dhe debatin me kandidatët për deputetë. Kandidatë të cilët nuk do të jenë njerëz falls, nuk do të jenë njerëz të cilët mbahen pas thoit për të patur një karrige, njerëz që nuk besojnë se Sali Berisha do t’i sjell në pushtet, por thonë të jemi të sigurtë në listën e Sali Berishës, na do s’na do populli, na duan s’na duan demokratët, njerëz pa zgjidhje për shqiptarët, pa zgjidhje për demokratët, pa zgjidhje për Shqipërinë. Por do të jenë burra dhe gra, zonja dhe zotërinj, të rinj dhe të reja. Një pjesë e madhe janë evidentuar nga degët tona, do të kalojnë sigurisht në sitën e konsiderimit të të gjithë si me thënë aspekteve të kandidatëve dhe besoj që duke filluar nga java e parë e tetorit disa prej këtyre kandidatëve tanë do të jenë në terren. Sigurisht zyrtarizimi do të jetë në një format që përfshin edhe aleatët tanë.

Kreu i PD-Demokratët Euroatlantikë, Lulzim Basha, në intervistën për Euronews foli për projektin e kryeministrit për shtetin e bektashi që sipas tij është një tallje që po bëhet me bektashinjtë.

Basha tha se bektashinjtë shqiptarë kanë derdhur gjak për flamurin kuq e zi, kanë dhënë kontribut të jashtëzakonshëm në rilindjen kombëtare, në pavarësimin e Shqipërisë dhe nuk kanë nevojë për shtet tjetër.

Ai më tej tha se Rama përdor këtë tallje për të hequr vëmendjen nga problemet kryesore që kanë shqiptarët.

Pjesë nga intervista e Bashës:

Edi Rama tallet me bektashinjtë. Edi Rama është kryeministër i shqiptarëve, nuk është Kryegjyshi. Si kreministër i shqiptarëve nuk është aty për t’u marrë me kryegjyshatën, por për të zgjidhur problemet e vendit. Tregon që ky sillet si një ufo, është jashtë realitetit, nuk ka asnjë lidhje me hallet e shqiptarëve, me problemet e shqiptarëve, me shqetësimet e shqiptarëve, me dëshirat e shqiptarëve dhe të fëmijëve të tyre. Nuk ka asnjë lidhje dhe tallet botërisht me bektashinjtë në radhë të parë. Tallet me bektashinjtë sepse bektashinjtë shqiptarë kanë derdhur gjakë për flamurin kuq e zi. Kanë dhënë një kontribut të jashtëzakonshëm në rilindjen kombëtare dhe në pavarësimin e Shqipërisë.
Kur bektashinjtë vet kanë luftuar për Shqipërinë dhe për shtetin e Shqipërisë, del ky tani dhe thotë do bëjmë shtetin e bektashinjve. Është një tallje në radhë të parë që tregon se sa i shkëputur është Edi Rama, se si është izoluar tërrësisht nga shqiptarët dhe problemet e tyre. Edi Rama është një nga arsyet pse shoqëria shqiptare lëngon. Është si një pacient që lëngon, është arsyeja kryesore që përmes korrupsionit qeveritar, përmes praktikave të lidhura me krimin e organizuar të cilat janë të denoncuara nga raportet ndërkombëtare dhe përmes zhbërjes së shtetit në shërbim të qytetarëve, e ka raskapitur shoqërinë shqiptare e cila sot përballet me problem të paimagjinueshme. Jemi vendi me të ardhurat më të ulëta në Europë dhe kemi naftën e 7 më të shtrenjtë në botë. Në vend që të flasim për këtë, shkojmë pas marrëzive të tij për shtetin e bektashinjve. Jemi numri 1 në botë azil kërkues, shqiptarët janë numër 1 për azil kërkues, në vend që të kërkojë ndjesë, të bëj mënjanë dhe të lejojë kurimin e këtij pacienti të shtrirë që është shoqëria shqiptare, thotë prit se po të bëj dhe një tatuazh. Se do të ta shërojë tatuazhi pasi të kam thyer çdo eshtër, do të bëj dhe një tatuazh.