Blog

Kryetari i Partisë Demokratike, Lulzim Basha zhvilloi një takim me të rinjtë e qytetit të Elbasanit. Papunësia, tarifat e larta që pamundësojnë vazhdimin e studimeve të rinjve, taksat e larta që kanë detyruar shumë sipërmarrës të rinj të mbyllin bizneset e shumë  të tjerë të humbin vendet e punës, kanë qenë disa nga shqetësimet e ngritura kryetarit të Partisë Demokratike, Lulzim Basha.  Zoti Basha ka theksuar se prioritet i Edi Ramës në këto tre vite nuk ka qenë qeverisja, krijimi i vendeve të punës dhe mundësive të barabarta për të gjithë, por pasurimi i një grushti oligarkësh. Në dy vjet 2.2 miliard euro ose 2 milionë lekë për familje për vit janë vjedhur dhe shpërdoruar. Vetëm nga shpenzimet për luks qeveritar në vitin 2015 për luks, mund të ishin hapur 12 mijë vende pune me paga 540 mijë për muaj.

 “Edi Rama është një kryeministër i rrëzuar nga ekonomia. I rrëzuar nga qindra, mijëra të papunë. I rrëzuar nga mijëra të tjerë të shpunësuar nga politika e tij e taksave të larta, e lakut në fytin e qytetarëve, e faturave të larta dhe afrofe të energjisë elektrike, të pensioneve që nuk u rritën kurrë, të çmimeve që rriten nga dita në ditë, të listave që shtohen, e të shpresës që vritet.

Edi Rama është një kryeministër i rrëzuar nga shëndetësia e kthyer në ditët e saj më të këqija, si në mesjetë. Edi Rama është i rrëzuar nga qindra, mijëra raste të lidhjeve kriminale të qeverisë së tij, të ministrit të tij të Brendshëm dhe të ministrave të tjerë dhe të atij personalisht me mafien, me kriminelët.

Edi Rama është i rrëzuar nga një rini në këmbë që i thotë “Jo” ligjit për Arsimin e Lartë, që do të jetë ligji i parë që do të shfuqizojmë në qeverisjen tonë të ardhshme,”- theksoi kryetari i Partisë Demokratike.

Punësimi i të rinjve do të jetë prioritet i Partisë Demokratike, tha Lulzim Basha duke prezantuar platformën e demokratëve, taksë e sheshtë 9%, TVSH 15 %,  sigurime shoqërore 9% n mbështetje nga buxheti për sipërmarrje të mëdha që punësojnë të rinjtë, si dhe investime publike që hapin vende pune dhe jo investime për palma e luks. Për të realizuar këtë kërkohet një proces i lirë dhe i ndershëm zgjedhor, i cili siç theksoi Lulzim Basha është prioritet mbi prioritetet i Partisë Demokratike.

“Partia Demokratike i garanton sot nga Elbasani gjithë shqiptarët, se zgjedhjet e lira dhe të ndershme janë e do të jenë beteja jonë numër një që do ta fitojmë me çdo kusht. Shqiptarët do të votojnë sipas vullnetit të tyre dhe do të vulosin vendimin që tashmë është marrë dhe vendimi është Shqipëria më mirë pa Edi Ramën. Shqipëria me Partinë Demokratike, me taksa të ulëta, me mundësi të barabarta për çdo njeri. Shqipëria që e shtyp dhe nuk e promovon krimin.”

Njoftim per shtyp i Partise Demokratike, 27 maj 2016

Kryetarja e Komisionit të Shëndetësisë dhe deputetet Irma Kopliku e Mimoza Hajdarmataj vizituan personat e lënduar nga aksidenti i sotëm i autobuzit në Krujë.

“Për të gjithë është një ngjarje shumë tronditëse. Ne mundëm të vizitonim, një vajzë dhe dy zonja që paraqisnin një gjendje më të mirë se të lënduarat e tjera. Shtatë prej tyre ishin në reaminacion me djegie relativisht të larta në trup, por po mbahen në kontroll të vazhdueshëm. Tri të lënduara që kishin kaluar në pavion ishin mirë dhe shpresa është që ato mund të shërohen shpejt. Ne bashkojmë lutjet tona që të gjitha të plagosurat të shërohen sa më shpejt dhe gjithashtu përcjellim ngushëllimet më të sinqerta për familjarët dhe të afërmit e viktimave që humbën jetën në këtë aksident tragjik”, u shpreh deputetja Vokshi.

Familjarë dhe të tjerë që ishin në autobuz u thanë deputeteve të PD se nuk mbanin mend çfarë kishte ndodhur pasi zjarri kishte qenë i menjëhershëm. Iishin disa qytetarë që kanë thyer xhamat e autobuzit duke i ardhur në ndihmë me mjete rrethanore njerëzve të lënduar brenda në autobuz.

“Unë shpresoj që gjendja është në kontroll . Personeli mjeksor është i gatshëm për ti ardhur në ndihmë pacientëve. Unë do ti kërkoja Ministrisë se nëse do të ketë një rast urgjent të ndonjë pacienteje  të marë masa për ta përcjellë në klinikë më të specializuar”, u shpreh Vokshi.

Njoftim për shtyp i Partisë Demokratike, 27 maj 2016

Jemi sot këtu për të denoncuar truket sa kriminale dhe qesharake që përdorin të zgjedhurit e Edi Ramës për ti shpëtuar dekriminalizimit.

Kemi dëgjuar shumë variante për emrin e kryetarit të Bashkisë së Kavajës, por së fundmi, ai ka nxjerrë një të ri, ku i ka përmbledhur gjithë identitetet në një, duke iu drejtuar autoriteteve gjermane.

Në këtë shkresë, i zgjedhuri i Ramës e ka emrin Elvis-Ervin. Mbiemri mbetet po ai, Roshi.

Pra Roshi i Ramës, i thotë autoriteteve gjermane, të japin të dhëna për Elvis Ervin Roshin. Sigurisht, me këtë emër të sajuar, atij nuk i del asgjë.

Pse kryetari model i Edi Ramës, nuk i drejtohet autoriteteve gjermane me emrin Ervin Roshi që ka pasur deri në vitin 2002, siç e pranon edhe vetë në formularin e vetëdeklarimit, kur dhe është dëbuar nga gjykata.

Ndërkohë që ne presim të dhëna të tjera, nga vende të tjera të Europës për Roshin e Ramës, prokuroria duhet të veprojë me shpejtësi në zbatim të ligjit të dekriminalizimit, për të verifikuar fshehjen e të dhënave dhe truket e manipulimet e tjera që ky dhe të tjerë të zgjedhur të Edi Ramës po përdorin për të shmangur ligjin.

Dekriminalizimi është i pashmangshëm. Pastrimi i politikës nga krimi dhe të inkriminuarit do të bëhet, me çdo kusht e me çdo mjet.

Deklaratë e Sekretarit për Zgjedhjet, Ivi Kaso, 27 maj 2016

Media italiane po konfirmon dhe thellon dyshimet në lidhje me paisjen e përgjimit që ka hyrë në Shqipëri dhe që sipas tyre gjendet në ambasadën italiane.

Media italiane jo vetem vë theksin tek futja e paisjes në mënyrë të paligjshme, pa u regjistruar apo deklaruar, por eshte ngritur alarmi per  përdorimin e saj pa autorizimin e Prokurorit të Përgjithshëm.

Dhe pyetja që ngre gazeta “Il Fatto Quotidiano”, është kjo:

http://www.ilfattoquotidiano.it/2016/05/26/albania-pm-politici-intercettati-con-strumento-importato-illegalmente-dalle-autorita-italiane-solo-addestramento/2762046

Nëse paisja do të përdorej vetëm për trainimin e punonjësve të policisë shqiptare, atëherë përse ajo nuk është deklaruar, përse është mbajtur e fshehtë.

Skandali i përgjimit të paligjshëm ka tronditur tashmë edhe vendin fqinj.

Media italiane flet për dyshime, për lidhje në konflikt interesi me kompaninë prodhuese të paisjes së gjurmimit.

Megjithëse çështja po ndërkombëtarizohet, sërish Rama  nuk jep asnjë shpjegim para opinionit publik, përse u fut paisja në mënyrë të paligjshme, përse u përdor pa autorizimin e Prokurorit të Përgjithshëm, kush e përdori, kush u përgjua.

Sa më shumë hesht Edi Rama, aq më shumë rriten përmasat e shkeljes së ligjit, të kushtetutës, të sigurisë kombëtare, të lirive dhe të drejtave themelore të njeriut.

Ashtu si Partia Demokratike, si qytetarët, opinioni publik, edhe media italiane thekson se kjo histori ka nevojë për transparencë.

Duhet zbardhje e plotë e kësaj afere, e këtij krimi shtetëror. Dhe përgjegjësit me Saimir Tahirin në krye të dalin pa vonesë para ligjit. Prokuroria duhet të hetojë në mënyrë të plotë e të pandikuar dhe për këtë lypset largimi i menjëhershëm i Sajmir Tahirit.

Deklaratë e deputetit të Partisë Demokratike, Flamur Noka, 27 maj 2016

I nderuar zoti kryesues i seancës!

Zonja deputete!

Zotërinj deputetë!

Të dashur qytetare dhe qytetarë që ndiqni këtë seancë në një moment të rëndësishëm të jetës parlamentare, në një moment kur, pas një përpjekje titanike dyvjeçare të opozitës shqiptare, ligji për dekriminalizimin e parlamentit zbuloi fytyrën e vërtetë të krimit në parlament, zbuloi vrasësit, trafikantët dhe jo vetëm, dhe njerëzit me dy fytyra, me dy emra, me 4 fytyra e 4 emra. Dhe këtu nuk bëj fjalë kurrë për atë që ndërron emrin me dëshirën e tij, sepse absolutisht çdo njëri është i lirë të ndërroj emrin me dëshirën e tij, të ndërroj mbiemrin me dëshirën e tij, por bëj fjalë për ata të cilët ndryshojnë emrat për të fshehur veprat kriminale, bëj fjalë për ata të cilët kanë gjetur si rrugë pastrimi ngjarjesh me dosje të zeza, akuzave të tmerrshme për krime të shëmtuara në të cilat janë të implikuar.

Le të vijë këtu Edvin Kristaq Rama, për të cilin jam akuzuar mijëra herë se po i ndërroj emrin, ja që del se nuk i kam ndërruar unë emrin por e ka ndërruar ai emrin e tij. Unë pra i kam thirrur atij në emrin e vërtetë. Ai të vijë këtu të tregojë se nga Edvin u bë Edi për shkak të dosjes spanjolle, për shkak të Kardiovskit, për shkak të akuzave të Kadriovskit e shkaqeve të tjera që duhet t’i sqarojë, sepse ai ndërrim emri në një kohë kur pikërisht janë përfolur këto që them unë, në një kohë kur mediat e kanë akuzuar për një krim të tmerrshme në hotelet e Spanjës, në një kohë kur Kadrovski e akuzonte në një letër për të shoqen, Dilën, implikim direkt, janë në media të gjitha këto. Të vijë këtu të thotë ç’është ky ndërrim i emrit. A qëndron tek ky ndërrim emri nënshtrimi dhe poshtërimi i tij para krimit, dhe shndërrimi i parlamentit, qeverisë dhe administratës së tij në një strofull krimi dhe organizatë kriminale.

Zonja dhe zotërinj!

Edhe një herë hpreh vlerësimin tim të madh për këtë ligj, i cili u faktoi shqiptarëve si drita e diellit, se vrasësit i futi në parlament Edi Rama, se trafikantët i futi në parlament Edi Rama, u faktoi turpin e madh se si përpiqen për të fshehur kokën si struci në diell, të krahasojnë vrasjen me kundravajtjen ligjore në rrugë, të krahasojnë vrasjen me arrestimin politik, me nenet 55 dhe nene të tjera. Me këtë gjë vetëm sa i hiqni maskën vetes dhe dukeni më kriminelë se kurrë.

Dua të denoncoj këtu Ramën si një armik të egër të qenies sonë kombëtare. Qënia kombëtare është një dhe  epandashme. Ata të cilët nndajnë qënien kombëtare, ata janë armiq të egër të saj, ata me çdo kusht dhe çdo mënyrë përpiqen që shqiptarët t’i paraqesin aq të ndryshëm nga njëri tjetri saqë vetëm një komb nuk janë. Në krye të tyre qëndron Edi Rama sot. Cfarë do ti thoshtë ne një bisedë një diplomat i huaj një personaliteti shqiptar, do i thoshte: “po, Edi Rama më ka pohuar sinqerisht se ai ka rekrutuar nga zonat e Veriut vrasës, kriminelë e trafikantë sepse në ato zona vetëm me të tillë ia dilet”.

Në këtë mënyrë Rama, me një racizëm të ulët, të ndyrë antishqiptar e antikombëtar, paraqet Veriun si pullë kriminelësh dhe dijeni të dashur qytetarë dhe qytetare nga rrethet e Veriut e Verilindjes, se ky është koncepti antishqiptar i tij për ju.

Dëgjoja një ditë në televizion njëriun më të afërt të tij tek u thoshte se nga Laçi në Vermosh dhe në Tropojë ka vetëm kriminelë. Në fakt ky është një fatkeq që beson mashtrimet, trillimet e shpifjet e ulta të një antishqiptari siç është Edi Rama, të njëriut që ka dekoruar Bregoviçin me çelësin e artë të qytetit të Tiranës për hymnet antishqiptare e antikosovare, hymnet ndaj atyre që ngrejnë burrat dhe gratë e Kosovës.

Ky s’është zotëri, është një kriminel i vërtetë, që i thotë të huajve e diplomatëve kryesorë se Veriu…

(debate në sallë) Më lër të flasë. Ky kriminel të vijë këtu… (ndërpritet seanca)

Prononcimi zotit Berisha jashtë sallës së parlamentit:

Siç e shihni, këta vetëm parlament nuk pranojnë, këta nuk pranojnë fjalën në parlament. Natyrisht sot është një ditë e tmerrshme për ta. Sepse sot parlamenti konstaton një numër të caktuar vrasësish, trafikantësh droge dhe prostitucioni, të futur nga Edi Rama në parlament. Ligji i dha të drejtë atyre të cilët bënë gjithçka për miratimin e tij. Kuptohet se sa e vështirë ka qënë qëndrimi ynë me këtë përbërje parlamenti dhe përsëri këta bëjnë gjithçka për të maskuar këtë akt të pashembullt. Jam këtu dhe një herë për të denoncuar se nuk ka më kriminel se sa ai ose ajo që fut vrasësit në tempullin e  demokracisë së një vendi.

PYETJE: Kush janë këta se nuk po i shohim?

BERISHA: Nuk po i sheh? Çfarë janë vëllezërit Frroku?

PYETJE: Ata janë para ligjit për dekriminalizimin

BERISHA: Jo përpara dekriminalizimit. Përkundrazi, ligji i dekriminalizimit i nxorri një e nga një. Dhe së dyti kam një gjë për ju mediat. E dëgjoj që flisni vazhdimisht për nr 19, pra 19 deputetë, por unë ju kërkoj ju njerëzisht të merrni listat e deputetëve, se deputetë janë dhe ata që s’kanë hyrë në parlament dhe shikoni a do t’ju dalin 19 apo 24?!  Ndaj mos u ngutni për të bërë vlerësime, sepse në rrafshin cilësor, vrasësi është vrasës. A janë tre, apo janë  10 apo shtatë ata janë vrasës. Por nëse do merrni listat e aleancës së qelbësirave, veçanërisht listën e PS dhe PKD, ju aty do të gjeni jo 19 por 23.

Por këta janë të tmerruar nga kjo gjë. Sot, në vend se të kërkojnë të falur…

E thashë dhe në parlament, Rama është njëri antikombëtar. I thotë një ambasadori të një vendi kryesor për veriorët se ata në këtë mënyrë qeverisen dhe se ata kriminelë ja ka marrë Sali Berishës.

Unë e sfidoj këtu, do ta sfidoj në parlament, do ta sfidojë para gjithë botës që të gjejë qoftë dhe një të vetëm, jo tani por nga viti 1991 deri sot,  në listat e deputetëve të PD me antecedentë vrasjen, unë dorëzoj mandatin tim. Një të vetëm po gjeti. Por të shpifësh e trillosh me mashtrime të tilla është një akt i ulët. Të justifikosh krimin duke trilluar do të thotë se je më kriminelë se ata që kanë vrarë.

PYETJE: Pse duhet t’ju besojmë ne ju që thoni se keni folur me një mbasador anonim?

BERISHA: Ky ambasador është i një vendi kryesor dhe unë për etikë diplomatike nuk po përdor emrin e tij por në mënyrë absolute ai këtë e ka thënë, jo më larg se para tre – katër ditësh nga dita e sotme. Ka thënë se zoti Rama i ka pohuar se ka vendosur, ka marrë kriminelë nga Veriu pasi ato zona të atilla janë dhe se ja mori Berishës për të fituar në ato zona.

PYETJE: Po në lidhje me formularin e zotit Noka?

BEISHA: Po çfarë ligjin e arratisjes së Ramiz Alisë merrni për bazë ju? Me ligjin e arratisjes, kini parasysh, kur u vendos pluralizmi të rinjtë menduan se mund të ikin. Ramiz Alia nga maji 1990 kishte hequr ligjin për arratisjen. Por lexoni krionikat e asaj kohe, ai, në 11 dhjetor ekzekutoi tre shqiptare në kufi me Greqinë, kurse ne lumin Buna, po në dhjetor, ka ekzekutuar 4 shqiptarë të tjerë se arratiseshin sipas tij. Flamur Noka ka shpëtuar mirë se s’ka marrë ndonjë plumb në atë kohë, se nuk do ishte gjallë sot. Nëse këta quajnë dënime ato të kohës së diktaturës, kjo është puna e tyre.

PYETJE: Po çështja e ndryshimit të datës së lindjes tuaj? Thonë që e keni bërë për ta bërë më afër asaj të diktatorit.

BERISHA: Në fakt atë që i bëra diktatorit ata nuk e falin dot kurrë. Unë bëj fjalë për ndryshime që fshehin dosje, po ai është teknikalitet pa asnjë vlerë. Se emri Edi të shpëton nga dosja e Edvin. Unë e thirra atë për ta sqaruar këtë. Të vijë dhe t’u thotë qytetarëve se për çfarë arsye e ka ndërruar emrin, është kryeministër ai.

PYETJE: Për çështjen e datës së lindjes tuaj nuk na e sqaruat.

BERISHA: Teknikalitet është sepse ka qënë një gabim për arsye tërësisht teknike.

Kjo se kur ka ndodhur nuk e mbaj mend, po të hyj për ta gjetur e gjej.

Nuk është e njëjta gjë kjo me ndërrimin e emrit. Edhe një herë ju them se po të krahasoni të pakrahasueshmen është si të bëni avokatinë e krimit, por ju s’duhet ta bëni këtë. Krimi është krim. Unë se kam fshehur, aty janë dokumentat.

PYETJE: Ju nuk e keni shënuar në formular.

BERISHA: Sepse nuk futet kjo në kërkesa. Asnjë kërkesë nuk ka për këtë, zero kërkesë, kjo është arsyeja.

Fjala zotit Berisha pas rinisjes së seancës:

Zoti Kryetar!

Të dashur qytetarë dhe qytetare që ndiqni këtë seancë!

Ju e shikoni se ata që kanë mbytur çdo shpresë, çdo mundësi dhe potencial për fjalën në stanin e tyre, në shpellën e tyre, duan të njëjtin ligj t’u imponojnë dhe parlamentit, duan të njëjtin ligj ti imponojnë Sali Berishës. Por kjo nuk mund të ndodh kurrë!

Fola këtu i revoltuar, sepse dy vite me radhë jam ulur me vrasës, dy vite me radhë jam ulur në parlament me trafikantë vajzash shqiptare, grash shqiptare. Dy vite me radhë kam duruar presione nga më të ndryshmet të klaneve të drogës. Fola këtu me vlerësimin se ligji i dekriminalizimit hoqi maskat, ligji tregoi se këtu janë ulur vrasës, se këtu janë ulur trafikantë grash e vajzash, trafikantë droge, kriminelë të shëmtuar që s’meritojnë kurrë të jenë në parlament.

E kam thënë disa herë por do e them prap, se midis atij që bën dhe atij që hesht apo mbështet, e thotë Viktor Hygoi diku, 100 herë më i keq është ai që hesht dhe mbështet. Ata nuk erdhën këtu në parlament vetë, nuk erdhën me këmbëtë e veta. Ata i solli një njëri dhe ky njëri është Edi Rama. Dhe ky njëri justifikohet para diplomatëve të huaj, e kam zyrtare këtë nga persona që kanë qënë aty, se ata vërtet janë kriminelë por ai i mori sepse në ata zona vetëm me ta fitohej dhe se ja mori Berishës se ai i përdorte përpara.

Zoti kryetar unë jam këtu për t’ju thënë ju, deputetëve dhe çdo qytetari shqiptar se ky grup parlamentar që është i ulur këtu, i tëri i PD është firmë e Sali Berishës në zgjedhjet e vitit 2013. Siç e patë asnjeri prej tyre nuk ka një penalitet më të voglin, për asnjërën nga veprat e parashikuara nga konventat e cituara në ligj. Por unë sfidoj më tej, le të marrim listën e 140 deputetëve. Përgjegjësia ime është e njëjtë si për secilin prej këtyre që është këtu. Nëse gjëndet një i vetëm me antecedente kriminale vrasësi, trafik droge, trafik prostitucioni, vjedhje. Por unë shkoj më tej, ti them këtij njëriu që urren Veriun më shumë

se armiqtë më të egër të shqiptarëve… Po po, është Rama që thotë se nga Laçi deri në Vermosh apo Tropojë ka vetëm kriminelë. Një copë injoranti qe s’di se ça flet, që nuk njeh as histori dhe asgjë. Ai që flet si papagall i Ramës dhe hiqet si njëri i kulturës. Po ai është i pafajshëm fare, është Rama ai që ja thotë këto. Eshtë Rama që u thotë të huajve, se ata (veriorët) me kriminelë qeverisen, është Rama që u thotë të tjerëve se vetëm me Ndokën e merrja Lezhën. Merrni listat e deputetëve të PD, në të gjitha legjislaturat nga 91 deri tani, dhe gjeni një të vetëm, silleni këtu po e gjetët, nga Jugu apo Veriu e çdo vend tjetër. Unë në fakt reagova sot për Veriun. Dhe për këtë doni të më mbyllni gojën ju? Po ju nuk njihni as Veriun as Jugun as Shqipërinë, ju jeni apartidë që i lejoni vetes të mbroni deklarata të tilla.  Merrini, nxirrni listat që janë bërë nga zgjedhjet e 91 deri sot. Doni të krahasoni kundravajtjet rrugore, nxirrni ligjin e arratisjes së Ramiz Alisë, turp kush ju dëgjon. Dhe del ti këtu për çështje kombëtare dhe flet për linjën e interkonjeksionit. Ajo linjë është inisiativë e Sali Berishës e ta dish mirë zotëri. Eshtë garantim i financimit nga Sali Berisha, është garantim i projektimit nga Sali Berisha, është tenderim nga Sali Berisha dhe kur doli 8 mln më shumë, e anullova dhe u bë sërish tenderi dhe zbriti 8 mln më pak ndërsa tani doni të mbushni xhepat. Bëni çtë doni por ato si kaloni dot ju. Ajo linjë është kërkuar nga unë, është porositur projekti nga unë, është garantuar kredia nga qeveria e mëparshme, është tenderuar nga qeveria e mëparshme, është anulluar nga qeveria e mëparshme, është ritenderuar nga qeveria e mëparshme dhe çdo gjë që bëtë ju është që e shtytë siç shtytë çdo punim sepse doni ti vidhni, siç bëtë me rrugën Tiranë – Elbasan apo siç bëtë me të gjitha rrugët e tjera të vendit.

Nëse doni të mburreni me nismat e mia dakort, mburruni, por ato janë nisma të qeverisë së mëparshme. E di ç’keni ju me Kosovën? Keni një foto. Foton e keni nuk jua mohoj, por asgjë tjetër në mënyrë absolute. Por në vend se të dilnit me hekurudhën Tiranë – Prishtinë, që është një projekt jashtëzakonisht i rëndësishëm si për Tiranën dhe për Prishtinën por dhe më tutje, edhe për Serbinë e Hungarinë, sepse i bie aksi më i shkurtër e më i drejtë me Europën Qëndrore,  ju se gjetët kohën dhe se çuat projektin, nuk thatë asnjë fjalë as në Berlin e as në Vjenë sepse juve ju duhet foto dhe jo progresi. A jeni patriotë ju? Urdhjëro të japim të drejtën e shtetësisë dhe ta proporcionojmë si të dëshironi ju përfaqësimin parlamentar të shqiptarëve jashtë Shqipërisë. Po t’ua japim të drejtën e shtetësisë se e ka dhënë çdo vend përveç qeverisë albanofobe shqiptare, që ka bllokuar vendimin në kundërshtim flagrant me Kushtetutën.

Mua më nderon me ato masa që propozon ti. Dhe mësoje mirë se çdo herë në parlament këto fjalë do dëgjosh. Pse e bllokuat ligjin e shtetësisë ju, pse e bllokuat vendimin e qeverisë për shtetësinë? Se ju jeni albanofobë, se keni fobi nga shqiptarët. Pse nuk ja jeni shtetësinë ju atyre në një kohë kur çdo vend i Ballkanit ja u ka akorduar atyre, pa komplekse fare, pa pyetur fare. Në një kohë kur Greqia jua ka dhënë dy kryeministrave shtetësinë greke. Pse i bllokoni ju, jeni dhe patriotë ju. Po të ishit patriotë do kishit sensin e materies kombëtare dhe nuk shpallni kriminele një zonë të tërë.

Unë e mbështes kërkesën e Shalsit, qëndron ajo, por kur e kam kërkuar në këtë parlament unë, ju të gjithë keni qeshur. Po kjo ndodh se ai që ti s’ke kurajon ti përmëndësh emrin (Ramën) fillon flet për kumbullën e kuqe, jonxhën e verdhë dhe flet për çdo gjë tjetër por vetëm për ato që duhet të flasë kryeministri këtu nuk flet. Atëherë nëse veprohet kështu, atëherë dhe ne deyurohemi të përgjigjemi për të gjitha problemet. Eshtë pikërisht ai, që vjen e lexon këtu fjalimet e përkthyera të Musolinit, herës tjetër të Ben Blushit, një herë tjetër merr batutat e mia. Pse kështu vjen flet kryeministri në Parlament? Kryeministri vjen flet në parlament për qeverisjen. Ai kështu na ofendon të gjithëve ne. Herën e fundit nuk e merrte fjalën se s’kishte çtë thoshte.

Juve s’ju bëjn ëpërshtypje këto, por mua më bëjnë përshtypje, se të gjitha këto thyejnë rregullat e parlamentit. Dhe ju doni ta zgjidhni këtë duke më përjashtuar mua?! Po mua më nderoni kështu. Kaq!

Fjala ne Kuvend e ish kryeministrit Sali Berisha, 26 Maj 2016

Të dy projektligjet, si ai “Për shqyrtimin e vlefshmërisë ligjore të krijimit të titujve të pronësisë mbi tokën bujqësore”, ashtu edhe ai “Për përfundimin e procedurave të kalimit të tokës bujqësore të ish ndërmarrjeve bujqësore në pronësi të përfituesve”, kanë për qëllim ndryshimin e afateve të përfundimit të procesit të plotësimit të titujve të pronësisë mbi tokën bujqësore, për territoret e ish-kooperativave dhe ish ndërmarrjeve bujqësore, nga bashkitë, si dhe të procesit të shqyrtimit të vlefshmërisë ligjore të krijimit të titujve të pronësisë mbi tokën bujqësore, nga komisionet vendore të vlerësimit të titujve të pronësisë mbi tokën bujqësore, pranë prefektëve të çdo qarku.
Ne dhjetor të vitit 2014, kjo qeveri, ka sjellë dhe ka miratuar këtu ne Kuvend, ligjin nr. 172, nëpërmjet të cilit kërkonte që procedurat e pajisjes të subjekteve me akte të marrjes të tokës bujqësore në pronësi, të përfundonin me 30 qershor 2016.
Por pse kërkohet që ky afat të shtyhet përsëri deri në dhjetor 2017?
Sepse qeveria ka dështuar në përfundimin me sukses të këtij procesi, brenda afatit qe vetë ajo e përcaktoi.
Dhe justifikimi i qeverisë është absurd: Mos përfundimi i tij në afatin e planifikuar, ka ardhur për shkak të mosnjohjes së këtij procesi nga administrata e bashkive të reja, të dala nga zgjedhjet lokale të vitit 2015, përgatitjes së kapaciteteve njerëzore dhe të bashkëpunimit të mjaftueshëm me institucionet e tjera shtetërore.
Por demagogjia e kësaj qeverie nuk ka fund. Si mund të thuhet në relacionin shpjegues të saj për këto dy projektligje, se ato janë në përputhje dhe në zbatim të programit politik të qeverisë shqiptare për zhvillimin e sektorit të bujqësisë dhe në mënyrë të veçantë për konsolidimin e së drejtës së pronësisë mbi tokën bujqësore, kur vetë qeveria e pohon se, në tre vjet qeverisje, janë miratuar vetëm një numër i vogël titujsh pronësie?
Por ky nuk është i vetmi dështim i qeverisë në fushën e bujqësisë.
Kjo qeveri ka dështuar me çmimet e inputeve bujqësore.
Tashmë janë harruar angazhimet e programit elektoral të PS për politika fiskale që synojnë uljen e drejtpërdrejtë të çmimeve të inputeve bujqësore, dhe për heqje të TVSH për të gjitha plehrat kimike, farat, fidanat, materialin gjenetik që përdoret në blegtori, vaksinat, ilaçet dhe për çdo lëndë të parë që përdoret për bujqësinë dhe blegtorinë.
Kjo qeveri ka dështuar edhe me çmimin e naftës për bujqësinë.
Para tre vjetësh, para zgjedhjeve parlamentare të vitit 2013, PS, u premtoi fermerëve, se kur të vijë në pushtet, do të zbatojë programin e furnizimit me naftë pa akcizë për bujqësinë dhe aktivitetet rurale të ngjashme, si dhe do të heqë taksën e qarkullimit të naftës për bujqësinë.
Por fermerët vazhdojnë ta blejnë naftën për punimet bujqësore po aq sa dhe automjetet, ndërkohë kur mjetet e mekanikës bujqësore nuk kanë të bëjnë fare me taksen e qarkullimit të automjeteve.
Rritja e taksës dhe për pasojë dhe rritja e çmimit të karburanteve për bujqësinë, po rrit me 20% koston e
punimit dhe shërbimeve bujqësore si dhe koston e transportit të mallrave të tyre. Kjo do të thotë 20% më pak të ardhura për fermerët, ose një çmim 20% më të lartë në treg, për të përballuar taksat ekstra te qeverisë, duke ulur ndjeshëm konkurueshmërinë në treg të prodhimeve tona bujqësore.
Javën e kaluar ministri i shëndetësisë foli këtu në parlament për uljen e çmimit të ilaçeve, të cilat, për hir të së vërtetës, janë të një cilësie shumë të dobët, dhe nuk e di sepse, foli edhe për uljen e çmimit të karburantit.
Në qeverisjen e PD nafta ishte 1800 lekë/litri, tha ai, dhe në qeverisjen tonë e kemi ulur në 1600 lekë/litri, duke ju kursyer shqiptarëve miliona dollarë.
Është e turpshme të tentosh gënjesh shqiptarët në këtë mënyrë. Por ata nuk gënjehen aq lehtë. Ata e shohin se një litër karburant në Shqipëri është më i shtrenjtë se në Greqi dhe shumë më e shtrenjtë se në Maqedoni.
Kjo qeveri ka dështuar edhe me investimet për ujitjen dhe kullimin.
Në programin elektoral dhe në atë të qeverisë socialiste thuhej se do të investoheshin 160 milion dollarë për sistemin e ujitjes dhe kullimit, brenda një periudhe 4 vjeçare.
Por realiteti është krejt ndryshe. Kryeministri shprehet që mbështet investimet ne bujqësi, duke inspektuar ndonjë pastrim kanali, por gjatë tre viteve të qeverisjes së tij, fondet për ujitje dhe kullim janë shumë herë më pak, se ç’pati premtuar, duke e lëne bujqësinë ne mëshire te fatit.
Kjo qeveri ka dështuar edhe me skemat mbështetëse për bujqësinë.
Do të pesë fishojmë financimin publik për skemat mbështetëse të bujqësisë, ka qenë një tjetër premtim i bujshëm i PS.
Por si paraqitet në fakt realiteti? Struktura dhe aktivitetet e parashikuara për mbështetje, përjashtojnë pothuajse tërësisht fermerin.
Tendenca e Ministrisë te Bujqësisë për te ndryshuar kahun e financimit nga pagesa direkte për hektar te sipërfaqes se mbjelle, drejt financimit te ngritjes se kapaciteteve grumbulluese, ruajtëse dhe përpunuese, është e gabuar, sepse rrezikon frenimin e rritjes se prodhimit bujqësor si dhe shpenzimin e fondeve ne mënyre jo eficiente.
Projekti “AGRO 100”, të cilin kryeministri e propagandon me shumë bujë, duke thënë se qeveria do të financojë të gjithë ata që duan të investojnë në fshat, nuk është gjë tjetër veçse mashtrimi i radhës i tij.
Ai nuk është gjë tjetër veçse një fond garancie, i cili do të shërbejë si kolateral për bankat e nivelit të dytë, për të dhënë kredi për investimet në bujqësi, por jo me norma të ulta interesi, ose me interes zero.
Kjo qeveri ka dështuar edhe me shitjen e prodhimeve bujqësore.
Para se te vinte ne pushtet Rama u premtoi fermerëve se nuk do tu linte asnjë kg prodhim pa shitur.
Por prodhimet bujqësore mbeten pa u shitur, kalben dhe përfundojnë si mbeturina argjinaturave të lumenjve.
Kjo qeveri ka dështuar gjithashtu edhe me formalizimin e bujqësisë. Asnjë fermer nuk po shikon ndonjë përparësi, për faktin që është pajisur me të ashtuquajturin NIPT.
Por e dështuar nuk është vetëm reforma në bujqësi, por e gjithë reforma në ekonominë shqiptare.
Dhe këtë nuk e themi vetëm ne, deputetët e PD këtu në parlament.
Atë e thonë vetë investitorët e huaj, në konferencat show të qeverisë.
Kryeministrit i është dashur pardje, të durojë live shuplakën e fortë të biznesit të huaj, për politikat e dështuara fiskale.
Përfaqësuesi i FMN në Shqipëri, Jens Reinke, pohoi se komuniteti ndërkombëtar ka ende një vlerësim të ulët për Shqipërinë si lokacion investimesh.
Zëvendës shefi i misionit të SHBA në Tiranë, David Muniz, deklaroi pardje se investitorët që kanë dashur të investojnë në Shqipëri, janë frikësuar dhe kanë ikur dhe se ka një sërë problemesh që e kanë vështirësuar klimën e biznesit në Shqipëri.
Mark Crawford, kryetar i Dhomës Amerikane të Tregtisë, ka zhvlerësuar pretendimet e kryeministrit për mos largime të bizneseve të huaja nga Shqipëria.
Ai pohoi se dy kompani amerikane që kishin studiuar tregun shqiptar, për një investim prej 250 milion $, ishin larguar, se Shqipëria nuk mund të konkurrojë me vendet e rajonit, për sa i përket taksave.
Kolegë deputetë!
Kryeministri vjen shpesh për fundjavë në Korçë, dhe mirë bën. Ai, si shumë qytetarë të tjerë, e ka kuptuar që në Korçë ja vlen të qetësohesh dhe të çlodhesh për fundjave.
Por kur të vish përsëri për fundjavë dhe të bësh ndonjë inspektim punimesh, zoti kryeministër, të lutem mos i mashtro korçarët, duke deklaruar se, me PS në qeveri, për Korçën është investuar në 2 vjet e gjysmë sa 20 vjet të marra së bashku, se nuk të beson kush.
Ne fakt, gjatë qeverisjes të PS, Korça ka pasur vetëm 3 investime kryesore, pazarin, kullën e famshme dhe Parkun Rinia, te tria së bashku rreth 7 milion euro.
Por mos harro zoti kryeministër, se gjatë qeverisjes së PD, vetëm rruga Korçe-Pogradec dhe Unaza e Korçës, ishin dy investime me vlerë te paktën 40 milion euro.
Së fundmi, dua të ngre një shqetësim shumë të madh të banorëve të fshatrave të Korçës dhe të rrethit të Kolonjës, për të cilët, rruga Korçë-Ersekë është bërë një ferr i vërtetë.
Rruga kombëtare Korçë-Ersekë, me gjatësi 17.5 km, e nisur në qershor të vitit 2013, duhej të kishte përfunduar në qershor 2015.
Por sipas drejtorit të Autoritetit Rrugor Shqiptar, qeveria, jo vetëm që nuk ka çelur asnjë fond për vitin 2016 për këtë objekt, por nuk i ka shlyer as detyrimet e prapambetura prej 6 miliard lekësh firmës kontraktore.
Për pasojë, firma kontraktore ka braktisur punimet dhe rruga është lënë në mëshirë të fatit, në gjendje skandaloze, me gropa të thella, me pluhur dhe baltë, jashtë çdo standardi.
Në vazhdën e mashtrimeve, përfaqësues të qeverisë dalin përpara kamerave dhe gënjejnë qytetarët duke thënë se punimet janë ndërprerë për shkak të kohës së keqe dhe do të fillojnë menjëherë me përmirësimin e saj.
Banorët e gjithë kësaj zone shprehen, se përballë kësaj situate skandaloze dhe heshtjes të shtetit, e vetmja gjë që ju ka mbetur, është protesta.
Nuk e kuptoj pse deputetët e PS të qarkut të Korçës, që mbulojnë këtë zonë, nuk mbrojnë interesat e qytetarëve që i kanë votuar. A kanë udhëtuar ndonjëherë në këtë rrugë dhe a i kanë dëgjuar shqetësimet e banorëve? Pse nuk e ngrenë këtë shqetësim këtu në parlament dhe pse nuk lobojnë në qeverinë e tyre për çeljen e fondeve, që të paktën rruga të bëhet e kalueshme, ashtu si ka qënë më parë?
Por kjo qeveri as ka përfunduar dhe as ka për të përfunduar ndonjë rrugë.

Fjala në Parlament i deputetit të Partisë Demokratike, Gjergji Papa, 26 maj 2016

Sot po diskutojmë se si të shtyjmë edhe disa vjet të tjera gjuetinë e njeriut mbi kafshët në Shqipëri, por ne në fakt kemi më shumë nevojë që të ndalim gjuetinë e njeriut mbi njeriun në këtë vend. E cila është më e pamëshirshme dhe më mizore se e para, dhe pse jo gjithmonë përfundon me vrasje. Dhe ajo ka pothuajse gjithmonë si shenjestër të varfërin dhe të pambrojturin, që është preja më e lehtë e gjuetarëve të egër të pushtetit, por po aq edhe ujqërve të uritur të krimit. Hataja më e madhe është kur të dy racat e gjuetarëve janë në aleancë të fortë midis tyre, dhe gjëma e gjëmave, kur janë e njëjta gjë apo të shkrirë në një njeri të vetëm. Ne na ka ndodhur tamam kjo e dyta ndaj edhe është pikërisht ky moratoriumi, që na duhet, sepse kaq të madh e kemi hallin.

Të nderuar kolegë,
Unë nuk kam pasur asnjëherë ndonjë emër tjetër, nuk jam marrë kurrë me trafiqe, nuk jam arrestuar ndonjëherë, as në Shqipëri dhe as jashtë saj, por nuk mendoj se kjo përbën ndonjë arsye për t’u krenuar. Meritë, jo e jo. Natyrisht që nuk është, as rastësi, dhe as fat, është zgjedhje. Por deri këtu, sepse si unë janë më tepër se 95 përqind e shqiptarëve të tjerë, përfshirë këtu edhe shumë prej kolegëve deputetë, në të dyja blloqet politike.
Por problemi është se ne kemi mbërritur në një pikë që edhe në këtë sallë kanë ardhur jo pak kontigjente të policisë, autorë dhe bashkëpunëtorë të krimeve rrëqethëse. Ata janë sot titullarë të rëndësishëm edhe në nivele të tjera të pushtetit dhe kjo është për të vënë kujën. Në këtë ditë nuk erdhëm rastësisht, ndaj edhe është e dhimbshme se e vetmja gjë që mund të bëjmë sot është të vecohemi nga trafikantët, vrasësit apo hajdutët e shtëpive, të cilët njësoj si ne janë ende ose kanë qenë para pak kohësh deputetë të Kuvendit të Shqipërisë.
Unë nuk e pranoj këtë standard të shpërfytyruar, por këtu nuk bëhet fjalë vetëm për mua. Ne duhet ta refuzojmë atë si insistucioni më përfaqësues i kësaj shoqërie dhe, fatmirësisht, unë e di se në këtë sallë ka plot njerëz normalë, për të cilët mund debatosh sa të duash për cilësinë e ligjvënësit, por nuk kanë pasur dhe as do të kenë kurrë lidhje me krimin dhe trafiqet. Dhe me gjithë damkën që i kemi vënë vetes sidomos në këtë legjislaturë, ne kemi ende mundësi për të bërë dicka që të ndahemi me të keqen.
Zonja dhe zotërinj,
Ne tashmë e kemi bilancin e parë të aplikimit të ligjit për dekriminalizimin. Sipas meje, ai është tronditës, ndonëse ky është thjesht një lexim paraprak i të dhënave të depozituara vullnetarisht. Le të mos harrojmë se ende nuk është kryer ende asnjë hetim, i cili mund ta thellojë dhe më shumë rezultatin.
Personazhe me dy, tre apo edhe katër emra të tjerë, përvec të vetit, të dënuar ose te arrestuar për trafiqe, që kanë veshur kostumin e deputetit ose që drejtojnë bashki të rëndësishme në vend. Si askund tjetër në botë, në Europë as që bëhet fjalë. Pasi edhe në vendet më të kriminalizuara, ka një normë apo etikë për të mos e cuar banditin të paktën në parlament dhe në qeveri, por ku ndoshta edhe vetë mafiozët bëjnë kujdes që të mos ngjiten më lart se c’u takon, pasi pushtetin e shijojnë më mirë edhe në gjysmëerrësirën e botës së tyre.
Sigurisht, që ka pasur dhe ka përpjekje të dëshpëruara për ta relativizuar fenomenin dhe për ta paraqitur atë si një gjë të zakonshme. Kryeministri, që është kampion absolut në kërkimin me qiri të kontigjenteve të krimit për t’i promovuar më pas ata politikisht, nxitoi të shprehte lehtësimin, sepse, sipas tij, nuk arrihet dot deri tani numri 17 i atyre që ka deklaruar para dy vjetësh opozita. A thua se po qenë 16, 10 apo qoftë dhe 5 të inkriminuarit VIP në vepra të rënda, shoqëria, jo vetëm nuk duhet të shqetësohet, por përkundrazi, duhet t’i kërkojë llogari opozitës, pse nuk di të numurojë mirë.
Dhe mendoj se kjo është si fitore e Pirros përballë shijes së rëndë që kanë lënë kudo në Shqipëri lajmi për kaq shumë të zgjedhur kombëtare dhe lokalë, me cene të rënda në biografinë e tyre. Shumica e të cilëve, janë përzgjedhur kokërr për kokër prej vetë Edi Ramës, përgjegjësit kryesorë të këtij regresi mbresëlënës të kursit demokratik të vendit.
Për shkak të tij kemi sot disa bashki të vendit të pushtuara nga njerëz të basifondeve më të errëta të krimit, ndërkohë që Shukriun e Peshkopisë e futën menjëherë në burg. Natyrisht, që e konsideroj të rëndë dhe të papranueshëm skandalin e tij, por ndërkohë jam shumë i bindur se ajo që ka bërë Shukriu është e pakrahasueshme me te zezat e të tjerëve, që sot po ankohen se po u bihet më qafë, për gjoja ca krime të vogla, që kanë kryer kur ishin refugjatë apo më të rinj. Sepse i bie në këtë vend dënohet vetëm ai që del në televizor, madje edhe në këtë rast, ka përjashtime, që të gjithë i kemi parë, me zë e me figurë.
Kam dëgjuar plot këto kohë që thonë se ka përgjegjësi edhe publiku për gjithësa po ndodh, sepse mirë ata që i propozojnë, po njerëzit pse duhet t’i votojnë. Në fakt kjo është një pyetje sa cinike aq edhe e ligë, e cila përpiqet ta fshehë dhe ta maskojë të vërtetën. Eshtë e njëjtë me atë se ne kemi zyrtarë që vjedhin pasi jemi shoqëri e korruptuar, i cili është justifikimi më pervers që i bëhet korrupsionit në Shqipëri. Jo, jo, nuk kanë asnjë faj qytetarët. Sepse nëse ti u thua që ke kandidat ose atë me katër emra, ose atë spaciatorin e Zyrihut apo Amsterdamit, ai cfarë do bëjë, do të përshtatet, kur shikon se është i pafuqishëm të ketë një zgjedhje tjetër? Do të pranojë logjikën e të fortit, e cila i është imponuar nga krye i forti i qeverisë, i cili i ka marrë në gji dhe në besë të gjithë banditët e Shqipërisë, që janë shndërruar tashmë në zyrtarë të lartë.
Kur shohin se sa më i korruptuar të jesh, aq më larg ngjitesh në karrierë, dhe kur asnjë hajdut me pushtet nuk ndëshkohet, edhe aktivistët më të vendosur të shoqërisë dorëzohen, dhe e pranojnë rushfetin si mjetin e vetëm për të zgjidhur ndonjë hall. Kjo është Shqipëria sot, jo e parë nga lart, por e njohur mirë nga brenda.
Kam dëgjuar gjithashtu Pandi Majkon të thotë se po nuk u votua reforma në dejtësi ne rrezikojmë të kthehemi në një gjysëm Sicilie. Unë them se kjo ditë ka ardhur, për të mos thënë që është tejkaluar, por jo për arsyen që thotë ai, por për shkak të lidhjes së fortë të krimit me politikën, këtëj nga anët tona. Eshtë e vërtetë se mafia atje mund te diktojë apo imponojë shumë projekte në favor të saj, por unë nuk di që ajo t’i marrë vetë këto vendime në parlamentin e Romës apo në këshillin bashkiak te Palermos, sic po ndodh këtu tek ne.
Dhe pyetja është cfarë do të bëjmë po vazhdoi kështu? Do të presim që edhe opozita të konkurrojë me bandat e veta dhe të presim që të fitojë më i forti, që do të thotë ai që mbledh më shumë horra dhe armë në anën e vet? Dhe nuk është cudi që kjo të ndodhë, nëse do të vijojë për shumë gjatë kjo telenovelë e pistë. Sepse askush prej nesh nuk mund ta parashikojë se cfarë Shqipërie dhe cfarë opozite mund të kemi nesër, nëse pushteti nuk do ta ndryshojë filozofinë dhe sjelljen e vet. Nuk ka asnjë rëndësi, në do të jemi ne ose të tjerë, që do t’i tundin gishtin njëri-tjetrit në këtë sallë, sic po bëjmë ne tani.
Dhe pyetja është a ka një rrugëdalje për të shpëtuar nga kjo mënxyrë dhe nga ky bastardim i cdo vlere dhe morali apo jo?
Mendoj se vetëm një reflektim i thellë i klasës politike do të ishte zgjidhja. Pas këtij rrënimi moral, kam bindjen e plotë se nevoja për rithemelimin e republikës është kthyer në një emergjencë kombëtare.
Na duhet reformë e plotë kushtetuese, që të nisë me ligjin e ri elektoral, e cila përfshin natyrisht dhe reformën e famshme të drejtësisë, si kapitull të rëndësishëm të saj. Dhe të mos kompleksohemi kot nga mungesa e kohës, sepse nuk ekziston fare ai problem. Të mos harrojmë që 8 vjet më parë na u deshën më pak se 48 orë për ta përmbysur krejtësisht kushtetutën.
Le të ulemi që sot për një kontratë të re sociale, sepse nuk mund ta zvarritet kaq pafundësisht tranzicioni i këtij vendi. Le ta fillojmë me zgjedhjet, sepse ato janë themeli i cdo shoqërie demokratike. Sepse aty i kemi rrënjët e cdo infeksioni, edhe këtë vërshim të krimit në politikë dhe në administratë, për shkak të zgjedhjeve të deformuara e kemi peshqesh. Sepse të fortët, që kanë adhur në parlament dhe sundojnë cifligje të tëra territoresh në bashkitë e reja të Shqipërisë, janë thirrur nën armë pikërisht për të rrëmbyer votat, me dhunë dhe me para të pista. Të ndahemi me vullnet të qartë nga kjo shëmti e frikshme, që na ka shndërruar në një shtet qesharak, i cili shërben si anekdotë për botën, si shembulli që nuk duhet ndjekur.
Natyrisht, mund të ketë plot formula, të cilat nuk janë vështirë të gjenden, nëse duam realisht të dalim sa nuk është vonë prej kësaj gjendjeje të pashpresë. Duhet ta pranojmë publikisht se ne, sot në opozitë, nuk arritëm ta ndryshojmë aq shumë për mirë Shqipërinë, sa kemi thënë. Ndërkohë, është po kaq e vërtetë se këtu nuk ka pasur asnjë ditë të vetme “Rilindje”, që nga 2013-a e këtej, kur Edi Rama erdhi në pushtet bashkë me Ilir Metën. Por kjo nuk kalohet me një ndjesë, e cila, edhe po të shqiptohet, nuk i shërben askujt. Prej nesh priten akte të forta dhe unë po propozoj një të tillë, pa ndonjë shpresë të madhe se do të merret në konsideratë.
Le të shkojmë vitin e ardhshëm në zgjedhje, jo vetëm për parlamentin e ardhshëm, por edhe për pushtetin vendor. Le të kemi zgjedhje të parakohshme lokale, sepse duhet ta pranojmë që jemi në një situatë të jashtëzakonshme. Kjo do të shmangte edhe koston e dyfishtë, pasi e di që do të kërcenin përpjetë edhe qeveria edhe avokatët e saj për të na ruajtur nga gjoja shpenzimet e tepërta, meqë jemi vend i varfër.
Le t’i quajmë zgjedhjet e vitit të shkuar si një shans të humbur, sepse të tilla ishin. Për shkak të problemeve të rënda që u vërejtën, të blerjes dhe deformimit të votës, por mbi të gjitha nga oferta e turpshme që iu bë shqiptarëve, me kandidatë me pesë emra, apo me të dënuar apo të arrestuar për trafik droge dhe prostitucioni.
Eshtë më e pakta që mund të bëjmë në këto kushte. Unë e di se është e padrejtë që të përsëriten zgjedhjet në ato bashki, që i kanë fituar qytetarë të nderuar, në të dyja kampet e politikës. Por më mirë le të digjet edhe i njomi me të thatin, sesa të vijojë debati a e kap ligji apo s’i kap ligji njërin, që ka mbajtur katër emra apo tjetrin, që është arrestuar 5 herë për krime monstruoze.
Prej nesh kërkohet një gjest solemn, se nuk do t’i rikthehemi më kësaj historie të neveritshme, që na nxin faqen të gjithëve, natyrisht në proporcion me përgjegjësinë, që kemi apo kemi pasur. Sepse ndryshe, cfarë kuptimi ka që kemi një ligj për dekriminalizimin, i cili ishte në një farë mënyre, pranimi publik i kësaj sëmundjeje të rëndë. Qëlllimi i tij parësor nuk është vetëm pastrimi i tanipërtanishëm nga cubat, që kanë mbushur politikën dhe administratën, por që të frenojë dhe ndalojë përhapjen e kësaj epidemie të rrezikshme.
Dhe pasi të biem dakord për këtë them se mund të miratojmë brenda ditës reformën për drejtësi, reformën në arsim, reformën në shëndetësi, reformën në bujqësi, reformën e pensioneve, reformën në peshkim, madje edhe reformën për luftën e yjeve, po të doni, sepse është shumë e lehtë per t’u arritur gjithcka pastaj.
Një kontratë e re sociale do të thotë ndarje me veset dhe plagët e thella të së shkuarës dhe marrjen e përgjegjësive për një të ardhme, që ushqen mirëbesimin mes palëve. I cili arrihet vetëm me rregulla të reja loje.
Ndaj po i drejtohem Edi Ramës, që të heqë dorë nga hilet e vogla provinciale duke bërë sikur e fton opozitën vetëm për të votuar reformën, sipas tij, në drejtësi. Nëse do që të mbahet mend për ndonjë gjë të mirë në këtë vend, le të prijë ose t’i bashkohet tryezës për Republikën e Re. I takon atij, si askujt tjetër, jo vetëm si udhëheqës i mazhorancës, por mbi të gjitha si autori kryesor i këtij deformimi të tmerrshëm, që e mbushi parlamentin me gjuetarë njerëzish. Kjo është realisht e vetmja rrugë.

Fjala e deputetit të Partisë Demokratike, Astrit Patozi, 26 maj 2016

Sot në Parlament në ndryshim nga gjithë herët e tjera, unë do ta nis fjalën time me një lavdërim për mazhorancën.

Duket e çuditshme, por pas shumë të zezave që ju  i keni shkaktuar këtij mileti.

Pas varfërisë, papunësisë.

Pas brengave, hidhërimeve,

Korrupsioneve, aferave e koncesioneve, ju i kthyet më në fund atij qeshjen.

Për hir së vërtetës ja kthyet vetëm për një kohë të shkurtër. Mgjt edhe për këtë, meritoni një falenderim!

U desh në fakt vetëm një gjë që kjo të ndodhte.

U desh formulari i vetëdeklarimit që njerëzia të gajasej, të shpërthente në të qeshura e të tallej si kurrë më parë.

Tani me të zezën tuaj,  por përsëri për të zezën e vet.

Prandaj, kjo e qeshur ka dhe përcjell një shije disi të hidhur.

Komizmi që prodhuat këto ditë nuk do harrohet për një kohë të gjatë.

Për këtë të jeni të bindur!

Formularët tuaj na ndriçuan, por dhe na errësuan njëkohësisht.

Ata na treguan se Kryeministri ynë ka ngushtuar emrin.

“E ka bërë trendy” – do shprehej brezi i ri, i papunësisë moderne, që ju keni qef ta quani gjeneratë tjetër.

“I ka hyrë emri në ujë” thotë populli.

E ka bërë nga halli apo nga malli, këtë pritet të na e shpallë ai vetë.

Por jo vetëm kaq.

Ca kohë sipas dhe asaj që është thënë, u vërtetua se ka qëndruar në Francë.

Se kush e solli në Shqipëri, si dhe përse, e kanë thënë të tjerët dhe nuk duket e nevojshme ta them unë.

“Për të shpëtuar mëmëdhenë”, apo që Shqiptarët të marrin dhenë, nga sytë këmbët, këtë pritet të na e zbardhë, jo si tasin e makaranove dikur, vetë ish-anarkisti snob.

Por krahas kryeministrit që e ka qepur emrin e tij, na dolën dhe nga ata deputetë që e kanë shqepur atë. Thënë ndryshe sipas një fjalori të dikurshëm “Janë hapur emrash” krahas mënyrave të tjera të hapjes.

Na i kanë zgjeruar, ose që i kanë ndyshuar muzikalitetin, sepse nuk i rrinte mirë me veshin, por që në fakt, me qëllimin që policia të mos i vinte veshin krimeve të bëra.

Formularët na zbuluan se tek ne ka drejtues tuaj që vjedhin, jo thjesht sipas asaj shprehjes: “rrëmbejnë me katër duar”, por kanë grabitur e grabisin dhe me katër emra.

Në xhep kanë me siguri dhe disa emra të tjerë. Nuk thonë kot emri i bardhë e i mirë, për ditë të këqija e të vështira.

Na treguan, se ju keni përfaqësues tuaj aq profanë e të dlirë sa që nuk i kujtohet pse e ndaloi policia e Mynihut, por ama që kujton mirë, kur mësuesja e klasës  së tretë e nxorri jashtë, sepse nuk dinte tabelën e shumëzimit.

Formularët dëshmuan  akuzat tona, se keni drejtues që janë arrestuar e hetuar ne shtete fqinj, për vepra të rënda penale, por që mbrohen, sikur të kishin shkelë rregullat e qarkullimit me biçikleta!

Ca të tjerë kanë shgarravitur në formularë disa cerek të vërteta, për të fshehur aty malin e madh tē veprave kriminale.

Kurse “më të zgjuarit”  kanë zeruar cdo gjë!

Kanë vizatuar aty diagonale vizash, për të mbuluar lakueshmërinë e fateve personale, të mbarsura me qindra hije dhe akuza, trafiqe e vepra penale. Te ditura e të njohura botërisht!

Shkurt, kanë luajtur dhe njëherë bingon e rradhës, sipas parimit “të fortët” nuk vetëdorëzohen dhe as vetëdeklarohen.

Dhe pas gjithë kësaj panorame sa qesharake aq dhe tronditëse, vijnë qëndrimet e K/ministrit.

Ai pa galje fare, i gjendur në fundin e honit të skandaleve dhe batakun e korrupsionit galopant, kërkon me qiri gropën e tjetrit, për të shpëtuar aty nderin e humbur me kohë dhe për të na bindur, sikur padija e tij e rreme është baraz pafajësi.

Sikur të gjithë ata që akuzohen sot, ja hodhën pa dashje.

Sikur ky nuk ka asnjë dijeni për triumvratin kriminal të pushtetit të tij local, të cilin ja kemi thënë me qindra herë.

Dhe nuk mjaftohet me kaq. Na barazon Palokën e dënuar politikisht nga ai vetë, me Roshin e promovuar nga ai vetë, me të cilin krahas të tjerave na e lidhka dhe data e ndërrimit të emrit.

Barazon Albanin që ka shkelur semaforin me makinën e tij, me ata që dërgonin e mbushnin semaforët e Europës me vajzat shqiptare, për të ushqyer fitoren e tij politike.

Formularët e bardhë kinse, nuk mund të zbardhin faqen e nxirë të kryeministrit dhe as mund të jenë flamuj që tunden për të bërtitur virgjërinë kriminale të qeverisjes së tij, tashmë të volusor me simbolin e piraterisë.

Zbardhja e këtyre formularëve të bardhë me siguri do zbardhë politikën po jo kryeministrin.

Së paku dhe zonja sekretare e përgjithshme e parlamentit ta kishte zbardhur formularin e saj.

Kryeministrin tonë nuk e shpëton asgjë, madje as catcheri i Interforzës!

Lajmi që policia politike e shtetit tonë, zotëron një pajisje përgjuese, personalisht për mua nuk bën shumë çudi.

Por kjo nuk e bën atë, që  të mos konsiderohet si një ndër skandalet më spektakolarë të këtyre viteve demokraci.

Në fakt nuk bën çudi, pasi cdo regjim, cfarëdo pamje të ketë ai, si ky në të cilin jetojmë ne, vuan paranojën e armiqve. Ky nuk njeh kundërshtarë politike. Thjesht dhe vetëm armiq. Armiq të jashtëm dhe të brendshëm! Tek e fundit i duhet ti mbajë ato nënë përgjim.

Nuk bën cudi, pasi një qeverisje, e cila mbjell e lulëzon vendin e saj vetëm me kanabis e krim, i duhet të ruajë konkurencën në këtë treg dhe më mirë se përgjimi këtë nuk ja siguron askush.

Por mbetet skandal sepse tregon që shteti këtu është privatizuar. Është privatizuar nga krimi i veshur me pushtetet. Dhe informacioni është pushtet.

Nuk bën cudi se cdo fund, ndez dritat e alarmit dhe angazhon me kuc e me mac, me soj e sorollop, cdo mënyrë e dëshirë për të mbyllur gojën e medias,

Për të heshtur shoqërinë civile,

Për të vjelur e mjelur biznesin.

Shpejt, saktë, pa zhurmë e bujë këtë ja siguron vetëm ai përgjimi, prapa skutave të pajisjeve të paautorizuara.

Por mbetet skandal, sepse sot askush nuk e di se cfarë shteti është ngritur dhe si funksionon.

Askush nuk e di që telefoni i tij, vendodhja e tij, fjala e tij mund të bëhën shkaqe të pamenduara për ti ndryshuar për keq fatin e jetës së tij.

Askush nuk e di që nëse krimi përgjon apo përgjohet,

që Presidentin e dëgjon prapa derës Kryeministri, apo që ky i fundit ka për hobi përgjimin e kryetarit të parlamentit.

Sa për opozitën  e kryetarin e saj dihet. Telefonat tanë kërcasin 24 orë. Por kja nuk na impresionon. Ne e dimë që ju do përdorni gjithcka në luftën tuaj gjuetare.

Ka 10 ditë që prokuroria ka kërkuar dorëzimin e pajisjes dhe policia. Dhe ende paisja vazhdon të fshihet.

Përfaqësuesit e ministrisë dhanë dhe japin deklarata tepër kontradiktore. Në fillim e mohuan. Më pas e pohuan pjesërisht. Vendi mbetet akoma I paditurNdërkohë ministria mbrohet dhe deklaron se ajo nuk shkel ligjin dhe nuk përgjon

Fjala në Parlament e deputetit të Partisë Demokratike, Luçiano Boçi, 26 maj 2016

Përgjimi i paligjshëm që ka bërë Saimir Tahiri është prova më e fortë se shteti dhe ligji kanë rënë, se shteti dhe ligji janë zëvendësuar me një organizëm mafioz e me kodin e tyre të veprimit.

Kjo shkelje brutale e ligjit, e sigurisë kombëtare, e të drejtave themelore të njeriut tregon ndarjen e thellë të dy botëve në vendin tonë.

Të gjithë e kemi parë se si policia ndalon dhe përzë me dhunë nënën nga Shkodra që shet duhanin që ajo vetë ka mbjellë, sepse e konsideron informalitet, se si përfundoi në burg berberi që s’kishte kupon, apo si përndiqen e gjobiten tregtarët ambulantë, ndërkohë që Saimir Tahiri me lejen dhe dijeninë e plotë të Edi Ramës, kalon në doganë një pajisje përgjimi pa e regjistruar, pa e deklaruar, e përdor atë pajisje, përgjon kë dëshiron.

E gjitha kjo, jo vetëm pa autorizimin e Prokurorit të Përgjithshëm, por kur skandali zbulohet, ai nuk pranon hetimin, e pengon atë dhe nuk dorëzon përgjuesin e paligjshëm.

A mund të ketë informalitet më të madh se sa ky, që kryhet nga ministri i brendshëm, nga kryeministri.

Kjo shkelje e rëndë e ligjit, në fakt e kapërcen informalitetin, dhe hedh në erë bazat e një shteti, standardet më minimale.

Qeveria, Edi Rama, Saimir Tahiri, ende nuk përgjigjen, ku gjendet sot pajisja, kush e solli, nga u fut, pse nuk u regjistrua, kush e përdori, kush u përgjua dhe pse?

Ky është një shqetësim i madh publik, kulmi i paligjshmërisë, që ka autorë, ka përgjegjës, dhe prokuroria lypset me shpejtësi të bëjë drejtësi.

Partia Demokratike nuk e konsideron përgjimin e paligjshëm të krerëve të institucioneve, të politikanëve, të opozitës, të përfaqësuesve të medias, si një çështje të sajën.

Ky është një zhvillim tronditës që kërkon reagimin e qytetarëve, e shoqërisë civile, e universiteteve, të medias.

Një klan mafioz në pushtet si ky i Ramës këtë dëshiron, heshtjen, mos-reagimin.

Por ky zullum nuk mund të kapërdihet. Të gjithë duhet të bashkohemi e të ngremë zërin, që ky antishtet të ndalohet, që dhunime të tilla të Kushtetutës, të Sigurisë Kombëtare, të Lirive dhe të Drejtave Themelore të Njeriut të mos ndodhin më.

Deklaratë e deputetit të Partisë Demokratike, Luciano Boçi, 25 maj 2016