Blog

Kur gazetarja e euronews e pyeti për trafikun e armëve, Edi Rama iu hakërrye keq, sikur ajo po sajonte e po shpifte. Por sot është kapur një grup që trafikonte jo vetëm armë të lehta, por dhe mitralozë e granata. Rama me siguri nuk di më pak se gazetarja e euronews, por mundohet ti fshehë këto trafiqe e trafikantët, dhe madje ti mbrojë ata. Siç bëri me Balilin, siç bën me Habilajt e shumë banda të tjera. Po krimet janë të rënda shumë e nuk mbulohen dot prej tij. Të habiturin e të paditurin bëri dhe për avionët e drogës, po ato mbushën qiellin. Është e qartë se Rama s’ka padije për këto punë, se këto punë bëhen me licesën e tij. Ai thjesht mundohet ti fshehë. ​

Njoftim për shtyp i Partisë Demokratike, 21 Maj 2016

Kryetari i Partisë Demokratike, Lulzim Basha ka vijuar turin e bashkëbisedimit me banorë të Pogradecit. Ndonëse një nga qytetet më të bukura turistike, Pogradeci ashtu si i gjithë vendi vuan pasojat e keqqeverisjes e së fundmi edhe të diskriminimit. Papunësi e madhe, rënie e fuqisë blerëse, varfëri, mashtrimi që mazhoranca u bëri për t’iu marrë votat tre vite më parë dhe shkatërrimi i pronave me leje, pa dhënë asnjë dëmshpërblim ishin disa nga shqetësimet që banoret e Pogradecit i shprehën zotit Basha.

Tregtar: Unë jam një biznes i shkatërruar. Që më datën 6 janar të vitit 2015 akoma nuk më është dhënë vendimi i prishjes së objektit, vazhdoj me gjyqet. Nga një biznes që kisha 10 punëtorë unë sot jam i mbaruar, dal e lypi bukë.

Basha: Ka një shtet brenda shtetit që merr paratë që duhet ti merrje ti. Ka një shtet brenda shtetit që merr paratë që duhet të shkojnë për ilaçet nëpër spitale, pajisjet nëpër spitale. Ka një shtet brenda shtetit që merr paratë e pensioneve e të ndihmës ekonomike. Ka një shtet brenda shtetit dhe ky është Koço Kokëdhima, është Klement Balilaj, është Emiliano Shullazi, është Saimir Tahiri, është Edi Rama, është Arben Ahmetaj. Ka një shtet brenda shtetit, po nuk shkatërruam këtë shtet brenda shtetit kjo mynxyrë do të vazhdoj.

Ish-minator: Na ka premtuar se do të na japë statusin e minatorit. Jo status nuk po na jep por edhe po na mashtron me një pension qesharak.

Basha: Po si mund të rritet ekonomia kur gjithë paratë që mblidhen nga taksat shkojnë për luks qeveritar?! 90 milionë euro i kanë bërë orendi për zyra, për zyrat e Shukriut e të shukrive. Paratë do të kthehen në investime dhe jo investime luksi, investime që do të hapin vende pune.

Tregtarët ankohen për gjobat e mëdha që u vihen nga tatimorët. Vijnë deri në 6 herë në ditë për kontroll, kur s’marrin ryshfet vënë gjoba, tha një tregtar.

Për biznesin e vogël heqja e taksës është zëvendësuar me gjoba sa 3-fishi i taksave që paguanin.

Prodhues buke : Të puthin duart gratë e shkreta se duan bukë të ftohta, të ndenjura pa lekë. Kam pesë punëtorë, vetë jam gjashtë, i siguruar me taksa me tatime. Po erdh Hetimi Tatimor do qëndroj këtu, ose do të bëhesh gati të paguash, ose ka gjobë 500 mijë. Ky është shteti i gjobave, gjobëvënës.

Në dyqanin e mishit, Basha: Sa kile mish shet në ditë?

Kasap: Po 5, 6 kile.

Basha: Sa ke shitur vjet?

Kasap: Po gati 30, 40 kile.

Basha: 5 herë më pak se vjet.

Kasap: Po s’kanë lekë njerëzit.

Basha: Nxori njerëzit papunë, riktheu bandat jo vetëm në Shqipëri por edhe në qeveri. Morën 180 milionë euro oligarkët dhe bandat. 2.2 miliardë në dy vjet janë zhdukur nga financat e shtetit. Këto janë paratë që iu mungojnë kasapëve.

Tregtar: Vetëm në një ditë gjashtë herë vijnë të tatimeve.

Basha: Po çfarë duan që vijnë gjashtë herë këtu?

Tregtar: Thjesht ka hequr taksën e biznesit të vogël dhe atë do ta zëvendësojnë me gjobë.

Tregtar: Pse erdhi nusja e më solli një çikë bukë mua këtu, 500 mijë lekë direkt gjobë, pa një vendim.

Basha: Taksat do t’i ulim, gjobat abuzive do t’i anulojmë.

Tregtar: Taksat i paguajmë por gjobat na mbytën.

Basha: Absolutisht, taksat i merr banda dhe banda ble 60 mijë euro syze, bën saraje 5 milionë euro.

Tregtare: S’kemi bërë sefte akoma, s’ka leka.

Pronar mobilierie: Nga janari deri tani muaji i parë që ja po themi që ingranohemi si duhet.

Basha: Sa punonjës ke?

Pronar mobilierie: Unë kam shtatë. Kam pasur shumë po mundësia s’është më.

Basha: Sa ke pasur?

Pronar mobilierie: Deri në 15.

Tregtar: S’ka punë nuk ecën asgjë, as xhiro. Prandaj shikoni tani të hapni punë.

Rritja e çmimit të energjisë, ulja e pagesës së ndihmës ekonomike dhe lënia pa asnjë kujdes social e më të pamundurve ndihet në shumë familje në Pogradec. Dy prej tyre u vizituan nga zoti Basha. Shtatë anëtarë të një familje detyroheshin të jetonin në një dhome, nuk kishin të ardhura dhe s’paguanin dot faturën e energjisë elektrike. Kishin investuar në bimët medicinale të cilat për shkak të rënies ekonomikë nuk gjenin dot treg. Në këto kushte shtatë pjesëtarët e familjes ishin në kufijtë e mbijetesës.

Familjar: Tani unë nuk kam çfarë them.  Në këtë dhomë jetojnë shtatë veta zotëri, pesë fëmijë, burrë e grua.

Basha: Të gjithë këtu jetoni?

Familjar: Po, po.

Basha: Fëmijët këtu flenë?

Familjar: Këtu përdhe po, po.

Familjar: Do ta hap frigoriferin të shohësh çfarë hanë fëmijët. E kam menduar të mbytem në gjol po këta ku ti lë. Skam asnjë mundësi më…….

Kryetari i Partisë Demokratike premtoi dhe ndërtimin e unazës se qytetit. Projekti është gati dhe kostoja përllogaritet 9 milion euro e barabartë me paratë që merr me konçesionin korruptiv Vilma Nushi në 9 muaj tha Basha.

Njoftim për shtyp i Partisë Demokratike, 21 Maj 2016

Qytetarët që kanë të dhëna ti dërgojnë në portalin e Partisë Demokratike

“KQZ në një nga vendimmarrjet e sotme trajtoi kërkesën e PD për vënien në dispozicion të listës së të gjithë atyre zyrtarëve të lartë që kanë detyrim deklarimin dhe që kishin deklaruar në kohë dhe po ashtu të zyrtarëve të lartë të cilët brenda afatit të përcaktuar në ligj dhe në aktin nënligjor, nuk kishin deklaruar në kohë formularin e Dekriminalizimit. Kërkesa jonë  kishte të bënte dhe me vënien në dispozicion, sipas detyrimit ligjor, që ligji dhe vendimi i Kuvendit përcakton të gjitha organet, të informacioneve, publikut, qytetarëve, kujtdo subjekti të interesuar dhe njëkohësisht detyrimin për publikim në faqe zyrtare të të gjithë vetëdeklarimeve, pra jo vetëm listën por edhe të dhënat, të cilat përmbajnë vetëdeklarimet e të gjithë subjekteve që preken nga ky ligj dhe dokumentacionin që administron KQZ

Siç jeni në dijeni, PD si iniciatore për ligjin e dekriminalizimit, i ka kërkuar KQZ-së, po ashtu për interesin e qytetarëve, gjithë informacionin i cili po sipas ligjit, duhet ishte bërë tashmë publik nga KQZ.

Ne përshëndesim vendimmarrjen e sotme të KQZ e cila në këndveshtrimin tonë shënon një fitore tjetër të PD dhe qytetarëve në betejën për dekriminalizimin, por gjithashtu shprehim keqardhjen që kjo në këndvështrimin tonë është një vendimarje e vonuar. Dje, duhej të ishin bërë publike në faqen e KQZ gjithë këto të dhëna që ne kërkuam , çka demonstron në këndvështrimin tonë përpjekjet e mazhorancës qeverisëse për ta vonuar sa të jetë e mundur hyrjen në fuqi dhe bërjen efektive në mënyrë të plotë të ligjit për dekriminalizimin.

Ne i bëjmë thirrje qytetarëve që të verifikojnë të zgjedhurit e tyre, ata që i përfaqësojnë. Gjithashtu të përcjellin dhe të denoncojnë çfarëdo lloj informacioni që kanë ata për zyrtarë të lartë qofshin këta të zgjedhurit, qofshin zyrtarë të lartë të administratës lidhur me implikimet e tyre në krime, dhe të gjitha këto ti bëjnë publike dhe ti denoncojnë në portalin e posaçëm që është i disponueshëm në faqen e  PD për këtë qëllim”.

Prononcim për mediat i Sekretarit për Zgjedhjet, Ivi Kaso, 20 maj 2016

Dekriminalizimi, zgjedhjet e lira e të ndershme, reforma në drejtësi që lufton korrupsionin, rruga e daljes nga kriza. 

Në takimin e Komitetit Parlamentar të Stabilizim-Asociimit së bashku me Eurodeputetët u konstatua që Shqipëria është në një udhëkryq të rrezikshëm për shkak të korrupsionit galopant, krimit të organizuar, dhe mungesës së shtetit të së drejtës dhe zbatimit të ligjit.

Dalja nga ky udhëkryq dhe përparimi në procesin e integrimit europian ka vetëm një rruge dhe ajo është:

1. Zbatimin pa asnjë vonesë të Ligjit për Dekriminalizimin dhe nxjerrjen nga politika dhe funksionet publike të personave me të shkuar kriminale.
2. Garantimin e kushteve për mbajtjen e zgjedhjeve të lira dhe të ndershme
3. Miratimin dhe zbatimin e reformës në drejtësi që nuk mbron korrupsionin dhe krimin e organizuar, por lufton korrupsionin dhe krimin e organizuar.

Eurodeputetët ringritën shqetësimin për azilkërkuesit nga Shqipëria duke theksuar dhe kërkuar që qeveria të zgjidhë arsyet e brendshme që shtyjnë shqiptarët të kërkojne azil në vendet Europiane.  Shqiptarët e dinë se keqqeverisja, varfëria, papunësia, dhunimi i të drejtave të qytetareve, vrasja e shpresës janë arsyet e këtij eksodi masiv.

Deklaratë e deputetit të Partisë Demokratike Aldo Bumçi, 20 maj 2016

Debati për përgjimin e paligjshëm jo vetëm nuk është mbyllur, por përkundrazi skandali është thelluar akoma më shumë.

Letra e ish drejtuesit të policisë italiane konfirmon, pohon drejtpërdrejt, se paisja ka hyrë në Shqipëri ilegalisht.

Sepse një paisje e tillë, gjurmimi e përgjimi, është ilegale kur futet pa u regjistruar në doganë, dhe është ilegale kur përdoret pa u vënë në dijeni dhe pa dhënë miratimin e tij Prokurori i Përgjithshëm.

Fakti se paisja është futur në mënyrë të paligjshme tregon se ajo do të përdorej, sic është përdorur nga Saimir Tahiri në mënyrë të paligjshme.

Tahiri ka zgjedhur të tradhtojë të gjithë vartësit e tij që janë përlyer në këtë krim, duke thënë se nuk është përgjegjësi e tij.

Pyesni policinë, thotë Tahiri.

Pyesni doganat, thotë Tahiri.

Kërkon të lajë duart ministri i brendshëm, kur gjithkush e di se paisja ka hyrë, është përdorur, me porosinë e tij dhe me dijeninë e Edi Ramës.

Shihni kushtet e flagrancës ku janë kapur Tahiri e shefi i tij i policisë. Të dy thanë në fillim se një paisje e tillë nuk ekziston. Më vonë Tahiri e pranoi se pajisja ekziston.

Më pas Drejtori i Përgjitshëm i Policisë së Shtetit, Çako deklaroi në komisionin e sigurisë se pajisja nuk ekziston. Ndërkohë, ish drejtori i policisë italiane e hedh poshtë deklaratën e Cakos dhe thotë se pajisja ekziston, ka hyrë në Shqipëri dhe është përdorur.

Këto qëndrime kontradiktore, të mbushura me alibi e mashtrime, janë provë e krimit që kanë kryer Tahiri me vartësit e tij.

Prokuroria duhet të zbardhë sa më shpejt këtë cështje, kemi të bëjmë me sigurinë kombëtare, me liritë dhe të drejtat themelore të njeriut, me interesin më të lartë publik.

Por ky hetim që e pret mbarë vendi, pengohet çdo ditë nga qënia në detyrë e Tahirit dhe e Cakos dhe e rrjetit të tyre drejtues.

Ata duhet të largohen menjëherë nga detyra, që të kemi shpejt një drejtësi të plotë e objektive.

Deklaratë e Sekretarit të Përgjithshëm, Arben Ristani, 20 maj 2016

Basha: Roshi kërcënon edhe deputetin e mazhorancës, Kryeministri hesht sepse është autori i vërtetë i kërcënimit.​
Kryetari i Partisë Demokratike Lulzim  Basha priti sot eurodeputetët anëtarë të Komisionit Parlamentare të Stabilizim Asocimit BE –Shqipëri. Zoti Basha ka kërkuar që ky sesion i komitetit të përbashkët të vlejë për të bërë një thirrje për zbatimin e ligjit, për zbatimin e ligjit për dekriminalizimin, për reformën zgjedhore që garanton kushtet për zgjedhjet demokratike, për një reformë në drejtësi që nuk mbron por  lufton krimin dhe korrupsionin në nivele të larta.

Pyetje: Zoti Fleckenstein tha nga Shkodra dy ditë më parë se kishte marrë garanci nga ju?

Basha: Partia Demokratike ka një qëndrim koherent, të parashikueshëm dhe transparent karshi qytetarëve shqiptarë dhe faktorit ndërkombëtar.

Ky qëndrim është për një reformë që nuk mbron por lufton korrupsionin në nivele të larta dhe krimin e organizuar. Dhe për këtë Partia Demokratike që prej fillimit ka bërë propozimet e saj, kritikat e saj që janë pranuar dy herë nga Komisioni i Venecias dhe që tashmë janë materializuar në formën e propozimeve mbi draftin përfundimtar të propozuar nga ekspertët ndërkombëtar.

Pra, kemi një propozim i cili po diskutohet në Grupin Parlamentar të Partisë Demokratike, njëkohësisht i është dhënë edhe ekspertëve ndërkombëtarë se si do të zgjidhim ato çështje, ato detyra që ka lënë “Venecia”, vendimmarrjen dhe arkitekturën e sistemit.

Partia Demokratike ka bërë propozimet e saj, presim që mazhoranca të cilës i takonte  të kishte bërë propozimet për dialogun politik të vendosë për këto. Megjithatë nuk e ka bërë, duket se sa shumë e do reformën, duket se sa e interesuar është për kalendarin e reformës.

Ne i kemi marrë këto përgjegjësi, i kemi bërë këto propozime dhe presim që përmes dialogut politik, të ndihmuar nga faktori ndërkombëtar, ti japim formë në mënyrë që reforma në drejtësi të përparojë dhe paketa kushtetuese ti hapë rrugën miratimit të ligjeve.

Sigurisht ky është një proces formal, legjislativ. Shqetësimi më i madh që ngrita sot me europarlamentarët është zbatimi i ligjit.

Shqipëria ka një ligj antimafie i cili kërkon konfiskimin e pasurive të krimit të organizuar. Këtu kemi një ministër të Brendshëm që jo vetëm nuk i konfiskon pasuritë, nuk bën hapat e duhur për të konfiskuar pasuritë e mafies por merr mafien në telefon dhe i thotë se nuk e keni nga mua.

Kemi një ligj për dekriminalizimin që kërkon që Roshi me kompani të largohen nga mandati i fituar në kundërshtim me këtë ligj. Roshi kërcënon tashmë jo deputetin e opozitës, por deputetin e mazhorancës dhe Kryeministri qëndron si kukudh pa thënë asnjë fjalë. Që do të thotë se aprovon në heshtje, merr autorësinë me heshtje të përdorimit të Roshit dhe roshëve për të vetmit rol që i ka sjellë në politikë, për të kërcënuar, për të shantazhuar në këtë rast deputetët e vet partisë së tij.

Kemi rekomandimet e OSBE/ODIHR-it për zgjedhjet e prishura në Shqipëri dhe nuk kemi akoma asnjë sinjal të qartë të vullnetit të kësaj mazhorance për të garantuar zgjedhje të lira dhe të ndershme. Kemi ligje kundër kultivimit të kanabisit dhe Shqipëria po lulëzon me kanabis nga jugu në veri. Problem nuk janë ligjet, problem është zbatimi i ligjit dhe zbatimi i ligjit është detyra parësore dhe kryesore e qeverisjes.

Kjo qeveri ka dëshmuar se nuk është e aftë dhe se nuk ka vullnet të zbatojë ligjet e Republikës së Shqipërisë. Kjo qeveri ka dëshmuar e në veçanti ky Kryeministër ka dëshmuar se është në shtrat me krimin e organizuar dhe së bashku i kanë dhënë Shqipërisë rekordet më të zeza të prodhimit të drogës, të  trafikimit të drogës, të mbrojtës së narkotrafikantëve dhe kokave të krimit të organizuar përmes Policisë së Shtetit dhe të korrupsionit në nivelet më të larta 25 vite demokraci.

Zbatimi i ligjit është pra problemi, shteti ligjor i nëpërkëmbur e bashkë me to dhe të drejtat e liritë e qytetarëve për interesat e mafies, narkotrafikantëve dhe oligarkisë. Ndaj bashkë me europarlamentarët duke ndarë këtë shqetësim, kam kërkuar që ky sesion i komitetit të përbashkët të vlejë për të bërë një thirrje për zbatimin e ligjit, shtetit ligjor, për zbatimin e ligjit për dekriminalizimin. Për reformën zgjedhore që garanton kushtet për zgjedhjet demokratike. Dhe për një reformë në drejtësi që nuk mbron Koçon, Shullazin, Balilajn por një reformë në drejtësi që lufton krimin dhe korrupsionin në nivele të larta.

Njoftim për media i Partisë Demokratike, 20 maj 2016

Pasi flet për Reformën për Drejtësi dhe teori, nuk guxon të përmendë asnjë sekondë as Balilin, as Shullazin as Frrokët, as Habilajt, as makinën AA 003 GB. A ka gjë më të turpshme sot në këtë ditë pasi është bërë publik një skandal madhor më shumë se kombëtare për ekzistencën e një pajisjeje përgjimi të futur në Republikën e Shqipërisë në mënyrë të paligjshme, të përdorur në Republikën e Shqipërisë në mënyrë të paligjshme dhe të fshehur, po në mënyrë të paligjshme, na  del këtu, në vend që të japë dorëheqje e të dalë para drejtësisë, del këtu dhe mundohet të na tregojë se këtu gjithçka na u zhvilloka në bazë të ligjit, se këtu fajin nuk e paska ky së bashku me kupolën e policisë që e ka kthyer në një kupolë kriminale por na e paska kreu i Shërbimit që i sinjalizuar nga partnerë, për ekzistencën e kësaj pajisjeje dhe për futjen e kësaj pajisjeje në territorin e Republikës së Shqipërisë dhe futja e saj në këtë mënyrë të paligjshme dhe e paregjistruar gjëkundi, është rrezik serioz për sigurinë kombëtare.

Ekzistenca sot e kësaj pajisjeje në territorin e Republikës e Shqipërisë e pa-certifikuar, e paregjistruar e padokumentuar, pra ekzistenca ilegale vazhdon kësaj dite të jetë kërcënim i madh për lirinë dhe të drejtat e njeriut në Republikën e Shqipërisë. Ky është skandal madhor, ky është skandali më i madh në historinë e demokracisë së këtij vendi. Nuk ka bërë vaki, nuk ka ekzistuar në këtë vend ndonjë zyrtar shteti që të mendojë nga mëngjesi deri në darkë të tejkalojë ligji, të tejkalojë Kushtetutën dhe të sillet duke marrë rrogën si zyrtar të sillet si bandit. Është hera e parë që po ndodh. Pasi mori ky policinë nga Policia e Shtetit e shndërroi në një kupolë policie, në pronare parcelash të drogës të gjithë territorit të Republikës së Shqipërisë. Pasi e shndërroi  në policinë e Durim Bamit, pasi e shndërroi kupolën e  policisë në kupolë policie që menaxhohet nga Frrokaj, pasi e shndërroi kupolën e  policisë në një kupolë policie që menaxhohet dhe u shërbente Balilajve, pasi e shndërroi policinë nga një polici e shtetit në një kupolë  policie në shërbim të Shullazëve, pasi e mori kupolën e policisë së shtetit dhe e shndërroi në një kupolë   policie në shërbimin dhe mbrojtjen e Balilajve, erdhi dhe në skandalin e përmasave më shumë se kombëtare, në skandalin e përgjimeve të paligjshme

Çfarë rezultoi nga  kjo? Rezultoi se drejtori i policisë  ishte memec në seancën dëgjimore me deputetët e komisonit, ishte memec dhe mohonte ekzistencën e pajisjes, ishte live para të gjithë shqiptarëve . Erdhi ky që kërceu si karkalec dhe iku pastaj se nuk mund të përballej me të vërtetën dhe me pyetjet e deputetëve që kishin detyrë edhe përballë ligjit,  por edhe përballë qytetarëve për transparencën e kësaj çështjeje.

Një gjë rezultoi e vërtetë që, drejtori tha se kjo pajisje nuk ka punë me policinë, ka hyrë në Shqipëri për policinë dhe nuk ka pas lidhje me policinë. Ministri tha se ka qenë dhe  është kjo pajisje , por nuk përgjon megjithëse është përdorur për trajnime. Atëherë kur kjo pajisje more zotëri nuk qenka përdorur, Policia e Shtetit mos vallë është përdorur nga një polici private apo polici bandash siç e ka bërë ministri kupolën? Po, po e tha live ministri, e tha live dhe drejtori. Pra unë nuk kriminalizoj asgjë zoti Peza, por po të bëj me dije që këtu ke një kupolë policie të inkriminuar. A e inkriminoj unë Çipën apo është Çipa ushtar i Shullazit , a e inkriminoj unë drejtorin e policisë së Tiranës,  apo është ai ushtar i Shullazit , a e inkriminoj unë drejtorin e ndërhyrjes operacionale, apo është shërbëtor i denjë i Shullazit , a e inkriminoj unë Qebinin apo është ushtar i bindur i Shullazit ? Unë e kam inkriminuar apo Tirana dhe e gjithë Shqipëria e di që ky, Sajmir Tahiri, është ushtari më i bindur, ai që keni ju ministër të Brendshëm është ushtari më i bindur  Shullazit. A ka pra, inkriminim më të madh?

Tani bandat livadhisin, krimi livadhis, droga gjithandej. Atëherë për cfarë na erdhi kjo pajisje?

Vjen dhe sulmon Presidentin dhe kreun e shërbimit dhe ku duan të mbahen këta, përdorin si alibi një marrëveshje të firmosur nga ish-Ministri i Brendshëm i asaj kohe Bujar Nishani, sot President i Republikës.

Po a e keni lexuar marrëveshjen ju ? Ajo marrëveshje si të gjitha marëveshjet e tjera policore flet për trajnimet policore, për shkëmbim eksperiencash dhe përvojash. Asnjë gërmë nuk flet për shkëmbim apo futje pajisjesh përgjimi. Unë i bëj thirrje Prokurorit të Përgjithshëm se sot Drejtori i Policisë  duhet të arrestohet sepse ka mashtruar dhe ka gënjyer sepse ka thënë se nuk ka pajisje dhe pajisja është, ai ka thënë se nuk bëjmë as përgjime, as gjurmim  dhe sot Interforca në atë deklaratë pranoi se ajo është pajisje që përdoret për  gjurmim IMEI. Duhet të shkojë në burg për këtë. Edhe  Sajmiri ka shkelur ligjet dhe duhet të shkojnë në burg. Duhet t’i  hapet rrugë hetimit por këta të dy e pengojnë hetimin. Vetëm hetimi mund të zbardhë që  gjithçka të bëhet transparente edhe për ne edhe për ligjijn edhe për qytetarët e këtij vendi.

Tha zotëria e tij që kjo pajisje na qenka për gjurmim IMEI. Po kolegë të mazhorancës, a e kemi kundërshtuar ne një ligj këtu dhe e kemi rrëzuar në këtë parlament i cili kërkonte që të merrte nga burimet e policisë IMEI të celularëve, ta rrëzoi dhe Gjykata Kushtetuese. A qenka pra marrja e IMEI-t të celularëve nga kjo pajisje antikushtetuese, antiligjore. Vetëm për këtë Drejtori i Policisë dhe ky ministër duhet të shkojë në burg sepse Gjykata e ka shpallur antikushtetuese dhe ky parlament e ka shpallur të paligjshëm këtë projektligj që donte të merrte këto të dhëna.

Fjala në Parlament e deputetit të PD, Flamur Noka, 19 maj 2016

Të nderuar kolegë

Marrëveshja që kemi sot për informacionin e klasifikuar mes shqipërisë dhe BE-së është e rëndësishme, por skandalet tuaja dhe krimet seriale na detyrojmë të përqendrohemi në zhvillimet e fundit në vend.

U bënë tre vjet që paligjshmëria është forma kryesore e qeverisjes, madje e vetmja formë që dini e aplikoni, do të thoja.

Qytetarët dhe ne jemi dëshmitarë të shkeljes së përditshme të ligjit nga qeveria nga kryeministri.

Kryeministri kalon pikturat e veta pa i deklaruar në doganë, njësoj si Shullazi makinën.

Nuk zbatoni vendimet e gjykatës kushtetuese. Ministri i brendshëm shet makinën në të zezë, i fshihet ligjit se nuk ia ka qejfi të zbatojë vendimin e gjykatës.

Tjetri këtu kur ishte ministër i ekonomisë ka kryer negociata të paligjshme me kompani të ndryshme, thotë skam bërë asnjë fluturim çarter pastaj i del emri dhe pasaporta në këto ecejake luksi, dhe nuk thotë më asgjë.

Keni deputetë të kapur në paligjshmëri nga Gjykata Kushtetuese. Deputetë të tjerë që kanë futuar duart në dhjetra tendera e fitojnë gjithnjë duke shkelur kriteret ligjore.

Jeni kapur më shumë se një herë në afera kriminale, haptazi kundër ligjit, duke fshehur urdhërin e interpolit për deputetin tuaj, apo duke ndihmuar e lehtësuar banditë e trafikantë.

Dëmtoni gjurmët e gishtave për të dënuarin përjetë për vrasjen e komisarit, se është aleati juaj politik.

Pakti kriminal në fuqi kudo.

Pra ju i keni kthyer rregullat, normat, dhe ligjet të zbatueshme  për të tjerët, por jo për ju.

Prej 3 vitesh qendroni sa herë tiu teket mbi ligjin e kushtetutën.

Kjo ju ka rritur oreksin dhe ju ka bërë të mendoni se jeni të paprekshëm se keni licensë për të bërë gjithçka.

Dhe ja ku erdhët me këtë mendje, në shkeljen më brutale të ligjit, tek përgjimet ilegale.

Ministri i Brendshëm e ka pranuar publikisht, edhe dje në komisionin e sigurisë kombëtare, se paisja e përgjimit ekziston, është në territorin tone, është në duart e tij dhe ai vetë e ka pranuar se ajo paisje përdoret.

Ministri i Brendshëm e ka pranuar publikisht se paisja nuk është regjistruar. Pra ka hyrë në vendin tonë ilegalisht. Si mall illegal. Si të ishte drogë, si të ishte armë pa leje. Njësoj i është shmangur ligjit. Dhe paturpësisht teksa pranon se kjo paisje ka kaluar si mall kontrabandë, tregon me gisht doganierët. Thotë përgjegjësinë e kanë ata, sikur ne nuk e dimë se polic, doganier, ministër, këtu në këtë vend nuk është akush tjetër, përvecse grushti i njerëzve me tahirë e me në krye Edi Ramën.

Paisja dihet botërisht se ka kapacitet të përgjojë këdo, cdo bisedë e komunikim, madje edhe kur telefoni është i fikur.

E pavarësisht këtyre faktete, që janë të mjaftueshme për të vënë pas hekurave ministrin këtu e një zinxhir të madh drejtuesish të Policisë që janë pjesë e këtij skandali, ju thoni se përgjimi nuk ka ndodhur.

Pra paisjen ilegale e keni, paisjen e paligjshme e përdorni, paisja është aq e fuqishme sa përgjon gjihkënd, por qenkeni ju që nuk përgjoni.

Pra keni shkelur brutalisht ligjin, dhe doni të na bindni me fjalë, se argumenta nuk keni, se ju nuk përgjoni, dhe pse, se jeni cuna të mirë.

Kur ky skandal që qëndron mbi gjithë zullumin që krni kryer deri tani doli në shesh, filloi strategjia juaj. Sulm mbi opozitën, sulm mbi institucionet.

Fillimisht nuk keni lejuar prokurorin të hetojë. Nuk i keni vënë në dispozicion paisjen. Dhe me siguri edhe sot që flasim, po bëni ato marifetet tuaja kriminale për ta manipuluar atë. Se për prishje provash ia keni marrë dorën, në skena krimi, ne laboratorin shtetëror që i vutë flakën.

Prokurori I Përgjithshëm u pyet dje për pengimin e hetimit.

Cila ishte përgjigja.

Ai u kujtoi urdhëruesve dhe atyre që përdoren për të penguar hetimin, se kjo është vepër penale dhe do të mbajnë përgjegjësi para ligjit.

Pra ai nuk tha se nuk është penguar.

Ai tha se penguesit e hetimit ligji I ngarkon me përgjegjësi, sepse pengimi I hetimit është vepër penale.

Ne sigurisht e inkurajojmë, e nxisim prokurorinë të bëjë një hetim të plotë e serioz dhe presim zbardhjen e kësaj ngjarjeje, pasi kemi të bëjmë me një çështje të mprehtë të interesit publik, të sigurisë kombëtare, të lirisë dhe të drejtave themelore të njeriut.

Por nuk mund të reshtim dhe nuk do të reshtim së kërkuari transparencë nga qeveria, nga ju, nga ministri i brendshëm për këtë skandal, mbi faktet tashmë të pranuara publikisht edhe nga vetë ju.

Kush e futi paisjen e paligjshme?

Kur u fut?

Ku kaloi ajo?

Pse nuk u regjistrua?

Kush e përdor atë?

Ku gjendet ajo sot?

Për shkak se jeni të kapur jeni të përfshirë kokë e këmbë në këtë histori, keni nxituar të prodhoni dhe alibi.

Së fundmi poi a lini gjithcka partnerëve italianë. Vetë ministri dje, tentoi ta orientojë gjithë përgjegjësinë tek interforca.

Kjo është një pabesi skandaloze po ashtu.

Alibia tjetër që nxjerrin është sikur lejen për futjen e kësaj paisje e paska dhënë bujar nishani në vitin 2007 kur ishte ministër i brendshëm.

Gënjeshtër, mashtrim. Ajo marrëveshje, është marrëveshje kuadër bashkëpunimi dhe në asnjë prej atyre pikave nuk parashikon shkeljen e ligjit, futjen e mjeteve të paligjshme, mosdeklarimin e mosregjistrimin e tyre.

Të nderuar kolegë!

Gjurmimi dhe përgjimi në Republikën e Shqipërisë bëhet vetëm me dijeninë dhe me autorizimin e Prokurorisë.

Çdo formë tjetër është e paligjshme.

Sidomos kur përgjimi është në duart e Saimir Tahirit, i cili këtë instrument illegal nuk do ta përdorte kurrë kundër krimit, porn ë shërbim të tij.

Ky që rreh gjoksin sot, që është krenar, që dekorohet nga shefi i tij, a mund të na thotë nëse e ka përdorur paisjen për të përgjuar Balilin që e kërkon gjysma e europës.

Sigurisht nuk e ka përdorur për atë punë, sepse Balili, që CNN e quan eskobarin e Ballkanit, iku u arratis. Iku Balili se është njëri nga ju, e kishit vënë në krye të transportit rajonal të sarandës kur ai ishte transportuesi më I madh I drogës në vend, dhe ne ju patëm paralajmëruar për këtë fakt.

Mos e ke përdorur paisjen për të luftuar Shullazin. Jo se jo, se atë e ke mik dhe ta bëri pabesisht prokuroria që gjendet sot në burg.

Po për çfarë e ke përdorur?

Të gjitha të dhënat janë se e ke përdorur për kundërshtarët politikë, për mediat, për kundërshtarët e bandave tuaja.

Të nderuar kolegë;

Ky është një moment kritik për vendin.

Deputetët janë të thirrur në një detyrë, në një detyrim më saktë, të dalin mbi partitë, mbi interesat e ngushta të Tahirit dhe Ramës.

Eshtë në lojë siguria kombëtare, është në lojë interesi më i lartë publik, dhe kjo u pranua dje dhe nga kreu shërbimit informative shtetëror dhe nga Prokurori i Përgjithshëm.

Duke u mbledhur grusht bashkuar rreth partisë, ju nuk po i shërbeni vendit.

Këtë treguat edhe dje në Komisionin e Sigurisë Kombëtare.

Si mund të mos shqetësoheni për përgjimet e paligjshme. Me siguri dhe ju jeni në listën e zezë, dhe bisedat tuaja, komunikimet tuaja janë në sirtarin e Tahirit dhe Ramës.

Si mund të dilni pro përgjimit të paligjshëm.

Ky mos reagim, ky pajtim me këtë paligjshmëri është njësoj shqetësues.

Ju ftoj sot të bëheni pjesë e kërkesës së qytetarëve dhe të opinionit publik për transparencë, për llogaridhënie, për zbardhje të kësaj afere deri në fund.

Eshtë në interes të vendit, në interest ë qytetarëve, të familjeve dhe fëmijëve tanë.

Nëse qeveria kalon edhe këtë prag kushtetushmërie, atëherë përfundimisht ne pranojmë se në këtë vend është instaluar një sundim mafioz. Dhe ju që jeni pro përgjimit, pranoni të sundoheni nga ky regjim mafioz.

Ngrihuni sot në lartësinë e në përgjegjësinë e të qënit përfaqësues të popullit.

Partia Demokratike e ka bërë hapin e madh.

Dje në komisionin e sigurisë u pa qartë se mes ngërcit, kontraditave dhe djersëve të ftohta, drejtori i policisë dhe ministri i brendshëm e pranuan se ka përgjim dhe përgjimi ka ndodhur.

Ndërkohë një deputet i mazhorancës është shprehur në një television se paisja është përdorur me 3 dhe 4 mars. Ndryshe nga kjo, Tahiri tha se paisja ka hyrë me 12 mars. Atëherë cfarë kemi këtu. Kemi më shumë se një paisje përgjimi, apo jeni kapur aq keq në këtë skandal, sa nuk rakordoni dot as alibitë mes njëri tjetrit.

Cfarë duhet të ndodhë më?

Çfarë duhet të ndodhë tjetër në këtë vend?

Kërkesa jonë politike sot është me legjitime se kurrë.

Ky krim shtetëror duhet zbardhur sa më shpejt, duhet të hetohet plotësisht e të dalin të gjitha përgjegjësitë e përgjegjësit para ligjit.

Por kjo nuk mund të ndodhë me Tahirin në detyrë që pengon hetimin, që manipulon provat.

Largimi i tij është parakusht për të pasur drejtësi.

Vetëm largimi i tij, i hap rrugën një hetimi të plotë e të pandikuar.

Pikërisht ky hap, i hap rrugën një drejtësie që ky vend e meriton, qytetarët e meritojnë.

Ju faleminderit!

Fjala në Kuvend e deputetit Alban Zeneli, 19 maj 2016

Zonja deputete!

Zotërinj deputetë!

Zoti kryetar!

Të nderuar qytetarë dhe qytetare që ndiqni këtë seancë!

Do të filloj këtë fjalë me një letër, që deputeti i këtij parlamenti i drejtonte kryetarit të parlamentit për zhvillimin e punimeve. I jap 100% të drejtë por me një ndryshim të vogël. Atë letër duhet t’ja drejtonte kryetarit të partisë së tij, ku t’i thoshte e t’i rendiste breshërinë e skandaleve, jo të përjavshme por pothuajse të përditshme, skandale llumi, në të cilat ky njeri, me normat, kriteret dhe standardet e tij ka zhytur Shqipërinë. E ka zhytur Shqipërinë dhe shndërruar atë në vendin më të neveritshëm, më të pabesueshëm, më qesharak, në vendin më të rrezikshëm se çdo vend tjetër sot.

Këtu kalohet nga skandali në skandal dhe këtu heroizohet skandali. Javën e kaluar ne folëm për Ediscobarin e Ballkanit, Balili u shpall “Escobar i Ballkanit”, çfarë ndodhi me Balilin? Jua them unë. Meqenëse policia greke dhe DEA njoftuan që kishin bërë hetim dhe kishin gjetur se ai është miliarderi i Ballkanit, me drogë, vetë kreu i Balilit në parlament doli dhe iu tha qytetarëve shqiptarë, dhe po ja u lexoj: “Një punë të mirë të policisë së shtetit shqiptar, e cila në bashkëpunim me DEA-n amerikane ka marrë pjesë ktive prej muajsh në hetime lidhur me çështjen e linjës së trafikut të drogës, ju e përdorni në mënyrë të paskrupullt për të sulmuar policinë e shtetit, për të sulmuar ministrin e brendshëm,  për të sulmuar qeverinë”. Këto ishin fjalët që iu tha Ediscobari shqiptarëve, ky ishte gjoksi që rrahu Ediskobari para shqiptarëve. Kurse zëdhënësi i tij i rendit, Saje qorri shkroi po atë ditë në FB se “sipas PD, vetë ne, pra Policia e Shtetit dhe DEA dhe policia greke po heton me sukses një grup kriminal të lidhur me ne, me mua dhe me drejtuesit e Policisë. Në SHQUP nuk ka kufi as mediokriteti e as makutëria politike për të sulmuar çdo rezultat të policisë. Vërtet kaq naivë i konsiderojnë shqiptarët”.

Kjo ishte deklarata e Saje qorrit për Eskobarin. Haki Çako, drejtori i Ediscobarit tha sigurisht që kam dijeni. Dëgjoni o zotërinj se ju dhe dëgjoni dhe harroni, ky është problemi juaj.  Se po ti dëgjoni këto, ju nuk mund të dilni kurrë këtu dhe të bëni avokatinë e tyre. Si kam thënë unë, po këta këtu mbrapa.

Pra,  në deklaratën e policisë  thuhej “ është një operacion i përbashkët në bashkëpunim me agjensinë kundër drogës, me DEA-n e SHBA, me partnerët tanë si policinë greke dhe partnerë të tjetrë të Bashkimit Evropian. Eshtë një nga operacionet më të suksesshme të organizuar në bashkëpunim midis strukturave policore në luftë kundër krimit të organizuar”. Mirëpo, Ediskobari ynë, që ka për krenari të mashtrojë qytetarët e vet, ti përgjigjet me gënjeshtra e trillime për të mbuluar krimet dhe trafiqet e tij, e bën këtë, por Europoli nuk e bën këtë. Europoli përfaqëson Europën, përfaqëson standartin europian të policisë, dhe ai, në përgjigje të këtyre mashtrimeve, informon shqiptarët dhe europianët  në deklaratën e tij të datës 16 maj se 17 përsona janë arrestuar, 11 grekë dhe 6 shqiptarë, që të gjithë ekskluzivisht nga bashkëpunimi midis policisë greke dhe belge, DEA-s ameriakne dhe policisë italiane, e përjashtuar tërësisht policia shqiptare pasi kjo polici i kishte thënë policisë greke se Balili është vet Ediskobari kryeministër, është i lidhur i paprekshëm dhe se ai nuk mund të prekej. Dhe kur ambasadori ynë bëri marrëzinë e tij, demantoi CNN me notë zyrtare, CNN nxori letrën e policisë shqiptare ku thuhej se ky (Balili) është i bardhë si bora.

Cështja e Balilit është një çështje tronditëse për Shqipërinë, rajonin dhe Europën, sepse janë po këta që thanë se po e hetonin prej muajsh, këta që deklaruan se ai është i bardhë qelibar, ata që i thanë ik, mbathja nga Shqipëria dhe e përcollën. Pasi me urdhër të Ramës na kërcënoi me gjyq për shpifje, ja mbathi në drejtimin që ja mbathi Arben Frroku tre muaj më parë. Ai ja mbathi por Ediskobari mbeti këtu, është ky këtu, per ccdo shqiptar, për ccdo ballkanas, për ccdo europian. Pasi ja mbathi bëhet i gjallë i pari Kocco dhe ngre akuza ndaj Berishës se po mbron LSI-në. Unë në mënyrën më absolute nuk mbroj asnjëri, por unë nuk mund të them se hekurat që i ka nxjerrë me qindra herë në televizion Ediskobari për ata që s’paguajnë një faturë drite, për ata që lëvizin dy tjegulla në ccatitë e tyre, për të mjerët që shesin pesë speca e tre domate, por hekurat i ka Ediskobari, hekurat i ka Saje qorri, nuk i ka as Edmond Panariti e as Ylli Manjani. Hekurat janë ekskluzivitet i Ediskobarit. Atëherë pse të mos i them unë se ti je Ediskobari? Më thoni ju o qytetarë a e kam gabim apo kam të drejtë? Po pse do ti them se është i LSI-së në një kohë kur mbrojtjen totale atij ja jep Edi Rama.

Po ku ta di un se sa para i ka dhënë Ramës ai, ku ta di unë se sa ia ka çuar valixhen me euro në zyrën e tij tek Gysi dhe sekretari i përgjithshëm i mafies shqiptare, Agacci? Të dhënat më thonë mua se atje e ka takuar në Rodos, e ka takuar atje me bosin më të madh të drogës në Rodos. Të dhënat më thonë mua se ka darkuar me të dhe Balilin në restorant Livia në Butrin, të dhënat më thonë si i ka dhënë koncensionin e Butrintit dhe peshkimit Tore Balilit. Të dhënat më thonë dhe shumë gjëra të tjera, por nuk po merrem me to. Po merrem me këto që janë substanciale. E përcolli në vend tjetër dhe tani si Ponc Pilati njëherë nxjerr Koccon e njëherë shkuan artikuj anonimë ku thotë s’ka turp PD-ja që nuk sulmon LSI-në për Balilin, një herë tjetër del vet, e kështu me radhë. Balilin e përcolle ti (i drejtohet Ramës) nga Shqipëria së bashku me Saje qorrin dhe ti je ‘Ediscobari i Ballkanit’, i ke bërë një njollë të tmerrshme vendit, je bërë shefi i klanit më të tmerrshëm të drogës në Shqipëri dhe ky është një ndëshkim madhor për vendi. E ka shumë të drejtë deputeti që solli letrën, por problemi është se duhej ti adresohej ccimkës, kryeccimkës së vendit. Shiheni të gjithë këtë burrë, ky është ccimkë, ky është kryeçimkë.

E harruat ju të dashur qytetarë kur më dërgoi kryeccakallin Ngjela me orë për të më regjstruar mua kur isha kryeministër. E shndërroi njëriun në ccimkë, e shndërroi hiccin në hicc. 5 mijë euro i futi në gojë njëriut që sa herë e kapin borxhli i fillon diarreja nga goja. 5 mijë euro i dha atij për të mbajtur orën e Çakullit në dorë dhe të më regjistronte, por më nderoi me regjistrimin e tij. Ja ku është ccimka, ky është çimkë. Ky është Koleka në miniaturë, ky është shpirtziu në miniaturë.

Po burri që merret me regjistrimin e kundërshtarëve ça burri është? Eshtë një kalec ordiner. Ja pra pse ky është kryeccimka. Pa u bërë kryeministër përdori të keqpërdorurin e të gjitha kohërave, me një shumë ordinere, për të regjistruar kryeministrin e asaj kohe.

Skandali është i përmasave të jashtëzakonshme dhe ju keni bërë veprime shumë të rënda, si me regjistrimet që i ke bërë presidentit të Republikës, kreut të opozitës, pastaj të tjerëve majtas e djathtas si ta ka thënë mëndja jote e sëmurë. Por veprimet më të ulta, më antiligjore e më antikushtetuese që ke kryer ti gjatë tre ditëve të fundit duke bërë gjithccka për të zhdukur gjurmët. Të këshilloj, dorëzo pajisjet dhe mos krijo sherre të panevojshme, sepse ke kryer një vepër shumë të rëndë, të stilit mafioz të një neo-bllokmeni që ndan psikologjinë e etërve të tij. Dorëzo pajisjet.

Pajisje të tilla kanë hyrë në Shqipëri gjatë qeverisjes së Nanos, gjatë qeverisjes së Berishës, dhe do hyjnë në Shqipëri, por ka rregull e kod të caktuar se si hyjnë. I ka përdorur qeveria Nanos, i ka përdorur dhe qeveria ime, do i përdor qeveria juaj, do i përdori qeveria që vjen mbrapa por përdoren vetëm e vetëm me autorizim e me leje të prokurorit të Përgjithshëm, dhe vetëm e me destinacion Shullazin, por jo presidentin e Republikës, kurrën e kurrës, jo kundërshtarët politikë, se as në atë kohë si ka përdorur Fatos Nano, si ka përdorur kurrë Sali Berisha. Po kjo polici i ka përdorur, sipas rregullit, tek një ose disa banditë për ti gjetur ku janë, për ti identifikuar ku janë fshehur, e për ti kapur në strofullën ku ndodheshin. Kjo është një gjë shumë e rëndë dhe mos mendoni se do kalohet kshu.

E përgezoj komisionin e sigurisë, dënoj aktin arrogant e të pacipë të ministrit që me diskonsideratë u ngrit dhe iku por vlerësoj faktin që deputetët me pyetjet, me qëndrimet e tyre bënë atë që kishin në dorë për ti bërë transparencë shqiptarëve për këtë skandal. Ju garantoj se kjo nuk mbyllet kollaj.

Ne jemi këtu prej 23 vjetësh, dhe ka ndodhur këtu që kryetari opozitësh është burgosur, ka ndodhur në këtë vend që kryetari opozitës është akuzuar për krime kundër njerëzimit 8 muaj para se të akuzohet Milloshevicci, ka ndodhur në këtë vend që kryetari opozitës të thirret për gjëra të ndryshme në prokurori, dhe në të gjitha rastet, pavarësisht nga qëndrimet politike kurrë dhe asnjëherë, asnjëra nga forcat politike nuk ka rrethuar gjykatat dhe prokuororinë. Ky Ediskobar rrethon gjykatën. A ka akt më të turpshëm, a ka akt më antikushtetues se ky? A ka akt më banditesk se ky? Një kryeministër që pretendon se është kryeministër dhe shkelmon ditën për diell Kushtetutën dhe ccdo gjë tjëtër. Ai mund të thotë se kur është thirrur në prokurori ka shkuar. Ka shkuar, është e vërtetë. Por problemi është se s’ka qënë kryeministër, tani që është bërë kryeministër rrethon gjykatat. Po pse them unë se rrethon gjykatat ky dhe jo ai rrugacci me gjuhë ordineri? Sepse absolutisht me një akt të tillë, nëse Xhelili shkarkohej për një orë, ai (Veliaj) shkarkohej për 24 minuta. Akti i tij, po të mos ishte akti i Ramës, po të mos ishte i instruktuari i këtij, po të mos ishte i nxitur prej këtij, është atentati më i rëndë ndaj shtetit që ka ndodhur në 24 vite.

Për ccfarë mund të flisni ju këtu. Sigurisht ju jeni të doktrinës së krimit të dobishëm. Po pse e do ai aty (Veliajn)? E do aty se i shërben, meqë me ligj nuk fiton dot atë që kërkon atëherë fut rrethimin e gjykatës, duke fyer këtu të gjallë e të vdekur. NUk po marr absolutisht në mbrojtje gjykatësit por po them një gjë, që ka një përqindje të madhe, një përqindje të njohur vendimesh në kundërshtim me ligjin që gjykatat më të njohura të botës kanë dhënë, po se ka rrethuar njëri kush gjykatën. E ka rrethuar Edi Rama, i vetmi njëri në botë që ka rrethuar gjykatën.

Eshtë Edi Rama i vetmi në botë që dërgon sekretarin e përgjithshëm të mafies, si polic me kërcënime monstruoze, si sekser nga gjykata në gjykatë, Ëngjëll Agaçin. I bëj thirrje prokurorit të hetojë të gjithë tabulatet e tij. Por ftoj gjykatës dhe prokurorë të dalë një burrë dhe t’ja përplasë në fytyrë këtij palaccoje që shfrytëzon të qënurit sekretar i përgjithshëm për të shkuar dhe për t’ju bërë gjëmën. Qërojeni, se duhet t’i ndjeni vetes një karakter dhe integritet! Nuk mund t’ju marrë nëpër këmbë ai që ka futur makinën e numërimit të parave në kryeministri. Mbylljani dyert, përplasjani në fytyrë, se ai është ky (Rama) dhe kur ja kein bërë atij ja kein bërë dhe këtij këtu. Njeri që kalon nga gjykata në gjykatë si qen i tërbuar me të gjitha format duke i kërcënuar.

Që shkon tek presidenti i republikës me dokumenta për ta korruptuar. Ai është ky (Rama), ai  është një viktimë e këtij. Ai ka fatkeqësinë që zbaton urdhërat e këtij.

Zotërinj, ccfarë nuk qëndron në këto që po themi.

Ja ku i keni pallatet pa leje të Sadri Abazit (tregon fotot) që protestonte para gjykatësve. Ja ku i keni pallatet pa leje të Abazit. Prandaj shkon dhe kërcënon gjykatësit një mafioz si ai, i cili tek bulevardi i ri po merr lejet për të ndërtuar pallatin 31 kate e ndaj shkon e kërcënon gjykatësit ky mafioz, në emër të Edscobarit. Këtë e bën vetëm mafia që s’ka asnjë tipar, asnjë karakter e asnjë gjë.

Vijmë tek Xhelili. Zoti Manja më duhet të them se e kuptova që je ndjerë keq, po mos u ndje keq se absolutisht pesë herë më keq se Xhelili janë këta që janë mbrapa. Prit Bashkim (Fino) se do dali. Po pse ndodhin këto? Sepse ju vutë llumin në piedestal. Ju vutë një mashtruese të paftyrë që vetëm pse bëri spotin tuaj dhe e vutë drejtoreshë të arsimit në Tiranë, sepse ju prutë në krye të shkollës Gjimnazit Ismail Qemali një rrobaqepëse që nuk kishte dhënë kurrë mësim dhe rrokullisët shkollën më të mirë në institucionin më problematik në Tiranë. Vutë Agronin pedofil, i cili jo vetëm që kërkonte seks për vend pune, por me minorene. E keni vënë re ëmbëlsinë e sivllaut të Koços, ka një ëmbëlsi djallëzore. Se nga i doli Koccos pedofili edhe në redaksi të gazetës. Pse Kocco është pika e mjaltit të pedofilëve? Juve ju gjetën pedofilët. Kush ua solli këta, opozita? I sollët vetë. Ju garantoj unë, s’po komentoj fare rastin por prisni skandalin tjetër shumë herë më madhor, jo në periferi, por në zyrat më qendrore në Tiranë.

REPLIKA PAS FJALES SE RAMES:

Rama ia mbath si burrec, është në rrokullisje të pashpresë!

Si burrec që është ia mbath por burrecët të tillë janë, burra si bën dot ata kurrë. E vërteta është që unë këtu flas për qytetarët, flas deputetët, nuk flas ndonjëherë për burrecë si Rama, që flasin edhe ia mbathin, që vijnë këtu me një llogore dhe koprolali, fjlaë kjo që vjen nga greqishtja dhe do të thotë “me fjalë të menderosura”. Pra me fjalë që kundërmojnë kërkon të mbulojë skandalet e tij. Me fakte faktuam këtu dhe provuam se ai është përgjegjës për ngritjen e llumit në piedestal. Se skandali Xhelili është vetëm njëri i dhjetëra skandaleve të kësaj administrate në të katër anët e vendit dhe skandale të të tjera që i mbyll ai dhe që po të dojë unë jua nxjerr me video. U ngrit këtu dhe na lëxoi një komunikatë. Por ja ku është komunikata e ditës së parë e Europolit, e botuar fatmirësisht në të gjitha mediat shqiptare. Deklaratë e marrë nga unë pasi u botua në mediat shqiptare, e cila thotë se “me datën 9 maj 2016, 17 individë, mes të cilëve 11 grekë dhe 6 shqiptarë, nga një rrjet i krimit të organizuar të përfshirë në shkallë të gjërë në trafik droge, u arrestuan nga agjensitë e zbatimit të ligjit të koordinuar, të udhëhequr nga Greqia e të mbështetur nga Belgjika dhe Europol. Rrjeti ishte kryesisht i bazuar në Greqi dhe kishte dyshime se kishte bërë qindra milionë euro duke transportuar narkotikë në një numër vendesh të Europës. Një sasi e madhe kanabisi dhe kokaine ishte ngarkuar nga kompanitë e  transportit rrugor të bazuara në Bullgari dhe Austri, të cilat shërbyen si kompanitë më të avancuara. Ditën e veprimit një operacion i gjërë policor u krye në Greqi dhe Shqipëri, ku u kapën 698 kg kanabis në Greqi dhe 96.5 kg hashash në Belgjikë. !5 targete u arrestuan në Greqi dhe dy në Belgjikë.

Investigimet po vijojnë dhe mund të shihen arrestime të ardhshme në një të ardhme të afër”. Balili ja mbathi nuk u arrestua.

E pyes zotërinë, po pse e lirove, pse e përcolle jashtë Balilin, ti akuzove veten tënde. Kur njëriu nuk di se çfarë flet, i lejon vetes të thotë çdo gjë. Qeveria shqiptare është qeveri, i thotë Europolit ose ma përmënd emrin ose nuk bashkëpunoj. Dhe Europoli sigurisht që detyrohet t’ja përmëndi emrin, se ajo ka një bashkëpunim me Shqipërinë por në këtë netuork bashkëpunimi vetëm është përcjellja jashtë e Eskobarit ng Ediskobari.

Këtu u përmend edhe përgjimi. Një akt i shëmtuar. U përpoq të shpëtojë skllavin e tij Ngjela që e poshtëroi në mënyrë ekstreme. Po Ngjelën çimkë nuk e bëra unë. Unë përkundrazi kam respekt për dinjitetin njerëzor, as keni dëgjuar dhe as do dëgjoni kurrë ju që unë të çimkoj një njëri.

Ndërsa ai e bëri me një 5 mijë euro. Vrapo ai, paraqiti produktin e çimkës, Edi Ramën. Unë nuk po rrëfej disa gjera të tjera midis tyre, se po t’ua them ato ju do lemeriseni. Një analizë thonte diku se ata kanë një raport të veçantë, atë raport të veçantë e di mirë shumë unë, daton në vitin 1991 por në punët e tyre intime unë nuk futem në ato gjëra. Zotërisë

Tani unë, meqë Interforca italiane ka pranuar ekzistencën e pajisjes, i bëj thirrje parlamentit italian, i bëj thirrje ministrisë së brendshme italiane, i kërkoj zyrtarisht autoriteteve italiane të hetojë në mënyrë të ghithanëshme këtë aferë strik korruptive, aferë që ka shkelur ligjet, Kushtetutën e këtij vendi, dhe të mbajë qëndrimin që i takon të mbajë në respekt të marrëveshjes ndërkombëtare, të mbajë qëndrimin që i takon të mbajë, në respekt të neutralitetit të detyruar të tyre ndaj palëve politike në Shqipëri.Nuk mundet kurrë të regjistrohet opozita as dhe presidenti republikës me një pajisje që vjen zyrtarisht nga shteti italian.

Ne kemi të dhëna për mënyrën e ardhjes së pajisjes, dhe për implikim të personave të tjerë në pajisje. Ne do i bëjmë të ditura ato në kohën dhe momentin e duhur autoriteteve të interesuar. Çështja duhet të zbardhet. Si një njëri që kam promovuar dhe kam bërë përpjekjet maksimale për intensifikimin e marrëdhënieve midis dy vendeve në luftën kundër krimit thirrja ime është miqësore, por është e domosdoshme që të bëhet një transparencë e plotë. Ne do japim kontributin tonë. Akt banditeskt të regjistrosh Presidentin e Republikës, të regjistrosh kundërshtarët politikë. Manjak për të mos thënë edhe manjak i disa veseve të tjera.

Këtu Rama tha se gjykatat paskan qenë në dispozicionin tim.

Dua të informoj qytetarët sa vijon: gjatë 23 viteve, Sali Berisha dhe asnjë pjesëtar i familjes së tij nuk ka përfituar as edhe gjënë më të vogël nga një proces gjyqësor në territorin e vendit dhe as kudo në botë. Por fëmijët e mi, të cilët e kanë patur të ndaluar nga unë të padisin në gjykatë gazetarët, kanë padituar politikanë që janë këtu, të cilët janë shpallur nga gjykatat si shpifës, pasi i kanë akuzuar ata pa asnjë fakt.

Dhe çdo akuze dhe manipulim politik që iu është bërë në media, ata kanë qënë fatlum se kanë patur rastin t’ja u kthejnë bosëve të tyre në politikë dhe të faktojnë se janë shpifës të paftyrë, përndryshe nuk është i regjistruar kurrë asnjë proces gjyqësor në interes të asnjërit prej familjarëve të mi nga dita e parë në karrierë politike gjeri sot.  Po ky është një mashtrues kongenital, ky ka lindur mashtrues. Ndërkohë i them zotërisë se bosi i korrupsionit sot është ky (Rama) me vëllain e tij, Olsin. Nuk jam unë që kam akuzuar Olsin për muaj të tërë se kërkonte të merrte TVSh-në. Nuk jam unë që kam akuzuar Olsin, por mediat që kanë sjellë dokumente autentike se donte të merrte Spitallën me kompani inekzistente. Nuk jam unë ai që ka akuzuar Olsin për Skavicën, por mediat kanë dëshmuar se ky është i tërbuar pas Skavicës. Nuk jam unë që kam akuzuar Olsin se me makinën e Hakmarrjes për Drejtësi që u arrestuan bashkë me një ndrikull, ka kaluar jo një por disa herë kufirin. Po ç’do të thotë kjo? Makina ishte e përshtatur për trafik dorge. Nuk them unë që kishte bërë trafik, po pse Olsi nuk kishte patur makinë tjetër por vetëm këtë makinë? I kam targat këtu, i ka dhe prokuroria të gjitha. A e dini ju që u bënë komente të shumta për rolin e tyre në dy ndeshjet. A doni t’ja u lexoj këtu. Ka sy populli. Edi Rama me koncensionet e tij tejkalon vjedhjet sa të gjithë kryeministrat e Europës të marrë së bashku. Edi Rama, vetëm me aferën e CEZ-it u zhduku shqiptarëve 620 milionë dollarë. Do dalin dhe ato, do e shihni ju komisionin por prisni. Indiciet janë dhe ne do bëjmë gjithçka që indiciet të faktohen. Afera e fundit është ARMO, do që ta marrë dhe çfarë bën. Deri tani tre biznesmenë të mëdhenj njëri pas tjetrit i thërret në zyrë. Të kam thirrur se duhet të më zgjidhësh një problem të madh u thotë. Do më blesh ARMO-n por do e blesh bashkë me çorapen e partisë, me Besnik Sulën.  Po a ka burrë që përzihet me një mafioz si Besnik Sula. Si përfundim të tre njëri pas tjetrit kanë refuzuar në mënyrë kategorike ortakërinë pasi ata e kuptuan se aty është Rama pas Besnikut. A mundet një kryeministër të thërrasë e t’u thotë biznesmenëve që të bëhen ortakë me supermafiozin, të cilit iu arrestua i vëllai si bosi i trafiqeve në Durrës dhe shkon zotëria bashkë me Perlat Serjanin e i thotë se nuk e ke nga policia. Je i regjistruar. Shkoni merrni emrat te Panama Papper. E dini ku kanë shkuar paratë e naftëtarëve të shkretë? Në Panama. Vazhdoni ju skllevër të Besnikut. Hiqni dorë e mos mendoni se mund të lozni me pasuritë e shqiptarëve. Merrni çorapen të shkojë të paguajë qeranë.

Së fundi, Edi Rama faktoi këtu se nuk ishte Erjon Veliaj para gjykatës por ishte Rama vetë që protestoi e rrethoi gjykatën dhe ka paftyrësinë të dalë e të flasë këtu për reformën në drejtësi. Reformën në drejtësi e pengon Surreli, e pengon afera e CEZ, e pengon pallati i zonjës Rama pa asnjë faturë. Reformën në drejtësi e bllokon pallati i familjes së zonjës Rama për të cilën nuk ekziston asnjë faturë ndërtimore, tatimore e bankare. Reformën e pengon CEZ dhe shumat e mëdha të vjedhura. Nuk e pengojmë ne reformën, natyrisht do them dy fjalë. Pasi e mbajti dhe e bllokoi për 1 vit, pasi mendoi se do bëhej kryegjykatës, kryeprokuror dhe kryehetues i vendit, pasi dështoi me turp dhe ja ktheu e ja përmbysi Venezia, tani nëse do reformë do dëgjojë opozitën, e cila në të gjitha vërejtjet që çoi në Venezia mori të drejtën e saj. Tani reformën do e udhëheqë opozita. E udhëhoqët një vit, dështuat në mënyrën më të turpshme. U rrëzua drafti i parë, e bëtë pa ne. U rrëzua drafti dytë, e bëtë pa ne. A doni reformë? Ne do e udhëheqim me ndershmëri, me sinqeritet, me parime, asgjë tjetër vetëm ato që tha Venezia. Por as mos mendoni se mund të shifni kund ndryshe. Dështuat herën e parë, dështuat herën e dytë tani është radha jonë. Po deshët mirë, po nuk deshët shkoni dështoni dhe herën e tretë, të katërt e të pestë. Tani le të vazhdojmë. Komisioni ka një frymë pozitive gjykoj unë, më pozitive se asnjëherë tjetër. Pse i paragjykoni.

Vijmë tek kërcënimet. Hedh gurin e fsheh dorën. Lexoni pak statusin e atij që nuk lidh dot dy fjalë, të shkruar me dorën e këtij (Ramës). Lexo pak statusin e Elvis Roshit. Eshtë tale quale fjalë për fjalë e shkruajtur prej tij. Nuk kalohen në këtë mënyrë. Sepse nëse ndodhin në vend të gjitha këto, ndodhin se mishërim i të gjithë atyre është Edi Rama. Përdori një fjalë në fund. Përdori fjalën lehje. Unë i them Ramës që sot ke folur si këlysh i rrahur, sot ke lehur si këlysh i rrahur por herën tjetër do lehësh si këlysh i sëmurë, je në rrokullisje të pashpresë!

Fjala e ish-kryeministrit Sali Berisha në Kuvend, 29 maj 2016