Blog

Parafolësja ne fakt s’duhet te kishte falenderuar për këtë pr.ligj Ministrin e Mirëqenies, por duhet te kishte falenderuar Sali Berishen I cili e inicioi kete projekt ne 2010, ka pasur negociata intensive me banken Boterore dhe me palet e interesit. Ne fillim te 2013 I miratua, u firmos, u ratifikua marreveshja me Banbken Boterore. Pas kesaj ju pergatitem e ju lame gati edhe projektin pilot ne 3 qarqet Tirane, Durres dhe Elbasan. Ky projekt vetem merite e qeverisë suaj nuk është.

Folët gjatë për abuzivizmin e skemës, unë kam kërkuar personalisht jo një herë emrat e abuzuesve, a janë paditur në organet përkatëse, në cilat bashki apo kumuna është abuzuar? Në vend që të levdoheni me projektet tona, padisni abuzuesit, pastroni skemën dhe kanalizojini fondet te familjet më në nevojë.

Te nderuar kolegë,

Në një javë, rekord raportesh negative për Shqipërinë:

Departamenti Amerikan i Shtetit (DASH) zgjodhi si kohë raportimi pikërisht periudhën e vizitës së Ramës në Amerikë.  DASH ritheksoi që korrupsioni galopant në cdo qelizë të Qeverisë, kryesisht shëndetësi dhe drejtësi po shkel të drejtat thelemore të shqiptarëve.

Rezoluta e PE shprehu shqetësim të madh në lidhje me:

Korrupsionin e kudogjendur veçanërisht në shëndetësi, drejtësi, prokurime publike, konçesione me të famshmet “partneritete publike private”, planifikim urban, arsim dhe qeverisje lokale. Rezoluta I kërkon qeverisë që të marrë masa për mbrojtjen e të drejtave të njeriut, veçanërisht të pakicave rome dhe egjiptiane, të cilët jetojnë në kushte të vështira e përballen me diskriminim e përjashtim social, si dhe për ngritjen e mekanizmave shtetërore për trajtimin e pabarazisë gjinore, diskriminimit dhe dhunës ndaj grave e fëmijëve.

Shoqata Gjermane e Industrisë dhe Tregtisë në Shqipëri:

e liston Shqipërinë vendin e fundit për të investuar. Biznesmenët gjermanë nuk kanë sigurinë për investime, pavarësisht se gatishmëria për të investuar nuk mungon. Pengesat kryesore: Informaliteti dhe korrupsioni, mungesa e transparences se tenderave publikë, mossiguria ligjore etj

Freedom House:

e konsideron Shqipërinë si regjim hibrid, me institucione të brishta demokratike që nuk respekton dhe nuk garanton të drejtat politike dhe liritë civile. Është përkeqësuar “Pavarësia e Medias” dhe treguesi më I dobët vazhdon të mbetet “korrupsioni”. Azilimi dhe papunësia e lartë mbeten problematike për një të ardhme punësimi të të rinjve.

Ministri Ahmetaj duhet të informohet më mirë dhe të lexojë statistikat për papunësinë. Parajsa ekonomike në kokën e ministrit do të ishte gati-gati plotësim i ëndrrës shekullore të shqiptarëve për standartin e jetesës me vendet fqinje dhe ato europiane.

MË alarmanti është Raporti I Bankës Botërore që përmbante shifra e indikatorë që nuk bërtasin, por ulurasin. Por sic duket as këtë s’e ka lexuar Ministri Ahmetaj.

Banka Botërore raporton që 47% e popullsisë në Shqipëri jeton në varfëri (me më pak se 5$ në ditë). Për ta bërë më të qartë pëer të gjithë: sot, rreth 1.3 mln shqiptarë janë zhytur në varfëri, ose 3 herë më shumë se sa e lamë në 2013.

E gjetëm varfërinë 25.4% në 2005, varfërinë ektreme 5%. Falë politikavë të suksesshme fiskale dhe makroekonomike, Qeveria Berisha mundi të kapërcejë edhe efektet e krizës më të rëndë financiare globale e të zbusë varfërinë, të cilën në 2013 e lamë 14.3 % varfërinë, 2.2% varfërinë ekstreme.

Ndërkohë me injorancën e reformatorëve rilindas, Rama në më pak se tre vjet qeverisje, e rriti varfërinë në 47%.

Të nderuar kolegë deputetë

Të Drejtat dhe Liritë Themelore të Njeriut sot në Shqipëri rrezikohen jo vetëm nga dhuna shtetërore, por më së shumti nga varfëria. Shqipëria sot nuk prodhon asgjë, përveç propagandës.

Papunësia vazhdon të jetë në nivelin prej 17.3%, 1 ndër 3 të rinj sot janë në kërkim të një pune, një ndër 2 gra janë në kërkim të një page për të ushqyer fëmijët…dhe papunësia vazhdon të rritet cdo ditë te gratë…që ë bën edhe më shqetësues këtë trend. Ata nuk kanë më asnjë shpresë për dritë në fund të tunelit.

Aktivistët e të drejtave të fëmijëve kanë vënë alarmin dhe kërkojnë ndërhyrjen e shtetit sepse 100 mijë të mitur jetojnë në kushte varfërie ekstreme dhe shkojnë në shkollë të uritur dhe të veshur keq. Organizatat ndërkombëtare raportojnë që 50 mijë fëmijë shqiptarë punojnë në rrugë për të nxjerrë bukën e gojës edhe për familjet e tyre dhe qindra fëmijë romë dhe egjiptianë shfrytëzohen për lypje.

Kjo është arsye pse Shqipëria po braktiset çdo ditë nga shqiptarët. Kjo është një strategji e qeverisë, për të larguar nga vendi popullësinë aktive, rininë e cila në kushte të tjera, të një ndërgjegjeje qytetare do të ishte prijëse e revolucioneve demokratike.

Rama me politikat korruptive, ja doli të zhysë ekonominë shqiptare në krizë të thellë: Prodhimi i Brendshëm Bruto ka ngecur, Deficitet fiskale janë të larta, ekonomia ka rënë në deflacion, konsumi për herë të parë pas kaq vitesh është në rënie të lirë. Bizneset dhe qytetarët janë në një ankth për atë cka po ndodh apo mund t’ju ndodhë cdo ditë në një shtet, ku askush nuk gjen një portë të hapur për drejtësi

Problemi më i madh sot, është kriminalizimi.

Rama ja doli që në më pak se tre vjet qeverisje rilindase të kriminalizojë cdo gjë, cdo fushë dhe sektor jetik. Rama kriminalizoi administratën publike, krimilalizoi Qeverinë dhe Parlamentin, e cdo ditë kërkon të kapë edhe pushtetet e tjera. Grupet Kriminale kanë kapur Ramën dhe Qeverinë dhe bëjnë ligjin pa pasur frikën e shtetit ligjor. Fenomeni I Lazaratit u replikua në të gjithë Shqipërinë, tashmë trafiku i narkotikëve është në duart e 2-3 bandave kriminale të lidhura me Qeverinë.

Në më pak se tre vjet Qeverisje, Rama ja doli që të kthejë Korrupsionin në sistem të përhapur kudo, në cdo nivel apo degë qeverisje.

të gjitha raportet evidentojnë shkeljen e të drejtave themelore të qytetarëve:

• shqiptarët nuk kanë punësim,
• shqiptarët nuk kanë strehim,
• shqiptarët nuk kanë ushqim,
• shqiptarët nuk kanë edukim e shendetesi,
• shqiptarët nuk kanë shpresë dhe asnjë mundësi.

E në këto kushte, shqiptarët ikin, pa e kthyer kokën pas. . . për të rigjetur shpresën e humbur…për të rikthyer ëndërrat e humbura të fëmijëve të tyre.

Është e trishtueshme sidomos për ne politikanët, kur dëgjojmë që shqiptarët vazhdojnë të zënë vendin e dytë pas Sirisë (vend në konflikt) për azilkërkues në Gjermani, dhe muajt e fundit kemi zënë një vend të parë për azilkërkim në Hollanë.

-100 mijë shqiptarë aziluan vetëm në një vit të dëshpëruar, të mjeruar e pa shpresë;

– 200 mijë të tjerë kërkojnë ëndrrën amerikane…

– Eurstat para disa javësh vuri alarmin se 30 mijë fëmijë kanë kërkuar azil në 2015 në vendet e BE e që rrezikojnë trauma psikologjike për mospranimin, e për rikthim në vendin e tyre

E gjithë kjo paradë shifrash, raportesh duhet të na bëjë ne deputetëve të këtij parlamenti, por më së shumti qeverinë dhe maxhorancën të reflektojë, qoftë edhe për një moment!!! Po largohen qytetarët e vendit tonë!!! Po largohen intelektualet dhe ndërhyrja e shtetit kërkohet në mënyrë urgjente!!!

Ndaj, të nderuar kolegë, unë isha shumë shpresëplotë që ky pr.ligj do të ndikonte sadopak në zbutjen e varfërisë që ka pllakosur vendin. Por pasi lexova pr.ligjin dhe relacionin kuptova që vetëm ky nuk ishet qëllimi i tij.

Kryeministri, “udhëheqësi i lartë” i korrupsionit në Shqipëri me këtë pr.ligj ka urdhëruar “entourazhin” të zbusë me propagandë varfërinë e tejskajshme, që perjetojnë mijëra familje shqiptare.

Ndryshimet ne “Projekt-ligjn për ndihmën dhe shërbimet shoqërore”, pritet që të thellojnë varfërinë edhe në 9 qartët e tjera. Skema për përfituesit e ndihmës ekonomike bëhet burokratike me ligj! Hartuesit duket se kanë qënë në presion për të bërë një draft, që nuk kuptohet as nga vetë ata… Në ligj flitet për aplikimin e një formule pikëzimi që asnjëherë nuk bëhet publike.  Tallja me të pamundurit i kalon kufijtë humanë, kur në shifrën e vetme që gjejmë në relacion është shuma që përfitojnë familjet e fermerëve me të ardhura të pamjaftueshme. Me paketën solidare të mashtruesve, familjet fermere pa ta ardhura ndihmohen me më pak se 800 lekë në muaj! Tronditëse dhe sjellje kriminale me 40 mijë familje në nevojë që sipas statistikës zyrtare të ministrisë marrin më pak se 800 lekë në muaj ndihmë ekonomike ose vetëm 10 bukë në muaj…

Rezultatet i projektit pilot për ndihmën ekonomike, i financuar këto 3 vite nga Banka Botërore ruhet “top sekret” dhe ndalohet edhe për Komisionin Parlamentar të Cështjeve Sociale. E gjithë ajo që dihet e që propagandohet cdo ditë është që po pastrohet skema e Ndihmës Ekonomike, që janë hequr mbi 20 mijë familje nga Skema e Ndihmës Ekonomike e këtë vit pritet të hiqen akoma më shumë; që janë hequr mbi 1000 Persona me Aftësi të Kufizuar nga skema e invaliditetit e këtë vit pritet që të largohen më shumë….

Në ministrinë e mirëqënies kërkuam informacion të detajuar në lidhje më zbatimin e projektit pilot, me aplikimin e formulës dhe peshat specigfike. Si kishte ndikuar ajo në 3 qarqet? Sa ishte niveli i varfërisë në to??? Por ky informacion nuk na u vu në dispozicion. Ekzekutivi vazhdon në mënyrë arrogtante të shkelë kushtetutën e të mos raportojë të legjislativi.

Në kemi dyshime të bazuara në fakte që regjistri elektronik kombëtar i përfituesve do të përdoret për shantazhe politike të njerëzve në nevojë në prag zgjedhjesh. Qeveria do të mundohet të blejë votën më bukën e gojës së fëmijëvë në familjet në ndihmë ekonomike.

PËrderisa kjo është një nismë e inicuar në 2010, në një varg negociatash jo të lehta me BB dhe grupet e interest që u konkludua me miratimin e marrëveshjes prej 38 mln Eurosh në prill 2013, ne kemi bindjen që është një mëkanizëm I duhur dhe I domosdoshëm për të pastruar skemën e ndihmës ekonomik e për të kaluar mbështetjen sociale te shtetit te ata më në nevojë.

Dua të kujtoj këtu edhe apelet e njëpasnjëshme të Avokatit të popullit I cili edhe ka bërë viziata dhe ka monitoruar në terren qindra familje që kanë apeluar heqjen e tyre nga skema e Ndihmës ekonomike. Vetëm në Bradashesh janë inspektuar rreth 100 familje dhe ka rezultuar që janë përjashtuar kategoritë e mëposhtme: 1) familje të në kushte dukshëm të vështira ekonomike dhe pa mjetet elementare te jetesës; 2) gra kryefamiljare 3) persona të papunë ë pa asnjë të ardhur tjetër; 4) familje me një osë dy pjesëtarë; 5) familje gjoja të vetëpunësuar…

Unë personalisht kam takuar shumë qytetarë, familjarë në Tiranë apo Durrës të cilët janë hequr nga skema e Ndihmës ekonomike edhe pse kishin një bicikletë, apo një TV të vjetër, apo një frigorifer, apo një lavatrice. Ju ftoj z. Ministër të zbrisni në terren e t’i takoni vetë familjaret që jetojnë në kushte ekstremisht të vështira.

Rekomandimet e Avokatit të Popullit për rishikimin dhe publikimin e formulës, për rishikimin e vlerës së Ndihmës Ekonomike e cila nuk ju siguron as një vakt të mjaftueshëm fëmijëve, për decentralizimin e shpërndarjes së Ndihmës Ekonomike ….kanë rënë në vesh të shurdhër

Edhe këtë projekt të shkëlqyer që ju lamë gati, e morët, e përdorët thjesht për arësye politike. Kjo është arësyeja që ju nuk bëni publike formulën, dhe po fshihni në sirtarë listat e familjeve që do hiqni nga skema për ti zëvendësuar me  militantë në në prag zgjedhjesh.

Mendja juaj e mbrapshtë do blejë vota me bukën e gojës së fëmijëve të varfër.

Dhe unë dhe kolegët e mij deputetë s’do mund t’i japim zgjidhje halleve të shumta të qindra qytetarëve e pacientëve që që në orët e para të mëngjesit zënë rradhë të onkologjiku në pritje e në shpresë që do mund të marrin barin apo kurën e nevojshme për të shpëtuar jetën e tyre; në s’do mund ti japim zgjidhje problemeve të shumta të Inës, kryëfamiljares me dy fëmijë (6 dhe 10 vjec) të cilët detyrohet ti mbyllë në shtëpi kush shkon për seancën e rradhës së kimios në spital…por që 35 mijë lekëshi i Ndihmës ekonomike nuk i mjafton për të paguar faturat e dritave, ujit, ushqimpër fëmijët e jo më për kurat e saj të shtrenjta…ndaj herë pas here detyrohet ti ndërpresë ato nëse spitali nuk ja siguron.

E në këto kushte…

A nuk do të ishte më mirë që 340 mln eurot që kanë vajtur në xhepat e klientëve të Qeverisë për vetëm 3 koncesione të panevojshme në shëndetësi, të shkonin për projekte që do rrisnin punësimin, që do zbusnin varfërinë, do përmirësonin infrastrukturën në shkolla, spitale, kopshte, rrugë?? Të shkonin për rritje pagash e pensionesh dhe për buxhetin social në ndihmë të njerëzve në nevojë??

Është pak të thuash se po qeverisemi si në komunizëm…!

Propaganda socialiste, më shumë dua partinë se Shqipërinë, njofton një të vërtetë të trishtë: varfërinë !

Ndaj sot Shqipëria ka nevojë për optimizëm. Qytetarët dhe biznesi kanë nevojë të shohin shpresë. Shoqëria ka nevojë të ndjejë drejtësi.

Fjalimi në Kuvend e deputetes Albana Vokshi, 21 Prill 2016

Të nderuar qytetarë projektligji në fjalë mbi disa shtesa dhe ndryshime në ligjin për ndihmën dhe shërbimet shoqërore nuk është veçse një farsë tjetër nga ato që janë me shumicë në këtë qeverisje.

Thuhet në raport se ky projektligj, pretendoni ju, sjell disa risi në zbutje të varfërisë për familjet në nevojë, garantimin e përfshirjes sociale si dhe mosdiskriminim në skemën e ndihmës ekonomike të dixhitalizuar në të gjithë vendin.

E vërteta është se ne ende nuk kemi të dhëna të qarta se saështë varfëria në vend dhe se cili është niveli i saj, i matur objektivisht. Nuk e keni një raportim të tillë. Kjo është e rëndësishme spese mbi këto të dhëna thuhet në ligj, mbi këtë kriter nnë “objektiv” të varfërisë do të përcaktohet edhe nëse dikujt do ti takojë ose jo ndihma ekonomike.

Ajo që mbajnë mend qytetarët në lidhje me platformën në fjalë të klonuar nga ju mbi ndihmën ekonomike janë shkurtimet e panumërta në vendet ku u orvatët ta quanit projekt pilot dhe që ishin Durrësi,Tirana dhe Elbasani. Atë që bëtë në këto rrethe tashmë do ta shtrini në gjithë Shqipërinë. Që të jetë e qartë për të gjithë qytetarët,këto janë ndryshimet që pritet të miratohen në këtë projektligj.

Nuk e di nëse ishte një sinkroni rastësore ose jo, por pikërisht sot kur do të flisja mbi këtë projektligj të ndimës ekonomikë nga qyteti i Cërrikut më vijnë disa telefonata se ka mbi dy muaj që qytetarëve atje u vonohet pagesa e ndihmës dhe se qytetarët nuk e kanë marrë ende këtë pagesë. Pra me pak fjalë ka më shumë se dy muaj vonesë që nuk e marrin dhe kjo sipas tyre është një përsëritje e vazhdueshme. Kujtoj se ndërsa keni qenënë opozitë keni qenë shumë të ndjeshëm ndaj momenteve të tilla. Cfarë ka ndodhur që nuk jeni më? Ka ndodhur vetëm një ndryshim. Ju jeni pushteti? Ju keni bërë ndryshimin duke i shumuar e shpeshtuar ku s’ka ku vejë raste të tilla. Nëse nuk e marrin ndihmën ekonomike që të shlyejnë detyrimet e prapambetura unë nuk u jap dot sërish me listë ushqime thotë një tregëtar sepse kështu i bie të falimentoj dhe vetë pasi nuk kam me se të bëj furniimet. Me pak fjalë i keni lënë të pangrënë. Por jam shumë e sigurt që kjo bie në vesh të shurdhët.

Për tu rikthyer tek projektligji ndryshimi tjetër i parashikuar nëtë përpos ndryshimit të parë që ka të bëjë me shtrirjen e formulës së pikëzimit në të gjithë vendin së bashku me mbartjen e gjithëabuzimeve me të cilat ju e aplikuat këtë formulë në qytetet pilot, është kalimi i shqyrtimit të kritereve dhe të drejtës së vednimmarrjes, nëse të takon ose jo ndihma ekonomike, jo më bashkive por shërbimit social i cili sikusre dihet është në rang qarku. Përkatësisht neni 10 i projektligjit actual që sjell ndryshimet e nenit 27 në ligjin ekzistues.

Kjo edhe njëherë nuk tregon gjë tjetër veçse përpjekjen tuaj për tëkontrolluar dhe për të centralizuar gjithçka,çdo shërbim, çdo fond të mundshëm. See verifikoka më mirë shërbimi social se sa bashkia qëështë shumë herë më pranë qytetarit dhe njeh më nga afërgjëndjen ekonomike sociale të familjes, këtë gjëndje. Këtë se beson as budalla më pak i mençur në këtë vend. Është më se e kuptueshme se doni kontroll mbi gjithçka dhe sigurisht nuk kanë përse bëjnë përjashtim për ju edhe fondet që lidhen me ndihmën ekonomike, edhe pse janë fonde për shtresën më të të varfër të shoqërisë sëë këtij vendi. Ua keni shtuar e ndërlikuar sorrollatjet që duhet të heq një qytetar me këtë projektligj për të përftuar këtë ndihmë ekonomike. Këtë keni bërë. Jo bashkia, jo shërbimi social shtëror. Nuk është e qartë se ku duhet të aplikojë qytetari pavarësisht administratorit vendor pasi nuk dihet se sa e qartë do të jetë bashkia dhe ky i fundit kur nuk jemi ne të qartë në lidhje me kriteret që duhet të plotësohen për ta përftuar ndihmën ekonomike. Për rrjedhojë qoftë edhe për aplikimin.

Meqë jemi këtu tek kriteret do doja të ndalesha pak më shumë se pikërisht kyështë edhe turpi juaj. Hajdutëria juaj. Mungesa totale e transparencës dhe pa dyshim abuzimi mëi madh që bëni me qytetarët e këtij vendi në dhunim të plotë edhe të të drejtës për informim, me shtresën më të dëmtuar.

Për ta thënë më qartë megjithëse kemi muaj që ne si komision përgjegjës içështjeve social u kërkojmë të na tregoni se cilët janë kriteret, cilët janë indikatorët, cilës janë treguesit mbi të cilët ju përllogarisni fituesit e ndihmës ekonomike, ato ende nuk janë të njohura nga ne, edhe pse ua kemi kërkuar disa herë, jo më për qytetarët. Kyështë kulmi i abuzimit tuaj dhe sikurse është e kuptueshme kjo mungesë e thellë e transparencës ka një arsye të thjeshtë qëështë shumë e qartë për ne dhe për qytetarët. Kjo është për të bërë dhe për të fshehur abuzimet tuaja sepse ndihmën ekonomike nëjo pak raste ua hiqni të pamundurve edhe kur janë në kushte të skajshme mjerimi dhe ua jepni militantëve tuaj. Nuk janë të pakta rastet kur vetë qytetarët na e vënë në dukje këtëdhe ankohen për ngjarje të kësaj natyre përditë. Turp edhe njëherë turp dhe është turpi juaj. Është fare e qartë se përzgjedhjen e bëni jo sipas treguesve që as duket se ekzistojnë por sipas standarteve tuaja të militantizmit.

Qytetarë të cilët nuk kanë asnjë të ardhur e jetojnë në kushte mjaft të vështira varfërie u hoqën nga skema, dhe, edhe sot nuk e marrin ndihmën ekonomike. Kjo sepse ju nuk e luftoni varfërinë por e shumoni atë.

Keni thëne edhe se me këtë projektligj thjeshtëzoni proçedurat e aplikimit dhe verifikimit të të dhënave për aplikantët kur në fakt asgjë nuk është e qartë dhe aspak transparente duke lënë në errësirë të plotë mënyrën se si i bëni verifikimet dhe si merret vendimi.

Sa për thjeshtëzimin nuk besoj se ka ndonjë qytetar që mendon se qoftë sa i përket aplikimit qoftë sa i përket vendimit përfshirja në cilësinë shqyrtuese dhe vendimarrëse të shërbimit social, strukturëmë shumëqëndrore, ua lehtëson atyre mundësinë e përfitimit, ajo thjesht rrit kohëzgjatjen dhe vështiorëson më shumë. Kjo vlen edhe për të drejtën e ankimit për të cilën ju thoni në projektligj se ua keni mundësuar qytetarëve. Në fakt një qytetar në pamundësi të tilla ekonomike pasi për këtëështë subjekt në projektligj, kur e ka të vështirë të paguaj qoftë edhe pagesën e udhëtimit që mund ti duhet të bëjë nga vendi ku banon për të shkuar në destinacion zor se mund të përftojë nga kjo. Thuhet se mund të ankohet pranë bashkisë por në të shumtën e rasteve bashkitë në këtë errësirë të plotë informacioni që kanë patjetër që do ti referojnë rastet tek shërbimi social dhe qytetarët do tu duhet të udhëtojnë vetë atje. D. m.th sorrollatje pas sorrollatje e qëllimtë në mënyrë që të ketësa më pak aplikime dhe sa më shumë abuzime.

Keni thënë në projektligj koeficientë dhe ndryshore të përcaktuara qartë të dala nga lidhjet reciproke dhe objektive me statusin ekonomik dhe varfërinë. Si përcaktohet statusi ekonomik? Treguesit për varfërinë?

Keni thënë vlerësimi bio-psiko-social multidisiplinar në lidhje me faktorët që mund të dëmtojnë aftësinë e një individi për punë. E shprehur kështu është për tu përgëzuar por keni thënë bazuar në dokumentet e përgatitura nga mjekët, (jo psikologët dhe punonjësit social) dhe intervistat e zhvilluara, e jo bazuar në kritere të standartizuara sikurse i ka gjithë bota duke i lënë mjekët të paqartë ose duke krijuar  hapësira të pafundme për abuzime.

Masat përjashtuese nga skema e ndihmës ekonomike për familjet të cilat nuk zbatojnë kërkesat e legjislacionit në fuqi, thuhet në projektligj, përcaktohen me vendim të Këshillit të Ministrave, pra nuk i keni përfshirë në ligj.

Kriteret e përfitimit të ndihmës ekonomike thuhet në nenin 3 (ose neni 10 i ndryshuar) vlerësohen sipas nevoja dhe gjëndjes së varfërisë.

Kriteret dhe detajet e formulës përcaktohen prapë me VKM. Se ku është transparenca dhe qartësia këtu ec e mere vesh kur kryeministri juaj së bashku me ministrat përgjegjës ligjërojnë nga mëngjesi nëdarkëdhe dëshmojnë njëherazi paaftësinë e tyre për ta njohur varfërinë e jo më për ta legjitimuar atë për njerëzit në nevojë. Në fakt për kryeministrin tonë Shqipëria lulëzon në investime, zhvillime dhe bum ekonomik.

Tani meqë e di që do thoni se me këtë projekligj keni hequr ndihmën e pjesshme dhe e keni bërë atë të plotë e do na e shisni këtë për arritje kujtoj qytetarët se kjo nuk do të thotë se numri i atyre që e përftojnë do të rritet apo se do të mbetet i njëjtë aty ku është. Gjasat janë që të ulet. Kjo është edhe arsyeja kryesore se përse ekeni vështirësuar edhe më shumë proçesin jo për shkak të formulës, dhe dixhitalizimit të proçesit, projekt i nisur nga ne, po përmes abuzimit dhe mungesës së skajshme të transparencës.

Për ta përfunduar dua të vë nëdukje edhe disa fakte të tjera që nuk kanë lidhje me ligjin në fjalë po me abuzimet tuaja dhe ministrinë në fjalë.

Kështu nga një hetim i kujdeshëm kur 160 milionë dollarëve nuk u dihet vendi se ku kanë shkuar, personat me aftësi të kufizuar, aftësi ndryshe, jo vetëm që nuk kanë e as do të kenë rritje të pagesës së invaliditetit, por një pjesë e tyre nuk do të përfitojnë pasi ju qëllimisht vazhdoni të zbatoni kritere të vjetëruara dhe gjeni çdo ndërlikim të mundshëm në ligj që për këtë pagesë të përftojnë sa më pak persona. Kyështë një problem i ngritur disa herë dhe që dëshmon edhe njëherë pandjeshmërinë tuaj pasi edhe kur paaftësia e tyre është lehtësisht e verifikueshme ata nuk e përftojnë pagesën e invaliditetit sepse kriteret tuaja janë orientuese dhe jo të standartizuara. Ndërkohë që bota evolon në lidhje me sëmundshmërinë, invaliditetin dhe aftësinë e kufizuar ju vazhdoni të përdorni kritere që e kufizojnë tej mase mundësinë e përfitimit të kësaj pagese nga qytetarët dhe këtë e bëni qëllimisht.

Së dyti keni miratuar një ligj sipas së cilit edhe pse mund të kesh mbi 30 vjet punë por nuk ke mbushur moshën e pensionit dhe papritur sëmuresh, nuk mund të përftosh shërbim shëndetësor nëse nuk ke paguar të pakëtn 12 muaj sigurime në 5 vitet e fundit. Pra punon gjithë jetën dhe nuk u siguroni as atë palo shërbim shëndetësor që me të drejtë I takon çdo qytetarë aq më tepër dikujt me kaq vite pune. Nuk keni lënë më vend pa bërë abuzime.

Së fundi dua tu kujtoj se nuk ka asnjë ditë, asnjë moment që dal në rrugë për të takuar qytetarë dhë që shqetësimi i tyre kryesor përpos halleve pafund qe u keni mbarsur mbi shpinë, të mos jetë abuzimi me faturat e energjisë. Rritët çmimin e energjisë në vlerë për kilovat, hoqët fashën mbrojtëse të limitit prej 300 kilovatësh. Nuk ka sesi të mos vijnë kaq të kripura faturat e energjisë elektrike për këtë shkak dhe për shkak të abuzimeve shpesh të pabesueshme nga OSHE.

Janë me qindra qytetarë që enden dyerve të OSHE dhe tëgjykatave për mbifaturime marramendëse të energjisë elektrike për të gjetur të drejtën e tyre, që në të shumtën e rasteve nuk e gjejnë dhe që sipas jush detyrohen fillimisht të paguajnë pastaj të ankohen. Nuk janëdy, pesë apo 10 raste, janë me qindra, madje me mijëra mund të them pa frikë. As një masë ndaj OSHE. Asnjë përpjekje për të ndalur abuzimet edhe pse jemi në situatë alarmi. Në fakt nuk ka se si tëishte ndryshe, kjo sepse sot shqiptarët nuk kanë qeveri. Ata udhëhiqen nga një organizatë kriminale.

Fjalimi në Kuvend e deputetes Arjola Halimi, 21 Prill 2016

“Zonja deputete!

Zotërinj deputetë!

Të dashur qytetarë dhe qytetare që ndiqni këtë parlament, të shndërruar nga tempull demokracie në një strofull krimi, i cili në çdo seancë nuk merret dot me problemet e jetës tuaj të përditshme por merret vetëm me krimin qeveritar, me hajdutërinë qeveritare, merret vetëm me skandalet dhe vjedhjet e pafundme të qeverisë dhe bandave të saj. Ky i Shullazit është rast i rrallë. Duhet ta pranojmë, se me lidhjet e tij direkte me kryeministrin dhe ministrin e brendshëm, ai de fakto ishte në mënyrë absolute nënkryetari i kësaj qëverisje. Emiljano Shullazi, meqë përmëndët kohën e qeverisë sime, është arrestuar katër herë, në një kohë kur ishte me Dritan Dajtin, me të cilin ti mbaje lidhje të ngushta, por që u këput në kryq më vonë dhe që na vrau katër oficerë policie, ndërsa Emili yt është arrestuar jo një por katër herë, në një kohë kur prej tre vitesh atij  i është dhënë imunitet absolut. Ai bën ligjin në Ministrinë e Brendshme, në Drejtorinë e Tiranës dhe ka vendosur në terror si kurrë në historinë e tij qytetin tonë, portin e Durrësit. Të gjitha këto vetëm për një arsye, për shkak të lidhjeve të tij të ngushta me Edvin Shullazin dhe Saje Qorrin. Unë dua t’ju them ju këtu, dhe flas për ju qytetarë, se ky këtu (Rama) e ka shndërruar qeverinë në një organizatë kriminale, këtu kam me dhjetëra fotografi të ushtrisë së Shullazit, të armatosur me të gjithë llojet e armëve nga më modernet, nga snajperët tek armët e tjera. Ja ku e keni se si ruhej ai. Çfarë ndodhte në lagjen e tij? Terror i paparë. Dëshmira tronditëse kam këtu, nga oficerë policie, të cilët thonë se në lagje jetohej në terror të plotë. Kryebanditi nga ushtria e tij quhej “gjeneral”, dhe kur ai vendosej në kafe “Beku” tek Parku i Autobusëve, nga ora 5 deri ne 8 zbarkonin aty ushtarët e tij, sikur të ishin mafia më e fortë e botës, të cilët i thonin oficerit të policisë “largohu këtej, o shef ti bëj si të duash po ne të themi që më mirë të mos rrish këtu, se ne po ruajmë gjeneralin. Nuk mund të të përshkruaj se çfarë kam dëgjuar në atë lagje në të cilën jo vetëm punoja por ku kisha dhe fatkeqësinë të punoja.”

Në Policinë e Shtetit absolutisht ka njerëz të ndërgjegjshëm, kanë mbetur përsëri njerëz të talentuar, këtu kam të gjithë organigramën e Ushtrisë, se si kryekrimineli që terrorizonte Tiranën dhe Durrësin. Ja ku i keni, këto nuk i kam nxjerrë unë por agjentët e policisë kriminale, janë punë e shkëlqyer dhe e ndërgjegjshme e agjentëve të policisë kriminale. Por çfarë bënin me ta? Ju thonin se “gjenerali” është i paprekshëm. Ndodhi vrasja në “rrugën e Kavajës”, ndodhi atentati i QafëKasharit, në komunikatën e parë e policisë, korrekte e Drejtorisë së Tiranës, thuhej se në Qafë Kashar  mori një plumb në shpinë Emiljano Shullazi, dhe se në makinën e tij u gjetën armë, u gjetën gëzhoja, u gjetën shtatë mijë euro. Me ndërhyrjen direkte të Sajë qorrit dhe të atij që s’është më në krye të Policisë, gjithçka u ndryshua. U deklarua se ngjarja e Qafë Kasharit s’ka asnjë lidhje me ngjarjen e “rrugës së Kavajës”, u deklarua se nuk ka të plagosur fare, se Emili i partisë nuk është plagosur, u harrua gjaku që kishte derdhur, dhe si përfundim Emili i Partisë, pasi iu pastrua gjaku dhe krimi, u nis drejt Lulzim Bashës dhe i tha se “po dole në atë dritare, kokën ta masim me plumb”. Dhe ne e denoncuam këtë. Zotëria që thotë se ka ekzistuar gjatë periudhës sonë, po ka ekzistuar dhe ne e arrestuam katër herë, është dënuar disa herë. Ka patur një incident me Vasilika Hysin dhe Besnik Baren. Kishin një zyrë elektorale ata dhe kishin nxjerrë autoparlantat por “gjenerali” zhurmë nuk donte, ndaj dhe i prishi aktivitetin. Cfarë pësoi? U arrestua brenda 12 orësh. Për hir të së vërtetës, duhet të them këtu se Edi Rama i detyroi deputetët e tij që të bëjnë kallzim, ata bënë kallzim dhe ai u arrestua. KJo është e vërteta. Por ndërkohë, gjuajti me bazuka shtëpinë e kryetarit demokrat të Farkës, ndërkohë u bë gjithçka për të zhdukur provat. Cfarë ndodhi më vonë? Një ditë prej ditësh shqiptarët marrin vesh se “Bashkim kontrabandisti”, Bashkim Tahiri, i arrestuar për kontrabandë në flagrancë, dikush i vuri tritol tek farmacia e tij dhe dikush tjetër i dergoi një kallëp tritoli në rrugë ngjit me shtëpinë, ndër ata të parët që e ka quajtur “akt terrorist” kam qënë edhe unë, e kam dënuar dhe pavarësisht se ai është një kontrabandist i mirëfilltë por çdo akt terrorist e dënoj dhe do ta dënoj me ashpërsinë më të madhe. Kush i vendosi ato?  Për tritolin tek farmacia e kontrabandistin u arrestuan 7 vetë, por vetëm një mendje idioti mund të thotë se 7 vetë u morën me vendosjen e një tritoli. Po të jenë 3 e marrin vesh 13, por të jenë 7 e marrin vesh 70, këtë nuk e hante kush. U arrestuan të gjithë Gjutajt, edhe Bruka, unë nuk njoh asnjë prej tyre dhe kërkoj ndjesë që detyrohem tu përmend emrat këtu. U soll tjetri nga Suedia.

U bënë një seri arrëstimesh. Ec procesi, ngec procesi. Thirri prokuroria Bashkim kontrabandistin,  tha se ata më janë vendosur për shkak të detyrës së djalit tim. U arrestuan 7 vetë, por çfarë ndodhi? Një ditë prej ditësh prokuroria i liroi të gjithë ata ndërkohë zotëria hapte fjalën se një nga Gjutajt ka tradhëtuar Gjutajt e tjetër dhe se ka dëshmuar kundra tyre. Mirëpo ata, nga i pari tek i fundit dolën jashtë. Pse dolën jashtë? Ja ku e kam dokumentin: “përshëndetje zoti Berisha. Jam një oficer policie që ka marrë pjesë në hetimin e atentatit të vendosjes së tritoleve kundër të atit të ministrit të brendshëm. Gjatë hetimit të kësaj çështjeje, unë, së bashku me një kolegun tim arritëm në konkluzionin e prerë se tritolet i kishte vendosur banda e Shullazit por ministri i brendshëm, sapo e mori vesh, akti i parë që bëri ishte të më largojë nga hetimi, më pas më transferoi në periferi dhe unë sot jam jashtë rradhëve të policisë”.

Prokuroria njofton se edhe i tmerrshmi i të tmerrshmëve, Vladimir Gjuta, dhe një me mbiemrin Bruka, të lirohen menjëherë nga paraburgimi. Çfarë kishte ndodhur! Jua them unë.  Saje Qorrin e kishte kërkuar prokuroria jo një herë por disa her, zoti ministër urdhëroni dhe dëshmoni. Saja nuk shkonte. Po pse nuk shkonte, sepse Gjutajve u kishte dërguar Shullazin.  Saje Qorri i dërgoi Emilin Vladimir Gjutës disa herë dhe zhvilloi negociata të mëdha që ta mbyllnin këtë punë, sepse Emili e kishte vendosur vetë. Përse u arrestuan Gjutaj? Sepse përpara zgjedhjeve, në Bllok e kishin shtrire përtokë Saje Qorrin dhe rrahur në mënyrën më të egër. Dhe tani Saje Qorri u bë me krahë dhe duhet t’u bënte rremën Gjutajve dhe për t’u bërë rremën Gjutave duhet të vendoste me Emilin e partisë… Nëse Saja se kishte vendosur vet tritolin me Emilin, shkonte në prokurori ai, por Saja nuk shkonte dot nga përgjimet, të cilat fatmirësisht kësaj here nuk janë vetëm të një burimi, por të disa burimeve.

Saje Qorri nuk shkoi të kryente detyrën, sepse veten e konsideron mbi ligjin, sepse Emilin e tij e ka mbi ligjin dhe ligji nuk ekziston për ta. Ligji ekziston për ata që kanë detyrim 35 dollarë, për ata që parkojnë diku  gabim, për ata që bëjnë gabime të tilla, po për Sajen, Emilin dhe Edvin Shullazin nuk ka dënime. Ai kishte frikë. Mediat kapën një gjë interesante para dy ditësh. Për herë të parë në jetën e tij ai shqiptoi emrin e Emilit të partisë, nuk e shqipëronte dot.  E kisha akuzuar me dhjetëra herë këtu, dhe ai një herë të vetme nuk e kishte shqiptuar  emrin e tij.  Po pse? Sepse e kishte në mendjen dhe në shpirtin e tij, sepse EMili i kishte gllabëruar shpirtin këtij njëriu.

Sot është një ditë e veçantë për vendin. Dje të gjitha Universitetet bënë zgjedhje. Si u zhvilluan zgjedhjet akademike? Që të gjitha në shenjën e Edi Ramës, në shenjën e Edvin Shullazit. Në Vlorë, Koço Kokëdhima përzuri kandidatin, sepse gara duhej të bëhej në stilin “alla Rama”, me një kandidat të vetëm. Burri i ministres fitoi me 97% me një kandidat të vetëm në garë.

A mund të më thuash pak këtu se çfarë ju bëre ti atyre rivalëve të burrit tënd, që u tërhoqën të gjithë? Sot do të doja shumë ti çoja një urim botës akademike dhe urojë të gjithë ata që janë zgjedhur me dy kandidatë. Dënoj garën me një kandidat si një akt të shëmtuar. Dënoj ndërhyrjen e krimit. Një akt i paprecedent ai që ndodhi. E arrestoi Edi Rama Shullazin tha. Jo more jo. Polici i Edi Ramës nuk pranonte ta arrestonte. Përgëzoj prokurorinë  për aktin e saj dhe i jap mbështetje të plotë.

Perandorinë e krimit, Emiliano Shullazi e krijoi nëpërmjet tytës së armëve, nëpërmjet fallsifikatorëve, nëpërmjet gjykatësve dhe prokurorëve. I bëj thirrje Prokurorit të Përgjithshëm, i bëj thirrje Kryetarit të Këshillit të Lartë të Drejtësisë, të studiojë  në detaje dosjen “Shullazi”, se është fytyra më e shëmtuar e kësaj qeverie organizatë kriminale. Po të doni i marrim një nga një krimet e tij. Saje Qorri tha se e arrestova me një sms. E kuptoni se ku jemi, të arreston Saja me një sms. Me këtë shndërrim në organizatë kriminale që i keni bërë qeverisë së vendit, në mënyrë absolute po e çoni vendin drejt një konflikti të pashmangshëm të të gjitha llojeve.

Unë kam një kërkesë për qytetarët shqiptarë sot. Ju bëj thirrje qytetarëve shqiptarëve që për sigurinë e tyre të armatosen, të sigurojnë armë, për të mbrojtur veten, vatrat, pasuritë e tyre, sepse nuk kanë asnjë siguri. Nëse ju, o organizatë kriminale, mendoni të terrorizoni opozitën dhe qytetarët me bandat tuaja, ju garantoj se nopozita dhe qytetarët jeanë të gatshëm tua kthejmë me të njëjtat mjete dhe ju të mos gjeni vrimë miu ku të futeni. Të armatosen, sepse armatosen amerikanët, armatosen të gjithë qytetarët  që duan të mbrojnë veten e tyre dhe me urgjencë të sjellim ligjin. T’u japim të drejtë qytetarëve të mbajnë armë. Me këtë organizatë kriminale nuk ka siguri, me këtë organizatë kriminale nuk ka rend, me këtë organizatë kriminale nuk ka rend, nuk ka qetësi. Këta këtu që hidhen, sigurisht hidhen sepse janë me bandat dhe sigurinë jua japin bandat.

Opozita është këtu për të qëndruar dhe do të qëndrojë fuqishëm. Dhe ju që bëni lojën e armëve ndaj qytetarëve, për kërcënimet ndaj opozitës, ne jemi të gatshëm t’ju përgjigjemi juve në mënyrën më solemne. Vetëm një gjë; ju dhe ata që ju japin zemër juve, jeni më frikacakët e kësaj toke. Jeni si minjtë, që do të kërkoni vrima për t’u futur dhe nuk do të gjeni dot. Nuk mundeni ju të trajtoni shqiptarët në këtë mënyrë. Nuk mundeni ju të përzeni dhe spastroni shqiptarët nga vendi i tyre.

A nuk ishte Shqipëria në vitin 2011-2012, nuk ishte një gjendje brilante ekonomike, gjithmonë Shqipëria me probleme  ka qenë, dhe ai shtet që thotë Edi Rama (Gjermania), ishte i pranishëm prej vitesh, por ai shtet u përdor në dy vjet vetëm nga 432 vetë sipas Byrosë Federale Gjermane, asnjë më tepër. Po pse? Njerëzit nuk kishin, por kishin pak shpresë. Erdhi Edi Rama patën edhe më shumë shpresë, normale, sepse një shumicë  që vjen, vjen pa diskutim me një nivel të ri shprese, por Rama është vrasësi i shpresës.

Shpresën e vret kur nuk bën ligjet, kur nxjerr një kasë të urryer mbi ligjin.

Shpresën e vret kur bandat bëjnë ligjin.

Shpresën e vret  kur Kostandini i Partisë shtrin përdhe katër djem të rinj dhe ia lënë djalin ish-prokurorit të vdesë vetëm për të fshehur gjurmët e krimit. Për të dalë pastaj Ledi Makbeth  në tapetin e kuq të kryeministrisë, si heroina e partisë që po jep dorëheqje.  Një korbë  e zezë, djali i së cilës, ka çuar në atë botë pesë persona.  Secili  nga ju që nuk dënoni këtë, jeni aksioner  në këto akte.

Shpresën e vret kur Frroku i ka duart me gjak.

Shpresën e vret kur liron me presion ndaj gjykatësve, deputetin tënd, që shkon dhe i bie me revole tjetrit në pragun e shtëpisë së tij dhe tjetrit në Komisariatin e Policisë dhe shkon e na e sjell këtu.

Shpresën e vret  kur kapet fabrika më e madhe e miellit në Ballkan dhe ke me pronarët e saj kilometra telefonata, si kryeqeveritar i vendit.

Shpresën e vret kur në çdo krim të shëmtuar të bandave bën vetëm një gjë prish provat.

Shpresën e vret kur Shullazët e tu fitojnë çdo tender.

Shpresën e vret kur thërret dëshmitarë të Shullazit dhe i detyron të thonë se nuk kanë ditur se cilin kanë ortak. Sepse është Pandi Carapuli në mes. Ai Fezga, Kodra si quhet, që ta dini juve, ai është apo ka qenë menaxher tek Carapuli, para 2-3 vitesh u ankohej miqve të mi që ky Pandi më jep një rrogë të ulët dhe dua të iki, kur na del tani milioner, blen Vollgën, blen Ramën e Gjushin me lecka. Fezga ka Carapulin dhe Crapuli është Rama, se Carapuli është ndërtuesi i sarajeve të Surrelit. Carapuli është një lloj banditi më i lig se Shullazi, sepse midis atij që e bën dhe atij që fshihet, më i poshtër njëiqnd herë është ai që fshihet. Por Carapuli është Rama, s’është kush tjetër.

Shpresën e vret kur në regjistrër prish banesat, bizneset dhe lë sarajet e tij me Koço Kokëdhimën, duke shkelur të gjitha ligjet e shtetit në Qiparo. Shpresën e vret kur një njeriu, të një kompanie të rojeve të sigurisë, të cilit iu vodh banka ose vodhi bankën, të cilit vetëm për këtë minimumi i duhej hequr licenca dhe të përjashtohej nga gara. Por nga 6 tendera qe kishte fituar në 2013 ka fituar vitin e kaluar 58 tendera. Sigurisht që juve ju fut shuka dollarësh dhe eurosh në gojë dhe ju bën juve të kakarisni këtu.

Po më thoni ju lutem a mund ti jepet një firme që ju vodh banka 58 tendera? A mendohet në këtë mënyrë. Dhe pastaj më hiqni mua vërejtje. Ju mund të më hiqni mua njëmijë herë vërejtje, nuk ka gjë në botë që mua më ndalon pa e thënë. Kam ndërgjegje unë. Nuk mund të lejoj që një njeri të marrë 58 tendera, sepse duhet të hanë edhe ca të tjerë. Nuk mund të pranoj kurrë unë një njeri, që përdor mandatin këtu për të marrë tenderat me vëllain e vet.   Mos 58, janë 16 tendera, i kam lexuar herës që shkoi. Apo Abazi. Zotëria doli këtu dhe u shante me gjuhë ordineri. Pse u revoltua!? Çfarë i thashë?  Se tenderi i Kokoneshit me 3.3 milion dollarë u prokurua, u firmos nga një kompani që solli një ofertë më të shtrenjtë, sepse kompania Salillari ofroi një ofertë 1 milionë dollarë më pak sesa Kokoneshi.  Nëse ti hidhesh se unë të akuzoj kot, të kam dhënë një muaj afat, nuk kam folur, aty i kam pasur dokumentat dhe nuk kam folur pasi kam pritur sa përfundoi firmosja e kontratës. Dhe rezultoi se e dinte (Braçja). Çfarë tha? U tërhoq kompania tjetër tha. Ai tender anullohej 100 herë për çdo njëri  që ka integritet. Si jepet tenderi me 33% më shumë një kompanie, vetëm për të mbushur xhepat. Ju kërkoni qe të hesht por jo. Unë nuk luftoj më për karrierë. Asgjë në këtë botë nuk mund të më pengojë mua për të mbrojtur interesin publik ashtu si unë e mendoj. Harrojeni se punoj për gjë tjetër, harrojeni se punoj për njëri tjetër, për asgjë në botë, përveçse për interesin publik, siç e gjykoj pa pretenduar se kam monopolin e së vërtetës.”

Fjala jashtë sallës së Parlamentit:

Për të gjitha këto ka një shtet kudo, përveç Shqipërisë që ka një bandë, një bandë kudo e penetruar. Atëherë, vendi më i madh i lirisë në botë, SHBA-të kanë një praktikëë të tillë që u lejojnë armë qytetarëve. Unë kam kohë që e mendoj këtë punë, kur shoh mbi 40 roje, që i ka aty Edi Rama në dosje, të Shullazit të pajisur me të gjitha llojet e armëve për të vrarë, për të vjedhur, për të grabitur, për të plaçkitur, atëherë çdo qytetar i ndershëm duhet të ketë të drejtë ligjore të ketë, njëlloj si një vend tjetër i madh i lirë, armën për t’u mbrojtur. Këtyre u kërcejnë kaq keq se kjo jua cof morrat bandave të tyre dhe banditëve në pushtet.

Pyetje: Ju ja keni hequr armët deputetëve…

Jo nuk i kemi hequr armët deputetëve, absolutisht. E theksoj, me ligj, jam plotësisht i mendimit që, përderisa këtu të zhduken bandat njerëzit duhet të kenë të drejtë të mbrohen.

Pyetje: Me këtë po kujtoni 97-tën…

Zonjë ajo është një histori krejt tjetër. Ai ishte një rebelim komunist. Armët me të cilat u armatosën fallangat e kuqe erdhën nga jashtë, kurse shqiptarët dhe kosovarët u armatosën me armët e tyre.

Kurse kjo këtu ka të bëjë deri me rivendosjen e rendit. Ligji amerikan është ligji më i drejtë, dhe unë do ta shof këtë me vëmëndjen më të madhe. Sepse unë nuk mund të konceptojë që një bandë me 40 vetë në mes të Tiranës të ushtrojë të gjitha llojet e dhunës. A e dini ju se Saje Qori dhe Edvin Shullazi e kanë shpërblyer Milin e partisë, në kundërshtim flagrant me ligjin, për dënimin që ka bërë, pa e çuar në Gjykatë të Apelit. Ligji detyron institucionin, që për çdo gjyq të humbur në shkallë të parë, detyrimisht në emër të mbrojtjes së interesave të taksapaguesve të vet, të shkojë në shkallë të dytë. Kurse Mili i Partisë bën përjashtim, nuk shkoi në shkallë të dytë por Edvini urdhëroi ministrin e financave t’ja jepje paratë një më një për krimet që kishte kryer. Pra, kemi të bëjmë me një organizatë kriminale. Këtu ju shihni që po diskutohet gjerësisht se policia ka denoncuar ndërsa prokuroria ska reaguar. Si mund të reagojë prokuroria, kur çdo njëri që denonconte në polici shkonte më parë tek Shullzi dhe banda e tij sesa në prokurori. Çfarë do bëjë prokuroria? A e dini ju sa zyrtarë të lartë janë në dosje të regjistruar? Shkoni shifni pak ortakët e Shullazit në dosjen e Shullazit. Që të gjithë politikanë me peshë, drejtora, ministra etj.

Pyetje: Ju në këtë moment po i riktheheni çështjes së ligjit por ju në fjalën tuaj nuk përmëndët ligjin në fillim…A po e kuptoni që thirrja juaj mund të shërbejë për të hapur një luftë civile në vend, ligjin e përmendët në fund?

Tani po i lejon vetes diçka joprofesionale. Më vjen keq, unë dua të të respektojë por nuk po më lë. Se si e ndërtoj unë fjalinë është puna ime. A je avokatja e Shullazit, apo e një përdhunuesi? Nëse je gazetare ti nuk mund të më thuash mua se ku duhet ta vë atë fjalë, në fillim apo në fund. Nuk e dikton dot atë, as unë ty e as ti mua. Natyrisht unë nuk i heq asnjë presje asaj që kam thënë dhe atë po e them prap. Përse po më thua se po e ndryshoj? Ku e gjen ti këtë të drejtë morale? Nuk shkon kjo, për ty se për mua s’ka problem..

Pyetje: Ju bëtë thirrje për armatosjen e qytetarëve dhe më pas thatë të bëjmë ligjin. Në fakt kjo për qytetarët merret si një thirrje për tu armatosur

Jo, kjo merret nga shullazët e qeverisë, ndërsa qytetarët e kanë shumë të qartë këtë. E kanë shumë të qartë se çfarë do të thotë kjo, kurse shullazët e qeverisë e kanë tmerr këtë. Mos u bëni zëdhënës të Shullazëve.

Pyetje: Pse do ndërmerrni një inisiativë ligjore për tu depozituar në kuvend referuar deklaratës që bëtë sot?

Fola kjo kërkon që të merret një nismë ligjore, por, a do e ndërmarrë apo jo, kjo është për tu parë. Asaj që thashë asnjë presje nuk i heq. Armë, në këto kushte kur nuk ka rend, qetësi, siguri, duhet të ketë çdo njeri duhet të ketë çdo njëri për të siguruar jetën e tij, të fëmijëve të tij, të pronës së tij. Mazhoranca është një organizatë kriminale. Ajo qeveri që bashkëpunon me Shullazin është një organizatë e mirëfilltë kriminale, në kuptimin absolut të fjalës.

Pyetje: Sa do ta mbështesni ju ngritjen e komisionit hetimor për këtë ngjarje, që propozoi ministri i brendshëm?

Së pari, a e dëgjove ti ministrin Saje qorri të thoshte një fjalë të vetme për Gjutën, Brukën, për arrestimin e shtatë pjesëtarëve nga një familje e vetme. A e dëgjove të thotë një fjalë të vetme për ndryshimin e komunikatave të qeverisë për ngjarjen e Kasharit dhe atë të rrugës së Kavajës, unë e akuzova direkt. A përmëndi ndonjë gjë ai apo vetëm u hodh si histerik meqë përmënda armët.

Përsa i përket komisionit, absolutisht po, madje edhe më thellë se komisioni dhe absolutisht mos mendo se unë, personalisht flas, nuk po punoj në shumë drejtime për këtë punë. Unë jam i vendosur të bëj transparencën. Po kur unë, nga burime policore direkte, marr dosje në të cilat më faktohet se Shullazi është lejuar me mbi 40 e ca banditë me të gjitha llojet e armëve dhe snajpera, me të gjitha makinat e blinduara, atëherë kjo qeveri është një organizatë kriminale. Këta që bërtasin sot dhe mbrojnë Shullazin, këta janë ushtarë të Aldo Bares, të “Hakmarrjes për Drejtësi”, të gjithë atyre bandave që u arrestuan një për një.

Pra, Komisioni hetimor është plotësisht i mundshëm, mendoj unë. Por komisioni hetimor maksimumi që mund të hetojë në këtë rast është ligjshmëria. Dokumentet si ka ministri, i ka tjetër kush, i prokuroria ato dhe 5 shërbimeve të huaja.

Pyetje: Si e shini rolin e prokurorit në këtë proces?

Roli i prokurorit dhe i prokurorëve është për tu përshëndetur, morën përsipër për të bërë atë që se bënë oficerët e Tahirit. Nuk donmin ta arrestonin. Në këtë mënyrë, mendoj unë, duhet një mendim eksperti. Po të ishte se kemi të bëjmë vetëm me ligjin atëherë mund të behej komisioni, por komision për probleme të dokumentave të dosjeve, që janë në hetim nga prokuroria dhe gjykata, nuk mund ta bëjmë. Kur të mbarojë hetimi absolutisht po, mund ta bëjmë.

Pyetje: A do ta pengojë kjo situatë reformën në drejtësi?

Reformën në drejtësi e pengon Viktor Ponta dhe Edi Rama. Ponta i tha Edit se po e bërë reformën përgatit një vend si ky që më kanë bërë mua këtu (burgun). Ministri përgënjeshtroi kryeministrin. Edi Rama urdhëroi Tahirin të thotë se kryeministri gënjeu. I kuptoni vetë ju se ku janë gjithë problemet e tyre.

Pyetje: Mazhoranca ka depozituar në kuvend kërkesën …Jeni i gatshëm të shkoni në prokurori lidhur për këtë deklaratë?

Mazhoranca e krimit është e lirë të depozitojë çdo lloj akuze dhe kërkese. Mos harroni që rreth 16-17 vjet më parë, mazhoranca që kish dalë nga rebelimi komunist, më hoqi imunitetin me akuzën për krime kundër njerëzimit 8 muaj përpara se Haga të akuzonte Sllobodanin. Këta janë vetëm frikacakë e burracakë, forca e tyre janë bandat, forca jonë qëndron tek ligji dhe tek e drejta.

Fjala e dytë në seancën plenare: 

Përsa i përket fjalës time edhe një herë theksoj këtu se në mënyrë absolute nuk i heq asnjë presje. Pse. Sepse sot rendi dhe siguria e qytetarëve është më e kërcënuar se kurrë në memorien time. Ka patur krim në periudha të caktuara në këtë vend, por s’ka patur kurrë bashkëpunim qeveritar të shkallës së tillë siç ka sot. Ju e dëgjuat Saje qorrin. Foli një orë me histeri por nuk yha një fjalë të vetme për eksplozivin që ka vendosur tek i ati i tij kontrabandist për të arrestuar ata që quan kundërshtarë. Nuk tha një fjalë të vetme. Unë kam me dhjetëra fotografi, dhe ju tregova njërën me ushtarët e Shullazit me të gjitha llojet e armatimeve, të cilat i kam marrë nga policia e shtetit, por të gjitha ato ai i ka me autorizimin e Saje qorrit. Banda  e Edvin Shullazit ka të paktën 4 makina të blinduara të prodhimit të fundit ndërkohë që ligji i vendit makinat e blinduara i kodifikon në mënyrë të caktuar, se kush ka të drejtë të mbajë. U çudita pak me reagimin, mirë Vasilikën e kuptoj se ka ndjeshmëri më të madhe por ju të tjerët, se jeni dhe burra e nuk ju shkon.

Ka një vend në botë që ka armë, dhe ky vend është SHBA. Pse ky vend nuk i ka hequr dot? Dikush thotë për arsye se lobi i armëve është shumë i fuqishëm dhe nuk lejon bllokimin e tregut të armëve. Në fakt ka një argument tjetër pak më të thellë, për ju që kërcyet në këtë mënyrë. Ka një statistikë shumë kokëfortë, e cila tregon se në shtetet të cilat i kanë ndaluar armët krimi është shumë më i lartë. Dhe ky është shkaku më kryesor. Atëherë, çfarë të bëjmë? Mora vesh se keni bërë një kërkesë dhe ju them se më keni nderuar shumë, dhe ftoj Byronë që menjëherë ta çoj në Prokurori atë kërkesë. Në vitin 98 më akuzuat për krime kundër njerëzimit, 8 muaj para se Millosheviçi të ishte i akuzuar nga Haga, ju hyri frika në palcë nga Sali Berisha. Dhe tani, sapo përmënda fjalën armë u shkritë nga frika, u hyri frika deri në palcë. Po pse e keni këtë frikë ju? Sepse keni bashkëpunim kriminal me banda, se ministri del këtu e flet 1 orë dhe nuk thotë se kush ndryshoi komunikatat e policisë për Qafë Kasharin. A e dini që Shullazin e shpërblyet ju? Ja dhatë një më një ditët e burgut që bëri në periudhën time, duke shkelur me të dy këmbët ligjin. Ja dhatë me vendim të shkallës së parë, sepse ligji kërkon që dëmshpërblimi jepet me vendim të formës së prerë. Dhe çdo njëri ka përfituar shpërblimet kur ka marrë vendimin e formës së prerë, kurse Mili Partisë s’kishte nevojë për vendim të formës së prerë sepse kishte Shullazin e partisë në krye, se kishte Shullazin tjetër në krye të rendit. Po kush e çoi të rekori? Asnjë tjetër përveç Ramës, i cili nxiu zgjedhjet në universitete me damkën e krimit. A e dini se në Univeristetin e Sporteve ka dalë dekani me 9 vota në një kohë kur 30 e ca të tjera i ka nxjerrë vetë të pavlefshme. Sepse Edi dhe Olsi donin që një basketbollist, ta vinin me çdo kusht dekan, me 9 vota.

Armët kanë lidhje sepse krimi po penetron në çdo qelizë të këtij vendi dhe armët janë e vetmja mënyrë për ti kërcënuar bandat, për ta ditur që në çdo tentativë që bëjnë marrin përgjigje kushtetuese të merituar.

Kjo mazhorance ka humbur çdo ligj dhe moral për të qeverisur më tutje. Me revolucion demokratik e me mjete paqësore ti hedhim sa më parë në koshin e plehrave të historisë! 

Zonja deputete!

Zotërinj deputetë!

Të dashur qytetarë dhe qytetare!

Cfarë po diskutohet në këtë moment në parlament. Po diskutohet shkelmimi që Edi Rama i bëri një ligji konsensual, një ligji në të cilin ne pranuam një procedurë që i jepte mazhorancës drejtuesit e televizionit, por jo çdonjërin prej tyre. Një ligj në të cilin opozita nuk kishte asnjë shans për të zgjedhur vet drejtorin e RTSH. Nisur nga ky pranim ne zgjodhëm çfarë kriteri; njëriun më eficent të të gjithë kandidaturave që garonin nga krahu i mazhorancës. Zgjodhëm njëriun, i cili pas një ore diskutimi me Edi Ramën mori plotësisht mbështetjen e tij. Dhe një njëri, i përcaktuar në qëndrimet e tij në spektrin politik të majtë, por një artist i mirë, një menaxher i shkëlqyer, një njëri që kishte arritur, jo me shullazër por me merita, të zgjidhej rektor i Universitetit të Arteve. Në këtë kontekst ne menduam se nga rektor mund të ishte drejtor i RTSH. POr zotit Malaj i mungonin dy kritere; kriteri parë ishte kriteri xhepit, nuk i jepte dot para Ramës, nuk ja ngrohte xhepin. E kishte patur Rama edhe kandidat për deputet por xhepin nuk ja ngrohte dot sepse ai kishte atë rrogë që i kishte dhënë qeveria gjithë jetën dhe ato pak kursime. Ai nuk kishte para për rryshfet, nuk kishte lidhje drogë, nuk kishte lidhje krimi. Dhe puna arriti deri aty sa që ju, në mënyrë të turpshme, të sillni ndryshimin e ligjit. Në fakt hoqët maskën, në fakt do ja u kthejmë reston, sepse në qoftëse shkelmuat një konsensus mos mendoni se ne nuk mbajmë shënim, se akt më të turpshëm se ky nuk ka. Opozita po zgjidhte një kandidat tuajin dhe ju do mburreshit në mbarë institucionet ndërkombëtare se për herë të parë u zgjodh drejtori i TV me konsensus. Por juve nuk ju duhej konsenusi, ju duheshin paratë. Ndaj na mblidhni këtu për të ndryshuar ligjin dhe vini këtu në një akt të shëmtuar të shkelmimit të një konsensusi që ishte kryekëput në favor tuajin.

Së dyti, dënoj me ashpërsninë më të madhe kiber-atakund ndaj portaleve të cilat irritojnë shumë Edvin Kristaq Ramën. Të gjitha të dhënat e deri tanishme tregojnë se ai kiber-atak është ndërmarrë nga grupi i mbrojtjes kibernetike të Këshillit të Ministrave nën drejtimin  e kushurirë Kolekës. I bëj thirrje prokurorisë të bëj një hetim ndaj këtij akti të shëmtuar censorial të një njëriu i cili udhëhiqet nga haluçinacione dhe fuga paranojake.

Së treti, paradite ju lexova letrën në të cilën më thuhej tekstualisht: “përshëndetje zoti Berisha. Dua t’ju njoftoj se, në kohën kur është vendosur eksplozivi i babait të ministrit jam angazhuar për hetimet më serioze dhe jo krijimin e iluzioneve hetimore, siç ndodhi, dhe në atë kohë jam takuar me drejtues të rëndësishëm të agjensive të tjera. Kam shfrytëzuar të gjitha burimet dhe atëherë rezultoi, sipas të gjitha informacioneve, se autorë të tritolit ishte grupi “ Shullazi”. Për këtë unë bëra raport me shkrim dhe krye-Shullazi më largoi menjëherë nga hetimi dhe më degdisi nga detyra nga Tirana dhe më çoi atje ku unë mund të lija kokën dhe sot nuk jam më në radhët e policisë.”

Cfarë më shkruan sot, para një ore, gardiani dixhital: “përshëndetje doktor, ndoqa me vëmëndje diskutimet në parlament. Jam në roje të paraburgimit të Shullazit. Ju garantoj se sms Sajmir Tahirit për të përgënjeshtruar Ramën, ja ka dërguar direkt Shullazi, i cili ka dyshimet më të mëdha se ja ka bërë policia, i cili nuk bëson se ajo ishte një grackë e prokurorisë siç e paraqesin mediat, dhe pasi e kërcënoi Saje qorrin se do nxjerrë gjithçka di për të, Saja  doli i mori fytyrën Ramës dhe tha se ai bëri një lapsus”

Cila është kërkesa ime. Kërkesa imë është kjo; i bëj thirrje prokurorit të sekuestrojë të gjithë trafikun e thirrjeve e sms të komunikimit të Shullazit, të gardianëve të Shullazit, të Saje qorrit dhe Emil Shullazit.  Me këtë rast prokuroria do gjejë një nga çelsat e të vërtetave mbi Shullazin. Edi Rama tha këtu se kemi kërkuar përgjimin e tij. Po s’mund të binte prokuroria në kurthe të Edi Ramës, kurrsesi. Në fakt Rama ra në kurthin e prokurorisë dhe të shërbimeve të tjera. Pra ky është gardiani dixhital. A e pyetët veten ju si ka mundësi ta përgënjeshtrojë Saje qorri në mënyrën më flagrante Edvin Shullazin? Ai të thotë se  e arrestpi prokuroria kurse ky të thotë se ishte një lapsus pasi e arrestoi prokuroria?

Qytetarët kanë gjithë ditën që dëgjojnë krimet e shëmtuara, dëgjojnë emra vrasësish kriminelë, qeveritarësh kriminelë, anëtarë bandash e me radhë, por unë kam dy probleme të tjera të rëndësishme. Në Elbasan çdo faturë elektrike është dyfishuar me urdhër, sepse punonjësit e OSHEE mbetën pa rroga për shkak të “suksesit” të madh të Celës dhe tani bjeru qytetarëve të thjeshtë. Qytetari tjetër më thotë: “përshëndetje zoti Berisha, kemi mbifaturim nga OSHEE rreth 200 kv për çdo familje, jemi 17 familje që jemi në këtë pellg dhe na kanë bërë këtë gjë”

Kurse nga Shkodra një qytetar më thotë: “Ne në qytet, na kanë faturuar kësaj radhe për çdo familje 100 kv më shumë sesa rrethinave me aforfe”

Cfarë më njofton biznesi i Korçës, kanë nxjerrë që biznesmenët duhet të paguajnë taksën e komunave të cilën se kanë paguar nga 2007 dhe kanë rekrutuar individë që s’plotësojnë kriteret për të qënë agjentë tatitimorë, të cilët shkojnë e ja u marrin me dhunë, pa dokumenta, po shkojnë po i gjobisin vetëm e vetëm për të mbushur arkën dhe janë gjoba të pa apelueshme.

Mendoj se këto zhvillime janë dëshmi e një shpartallimi tuajin, janë dëshmi e një shpartallimi përfundimtar të kësaj mazhorance e cila ka humbur çdo ligj dhe moral për të qeverisur më tutje. Ndaj dhe ftoj qytetarët që me një revolucion demokratik e me mjete paqësore ti hedhim sa më parë aty ku e meritojnë; në koshin e plehrave të historisë!

Fjalimi ne Kuvend e ish kryeministrit Sali Berisha, 21 Prill 2016

Të nderuar kolegë

Bashkqytetarë që na ndiqni përmes medias

Arrestimi i Shullazit dhe njerëzve të tij kryesorë ka qënë kryelajmi i këtyre ditëve.

Jo vetëm se krimi shet, siç thonë gazetarët, por sepse në këtë histori janë përfshirë njerëz të njohur, të pushtetshëm, nga nëpunësit e zyrave që ka pasur në shërbim banda, e deri tek këta këtu, ministri i brendshëm e kryeministri.

Arrestimi i Shullazit është një fillim i mbarë, por sërish mbetet një zhvillim i paplotë, është gjysma e mozaikut. Sepse në burg sot ndodhet vetëm gjysma e bandës.

Gjysma tjetër e bandës, më e rrezikshmja është këtu zonja e zotërinj.

Eshtë në këtë sallë, është pas meje.

A kam unë dëshirë të them se gjysma e bandës së Shullazit është ende e lirë, madje në pushtet.

A mos ndjej unë apo çdokush këtu, kënaqësi ta njohim e ta shpallim këtë realitet daramatik;

Që gjysma tjetër e bandës jo vetëm është ende në aktivitet, por dhe në pushtet madje.

Gjysma tjetër e rrezikshme e kësaj bande, që është ky ministri i brendshëm dhe kumbari i tij kryeministër.

Më besoni, asnjë lloj gëzimi nuk më jep ky denoncim.

Një keqardhje madje të fortë, të pamasë, se ku ka përfunduar vendi im, keqardhje se kush i qeveris shqiptarët.

Jo vetëm unë, që për shkak të detyrave të mëparshme dhe funksionit që kam sot, kam informacion të bollshëm, por çdo shqiptar tashmë e di se Saimir Tahiri ishte dhe është anëtar i bandës së Emiliano Shullazit.

Madje një anëtar krenar i kësaj bande, aq krenar sa kurrë prej tre vitesh, në asnjë ditë të vetme ai nuk e mohoi këtë fakt.

Nuk e mohoi se është kërthizëlidhur me Shullazin.

A mund të pranojmë ne sot të kemi ministër të brendshëm një anëtar të bandës së Shullazit.

Kush është gati ta pranojë këtë fakt, ka humbur përfundimisht ndërgjegjen dhe integritetin njerëzor.

Nëse gjysma e bandës është në qeli, nën akuza të rënda, më e pakta, gjysma tjetër duhet të largohet nga detyra, e ti hapë rrugën drejtësisë.

A mund të pranojmë ne sot që Shullazi të jetë edhe në burg për gjobvënie, kërcënim me jetë, zhvatje, vendosje eksplozivi e shumë të tjera, dhe ai të jetë njëkohësisht edhe këtu në parlament, edhe ministër i brendshëm.

Jo kjo smund të ndodhë kurrë. Ik tani, ik menjëherë, fshihu ose dorëzohu është zgjedhja jote po ndiq deri në fund zgjedhjen që ke bërë si anëtar krenar i bandës së Shullazit, se ky vend, ky parlament, shqiptarët, nuk të të mbajnë më asnjë sekondë për ministër.

Eshtë turpi yt dhe i Edi Ramës që ndërkohë që ke zgjedhur të jeshë shullazist, na vjen këtu dhe si ministër. Po nëse ti dhe ju se keni problem ta hani turpin me bukë ose me ndonjë lëndë tjetër të preferuar, ne nuk do tua lejojmë, ta harroni këtë.

Qysh në fillim, unë e kam denoncuar këtu në këtë foltore, që ditën e parë kur je paraqitur si ministër i brendshëm, se ky ishte një lajm i keq për vendin.

I kemi njohur lidhjet e tua me krimin që në fushatë.

Madje jam i sigurtë se ky ishte pakti i kumbarit Rama me krimin. Ata u përfshinë në zgjedhje, bënë maksimumin që ju të vini në pushtet, ndërkohë që Rama u premtoi ministrinë e brendshme.

Dhe kështu ndodhi.

E shpall sot këtu pa asnjë hezitim, se ky ishte i vetmi premtim që mbajti Edi Rama.

Premtimi, për ti dhënë krimit ministrinë e brednshme.

Përmes kujt, përmes njeriut më të përshtatshëm, përmes Saimir Tahirit, një person me probleme të jo të vogla të karakterit, një i parritur që donte te hidhte shtat me Shullazët e kompani. Lidhja e tyre ka qënë evidente përpara se të vinin në pushtet. Më pas u sanksionua, u kodifikua, u kthye në normë të biznesit kriminal.

-Trafiku i drogës.

Bandat e drogës, me Shullazin si kordinator të përgjithshëm, gjeten gjithë lehtësitë që kishin nevojë. Kanë 5 fishuar sot territorin. Po shpyllëzojnë kodra pa fund, për ti mbjellë me kanabis. Në çdo cep të Shqipërisë. Raporti i Bashkimit Europian e konfirmoi e zeza mbi të bardhë. Shqipëria prodhuesi më I madh i drogës që trafikohet në Europë.

U ngrit në funksion të drogës gjithë mekanizmi I duhur. Banda e Shullazit kontrollonte jo vetëm territorin, por dhe pikat kyçe në policinë e shtetit, në pikat kufitare, në dogana.

Shërbimi i këtij shullazistit këtu ndaj trafikut e trafikantëve, shkoi deri tek dhënia e makinës personale, që u bë taksia më e madhe e drogës në vend.

Por nuk mjaftoi droga. U rrit oreksi i bandës. Donin dhe para të shpejta e prona të shtrenjta. Shihni sa të lehtë e ka pasur Shullazi të tjetërsojë Vollgën, ta kthejë në emrin e tij. I papuni Shullaz, papritur bëhet pronari i truallit me të çmuar të qytetit e më tej i gjysmës së Durrësit. Pse? Kush ia siguroi këtë akses, kush ia siguroi këtë gadishmëri të zyrave të shtetit për të firmosur gjithçka ai kërkonte?

Kush ia siguroi pushtetin që biznesmenë të panumërt të paguanin qindra mijë euro gjoba?

Kush ia siguroi policët e forcave speciale që e shoqëronin për ti ofruar siguri?

Kush ia dha lehtësinë të kalojë në doganë pa e kontrolluar makinën e blinduar?

Kush ia dha lehtësinë të përfshihet në përplasje të armatosur, e policia të pastrojë vendin e ngjarjes nga provat e ta shoqërojë atë me kujdes deri në banesë?

Kush ia dha këtë status, këtë paprekshmëri, aq sa të dalë në mes të Tiranës e të caktojë dhe Rektorin e Universitetit?

Mos ia dha ndonjë OJQ, ndonjë shoqatë veteranësh.

Jo zotërinj, jo të nderuar qytetarë.

Këtë status, këtë paprekshmëri ia dha Shullazit kjo qeveri, ky kryeministër, ky anëtar krenar i asaj bande që vjen edhe sot këtu si Ministër i Brendshëm.

Nuk ka asnjë dyshim se kjo goditje ndaj bandës erdhi nga jashtë, nga prokuroria me mbështetjen direkte të partnerëve të cmuar ndërkombëtarë.

Prokuroria është sot në një rol historik, për të bërë një kthesë të madhe në drejtësi. Ajo po vuan presionin e gjysmës tjetër të bandës që është në liri, që është këtu në këtë sallë. Por ka mbështetjen e mbarë qytetarëve të vendit, të miqve ndërkombëtarë, të shteteve të Bashkuara të Amerikës, për të bërë një hetim të plotë. Për të nxjerrë në dritë të diellit mekanizmin, lidhjet, pushtetin e kësaj bande që u kthye në 3 vite në perandori të krimit.

Vetëm një hetim i plotë, vetëm një zbardhje e plotë e lidhjeve kriminale të bandës, do të ishte drejtësi.

Ky është rasti i artë, që drejtësia ti shërbejë vendit. Jo vetëm duke dënuar një bandë, por duke pastruar politikën e institucionet nga rrënjët e shtrira të krimit e shullazëve në shumë zyra, institucione, e deri në majën e qeverisë.

Ne e dimë mirë se pengesa më e madhe në këtë hetim do të jetë qeveria. Edi Rama dhe Saimir Tahiri. Ky anëtari krenar i bandës do të përdorë çdo mjet për ti shërbyer deri në fund shokëve. Ndaj kjo sduhet lejuar. Ky është krim mbi krimet, dhe ne nuk do ta lejojmë.

Hapi i parë, largimi i menjëhershëm i Tahirit nga zyra, nga detyra. Të bashkohet me gjysmën tjetër të bandës e ta dëshmojë besnikërinë e dashurinë ndaj saj atje, bashkë me ta, në qeli.

Ik tani, mos e rrit edhe më shumë zullumin. Me siguri do të përfitosh lehtësi nëse bashkëpunon me drejtësinë.

Ju faleminderit.

Fjala në Kuvend e deputetit të Partisë Demokratike, Flamur Noka, 21 prill 2016

Fjala në Parlament e deputetit Eduard Halimi

Një gjë, për t’iu përgjigjur drejt dhe shkurt propagandës së kryeministrit në mëngjes, se medemek ne nuk qenkemi në tavolinën e reformës në drejtësi. Ja ku jemi pesë deputetë ne këtu, a jemi në tavolinën e reformës në drejtësi, zoti Majko, zonja Hysi, jemi apo jo? Janë këta që gjenden këtu. Jemi në tryezë prej ditës kur parafolësja pranoi ti dorëzohej Gjykatës Kushtetuese. Prej asaj dite, ne jemi në tryezën e reformës në drejtësi. E kemi braktisur ne? Pra ju lutem shumë, t’u themi shqiptarëve të vërtetën. A ishim ne para një jave zoti Majko, zonja Hysi, meqënëse z.Xhafa nuk është këtu se, që thamë ta votojmë sot draftin, përsa i përket reformës në drejtësi në pjesën e Byrosë së Hetimit, jo siç e donte kryeministri, por siç tha Venecia. I thamë para një jave, a dolëm e thamë? Nuk është sjellë akoma.

Kemi gati draftin, tha Rama, por nuk e votojnë. Eshtë gati drafti zoti Majko? Nuk është gati drafti. Pse? Sepse ekspertët ndërkombëtare me ekspertët tanë dhe me ekspertët tuaj, po e rishikojnë draftin që ta përputhin me Venecian. Dhe po ju them këtu, që ditën e parë që ekspertët ndërkombëtarë do sjellin draftin për Byronë kombëtare të  hetimit, për Prokurorinë Speciale, për kontrollin e gjithë gjyqtarëve për aspektet e korrupsionit, atë  ditë, të nesërmen,  grupi parlamnetar do të shkojë ta votojë. A e kemi thënë këtë në komision zoti Majko, zonja Hysi. E kemi thënë pra. Dhe e them prapë këtu, dhe kjo është përgjigje e drejtpërdrejtë. Atë ditë që do të vijnë ato amendamente kushtetuese që siç ramë dakort në komision do të shoqërohen bashkë me ligjet që kanë të bëjnë me Byronë Kombëtare të Hetimit, me Prokurorinë Speciale me kontrollin e gjithë gjyqtarëve,  ne do të vijmë ti votojmë që të nesërmen. A kemi thënë këtë para një jave? Dhe po ashtu,  a ramë dakort që nuk do të bënim retorikë jashtë? Por, meqënëse kryeministri mashtroi, jam i detyruar ta them këtë. Opozita është  aty dhe është gati menjëherë që nesër të votojë të gjitha aspektet që kanë të bëjnë me byronë, por jo siç e donte Edi Rama, që në program e kishte në Ministrinë  e Brendshme,  por siç tha Venedia, të jetë tek Prokuroria Speciale.

Tani, dua të theksoj një gjë. Këtë javë ka një ngjarje e madhe. Eshtë një ngjarje që të paktën i madh e i vogël gjeti një ngushëllim. Eshtë arrestuar Mili, është arrestuar Mili. Doli kryeministri dhe bëri dhe atë që avokati i Milit nuk e bëri. Nuk e tha avokati i Milit që prokuroria kishte hezituar dhe kishte nxjerrë urdhër me vonesë, sepse për gjykatën kjo do të thotë që arrestimi është i paligjshëm, se shoqërimi është i paligjshëm. Nuk e tha, nuk arriti ta thonte dot avokati i Milit. E tha kryeministri këtu. Po në çdo vend normal, kryeministri, kur arrestohet kreu i një bande, se të gjithë ju e dini që Mili kreu i një bande ishte, për këtë dini dhe bini dakort të gjithë që kishte bandë, apo jo, del dhe e përshëndet organin e akuzës.

Por si nuk doli një herë kryeminsitri të falenderonte sot Prokurorinë. Çfarë janë ata? Edhe ata kanë nevojë për pak mbrojtje, kanë nevojë për pak kurajo. Si nuk doli të lavdëronte punën e prokurorisë? Ti dilte në krah grupit të prokurorëve. Por të vetmen gjë që bëri, sulmoi prokurorinë.  Sulmoi prokurorinë duke thënë prit se aty ka disa kleçka. Madje arriti deri atje sa tha që ka përgjime ilegale dhe se policia nuk bën përgjime ilegale. Pra, duke hedhur dyshime, supozoj unë, si njeri i të Drejtës, mbi ato prova që ekzistojnë aty për Milin e partisë.

Tani Mili i partisë dhe reforma në drejtësi bashkohen në  një pikë. Ky është një hap i rëndësishëm dhe nuk e kemi lancuar ne si opozitë, jua ka thënë ambasadori amerikan, u ka thënë prej gjashtë muajsh, arrestoni Milin e partisë dhe arrestimi i Milit të partisë në mënyrë të padiskutueshme është hapi i parë i reformës në drejtësi.

Fjala e deputetit të Partisë Demokratike, Eduard Halimi, 21 prill 2016

Kjo mazhorancë është kthyer në hall të madh për shqiptarët.

Ndër të gjithë gënjeshtrat, me dhe pa bisht,  Rama për një gjë nuk gënjeu.

Ai paralajmeroi që në fillim që rilindja e tij do të vinte me shumë dhimbje.

E vërteta është që shumë dhimbje ka shkaktuar mbi këtë popull që s’i ndahet legjenda e Rozafës.

Sa u duk se po ecte përpara dhe po rimëkëmbej, sa kaloi një mëngjes të bukur me hapje dhe integrim europian, me kantjere pune, me rrugë dhe tunele dhe  pa banda kriminale, vjen nata dhe kalaja shëmbet se të del përpara Edi Rama dhe fillon papunësia, skamja dhe varfëria, zhvatja dhe tallja qeveritare, bandat dhe tritoli.

Ne si opozitë jemi të detyruar, ta ngulim fort në mendjen e gjithkuj se Shqipëria sot qeveriset nga nje bandë kriminale oligarkike e cila po s’u hoq qafe sa më shpejt të jete e mundur, keq e më keq do shkojë gjendja në këtë vend.

Pardje, isha në Delvinë, për të disatën herë më doli përpara një familje, burrë, grua dhe dy fëmijë, familja Banushi. Në fakt për të disatën herë unë u detyrova të dëgjoj hallet e familjes që jeton në skamje dhe mjerim me ata dy fëmijë të vegjël që të këpusin shpirtin.

Të dy prindërit ishin invalidë të grupit të dytë, me diagnozën, siç më thanë, prapambetje mendore e mesme, dhe për 13 vite kishin marrë pagesë invaliditeti nga Drejtoria Rajonale e Sigurimeve Shoqërore, prej 9700 lekësh në muaj për të dy.

Kjo pagesë invaliditeti u ishte ndërprerë të dy prindërve në datë 31 mars 2015, pasi edhe për këta fakirë kishin ardhur dhimbjet e rilindjes.

Spitali Psikiatrik i Vlorës, tashmë i rilindur, u ndryshoi diagnozën nga prapambetje mendore e mesme në prapambetje mendore të lehtë dhe u hoqi pagesën e invaliditetit.

Dy prindërit e sëmurë, me prapambetje mendore, pa punë, pa përkrahje,  me dy fëmijë të vegjël, të rrezikuar nga burgu për mospagimin e energjisë elektrike, të rrezikuar nga sëmundje dhe larg qoftë të rrezikuar për jetën për shkak të të ftohtit dhe urisë, kjo është tabloja e rilindjes.

Unë u premtova që do ta bej publik këtë rast, se mbase dikush dëgjon në këtë mavri shtet, dhe sigurisht nuk i thash që “mos u anko se femijët i ke bërë me qefin tënd”  as nuk i thashë mos e ngrini zërin se j’ua fus portofolin në gojë” si do ishte pergjigja standarde rilindase.

Rastet me vdekje të foshnjeve nga të ftohtit, rastet e vetëvrasjeve për shkak të pushimeve të padrejta nga puna apo të vetëvrasjeve në burgje për shkak të burgimit të padrejtë, për pak lekë energji të papaguar janë sot fytyra e vërtetë e këtij shteti antipopullor.

Shqipëria sot është e fundit në rajon përsa i përket zhvillimit ekonomik dhe të demokracisë, sipas indeksit gjerman të transformimit, të publikuar ditët e fundit.

Sipas njoftimit të Bankës së Shqipërisë, besimi i biznesit dhe konsumatorit, ka pësuar një rënie drastike gjatë tremujorit të parë të këtij viti. Kjo rënie besimi ka përfshirë të gjithë sektorët e ekonomisë.

Banka Botërore deklaroi se ekonomia shqiptare po frenohet nga klima e vështirë e biznesit, korrupsioni masiv në sektorin publik dhe zbatimi selektiv i ligjit.

Investimet e huaja i mungojnë ekonomisë shqiptare dhe investitorët po largohen dita-ditës nga Shqipëria sepse mavria rilindje po e trash zullumin çdo ditë e më shumë. Ju kujtoj këtu deklarimet e shoqatës së investitorëve gjermanë.

Por e gjitha kjo është njëra anë e fytyrës së mavrise rilindje, sepse ana tjetër është lluksi i shfrenuar i bandës në pushtet që pasurohet çdo ditë me paratë që zhvat nga pasuria e këtij vendi dhe këtij populli.

Bileta avioni prej 6 milion e 700 mijë lekësh për një vajtje ardhje në Vjenë, udhëtime me avionë charter 15 herë brenda vitit, syze 60 mijë euro, janë pjesa më e vogël e abuzimeve të bandës, sepse pjesa e madhe, abuzimi i tmerrshëm, ndodh me tenderat e drejtpërdrejt që zënë më shumë se gjysmën e tenderimeve të këtij pushteti.

Tendera dhe vlera me 100-ndra milion euro, si ato të shëndetësisë, evazion në tatime dhe dogana, kontrabande me 100-ndra milion euro janë paratë që banda grabit nga ky popull.

Për më tepër rilindja ka kthyer Shqipërinë në vend të grumbullimit dhe tranzitimit të drogave të forta si kokainë dhe heroinë si dhe në vend të prodhimit dhe eksportimit të hashashit.

Kjo situatë e agravuar në ekstrem është reflektuar edhe në raportet e organizmave ndërkombëtare. Në raportin më të fundit të Departamentit të Shtetit të bërë publik pak javë më parë, nënvizohet fakti se pavarësisht luftës kundër kultivimit të bimëve narkotike dhe trafikut të drogës, Shqipëria vijon të jetë një burim shumë i madh në prodhimin e  cannabis-sativa dhe një vend tranzit për trafikimin e kokainës dhe heroinës drejt vendeve të BE-së. Në mënyrë të përsëritur në këto dy vitet e fundit, kemi nënvizuar me forcë këtë regres të thellë në këtë aspekt, pasi lufta e vijueshme e Policisë së Shtetit dhe agjencive të tjera ligjzbatuese, në vitin 2012, mundësoi shmangien, thuajse të plotë, të Shqipërisë nga harta e vendeve tranzit të drogave të forta. Fakt ky i njohur dhe i pranuar si nga organizmat ndërkombëtare ashtu dhe agjencitë partnere euro-atlantike.

Ndërhyrja energjike e partnerëve ndërkombëtar bëri të mundur asgjesimin e një laboratori të prodhimit të kokainës që ishte ngritur në zemër të Shqipërisë, në Elbasan, vetëm pak metra larg aksit kombëtar. Kjo ndërhyrje bëri të mundur që Shqipëria të mos klasifikohej edhe si një vend i prodhimit të kokainës.

Lidhur me Shqipërinë raportet citojnë: “Që prej viti 2013, vitit 2014 e në vijim rrugët e heroinës drejt Italisë dhe vendeve të tjera të Bashkimit Evropian janë vendosur nëpërmjet Shqipërisë dhe kjo konfirmohet nga sasitë e mëdha të heroinës dhe kokainës të sekuestruara nga agjencitë ligjzbatuese italiane.”

Të gjitha këto fakte provojnë se ky rigjallërim i frikshëm i grupeve kriminale të strukturave shqiptare brenda dhe jashtë vendit nuk mund të bëhet pa përfshirjen e strukturave të shtetit dhe politikës në këto aktivitete.

Një gazetare investigative në një intervistë lidhur me këtë fenomen do shprehej: “Ju më pyesni se cilat grupe kriminale kontrollojnë trafikun e drogës? Por në fakt grupet mafioze kontrollojnë politikën e më pas trafikun”. Po në këtë linjë vjen edhe një artikull në gazetën e mirënjohur franceze “Le Figaro”, botuar më 15 janar 2015, kur ndër të tjera thuhej: “Në qoftë se Shqipëria njihej si një vend i depozitimit dhe shpërndarjes së drogave, zbulimi i një laboratori i përpunimit të kokainës të detyron të ridimensionosh rolin e saj”.

Këto fakte shqetësuese janë thënë qartazi edhe nga zyrtarë dhe funksionarë të lartë të antimafias italiane, ku veçon deklarata e Prokurorit të Antimafias së Leçes, Mota ku pohon se Shqipëria është shndërruar në një autostradë e trafikut të drogës me destinacion Italinë dhe vende të tjera të BE-së, si edhe faktin se ky përkeqësim i situatës pas shtatorit të vitit 2013, ka të bëjë me mungesën e bashkëpunimit me Policinë shqiptare dhe mungesën e vullnetit të saj për të luftuar këtë fenomen.

Të njëjtën shqetësim lidhur me trafikimin e lëndëve narkotike e ka ngritur edhe Prokurori i Gjenevës Yves Bertossa, që e ka cilësuar Shqipërinë si “Kolumbinë evropiane”.

Dhe ja gjendja e mbjelljes se hashashit ne shqiperi sot

Qarku Fier:

Në tre vitet e fundit në qarkun e fierit kultivimi i bimës narkotike ka marr prioritet në të pesë bashkitë që përfshin ky qark: Bashkia Fier, Bashkia Patos, Bashkia Rroskovec, Bashkia Lushnje dhe Bashkia Mallakastër.

Nëse i referohemi territorit të kultivimit vitin e kaluar pothuajse i gjithë territori ka qenë i kultivuar me këtë lloj bime, tendecë e cila gjatë këtij viti do të jetë në rritje. Konkretisht në Bashkinë e Fierit zonat më të prekura kanë qenë fshatrat: Libofsh, Gryk, Pishporo, Cave, Adë, Darëzezë, Kreshpan, Krapes, Plygë, Vjosë, Gjorgos, Frakull dhe në qytetin e Fierit është kultivuar në sera.

Në Bashkinë Patos, zonat më të prekura janë fshatrat: Dukas, Kuqan dhe Patos-Fshat.

Në Bashkinë Rroskovec, zonat më të prekura janë fshatrat: Kurjan, Vloshtë, Ngjegjan, Mbers, Arapaj, Suk, Strum, Velmisht dhe ka pasur raste të kultivimit në sera.

Në Bashkinë Lushnje, dy vitet e fundit ka marrë prioritet kultivimi i bimës narkotike cannabis – sativa ku bie në sy kultivimi në sera sikurse edhe në fshatrat: Dushk i Madhë, Hysgjokaj, Karbunar, Grabjan, Krutje e Sipërme, Thanasaj, Zhamë, Thanaj, Toshkez, Mazhaj.

Në Bashkinë Divjak, është kultivuar në pyllin e Divjakës, anës lumit Shkumbin dhe në fshatin Rremas.

Në Bashkinë Mallakastër, është kultivuar në fshatrat: Kutë, Ninesh, Cerrile dhe Gjerbes.

Qarku Vlorë

Në Bashkinë Vlorë, fshatrave të Lumit të Vlorës, Llakatundit dhe  Poros.

Në Bashkinë Sarandë, fshtatrat me kultivim rezultojnë Borsh – Mali Borshit, Fterrë, Çorraj, Sasaj, Lukovë (pjesa malore), Grazhdan, Leshnicë, Navaricë, Theollogo, Dhivër,

Njësia Administrative Konispol, fshatrat Vorv, Ninat, Markat, Kodrat e Konispolit dhe Shalës.

Në Bashkinë Delvinë, fshati Kakodhiq, lugina e bistricës, syri kaltër, fshati dhrovjan, Krongji dhe qafa e Muzinës. Pllaja e Mesovunit, Qafa e Skërvficës-zona e Luvadhit.

Njësia Administrative Vergo –fshatrat Tatzat, Kalas (lugina e lumit kalas përfshi dhe fshatin Bajkaj), pjesa malore e fshatit Vergo, Kopaçez, Varfaj, mali Sopot. 

Qarku Dibër

Në Bashkinë Peshkopi zonat me më tepër tendencë për kultivim e bimëve narkotike, në bazë të informacioneve janë: Zona e Lurës, Territori i grykëderdhjes së “drinit të zi”, që fillon nga fshati Zalldardhë deri në Maqellare, në malin e Popinares (ish komuna Maqellare) dhe fshati Luzni.

Në Bashkinë Bulqizë zonat e kultivuara janë:Grykëderdhja e lumit te Okshtunit, Fshati Smollik, Fshati Ternove, Krahina e Gollobordes, Fshati Çerenec, Kodra e Danit ne Fushe Bulqize, Krahina e Martaneshit.

Në Bashkinë Burrel – Klos, Fshatrat e zonës mbi Klosin, Krahina e Macukullit, Fshati Gurrë, Mali i Balgjait, Zonat kufitare me Malësinë e Krujës.

Qarku Lezhë

Në Bashkinë Mirditës pjesa më potenciale per kultivimin e kesaje bime narkotike është ish komuna e Kaçinarit e cila  kufizohet dhe me Rethet Lezhë dhe Pukë  është një zonë që kryesisht kultivon rrushin dhe si e tille ka burime ujore te mjaftushme por dhe me kryesorja se aty ka ndikim ish kryetari i komunës së asaj zone që u lirua nga Burgu me pretendimin që Gerrhitet naten  (Petrit Barrdhi).  Po ne kete rreth ka informacion se po kultivohet Hashash dhe ne Zonat e Selites qe kufizohet me rrethet e Dibrës (Lurë) dhe Burrelit. Gjithashtu mendohet që ka  kultivim dhe në zonën e Fanit, pjesa qe kufizohet me rrethin e Kuksit në të djathtë dhe të Pukës në të majtë në afërsi të ish burgut të Spaçit.

Në Bashkinë Kurbin,  sipas  informacioneve,  zonat që  janë mbjellë dhe po përgatiten për kultivimin e cannabis-sativa janë fshtrat Mafsheq, Selit, Skuraj (kufizohet me rrethin e Burrelit) Gallat lefter (sipër Kishës së Laçit), ndërsa zona më problematike është zona që kufizohet me rrethin e Krujës. Ka informacione se po kultivohet edhe  në zonën e Fushë-Kuqes dhe Adriatikut, në krahun e majtë të autostradës.

Në Bashkinë Lezhës  për shkaqe të konfigurimit gjeografik mendohet se është më pak problematike përsa i përket kultivimit të cannabis-it, por është mbjellë dhe po pergatitet  për mbjellje në zonën  Ungrejt,  fshatra këto që kufizohen me rrethin e Mirditës, duke qënë se  kushtet janë të favorshme për shkak të konfigurimit të terrenit dhe të burimeve ujore që ka kjo zonë.

Qarku Durrës

Në Bashkinë Krujë, zonat më të prekura për kultivimin e bimëve narkotike gjatë vitit 2015 kanë qenë: Njësia administrative Nikel (fshatrat – Zezë, Vrion, Greps, Mukje dhe Kurcaj)

Njësia administrative  Bashkia Krujë (Fshati – Brret, Krast dhe Zahari)

Njësia administrative  Bashkia Fushë- Krujë (Fshati – Halil, Kameras, Kullaj dhe Larushkë)

Njësia administrative  Thumanë (Fshati – Gramzë, Kodër Thumanë, Dukagjin dhe Miliskaj)

Njësia administrative  Noj-Cudhi ( Fshati – Rrazë, Bruzallë, Bruzmal, Kroji Madh, Noj, Shkret, Mafsheq dhe  Shqezë ).

E njëjta tendencë është dhe për vitin 2016 nëe të gjithë këto zona.

Ka filluar puna për rekrutimin e punonjësve për të përgatitur tokën dhe infrastrukturën për kultivimin e bimëve narkotike. Personat qe e kultivojne jane me banim në zonën e Malsisës së Krujës. Po kërkojnë toka në thellësi të pyjeve për të mos qenë prona të regjistruara.

Farat e cannabis-it i kanë hedhur në gota plastike dhe i kanë vendosur në sera në mënyrë që pas rreth dy – tre javësh ti mbjellin në gropat tashmë thuajse të hapura.

Kryesisht kultivohen në sera në zonën e Tapizës-Krujë, Valijas, Vrejon, Nikel dhe Thuman, nga përsona me precedent penal e kriminal të mëparshëm të lidhur kryesisht me Kryetarin e Bashkisë Krujë dhe vëllajin e tij të quajtur Ilir Bushi, të cilët për çdo fidan e shesin vetë nga 8 deri në 15 euro. Në zonat fushore, gropat hapen me skavator me pajisje të vecantë për hapje gropash në mënyre që të veprohet shpejt dhe pa rënë shumë në sy të komunitetit.

Për shumicën e rasteve kryhen me dijeni dhe nën mbrojtjen e punonjësve të policisë në terren dhe drejtuesve lokal të policisë vendore, kundrejt shumave të parave në varësi të numrit të rrënjeve të mbjella .

Në Bashkinë Shijak zonat më të prekura për kultivim të bimëve narkotike gjatë vitit kanë qënë:

Njësia administrative Ishëm ( fshatrat – Gjoric, Darraq, Lalëz dhe Shetaj)

Njësia administrative  Bashkia Manëz ( Fshati – Koder-Manëz, Kameras dhe Radë)

Njësia administrative Shijak, Komuna Xhaf Zotaj ( kryesisht në Shetel dhe nëpër sera brenda avllive)

Qarku Shkodër

Në Bashkinë Vau Dejës zonat ku është kultivuar bima narkotike cannabis – sativa janë: fshati Dush, vendin e quajtur Mashën dhe në afërsi të fshatit Ferth në afërsi të përrenjve. Në fshatin Gomsiqe 100 m sipër rrugës kryesore në një pyll me pisha. Në fshatin Karmë e sipërme në zonë të pyllëzuar jo shumë larg zonës së banuar. Në fshatin Koman sipër hidrocentralit në pyllin sipër tij. Në fshatin Lisen, në pyll në afërsi të liqenit të Vau Dejës. Në fshatin Vjerdhë në pyll në afërsi të liqenit të Vau Dejës. Në ishullin e Shurdhahit në liqenin e Vau Dejës. Në fshatrat Melgushe, Mnele e vogël dhe pothuajse në të gjitha lagjet Mnele e Madhe në zona të pyllëzuara dhe në disa lagje të fshatit Vig në zona të pyllëzuara.

Në fshatin Shpor dhe  Mazrrek, në pyjet e këtyre fshatrave, zona të nxehta për kultivim te bimëve narkotike. Në zonën Shllak, në vendet e quajtura pylli i Benës, sipër rrugës kryesore dhe poshtë rrugës kryesore në hyrje të fshatit Shllak Qendër, dhe pylli Ukbibaj. Në zonën e Temalit në pyjet e fshatrave Kllogjen, Malagji, Telume, Kishe Arrë, Vile dhe Toplanë, zona të nxehta për kultivim të bimeve narkotike.

Në Bashkinë Shkodër, zona e Dukagjinit, në pyjet e fshatrave Prekal, Sume, Kir, Pult, Shosh, Ndreaj, pothuajse gjithë fshatrat e bregut të lumit, zona të nxehta për kultivim të bimëve narkotike. Në pyjet e fshatrave Kullaj, Ura e shtrenjtë, Dragoq, Postrribë.

Në fshatin Rragam, fshati Sheldi i Gurit të zi, fshati Dajq i Bregut të Bunës, fshati Shirq, Velipojë, Qas, Bregu i Bunës, Melgushe, Stajkë. 

Në Bashkinë Koplik (Malësia e Madhe) zonat ku është kultivuar bimë narkotike. Bjeshkët e Bogës, Qafë Thore, bjeshkët e Ducajve, bjeshkët e Kurrilajve Dedaj, bjeshkët e Repishtit, bjeshkët e Rrjellit, në lagjen Culaj fshati Bajze, Kozhnje, pylli i Kosanit, fshati Zagore, bjeshkët e fshatit Broje, bjeshkët e fshatit Vukël, bjeshkët e fshatit Nikq, bjeshkët e fshatit Selcë, bjeshkët e fshatit Vermosh, fshati Hot në afërsi me kufirin me Malin e Zi, bjeshkët e fshatit Kastrat, vendi i quajtur bjeshkët e Fushë – Zezë sipër zonës turistike të Razmës, në disa fshatra në bregun e liqenit të Shkodrës në zonën e Malësisë së madhe. 

Në Bashkinë Pukë zonat më të prekura për kultivim të bimëve narkotike gjatë vitit 2015 kanë qenë:Zona Korthpules, Vrrithit e Kaftallës, Zona Kacinarit, Rras Kushnen, Mesul, Mushte, Tuq, Kodër e Keqe, Zona Karmes e Komanit, Zona Sapaqit, Brebulla, Merture, Berishe e Eper, Zona e Qafes Tmugut,Fletit, Kurore Dardhes dhe Stanet e Mziut, Tendencë e njëjtë është dhe për vitin 2016 në të gjithë këto zona.

Ka filluar puna për rekrutimin e punonjësve për të përgatitur tokën dhe infrastrukturën për kultivimin e bimeve narkotike. Personat janë me banim në Shkodër, Durrës e Tiranë dhe po kërkojnë toka në thellësi të pyjeve për të mos qenëe prona të regjistruara.

Ka info se po bashkëpunohet me policinë për të krijuar zona të mbrojtura kundrejt pagesës paraprake 10 Euro për rrënjë dhe 30 % të prodhimit, në përmbyllje të fushatës korrje – shirje.

Nga Komani deri në Fierze ne anen e Drinit Zone e Pukes ka bashkepunim me kultivuesit ne anen tjeter te Drinit Zone e Shkodres. Ky informacion  ka më shumë se dy burime. 

Qarku Berat

Në Bashkinë Berat, kemi informacion se zonat qe kane tendence per kultivimin e bimeve narkotike cannabis-sativa , jane zona te thella , kodrinore dhe  jo shumë të banuara. Konkretisht:

Njësia Administrative  Terpan: zona e Ballovit, pjesa kodrinore e tij dhe luginat e përrenjve

Njësia Administrative Thinjë: fshati Velcan , zona  Osmenzez

Njësia Administrative Cukalat: fshati Sinjë, zona e Allambzezit dhe në serat e fshatit Cukalat

Njësia Administrative Roshnik: fshatrat Dardh, Qaf-Dardhe, Roshnik  gjithashtu dhe në territorin e fshatit  Kapinove në pllajat e malit të Tomorrit.

Në Bashkinë Kuçovë, njësia administrative Lumas në pjesën kodrinore dhe luginat e përrenjve të fshatrave Luzaj dhe Sarafel.

Në Bashkinë Skrapar, zona të kultivuara rezultojnë fshatrat Turbohovë, Potom, Konak, Kakruk, Vendresh, Dobrush, Therepel, Bogovë, Novaj. 

Qarku Gjirokastër

Në Bashkinë Tepelenë vitin e kaluar ka patur një kultivim masiv  të bimës narkotike cannabis- sativa në të gjithë territorin e këtij rrethi. Por dhe ky vit nuk bën përjashtim madje është dyfishuar tendenca e kultivimit .

Zonat më të theksuar në kultivim janë: Fshatrat Progonat (në malin e Këndervicës, konkretisht vendi i quajtur Hon dhe në fshatin Lekdush), Gusmar, Nivicë (në zonën e quajtur Llufa), Rexhin. E gjithë lugina e lumit Bënç.

Njesia Administrative Lops (Dhemblan): në fshatin Dhemblan dhe në kodrate e fshatit Dorz, në fshatin Turan

Njësia Administrative Buzë: Në kodrat e Selcës dhe fshatit Buz  si dhe në luginen e përroit Selc

Njësia Administrative Luftinj: Në fshatin Zhapokik, Arrëz, Curril, Luftinj.

Njësia Administrative Qesarat: Në kodrat e Qesaratit, fshatit Shalës

Njësia Administrative Krahes: Në fshatin Kalivac, në kodrat e Krahësit një (1) dhe Krahësit dy (2).

Në fshatin Toc dhe luginën e Vjosës

Njësia Administrative Qendër: Në zonën e Peshtanit, Mezhgoranit , në fshatin Hormovë , Becisht dhe Dams.

Qarku Korçë

Në Bashkinë Korçë, fshatrat Dardhë, Vithkuq, Lekas, Mesmal, Moglicë, Dushar, Foq.

Në Bashkinë Pogradec zonat kultivuara rezultojnë: Njësitë Administrative Dardhas, Velçan, Trebinjes, Hudenisht, Mokër, Guri i Kamjes.

Në Bashkinë Bilisht, fshatrat Bickë, Hoçisht, Koshnicë, Areze, Vidohovë.

Në Bashkinë Ersekë, fshatrat Gjonç, Shemtir, zona e Shelegurit. 

Qarku Elbasan

Në Bashkinë Elbasan, zonat e kultivuara rezultojnëGracen,  Tregan, Fushë-mbreti, Shmiol.

Në Bashkinë Librazhdë, fshatratÇarrisht, malet e Stërbles, Mokes, Dëshiran.

Në Bashkinë Prrenjas, fshatrat Rrajc, Hotolisht, Drogostunja, Stërblev.

Në Bashkinë Cërrik, fshatrat Gjylav, Sulov, Grekan, Shales, Mollas.

Në Bashkinë Peqin, zonat e kultivuara rezultojnë Gjocaj, Pajolla, Përparimi.

Në Bashkinë Belsh, Kosovë, Gradisht, Kajan

Qarku Kukës

Në Bashkinë Kukës, fshatrat e kultivuar rezultojnë Borje, Ninç, Kalaja e Dodës, Surraj, Shikaj, Shëmëri.

Në Bashkinë Has zonat e kultivuara janë: Vranish, Zahrisht, Metaliaj, Vlahen, Kosturr, Bergu-Liqenit, Bregu-Krumes, Bjeshka e krumes, Bjeshka Gjinaj.

Në Bashkinë Tropojë zonat më të prekura me kultivim të bimëve narkotike janë: zona  Lekbibaj, fshati Brotozhnicë, Lugina e lumit të Gashit, fshati Padesh, fshati Tpla/Degë. Tendencë e njëjtë është edhe për vitin 2016 në të gjithë këto zona.

Ka filluar puna për rekrutimin e punonjësve për të përgatitur tokën dhe infrastrukturën për kultivim e bimëve narkotike. Personat që e kultivojnë janë me banim në Tropojë, Tiranë e Durrës dhe po kërkojnë toka në thellësi të pyjeve për të mos qenë prona të regjistruara.

Tani për tani farat e cannabis-it i kanë hedhur në gota plastike dhe i kanë vendosur në sera në mënyrë që pas rreth dy-tre javësh ti mbjellin në gropat tashmë thuajse të hapura.

Nga Komani deri në Fierze në anën e Drinit zonë e Tropojës, ka bashkëpunim me kultivuesit në anën tjetër të Drinit zonë e Shkodrës dhe e Pukës.

Qarku Tiranë

Në Bashkinë Tiranë zonat e kultivuar rezultojnë:Petrelë (fshati Hekalit), Krrabë (fshatrat Farkë dhe Lundër), Mnere, Bovillë, Tapizë e Vogël,Shën-Gjergj, Zallbastar, Qaf Moll, Herraj, Tujan. Zona Dajt ka filluar mbjellja në sipërfaqe të vogla, në zonën e Pezës me tendencë të madhe kultivimi. Në zonën Zall Dajt në fshatin Fag ku kultivimi rezulton të jetë masiv.

Në Bashkinë Kamëz, Qinam, Çerkez, Zall Herr, si dhe pjesa e malit që kufizohet me rrethin e Krujës.

Në Bashkinë Vorë, zona Kuç.

Në Bashkinëe Kavajës zonat e kultivuara janë Helmës, Golem fshat, Maskuri, Sineballaj, Rrogozhinë, Vilboshtovë dhe Lekaj.

Është kjo arsyeja që zv/kryetari i Komisionit të Sigurisë, në një letër drejtuar kryeministrit, i shpreh shqetësimin për të njëjtën gjendje që po përsëritet këtë vit, madje edhe me një varjetet të ri të kësaj bime e cila e mbaron ciklin për 45 ditë.

Kryeministrit i është kërkuar që të fillojë menjëherë monitorimin e territorit për të evidentuar sipërfaqjet e mbjella me hashash.

Fjala në Kuvend e deputetit të Partisë Demokratike, Arben Ristani, 21 prill 2016

Historia me Shullazin ka evidentuar dhe një herë makthet dhe tmerret e Edi Ramës nga një drejtësi që nuk është e kapur prej tij, totalisht prej tij dhe që mund t’i dalë jashtë kontrollit, dhe nga zgjedhjet e lira dhe të ndershme. Këto dy tmerret e Edi Ramës i ka evidentuar ngjarja e fundit me shefin e tij, Shullazin. Pse e them këtë? Sepse, tek ajo që ndodhi me Shullazin, që e morët vesh papritur dhe pa kujtuar, dhe ky nuk arriti ta kuptonte se çpo ndodhte, kanë frikë se i ndodh nesër atyre të tjerëve që ka rrotull. Ka frikë se mund ti ndodhë dhe atij vetë, papritur, nga dikush që nuk kontrollohet dot nga ai, që nuk varet nga ai. Mund  ti dalë para derës dhe mund t’i vendosë prangat. Për këtë, ky zotëria nuk e do atë Byronë e Hetimit që nuk varet nga Tahiri i tij. Prandaj i ka bërë gjithë këto numra, nga kjo frikë, se i trembet që si Shullazi mund të përfundojë dhe vetë pa e lajmëruar kush, pa i thënë se çfarë mund t’i ndodhë. Ja pse ky bën lloj-lloj akrobacirash për të mos e pranuar  reformën në drejtësi, pavarëisht se del e thotë gjithë ditën se opozita nuk e do reformën në drejtësi.

Ka frikë se atje ku ishte, mos i vjen ndonjë porosi tjetër. E patë si u trullos për tri ditë zotëria bashkë me Tahirin e tij, u kap Shullazi, tri ditë qendroi memec, nuk fliste njeri. Bëri lajm dje se i përmendi emrin. Ministri i Brendshëm më në fund i përmendi emrin e Shullazit, kjo u bë lajm nëpër media. Folën të gjithë, Tahiri i përmendi emrin. Pse? Sepse sado që të flasin për gjyqe për shpifje, të vërtetën e dinë këta dhe për fat të mirë e dinë të gjithë shqiptarët.

Eshtë lidhja direkte e ministrit të brendshëm me Shullazin dhe indirekte e kryeministrit, dhe mbase do zoti hapen ato tabulate që nuk mi pranuan mua në gjyqin tënd si prove, se ku i dihet se çfarë del zoti Rama. Uroj që prokuroria ta vazhdojë ashtu siç e ka nisur këtë çështje   në mbështetjen e atyre që e kanë nxitur dhe sigurisht mbështetjen e opozitës që është gjithmonë për luftën kundër krimit. Uroj që t’i shkojë deri në fund, ti hapë ato tabulate, ti shohim me kë ka biseduar ky zotëria dhe pastaj të shohim nëse jam unë shpifësi? A kam shpifur unë kur kam folur për lidhjet e tua, apo është ashtu siç kam folur unë.

Dhe sa për atë pjesën tjetër të gjyqit që lidhet me pulën, ti e di mirë, se ti ike nga gjyqi. Dole dhe the që këtu vazhdon e njëjta farsë. Për fat të mire, janë të gjitha të filmuara. Dole nga gjykata dhe ti kishte premtuar që do të vije në çdo seancë dhe the që nuk mund të vazhdosh të vish sepse këtu vazhdon e njëjta farsë. Ti e di shumë mire, që kurrë para teje nuk kam qëndruar si pulë. Dhe këtë e mbyllim këtu si çështje aq më tepër kur bëhet fjalë për lidhjet e tua me krimin, që unë i njoh prej një kohe të gjatë.

Po çfarë e tremb tjetër zotin Rama?

Se do vini prapë në 2017, prapë këtu do të jemi.

Çfarë do të ndodhte sikur Sali Berisha mos të dilte dhe të denonconte aktin që ndodhi, me  kërcenimin ndaj kandidatit për rektor, i cili shkoi për të dhënë dorëheqjen? Çfarë do të ndodhte?

Sot do të kishim Shullazin rektor, sepse ai zotëria u kërcënua të jepte dorëheqjen dhe sigurisht do të fitonte kandidatja e tij që tha nuk ka mbështetje, por e ka në krye të listës së këshilltarëve socialist, por nuk ka lidhje me PS. Pra sot do të kishim këtë situate.

Kandidati që sot është rektor, se kishte votat dhe e tregoi që kishte votat dhe mbështetjen, sot do të ishte në shtëpi dhe në krye të Universitetit do të kishim një person që nuk i kishte votat. Për këtë u kërcënua ai zotëria dhe kjo tregon se çfarë mentaliteti ka ky njeri për zgjedhjet . Dhe nuk është rasti i pare, e tregoi dhe në partinë e vet, që na thonë për të na kompleksuar se; c’punë kemi ne me partinë e tyre, se çduam ne se çfarë bën PS.

Jo mor jo, nuk është ashtu, nuk bëhet fjalë për një problem të brendshëm të PS. Sigurisht ne nuk duam të dimë se kur zgjidhet kryetari i PS, por ne nuk mund të jemi të pa interesuar për mënyrën se ky zotëria që është në krye të qeverisë, bën zgjedhje qoftë në partinë e tij, qoftë në universitet. Dhe del se kjo është mënyra e vetme që ky mund të bëjë zgjedhje, sepse ndryshe nuk fiton. Pa shullazët, pa ata që blejnë votat, ky nuk fiton. Dhe e ka treguar edhe herë tjetër dhe për këtë arsye i duhen shullazët, dhe këtë tregoi edhe ky rast. Nuk është çështje e një universiteti, e një rektori, e një emri apo e një tjetri, jo. Eshtë koncepti i këtij për zgjedhjet, që e tregoi edhe kur ishin zgjedhjet në Korçë. Vetëm 2 muaj pasi kishte ardhur në pushtet. Zgjedhje që i kishte të fituara. Siç kishte të fituar edhe të ashtuquajturin Referendum brenda partisë, por kjo nuk e pengoi që të manipulonte prapë, të kërcënonte prapë, të dhunonte votën prapë, sepse ashtu e ka mentalitetin e zgjedhjeve. Prandaj e kemi thënë dhe do të vazhdojmë deri në fund të kërkojmë që zgjedhje me këtë kryeministër, nuk ka, dhe nuk mund të ketë në Shqipëri. Le të shkojë ku të dojë, se nga ai vendi ku ishte i erdhi edhe akuza se është kryeministri më i korruptuar dhe jam i bindur se ish-zëdhënësi i Pentagonit pavarësisht se ka akuzuar kryeministrin e vendit tim, është pak më i besueshëm se sa ky. Të jeni të bindur se ka më tepër personalitet ai, se kryeministri juaj, kur e thotë një gjë. Nga ai vend erdhi edhe raporti i DASH, që thoshte të njëjtën gjë, qeveria më e korruptuar në të gjitha degët e saj. Por çfarë ndodhi nga gjithë ajo fryrje e madhe. Sigurisht që të takosh presidentin e SHBA nuk është gjë e vogël, por ia mbylli Shullazi, ia mbylli gojën, e harroi vizitën në SHBA prej Shullazit, erdhi dhe e mbylli gojën për Obamën se nuk e linte Shullazi. E dëgjuat edhe këtu, as këtu nuk foli për vizitën e tij “të madhe” dhe “të suksesshme” sepse ia mbylli gojën Shullazi. Kujt do i thotë, kujt do i flasë për çudinë e tij në SHBA, kur dje doli ambasadori i SHBA- së dhe tha: më në fund është bërë ajo që duhej bërë prej kohësh, u arrestua kapomafia. Kush e bëri? Tre ditë nuk i përmendnin emrin dhe jo vetëm kaq, por ditët e para privatisht dhe publikisht duke përdorur mediat e tyre, u përpoqën ti thonin atij zotërisë, se nuk jemi ne, nuk dinim gjë, ne të morëm sa për të larë gojën, mundësisht ta nxirrnim bllof Sali Berishën.

Por iu prish plani sepse dolën të tjera gjëra. Kujtuan se do ta linin me aq. I priti në kafe ai zotëria policët, e morën vesh nga mediat, s’kishte asgjë me vete, i pastër krejt, se sipas tyre ai qarkullon i pastër gjithmonë, s’kishte asgjë, as telefon nuk kishte. Jo se e kishte njoftuar policia, se kjo kuptohet, s’ka lidhje policia me këtë. I priti, i përcolli, e çuan aty me bindjen se do të dilte pas gjysëm, siç ka dalë gjithmonë. Siç ka dalë gjithmonë për gjysëm ore në këto 3 vite. Dhe, do të dilte një nga këta zëdhënësit dhe do të thoshte se Sali Berisha është shpifës, Sali Berisha është mashtrues, etj, etj. U prish plani se ishin disa forca më madhore, që këta, nuk i kontrollonin dot, për fat të keq. Kjo i tremb. Se ka ca forca që nuk i kontrollojnë dot, dhe nuk e kam fjalën thjesht për prokurorinë e cila për këtë rast e përgëzoj dhe uroj që të vazhdojë të shkojë deri në fund.

Kjo pra është historia. Kush e bëri. Vetëm dje dolën dhe sot po përpiqen që të marrin meritat; e bëmë ne, ne e arrestuam ndërsa dje po përpiqeshin të justifikoheshin tek ai, që nuk të kemi prekur ne. Siç i thane, nuk e ke prej nesh, e ke nga SHISH dhe nga prokuroria. Kështu i thanë, ne nuk dimë gjë, na e futën, na ngritën kurth. Kjo është historia e asaj që sot dalin këtu e thonë e bëmë ne. Si duket e kanë marrë vesh se ai nuk do të flasë, se edhe ai nuk ka interes ti nxjerrë se i duhet mbrojtja e tyre nga jashtë, kanë marrë vesh këtë punë, dhe tani thonë: Ne e bëmë. Dhe sa për 2017-ën, të jesh i bindur se sado të mbledhësh si ai që hyri brenda, fundin e tij do të kesh!

Replika e kryetarit të grupit parlamentar Edi Paloka, me Edi Ramën, 21 prill 2016

I nderuar kryetar

Të nderuar kolegë deputetë,

Gara në universitete tashmë është mbyllur dhe urimi në këtë rast për të gjithë ata që ia kanë dalë me sukses është i natyrshëm sikurse mbetet i tillë për ata që patën kurajën të merrnin pjesë në këtë garë. E them këtë që patën kurajën sepse në këto zgjedhje universitare sikurse të gjitha llojet e zgjedhjeve të bëra në Shqipëri në këto 3 vjet nuk ishin aspak të lehta dhe aspak normale. Këto zgjedhje u shkelën, u dhunuan, u tronditën pikërisht nga politika e veshur me krim dhe nga krimi i cili kërkoi të vishte edhe tunikën e fundit që i kishte mbetur pa futur në garderobën e tij, tunikën e akademikut. Republika e dijes në analogji me republikën e letrave siç mund ta quajmë republikën e universiteteve, u kërcënua nga republika e rrugës dhe iu kërkua të imponoheshin me zor pikërisht parimet e republikës së rrugës dhe paradoksi këtu është që iu kërkua që të imponoheshin këto parime të republikës së rrugës, pikërisht nga ajo që e ka për detyrë ta mbështesë, ta zhvillojë dijen, ta zhvillojë universitetin, pikërisht nga politika.

Sigurisht, shumë kolegë këtu në këtë sallë që tashmë e kanë shprehur këtë gjë, por edhe unë vetë do ta konsideroja disi naive një deklaratë timen sot, nese nga kjo foltore do të thoja se ishte Rama vetë ai që e çoi Shullazin tek profesor Koni, dhe aq më pak ishte Nikolla, por pavarësisht se e vërteta e kësaj deklarate është disi afër, megjithatë më lejoni të bëj një paralelizëm shumë të thjeshtë dhe paksa profesional timin. Kur Tolstoin, shkrimtarin e madh rus e pyetën me indinjatë duke e akuzuar se pse Ana Kareninën, personazhin e tij të dashur e çoi në rrotat e trenit, ai u mbrojt me akuzën, se Ana Karenina vajti vetë, unë thjesht e krijova, e mbështeta dhe e frymëzova personazhin tim. Edhe një herë ndjesë për krahasimin se s’mund të krahasohet Tolstoi me kryeministrin tonë pasi Tolstoi i ka letrarë personazhet e tij, dhe i krijon për të mbështetur dhe përhapur vlera njerëzore, ndërsa kryeministri i krijon personazhet e tij real për të grabitur vlera njerëzore. Dhe sigurisht edhe nëse unë do e pyesja kryeministrin, per personazhin e tij real ai do jepte të njëjtën përgjigje, jo ai ka ikur vetë, siç e ka lënë të nënkuptohet, por ama gjithsecili prej nesh në këtë sallë dhe jashtë kësaj salle e di shumë mirë se ky personazh real është i krijuar nga ky kryeministër dhe është ky kryeministër që e mbështeti, e frymëzoi, dhe e bëri atë që të kapërcejë portën e rëndë të universitetit duke dashur të mbjellë imponimin e politikës së kriminalizuar. Eshtë ky kryeministër i cili republikën tonë e ka shndërruar në republikë të krimit dhe të rrugës, i cili republikën tonë e ka shndërruar në republikë bananesh, dhe jo republikë bananesh nga fakti që malli eksportohet, republikë bananesh nga ata që e drejtojnë këtë vend. Sepse nEse do të nisemi nga malli që eksportojmë, tragjikisht Shqipëria eksporton rininë e saj drejt Europës dhe tragjikisht, eksporton vetëm mendje. Ky kryeministër e ka shndërruar Shqipërinë në republikën ku jeta s’ka vlerë, ku universiteti s’ka vlerë, ku ekonomia nuk ka vlerë, biznesi nuk ka vlerë dhe vota nuk ka vlerë.

Fjala në Parlament e deputetit të Partisë Demokratike, Luçiano Boçi, 21 prill 2016

“Sot Gjykata Kushtetuese po shqyrton një nga çështjet më të rëndësishme të këtyre 25 viteve, çështjen me ligjin me të cilin qeveria rishpronëson pronarët. PD ka paraqitur bashkë me subjektet e tjera kundërshtimet e saj ndaj këtij ligji. Ky ligj është antikushtetues, bie ndesh me jurisprudencën e kësaj gjykate. Mbi të gjitha, bien ndesh me jurisprudencën e Gjykatës Europiane të të Drejtave të Njeriut, sepse cënon jo vetëm parimet e Kushtetutës të Shqipërisë, por dhe të Konventës Europiane të të Drejtave të Njeriut.

PD ka bërë të qartë që ne i qëndrojmë në mënyrë absolute të drejtës së pronarëve për të rimarë pronën që në mënyrë të padrejtë u është marrë para më shumë se 70 viteve. Do të garantojmë në mënyrë maksimale që kjo e drejtë të shkojë në mënyrë përfundimtare dhe të plotë tek pronarët. Duke marë parasysh faktin që në 25 vite ka patur dhe padrejtësi, kjo nuk është arsye që kjo qeveri, e cila buron drejtpërdrejt nga koncepti i shpronësimit të vitit 45, me këtë vjen sot përpara kësaj gjykate, të ketë të drejtën për të rishpronësuar së dyti. Ne garantojmë që ky ligj do të shfuqizohet, por ajo që ne presim është që Gjykata Kushtetuese duke i qendruar jurisprudencës së saj, ta shfuqizojë këtë ligj si antikushtetues dhe në kundërshtim me Konventën Europiane të të Drejtave të Njeriut, për të rikthyer të drejtën e pronës tek pronarët. Me atë që bën ky ligj e përsëris, është rishpronësimi I pronarëve. Ne këtë nuk do ta lejojmë.

Sot ajo që presim është që Gjykata Kushtetuese të marrë një vendim lidhur me pezullimin e zbatimit të ligjit. Eshtë një ligj i cili tashmë ka filluar efektet e tij, prodhon pasoja të rënda e për rrjedhojë kërkesa para kësaj gjykate është që ky ligj të pezullohet derisa gjykata të marrë një vendim. Shpresojmë që gjykata ta marrë në konsideratë këtë rrezikshmëri  të lartë që prodhon kjo normë e re e kësaj qeverie”.

Prononcim i deputetit të Partisë Demokratike, Oerd Bylykbashi, 21 prill 2016

Departamenti i Mjedisit dorëzon kërkesën. Malltezi: Çdo mjet për të bërë të mundur dëgjimin e zërit të qytetarëve

Partia Demokratike apeloi sot në kolegjin zgjedhor vendimin e para një muaji të KQZ, që nuk lejoi mbajtjen e referendumit lokal, ku qytetarët e Tiranës të shpreheshin e të vendosnin për projektet e Bashkisë që po dëmtojnë parqet me afera klienteliste e korruptive.

Departamenti i Mjedisit në PD depozitoi sot kërkesën pranë Gjykatës së Apelit.

“Partia Demokratike po apelon sot në Kolegjin Zgjedhor vendimin e militantëve të shumicës së shullazëve të KQZ për të refuzuar dhënien e formularëve ndaj qytetarëve të Tiranës për të mbledhur mbi 20 mijë firma që duhen për referendumet vendore. KQZ e shullazëve e ktheu Kushtetutën dhe Kodin zgjedhor njësoj si statutin e partisë socialiste ku nenet nuk zbatohen, por interpretohen sipas dëshirës  së shullazëve të KQZ dhe të pushtetit. Për fat të keq, ne jemi këtu për të kërkuar një e drejtë që na e njeh Kushtetuta dhe Kodi Zgjedhor,  por ne do të përballemi për vlerat kushtetuese, do të përballemi për të drejtat e qytetarëve që nëpërkëmben përditë dhe që përqeshen nga oligarkët e pushtetit që paturpësisht edhe gënjejnë sikur nuk do të ketë beton nëpër parqe. Ne do të mundësojmë që qytetarët të shprehen, që zëri i tyre të dëgjohet dhe do pranojmë cilido qoftë mendimi i tyre. Zëri i qytetarëve duhet të dëgjohet dhe ne do të bëjmë çmos që kjo gjë të  bëhet e mundur me çfarëdo lloj mjeti demokratik”, u shpreh për mediat kreu i Departamentit të Mjedisit në PD, Jamarbër Malltezi.

Njoftim për media i Partisë Demokratike, 21 prill 2016