Blog

1. Abdyl Vrana
2. Adrian Mziu
3. Adriatik Salimusaj
4. Agim Gushta
5. Agim Shera
6. Agliso Sopjani
7. Aishe Isha
8. Alban Hoxha
9. Alban Mata
10. Albano Hysa
11. Albano Prendushi
12. Albano Stolaj
13. Albert Cupi
14. Aldo Gegaj
15. Aldo Hoxha
16. Aldona Sylaj
17. Aledin Spahiu
18. Alfred Leti
19. Altin Mema
20. Amant Xhafaj
21. Amarildo Mhilli
22. Ana Basha
23. Andi Bocova
24. Andi Muhametaj
25. Andi Permeti
26. Andrea Ujka
27. Andrin Mataj
28. Anisa Dervishaj
29. Anjeza Perlesha (Shema)
30. Anxhela Bukaci
31. Anxhela Malko
32. Anxhela Qylafku
33. Anxhela Skuqi
34. Arba Zyla
35. Arben Kulloraj
36. Arben Tusha
37. Arbi Hoxha
38. Ardi Malaj
39. Ardit Canaj
40. Ardit Duka
41. Ardit Gjongecaj
42. Ardit Qylybyli
43. Ares Ypi
44. Arilda Kasa
45. Arjan Cara
46. Arjan Dauti
47. Arjan Dedej
48. Arjola Kuka
49. Arlind Bushati
50. Armend Musaj
51. Armir Sefa
52. Arnold Kariqi
53. Arnold Lleshaj
54. Arsen Zenelaj
55. Artenisa Hyka
56. Artion Bajramaj
57. Artmir Krasniqi
58. Atird Hoxha
59. Avrovita Dhimojani
60. Bardhyl Duraku
61. Behar Mehaj
62. Benardeta Syku
63. Bergim Shehu
64. Berlis Kashari
65. Besart Xhaferri
66. Besjan Zaja
67. Besmir Halitaj
68. Besmir Kokomiri
69. Bledar Haxhia
70. Bledi Furriku
71. Blendi Xhaferri
72. Blendjan Sula
73. Blerina Ndoci
74. Boris Sopi
75. Brigite Pitarka
76. Bruna Ismaili
77. Bruno Shamku
78. Bujar Shehu
79. Clirim Rabaj
80. Dajana Berisha
81. Daniel Ndregjoni
82. Daniela Hoxha
83. David Syku
84. Dea Kapllanaj
85. Dea Kaziu
86. Dejon Brahimaj
87. Dejvi Allaj
88. Demokrat Nela
89. Demush Kastrati
90. Denis Fani
91. Denisa Venxha
92. Devis Qirjako
93. Diamant Parllaku
94. Donald Kota
95. Dorel Memoci
96. Dorian Gjomarkaj
97. Dorina Tota
98. Drilon Cani
99. Drini Pasho
100. Edes Kupi
101. Edi Hila
102. Edison Frangu
103. Edona Gjonaj
104. Edona Staka
105. Eduart Likaxhiu
106. Elda Xhani
107. Elgert Morina
108. Elgi Hyka
109. Eli Rapo
110. Elion Precaj
111. Elisjana Selimi
112. Elon Ciko
113. Elona Shtylla
114. Eltjon Cela
115. Elton Laska
116. Elton Rukaj
117. Elvis Allmuca
118. Emiljano Dervishi
119. Emiljano Kapllani
120. Emiljano Mone
121. Endrin Gjipali
122. Endrit Sadikaj
123. Endrit Brecani
124. Endrita Shehu
125. Enea Haxhihyseni
126. Enea Hysi
127. Enerik Hadaj
128. Engjelina Basho
129. Enis Caslli
130. Enkelana Shala
131. Enkelejda Balaj
132. Ensa Basha
133. Entela Myftarago
134. Enxhi Nasufi
135. Enxhi Turtulli
136. Erald Besha
137. Erald Seferi
138. Erald Shulla
139. Eralda Jahaj
140. Eraldo Stafuka
141. Ergys Dizdari
142. Ergys Hasa
143. Ergys Ivziku
144. Eri Kapo
145. Eri Metushi
146. Eriad Peka
147. Eridion Shehaj
148. Eriksjano Mucaj
149. Erion Dizdari
150. Erion Hoti
151. Erion Sina
152. Eris Zykaj
153. Erjon Dulellari
154. Erjon Shima
155. Ermal Cela
156. Ermir Gjeta
157. Ersona Muchasaj
158. Erti Korcari
159. Ervin Halilaj
160. Ervin Kamberi
161. Ervin Maçi
162. Ervis Hoxha
163. Esard Mulaj
164. Esi Rryta
165. Esli Zala
166. Estela Kondura
167. Eugen Ismailaj
168. Eugen Qëndro
169. Euron Berisha
170. Evaris Prishta
171. Evelina Shehu
172. Fation Kurti
173. Fatjon Maci
174. Fatjon Martinaj
175. Fatjon Sina
176. Fatos Ramushi
177. Fidel Kreka
178. Fioralb Saliko
179. Fisnik Qosja
180. Flavio Malocaj
181. Flori Merhori
182. Florian Metohu
183. Florian Nuhu
184. Florian Shkreli
185. Florian Uldedaj
186. Flutura Domi
187. Franci Doka
188. Frenkli Plaku
189. Freskida Berisha
190. Frida Gjonaj
191. Frida Shkurti
192. Gazmend Fili
193. Genci Bushaj
194. Gentian Gjonaj
195. Gentian Ndoj
196. Gerald Belishaku
197. Geraldo Metko
198. Gertjan Deda
199. Gjeorgjeta Hilaj
200. Gjergj Kaci
201. Gjergj Meko
202. Gjergji Luli
203. Gjergji Vata
204. Gjovalin Prenga
205. Gledis Cela
206. Gleidi Hoxhaj
207. Gliton Dibra
208. Glorja Shllaku
209. Goni Xhihani
210. Griselda Katirai
211. Griselda Likaj
212. Halit Brati
213. Hasan Mamo
214. Haxhi Gjana
215. Hena Ciraku
216. Hysen Kadiu
217. Ibri Sako
218. Ida Harri
219. Imelda Kraja
220. Imirjon Shehu
221. Indrit Hoxha
222. Indrit Kurdina
223. Irdi Kazazi
224. Irel Gjeta
225. Iris Rezhda
226. Irsida Shehi
227. Isa Cela
228. Isidor Dervishi
229. Isuf Braho
230. Ivi Bejtja
231. Jaser Sokoli
232. Jonuz Llukaj
233. Juela Hamati
234. Julia Kristo
235. Julian Muja
236. Julian Xhako
237. Jurgen Baci
238. Jurgen Kupi
239. Jurgen Mara
240. Kasandra Fejzullai
241. Kejdi Premci
242. Klara Rrugeja
243. Klarisa Rexhvelaj
244. Klaudia Bajramaj
245. Klaudia Bruzia
246. Klejdi Myrtaj
247. Klement Cela
248. Klement Perndokaj
249. Klevis Alushi
250. Klint Memia
251. Klodian Cakmashi
252. Klodjan Lata
253. Kreshnik Sokolaj
254. Krisi Shkarpa
255. Krisilda Fana
256. Kristi Bello
257. Kristiana Shena
258. Laura Doko
259. Ledion Derxho
260. Leonard Ndreca
261. Leonard Qinami
262. Lisander Hoxha
263. Lisejna Ramadani
264. Lorela Ballabani
265. Luis Hoxha
266. Luisida Mjeshtri
267. Lulzim Omuri
268. Maks Vata
269. Malbor Duka
270. Malvin Tafaj
271. Manuela Abeshi
272. Mariglen Nezaj
273. Mariglen Spahija
274. Marin Suli
275. Marius Seitaj
276. Marko Poci
277. Marsit Halluni
278. Mateo Balli
279. Mateo Spaho
280. Mefat Torba
281. Megi Balliu
282. Megi Ndregjoni
283. Migena Imeraj
284. Mikel Bello
285. Minushe Lazaj
286. Mirela Vata
287. Mirjan Kaloshi
288. Mirjan Nela
289. Moreno Allamani
290. Nahot Kuci
291. Ndricim Halilaj
292. Nivjan Kruja
293. Odeta Bajraktari
294. Oligert Bara
295. Oligert Mucllari
296. Olta Macolli
297. Olta Mecaj
298. Ornela Zani
299. Pal Mirakaj
300. Panajot Cakalli
301. Parid Markaj
302. Petrit Hasekiu
303. Rafael Kurti
304. Ramazan Blaka
305. Rasim Hashani
306. Redi Petushi
307. Rega Kajnozi
308. Renato Tosku
309. Reni Metaliaj
310. Rigels Piroli
311. Rigers Lulati
312. Rina Gjoni
313. Robert Picari
314. Rozita Gjeluci
315. Rugova Trezhnjeva
316. Sabina Hebovija
317. Saimir Berberi
318. Sajmir Rrahmani
319. Sejdi Celaj
320. Selim Metaj
321. Sentiljan Luka
322. Shaqir Manjani
323. Shkelzen Baci
324. Shyqo Dura
325. Siadete Loshi
326. Sibiana Selimllari
327. Silda Dajko
328. Sindi Brojka
329. Sindi Daiu
330. Sindi Hasaj
331. Slejdi Muhameti
332. Sokol Ruka
333. Sokrat Mitre
334. Soven Sheme
335. Spiro Vaso
336. Suada Vathi
337. Tedi Kapedani
338. Tedi Kopliku
339. Tedi Mula
340. Tomas Papuciu
341. Uejda Damjani
342. Uliks Elezi
343. Valbona Mhilli
344. Valbona Troci
345. Valentin Fiku
346. Valter Meshi
347. Veip Cela
348. Vera Sefgjini
349. Viktor Brakaj
350. Viola Hydi
351. Vladimir Cami
352. Vojsava Kasalla
353. Xhensina Kapo
354. Xheraldo Dashi
355. Xhesjana Pernezha
356. Xhevis Feleqi
357. Xhoana Treshnjeva
358. Xhulian Tota
359. Xhuljo Maraj
360. Zekri Picari
361. Zeqir Malokaj

Përgjimi i paligjshëm i kryer nga Saimir Tahiri, me dijeninë e Edi Ramës është një krim i rëndë shtetëror pesha e të cilit rritet, sa më shumë vonon zbardhja e tij, sa më shumë vonon hetimi i plotë e vendosja e përgjegjësve para ligjit.

U bënë një muaj që skandali është bërë publik, që qyetarët e vendit, opinioni publik kanë mësuar se paisja e përgjimit është futur në mënyrë të paligjshme, është përdorur në mënyrë të paligjshme, pa dijeninë dhe pa autorizimin e Prokurorit të Përgjithshëm.

Kjo shkelje brutale e ligjit dhe e kushtetutës është pranuar, mohuar e sërish pranuar nga Ministri i Brendshëm dhe Drejtori i Policisë së Shtetit, të cilët janë kapur në deklarime kontradiktore, gjë që dëshmon tensionin që ekziston mes tyre në lidhje me këtë skandal.

Një herë Tahiri lë në baltë vartësit e tij, duke thënë se nuk është ai përgjegjësi.

Pastaj vartësit e tij kërcënojnë se do të flasin, do të tregojnë, duke kërkuar mbrojtje e paprekshmëri, pasi prokuroria ka nisur hetimin, ndjekjen penale.

Po lojërat, thikat pas shpine dhe kulisat mes Tahirit dhe drejtuesve të Policisë nuk i interesojnë shumë opinionit publik.

Vendit dhe qytetarëve sot u intereson e vërteta rreth këtij krimi shtetëror.

Të dalin para ligjit porositësit, kush e solli, kush e përdori, kë përgjuan, pse përgjuan, pse e mbajtën të fshehtë.

Partia Demokratike i bën thirrje prokurorisë të tregojë vendosmëri e të mos lejojë pengimin e hetimit.

Një hetim i plotë, i gjithanshëm, që nxjerr çdo përgjegjësi para ligjit, është domosdoshmëri për vendin, për të vendosur drejtësi e për të bërë që krime të tilla shtetërore të mos ndodhin më.

Deklarata për mediat e nënkryetarit të Partisë Demokratike, Edi Paloka, 4 Qershor 2016

Sonte në të ngrysur, Edi Rama ka lëshuar nga zinxhirët dy prej banditëve të tij të rracës, Elvis Rroshin dhe Arben Ndokën, të dy të dënuar në Itali, njëri për përdhunim, tjetri për trafik prostitucioni dhe rrëmbim personi, dhe i ka hedhur në sulm kundër opozitës, kundër Partisë Demokratike.
Rroshi njofton se nuk e quan dorëheqjen, njofton se do kthehet në zyrën e tij, pasi u arratis për 3 ditë kur u zbulua vendimi i gjykatës italiane. Do kthehem thotë i dënuari për përdhunim, i dënuar edhe në Zvicër për drogë, edhe pse kur i plasi bomba në dorë Edi Rama e quajti të përfunduar shërbimin e tij.
Do kthehem thotë edhe Arben Ndoka, i cili kërcënon opozitën dhe thotë se ka përveshur mëngët e tij kriminale për votën e zgjedhjeve që po vijnë. E përmendi Departamenti Amerikan i Shtetit, si turp që ai ishte deputet, por njeriu që Rama i ka besuar PS-në e Lezhës, thotë se po kthehet.
Sigurisht këta janë zëri i Edi Ramës, janë grahmat e tij të fundit, klithmat e një pushteti që po jep shpirt, sepse krimi dhe Shqipëria nuk do të rrinë më bashkë.
Ta harrojë Rama se do të pengojë dekriminalizimin, se do të prekë votën, duke zgjidhur nga zinxhirët këta banditë rrace. Ai ka mbetur vetëm, fillikat, dhe rrethohet vetëm nga këta trafikantë, tutorë e vrasës. Ka gjithë popullin përballë.

Njoftim per shtyp i Partise Demokratike, 3 Qershor 2016

Qindra demokratë dhe qytetarë të Divjakës protestuan sot para zyrave të Bashkisë duke kërkuar hetim për akuzat e ngritura ndaj kryebashkiakut Fredi Kokoneshi, për trafik prostitucioni. Eshtë pikërisht, sekretari personal i Kokoneshit, kreut të PS-së së kësaj zone, që ka akuzuar publikisht se kryetari i Bashkisë, ka pasur procedim në Itali për trafik prostitucioni.

Vetë kryetari i Ramës në Divjakë, nuk e ka deklaruar këtë fakt në formularin e dekriminalizimit.

Sekretari i Aksionit Qytetar, Ervin Salianji dhe kryetari i PD-së së Lushnjes, Myslym Murrizi, kërkuan që Kokoneshi të mbajë përgjegjësi për akuzat, dhe për fshehjen e të dhënave. Dhe i kërkuan Prokurorisë të vihet në lëvizje.

“Sot jemi këtu pas denoncimit që ka bërë ish sekretari i PS-së së Divjakës, Bert Monja i cili akuzon haptazi kryebashkiakun Kokoneshi si tutor prostitutash dhe është e habitshme që Kokoneshi nuk ka ndërmarrë asnjë hap për ta paditur për shpifje. Ne vijmë sot këtu sepse ka filluar fenomeni domino i rrëzimit një nga një të të inkriminuarve pas hyrjes në fuqi të ligjit për dekriminalizimin, ashtu si në rastin e kryetarit të bashkisë së Kavajës. Shpejt qytetarët do të mësojnë të vërtetat rreth formularit të deklarimit të bashkiakut Kokoneshi. Ne do ti drejtohemi Prokurorit të Përgjithshëm për të vërtetuar akuzat nga shoku i tij i ngushtë dhe ish sekretari i Partisë Socialiste të zonës së Divjakës. Asgjë më tepër nuk ngrejmë ne si PD, me çka thotë ai në një konferencë shtypi, që e kanë dhënë mediat. Nëse Kokoneshi ndihet i qetë nuk ka pse sjell këtu tellallë por ti drejtohet gjykatës për shpifje”, tha Murrizi.

“Siç e shikoni ne jemi në rrugëtimin tonë bashkë me qytetarët për ti treguar Edi Ramës dhe qeverisë se ku i ka futur kriminelët që kemi prej 2 vitesh e gjysëm e që i kemi denoncuar si Parti Demokratike. Sot, ish drejtuesi i Partisë Socialiste të zonës dhe miku i ngushtë i kryebashkiakut të Divjakës, Fredi Kokoneshi e ka akuzuar si një person që në vitet 95-96 ka trafikuar dhe ka bërë tutorin për vajza në rrugët e Italisë. Në vetëdeklarimin e tij nuk e ka deklaruar dhe ne sot i bëjmë thirrje para bashkisë së Divjakës, prokurorisë që të nisë hetimet dhe ti ndërpritet menjëherë mandati kryebashkiakut të Divjakës për deklarimin të rremë sipas ligjit të dekirminalizimit. Siç e shikoni në çdo cep institucione publike nuk janë në shërbim të publikut por janë në shërbim të krimit dhe personave të inkriminuar. Edhe sot këtu shohim disa punonjës së bashkisë që provokojnë dhe nuk lejojnë qytetarët në të drejtën e tyre për të dhënë deklarata e për të kërkuar llogari për një akuzë publike të bërë nga vetë nga brenda radhëve të PS. Kryebashkiaku është i detyruar ta sqarojë nëse është hetuar nga autoritetet policore italiane apo jo”, tha Salianji.

Sekretari për Aksionin Qytetar tha se inkriminimi i institucioneve dhe bashkive është modeli i Ramës.

“Institucionet janë vetëm në shërbim të një grupi të ngushtë njerëzish të cilët e përdorin për tu pasuruar sot, për të rritur taksat për qytetarët, për të sjellë krimin në administratë dhe jo për të çuar taksat dhe administrimin e pushtetit për qytetarët ashtu siç i takon. Siç e shikoni këtu janë mbi 200 qytetarë që po provokohen nga disa prej punonjësve të bashkisë së Divjakës që kërkojnë llogari pse protestojmë. Ky është modeli që ka sjellë Edi Rama në qeverisje, ky është modeli që do të rrëzohet sa më parë me votë nga shqiptarët. Sot jemi në rastin e disatë të kryebashkiakëve të akuzuar për krime të rënda siç janë prostitucioni, vrasjet apo trafiku i drogës. Presim përgjigjen e Ramës dhe kryebashkiakut, presim hetimin e plotë të prokurorisë”, tha Salianji.

Njoftim per shtyp i Partise Demokratike, 3 Qershor 2016

Miliona euro që sot përfundojnë në xhepat e qeveritarëve dhe shkojnë për investime luksi  do t’u kthehen qytetarëve përmes investimeve  që hapin vende pune, uljes së çmimit të energjisë, uljes së taksave dhe investimeve për bujqësinë. Këtë konfirmoi kryetari i Partisë Demokratike, Lulzim Basha në bashkëbisedim me banorë të qytetit të Lezhës. Tregtarët u ankuan për taksat e larta, rënien e fuqisë blerëse dhe detyrimin që edhe pensionistët të paguajnë sigurime shoqërore që arrijnë në 600 mijë lekë në vit.

Tregtare: Sa më parë të dalësh kryeministër. Boll na bëni premtime, na bëni rrena. Na la pa punë, pa lekë, pa asgjë.

Tregtarë: Shes tash e njëzet e ca vjet. Jam pensionist më merr sigurimet shoqërore muaj për muaj, ama i thonë 70 mijë lekë.

Basha: E sa shet ti këtu që ti marrin sigurimet shoqërore?

Tregtar: Mu me nga një javë zero.

Tregtar: Mua për 50 lekë të vjetra të fut në burg, ata për 300-400 milionë euro e bën hero. Ndoshta i nda paret me të.

Basha: Sa po shet përditë?

Tregtare: Një derr në dy tre ditë. S’ka lekë për Zotin!

Basha: Përpara sa ke shit?

Tregtare: Kam shit 5-6, sa të dush.

Basha: Taksat do t’i ulim.

Tregtare: Atë duam edhe ne, atë duam edhe ne.

Basha: Korrupsioni duhet luftu. Ato qindra milionë euro që i fusin në xhep qeveritarët të kthehen në treg, të kthehen në konsum.

Tregtare: Dje janë djeg dritat e tanë pallatit e të dyqanit. Kemi pagu 200 mijë lekë të gjithë, ble kabullin e pagu elektricistin me leket e njerëzve.

Basha: Edhe taksa, edhe shërbim s’merrni.

Tregtar: Pata hap një firmë ndërtimi, punova 12-vjet dhe 17 familje i kam mbajt me bukë.

Basha: Në çfarë viti e ke mbyll firmën e ndërtimit?

Tregtar: Ka nja një vit, një vit e pak. Nuk shkoj më, taksa, taksa, taksa.

Basha: Po ata 17 veta që kishe në punë?

Tregtar: Pa bukë.

Farmacist: Ajo zonja ka gjithë jetën, babën e kam farmacist ka punu gjithë jetën edhe sot nuk lidh dot kontratën sepse i thotë që duhet ta kesh farmacinë 20 metra larg qendrës shëndetësore. Ndërkohë që kjo është një farmaci që ka ekzistu. Kushti është për të lidhur rimbursimin.

Nga Lezha zoti Basha u ka kthyer përgjigje të gjithë atyre që pyesin se ku do t’i gjejë lekët për të zbatuar programin e tij.

Basha: Me 20 milionë dollarë në vit ne mund të rimbursojmë dhe do tw rimbursojmë deri në 300 kw për familjet në ndihmë ekonomike. Këta harxhojnë 80 milionë për luks dhe na thonë ne ku do t’i gjeni paratë??? 2.2 miliardë euro të shqiptarëve i kanë zhdukur. Na thonë ne ku do ti gjeni lekët për të ulur taksat? E pra ne do t’i ulim taksat dhe një pjesë e këtyre lekëve do të kthehet në xhepat e shqiptarëve, do të kthehet në konsum, do të kthehet në fuqi blerëse.

Kryetari i Partisë Demokratike, Lulzim Basha vizitoi dhe ndërmarrjen Eurofish. Zoti Basha garantoi se qeveria e tij nesër do të jetë në krah dhe përballë biznesit. Taksë e sheshtë 9%, sigurime shoqërore 9%, TVSH 15% është programi fiskal i demokratëve, i cili do të mundësojë punësim me paga dinjitoze, rritje të mirëqenies dhe zhvillimit.

Njoftim për media i Partisë Demokratike, 3 qershor 2016

Edi Rama vazhdon ta mbrojë edhe sot, edhe tani që flasim Elvis Roshin, të dënuar për përdhunim në grup.

U pa botërisht se njeriu i tij është dënuar për këtë vepër të rëndë, e megjithatë Edi Rama sërish nuk është distancuar, nuk ka kërkuar ndjesë para qytetarëve të vendit që i poshtëroi duke kandiduar e rikandiduar Roshin.

Edi Rama ende nuk ka marrë një akt për shkarkimin e tij, edhe pse Prokuroria ka nisur ndjekjen penale për fshehjen e të dhënave.

Pasi e justifikoi përdhunimin e Roshit, pasi deklaroi se Roshi është si gjithë shqiptarët që kanë emigruar, Rama organizoi dhe një miting në mbështetje të tij, dhe sot janë të gjithë të dhënat që po e ndihmon ti fshihet drejtësisë.

Ja sa seriozisht e ka dekrimalizimin Edi Rama, që ofron mbrojtje të gjithanshme për kryetarin e tij të Bashkisë, kur kapet me krime të rënda, e me fshehjen e tyre.

Mbrojtja e Ramës për të dënuarin për përdhunim arriti kulmin mbrëmë, kur Taulanti i tij e quajti Kavajën një qenef të madh, ndërsa Roshin shpëtimtarin e saj.

Edi Rama vazhdon të poshtërojë qytetarët e Kavajës në mënyrë të përsëritur.

Iu kërkua të mos i poshtërojë qytetarët, i thanë faktorë të rëndësishëm ndërkombëtarë mos e kandido Roshin se është i dënuar në Zvicër për drogë, ai sërish e bëri.

I doli tashmë i dënuar edhe për përdhunim, sërish Edi Rama zgjedh të qëndrojë në krah të Roshit e të fyejë popullin, qytetarët e Kavajës.

Nëse Edi Rama i ka mundësuar edhe arratinë, njësoj si Frrokut, ne i themi prokurorisë ta kërkojë Elvis Roshin në zyrën e kryeministrit.

Aty ta kërkojë sepse Elvis Roshi dhe Edi Rama janë një, janë i njëjti person, janë të pandarë.

Deklaratë e kreut të departamentit të Rendit dhe Sigurisë, Enkelejd Alibeaj, 3 qershor 2016

Pranverës ekonomike të qeverisë i ra dje një tjetër breshër, duke hedhur poshtë propagandën fodulle të saj.

Sondazhi i Dhomës Amerikane të tregtisë tregon rënien e besimit të biznesit me 4.83 pikë, për shkak të taksave të rritura, korrupsionit, monopoleve.

Të vërtetat e këtij raporti janë tronditëse për gjithkënd.

“Jam tejet i shqetësuar rreth gjetjeve të këtij raporti”,- u shpreh ambasadori amerikan.

Po këtë e thotë dhe FMN.

E thotë dhe Banka Botërore.

E thotë çdo biznes në vend, e çdo investitor.

Vetëm Rama e ministrat e tij shprehen se “nuk ka vend për shqetësim pasi gjithçka është një perceptim i gabuar”.

Përse shprehen kështu? Sepse ekonomia e tyre personale njeh vetëm pranverë, vetëm lulzim.

Çfarë thote raporti?

Nga 27 indikatore, 24 prej tyre janë në rënie.

Dhe kjo është hera e parë që besimi rezulton me rënie, qysh kur dhoma amerikane e tregtisë ka filluar të publikoje këtë indeks.

65% e bizneseve te Dhomës Amerikane janë shprehur se klima për të bërë biznes është e pavaforshme apo shumë e pafavorshme.

Burokracia e qeverisë, monopolet dhe konkurrenca e pandershme, niveli i përgjithshëm i taksave, janë tre elementet kryesore qe shqetësojnë bizneset amerikane ne Shqipëri.

Me rënie të ndjeshme dhe mjaft shqetësuese rezultojnë marrëdhëniet me tatimet e doganat.

70 përqind e të anketuarve e konsiderojnë nivelin e taksave si të pafavorshëm, ose shumë të pafavorshëm për bizneset.

Ky tregues ka shënuar rënien më të madhe nga viti 2014, me pothuajse 7 pikë.

Ky është realiteti dramatik i ekonomisë sot, dhe jo propaganda rozë që dëgjojmë çdo ditë nga Ahmetaj dhe Edi Rama.

Deklaratë e nënkryetarit të Partisë Demokratike, Edmond Spaho, 2 qershor 2016

Nuk është Elvis Roshi problemi më i madh, për të nuk ia vlen të harxhosh dy minuta kohë.

Problemi është Edi Rama, që mori një të dënuar, një trafikant droge, një shef bande, ua nxori socialistëve si modelin e tij, e vuri të marrë vota me forcë, e ti blejë ato, duke ia paraqitur Kavajës dhe mbarë shoqërisë si model suksesi që duhej ndjekur.

Një vit më parë, përpara se ta rikandidonte, Edi Rama është lajmëruar nga faktorë të rëndësishëm ndërkombëtarë, se Elvis Roshi është i dënuar për drogë në Zvicër.

Dhe i është kërkuar Edi Ramës të mos e rikandidonte, të mos poshtëronte popullin e tij.

Por Edi Rama vazhdoi, e konfirmoi se zgjedhja e tij është Roshi, se modeli i tij është Roshi.

Pse e kandidoi Edi Rama, Roshin, edhe pse u njoftua nga ndërkombëtarët për dënimin e tij në Zvicër, edhe pse iu kërkua të mos poshtëronte popullin e tij?

Sepse ai nuk do të qeverisë, por të sundojë. Të sundojë me forcë, me dhunë me terror. Siç po sundon. Për këtë i duhen trafikantët, tutorët, vrasësit.

Ndaj çoi edhe në krye të partisë në Kavajë, një të dënuar për drogë, si Gentjan Daja në Itali, e në Gjermani. Një ushtar i Roshit ky. Pra e gjithë banda në pushtet. Siç po bën me të gjitha degët e partisë së tij.

Ky rast është shëmbëlltyra tipike që nxjerr përmasat e plota të inkriminimit që Edi Rama i ka bërë pushtetit kudo, në çdo qytet e në çdo bashki.

Edhe kur u mësua se Roshi ishte dënuar në Itali për përdhunim në grup, Edi Rama sërish e mbrojti.

Jo vetëm shkruante rregullisht statuset e tij në Facebook, por me firmën e vet bëri dhe një vajtim të gjatë, e mbrojti edhe nga foltorja e Partisë Socialiste, nxori dhe tre deputetë ekraneve për të avokati për Roshin. Organizoi edhe një demonstratë me punonjës bashkie e urdhëroi socialistë, burra e gra e nëna të dalin të mbrojnë të dënuarin për përdhunim.

Ky është pra modeli dhe standardi i Edi Ramës.

Sepse ai nuk qeveris dot me qytetarët e për qytetarët.

Ai kërkon të sundojë dhe për këtë i duhet roshi, bushi, shullazi, habili, balili, prenga, ndoka, cubi, frroku. Për të sunduar i duhen tutorë, banditë, trafikantë e vrasës.

Por dekriminalizimi do të bëhet, dhe sundimi i Ramës me krimin do të bjerë.

Deklaratë e nënkryetarit të Partisë Demokratike, Edi Paloka, 2 qershor 2016

Formulari i dekriminalizimit, është konceptuar që secili prej zyrtarëve të këtij vendi t’i rrëfehet opinionit publik për krimet e rënda që mund të ketë kryer, dmth për: përdhunimet, vrasjet, trafikimin e drogës e të prostitutave.

Shumë prej këtyre bëmave i ka kryer dhe Taulanti i Partisë ndaj të cilit nuk mungojnë denoncimet dhe dëshmitë.

Formulari i dekriminalizimit, nuk është konceptuar që zyrtarët të rrëfejnë meritat, aktet e trimërisë apo të heroizmit të kryera kundër Sigurimit të Shtetit dhe sistemit të përdhunuesve të një kombi të tërë.

Flamur Noka në vitin 1990 bëri zgjedhjen e tij, pa rezerva e frikë, në favor të lirisë. Theu perden e hekurt.

Ata e kthyen e ia dorëzuan Fatmir Xhafës, i cili së bashku me Sigurimin e Gramoz Ruçit, kishin për detyrë t’i bënin hetuesinë, ta demaskonin e ndëshkonin armikun e regjur të Partisë dhe Atdheut socialist, 19 vjeçarin Flamur Noka.

Pas kësaj, fatin e tij e kishte në dorë personalisht shoku Fehmi Abdiu, kryetar i Gjykatës Popullore të Kukësit, i cili njësoj si për Havzi Nelën, do të administronte në dosje edhe opinionin me shkrim të Sekretarit të Parë të Komitetit të Partisë së Kukësit, shokut Sulejman Bushati. Më tej, “armiku” 19 vjeçar Flamur Noka, kishte të drejtën, identik si Havzi Nela, t’i kërkonte mëshirë shokut Kristaq Rama, i cili njësoj si për Havzi Nelën, do të firmoste “ekzekutim me varje në litar”.

Për fat të mirë, të gjithë sa përmenden më sipër nuk e patën kohën e duhur të mbyllnin ciklin e përdhunimit në grup të dinjitetit njerëzor dhe dëshirës për liri, pasi në dhjetor të vitit ’90 u shembën e u fshehën skutave.

Ndaj, Flamur Noka sot nuk është në një varr pa emër, dhe të njëjtët monstra, e kanë përballë në çdo të pabërë që po i përsërisin prapë këtij populli.

Njoftim për media i Partisë Demokratike, 2 qershor 2016