Blog

Lajme të reja vijnë nga inkriminimi Ramist i zyrave publike.

Lekë Tuna është kreu i një grupi kriminal që vidhte dhe trafikonte makina, e pikërisht me Edi Ramën u shpërblye duke u bërë drejtori i OSHEE për Kurbinin.

Pas një hetimi të gjatë të prokurorisë së Shkodrës ky person u arrestua natën e 5 prillit, nën akuzën e trafikimit të mjeteve motorrike.

Por lajmi po mbahet i fshehtë, dhe megjithëse nën arrest për këtë vepër të rëndë penale, Tuna vazhdon të jetë zyrtarisht kreu i OSHEE për Kurbinin.

Inkriminimi i institucioneve nuk ndalet dhe pasurimi i zyrave me trafikantë vazhdon me të njëjtat ritme.

Ndërsa Edi Rama krekoset me represionin ndaj të pamundurve, banda e tij në OSHEE vazhdon të dhunojë qytetarët, vazhdon të shtojë rradhët me kriminelë me damkë.

Në gjithë Kurbinin, mes qindra të rinjve e të rejave, burrave e grave me integritet e të arsimuar, Edi Rama i vuri gishtin pikërisht këtij vjedhësi dhe trafikanti makinash, kreut të një grupi të strukturuar kriminal, me lidhje dhe me mafian rajonale, për ti besuar drejtimin e OSHEE.

Prandaj dhe pikërisht për këta trafikantë me të cilët ndan pushtetin, me të cilët sundon qytetet dhe i ka sjellë deri në parlament, Edi Rama nuk e donte dekriminalizimin dhe bëri çdo përpjekje për ta ndalur atë.

Prandaj dekriminalizimi është jetik dhe duhet të zbatohet një orë e më parë që zyrat publike dhe politika të pastrohen nga banditët e Edi Ramës.

Deklarata për mediat e kreut të Departamentit për Rendin dhe Sigurinë, Enkelejd Alibeaj, 8 Prill 2016

Kryetari i Partisë Demokratike Lulzim Basha priti në një takim eurodeputeten Tanja Fajon. Gjatë vitit 2010, kohë kur Shqipëria përfitoi nga procesi i liberalizimit të vizave, Tanja Fajon ka mbajtur detyrën e Raportueses për Shqipërinë. Zonja Fajon ka qenë dëshmitare e progresit të bërë nga Shqipëria gjatë asaj kohe, progres që mundësoi dhe heqjen e vizave.

Zoti Basha ka theksuar në takimin me zonjën Fajon se Shqipëria ka bërë hapa prapa përsa i përket zbatimit të ligjit, demokracisë, standardit të zgjedhjeve dhe situatës ekonomike.

Persona më të shkuar kriminale, si trafikant droge, qeniesh njerëzore etj, janë zgjedhur deputet, kryetarë bashkish, në poste të larta të administratës dhe Policisë së Shtetit.  Për këtë, tha zoti Basha pas një vit diskutimesh e negociatash u miratua ligji për dekriminalizimit ndërsa nënvizoi se pa zbatimin jo vetëm në germë por në shpirt të këtij ligji, demokracia shqiptare është e rrezikuar e bashkë me të edhe stabiliteti i Shqipërisë.

Zgjedhjet e vitit 2015 u faktuan nga raporti I OSBE/ODIHR-it si jo të lira dhe të ndershme, u provua blerja e votave dhe intimidimi i votuesve. Kjo është konstatuar edhe nga përfaqësues të trupit diplomatik në qendra të ndryshme të votimit.

Zgjedhjet e lira dhe të ndershme, tha zoti Basha janë jetike për Shqipërinë dhe për këtë  kërkoi  dhe ndihmën e eurodeputetes Fajon e cila ofroi mbështetjen e plotë duke i konsideruar zgjedhjet e lira të rëndësishme, pikë kyçe për një shtet demokratik.

Qeveria në mënyrë arrogante, tha zoti Basha ka zhbërë ligjet konsensuale, refuzon të zbatojë vendimet e Gjykatës Kushtetuese, ushtron presion ndaj institucioneve të pavarura, medias etj, si dhe dhunon në mënyrë sistematike të drejtat e qytetarëve.

Implementimi i vendimeve të Gjykatës Kushtetuese në asnjë vend demokratik nuk negociohet por zbatohet theksoi Kryetari i Partisë Demokratike e kjo nuk mund të vihet në diskutim as në Shqipëri. Zoti Basha  tha se Partia Demokratike nuk tërhiqet dhe se pa zbatuar vendimet e Gjykatës Kushtetuese nuk mund të ketë asnjë premisë për dialog të mirëfilltë politik.

Partia Demokratike, tha zoti Basha qëndron fort për vlerat dhe  parimet demokratike, Kushtetutën, zgjedhje të lira dhe të ndershme, drejtësinë e pavarur dhe të pakapur që lufton dhe nuk mbron korrupsionin dhe krimin me lidhje qeveritare.

Njoftim për shtyp i Partisë Demokratike, 8 Prill 2016

Departamenti i Shëndetësisë i Partisë Demokratike diskutoi programin për sistemin shëndetësor me mjekë dhe specialistë në qytetin e Lushnjës. Kreu i departmentit, Tritan Shehu u shpreh se shendetësia sot vuan nga një centralizim dhe keqmenaxhim duke thelluar më tej krizën në këtë sektor. Sipas tij, në qendër të programit të Partisë Demokratike për sistemin shëndetësor do të jetë pacienti. Shehu tha se programi i PD përmban një model krejt ndryshe për financimin, specializimin e mëtejshëm të personelit dhe parashikon një decentralizim të menaxhimit të sistemit.

 “Sot në Lushnjë ishim me një grup kolegësh për të paraqitur mendime dhe ide të platformës tonë për zhvillimin e ardhshëm të sistemit shëndetësor, për të diskutuar, për të marrë vërejtje, mendime të tjera për ta pasuruar platformën, për ta future sistemin shëndetësor gjatë gjeverisjes tonë të ardhshme në rrugën e vërtetë të zhvillimit. Problemet janë tepër të mëdha. Së pari është nënfinancimi i madh. Eshtë ajo që mund të quhet “shëndetësi falas” në varfëri të thellë. Ky është problemi i parë. Mungon një perspektivë e rritjes së financimit në shëndetësi e cila është bllokuar nga slogani shëndetësi falas e cila është absurde. Së dyti ka të bëjë me menaxhimin, ku kemi të bëjmë me një centralizim të të gjitha veprimeve që kryen ky sistem shëndetësor. Kemi një keqpërdorim të buxheteve të financimit, edhe këto në mënyra të centralizuara, gjë që kanë thelluar varfërimin e sistemin tonë. Një element tjetër është problemi që lidhet me personelin tonë shëndetësor, me kualifikimet e tyre, specializimet, numrin e tij, mungesën e specialistëve, me faktin që specialistët e sistemit sot janë të diskriminuar, jo vetëm thjeshtë nga pagat qesharake që marrin por edhe nga mungesa e programeve, projekteve për specializimin e tyre, të realizimit të teknikave të reja, etj. Ne gjykojmë se në bazën e sistemin shëndetësor, në qendër të tij është pacienti, i cili duke qënë i lirë të zgjedhë vetë ai mjekun, klinikën, spitalin, vë në lëvizje të gjithë sistemin duke i dhënë në këtë mënyrë dinjitetin e plotë personelit shëndetësor dhe institucioneve, duke i nxjerrë nga zinxhiret burrokratike ku ndodhet soti mbërthyer ky sistem”, tha Shehu.

Njoftim per shtyp i Partise Demokratike, 8 Prill 2016

Komisionet hetimore janë shumë të rëndësishme për funksionin e parlamentit  si kontrollues i ekzekutivit, të rëndësishme për opozitën që në kompozicionin kundrejt mazhorancës, i takon së pari të jetë iniciatore e kontrollit parlamentar në përputhje me rregullat në fuqi.  Cfarë ndodhi në  2014?! Partia Demokratike me numrin e kërkuar të  firmave të  deputetëve propozon ngritjen e dy komisioneve hetimore të cilat janë në tagrin e saj kushtetuese dhe  nuk janë objekt i miratimit apo të refuzimit nga mazhoranca.

Me pretekset si ky që diskutuam pak më parë për çështjen e mandateve në papajtueshmërinë e tyre, mazhoranca PS –LSI refuzon. Opozita nuk hedh gurë, nuk del për këtë çështje në rrugë, por ndjek rregullin institucional . Vendimin  e shumicës PS-LSI e çon në Gjykatën Kushtetuese. Gjykata  Kushtetuese,  bazuar dhe në raste të ngjashme europiane, kujtoj nga Italia dhe Gjermania, merr një vendim të qartë, absolutisht të qartë si rasti i mandateve që diskutuam pak më parë ngritja e komisionit hetimor përsa kohë që këtë e kërkojnë 28 deputetë, pra numri i opozitës,  duhet të ndodhë në mënyrë automatike, nuk është objekt i diskrecionit të mazhorancës .

Vendimi i Gjykatës Kushtetuese  pritej që të botohej në  gazeta zyrtare dhe të hynte në fuqi dhe kërkuam përsëri në konferencë të kryetarëve që dhe mazhoranca PS –LSI të respektonte shtetin  ligjor, Kushtetutën,  vendimin e Gjykatës Kushtetuese.  Përsëri  refuzim.  Pastaj ndodhi dhe dhuna. Pastaj ndodhën edhe elementët e ish burgaxhinjve tëps.. Bojkot, mospjesëmarrje nga opozita dhe në fund me peripecitë që ju i njihni, marrëveshja e 24 Dhjetorit 2014, e cila në pikën e dytë të saj lexon kështu: Të gjitha partitë do të kontribuojnë për dialogun politik i cili do të zhvillohet kryesisht në Kuvend si dhe për  repektimin e Kushtetutës dhe zbatimin e saj sistematik të vendimeve të Gjykatës Kushtetuese, shumica qeverisëse dhe opozita angazhohen për rishikim të rregullave, në drejtim të funksionit eficent të komisioneve hetimore parlamentare, bazuar në praktikat më të mira ndërkombëtare. Pra kërkohet të rishikohet ligji i  komisioneve hetimore.

U ngritën komisione të posacme në vijim të kësaj marrëveshjeje. Por e vërteta është që për  komisionet hetimore rregullat janë të qarta. Është çështja e vullnetit të mirë ajo  që i ka penguar  dhe meqë gjithë vëmendjen dhe energjinë politike dhe me të drejtë e mori çështja e dekriminalizimit dhe duke besuar që mazhoranca kishte zënë mend për pengimin antiligjor që i bëri hetimit parlamentar, ndoshta nuk do të ishte nevoja të ndryshoheshin rregullat, të amendohej ligji, sepse me vullnet të mirë mund të funksionojnë gjërat. Por kjo fatkeqësisht nuk ndodhi dhe nuk ndodhi në një komision hetimor, ne atë të ngritur për problemin e abuzimit të ekzekutivit me serverin e Tatimeve. Do të kisha dashur që të ishte përmendur në fjalimet përkatëse,  sesi po në mënyrë sistematike, në më shume se 7 mbledhje, mazhoranca nuk u paraqit në mbledhjen e kërkuar nga kryetari i komisionit, duke e bërë të pamundur mbledhjen, duke e bërë të pamundur marrjen e provave, duke bërë të pamundur dëgjimin e dëshmitarëve . Mungesë e vullnetit politik?! Dëshirë për të fshehur një zullum qeveritar?!  Të gjitha mund t’i mendojmë, por shkeljen e ligjit nuk mund ta pranojmë dhe zbatimi i tij është një mënyrë për të gjetur të vërtetën.  Çfarë ka ndodhur me qindra mijëra dokumenta, skeda tatimore të të gjithë bizneseve në Shqipëri. Opozita nuk vjen ,opozita  thërret mbledhjen  dhe mbledhja dështon, kur  kjo bëhet cështje e madhe, kur kjo bëhet objekt që opozita të përdorë një masë jo të zakonshme,  kufizimin e pjesëmarrjes së vet në parlament, vetëm atëherë vijnë deputetët e partisë socialiste dhe pas tyre të LSI që të fillojë të funksionojë nga parlamenti që mund të dëgjonte  nga ish ministri i asaj kohe i Financave se ata nuk ecin me rregulla të shkruara, por me fjalë goje shumë treguese për mentalitetin e qeverisë. Por është e vërtetë ajo që u tha që në komisionin  tjetër që unë kam privilegjin të  kryesoj,ky fenomen nuk ka ndodhur. Por aty ka ndodhur dicka tjetër, ka  ndodhur ajo që megjithë kërkesën e hershme të komisionit hetimor të marrë me vendim me konsensusit që ligji nuk e detyron , qeveria nuk solli përgjigje.  Që nga muaji Janar e kemi konstatuar se kishte ardhur 30 % e vëllimit, nga 100% që duhej të vinte.

Nëqoftëse kjo ka qenë ngarkesë për administratën publike, ne s’na takon të bëhemi sherrxhinj për gjëra të vogla.

Afati dukej i mjaftueshëm, 5 muaj. Kohëzgjatja e komisionit hetimor mund të priste dhe dy javë , përtej asaj që kërkon rregulli, mjafton që informacioni të vinte. Dhe jemi mbledhur pasi unë e kam ngritur çështjen në Konferencën e kryetarëve, ku i kam kërkuar minisitres që mban marrëdhëniet me Parlamentin, por dhe kryetarit të grupit socialist : nuk i përgjigjet qeveria detyrimit ligjor, pasi pritëm dy javë, dy javë e dy javë

E kam cituar zoti Ruçi, dil e bëji rrezil ata ministra që nuk kthejnë përgjigje, sesi mund ta bëj këtë, ndoshta me fjalime edhe mundet, por jo nuk e zgjidh problemin. Dhe problem u komplikua më tej . zyra  e kryeministrit shpiku një yçkël  tjetër.

Pasi kërkuam të dhënat e plota i coj letër  Komisionerit për mbrojtjen e të dhënave personale,  a është e drejtë që ne të kërkojmë  vendlindjen dhe vendbanimin.  si komision hetimor ligji na jep tagrin që të operojmë mbi kodin e procedurës penale , pra kemi kompetenca  analoge më ato të prokurorit, hiq kallzimin penal, pra ngritjen e akuzës me gjyq.

Megjithatë kërkojmë padi dhe përgjigja vjen. Përgjigja vjen korrekte mesa kam parë shkresën, patjetër që ka por vetëm duhet të ketë kujdes, në trajtimin e këtyre të dhënave. Një muaj e gjysëm humbëm  dhe na ka dalë bilanci që marrim nga sekretariati teknik që ka ardhur diku tek 70 ndoshta 80 përqind të  të dhënave, ndërkohë që në atë 20 % mund të jenë të gjithë peshqit e mëdhenj të sektorit socialist ish të burgaxhinjve që siç i kishim këtu, i  kemi dhe në administratën publike.

PD ka filluar që nga nëntori i 2013 me emër,  mbiemër dhe vend pune dhe skedë penale dhe denoncojë dhe janë disa dyzina.

U përmend këtu një mësues, një drejtor shkolle në Ballaban i emëruar nga rilindistët që është i dënuar penalisht , modeli që i japin nxënësve, modeli që i japin të rinjve atyre që kanë përgjegjësi e edukimit, është vënë një burgaxhi. Drejtor shkolle është një rast , por raste të tjera ka plot. Por një rast u fitua të paktën  dhe do ky  mjafton që një njeri që kishte ndërgjegje të paktën të thonte cfarë po bëjmë ti kërkonte llogari zonjës ministre të arsimit, që nuk e kemi këtu sot.

Ka raste të tjera pa fund por informacionin ne e duam 100 % që të punojmë mbi këtë pamvarësisht që ne  e kemi filluar mbi atë që na ka ardhur.

Dhe sot në Konferencën e Kryetarëve megjithë argumentet që parashtroi mazhoranca pranoi që ti zgjaste afatin dfhe ne shpresojmë që në afatin e zgjatur të sjellë 100 % informacionin. Dhe çështja e kuoriumit në përvojën time jo si kryetari komisionit hetimor, por si kryetar i një Komisioni të përhershëm të Edukimit dhe Mediave, është një problem, sepse mazhoranca mund të pengojë  në mënyrë abuzive mënyrën sesi funksionon komisionet hetimore.

Kemi rastin e z.  Skuqit. Ai zbuloi që një farë Serezi ativist socialist i Kombinatit, i afërt me ministrin e brendshëm,  ishte emëruar në polici dhe ishte kapur nga policia e Gjirokastrës me kamion me drogë. Shkruajti  fillimisht në facebook, pastaj në gazeta të ndryshme dhe u kërcënua menjëherë. Ne si komision deshëm ta thërrisnim për ti dhënë një fare mbrojtje publike, ne s’kemi tagër për ta ruajtur me policë dhe për ta dëgjuar një rast një gazetar investigativ në Gjirokastër që zbulonm një gjë të tillë, duhet përshëndetur.

E cfarë ndodhi?! Në bazë të rregullores gjashtë deputetë opozitarë në një komision kanë të drejtë të padiskutueshme dhe është automatike të thirren në dëgjesë. Por cfarë bëri mazhoranca?! Mazhoranca  në mënyrë të paturpshme mungoi për të thënë që ju nuk keni kuorum. Ju nuk bëni dot mbledhje. Ne vazhduam ashtu siç ishim, zotëria i tha të gjitha dëshmitë e veta. Cfarë bëri mazhoranca?! i kërkoi sekretares së Përgjithshme ta fshinte rregjistrimin, dhe  kryetarit të Kuvendit ta fshinte rregjistrimin dhe ata  e bënë se nuk donin të linin një provë. Një dëshmi që e obligonte njeriun e tyre të emëruar të kundraligjshëm në polici dhe të kapur me drogë.

Ky pra është keqpërdorimi i mazhorancës dhe ky është problem qene  duhet të rregullojmë. Prandaj duke parë që me vullnet të mirë , gjërat nuk funksionojnë , atëherë proceduam me rregull konkret,.  Cuam amendimin e ligjt në mënyrë që mazhoranca sot, por dhe mazhoranca nesër  por dhe ajo pasnesër të mos ketë në rastin e keqadashjes mekanizmin për të penguar hetimin parlamentar, për të penguar mbledhjen e komisioneve hetimore. Prandaj zonja e zotërinj është për të ardhur keq  që në komisionin përkatës ky amendament është rrëzuar nga mazhoranca psiste-lsiste,  sepse do të ishte në nderin e tyre të paktën për tu larë nga ai zhul që është shfaqur publikisht që ta kishin botuar këtë sepse nuk ndryshonte një gjë të madhe. Jo përsëri nuk e votoi. Nuk jam i sigurt që do të ketë reflektim nga ajo mbledhje deri në votimin e sotëm, por gjithsesi është një mundësi.

Unë ju bëj thirrje; votojeni zonja e zotërinj . Është një amendament jo specific në favor të opozitës së ditës, PD-së,  është një  favor ndaj Kuvendit dhe rolit të tij kushtetues për të kontrolluar ekzekutivin dhe për të kufizuar zullument e mundshme të tij.

Fjalimi në Kuvend i deputetit, Genc Pollo, 7 Prill 2017

Të nderuar deputetë!

Të kërkosh për të ndërprerë lidhjet e krimit të Edi Ramës, është njëlloj si të kërkosh eskimez në shkretëtirë, është njëlloj si të kërkosh rrethin katror, dhe këto nuk ekzistojnë.  Lidhjet e krimit Edi Rama i ka të salduara në të gjithë psikikën e tij.

Çfarë ndodh të dashur qytetarë dhe qytetare? Pse ky parlament, si asnjëherë më parë në historinë e tij ndahet në dy kampe; në kampin anti-krimin dhe në kampin pro – krim. Do të thotë kjo që këto deputetë që janë këtu janë të lidhur me krimin?! Jo absolutisht.

Jo zotëri! Nuk do të thotë kjo. Po do të thotë që Edi Rama ju mban juve si skllevër të lidhur me krimin. Do të thotë që Edi Rama, ju shet dhe blen juve një mijë herë për lidhjet e tij me krimin. Po pse Edi Rama dhe jo ju të tjerët këtu? Se edhe ju keni qenë ministra e kryeministria. Pse kjo? Sepse Edi Rama ndan psikologjinë e krimit të dobishëm. Dhe në qoftë se je i mbërthyer nga psikologjia e krimit të dobishëm, nuk del dot kurrë nga spiralja e tij. Kurrë. Nuk ka lidhje më të tmerrshme të njeriut sesa lidhjet e krimit. Edi Rama është mëkuar me lidhjet e krimit të dobishëm. Në diktaturë, xhelatët ishin njerëzit më të mbrojtur, ishin njerëzit më të pacenuar, ishin njerëzit që kishin të gjitha dyert e hapura, njerëz për të cilët nuk flitej. Shkalla e respektit për ta ishte maksimale. Pse? Sepse ata vrisnin, torturonin, burgosnin për hir të pushtetit, që etërit të mbanin pushtetin. Edi Ramës do t’i thoshte një laçian, – nuk ke turp more që bazohesh tek Armando Prenga ti? “Po vetëm me të e marr Laçin”,- iu përgjigj ai. Kjo është përgjigja që i dha. A e dini ju këtu që i ka çuar Saje qorrin pardje në lokal. Absolutisht po. Ka bërë dy takime. Ka qenë edhe drejtori i policisë në takim. Doni edhe emrin e lokalit? Jua jap edhe emrin po të doni. Por nuk dua të bëj simbol të së keqes atë lokal. Kjo është arsyeja.  E vërteta është kjo.

A e dini ju se tani ka udhëtimin në Shtetet e Bashkuara. A e dini ju se para tij shkon Shullazi atje. Shkon Shullazi me të gjitha veprat. Ai nuk shkon fizikisht, por shkojnë të gjitha krimet e tij në dosje.  A e dini ju se ai bllokon reformën për drejtësi, se nuk e do.  Pse nuk e do reformën? Çfarë i tha Viktor Ponta, miku i tij: “nëse e bën reformën le kokën pastaj, e pëson si unë”. Takimi është i çertifikuar.

Çfarë po ndodh sot. Janë zhvilluar negociata në mënyrë që të votonim sot dërgimin në Gjykatën Kushtetuese të kërkesës për shqyrtimin e mandateve të dy deputetëve tuaj, dhe nesër, Komisioni i Reformës së Drejtësisë do të mblidhej të vazhdonte punën. Ju rrini në tren nuk zbrisni nga vagoni,  ju jeni pasagjerë të vagonit. Po pse?  Jeni 64 deputetë, por ama disa prej jush jeni shumë, shumë problematik.  Çfarë mbroni ju të tjerët në vagon? Ju mbroni Koçon, sepse nëse shkojnë këto njëra pas tjetrës, Gjykata Kushtetuese detyrohet të vendosë edhe për Koçon, ndaj dhe kjo që bëni është e vetmja shpresë për të shpëtuar burrin me të cilin do të pleqërojë Edi Rama. Nuk besoj se keni dëgjuar një burrë të thotë se do të pleqëroj me një burrë, njeriu pleqëron me bashkëshorten e vet ndërsa ky (Rama) pleqëron me Koçon. Le të bëjë ç’të dojë, por portalet të mos i mbyllë, sepse shkon e mbyll portalet, ju mbyll facebook-un të tjerëve.

Ju mban në vagon që të shpëtojë Koçon se i duhet për pleqëri. Po çfarë pleqërie!? I duhet për të ndarë pronat në brigje, që po jua vjedhin dhe po i rrjepin edhe kushërinjve të vet, të cilët i kanë fituar me gjykatë, siç po i bëjnë Nesturit e të tjerëve. Ky njeri nuk ka parime, ky ka xhepin, ka vjedhjen.

A keni dëgjuar ju të nderuar deputetë, po ju pyes këtu, se 930 metra rrugë në fshatin Lin të Pogradecit, pasi 3 vjet më parë rruga nga cepi i Linit deri në Buqezë u asfaltua dhe po vazhdonte drejt Pogradecit. Kjo rrugë e tenderuar  në mos gaboj ishte 21 milion dollarë, rindërtim. Sa kushtojnë 900 metra e  Edi Ramës? Kushtojnë gati 9.9 milion dollarë. Po ka imagjinatë njerëzore, a ka njeri që mund të veprojë në këtë mënyrë në pasurinë e qytetarëve, a ka banditizëm shtetëror më të madh se ky? Të derdhësh në një fshat të respektuar sa më nuk bëhet, 9.9 milion dollarë për 900 metra rrugë.

E kam ndjekur këto kohë debatin e tij me Blushin. Absolutisht unë i kam shprehur të gjitha konsideratat për këtë punë. Ndiqeni. Ky njëri që ka psikologjinë e krimit të dobishëm. Ky çdo gjë që nuk është e dobishme për të e urren.  Unë nuk besoj kurrë në demagogjinë e Blushit për të varfërit,  por një gjë ka sjellë ajo demagogji, ka demaskuar përçmimin e Edi Ramës për të varfërit. Vini re se me çfarë përçmimi flet për të varfërit e këtij vendi, sikur flet për djajtë e këtij vendi, vetëm e vetëm se Blushi  i përdor ata në retorikën e tij boshe, por i hoqi maskën, i nxori prapë psikologjinë e të atit. Etërit që jetonin  në parajsën e Bllokut urreni të varfërit e kësaj toke, i përçmonin dhe bënin çdo gjë t’i varfëronin edhe më shumë.

Dëgjojeni gjuhën që përdor Edi Rama për të varfrit, sikur flet për alienë, sikur flet për njerëzit, kundërshtarët e tij të flaktë, në vend që të ngrihet çdo mëngjes duke menduar për ta, dhe çdo kryeministër do të jetë i detyruar që ta nisë ditën e  tij të punës duke menduar për të varfrit.  Po nuk mund të mendosh për të varfrit kur ndërton një rrugë 900 metra, po nuk mendon për të varfërit  kur emëron një birbo drejtor të Ujësjellësit të Pogradecit, i cili i cakton vetes rrogën 2.5 milion lekë, i cili i jep vetes të drejtën e telefonit celularë pa limit, i cili vë ne kontratë që nëse ikën nga puna, sipërmarrja do ti paguajë 50 milion lekë. A dëgjoni ju o socialiste, se të vjen të thuash “socialist = hajdut”, por këtë nuk mund ta thuash, sepse nuk është e vërtetë.

Po pse të mos e bëjë ky person drejtori i ujësjellësit, kur kryetari i partisë së tij kontrakton 930 metra rrugë për mbi  9.5 milion dollarë. Kush ka qenë në Lin e di që ky është një krim i shëmtuar.  Standardi që ju po vendosni janë standardet e fundosjes së këtij vendi. Disa të dhëna të agjensisë suaj të prokurimeve.

E dini ku keni arritur ju tani. A e dini sa e kani fondin limit ata hajdutët tuaj me fondet e prokurimit? 98% e kanë. Fondi i prokurimit është 98% i fondit limit, e paimagjinueshme. Pse është kështu?   Po marrim Divjakën, ku qeveris sipas informacioneve të shumt, të paverifikuara natyrisht, një trafikant prostitucioni, njëfarë Fredi  Kokoneshi. Zotëri,  ligji i dekriminalizimit do të tregojë është apo jo.  Po ja çfarë bën Fredi, sesi e fut në xhep milionin e dollarëve. Kemi një tender, i cili është tender i hapur për asfaltimin e rrugës Mërtish-Tre Ura, merr pjesë Alba Construction, më kanë thënë, por nuk e di sa është e vërtet është, që është kompani e të vëllait të bashkisë së Vlorës. Ndoshta nuk është e vërtetë. Dhe ky “Alba Construction”, që më thonë  se është një kompani serioze, ka ofruar për të fituar tenderin 212 milion lekë. Tenderi i jepet kompanisë tjetër “Salillari”, me 317 milion lekë, me 1 milion dollarë më shumë.  ! milion, po kjo është “kafe”.

Janë një seri tenderash. Ju nuk keni ndërtuar një kilometër rrugë në tre vjet. A e dini pse nuk ndërtoni. Se ju merrni gjobën 30%  dhe po jua morët gjobën ndërtuesve 30% harrojeni se do të shtrojnë 30 metra rrugë, as që ju pyesin fare. Shkoni e merrni tenderat, tregojuni shqiptarëve një kilometër rrugë të përfunduar. Keni ngelur çdo gjë tek unë, madje  edhe ato nuk i përfundoni dot. Rruga Lushnje-Berat, është më e thjeshta në Shqipëri për tu ndërtuar, absolutisht 4 muaj punë, nuk ka pasur asnjë ditë më shumë, nuk ndërtohet. Pse? Sepse jep para dhe merr ryshfetin dhe atëherë kompanitë tallen me ju. Pse nuk ndërtojnë? Ku janë? A e dini sa keni tenderuar ju? Të tenderuar,  të krahasuar me vitin 2013, keni 30 miliard më shumë. Ku janë? Në xhepa.  Janë shndërruar në rrugë, në shkolla, në kopshte, qendra shëndetësore? Në  çfarë janë shndërruar? Janë shndërruar në zyra, në dyshekë,  në kolltuqe, janë shndërruar në banjo, në vjedhje e mbushje valixhesh. Ja ku janë tabelat. Ndaj ju nuk doni as reformën në drejtësi. Ndaj ju ndiqni këshillën e Pontas.  Nuk e doni, dhe gjeni çdo rast për ta shtyrë në kalendar grek, prandaj ju sot rrini edhe një javë në vagon të ngujuar vetëm për të shtyrë reformën. A e kuptoni juve këtë.

Po kështu në Sarandë. Oferta e “Salillarit”, që është kompani serioze, 30% më e lirë rrëzohet. Kush fiton? Koçoja bis. Në Breg është  një kompani që quhet “Gjikuria”. E dini çfarë është Gjikuria. Sa herë vijmë ne në pushtet “Gjikuria” shpallet armik i Koços, sa dalim ne nga pushteti, vini ju dhe “Gjikuria” thotë unë jam Koçoja vetë dhe mos guxoni dhe në të vërtetë është Koçoja, mos guxoni me marrë pjesë në tendera dhe një nga kompanitë e mëdha të Shqipërisë është “Salillari” dhe rrëzohet me 30% të ofertës më të lirë, sepse kryetarja zbaton porosinë e Koços, do të mbushë xhepat e Koços.

Këto ditë ka shpërthyer një debat i madh. Debati i markimit. Që ta dini mirë. Çfarë ka ndodhur? Ne firmosëm një kontratë me një kompani kanadeze me reputacion botëror në fushën e markimit, e shënjimit dhe shënjues të vet origjinalë, patentë të saj.

Ne firmosëm, në mënyrë të veçantë që të markohej e gjithë nafta që hynte dhe prodhohej  në Shqipëri. 4 milionë litra naftë pusi u hodhën në benzinatat e vendit, i kapët ju. Fillimisht i thatë jo kompanisë. Mafia e naftës e çoi në Gjykatë Kushtetuese. Gjykata Kushtetuese e gjeti në të gjitha aspektet kushtetuese dhe ligjore kontratën. A e dini se në shtator 2015 ai zotëria që do të pleqërojë me Koçon ka miratuar kalimin e aksioneve nga kompania markuese profesioniste Global Fluid Internacional tek kompania tjetër të 99,5% të aksioneve. Çakejtë e qeverisë që bërtasin poshtë e përpjetë, sesi ka ikur ajo dhe ku u dhanë aksionet, ju i dhatë aksionet. Më thonë se kjo është shkelje kontrate. Se nuk mund të ikte. Pse iku? Sepse jua ngrohu xhepin juve ai.

Pra, a i keni parë mediat tuaja se si bërtasin nga mëngjesi deri në darkë? A e dini ju që ju pranuat largimin e kompanisë Global Fluid International, markuesin dhe prodhuesin e shënjuesit të naftës? Ju mendoni që me media do ti kapërceni këto? Edhe një herë ju them, se ky operacion është kryer pasi Gjykata Kushtetuese ka vendosur, dhe në Gjykatën Kushtetuese vendimi është marrë kur GFI është 75% aksionar ndërsa kompania tjetër është 25%, po ja që kreu juaj i çmendur për para e ndryshoi situatën, u ble dhe lejoi operacionin. Pastaj merr përdor këllira e stërkëllira për të shpifur të cilët nuk e mbrojnë dot aspak.

Si përfundim, dekusarizimi i këtij Parlamenti është jetik dhe vendimtar për të ardhmen e Shqipërisë. Dekusarizimi i Parlamentit nënkupton zbatimin e ligjeve të vendit, plotësimin e ligjeve të tyre, ndaj dhe unë dhe njëherë kërkoj mbështetjen tuaj, të miratojmë ligjin “anti Olsi”. Ligji “anti Olsi” është ligji që do të ndalojë kusarët që të vjedhin pasuritë publike siç po ndodh. Ju lutem dëgjoni një statistikë shumë interesante.

Do ju jap disa të dhëna për tenderat e kompanisë të famozit Gjici: periudha shtator 2013 – dhjetor 2013 Gjici ka fituar 4 kontrata. Periudha janar 2014 – dhjetor 2014 Gjici fluturon, ka fituar 40 kontrata. Nuk do të thotë të jesh socialiste që të jesh hajdut , por kjo është faqja e zezë e socialistëve.

Vjen periudha janar 2015 – dhjetor 2015, Gjici ka firmosur 58 kontrata. Si i ka firmosur? Duke jua hequr të gjithë të tjerëve. Ky mafioz, nën rojet e të cilit vidhet banka ditën për diell, fiton nga ju, nga 6 kontrata në 2013, kur për hir të së vërtetës ishte pranë nesh sepse bënte fushatë për ne, ky tani kalon nga 6 kontrata në 58 kontrata. Po pse? Sepse paguan Edi Ramën. A ka neveri më të madhe sesa kjo.

Pjerin Ndreu, në shtator-dhjetor 2013 ka 4 kontrata. Janar 2014 – dhjetor 2014 ka 11 kontrata. Janar 2014 – dhjetor 2016 ka 16 kontrata.

Tani shohim pak Sadri Abazin, ka një emër tjetër ky aty, Sadriu është “qelibar”, sakën se fut një qindarkë nga para publike  në xhep, edhe po ti ngjitet i heq rrugës. Në periudhën shtator 2013 – dhjetor 2013 nuk ka fituar ndonjë kontratë, ne periudhën janar 2014 – dhjetor 2014 ka fituar 11 kontrata. Në  periudhën janar 2015 – dhjetor 2015 ka fituar 16 kontrata. Çfarë doni më. A doni ta heqim është atë ligjin për konfliktin e interesit se jemi bërë njerëzit më qesharak jo të Shqipërisë, por te planetit. Para syve tanë ndodhin të gjitha këto.  Para syve tanë dhjetëfishohen e njëzetfishohen kontratat e këtyre hajdutëve.  Ose të plotësojmë ligjin, ose të heqim ligjin e konfliktit të interesit. Unë them ta plotësojmë. Njeriu duhet të udhëhiqet nga besimit tek e mira dhe duhet të përiqet që çfarë është e mundur, dhe duke parë këtë batërdi, këtë njëri që nga 6 kontrata kalon ne 58 kontrata, këtë supërmafioz që vepron si lubi i papërmbajtur.  Të vazhdojmë prap kështu? Nuk ka gjë më të turpshme.  Vetëm parlament nuk meriton të jetë ky. Ky është një çerdhe kusarësh që përdor mandatin për të vjedhur njerëzit më të varfër të Europës.

Fjala e Mbajtur jashtë Sallës së Palramentit:

Beteja me kusarët është një betejë për jetë a vdekje. Këtu në parlament unë solla dokumenta që dëshmojnë vjedhjet më flagrante dhe më të paimagjinueshme me firmat dhe vulat e tyre. Këta hidhen përpjetë dhe mendojnë se me gjuhë rrugeçërish, me gjuhë ordinerësh do mund të mbulojnë vjedhjet e tyre. Siç e dëgjuat unë solla dokumenta zyrtare, të cilat faktojnë se Safet Gjici nga 6 tendera që fitoi në vitin 2013 ka arritur të fitojë vitin e kaluar 58 tendera. Solla dokumenta të pakundërshtueshme, në të cilat Sadri Abazi nga asnjë tender në 2013 fiton 16 tendera në vitin 2015. Solla dokumenta të pakundërshtueshme, zyrtare, të cilat faktojnë se Pjerin Ndreu nga 4 tendera në 2013 fiton 16 tendera në 2015. Solla dokumenta origjinale, në të cilat Kokoneshi, kryetari i Bashkisë Divjakë, shpallë fitues, dhe të dhënat janë se bashkë me deputetin ka ndarë 1 milionë dollarë, kompaninë me një tender 337 milionë lekë fond limit, përjashton kompanitë që japin 220 mln për tenderin dhe tenderin e fiton kompanina me 317 mln lekë, pra rreth 1 mln e ca dollarë më shumë, pasi thuhet gjerësisht se Kokoneshi bashkë me kokoneshin tjetër këtu në parlament, i cili përdor një gjuhë ordineri, kanë futur në xhepa 1 mln dollarë. Solla dhe shëmbuj të tjerë që e kanë dhënë edhe mediat, kur një rrugë e Edi Ramës, prej 930 metra, në fshatin Lin, shpenzohen për ndërtimin e saj 9.9 mln dollarë në një kohë kur e gjithë rruga nga Lini në Pogradec është prokuruar me 21 mln dollarë. Pra, solla fakte të tjera. Kur drejtori socialist i ujësjellësit të Pogradecit, i cakton vetes rrogën 2.5 milionë lekë, në kundërshtim të të gjitha ligjeve, përdorim telefoni pa limit dhe një klauzolë që nëse ikën nga puna ka të drejtë të shpërblehet me 50 mln lekë. Pra siç e shifni kusaria shtetërore e kësaj mazhorance është e pakufishme por vendosmëria jonë për të luftuar, është absolute.

A ju duket normale që një deputeti ti cënohet siguria? Ju e patë vrapin që bëri zoti Keta drejt foltores

Cila siguri? Nuk kërcënoi njëri zoti Keta. Aty deputetët janë të mbrojtur. Normale nuk është që ai që akuzohet për këtë, para zgjedhësve të tij dhe para shqiptarëve t’u thotë se si ka mundësi kjo, kjo është më normale, edhe për ju është më normale kjo. Këtu janë 120 milionë lekë diferenca midis kompanisë që ka dhënë çmimin më të mirë dhe kësaj që ka dhënë çmimin më të shtrenjtë. Këtu normale është që ai të dali dhe t’u thotë shqiptarëve se si ka mundësi, ku shkoi 1 milionë e 200 mijë dollarë të tyre. Kush i vodhi, kush i mori. Kjo është gjëja më normale. Normale janë që këta kusarë s’duhet të kenë vend në parlament, normale janë që paratë e shqiptarëve s’duhet të vidhen në këtë mënyrë, normale janë që veprimet e Kokoneshit, të cilin e kam denoncuar së bashku me këtë deputet që përdor gjuhë rrugaçi. A e dini ju që Laguna paguante taksa 400 mln lekë në vit, në mos 600, s’paguajn asnjë qindarkë se të gjitha i paguajn Kokoneshit dhe Braçeve të tjerë. Këto janë gjerat normale të cilat duhet të zgjidhen. Pastaj natyrisht që gjëra të tilla të revoltojnë vërtet. Se duke lëxuar këto mendoja se çfarë dua unë në këtë parlament, c’farë duhet të bëjë njëriu në këtë parlament, dhe këto ishin vetëm disa, ato që më kapi dora, por janë dosje të tëra me këto.

Do ti çoni në prokurori këto informacione?

I ka prokuroria këto.

Për kë nga deputetët do të mblidhet byroja sot?

Nuk kam dijeni.

Zonja Leskaj dhe zoti Suli shprehën vullnetin për t’iu drejtuar kushtetueses, a do ti rikthehet opozita tryezës së dialogut të reformës në drejtësi?

Problemi është a do dalin nga vagoni këta deputetë apo jo. Ti bën një pyetje me shumë të drejtë dhe kërkon që shikuesit ët marrin transparencë të plotë. Ju e patë, zoti Suli dhe zonja Leskaj e bënë punën e tyre, deklaruan që ta kërkojnë të shkojnë në kushtetuese sespe nuk duan të personalizojnë dhe të bëhen si bllokatorë të reformës në drejtësi. S’duan ata por do Edi Rama, në vagon do rrini u tha socialistëve dhe sado që shoferi i lokomotivës u largua, ata rrinë aty. Sa kohë do rrinë? S’varet nga unë kjo. Ne natyrisht besojmë që reforma është e domosdoshme dhe do bëhet. Këto janë përpëlitje për ta penguar. E kishin në dorë ta bënin që sot, s’kishte asnjë vështirësi që ti votonin që sot, mund ta shtynin madje seancën në mënyrë që nesër të uleshin për reformën, fituan një javë kohë por ajo do bëhet.

Zoti Berisha, a ka ndikim në qëndrimin e PD me parlamentin?

Jo, qëndrimi i PD, çfarëdo që të bëjnë ata, këto dokumenta, të paktën në atë platformë do shkojnë pa asnjë lloj hezitimi. Por atyre as u nxihet as u skuqet fytyra prej tyre por ne shqiptarëve do t’jua themi se janë avoketër të krimit. Eshtë po ky eksponent që ka një gjuhë prej rrugaçi, që kur denoncoja avionët thoshte se aty nuk ka rrugë, pra maskonte dhe mohonte pistën e avionëve të drogës sepse është i pudrosur. Eshtë po ky, që me Kokoneshin, pasi i dështoi flota ajrore u kthye tek Laguna dhe vjedhin paratë e Lagunës, kur ky që i shet tenderin për hesap të xhepit të vet me Kokoneshin për 1 mln e 200 mijë dollarë më shtrenjtë.

Zoti Berisha ju thatë që zoti Braçe përdori një fjalor fyes por dhe ju u përgjigjët në të njëjtën mënyrë?

Deputeti që thoni ju, që u akuzua direkt nga unë për një seri tenderash të bashkisë së Divjakës, njëri prej të cilëve ëshët ky që thotë: Fondi limit për sistemim dhe asfaltim të rrugës Mërtish – Tre Ura 337 milionë. E fiton kompania Salillari me 317 milionë dhe përjashtohet pa asnjë motiv kompania “Alba kosntruksion” me ofertën 212 mln. Nëse këta në 3.3 milionë dollarë vjedhin 1.2 milionë, atëherë fatuar ka shkuar në 40%. Ndaj deh ai duhet të dilte të fliste për këtë akuzë, pasi unë e thashë që nuk është vetëm Kokoneshi por është edhe deputeti i Kokonëshit, dhe deputeti është ky (Braçe).

Ju thatë se flisni me fakte, pse nuk treguat edhe dokumentat që implikojnë deputetin?

Fakt më të madh se ky nuk ka. Po të isha deputet i asaj zone unë, nuk do bëja atë që bëri ky, por e denoncoja aty dhe zotohesha para zgjedhësve të mi se Kokoneshin do ta coj në Prokurori. Po nuk i thotë dot këto asnjë prej tyre sepse kanë mbushur xhepat me para. Po të isha deputet i asaj zone nuk do thoja që s’ka pistë avioni apo që fshati nuk ka rrugë ndërkohë që rrugën e kisha shtruar unë, dhe që është e shkëlqyer, jo për aviona droge por për fshatarët, nuk do thoaj për Lagunën që paguan taksa në një kohë që nuk paguan asnjë qindarkë. Kur përdor mandatin për këto avokatira do të thotë që je në tavë.

Panama Papers ka pushtuar opinionin….

Siç e dëgjove unë bëra një sqarim që besoj se duhet ta kishit kapur. Në mars të 2013, me një kompani kanadeze prestigjioze, të njohur për teknikën e markimit dhe shënjuesin sepse e ka patentë të vetën, firmosëm një kontratë e cila parashikonte markimine  të gjithë naftës që prodhohej dhe shitej në Shqipëri. Sepse kishim konstatuar që kriminelët merrnin naftën nga pusi dhe vinin e ja u shisnin qytetarëve në benzinate. Krim më të shumtuar se ky nuk ka. Sasia e squfurit në këtë naftë, në tërësi është shumë e lartë kurse në naftën shqiptare është stratosferike. Sa erdhën këta, thanë do e përjashtojmë naftën që nxirret. Kush do e përjashtojë? Koçoja, sepse donte t’u shiste shqiptarëve naftën bruto të puseve për naftë të rafinuar. Cfarë ndodhi? Kontrollet kapën 4 milionë litra naftë, të cilat janë sasi kolosale squfuri në ajër, janë sasi kanceri për njerëzit. E çuan në Gj Kushtetuese e cila e shqyrtoi këtë kontratë dhe e gjeti kushtetuese dhe ligjore në çdo aspekt. Në 2015 ndodhi që Edvin Rama, kundrejt xhepit, pranon që GFI të largohet në shtator dhe të vijë Global Edvin International, absolutisht në shkelje të kontratës dhe në mënyrë kategroike nuk bëhej pa një rryshfet shumë të madh. Global kishte kompani linje, dhe kompania e linjës në kundërshtim me kontratën u la të ikte. Pse u la të ikte? Ajo gjeti e shiti, kryeministri mori paratë, sepse pa para nuk bëhet kurrë ajo. Unë e kam mësuar këtë vetëm mbrëmë vonë, gjë e pabesueshme, se kur ma thanë një herë e verifikova nja tre herë. Dhe për të maskuar këtë operacion mega korruptiv kanë lrijuar një kompani me emër të ngjashëm, mbrapa të cilit është Olsi, Ahmetaj, cili të doni mund të jetë, mund të jetë Rama, kryesisht ai.

Siç më thonë specialistët të cilëve unë ju besoj, është bërë në kundërshtim me kontratën. Besoj se kjo flet vetë.

Panama Papers është një procedurë absolutisht ligjore. Cdo kompani ka të drejtë të shkojë të regjistrohet atje me dy kushte; të mos bëjë evazion fiskaldhe të mos bëjë transferim të çmimit, nëse do të operojë që andej mund ta bëj.  Një gjë është e sigurtë, që GFI, kanadezja, u bllokua dhe nuk ka patur aktivitet kështu që nuk besoj që të  ketë arritur të transferojë kapitale nga Shqipëria në Panama për operacione. Në shtator të 2015 ajo paska ikur, këta e kanë përzënë atë. A e dini që dy javë më parë Arben Ahmetaj ka urdhëruar që të shenjohet dhe nafta e nxjerrë e puseve. A mund ta pyesni pak se pse e bllokoi tre vjet dhe e bën tani? Ja ai që tha se ka emra, ka emrin e vet me të Edi Ramës.

Qeveria po ben një ligj që të deklarohen të gjithë aksionerët përsa i përket offshoreve. Jeni dakort?

Plotësisht dakort, çdo ligj dhe vendim që i shërben transparencës ka mbështetjen tonë. Por problemi është ky; Panama offshore është Surreli, Panama offshore është një pallat aty afër shpisë sime, Panama offshore është Beqja, Panama offshore është Kokëdhima, këta kanë parajsën këtu s’kanë nevojë të shkojnë atje.

Ata thonë se është edhe djali juaj..

Të shkojnë e të japin një fakt të vetëm, i kanë të gjitha pushtetet, të githa institucionet. Ata mbrohen me mashtrime por mashtrimet nuk i shpëtojnë.

Fjalimi ne Kuvend i ish kryeministrit Sali Berisha, 7 Prill 2016

Sipas informacioneve që kemi ne që ju i thatë sipas mënyrës suaj, më në fund  mazhoranca ka vendosur të tërhiqet nga shkelja e Kushtetutës dhe të zbatojë vendimet e Gjykatës Kushtetuese. Sigurisht, është ajo që ne kërkojmë prej kohësh dhe e mirëpresim një akt të tillë pavarësisht se ky parlament edhe në këtë moment derisa të bëhet votimi i këtyre akteve, vazhdon të jetë në krim kushtetues.

Për këtë arsye, unë ju kërkoj meqë kemi më në fund edhe mirëkuptimin e mazhorancës të mos e vazhdojmë këtë krim kushtetues, ta votojmë sot, të futet në rend të ditës, të futet në rend të ditës dhe të votohen sot të dy kërkesat dhe të dërgohen siç thatë ju në Gjykatën Kushtetuese, pra sot, përderisa më në fund mazhdoranca vendosi të heqë dorë nga krimi kushtetues, kjo është kërkesa ime proceduriale.

Fjala në Kuvend e kryetarit të grupit parlamentar, Edi Paloka, 7 Prill 2016

Cështja e mandateve të deputetëve të cilët akuzohen nga opozita se kanë abuzuar me fondet publike nuk është e re. Ne e kemi diskutuar kërkesën tonë në komisionin e mandateve dhe në këtë komision mazhoranca në mënyrë unanime rrëzoi kërkesën e opozitës për ta çuar mandatin në Gjykatën kushtetuese. Erdhi në parlament u mblodhëm, mazhoranca e gjitha rrefuzoi dhge rrëzoi kërkesën e PD. Doli vendimi i Gjykatës Kushtetuese për rastin e deputetit Kokëdhima të cilin po ashtu  ju e kishit refuzuar kohë më parë dhe po në atë vendim Gjykata Kushtetuese shtronte pyetjen çfarë ndodh, jo vetëm për rastin Kokëdhima, por çfarë ndodh në rastet kur deputeti akuzohet që ka fituar fonde publike dhe mazhoranca e kryeministri ia fsheh. Si përgjigje të kësaj pyetje, Gjykata Kushtetuese thotë: Në të gjitha rastet, për të gjithë deputetët, majtas-djathtas kudo qofshin, për të gjithë deputetët ka vetëm një gjykatë, ka vetëm një organ të drejtën ekskluzive për ta shqyrtuar, dhe kjo është Gjykata Kushtetuese.

Tani, ju keni marrë dy vendime në thyerje të rëndë të Kushtetutës dhe nuk ua kemi thënë ne këtë. Ua ka thënë Gjykata Kushtetuese. Kishit marrë tre, për Koço Kokëdhimën për Valentina Leskaj dhe për Rakip Sulin. Keni marrë tre vendime antikushtetuese. Për njërin e korigjuat, ndryshuat vendimin dhe e çuat kërkesën në Gjykatën Kushtetuese. Të njëjtën procedurë duhej të kishte ndjekur parlamenti edhe për dy rastet e tjera. A e kemi ngritur ne kur shqyrtuam rastin  Koëdhima në komisionin e mandateve që prit se kemi dhe mandatet e tjera dhe ju nuk e bëtë, e rrëzuat? Eshtë kështu apo jo? E pra, keni shkelur Kushtetutën. Keni shkelur Kushtetutën dhe mos vini këtu tani të bëni viktimën. Pse bëni viktimën, pse e bëni zotërinj deputetë. Viktima nuk jeni ju më falni, por viktimë këtu janë qytetarët se qytetarët pretendojnë se u është grabitur prona. Paratë e qytetarëve janë ato. Pse bëni viktimën tani këtu sikur po bëhet ndonjë ndëshkim. Jo jo, nuk po ndëshkohet njeri. Ne pretendojme se ju keni shkelur Kushtetutën duke përfituar një koncesion apo duke marrë para publike të qytetarëve, jo tonat, por të qytetarëve. Dhe këtu, viktimat janë qytetarët dhe jo deputetët. Dhe këtu ka vetëm një rrugë, ju zgjateni sa të doni, zvarriteni, por ka një gjë që nuk e shpëtoni dot.  Çështja e ekzekutimit një më një, gërmë për gërmë, të vendimit të Gjykatës Kushtetuese dhe të Kushtetutës. Dhe nuk ka absolutisht asnjë arsye as për ta çuar nesër as pasnesër, as të hënën dhe as të mërkurën, sepse kjo çështje është shumë e qartë, është shumë e qartë për 140 deputetë këtu, është shumë e qartë për të gjithë qytetarët se çdo deputet që dyshohet se ka përfituar fonde publike gjatë kohës që ka veshur kostumin e deputetit në emër të tij apo familjarëve, ai duhet të shkojë për gjykim në Gjykatën Kushtetuese. Ne nuk jemi gjykatë, ne nuk e ndajmë dot nëse e kanë shkelur apo nuk e kanë shkelur ligjin, nëse e kanë bërë në përputhje apo jo këtë gjë. I vetmi organ që e ka të drejtën ekskluzive është Gjykata Kushtetuese. Keni marrë tre vendime antikushetuese, njërin e korigjuat korigjoni edhe dy vendimet e tjera në mënyrë që të ecime dhe me proceset e tjera përfshirë edhe komisionin për reformën në drejtësi,  për të cilin kemi kaq kohë që presim të ekzekutoni vendimin e Gjykatës Kushtetuese.

Fjala në Kuvend e deputetit, Eduard Halimi, 7 Prill 2016

Dy ditë më parë u zbulua skandali i drejtorit të Spitalit të Gjirokastrës, i cili planifikoi largimin e punonjësve përmes shortit me letër me vrimë. Mbarë publiku është tronditur nga ky standard i qeverisjes. Sekretari për Aksionin Qytetar në PD, Ervin Salianji dhe kreu i degës së Gjirokastrës, Roland Bejko u takuan me mjekët dhe personelin shëndetësor atje. Përfaqësuesit e PD denoncuan këtë abuzim para medias dhe u shprehën se përgjegjësit do të japin llogari para ligjit.

“Publiku në Gjirokastër dhe në mbarë vendin është njohur përmes mediave me një skandal që ka ndodhur në spitalin e Gjirokastrës ku drejtori i këtij instritucioni kërkoi të largojë disa punonjës nga puna duke i hedhur në short, me letër me vrimë. Ende nuk është dhënë largimi i këtyre punonjësve ndaj dhe sot ne kemi dalë për të ngritur zërin në dobi të punonjësve, në dobi të meritokracisë dhe për të dënuar këtë turp të madh që ndodh në institucionet shtetërore. Eshtë e pafalshme që sot kur shteti shqiptar i ka rregulluar marrëdhëniet mes pudhëdhënësit dhe punëmarrësit përmes ligjit, të zbatohen këto metoda primitive të cilat nuk i shkojnë as Gjirokastrës, dhe as këtij institucioni që është drejtuar nga personalitete si doktor Laboviti. Ne sot jemi këtu për të protestuar edhe për qytetarët që marrin shërbime në këto ambjente të papërshtatshme. Ketu kemi një foto e kryer në ambjentet e brendshme të banjos ku shikohet gjendja. Po protestojmë që kjo qeveri të reagojë që qytetarët shqiptarë të marrin shërbimet, për ata që blejnë ilaçe, për ata që vijnë në urgjencë por shohin se nuk ka kirurgë por vetëm një reaminator dhe dy kirurgë për të gjitha operacionet. Jemi sot këtu edhe për të gjitha ata qytetarë që u gënjyen nga kjo qeveri duke u thënë që shëndetësia do jetë falas por që realisht, që nga ilaçet dhe shërbimet i blejnë me paratë e tyre. Jemi sot këtu edhe për abuzimet që bëhen në këtë institucion dhe kërkojmë largimin e drejtorit si të paaftë”, tha Bejko.

“Kjo është gjendja, dhe për këtë llogaria i kërkohet qeverisë dhe qeveria duhet të mbajë përgjegjësinë e saj jo vetëm me votë përpara qytetarëve në momentin që vijnë zgjedhjet por duhet të mbajë përgjegjësinë e saj para ligjit dhe ti drejtojë institucionet ashtu siç parashikon Kushtetuta dhe ligji. Këtu jemi në rastin e plazmimit të modelit të Ramës, ku Rama është ligji në kryeministri, ku Beqja është ligji në ministri dhe ku drejtori këtu pretendon se është ligji duke hedhur letër me vrimë se kush duhet dhe kush nuk duhet të qëndrojë, tallet me një profesion që duhet të trajtojë jetët e qytetarëve. Ketu jemi në rastin ku jeta e qytetarëve, si koncept, po tenderohet. Përderisa e bën ministri Beqja me 300 milionë euro, ka fytyrë ta bëjë edhe ky zotëria këtu që nuk po merr ndërshkimin e merituar, që nuk po e merr sot, por ta harrojë çdo drejtues institucioni që shkel ligjin të PS apo të LSi, do të mbajnë nesër përgjegjësi para ligjit në momentin që PD do të vijë në pushtet. Së dyti, ju e shihni që shtet për qytetar nuk ka. Shteti dhe qeveria janë për tu shërbyer qytetarëve. Ketu jemi në rastin që kemi 4 shtete. Një shtet e ka Rama, një shtet e ka Meta me Tavon këtu, një shtet e kanë banditët e tyre dhe një shtet tjetër e kanë oligarkët. A jemi në kushtet që të themi që është qeveria e shërbimit, që duhet të zbatojë ligjin dhe që duhet të kujdesët për jetën e qytetarëve. Eshtë rol primar. Nga shëndetësi falas kemi ardhur në letra me vrimë për të jetuar ose jo. Jemi në situatën traumatike dhe nëse nuk merren masa nga ana e ministrisë për të shkarkuar drejtorin këtu dhe kudo që ka shkelje, PD do ti përshkallëzojë protestat dhe do të thërrasë qytetarët për të marrë në dorë si sovranë që janë fatet e veta”, tha Salianji.

Njoftim per shtyp i Partise Demokratike, 7 Prill 2016