Blog

Deputetja Deda pranë pacientëve dhe familjarëve që vuajnë mungesën e kushteve dhe të ilaçeve 

Në Spitalin e Kurbinit që mbulon rreth 90 mijë banorë, pacientët dhe të afëmit blejnë çdo ilaç për sëmundjet nga të cilat vuajnë. Medikamentet që mungojnë përfshijnë antibiotikë, fiziologjikë, ringer dhe shumë të tjerë, që banorët detyrohen t’i blejnë në farmaci.

Për të parë nga pranë rrënimin e sistemit, deputetja Albina Deda dhe përfaqësues të Departamentit të Shëndetësisë së degës, zhvilluan një vizitë ku familjarët theksuan se çdo ilac detyrohen ta blejnë dhe asgjë nuk jepet falas.

Deputetja Deda tha se dhe edhe në këtë spital u përball me një gjendje të mjerueshme sikurse në të gjithë Veriun. Në dhomat e mjekut, dhomat e pacientëve dhe në kushtet e shërbimit spitalor mbizotëron abuzimi dhe skandali. Kushtet e higjienës janë inekzistente ndërkohë që ministri Beqaj kryen koncesione qindra milionë euroshe për sterilizim dhe ndërrime të çarçafeve, këtu, fëmijë e të rritur rrezikojnë të marrin edhe infeksione të rënda. Problem është ngrohja,  mungesa e filmave të grafive dhe mungesa e specialisteve në shërbimet e ORL dhe dermatologjisë.

Shëndetesia falas është iluzion, tha zonja Deda, që ekziston vetëm në mendjen e Beqës dhe Ramës. Ka vetëm koncesione dhe tendera me shumë 380 milion euro në 900 diitë , pa asnjë investim real në shëndetësi.

Njoftim për shtyp i Partisë Demokratike, 19 Shkurt 2016

Arben Ahmetaj pranoi dje se ka bërë dhjetra fluturime çarter, avionë të vënë ekskluzivisht në dispozicion për të.

Ja ku i keni të dhënat në ekran. Fotokopja e pasaportës, numrat e tij personal dhe numri i udhëtimeve me çarter.

Kështu, rasti i Arben Ahmetajt është një rast i paprecedent ku një ministër shqiptar bën udhëtime të tilla të dyshimta, në fshehtësi, me luks marramendës.

Ky abuzim i Ahmetajt është unik, i pahasur më parë as për krerët e shtetit dhe jo më për ministra.

Një fluturim çarter kushton të paktën 40 mijë euro, dhe me shëtitjet e tij prej sheiku, Ahmetaj ka shpenzuar qindra mijë euro.

Ky është një rast flagrant abuzimi dhe korrupsioni, dhe Arben Ahmetaj e ka për detyrë të tregojë ku ka shkuar, për çfarë, dhe kush ia ka paguar udhëtimet.

Cili koncesion është dhënë, ose cila pasuri e vendit është falur pas këtyre fluturimeve çarter të Ahmetajt.

A kanë lidhje këto çartera me landfillin e Elbasanit, me aferën Skavica apo me koncesionin e TVSH-së?

Ky eshte model dhe korrupsion i përmasave të republikave të dështuara afrikane.

Arben Ahmetaj i zhytur në disa skandale përpara fluturimeve me çarter, duhet të hetohet e të shkojë para drejtësisë, dhe nuk duhet lejuar që të marrë një detyrë të re të rëndësishme si ajo e Ministrit të Financave.

Asnjë qytetar i vendit nuk mund të pranojë të ketë Ministër të Financave një hajdut të këtyre përmasave, prandaj kërkohet që më pare ai duhet të japë llogari për pazaret e tij.

Emërimi i tij si Ministër i Financave është një sulm, një ofensivë e re, më e babëzitura që Edi Rama ka shpallur ndaj financave publike për t’i zhvatur me një dorë akoma më të rëndë se ajo e Canit.

Emërimi i Arben Ahmetajt është reduktimi brutal, pa doreza, i qeverisjes në një punë të vetme: të bëjnë para.

Emërimi i Arben Ahmetajt është lufta e re, më e zeza, që Edi Rama u shpall zgjedhjeve të lira, sepse kërkon t’i vendosë që tani në rrethimin e parave të pista.

Emërimi i Arben Ahmetajt është lufta e re që Edi Rama i shpall opozitës, Partisë Demokratike dhe gjithë shqiptarëve.

Deklarata për mediat e deputetit Sherefedin Shehu, 19 Shkurt 2016

Të bësh një ligj të tillë siç e ka bërë ky zotëria (Saimir Tahiri) ju them sinqerisht që është e turpshme sot. Sepse shikoni se çfarë ndodh. Ky ligj bie në konflik të plotë me Kodin Zgjedhor i cili e ka të sanksionuar qartësisht dhe me kërkesën e këtyre zotërinjve kur ishin në opozitë është futur në Kodin Zgjedhor. E ka të saksionuar qartësisht që në rast se qytetari nuk është me adresë në Shqipëri, automatikisht humb të drejtën e votës. Tani kështu thotë Kodi dhe ky del e thotë gjë tjetër. Në këtë rast lind pyetja kur në Kod është ndryshe dhe ky nuk e interpreton, çfarë do të thotë?! O është budalla ose maskara. Zgjidheni vetë se çfarë është ky. Por e vërteta është kjo.

Tani ne nuk jemi dakord për këtë arsye. E dyta, zotërinj rregulloni të drejtën e votës të qytetarëve shqiptarë që jetojnë në Shqipëri dhe më pas jemi dakord të ndërmarrim hapa ligjorë për të gjithë qytetarët shqiptarë që nuk jetojnë në Shqipëri. Për sa kohë zgjedhjet e kaluara u vërtetuan që listat e bënë lëmsh ku në Durrës në një banjo publike kishit çuar 15 familje, ju keni bërë masakër. Pa u rregulluar të drejtën këtu mos i hyni tek ata që janë jashtë. E dyta, për çfarë shërbimesh flet ky zotëria?! Pa thuaj në këto dy vite e gjysëm çfarë shërbimesh u ke ofruar qytetarëve të këtij vendi përveçse dajak, burg dhe kërcënime çdo ditë?! Ju ke ofruar shërbime bandave por jo qytetarëve. Atyre u ke ofruar vetëm burgun. Madje kohët e fundit aq shumë shërbime u ke ofruar bandave sa i ke vesh edhe me uniforma policie sepse po vrasin me uniforma policie, po plaçkisin me uniforma policie jo më larg se dje në mes të Tiranës. Cili është morali zotërinj kolegë të së majtës, që vjen ky dhe bën moral?! Është turp për këtë vend që të përfaqësojë ky e të flasë për moral ky njeri. Përfaqëson moralin e trafikatëve. Ky rri këtu se është pengu i këtij që është kryeministër sepse s’mund të rrinte sa për dekor këtu për moralin që përfaqëson. Jua thashë. Moralin e bandave, trafikantëve dhe moralin e krimit përfaqëson. Ju bën juve moral por jo ne dhe qytetarëve shqiptarë.

Këtë mos e harroni sepse ky nuk mund të flasë për shërbim dhe mbrotje të qytetarëve kur jo më larg se sot qytetari Gjergji Thimio thotë në ligjeratë të drejtë që jam kërcënuar në burg nga Saimir Tahiri se do më përdhunonte gruan, do të vrasim vajzën, do ti filmojmë dhe do ti nxjerrim të gjitha në internet. Ja këtij ia tha që duhej të ishte garant i ligjit dhe sigurisë. Ky është garant i kërcënimeve në emër të bandave dhe në emër të krimit. Përfaqëson moralin tuja, por s’mundet të përfaqësojë moralin tonë dhe të qytetarëve shqiptarë.

Fjala në Kuvend e deputetit Flamur Noka, 18 Shkurt 2016

Jetojmë kohë paradoksesh dhe ndoshta është e vështirë ti vesh një emër të saktë kësaj rokade në kupolën e shtetit të sotëm,  në lojën e pistë te interesave të shumëfishta që fshihen pas saj.

Prapa këtij veprimi, duket se nuk ka as logjikë, as politikë dhe as qeverisje.
Ai që e njeh pak filozofinë e shahut, sport që me pak fat, mund të ishte dhe lëndë në shkollë, pas deklaratave të Ramës për ta përfshirë atë, e di shumë mirë që lëvizjet rokadë, të tilla, janë me karakter mbrojtës.

Përkundër kësaj Rama me këtë ndërrim kërkon të revanshojë, kërkon të sulmojë. Absurdi është pjesë e pandarë e veprimeve të tij.
Ai gjithmonë e ka ngatërruar strategjinë për të bërë punën, për të cilën është votëbesuar, me lëvizjet për të zhvatur.

Ka ngatërruar parimet me deliret dhe  gjithmonë këtë e ka bërë në formën e gabimit me dashje, dhe përsëri e përsëri nuk vë mend.

Nuk vë mend, sepse ai ka treguar se, më shumë se çdo gjë tjetër, atë e tundon dhe e drejton interesi personal, e tundojnë dhe e orientojnë milionat e koncesioneve, tenderave e parave që pjellin pushtetin që ai zotëron dhe e pushtetit që pjell para.

Kjo ka qenë dhe mbetet filozofia që ka përcaktuar dhe taktikat e tij mashtruese që ditën që mori pushtetin.

Tek e e fundit ky është shahu që Rama ka zgjedhur të luajë me shqiptarët, të cilët i konsideron si kundërshtarë dhe të cilëve në tabelë i ka lënë vetëm ushtarët, sepse figurat e  tjera i ka ngrënë një pas një, ose i ka shndërruar në ushtarë në rast mosbindje .

I fundit në radhë ishte Cani.

Jo se ky i fundit ishte tek pjesa e popullit, apo në anën e tij, pasi për mua do kujtohet si ministri i financave që nuk ishte i zoti të ndërtonte as rrugën e zonës së tij, rrugën e Arbrit, sepse nuk e la shefi i tij politik.

Por të paktën, ishte oficeri i Ramës që përpinte në lëvizjet e tij skajore, më pak ushtarë të pangrënë e të paushqyer, se sa të tjerët. Madje kishte tendencë që këta ti shtonte sa më shumë, duke i hequr asistencën, punën, të ardhurat.

Ose ka ndodhur ajo që Rama nuk e suporton.

Mundet që Oficeri i financave vërtet, me koncesionin e TVSH, të jetë sjellë si oficer, duke e kundërshtuar atë. Në një hamendësim të tillë ai ka prekur rëndë interesin e shefit.

Rama ka kohë që të gjitha rolet në skakierë i bën vetë dhe nuk pranon asnjë cedim. Janë tashmë të njohura publikisht reagimet e tij të forta ndaj ministrave.

Ai kërkon me patjetër të jetë dhe oficeri i lojës dhe kali dhe torra dhe mbreti.

Madje shpesh bën dhe rolin e mbretëreshës.

Të tjerët janë hije e vetvetes dhe të bindur deri në përulje. Ka kohë që e ka harruar atë termin që e përdorte aq shpesh sa dhe kombëtares tonë nuk po i shkonte më përcaktimi skuadër.

Në këtë situatë kuptohet që lëvizjet e tij janë kaotike dhe e vetmja që e sjell në vete është vetëm vila 31, ose më saktë frika  e humbjes së karriges ku është ulur gabimisht në këmbë.

Sulmi i tij konsiston thjesht dhe bukur, në lënien e parave të publikut, në duart e të besuarit më të sigurt se i mëparshmi,  për ti përdorur ato me efikasitetin e duhur për interes të përcaktuar personal, si t’ia dojë kokrra e qejfit,  në momentet e vështira që ai pret ti ndodhin, në zgjedhjet e parakohshme që duken gati të pashmangshme.

Madje brenda saj ka dhe një sens karshillëku, të cilin ai mundohet t’ia pozojë opozitës, meqenëse ministri i ekonomisë është ndër më të akuzuarit e saj për afera dhe korrupsion.

Kjo është një lloj norme e zbatuar me ndërgjegje të plotë nga kreu i shtetit. Këtë karshillëk, ai ja shet jo vetëm opozitës por në shumë raste dhe ndërkombëtarëve.

Jo më kot pas vizitës se Sekretarit Amerikan të shtetit i cili foli me entuziazëm, për iniciativën e politikës për të larguar të inkriminuarit nga radhët e saj, ai takimin e radhës e bën pikërisht me një nga ata që gëzojnë rekorde kriminale të pakundërshtueshme.

E  jo më kot promovon dhe vendos përsëri në krye të partisë së tij njerëz të larguar nga politika, pikërisht për arsye të penaliteteve të rënda kriminale.

Nisur nga e gjithë kjo, kuptohet  që këtu nuk bëhet më fjalë për performancë, për interes publik, për investime, apo për ato fjalët mikluese, që hidhen sa andej këndej në takime formale, për konsum mediatik, brenda të cilave përputhja me të vërtetën është vite-drite larg.

Kjo rokadë dëshmon qartë që kurrë nuk në Shqipëri nuk ka pasur dhe nuk ka reforma ekonomike, sikurse nuk ka pasur e nuk ka reforma të tjera.

Ka pasur dhe ka vetëm reprezalje ekonomike, depresion ekonomik, kanalizim të interesave ekonomike në destinacione klienteliste, rënie dhe dështim të pandalshëm ekonomik.

Me këtë ndërrim kjo qeverisje firmos në heshtje përtej entuziazmit fals, dështimin e vet spektakolar e dëshmon së ajo vetë është farsa më e madhe që i ka ngjarë këtij vendi. Është më saktë  një lodhje politike dhe mentale, e trupëzuar në qeverisje.

Shqetësimi ynë nuk është avokatia e disi më të mirit, ndër të këqijtë e kësaj shpure. Është avokatia e interesit publik, i cili ndihet shumëfish  i kërcënuar dhe i hapur ndaj abuzimeve të pushtetit.

Rama mund ta shesë spostimin e bërë, sikur Ministri i Ekonomisë të na ishte AS-i nën mëngën e tij, duke na ndryshuar dhe kontekstin e lojës, për të trullosur dhe opinionin.

Por kjo nuk ndryshon asgjë, pasi të gjithë në këtë sallë dhe jashtë saj do ta lexojnë atë si blofin e radhës.

Do ta lexojnë si blof, sepse askush nuk e ndan dot, se cilit i takon lëvdata më e madhe në dështimin e ekonomisë, sot, në këtë lëvizje: ministrit të financave apo atij të ekonomisë, pasi të gjithë e dimë më së miri se të dy janë të zhytur deri në fyt, në mossukses!

Askush nuk e kupton se, cila është merita e ministrit të ekonomisë, në raport me atë të financave, në këtë mjerim të financave  shqiptare, në këtë varfërim galopant të individit shqiptar dhe falimentim progresiv të sipërmarrjes së ndershme.

Do ta lexojnë si blof, sepse shqiptarët e dinë shumë mirë që borxhi i rritur, rritja anemike e ekonomisë, mos kreditimi efikas,  janë “merita”, që i shkëlqejnë, jo vetëm Shkëlqimit të financave, por dhe Ahmetajt të ekonomisë.

Sepse, ata nuk kanë më shpresë se ky i riu i vjetër, do jetë më dorëlëshuar në taksa, se sa ai i vjetri i vjetër.

Sepse, askush nuk beson më se, në dogana nuk do vazhdohet të bëhet kontrabandë, në tatime nuk do vazhdohet të vidhet, të sulmohet, të ndëshkohet, të persekutohet padrejtësisht.

Sepse, askush nuk beson më se, financat nën drejtimin e ekonomisë, do japin efekt në punësim, në mirëqenie, në rritje pagash në ulje çmimesh.

Sepse, ata punonjës të Albpetrolit, që sot kanë pesë muaj pa rroga dhe që për këtë arsye nuk gjejnë dot rrugën për në shtëpitë e tyre, do vazhdojnë të mbeten po pa rroga, pasi dhe ky i riu i vjetër ka qenë ekzekutues i zbrazjes së xhepave të tyre.

Megjithatë, personalisht ndërrimi i vendeve, në këtë situatë, nuk më duket as si rrufe në qiell të pastër. Cani, ndryshe nga të tjerët u emërua ministër me fishek në pajë.

Ky fishek ishte mandati i ruajtur i deputetit, një pakt i heshtur, i cili e bënte atë ministrin më të prekshëm në goditjen e radhës, ose thënë ndryshe, të planifikuar për tu lëvizur në momentin kyç të pragzgjedhjeve.

Pak a shumë si njeriu që do lëvizte fondin e Partisë së dikurshme.

Me një ndryshim, që ky fond Partie nuk është më ai i mbledhur për çdo vit dhe i depozituar diku jashtë, por është mundi, djersa dhe gjaku i gjithë shqiptarëve i grumbulluar në termin buxhet, çelësat e të cilit, do i marrë tashmë jo Besniku i Partisë, por Besniku Ramës.

Ky moment duket se ka ardhur para datës së parashikuar në fillim nga Rama, i cili  kërkon me çdo kusht të përdorë paranë publike si mall pa zot, për interesin e tij politik e personal, për të rifituar me zor, me shitje e blerje, besimin e publikut.

Kjo zhvendosje përcaktoi dhe kohën e rokadës, prandaj ajo krahas erës së pistë të aferave, të zhvatjeve, të korrupsionit të pashmangshëm, duket se paralajmëron stinën e zgjedhjeve të parakohshme, e përkthyer ndryshe në rrëzimin e Ramës nga qëndrimi në këmbë në karriken e pushtetit.

Fjala në Kuvend e deputetit Luçiano Boçi, 18 Shkurt 2016

Zoti kryetar i kuvendit

Zonja deputete, zoterinj deputete

Une nuk mendoj se projektligji i sotem do e beje me te mire jeten e qytetareve, do i ndihmoje ata, emigrantet, te zgjidhin nje hall me shume. Une them se jo. Emigrantet kane nje adrese ne Shqiperi, kane nje deklarim vullnetar te tyre. Qeveria  po i thote emigranteve qe ta bejne vullnetarisht rregjistrimin e adreses ne Greqi, Itali, apo Gjermani por nese nuk e bejne, nese nuk kane mundesi edhe finanaciare sepse jane ne kushtet e mbijeteses, qeveria ia heq sherbimet per certificate apo dokomentacion. Kjo e ben ligjin me te keq per qytetaret, me te keq per emigrantet. Pa as me te voglin dyshim eshte antikushtetutes. Nuk ka qeveri mbi toke qe tu thote qytetareve te vet, une nuk te ofroj sherbim nese nuk ben ate qe te them une si KM.

Qeveria thote se niset nga nje interes madhor qe rregjistri i gjendjes civile, adresari, te jete i kompletuar, i sakte. Por  e thene kjo nga kjo qeveri  eshte pa as me te voglin dyshim hipokrizi.

Pse e them kete? Sepse ishte  kjo qeveri, kjo zyre e gjendjes civile, qe varej nga ky kryeminister, qe shkateroi listat e zgjedhesve nje vit me pare, dhe rregjistroi per ne favor te kandidateve te vet mbi 2000 familje ne Durres dhe mbi 1500 familje ne Kavaje te cilet nuk banonin fare aty dhe as nuk e dinin fare.  E pane te gjithe, e keni me prova, me fakte, sesi Gjushi dhe Rroshi me mbeshtetjen personale te Edi Rames morren votues nga Kryevidhi e Luzi deri ne Kashar per ti cuar per te votuar ne Kavaje e Durres, te cilet po ashtu nuk votuan sepse as nuk e dinin fare, por votuan njerezit e lidhur me ta. Pse u bene trima ata? Se kishin Ramen qe i mbronte nga ligji dhe nga drejtesia. A nuk ishte ambasadori Amerikan qe thoshte se ka candidate qe kane te shkuar kriminale dhe duhen terhequr? Per ke e kishte ambasadori kur thoshte se qytetaret nuk duhet te votojne kriminele? Po Jon Kerry per ke e kishte? Per KOrcen? Per Shkodren? Per GJirokastren? Jo . E kishte ekzakt per ate qe Rama i del ne krah sa here behet gati per zgjedhje. Po si ka mundesi kaq shume arrogance, ndaj thirjeve te qarta te departamentit te shtetit? Pse kaq shume karshillek?

Javen e kaluar Prokurori i Pergjithshem deklaroi se ne Durres bandat sfidojne shtetin dhe se  kane lidhje me zyrtare te larte qe i mbrojne. Une kam bindjen se prokurori ka prova kur flet publikisht. Po nga qeveria askush nuk foli. NUk e besoj se me zyrtare te larte e kish fjalen per Canin qe iku. Edhe pse as ai nuk foli. Ne 2004 ambasadori amerikan ne Tirane ka thene pak a shume te njejten gje per familjet kriminale ne Durres e Tirane per lidhje me zyrtaret

Ajo qe thote prokurori i pergjitheshem eshte e rende, dhe po aq dhe e vertete. Bandat po sfidojne shtetin. Po nga dolen dhe nga mbine bandat dhe pse kane lidhje me zyrtaret e larte?

Padyshim qe kjo e ka origjinen aty, tek zgjedhjet. Nuk eshte pare kurre ne Durres  sesi gjithe kontigjenti i krimit, te gjithe, te denuar apo te kerkuar, te gjithe ishin ne te njejten ane ne 2015 ne favor te pushtetit. Kur degjoja se kreret e bandave mbureshin  se kush po shpenzonte me shume mbi 500.000 euro secili per fushaten e PS, habitesha. Disa thonin se ia kishte dhene Gjushi.

Besoj se  nuk ishte ashtu. Shpjegimi i banditeve ishte me racional pas fushates. Nuk i kishte paguar pushteti, ata kishin bere vetedeklarim per shpenzimet e te pakten 30 makinave per cdo bande gjate fushates dhe dites se zgjedhjeve. Per intimidim, blerje votash, transport te atyre votuesve te importuar nga Tirana, Rrogozhina dhe fshatrat pereth.

Bandat kishin bere kontraten me shtetin. Te njejten qe Rama beri ne 2013. Ju me ndihmoni per te fituar zgjedhjet une ju ndihmoj kur te jem ne pushtet. Ne 2015 bandat kishte bere preventivin dhe kerkon haracin, por nuk kerkonin para. Jo. Kerkonin teritor, per toka, pasuri, per droge. Bandat morren license  nga qeveria per teritorin e Durresit.

Aty tani jane te gjithe license ne xhep, nuk i tremben askujt, as e llogarisin shtetin. Shteti per ta eshte debitor. Shteti e ka per detyre ti ndihmoje. Por ke te ndihmoje me shume? Kush do fitoje me shume?  Kjo eshte  lufta e bandave per teritorin. Shtetin nuk e sfidojne, shtetin as e llogarisin.

Ka vende ku qeverite luftojne krimin, ka vende te tjera ku qeverite ia shkelin syrin krimit, por ketu krimi ka kapur shtetin, krimi eshte mbi shtetin dhe kjo eshte faza me e zhvilluar e te keqes.

Krimi ka mbrojtje, edhe kur kapet me makinen e deputetit te pushtetit dhe lihet i lire, dhe nuk e len policia, nuk eshte faji i saj, eshte i politikes. Krimi ka mbrojtje edhe kur ben beteje ne mes te Tiranes me arme dhe  shteti nuk i permend emrin dot, e as ta ndaloje krimi ka mbrojte se edhe kur vret policine, shteti i hap traun. Krimi ka mbrojte edhe kur gjobit biznesmenet dhe nuk eshte fajtore policia por eshte shteti i kapur nga krimi.

Bandat nuk i tremben shtetit te sotem, nuk i tremben as ligjit, se ata jane vete ligji. Krimi i trembet reformes, krimi i trembet byrose, se doren e ligjit nuk do e kontrolloje ai qe kane bere kontraten, kryeministri, por do e kontrolloje partneret. Ndaj ka te drejte ambasadori kur thote se ata i tremben reformes, jane bandidet se nuk do kene me mbrojtje neser. Se kur gjuajne me pistoleta para komisaritit mbi qytetare, celesat e burgut duhet te ishin ne lume dhe jo ne doren e kryeministrit apo gjyqtareve te shantazhuar e te pazarepsur prej kryeministrit.

Paradoksi pastaj qendron ketu. Kryeministri qe kerkon te ngreje byrone e hetimit te ministrave  dhe banditeve, pikerisht ne zyren e vet, kur dihet boterisht se banditet ne kuvend dhe ne bashki i solli pikerisht ai. Kjo eshte paradoksale. Opozita ka kerkuar vetem nje gje ne gjithe kete histori: Byroja qe do hetoje ministrat te mos jete ne varesi te kryrministrit. Vetem kaq. Dhe kjo eshte racionale.

Eshte po aq racionale sa dhe komisioni i Venecias e certifikoi ne dhjetori ne paragrafin e 90 te cilen KM tre here qe u ngrit nuk pati guximin ta citonte.

Dhe po kaq racionale eshte ceshtja e draftit te ndryshimeve kushtetutese si pjese e reformes. Opozita ka kerkuar qe drejtesia te mos jete zyre e kryeministrit dhe mos perdoret per te mbrojtur njerezit e tij. As zyrtaret dhe as banditet. A mundet qe te kete besoje opozita tek nje KM qe sjell bandite ne kuvend dhe kur levizin me trafikate droge urdheron policine ta liroje?

Prokurori i pergjitheshem thote se nuk ka referime per korrupsion nga policia gjyqesore per vitin 2015. Po a ak korrupsion? Po sigurisht qe ka. Se nese kerkon te besh shtet dhe reforme pse nuk i dorezon 50% te tenderva me prokurorim te dpd? Po denoncimet e tenderva te ministrit te shendetesise? Pse nuk tregon vullnet se shteti funksionon para se gjithash per ty dhe ministrat e tu dhe jo vetem per ata 38.000 qe i fute ne burgje se nuk paguanin 10.000 leke per energjine? Keto jane pyetje qe qytetaret i kane kthyer ne parody.

Arsyeja e vetme, e krimit, korrupsionit e pengimit te reformimit real te drejtesise,  eshte kontrata me krimin, kapja e qeverise nga krimi, si faza me e zhvilluar e te keqes. Kontrata me krimin dhe korrupsioni qeveritar nuk e lejon ndertimin e institucioneve te pavaruara dhe ndershkuese te drejtesise, pastrimin e politikes nga krimi. Vullneti per tu mbrojtur nga drejtesia dhe jo per tu vene ne dispozicion te saj pengon reformimin real, qe mos varet as nga kjo ana dhe as nga tjetra. Kontrata me krimin sjell pazarin me drejtesine. Ju gjyqtare e prokurore mos ndershkoni banditet e mi, kur vrasin, kur grabisin, kur vene gjoba, apo qellojne para komisariatit te policies, dhe une mbyll njerin sy kur ju gjyqtare mbushni thaset me parate e korrupsionit. Ndaj prishja e kontrates se politikes me krimin eshte e vetmja zgjidhje qe vendi te clirohet nga krimi dhe drejtesia ta pastroje organizatat e krimit. Por kur ai qe e ka frimosur kontraten serish mburet me kontraten qe ka bere, zgjedhja e vetme per zgjedhje te lira e te ndershme eshte nje qeveri teknike., qe nuk ka firmosur ne kontraten e politikes me krimin dhe do ti mbaj larg atje ku e vendin bandat e krimit gjate zgjedhjeve.

Ju faleminderit shume per vemendjen.

Fjala në Kuvend e deputetit Eduard Halimi, 18 Shkurt 2016

Të nderuar kolegë!

Rreth tre vite më parë eksponentë që sot janë në hierarkinë e pushtetit, trumbetonin me të madhe në Athinë kauzat e emigrantëve:

 “Ju nuk do të jeni më eksportues parash por do të jeni aksionerë në ekonominë e vendit dhe në qeverisjen e Shqipërisë”, ishin ndër të tjera mesazhet e rilindasve mavi në përpjekje të mëdha për të marrë cdo votë.

Si një prej mashtrimeve më të rënda të Rilindjes,  zhvillimi i të drejtave të emigrantëve, mes të cilëve dhe e drejta e votës, shënon sot një tjetër rekord turpi dhe manipulimi për këtë qeveri dhe mazhorancë.

Konsiderimi vetëm si kontigjent për votë përmes transportit me autobusa natën  dhe ditën është ndjesi ende e gjallë, jo vetëm për ata emigrant që sot e ndiejnë veten minimalisht të fyer e të braktisur, por dhe për ne rezidentët në Shqipëri.

 Për mua si qytetare dhe më pas si njeri i politikës, transportin e sponsorizuar partiak të emigrantëve e konsiderova  atentatin e parë ndaj zgjedhjeve të lira e të ndershme. Pasi ky sponsorizim  politike ndaj një grupi jo të vogël emigrantësh u përkthye qartazi si një blerje e pastër, një shantazhim indirekt për prindërit e tyre në Shqipëri e më pas vijoi me blerje me miell dhe pak para në dorë apo shlyerje borxhesh  të të afërmve të tyre.

Shumë shpejt, pas ëndrës së mashtrimeve, zhgjëndra erdhi fatale, kur po këta njerëz që pasi i sollën emigrantët votues  me autobuzë e furgonë madje dhe avione, u prishën me rruspa e hodhën në erë me tritol afro 10 mijë  godina,  banesa e biznesve mes të cilave shumica pronë e emigrantëve, pasuri të vëna me mund e me djersë gjatë një cerekshekulli.

Ishte dhe është ky pushtet, që hoqi me arrogancë  nga lista e ndihmës ekonomike të afërmit e emigrantëve.

Ishte dhe është po ky pushtet, që kërkon heqjen e rimbursimeve të dritave për  prindërit- pensionistë të emigrantëve, duke i  zhvatur ata prej dy vitesh e gjysëm me pagesa afrofe të dritave e të ujit.

Janë po këta pushtetarë, dikur opozitarë dhe  mjeshtër të premtimeve të pambajtura, të cilët përsëritën eksodin historik të viteve ’90, dukë bërë që gjatë kësaj qeverisje ta lënë Shqipërinë mbi 100 mijë vetë duke kërkuar azil në dyert e Gjermanisë dhe Evropës Perëndimore.

 Mjafton ti referohem një statistike të thjeshtë:

Në vitet e qeverisjes së Partisë Demokratike, 2011-2012, numri total i raportuar të azilkerkuesve shqiptarë në Gjermani ishte 432, ndërsa vetëm në shtator të 2015 u rregjistruan 8200 vetë.

Të dashur emigrantë dhe familjare te emigranteve ketu ne Shqiperi!

 Në programin tërësor të Rilindjes për emigrantët përshiheshin prioritete në pesë drejtime:

“E drejta e votes”, “cështja e pensioneve”, “reformimi i shërbimit diplomatik për të qenë në shërbim të emigrantëve”, “toponimet” dhe “programet edukuese përfshirë dhe median me Televizionin Public Shqiptar”.

Më thoni të nderuar kolegë, kur  edhe pak muaj bëhen tri vjet të drejtimit të Rilindjes Rama& Meta, cili nga këto shtylla të programit të emigrantëve  është realizuar?

Në dijeninë time, por dhe analizës së ekspertëve, i vetmi drejtim i programit ku mund të jenë hedhur hapa konkretë është ai i sigurimeve shoqërore por dhe kjo reform është krejtësisht e bazuar dhe në zbatim të negociatave efikase të qeverisjes së 8 viteve të PD, gjatë së cilës u arritën 15 marëveshje të njohjes së sigurimeve shoqërore.

Në maj të vitit 2013, Erion Veliaj u tha emigrantëve se Sali Berisha nuk ju do edhe pse shifrat tregonin qe gjatë qeverisjes Berisha ishin me mijëra emigrantë që u kthyen dhe hapën biznese e insiativa private të suksesshme sepse taksa e sheshtë ishte funksionale, sepse nuk kishte aksione tatimore me kërbac nga apo aksine CEZ, INUK  etj, ndërsa barra juaj e papërballueshme  fiskale dhe gjobitëse, solli humbjen e 73 mijë vendeve të punës gjatë vitit.

Nuk ka me njeri qe mund te besoje që mund të hartojnë e të zbatojnë ligje të dobishme për emigranët këta ministra e deputetë të cilët me antireforma, koncesione tendera zhvatës të parave publike, e detyruan sërish popullin të emigrojë si cerekshekulli më parë.

Kjo qeveri ndryshe do njihet si qeveria e eksodit, e koncesioneve dhe qeveria e krizës dhe depresionit.

Por meqënëse nuk është as profesionale , as politikisht korrekt  dhe e moralshme madje, të flasësh për programet tuaja , pasi ato janë modele të corientimit të  propagandës , unë do të doja të ndalesha tek abuzimi rëndë që përcjell ky projektligj për statusin e vështirë të një pjese të konsiderueshme  të emigrantëve shqiptarë.

Me burokraci  të koklavitura, të titulluara rëndom – dixhitale,  të mundimshme dhe shantazhuese , ju vijoni diskriminimin  e thellë ndaj atyre shqiptarëve të cilët me shumë mund , sakrifica vetëmohim dhe mbi të gjitha me dinjitet mbajnë familjet në vendet ku punojnë por dhe gjysëmën e popullsisë, me të ardhurat e remitancave.

 Shërbimet publike  sikurse është pajisja me dokumenta personale duhet të jenë një e drejtë e garantuar nga shteti amë.

 Si e drejtë kushtetuese, pajisja me dokumenta nuk mund të shfrytëzohet si presion për avantazhe politike të partisë në qeveri për ti marrë votën emigrantëve.

Me arrogancën e korrupsionit dhe abuzimit me ligjin e Kushtetutën, ju sot na paraqisni një nga ligjet më represivë dhe një histori tjetër turpi për këtë Parlament.

 Projektligji ju vë sot në akuzë publike për cënim të rëndë të të drejtave të njeriut, pasi janë emigrantët ata që ende i japin oksigjen familjeve shqiptarë në këtë krizë të rëndë.

Juve, në emër të të bërit shtet, kërkoni ti rrënoni ata me makinacione e artifica, për ti taksuar në mundin dhe sakrificën e tyre shumëvjecarë.

 Për të mos folur që drafti vjen si një instrument që shkakton fobi dhe mllef për emigrantët që gjenden në veshtirësinë e letrave të vendbanimeve pasi një pjesë nuk  janë të pajisur me lejeqëndrimi të rregullt, nje pjese jane regjistruar si kosovare apo nje shumice prej te cileve, ne hallin e madh qe i kishte gjetur ne vendin e tyre, kane pranuar qe te ndryshojne edhe emrat per tu pershtatur ne dhé të huaj.

Ky projektligj në vetvete është një draft i cunguar dhe jo i thelluar në zgjedhjen e shqetësimeve dhe problemet e mëdha që vuajnë sot emigrantët.

  Ndërkohë që statusi i tyre socialekonomik vjen e vështirësohet për nga vetë ekuilibrat e brishtë të shoqërive perëndimore me krizën e emigrantëve të vitit 2015, qeveria shqiptare vjen e na sjell një projekt ku në fokus nuk janë pra interesat reale të emigrantëve, por interesa të paskrupuj politike, vetëm për të garantuar pushtet edhe në zgjedhjet e ardhshme.

Problemet e emigrantëve sot janë, punësimi, dokumentat, shkolla e fëmijëve, statusi i tyre socialkulturor, lëvrimi i gjuhës, pra një univers kompleks dhe ligji për rregjistrimin e tyre i hartuar në këtë mënyrë nuk hap asnjë shteg për zgjidhjen e tyre.

Cfarë fshihet pas rregjistrimit vullnetar të emigrantit me të dhëna të depozituara online?

Cila do të jetë mënyra e verifikimit me rregjistrin civil dhe si do të bëhet përditësimi?

Kush janë personat e autorizuar që do ta kryejnë  këtë praktikë, kur shumica e punonjësve të shërbimeve diplomatike janë njerëz me lidhje nepotike me pushtetin, ndonjë prej të cilëve ka  cështje të pazbardhura me drejtësinë dhe mbi të gjitha kur këta zyrtarë të shtetit denoncohen cdo ditë nga emigrantët në mediat sociale si të papërgjegjshëm, të korruptuar dhe aspak të aftë në rolet që ata mbajnë në shërbimet konsullore?

Projektligji ka frymë të pastër represive që dëshmohet në refuzimin e pajisjes me dokumeta pas zinxhiri të gjatë ecejakesh.

Sipas  ligjit në rast konstatimi, të mospërmbushjes së deklarimit të adresës së shtetasit dhe të regjistrimit, emigrantëve i refuzohet shërbimi i kërkuar, derisa shtetasi të përmbushë detyrimin e vetëdeklarimit të adresës, sipas procedurës së përcaktuar në nenin 6.

Pra fryma e ligjit është  një instrument qeveritar  në dëm të interesit të shumicës në emigracion dhe në funksion të pakicës e cila erdhi  në pushtet pikërisht dhe me vullnetin e manipuluar të emigrantëve.

 Ky draft ligj vjen në përplasje të fortë dhe me qëndrimet politike brenda dhe jashtë Shqipërisë, për ngritjen e një mjedisi të përshtatshëm për të garantuar  zgjedhje të lira dhe të ndershme.

 Drafti i sotëm hap siparin e një krize të re, për manipulimin e listave të votuesve dhe parashtron  zbatimin e një  strategjie shtetërore për të manipuluar zgjedhjet e ardhshme.

Në këtë mënyrë mungesa e një dakortësimi për një cështje kaq delikate që lidhet me të drejtën e votës së emigrantëve  do të  minonte besueshmërinë e zgjedhjeve dhe drejtësinë e tyre.

Dhe së fundi ky projektligj vjen në mungesë të plotë trajtimi me përfaqësitë e emigrantëve , grupimeve dhe shoqatave  të shumta të tyre, apo organizatave që bëjnë ekspertizën e votimeve të emigrantëve.

 Me këtë ligj ju synoni të deformoni  zgjedhjet dhe vullnetin e shqiptarëve brenda dhe jashtë vendit, por kriza e Rilindjes garanton miliona grushta të urrejtjes kombëtare që nuk ka ligj ta manipulojë në favorin tuaj.

Falemniderit!

Fjala në Kuvend e deputetes Mimoza Hajdarmataj, 18 Shkurt 2016

Në këta dy vjet e gjysëm, në këtë sallë është krijuar një simbiozë mes meje dhe Ministrit të Shëndetësisë. Kemi pasur shpesh debate, replica, kritika dhe shpresoj që sadopak ja kanë vlejtur në përmirësimin e punës në sektorin e shëndetësisë.

Por sot dua që ta thyej atë dhe ta përmend z. Beqaj në një kontekst krej tjetër. Dua tí uroj sot:

Gëzuar Ditëlindjen!!

Gjithashtu i uroj jetë të gjatë e sa më të shëndetshme. i uroj shëndet e të mos sëmuret sa kohë është në pushtet, që kur të vijmë ne ta shërojmë atë dhe shqiptarët!!

I nderuar Kryetar i Kuvendit

Të nderuar kolegë deputetë,

“Shqipëria në sportel” do të ishte një titull mbase më tërheqës për projektin më të fundit që na kanë sjellë në parlament, ekspertët e “parasë” në Qeveri. Partnerë me abuzimin, qeveritarët e sotëm, jo vetëm që nuk kanë ndërmend t’ju shërbejnë shqiptarëve, por po vënë në zbatim planin e tyre të detajuar zë për zë! Teoria e shërbimeve në sportel ngjan si një tjetër grackë propagande për të mashtruar si “hallexhinj” ashtu edhe “zengjinë”. Qeveria edhe këtë herë nuk do të shërbejë, por do vetëshërbehet për të mbajtur me dhunë pushtetin e financuar nga klientët e koncensioneve. Do vetëshërbehet duke shkelur përsëri parime e norma, të drejta njerëzore e kushtetuse. Ndaj edhe raporti i fundit i raporterit të Parlamentit Europian për Shqipërinë Flekenshtein theksonte që Shqipëria nuk kishte bërë asnjë hap para në plotësimin e 5 kritereve të vendosura, ku shqetësim të madh përbën korrupsioni i përhpur në shëndetësi, arsim, drejtësi, prokurime etj. Ndaj edhe Parlamenti Europian nxit reformën në drejtësi e cila do ti vinte sadopak fre këtij virusi babëzie që ka infektuar rëndë qeveritarët e sotëm.

Po cfarë po diskutojmë ne sot???

Vetë relacioni i pr.ligjit nuk paraqet asnjë analizë, asnjë fakt, asnjë shifër. Sa është volmi i shërbimeve? Si janë tani?? Cfarë do të përmirësohet??? Pra sot kemi për diskutim një pr.ligj, i cili vjen sic është bërë tashmë zakon i pakonsultuar, i padiksutuar, i pabazuar në një studim, analizë por vjen si një arnë e huazuar nga modeli i Saakashvilit, por shumë më i keq e shumë më i shëmtuar…

Po rezultatet e projektit pilot ADISA Tiranë cila janë??? Ku janë?? A e dinhi ju cili është koncepti i projektit pilot?? Apo e përdorni si një emër trendy për të fshehur megaferat tuaja multimilionë euro???

Ajo cka ndodh zakonisht në cdo vend të botës është që një project pilotohet për të parë nëse funksionon në një terren si Shqipëria, për të studiuar se cfarë shkon ashtu sic duhet, e cfarë jo. Për të marrë merret eksperiencat më të mira për ti implementuar duke shmangur cka është problematike e cfarë nuk shkon. Pork y nuk është rasti i projekteve pilot në shqipëri. Po shpenzohen miliona euro në projekte pilote të cilat nuk merren nas në referencë…ADISA Tiranë nuk është rasti i vetëm. Dua t’ju kujtoj edhe projektin pilot të recetës elektronikë në Durrës plor 334 mln lekë. Ende pa filluar, pa u inaguruar, pa u testuar projekti pilot, Ministri nxitoi të tenderonte projektin e recetës elektronikë në të gjithë shqipërinë plot 7 mld lekë…

Ndaj dua ta pyes Ministren Harito, si i del në këto raste analiza e kostos dhe efektivitetit të këtyre projekteve??? Cilave modele i janë referuar në reformat e tyre???

Koncepti në dukje i mirë për qytetarët, është regresiv pasi qeveria duhet të investojë në decentralizim dhe vajtjen e shërbimeve sa më afër qytetarit dhe jo qendërzimin e tyre në një pikë të vetme. Në të njëjtën kohë, nuk mund të ketë përpirësim të shërbimeve vetëm në front office (sportele) nëse nuk reformon dhe përmirëson shërbimet në back office, në zyrat dhe injstitucionet përkatëse. Pikërisht kjo ishte ajo që implementuam ne në rastin e QKR dhe QKL që rezultuan projekte shumë të suksesshmë. Por nuk mund të ndodhë e nuk mund të suksesohet nëse ju mendoni për fasadën, për ngjyrën e stolave apo të mureve, për të reinxhineruar më vonë shërbimet… Ky model është qysh në krye të herës i dështuar!!! Dhe tregon dallimin e madh midis dy modeleve të qeverisjeve: njëra që mendon për formë e fasadë e ngjyra të bukura, e tjetra që mund të calojë në bukuri e forma por që i shkon përmbajtjës dhe zgjidhjes së problemit në thelb.

E në fakt është pak e frikshme të mendosh që po mundoheni të fusni disa prej shërbimeve më të rëndësishme për qytetarin në një zyrë të vetme, ndërkohë që edhe modelin e suksesshëm që ju lamë të QKR e keni degraduar dhe po e coni në pikiatë??? Qytetarët që para Rilindjes e merrnin Shërbimin në QKR për gjysëm ore, për vetm 1 EURO…tani po i rropatni në rradha të gjata, edhe me ditë të tëra…. Që në 6 të mëngjesit qytetarë që kaloni hekurat dhe bllokonin derën kryesore….e që në shumicën e herëve ikin edhe të pasqaruar pasi në sportel bëhen vetëm aplikime. Raste të caktuara janë shënuar ku veprimet me subjektet bëhen në shkelje flagrante të ligjit!!!

A është ky modeli që duam të replikojmë???

Po ADISA Tiranë??? Janë shpenzuar deri më tani mbi 1 mln euro për disa karrike portokalli dhe pajisje për numura për qytetarët që presin orë e orë sa tu vijë rradha e numrit të tyre. Ka nga ana që nuk presin sa t’u vij rradha por me një 5 mijë lekësh nën dorë mundohen që ta kapërcejnë atë…

Do ndaj me ju ekperiencën e një familjari tim: në pak ditë vajti tre herë në hipotekë pasi cdo herë dokumentet i vinin ose të pasakta ose jo në lidhje me aplikimin… Vajzat në sportel me edukatë por që s’kuptonin asgjë nga ajo që ju dorëzohej apo ju kërkohej…Ndaj, ADISA TIranë apo kushdo qëndron pas saj vecse ka shtuar rradhët, kostot, kokëcarjet e nuk ka përmirësuar absolutisht asgjë. Deri më sot unë nuk kam dëgjuar një qytetar që të jetë i kënaqur me shërbimin e ri të ZRPP.

A shkon disi ndesh ky project me zhvillimet e kohës, me rendjen e zhvillimit të tekonogjisë dhe informcionit???? Shkoni në Gjilan, certifikatat i merrni në kioska në rrugë pa qenë nevoja të shkosh në një zyrë qendrore në Prishtinë. Shkonë në vendet fqinjë ku certifikatën e pronësisë e aplikon on line dhe e merr online, po ashtu lejen e ndërtimit, s’ke nevojë të rendësh nga cdo kënd i Shqipërisë e të shkosh në një zyrë në qendër ….

Po ashtu, nga ana organizative do jetë i pari rast kur bordi i një institucioni public nuk zgjedh drejtorin dhe ka vetëm kompetenca fictive.

Ndërkohë që përvoja ka treguar që institucionet jobuxhetore që vetëfinancohen abuzojnë me shpenzimet e tyre.

Duke qenë plotësisht pro parimit për ti shkuar sa mëpranë qytetarit në shërbime, ne jemi të mendimit që zgjidhja që ju propozoni nuk është e duhura, është kostoze për shtetin dhe qytetarin, do shtojë sorollatjet, vuajtjet, qytetari në fund të ditës nuk do marrin dot shërbimin e kërkuar…duke rritur në të njëjtën kohë mundësinë për korrupsion…

Aq më tepër që ky project të jep idenë e një parapërgatitje për një tjetër koncesion të madh, me të njëjtin emër koncesionari apo të ndryshëm…por që këtë herë do ketë në dorë të gjithë të dhënat e shtetit e të qytetarëve…

Të nderuar kolegë,

Sot, de facto, qeveria është e rrëzuar pasi Kryeministri ka pushuar nga puna shtyllën kryesore të një Qeverie, Ministrin e financave sepse ky i fundit nuk pranoi të firmoste megaafera të tjera korruptive.

Në fakt, ka kohë që të gjithë shqiptarët prisnin që të largoheshin Ministra të tjerë të Qeverisë, i pari sigurisht ai i Shëndetësisë… si etalon i grabitjes se parave te shqiptareve, i dështimit, i paaftësisë me kosto të rënda jete, i certifikuar edhe më parë si abuzues fondesh publike nga Gjykata kushtetuese. Por që KM e ka futur në një program mbrojtje të vecantë. Por, ju siguroj që Rama e kishte më të lehtë të mashtronte 1 mln shqiptarët për të votuar për shëndetësinë falas, se sot tu mbushë mendjen po atyre 1 mln shqiptarëve që Ministri i shëndetësisë është ï pastër”…

Sot shërbimi më cnjerëzor që shqiptarët dëshmojnë nga Vermoshi në Konispol është ai shëndetësor. Teksa ministri zhvat përmes të tretëve fondin për shëndetin e popullatës, pacientët, por edhe personeli mjeksor i luten Zotit t’i ndihmojë; të sëmurët për shërim e mjekët për shpëtim ! Ndaj për të nuk do mjaftonin jo një mijë konferenca shtypi (sic edhe na u ankua Kryeministri në Kavajë), por do duheshin 1000 dosje të tjera në organin e akuzës e të drejtësisë sepse abuzimi me paratë e shëndetit nuk është vjedhje, është krim që merr jetë njerëzish ndaj duhet dënuar si i tillë.

Po cili është bilanci i deritanishëm i fondeve të shëndetësisë???

Në 900 ditë, 338 milion euro vetëm për 3 koncesione.

3 koncesione na kushtojnë sot 376 mijë euro në ditë, që përkthehet në 700 familje me pension social në një vit (60 mijë lekë/muaj), ose 978 familje me Ndihmë Ekonomike minimale në një vit (48 mijë lekë/muaj), ose 521 familje me Ndihmë Ekonoike maksimale (80 mijë lekë/muaj).

Me vetëm 3 koncesione…I kushtojnë shqiptarëve 376 mijë euro në ditë. Të gjitha koncesionet që keni dhënë, në të gjithë sektorët, u kanë kushtuar më shumë se 1 mld euro ose 1.1 mln euro në një ditë qytetarëvë shqiptarë…shifër e cila mund të përkthehet në 2160 familje në një vit do ushqeheshin me pension social…

Po sa shkolla?? Sa kopshte?? Sa spitale??? Sa laboratore edhe më moderne se ai që vizituat para disa ditësh mund të ishin ndërtuar??? Për sa vitë të gjithë spitalet dhe Qendrat Shëndetësore do ishin furnizuar bollshëm me barna e pajisje???…

Në gati 3 vjet qeverisje, nuk ka asnjë investim të ri, asnjë kopësht, asnjë cerdhe, asnjë rrugë të re, asnjë shkollë, qendër shëndetësore apo spital. ende sot, pas 3 vjetësh qeverisje, Rama po inaguron projektet që ia la të gatshme Berisha. … Rasti i fundit ishte ai i inagurimit të pajisjeve ultramoderne te onkologjiku, QSUT (2.5 mln EURO), që u detyrua ti inaguronte në një fshehtësi të plotë se nuk ishte aq trim sa të përballej me zemërimin deri në dëshpërim të pacientëvë të lënë në mëshitë të fatit pa barna, pa kura, pa shërbime.

Sot, falë politikave të Rilindjes e në emër të “shëndetësisë falas” kemi një infrastrutkurës shëndetësore e spitalore të rrënuar, mijëra familjeve shqiptare u është privuar e drejta kushtetuese për shërbim shëndetësor të pështatshëm.

Sot sistemi i shëndetësisë është treguesi me indikatorët më domethënës të krizës e cila i ka shndërruar spitalet në kazerma dhe qendrat shëndetësore si tregje grumbullimi. Sot, mjekë e infermierë punojnë në kushte terrori psikologjik e profesional pasi norma e listave dhe borderove të chekc up që ata duhet të plotesojnë nuk ka të sosur. i gjithë parësori në dispozicion e në këmbë për koncesionarin…e jo për qytetarin…

Këto ditë furtuna e shkarkimeve, spastrimevve me qëllime politike ka përfshirë të gjitha spitalet rajonale. Në shkodër 89 persona janë pushuar nga puna në spitalin rajonal, 89 familje shkodrane do kalojnë në varfëri ekstreme. 89 persona të pushuar në shkelje të kodit të punës, 89 persona pa mbështetje të keqtrajtuar e të larguar për tu zëvendësuar me militantë të partisë në pushtet të cilët në një pjesë e madhe janë punësuar ndërkohë nga të ardhurat dytësore.

Vetëm dje në Fier janë dërguar shkresat për ndërprerje të marrëdhënieve të punës rreth 70 personave, po kështu në Durrës, Elbasan, etj etj mijëra persona  janë hedhur në rrugë me një të rënë të lapsit… Po Largohen nga puna infermiere të specializuara në neonatologji, infermiere instrumentare të sallës së operacionit me experiencë pune shumë vjecare…

Po pse këto shkurtime pikërisht tani? Pikerisht pasi i dha edhe koncesionin e sterilizimit mikut te tij adash?? Edhe sa familje të tjera do mbeten pa asnjë të ardhur?? Edhe sa fëmijë të tjerë nuk do kenë kushtet minimale për t’u rritur e mirëarsimuar???

Sigurisht, në mungesë specialistësh, infermierësh as mjekët nuk do mund të kryejnë e të japin shërbimin e duhur…nuk do mund t’u vijnë në ndihmë si duhet pacientëve që do detyrohen të marrin rrugët e të shkojnë në Tiranë…rropatje, mjerim…kosto shëndeti dhe jete…

Kjo do sjelle mos shfrytëzim të spitaleve…pse jo mbyllje të një pjese të tyre…apo koncesionimin…ja ku dolëm në planin tjetër të mendjeve më të mbrapshta që kanë drejtuar ndonjëherë shëndetësinë në shqipëri…

E ndërsa mijëra familje varfërohen e shkatërrohen…koncesionarët cdo ditë majmen e pasurohen …

Të nderuar kolegë,

E ndërkohë që Kryeministri flet për reforma në shëndetësi… mjekët po e lënë cdo ditë shqipërinë. Shifrat janë alarmante!!! Cdo dy ditë, një mjek largohet nga Shqipëria… Kjo është goditja më e rëndë për sistemin shëndetësor publik e me pasoja të pariparueshme. Po ikin elitat për shkak të politikave të gabuara të Qeverisë.

Të dhënat bëhen publike nga raportet e vitit 2014-2015 të Urdhrit të Mjekut. Presidenti i Urdhërit, dr. Brahimaj, shprehet tepër i shqetësuar për këtë fenomen dhe thotë se largimi edhe i një mjeku është humbje e një investimi të madh të shoqërisë.

Disa nga arësyet e largimit: jetesë më e mirë, kushte më të mira të punës, pagë më të mirë, me më pak strese ku të ndihen më të qetë e më të vlerësuar dhe mundësi më të mëdha për t’u rritur profesionalisht e për të bërë një karrierë më të suksesshme.

Dikur një figurë e respektuar dhe e adhuruar, – thekson raporti – sot mjeku për shkak të krizës së besimit është i stresuar, ndihet nën presion, i dhunuar verbalisht dhe fizikisht si asnjëherë. Edhe pse është i mbingarkuar dhe jo plotësisht i vlerësuar, ai mbetet i paragjykuar.

Po sipas raportit, pakënaqësia, zhgënjimi dhe rebelimi i qytetarëve e pacientëve, me apo pa të drejtë i faturohet mjekut si personi i parë i kontaktit me ta. Ky reagim, jo rrallë është manifestuar me dhunë ndaj bluzave të bardha, si një dukuri e turpshme dhe që s’duhet të tolerohet më në realitetin shqiptar. Për këtë arësye, UMSH-ja kërkon që bluzave të bardha t’u jepet një status i veçantë ose strukturat shëndetësore të shihen si objekte të rëndësisë së veçantë, që personeli të ndihet i mbrojtur dhe të punojë i qetë.

Ndaj, do i kërkoja Ministrit që të marrë parasysh rekomandimet e Urdhërit të mjekut në mënyrë që të ndalet rrjedhja e mëtejshme e “trurit” të Shqipërisë.

Të nderuar kolegë

Tallja me të pamundurit zoti Ministër dhe Kryeministër jam e sigurt që do t’ju kthehet një ditë. Ju jeni në grahmat e fundit të pushtetit… Kryeministri duket se ka urdhëruar qeverinë të bëjë check up-in e tenderave! Kryeministri po del vetë “derë më derë” për t’ju kujtuar klientëve se rilindasit janë aksionerë në koncensionet 10 vjecare të shërbimeve publike. Me panikun e aksionit opozitar për rrëzimin e hajdutëve nga qeveria, Kryeministri po ndërron karriget e të besuarëve të tij për të shpejtuar finalizimin e projekteve që i garantojnë pushtet financiar edhe për 10 vitet e ardhshme.

Kjo pak a shumë i ngjan këtij projektit famoz “shërbimi në sportel” ! Për të gjithë ata që kanë aplikuar për këtë shërbim… Diktaturat iu tremben gjithmonë “pranverave” në fund shkurti, ndaj dhe ju po i shikoni teksa po plackisin gjithcka cfarë iu del përpara !

Por gjykimin, nuk do ta kenë shkurt, por shumë gjatë !

Fjala në Kuvend e deputetes Albana Vokshi, 18 Shkurt 2016

Zoti kryesues i seancës!

Zonja deputete!

Zotërinj deputetë!

Sot është një ditë e shënuar në historinë e lirisë së shqiptarëve. Si sot 25 vite më parë studentët liberatorë, ato djem dhe vajza që u përballën me 8 – 9 -10 dhjetor me një kurajo mbinjerëzore, me një guxim në kufijtë e legjendës, të cilët pasi themeluan Partinë Demokratike të Shqipërisë, vendosën të ndërmarrin betejën më të madhe për të jetëzuar pluralizmin politik dhe liritë e shqiptarëve. Ai vendim i tyre sublim u mor në një kohë kur kulti i Satanit, i Hitlerit shqiptar të Pasluftës ishte omniprezent dhe omnipotent në çdo skaj, në çdo qoshe, në çdo rrugë e çdo shesh në mbarë vendin. Ky vendim historik erdhi pas grevave të fuqishme të studentëve të Institutit të Lartë Bujqësor, të cilat u shoqëruan menjëherë nga greva dhe bojkoti i mësimit i studentëve të universitetit të Tiranës dhe mbarë universiteteve të vendit.

Si rrallë ndonjëherë sudentët, studentet do të pushtonin me shpejtësi të madhe mëndjet dhe zemrat e shqiptarëve për kauzën e madhe që ata mbronin. Ata nuk mund të studionin në univeristetin që mbante emrin e Satanit, nuk mund të studionin në universitetin që mbante emrin e Hitlerit shqiptar të Pasluftës, nuk mund të studionin në universitetin që mbante emrin e njëriut që kishte bërë mbi shqiptarët të zeza më shumë se çdo regjim dhe çdo pushtues tjetër.

Me një vendosmëri të jashtëzakonshme, me një gjakftohtësi olimpike, studentë të ngujuar për vetëflijim, në pak më shumë se dy ditë, imponuan plotësimin e kërkesave të tyre të drejta. Qytetarët e Tiranës dhe të mbarë Shqipërisë, të grumbulluar në solidaritet ndaj tyre, duke ditur mirë se emri i universitetit ishte vetëm njëri aspekt i kultit të Satanit dhe përmbysjen e simboleve dhe shtatores së diktatorit në Tiranë dhe mbarë Shqipërinë. Qytetarët, në orën 14 : 05 minuta të datës 20 përmbysën, tërhoqën zvarrë, i prenë kokën shtatores së diktatorit, për ti bërë atij ndëshkimin që ai meritonte nga historia e vendit. Ajo ishte një betejë kundër busteve dhe duhet të dini se vetëm një ditë më përpara, në pleniumin e komitetit qëndror të partisë, daja i Edvin Kristaq Ramës, Spiro Koleka, do të çirrej edhe ai si një shtrigë e vërtetë dhe të kërkonte t’u futeshin tanket studentëve në kështjellën e tyre të lirisë. Por ata u ngadhënjyen, ndaj dhe duke shprehur dhe një herë nderimin dhe vlerësimin tim, mirënjohjen time të pakufishme për aktin e tyre liberator, duke dënuar me ashpërsinë më të madhe dhunën që ndërmorri rregjimi ndaj PD dhe qytetarëve, vrasjet barbare në mes të rrugës, ekzekutimet nga klika në pushtet për të ruajtur dhe konsoliduar pushtetin e saj të shpartalluar, dënoj gjithahstu heshtjen e nipit të Spiro Kolekës, këtij xhelati mizor, që do ta kalojë këtë ditë pa asnjë vlerësim, pa asnjë nderim, në një kohë kur kjo është dita e kujtesës kombëtare, ditë e cila shndërroi në opozitë të vërtëtë opozitën shqiptare, në një kohë kur kjo shpërndau në të katër anët e botës lajmin e shumëprituir nga miqtë e lirisë në mbarë botën për shembjen dhe zvarritjen rrugëve të Tiranës të Hitlerit shqiptar të Pasluftës.

Zonja dhe zotërinj!

Këtu, pak ditë më parë erdhi në një vizitë historike Sekretari i Shtetit Jhon Kerry. E kemi përshëndetur para se të vijë dhe e përshëndesim me shumë mirënjohje dhe falenderime. Por dy gjëra dua të theksoj. Në një kohë kur, për të lehtësuar qëndrimet e qeverisë në një pikë ku ne ishim plotësisht dakord, iu kreferova disa herë këtu problemit të muxhahedinëve. Por njeriu që nuk ka fytyrë dhe as nuk skuqet e as nuk zbehet, m’u drejtua këtu disa herë si “gënjeshtar që po gënjen”, në një kohë kur unë po kërkoja asgjë tjetër veçse të shprehja solidaritet për një vendim, të cilin unë e konsideroj vazhdim të një vendimi tjetër të qeverisë së mëparshme, dhe e mbështes plotësisht. Pse u ndala këtu? Se ky (Rama)100 pseudonime ti ketë, ai gënjeshtar mbetet!

Ështe turpshme o socialistë të nderuar që qytetari shqiptar të mos dijë asgjë dhe ta marrë vesh nga John Kerry se erdhi t’u shprehë falenderimet qeverisë shqiptare dhe shqiptarëve për marrjen e 3 mijë muxhahedinëve. Si more e duroni? A mendoni që nukjanë hunj të kuq por janë qytetarë shqiptarë. Keni qënë ministra dhe kryeministra, si e duroni një të sëmurë psikik, një psikopat?! Po çfarë e ka ky Shqipërinë? Kopështin e Spiro Kolekës e ka? Po Shqipëria është vendi shqiptarëve. Dhe çdo shqiptar duhet ta dinte, dhe unë ftoj shqiptarët ta mbështesin këtë akt dhe të mos nisen nga një psikopat, një njëri që fsheh. Po si mund të mendosh të marrësh 2700 dhe nuk u thua një fjalë qytetarëve të tu.

I konsideronilarva qytetarët.  Si njoftoni për asnjë vendim. E bëtë me armët kimike, ngritët qytetarët në këmbë kundra. Kur kemi marrë 215 muxhahedinët e parë një për një i kemi raportuar. U desh të njoftonte DASH..

Cili ishte qëllimi dytë. Lëxoni komunikatën e DASH. E fshehët dhe mashtrua gjithë ditën me mediat tuaja. Lexoni kryeartikullin e Reuters, lexoni njoftimin e DASH-it. Nuk kam lexuar kurrë një titull dhe njoftim të tillë zyrtar të tillë në karrierën time 27-vjeçare politike. Kerry e tha me ndjenjat më miqësore, e tha me dhembshuri: Nua dua ta shoh Shqipërinë si Nigeria! Pse e bëri? Sepse pa që ju përsëri mashtruat shqiptarët. Po s’mund të pranojë ai që ju të përdorni për luftë një vizitë e cila synon të ndihmojë qytetarët shqiptarë dhe jo politikanët e korruptuar shqiptarë. A e lexuat ju njoftimin e DASH të nesërmen apo jo. Ishte për të mbështetur reformat antikorrupsion. Ja u tha në takim. Cfarë ndodhi mbrapa? Cili ishte reagimi i Ramës? Dy reagime. Fole ti zoti Sekretar për dekriminalizim? Të ka thënë ambasadori yt edhe për Rroçin (Rroshin) edhe për Poçin dhe me vrap shkoi në Kavajë, rroftë Rroçi e rroftë Poçi. Po pse sfida do i bëni ju Amerikës? Po këto janë turpe primitive. Nxirrni pesë çakenj që dalin flasin gjithë ditën çfarë u thotë ai dhe kështu mendoni se kalohet..

Cfarë ishte ajo vizitë tek Rroshi, i dënuar dy herë, një herë për plagosje dhe një herë për diçka tjetër. Karshillëk? Por kjo është jashtëzakonisht e rrezikshme. A ishte mesazhi dytë antikorrupsioni. Thellësisht miqësor në ndjenjat e tij ishte, por prap së prapë ai s’mund të rri kurrë pa i thënë shqiptarëve se pse erdhi.

Të nesërmen e vizitës së Kerryt shkarkohet në një akt megakorruptiv të pashembullt, një njëri për të cilin as kam qënë as jam e as do të jem kurrë në favor që të jetë zyrtar, një njëri për të cilin kam thënë që kam patur objeksione për të, por një njëri i cili është viktima e parë, në memorien time, i një ministri që shkarkohet se nuk donte të lejonte një akt korruptiv.

A u bë hetimi? A doli se është TVSH-ja e Olsit dhe e Edit. Dhe e hoqët (Canin) sepse ai zotëria nuk pranonte ta firmoste atë. Unë dua ti përshëndes ata punonjës të ministrisë që pranuan shkarkimin për të mos lejuar këtë afërë të fëlliqur sa vetë fëlliqsira, të lidhur direkt me kryeministrin e vendit. Të nesërmen e këtij mesazhi i pretë kokën atij që bllokonte këtë akt korruptiv. Dhe kë gjen?

Ja u them unë kë. Kur dy vjet më parë një njëri i afërt e pyet: “more Arben, po ti si hype kaq lart”? “Unë hypa, – tha, – se e paguaj më shumë se kushdo tjetër”. Si erdhi ky në majë të financave? Cfarë e lidh atë me financat? Po ta marrë njëri në provim, ky njëriu nuk shkruan dot pesë fjali me korrektesë të doktrinës financiare. Financat nuk janë demagogji. Në grupine shkencave ekonomike financat janë shkencë ekzakte. Ndaj dhe ky në financa është si miu në kafaz asgjë s’merr vesh.

Unë të kërkoj këtu, tërhiqu nga kjo aferë, dhe mos u bë faktor për destabilizim të vendit. Se të jesh i bindur se ne nuk do pranojmë që kryeministri yt të vjedhë TVSH e shqiptarëve nëpërmjet teje! Po fut dorë në TVSH e shqiptarëve, të cilën e paguajnë shqiptarët në çdo gotë ujë, në çdo kafshatë buke, në çdo gotë qumësht.  Të gjithë ju që kujtoni se nuk paguani taksa ju them që paguani një taksë të tmerrshme. Dhe ju o të varfër edhe këtë taksë do t’ja u vjedhë Rama dhe jo me një apo dy milionë, por me 140 milionë euro. Jo zotërinj, nuk do mund ta bëni kurrë këtë. Të bëj thorrje edhe një herë, tërhiqu nga kjo aventurë mos u bë simboli më i urryer në pluralizëm për vjedhje të tilla!

Në mandatin e parë të qeverisë si zv.ministër, ti vodhe mbi 800 milionë impulse në telekomunikacion, me një vlerë prej 15 mln euro, të gjetura nga komisioni parlamentar shumicë-pakicë. Ti zotëri që je këtu,dhe që do të bëhesh mashë për të vjedhur,  në 2005 si u largove ti nga Shqipëria? E kalove si shkelës kufiri dhe njeriun që e ka shoqëruar me valixhet me euro e ka arrestuar policia greke si shkëlës kufiri. Shkoi në Rumani, kërkoi azil politik, ndërhyra brenda autoriteteve rumune që të mos ia jepnin. Pagoi shuma marramendëse avokatit të partisë për ta mbyllur por s’ka për ta mbyllur kurrë. Ndaj dhe ky tani, atë që s’pranoi ta bëjë Cani, s’pranuan ta bëjnë punonjësit e tuj, merr misionin për ta bërë një njeri që në jetën e tij nuk ka lexuar qoftë konceptin më elementar të financave të një shteti apo financave në tërësi.

A mund të rrimë në duarkryq para kësaj lukunie, vjedhjeje të tmerrshme? Të kërkoj të japësh dorëheqjen e të mos e çosh vendin aty ku vendi nuk duhet të shkojë. Ne duam që debati të mbetet gjitmonë për transparencë por këto që po bëni ju, absolutisht po i detyroni qytetarët tu kërrejnë me lecka nga zyrat dhe mos të gjeni strofull, dhe mos kujto se e kalon më kufirin, edhe me valixhe, ndaj dhe ti nuk mund ta merrje kurrë këtë mision, do i bësh vendit gjëmë të madhe dhe të jesh i bindur se do ta paguash shumë shumë shtrentë këtë gjë.

Përsa i përket ligjit, shiko çfarë bëjnë këta. Një koncension e japin me ligjin e ri, një koncension e japin me ligjin e vjetër. Si tu vijë për shtat të vjedhin më shumë. Në botë kjo sndodh kurrë.

Zoti kryesues i seancës,

a i dëgjove këta naëtarë të ogranizatës kriminale që hidhen këtu kur flet deputeti opozitës? Cfarë do të thotë kjo? Janë anëtarë të organizatës kriminale. A e patë zotërinj parëmbrëmë, e ndoqët Opinionin? Dy përfaqsues e opozitës, dhe zv kryetari Bashkisë me zëvëndës kryeministrin në debat për shkatërrimin e parkut të Tiranës. Ju vidhni bashkërisht more. Po s’ka gjë më të shëmtuar dhe më të paimagjinueshme. Ti zëvëndëskryeministër shkoje aty për të bërë avokatin e prerjes kriminale të durëve në parkun e Tiranës, për të bërë avokatin e fshehjes së ndërtimeve korruptive.

Madje dhe kryetari i bashkisë; po ça bëni kështu xhanëm? Ka një rregull, apo jo? Po ca bëni kështu xhanëm. Ti vetëm faktove se shkove të mbrosh një interes personal. S’ndodh kurrë, të bëhesh ti ushtar i Erjon  Velisë. Po bëhesh ti, edhe i Erjon Velisë, edhe i Maznikut, edhe i ndonjë tjetri se s’pyet ti, do vetëm të mbushësh xhepat dhe asgjë tjetër. Po ka një etikë, ka një rregull. A bëni ndnonjë mbledhje ju? Po të doni vijë unë ja u bëj mbledhjet,  jua numëroj të gjitha. Unë nuk ndërhyjë në punët tuaja. Po dhe Vasilika i hëngri kokën Jolezës që merret me FB. Nuk merrem me këto unë. Këta këtu mbrapa bëjnë si gangsterë. A flet ministri mbrapa ashtu? Sepse janë të zhytur këmbë e kokë në vjedhje. Po çfarë e çon Peleshin të shkojë të mbrojë Maznikun? Korça të bëri zv.kryeministër ty more dhe ti na del të bësh avokatin e hajdutit, se ti vjedh me të. Ndodh kur mbush xhepat për vete.

Ndaj dhe një herë i bëj thirrje, dorëhiqu menjëherë nga detyra që të ka dhënë kryeministri, i bëj thirrje parlamentit të krijojë me urgjencë një komision hetimor parlamentar për të vërtetuar të gjitha këto që kanë shkruajtur agjensitë e huaja, shtypi investigativ por dhe deputetët në këtë sallë.

Replika pas fjalës së Peleshit, Ahmetajt dhe Bushatit.

Zonja deputete,

Zotërinj deputetë,

Para meje, tre anëtarë kabineti, në një pothuaj marrëzi të vërtetë, tentuan të mohojnë çdo gjë, duke faktuar se janë nihilistë, vulgarë për faktin e vetëm se nuk kanë konceptet bazë. Jo për këta, por për hir të qytetarëve shqiptarë, dua t’ju them këtyre zotërinjve se janë në muajin e 28-të të qeverisjes së tyre.

Në 28 muajt e parë të qeverisjes së mëparshme, është marrë ftesa për anëtarësim në NATO.

Në 27 muaj e parë të qeverisjes së mëparshme u firmos Marrëveshja e Stabilizim Asociimit kur ju i binit qemaneve dhe bilbilave këtu.

Në 27 muaj të qeverisë së mëparshme, ajo qeveri dha një kontribut thelbësor në pavarësinë e Kosovës dhe do të ishte Tirana, kryeqyteti ku defacto presidenti i Shteteve të Bashkuara, Xhorxh Bush do të deklaronte pavarësinë e Kosovës.

Në 27 muaj, qeveria dha edhe më shumë kontribut thelbësor në njohjen e Kosovës. Ju s’numëroni dot asnjë të vetme.

Me reforma të gjithanshme dhe serioze u plotësuan të gjitha kushtet, 120 kushte për të hequr vizat për shqiptarët, u tejkalua çdo skepticizëm, u tejkaluan të gjitha mashtrimet, si ajo e letrave te Velicës me Ramën të dërguara në Bruksel se do të prisni 800 mijë shqiptarë, po hoqët vizat.  Kë nuk mobilizuat, të korruptuar, të majtë dhe të majtës ekstreme për të votuar kundra heqjes së vizave të shqiptarëve. Të votonin kundër qarkullimit të lirë të shqiptarëve në Europë dhe ata ishin miqtë e ngushtë tuajt.

Arritët o nihilistë, që mendoni se mund të ndërtoni suksesin mbi nihilizmin, por mbi nihilizmin ndërtohet hiçi. Nihilizmi është psikologji nihiliste. Në atë periudhë, dy herë Komisioni Europian rekomandoi statusin e vendit kandidat. Se para kësaj, kjo administratë me sukses të plotë  ju dha përgjigje 2284 pyetjeve dhe mbi 2200 nën pyetjeve,  të cilat përbënin një provim të vërtetë për administratën shtetërore të një vendi nga Komisioni Europian. Pas këtyre pyetjeve, Komisioni Europian vendosi  të rekomandojë Shqipërinë për statusin e vendit kandidat. Doli një njeri me aferën e CEZ në një marrëveshje të fshehtë me Stefan Fyle, u betua se nuk do të japi votën, nuk dha votën dhe e bllokoi dy herë statusin e vendit kandidat dhe ky është Edi Rama. O nihilist.

Në 18 muaj ajo qeveri vendosi para ligjit Aldo Baret tuaja, një mijë bandaitë, trafikantë, miqtë tuaj të ngushtë, që ju mbanin ju në duar. Bosët i arrestoi në të katër anët e Europës dhe botës dhe ka këtu zotërinj që e dinë mirë, por tani nuk ju leverdis, se çfarë klime kishte në Këshillin e Atlantikut për Shqipërinë.  Mosbesim total, pasi kronikat e mëngjesit, të drekës dhe të darkës, të vendeve të perëndimit hapeshin me titujt ‘mafia shqiptare’, por pas këtij operacioni që zgjati gjithsej 18 muaj gjithçka ndryshoi.

Shqipëria u bë një nga vendet më të sigurta në Europë dhe meritoi ftesën për anëtarësim në NATO, në një kohë kur ju protestonit kundër anëtarësimit në NATO, madje gënjenit shqiptarët edhe ditën e ftesës se Shqipëria nuk do të marrë ftesën.  Kishit nisur langojë për të raportuar nga Bukureshti se Shqipërisë do ti anulojnë ftesën, sepse ju kishin thënë miqtë tuaj, armiqtë e shqiptarëve. Historia është atje, e shkruajtur është e stamposur.

Ju që flisni si nihilistë, që bëtë këtë e atë, ju dua t’ju them këtu se në historinë e zhvillimit të këtij vendi, revolucioni fiskal i qeverisë së mëparshme, përben modelin më të shkëlqyer ekonomik, i cili i dha Shqipërisë avantazhe shumë të mëdha, e mbrojti nga kriza siç e dëshmojnë të gjitha ato institucione që ju i lexoni siç ju intereson.

Po ju rikujtoj këtu, papunësia ra në 12.8% sipas statistikave ndërkombëtare.

Po ju rikujtoj këtu se regjistrimi i biznesit nga 42 ditë dhe 4 mije euro zbriti në 30 minuta dhe 1 euro. Se ajo AIDA që shkatërrove ti, dhe i përzure, e di se çfarë bëri ajo? Nëse këta mohojnë, unë jam këtu për të hedhur në kosh të plehrave ideologjinë e hiçit.

Ai model ekonomik bëri që Shqipëria nga 72 milionë dollarë në dhjetë vite mesatarja, investime të huaja, merrni statistikën e IBRD, Shqipëria katër vitet e  fundit qtë kalojë çdo vit një miliardë dollarë investime të huaja.

Keni 27 muaj që nuk tregoni në mënyrë absolute qoftë edhe një investim të vetëm serioz në këtë vend. Të gjitha ato janë investime të qeverisë së mëparshme, me TAP, me Devoll, me Fan, e me radhë.

Ju investimet i shihni si armiq, ju dini vetëm të vidhni.

Ishte ai model dhe ato reforma që solli rritjen me 300% të investimeve të huaja,  që solli rritjen me 316% të eksporteve. Të ardhurat për frymë  të shqiptarëve  arritën  në 11 mijë dollarë. Shqipëria u rreshtua në grupin e vendeve me të ardhura të mesme të larta dhe kjo përbën një nga arritjet më madhore në tërë historinë kombëtare të shqiptarëve. Merrni statistikat. Censusi i fundit i vitit 2011 tregoi se 343 mijë familje shqiptare kishin më shumë se një shtëpi. Shqiptarët për banesa në 1 mijë banore tejkaluan jo një por 5 vendet të zhvilluar të OECD. Shqipëria rriti rrogat me 120 deri 150%. Çfarë keni bërë në këto 27 muaj me rrogat? I keni ulur të paktën në 12%. Rrogat janë ulur 12%. Rriti 100% pensionet e ulta. Sa i keni rritur pensionet? Zero! Qeveria që nuk bëri asgjë, ndërtoi në 8 vite 11300 km rrugë, ndërtoi me dhjetëra km tunele, ura, autostrada, rrugë dytësore, që shëtisni si zotërinj shkoni nëpër kafene dhe nuk takoni njerëzit.  Këto janë të vërteta.  Një rrugë ju lamë, Rrugën e Arbrit, në gjysëm. Ku e keni? Sa herë jeni zotuar. Po mos harroni se dibranët do t’ju ndëshkojnë në mënyrë shembullore për mashtrimin që ju bëni. Një çerek rrugë ju lamë në Pogradec, me trase të shtruar deri në qytet, e ka inauguruar dy herë deri tani kryetari juaj. Qesharake. Po rrugën e  Beratit ku e keni.  E tëra në fushë dhe ka vëtëm një urë. Ju ndërtoni nihilizmin dhe mashtroni veten me nihilizmin.

Në 23 muaj të mandatit të dytë u ça mali i Kërrabës dhe përfundoi autostrada. Çfarë po ndodh me juve? Ne rrugën Ibë-Tiranë nuk po e  përfundoni dot.  Nuk ka gjë më të turpshme se nuk përfundoni një rrugë që është vetëm 10 km. Nuk ka as tunel asgjë të vështirë. Dhe ajo është një kompani nga më seriozet të Rajonit por ju si jepni paratë. Ju jeni lukuni, dini vetëm të vidhni.  Në 8 vite u investuan,  vetëm në aparatura në shëndetësi 120 milionë euro. Ju shkoni dhe inauguroni ato që unë kam inauguruar në vitin 2011.

U ndërtuan 400 qendra shëndetësore.

U ndërtuan mbi 720 sisteme ujësjellës kanalizime, tregoni një që keni ndërtuar.

U ndërtuan 14 impiante të përpunimit të ujërave të zeza  të gjitha i keni jashtë funksioni se nuk paguani energjinë. Çfarë ndodhi tjetër!

Porti i Sarandës, porti i Vlorës, porti i Shëngjinit  u thelluan me nivele me Durrësin, por këta nihilistë nuk e dinë punën. Ku e keni një punë, na e tregoni?  Kullën në Korçës? Turp. Simboli i turpit të kësaj qeverie do të mbetet përjetë ajo. I dhamë fund epokës së gjeneratorëve.

Po ju çfarë bëni sot? Pasi vodhët në CEZ 620 milionë bashkë me ata, gjobisni 200 mijë familje shqiptare me fatura aforfe. Po në energji? Erdhëm në pushtet ku në 30 vite nuk ishte ndërtuar një hidrocentral. Brenda 5 viteve e shndërruam Shqipërinë në një pol të vërtet energjetik në rajon, me dy projekte më të mëdhatë në rajon dhe më gjerë, me HEC-in e Devollit dhe me TAP. A ishte kjo politikë apo nuk ishte politikë. Çfarë bëtë ju në energji gjatë kësaj periudhe? Vetëm keni përzënë se doni të vidhni, asgjë tjetër. Po e shkatërroni Vjosën në mënyrë barbare, sepse ju kanë paguar kryetarin. Ka projekte te tjera që në Vjosë, ndërtohet dhe nuk prishet fare. Zotëria më betohet që t’ju tregoj një shkresë. Po a nuk kundërshtoi ky udhëtimet me charter dhe mediat kanë botuar se ka udhëtuar me charter. Mos më thuaj mua se është charter zyrtar, kam qenë president dhe kryeministër unë dhe nuk kam udhëtuar.

Zoti drejtues i drejtues i seancës!

Doli këtu dhe tha më gjej një charter. Ja ku e ke udhëtimin 17 herë me charter.  Ja ku ke daljet dhe hyrjet në Shqipëri. Ja ku e ke gazetën, ti jep me tabela. Atëherë le të themi se “fajin e ka shtypi”.  Kur erdhëm në pushtet 4.8 % ishte interneti në Shqipëri,  e lamë me 63%.  43.500 projekte u financuan në mbarë vendin. 11 milionë rrënjë ullinj u mbollën në mbarë vendin, miliona arrorë u mbollën në mbarë vendin dhe drurë të tjerë frutorë, u 13 fishua prodhimi i mollëve në Korçë, u 6 fishua prodhimi i mollëve në Peshkopi.  Sigurisht këto juve ju vrasin dhe nuk ju lejojnë. U ndërtuan 147 km kanale, dhe dëgjojeni kur ta përsërisë Rama këtë.

I nderuar zotëri, që të kanë vënë aty si Ministër i Jashtëm, të shpreh ty kënaqësinë dhe jo dhëmbshurinë, se të shoh që ke një nivel intelektual dhe politik të merituar me atë që të dhanë socialistët e Shkodrës.  Të flasësh ti për xhelozi, duhet të jesh i verbër siç je.  Se unë që po flas këtu, në marrëdhëniet me Shtetet e Bashkuara  me dinjitet të plotë i kam patur në ato kulme, për të cilat e vërteta është se ndihem i privilegjuar, sepse marrëdhëniet dhe kulmet që ka njohur Sali Berisha në këto marrëdhënie absolutisht  nuk kam kërkuar kurrë me shumë.

Në vizitën time të fundit në SHBA, unë në vizita të tjera jam pritur nga presidenti dy herë, por t’ju them të vërtetën nderi që më është bërë ne vizitën e fundit nuk më është bërë ndonjëherë. Jam prit me topa, me flamuj, me tapet, por pritja që më është bërë herën e fundit më është dukur nderim ekstrem, dhe ne fakt ishte unike, sepse isha i pari kryeministër  që mu dha mundësia të flas në sallën e Muzeut të Holokaustit. Unë kurrë nuk kam për ta harruar atë moment dhe atë nder që u bë për shqiptarët. Kështu që, të flasësh ti për mua për xhelozi do të thotë të jesh nja dhjetë herë më i vogël seç je. Do të thotë se nuk ke asnjë koncept mbi tokë. Por nuk mundet kurrë që shqiptarët ta merrnin vesh nga Sekretari i Shtetit. Ju jeni bijtë e atyre që urreni shqiptarët dhe mbani çdo gjë sekret nga shqiptarët. Pse të mos e thonit? A e pësuat njëherë nga kjo praktikë tek armët kimike dhe e pësuat keq. Por nëse do të njoftonit me kohe do të kishte drejtim tjetër. Ju përsëri copy paste, aq sa e detyruat Sekretarin amerikan të flasë për këtë gjë, për të cilën jemi të gjithë dakord. Pse ky konspiracion? Ky konspiracioni është frikë.

Duke e mbyllur me zotërinë, sado që të flasësh dhe të recitosh këtu, shndërrimi yt në ushtar të Maznikut është absolutisht dëshmi flagrante e një akti të mirëfilltë korruptiv dhe uroj që ai që do të ndërtojë klubin që kishit fshehur, të mos jete ndonjë bashkortak i yti!

Replika pas Taulant Ballës:

Zoti kryetar i seancës!

Në dhjetor të vitit 2013, Edi Rama, në përpjekjen e tij monstruoze për të falsifikuar historinë, organizoi një ceremoni, që synonte dhjetorizimin e tij. Në proces të dhjetorizimit ju kishte ftuar juve, kishte ftuar zonjën Doda dhe 3 – 4 ish dhjetoristë, me një qëllim të caktuar, që ta falënderonin për kontributin e tij në dhjetor. Por nuk e bëri asnjë prej tyre, përkundrazi shprehën mendimet e tyre, por askush nuk i tha “o dhjetoristi  ynë që u bëre kryeministër”. Në atë ceremoni, doli një njeri që në dhjetor të 90 nuk ishte tek qershia por ishte në kopësht. Doli dhe i tha: “rroftë Edi Rama, lideri ynë i dhjetorit, që bëri këto e ato”.  U fry si kokosh dhe mendoi se në këtë mënyrë u dhjetorizua. Por i shkoi mundi kot.

Pasi dështoi, çfarë bëri. Me datën 4 nëntor të këtij viti, ishte 25 vjetori  i meshës së parë. Ajo ishte një ngjarje historike. Edi Rama vrapon, meqë dështoi si dhjetorist, vrapoi dhe ju tha, – “se më kujtohet shumë mirë ajo ditë, ishte me shi dhe e vërenjtur dhe sa e mori fjalën Don Simoni u hap qielli dhe një rreze drite shndërrimi si prozhektor”, etj, etj.

Argumenti i dytë i madh që dha ishte se kishte shkuar me tren në Shkodër. Mirëpo fatmirësisht organizatorët janë të djathtë, i thanë  se nuk ke qenë se mbledhja ishte në ora dhjetë dhe treni vinte në ora 2 sot në këtë sallë.  Ai nuk ka qenë asnjë orë të vetme në lëvizjen studentore të dhjetorit, se dajë Koleka nuhaste dhe e kishte nisur për në Korfuz. Lexoni intervistën e  Blendi Fevziut.  U kthye dhe ishte në mbledhjen e komisionit nismëtar, i veshur me nje amorlluk dhe me këpucë zbori dhe me çorapet e leshta të nxjerra mbi kambale, me një triko leshi, hapi  derën, u fut. I thotë Gramozi: “po ty kush të tha të vije”, dhe ai thotë se “më thanë që të vija”.  U ul aty dhe filloi. Tha se ne nuk ishimopozitë, se qëndrimi im ndaj Ramiz Alisë është kjo e ajo, dhe e dyta tha se duhet të shembim burgjet dhe ti bime Bllokut dhe kjo punë pa forcë nuk bëhet.

Ne i themi se “ne jemi Parti Demokratike dhe veprimet tona nuk bazohen në dhunë”. Filloi të flasë prapë. Dhe Gramozi i tha që të dilte jashtë. Pa rreth e rrotull të gjithë neve aty, nuk foli askush dhe nuk e mbrojti askush dhe doli me bisht nën shalë. I them Gramozit se pse e përzuri, dhe ai tha se e përzuri pasi qelbej erë.  I thash se ky nuk është motiv. Sali tha, – Gramozi, – e përzura sepse e dërguan. Po kush e dërgoi, e pyes?  Vetë ma tha se e dërguan, thotë Gramozi. Imagjinoni sa i mjerë është ky që kërkon dëshmitarë për dhjetorizim. Filloi të shkojë në Akademinë e Arteve dhe po punonte kundër.  Shkon Arben Imami dhe Edmond Budina dhe e lanë vetëm me të ndjerin Ardian Klosi. Thoshte se ne nuk sulmonim Enver Hoxhën. Por kishte një ndryshim të madh. Kur ne sulmonim Enver Hoxhën si shkatërrimtar të kombit,  si shkatërrimtar të qenies njerëzore me kooperativat, ne na sulmonin me kallashnikov, sigurimi i shtetit bënte çdo gjë kundër nesh.  Filloi dhe mbajti fjalimin aty: “Enver Hoxha na skuqi si rus, na zverdhi si kinez, na nxiu si shqiptarë, në çdo shtyllë duhet të varim një komunist”. Pasi foli i them hajde pak. Atë babin tënd ku do ta varim? Tha se atë do të var të parin. I thash se ne jemi Parti Demokratike dhe jo parti me varje.

Organizuam një takim me intelektualë në pallatin e kulturës, doli foli edhe aty dhe tha se unë dhe Gramozi nuk mund të dilnim në krye të opozitës, etj. I doli piktorja, dhe i tha se para se të japi mend këtu duhet të dënonte krimet e babit të tij. Tani të them të vërtetën për të mos e shtuar shamatën më shumë i them lëre. Ajo me thotë se nuk e dija çfarë i kishte bërë ai dhe çfarë katili ishte ai.  U ngritën edhe të tjerë. Ishin intelektualë të persekutuar. Nuk ishte e shoqja e Havzi Nelës aty, por ishin intelektualë, të cilën i thanë shko dëno krimet e babit tënd njëherë dhe pastaj hajde e jep mend këtu. U nis nga takimi dhe nuk u qas më. Tani i ka ngritur mendja që të bëhet dhjetorist. Pyeteni pak se ku ishte në shkurt? Ku ishte dhjetoristi pa dhjetor i juaji në shkurt? Ishte në bunker. Qante me dënese. Po të lexosh intervistën e fundit për ne i quajti akte barbare.  Ne ishim opozitë që përpiqeshim me çdo kush të shmangnim çdo lloj konflikti. Natyrisht Edi Rama dhe sojit të tij jua thërrmuam dhe jua bëmë cope e çikë atë parajsë që ishte ndërtuar mbi shtypjen e egër të etërve të tyre, atë parajsë që prindërit e tyre kishin ndërtuar mbi thyerje kockash, mbi burgosje, mbi ekzekutime pa gjygj edhe me gjyq. Atë parajsë që kishin ndërtuar mbi krimin e shëmtuar, mbi krimin e shëmtuar nga etërit e tyre, mbi një uri të tmerrshme kronike, mbi ekzekutime pa gjyq dhe me gjyq. Jua thërrmuam atë parajsë. Një nga këta bastardët e Bllokut do të më thoshte njëherë, se këta nuk ta falin kurrë 90-91. Ç’ka më bëmë mua më shumë krenar më shumë se çdo gjë tjetër.

Ti je një shpifës që je dënuar dhe do dënohesh përsëri nga gjykata. Sa Ime bijë nuk ka qenë kurrë e kontraktuar nga ai që thua ti. Se ka takuar kurrë ndonjëherë dhe nga viti 2009 ajo nuk ka bërë asnjë konsulencë, asnjë personi, të asnjë kategorie, të asnjë vendi. Por ti je i pafytyrë dhe je mashtrues. Je dënuar 5 herë nga gjykata si shpifje dhe do të dënohesh sërish.  Të garantoj se do të përballesh shumë shpejt në gjykatë me shpifjen që bërë. Me shpifje, nuk mbrohet Edi Rama. Edi Rama vetëm tregon mjerimin dhe batakun ku ka rënë.

Fjala në Kuvend e ish kryeministrit Sali Berisha, 18 Shkurt 2016

Ka disa muaj qe spo e degjojme me refrenin rilindas qe ne 2013 shqiptaret iu dhane 1 miljon shuplaka. Kjo sepse me sa duket edhe ju vete jeni ndergjegjesuar qe ne afro 28 muaj apo 900 dite allaqeverisje  shqiptarët  nuk ju votojnë me. Ato nje milion shuplakat qe na u dhane ne 2013 jane në hemorragji të përditshme. Ndaj Shpresa e vetme e udheheqesit  është të blejë  varfërinë, të blejë dinjitetin e  shqiptarëve.ju nuk po qeversisni per shqiptaret, por si lubi e babezitur thjesht po vidhni cdo gje qe ju del perpara,madje keni futur thelle doren edhe ne xhepat e shqiptareve te varfer. Pasi e shkaterruat ekonomine dhe mireqenien e shqiptareve me modelin tuaj te deshtuar te taksimit progresiv, te rritjes se taksave me 50 %, te shtimit te taksave te reja, nuk u mjaftuat me kaq, por po ngarkoni shqiptaret edhe me barren e taksave te fshehta, si dhe te koncensioneve allarilindase.

Ndërkohë që kompani fantazmë, miq apo kliente te qeverise zaptojnë pasuritë natyrore apo shërbime monopol, ekonomia po shkon ne renie te lire ne pikiate, qytetarët shqiptarë po varfërohen dita-ditës dhe diferenca ndërmjet shtresave të pasura dhe atyre të varfra po thellohet duke u bërë “humnerë”; ku të rinj e të vjetër janë të pashpresë e mbi të gjitha pa të ardhme.

Ajo cka po beni me shpejtesine e drites keto 900 dite qeverisje eshte koncensionimi I gjithckaje, duke u falur miqve apo klienteve tuaj qindra miliona euro para te shqiptareve, qe I kushtojne buxhetit 660 milionë euro, Duke patur njekohesisht edhe nje rrisk për buxhetin e shtetit.

Kampion është shëndetësia, Në total 287,4 mln euro dhe së bashku me tenderët abuzivë, vetëm shëndetësia ka 338 mln euro abuzime, para që mund ti kishin shkuar buxhetit të shtetit.,nderkohe qe shendetsia po degradon perdite dhe ka nevoje urgjente per investime.

Por  kjo nuk I mjafton as ministrit as shefit te tij dhe natyrisht as klienteles, sepse Ministria e Shëndetësisë lajmëroi për 6 PPP të reja, duke filluar me koncensionin e laboratorëve. Po ashtu, ministria e Ekonomisë ka vendosur një informacion ku 70 shërbime apo asete do të jepen me koncension me një vlerë prej rreth 300 milionë dollarë duke e çuar vlerën e koncensioneve  ne pothuaj 1 miliardë euro. Jemi unike ne Europe per kriminalizimin e politikes, por po aq unike jemi edhe ne kete drejtim, pasinuk besoj se ka një rast tjeter si Shqipëria ku nga mbetjet, tek varrezat, nga tatimet te doganat, nga rrugët te shendetesia,  të gjitha shërbimet janë duke u koncensionuar.

Ne maj 2015 FMN,  ka ngritur shqetësimin për koncensionet duke e konsideruar partneritetin publik-privat dhe koncensionin si rriskun më të madh që mund të ekzistojë për buxhetin e shtetit. Rrisk i cili ka pasoja që  do të mbarten nesër në buxhete, për 10 vitet e ardhshme, 25 -30 vitet e ardhshme, për sa kohë do të jetë partneriteti publik-privat.Per FMN shqetësimi kryesor është që shumica e partneriteteve publike-private ndodhin në sektorin e infrastrukturës siç janë energjia, transporti, uji, kanalizimet dhe telekomi. Por në rastin e Shqipërisë po ndodh edhe në sektorët e butë siç është shëndetësia dhe sigurisht që ky është një rrisk shumë i madh.

Nderkohe qe koncesioni I radhes si e quani ju sepse ne fakt ai eshte nje tenderim qe  perfaqeson  një rast ekzemplar, eshte koncensioni i TVSH-së. Per here te pare, jo vetëm në këto 25 vite por në historinë e administrimit fiskal një shtet mendon që një të drejtë të vetën tia kalojë një koncensionari.

Koncesioni per mbledhjen e TVSH-se sjell ne vemendjen e opinionit publik nje numer problemesh qe shoqerojne kete forme transformimi te pasurive/aseteve strategjike, te drejtave eksluzive shteterore apo te vete fondeve publike, si: infecienca (shtrenjtimi i mallrave dhe sherbimeve publike qe ofrohen ne kete rruge ne krahasim me ato qeveritare perpara koncesionimit); deformimi i konkurrences dhe veshtiresimi i funksionimit normal te tregjeve; shtimi i perfitimeve te pamerituara, here-here korruptive per lobe te caktuara te biznesit, oligarket e perfaqesuar ne Kuvendin e Shqiperise apo deri edhe per sipermarres te lidhur me boten e nendheshme te krimit te organizuar dhe ate nderkombetar. Nje problem tjeter ne koncesionet e 900 diteve te qeverisjes rilindase eshte dhenia e tyre ne mjaft raste jo vetem ne shkelje te ligjit e Kushtetutes se vendit, por edhe lejimi i tregtimit lehtesisht te tyre, c’ka deshmon edhe per perfshirjen e elites politike te vendit ne perfitime te paligjshme qe vijne ne kushtet flagrante te konfliktit te interesave. Kjo situate ka ngjallur shqetesim ne rritje jo vetem ne radhet e qytetareve, votuesve e taksa-paguesve, te biznesit vendas e te huaj, por edhe te institucionet e huaja qe asistojne proceset integruese dhe zhvillimin ekoonmik e shoqeror te vendit (FMN, Banka Boterore, BE, etj.,)
eshte veshtire te justifikohet shkelja e ligjit per tatimet (ligji e percakton mbledhjen e tyre si nje funksion te administrates tatimore shteterore dhe nuk parashikon perfshirjen e sektorit privat ne te), ligjit per koncesionet (ky ligj nuk permban ndonje parashikim per sherbimet baze te shtetit sic eshte mbledhja e te ardhurave tatimore), ligjin per perdorimin e vete te ardhurave tatimore (ato nuk mund te shnderrohen ne nje “fee” (pagese) suksesi ndaj nje kompanie private si ne nje llotari te zakonshme, por duhen derdhur ne buxhetin e konsoliduar te shtetit), etj. Po ashtu ka per implikime sa i takon ceshtjeve qe lidhen me sigurine kombetare, etj. Po keshtu, perderisa ka mbeshtetje/pagese buhxetore, ne thelb nuk mendoj se eshte nje koncesion i mirefillte dhe ngjan me shume me nje tender “te zakonshem” qe dy vitet e fundit, jane dhene pa konkurrim (me prokurim te drejtperdrejte), por me perfitime prej disa qindra miliona Eurosh, per perfitimin e te cilave humbet edhe mundesia e kerkeses se llogarise dhe pergjegjesia ligjore perkatese, mbasi, si keni bere keto dy vjet,, ne fund do ta “vulosni” te noteri: Kuvend i Shqiperise dhe kuptohet qe te humbur dalin qytetaret shqiptare…

Nuk jam kunder partneriteti publik privat, as kunder koncesioneve si forme e zhvillimit te ekonomise se vendit. Forma te tilla perdoren kudo ne bote. Por nese flitet per partneritet publik privat, pervoja boterore na meson se jane rreth 40 hapa procedurale, teknike, te fizibilitetit ekonomik, juridike, etj., qe krijojne mundesine per te ndertuar ate lloj bashkepunimi ne te cilin sherbime te caktuara shteti i ushtron ne bashkepunim me sektorin privat. Cfaredo procedure tjeter eshte ne thelb shkelje e konkurrences, dhenie eksluzivitetesh apo avatazhesh qe bien ndesh me principet e ekonomise se tregut te lire.

Koncensionet tuaja klienteliste te dhena apo te parashikuara per tu dhene thjesht sa thellojne rrenimin e metejshem te ekonomise sone kombetare, deformimin e tregjeve dhe varferimin e shqiptareve. Ato jane dhene e po jepen thjesht dhe vetem nen ndikimet oligarkike, te interesave klienteliste, korrupsionit e kapjes se shtetit, Personalisht mendoj se qeveria mund dhe duhet te bleje cfaredo teknologjie qe ka nevoje zhvillimi ekonomik i vendit, por me pare se te beje kete duhet te shfrytezoje teknologjine qe ka ne dispozicion; mund dhe duhet te pajtoje kompani vendase dhe te huaja te specializuara per te mirembajtur teknologjine qe zoteron. Koncensioni I radhes I TVSH quhet tender i zakonshem dhe nuk ka nevoje per  “oferte te pakerkuar” as te kinezeve te Hong Kong-ut te kompanise se parajsave fiskale, dhe as atyre te Tiranes, te familjes kreministrore.. Nderkohe qe nga uria dhe te ftohtit po vdesin deri edhe njerez – femije, e qytetare te varfer sepse kriza eshte gjeresisht prezente, perfundimet e reformave dhe te “aksioneve” qe jane ndermarre jane kontradiktore, mireqenia e qytetareve te vendit si detyrim baze i qeverise ndaj qytetareve te vet po permendet rralle e me rralle ne fjalimet e pafundme te udheheqesit ,nderkohe qe shume dendur me parate e shqiptareve behen qoka per miqte,familjaret apo klientelen. Kjo eshte qoka e radhes 140 miljoshe per ortakun e vellait te kryeministrit ne Tirane dhe partnerin e tij ne ishujt tropikale te parajses fiskale… apo qoka e radhes qe kryeministri I ben vetvtes dhe miqve.

Fjala në Kuvend e deputetes Liljana Elmazi, 18 Shkurt 2016

Erion Veliaj, jo vetëm është duke bërë një ndërtim të paligjshëm brenda Parkut të  Liqenit, duke prekur një zonë të mbrojtur, duke prerë pemë, duke shkelur aty ku askush nuk guxoi për 25 vite, por ai po fsheh qëllimin e tij kryesor, klientelist e korruptiv.

Eshtë kafja dhe restoranti që do ia japë mikut të tij, arsyeja kryesore pse Erion Veliaj po ndërhyn në Parkun e Liqenit.

Kryetari i Bashkisë përpiqet ta fshehë këtë, me propagandë bajate sikur ai dhe vetëm ai mendon për fëmijët e qytetit.

E vërteta është se ai po mendon për klientelën dhe përfitimet e tij.

Siç e shihni në relacionin e pasqyruar dhe në ekran, Veliaj ka parashikuar ndërtimin e objekteve të shërbimit që janë kafe, restorant, kioske për gazetat.

E gjithë skema e tij ka qënë jo transparente.

Po në veçanti këtë kioske-kafe-restorant Veliaj është munduar t’ia fshehë publikut.

Kjo aferë ka dhe kosto financiare përveç të tjerash, me faturë 500 mijë euro nga taksat e banorëve të Tiranës.

Qytetarët e Tiranës dhe Partia Demokratike janë të vendosur të mos e lejojnë këtë paligjshmëri dhe sipërmarrje klienteliste të Erion Veliajt.

Parku i Liqenit nuk është oborri privat i kryetarit të Bashkisë.

Eshtë pasuri e qytetarëve dhe e tillë do të mbetet.

Deklarata për mediat e deputetes Jorida Tabaku, 18 Shkurt 2016