Blog

Falenderoj sekretarin Kerry që në një axhendë jashtëzakonisht të ngjeshur ndau kohë për të takuar opozitën dhe për të bashkëbiseduar së bashku mbi sfidat kryesore të Shqipërisë në këtë moment kyç për demokracinë shqiptare. Falenderimet e mia më të përzemërta për sekretarin Kerry, për Shtetet e Bashkuara të Amerikës, për administratën e Presidentit Obama, për mbështetjen e jashtëzakonshme që ai i ka dhënë dhe i jep Shqipërisë dhe shqiptarëve.

I sigurova në këtë takim se Partia Demokratike ashtu sikundër ka bërë deri më sot do të vazhdoj të jetë në krye të përpjekjeve për ruajtjen dhe konsolidimin e standardeve euroatlantike të demokracisë, shtetit ligjor dhe të drejtave të njeriut. Dhe se ashtu si në qeverisje edhe në opozitë Partia Demokratike mbetet e përkushtuar jo vetëm ndaj këtyre vlerave, jo vetëm me fjalë por edhe me vepra, siç ishte rasti i procesit të dekriminalizimit. Proces kyç për të sotmen dhe të nesërmen e demokracisë shqiptare dhe që nuk do të ishte përfunduar me sukses pa mbështetjen e plotë dhe të gjithanshme të SHBA-ve.

Të tjera sfida të mëdha që e presin Shqipërinë kanë të bëjnë me luftën kundër krimit dhe korrupsionit si parakusht i ecjes së Shqipërisë përpara në rrugën drejt integrimit europian. Parakusht I forcimit të kapaciteteve të Shqipërinë për të qenë një partnere e denjë, një aleate e vërtetë e SHBA-ve, e cila jo vetëm konsumon por edhe kontribuon në sfidat e kësaj aleance, në sfidat e përbashkëta kundër ekstremizmit.

Duke forcuar demokracinë e brendshme është e investimi më i mirë, më i fuqishëm në të ardhmen europiane dhe euroatlantike të Shqipërisë dhe gjithë rajonit. E në këtë kontekst është dhe ecja përpara me reforma shumë të rëndësishme siç është reforma në drejtësi, në përputhje me rekomandimet, normat, standardet e pranuara bashkërisht siç janë ato të Komisionit të Venecias, si dhe çështja kyçe e demokracisë shqiptare, çështja e zgjedhjeve të lira e të ndershme, për të cilat opozita kërkon angazhimin e partnerëve tanë si një reformë kyçe pa të cilën Shqipëria nuk mund të bëjë përpara.

Këto ishin ndër çështjet kryesore, sigurisht pati edhe të tjera, 25 vjetori i marrëdhënieve diplomatike, rekordi i angazhimit tonë si në qeverisje por edhe sot në opozitë për të mbështetur objektivat e përbashkëta dhe çështje të tjera të bashkëpunimit me Shtetet e Bashkuara të Amerikës.

Jam edhe një herë shumë mirënjohës sekretarit Kerry që ndau kohë posaçërisht për të bashkëbiseduar  me opozitën, unë e konsideroj këtë një shenjë besimi të madh tek opozita shqiptare, tek Partia Demokratike dhe i garantoj që Partia Demokratike dhe unë do të bëjmë çdo përpjekje për të përmbyllur me sukses konsolidimin e standardeve demokratike, të shtetit ligjor në Shqipëri, për të mbyllur çdo derë instalimit të një oligarkie dhe të ti hapur rrugë një demokracie pjesëmarrëse për qytetarët shqiptarë.

Faleminderit!

Njoftim për shtyp i Partisë Demokatike, 14 Shkurt 2016

Me iniciativën e PD, do të mbahen ekspozita, diskutime, debate, konkurse dhe dëshmi për këtë ngjarje kulmore në rrugën e Shqipërisë drejt lirisë, drejt Europës.

25 vite pas rrëzimit të statujës të dikatorit Hoxha, pas sakrificës së jashtzakonshme të studentëve, qytetarëve të Tiranës dhe mbarë vendit, sakrificë që solli lirinë e një kombi të izoluar e shtypur, Partia Demokratike do të organizojë disa aktivitete për të përkujtuar dhe evokuar mesazhet e ngjarjeve historike të shkurtit 1991.

Përgjatë 3 ditëve, me iniciativën e Partia Demokratike dhe Fondacionit për Liri dhe Demokraci do të organizohen takime me protagonistët, ekspozita dhe diskutime për të sjellë në vëmendje këtë datë të çmuar për historinë moderne të shqiptarëve, por që mesazhi i saj mbetet aktual dhe me vlerë për të rinjtë e sotëm dhe gjithë qytetarët.

Më 17 shkurt, në sallën Liria të kinoklubit në Qytet Studenti do të organizohet një aktivitet për 25 Vjetorin e Grevës së Urisë së studentëve të Universitetit të Tiranës. Disa prej protagonistëve të grevës, ish-studentë, do të kenë mundësi të bashkëbisedojnë me të rinjtë e Forumit Rinor të Partisë Demokratike në lidhje me eskperiencën e tyre të atyre ditëve të vështira.

Me 19 Shkurt, Fondacioni për Liri dhe Demokraci në bashkëpunim me fondacionin Hanns Seidel, do të nxisë diskutime të zgjedhura nga intelektualë e protagonist të kohës, mbi rëndësinë e 20 Shkurtit.

Të rinjtë e sotëm do të përfshihen përmes konkursit të eseve, “Vendim im, angazhohem”.

Ky aktivitet quhet “Politika simbolike: Një dialog për qytetarin dhe demokracinë”, me pjesmarrës, emra të spikatur të debatit publik, si Artan Fuga, Agron Gjekmarkaj, Edmond Tupe, Flutura Açka, Fitim Zekthi, Alfred Lela.

Do të ketë tre panele me temat; 1-Dekomunistizimi dhe 20 shkurti 1991, një qasje kritike; 2-Komunikimi politik sot ose kufiri mes simbolikës dhe propagandës në politikë; 3-Instrumentet në shërbim të simbolikes: Kush, kur, sa.

Me 20 Shkurt që përkon me 25 Vjetorin e rrëzimit të bustit të diktatorit Hoxha do të organizohet një ekspozitë në Muzeun Historik ku do të shfaqet një instalacion që do të qëndrojë hapur për disa ditë, dhe po ashtu do të mbahen edhe fjalë, diskutime, debate dhe dëshmi për këtë ngjarje kulmore në rrugën e Shqipërisë drejt lirisë, drejt Europës.

Aktivitetet do të jenë të hapura për çdo qytetar.

Njoftim për shtyp i Partisë Demokratike, 13 Shkurt 2016

Shtohen skandalet financiare të Saimir Tahirit.

Përveçse e ka paracaktuar fituesin e tenderit për 73 motora të Policisë, Tahiri është kujdesur që fitimi i klientit të tij, të jetë marramendës.

Që në krye, Tahiri ka përcaktuar si fond limit për blerjen e këtyre motorave shumën 1 miliardë e 39 milionë lekë.

Nga kërkimi, në faqen zyrtare të Aprilias, se një motorr i vitit 2014, me 750 kuaj fuqi, kushton 7400 euro, ose rreth 10 milionë lekë një. Sipas kësaj llogarie do të mjaftonin 730 milionë lekë për të blerë 73 motora të këtij lloji.

Por Saimir Tahiri është treguar dorëlëshuar me taksat e shqiptarëve, dhe ka ofruar  300 milionë lekë më shumë për këtë tender.

Kriteret janë qendisur në mënyrë të atillë që tenderin ta fitojë klienti i tij, duke përjashtuar këdo që mund ti gjente më lirë këto motora jashtë Europës.

Kështu në garë mbeti vetëm Edmondi SHPK, që u shpall fitues, me ofertën 928 milionë lekë.

Siç e shihni nga ekrani, një motor i tillë kushton në internet 10 millionë lekë.

Por për Saimir Tahirin kushton 12.7 milionë lekë një.

Pra llogaria është shumë e qartë.

Përfitohen, më saktë vidhen 2 milionë e 700 mijë lekë për çdo motor.

Për 73 motora, me një dorë Tahiri ndan 197 milionë lekë nga paratë e shqiptarëve.

Kjo llogari bëhet duke marrë parasysh çmimin me pakicë të motorit, 10 milionë lekë. Por kur dikush merr 73 copë, atëherë çmimi ulet shumë, dhe sigurisht norma e fitimit të Saimir Tahirit rritet akoma më shumë.

Tahiri po vazhdon të thellojë aferat korruptive me blerjet e Policisë, duke bërë edhe më shumë krenar shefin e tij Rama.

Ai ende nuk i është përgjigjur pyetjes publike, që iu bë në “top story”, se çfarë e lidh me Emiliano Shullazin.​

Deklarata për mediat e zëdhënëses, Ina Zhupa, 13 Shkurt 2016

Kryetari i Partisë Demokratike emëroi Ervin Salianjin, Sekretar për Aksionin Qytetar.

Ky sekretariat do të jetë në funksion të qytetarëve, zërit të tyre dhe nxitjes së tyre për mobilizim dhe aksion kundër arrogancës qeveritare, korrupsionit dhe padrejtësive.

Zoti Salianji vjen nga një​ përvojë në këtë drejtim, ku si koordinator i Partisë Demokratike dhe drejtues i Departamentit për të Drejtat e Njeriut ka qenë në kontakt të vazhdueshëm me qytetarët dhe problematikat e tyre.

Ervin Salianji ka përfunduar studimet e larta për Drejtesi dhe aktualisht po perfundon doktoraturën në të drejtë publike/kushtetuese. Në vitet  2011-2014 ishte avokati i qytetit te Tiranes. Ne vitin 2013 u emërua koordinator për çështjet ligjore në Partine Demokratike. Z. Salianji është anëtar i Këshillit Kombëtar të Partisë Demokratike, dhe ishte kandidat për kryetar të Forumit Rinor të PD.

Njoftim për shtyp i Partisë Demokratike, 12 Shkurt 2016

Deputetët Çirici dhe Papa shohin nga afër kushtet dhe dëgjojnë shqetësimin e qytetarëve

Deputetët Eleni Qirici dhe Gjergj Papa ishin sot në materinitetin e Korçës, ku zotëron kriza, degradimi i shërbimit, për shkak të braktisjes nga shteti. Paisjet janë tejet të amortizuara, mungesa e ilaçeve është e theksuar dhe nënat e reja me foshnjet janë në rrezik për marrjen e infeksioneve të ndryshme.

Deputetët demokratë diskutuan me pacientet shqetësimet për blerjen e ilaçeve madje dhe atyre më bazikë si dhe për kushtet tejet të rënda të dhomave dhe sallës së lindjes.

Deputetja Eleni Qirici tha pas vizitës tha se gjendja në maternitet është e mjerueshme dhe pa shpresë.

“Pikërisht në vendin ku lind jeta, mashtrimet e ministrit, kryeministrit, për shëndetësi falas dhe rilindje të sistemit dalin krejt zbuluar. Mjekët dhe infermierët këtu punojnë në kushte skandaloze dhe përvec kësaj ata janë nën trysninë e vazhdueshme për ti zëvendësuar me emërime militantësh”, tha zonja Qirici.

Në materinitetin e Korcës është ulur ndjeshëm numri i lindjeve nga vitit në vit, për arsye të rënies së besimit tek sistemi i shëndetësisë, cka I detyron qytetarët të gjejnë mundësitë e trajtimit në spitalet greke.

Prej disa ditësh deputetët e PD vijojnë denoncimet nga terreni të gjendjes së mjerueshme të sistemit shëndetësor, ndërsa Ilir Beqa dhe Edi Rama e kanë kthyer këtë sektor në biznesin më të madh fitimprurës për veten dhe klientelën e tyre.

Njoftim për shtyp i Partisë Demokratike, 12 Shkurt 2016

Pas uniformës së re të policisë që prezantoi Tahiri, fshihet një korrupsion prej 1.1 miliardë lekësh.

Asnjë transparencë, asnjë informacion për procesin, për tenderimin.

Kriteret teknike u përcaktuan sipas profilit të fituesit të paracaktuar.

Uniforma fituese u shpall nga Tahiri përpara se vendimi të botohej në fletoren zyrtare.

Asnjë e dhënë kush është dizanjuesi, pse u zgjodh ai, cili komision dhe si u bë vlerësimi.

Mendimi i vetë policisë, i ekspertëve nuk është marrë në konsideratë.

Sipas ligjit, vetë drejtoria e Policisë duhej të kishte nisur këtë procedurë, sipas kërkesave dhe nevojave të saj.

Nuk gjendet i pasqyruar askund mendimi i specialistëve të fushës për sa i përket cilësisë së veshjes, por as për emblemën e simbolet që janë vendosur.

Vetëm Saimir Tahiri e veglat e tij e dinë se kush është personi i kontraktuar.

Një aferë e pastër korruptive, ku 1.1 miliardë lekë doroviten duke i ndarë me klientin e ministrit.

Paratë e shqiptarëve trajtohen si të ishin portofoli privat i Tahirit.

Ky ministër që po bën krenar shefin e tij dhe në lëmin e korrupsionit, nuk e ndjen si detyrim të respektojë ligjin dhe procedurën, as të japë llogari.

Ashtu siç nuk u përgjigj edhe mbrëmë, kur publikisht në sytë e shqiptarëve u pyet në “top story” për lidhjen e tij me Emiliano Shullazin.

Deklarata për mediat e kreut të Departamentit të Rendit dhe Sigurisë, Enkelejd Alibeaj, 12 Shkurt 2016

Sa për sqarim se koka e derrit e bëri çorbë derri se i intereson në atë punën e byrosë së hetimit. Po është e vërtetë që ne kemi kërkuar me këmbëngulje që të vijë në Parlament draft projektligji i dakortësuar midis palëve dhe palët janë opozita mazhoranca dhe specialistët amerikanë të cilët jo vetëm kanë insistuar për këtë draft por dhe kanë qenë dhe motori i kësaj pune. Këtu na u tha nga ky kryeministër dhe pastaj nga ata që vendos ky të dalin në media se nuk do tëketë projektligj në parlament për Byronë e hetimit derisa  të vijë përgjigja e Venecias. Ndërkohë e kemi thënë dhe u lexua dhe u citua sot disa herë që ne kemi thënë pikërisht , projektligji që është dakortësuar me amerikanët dhe me mazhorancën,  do të ketë dhe vendimin e Venecias brenda atë, që është marrë ndërkohë sepse Venecia e ka dhenë një përgjigje për Byronë e e Hetimit  dhe përgjigja është e qartë sic e dha dhe Gjykata Kushtetuese.

Nuk mund të ketë Byro Hetimi nën varësinë e kryeministrit. S’ka rëndësi si e ka emrin dhe si delegohet kjo varësi tekj ministri i brendshëm apo tek dikush tjetër. Nuk mund  të ketë byro hetimi nën varësinë e kryeministrit apo ministrave të tij dhe kjo është logjikë e thjeshtë. I bie që Sajmir Tahiri të hetojë Edi Ramën apo Edi Rama të hetojë Edi Ramën. Nuk besoj se ka shqiptarë kaq naivë të mos e kuptojnë se cdo të thotë kjo , pa i hyrë asaj pjesës tjetër dëshirës të madhe të Edi Ramës për të marrë cdo institucion të drejtësisë në dorë. Pra e kemi kërkuar këtu dhe cfarë ndodhi. Pasi na u tha që nuk vjen  projektligji pa ardhur përgjigja numër 2 e Venecias, papritur u mblodhën mbrëmë dhe miratuan një projektligj, por cilin projektligj ? Jo atë për të cilin flasim ne. Absolutisht jo. Bënë një hile alla Rama të trashë dhe neveritëse  dhe kaluan projektligjin që këta deshën dhe tashti na thonë: hë e doni ju?Dje ne e miratuam jua sollëm pse nuk e kaloni.

Është lojë për kokë derra,  për corbë derrash por ne këtej nuk i themi derrit dajë. Kështu që nuk mund ti themi atij projektligji që kanë miratuar këta dje me emër tjetër, është i njëjti projektligj me ca rifinitura që e hodhi poshtë Gjykata kushtetuese dhe nuk e  pranoi Komisioni i Venecias. Kjo është e vërteta e atij projektligji që këta kanë gatuar dje dhe po e përsëris këtë, ne nuk mund ta pranojmë . dhe një herë ne derrit dajë nuk i themi dhe këtë corbë derrash të kryekokëderrit  ne nuk mund ta pranojmë.

Fjalimi në Kuvend i kreut të Grupit parlamentar, Edi Paloka, 11 Shkurt 2016

Byroja u propozua nga kryeministri si një organ ku drejtorin e caktonte Ministri i Brendshëm i tij, u padit në Gjykatë Kushtetuese dhe u rrëzua. Gjykata Kushtetuese nuk ishte e vetmja që rrëzoi një akt që ndërhyn në autonominë e prokurorisë si organ i akuzës së republikës.

Ishte opozita si edhe zëra të ndryshëm brenda mazhorancës përfshirë edhe në komisionin e sigurisë. Meqë ishte punuar me aleatët amerikanë dhe qëllimi do të lipsej të kish qenë i mire, përkrahja nuk u ndërpre. Në deklaratën që mbaj mend nga ata ishte që do të ripunohet në përputhje me vendimin e Gjykatës Kushtetuese.

Përsëri e hartuan në mënyrë të njëanshme, përsëri në shkelje të saj. E treta ndërhyrje, koment, këshillë është ajo që vjen nga Komisioni i Venecias. Pika 11 e raportit i cili thotë: Byroja Kombëtare e Hetimit nëse do të ketë një të tillë, do të lipsej të shkruhej në Kushtetutë dhe në çdo rast të evitonte drejtimin e jashtëm nga qeveria. Por çfarë ka ndodhur si me draftin e parë si me draftin e dytë, si me draftin e tretë, si me atë që Sajmir Tahiri e lexoi këtu, drejtorin e Byrosë e emëron Ministri, e emëron qeveria. Dhe, pyetja është: A bie dakord Edi Rama me opinionin e Komisionit të Venecias. Sepse vërtetë para një jave tha ta çojmë atje, kur pozicioni i raportit të ndërmjetëm është i qartë. Kur një pozicion kaq i qartë në një institucion me juristë eminentë nuk ndryshon, siç mund të ndryshojë pozicionin e vetë një ministër apo një deputet, përgjigjia që unë do të doja të kisha dëgjuar nga Kryeministri por edhe nga mëkëmbësit e tij, në këtë pikë e cila është shprehur si pozicion i qartë i opozitës, a ishte dakord, nuk mund të ishte para mesit të dhjetorit sepse atëherë sapo erdhi opinioni i Venecias, por në gjysmën e dytë të muajit po në janar? Këtë përgjigje ne nuk e morëm. Morëm vetëm lojëra që ne ramë dakord, në fakt çfarë kanë shkruajtur është e njëjta që ka qenë përpara. Prandaj e kam humbur shpresën që ta dëgjoj këtë çështje prej tyre, por është e mira që këto gjëra të bëhen të qarta të paktën për sa kohë themi se opinioni i Komisionit të Venecias për reformën në drejtësi ka vlerën e një udhëzuesi.

Eshtë një projekt-ligj që lidhet me kompanitë shtetërore, që mbahen shtetërore në një numër të vogël të tyre sepse dhënia tek privati për shkak të natyrës së sipërmarrjes, të fushës së veprimit të tyre, për shkak të kapaciteteve rregullatorë të mangët të shtetit në këtë fazë të zhvillimit të vendit, lipset të ruhet dhe ka shumë të tilla. Do të ndalja fjalën time ndoshta në vëmendjen tuaj te OSHEE-ja që ka një buxhet të madh, e ka sepse e paguajnë njerëzit korentin. Duhet ta themi se është korrekte që ajo faturë të paguhet e plotë, është një detyrim. Nuk kemi qenë dakord që të përdoret burgu si mjet për të shtrënguar njerëzit që janë në pikë të hallit. Nuk mund të biem dakord që t’i degdisimin njerëzit në vetëvrasje dhe në burg, për një tel të lidhur në një qebaptore, që detyrojnë prindin e fëmijëve që ta lidhte për ti bërë vaksinën fëmijëve.

Megjithatë të ardhurat janë rritur jo sa thotë OSHEE-ja, kontestohet nga palët e treta buxheti i saj, por nqse janë rritur, si shfrytëzohen këto? Bëri një tender OSHEE-ja për godinë të re, 99% e fondit limit, e mori një mik i hershëm sipërmarrës i Edi Ramës. Kur u pyet nga opozita se si i dhe një fond limit të tepruar për një godinë, aq mjaftonin për të ndërtuar 2 shkolla të mesme, përsëri e mori me 99.99% të vlerës, reagimi i OSHEE-së ia kaloi edhe harbutësirë që ka shefi i gjatë në këtë sallë. I kujtoi opozitës paguani faturat se ju erdha me inspektorë. Skandal nga një ndërmarrje shtetërore që ka punën e vet po ta shikosh në parim. Dhe, të tilla kanë vazhduar me radhë deri në një moment që na intereson se nuk ka të bëjë vetëm me paranë publike që shpërdorohet, po ka të bëjë me një vlerë më të thellë se paraja që është e drejta e shprehjes dhe forma e saj më e rëndësishme, e drejta e medias.

Në qeverinë e shkuar kemi dëgjuar kritika nga opozita, kritika për reklamat shtetërore. Në fakt janë problem jo vetëm në Shqipëri, por në të gjithë Ballkanin dhe më gjerë. Akuza e parë që ngriti Edi Rama, kundër një anëtari të qeverisë së shkuar, ishte ajo që lexoi në zyrën e saj Mimi Kodheli. Për reklamat e dhëna nga paraardhësi i saj. Edhe Rama vetë tha të dënohet në facebook, pastaj tha ma keqpërdorën, nuk isha unë. Ajo që zonja ministre nuk ka sqaruar është pse 1 vit më vonë e tërhoqi akuzën?

E kam ngritur disa herë këtë çështje dhe nuk kam dëgjuar shpjegime. Do të isha i interesuar të dija ndoshta ka pasur të drejtë sepse nuk ishte e informuar, sepse pati një ndriçim të momentit, sepse zbuloi disa të vërteta të tjera por nuk i përgjigjet dhe ky është një nga problemet që s’përgjigjet pa paragjykuar përmbajtjen e përgjigjes. Dhe nuk e di ju që mblidheni të hënën në grup parlamentar a i bëni këto pyetje?

Të ndalemi tek reklamat, OSHEE me miliona të vjelura, me të drejtë por edhe në shumë raste me të padrejtë, dhe pa marrë para prej atyre që janë figura ekonomike të mazhorancës, ndërkohë që Qamili nga Lushnja vret veten në burgun e Rrogozhinës. Çfarë bëjnë me këto para? Masivisht në të gjitha televizionet reklamë për OSHEE. Reklama ndodh në botën e ekonomisë së lirë. Kjo video që shfaqet në të gjitha ekranet, me përjashtim të RTSH-së më duket, nuk ka asnjë informacion konkret dhe të dobishëm për përdoruesit apo për publikun e gjerë. Nuk është rasti i OSSHE-së që është monopol, sepse nuk ka asnjë kompani tjetër që çon korentin e përdoruesve, ajo mund të blejë nga prodhuesi, pra të dyja rastet janë në shkelje të hapur jo vetëm normave dhe praktikave të mira, por edhe të ligjeve të shtetit sepse në fund të fundit i shpërdoron ato para për të cilat Qamili nga Lushnja vrau veten në burgun e Rrogozhinës.

A ka ndonjë vlerë kjo përveçse të blejë mediat, edhe ato që nuk janë kapur, edhe ato që nuk janë shtrënguar dhe ato që mund të thonë një grimcë të vërtete për t’i mbyllur gojën, atë pjesë që i ka mbetur hapur. Për të mos folur për skandalet, për të mos folur për abuzimet, për gjendjen jashtëzakonisht të rëndë dhe sociale të vendit si pasojë e qeverisjes së Edi Ramës.

z.Gaçe foli për konçesionet të dobishme për këtë vend, partneritete private-publike dhe përmendi rastin e Kakomesë ku do të ndërtohej një resort i madh. Bie dakord me të, është një mangësi që nuk u bë dhe pati një lëvizje Hugo Chavez ku ajo figurë ka shkuar sa me një palë sa me një palë tjetër. Janë të tilla koncesionet që bën qeveria Rama. Të marrim kocensionin për TVSH, kam patur mundësi të lexoj një raport të hartuar nga specialistët e tatimeve dhe Ministrisë së Financave. Në 95 faqet e para del qartë se një konçension i tillë është i panevojshëm dhe i padobishëm, në 5 faqet e fundit kuptohet që thonë se biem dakord që të konçensionohet vjelja e TVSH-së mbi masën 11% ku ndodhet Shqipëria dhe nuk është keq krahasuar me rajonin. Për këtë konçension e kishte fjalën z.Gaçe për të mbrojtur një gjë që mediat e pavarura nga opozita e sjellin lidhjen me familjarët e kryeministrit sepse rasti i parë është një rast ku investon privati dhe ka një risk për të mbuluar deri diku nga shteti. Në këtë rast, nëse kjo kompani Honk Kongase që supozojmë se do të fitojë garën bashkë me partnerët lokalë nëse nuk e rrit asnjë qindarkë vjeljen e TVSH-së, nuk pëson asnjë problem, nuk ka humbje që është kategoria e rriskut tek sipërmarrësi, përkundrazi shteti e paguan 847 mijë dollarë. Kujtoja që ishte shpërblim i njëhershëm dhe me kaq merr fund. Dikush që i kishte lexuar më mirë se unë termat e referencës, 847 është vetëm për një vit, vitin tjetër nëse nuk e rrit me asnjë qindarkë vjeljen e TVSH-së, merr 847 mijë dollarë të tjera. Këto janë konçensione që deputetë të mazhorancës dalin këtu për t’i mbrojtur.

Rasti i tretë është një deklaratë e Edi Ramës që më ka pëlqyer shumë tek Neës 24 me Eni Vasilin që e pyeste për konçesionet, që e pyet çdo gazetar që i qëndron besnik zanatit, dhe tha që i kanë marrë, tregoi edhe emrat, nuk shpjegoi pse i marrin 99.99% fondet limit. Ta lëmë mënjanë këtë. Tha nuk mund të lejoj që një njeri që është kërkushi përmes tenderave dhe konçesioneve të shtetit të bëhet biznesmen i madh. Atëherë vijmë tek faktet. Ilir Rrapaj është një personazh i njohur për deputetët e Partisë Socialiste. Për Ministrin, ka dyshime, sepse kur e pyetën i thanë: E njeh Zotërinë? Jo nuk e njoh, kur i treguan gazetarët foton me të tha, ah po e kam takuar në Itali. Kush është Ilir Rrapaj, një person që ka dalë me Edi Ramën në fotografi në Pallat të Brigadave, aty ku jep pritje Kryeministri dhe Presidenti dhe ku priten presidentë e kryeministra kur vizitojnë Shqipërinë.

Edi me Rrapajn, dorën në qafë së fundmi i njohur 40%. Duhej një djalë nga Vlora në Peruggia jeton më duket, ka një kompani që është 1 mijë Euro kapital, është tek pullë, me një të punësuar, dhe merr 40% të një konçensioni 100 milionë dollarë. A është e mundur të përputhet ajo që tha Edi Rama që nuk mund të marrë dikush që është kërkush në ekonomi, pa patur një sipërmarrje të besueshme, pa patur një përvojë në atë fushë të marrë 40 milionë dollarë nëse ky konçension do të shkojë deri në fund. Po pra, ja që është e mundshme me këtë qeveri.

Fjalimi në Kuvend i deputetit Genc Pollo, 11 Shkurt 2016

Te nderuar kolegë,

Projekt ligji “Për disa ndryshime dhe shtesa ne ligjin nr. 8308, dt 18.3.1998, “Per transportin rrugor” te ndryshuar”, ne ate qe prezanton ministria e linjes, synon permiresimin e veprimtarise ne transportin e udhetareve brenda dhe jasht vendit nepermjet riorganizimit te tregut te transportit te udhetareve me autobuse ne linja te rregullta brenda vendit pra nderqytetas e rrethqytetas si dhe jasht vendit.

Madje perfaqesues te kesaj ministrie ne prezantimin e aktit ne komisione kane cituar qe eshte i dakortesuar edhe me pushtetin vendor me te cilin nenkuptohet me gjasa Erion Veliaj.

Deri ketu gjithcka eshte ok, por a e dini se cili eshte  lajmi i ditës që lidhet me projekligjin në fjalë?  është koncesioni i radhës që lajmërojnë organzitat hulumtuese joqeveritare dhe jo transparenca qeveritare.

Koncesioni ose  partneritetit publik-privat i radhës është pikërisht ai i Autostradës Milot- Morinë me kohëzgjatja 30 vjet.

 Objektivi kryesor i këtij koncesioni “de juro”  është përmirësimi i autostradës, funksionimi dhe mirëmbajtja efektive e saj, por “de facto” është zhvatja e shqiptarëve të Shqipërisë e Kosovës për pasurimin e Ramës, miqve të tij që “rastesisht” dalin fitues kudo ku prokurohen fondet publike.

Në kushtet e një Shqipërie në krizë, superkriza është evidente edhe tek mungesa e investimeve në infrastrukturë, shërbimet publike, pasi gjithcka po privatizohet me një vrull marramendës- të kapim c’të kapim, të vjedhim sa të  mundemi se ende nuk po na hyn gjemb në këmbë.

Sigurisht që derivat I kësaj  krize që po prodhon kjo qeverisje  për koncesione,  përfshin dhe  transportin rrugor.

Kjo qeveri dhe kjo mazhorancë zgjohet me një qëllim, ai i koncesionit të radhës, për të gjetur edhe hapësirën më të vogël për të përfituar fonde sa më të mëdha.

Tashmë trinomi i 3 P, është kthyer kryefjalë e ditës dhe e axhendës qeveritare për të dhënë me koncesion cdo shërbim e cdo pasuri publike edhe pse shqiptarët paguajnë një më një,  taksat , kurrë nuk I marrin përfitimet e tyre.

 Në këtë frymë llogjika e të bërit shtet është krejtësisht manipuluese, sepse marëdhëniet shtet – qytetar janë shndërruar në marëdhënie nënshtrimi, diktimi dhe jo si raport mes të drejtave dhe detyrimeve.

Të nderuar kolegë,

Transporti rrugor vuan sot në tri  drejtime:

– I pari lidhet me taksat dhe tarifat e larta të papërballueshme të shtetit ndaj kompanive apo subjekteve të licencuara nga njëra anë, dhe nga tarifat e koncesionarëve që pritet të marrin mirëmbajtjen e rrugëve nga ana tjetër.

 – I dytë lidhet me konkurrencën e pandershme të transportit ku shteti përmes politikës së  kërbacit me polici e pa polici dhunon drejtuesit e transportit dhe

 – I tretë lidhet me gjendjen mjerane të  rrugëve ku shqiptarët taksapagues përfshirë dhe drejtuesit e automjeteve, paguajnë një më një taksat dhe nuk përfitojnë asgjë nga investimet publike.

Por le ti shtjellojmë më gjerë problemet e rënda që përballet sot transporti rrugor.

 Me një arbitraritet dhe mungesë të plotë llogaridhënie  shumica e papërgjegjshme e këshillit bashkiak dhe kryetarit Veliaj rriti blietën e transportit urban, duke I rrënduar edhe më tej xhepat e shqiptarëve në këtë krizë të thellë e të gjithanshme.

 Shoqata e mbrojtjes së konsumatorit, paradoksalisht e drejtuar dhe nga babai i nje prej ministrave te kesaj qeverie, thuhet qe  nuk reagoi sepse kjo nuk I vinte për shtat qeverisë, por komuniteti nuk ia harron lehtë kryebashkiakut Veliaj që në pak muaj pushtet po tregon se në karrigë është vetëm për xhepat e tij dhe të ish mjaftistëve drejtora apo miqve të shefit ekzekutiv.

Ndërkohë të gjithë burra e gra që posedojnë automjete janë ndjere të poshtëruar nga trajtimi aspak njerëzor që u bëhet atyre në pikat e koaludimit dhe të taksave të automjeteve.

 Dhe qeveria manipulon me rregjistrime online kur cdo gje nuk arrin të zgjidhet as sy më sy e jo më me mouse.

Të njëjtat marëdhënie rraskapitëse dhe tejet burokratike vuajnë punonjësit apo drejtuesit e automjeteve në sportelet e policisë në ballafaqimin e gjobave dhe masavë ndërshkuese repressive të policisë rrugore.

Duke vijuar tek barra fiskale e papërballueshme për shqiptarët dhe tejet absurd është praktika e rinovimit të patentave gjoja në emër të shtimit të standarteve të sigurisë apo dixhitalizimit të shërbimeve.

 Ndërkohë ende shqiptarët viktimizohen nga monopolet e hidrokarbureve në cmimin e lartë të karburantit kur I tërë rrajoni dhe Evropa shijon cmimet e ulëta.

Konkurrenca e ashpër me shkelësit e ligjit dhe të normave është një tjetër fenomen gërryes për transportin.

 Të bërit shtet sipas Ramës edhe në këtë rast funksionon me selektivitet sipas interesave klanore dhe jo sipas interesit publik, në kete rast vetë qytetarët përmes transportit.

 Pak javë më parë denononcova në komisionin e veprimtarisë prodhuese praktikat shantazhuese me furgonat e transportit të Veriut, ku shoferëve ua vështirësojnë jetën me urdhëra absurd për vendparkimin apo për vend-nisjen ne nje kohe kur nuk ka nje vendim nga keshillit bashkiak per nje stacion fiks per ta sic e parashikon ligji.

E duke shtjelluar problemet e rënda të këtij sektori nuk mund të lëmë të anashkaluar  diskriminimin e jashtëzakonshëm që ky kryeministër e kjo qeveri po tregon me refuzimin, po po refuzimin që u bën banorëve të  këtyre zonave me mungesë të investimeve publike.

Dikush mund te me gjykoje dhe te thote qe pse ne fjalen time permend krahina.

Une e kam nje pergjigje dhe ajo bazohet ne fakte sa here qe citoj  Qarkun e Kukesit, Hasin dhe Tropojen, apo Veriun dhe Verilindjen e Shqiperise.

Per rastin qe po flasim,  0 km rrugë, si në ndërtim ashtu edhe në rehabilim të akseve rrugorë.

“Rilindja urbane” nuk paska qene per ne, nese ka ndritur per zona te tjera, le te krenohen koleget nese ka te kenaqur me rilindjet e zonave te tjera.

Kemi debatuar shume buxhetin, rishikimet qe i jane bere dhe te gjithe ndajme te njejtin konstatim se fondet per transportin rrugor per kete vit jane ne nivelet me te uleta te dekades.

 Edhe me perfundimin e vitit te trete te mandatit te kesaj qeverie, nuk duket ne horizont ndonje projekt per ndonje autostrade te re apo shtimin e sistemit te rrugeve nacionale.

Kjo qeveri pas 2013 duket me zhvendosjen e fondeve duket sikur ka alergji nga rruget si  “nje shfaqje e huaj borgjeze e Saliut” qe i ishte  bere mendja vetem rruge sipas Rames ?

Por shqiptaret nuk mashtrohen dot, malsoret e dine dhe tashme pas pothuajse 3 vite qeverisje tuajen  nuk keni ndër mend të sillni ndonjë punë apo makina pune nga anët tona  dhe me te drejte luten qe Zoti na shpëtoftë që kjo qeveri, ti ketë ditët sa më të shkurtra sepse asnjeri prej saj, nuk ka ndër mend të hedhë një lopatë zhavorr për rrugët apo urat në veri e verilindje të vendit.

Ti  gezohen, jo vetem verioret dhe verilindoret por gjithe shqiptaret,  Rruges se Kombit qe ndertoi Qeveria Berisha se kurre nuk do te ishte bere nga ju.

Tu gezohen atyre rrugeve qe lidhin cdo qender ishkomune me qytetet e tyre dhe ti harrojne kerkesat per vazhdim ndertimi rrugesh qe lidhin fshatrat me qendrat e ishkonmunave per sa kohe keta jane ne pushtet.

 E trishtueshme eshte qe tashme investimet janë vetëm virtuale, në poëer point dhe ekrane dixhitale, apo në sllogane të llojit Rilindje urbane kur realisht cdo bashki e  njësi administrative ka rënë në agoni të thellë.

Keto qe une citova, jam e sigurte qe ne mos gjej dakortesine e kolegeve nga e majta, shqiptaret kane memorie dhe duke bere krahasime konstatojne se historia 25 vjecare e lirisë në Shqipëri njohu fazën e saj të lavdishme në infrastrukturë vetëm me investimet qe u bënë në kohën e ish kryeministrit Berisha, ku falë investimeve strategjike, Veriu e Jugu lidhen me qendrën në një kohë rekord.

Në 900 ditë pushtet , buxhetit po i grabiten 660 milionë euro nga  të gjitha koncensionet. Pra 660 milion euro të refuzuara për rrugë, 660 milion euro të privuara për rritje pensione, paga, ndihmë sociale, ndërtime e rikonstruksione shkollash, 660 milion euro refuzim për shëndetësi falas, sepse nuk ka investime por ka përvetësime të kryeministrit, kompanive, miqve të tij për të fryrë llogaritë bankare, e për të cuar tej limiteve njerëzore luksin pa fre.

Me keto rekorde, numerimi mbrapsht i ores se kesaj qeveria ka filluar.

PD dhe programi i saj per shpetimin dhe ringritjen ekonomike jane alternativa e vetme per shqiptaret per zhvillim dhe vokacion europian.

Faleminderit!

Fjala në Kuvend e deputetes Mimoza Hajdarmataj, 11 Shkurt 2016