Blog

Partia Demokratike mbështet dhe inkurajon çdo hetim dhe akt të drejtësisë në luftën kundër korrupsionit. Partia Demokratike nuk bëhet pengesë e asnjë hetimi ndaj zyrtarëve apo ish-zyrtarëve të saj në asnjë rast dhe e vlerëson luftën ndaj korrupsionit si jetike për vendin.

Në lidhje me ndalimin e z. Ksera PD i kërkon Prokurorisë të zbardhë akuzat dhe të veprojë me profesionalizëm duke zbatuar ligjin dhe vetëm ligjin.

Ne inkurajojmë hetime të drejta dhe objektive, të pandikuara nga politika dhe veçanërisht nga nevoja që ka qeveria dhe kryeministri më i korruptuar në Ballkan, për të larguar vëmendjen nga hajdutëria masive që po bëjnë çdo ditë, në dogana, tatime, tendera, koncesione dhe privatizime.

Njoftim për shtyp e Partisë Demokratike, 30 Janar 2016

Kryetari i Partisë Demokratike emëroi z.Besnik Aliaj në krye të Departamentit të Planifikimit dhe Zhvillimit Urban.

Besnik Aliaj është një nga personalitetet më të spikatur të kësaj fushe në dy dekadat e fundit në Shqipëri.

Doktor i Shkencave në Planifikim Territori, z. Besnik Aliaj e ka nisur aktivitetin e tij në fillim të viteve 90 në qeverisjen vendore. Për 16 vite ka qënë pedagog në Universitetin e Tiranës, dhe në Akademinë e Arteve të Bukura.

Dr.Aliaj ka kryer studime pasuniversitare dhe specializime në Danimarkë, Hollandë, Norvegji, Itali dhe Shtetet e Bashkuara të Amerikës.

Dr. Aliaj ka bashkëpunim të vazhdueshëm me organizmat ndërkombëtare dhe është autor i dhjetra botimeve dhe punimeve shkencore në fushën e planifikimit dhe zhvillimit urban.

Besnik Aliaj është prej dy dekadash një nga zërat më të spikatur të shoqërisë civile. Themelues i organizatës jo qeveritare në fushën e planifikimit dhe zhvillimit Urban CO-PLAN, Aliaj e nisi angazhimin politik në vitin 2004-2005 si pjesëtar i Komitetit të Orientimit të Politikave KOP, pranë PD.

Në zgjedhjet parlamentare të vitit 2005 Besnik Aliaj kandidoi për Partinë Demokratike përballë kryeministrit te atëhershëm Nano.

Besnik Aliaj është zgjedhur në tre legjislaturat e fundit në Këshillin Bashkiak të Tiranës si këshilltar i Partisë Demokratike. Ai është themelues dhe drejtues i Universitetit Polis, institucion elitar i arsimit të lartë dhe kërkimeve shkencore në fushën e arkitekturës, planifikimit urban dhe inxhinierisë, me reputacion të lartë kombëtar dhe  ndërkombëtar.

Njoftim për shtyp i Partisë Demokratike, 30 Janar 2016

Edi Rama tentoi të marrë sot merita të paqëna nga një përurim në Babicë të Vlorës, ku nuk gjeti asnjë moment për të treguar të vërtetën, se ky ishte një investim i nisur në fillim të vitit 2013 nga qeveria e mëparshme.

Marrëveshja për projektin e Unazës Energjetike të Jugut u nënshkrua në Janar të vitit 2013 në prani të qeverisë së asaj kohe dhe ambasadores gjermane, pasi donator është KFV, në vlerën e 35 milion eurove.

Punimet në terren nisën konkretisht në qershor të vitit 2013 në Zemblak të Korçës, si pjesë e kësaj unaze.

Ne nuk presim që Edi Rama kreu i korit të hajdutëve, që po vjedh çdo pasuri të vendit, të tregohet i ndershëm me meritat e këtij projekti.

Por shqiptarët duhet ta dinë të vërtetën e këtij investimi të rëndësishëm për qytetarët e Jugut, një projekt që Edi Rama e gjeti gati.

Reagim i Partisë Demokratike, 29 Janar 2016

Kryetari i Partisë Demokratike, Lulzim Basha mori pjesë në Asamblenë Politike të Partisë Popullore Europiane.

Gjatë punimeve të asamblesë zoti Basha u prit në një takim nga Presidenti i Partisë Popullore Europiane Joseph Daul si dhe u takua dhe bisedoi me Sekretarin e Përgjithshëm Antonio Lopez-Isturiz ,me zv.Presidentin David Mecalister, kryetarin e Komisionit të Jashtëm të Parlamentit Europian Elmar Brok dhe personalitete të tjerë.

Në këto takime si dhe ne fjalën e tij në Asamblenë Politike, kryetari i opozitës është ndalur tek kriza ekonomike që ka mbërthyer vendin, niveli i lartë i korrupsionit, reforma në drejtësi, dhe zgjedhjet e lira dhe te ndershme. Ashtu siç thekson edhe Komisioni Europian në raportin e tij për ekonominë e Shqipërisë grumbullimi i të ardhurave buxhetore mbetet shqetësuese për shkak të korrupsionit të lartë. Në vitin 2015 rreth 400 milionë euro i munguan buxhetit të shtetit vetëm nga doganat dhe tatimet.  Shqetësim është rritja e borxhit publik nga 62% në 74% . 1.1 miliard euro ka marrë borxh qeveria, tha zoti Basha dhe sot nuk asnjë investim publik, asnjë rrugë të re, asnjë shkollë, nuk ka as rritje pagash e pensionesh, as më shumë fonde për personat në ndihmë ekonomike, përkundrazi është ulur pagesa për papunësinë ndërkohë që është rritur papunësia, siç raporton Komisioni Europian.

Kryetari i Partisë Demokratike është  ndalur dhe tek niveli i lartë i korrupsionit. Zoti Basha theksoi se 1 miliardë euro janë vjedhur vetëm gjatë vitit të kaluar,  400 milionë euro nga doganat dhe tatimet dhe 777 milionë euro nga tenderat, prokurimet dhe koncesionet korruptive të cilat gjithnjë fitohen nga familjarët, miqtë dhe klientët e kryeministrit dhe ministrave të tij.

Zoti Basha u ndal dhe tek krimi i organizuar. Bandat janë ato që bëjnë ligjin, theksoi zoti Basha sepse kanë mbështetjen e pushtetarëve. Kjo situatë e paprecedentë në këto 25 vite e bën dhe më të domosdoshme dhe imediate reformën në drejtësi e cila është peng i vullnetit të munguar të Edi Ramës.  Vetë mazhoranca tha zoti Basha është e përçarë në dy drafte pasi  Rama nuk do konsensus, sepse synon kapjen politike të drejtësisë. Kjo, theksoi lideri i opozitës, do të ishte fatale për vendin sepse përtej kapjes politike do ta vendoste drejtësinë në funksion të bandave dhe krimit që sot bëjnë ligjin në vend.

Partia Demokratike është e vendosur për reformën në drejtësi pasi ajo është përcaktuese në luftën kundër krimit dhe korrupsionit, dy problemet më të mprehta të Shqipërisë nën qeverisjen Rama dhe njëkohësisht dy kushte për integrimin europian të vendit.

Zoti Basha ka marrë mbështetjen e plotë të  PPE për aksionin opozitar në përpjekje për të ndalur të keqen që ka mbërthyer vendin, krizën ekonomike, korrupsionin dhe krimin që bën ligjin si dhe për ti ofruar Shqipërisë një vizion europian përmes një qeverisje të re të dalë nga vota e lirë.

Njoftim për shtyp i Partisë Demokratike, 29 Janar 2016

Edi Rama tregoi sot me gisht për një orë rresht popullin e tij si hajdut, në një sallë të mbushur me dhunë me punonjës administrate në orar zyrtar, ndërkohë që ai vetë qëndron në krye të bandës që vjedh dhe gllabëron çdo ditë paratë dhe pasuritë e shqiptarëve.

Së fundmi, Edi Rama ka futur në kthetrat e tij edhe një tjetër pasuri  publike, për ta ndarë me miqtë dhe klientelën.

Kompania e sigurimeve INSIG, pritet të privatizohet dhe pronarët e rinj janë paracaktuar.

Procedurat do të jenë të kota e pa vlerë, pasi ky aset shtetëror me vlerë dhjetra milionë euro, do ti jepet miqve të kryeministrit.

Pronarët e rinj të INSIG pritet të jenë Gon Papuli dhe Gaz Demi.

Njëri ndërtues i sarajeve private të Edi Ramës në Dardhë e në Durrës, tjetri me lidhje të forta e së fundmi në ortakëri me Olsi Ramën në biznes.

Ky është një skandal, një akt korruptiv, me fitues të paracaktuar, pjesë e mendësisë së Edi Ramës për të marrë e plaçkitur, për të ndarë me miqtë çdo pasuri publike.

Me dhjetra koncesione e privatizime të kësaj natyre, po bëhen cdo ditë nga Edi Rama me pasuritë e paratë e shqiptarëve.

Eshtë koha, është ora që shqiptarët të reagojnë.

Shqiptarët e kanë në dorë të ndalin këtë vjedhje, këtë babëzi, këtë hajdutëri të fondeve dhe pasurive publike.

Deklarata për mediat e zëdhënëses së PD, Ina Zhupa, 29 Janar 2016

Mazhoranca ka treguar edhe në Këshillin  e Europës papergjegjshmëri në perfaqesimin e interesave kombetare.

Dje Këshilli i Europës ka kaluar një rezolute e cila rikthen disa prej standardeve të para-pavarësisë së Kosovës, i jep UNMIK kompetenca shtesë në marrdhëniet me organizmat si INTERPOL dhe EUROPOL.

Por miratimi i draft-Rezolutës në komitetin politik të këshillit të Europës ka kaluar pa praninë e të vetmes përfaqesuese të Shqipërisë në këtë komitet zonjës Vlentina Leskaj.

Amendamentet e Serbisë mund të ishin rrëzuar nëse zëvendës-Presidentja e Asamblesë Parlamentare të KiE  të kishte pergjegjësinë e pjesmarrjes në komitetin politik, aq më tepër që perfaqesuesi i Shqipërisë është edhe më i domosdoshëm në mungesë të përfaqësimit të Kosoves.

Në këto kushte, duhej të kishte një reagim të shpejtë të diplomacisë dhe një kordinim me Prishtinën zyrtare.

Leskaj mesa duket ka qënë e zënë me tenderat dhe koncesionet e djemve të saj dhe nuk ka pasur kohë të ishte në komitetin politik.

Ashtu si e gjithë qeveria këto kohë është në gare kush vjedh me shume dhe as që i behet vonë se çfarë po ndodh në raport me politikën e jashtme dhe as të brendshme të Shqipërisë dhe aq me pak të Kosoves.

Pas Uneskos, ky është dështimi i dytë i paprecedent i diplomacisë nën drejtimin e Edi Ramës.

Interesat e Kosovës dhe të Kombit nuk janë prioritet per qeverine e korruptuar dhe të babëzitur të Edi Ramës.

Deklarata për mediat e kreut të Departamentit për Politikën e Jashtme, Kreshnik Çollaku, 29 janar 2016

Më duhet ta nis këtë diskutim me një lajm të mirë. Një lajm që lidhet me ndërgjegjësimin e ministrit të financave për korrupsionin në përmasa historike të drejtorisë së Doganave, ky është një hap i vogël për problemin por jam e bindur që është njëkohësisht dhe një hap i madh për qeverinë. E cila, më në fund ka filluar të zbresë me këmbë në tokë duke e kuptuar që nuk mund të jetohet përherë në planetin e transparenca.al.

Gjithsesi gjithë këtë mund të ministrit e zhbën propozimi që ditët e fundit janë përjekur të shesin për kocnesionin e TVSH, që është i çuditshëm jo vetëm për çdo lloj qeverie por më së shumti edhe për një qeveri që hiqet si e majtë. Një propozim i cili, siç u mësua në këto ditë ka ardhur nga një kompani nga Hong Kong e cila vetëofrohet me një kërkesë të pakërkuar menjëherë sapo kryeministri i vendit kish ardhur nga një vizitë disa ditore atje. A është e tepërt të dyshojmë që pas kësaj oferte qëndron ndonjë nga miqtë apo familjarët e Kryeministrit?!

Gjithsecili prej nesh që jemi në këtë sallë dhe që e kemi votuar ligjin e Koncesioneve, e ka të qartë se ligji 123/2015 në fakt nuk është se propozon ndonjë diferencë të madhe ndërmjet koncesionit dhe partneritetit publik-privat. Tani, në çfarë do lloj mënyre që ta emërojmë këtë përpjekje ajo do të thotë që një shërbim publik, që është themelor si administrimi fiskal do të realizohet nga një privat në emër të shtetit.

Përpjekja për t’u marrë me përcaktimin e një emri lidhet më shumë me një diskutim mbi “mustaqet e Çelos” se sa me thelbin e debatit. I cili është dorëzimi i një detyrimi kushtetues pa asnjë të drejtë dhe pa asnjë shembull në rajon apo më gjerë në duart e një koncesionari. Ky i fundit, nga ana e tij, nuk ka asnjë eksperiencë (e përsëris asnjë eksperiencë) në këtë fushë. Lehtësisht nga faqja e tij e internetit mund të vërehet që kjo kompani ka eksperienca me banka, me sektorë të ndryshëm por asnjë eksperiencë sa i përket ndërtimit të një sistemi të tillë.

Por sikur të mos mjaftonte kjo, ministria e financave ka ngritur një grup ekspertësh të cilët e kanë quajtur këtë koncesion apo PPP, siç ka qejf ndonjë nga qeveria ta quaj, si antikushtetues dhe aspak fitimprurës për shtetin shqiptar. Duke e bërë edhe më të dyshimtë këmbënguljen e Kryeministrit dhe obortarëve të tij për domosdoshmërinë e tij. E për më tepër as janë lodhur të bëjnë llogaritë minimale, por kane marrë të dhënat e koncesionarit e i kanë marrë të mirëqëna!

Arbitrariteti i kësaj marrëveshje vazhdon edhe kur njihesh me kushtet e saj, të cilat në mënyrë të dukshme favorizojnë kompaninë propozuese. Qeveria pretendon se nëse kompania do të rrisë bazën nga 11%-15% kjo e fundit do të përfitojë 90% të rritjes ndërsa qeveria 10%. Pra, për çdo 10 lek shtesë në taksa qytetarët e këtij vendi do të përfitojnë 1 lek për shkolla, rrugë edhe spitale ndërsa koncesionari do të përfitojë 9 lek.

Pastaj pazari i qeverisë me taksat e shqiptarëve vazhdon duke i dhënë koncesionarit 65% të vlerës së taksës së rritur nga 15%-17% ndërkohë që në buxhetin e shqiptarëve nga kjo rritje do të përfundojë vetëm 45%. Tani, duke presupozuar që të gjithë në këtë sallë jemi të zotë në aritmetikë, besoj se është e kuptueshme që këto terma janë favorizuese sa i takon koncesionarit. Përqindjet janë aty dhe askush nuk ka pse të gënjehet nga askush.

Por mund të ketë nga deputetët dhe ministrat që mund të argumentojnë se buxheti i shtetit ka nevojë të mbushet. Dikush tjetër mund të argumentojë se qeveria ka dështuar në mbledhjen e të ardhurave për dy vjet rresht, madje vitin që sapo u mbyll kjo qeveri rilindase ka mbledhur realisht -19.7 mld lekë dhe duke patur një rritje reale e të ardhurave negative në vitin 2015, me minus 1.6%.

Këto janë shifra të sakta dhe artikulojnë qartë një problem që si opozitë e kemi ngritur me kohë me gjithë sofizmat e një qeverie të zënë me halle të tjera. Por sado që shifrat dëshmojnë më së paku dështimin e qeverisë, ato janë po ashtu një argument më pak për koncesionin e TVSH-së. Nga të dhënat që ofron Ministria e Financave shohim se TVSH-ja e brendshme këto vite ka qenë 10-13%. Pra, vetë cikli natyral duke marrë parasysh rritjen e konomisë, inflacionin e shumë faktorë të tjerë ka mundur të mbledhë një normë shumë pranë 11% që është baza mbi të cilën po ngrihet ideja e koncesionit.

Kështu, koncesionari i cili do të paguhet nga qeveria për të ndërtuar programin do ta ketë jashtëzakonisht të lehtë të kalojë pragun që qeveria ka vendosur. Le ta shpjegojmë me shifra situatën në të cilën koncesioni në fjalë do të na sjellë nesër. Le të parashikojmë se për vitin aktual do të mblidhen 248.45 mln euro (duke përllogaritur vlerën me një normë rritje prej 14.4% në vit) vlera që do të marrë koncesionari për këtë vit është 6.74 mln Euro ndërkohë që qeveria merr 750 mijë Euro.

Kështu pas 10 vjetësh, ku sipas llogarive të qeverisë të ardhurat në buxhet do të rriten falë koncesionarit me 620 mln euro më shumë thote qeveria, ne do t’i paguajmë atij 133.15 mln euro ndërkohë që në buxhetin e shtetit do të kemi shtuar 14.79 mln euro. Për këdo që ka qejf aritmetikën dhe krahasimet ky është një shembull i mirë për të kuptuar që edhe artimetikisht ky koncesion mban erë korrupsion.

Por, nuk është vetëm ky problemi. Qeveria nesër mund të vijë këtu me një ofertë tjetër të propozuar apo mund të ndryshojë kushtet e kontratës së të ashtuquajturit PPP, a duhet ne të bindemi sërishmi që duhet ta japim me koncesion apo PPP një shërbim të tillë? Unë gjykoj që jo, ndonëse idetë e mia janë më të djathta se ndonjë ministër që hiqet si i djathtë, bindja ime qëndron që taksat dhe tatimet janë një detyrim tërësisht shtetëror.

Madje, përpjekja qeveritare për t’i dhënë këtë koncesion me afat 10 vjeçar është tërësisht i padrejtë duke qenë se prek përtej mandatit të saj qeveritar. Prandaj kërkon minimalisht ose një referendum popullor, meqë kryeministri i ka qejf referendumet, apo nga krahu tjetër një votim me 2/3 në parlament. Kjo sa i takon pjesës minimale sepse në vetvete ky koncesion është antikushtetues!

A kemi të bëjmë me një situatë ku pas kësaj oferte qëndron hija e rëndë e një kryeministri? Numrat dhe aritmetika të bëjnë të mendosh që është pikërisht kështu aq më tepër kur faktet për këto dy vjet koncesione vazhdojnë të përsërisin të njëjtën muzikë.

Janë miqtë e kryeministrit që marrin koncesionet në fushën e shëndetësisë, janë miqtë e kryeministrit që marrin koncesionet e targave, hidrocentralet e Skavicës si dhe atë të Vjosës. Janë miqtë e kryeministrit ato që fshihen pas koncesionit të hekurudhës Fier-Vlorë. Janë miqtë dhe të afërm të kryeministrit që janë pas koncesionit të Spitallës. Ngado që hedh sytë shikon të njëjtat emra dhe të njëjtat fytyra që fshihen pas koncesioneve. Prandaj kush mund të mendojë që pas këtij koncesioni kaq të dyshimtë por njëkohësisht fitimprurës nuk do të jenë sërishmi të njëjtat persona duhet të jetojë në një botë tjetër!

Aq më shumë ku vetë grupi i punës i ngritur nga Ministria e Financave ka pohuar se kjo jo vetëm është një koncesion anti kushtetues por nuk ka asnjë sens ekonomik dhe dobiprurës për shoqërinë dhe shqiptarët.

Të nderuar kolegë.

Për rreth dy vjet, ne kemi debatuar ashpërsisht nga kjo sallë për problemin e tatimeve dhe doganave ndërkohë që kemi treguar me shifra që kjo qeveri ka dështuar dhe ka prodhuar kontrabandë. Këtyre fakteve ministrat dhe kryeministri i janë përgjigjur me sofizma, ndërkohë që sot minimalisht ministri i financave dëshmon atë që ne kemi dy vjet e pak që e flasim nga kjo foltore.

Për rreth dy vjet nga kjo foltore kemi folu për një politikë fiskale dhe për abuzime në mbledhjen e të ardhurave që kanë prodhuar një rritje të papunësisë në 17.5%. Normë e cila ka reflektuar jo vetëm probleme që vijnë si pasojë e politikave fiskale por mbi të gjitha probleme që vijnë si mungesë e vizionit zhvillimor ekonomik. Shihni bujqësinë e cila ka 3.5% më pak vende pune.

Vizion i cili është gjithnjë edhe më i mangët në raport me investimet e huaja që kanë rënë me 10% tremujorin e tretë. Duke ngritur pyetjen se përse? Përse një biznes zgjedh Maqedoninë apo Serbinë të cilëve u mungojnë dhe portet përpara Shqipërisë?! Sepse këto vende kanë politika stimuluese ekonomike më të mira se sa ne.

Nëse nëve kemi një rënie të shpenzimeve me 7.9%, siç raporton edhe Komisioni Europian, nga ku 18.2% është rënia e investimeve publike do të thotë që kemi shpenzuar më pak para për shërbimet dhe rrugët. Nëse ne kemi një sistem fiskal më të rëndin në rajon që për pasojë shtrenjton çmimet e produkteve si edhe taksat e bizneseve, natyrisht që ekonomia do të ketë probleme.

Tani ju ftoj të mendoni se sa do të jenë këto shpenzime pasi ky koncesion korruptiv do të hyjë në fuqi? A do të marrin më shumë shërbime dhe të mira qytetarët e këtij vendi? A do të marrin pagesë më të lartë pensioni, papunësie apo ndihme ekonomike shqiptarët e varfëruar nga taksa, tarifa, çmim energjie dhe uji?

Absolutisht që jo!

Qeveria e borxhit publik më të lartë, që e rriti atë me 10.5% në vit, nuk është lodhur të mendoj për ato.

Nuk është lodhur për të menduar për të papunët që ka ky vend, të cilëve me këto para që do t’ia japin një koncesionari mund të ishin para të hedhura në treg për të rritur punësimin.

Mund të ishin para që mund t’u jepeshin shtresave në nevojë, para me të cilat mundë të ndërtoheshin rrugë dhe shkolla. Por që qeveria ka vendosur që t’ua japë koncesionarit të saj, si një qokë në shërbim tërësisht të interesit personal, ndërsa shqiptarëve përditë e më shumë ua rrit barrën e taksave.

Kjo qeveri refuzon të pranojë se:

Shqiptarët sot paguajnë taksa që qeveria të bëjë punën e saj, paguajnë taksa që qeveria të dërgojë para drejtësisë ato që abuzojnë me pushtetin dhe jo t’i gradojë në poste publike.

Paguajnë taksa që shteti të ndërtojë shërbime dhe të mira dhe jo që ai t’ia koncesionojë gjithçka qokës së radhës. Shqiptarët sot paguajnë taksa më të larta dhe tarifa më të shtrenjta jo që kryeministri të hapë me paratë e tyre ekspozita pikturash, as që ndërtojë sheshe dhe të mbjellë palma dhe as që qeveria t’i japë me koncesion shërbimet bazike për të cilat qytetari paguan taksën.

Shqiptarët sot paguajnë taksa më të larta dhe tarifa më të kripura që shteti të jetë në funksion të tyre dhe jo një grupi të vogël hajdutësh që kanë vendosur që vjedhjen ta pagëzojnë me një term të ri.

Fjalimi në kuvend e deputetes së PD, Jorida Tabaku, 28 Janar 2016

Të  nderuar kolegë,

Te nderuar qytetare,

Perpara nesh kemi sot per miratim projektligjin “Për ratifikimin e marrëveshjes së huasë, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për projektin “ofrimi i shërbimeve publike me në qendër qytetarin”.

Gezojuni pra ketij  projektligji, kesaj mareveshje huaje, sepse sic e dini, sic po e provoni ne kurrizin tuaj perdite, sic po e shihni ne tryezat tuaja famijare, qeveria jone me te do te permbushe  nje nder prioritetet e saj- “Mirëqeverisjen inovative”.

Gezojuni pra sepse cdo gje behet per ju…..cdo lek qe merret hua per projekte, tendera, koncesione, partneritete, salltanete… ka ne qender qytetarin.

Keshtu thuhet vertete, e ju ne daci mos e besoni  qe gati 30 milion euro hua do te shkojne ndermjet te tjerave per sisteme informative!!!

Si shume te tjera para ketyre edhe keto do te jene te shoqeruara me:

 1) Mungese totale te Transparences apo me nje injektim informacioni ne tregun mediatik te percipte, qe si gjithmone me shume  krijon paqartesi dhe mbulon me sa te mundet  abuzimin me fondet.

2)  Korrupsioni Kleintelist. Tashme dihet dhe eshte faktuar se mungesa e transparences ka ardhur per shkak te lidhjeve korruptive-klienteliste te ushtruara nga instancat e caktuara vendimmarrese ne Ekzekutiv, me qellim favorizimin klientelist te grupeve te caktuara sipas interesave te momentit, te kryeministrit dhe te ministrave te tij,   pa pare shume nga interesat publik.

Dhe keshtu, pas gati 3 vite qeverisje tuajen, qytetaret, po e ndjejne, biznesi e fakton dhe statistikat e provojne se ekonomia shqiptare ndodhet në momentin e saj më të keq, ne krizen e saj me te rende, ndërsa nuk kanë të ndalur vjedhjet dhe mashtrimet.

Korrupsioni, kontrabanda, evazioni, koncesionet abuzive, tendera fiktiv, parate e zhdukura ne eter pa asnje investim publik, po  e groposin edhe me shume ekonominë e vendit.

Raportet më të fundit e nxjerrin vendin gjithmonë me bilanc negativ, ndërsa kryeministri vazhdon të marrë borxh me qellimin e vetem që të mbushë xhepat e tij dhe të ministrave të tij të dështuar.

E kam cituar edhe ne fjalen time te séances se kaluar dhe po e perseris, ate qe qytetaret mesuan rastesisht se qeveria, sic nuk kishte ndodhur kurre me pare, preku fondin rezervë të buxhetit për të paguar shkrimin reklamë tek revista ‘The Economist’, pikërisht kur vendi u përball me një situatë të jashtëzakonshme si pasojë e përmbytjeve dhe qindra familje gjendeshin në qiell të hapur.

Që ekonomia ka prekur fundin, ketë na e fakton edhe komisioni Evropian.

Në raportin tremujor për zhvillimet ekonomike në vendet kandidate, Komisioni Evropian konstaton se nga janari deri në nëntor, borxhi publik ka vazhduar të rritet.

 Pas një rritje 10.5% në terma vjetorë, borxhi publik (duke përfshirë garancitë) qëndroi në 73.6% të PBB-së në tremujorin e tretë.

 Qeveria Rama,me sakte mazhoranca Rama&Meta po e certifikon parlamentin si noter për huatë , noter për marëveshje pa bereqet për nxjerrjen e shqiptarëve nga kriza,  si noter për megaskandale korrupsioni dhe mbi të  gjitha për strategjinë  e dhënies me koncesion  të  cdo shërbimi public dhe  të  funksioneve që  vënë  në  pikëpyetje drejpërsëdrejti integritetin e  një  shteti dhe institucioneve të  tij.

Ne mes te gjithe kesaj katrahure, fjalet me te perdorura keto kohe ka qene- “koncesion” dhe “ partneritet”, aq sa te krijohet pershtypja qe nuk do të  jetë  e largët dita, kur Rama të  japë  me koncesion godinat , inftastrukturën dhe vetë  ekzistencën e mazhorancës parlamentare.

Në  një  kuptim më  të  tërthortë  politik, ju jeni dhënë  me koncesion tek vetë  Rama përsa kohë  që  ai përdor vetëm fuqinë  e kartonit tuaj dhe jo të  personalitetit tuaj politik

Në  emer të  shërbimeve më  të  mira për qytetarin, në  emër të  të  bërit shtet pra, në  emër të  Popullit sikurse kryenin krime kundër njerëzimit,  parardhësit tuaj shpirtërorë, ju po thelloni krizën e identitetit të  Shqipërisë  si Republikë  Demokratike, të  një  vendi ku shteti ka humbur  cdo funksion, pra  është  në  falimentim dhe si I tillë  ai duhet të  shitet tek I pari blerës në  ankand.

Studiuar si platform ekonomike dhe politike Partneritet Publik Privat (PPP) I përket  platformave të  djathta, por artikuluar dhe bërë  avokati nga Rama dhe qeverisja e tij, ky instrument I doktrinave liberale te djathta te tregut vishet me manipulim për ta zbukurar dhe për ta shitur si politikë  suksesi dhe vjen ashtu, sikurse është  parashikuar qysh në  fillim- një  taktikë  oligarkike  për të  thërmuar shtetin për ti hapur rrugë  klanit të  interesave të  kryeministrit , ministrave të  tij të  favorizuar dhe segmenteve të  mazhorancës.

 Nuk ka asgjë  më  tronditëse kur shteti ngren duart dhe dorëzohet  para interesave kriminalë , që  nuk kanë  asnjë  lidhje dhe asnjë  domethënie me avantazhet e privatizimit apo përkrahjes liberale për tregun e lirë .

Ne mes te ketij diskutimi mbi mareveshjen e huase rreth 30 miljon euroshe për projektin “ofrimi i shërbimeve publike me në qendër qytetarin” , me lejoni te citoj ministrin e financave ne nje  interviste, para ca ditesh, ku pyetjes se gazetares se perse zgjodhët një partneritet me një kompani private për të ndërtuar dhe për të administruar TVSH? Ai iu pergjigj se…. nuk mund të bëhet nga vetë qeveria pasi ka mungesë të teknologjisë…. Ne kemi investuar pak në teknologji….. Na duhet një teknologji për të mbledhur TVSH…… Përderisa jemi keq në teknologji dhe gjithçka e bazojmë në punën e krahut, që do të thotë mbi disa taksidarë…. Etj etj..

Duke ardhur më në focus të  shqetësimit të  madh që  ka sot opozita si përcjellëse e kritikave apo e depresionit që  ka mbërthyer  shqiptarët nga kriza, më lejoni të  shtroj disa pyetje për të  njohur edhe më  mirë ju, skepticzmin dhe refuzimin tonë dhe ne nga ana tjetër të  bindemi edhe më  qartë se ju sërish po grabisni edhe më  shumë  shqiptarët.

• Cfarë  përfitojnë  realisht shqiptarët nga mbledhja e TVSH, taksës që  jep në  buxhet afro 10 % të  Prodhimit të  brendshëm Bruto nga një  kompani private?
• Kush e përcakton të  mirën apo interesin public në  këtë  rast ? Qeveria, parlamenti, shoqëria civile, pra cilët janë  indikatorët e matjes së dobisë së shumicës që ju keni arritur në përfundimin, se TVSH duhet mbledhur nga private dhe jo shteti?
• Cili do të  jetë  kuptimi dhe funskioni ligjor I administratës tatimore pas këtij koncesioni?
• A do të  prodhojë  punësim ky partneritet apo ky arbitraritet për shqiptarët? Në  një  kohë  kur modeli ekonomik, I centralizuar I monopolizuar I tenderizuar I Ramës ka sjellë  një  ngrirje totale të  indikatorëve të  biznesit dhe kjo shihet edhe tek rrritja e papërfillshme e sigurimeve shoqërore apo e mbylljes së mbi 8 mijë  biznesve të  vogla e të mesme gjatë gjysmës së  mandatit de juro të  qeverisë ?
• A shërbue për ju zhgënjimi I madh që dha Croën Agents, te cilet dështuan në përmbushjen e detyrimeve për të rritur të ardhurat doganore me 100 milionë dollarë në vit, por qe ndërkohë përfituan pagesat 8.5 milionë euro në këto dy vite nga taksapaguesit shqiptarë

Sipas të  dhënave dhe informacione të  përditësuara që  ne si opozitë  po marrim lidhur me këtë  superaferë  është  se kompania fituese, si një  process të rësisht io paracaktuar , do të përfitojë një shumë që mund të shkojë afro 150 milion euro.

Dhe ju e keni dëshmuar qartë  dhe pastër cdo muaj të  qeverisjes  se nuk bini  dot nga standarti I përfitimet me disa zero kur vjen fjala për  pazaret me koncesionet.

Cila është  praktika, modalitetitet dhe modeli që  do të  ndiqni në  këtë  koncesionar, pse deri më  tani nuk kemi mësuar qartësisht as edhe një  drejtim të  punës që  do të  kryejë  firma private?

Sa qëndron bazuar në   Kushtetutë, Ligjit të Partneritetit Publik- Privat, Kodi I procedurave tatimore, koncesionari I  mbledhjes se TVSH-së ? Në  cfarë  raporti të  zhdrejtë  qëndrojnë  të  drejtat njerëzore të  taksapaguesve shqiptarë  me përfitimet e firmës private, që  do të  na ngrejë  infrastrukturën dixhitale për mbledhjen e saj?

Të  nderuar kolegë!

Tashmë  dihet që  kjo qeveri ky kryeministër së  bashku me  bandën e tij ministrore kanë  treguar se janë  nxënës të  10-tes  vetëm në  grabitje duke kopsitur letra me kompani fictive që së  bashku dhe me evazionin fiscal cuan në  një  hon të  madh të  ardhurat e pambledhura apo të  vjedhura në  buxhet.

400 milionë dollare që mungojnë në të ardhurat e planifikuara gjatë vitit 2015.

Lufta  e nisur ndaj evazionit dhe informalitetit, dhe pse po imponohet si një reformë e të  bërit shtet , shumë  herë  me kërbac dhe me cënim flagrant të  të  drejtave të  njeriut, ka prodhuar terror dhe zero investime publike.

 Nota ngelëse e radhës për këtë  qeveri të  korruptuar dhe që  funskionon për tendera e koncesione erdhi nga Komisioni Europian I cili në raportin tremujor për zhvillimet ekonomike në vendet kandidate vërejti se Shqipëria ka punuar keq në drejtim të grumbullimit te të ardhurave buxhetor ku nga janari deri në nëntor, të ardhurat buxhetore jane reduktuar shumë poshtë objektivit.

Raporti vëren se mungesa u shkaktua kryesisht nga të ardhurat më të ulëta se sa priteshin nga TVSH-ja (3.8% nën plan) dhe akcizës (10.2% më pak)dhe sic e  citova edhe me lart “Borxhi publik ka vazhduar të rritet, ai qëndroi në 73.6% të PBB-së në tremujorin e tretë.

Pas arritjes së  objektivave me dhunë  dhe terror shtetëror nga aksionet e INUK, CEZ OSHE dhe nga aksionet tatimore, tashmë  përqasja e të  bëri lekë  pa hesap vjen në  një  dritë  të  re, atë  koncesioneve dhe të partneriteteve public privat dhe te gjitha keto ne  një  kohë  kur shqiptarët janë  në  prag të  falimentimit.

Kjo menyrë  qeverisje,  ku partneriteti me privatin është  shndërruar vasaliteti i shtetit ndaj interesit të oligarkeve, nuk mund të  funksionojë  më  si përfaqësim i interesave të  shqiptarëve.

Ne si opozitë  do të  vazhdojme me intensitet shqyrtimin publikimin argumetimin e akuzës ,gjyqësine publike të  pushtetit që  ka kapur shtetin në  cdo dimension të  tij.

Kjo është  jo vetëm detyra e jona politike sot ne opozitë dhe ligjore neser ne qeveri por është  dhe  misioni moral për ti kthyer shqiptarëve besimin e neperkembur, për ti dhënë  dinjitet votës dhe numërimit të  saj.

Opozita cdo ditë  krahas hetimi dhe dëshmisë  publike të  cdo tenderi e koncesionari po ecën paralelisht me shpalosjen e ofertës , e platformë se saj politike për ti kthyer shtetin shqiptareve, për ti kthyer besimin tek ligji dhe funksionimit të  lirisë  dhe pavarësisë  së  institucioneve.

Faleminderit !

Fjalimi në Kuvend e deputetes së PD, Mimoza Hajdarmata, 28 Janar 2016

Marreveshja e huase, ndermjet Republikes se Shqiperise dhe Bankes Nderkombetare per Rindertim dhe Zhvillim, per projektin “Ofrimi i sherbimeve publike me ne qender qytetarin”, ka per qellim sherbime publike te permiresuara dhe procedura te thjeshtuara per ofrimin e sherbimeve, per te lehtesuar komunikimin me publikun dhe per te shmangur korrupsionin.

Por ne fakt cfare po ndodh me korrupsionin?

A mund te ofrohen sherbime publike per qytetaret nga zyrtare te korruptuar?

Per cfare sherbime per qytetarin mund te flitet, kur parate e taksave te qytetareve shqiptare vidhen dhe shperdorohen?

Qeveria e ka ngritur korrupsionin ne sistem. Dhe shembulli me i mire i ngritjes te korrupsionit ne sistem nga kjo qeveri, jane koncesionet.

Rilindja ka hedhur në treg një lloj të ri grabitjeje, atë përmes koncesioneve, një fushë e pamatë për abuzim.

Por per ta hequr shijen e hidhur te abuzimit, qe po u le qytetareve shqiptare fjala koncesion, Rilindja po perpiqet per ta zevendesuar fjalen koncesion me togfjaleshin partneritet publik-privat.

Jane dhene rreth 700 milione euro koncesione dhe planifikohen te jepen te tjera koncesione ne shendetesi, transporte, dogana, tatime, ne rruge dhe ne  shërbime të tjera publike, për miqtë dhe klientët e kryeministrit dhe qeveritareve, duke e dorëzuar shtetin tek një oligarki e dyshimtë dhe duke e rënduar disa herë xhepin e qytetarëve shqiptarë, të cilët paguajnë edhe administratën publike nga njera anë, që nuk është ulur aspak në numur edhe privatët nga ana tjetër, për të njëjtin shërbim.

Mesa duket, qeveria po gjen rrugen me te lehte per te hequr nga vetja ato sherbime, qe ajo i ka per detyre tua garantoje qytetareve te saj.

Kur ishte ne opozite, PS deklaronte se do te rishikonte, madje edhe do ti anullonte mareveshjet koncesionare te qeverise Berisha.

Por sot, pas rreth 3 vjet qe PS dhe LSI qeverisin vendin, numri i koncesioneve po rritet frikshem.

Kjo deshmon jo vetem paaftesine e atyre qe qeverisin, por edhe faktin qe koncesionet jane kthyer ne nje parajse financiare per nje grusht klientesh te qeverise, te cilet grabisin me leje, pasurine e shqiptareve.

Keto 700 milione euro koncesione, dhurata per kompanite private,  te kaluara ne xhepat e privateve, kliente te kryeministrit, do ta kishin permiresuar sado pak jeten e qytetareve shqiptare, sikur te kishin kaluar per investime publike, per te rritur punesimin, per te rritur rrogat dhe pensionet.

Koncesioni i check up-it, ose i thene shqip, koncesioni i kontrollit mjekesor falas, ka nje vlere prej 120 milione euro, dhene nje kompanie pa eksperience ne kete fushe, e licencuar vetem 2 dite para hapjes se tenderit, me oferte me te larte se kompanite e skualifikuara.

Por ajo qe eshte me e keqja dhe qe ka indinjuar gjithe opinionin publik eshte fakti se parate jepen koncesionarit sikur sherbimin e kane mare te gjithe qytetaret e moshes 40-65 vjec.

Vetem per periudhen mars-nentor, te vitit te kaluar, koncesionari eshte paguar per 102 mije persona te pakontrolluar, me nje vlere prej 1 miliarde e 700 milione leke, pune e pakryer.

Por cudia nuk mbaron ketu, kontrolli behet me infrastrukturen, pajisjet dhe personelin e qendrave shendetesore, qe paguhen nga shteti.

Koncesioni i sterilizimit te pajisjeve kirurgjikale me vlere 100 milione euro per 10 vjet, i eshte dhene nje kompanie me kapital 8000 euro.

Ne, aktualisht, jemi duke diskutuar  marrjen e nje kredie dhe, per sterilizimin, shteti shqiptar ka mare kredi 1.3 milione euro  dhe ka siguruar fondet e mjaftueshme per te ndertuar, pajisur dhe vene ne perdorim qendrat e sterilizimit, si dhe eshte trainuar personeli per perdorimin e ketij reparti.

Keto investime behen zero dhe ky sherbim i jepet me koncesion nje privati.

Koncesioni per hemodializen, me vlere 86 milione dollare, eshte fituar nga nje kompani, zanafilla e se ciles eshte nje bar-kafe modeste ne qytetin e Beratit, nderkohe qe pronarja e saj nuk rezulton te kete lidhje me fushen e shendetesise.

Ministria e Shendetesise u mundua te justifikohet se kjo kompani e fitoi koncesionin per hemodializen bashke me Spitalin Amerikan, por me pas rezultoi se Spitali Amerikan ka vetem 15% te aksioneve ne kompanine e re, te krijuar per operimin e koncesionit.

Dhe per te siguruar parate per koncesionet e shendetesise, flaken ne rruge 600 punonjes te personelit shendetesor.

Koncesioni i hekurudhes Fier-Vlore i jepet djalit te deputetes te PS, ne shkelje te procedurave te tenderimit dhe te ligjit per konfliktin e interesit.

Ministria e Financave deklaroi para disa ditesh se koncesioni i TVSH parashikon te ndaje mes qeverise dhe koncesionarit rreth 180 milione euro ne dhjete vjet, ku pjesa dermuese e te ardhurave do ti jepet koncesionarit ne kembim te nje programi kompjuterik.

Me nje llogaritje te thjeshte, koncesionari do te marre mbi 140 milione euro per dhjete vitet e ardheshme, ndersa shteti mund te mare 40 milione euro, pra, perfitime qesharake per shtetin.

Mbledhja e TVSH dhe regjistri elektronik i Tatimeve, jane nje sherbim tipik shteteror. Ato jane detyre ligjore dhe funksionale e administrates shteterore te tatimeve.

Dhenia e ketij sherbimi me koncesion ne nje kompani private eshte jo vetem tregues i paaftesise te qeveritareve per te menaxhuar me sukses grumbullimin e te ardhurave nga tatimet, por eshte dhe nje veprim, qe, per nga menyra si eshte kryer, ngre dyshime se grupe interesi prane kryeministrit kane imponuar kete levizje.

Parate e grumbulluara nga TVSH, sado qe ato te rriten, duhet te derdhen te gjitha ne buxhetin e shtetit, per investime publike, per shtimin e punesimit, per rritje rrogash dhe pensionesh.

Koncesioni i TVSH eshte nje burim i paster korrupsioni per qeveritaret dhe klientelen e tyre.

Kryeministri, ne fjalen e tij tha qe ne shpifim dhe hedhim balte.

Por le ti referohemi FMN.

FMN i ka vleresuar koncesionet si nje nga rreziqet me te medha fiskale, duke pohuar se ato tashme zene 7% te PBB dhe te tjera jane perfshire ne proces.

Ne nje raport te posacem per transparencen fiskale, FMN thekson se qeveria shqiptare nuk eshte transparente ne dhenien e koncesioneve, pasi nuk ben publike kostot dhe perfitimet nga koncesionet.

Ligji i koncesioneve kerkon qe Ministria e Financave te mbaje nje regjister te partneritetit publik-privat per te vleresuar ndikimin e tyre buxhetor, para se ato te jene nenshkruar.

Por qeveria nuk e ka publikuar regjistrin dhe nuk ka dijeni mbi parashikimet e pagesave qe do te beje gjate zbatimit te kontratave.

Vendi yne ka nje historik te deshtuar te dhenies te disa sherbimeve me koncesion, te cilat nuk kane sjelle gje tjeter vecse kosto te shtuara per biznesin dhe qytetaret, si rasti i Croën Agents me doganat.

Kompania koncesionare u pagua me 8.2 milione euro, per te mbledhur 100 milione euro me shume ne dogana. Tashme te gjithe e dine deshtimin e bujshem te ketij objektivi.

Prandaj kalimi i te gjitha sherbimeve tek privati, jo vetem nuk eshte i dobishem, por demton ekonomine.

A do te vazhdoje akoma qeveria te marre borxh per projekte te tilla, si ky qe po diskutojme sot, duke e thelluar borxhin publik deri ne 73.6% te PBB ne tremujorin e trete te vitit te kaluar dhe nderkohe  nuk po shohim as edhe nje investim madhor publik.

Komisioni  Europian vlereson me nota negative qeverine shqiptare ne lidhje me performancen ekonomike, duke konstatuar deshtimin ne mbledhjen e te ardhurave, ndersa shpreh shqetesimin per rritjen e nivelit te borxhit publik.

Rreth 400 milione dollare mungojne ne mbledhjen e te ardhurave te planifikuara gjate vitit 2015.

Nga ana tjeter, per vitin 2015, borxhi publik pritet te mbyllet, ne nivelin 72.6% te PBB. Me kete nivel qeveria ka deshtuar disa here ne programin per borxhin, gjate vitit 2015.

Niveli i larte i borxhit publik po ndikon ne uljen e besimit nderkombetar te vendit, po demton klimen e biznesit, po ndikon ne uljen e investimeve dhe te rritjes ekonomike.

Kolege deputete!

Ne kete foltore dua te ngre edhe nje shqetesim te drejtuesve, pedagogeve dhe studenteve te Universitetit te Korces, te cileve ne menyre absurde dhe antiligjore, qeveria dhe keshilltaret e majte te Keshillit te Bashkise Korce, po i marrin ketij universiteti godinen e ish Shtepise te Ushtarakeve, prone e hipotekuar e Universitetit, me VKM nr. 530, dt.7.8.2012,per ta kthyer ne Seli te Agjensise te Zhvillimit Rajonal.

Ne kete godine zhvillojne mesim 700 studente te programeve  Bachelor dhe Master te Fakultetit te Shkencave te Natyres dhe Humane.

Gjate vitit 2015, kjo qeveri hoqi ne menyre te padrejte nga trupi i kesaj godine universitare dy pjese, asete shume te rendesishme infrastrukturore te universitetit, dhe ja dha Ministrise te Mireqenies Sociale, njeren, per nje nga te famshmet zyra punesimi dhe tjetren, per Qender Rinore, te cilat, aktualisht, nuk kryejne asnje funksion.

Kete jave, qeveria urdheron keshilltaret e majte te bashkise per te mare nje vendim antiligjor, sepse prona eshte hipotekuar ne emer te MAS dhe ne administrim te Universitetit te Korces dhe nuk eshte prone e bashkise, per te cilat ka kopetence ky keshill per te marre vendim tjetersimi.

              Prej dy vjetësh, në këtë godinë, me të ardhurat e universitetit, janë bërë investime imediate për ta kthyer atë në gjendje normale për të zhvilluar mësim. Gjithashtu, për këtë godinë është prokuruar dhe hartuar, projekti i rikonstruksionit të saj, konform të gjitha standardeve  bashkëkohore, duke synuar transformimin e kësaj godine në një godinë universitare, e cila do t’u shërbejë jo vetem studentëve, personelit akademik e administrativ, por edhe qytetit te Korces.

              Ashtu si edhe shume shpenzime te tjera te bera, edhe keto shpenzime, kjo qeveri, me nje te rene te lapsit, i con humbur.

              Nga ana tjeter ky vendim absurd dhe i paligjshem cënon ndjeshëm një prej standardeve më të rëndësishme Shtetërore të Cilësisë së Institucioneve të Arsimit të Lartë, dhe konkretisht treguesin e normativës së sipërfaqes së shfrytëzueshme për student, tregues ky i vlerësuar si ndër më kryesorët në procesin e akreditimit, duke e ulur kete siperfaqe nga 2 m²/student ne 1.7 m²/student, kur normativa minimale eshte 4 m²/student.

              Nje tjeter aresye kjo, per ta cuar kete universitet drejt mbylljes.

              Ju bej thirrje deputeteve te PS dhe LSI te Qarkut te Korces, qe, nese vertet e duan dhe e shohin kete universitet si nje qender te rendesishme akademike dhe te zhvillimit rajonal, te bejne perpjekje per ta ndaluar kete veprim absurd dhe te paligjshem te qeverise dhe te bashkise Korce, ne menyre qe kjo godine ti mbetet Universitetit te Korces dhe te gjendet nje mundesi tjeter per Seli te Agjensise te Zhvillimit Rajonal.

Fjalimi në Kuvend i deputetit të PD Gjergji Papa, 28 Janar 2016

Zoti kryesues i seancës,

zonja deputete, zotërinj deputetë,

Tre orë më parë unë i shtrova disa pyetje fondamentale kreut të ekzekutivit dhe të Partisë Socialiste, dhe ai lundroi në detin e gënjeshtrave nga një cep në tjetrin por nuk ktheu asnjë përgjigje për problemin më themelor që pritet sot nga ky parlament, nga këto forca politike, problemin e reformës në drejtësi.

Reformën në drejtësi me shumë të drejtë e kanë konsideruar dhe e konsiderojnë reformën e të gjitha reformave. Reforma në drejtësi sot, absolutisht do të ishte në zbatim e sipër nëse një njeri i vetëm nuk do ishte i tmerruar prej saj, nuk do ta merrte peng atë, dhe ky njëri është Edi Rama. Ju mund të më thoni se pse e bëj këtë akuzë. A mund t’ju bëj një pyetje unë ju? A nuk ishte ky njëri që pesë muaj rrjesht nuk pranoi të çelte gojën dhe të fliste një herë për dekriminalizimin, a nuk ishte ky që kurrësesi nuk pranoi të procedohej me këtë ligj dhe në fund u detyruar,pasi e vonoi pesë muaj, të ulet në konsensus dhe ta përfundojë. Të njëjtën gjë identike bëri ky zotëri me reformën për drejtësi. Futi papagajt e tij brenda dhe jashtë, individë të ndjekur nga shërbimet shqiptarë për lidhje me Beogradin etj etj, ka memorie shteti, të bëjnë artikuj se Rama e mbështet reformën ndërsa ky e ai se mbështesin, dhe mendojnë se në këtë mënyrë, me fantazinë e një të sëmuri do mund mashtronte shqiptarët dhe botën. Po ja që gënjeshtra i ka këmbët e shkurtra. Opozita prej 5 muajsh ka deklaruar se është e gatshme të punojë me atë formë pune që është përdorur gjithnjë në këto procese, që është forma konsensuale.

Për një qeveritar, që ka minimumin e minimumit të sensit të qeverisjes, nuk ka fat më të madh kur opozita të deklaron dhe të ofrohet për konsensus. Për një qeveri të punojë me opozitën për konsensus është arritja më e madhe. Por zotëria e tij nuk do reformën. Kam qënë kryeministër dhe kam punuar me të tre muaj në konsensus. Cfarë do të thotë? Do të thotë që në mënyrë absolute nuk i kam imponuar dot as edhe gjënë më të vogël. Pra, kreu i opozitës së asaj kohe ka miratuar ndryshimet kushtetuese që ka dashur dhe në këtë kontekst ato ndryshime janë më së shumti të dashura prej ti. Por kështu është konsensusi, do biem dakrt për ato që biem dakort. Dhe këto janë gjithnjë më mirë se çdo gjë tjetër. Zoti Rama refuzoi në mënrë të përditshme dhe mendoi se duke nxitur çakenjtë, papagaj në media të thonë se ky e do e ky se do, do dali me flamurin e reformës. Doli, por me flamurin e zi të saj ama. Ja që erdhi momenti, Venecia dha të gjithë ekspertizën. Krijoi një grup mëkatarësh, ekspertë të cilët shihnin vullnetet e tyre, shifnin reformën për pozicionet që do merrnin dhe jo reformën në drejtësi siç i duhet Shqipërisë, siç i duhet vendit. U desh që të vinin rekomandimet e Venecias, u desh qe të vepronte përsëri me kulisa, siç veproi duke pregatitur draftin e famshëm të 29 dhjetorit, që të hiqte maskën e të dilte cili është. Tani komuniteti ndërkombëtar po e realizon qartësisht se kush po e pengon reformën, dhe kjo kohë do përfundojë shpejt. Do detyrohet, pasi e mbajti peng muaj të tërë, të kthehet sepse nuk mund të mashtrojë njëri, mund të mashtrosh këtu fanatikë të verbër që bëhet reformë me 64 vota, reforma nuk bëhet as me 64 as me 84 vota, reforma bëhet me 94 e mbi vota. Ideja kriminale e tij se do blejë 10 deputetë të opozitës, ide që e përhapi kudo, tregoi fytyrën e vërtetë dhe të papërgjegjshme të tij dhe mosdëshirën për reformë. Edhe një herë i bëj thirrje zotërisë ti përgjigjet kryetarit të PD dhe të ulet, të mos humbim kohë, të ulemi dhe të nisim punën mbi një reformë të vërtetë në drejtësi, e cila nuk mban parasysh Surrelin as pallatin pa asnjë faturë, por mban ligjin dhe të drejtën dhe barazinë para ligjit mbi shqiptarët.

Zonja dhe zotërinj,

Sot këtu është një debat mbi abuzimet masive të qeverisë Rama – Kokëdhima në koncesione. Qeveria Rama – Kokëdhima është qeveria e hajdutëve të shtetit, është qeveria që në një vit ka vjedhur më shumë se të gjithë qeveritë e marra së bashku në 25 vite. Ju dilni këtu dhe recitoni gjëra të paimagjinueshme, ju ngriheni këtu dhe villni vrer ndaj koncesioneve në hidrocentrale, të cilat përbëjnë suksesin më të jashtëzakonshëm në historinë e një qeverie. Janë 161 kontrata të firmosura për 430 HEC të cilat derdhnin lumenj dhe burime ujore, që derdhnin miliarda metër kub ujë në detërat e vendit pa asnjë vlerë. Në shekuj dhe mijëvjeçar vazhdonin rrjedhjet e tyre duke dhënë më së shumti përmbytje por jo ndonjë vlerë tjetër. Ky ishte parimi që ne vendosëm, që ti kthenim ato burime ujore në burime energjitike. Dhe deri sot as këta as papagajt e tyre nuk kanë treguar qoftë dhe një kontratë të vetme që ka qënë me shkelje, dhe unë nuk them që ska, se njëqind e ca kontrata një edhe mund të ketë, por s’kanë qënë të zotë. Po çfarë solli kjo? Bëmë të zbarkoj në Shqipëri kompania nr një në botë siç është Shtatkrafti i Norvegjisë, i cili në shkurt mbyll Banjën, fillon mbushja e rezervuarit. Tani fillojnë ndërtimet në Moglicë, nga tetori – nëntori fillon prodhimi në Banjë. Në këto HEC-e qeveria shqiptare harxhon asnjë qindarkë, në këto koncensione ju taksapagues shqiptarë nuk harxhoni asnjë qindarkë, përkundrazi. Në axhendën e ndërtimit të tyre, punësimi në këto HEC-e do të arrinte në 20 deri në 32 mijë punonjës në vit. Nga Alpet tek burimet ujore të Jugut, me këto kontrata në këto koncensione shteti shqiptar nuk harxhonte asnjë qindarkë, përkundrazi. Gjithë këta të punësuar merrnin rrogat e i çonin në shtëpitë e tyre, paguanin sigurimet shoqërore, paguanin sigurimet shëndetësore. E gjithë kjo energji, përveç fisë koncensionare, paguante taksat që prodhohej. Pas 25 apo 30 vitesh, ato kthehen dhe bëhet e juaja të dashur qytetarë, këto HEC-se bëhen pronë publike. Sektori privat investon në to të paktën 4 miliardë euro minimumi. Dhe pas 25 vitesh shumica dërrmuese e tyre bëhen pronë publike dhe dalin përsëri në treg dhe fitohen sasira shumë më të mëdha. Po përveç kësaj në këto HEC plotësohen nevojat energjitike të vendit, nuk importohet, hajdutët duan import se bëjnë pazare me energjinë që blejnë kurse të ndershmit shohin balancin tregtar të vendit të tyre, ata duan prodhim e sa më shumë prodhim në mënyrë që mundësisht ta pozitivizojnë balancin tregtar, që është një nga problemet më madhore të ekonomisë.

Këto janë koncensionet për të cilat ne ndihemi krenarë, sepse ajo ishte infrastruktura energjitike më e fuqishme. Rritej me tre herë prodhimi energjisë elektrike nga burimet ekzistuese ujore, vetëm një e treta ishte e shfrytëzuar. Për 30 vite me radhë nuk ishte ndërtuar asnjë burim energjitik i vetëm. Nga 2007 e deri sot janë ndërtuar 105 burime hidrocentrale. Ju asnjë investim të huaj nuk keni siguruar dot, çdo qindarkë që investohet është e qeverisë së mëparshme, çdo qindarkë. Unë gëzohem, nuk kam keqardhje por është e tmerrshme kur mendon që në dy vjet ska asnjë investim të ri. A e dini ju se keni marrë në 18 muaj 113 miliardë lekë borxh. Në shtator të 2013, borxhi i 20 viteve i Shqipërisë ishte gjithsej 870 miliardë lekë ndërsa sot ëshët 1 trilionë e 100 milionë lekë. Keni kapur trilionin, pra 1000 miliardë, që në mars të 2015. A keni një sens për të krahasuar gjërat. A ka gjë më të dhimbshme të mendoni se qeveria e parë demokratike e këtij vendi 92 – 96, që kishte një buxhet 10 herë më të vogël se ky buxhet, ja doli të ndërtojë një segment autostrade 56 kilometra, një rrugë prej 70 km Fushë Krujë – Milot me dy korsi. E gjithë rruga Laç Milot, ura e Mtit është ndërtuar nga qeveria e asaj kohe. Ju nuk tregoni dot asnjë rrugë. Ju do hyni e do dilni nga qeveria si qeveri e VC-ve dhe tualeteve,e banjove e zyrave e tualeteve pa bërë asgjë për qytetarët. A e dini ju se kur e dorëzuam borxhin e lamë 62.7% të GDP, sa e kemi sot? 73.4% thotë komisioni europian, pa ndërtuar por vetëm duke vjedhur; “Erdhëm, Vodhëm, Ikëm”.

Marrim check up-in. A e dini se nuke e ban asnjë vend në btë. E ban i veto vend që do të vjedhë qytetarët, dhe janë këta këtu, sepse ka marrë përgjigje, studimi anglosakson i bërë në 180 mijë raste, ka faktuar se ka më shumë dëme se të mira, ka faktuar se nxjerr më shumë probleme se zgjidh. Po na duhej që dy klanet të dominojnë Shqipërinë, klani Koleka dhe klani Nushi. Për Kolekën e përfaqëson vetë kryeministri, për Nushin u zgjodh Vilma sepse edhe xhaxhi Gogo, fëmijët e tij duhet hypin në qiell tani dhe po marrin Shqipërinë, dhe po e marrin pa patur një laborator asnjë ditë. Tjetri merr sterilizimin. Po të vret Zoti me këtë që po bëni. Kemi votuar dy kredi të Këshillit të Europës këtu, kemi ndertuar ndërtesën më moderne, me aparaturat më moderne, kemi firmosur dhe kemi votuar kredinë për të pregatitur përdoruesit e tyre dhe tani shkoni e merrni një njëri, mik të Ramës, që ka një ndërmarrje me një murator, me një kapital 1500 euro, në Peruxha apo Foggia ku është dhe i jep koncensionin me 60 milionë euro për sterilizimin.

Flisni për krimin. A ndodh kund në ndonjë vend të botës që të kapet trafikanti siç u arrestua Ajet Sula falë punë së shkëlqyer të Prokurorisë dhe SHISH  e të shkojë ministri ti thotë se nuk e ke nga unë, dhe për ta besuar ti çojë dhe Ajet Zyberin e Korçës që e ka patur menaxher për ti thënë të njëjtën gjë, se nuk e ke nga Sajmiri por nga prokurori. Cfarë ndodh tjetër.

Ajeti ishte pronar i sipërmarrjes së Fierit, edhe i Taivanit.

..(ndërhyrje nga salla)Po flas për Ajet Sulën dhe nuk po flas për Ajet Zyberi. Tani ka misione të tjera edhe ai Zyberi. Ajeti, në vend që ti konfiskohen të gjitha pasuritë siç përcakton ligji antimafie, siç përfaqëson Kushtetuta, të gjitha pasuritë e këtij kryemafiaozi  të falimentuar Besnik Sulaj, i lejohet t’ia kalojë vëllait të tretë, dhe të mos konfiskohen. Atëherë pse ndodhin të gjitha këto benefite. Jua them unë pse ndodhin. Ndodhin se Rama është bashkëaksioner me të. Rama me Olsin kanë parkingun, se ndryshe kjo nuk mund të ndodhë. Nuk mund të ndodhë mbi tokë që një kryeministër të tolerojë një gjë të tillë. Pse nuk flet ky. A mos ka ardhur njëri të të thotë se e ka kërcënuar me jetë një investitor të huaj ky Besnik Sula. Të ka ardhur apo jo! Thuaju këtyre këtu. Investitori i huaj do vinte të bënte një investim shumë serioz këtu dhe do të ndihmonte mbi 1200 familje që i kanë fëmijët pa bukë në Ballsh. Investitori i huaj merr nga Besnik Sula kërcënimin, sepse ka Ramën ai në krah. E ka fut Ramën në parkim dhe i thotë “guxo, po do të vras”. Mos reagoni kështu. Nuk mund të them kurrë gjëra që nuk janë të vërteta këtu.  Ti nuk je Adriatik Llalla, por ti ke një kryeministër, ti ke një Prokuror të Përgjithshëm dhe ti për 100 arsye je i detyruar ta denoncosh dhe të mbahet qëndrimi më i rreptë. Kështu thoshte edhe zonja e kulturës. Se ai gazetari nuk u rrah si gazetar, por u rrah si spektator. Kjo logjikë është e tmerrshme. Ajo është shtyrë nga Rama që të thotë gjëra të tilla. Drejtor Teatri që shkon dhe i bie në grushte në teatër, ai është rrugaç i pakonceptueshëm, ai është turp i Tetarit Kombëtar, s’kandodhur kurrë  në teatër. Vjen dhe i del zot në parlament.

Ja pra, sepse Rama i merr për vete koncesionet. 320 milionë euro nga buxheti i shtetit  fluturojnë në xhepat e hajdutërisë publiko-private. Ato që janë koncesione  publiko-private të tyre janë hajdutëri publiko-private, më të neveritshmet më të tmerrshmet.  Po TVSH-ja! T’ju them një gjë, ka një kompani të njohur në Zvicër, e cila bën dhe doganat e shteteve të dobëta. Kjo është një kompani që disa vende i kanë besuar krejtësisht doganat. Në botë nuk di një shtet që lëshon tatimet, absolutisht. Po pse i lëshojnë tatimet? Kompania e huaj, që është një kompani serioze bastesh, i lutet Olsi Rama dhe Gaz Demi, të dy, a na e merr ti këtë punën e mbledhjes së TVSH?  Ndërsa kompania i thotë se nuk është tek punët e mia kjo.  Se po të ishte do ishte do e sulmoja kompaninë. Ajo thotë se nuk është fushë e imja. Ajo thotë se unë jam kompani serioze bastesh, në Honk Kong. Jo i thonë këta. Marrin dhe fusin edhe Mjerot e stër Mjerot, langonjtë…. Të gjitha këto i kanë botuar mediat tuaja. Unë i kam informacionet e sakta.

Tani do ti japin 100 milion shpërblim. Zotëri ti po i bën shqiptarët  të harrojnë vjedhjen e floririt që u bë në Krrabë. Ky është një akt i shëmtuar, anti kushtetues. Unë i them Edi Ramës, tërhiqu nga këto, se në mënyrë absolute do të bëhesh përgjegjës për çdo qindarkë që po vjedh bashkë me klanin tënd. Nuk të thash unë se ishte Olsi, e thanë gjithë mediat, të nxorën gjithë të dhënat se Olsi ishte me kompaninë. Në çdo rast ti duhet ta mbyllje dhe do tu tregoje shqiptarëve se kjo nuk do të ndodhë kurrë.  Do t’ju them një histori. Një mik i imi, ish-kryeministër i Malajzisë dhe sigurisht marrëdhëniet më kryesore i kishte me Anglinë.  Kishte një ndërtim hidrocentrali të madh  me kompani angleze. Mediat britanike thanë se ka marrë ryshfet. Për të vërtetuar të kundërtën ai anuloi nga e para tek e fundit  dhe tha se të marrë kush të dojë pjesë në tender për ndërtimin e digës, por kompani angleze nuk do të marrë pjesë, sepse ai ruajti integritetin e tij.

Ngrihet kundër koncesionit të skanerëve, e di pse e keni këtë, sepse jeni partia e kanabisit, skaneri ju nxjerr ju kanabisin. Skaneri është vdekja. Edhe kamioni që kaloi, u filmua dhe  fotografua edhe me deje, edhe me lule të kanabisit, por syri i doganierit militant partie ishte i mbyllur.

Ne kishim një marrëveshje me këtë kompani për ta vendosur në të gjitha pikat dhe me një faturë për deklaratë 38 euro. Por është shpenzim i zbritshëm. Çfarë bëtë ju? Kompania do të mblidhte në vit 14 milionë euro. Ju për të ndarë paratë i thatë jo, këta do të paguajnë 22, nëse nuk plotësohen 14 milionë të tjerat do t’ja u japim nga buxheti i shtetit nga paratë e taksapaguesve.  Çfarë është kjo. Si të vjedhim buxhetin përsëri. A ju kujtohet juve Lotaria Austriake. Ajo është një nga lotaritë më serioze në Europë. Fitoi. I mbani mënd daljet e tmerrshme të Ramës dhe të tjerëve se thoshte që do ta anulonte? Ku jeni tani? Ajo po funksionon dhe jam i bindur se austriakët zbatojnë ligjin sepse në tërësinë e tyre ata janë nga bizneset me serioze. Ku e keni pse nuk e thoni.

Po Skavica? Në vitin 2005 Sali Berisha dhe qeveria që erdhi në pushtet gjeti një kontratë të firmosur nga Fatos Nano me kompaninë e madhe italiane sëbashku me grupin financiar, me një projekt të gatshëm për të filluar punën. Krijonte një digë gjigante që kalonte në Maqedoni dhe e linte Dibrën pa një pëllëmbë tokë. Ky ishte projekti, për hir të vërtetës kjo ka qenë edhe idea e inxhinierëve tanë në kohën kur ndërtohej kaskada. Mirëpo problemet sociale ishin shumë të mëdha, dhe ne morëm një nga kompanitë më serioze franceze. Jo nga ato fallcot që ngul hunjtë aty ku i thotë Rama në qendër të Tiranës, por një nga kompanitë më serioze dhe kompania bëri projektin dhe studimin, nga ma seriozët. Italianit i thamë se ne do ta nxjerrim në tender, por në asnjë mënyrë me projektin tënd. Hajde dhe merr pjesë në garë. Bëmë garën, caktuam tre pikë. Ajo nuk mori pjesë. I orfuam 10 dhe nuk pranoi kurrë, ajo kishte projekt tjetër.

Ky Syzeri lejohet të fillojë në të kundërtën e asaj që duhet të fillojë. Të fillojë jo afër grykës, por të fillojë në një fshat. Po pse sepse Syseri në jep tituj, na jep benefite. Dhe shkon, hidrocentrali më i rëndësishëm rregullator i vendit si qeni në vresht pa asnjë vlerë.  Po jua them edhe njëherë se nga të gjitha punërat publike që kanë ngelur për tu bërë, më fizibël dhe më i rëndësishëm është Skavica, përndryshe çdo litër ujë që zbret në kaskadë do ti paguash taksë dhe që është mbi prurjen normale të Drinit. Po pse ta gjobisësh veten? Shtet jam pse mos ta ndërtojmë vet. Por unë që bëra studimin u tërhoqa thash do e  ndërtojë vet qeveria, se ndërtova unë do ta ndërtojë qeveria që vjen pas meje, se ndërton kjo qeveri do ta ndërtojë qeveria tjetër, kjo nuk lëshohet. Se me ndërtimin  e saj kaskada merr një vlerë edhe një herë më të madhe sesa e ka, po keni mbushur xhepat e valixhet.

Ka ndonjë vend në botë që të sjellë rritjen e akcizës për birrën e prodhuar në vend? E bën vetëm ai që merr një valixhe me euro. Erdhi këtu, grupi votoi kundër ai votoi pro, se kish marrë paret ai se lëshonte dot. Ju jeni qeveria “erdhëm, vodhëm, ikëm” dhe do të ikni me shpejtësi të madhe. Mos bëni këto që po bëni se në mënyrë absolute azil politik nuk ju jep njëri.  Sepse kjo përpjekje e madhe që behet për të dënuar korrupsionin në Shqipëri, ju dënon juve.

Tani zoti kryetar,

Është  në interes të publikut shqiptar dhe kërkoj vëmendjen tuaj dhe të shqiptarëve.

“Doktor Berisha ju përshëndes, unë quhem Ervin Karamuço. Arësyeja pse po ju shkruaj, krahas respektit për ju, është se unë jam emëruar në shtator nga Transparency International Berlin si team lider për të hartuar raportin e antikorrupsionit për Shqipërinë. Grupi i drejtuar nga unë u ngrit dhe filloi të bënte testime dhe mbledhje të informacionit në terren. Pas dërgimit të 4 kapitujve, në Transparency International në Berlin, qendra Berlin u shqetësua shumë….”

Dardha e ka bishtin mbrapa dhe ky është Xhorxh Soros. (Ndërhyn Beqaj)..Unë e di se kush është Xhorxh Soros, por para tij, një kryespekulant botëror që mbështet klikat komuniste në vendet ish komuniste, unë kam interesin e vendit tim dhe s’lëviz nga ky pozicion kurrë. Mësoje këtë.

“..Kërkojnë përsëritje të testimeve në mënyrë të paargumentuar, në dhjetor të 2014 dhe krejt papritur kërkojnë shkarkimin e gjithë grupit dhe krejt papritur kërkojnë mbylljen e gjithë TIAs në Tiranë. Edhe sot e kësaj dite nuk e di kush ka vijuar punën në vendin tonë për të plotësuar të dhënat e indeksit, i cili nga të dhënat që kam përpunuar në atë kohë është i deformuar. Skandali që morëm vesh më vonë ishte se sta komunikonin me një person të tyre në Shqipëri, i cili me pritshmëri të lartë ju thoshte se ata nuk janë dashamirës ndaj qeverisë dhe disa prej tyre kanë lidhje me parti të djathta. Drejtori i TIA në Berlin është ish kryetari i bashkisë së Budapestit, lidhje e ngushtë e Sorosit dhe mik i Ramës. Në vizitën në Berlin në gusht të 2014, Rama zhvilloi takim kokë më kokë me këtë person dhe siç duket i la porosi mos i dëmtojë statistikat. Kjo është e vërteta e luftës kundër korrupsionit dhe raportit të TIA për Shqipërinë. Ju përshëndes dhe mbetem i gatshëm t’ju jap çdo sqarim”.

Gjithnjë midis Sorosit dhe Edit është cherchez la femme. Po kjo është histori tjetër kjo.

Replika pas fjalës së zotit Ruçi: 

Edhe një herë ju them të ulemi e të mos humbim kohë, të ulemi dhe të nisim punën mbi një reformë të vërtetë në drejtësi. Të mos humbim kohë se është gabimi më i madh.  Lidhur me atë që unë thash për Ylli Manjanin. Nuk ka nevojë ai fare për ta mbrojtur se ai ka partinë e tij dhe nuk mbrohet nga unë në asnjë rast, por dua të them këtë, se mediat njoftonin se Rama kërkonte në mbledhjen e këshillit të ministrave ta kishte në varësi të vet. Rama nuk e kupton se kjo nuk është Republikë Presidenciale, nuk mund ta ketë kurrë. Kjo është Republikë Parlamentare. Rama, i verbër për pushtet, kurse gazetat njoftonin se ministri Manjani kërkonte që Byroja të aktivizohet menjëherë në përputhje me dy sugjerimet e kryesore të Venecias. Doni ju zoti Gramoz në këtë mënyrë? Hajde ta votojmë nesër, me këto dy vërejtje, në përmbushje të këtyre dy vërejtjeve.

Përsa  i përket rrugës së Kombit ajo ishte alergjia e kreut tuaj që hapi teorinë se është rruga e asgjëkundit. Nuk harrohet këto, kur dilte deputeti juaj në televizion dhe thoshte rruga e asgjëkundit. Shkoi grupi për të filluar grevën e urisë, u mblodhën mirditorët me hunj e me lopata dhe i përzunë, shkoni ku të doni se këtu grevë nuk mund të bëni se Tuneli është jeta jonë. Përsa i përket check-up, po vetëm ndrikulla Nushi mund ta bënte këtë procedurë? Se ajo i ndante paratë më mirë me kushërinjtë. Ilaçi që në Itali kushton 2 euro këtu kushton 10 euro. Kjo është e gjitha. Për mua vazhdoni por qytetarët nuk do t’jua lejojnë këtë. Ju po bëheni gati për të kërkuar azil politik. Por nuk jua jep njëri azilin politik. Ju mund të modifikoni ndonjë të dhënë nëpërmjet ndërhyrjeve të Ramës, por ato nuk shërbejnë. Hiqni dorë nga këto koncesione, ju bëj thirrje këtyre biznesmenëve; mos evidentoni veten si kocka mafioze për të gjobitur qytetarët më të varfër të Europës më hajdutët e shtetit. Qëndroni me punët tuaja se absolutisht do ta paguani shumë shtrenjtë këtë bashkëpunim të ndryrë, vjedhje të imagjinueshme të parave të buxhetit ët shtetit të qytetareve shqiptarë.

Së fundi, z. Ruçi të kërkoj ti transmetosh këto që po them, se ai (Rama) nuk del fare dhe vjen këtu. Flet për  Bathoren me përçmimin më të madh me racizëm dhe diskriminim. Nuk janë të mira asnjëherë këto gjëra. Dua ti them se nëse hyjmë në kromozome dhe e kërkojmë tek stërgjyshërit, në shpatet e Shpiragut do të gjeni  katragjyshin e Edi Ramës tek pëllet si lopë,  jo se është lopë, por për të ndjell lopët e të tjerëve se nuk i kishte as të vetat, kjo është e vërtetë. Kushërirë (Harito) ti nuk e njeh kushëririn tënd.  Si mund të përçmojë ai të tjerët që vijnë nga mali, në një kohë kur stërgjyshin e tij e ka nga shpatet e Shpiragut  duke ruajtur delë e lopë.

Ndaj i them para se të përmendësh të tjerëve pyllin e Bathoren, shko njëherë në shpatet e Shpiragut, shiko ku ke origjinën tënde.

“Edi Rama njëriu që bllokon reformën në drejtësi, nuk pranon konsensusin”

Së pari, ne duhet të vemë një rregull këtu. Të vemë gjobë për çdo gënjeshtër, dhe gjoba për çdo gënjeshtër do të jetë heqja e të drejtës së fjalës, çka do të thotë se ky zotëri (Rama) edhe për tre vjet se merr më fjalën në Parlament, as në këtë as në Parlamentin tjetër. Sigurisht, derrat e kënaqur e të majmur, Sokratëve të vuajtur nuk ja u dinë. E vjetër por është aktuale kjo, sepse të thuash ti që është ulur varfëria, në një kohë që të gjitha statistikat thonë se është rritur me 30 e ca përqind, atëherë ti noton në pasurinë që ke krijuar me bosin tënd dhe s’di se ç’janë të varfërit e këtij vendi.

Zoti kryetar,

Nxorri këtu një problem madhor, dhe ky problem është reforma e drejtësisë. Sot është dita të hiqen maskat, t’ju faktojmë shqiptarëve se njeriu që nuk do reformën dhe e bllokon me çdo kusht është Edi Rama, sepse njëriu që saboton reformën në drejtësi është Edi Rama dhe këtë ja u them me përgjegjësi dhe me fakte të pakundërshtueshme. Njeriu që mashtron dhe u thotë shqiptarëve se po bëj reformën me 64 vota është Edi Rama, në një kohë kur reforma kërtkon minimumi 94 vota. Njëriu që po mban peng byronë kombëtare të hetimit e ka emrin Edi Rama. Dhe gënjen të tjerët dhe ju thotë s’ma pranon Ylli Manjani. Ylli Manjani pranon formën të cilën ka sugjeruar Komisioni i Venecias, Ylli Manjani thotë atë që ka thënë edhe Sali Berisha dhe çdo deputet, Pandeli Majko dhe çdo deputet tjetër, ka thënë dhe do thotë këtu atë që ka thënë Venecia dhe nuk mund të thotë “Edi Rama kryehetues, Edi Rama kryeprokuror, Edi Rama kryegjykatës”.

Cfarë ka Byroja e Hetimit, ja u them unë këtu. Ligji që kanë përpunuar ekspertët amerikan, përputhet tërësisht, duke marrë parasysh dhe vërejtjet e Venecias, me vendimet e gjykatës kushtetuese të Shqipërisë. Kush e pengon thoni ju? Kryetari i PD i ka thënë faktorit ndërkombëtar, sillini menjëherë ta votojmë, Edi Rama u thotë jo s’më le Ylli Manjani. Po pse kryeministër që të pengon një ministër? Zotëri ka një rregull, po ti s’je kryeministër. Ministri i cili nuk zbaton vullnetin e kryeministrit i thuhet mirupafshim. Po nuk i thua dot se ti e do për veten tënde Byronë, ti nuk e do Byronë për hetimin se Byroja Hetimit do fillojë nga vila e Surrelit, do fillojë nga pallati 5-katësh ndaj dhe gjithë kjo luftë për të, dhe angazhove papagaj në Shqipëri dhe në botë për të të paraqitur ty si mbështetës i reformës. Krijove një grup, dhe cili është grupi?

Grupi me në krye Xhafën, përfaqësues të klaneve të drogës etj etj,. Emëroi Sokol Sadushin, i cili për hir të së vërtetës është ekspert i të drejtës administrative por është militant partiak. Sa u ul aty tha tani unë dua gjykatën e lartë administrative, më bëj gjykatën administrative që urdhërat e tu ti shndërroj të gjitha në ligje gjykatash, dhe u vu amandament se do krijojmë, krahas gjykatës së lartë edhe gjykatën administrative. Tjetër, në konflikt të plotë interesi emëron kunatin e Mimi Kodhelit, të cilin unë, duke e quajtur shoqëri civile si të pavarur e mbështeta si njëri që do vëzhgonte qeverinë tonë. Tani del dhe thotë në media se “si mund të vë unë të votojnë gjykatësit kur ata e dinë se unë po bëj ligjin dhe ata s’më votojnë kurrë mua”. E kuptoni se çfarë reforme ka katranosur ky. Absolutisht asnjë prej tyre sdo mund të marrë dot funksion për tetë vjet rresht, dhe reforma do bëhet, s’do mund ta pengojë kurrë ky. Tani që i kemi hequr çdo maskë, reforma do bëhet se s’mund të mashtrojë më se me 64 vota do bëj reformën. Reforma do bëhet me 120 vota, me 130 vota. Dhe dje kryetari i PD e ftoi që të ulet, le të krijohet komisioni tresh i forcave politike dhe të proçedohet me reformën që ajo të jetë e standarteve më të mira. Por këtë nuk e do ky, Ky i jep një llokmë Dvoranit, i thotë “Dvoran do emërohesh kryegjykatës i vendit se ti je më i vjetri në gjykatë supreme”, i thotë Sokol Berberit “mbroma Koçon se do jesh më i vjetri në gjykatën supreme”. Pra pengesë kryesore absolute e reformës në drejtësi është Edvin Kristaq Rama. Dhe unë po ju them se komuniteti ndërkombëtar po e realizon plotësisht këtë gjë. Ka tre javë që me dhjetëra herë i kanë kërkuar të punojë me konsensus ashtu siç këshillon Komisioni i Venecias.

Konsensusin ka vetëm një njëri që e kundërshton, dhe ky njëri është Edi Rama, ky njëri është me 64 vota, ky njëri tallet me reformën se e di mirë që reforma kërkon mbi 94 vota. Pra ky që bënte edhe prokurorin edhe gjykatësin dhe porosiste dhe artikuj me disa persona që unë i kam të ndjekur për shërbime të huaja që në vitet 90 e me radhë.

(ndërhyrje nga salla)….Po po, shteti ka memorie, se ju jeni të përshkruar nga të gjitha anët. E dini se ç’ndohi këto ditë apo jo? Kryetarja juaj e delegacionit, me urdhër sipas saj, ose në arsye të errëta, nuk u paraqit në komisionin politik të Këshillit të Europës. E dini çka ndodhur aty? Delegacioni serb, në mungesë të delegacionit shqiptar ka vendosur amandamentin për Umnikun, sepse zonja Leskaj…Po pse të shkojë ajo kur ky nuk lejon asnjë simbol të Kosovës në ndeshjen me Serbinë, sikur Kosova të ishte një shtet nazist? Po pse do shkojë ajo të mbrojë interesat e Kosovës në Këshillin e Europës? A mund të ndodhë në botë që të ndalosh simbolet e një shteti tjetër ti pse po zhvillohet një ndeshje? Po nuk e bën kush këtë përveç Edi Ramës, është jashtë çdo lloj imagjinate. Ky është një vetposhtërim i shkallës ekstreme, kjo është një fyerje për çdo qytetar të Kosovës. Dhe tani si për çudi, kryetari i delegacionit tonë që është përfaqësues i Shqipërisë në komitetin politik të Këshillit të Evropës, nuk ndodhet në atë mbledhje dhe delegacioni serb fshin dhe bën çtë dojë dhe fut amandamente si të ketë qef sepse ne nuk jemi aty. Që të treja amandamentet janë antishqiptare dhe në mungesë të plotë të delegacionit shqiptar. . E qëllimshme apo e paqëllimshme, atë se di. Zoti e ruajt Kosovën nga ju sepse vetëm të këqija mund të presi nga ju. Rezoluta për Kosovën ka katër muaj që është iniciuar në Këshillin e Europës, 40 herë duhet të shkonte kryetarja e delegacionit të Shqipërisë në avokati të saj dhe nuk ndodhet fare aty.

Po le të kalojmë te reforma në drejtësi. Reforma për drejtësi ka një armik dhe ky armik është Edi Rama. Tani tu kërkojmë ndjesë atyre papagajve të tij, që kanë dy muaj që s’pushojnë nga ekrani në ekran se ky na qënka mbështetës i reformës dhe të tjetër po e pengokan, ja ku doli siç është; pengesë kryesore dhe bllokues i reformës. I doli bllofi, dhe faktori ndërkombëtar po e realizon plotësisht se ky është njëriu që nuk do reformën, dhe nuk e do reformën për shkak të Surrelit, të tre vilave në Surrel që i ka themelet e gjata 57 metra…

Dil këtu dhe përgjigju për vilën e Surrelit, se për të nuk po lejon reformën në drejtësi, dil këtu dhe përgjigju thirrjes së kryetarit të opozitës që të punojmë me konsensus, sepse reforma në drejtësi, pra integrimi vendit absolutisht ka vetëm një shteg, ky shteg është konsensusi midis forcave kruesore politike në këtë parlament për të bërë reformën. Silleni javën që vjen, ta votojmë këtu në përputhje me Venecian byronë e hetimit Kombëtar, por jo në gjirin tënd apo të Sajes tënd, por në gjirin e e ligjit dhe të parimeve ndërkombëtare. Dil dhe jepi llogari shqiptarëve pse bllokon reformën, dil dhe thuaju shqiptarëve pse nuk ta mban të votosh reformën, pse do të spostosh reformën nga parimet ndërkombëtare te parimet personale. Po kjo është shumë e rëndë zotërinj, sepse nga kjo varet fati shqiptarëve, një herë i ka penguar dy vjet për integrimin, tani prap do i pengojë ky për interesa personale? Nuk mund të ndodhi më kjo. Absolutisht kjo nuk mund të ndodhë!

Fjalimi në Kuvend e ish kryeministrit Sali Berisha, 28 janar 2016