Blog

Partia Demokratike vijon me ritme të larta konsultimin e platformave në sektorët kryesorë, platforma që do të jenë programi dhe alternative për nxjerrjen e vendit nga kriza, për zhvillim, punësim e mirëqënie.

Departamentet e Energjisë dhe Burimet Natyrore , ai i Administratës Publike dhe Departamenti i Bujqësisë, Zhvillimit Rural, Peshkimit  dhe Agroindustrisë mbajtën këto ditë debate dhe diskutime në prani të dhjetra ekspertëve.

Më parë ishte Departamenti i Shëndetësisë ku u diskutuan dhe u debatuan politikat që do të sjellin zhvillimin e sektorit jetik.

Të pranishëm në këto takime në selinë e Partisë Demokratike, përvec deputetëve, drejtuesve të partisë, kryetarit Lulzim Basha, kanë qënë dhe shumë specialistë dhe ekspertë të fushave.

Duke prezantuar prioritetet në fushën e Energjisë dhe Burimeve Natyrore, Suzana Guxholli tha se do ti jepet përparësi liberalizimit të tregut të energjisë dhe industrisë minerare, shtimit të burimeve alternative dhe reforma të të tjera, të cilat do të prodhojnë dhe ulje të çmimeve dhe një treg konkurrent.

Ndër prioritetet e programit të Departamentit të Administratës Publike, drejtuesja Endira Bushati tha se janë modernizimi, transparenca, emërimet e nëpunësve sipas ligjit dhe standarteve evropiane, si dhe ngritja e komunikimit dixhital me publikun dhe mes vetë institucioneve.

Në shpalosjen e orientimeve të programit të Departamenti i Bujqësisë, Zhvillimit Rural, Peshkimit dhe Agroindustrisë, drejtuesja Enkelejda Sallaku  tha se reformat do të përqendrohen në një zhvillim të qëndrueshëm të agrobiznesit e bujqësisë, në rritje punësimi dhe të ardhurave të këtij stektori strategjik për ringritjen e Shqipërisë nga kriza aktuale prej qeverisjes së majtë.

Platformat e departamenteve janë në fazën paraprake dhe po i nënshtrohen diskutimit dhe debateve me ekspertë e specialistë.

Në muajin shkurt, programi i secilit prej 22 departamenteve do të kalojë në një diskutim të gjërë e të hapur në publik, dhe me grupet e interesit, për tu pasuruar edhe më tej me ide. Në mars, këto platforma do të jenë gati, të konsoliduara, çka është oferta e Partisë Demokratike për shqiptarët, për ulje taksash, krijim të vendeve të punës, për zhvillim të insfrastrukturës e bujqësisë, për përmirësim të cilësisë së jetës, në arsim shëndetësi e kudo.

Platformat e Partisë Demokratike kanë në qendër interesat e qytetarit, zhvillimin ekonomik, punesimin, mirëqënien e tij, lehtësimin e jetës, dhe stimulimin e rritjes dhe zhvillimit në çdo drejtim.

Njoftim për shtyp i Partisë Demokratike, 24 Janar 2016

Kryemashtruesi i Bashkisë së Tiranës vazhdon të mburret me punët e të tjerëve sepse për vete s’ka asgje për të treguar përveç pazarit për rritjen e çmimit të biletave dhe konçesionit për parkun Rinia.

Është aq i pacipë në genjeshtrat e tij sa një projekt që është drejt fundit e shet si punë të tij. Këtë bëri sot me varrezat e Tufinës kur i vetmi kontribut i tij ishte bllokimi i shpronësimit dhe buxhetit për këtë projekt për 7 muaj derisa u zhbllokua me vendim gjykate. Ftoj sot të gjithe mediat ato që ende besoj tek misioni i tyre i informimit të vërtetë të qytetarëve dhe s’janë peng i Veliajt ti referohen kronikave të shtatorit 2014 kur kanë pasqyruar nisjen e punimeve për realizimin e projektit të rehabilitimi dhe ndërtimit të varrezave murale në Sharrë dhe Tufinë.

Projekti për sistemimin e varrezave të Tufinës dhe Sharrës ishte një investim prej 3 milionë dollarësh i Bashkisë së Tiranës drejtuar nga Lulzim Basha. Është realizuar rehabilitimi, sistemimi ndriçimi gjelbërimi, shtrimi i rrugëve të brendshme, rrethimi i jashtëm, dhe është mundësuar një sipërfaqe për shërbimet e fundit, për familjet gjithashtu. Projektet për të dy varrezat mundësojnë zgjerimin me një sipërfaqe afër 10 mijë metër katror në  varrezat e Tufinës, dhe 15 mijë metër katror në Sharrë.
Projekti parashikonte edhe varrezë murale.
Pra Veliaj vazhdon të bëjë të vetmen punë që di të mashtrojë qytetarët siç bëri  kur u betua dhe përbetua se nuk do ta rriste çmimin e biletës por as 24 orë më pas pasi siguroi rryshfetin e dëshiruar rriti çmimin e biletës për qytetarët e Tiranës.

Njoftim për shtyp i Partisë Demokratike, 23 Janar 2016

Rama dhe Nikolla detyrojnë sot me përdhunë mësuesit, ti nënshtrohen një testimi politik, krejtësisht të paligjshëm.

Testimi i sotëm, bie në kundërshtim me ligjin për Arsimin parauniversitar dhe dispozitat normative për zhvillimin profesional dhe pikërisht me nenin 58 të tyre.

Ai shkel cdo kod moral, etik e ligjor, për vlerësimin e punës së mësuesit.

Rama dhe Nikolla, kanë gati tre vite që i kërcënojnë ata, i poshtërojnë, i nxjerrin gjuhën, i mashtrojnë, i transferojnë, i pushojnë sipas interesit, sipas klientelës, sipas bindjes politike.

Pasi i hoqën pa pikë përgjegjësie dhe morali pagën e 13-të,

pasi i mbajtën varë për një vit, pa kontratën kolektive të punës,

pasi i listuan në gusht, pabesisht, sipas përkatësisë partiake, në bazë të fakteve të denoncuara në këtë foltore,

pasi i kërcënuan me vendin e punës për ti marrë votën, siç përcaktoi dhe raporti i OSBE-ODIHR-it,

shpikën më në fund dhe këtë testim. Kanë tre vite që lodhen e sorrollaten për të hartuar e zbatuar, këtë procesion lincimi të mësuesve. Ndonëse, udhëzimi i vetë kësaj ministrie, që prej kohësh luan sport e tallet me mësuesit, përcakton se testimi bëhet në rrugë digitale, pa identifikim, një tjetër copë letre, e dalë nga zyra e Nikollës, i detyron mësuesit, ti nënshtrohen,  në kundërshtim me vetë udhëzimin, një provimi me shkrim, me emër e mbiemër.

Kjo nuk është thjesht vetëm prerje në besë, por është njëkohësisht, një maskaradë e një akt turpi i kësaj qeverie të pa turp.

Ky testim nuk i shërben zhvillimit profesional, por realizon goditjen profesioniste denigruese të misionit dhe rolit fisnik të mësuesit.

Mësuesit, do të dinë mirë ti japin notën e merituar kësaj qeverisje të dështuar!

Deklarata për mediat e kreut të Departamentit të Arsimit, Luciano Boçi, 23 Janar 2016

Kryetari i Partisë Demokratike, Lulzim Basha ka emëruar në detyrën e zëdhënëses së Partisë, Dr.Ina Zhupa.

Ina Zhupa është doktore e shkencave në Shkencat Politike, me një studim mbi demokratizimin dhe vlerat e shoqërisë shqiptare.

Ka kryer një master në Teori Politike në Universitetin La Sapienza në Romë dhe zotëron 5 gjuhë të huaja.

Zhupa është anëtare e Këshillit Kombëtar dhe kordinatore kombëtare në Partinë Demokratike.

Dr.Ina Zhupa ka spikatur në debatin publik në mediat e shkruara dhe vizive të vendit.

Eshtë pedagoge për shkencat politike dhe marrëdhëniet ndërkombëtare.

Bashkëngjitur gjeni një CV të zonjës Zhupa.

E lindur në 20.06.1987 në Tiranë, është Doktore e Shkencave në Shkencat Politike me një studim mbi Demokratizimin dhe Vlerat e Shoqërisë Shqiptare duke marrë vlerësimin maksimal. Ka studiuar në një Master për Komunikimin Politik të ofruar nga Universiteti La Sapienza Romë në bashkëpunim me Universitetin i Tiranës. Ka mbaruar Master Shkencash në Teori Politike dhe Bachelor në Politikë dhe Qeverisje në Universitetin e Tiranës me medalje ari të fituar për rezultate të shkëlqyera. Zotëron 5 gjuhë të huaja.

Aktualisht është pedagoge në departamentin e Shkencave Politike dhe Marrëdhënieve Ndërkombëtare në Universitetin Europian të Tiranës. Me përvojë në mësimdhënie në universitete shtetërore dhe private, ku ka shërbyer edhe si Dekane e Studetëve dhe Drejtuese e Zyrës së Karrierës, me eksperiencë pune me projekte të ndryshme kombëtare dhe ndërkombëtare, si edhe në dikastere shtetërore. Është e fokusuar në kërkimin e saj shkencor në çështje që lidhen me integrimin europian, vlerat e shoqërisë shqiptare, procesin e demokratizmit, teoritë e marrëdhënieve ndërkombëtare, qasjet dhe modelet mbi konfliktin, sfidat e tranzicionit. Ka zhvilluar punë kërkimore në terren për matur realitetin dhe për ta përpunuar atë sipas metodave të shkencave sociale duke qënë edhe autore e një libri studim mbi sjelljen votuese. Ka marrë pjesë në konferenca kombëtare dhe ndërkombëtare, si edhe ka publikuar artikuj shkencor në revista të njohura shkencore brenda dhe jashtë vendit. 

Njoftim per shtyp i Partise Demokratike, 22 Janar 2016

Zoti kryetar,

kërkoj mirëkuptimin sepse sot, mbarë populli i Kosovës dhe çdo shqiptar, përulet me nderimin më të thellë në 10 vjetorin e ndarjes nga jeta, para veprës, trashëgimisë të presidentit Ibrahum Rugova, frymëzuesit, themeluesit, arkitektit të Kosovës së pavarur. Në historinë tonë politike, presidenti Rugova do të nderohet gjithmonë si gjeniu dhe misionari më i madh i kombit tonë, si prijësi që bëri më shumë se kushdo tjetër për lirinë kombëtare të shqiptarëve. Intelektual i shquar, pasardhës i një familje të flijuar për flamur dhe atdhe, ai do u përkushtohej me të gjithë potencialin e madh intelektual e atdhetar, lirisë dhe pavarësisë së Kosovës.

Në përmbushje të këtij misioni, presidenti Rugova do të themelonte Lidhjen Demokratike të Kosovës si partia e parë antikomuniste në Ballkanin e diktaturave totalitare, si partia e interesit kombëtar të shqiptarëve. Në krye të LDK, me guximin, forcën pothuajse mbinjerëzore dhe idetë e tij për Kosovën e lirë dhe të pavarur, Ibrahim Rugova do të themelonte në gushtin e pushtetit të egër, Republikën e Kosovës dhe do organizonte dhe udhëhiqte për vite me radhë shtetin e shqiptarëve të Kosovës paralel me atë të pushtuesve barbarë. Në betejën e tij paqësore radikale, me urtësinë, mençurinë, shpirtin e tij të pamposhtur Ibrahim Rugova do paraqiste dhe përfaqsonte me dinjitet, besueshmëri e civilitet çështjen së drejtë të shqiptarëve të Kosovës, në Shtëpinë e Bardhë, në kancelaritë dhe institucionet kryesore të botës dhe do e shndërronte atë në një çështje botërore për t’u zgjidhur.

Epopeja legjendare e Ushtrisë Clirimtare të Kosovës, ndërhyrja historike e Aleancës së Atlantikut të Veriut çliruan Kosovën nga pushtimi barbar dhe bënë realitet projektin e Kosovës së lirë dhe të pavarur. Pas çlirimit të Kosovës, presidenti Ibrahim Rugova do zgjidhej presidenti i parë i Kosovës së lirë dhe së bashku me çlirimtarët e saj dhe komunitetin ndërkombëtar ai e udhëhoqi atë në ndërtimin e institucioneve demokratike të shtetit ligjor, ai ishte garanti lirive dhe të drejtave njerëzore të qytetarëve të Kosovës në tërësi dhe minoriteteve të saj në veçanti. Presidenti Ibrahim Rugova u nda para kohe nga jeta, por vepra, trashëgimia e tij frymëzojnë dhe do frymëzojnë shqiptarët në ndërtimin dhe konsolidimin e lirisë, demokracisë dhe një Kosove europiane, faktor paqeje dhe stabiliteti në rajonin tonë. Le ta nderojmë ne sot me një minutë heshtje kujtimin e këtij burri të madh të kombit tonë!

I përjetshëm kujtimi i presidentit Rugova!

– Sot është një ditë tjetër e zezë në historinë tonë. Pas 84 vitesh, si sot 5 vjet më parë falangat e krimit bënë përpjekjen monstruoze të përmbysjes me dhunë të pushtetit të dalë nga vota e qytetarëve. Organizuan pucin famëzi të 21 janarit, bënë çdo gjë të merrnin me dhunë pushtetin. Sulmuan institucionin e ekzekutivit shqiptar me besimin e verbër se kryekarrieristi do vinte të mbante një fjalim tek zyra e kryeministrit të atëhershëm.

Komuniteti ndërkombëtar e dënoi unanimisht si një përpjekje për të marrë me dhunë pushtetin. Në këtë përpjekje të shëmtuar të paprecedentë që nga viti 1924, persona të paguaj, të pajisur me mjete dhune sulmuan barbarisht për orë të tëra ndërtesën e kryeministrisë ku po punonte kreu u ekzekutivit të vendit me shpresën dhe besimin e verbër se ai do ua lironte zyrën.

Në këtë puç, në të cilën morën pjesë 2 krerë të tjerë të institucioneve kryesore, ai i presidencës dhe prokurorisë së përgjithshme, në këtë puç ku u shurdhua kreu i shërbimeve inteligjente, në këtë puç që kishte synim kurorëzimin e Edi Ramës, njëlloj si 84 vjet më parë, kryeministër, çka s’mund të ndodhte kurrë, për fatkeqësinë e madhe u vranë 4 qytetarë. Zhvillimet e mëvonshme treguan se Edi Rama sakrifikoi, i solli, luajti me zjarrin me qëllimin e vetëm që të merrte pushtetin.

Qytetarët e Tiranës do ta ndëshkonin atë në zgjedhjet e 8 majit, do t’i jepnin disfatën e plotë që meritonte. Sot kanë kaluar 5 vite nga kjo datë por turpi i zi, faqja e zezë dhe krimi i shëmtuar rëndon mbi Edvin Kristaq Ramën dhe suitën e tij.

Ndaj shfrytëzoj këtë rast për të dënuar me ashpërsinë më të madhe aktin e tyre të shëmtuar, përpjekjen e tyre puçistë dhe për t’u thënë se kurrë institucionet demokratike nuk mund të pushtohen me dhunë.

– Lidhur me diskutimin e parafolësit unë mund ta përmbledh në këtë mënyrë… nuk vjen ai (Rama), s’ka ardhur se ka frikë nga fjala në parlament. Ai ka frikë nga përballja në parlament. Ai nuk përballet dot, të vërtetat atë e ofendojnë, të vërtetat atë e tërbojnë, të vërtetat atë e disekuilibrojnë. Po sigurisht nëse vjen dy herë në muaj nuk ka si flet.. Si përfundim përgjigjja ime është kjo: Çfarë jeni ju ekip si qeveritarë? Ju jeni ekipi, erdhëm, vodhëm, ikëm. Kaq mund të them”.

Nderhyrja e dyte

Kriminelët dhe vrasësit, ata të cilët i sollën në grykat e zjarrit për karrigen e Edi Ramës vajtojnë viktimat, ky është akti më makabër, më i shëmtuar, më i shpifur e më i shpërfytyruar.

Edhe njëherë, 21 janari është grushti shtetit i organizuar, planifikuar nga Edi Rama në bashkëpunim me dy -tre drejtues të institucioneve kryesore të vendit. Sali Berisha bëri atë ditë, atë që duhet të bënte çdo zyrtar i këtij shteti. Nuk u largua nga zyra as dhe një sekondë të vetëm. E gjithë përpjekja e Edi Ramës, që ishte ngulur në ndërtesën karshi, për të ardhur dhe mbajtur një fjalim në ballkonin e zyrës si çlirimtar, ishte shkaku më themelor i katër të vrarëve, për të cilët atëherë kam shprehur ngushëllimet më të sinqerta, i shpreh sot dhe do i shpreh gjithmonë. Por për ngjarjen ka deklarata ndërkombëtare, jo një po disa, ka deklarata të partnerëve tanë dhe institucioneve ndërkombëtare të cilat denoncojnë botërisht se kjo protestë dallonte nga të tjerat, dhe të tjerat nuk ishin pak por ishin 1700. Një grup i organizuar në këtë protestë kishte ardhur ta shndërronte atë në të dhunshme për qëllime të caktuara, kurse deklarata e OSBE-së, e kryetarit të radhës, thotë se kishte qëllime marrje pushteti me dhunë. Mendoj se bëra detyrën e një njeriu të detyrës. Qëndrova në zyrën time dhe, kush e do dhe kush s’do ta besojë, çdo njëri që do guxonte të hynte brenda ndërtesës do të përballej me më të keqen që mund të imagjinonte. Kjo pas asnjë ekuivok. Nuk mund të ndodhte kurrë që unë të largohesha nga kati i dytë, aty ku qëndrova 5 orët e sulmit. Ka vlerësime për policinë, vlerësime maksimale për qëndrimin e saj, vlerësime maksimale nga të gjitha shërbimet dhe misionet e huaja në Shqipëri. Policia nuk abuzoi me forcën, u agresua në mënyrë barbare nga njerëz të hurit dhe të litarit, nga njerëz të sjellë nga Greqia dhe anembanë, me thirrje “të rrëzojnë Sali Berishën”, por Sali Berishën nuk e rrëzonin dot, ishte në të drejtën e tij, në të drejtën e shqiptarëve, e kanë dëshmuar familjarët e tyre dhe këto janë të njohura.

Garda e Republikës ka funksionuar dhe funksionon mbi bazën e një ligji, kësaj radhe jo të hartuar nga qeveria e mëparshme por e hartuar nga qeveria socialiste, e cila i thotë gardistit, se në këtë rethanë do të qëllosh në ajër, në atë rethanë do qëllosh në objekt dhe ta plagosësh në këmbë, dhe në atë rethanë do qëllosh direkt.

Garda nuk funksionon me urdhra, funksionon me ligje që duhet ti zbatojë çdo gardist kudo që ndodhet. Ju papagaj mjeranë, që dilni këtu dhe derdhni lot krokodili për ata të cilët i çuat në grykën e zjarrit, ju pikërisht komandantin e grupit të zjarrit, e grupit që kishte armët e zjarrit në rrethin e kryeministrisë, ju sot e keni kryetar të PS-së. Ka qenë oficer i rëndësishëm në Gardën e Republikës, pasi iku nga detyra ju e zgjodhët kryetar të PS-së të një rrethi të veriut. Unë absolutisht nuk besoj se ju e keni përdorur atë për të dhënë urdhër për të qëlluar. S’kam pse ta besoj një gjë të tillë, sepse pastaj më duhet të them se ai është një Jago, një kriminel. Por nuk kam asnjë të dhënë që ky oficer garde ka qenë i tillë.

Ose ju nëpërmjet njerëzve tuaj të cilët e veçuan nga hetimi, i keni brenda në grup njerëzit që me Ina Ramën i veçuar nga hetimi, po të bëhesh i paftyrë dhe të dalësh të ligjerosh këtu të kthehet e të bie rëndë në surrat. Komandanti i grupit të zjarrit, i grupi që mbante kallashnikovët. Ka ligje shteti! Ai ku është sot për ndonjërin nga deputetët që mund të besojë trillimiet e ulta të tyre, që duan të mbulojnë krimin e shëmtuar që kryen në 21 janar ndaj shtetit dhe viktimat që bënë me qëllimet e tyre të ulta antishqiptare. Ku është sot ky? Cfarë bëhet me këtë njëri? Ky njëri, sot, pasi iu mbyll dosja është kyetari i Partisë Socialiste të një rrethi të veriut. Tani jepuni përgjigje ju familjarëve, e shtytë ju atë të japë urdhër që të vriten njerëzit dhe të shpëtonit nga përpjekja, që të kishit një kartë? Nuk mund të them, ai për mua ka bërë detyrën, është njeri me integritet, ka vepruar në përputhje me ligjin dhe skam asnjë të dhënë tjetër. Por, përdorimi i dy standardeve ju nxjerr lakuriq. Të njëjtën gjë ju bët ëme Gërdecin.

A e dini ju o zotërinj, a e dini ju o deputetë, a e dini ju o qytetarë që këta kanë mbajtur pikë për pikë tezën tonë të “aksidentit teknologjik”. A e dini ju se kjo ministri dhe kjo qeveri dhe të gjitha gjykatat ku është paditur shteti, kanë përsëritur si papagaj, atë të cilën tha qeveria paraardhëse. Ja u them këtu sot, se ata duhet ti shpërblenit ju, absolutisht sepse ai ishte aksident teknologjik por kjo nuk pengonte qeverinë ti shpërblente ata. Pse nuk e pengonte, sepse nuk ishte aksident teknologjik i një kompanie tërësisht private, për faktin e vetëm se e kishte një kompani publike çështjen e sigurisë dhe nuk mund të them se kompania publike ose private e bënë me qëllim atë tragjedi të madhe por ajo që mund të them është se ajo është shtetërore dhe shteti është përgjegjës aty. Dhe shteti duhet ti zhdëmtonte ato dhe absolutisht do dilja ti zhdëmtoja, t’u thoja se nuk është e vërtetë që ka patur ndonjë qëllim dhe po e gjetët hajdeni, por është e vërtetë se sigurinë e ka pasur MEICO dhe meqënëse MEICO ka qënë përgjegjëse për sigurinë, unë do iu përgjigjem për zhdëmtim. Kurse ju, pikërisht për të mos i zhdëmtuar ata përdorët tezën tonë, tezën e “aksidentit teknologjik”.. Ajo ishte një e vërtetë dhe të dhënat ishin të atilla saqë s’mund ti substancoje. Dhe një herë ja u them ju, nëse ne e përdorëm për të thënë të vërtetën në gjykatë, absolutisht kishim ndërmënd ti zhdëmtonim ata sepse sigurinë e atyre punëtorëve në atë punë, e kishte ndërmarrja ushtarake. Por ju jeni njerëz të cilët bëni nekropolitikë. Nekropolitika është shpirti i politikës suaj. Atëherë ja kush jeni ju. (2 vjeçarin në Sarandë e arrestoni se bëri një kasolle për lopën, Koços sarajet, mijëra e mijëra metër katror ndërtim 20 m nga deti ja mbroni me ushtarë, ndërsa komandantin e grupit të zjarrit e bëni të parin e PS në Mat. Arrestoni qytetarin e Lushnjes për 35$ dhe e çoni në litar, kurse Ajet Sulës, kryetarit të grupit të trafikut të Durrësit, pronarit real, me të gjitha dokumentat, të sipërmarrjeve të këtij grupi trafikantësh, dhe ju s’guxoni t’ja konfiskoni ..

Ju s’keni fytyrë, keni vetëm hipokrizi. Kapet grup kryesor trafiku droge dhe ministri shkon i thotë se “nuk e keni nga unë arrestimin por e keni nga SHISH dhe Prokuroria”. Ajeti tjetër i Korçës, i dërguar vetëm për drogë, ish menaxher i kompanisë së Ajetit të trafikantëve të Durrësit, që i hap portat e aksit Korçë – Tiranë, shkon përsëri dhe i jep garanci se nuk e keni nga policia këtë, se nuk i besonin Saje qorrit. Këta jeni ju. Dhe të gjitha kompanitë e Ajetit të drogës, Ajetit të partisë, se Besnikun e falimentuar e kanë për të çuar mesazhe kërcënuese, një budalla që i rren mëndja se me forcën e mafies mund të lëkundë vullnetin e hekurt për ta vendosur mafien në gjyqin publik ku e meriton.

Këta jeni ju, ky është grupi juaj, e shndërruar nga Edi Rama në një organizatë të vërtetë kriminale. Si ka mundësi që tjetrit i konfiskohet malli për një kupon kurse atij nuk i konfiskohet ndërmarrja për tonelata drogë. Si ka mundësi që kapet helikopteri me 8.2 ton drogë i Dabullëve dhe Cetës dhe s’guxon kush jo me ja u prek ndermarrjet, por s’guxon kush me ja u përmënd emrin atij. Po pse? Se këta që shisnin janë byrazerët, janë ushtarët e tyre. A e dini kush ja futi thikat gjykatësit? E dini po s’guxoni, nuk flisni dot. Ju jeni shndërruar …në një mafie të gjallë. JU keni dy fytyra, njërën e keni maskë kurse fytyrën e vërtetë e keni krejt tjetër. Ku e keni Koçon? A jeni ju që votuat në parlament për të mos çuar Koçon në Gjykatën Kushtëtuese. Po a kishte akt më të shëmtuar mbi tokë, bllokuat dhe nenin e konfliktit të interesit dhe tani çpo ndodh? Kunati atje në gjykatë, që kishte parashikuar në reformë të bëhej super-kunat dhe super-gjykatës nuk çoi opinionin se i tha Koço mos ço opinionin që të mos votohet vendimi.

Zoti kryetar,

unë kërkoj dërgimin me urgjencë, se ky është një sabotim që i bëhet zbardhjes së vendimit. Kërkoj dërgimin në Gjykatë Kushtetuese të të gjitha rasteve dhe ne do marrim nisëm përsëri. Flisni ju këtu, bllokoni dhe Kushtetutën, ju që e keni shndërruar qeverinë në organizatë kriminale. Mbyten e përmbyten dhe s’ju dërgoni një ndihmë të vogël kurse për ekspozitat e Edi Ramës harxhoni qindra milionë për zhgarravinat e tij. Ka filluar t’u dali era shumë keq dhe të jeni të sigurtë se çdo javë e çdo muaj më shumë do kundërmoni dhe do dilni ata që jeni!

Fjalimi ne Kuvend e ish kryeministrit Sali Berisha, 21 Janar 2016

Proven e radhes se deshtimit te kesaj qeverie e jep dhe ky akt normativ, i cili prodhon evazionin  dhe kontrabandën sjell përkeqësimin e treguesve të ekonomisë në vend ( tre akte normative për ndryshimin e buxhetit) kete vit qe kaluam.

Ne Opozita kundërshtojme me fakte  dhe argumenta  ndryshimet në aktin normativ .

E para fakti që ka një mosrealizim të ardhurash prej 310 milione dollarë për 11 mujorin.

Gje qe   provon vjedhjet dhe kontrabanden në dogana e tatime, dështimin e aksionit anti- informalitet si dhe paaftësinë e administratës e cila eshte zevendesuar me te paafte, militante ,  te inkriminuar dhe korrupruar.

Sot administrata dhe drejtuesit e zyrave ne Mirdite jane zevendesuar me ” sekretaret e dikurshem te partise qe ishin pa shkolle madje nuk dinin as te firmosnin dhe merrnin vendim per cdo gje,

Ne kete gjendje eshte sot nen kujdesin ë drejtoerdrejte te Rames duke perdorur gjithcka ne fushate, per te bere me pas dhe faktimin me nje perfaqesim qe nuk eshte menduar kurre se ndodh ne te gjitha nivelet e pushtetit vendor e qendror.

Braktisje, askush nuk i pret qytetaret, e le oastaj tu zgjidhe  ndonje problem.

Largime pa kriter ne spitalin e Mirdites.

Largohen njerez profesioniste qe kane nga 25 vite pune dhe futen ne pune persona qe kane blere diplomat qe nuk kane haber nga shendetesia.

Paguhen persona ne moshe pensioni dhe qe jsne jashte vendit me muaj te tere. Drejtori i sapoeneruar e  mori persiper te bej keto shkurtime ( pasi drejtori i meoarshem beri doreheqje ( mjek ) duke vleresuar partine per kete post te pamerituar ( moshe  pensioni dhe i Pashkolluar)

Largohet nga puna mesuesja , nga domgjoni, zj. Marku, nena e 8 femijeve edhe pse ishte me leje lindje.

Nje familje prej 10 anetaresh qe mbahej me mjaft veshtiresi, sot jane larguar te dy prindet nga puna brenda dy muajve, dhe nje plage sociale hapet per kete familje.

Femijet studente do detyrohen te lene studimet.

Familjet Mirditore dhe mbeshtetes te PD po neperkemben keto dy vite.

Ne shkollat e Midites mungon ngrohja, femijet nuk frekuentojne mesimin dhe po transferohen ne qytetete te tjera.

Askush nuk ka kohe ti prese qytetaret, zyrat gjenden te mbyllura,

edhe kur jane aty pergjigja eshte: nuk kam kohe,

 ka kohe per premtimet…

Braktisje nga njerez arrogante e te papergjegjshem.

Ne monizem Mirdita perjetoj genocidin me te eger, vrasje, internime, burg, duke goditur familjet e medha antikomuniste,

edhe sot  pushtetaret , bij te eterve po “vrasin ” familjet demokrate me largime nga puna, varferi, mjerim dhe pamundesi per shkollim.

Arroganca dhe hakmarrja komuniste vazhdon.

Varferia ne Mirdite eshte ne nje perqindje dyfish me ate ne rang vendi.

Rritja  e varferise u faktua dhe nga banka boterore.

Shoerndane  ushqime ne fushate ne kembim  te votes, e tani qe erdhen ne pushtet

jo vetem nuk po i ndihmojne por po shohin sesa mund te mbijetojne varferise dhe braktisjes.

Qindra Familje qe jetojne ne mjerim dhe erresire,

sic eshte rasti i familjes  se nje invalidi  qe prej nje viti, eshte lene ne erresire, invalid ne pamundesi ,

me tre femije te vegjel, nga nje zona ku dimri eshte i eger dhe zgjat shume,

rilindja i braktis, ju kerkon ryshfet, dhe paradoks eshte se dritat i jane nderprere menjehere e ndersa per ti rilidhur pas pageses se debise duhet te perballet me hakmarrje, me sorollatje, dy dite ne te ftohte tre ore larg nga  qendra

qe dhe duke nderhyre une bashke me drejtues te kryesise pd u perball me nje odise tjeter.

Fshatra te tera  kane mungese energjie, transformatore te prishur, shtylla druri, tela neper  peme,  ky eshte investimi i oshe -se Rilindjes ne Mirdite.

Edhe  Rritja e taksave, presioni qeveritar ndaj bizneseve  e sidomos presioni dhe kerbaçi për bizneset e ndershme rezultoi me  perkeqësimin e metejshem te të gjithë treguesve të buxhetit.

Shume biznese jane mbyllur. Shume te rjera drejt mbylljes.

Nje fakt tjeter eshte dhe  reduktimi i shpenzimeve për investime, përseri me 50 milione dollarë,

Do te  reflektohet ne zero investime në infrastrukture.

Asnje investim. Deri tanni ne Midite, asnje m rruge, pavaresisht se ne fushate u premtua qe ne 100 dite do asfaltonin gjithe  rruget e fshatrave.

Premtim alla Rilindje.

Fakt tjeter eshte dhe rënia e të ardhurave, kryesisht të tvsh me 81 milione dollar,

gje qe tregon renien e konsumit qe shihet shume qarte  si tek indeksi i çmimit të konsumit dhe tek ngerçi që ka kapur ekonominë tone nen kujdesin e vazhdueshem te qeverise tuaj

Njekohesisht  eshte  dhe reflektimi me i qarte i efekteve negative të politikave të qeverisë me te paafte.

Raporti   tronditës i  Kontrollit të KLSh per  abuzimet në shëndetësi të Ilir Beqes raport që gjendet në Prokurori prej disa javësh dhe ne opozita qe denoncuam ,  presim nje hetim sa me te shpejte  dhe pergjegjesi qe eshte i mbrojtur nga Rama, i preferuari i tij , te marre denimin. rimbursimi fiktiv i ilaçeve, i qellimshem dhe me urdher përmes mekanizmit kriminal të dirigjuar nga “mjeshtri  Beqe.”

Inkurajojme prokurorine por me hapat qe shohim deri tani jemi dhe ngelemi skeptike.

Kryetari  i Këshilli Administrativ  te Fondit  Beqe ka shtrembëruar rekomandimin e mëparshëm të KLSH për t’i dhënë prioritet kontrollit te farmacive me një vlerë rimbursimi mujore mbi 15 milionë lekë,

duke ja hequr këtë kompetencë Drejtorive Rajonale,

te cilat ndjekin rimbursimin dhe rakordoje  cdo muaji me Fondin.

Duke  e marrë vetë në dorë kontrollin e farmacive me vlerë rimbursimi mujore mbi 20 milionë lekë dhe duke i hapur kështu rrugën abuzimit te qellimshem i cili u ka kushtuar shqiptarëve deri më tani 4.3 miliardë lekë në vit.

 “Kjo skemë eshte , kriminale jane Ilaçe që qarkullojnë vetëm në letra, fatura,

për të zhvatur paratë e shqiptarëve qe duhet ti perfitonin pacientet qe nxjerrin miliona për të blerë këto medikamente të shtrenjta pavaresisht se jane ne skeme.

Me urdher hartoheshin  lista  të depove dhe farmacive, që nuk duhet të kontrolloheshin. nga specialistet e farmacive te Fondit,

Edhe farmacite me luhatje te vlerave te rimbursimit nga muaji ne muaji perjashtoheshin  nga kontrolli.

Jane  10 farmacitë me vlera më të mëdha qe jane  përjashtuar qëllimshëm nga kontrollet,

duke verifikuar disa here  farmaci me vlera të vogla, pa problemantika dhe parregullsi ne vite te mepareshme.

edhe farmacitë pranë QSUT, me vlerë rimbursimi mbi 18 milion  lekë nuk i janë nënshtruar kontrollit.

Këto farmaci Imune  nga dora e ministrit mjeshter  i korrupsionit, u kanë vjedhur shqiptarëve në një vit 4 miliardë e 350 milionë lekë.

KLSH përcakton qartë skemën e vjedhjes edhe me farmaci fantazëm, të paregjistruara në QKR, siç ishte rasti i milionave që morën farmacite e njeriut të Taulant Ballës,

ish-nëndrejtorit të Fondit, Sokol Skuraj, që u jepte para familjarëve të tij.

Keto  fakte , këto argumenta jane të denoncuara më parë nga Partia Demokratike, por qe askush nuk eshte ndeshkuar.

Skandal tjeter eshte dhe  afera 300 milionë lekë me tabletat e ketosterilit

Në raportin e KLSH është vërejtur edhe një tjetër aferë midis Beqaj dhe “Omega Farm”. Sipas raportit brenda 1 viti Beqaj e ka rimbursuar kompaninë farmaceutike “Omega Farm” me një shumë prej 300 milionë lekësh për shitjen e medikamentit  ketosteril ,

rimbursimi për këtë medikament tepër të shtrenjtë është bërë respektivisht për 252 mijë tableta ketosterili, por që nuk rezulton të ketë hyrë në depo për një periudhë 1-vjeçare,

Pra kjo është bërë vetëm në fatura dhe lekët janë tek mjeshtri Beqe. Para që kurrë nuk u përdorën për kurimin e pacientëve.

Qindra milionë lekëqe duhej te ishin  të destinuara për ata te semure  më në nevojë, të sëmurët kronikë, personat me aftësi të kufizuar, pensionistët, fëmijët,  kanë përfunduar në xhepat e miqve të Ilir Beqës dhe Edi Rames.

Pacientet me semundje kronike sorollaten aq shume me vendimin e fundvitit, nga nje rreth ne tjetrin per marrjen e medikamenteve, si: tenofovir, ketosteril dhe insulina.

Pasi abuzuan vete mjeshri Beqe me klientelistet e Rames dhe Taulantit,  me keto medikamente ne vlere te larta  miliona dollare, me receta fiktive,

Beqe mjeshtri  dhe profesionisti i shendetesise, merr vendimin qe ti sorollasin pacientet dhe ti stermundojne sa andej ketej per firma e vula, per te thene qe po ndermarrim masa “te reja” kunder abuzimeve, gje qe nuk eshte e vertet, pasi keto masa nuk kane asnje vlere nese zhben mekanizmat e kontrollit, vetem e vetem sa ” luajne me nervat dhe takatin e te semureve” madje dhe te shpenzojne per levizjen nga nje rreth ne tjetrin.

“Shendetesi falas.”…!

Sorollatje me lek …!

Ja odisea …

Ankesa te panumerta per sorollatjen e marrjes se tenofovirit dhe ketosterilit nga paciente te zones se Mirdites dhe Kurbinit  qe udhezimi i ri i leshuar nga Fondi i sigurimeve shendetesore detyron pacientin me rekomandimin e MPF, qe te shkoj te specialisti ne spitalin Rajonal Lezhe i cili leshon receten , e pastaj zbresin te drejtoria Rajonale e sigurimit shendetesor Lezhe, per rregjistrim …

e pastaj dalin serish te farmacia e spitalit lart per te marr ilaqet.

Pacientet ankohen shume pasi jane te semure me shume diagnoza.

Keshtu pacientet po vuajne dhe per marrjen e insulinave,

vijne nga rrethet me rekomandim, te MPF biles edhe kur ka mjek specialist ne spitalin e rrethit,

mjekja pasi u shenon ilacet  qe kane

per diabet ne spitalin e Rrethit, serish duhet nje vule e Mjekut specialist ne spitalin Rajonal Lezhe

e me pas ta miratojne ne drejtorine Rajonale te sigurimit Shendetesor qe jane ne nje largesi te madhe dhe shume problem per levizjen ne kembe per te semuret, madje dhe per shoqeruesit e te semurit.

Odisea e sorollatjeve te pacienteve vazhdon.

 Deshtimet dhe mjerimi ne shendetesi i certifikuar. Shurdheria dhe memeceria e ministrit Beqja ndaj kembanave te alarmit te eksperteve, vijon me arrogancen e grabitjes se tenderave. Se fundmi

“Edhe qeveria jepet me koncension”

Me vendimin e fundit ku Beqe caktohet kordinator nga Rama per vleresimin, kontrollin dhe funksionimin e qeverise,

 ” edhe qeveria jepet me koncension”

 Ne cdo detyre Beqe “shkelqen”per hajduteri.

“Gjithmone gati” per detyra te reja nga urdherporositesi Rama.

Madje eshte gati te bej dhe” burg per te”.

Komisioni Evropian botoi ditet  e fundit raportin vjetor të përparimit të Shqipërisë në rrugën e integrimit në Bashkimin Evropian.

Komisioni konkludon se Shqipëria nuk ka plotësuar kushtet për hapjen e negociatave për antarësimin në BE.

Thuajse krejtësisht ndryshe nga raporti lavdërues i mëparshëm ky raport vjen me një gjuhë shumë më të ashpër e ku faktet negative të “korrupsionit” dhe lufta ndaj tij, janë “kryefjala”!

Sot Shqipëria, de facto është i vetmi vend në rajon që nuk hap negociatat me BE!

Arritje e madhe e Rilindjes!

Nuk kanë asgjë të përbashkët ëndrra jonë evropiane, aspiratatat tona evropiane, me këtë realitet të dhimbshëm të një populli që varfërohet e goditet çdo dite dhe të një qeverie që pasurohet e bëhet çdo ditë e më arrogante!”

Edhe per ” Reformen  ne drejtesi”

Rama do perdore gjithcka per te kapur drejtesine.

Rama synon te kape drejtesine dhe kjo po ndodh pasi ai eshte drejtues i oligarkise ne vend dhe synimi i tij eshte per te kapur plotesisht edhe  drejtesine, pasi ne dy vite qeverisje, ka kapur plotesisht  institucionet, biznesin, median, shoqerine civile afroj rreth tij te inkriminuar e korruptuar, nepermjet mashtrimit parave,  kercenimit, grupeve kriminale dhe nderhyrjeve ne favor te mbajtjes se pushtetit absolut.

Rendi dhe siguria eshte ne dite edhe me te zeza ne kete fillim viti.

Vrasje, aksidente, grupe rivale qe eleminojne njeri tjetrin.

Kriminele qe bredhin edhe me uniformen e policise, sic ishte rasti i vjedhjes se marketit ne Lezhe.

Madje dhe mushkonjat po fluturojne perseri ne Gjader.

Pasiguria eshte prezent kudo.

Pas koncensioneve te panumerta ne shendetesi del ne skene dhe ai i  tatimeve.

Koncensioni i fundit “i mjeshtrit Bece”  … “Kocensioni i qeverise”

,qe sjell deshtimin dhe largimin e oligarkise, funeralin e Rilindjes.

Eterit tuaj mbajten  pushtetin me gjakun e te vrareve, ne minizem , dhe ju erdhet ne pushtet me 4 te vraret e 21 janarit, bandat e krimit, dhe ne bashkeqeverisje me ate per te cilin u prodhua 21 Janari.

Fjalimi në Kuvend e deputetes Albina Dede, 21 Janar 2016

Ne nentor 2014, kur qeveria paraqiti ne kuvend pjbuxhetin per vitin 2015, Rama  u zotua para shqiptareve se

buxheti 2015 dhe Paketa fiskale qe shoqeron ate siguron që shqiptarët për vitin 2015 do të kenë më shumë mirëqenie, stabilitet, siguri dhe punësim, por ne realitet solli te kunderten per shqiptaret dhe ekonomine.

E nisem sesionin e kaluar parlamentar  ne shtator pikerisht me rishikimin e buxhetit rilindas, dhe si per koencidence te cuditshme edhe kete session te ri e nisim perseri me rishikimin e te njejtit buxhet, te 2015.  Ku shkoi premtimi i Kryeministrit se ky është superbuxhet, se ky nuk do të rishikohet, sepse është ndërtuar mbi baza të shëndetshme. Ndaj dhe akti normativ sot vjen si një dëshmi e radhes  e dështimit të buxhetit më të mirë të vendit, në gjithë historinë e shtetit tone sipas mburracakut kryeminister.

Problemi që lidhet me buxhetin e shtetit reflekton jo vetëm një vizion të ndërtuar gabim që në gjenezë, por edhe keqadministrimin dhe  mungesën e dëshirës dhe të vullnetit që ju keni për të rimëkëmbur ekonominë.

Nën presionin e FMN-së nga njëra anë dhe klithmave krenariste për të shitur dështimet si sukses, qeveria u detyrua të sjellë këtë akt normativ, i cili arnon dështimin e saj në mbledhjen e të ardhurave, me pjesë që hiqen nga shpenzimet e buxhetit në fusha jetike për qytetarët dhe ekonominë e vendit.

Keto shkurtime drastike të bëra nga qeveria aktuale me këtë akt normativ janë një vetëpërgënjeshtrim i asaj që trumbeton Kryeministri dhe ministrat e tij se ekonomia është në rritje dhe përmirësim, se performanca në administrimin e taksave është në rritje dhe se financat e shtetit janë në përmirësim të dukshëm. Keto sjane gje tjeter vecse suksese imagjinare te atyre qe jetojne ne boten e jaguareve.

Kurrë më parë nuk ka ndodhur që një qeveri në vitet e para të qeverisjes së saj të ketë një shterim kaq të madh të performancës në fushën fiskale sesa kjo qeveri. Për më tepër është dëshpëruese dhe e pashpresë për publikun sjellja juaj përpara këtij realiteti, duke kapërdirë si krenariste dështimin e deklaruar si sukses Dhe propaganda I kalon kufijtë e sarkazmës ne kete rast.

Vetem pak dite me pare,  FMN foli  per kapje te shtetit kur shefi i FMN ne Tirane, leshoi nje deklarate shume te forte: .
“Lobimi për interesa të veçantë ka qenë ndoshta shumë i suksesshëm, dhe si rezultat, një numër i taksave dhe rregulloreve janë ndryshuar për t’iu përshtatur një numri të vogël të përfituesve,”-

Sigurisht ka patur ne shume deklarata te FMN edhe me pare  shuplaka te forta per qeverite. Por asnjehere nukkam degjuar gjuhe kaq te drejteperdrejte qe flet per kapje te shtetit, si tani

Ekonomia vazhdon te jete ne koma ,me aspak shprese per tu zgjuar, ritmet rritjes  ekonomike kanë rënë ndersa rritja eshte thjesht anemike, si rezultat i zbatimit të një modeli ekonomik joeficient, me rritje taksash për qytetarët dhe biznesin dhe rënie të të ardhurave të përgjithshme të buxhetit. Ndonese ka mosrealizime te ndjeshme te te ardhurave (ku vete qeveria parashikon nje mosrealizim krahasuar me planin e rishikuar me aktin normativte kaluar, mosrealizim prej rreth 10 miliarde leke ne te ardhurat nga tatimet dhe doganat), me kete akt normativ qeveria nuk e ka rishikuar planin e te ardhurave.

Kjo rënie e të ardhurave, vjen nga keqadministrimi në administratat tatimore e doganore, si dhe rritja e informalitetit, evazionit fiskal, kontrabandës e korrupsionit. Deri tani

 i gjithë debati politik është fokusuar në dështimin e qeverisë për të realizuar planin e të ardhurave,  nderkohe  politika fiskale është duke bërë të njëjtin dëm edhe në kahun tjetër, atë të shpenzimeve.  Investimet publike, të cilat janë shpenzimet e vetme produktive të buxhetit per 2015 ishin më të ulëtat në 8 vitet e fundit, duke perjashtuar  vitin 2014.  Në kohë krizash ekonomike, kur sektori privat është i trembur dhe ul kërkesën për mallra dhe shërbime, janë qeveritë ato të cilat vendosen në linjën e parë të aktivitetit ekonomik. Duke rritur shpenzimet për investime, qeveritë konsumojnë, krijojnë kërkesë në ekonomi dhe hapin vende të reja pune. Kjo më pas shkakton një efekt pozitiv kaskadë, përmes të ashtuquajtuarit multiplikator fiskal, ku një lek shpenzim i qeverisë e rrit prodhimin më shumë se aq. Në vitin 2008-2009 Shqipëria e përdori në mënyrë agresive stimulin fiskal, duke shpenzuar deri në 10 për qind të prodhimit kombëtar për investime publike. Sipas FMN-së, politika aktive e buxhetit  në atë kohë ishte një nga arsyet kryesore që e mbajti ekonominë larg recesionit. Është e vërtetë se Shqipëria tashmë e ka mbipërdorur huamarrjen dhe nuk mund të mbështesë më rritjen ekonomike tek borxhi. Por qeveria nuk po shpenzon as paratë e taksave tashme te rritura me 50 %. Për ta thënë më thjesht, në 2015 , qeveria ka hequr para nga tregu përmes taksave që ju mbledh qytetarëve dhe nuk i ka rihedhur në ekonomi rreth 220 miljone dollare me shume duke vrarë rritjen ekonomike. Ndërsa vitin e kaluar apatia e politikës fiskale në zërin e investimeve ishte deri diku e tolerueshme, pasi qeveria sapo kishte ardhur në pushtet, këtë vit ajo nuk ka asnjë justifikim racional. Përkundrazi është një kostot e drejtëpërdrejtë që i ngarkohet ekonomisë.

Ne vitin 2015 qeveria planifikoi të investojë rreth 68 miliardë lekë ose 4.6 për qind të prodhimit kombëtar në vepra publike, pa përfshirë Fondin e Zhvillimit të Rajoneve. Edhe pse kjo është një nga vëllimet më të ulëta historike, sërish paratë nuk u  shpenzuan.

1. Pikerisht ky akt normativ shkurton shpenzimet duke prekur zërat me të rëndësishëm të ekonomisë, siç janë investimet publike. ulen me tej shpenzimet kapitale (investimet publike), 2.5 miliarde leke me pak, pothuajse teresisht si pasoje e uljes se financimit te huaj. Ne periudhen janar-tetor 2015 jane shpenzuar vetem 37.4 miliarde leke per investimet publike.

Në një situatë si kjo që po kalon ekonomia, ku besimi në sektorin privat mbetet ende i dobët dhe bankat hezitojnë të kreditojnë biznesin, pasiviteti i buxhetit për të shpenzuar hedh kosto të mëdha mbi ekonominë.

Ndaj Buxheti 2015 nuk e ndihmoi ekonominë. Përkundrazi, apatia fiskale është duke e frenuar gjallërimin e kërkesës dhe rritjen ekonomike.  Kjo jo vetem është e pafalshme Por eshte dhe nje krizë e vetëkrijuar.

Ndryshimet buxhetore ne kete akt nuk mbështesin rritjen e pagave dhe pensioneve, si dhe mbrojtjen sociale ndaj shtresave në nevojë, ndërkohë që rrisin shpenzimet administrative.

Ky akt Ashtu si dhe akti I meparshem,si buxhetet dhe aktet e deritanishme te kesaj qeverie  deshmojne fort që modeli ekonomik rilindas, që u trumbetua me aq shumë saze  dhe me akoma më shumë propagandë, nuk ka ecur, nuk ka funksionuar.

Pra, Rilindas krenariste apo kanabiste, keni dështuar në vizionin tuaj ekonomik . U bene pluhur ato premtimet tuaja te cilat ju ulen ne kolltukun e pushtetet ( duke u ndihmuar fort nga parate e krimit me te cilat blete votat, ndate mandatet e ketij kuvendi dhe jeni aksionere ne qeverisje.  Nuk flitet më për 300 mijë të punësuar që do të kemi në fund të këtij mandati, sepse papunësine e rritet me 5 % duke e cuar ne rreth 18%; ndersa rreth 1/3 e popullsise jetojne ne varferi, ku futen ketu rreth 100 mije femije. Jemi vendi me i varfer ne Europe fale edhe merites suaj te madhe ne kete fushe. Buxheti 2015 si dhe i 2014 dhe 2016   ekspozoi dhe vazhdon t’i ekspozoje me mijëra familje përballë varfërisë ekstreme. Thjesht është një miks shkatërrues politikash, i cili ka krijuar shtratin dëshpërues për ikjen në masë të atyre, që në këtë vend nuk shohin më shpresë. Qindra mijera Shqiptarët iken e Po ikin sepse po i përzënë. Po i përzë qeveria juaj.

 Ju sollet nje risi unike ne 25 vjet demokraci ne politiken shqiptare:

kriminalizimin e politikës, ndarjen e pushtetit me mafien, avionët e drogës, harta e gjelbërt e kanabisit mbuloi gjithe Shqipërinë nga Veriu në Jug. Shteti është totalisht i kriminalizuar dhe në duart e mafies duke filluar me legjislativin, ekzekutivin dhe agjenci të veçanta të luftës ndaj krimit vete nalltmadhnia e tij I qëmtoi me kujdes, me lupë, i zgjodhi, i promovoi, i lançoi, i vuri në pozicione drejtuese, i perdori për të ardhur në pushtet me drurin, hurin e dajakun dhe sot po u paguan haraçin. Ndaj jemi sot lajmi I zi ne mediat me prestigjioze te botes apo me rreth te kuq ne axhendat e nderkombetareve…

Qindra miliona leke nga taksat e shqiptareve qe shpenzoni per reklame ne revista nderkombetare per te “pastruar” imazhin tuaj te nxirre te hajdutit, korruptuarit, te inkriminuarit politik, jane vetem MAKEUP i kufomes politike, ku ju jeni shnderruar… kufome qe shume shpejt do gjeje vendin ku I takon.

Ju faleminderit

Fjalimi në Kuvend e deputetes Liljana elmazi, 21 Janar 2016

Të nderuar kolege,

Nisja e sesionit  të ri parlamentar ndodh, në kushtet e krizës më të rëndë që ka përfshirë vendin,  në të gjithë sektorët,  në vitin e tretë qeverisës të Rilindjes.

Madje personalisht, prisja që sot  të na lajmëronit për dhënien me koncesion edhe të Parlamentit, tashmë që qeveria ka vetëm një prioritet në axhendën e saj  “dhënie me koncesion të cdo shërbimi, të cdo sektori, pra privatizim për pasurim, me cdo kusht , me cdo mënyrë”.

Sot Parlamenti  nis punimet me certifikimin e mëtejshëm të kësaj krize duke  vijuar traditën  me akte të paprecedentë, kur  në seancë  sillni dy akte normative për ndryshimin e buxhetit  brenda një muaji.

Nga ana tjetër. Parlamenti starton një vit, me  nivelin më të ulët të bësimit dhe vlerësimit publik.

Në këtë nisje të sesionit parlamentar, shumë përfaqësues në këtë sallë janë nën akuzë publike për korrupsion, me dosje në drejtësinë kombëtare dhe atë ndërkombëtare, janë të vënë në përgjegjësi publike për korrupsion gjigand me paratë e shqiptarëve .

 Kauza e këtij parlamenti është prej mëse dy vitesh, ngritja në system e abuzimit me taksapaguesit dhe ngritjes së shtetit oligarkik në emër të të bërit shtet,  duke përdhosur cdo praktikë dhe normë parlamentare, ligj e kushtetutë.

 Dëshmi e kësaj mënyre të të sunduarit alla Rilindje janë edhe këto ndryshime të buxhetit.

Kolegë!

Të ndryshosh buxhetin tri herë brenda një viti nuk është praktikë e amendimit të një ligji apo marëveshje rutinë, është ndërhyrje, është cënim i programit  themeltar vjetor të një qeverie, është maskim i mashtrimeve të saj,  është paaftesia për të bledhur të ardhurat e planifikuar prej vete asaj.

Ndërhyrja në buxhet, kaq  e shpeshtë , me kaq  shpërfillje, është tregues i tronditjes, i paaftësisë  dhe i kapjes së institucioneve nga interesat e ngushtë të klaneve dhe miqve tuaj.

Në vlerësimin tim, depozitimi i akteve normative për ndryshimin e buxhetit kanë  vënë  në udhëkryq pavarësinë e dy pushteteve, Ekzekutivin me Legjislativin, ku ky i fundit është kthyer në një amortizator për humorin dhe babëzinë e kryeministrit dhe qeverisë duke i marrë dhe qindarkat e bukës së gojës shqiptarëve.

 Parlamenti shihet si paradhomë e kryeministrit, ku pazaret mbyllen pa u futur në zyrë dhe vijnë e marrin fuqi ligjore me kartonat e siguruar nga paratë e krimit dhe të korrupsionit.

Madje si një  praktikë e rrezikshme parlamentare, noterizimi i  korrupsionit qeveritar e vë këtë parlament në pozitat më inferiore dhe me besueshmërinë më të ulët publike në këto 25 vite.

Parlamentit nuk i jipet hapësirë dhe dinjitet për të debatuar mbi interesin publik, por i sillen shkresurina qeveritare për ti hapur rrugë babëzisë pa fre të Ramës dhe klaneve ministrore.

A krijojnë këto akte mundësi për ti dhënë zgjidhje halleve, ekzistencializmit të mijëra familjeve në krizë për bukën e gojës?

Sigurisht që jo.

 Sikurse dhe për ju,  është e njëjta bindje që  aktet e depozituara, janë normë për korrupsion, janë ligj për  qindra tëndera abuzive, në dëm edhe më të madh të ekonomive familjare shqiptare.

Nuk mund të na i propozoni këto akte si instrumenta për zhvillimin e infrastrukturës,  investimeve publike apo përmirësimit të standarteve, në një kohë kur për të tretin vit, Shqipëria herë përmbytet në Veri, herë në Jug e herë në zemër të saj.

Dhe si e përballët  ju si qeveri këtë emergjencë kombëtare? Ku ishte kryeministri? ku ishin ministrat përgjegjës? ku ishte kryebashkiaku? Pse nuk u mblodh parlamenti?

Drejtimet që funskionuan ishin vetëm dy: solidariteti i shqiptarëve mes njëri tjetrit dhe vëmendja e pakursyer e medias që raportonte cdo orë nga tërreni.

Cfare ironie!

Me dt 7 janar, ditën e permbytjeve te medha, kur ashtu si të gjithë kolegët e mi të Opozitës, që shkuan pranë zonave të tyre, në mbështëtje të banorëve, si deputete e Qarkut të Kukesit, isha në fshatin Domje të Hasit, njësi vendore që qeveriset nga të majtët dhe bashkë me kryetarin e kësaj bashkie, i bëmë apel qeverisë të ndërhynte urgjent për të përmbyturit nga  vërshimet e ujit. Pleq me lot në sy ju drejtuan Ju apelin për ndihmë, ndërkohë që ju nga zyrat lluksoze paskeni qënë duke u pregatitur për devijimin e fondit rezerve për propogandën fallse/ reklamën 8 faqëshe.

Turp!

 Por në cfarë rrethanash ekonomike dhe sociale i keni sjellë sot aktet e ndryshimit të buxhetit?

 Besoj dakortësohemi të gjithë se shifrat në nivel makro dhe mikro në sektorët publikë, investime dhe të ardhura, inflacion dhe borxh i brendshëm, papunësi e rritje taksash, flasin me qartë për dështimin, papërgjegjshmërinë  dhe abuzimet marramendëse me fondet publike, per grabitjen e parave të shqiptarëve duke e thelluar skamjen deri në palcë.

Këto dy akte vijnë sot në vijim të frymës më  antihumane që ka treguar deri më tani ndonjë qeveri dhe që ka dëgjuar dhe është përballur ndonjëherë ky parlament.

Në vitin 2015 varfëria i coi shqiptarët në një kalvar vetëvrasjesh, vetflijime si pasojë e humbjes së cdo shprese.

2015-ta,  hyri në historinë tonë si viti i eksodit historik të shqiptarëve,  si shpërngulja masive e të rinjve, drejt rrugëve të Evropës, si 25 vite më parë, kur mori fund diktatura gjysëm shekullore.

Treguesit e skamjes janë tronditës, sikurse vetë panoramat bardhë e zi të mjerimit nga Jugu në Veri.

Ajo cfarë dinë shqiptarët dhe ju nuk ua fshihni dot është se;

• Niveli i papunësise për vitin 2015 është rritur jo vetem krahasuar me vitin 2014 por edhe nga tre mujori në tre mujor.
• Niveli i varfërise shtohet nga dita në dite ndërkohe që shumë familje janë nxjerrë me të padrejte nga skema e ndihmës ekonomike.
• Ka rënë interesi i investitoreve të huaj per investime në vendin tone dhe kjo jo vetëm si rezultat i informalitetit por kryesisht si rezultat i taksave të larta.

Ata qe nuk lexojne vetem “The Ekonomist”, por i referohen edhe burimeve të tjera e kanë marre vesh se;

• Sipas BB në raportin e saj të fundit “doing busines”, Shqipëria renditet e 97-ta nga 189 vende, ose 35 vende me poshtë se nje vit më parë dhe ky pozicion e klasifikon si të fundit ndër vendet e Rajonit.
• Raporti i Forbes( dhjetor 2015) gjithashtu per klimën e biznesit, renditi Shqipërine në vendin e 109 për taksa të larta dhe në vendin e 99 për nivelin e korrupsionit.
• Raporti HERITAGE konstaton rënie me 9 vende per lirine ekonomike në një vit.
• 61 koncesionet e kanë zhytur Shqipërinë në të paktën 3,5 miliardë dollar detyrime.

Dhe të gjitha keto vazhdojnë ta bëjnë krenar “ liderin tonë të reformave”.

Kolegë!

Nisja e sesionit me akte normative që forcojnë sistemin e pushtetit oligarkik është një ogur i keq për muajt në vijim, si parathënie e thellimit të sigurtë të krizes.

Por shqiptaret dhe Opozita nuk mund të lejojnë më që shtëpia e sovranit të mbahet peng nga bandat e pushtetit, nga njerëzit që nuk duan pushtetin e ligjit.

 Opozita i ka hyrë një rruge pa kthim që do të jetë dhenia fund e mandatit të kesaj mazhorance të inkrimunuar, për ti kthyer shqiptarëve parlamentin që meritojnë, me deputetë që të hartojnë e miratojnë ligje në interes të shqiptarëve në interes të zhvillimit evropian të Shqipërisë.

Viti 2016 do të jetë viti i shpresës, i kthesës së madhe, viti i shpëtimit të shqiptarëve.

Fjalimi në Kuvend e deputetes Mimoza Hajdarmata, 21 janar 2016