Blog

Deputetja Albina Deda ishte në fshatin Domgjon të Mirditës, ku varfëria, mungesa e energjisë dhe i ftohti e kanë bërë të pamundur jetën e dhjetëra banorëve. Në familjen e Gëzim Ndojit, me tre fëmijë të vegjël, mes të cilëve një foshnje tri muajsh, deputetja Deda pa mjerimin dhe mungesën e energjisë prej një viti, për shkak të pamundësisë së pagesave.

Kryefamiljari Gëzim Ndoj invalid, me të shoqen të papunë thanë se e kanë të pamundur të përballojnë jetën e përditshme pasi pensioni i invaliditetit është minimal. Pamundësisë jo vetëm të këtij banori por dhe të tjerëve për të paguar debinë e dritave, i shtohet, sipas tyre edhe kërkesa për ryshfet e punonjësve të  OSHEE-së në Mirditë, për ti rilidhur energjinë.

Deputetja e zonës Albina Deda tha se kjo qeveri e ka braktisur me arrogancë Mirditën dhe komunitetin e saj, duke mos bërë asgjë për familjet në nevojë.

Institucionet vendore, tha ajo, kanë lënë në mëshirë të fatit banorët tejet të varfër të kësaj zone duke i lënë dhe pa drita e kushte minimale të infrastrukturës.

Deputetja Deda tha ndër të tjera se shteti duhet të gjejë sa më parë rrugët e subvencionit për pagesat e  energjisë dhe ndihmës ekonomike, në mënyrë që këto familje ti kthehen një jetese të përballueshme.

Njoftim për shtyp i Partisë Demokratike, 17 Janar 2017

Edi Rama ka shpenzuar qindra milionë lekë të taksapaguesve shqiptarë për të blerë 8 faqe reklamash në revistën më të shtrenjtë në botë, The Economist, për një artikull-reklamë që thur lëvdata për të, por që në krye tregon se është shkrim i paguar.

Sipas rregullave britanike të reklamës, në çdo faqe ku lëvdohet Edi Rama, shkruhet Advertisement Feature, çka do të thotë, shkrim i paguar.

Vetëlavdërimi 8 faqësh i Edi Ramës, është padyshim më i shtrenjti në historinë e këtyre viteve, dhe u ka kushtuar shumë taksapaguesve shqiptarë.

Ky shpërdorim parash, bëhet në kohën kur mijëra familje në Vlorë, Fier, Lushnjë, Durrës, Krujë dhe Lezhë që janë në kushte ekstreme nga pasojat e përmbytjes, nuk kanë marrë asnjë ndihmë nga qeveria, dhe mijëra familje të tjera janë në rrezik për shkak të motit që vazhdon të përkeqësohet.

E megjithatë, Edi Rama vendos të çojë dëm qindra milionë lekë të shqiptarëve për të blerë lëvdata për vete.

Ky shpërdorim turpshëm i parave të shqiptarëve, jo vetëm nuk e ndihmon Shqipërinë dhe gjendjen e rëndë të qytetarëve, por nuk zbardh asgjë në imazhin e nxirë të një kryeministri që ka 200 milionë euro pasuri me rryshfete pallatesh, që ndau me CEZ 600 milionë euro, që fshihet pas 1 milionë dollarëve në ditë evazion në dogana, që ka detyruar 100 mijë bashkqytetarë të ikin në eksod, që mbushi zyrat e Parlamentin me kriminelë e trafikantë, që nuk deklaron pikturat e tij në doganë, që jep pasuritë e vendit me bisedime të fshehta, që shet asetet për një biletë në radhën e parë të NBA, që braktis vendin ditën kur mijëra familje janë nën ujë.

Edi Rama është kryeministri më i korruptuar në Ballkan, dhe nuk ka shkrim të blerë a reklamë të shtrenjtë që e shpëton nga gjykimi i drejtë i qytetarëve.

Deklarata për mediat e Sekretares për Marrëdhëniet me Publikun, Grida Duma, 17  Janar 2016

Dy grabitje me armë dhe me maska, në orët e para të mbrëmjes së djeshme, në zemër të Tiranës dhe në aksin kombëtar në Lezhë, dëshmojnë se rendi është në pikë kritike, pasiguria ka arritur kulmin.

Pas një serie ekzekutimesh mafioze në ditët e para të Janarit, shfaqja e maskave të armatosura me uniforma policie dhe grabitjet e dhunshme, janë një përkeqësim i mëtejshëm i garancive për jetën dhe pronën.

Ky revansh i krimit dhe lehtësia me të cilën kryhen këto akte të rënda, lidhet me qënien në krye të rendit të Saimir Tahirit, përfaqësuesit të bandave dhe trafikantëve.

Çdo ditë në detyrë e këtij ministri të lidhur me krimin, është një nxitje për krimin, është një frymëzim për krimin.

Tahiri i Ramës pas gjithë kësaj vale krimi, ka kurajon të shfaqet në Vlorë, në qytetin ku makina e tij private bën taksinë e drogës, dhe të fajësojë Gjykatën Kushtetuese.

Por përgjegjësi për situatën katastrofike njihet nga të gjithë.

Kur ministër i rendit është Saimir Tahiri, kumbar i habilajve, shërbëtor i Shullazit, ndërmjetës i vrasësve me pagesë, çirak i bosëve të drogës, atëherë ekzekutimet, krimet, grabitjet me maska janë të legalizuara.

Gjendja është e rëndë. Partia Demokratike inkurajon oficerët e ndershëm, trupën e burrave dhe grave me uniformë të bëjnë detyrën, të luftojnë krimin, edhe pse në kushte të vështira, kur krimi ka lidhje direkte me ministrin.

Por zgjidhjen për rendin e sigurinë e kanë në dorë qytetarët. Zgjidhja është largimi i Tahirit, largimi i qeverisë Rama të zhytur në krim e korrupsion.

Deklarata për mediat e deputetes së PD, Mimoza Hajdarmataj, 16 Janar 2016

Korrupsioni i Ilir Beqës është i larmishëm dhe i shtrirë në shumë fusha.

Një nga faktet më skandaloze është rasti kur ai vetë, drejtpërdrejt i ka dhënë firmës së tij INTECH plus, 85 milionë lekë, për instalimin e një programi tek Fondi i Detyrueshëm i Sigurimeve Shëndetësore.

Eshtë një nga tenderat më të parregullt që kanë konstatuar audituesit, pasi jo vetëm kanë gjetur mungesë dokumentacioni, por firma e themeluar nga Ilir Beqa, ishte ofertuesi i vetëm.

Për më tepër, në krye të bordit të këtij Fondi, ai që merr vendimet, është vetë Ministri, Ilir Beqa.

Sipas burimeve zyrtare, edhe pse në këtë rast Beqa, i dha me firmën e tij, 85 milionë lekë firmës së tij, Intech plus, shërbimi as nuk është ofruar.

Sistemi i kontabilitetit Oracle, për të cilën Beqa i dha Beqës 85 milionë lekë, nuk funksionon.

Vjedhje e hapur, paratë janë dhënë, puna nuk është bërë.

Me gjithë këto rekorde skandaloze korrupsioni, Ilir Beqa vazhdon të fitojë zemrën e Edi Ramës i cili e ka caktuar së fundmi dhe kordinator për matjen e punës së qeverisë.

Sipas standardeve të kampionit të korrupsionit, punë e mirë është kur vjedh shumë dhe kudo.

E vërteta është se puna e këtij ministri, e kësaj qeveria duket qartë dhe e njohin mirë gjithë qytetarët e vendit.

Tani i takon qytetarëve të bëjnë vlerësimin e tyre.

Deklarata për mediat e deputetes së PD, Arbiola Halimi, 16 Janar 2016

Pyetje: Z Halimi, çfarë diskutuat në mbledhjen e sotme dhe si do të veproni nesër me mbledhjen e komisionit?

Halimi: Diskutuam bashkë me anëtarët e komisionit të posaçëm të Reformës në Drejtësi, anëtarë të opozitës bashkë me ekspertët, për qendrimin e çeliktë që ka opozita për një reformë në drejtësi, për një proces konsensual bazuar në standardet e vendosura nga Komisioni i Venecias në 21 Dhjetor të vitit të kaluar. Për Partinë Demokratike, reforma në drejtësi është jetike. Një reformë në drejtësi e cila duhet të bëjë të mundur largimin e gjyqtarëve dhe prokurorëve të korruptuar por ta mbajë sistemin e drejtësisë të pavarur që do të thotë të implementohet një më një secili nga 138 rekomandimet e dhëna nga Komisioni i Venecias në raportin paraprak të 21 Dhjetorit. Çdo devijim, çdo fshehje nga këto rekomandime sigurisht që kanë qëllim vetëm të kapin dhe çimentimin e kësaj kapje politike të drejtësisë të cilën Edi Rama është në konflik të hapur interesi pasi do të kapë drejtësinë për të mbrojtur kriminelët me të cilët fitoi zgjedhjet dhe me të cilët qeveris. Ky është qëllimi i vetëm që ai ka në të gjithë këtë proces. Ndaj dhe Partia Demokratike do të vazhdojë edhe nesër në arritjen e një drafti të reformës në drejtësi që në përmbajtjen e vetë ky draft të pasqyrojë një më një, të gjitah rekomandimet e Komisionit të Venecias.

Pyetje: Po në mungësë të kësaj cilat do të jenë hapat e Partisë Demokratike? A do të dërgoni një draft paralel në Venecia?

Halimi: Opozita gjatë gjithë këtij procesi ka qënë e hapur dhe me qëllim të mirë dhe ka mbështetur çdo paragraf dhe kapitull që ka të bëjë me draftin lidhur me luftën ndaj korrupsionit në sistemin e drejtësisë. Nuk kemi pasur asnjë lloj devijimi dhe asnjë lloj qendrimi të ndryshëm nga ajo që kanë pasur partnerët ndërkombëtarë. Kemi mbrojtur dhe kemi dhënë alternativat tona me qëllimin e mirë përsëri gjatë gjithë këtij procesi për të luftuar korporativizmin, mosndërshkimin e gjyqtarëve dhe prokurorëve Brenda njëri tjetrit. Por ama kemi kërkuar sërish që ky proces dhe kjo luftë ndaj korrupsionit të mos përdoret si alibi për të kapur sistemin e drejtësisë. Opozita është më e interesuar se kurrë që sistemi i drejtësisë të jetë i pakorruptuar dhe sistemi i drejtësisë të mos jetë i kapur. Ata që janë në konflik interesi i tremben dhe dua në mënyrë të padiskutueshme të bëjnë kapjen e sistemit të drejtësisë në mënyrë që ti shërbejë njerëzve të krimit me të cilët ai i ka blerë votat, ka fituar zgjedhjet e vitit të kaluar dhe qeveris bashkë me krimin. Ky është qendrimi i opozitës që do të jetë edhe në ditët në vijim.

Prononcimi për mediat i deputetit, Eduard Halimi, 14 Janar 2016

Eduard Halimi: Jam këtu bashkë me 3 ekspertët e Partisë Demokratike të cilët kanë ndjekur nga afër në emër të opozitës për çështjen e reformës kushtetuese si pjesa e reformën në drejtësi. Pas ardhjes së raportit të Komisionit të Venecias, të 21 Dhjetorit. Ne ishim këtu bashkë me ekspertët jo vetëm për të përshëndetur opinionin e këtij komisioni i cili me 138 paragrafëve ngrite shqetësimin të opozitës dhe të opinionit publik për rrezikun e kapjes politike nga drafti i Partisë Socialiste dhe çimentimin e kësaj kapje nëpërmjet skemës së re të ndëruar të organizimit të drejtësisë. Ishim këtu për të shprehur qendrimin e çeliktë të opozitës për të filluar punën për hartimin e një drafti të reformën kushtetuese bazuar pikë më pikë në 138 rekomandimet e Komisionit të Venecias. Pikërisht dy javë më parë nga kjo sallë deklaruam se mbështesim tërësisht qendrimin e Presidentit të Komisionit z Buquicchio se drafti i reformës kushtetuese si pjesë e reformës në drejtësi duhet të kalojë nëpërmjet një procesi konsensusi dhe dialogu të sinqertë dhe si i vetmi udhërrëfyes për të hartuar draftin duhet të ishin pikë më pikë të 138 rekomandimet e Komisionit të Venecias.

Po çfarë ndodhi?! Një ditë pasi ne ishim këtu në këtë sallë PS dhe ekspertët e saj në mënyrë të njëanshme hartuan një draft duke ecur në të njëjtën linjë që kishin ecuar edhe më parë me arrogancë dhe injorim të plotë të të gjithë rekomandimeve apo të një pjese të mirë të rekomandimeve kryesore të Komisionit të Venecias që hidhte poshtë skemat e ndërtimit institucional si një skemë e komplikuar që synon përdorimin dhe kapjen politike të sistemit të drejtësisë. Kanë qënë partnerët ndërkombëtarë të cilët gjej rast edhe njëherë ti falenderoj për angazhimin e tyre të sinqertë dhe dashamirës në të gjithë këtë proces që bënë të mundur që eskpertët e Edi Ramës të tërhiqnin draftin paraprak dhe të fillonin punën bashkë me eskpertët e PD dhe grupeve të tjera parlamentare të një drafti që do të bazohej pikë më pikë në rekomandimet e Komisionit të Venecias. Padyshim, drafti parafabrikat i 29 Dhjetorit e kontaminoi procesin e një dialogu të sinqertë i cili ishte jashtëzakonishtë dhe mbetet i rëndësishëm ashtu siç e rekomandoi edhe Komisioni i Venecias. Kur ekspertët janë ulur për të diskutuar mbi draftin e Venecias, çështjet që ekspertët e PS ndaheshin dhe ata të PD ishin të paktën 11 dhe ngelen po kaq nga çështjen e rekomandimeve të Venecias. Kryesore mbi të gjitha është kapja politike. Kush do ti emërojë ata që do të kontrollojnë, promovojnë, shkarkojnë gjyqtarët dhe prokurororët?! Kush do të jenë në krye të procesit të reformimit të drejtësisë?! Kjo ka qënë pika e debatit.

Qendrimi ynë i hershëm është që këta njerëz që do të zbatojnë gjithë procesin e reformës të mos jenë njerëz që emërohen nga kryeministri, nga maxhoranca, qoftë kur emri i kryeministrit është Edi rama qoftë kur emri i kryeministrit të jetë Lulzim Basha. Për ta bërë këtë ne kemi propozuar, pra ekspertët, që emërimi i këtyre personave në isntitucionet e drejtësisë të bëhen me një shumicë në parlament që të mos lejojë kryeministrin kushdo qoftë ai, që ta ketë nën kontroll sistemin e drejtësisë. Situate në parlament është që Edi Rama ka një shumicë mbi 84 vota, e konstatuar kjo pikë më pikë nga Komisioni i Venecias. Sigurisht duhet një shumicë më e madhe që të zgjehdjë këta njerëz në mënyrë që të mos egzistojë skema e kapjes. Ky qendrim racional i opozitës është thënë e zeza mbi të bardhë në rekomandimin nr 55  të Komisionit të Venecias e cila thotë se tre të pestat pra me 84 vota çimetohet kapja politike. E theksoj që çimetohet kapja politike. Po çfarë ndodh nëse kryeministri me 84 vota emëron të gjithë skemën e organizimit të funskionimit të drejtësisë?! Shiheni pak këtu në skemën që është përgatitur nga ekspertët. Me 84 vota emërohen të gjithë anëtarët e komisionit e pavarur të kualifikimit të cilët do të fusin në provim të gjithë gjyqtarët dhe prokurororët e Shqipërisë. Nga gjyqtari i shkallës së parë e deri tek kryetari i Gjykatës Kushtetuese. Të gjithë inspektorët e inspektoratit të lartë të drejtësisë të gjithë do të emërohen me 84 vota sipas draftit të paraqitur në mënyrë të njëanshme nga ekspertët e PS-së. Po ashtu me radhë si Gjykata Kushtetuese, emërohet kryeprokurori, emërohen anëtarët e këshillit të lartë të prokurorisë, anëtarët e këshillit të emërimeve në drejtësi, tribunali disiplinor dhe Këshilli i Lartë Gjyqsor. Janë 8 institucione që krijojnë një oktapod të vërtetë në kapjen e sistemit të drejtësisë. Pikërisht për shkak të këtij rrezikuqë është permament në draftin e paraqitur në mënyrë të njëanshme nga PS, u propozua edhe nga ekspertët ndërkombëtarë një zgjidhej racionale e cila sigurisht që i përshtatej edhe aktualitetit politik në të ilën ndodhen Parlamenti. Në këtë situatë që ndodhet parlamenti dhe maxhoranca, zgjedhja e gjithë kupolës të këtij sistemi të mos bëheshe me 84 votat që i ka kryeministri por të bëhet me një shumicë tjetër prej dy të tretat. Jo për të përfituar opozita sepse opozita smund të përfitojë por për të pamundësuar kryeministrin dhe maxhorancën, qoftë kur e ka emri Edi Rama apo qoftë kur e ka emrin Lulzim Basha, që të kapë dhe të emërojë e më aps të mbajë nën kontroll të gjithë sistemin e drejtësisë. Skema duhet të çmontohet. Ashtu siç edhe ju jeni në dijeni, ekspertët kanë rënë paraprakisht dakord por eskpertët e PS-së kanë kërkuar kohë. Janë këshilluar me Edi Ramën dhe të nesërmen janë kthyer dhe kaën qendruar në të njëjtin polygon që kanë qënë gjatë gjithë kësaj kohe. Ne skemën nuk e prishim dhe personat e kësja skeme që do të ulen në këto karrige ne do ti emerojmë me 84 vota, dhe kjo ka qënë pika kryesore që ka ndarë ekspertët së bahsku me 10 pika të tjera për të cilat ekspertët e PD-së do ti trajtojë para jush.

Enkelejd Aliebaj:  Detyrimi i vetëm që kishim si ekspertë të pavarur të mazhorancë, të  opozitës, përfaqësues të Ministrit apo kudo tjetër ishte dhe është detyrimi i cili buron nga opinioni i Komisionittë Venecias . në paragrafin 5, në fjalinë e fundit të opinionit të Komisionit të Venecias, thuhet”pasi projekt amendamentet të jenë shqyrtuar në dritën e rekomandimeve të përfshira në opiniion e ndërmjetëm, Komisioni i Venecias,do të përgatisë një opinion përfundimtar të tekstit të rishikuar. pra detyrimi ynë ishte qe brenda kufijve që përcaktonte ky opinion, ky dokument, të mund të eksploronim  të gjitha zgjidhjet bazuar mbi rekomandimet e Opinionit  të Venecias. Një ri nga kufijtë e përcaktuar nga opinioni i komisionit të Venecias, ishte pikërisht ai që përcaktonte dhe përcakton paragrafi 55 i Opinionit  të Venecias e majde jo vetëm por edhe paragrafi 127 i cili flet të njëjtën gjë.

Sipas këtij paragrafi shumica aktuale kontrollohet nga mazhoranca prej 3/5,  e jo vetëm kaq, por për ta përforcuar rrezikun potencialin që një shumicë e cila kontrollohet aktualisht nga mazhoranca nuk con në drejtimin e dëshiruar nga të gjithë, depolitizimin e emërtesave të funksionarëve të lartë të drejtësië, por në të kundërtën,  në çimentimin e politizimit të këtyre funksionarëve të lartë. Sipas draftit përfundimtar tashmë i bërë në mënyrë të njëanshme rezulton se funksionarë të tilë që emërohen që çimentohen me 3/5 e mazhorancës që kontrollohen nga kjo mazhorancë janë këta  pesë anëtarë të Këshillit të lartë gjyqësor , njëri prej të cilëve do të jetë dhe kryetar, pesë anëtarë të Këshillit të lartë të Prokurorisë, njëri prej të cilëve do të jetë dhe kryetari, Prokurori i Përgjithshëm , inspektori i Përgjithshëm i Drejtësisë, 15 anëtarë të  komisionit të vlerësimit dhe të rivlerësimit të testit që do tu bëhet të gjithë gjyqtarëve dhe prokurorëve, e jo vetëm kaq, por dhe tre anëtarë të Gjykatës Kushtetuese që emërohen nga Kuvendi

Madje  tre anëtarët e Gjykatës Kushtetuese që emërohen nga Kuvendi, nuk zgjidhen me 3/5, por zgjidhen me shumicë të thjeshtë që do të thotë jo më me 84 vota, por me 36 vota , pra janë plot 30 funksionarë të rinj që përbëjnë kupolën e sistemit gjyqësor shqiptar të prezantuar sipas kësaj reforme në mënyrë të njëanshme, të cilët emërohen qartësisht në mënyrë të njëanshme nga një mazhorancë që kontrollon votat. Dhe kjo është vetëm një nga mjetet  që vendos nën thundër të plotë, partiake sistemin e drejtësisë. Të gjithë këta funksionarë të lartë të sistemit të drejtësisë janë të shpërndarë në këto 8 institucione të reja. Është pikërisht skema prej 8 institucionesh të reja e cila do të popullohet me funksionarë të lartë të emëruar në mënyrë partiake . është ajo skemë e cila u prezantua për herë të parë në draftin, i cili shkoi në  komisionin e Venecias e për të cilin Komisioni i Venecias në opinionin e tij ka thënë pikërisht këtë gjë. Komisioni  i Venecias do ti rekomandonte ligjvënësve shqiptarë që të rishikojë numrin e këtyre institucioneve dhe të vendoste që numri të mund të zvogëlohej cka rezulton ishin tetë institucione në momentin kur drafti i shkoi komisionit të Venecia,  e që u atakua dhe që u këshillua ligjvënësi shqiptar ta zvogëlojë dhe rezulton se edhe në draftin paraprak të datës 29 Dhjetor ngelën këto 8 institucione, edhe në draftin përfundimtar të konsideruar si të tillë ngelën po kaq institucion, pra po 8 institucione . një nga këshillat e dhëna nga Komisioni i Venecias i është adresuar njërit prej organeve më delikatë, Këshilli i emërimeve në Drejtësi , Këshilli i emërimeve në Drejtësi i cili etiketohet në këtë mënyrë nga Komisioni i Venecias . Krijimi i Këshillit të emërimeve në Drejtësi e komplikon strukturën gjyqësore, synon të pakësojë lirinë e zgjedhjes së organeve kushtetuese që përfshihen në procesin e emërimit,, përbërja e këtij organi duhet shqyrtuar më nga afër në sistemin e propozuar prej 8 institucionesh me 30 e më tepër funksionarë që do të emërohen në mënyrë të njëanshme, etiketohet ky këshill si një organ shumë i vogël i cili vendoset në një pozicion shumë të fuqishëm. Ky organ vazhdon të jetë me po të njëjtën fuqi të madhe, të kontrolluar në mënyrë të njëanshme, politikisht nga mazhoranca. Këto ishin  tri cështje thelbësore, për të cilat nuk ka patur reflektim as në draftin e 29, ai ishte i njënashëm, e as në draftin e djeshëm ai që konsiderohet përfundimtar.

Gazmend Bardhi: Në fakt nuk ka asnjë reflektim as për e depolitizimin e procesit të vlerësimit dhe rivlerësimit të gjithë gjyqtarëve dhe prokurorëve në vend. Qartësisht komisioni i Venecias e ka konsideruar përbërjen e komisionit të pavarur të kualifikimit si një mekanizëm i cili e politizon procesin e vlerësimit. Konkretisht   komisioni i Venecias është shprehur se në teori mund të ishte e pranueshme zgjedhja e gjithë këtyre funskionarëve që do të marrin në vlerësim profesionalizmin dhe pasurinë e gjyqtarëve dhe prokurorëve , vetëm në teori mund të jetë e pranueshme por në kushtet e realitetit aktual politik ku mazhoranca zotëron 3/5 e votave komisioni i Venecias ka sugjeruar qartësisht që zgjedhja e këtyre funksionarëve të bëhet nga një organ i pavarur apo zyrtar që është jashtë ndikimit të mazhorancës aktuale sepse përbërja e komisionit të pavarur të kualifikimit sipas komisioni i Venecias duhet të garantojë pavarësinë dhe paanshmërinë e tyre. Nuk ka asnjë reflektim mbi këtë cështje pasi neni C i aneksit të shpërndarë mbrëmë nga grupi i ekspertëve të nivelit të lartë të mazhorancës , nuk ka asnjë ndryshim nga versioni që i është  dërguar komisioni i Venecias. Nga ana tjetër edhe pse komisioni i Venecias e ka konsideruar të panevojshëm dhe të tepërt ngritjen e njnë gjykate të re administrative të lartë në Shqipëri, grupi i ekspertëve të nivelit të lartë, grupi i ekspertëve të mazhorancës nuk kanë asnjë reflektim as mbi këtë cështje. Komisioni  i Venecias ka vënë në dyshim, nëse Shqipëria ka burimet e nevojshme njerëzore dhe finaciare për ngritjen e një gjykate të re të lartë dhe ka lënë të hapur mundësinë për të vlerësuar një zgjidhje alternative, që është zgjidhja që ne kemi sot  , një kolegj i posacëm administrativ brenda Gjykatës së Lartë,  i cili luan të njëjtin rol dhe arrin  të njëjtat qëllime si edhe i Gjykatës së Lartë, gjithashtu nuk ka asnsjë reflektim mbi rolin që do të ketë Presidenti i Republikës në emërimin e gjyqtarëve.  Komisioni i Venecias është shprehur që roli i Presidentit të Republikës duhet të jetë më i pakët nga ai që Presidenti zotëron sot, megjithatë i ka njohur Presidentit të Republikës që të refuzojë kandidaturat që janë dukshëm të papërshtatshme, ndërkohë që në draft thuhet se vlerësimet që bën presidenti për kandidaturat e  papërshtatshme, e humbin fuqinë e tyre momentin kur i njëjti organ pra Këshilli i lartë gjyqësor vendos të rrëzojë dekretin e Presidentit të Republikës.

Një  tjetër cështje që nuk gjen pasqyrim në draftin e publikuar dje nga ekspertët e mazhorancës është dhe e drejta për kompetenca të Gjykatës  Kushtetuese për të vlerësuar një ligj për rishikimin e Kushtetutës. Është e vërtetë që Komisioni i Venecias ka thënë se më së paku duhet ti jepet kësaj gjykate e drejta për të verifikuar procedurën e miratimit të amendamenteve kushtetuese, po ka sjellë në vëmendje që kjo është një cështje komplekse ,vecanërisht në rastet kur Kushtetuta nuk përmban klauzola të përjetshme. Cfarë nënkuptohet që, në rast se disa parime të përgjithshme në Kushtetutë nuk mund të preken cilido qoftë vullneti i Legjislatorit në një periudhë të mëvonshme nga hartimi i kushtetutës. Cfarë rreziku sjell kjo ? Rreziku  që sjell ky ndalim, është jo vetëm pasja në Kushtetutë  të  dispozitave që bien ndesh  me njëra tjetrën, apo të dispozitave që cënojnë parimet e përgjithshme kushtetuese të parashikuara në pjesën e parë , por një mazhorancë e caktuar mund të ketë votat për të ndryshuar Kushtetutën dhe mund të parashikojë atje që gjithë gjyqtarët dhe prokurorët janë në varësinë e Këshillit të ministrave. Ky është një parashikim që bien ndesh me parimin e ndarjes dhe balancimit të pushteteve dhe si i tillë duhet të vlerësohet nga gjykata kushtetuese.

Ivi Kaso: Janë edhe katër çështje të tjera të cilat në draftin e qarkulluar mbrëmë nga komisioni Ad Hok nuk janë respektuar rekomandimët koncize dhe të qarta të Komisionit të Venecias, konkretisht kemi vërejtur se nuk respektohet komenti i komisionit të Venecias mbi mungesën e nevojës së ndërprerjes së mandatit të Prokurorit të Përgjithshëm, koment ky i cili përmbahet në paragrafin 96 të Komisionit të Venecias i cili qartë dhe pa asnjë ekuivok shprehet se megjithatë zëvëndësimi i Prokurorit të Përgjithshëm nuk është domosdoshmërisht një çështje nevoje dhe mbajtja e Prokurorit të Përgjithshëm deri në mbarimin e mandatit të tij do të ishte e pranueshme. Përsëri drafti i qarkulluar mbrëmë paraqet të njejtën dispozitë e cila parashikon ndërprerjen e mandatit të Prokurorit të Përgjithshëm. Gjithashtu kemi vërejtur se nuk respektohet konkluzioni i Komisionit të Venecias që procesi i vlerësimit të gjyqtarëve dhe prokurorëve të jetë një process rigorozisht i përkohshëm pasi drafti i shpërndarë dje në ndryshim edhe nga drafti i mëparshëm i cili parashikonte një periudhë më të shkurtër parashikon që ky proces të zgjasë në një periudhë 11 vjeçare. Komenti konkret i Komisionit të Venecias përmbahet në pikën 100 të opinionit të tij, i cili sjell në vëmendje dhe merr si të mirëqenë faktin që procesi i rivlerësimit tërësor të gjyqsorit dhe të prokurorisë do të ishte një proces konciz pavarësisht se do të ishte një process që do të kishte një mbështetje të gjerë politike dhe publike në vend. Dhe kjo për arsyen e vetme se ky është një proces i jashtëzakonshëm dhe natyra e këtij procesi duhej të ishte rigorozisht e përkohshme. Imagjinoni vetë çfarë natyre përkohshmërie mund të ketë një proces që zgjat 11 vjet dhe çfarë presioni e trysnie do të gjendeshin të gjithë gjyqtarët dhe prokurorët e këtij vendi të cilët do ti nënshtrohen këtij procesi prej 11 vjetësh. Vërejmë se nuk është respektuar komenti i Komisionit të Venecias mbi nevojën e respektimin e nenit 6 të Konventës së të Drejtave të Njeriut në procesin e vlerësimit. Drafti i shpërndarë dje në mënyrë tinzare ka bërë vetëm ndryshimin e emrit të komisionit, nga komisioni i pavarur të apelimit në kolegjin e posaçëm n ë Gjykatën e Lartë. Ndërkohë që anëtarët në të dyja rastet emërohen nga shumica aktuale parlamentare me një mazhorancë të cilësuar të cilën ata e kanë, dhe me propozimin e avokatit të popullit. Komenti  ose rekomandimi i Komisionit të Venecias në këtë pikë është konkret dhe konçiz e cila parashikon që do të ishte më e mënçur të supozohej se neni 6 i Konventës Europiane së të Drejtave të Njeriut ëashtë i detyrueshëm për procesin e vlerësimit . Në këtë skenar mungon një trupë gjyqsore në të cilën mund të ankimosh kundër vendimeve të Komisionit të nivelit të parë të vlerësimit pavarësisht se në mënyrë tinzare komisionit të apelimit i është ndryshuar emri në Kolegjin e posaçëm pranë Gjykatës së Lartë me shpresën se perceptimi publik do të mund të kapë faktin që trupa pranë së cilës ankohesh është një trupë gjyqtarësh. Kjo nuk është e vërtetë, ata emërohen nga Parlamenti dhe jo në mënyrë të detyrueshme ata të cilët do të emërohen do të jenë gjyqtarë, aq më pak gjyqtarë të Gjykatës së Lartë. Gjithashtu vërejmë me shqetësim se drafti ka përfshirë dhe Kryeministrin në procesin e emërimit të strukturave që merren me procesin e vlerësimit edhe kjo në kundërshtim me sygjerimin e  Komisionit të Venecias, ç’ka e gjejmë në nenin B të aneksit ku Kryeministri mund të thotë fjalën e tij në emërimin e vezhguesve ndërkombëtarë dhe kohëzgjatjen e mandatit të tyre.

Njoftim për shtyp i Partisë Demokratike, 13 Janar 2016

Shkatërruesi i Tiranës për 11 vite, ai që mbolli pallate duke ndjekur 20 përqindëshin e duke nëpërkëmbur qytetarin, ai që kur Tirana më në fund u bë me plan zhvillimi e bllokoi atë, ai që i mohoi qytetarëve mijëra vende pune duke ndalur investimet strategjike dhe historike në kryeqytet, Edi Rama, ka sot kurajon dhe fytyrën të dalë e të mbajë leksione për territorin.

Njeriu që gëzon sipas institucioneve ndërkombëtare, 200 milionë euro rryshfete pallatesh, ky që lejoi ndërtuesin e tij personal të kafshojë Parkun e Tiranës, ky që lejon Kokëdhimën të zaptojë bregdetin, ky që i jep Besos së tij nëntokën e Parkut Rinia; ky që bekon ndërtimin pa leje të zonës muzeale të Tiranës nga Xhillari i tij, ky që ka planifikuar tenderin tjetër korruptiv për tjetërsimin e Stadiumit Kombëtar me klientët e tij, ky që ka shtrirë tentakulat e interesave të tij personale e financiare në çdo tokë e truall me anë të firmave dhe studiove të tij, del sot e propagandon për zhvillimin e territorit.

Edi Rama e ktheu bashkinë në laborator të kalkulimeve politike personale e financiare, në lavatriçe të larjes së parave të krimit të organizuar dhe bandave të lidhura me të. Ai nuk mbajti kurrë përgjegjësi për krimet në territor e në mjedis duke korruptuar e blerë Strakoshat e tij në Gjyqësor e prokurori.

Teksa del e predikon të kundërtën e saj që ka bërë vetë që ditën e parë në  pushtet, Edi Rama me shfaqjen e rradhës po fsheh një pazar tjetër të madh me të ashtëquajturin plan të zhvillimit të territorit.

Njoftim për shtyp i Partisë Demokratike, 13 Janar 2016

Skandali i zbuluar nga emisioni investigativ Stop, nuk është një rast i izoluar i një inspektori të ndërtimit që kërkon para në këmbim të favorit.

Ky rast korruptiv, është e vërteta e rilindjes, është shëmbëlltyra e saj.

E para tregon mënyrën se si është bërë inspektor personi në fjalë. Një militant që vjen e ushtron me arrogancë e me dhunë, pushtetin, përmes njohjeve që ka me Saimir Tahirin e Erion Veliajn.

Përmes lidhjeve nepotike po ashtu, duke qënë vëllai i këshilltarit të majtë në Bashkinë e Tiranës, Florian Pullazi.

E dyta, ky rast tregon se Pullazi dhe shefat e tij, rrjeti i tij, e gjithë ngrehina të cilës ai i përket, ka ardhur në pushtet për të bërë para.

Me babëzi, duke shkelur ligjin, duke dhunuar qytetarët e pamundur, e duke i rrjepur ata, kështu funksionin banda e INUK dhe bandat e tjera të Edi Ramës që i janë vërsulur popullit që ditën e parë që erdhën në pushtet.

Koha e këtij shteti të korruptuar e kriminal;

Koha e këtyre maskarenjeve ka mbaruar.

Populli është në këmbë dhe shumë shpejt ka tu treguar vendin.

Deklarata për mediat e kreut të këshilltarëve të djathtë në Bashkinë e Tiranës, Leonard Olli, 12 Janar 2016

Jam sot përpara jush për të informuar opinion publik  përmes medias për  procesin e Reformës në Drejtësi.

Ditën e Shtunë në darkë me insistimin e ekspertëve tanë pati një rakordim nga të gjithë ekspertët për të reflektuar rekomandimin e Komisionit të Venecias që pamundëson kapjen politike të drejtësisë.  Bëhet fjalë për rekomandimin numër 55 i cili dikton qartë që vendimet për institucionet e ardhshme dhe emërimet për institucionet e ardhshme nuk mund të merren nga një shumicë e cilësuar që disponohet tashmë nga shumica aktuale politike. Në bazë të këtij rekomandimi të qartë, të zezë mbi të bardhë të Venecias, ekspertët tanë bënë propozimet përkatëse dhe  me ndihmën e ekspertëve ndërkombëtarë u arrit një formulë kompromisi, e pas kësaj ekspertët e Edi Ramës u tërhoqën për t’u konsultuar qartësisht me Edi Ramën.

Të nesërmen, me rikthimin e ekspertëve në tryezën e punës ishte e qartë se vullneti i Edi Ramës ishte kapja e drejtësisë dhe jo reforma në drejtësi.  U zhbë formula e kompromisit të së shtunës dhe me kokëfortësi u insistua në shumicën prej 3/5 që është shumica që disponohet nga dyshja Rama -Meta.

Pra mund të themi që pas një viti sorrollatje dhe tallje nga Edi Rama me opinioni publik me faktorin ndërkombëtar dhe me përfaqësuesit e faktorit ndërkombëtar në Tiranë, më në fund, dje Edi Rama e hoqi maskën. Është ai që nuk e do reformën në drejtësi, është ai që nuk do institucione të reformuara që luftojnë korrupsionin dhe  pamundësojnë kapjen politike.

Sepse Edi Rama ka një tjetër plan. Ka planin e çimentimit të kapjes politike të drejtësisë, që ashtu siç ka bërë deri më sot, të diktojë si prokuror dhe si gjyqtar vendimet e nesërme,  të diktojë mosndjekjen penale të korrupsionit galopant të tij dhe ministrave të tij. Të diktojë që deputetët e tij të korruptuar e të inkriminuar të shkojnë në shtëpi por të agresuarit të mbeten në qeli, të diktojë cdo vendim apo mosvendim, duke fituar imunitet mbi ligjin dhe duke përdorur ligjin si shkop për qëllimet e tij politike. Në këto kushte duket qartë se për më shumë se një vit Edi Rama ka qenë de fakto pengesa kryesore për reformën në drejtësi.

Ku na lë kjo ne si opozitë?! Së pari, në kushtet e konfirmimit tonë të plotë dhe absolut për rekomandimet e Venecias si udhërrëfyesi i vetëm për Reformën në Drejtësi.

Së dyti, për ti konfirmuar qytetarëve shqiptarë që ndryshe nga Edi Rama ne kërkojmë që as qeveria e sotme e Edi Ramës dhe Ilir Metës, as qeveria e nesërme e demokratëve të mos kenë mundësinë tu diktojnë prokurorëve dhe gjyqtarëve vendimet që duhet të marrin, por këto vendime të merren sipas ligjit dhe vetëm sipas ligjit dhe në kohën më të shkurtër. Ata që guxojnë të mos i marrin këto vendime sipas ligjit e në kohën më të shkurtër të përballen me pasojat e sjelljes së tyre, të përballen gjithashtu edhe me korrupsionin në drejtësi që është një problem i madh dhe që duhet luftuar deri në zhdukjen e tij.

Ky është vullneti im. Ky është vullneti ynë. Por në të njëjtën kohë, vullneti im dhe i Partisë Demokratike është të mos lejojmë kapjen politike, çimentimin e Edi Ramës kryeprokuror, Edi Ramës kryegjyqtar dhe për këtë ne jemi gati të nisim një betejë pa kthim deri në fitoren e saj në emër të interesave të republikës, Kushtetutës dhe barazisë para ligjit.

Pyetje:Z Basha, nesër do të dorëzoni një draft tuajin?

Basha: Nuk ka më drafte paralele. Ka një përpjekje të hapur, overte, të Edi Ramës për të diktuar versionin e tij të kapjes së drejtësisë. Ne i përmbahemi rekomandimeve të Venecias dhe e vetmja mënyrë për t’ju rikthyer një procesi konsensual është që njeriu që sot hoqi maskën dhe që tregoi fytyrën e vërtetë nuk do reformë në drejtësi por do kapjen e drejtësisë, të frenohet dhe ti tregohet vendi nga të gjithë faktorët politikë dhe shoqërorë, sikundër edhe nga faktori ndërkombëtar.

Është e kotë të pretendojmë tashmë se cili është problemi me reformën në drejtësi. Problemi për reformën në drejtësi është Edi Rama. Edi Rama nuk do drejtësi të pavarur, Edi Rama nuk do drejtësi të pakorruptuar, Edi Rama do t’I përdorët gjyqtarët dhe prokurorët e korruptuar, ti kërcënojë me dosjet e korrupsionit në mënyrë që të marrin vendimet që çojnë Prengën në shtëpi dhe lënë Calët në burg, në mënyrë që të marrin vendime që të ndalojnë hetimin për CEZ dhe 600 milionë euro vjedhje, në mënyrë që të ndalojnë hetimet dhe ndjekjen penale për kryehajdutët ministra që janë përgjegjës për vjedhjen e 1.2 miliardë euro vetëm në një vit.

Edi Rama e ka jetike kapjen e drejtësisë. Tashmë ka hequr maskën sepse këtu ka ardhur puna. Ju tregova se cilat janë qendrimet tona. Ne nuk do të vazhdojmë ballon me maska me Edi Ramën.

Prononcimi për mediat i kryetarit të Partisë Demokratike, Lulzim Basha, 11 Janar 2016