Blog

Kryetari i Partisë Demokratike, Lulzim Basha ka parë nga afër situatën e përmbytjeve në Sukth, në Katund të Ri në Qerret dhe ne Fllakë ku mbi 1200 familje janë përmbytur. Niveli i ujit në shumë raste arrin mbi 1,5 metër dhe situata vazhdon të përkeqësohet. Banorët thanë se uji ka vërshuar rreth orës 03:00 të mëngjesit. Dhjetëra familje janë evakuuar ndërsa të tjerët bëjnë apel për furnizim me ujë të pijshëm dhe ushqime, pasi janë të izoluar nga prezenca e madhe e ujit.

Banore: Që në orën dy kam kërkuar ndihmë, as nuk dilte policia në telefon, as nuk dilte asnjë lloj kanalesh në telefon.  Unë me  katër kalamaj dhe me një plakë 56 vjeç. Ju lutem shumë pse me ju do merremi ne? Po me kë do merreni kur nuk merreni me mua që jam vetë i gjashtë brenda aty.

Basha: Aty i ke njerëzit?

Banore: Jo! Unë i kam nxjerrë sepse kanë ardhur njerëzit e mi.

Basha: Shyqyr!

Banore: Shyqyr që i kam sepse sa për shtetin këna maru, jemi mbyt mrenë. Le t’i ngelet çdo njërit qefi këtu. Katastrofë, të marrësh në telefon për ndihmë. Unë kalamanin më të madh e kam 6-vjeç. Me kë do të merren ata kur nuk merren me ne. Me cilin do të merren ata?

Banor: E kam marrë policinë nuk e hap telefonin fare, e kam marrë tre herë rresht, më del herë thotë jam zjarrëfikësja, herë jam policia, herë jo nuk jam policia. Nuk ka bë vaki kshu, jo !

Banore: Shteti për këtë punë duhet, më shpëtu popullin, njerëzit.

Basha: Në çfarë ore ka ardhur ujë?

Banore: Ka ardhur që në tre të mëngjesit. Erdh kjo kohë, asgjë më  e vogla. Ça shteti është kshu? Ne jemi njerëz të marum.

Banor: Në krejt zonën këtu nuk ka bë vaki prej 70-80 vjetësh. Ky është ujë liqeni, është hap liqeni, janë hap digat për të shpëtu Tiranën dhe për të shpëtu si duket interesat e veta, ta pësojë gjithë kjo zonë.

Banor: Unë jam 50 vjeç, nuk kam parë në jetën time këtë ujë. Kjo nuk është nga Zoti, kjo është dorë e njeriut. Një pasuri që e kemi vu me djersën e ballit. Nuk e di.

Banor: Ky është lum. Nuk ka ndodh në jetën tonë. Kjo është fatkeqësi e madhe!

Banor: As në kohën e Enver Hoxhës  nuk ka ndodh kjo histori kshu, qysh ka ndodh sot këtu. Është tmerr i gjallë.

Banor: Kjo është nga dora e njeriut, perëndia bën punën e vet. Ka ra shi me dhjetëra ditë dhe nuk  ka arrit me bë këtë gjë.

Banor: Në Fllak janë duke u mbyt tani, tani morën  në telefon dhe nuk kanë ujë me pi. Kanë hyp në kat të dytë tani. Kam qenë unë në katër e gjysmë dhe prita me nxjerrë vëllain, erdh ushtria, mora varkën, nxora vëllain. Tani më merr në telefon dhe më thotë jemi duke vdek për pikë të ujët.

Banor: Dëm të madh ka bë qysh natën. Kush ka pas blegtori, ja ka marrë gjithë ushqimin. Gjithë natën ia kemi prit dengun.  Gjithë natën kemi nejt çuet.

Kryetari i Partisë Demokratike ka kontaktuar dhe me forca te ushtrisë ku është interesuar për situatën e përmbytjeve. Zoti Basha u ka bërë apel banorëve që të evakuohen menjëherë duke nisur me largimin e fëmijëve nga shtëpitë e përmbytura.

Basha: A i ke nxjerrë njerëzit? Fëmijët a i ke nxjerrë?  Si, s’keni ujë ? Mirë, ja një sekondë se po të kaloj kolonelin që është këtu me forcat e ushtrisë. S’kemi as ujë me pi thotë.

Koloneli: Do të bëjmë të pamundurën që t’ju ndihmojmë edhe me ushqime dhe po pati nevojë edhe për të transportuar njerëzit që ke brenda.

Basha: Është e domosdoshme të nxjerrë fëmijët, ti largojë dhe të evakuohen banorët.

Njoftim për shtyp i Partisë Demokratike, 7 Janar 2016

Situata e përmbytjeve po përkeqësohet me shpejtësi në të gjithë vendin.

Dhjetra familje kanë mbetur në qiell të hapur e të tjera rrezikojnë nga ujërat që po vërshojnë nga jugu në veri.

Rendi dhe siguria janë në rënie me shpejtësi të rrufeshme në këtë fillim viti. Vetëm në 24 orët e fundit janë shenuar 3 viktima, 2 të ekzekutuar me armë zjarri ne Vlorë dhe Durrës dhe një viktimë në aksident automobilistik.

Një gjendje e rëndë ankthi dhe pasigurie ka kapluar të madh e të vogël. Të vetmit që nuk i bëhet vonë dhe vazhdon pa teklif pushimet luksoze në Majemi është kryeministri, i cili sot duhet të ishte në krye të detyrës dhe në krah të qytetareve që po kalojne orë të vështira.

Ky aheng e kjo festë e shfrenuar e tij në këto orë dramatike kur vendi është në emergjencë kombëtare, është tregues i pacipësisë dhe papërgjegjshmërisë të kryeministrit.

Kjo qeveri dhe ky kryeministër e kanë dëshmuar prej kohësh që i vetmi interes i tyre është të vjedhin dhe jo të qeverisin, është të bëjnë pazar me pasuritë publike të vendit e jo të investojnë për përmirësimin e jetës së qytetareve dhe të infrastrukturës që do ta bënte gjithnjë e më të vështirë përmbytjen masive në kohë reshjesh.

Në emër të opozitës, i bëj thirrje kryeministrit “de juro” Edi Rama, të ndërpresë urgjentisht pushimet luksoze në Majemi dhe të kthehet në Shqipëri për të ushtruar përgjegjësitë që ka aktualisht si kryeministër edhe për pak kohë, pasi shqiptarët nuk e meritojnë një njeri që rend pas qejfit dhe pasionit dhe lë një popull në mëshirë të fatit.

Deklarata për mediat e nënkryetarit të Partisë Demokratike, Edmond Spaho, 7 Janar 2016

Ekzekutimi mafioz mbrëmë në Durrës nuk është vetëm tregues i përkeqësimit të rendit në shkallën më të lartë, por më e renda është përfshirja e drejtpërdrejtë e një pjese të strukturave të Policisë.

Viktima Çollaku, ishte nga të ndaluarit e parë dhe i dyshuari kryesor për vrasjen që ndodhi në Durrës në mes të qytetit, në fund të dhjetorit, ku u ekzekutua Ervin Kodra dhe miku i tij.

Policia jo vetëm e shoqëroi viktimën e mbrëmshme për vrasjen e Kodrës, por po e mbante gjithë kohës nën vëzhgim.

Megjithëse ishte nën mbikqyrjen e policisë, megjithëse policia kishte informacion për përfshirjen e mundshme të Çollakut në vrasjen e dyfishtë të dhjetorit, sërish 4 vetë të armatosur e të veshur me uniformë policie e rrëmbejnë në mes të qytetit viktimën, e lidhin dhe e ekzekutojnë, duke larë hesapet e tyre.

Këto lloj rrëmbimesh dhe ekzekutimesh, si në rastin e Stafukës në Fushë-krujë, kanë firmën e kokave të krimit në vend, kanë firmën dhe vulën e miqve të Saimir Tahirit.

Lehtësia me të cilën bandat rrëmbejnë e vrasin, vjen nga lidhja e tyre e drejtpërdrejtë me Ministrin e Brendshëm.

Nuk mund të ketë lehtësi më të madhe për krimin dhe mafian, se sa një ministër i brendshëm që bën ndërmjetësin e vrasësve me pagesë, që dërgon oficerë në shërbim të shullazëve, që vë makinën e tij personale në dispozicion të trafikantëve, që djeg provat e drogës, që fsheh kërkesën e interpolit, që shfajësohet para baronëve të narkotikut se dëmin nuk ua bën kurrë ai.

Ky është Saimir Tahiri, i cili ka firmën e vulën pas këtij ekzekutimi, pas këtyre vrasjeve, pas trafikut të drogës dhe inkriminimit të policisë.

Partia Demokratike i bën thirrje trupës së ndershme të policisë, burrave dhe grave në uniformë, të bëjnë maksimumin e tyre e të punojnë me përkushtim, sepse koha e çlirimit nga ky ministër i lidhur me krimin nuk do të jetë e largët.

Deklarata për mediat e kreut të Departamentit të Rendit dhe Sigurisë, Enkelejd Alibeaj, 7 Janar 2016

Situata e përmbytjeve në Tiranë është mjaft e rënduar ndërsa dhjetra shtëpi kryesisht në zonën e bregut të lumit rrezikojnë të shemben. Asnjë punonjës bashkiak nuk ka qënë gjatë gjithë ditës së sotme për t’u ardhur në ndihmë ndersa jeta e tyre është në rrezik. Deputetë të Partisë Demokratike dhe këshilltarë të Këshillit Bashkiak kanë parë sot nga afër situatën në zona të ndryshme të qytetit të Tiraneë ku kanë kërkuar ndërhyrjen e menjehërshme për t’u adhur në ndihmë banorëve. Por në mënyrë të pacipë, kryebashkiaku Veliaj, edhe pse e dinte se situata do të ishte e rëndë, braktisi detyrën për një udhetimi luksi në Sri Lanka.

Banorë: Kemi gjashtë muaj pa drita, pa ujë, pa asnjë lloj gjëje. Tani ne rrezikojmë se nuk i dihet se çfarë do të ndodhë me lumen. Të na vijë kryetari i Bashkisë sepse neve na mashtron, bën dallime raciste. Duam kryetarin e Bashkisë të na vijë këtu. Asnjë ndihmë ekonomike, jena njerëz hallexhinj pa punë vet i pestë.

“Banorët kanë kërkuar këtu prezencën e kryebashkiakut Veliaj ose kryeministrit, po asnjëri nga këta nuk ndodhet në Shqipëri. Veliaj në Siri Lanka kurse kryeministri në Majemi për të bërë pushime. Sikurse edhe e shikoni, ky lumë nga momenti në moment po del nga shtrati dhe ka lënë në mëshirë të fatit me dhjetra e dhjetra familje, familje në nevojë, familje me probleme. Zëvendëskryebashkiaku i Tiranës ndërkohë nuk po bën gjë tjetër veçse po bën xhiro rrotull Lanës sikur vetëm atje ka njerëz dhe këtu është zonë e pabanuar. Ndërkohë që kemi me dhjetra mijëra banorë në zonat periferike të Tiranës si këtu afër Bregut të Lumit që rrezikojnë nga momenti në moment. Asnjë punëtor i Bashkisë nuk ndodhet sot këtu, një pjesë sepse nuk janë aktivizuar, një pjesë tjetër sepse janë hequr nga puna. Në këto momente, Tirana dhe kjo zonë është në mëshirë të fatit vetëm duke iu lutur Zotit të mos bjerë më shi”, deklaroi Mateo Spaho.

Përgjegjës direkt për këtë situatë të rëndë në Tiranës është Edi Rama i cili vazhdon i qetë pushimet në Majemi dhe Erion Veliaj të cilët në mënyrë kriminale bllokuan projektet e ish kryebashkiakut Basha për rehabilitimin e Lumit të Tiranës dhe ndërtimin e Bulevardit të ri. Dy projektet strategjike të zotit Basha do ta zgjidhnin këtë problematikë për zonën e Bregut të Lumit.

“Nëqoftëse tri vite më parë kryeministri i vendit Edi Rama dhe Erion Veliaj nuk do të bllokonin rehabilitimin e Lumit të Tiranës dhe ndërtimin e Bulevardit të ri të Tiranës, një fond i siguruar gradis nga fondet e huaja, sot nuk do të ishim në këtë gjendje. Jo vetëm nuk do të kishim rrezik për jetë njerëzish por do të kishim dhe një vepër të re estetike më të bukur për qytetin e Tiranës. Por ata vetëm bllokojnë në mënyrë që të marrin dhe të vjedhin meritat”, u shpreh Fabian Topollaj.

Deputetët Myqerem Tafaj dhe Gerti Bogdani i kanë bërë thirrje qeverisë të evakuojë menjëherë qytetarët në rrezik dhe të mos kujtohet për qytetarët sa herë duhet t’u marre dhe qindarkën e fundit përmes taksave të rritura apo çmimit të energjisë.

Myqerem Tafaj: Para një muaji e gjysëm të gjitha familjet kanë qenë shumë të rrezikuara dhe sot janë akoma më të rrezikuara. Po shembet dheu. Lumi po i merr banesat. Duhet të evakuohen sa më shpejt familjet qe janë këtu pasi nuk ka asnjë lloj sigurie në radhë të parë për jetën.

Gert Bogdani : Kur vjen puna për ti rritur taksat, për ti rritur dritat, për ti marrë lekët qytetarëve këtë gjë e bëjnë me vrap. Ndërsa kur vjen puna për ti bërë shërbimet njerëzve, qytetarëve dhe banorëve të Tiranës, këtë gjë nuk e bëjnë asnjëherë.

Njoftim për shtyp i Partisë Demokratike, 6 Janar 2016

Edi Rama e konfirmoi dje me deklaratën e Gjiknurit aferën Skavica.

Ministri i energjitikës pohoi se “investitorit” të Ahmetaj, i janë dhënë 8 pikë bonus, çka do të thotë se ai është paracaktuar si fitues.

Rama duhet ta ndajë mendjen, cili nga ministrat gënjen, Ahmetaj që pranon se investitori është caktuar, apo Gjiknuri i cili mohon Ahmetajn por thotë që investitorit i ka dhënë bonusit maksimal.

Në fillim, kur Partia Demokratike paralajmëroi këtë negociatë të dyshimtë, Edi Rama e mohoi.

Më pas, Ahmetaj deklaroi se Skavicën ia kanë dhënë kompanisë turke, kuptohet pa garë, në fshehtësi.

Ja prononcimi i Ahmetajt;”Më thoni një emër që është larguar?! Ju them unë një që ka ardhur. Skavica. Suzer & Nurol Group”.

Damiani tenton të hedhë poshtë Ahmetajn, duke iu referuar një vendimi qeverie që nuk gjendet i publikuar në faqen zyrtarë të qeverisë.

Nëse kërkon vendimet e qeverisë së datës 23 dhjetor që i referohet ministri i energjitikës, nuk ka vendim, për Skavicën.

Që do të thotë se ose Gjiknuri gënjen, ose vendimi për Skavicën është mbajtur sekret. Dhe nëse është mbajtur sekret, pse është mbajtur sekret?

Kaskada e mashtrimeve me aferën Skavica konfirmon rrezikun që kanoset nga babëzia e Ramës dhe ministrave të tij për të vjedhur pasuritë kombëtare duke i trajtuar si plaçkë të tyren, pa garë e pa transparencë.

Pazare me pasuritë publike që nisin me vizitat private të Ramës e përfundojnë me kontrata dhe tendera korruptivë.

Siç u ka dhënë miqve të tij koncensionet në shëndetësi, siç jep tenderat dhe u ngre traun e doganës, siç negocioi fshehtas vjedhjen e shekullit, aferën CEZ ku iu mori shqiptarëve 600 milionë euro nga xhepat dhe taksat e tyre.

Dhe nuk është aspak çudi që këto ditë të rënda për vendin, një tjetër aferë të jetë duke u gatuar në Majami, atje ku Edi Rama po kryen vizitën e luksit të radhës.

Deklarata për mediat e Sekretares së Marrëdhënieve me Publikun, Grida Duma, 6 Janar 2016

Demokratët e Kukësit kanë përkujtuar 25- vjetorin e krijimit të Partisë Demokratike në këtë qytet. Të pranishëm në këtë ceremoni ishin Sekretari i Përgjithshëm i Partisë Demokratike, Arben Ristani dhe deputeti i Qarkut të Kukësit, Flamur Noka.

Duke folur për situatën e rëndë ekonomike që po kalon vendi deputeti Flamur Noka e ka cilësuar 2016-tën si vit të përmbysjes së regjimit bastard të Edi Ramës që dhunon, varfëron dhe vjedh shqiptarët.

“Ne sot jemi në opozitë me një qeveri që nuk është parë kurrë më parë. Ne sot kemi në pushtet një regjim kleptokrat që ka ardhur për të sunduar e dhunuar këtë popull. Një regjim bastardësh që njohin vetëm gjuhën e varfërimit të qytetarëve të vendit të tyre, që njeh vetëm gjuhën e terrorit dhe që shqiptarëve nuk u ka lënë asnjë alternativë përveç atij të burgut, varfërisë, skamjes dhe rrugët e Europës si të vetmen zgjidhje për të mbijetuar. Ky përvjetor duhet të shfrytëzohet për t’i bërë thirrje qytetarëve, demokratëve dhe çdo qytetari në Kukës dhe gjithë Shqipërinë, të bashkohemi rreth Partisë Demokratike sepse ky do të jetë viti i përmbysjes së këtij regjimi të kusarëve e kleptokratëve, të pinjollëve të diktaturës. Ky do të jetë viti kur ne sëbashku me qytetarët e këtij vendi do të mundësojmë rrëzimin e me revoltë dhe protesta të përditshme këtë qeveri dhe këtë klikë hajdutësh dhe banditësh që është në pushtet, dhe do të vendosim një qeveri teknike, të shkojmë në zgjedhje të parakohshme ku shqiptarët do të kthejnë përsëri besimin tek Partia Demokratike. Ky do të jetë viti i shpresës për të rikthyer Partinë Demokratike në pushtet. Shqiptarët sot nga halli bëjnë plazh në akull sepse sot ka njerëz në Kukës dhe në gjithë Shqipërisë që nuk kanë ku të fusin kokën, po vdesin se nuk kanë energji elektrike për t’u ngrohur dhe nuk mund të pranojnë të qeverisen nga një qeveri që në ditën më të zezë të shqiptarëve shkon dhe bredh plazheve të Amerikës”, -tha Noka.

Duke shprehur mirënjohjen për qytetarët e Kukësit që edhe në zgjedhjet vendore votuan për Partinë Demokratike dhe nuk u dorëzuan as pas presionit, as pas dhunës, as nuk u joshën nga ofertat për shitblerje votash, theksoi se nga Kukësi do të nis revolucioni demokratik për largimin e kësaj qeveria dhe hapjen e një rruge të shpresës për shqiptarët.

“Në 2013 socialistët fituan në Shqipëri dhe ngjyra blu ngeli në Kukës. Për këtë Kukësi dhe demokratët e Kukësit meritojnë mirënjohje. Unë shpresoj vërtetë që nga Kukësi ne do të nisim revolucionin demokratik, që ne këtë herë duhet patjetër këtë revoltë popullore në mënyrë demokratike për ta përmbysur këtë qeveri, e cila nuk është popullore dhe po ecën në një drejtim të gabuar me praktikën e saj antipopullore”,- tha Ristani.

Njoftim për shtyp i Partisë Demokratike, 6 Janar 2016

Nderkohë që Shqipëria po përmbytet nga reshjet, Edi Rama po ngrohet në plazhet ultra-luksoze të Majamit.

Pasi mbylli një vit dështimi, ku papunësia u rrit, kriza ekonomike u thellua, varfëria u shtua, rendi dhe siguria u përkeqësuan nga keqqeverisja e tij, Edi Ramës as nuk i bëhet vonë.

Ai vazhdon të rendë pas pasioneve të tij të cilat po i paguajnë qytetarët shqiptarë.

Pas ekspozitave të pikturës nga njëri kontinent në tjetrin, Edi Rama ka nisur të frekuentojë ndeshje basketbolli në kampionatin më të shtrenjtë të botës, të NBA në SHBA.

Mediat raportuan pak ditë më parë për pushimet e Edi Ramës në Majemi, ku ai u justifikua se kishte një gëzim familjar. Sot shqiptarët e morën vesh se gëzimi i kryeministrit ishte një ndeshje basketbolli në Majemi, në rreshtin e parë ku biletat kushtojnë miliona lekë.

12 persona kane humbur jetën në vetëm 4 ditët e para të këtij vitit ndërsa kryeministri vazhdon të shijojë pushimet e tij luksoze në Majami.

100 mijë shqiptarë enden nëpër kampet e azilkërkuesve nëpër Europë sepse ju është hequr çdo mundësi të mbajnë familjet e tyre, ndërsa  kryepërgjegjësi për këtë gjendje shijon ndeshjet e NBA.

Qindra familje shqiptare janë pa energji dhe nëpër burgje se nuk paguajnë dot çmimin e rritur të energjisë, ndërsa Edi Rama e ka mendjen vetëm tek qejfi dhe rehatija e tij.

25 mijë familje vetëm në 3 muaj janë hequr nga skema e ndihmës ekonomike,  e vetmja mundësi për të mbajtur familjet më bukë porEdi Rama harxhon miliona lekë për të parë një ndeshje basketbolli.

Ky është Edi Rama, kryeministri më i pacipë që ka pasur ndonjëherë ky vend.

Ky është shteti i Edi Ramës, një popull në mjerim dhe një kryeministër që jeton si sheik.

Deklarata për mediat e sekretarit të Përgjithshëm të PD, Arben Ristani, 6 Janar 2016

Në mbledhjen e dytë të komisionit të ekspertëve u diskutua thelbi i reformës në drejtësi. U diskutua për  çështjet që ka ngritur Komisioni i Venecias. Ajo ç’ka konstatuam, vullneti me të cilin shkuam, ishte që ti bindemi fjalës, germës, pasazheve, opinionit dhe vullnetit të Komisionit të Venecias.

Konstatuam që për një nga çështjet më thelbësore që Komisioni i Venecias ka thënë dhe që është pikërisht depolitizimi i sistemit, moskapja e sistemit e që përkthehet në draftin e atakuar nga Komisioni i Venecias tek përdorimi i shumicës së tre të pestave, pati një mosreflektim  total, kryeneçës, këmbëngulës, nga ana e atyre të cilët e draftuan draftin e parë të amendamenteve kushtetuese e që u atakua nga Komisioni i Venecias.

Ne shkuam me vullnetin qe të japim zgjidhje teknike dhe jo vetëm kaq, por nga ana jonë u ofrua zgjidhja që për çeshtje të tilla, çështje që kanë sensibilitet politik të orientuar drejt frymës së Komisionit të Venecias për moskapjen e sistemit të drejtësisë përmes shumicave që kjo mazhorancë i ka, shumicës prej 3/5, të jetë një zgjidhje e cila ti kalojë atyre, të cilët kanë vullnetin dhe autoritetin për ta zgjidhur, krerëve të mazhorancës.

Ftesa që unë kam bërë në komision ka qenë pikërisht kjo. Këto çështje të kalojnë për të gjetur një kompromis politik midis atyre që përfaqësojnë dhe flukset politike në Parlament. Thirrja e ekspertëve të PD ka qenë që krerët politike të mazhorancës Rama dhe Meta të jenë ata të cilët ti ofrohen dhe të përqafojnë zgjidhjen që i kanë dhënë opinioni i Venecias.

3/5 është një shumicë e cila kap sistemin e drejtësisë, e kap sot,  e kap edhe më vonë dhe që është një zgjidhje e cila është e atakuar fuqimisht nga Komisioni i Venecias, e cila ka thënë shprehimisht; aplikimi i një shumice prej 3/5 në kushtet aktuale kur kjo shumicë është sot e kontrolluar nga mazhoranca çimenton kapjen politike.

Kështu që në këto kushte, megjithë vullnetin tonë të mirë për të ofruar bashkëpunimin teknik për të gjetur zgjidhje teknike, kam dhënë si zgjidhje në tryezën e ekspertëve që çdo hap tjetër pa tejkaluar këtë lloj ngërci,  që mund të zgjidhet vetëm mbi bazën e kompromisit politik midis aktorësh politikë, drejtuesish kryesor, do të ishte thjesht dhe vetëm një kozmetikë.

Këmbëngulja që konstatova sot përgjatë gjithë debatit për të qëndruar fort, këtyre formulave që kapin politikisht  sistemin e drejtësisë  më ka dhënë të kuptoj sinjalin që nga mazhoranca nuk ka një dëshirë për të përqafuar dhe për të qenë konform atyre urdhërimeve, udhëzimeve, orientimeve, këshillave që Komisioni i Venecias ka dhënë.

Kjo ishte pra ajo çfarë ka ndodhur sot. Pa zgjidhur këtë çështje pjesëmarrja jonë do të ishte vetëm dhe thjesht kozmetikë. Nuk jemi për kozmetikë në komisionin ekspertëve dhe jo vetëm kaq, ne kemi treguar gjatë gjithë kohës që jemi të hapur të ofrojmë kontributin tonë më të lartë në këtë komision.

Prononcimi për mediat e anëtarit të komisionit të ekspertëve për Reformën në Drejtësi, Enkelejd Alibeaj, 5 Janar 2015

Sajmir Tahiri që duhet të ishte prapa hekurave si koordinatori dhe protektori i trafikut te lëndeve narkotike, u kujton burgun shqiptarëve, të pamundurve atyre që s’kanë 2 mijë leke të paguajne dritat.

Ministri i krimit të organizuar, makina personale e të cilit përdoret për trafik droge nga kushërinjtë e tij Habilaj, njeriu që vendosi rekordin historik të hashashizimit të Shqipërisë, kërcënon, transferon apo ndëshkon punonjësit e policisë kur nuk mbyllin sytë para trafikantëve të preferuar të ministrit.

Ministri që ka rrëfyer para kamerave se ka shkelur nenin 352 të Kodit Penal, duke ndaluar zbatimin e një vendimi gjykate, nen i cili parashikon dënim me burg deri në 7 vjet, njeriu i cili ka rrëfyer para shqiptarëve se ka shitur makinën e tij luksoze pa kupon, pa paguar TVSH, pa paguar asnjë taksë, njeriu që fton në zyrën e tij vrasës me pagesë si Durim Bami, u kujtoi burgun tregtarëve dhe fermerëve për një kupon tatimor për një kg qepë apo kripë.

Ministri që la në mëshirë të fatit banorët e Fierit, Vlorës, Elbasanit, Korçës etj kur iu përmbytën shtëpitë e tyre flet sot për masa të marra kundër permbytjeve.

Ministri i Brendshëm që fshehu urdhër ekstadimin e Mark Frrokut, ndihmoi në arratisjen e të akuzuarit për vrasjen e kryekomisar Dritan Lamaj,  Arben Frrokut, njeriu që u mundua të mbajë  të fshehur dhe të manipulojë provat për deputetin Armando Prenga dhe që organizoi zjarrvënien në laboratorin e policisë shkencore, njeriu i skeduar nga shërbimet si njeriu që komunikon rregullisht me krerët e bandave të narkotrafikut, flet për barazi para ligjit dhe u kujton burgun qytetarëve që rregullojnë çatitë e shtëpive në prag të dimrit.

Njeriu që urdhëroi përfshirjen e policisë në dhunimin e zgjedhjeve dhe votës së lirë, ministri i krimit dhe korrupsionit, njolla e turpit e Shqipërisë duhet të largohet njëherë e mirë, një orë e më parë si parakusht për stabilizimin e rendit dhe sigurisë dhe  duhet të vihet para drejtësisë.

Deklarata për mediat e anëtares së Këshillit Kombëtar të PD, Ina Zhupa, 5 Janar 2015