Blog

Në dy javët e fundit, skema e Edi Ramës e ndarjes së parave me miqtë dhe donatorët e tij ka qënë në funksion me kapacitet të plotë.

Siç tregon buletini i prokurimeve;

Ilir Beqa me firmën e tij Intech plus, ka marrë tendera të tjerë, me vlerë 1 miliardë e 640 milionë lekë.

Në një prej tenderave në Ministrinë e jashtme, me 320 milionë lekë, kompania e Beqës ka qënë ofertues i vetëm dhe ka marrë qindarkë me qindarkë gjithë fondin limit të vënë në dispozicion.

Vazhdon Vilma Nushi me firmën e saj Trimed, duke marrë këto dy javë 710 milionë lekë nga Beqa dhe nga spitalet e vendit. Kryesisht, para të marrë me negociim, pa shpallje. Godet sërish Sadri Abazi, me firmën që me letra e ka nipi i tij, duke future në dorë 1 miliardë e 830 milionë lekë në tendera të ndryshëm nga rrugët tek KESH-i.

Omega Farma, pronari i së cilës është në arrest dhe nën hetim për korrupsion, vazhdon të marrë para nga Ilir Beqa.

Ministri i Ramës kërkon të blejë heshtjen e shefit të Omega Farmës, pasi njihet përfshirja e tij në skemën e recetave fiktive. 1 miliardë e 279 milionë lekë për Nadirin e Beqës.

Ndërtuesi i Ramës, Papuli ka marrë edhe ai një pako këto dy javë, me shërbim e shitje makine, 80 milionë lekë.

Shihni pra të nderuar qytetarë se çfarë bëhet me paratë tuaja.

Ato janë që në fillim të destinuara të ndahen mes Ramës e miqve të tij, mes beqës e klientëve të tij.

Ky shtet i korruptuar duhet ndalur.Ky është viti i fundit i kësaj hajdutërie që po pasuron Ramën e 40 hajdutët e tij, e po varfëron deri në frymën e fundit popullin.

Koha është tani. Korrupsionin do ta ndalim ne të bashkuar, në rrugë në sheshe, derisa ta dëbojmë klikën që vjedh e zhvat paratë e pasuritë e shqiptarëve.

Deklarata për mediat e anëtares së Këshillit Kombëtar, Ina Zhupa, 22 Dhjetor 2015

Dua ta nis me një falënderim për Forumin Rinor të Partisë Demokratike që na ka bërë krenar në ditët tona të vështira e në ditët tona të mira.

Për kryetarin Belind Këlliçi dhe ekipin e tij e gjithë bashkëpunëtorët që kanë mbledhur sot para parlamentit në këtë ditë të fundit të seancës parlamentare për vitin 2015, të rinjtë, shpresën, energjinë, forcën, dhuratën e Zotit për prindërit, familjet, kombin shqiptar dhe për Partinë Demokratike të Shqipërisë.

Të dashur të rinj,

Sot para parlamentit iu thatë shqiptarëve me zë të lartë arsyet se pse qeveria e Edi Ramës është “de facto” qeveria e rrëzuar, qeveria e sprapsur, qeveria e ndalur.

Ju folët çiltër, ju folët hapur siç di të flasë rinia, të pakompleksuar e të pashtresëzuar, treguat hallet dhe problemet e familjeve tuaja, të fqinjëve, të afërmve, të miqve tuaj.

Ekonomia, mbi të gjitha, e cila tregon qartë se Edi Rama ia ka dalë me sukses të plotë ta shndërrojë qeverinë  në bandën e hajdutëve më të mëdhenj në këto 25 vite.

Paratë që iu mungojnë sot familjeve që duhet të përfitonin ndihmë ekonomike dhe nuk e përfitojnë janë aty në xhepat, në pasuritë, në makinat e luksit, në vilat, në pushimet e Edi Ramës me 40 hajdutë.

Paratë me të cilat duhet të ndërtoheshin rrugët, spitalet, shkollat, çerdhet janë aty në kontot bankare brenda dhe jashtë Shqipërisë të zhdukura, të vjedhura, të rrëmbyera nga xhepat e të pamundurve nga Edi Rama me 40 hajdutë.

Paratë e doganave shqiptare, e në veçanti akciza e rritur që e ka bërë edhe blerjen e një pakete duhan një makth më vete për mijëra e mijëra duhanpirës apo futjen e karburantit në makinat e shqiptarëve fatkeqësinë më të madhe të ditës sepse paguajnë çmimin më të lartë në Europë. Paratë e tyre nuk përfundojnë në buxhetin e shtetit, janë aty në xhepat, në kontot, në vilat, në pallatet e pishinat e sarajet e oligarkisë dhe bandës së Edi Ramës me 40 hajdutë.

Ju keni ngritur zërin dhe do ta ngrini zërin për padrejtësitë e mëdha që kjo qeveri i ka bërë rinisë, ligjin klientelist për arsimin e lartë. Keni pyetur se ku është përkrahja e Partisë Demokratike? Iu kam thënë dhe e përsëris: Partia Demokratike ka qenë dhe është kundër ligjit korruptiv, ligjit që mohon të drejtën e arsimit për më të pamundurit. Dhe sot dua para të rinjve demokrat t’u jap fjalën të gjithë të rinjve të Shqipërisë se ligji për arsimin e lartë do të shfuqizohet javën e parë të ardhjes tonë në pushtet e do të zëvendësohet me një ligj të ri që do të rrisë mundësitë dhe aksesin, do të bëjë të pamundur që fëmijët e të pamundurve të mos futen në shkollën e lartë. Rinia shqiptare meriton të arsimohet. Dhe me Partinë Demokratike do të arsimohet pa asnjë diskriminim dhe pa tarifa të larta.

Të gjitha këto çështje ju i përmendët fare mirë në këtë takim, por sot ju nxorët në pah një të vërtetë të madhe, që çdo shqiptar e ka dëgjuar dhe duhet ta ketë vath në vesh.

Vëllezër e motra, të rinj e të reja asgjë nuk ndodh rastësisht. Në besoni në fat apo besoni në Zot, kjo pak rëndësi ka. Unë për vete besoj në Zot dhe besoj se vullneti i Zotit gjithmonë bëhet dhe besoj se Zoti ka gjithmonë një vullnet të drejtë për njerëzit, për familjet, për shoqëritë, për kombet.

Por vullneti i Zotit është një sprovë, një sprovë e madhe të cilët duhet ta kalojmw jo një herë por dhjetëra e qindra herë si individ, si familje, si shoqëri, si komb.

E pra, sot përtej korrupsionit, vjedhjes, hajdutërisë, përtej inkriminimit të qeverisjes dhe ndërtimit të modelit të krimit në vend të modelit të meritës ju jeni ngritur mbi të gjitha për sprovën e madhe para të cilës fati dhe Zoti po e vendosin përsëri Shqipërinë.

25 vite më parë ne përmbysëm një regjim, regjim jo qeverisje, që e konsideronte Shqipërinë mallin e saj, pronën e saj dhe shqiptarët skllevër.

Sot pas 25 vitesh me sjelljet e tyre, me vjedhjet, me inkriminimin, por mbi të gjitha me poshtërimin dhe arrogancën me të cilën këta dalin mbi ligjin e sipër ligjit kanë ndërtuar një aparteid të dytë. Një regjim të dytë kriminal i cili ligjin di ta zbatojë vetëm për të pamundurit, vetëm për berberin, vetëm për fermerin, vetëm për atë që nuk ka ku të shtyhet më. Por ligji nuk zbatohet për milionerin, nuk zbatohet dot për ministrat e korruptuar, nuk zbatohet dot për Saimir Tahirin që kapet në flagrancë duke iu dhënë makinën trafikantëve kushërinj. Nuk zbatohet ligji për Edi Ramën që për një kile qep kontrabandë të rras në burg, por pwr vetë fut e nxjerr pikturat e tij kontrabandë sa herë që del e shëtit si turist ndërkohë që popullin e ka katandisur refugjat.

Ligji nuk zbatohet për megavjedhjen e shekullit, vjedhjen e 600 milionë eurove nga xhepat tuaj, paratë të cilat do të kishin mjaftuar për të paguar dyfish pensionet këtë vit, para që do të kishin mjaftuar për të përfunduar të gjitha investimet publike të bëra gati dhe të nisura nga qeverisja e mëparshme.

Ky aparteid, kjo padrejtësi, ky standard i dyfishtë nuk durohet e nuk pranohet nga rinia shqiptare dhe ky është mesazhi i protestës së sotme.

E si mund të pranohet një qeveri e cila jo vetëm vjedh, e cila jo vetëm inkriminon vendimmarrjen por refuzon të japë llogari para ligjit. Kjo nuk është më qeveri, kjo është bandë, ky është regjim dhe regjim aparteidi ku edhe një herë si para 25 vitesh një grusht njerëzish e shohin shtetin si mallin e babës, taksat tuaja i shohin si mallin e babës, pronat e Shqipërisë i shohin si mallin e babës dhe shqiptarët i shohin përsëri si skllevër.

E pra, zonja dhe zotërinj edhe ky është një test, edhe kjo është një provë, është një sprovë e madhe për shqiptarët. Pas 25 vitesh fati apo Zoti po i teston prapë zogjtë e shqipes. A i ka harruar vallë poshtërimet, vjedhjet, persekutimet, dëbimet, kërcënimet, ekzekutimet e 45 viteve më parë? Apo mos ndoshta këta zogj të shqipes janë mësuar dhe kanë harruar, janë mësuar prapë të ulin kokën para kërbaçit, para politikës së lakut në fyt, para padrejtësisë, e ta pranojnë me zë të mekur, e ta pranojnë kokwulur këtë aparteid të ri, këtë shtet të së padrejtës që ka ndërtuar Edi Rama me 40 hajdutët?

Kjo është mrekullia e ditës së sotme, sepse rinia ka thënë një zëri JO! Zogjtë e shqipes nuk e pranojnë! Nuk e pranojnë! Nuk e pranojmë!

Dita ka ardhur përsëri si një premtim ndaj genit të lirisë që është në zemrën e çdo shqiptari, çdo shqiptareje, si një bekim i Zotit rinia demokrate dhe rinia shqiptare janë ngritur dhe kanë lidhur besën, kanë dhënë fjalën e tyre: Rama Ik! Meta ik!

Kjo sprovë do të kalohet me sukses, Shqipëria nuk do të bjerë për herë të dytë, nuk do të bjerë e të rrëzohet në gjunjë para bijve tw persekutorëve, hajdutëve dhe vrasësve të të ardhmes së kombit shqiptar. 25 vite më parë ata i çuan në arkivin e historisë, sot pas 25 vitesh do të çojnë në koshin e plehrave pasardhësit e tyre politikw.    

Por jo thjesht dhe vetëm largimi i Edi Ramës dhe Ilir Metës, por hapja e një kapitulli të ri, të ri si vetë rinia demokrate, si vetë rinia shqiptare. Një kapitulli ku i zoti, i miri, i vlefshmi të promovohet dhe jo krimineli, hajduti dhe hileqari. Një kapitull të ri ku korrupsioni dhe të korruptuarit të dënohen në formën më të ashpër, pa asnjë mëdyshje, pa dallime politike, e pa dallime të tjera.

Le t’i japim sot një premtim shqiptarëve, një premtim të firmosur nga çiltërsia dhe vendosmëria e pjesës më të çiltër të kombit, të rinisë shqiptare se me Partinë Demokratike nesër lufta kundër korrupsionit dhe ndëshkimi i korrupsionit do të jenë prioriteti ynë numër një.

Pastrimi i politikës nga të inkriminuarit ka nisur, këtë betejë e fituam së bashku me rininë, e fituam së bashku me shqiptarët e ndershëm të djathtë, të majtë e tw  paparti.

Koha po vjen, koha ka ardhur që tani të ngrihemi si një trup i vetëm kundër korrupsionit, kundër të korruptuarve e të marrim në dorë të gjithë instrumentat e ligjit, kushtetutës dhe të një shoqërie të lirë që kurrë nuk do ta pranojë damkën e korrupsionit.

Ndaj ju ftoj dhe ju njoftoj se janari i vitit të ardhshëm do të jetë janari i nisjes së aksionit më masiv antikorrupsion, aksionit më masiv politik dhe qytetar në këto 25 vite.  Se me ligj dhe me frymën e ligjit, brenda institucioneve dhe jashtë institucioneve, me shpirtrat tanë të bashkuar, me duar, me këmbë, me thonj e me dhëmbë do t’i bëhemi barrierë korrupsionit dhe të korruptuarve, e do të vendosim së bashku një standard tjetër poshtë të cilit nuk mund të vendosë askush, socialistë apo demokratë, standardin e transparencës. Betimin e transparencës para shqiptarëve si parathënia e një epoke të re, të një demokracie të re ku zotër të vendit të mos jenë më një grusht politikanësh por shqiptarët të bashkuar pa dallim.

A jemi gati? A jeni gati rini? A jemi gati t’i bëhemi barrikadë e pakalueshme korrupsionit në zyrat e kryeministrit, ministrave, kudo ku gjendet ?

A jemi gati ta kthejmë në një ferr të vërtetë çdo minutë, çdo orë, çdo ditë të çdo të korruptuari në Republikën e Shqipërisë?

Atëherë ju ftoj që të gjithë bashkë të bëhemi pjesë e këtij aksioni të madh qytetar e politik. Korrupsioni nuk duhet vetëm të ndëshkohet nga ligji. Prej 1 janarit qytetarët shqiptarë do ta arrestojnë korrupsionin në rrugë, në sheshe e kudo.

Kjo ëndërr e madhe dhe e bukur, rinia shqiptare nuk meriton më pak. Ndaj dhe zotimi im personal është se kjo ëndërr e bukur që po vjen, rinia shqiptare do të ketë rrugët  e hapura, do të ketë dyert e hapura për të qenë vendimmarrësja e Shqipërisë europiane.

Ju falenderoj nga zemra vëllezër e motra, e përkulem me mirënjohje të veçantë ndaj të rinjve shqiptarë !

E ju them se beteja vazhdon dhe do të vazhdojw, se vullneti i Zotit për Shqipërinë është vullneti i Shqipërisë europiane, i Shqipërisë së dijes, i Shqipërisë së drejtësisë, i Shqipërisë së ligjit, i Shqipërisë pra të rinisë shqiptare!

Zoti e bekoftë rininë shqiptare!

Zoti e bekoftë Shqipërinë!

Fjalimi i kryetarit të Partisë Demokratike, Lulzim Basha, në protestën para Kuvendit, 21 Dhjetor 2015

I nderuar Kryetar,

të nderuar kolegë,

Traumatike dhe trishtuese është historia se si mazhoranca pretendon të mbyllë një vit kalendarik me një bilanc korruptiv tronditës. Vjedhjes me vulë dhe “recetë”shtetërore i thuren lavde në foltoret e qeverisë dhe Parlamentit. Buxheti i shtetit është “sterilizuar” në xhepat e qeveritarëve. Ndërsa prag Krishtlindjet e gjejnë Shqipërinë më të varfrën në Ballkan, vendin më të keq për të jetuar në rajon, e thënë kjo jo nga opozita, por nga Organizata e Kombeve të Bashkuara.

2015 regjistroi eksodin e varfërisë të mbi 100 mijë shqiptarëve. Shqipëria u regjistrua si vendi i dytë në Botë për numrin e azilkërkuesve pas Sirisë dhe askush nuk ka dhënë ende llogari për këtë masakrim shprese dhe besimi që iu mohon cdo ditë shqiptarëve të ndërtojnë jetën në vendin e tyre, në vendin tonë.

Politikat diktatoriale të injektuara me urrejtje dhe rracizëm nga Lart, kanë ngritur “geton e re”, të financuar për të qeverisur me paratë e krimit të organizuar.

Shqipëria është në “shok” qeverisës në të gjitha kuptimet… dhe shëndetësia është pasqyra e një Qeverie në krizë.

Trauma në sektorin e shendetësisë është përjetimi shokues për të madh e të vogël… Mjekësia shqiptare ka humbur reputacionin. Spitalet janë kthyer në pavione lufte… Detajet e këtij përshkrimi i gjeni në Spitalin Universitar të Traumës…, aty ku po projektohet, sic mendon cdokush, “dosja e re” e tenderave për të ashtuquajturin “Shërbimi Kombëtar i Urgjencës”.

Ministria e skandaleve do të ishte më e besueshme nëse do të ngrinte  “Urgjencën e tenderave në Shëndetësi”. Ndërsa qindra miliona euro shkojnë në xhepat e “konsumatorëve të qeverisë”, shqiptarët nuk marrin asnjë shërbim shëndetësor. Një skandal tjetër u publikua në një profil online dje. Askush nuk i përgjigjej telefonatave në numrin kryesor të urgjencës. Pasi ka vjelur para për urgjencën nga cdo donator i mundshëm e nga buxheti i shtetit, Ministri duke bërë ironi therëse, ju thotë shqiptarëve: dëgjo se ju e keni gabim, 127 nuk është numri që ju duhet të merrni, provoni një herë këtë numrin tjetër, por edhe ky numër është vetëm për Tiranën….E di c’keni ju?? …provoni një herë nga shtatori 2016 se mbase ju përgjigjet ndonjë në numrin127 … Pra, në vend që Ministri të shqetësohet e të hetojë për të vënë para përgjegjësisë ata që nuk përgjigjeshin në numrin kryesor të  urgjencës (127), ai i bën të qartë gjithkujt se urgjenca do te vazhdojë të mos përgjigjet nga numri kryesor. Pra, sic thotë vetë Ministri: mos guxo të sëmuresh…se numri i ugjencës nuk punon…dhe gjatë ëeekendit po shkove vetë në urgjencën e QSUT . .. edhe vdes. . . si rasti i zonjës që nuk mori shërbimin e duhur…sepse nuk kishte staf gjatë në fund jave…

Një jetë, apo edhe të tjera mund të kenë humbur e mund të mos jenë bërë publike…qytetarët shkojnë e vijnë…por Ministri stoik, qëndron atje ku është, pa asnjë vrarje ndërgjegje…ndërkohë që mund ti kishte bërë një nder të fundit vetes së tij, të kishte dhënë më kohë doreëheqjen…e të vetëdorëzhej para drejtësisë.

Të nderuar kolegë të maxhorancës,

Ju premtuat ndryshim, premtuat rilindje, premtuat shëndetësi falas, premtuat shërbim shëndetësor cilësor e për të gjithë, për të mundurit apo të pamundurit. Por, a kjo është shëndetësia falas që ju premtuat??? A ishte kjo shëndetësia falas me të cilën ju manipuluat edhe votuesit pse jo të PD, pasi kur vjen puna tek shëndetësia kurimi falas bëhet një joshje e parezistueshme sociale e jo më politike.

S’ka familje në Shqipëri, madje edhe midis nesh që ndodhemi në këtë sallë, që të mos jetë rropatur spitaleve, qëndrave shëndetësore e s’ka mundur të marrë shërbimin e mjekimin që i takon e kanë nevojë. Ka nga ata që në dëshpërim për të siguruar ilace edhe janë larguar nga kjo jetë pa munduar ta marrin atë, pikërisht prej babëzisë dhe makutërisë skandaloze Ministrit Beqaj.

Rama, dhe Beqa, në cdo dalje apo mbledhje për “pastrimin” e Shqipërisë, flasin për reforma. Reforma që ju qytetarë, nuk i po kuptoni vec kur ato bien mbi supet e rropatura nga hallet e shumta.

Do mundohem që përmbledhtas të përmend disa prej skandaleve më të mëdha në mbyllje të këtij viti të trishtueshëm në shëndetësi…ardhur prej të ashtuquajturave reforma në sektoritn më jetik, atë të shëndetësisë:

1- Po e nis me skandalin e ndërhyrjes së Ministrit në tenderin e barnave spitalore rreth një vit më parë:

A ishte kjo pjesë e reformës?? Futja e ilaçeve të falsifikuara në tregun shqiptar, e ka origjinën pikërisht në modifikimin ligjor që Ministri i Shëndetësisë i bëri tenderit, i nxitur nga interesat e lobeve të farmaceutikës, për të lejuar importin paralel të ilaceve. Kjo ndërhyrje e qeverisë, ka dëmtuar rëndë sigurinë e medikamenteve, dhe ka krijuar hapësira për biznes për klientelën pranë Edi Ramës, në kurriz të shëndetit të qytetarëve. Eshtë kriminale, lejimi i importimit të barnave pa certifikatë sigurie dhe pa informacion për vendin e origjinës.

Sipas një raporti te FDA (Food and Drug Administration), disa barna të importuara rezultojnë të fallsifikuara.

Ndaj, edhe shëndetësia e Edi Ramës ndodhet para një akuze të rëndë publike, Z. Ilir Pojako, ka denoncuar publikisht, se bashkëshortja e tij u nda nga jeta, sipas dyshimeve tashmë të përsëritura se trajtohej me një ilac jashtë standarteve, i falsifikuar.

Ministria e Shëndetësise dhe Qëndra Kombëtare e Kontrollit të Barnave asnjëherë nuk i janë përgjigjur pyetjeve të bëra në konf për shtyp dhe në seancën plenare. Sot po i përsëris me shpresën që do dëgjohen:

–       -Në cilat kushte është kryer transporti i Altuzanit, Herceptines, Mabteres, Velcades?

–       -Kujt i janë dorëzuar rekordet e temperaturave?

–       -Kush mban pergjegjesi për cilësinë?

–       Edhe sa viktima të tjera duhet të shënohen që Rama të reagojë.

I kemi kërkuar prokurorisë në mënyrë të vazhdueshme që të nisi një hetim të plotë e të thellë. Përgjegjësit duhet të dalin para ligjit.

Po ku kanë shkuar pra dhjetëra milionë euro të dhëna nga Beqa për tenderat e barnave apo pajisjeve, kur spitalet dhe qendrat shëndetësore janë në kaos administrimi dhe pa buxhet për të blerë ilace dhe materiale mjekësore. Mungesat janë të shumta si në spitale ashtu edhe në treg falë politikave favorizuese e klienteliste të qeverisë:

Mungesa në treg: serum antitetanik, fludarabine, sintrom, plavix, finasterid, tamsulosine, zefix, haldol, fluvastatine, buto asma etj etj

Mungesa në spitale: ‎Endoxan. 5-Fu, Taxoter, Cisplatine, CCNU – onkologjikë.

Urografine, Magnevist, Gastrografi, Optiray që janë për skaner, rezonancë, cistoskopi.

‎Janë barna që përdoren për leucemi (fludarabina), astma, sëmundje zemre, mëlcie, kunder tetanozit.

2- Skandali me recetat dhe faturat fictive

Një raport i Njësisë së Kontrollit të Brendshëm dhe Antikorrupsionit në Kryeministri, evidentoi një rrjet të mirëorganizuar i cili drejtonte që prej fundit të vitit 2013 vjedhjen më të madhe ndonjëherë në Fondin e Sigurimit te Detyrueshem të Kujdesit Shëndetësor. sistemi i ngritur, shumë i sofistikuar, që përfshinte mjekë,  farmacitë e klientëve qeveritarë, specialistë dhe zyrtarë, për të mbërritur për firmë te drejtuesit kryesorë në Fond si dhe te vet Ministri i Shëndetësisë, Kryetar i Këshillit Administrativ.

1.5 mld lekë (evidenton raporti), të vjedhura që duhet të shkonin kryesisht për njerëzit në nevojë, pensionistët dhe të sëmurët kronikë, me të ardhura të pamjaftueshme. Raporti u mbajt i fshehur nga Kryeministri dhe Ministri, drejtori i Fondit dhe autoritete të tjera shëndetësore. Dhe u bë publik vetëm nga opozita. Po sipas raportit, mendohet që dëmi i vërtetë është shumë herë më i madh.

Receta fallco, vula fallco, libreza shëndetësore fallco, dokumenta dhe kontrata të fallsifikuara. Mjekët të trembur se janë gjendur pa dijeninë e tyre në një megaskandal. Receta të mjekëve të dalë në pension. . . ilace të rimbursueshme nëpër disa farmaci të tyre, nderkohë që duhet të ishin rimbursuar vetëm në farmacinë e QSUT, receta me protokolle të thyera: receta ku pacienti duhet të merrte një kokërr në muaj, por që përshkrimi në recetë shkruante një kokërr në dite. Etj etj

I vënë para përgjegjësitë nga opozita Ministri Beqaj gënjeu në Parlament për dorëzimin në Prokurori të akt –kontrollit të Njësisë së Kontrollit të Brendshëm në Kryeministri. Në prokurori nuk është dorëzuar, AUDITI i Kryeministrisë, që është dhe pikënisja e skandalit dhe që ka zbuluar shkelje të rënda edhe implikime të zyrtarëve të lartë në Fond.

Sipas korrespondecës zyrtare me prokurorinë, është kjo e fundit e cila evidenton faktin që pas denoncimit që ne i kemi bërë këtij skandali, ajo vetë ka kërkuar tërheqjen e auditit të plotë.

Por a zbulon raporti të gjithë skemën? sigurisht që jo!!

Sipas Informacioneve tona, gjatë 2014:

– për farmacitë e ish nëndrejtorit të dorëhequr rimbursimi është 1,411,003,990 lekë;

 – për farmacitë e mikut dhe sponsorit të Ministrit është 1,824,571,620 lekë

 – për të gjitha farmacitë e kontrolluara nga Njësia e Kontrollit të Brendshëm dhe Antikorrupsion në Kryeministri është 888,524,430

Është e qartë, 7 farmaci të pasqyruara në raport zënë një vend fare të vogël në skemën e rimbursimit fiktiv në Fondi e Sigurimeve të Detyrueshme. Vihet re qe raporti i urdhëruar ka lënë pa përmendur pikërisht ata që kanë marrë pjesën më të madhe në këtë skandal…i cili mund të ishte zbuluar që në momentin e parë

Formalisht ishte e pamundur në kushte normale pune të ndodhte një dukuri e tillë, sepse sistemi që ngritëm dhe ju lamë është aq i sofistikuar dhe i sistemuar që nuk e lejon një gjë të tillë. Ky sistem monitorimi dhe kontrolli ka disa hallka funksionimi të cilat në rastin më të parë që ka luhatjen më të vogël në rimbursim të farmacive apo të mjekëve sinjalizon me njollë të kuqe disa sektorë.

Pra drejtuesit më të lartë të Fondit dhe Ministri, kanë qenë në dijeni të plotë të kësaj skeme mashtrimi dhe abuzimi dhe nuk kanë vepruar me dashje.

Por cfarë masash janë marrë nga Qeveria për këtë megakorrupsion??

Që prej 7 muajsh asnjë hap i bërë, asnjë masë qoftë edhe administrative e ndërmarrë. Cdo gjë ka përfunduar me dorëheqjen e ish Drejtorit të Fondit dhe ish n.drejtorit i cili përmendet qartësisht si në raportin auditit të Kryeministrisë ashtu edhe të KLSH për konflikt të pastër interesi në vendimet e tij. Të tjerët vijojnë të qetë në postet dhe detyrat e mëparshme.

Pse ende sot nuk ka asnjë masë administrative për miliona euro rimbursim recetash fictive??? Pse janë fshehur 3 faqet e fundit të raportit të auditit?? Kush qëndron pas kësaj?? Sa ka qenë gjoba për secilin prej emrave të përmendur në listë??

Ndërkohë, para 2-3 ditësh prokuroria ka dërguar cështjen në gjykatë për një dëm rreth 56 mln lekësh. Po këto para ku janë?? Pse s’ka gjurmë të tyre?? Po ata që firmosën dhe vendosën psë nuk figurojnë në asnjë hetim, procedim??? Asnjë procedim edhe të atyre që janë në emra të përvetshëm në faqet e fundit të raportin e auditit të Kryeministrit në të cilat rekomandohen masa konkretë për emra konkretë?? kush i mbulon? Kush i mbron?? Pse ndëshkohet specialisti, apo farmacisti e asgjë nuk i ndodh vendimmarrësve??

E si qershia mbi tortë, vjen emërimi i drejtorit në drejtorinë e rimbursimit të barnave, ish drejtori i Qendres së Kontrollit të Barnave dhe Pajisjeve Mjekësore, i akuzuar për abuzime pa fund në detyrën e mëparshme, për të cilat është hapur edhe një cështje penale që përfundoi kushedi se si e se ku me ndërhyrje nga lart, e që aktualisht është nën hetim nga KLSH për dy cështje. Njëra prej tyre ka të bëjë më abuzimin me cmimin e ilacit Risperidon me pika (është blerë 4000 lekë flakoni dhe është shitur 30 mijë lekë flakoni) që ka rezultuar edhe i fallsifikuar. Dëmi i shikaktuar është i gjithi ndaj shtetit pasi ilaci është rimbursuar.

3- Skandalet korruptive në shendetësi, në sektorin më jetik në vend po thellohen.

Kompani nën hetim me pronarë të arrestuar për skandalin e faturave fiktive fitojnë edhe sot tendera me firmën e Ilir Beqajt duke i çuar mesazhin pronarit që ai do ta mbrojë deri në fund, në këmbim të heshtjes së tij.

Tendera që ndjekin dhjetra të tjerë të marra këto dy vite me firmën e Beqës.

Abuzim me faturat fictive merr ndërkohë shifra të frikshme.

4- Ministri Beqaj është në hall të madh pasi ka qenë në dijeni që ditën e parë për të gjithë skandalin e insulinave, ketosterilit dhe ilaçeve të tjera të shtrenjta.

–       Prokuroria deri tani ka vlerësuar që dëmi i shkaktuar nga rimbursimi nga ana e Fondit vetëm për një ilaç: Ketosterili, shkon mbi 2,2 mln euro.

–       Për 7 lloje insulinash, sasia e faturave fiktive për këto Insulina është 152,415 pena me vlerë rimbursimi 1,260,587,030 lekë. Për këto Insulina, depot importuese kanë deklaruar se i kanë bërë dalje depove shpërndarëse dhe farmacive 67,140 pena, kurse depot shperndarëse kanë bërë dalje 219,555 pena, pra shkurt 70% fiktivitet.

Kjo vjedhje është lehtësisht e verifikueshme sepse Fondi ka informacionin që dërgojnë çdo muaj depot importuese dhe mjafton ta krahasosh atë me konsumin mujor, del diferenca dhe merren masat e menjëhershme për stopuar vjedhjen.

–       Abuzimi me rimbursimin e barnave e tjera të shtrenjta nga ana e Fondit shkon në shuma marramendëse. Përveç faktit që ligji është shkelur me të dyja këmbët, vlera e abuzimit për vetëm 4 barna abuzimi nga ana e Fondit, me dijeninë e titullarëve, është mbi 9 milionë dollarë.

Kush mban përgjegjësi për këto abuzime me shifra marramendëse? Ministri apo drejtuesit e Fondit??

PD i ka bërë thirrje prokurorisë që të thellojë hetimet për këtë megaskandal pasi pazari në kurriz të shëndetit të qytetarëve është krim mbi krimet që duhet ndëshkur me forcën e ligjit.

E nuk mbaron këtu, por me urdhër të Ramës, e tërë Qeveria në këmbë, e gatshme të bëjë gjithshka që të mbrojë Beqen. Rradha është e Ministrit të Financave, e cili në 17 nëntor i dergon një letër falendërimi pikërisht kompanisë më informale në Shqipëri.  Cfarë thotë Ministri Cani:

“Ju shpreh mirënjohjen për promovimin e modelit të ndershëm dhe te rregullt të sipërmarrjes në Shqipëri.

Më tej Ministri Cani vijon:

“Dëshiroj t’ju falenderoj për kontributi që JU keni dhënë”

“Un jam besimplotë që vetëm duke luftuar informaliteti pa kompromis ne do të nxisim më shumë zhvillimin ekonomik…”

Pra, Ministri i Financave, i dërgon fletë lavdërimi për luftën kundër informalitetit, kompanisë më informale, pronari i të cilës ndodhet pas hekurave të burgut dhe është ne hetim për informalitet dhe abuzime. Ky është modeli që Rilinda po promovon!!

• Pra, për cilat reforma në shëndetësi flasin Rama dhe Beqaj?? Apo për dhënien me koncesion të të gjithë hallkave të shëndetësisë?? Dalëngadalë po mbeten vetëm mjekët dhe infermierët pa u dhënë me koncesion.

5- 120 mln euro i dha Rama mikeshës së tij për check up falas sigurisht transit për në xhepat e tij.

Tenderin e fitoi konsorciumi:

–       pa asnjë experiencë pune në sektorin e shëndetësisë;

–       në konflikt interesi pasi janë të orientuar në reklamën dhe shitjen e pijeve alkoolike dhe duhanit që dëmtojnë shëndetin e njeriut

–       që kishte dhënë ofertën më të lartë;

–       Ndërkohë që, Licenca e laboratorit është lëshuar nga QKL për kompaninë fituese vetëm dy ditë përpara mbylljes së afatit të aplikimit në APP .

Sigurisht, kriter në fitimin e tenderit ka qenë edhe specifikimet teknike per Sistemin e Informacionit që do të përdorej të cojnë në “detyrim përcaktim” në një sistem operator, Oracle për të cilën kompania e Ministrit (Intech +) ka kontratë me Oracle për Shqipërinë.

120 mln euro për një eksperiencë të padëgjuar më parë në asnjë vend të Evropës apo edhe në botë. Të gjitha eksperiencat ndërkombëtare të dështuara deri më sot. OBSH ka këshilluar vendet që mos të ndërmerren koncesione të tilla pa u ndërmarrë një sërë hapash apo masash paraprake. Danimarka, ka vendosur që ta aplikojë së fundmi, por në një project që paguhet nga një kopmani sigurimesh ( jo Qeveria), në një rajon të vogël më 10 mijë banorë e vetëm pas 4 vjetësh, pasi të shohë rezultatet do shikojë mundësinë për ta aplikuar më tej në gjithë Danimarkën.

Por, sic duket, Danimarka nuk po ecën në “drejtimin e duhur” me reformat në shëndetësi…e i duhet një Ministër si i joni që ta korrigjojë.

Por, s’mbaron më kaq, ky koncesion s’duhet konsideruar si i shkëputur nga gjithë skema rilindase e vjedhjes:

Check up parashikohet të rrisë së paku numrin e sëmundjeve dhe të të sëmurëve, do të rrisë kështu kërkesën për disa barna të caktuar për kompani farmaceutike të paracaktuara nga Qeveria. Pra, stategjia është e qartë….s’janë vetëm 120 mln EURO por qindra miliona të tjerë që do shkojnë në xhepat e klientelës qeverisëse.

Por çfarë po ndodh në realitet me koncesionin e check up??

Edhe pse paratë për të dytin vit, mikja e Ramës i ka marrë paradhënie; kontrollin e kanë bërë vetëm rreth 10 përqind e qytetarëve të parashikuar (popullsia nga 40 – 65 vjeç është rreth 1 mln banorë).

Kontrolli bëhet me infrastrukturën dhe pajisjet e qendrave shëndetësore, me stafin e qendrave shendetësore. Punën e bëjnë infermierët dhe stafi që paguhet nga shteti, nga taksat tona. Madje infermierët e qendrave shëndetësore punojnë mesatarisht 3 – 4 orë në ditë për llogari të oncesionarit. Pra punë e bërë nga stafi i QSH pa asnjë bonus.

Kompania fituese duhet të hapte 18 laboratore, deri më sot vetëm 3 janë hapur, ndërsa 15 të tjerëve u është blerë vetëm emri se analizat e tyre sillen në Tiranë.

E vetmja gjë që bën kompania është shërbimi taksi që merr kampionet me makinat që shpërndan duhanin, biznesin e saj primar.

Një kaos skandaloz që jo vetëm nuk po i shërben qytetarëve, por po bëhet një rrezik i madh për shëndetin e tyre.

PD i ka kërkuar Ramës që të tërhiqet nga ky koncesion skandaloz.

6- Po cfarë po ndodh më koncesionet e tjera që përbëjnë pazarin e rradhës.

Përtej procedurave korruptive në dhënien e koncesioneve dhe panevojshmërinë e monopolizimit të shërbimeve, vendosjen e cimit fiks për shërbimet për dhjetë vjet etj, dua të ndalem në skandalin e fundit të Beqes. Abuzim i pastër, plot 100 mln euro për koncesionin e sterilizimit të pajisjeve mjekësore, mikut të ngushtë të tij i cili ka vetëm një kompani në Kosovë të hapur në 2014, me kapital 1000 euro e që ka vetëm një punonjës.

Por nuk qëndron këtu problemi. Ju mund të thoni që s’ka asnjë problem se e merr një kompani fantazëm, e cila ka një kopmani tjetër italiane serioze e të mirënjohur. S’do ndalem as ne rishpërndarjen e dyshimtë të aksioneve të kompanisë së re të krijuar pas shpalljes së fituesit.

• Skandali i vërtetë në këtë koncesion është se paratë për ndërtimin dhe vënien në funksion të qendrës së sterilizimit në QSUT janë, ekzistojnë. Janë dy kredi të bankës së KËshillit të Europës. E para ratifikuar në 2005 e dyta më e fundit e miratuar në mars 2015.

–        Me ligjin nr. 9412, datë 20.5.2005 është ratifikuar marrëveshja e kredisë ndërmjet Këshillit të Ministrave të RSh dhe Bankës për Zhvillim të Këshillit të Evropës (CEB), për financimin e fazës së parë të Qendrës Spitalore Universitare “Nënë Tereza”, Tiranë”.

Shuma e kredisë së dhënë është:14,000,000 USD

Në fazën e parë të reformimit të QSUT-së, është ndërtuar një godinë e re spitalore, që përfshin Departamentin e Urgjencës Mjekësore (Traumatologji); Radiologjinë; Reanimacionin; laboratorët; Sterilizimin Qendror dhe Diagnostikën Funksionale, si dhe me ndërtimin e një godine tjetër për shërbimet elektro-mekanike.

–        Në Mars 2015, Kuvendi ratifikoi Marrëveshjen kuadër të financimit, ndërmjet Republikës së Shqipërisë dhe Bankës për Zhvillim të Këshillit të Evropës, për programin e reformimit të Qendrës Spitalore Universitare të Tiranës – faza II, nëpërmjet një huaje prej 15,930,000 eurosh dhe një granti prej 1,500,000 eurosh, e cila është miratuar, në parim me VKM nr.819, datë 26 nëntor 2014.

Sipas shtojcës nr. 1 të marrëveshjes Faza II ‎

Ndër objektivat e Asistencës teknike është:

(2) Të ndihmojë Spitalin për të vënë në përdorim repartin e centralizuar të sterilizimit që u ndërtua dhe u pajis gjatë Fazës së Parë (kati i poshtëm përdhes i “Spitalit të Ri”), duke përfshirë ri-trajnimin e personelit.

Ndër Produktet e pritshme të aktiviteteve të këtij financimi është edhe:

-(i) të vërë në përdorim repartin e centralizuar të sterilizimit që është ndërtuar dhe pajisur sipas Fazës i dhe të ketë personel të trajnuar funksional për përdorimin e repartit të sterilizimit

Pra, bazuar ne dokumentat shoqëruese të Marrëveshjes me CEB, financimi për trajnimin e stafit dhe vënien në funksionin të Qendrës së Sterilizimit në QSUT janë të programua – gjë që e bën të PAJUSTIFIKUESHME dhënien me koncesion këtë process, aq më tepër dhënien e 100 mln Eurove.

Ndaj ne mendojmë që kjo aferë duhet hetuar dhe jemi të gatshëm të vëmë në dispozicion të gjithë dokumentacionin përkatës.

Dhe në fund, kam një këshillë për ju z. Ministër:

Bëjini një dhuratë të Cmuar shqiptarëve për vitin e ri, Jepni dorëheqjen sa me parë!!!

Fjalimi në Kuvend i deputetes së Partisë Demokratike, Albana Vokshi, 21 Dhjetor 2015

Te nderuar kolege,

Marreveshja qe miratojme sot eshte e nje rendesie te vecante per zhvillimin e kryeqytetit pasi cliron në rreth 50 milion euro te dhena per ndertimin e bulevardit te ri te Tiranes si dhe rehabilitimin e lumit te Tiranes.

Riskedulimi i perdorimit te ketyre fondeve vjen pas nje bllokimi dy vjecar qe qeverisja aktuale i beri marreveshjeve te miratuara nga Kuvendi i Shqiperise ne Maj te vitit 2013. Ministria e Financave per dy vjet me rradhe neglizhoi me qellim dhenjen e auitorizimit per nepunesit e autorizuar te projekteve qe do te mundesonte disbursimin e kredise.

Paralelisht me Ministrine e Finacave, Prefektura Tirane per dy vjet me rradhe ne 2014 dhe 2015 bllokoi buxhetin e bashkise se Tiranes per te penguar shpronesimet e nevojshme per fillimin e punimeve ne te dy projektet.

Sot jemi ne kushtet kur marreveshja duhet te rimiratohet per ta vene ate ne afate te reja kohore. Shembulli i kesaj kredie eshte rasti me negativ se sin je force politike bllokon shjvillimin e Tiranes per interesa te ngushta elektorale.

Desheroj te sjell ne vemendje qe projekte te tilla per bashki te drejtuarta nga e majta ka pasur shume gjate periudhes qe qeverisja qendrore drejtohej nga e djathta por ne asnje rast nuk jane bllokuar. Shembnulli me i qarte per kete jane projektet e furnizimit me uje dhe kolektori i perpunimit te ujrave te zeza ne Korce dhe pogradec te cilet jo vetem nuk u penguin por u mbeshteten me prioritet per shkak te rendesise se madhe qe kishin per banoret e ketyre bashkive si dhe zhvillimin ekonomik te tyre.

Grupi parlamentar i Partise Demokratike ashtu si dhe ne komision do te votoje ne favor te miratimit te marreveshjes sepse ka te beje me interesat e qytetareve te Tiranes pavaresisht anesise te tyre politike.

Ky shembull mund ti vleje edhe maxhorances se majte e cila ne te ardhmen nuk duhet te sillet ne menyre primitive sikurse e soll me kete project te rendesishem per te fituar kapaital politik ne zgjedhjet e qershorit 2015.

Ata qe humben nga keto veprime absurde jane qytetaret te cilet keto dy vepra shume te rendesishme per zhvillimin afatgjate te qytetit do ti shfrytezojne te pakten me dy vjet vonese.

Sot jemi ne seancen e fundit te vitit 2015 dhe eshte rasti te hedhim nje veshtrim permbledhes per ate cfare i ofroi qytetareve qeveria gjate ketij viti ne lemin ekonomik.

Viti 2015 si edhe viti paraardhes u dallua per rritjen e konsiderueshme te barres fiskale. Ne kundershtim me sa kishte premtuar maxhoranca e majte vazhdoi rritjen e taksave gjate ketij viti me rreth160 milion $.

Taksat qe u rriten ishin ato mbi qarkullimin, akciza e duhanit, tatimi mbi qerate, tatimi mbi fitimin, tatimi mbi dividentin te cilet rriten edhe cmimet e te gjithe mallrave dhe sherbimeve qe lidhen me to.

Per rreth 1 vit rresht pasi erdhi ne pushtet degjuam maxhorancen te garantoje qe nuk do te kete rritje te cmimit te energjise elektrike dhe se opozita genjen kur deklaron te kunderten.

Ne te vertete viti 2015 shenoi rritjen e cmimit te energjise elektrike per qytetaret dhe bizneset  nga 7.7 leke/këh ne 9.5 leke/ këh. Rreth 350 mije familje te cilat konsumojne nene 300 këh ne muaj u preken nga kjo mase dhe faturat mujore te pageses u rriten ndjeshem. Rritja e cmimit te energjise elektrike ishte realizimi i premtimit te Rilindjes per te ulur TVSH e ketij produkti ne 6%.

Politika e rritjes se taksave dhe objektivi per te mbledhur me shume te ardhura ne buxhet rezultuan nje fiasco e vertete. Ne Korrik qeveria u detyrua te korregjoje buxhetin per shkak te mungeses se me shume se 20 miliard leke te ardhura. Situata nuk u permiresua as ne muajt ne vazhdim dhe sot qeveria ka nje deficit prej 30-35 miliard leke ne te ardhurat e buxhetit te shtetit.

Qeveria ka dhene nje mori arsyesh per mungesen e te ardhurave duke filluar nga cmimet ne tregjet nderkombetare te lendeve djegese, renjen e cmimeve te lendeve te para per eksport deri tek rritja e prodhimit te energjise elektrike ne vend. Te gjitha jane arsye per ti hedhur hi syve njerezve.

Dy jane arsyet e verteta te deshtimit ne mbledhjen e te ardhurave:

Se pari kontrabanda dhe korrupsioni sidomos me naften dhe cigaret. Nafta dhe cigarete i kane dhene 100-120 milion milion $ me pak buxhetit te shtetit. Keto para kane shkuar ne xhepat e klienteve te qeverise. Ilustrimi me i qarte i ketij pretendimi te opozites eshte arrestimi i Nendrejtores se Pergjitheshme te doganave dhe nje grupi doganieresh per aferen e naftes virgin

Se dyti deshtimi teresor i modelit te rritjes se taksave. Megjithese u rriten me 50% tatami mbi fitimin, dividentin, tatami mbi te ardhurat personale, dhe qerate e banesave te ardhurat jo veten nuk u rriten por pesuan ulje. Rritja e akcizes se karburatit dhe duhaneve ne vend qe te shtonte te ardhurat i pakesoi ato.

Renja e te ardhurave detyrimisht preku pjesen e shpenzimeve dhe sidomos investimet publike. Karakteristike e kesaj qeverie eshte renja per cdo vit e investimeve publike. Ne se ne vitin 2014 u investuan 66 miliard leke, ne vitin 2015 jane planifikuar 63 miliard leke por pritshmerite jane per rreth 10 miliard leke investime me pak se planifikimi.

Por e keqja nuk perfundon ketu. Problem me vete eshte menyra se si shpenzohen parate. Kjo qeveri shquhet per prirjet e saj ne kozmetike, ndertimin e shatervaneve, mbjelljen e palmave, rikonstruksionin e zyrave dhe ministrive, blerjen e makinave te shtrenjta per zyrtaret e larte.

Ne nje raport te sapopublijkuar te Bankes se Shqiperise vihet ne dukje qe gjate dy viteve te fundit 2014-2015 ka pasur nje rritje te ndjeshme te shpenzimeve te qeverise per argetim dhe renje te shpenzimeve per arsimin dhe shendetesine.

Perkeqesimi i ambientit te biznesit dhe rritja e taksave kane influencuar negativisht ne nivelin e investimeve private te huaja. Te dhenat e nentemujorit te vitit 2015 tregojne nje renje me rreth 5% te investimeve direkte te huaja krahasuar me te njejten periudhe te vitit te kaluar ose rreth 120 milion $ me pak. Ky fakt tregon me se miri qe Shqiperia ka humbur shume ne konkurueshmeri.

Pesimizen gjenerojne tye dhenat per kredine e biznesit e cila ka nje renje prej 3% ne periudhen dhjetemujore krahasuar me periudhen dhjetemujore te vitit 2014.

Ambienti ekonomik u perkeqesua me tej me nisjen e aksionit per te luftuar informalitetitn i cili u nis me shume buje por perfundoi i lodhur. Asnje lek nuk u shtua ne arken e shtetit perkundrazi te ardhurat rane. Per me teper rreth 70 mije biznese te vogla ulen qepenet per tu mbullur dhe cregjistruar perfundimisht per shkak te represionit tatimor.

E vetmja arritje ne kete histori jane rritja e numurit te kuponave tatimore te leshuar e cila i mundeson qeverise te jete me poture te mbushura por krenare.

Viti 2015 shenon vitin e dyte rradhezi qe punonjesit nuk kane rritje page, pensionistet kane vetem indeksim pensioni por jo rritje te tij dhe ndihma ekonomike mbete ne po ato nivele ten je viti me pare. Aq i zi duket viti 2015 ne keto aspekte sa qe Shqiperia u klasifikua si i vetmi vend ne Europe qe pati renje te pages reale dhe rritje te papunesise.

Kjo e fundit ne kundershim me propoganden q qeverise vazhdon te rritet nga viti ne vit. Ne ser ne vitin 2013 papunesia ishte 14% ne vitin 2014 ajo shkoi ne 17.3%. Qeveria u justifikua me ndryshimin e metodikes se llogaritjes, se gjoja jane future kritere te reja te cilat revolucionarizojne metodat e llogaritjes dhe japin shifra me te sakta. Pretendimi i fundit eshte me se i vertete. Instati sapo publikoi kete muaj se papunesia arriti ne 17.5% duke u rritur me 0.2% ne krahasim me nje vit me pare.

Shifrat e mesiperme tregojne qarte se sa bajate dhe e pavertete eshte propaganda zyrtare per hapjen e 120 mije vendeve te reja te punes.

Per te kuptuar se papunesia ben vecse perpjete mjaftojne shifrat e refugjateve ekonomike. Para 2-3 ditesh qeveria gjermane njoftoi se qe nga janari 2015 deri me sot ne Gjermani kane kerkuar azil 53 mije qytetare nga Shqiperia duke na renditur te dytet pas Sirianeve.

Akoma me keq duket gjendja pas fushatave sensibilizuese te ndermarra dhe qe shpjegonin se Gjermania nuk do ju akordoje azil qytetareve Shqiptare dhe Kosovare. Fluksi i azilanteve Kosovare pas ketij njoftimi ra ndjeshem kurse Shqiptaret vazhdojne te udhetojne drejt Gjermanise me te njejtin intesitet dhe deshire.

Arsyeja duhet kerkuar tek humbja e shpreses per te ardhmen ne vendin e tyre gje qe duhet ta beje qeverine te mendohet thelle dhe ti lere dokrrat se ata jane Shqiptare te Greqise dhe jo te Shqiperise.

Nuk ka sesi gjendja te permiresohet dhe optimizmi te sundoje kur fondet publike ne vend te perdoren per te mira te pergjitheshme abuzohen ne formen e tenderave dhe koncesioneve per nje rreth te ngushte qeveritar dhe kryeministror.

Viti qe po leme pas shenon record me qindra milione euro tendera dhe koncesione ne shendetesi te dhena ne meyre abuzive per te cilat se fundi prokuroria filloi hetimet. Por nuk munguan raste flagrante te prokurimeve te dhena deputeteve te maxhorances, te aferme te tyre dhe klienteve te tjere.

Para disa ditesh miratuat nje tjeter buxhet, ate per vitin 2016 i cili sikurse paraardhesit e tij ne 2014 dhe 2015 do te mbledhe me pak te ardhura, rrit taksat me 20 milion $, ul investimet publike, nuk rrit pagat dhe pensionet dhe rrit shpenzimet operative vecanerisht ato te Kryemi istrise.

Nevoja e permbysjes se kesaj gjendje eshte iminente por mundesia qe kete ta beje ekipi i sotem qeveritar eshte sikur te kerkosh uje ne shkretetire. Prandaj rruga e vetme per te dale nga ky kaos mjaft i kushtueshem per qytetaret dhe vendin eshte te dorehiqet qeveria, te krijohet nje qeveri teknike dhe te shkohet ne zgjedhje te parakoheshme qe vendit ti ofrohet nje mundesi e re zhvillimi.

Fjalimi në Kuvend i deputetit të PD, Edmond Spaho, 21 Dhjetor 2015

Të nderuar qytetarë. Me ndryshimin e skemës së ndihmës ekonomike qeveria shqiptare i dha fund njëherë e mirë korrupsionit  në pretendimin e saj të bërë nga ju në këtë drejtim dhe mori vetë gjithë eskluzivitetin e këtij korrupsioni e abuzimeve të bëra duke hequr pashpirtshmërisht e në bllok, pa u marr vesh kurrë se me çfarë kriteri rreth 20 mijë shqiptarë nga skema e ndihmës ekonomike. U fol asokohe për një sistem dhe formulë pikëzimi që askush se mori vesh madje dhe sot e kësaj dite qytetarët janë të paqartë, si ata që e përfitojnë si ata që nuk e përfitojnë, se si përzgjidhen nga i ashtuquajturi system pikëzimi. D.m.th. kur edhe si i bie bingoja për një sasi kaq të vogël parash sa çmund të bësh me to. Është po ky sistem dhe po kjo qeverisje që i shtrydh njëherazi këto shtresa në nevojë për të paguar ujë e drita ose për të jetuar pa to ndërkohë që ka detyrimin tu garantojë atyre, familjeve në nevojë, një minimum jetik qoftë për energjinë elektrike, qoftë për ujin e pijshëm. Ajo që kanë zgjedhur të bëjnë këta në fakt është të dhunojnë këtë shtresë madje ta shumojnë e zgjerojnë atë në emër të asaj se po bëjnë shtet. Ky është një shtet, një shtet jo i mbrojtjes shoqërore por  i sjelljes antishoqërore, psikopatisë siç njihet ndryshe,  e cila në klinikën e vet ka sjelljet antisociale:

Më specifikisht ka

-përshkujdesje ose mosshqetësim për atë që është e drejtë apo e gabuar,

– të gënjyerit përsistent apo tendencë dhe veprime për të përjashtuar të tjerët

– përdorim të sharmit të menduar për të manipuluar të tjerët apo për kënaqësi personale

-egocentrizëm dhe ndjenjë superioriteti

– vështrirësi në zbatimin e ligjeve

– dhunim në mënyrë të përsëritur të të drejtave të të tjerëve nëpërmjet përdorimit të viktimizimit, pandërshmërisë

– armiqësi dhe irritueshmëri e lartë. Axhitacion. Impulsivitet. Agression dhe dhunë. Mungesë e theksuar empatie dhe keqardhje

Pra dhunën dhe abuzimet, vjedhjet me dhunë e pa dhunë, pla>kitjet e grabitjet, terrorin e presionin mbi viktimën, kërcënimin, dëmtimin dhe mungesën e theksuar të empatisë që kombinuar me defiçititin e vëmëndjes dhe hiperaktivitetin, apo siç e ndeshim shpesh në klinikë ADHD dhe që në klinikën e tij ka vështirësi të qëndrimit ulur për një kohë relativisht jo shumë të gjatë, ardhje rreth e rrotull, mungesë të theksuar të vëmendjes dhe përqëndrimit dhe impulsivitet si dhe disa sjellje tipike si rrëmujën, hedhjen e objekteve aty këtu duke i humbur ato dhe zhgarravinat tipike në formë rrethore nga mungesa e durimit, përbëjnë një rrezik serioz për vetëdijshmërinë që kërkohet në qeverisjen e një vendi dhe në të qënurit koherent midis gjërave që thuhen, atyre që synohen që më së shumti nuk arrihen. Në moshë të hershme kjo problematikë mund të mos përbëjë problem serioz pasi humbet me kohën por nëse çrregullimi persiston dhe zgjatet në kohë në moshë të rritur ai mund të zhvillojë tek subjekti kompleks inferioriteti ku në përpkjekje për ti shpëtuar një tjetër kompleks zhvillohet ai i superoritetit dhe megalomanisë dhe në se ke pak pushtet kjo do të përbënte një kombinim të rrezikshëm. Gati një neurozë.

Të nderuar qytetarë skema e re e ndihmës ekonomike nga kjo qeveri bëri që të dilnin prej saj me mijëra familje të varfëra dhe në nevojë. Sjell këtu në vëmendje rastin e një nëne kryefamiljare në qytetin e Cërrikut me tre fëmijë dhe bashkëshortin e paralizuar së cilës i ishte hequr ndihma ekonomike pa kuptim dhe pa shpjeguar dot se përse.Nuk di ku të përplasem më thoshte. Raste të tilla pati asokohe plot dhe vazhdon të ketë po aq edhe sot për ca gram miell se aq mund të blesh me to. Pak miell zotëri. Kjo është Shqipëria juaj, rikthim në kohërat e Migjenit.

Ministry i suksesit të dështimeve duhet të dërgojë njëherë punonjësit e tij poshtë urave dhe rrugëve të Shqipërisë anë e mbanë ku flenë e strehohen në rrugë jo pak fëmijë, madje mu në mes të Tiranës dhe jo të bëjë sikur vajton kur foshnja humb jetën poshtë një ure nga të ftohtit se ka përgjegjësi të drejtpërdrejtë për këtë. Janë sot rreth 50 mijë fëmijë të tillë. Pa strehim e pa mbështetje.

Po ky ministër duhet tu shpjegojë sot shqiptarëve se përse ata nuk gjejnë punë dhe përse rreth 9 mijë të tjerë janë larguar nga puna dhe këta po në bllok pa kurrfarë arsye me përjashtim të kriterit politik se nuk i përkasin partisë së tij.

200 nënpunës të bashkisë Tiranë u flakën në rrugë nga Kryetari juaj i fiqve dhe asokohe ministër i mirëqënies perosnale jo pak shkurtime të ndihmës ekonomike u bënë me firmë të tij. i dëboi romët nga barakat e tyre dhe i flaku edhe pse në fushatë zhvilloi jo pak takime dhe premtime me ta. Ku janë ata sot. Ku gjenden? Ku strehohen?

Në fakt angazhimet më të shumta të këtij kryetari në performancën e tij disa mujori janë fotot me fëmijë në kopshte e shkolla e kaq. Thjesht sa për imazh. Një buzëqeshje dhe mjafton. Në atë kohë ministër e kishte shqetësimin kryesor bërjen e shkurimeve nga ndihma ekonomike dhe si për ironi afërsisht në të njëjtat ditë festonte një dasëm luksoze të bërë me fiq.

Ministry actual i mirëqënies i cili për hir të së vërtetës flet pak po bën mirë të mos flas fare me ato që thotë  pasi ka një sinkron të cuditshëm me gënjeshtrat dhe thëniet e shefit të tij, shkëlqesisë së tij, kryeministrit të vendit.

Ashtu si kryeministri edhe ai mburret për reformën në pensione kur edhe një njeri që ka vetëm tre klasë shkollë mund të kuptojë se pensionet jo vetëm që nuk janë rritur por janë ulur, po ashtu edhe pagat pasi askund nuk reflektohet efekti i inflacionit duke mos i indeksuar ato në raport më ketë ndikim të përvitshëm.

Në vend që të flasë për reforma fantazëm pasi asgjë konktrete nuk kemi parë dhe të komentojë mbi progress raportin e BE si ministër suksesi duhet tu shpjegojë shqiptarëve se përse BE nuk pranoi hapjen e negociatave me shqipërinë.

Duhet tu shpjegojë shqiptarëve se përse buxhetimi me pjesëmarrje kishte mbetur një projekt thjesht në letër gjatë hartimit të buxhetit të ministrisë së tij. Dukej gati se e kishte hartuar në zyrë ose rrotull saj.. Këtë tu shpjegojë shqiptarëve.

Duhet tu shpjegojë shqiptarëve se përse ndërsa numëronte nga Lezha mbi 11 mijë të papunë i quajti ata dembelë pasi nuk mund të ketë absurditet më të madh se sa ky. Që shqiptarët nuk dashkan të punojnë.

Për tu rikthyer sërish tek mbrojta shoqërore Z. ministër ju ndërmorët një iniciativë në dukje për mirë por thellësisht të dyshimtë siç ishte ajo e testimit të punonjësve në qëndrat e kujdesit social ku siç raportojnë dhe vetë mediat tuaja të majta në rastin më të mirë të vetmet që kanë dalë fituese janë sanitaret dhe pastrueset si dhe drejtorët tuaj se i shërbejnë më mirë atdheut. Tani Z. ministër që të sqarohemi ku ishte testim apo spastrim?  Dyshime më të mëdha bien edhe për shkak të ndryshimeve pak ditë më parë në kodin e punës pikërisht në frazën që jep punonjësit të larguar nga puna mundësinë e rikthimit. 9 mijë shqiptarë të larguar nga puna në bashki, komuna, shkolla, kopshte, spitale, etj, etj. 4 % është rritur papunësia dhe tek të rinjtë që i keni sot në protestë ajo është në shifrat 34% falë politikave tuaja. Zyrat e punësimit duke huazuar një fjalë të thënë nga vetë ju janë të plogështa ndërsa unë do thoja janë thjesht fasadë se nuk kryejnë asnjë funksion. Më gjeni ju sot qoftë edhe një shqiptar të vetëm që të jetë punësuar nga zyrat tuaja të punësimit.

Afro 100 mijë shqiptarë të larguar dhe 200 mijë të tjerë që duan të ikin. Thoni se u kemi vrarë ne shpresën. Po sa forcë mund të ketë një opozitë kundrejt atij që është në pushtet dhe që numerikisht për nga votat në Kuvend është gati i gjithpushtetshëm. Në dy vjet e gjysëm qeverisje vazhdoni të mëvishni faje në partinë demokratike duke bërë një lojë të ndyrë të shmangies së vëmendjes nga përgjegjësitë tuaja reale dhe mjaft të mëdha. Është e juaja përgjegjësia për ku ndodhet Shqipëria sot, jo e jona. Është në këto 2 vjet e disa muaj që ikën shqiptarët jo më parë. Është në krizën tuaj të qeverisjes që vendi ra plot 35 vende ekonomikisht. Është në klimën tuaj të burgut dhe terrorit që ata protestojnë dhe nuk ju duan. Është në qeverisjen tuaj që 73 mijë prej tyre humbën punën në biznese private si pasojë e gjobave, taksave dhe kontrolleve të panumërta sa ua keni plasur shpirtin njerëzve me këto shtrëngime.

Veçse, vetëdija dhe për rrjedhojë njeriu në natyrën e vet sa më shumë shtrëngohet aq më shumë ajo mbushet si një rezervuar që më pas pëlcet dhe ju jeni përgjegjës për këtë. Ju dhe vetëm ju. Janë ligjet tuaja. Janë burgjet tuaja. Janë reformat tuaja të mbrapshta. Është arroganca juaj dhe patjetër e kaluara juaj komuniste të cilën doni ta ringjallni, që ndërton tek qënia juaj një personalitet me mendime e kujtime që zor se do ti ndërrojë, me dashurinë për vitet ku ndihej i paprekshëm dhe populli një lakmi për sundim.

U jeni bërë njerëzve si hije sidomos biznesit të madh e të vogël. Dhe më keq do shkojë, pasi, të deklarosh se u ke rezervuar deri në 6 paga shpërblim për një tatimor që të shtrydhë, të trysnojë apo presionojë biznesin me tre, katër deri në 6 kontrolle në ditë dhe këtyre të fundit tu vësh edhe spiunë i kryen apo jo kontrollet, ç’filozofi është kjo veçse si ajo e etërve tuaj mund të jetë. C’bën një tatimor më shumë se një mjek, më shumë se një mësues, më shumë se një pedagog, më shumë se një infermier, etj , etj?

Fjalimet rrenacake të kryeministrit tuaj e kanë humbur tashmë audiencën dhe nuk keni për të shkuar larg pasi mëndja dashakeqe e atij që e sheh popullin si bagëti pa bërë mbrapsh ka vetëm një pasojë, dëbimin, dëbimin a largimin tuaj të turpshëm nga kjo qeveri.

Fjalimi në Kuvend i deputetes së PD, Arbjola Halimi, 21 Dhjetor 2015

Kjo është seanca e fundit për këtë vit dhe përpara se viti i ri të hyjë duhet të bëjmë dhe ne një bilanc të asaj çfarë përcolli kjo aulë dhe mbi të gjitha qeveria. Gjykoj që jo vetëm për ne, por mbi të gjitha për të gjithë ato shqiptarë që ishin në 8 dhjetor në shesh duhet të themi diçka në këtë vigjilje të vitit të tretë të Aleancës së shumë të mirave dhe vitin e dytë të rilindjes së vendit!

Për të shpresuar mbi të gjitha se do të ketë ende njerëz në këtë mazhorancë që do të lënë tej, dashurinë e verbër dhe t’i vijnë në ndihmë një vendi që po lëngon nga mungesa e demokracisë, drejtësisë dhe së fundi ekonomisë.

Si pasojë e këtyre të trejave, sot gjendemi përballë këtij kaosi që thellohet akoma më shumë nga indiferenca dhe kokëfortësia qeveritare që të vendosur në llogoret e tyre këmbëngulin për një botë imagjinare. Që veç ato e shohin dhe e jetojnë.

Nuk mund të nisim një vit të ri, me të njëjtat simptoma problematike për demokracinë, siç po mbyllim këtë vit.

Qeveria e reformave të mëdha ka aprovuar në këtë kuvend dy prej reformave që mbysin demokracinë dhe mundësinë e zhvillimit të saj. Ka aprovuar në mënyrë të njëanshme një reformë territoriale që është në fund të fundit një reformë elektorale, që nisi dhe bitisi si një lojë letrash ku kryeministri de juro dhe ai de facto të ndanin zonat e tyre të influencës.

Ka aprovuar po në mënyrë të njëanshme dhe po aq antikushtetuese edhe reformën në arsimin e lartë që nuk prodhon vetëm se mjerim në fushën akademike dhe një demokraci të cunguar universitare. Duke i kthyer universitetet në laboratore që kjo mazhorancë të elaborojë mendimet dhe qëndrimet e saj.

Në përfundim të këtyre reformave sot vendi gjendet përballë disa të emëruarve politikë, që jo rrallë janë edhe persona me precendentë penalë. Ndërkohë që fakultetet publike gjenden përballë rrezikut të mbylljes sepse shteti ka vendosur që arsimin publik t’ia japë me koncension privatit.

Këto janë arsye që ne nuk mund të nisim vitin e ri parlamentar me një papërgjegjshmëri të prodhuar nga një qeveri llogoreje që për asnjë moment nuk pranoi jo vetëm qëndrimin e opozitës, të cilën tanimë e dimë që e ka damkosur si të prapambetur, por as qëndrimin e vetë qytetarëve madje as realitetin që jo pak herë i është përplasur në fytyrë.

Përpjekja e saj për të kërkuar justifikimin tek Saliu, është kthyer tanimë në një alibi që as tuajët nuk e besojnë më.

E përse duhet ta besojnë këtë alibi kur kriminelët për të cilët votuam një ligj vetëm katër ditë më parë, erdhën në këtë kuvend prej kësaj mazhorance në 23 qershor të Erës Meta-Rama? Përse duhet të besojnë shqiptarët tek një mazhorancë që i vuri mbi krye të qyteteve disa kriminelë të tjerë, pasi kishte krijuar një hartë elektorale sipas orekseve të saj?

Prandaj shumë sot nuk i blejnë më demagogjitë e propagandës së përditshme e po shohin se sa e vërtetë është devotshmëria juaj për të ndërtuar një Shqipëri më të mirë, për të bërë shtet. Sot shumë po e kuptojnë se këtij shteti i vjen era tender, koncesion, pabarazi e kështu me rradhë! Se ky shtet që gjuan të dobëtin e mbron të fortin, nuk është shteti që ne duam sot! E nuk besoj se ka të djathtë a të majtë që të më kundërshtojë në këtë!

Përditë e më shumë, gjatë këtij viti, shqiptarët e kanë kuptuar se sa besnik i keni qëndruar ideologjisë “të vjedhim me stil”.

Përditë e më shumë, e kanë të qartë se si prokurimet publike i shkojnë deputetëve të mazhorancës që kanë shërbyer me meritokraci në debatin e përbaltjes së kundërshtarit në kuvend.

Përditë e më shumë, ata e kanë kuptuar se sa idealistë janë ministrat e sotshëm që kanë hequr dorë nga kompani që u bënë miliardere pas qershorit 2013.

Por ndonëse jua justifikojnë gjithë këtë idealizëm në emër të të bërit shtet ato e kuptojnë që nuk mund të vazhdohet kështu.

Nuk mund të vazhdohet me një qeverisje të papërgjegjshme që ka prodhuar 700 mln euro dëme në buxhetin e shtetit.

Nuk mund të vazhdohet me një qeverisje të ngarkuar në plotësimin e dëshirave të bizneseve pranë oborrit ndërkohë që qytetarëve të thjeshtë u shtrëngon lakun në fyt!

Nuk mund të vazhdohet me të njëjtat politika të papërgjegjshme dhe aspak vizionare të një mazhorance që flet në tymnajë mbi atë çfarë pret.

Ka folur sa e sa herë këtu Ministri i Ekonomisë për 200 mijë vende të reja pune në dy vjet ndërsa 200 mijë shqiptarë aplikojnë për llotarinë amerikane vetëm për vitin 2014.

Nga ana tjetër Ministri i Financave duket se nuk është i shqetësuar as për borxhin që po e kalon nivelin 73% e as për 73 mijë biznese që mbyllin qepenat e tyre.

Kryeministri i angazhuar për të shpjeguar disa shifra ekonomike, të cilat i kupton nëpër të, nuk lexon që investimet në këtë vend kanë rënë me 10%.

Një kryeministër që këmbëngul që falë drejtimit të tij ekonomia dhe shqiptarët po shohin dritë në fundin e tunelit pa e kuptuar që ajo dritë që ai po sheh është drita e një treni që po vjen përballë nesh.

E një treni që quhet stanjacion dhe që rrezikon ta çojë në spirale deflacioni ekonominë e brishtë të këtij vendi.

Përballë një qeverie që është e paaftë të shpjegojë se sa borxh ka marrë dhe se sa do të marrë për t’i sqaruar qytetarët e saj se çfarë investimesh reale do të kryejë.

Këtë qeveri nuk e shpëtuan dot nga dështimi as demagogët e këtij viti dhe zorr se do ta shpëtojnë ato të vitit tjetër.

Mirëpo problemi më i rëndësishëm sot është si të shpëtojmë shqiptarët duke qenë se kësaj qeverie kurën ia kemi gjetur tek demagogët, tek propaganda.

Si të shpëtojmë shqiptarët të cilët enden në dyert e Gjermanisë dhe Evropës për pak më shumë dinjitet dhe respekt. Ndërkohë që qeveritarët e tyre i kalojnë aty pranë dhe nuk i hedhin as vështrimin.

Si të shpëtojmë shqiptarët që po humbasin vendet e punës sepse investitorët nuk vijnë të investojnë në Shqipëri megjithëse qeveria jonë pretendon se i ka krijuar kushte.

Si të shpëtojmë shqiptarët të cilët nuk dëshirojnë të jenë militantë partie për të patur një jetë normale.

Këto shqiptarë, që janë dhe shumica, nuk mundet të shpëtojnë nga një qeveri e tillë.

Nuk mund ta shpëtojë një qeveri dy standartesh, që arreston një qytetar të thjeshtë për pamundësinë e tij në pagimin e energjisë elektrike ndërkohë që drejtorin e OSHEE të kapur me vjedhje e lë të lirë.

Nuk mund ta shpëtojë një qeveri që vendos të institucionalizojë vjedhjen dhe krimin madje edhe duke dekoruar kriminelët e të djeshmes, si e si për të legjitimuar vjedhjet dhe kriminilazimin e të sotmes.

Nuk mund ta shpëtojë një qeveri e cila vendos t’i dhurojë vetes makina luksoze ndërkohë që u shkurton paratë njerëzve në nevojë.

Nuk mund ta shpëtojë një qeveri e tillë, një pronar, të cilit jo vetëm që vendos t’ia marrë tokën njësoj si Partia e Punës, por mbi të gjitha i tregon atij se arka e shtetit është e fundme kur vjen fjala për t’i plotësuar atij të drejtën që i takon në kompensim por është e pafundme për koncensionet dhe tenderat miliardere për oborrtarët e saj.

Një qeveri që mendon se ekonomia ecën mirë nëse ministrat e saj dalin e flasin se ekonomia është në gjendje të mirë, kur ajo në fakt lëngon, dëshmon se kjo qeveri nuk ka vizionin për ta shpëtuar këtë vend!

Një qeveri që angazhohet në luftën anti-informalitet dhe dështon me një gropë 31 miliardë lekë dhe këtij dështimi i akordon një bonus ndërkohë që pensionistëve, të varfërve dhe të pamundurve u ka hequr të drejtën për të patur një shpërblim në fund të vitit.

Është një qeveri që nuk ofron shpëtim.

Megjithëse e kuptoj që shumëkush nga ky krah, mban shpresën se vitin e ardhshëm qeveria do të kuptojë se fjalët e tepërta nuk e heqin fukarallëkun, as përmisojnë ekonominë, as demokratizojnë vendin!

E kuptoj dhe këtë shpresë që disa prej jush, mbase dhe shumë prej jush e kanë, por duhet të kuptoni që shpresa juaj sado legjitime nuk ka arsye pse duhet ta mbajë peng këtë vend.

Nuk ka asnjë arsye të mbajmë peng këtë vend me shpresën se kjo qeveri do të krijojë politika më të mira ekonomike.

Sepse fakti vetë e tregoi që kanë arrnuar një paketë fiskale qesharake për vitin e ardhshëm si e si që t’i bëhej qejfi kryeministrit de facto të vendit.

Nuk ka asnjë arsye që të mbajmë peng këtë vend me shpresën se kjo qeveri do të përmisojë treguesit makroekonomik, kur përballë kemi një realitet dy vjeçar të mbushur me sofizma.

Nuk ka asnjë arsye të mbajmë peng këtë vend me një kryeministër që ka akoma mentalitetin e ndarjes të alpinëve dhe jo alpinëve!

Nuk ka asnjë arsye të mbajmë peng këtë vend me një qeveri që krijon institucione burokratike si e si për t’i hequr mundësinë të zgjedhurve të qeverisin popullin.

Nuk mund të shpresojmë pafundësisht se kjo qeveri vitin tjetër do të bëhet më e mirë, kur nuk ndodhi as këtë vit!

Fjalimi në Kuvend e deputetes së PD, Jorida tabaku, 21 Dhjetor 2015

Shtetin e kemi por Edi Rama po e shkul shtetin nga themelet ndërsa ne na thotë se po bej shtet. Sot kur Rruga duhej të kishte përfunduar sjell amendimin që duhej ta kishte miratuar 2 vjet më parë.  A mund të pretendosh se keshtu po bën shtet ?! Shtet qe te varferon per te te sunduar me kollaj. Shtetin që të çon në vetëvarje. Shteti qe të çon në burg po nuk pagove faturën e dritave, po nuk more kuponin tatimor, po nuk lëshove kupon tatimor, po nuk pate mundësi të pagush taksat. Shtet që nuk te lejon te shkosh ne universitet nëse nuk je i pasur.

Taksat e rritura duhej te sillnin 40 miliarde leke me shume. Vetem sivjet hapi nje grope 40 miliardë qe do të fundosë ekonominë dhe financat shqiptare. Tha me lane borxh por mezi i beri 45 miliarde leke duke rimbursuar TVSh-ne dhe stokun e ilaceve . E zhyti vendin ne borxh: ne 2 vjet mori 25 % te borxhit 25-vjecar. Akti i 6-te normativ fshihet që ti shpëtojë debatit. Rama haron se ka fshehur vetëm kokën mbasi prapanicën e ka në diell. Aksioni anti-informalitet thellon gropën fiskale, 16 miliardë lekë deficit për shtator-nëntor. Për periudhën 10 mujore, mosrealizimi i planit kishte qenë rreth 11 miliardë lekë dhe nëntori i ka shtuar dhe 5 miliardë lekë të tjera kësaj grope. Edhe buxheti 2016, duhet të mbushë gropën e vitit 2015 dhe do të ndryshohet pa u mbushur gjysma e parë 2016. 300% rriti buxhetin e vet. 60 milion dollarë për rinkonstruksione dhe orendi zyrash. Investimet i ndan ne 1300 copa ku mund të hanë të gjithë. Investimet i ben per pishina e shatervane. Shtet  per kontrabandistet: -1200 ton cigare, -60 mijë ton karburante. Shtet per koncesionaret: 35 milion dollarë të buxhetit të shëndetësisë të parapaguara në cdo vit. Shtet per tenderaxhite Qe fitojne me ofertat me te shtrenjta. Shtet  me kriminele e kontrabandiste. Shtet per kriminele per kontrabandiste. Ta ndalim kete qeverisje dhe të fillojmë një rrugë të re. Rama është Asad, po ne nuk jemi Sirianë. Të përzëmë Qeveritarët pushtues që të jetojmë që të jetojmë si Europiane në vendin tone.

Fjalimi në Kuvend i deputetit të PD, Sherefedin Shehu, 21 Dhjetor 2015

Marreveshja në fjalë është një detyrim i përmbushur i qeverisë Shqiptare dhe nuk dua që në fjalën time të përqëndrohem tek ajo por tek një detyrim i papërmbushur i kësaj qeverisje, pikërisht tek Arsimi.
Arsimi duket sektori me i goditur i këtij viti qe lemë pas, por që do përjetojë ditë të errëta dhe vitin që vjen.
E them këtë sepse ajo shifra 3.3 e financimit nga buxheti është thjesht një hiprokizi. Është hiprokizi jo vetëm se është hipotetike por dhe është rezultat i një matematike banale, mbledhje e zbritje të marra sa andej këndej për të dalë me sforco në një rritje të paargumnetuar.
Ndërkohë realiteti është krejtësisht ndryshe.
Në arsim janë shtuar klasat kolektive si rezultat i ndërpreje së urbanizimit të fshatrave nga kjo qeverisje dhe i mungesës së fondeve për të ndërtuar shkolla koncentrike.
Mungojnë terrenet sportive mgjs fiskultura teorikisht është e vlerësuar me shtimin e orëve.
Normat mësimore nuk respektohen.
Mësuesit nuk paguhen për orët e konsultimeve.
Mësuesit janë nën presion politik permanent.
Mbipopullimi sidomos në Tr është tronditës.
Ndërkohë në kundërshtim me cdo premtim në udhëzimin e Ministrisë saktësohet se nr max i nx duhet të jetë 35.
Mgjs premtimi i shte 30 sot ka klas a me 40 nxënës në gjimnaze
Nuk ka rritje page për mesues
Nuk ka rritje page për pedagogë
Nuk ka stimulim për kërkimin shkencor
Për ta zbutur sadopak këtë gjendje tronditëse keni shtuar ate retoriken mikluese po nga ana tjeter i trajtoni mësuesit si njerez te dores se dyte.
I thoni ju kam zemer dhe nga ana tjeter pa zemer dhe pameshire i largoni nga puna pa asnje shkak. Pa asnje motiv.
I thoni ju kam shpirt dhe i merrni nga krahu tjeter shpirtin ne testime idiote e me udhezime emerimi antiligjore.
I thoni ju duam shume dhe i trajtoni me percmim total, kur behet fjale per rritje page apo vleresim te punes se tyre. Atë përfitimin e 2 mijë lekëve nga taksa progresive janë keni bërë si atë historinë e gunës. Ne, ne, ne bërtisni!!!!
Dhe herë ja paraqitni si pagë të 13 e herë rritje page duke i tallur e përqeshur.
Për ta ilustruar këtë realitet po sjell disa shembuj:
Ky është udhëzimi i fundit 38.
Them i fundit sespse mund të na dalë dhe një tjetër.
Ky në fakt është i treti në rradhë që prej tetorit 2013 dhe të krijohet përshtypja se e gjithë Ministria për dy vite e gjysëm është marrë vetëm me procedurën e emërimit dhe shkarkimit të mësuesit pa gjetur rehat. A thua ky është halli dhe misioni më i lartë i kësaj ministrie?!!!
Dhe ende nuk keni zënë karar, pasi qartazi ky udhëzim bie në kundërshtim me nenin 60 të ligjit të cilin përsëri e keni ndryshur deri më tani dy herë. Pra ai nuk është plotësues i ligjit por e tejkalon dhe e zevendëson atë.
Ligji parashikon që autoriteti kryesor që realizon emërimin e mësuesit është drejtuesi i institucionit publik arsimor.
Ndërsa udhëzimi parashikon që nuk është drejtori i shkollës por drejtuesi i DAR. Madje dhe Komisioni i vlerësimit ngrihet sipas tij në rang DAR dhe jo shkolle sic e detyron ligji.
Sic duket ministria harroi që vetëm para një viti Kministri i binte me grusht tavolinës dhe cirresh se nuk do mundet asnjë drejtori DAR të fusë duart në procesin e emërimit të mësuesit.
Por fjalet i merr era, sic i ka marrë për dhjetra premtime të tjera të tij dhe ja ku jemi sot.
Dhe gjithcka është bërë që ti gjendet vendi ligjor testimit tashmë të marrë fund “MËSUES PËR SHQIPËRINË”.
Dhe maskarada e këtij testimi vazhdon…
Këtu kam faqen e web të Ministrisë ku nuk pasqyrohet asnjë vend vakant. Nuk jepet jo se keni harruar sepse ju i keni emëruar tashmë ato që doni e bëni gjoja me gjasme se po i kaloni në testim duke u tallur publikisht me tërë ato që besojnë sinqerisht se mund të marrin një vend me mund e djersë.
Po ju sjell shembullin e referuar seancën e kaluar. Në vend të atij mësuesit të shkretë Ndricim QUKU, që kishte 35 vite mësues është emëruar në Orenjë Gentjan Sina kryetar i PS i një prej fashtrave atje.
Sina nuk ka kaluar testimin dhe procedurën që thotë udhëzimi. Ai emërohet para një muaji dhe para dy ditësh i është nënshtruar formalisht  testimit, të cilin me siguri e ka fituar pa filluar, se është cuni i partisë ky.
Ja emri i tij në listën e ministrisë……..
Kjo pra është transparenca meritokracia, ndershmëria juaj që e trumbetoni si dashuri për mësuesin. Kjo është e vërteta e hidhur e ëndrrës së mijra mësuesve që duan të fillojnë një punë me meritë.
I bini gjoksii për transportin falas të mësuesve dhe të nxënësve i cili nuk mjafton. Jo vetëm kaq por bëni dhe krahasime të pamundura me kohën e PD. Ne këët të drejtë ja jepnim dhe mësuesve të shkollave të mesme kurse ju ja hiqni atyre.
Ja Dy VKM që bëjnë diferencën: E jona që ja njëh të drejtën mësuesve të shkollave të mesme e 2011 dhe e juaja e 2015 e cila ja heq atyre.
Ndërsa ajo që pritet të ndodhë me ligjin e arsimit të lartë i ngjan një katrahure grabitja e studentëve vazhdon. Aksesi për ta ngushtohet. Tarifat do të rriten dhe lekët e tyre qeveia i sheh si opsion për të rritur buxhetin që e vjedhin tatimet e doganat.
Ja shembulli i dy udhëzimeve me diferencë 5 ditore nr 46 dhe nr 50. Vetëm për pesë ditë tarifa e rregjistrimit në masteer bëhet nga 25 mijë lekë në 30 mijë lekë. Pa asnjë arsye, pa asnjë llogjike. Me një poshtërim total ata që kishin paguar 25 mijë duhet të shtonin dhe më sepse përndryshe nuk fitonin të drejtën e regjistrimit. Thjesht se ministrisë i duhet ca lekë më shumë për të shtuar dekorin e zyrave të saj.
Pra qeveria që nuk rrit asnjë pagë të mësuesve, të pedagogëve, që nuk rrit asnjë qindarkë pensionet apo ndihmën ekonomike për të vobektit ëshët e gatshmë të hidhet në sulm kur i duhet ti marrë të gjithë atyre më shumë lekë nga xhepat dhe nga buka e përditshme.
Kjo është e vërteta. Ky është realiteti.
Në realcionin që ministria paraqiti kishte dhe një kapitull: Arsimi i lartë dhe kërkimi shkencor!!!!
Por në shtjellim nuk ka asnjë fjalë për kërkimin shkencor as një financim.
Përkundër kësaj si qershia mbi tortë për fobinë më të madhe që ka kryeministër që është shkenca, vjen VKM-ja që mbyll Agjensinë Kombëtare të inovacionit dhe teknologjisë, institucion në varësi të kryeministrit ky, me justifikimin që i bashkangjitet A K K SH, pranë kësaj ministrie. Ky akt kundër AKT-it u realizua pa asnjë lajmërim për stafin dhe pa asnjë marrje mendimi nga ministritë përkatëse të lidhura me të.
Goditja ndaj AKT-it pason atë ndaj QSA, duke kënaqur kështu gustot stigmatizuese të Ramës dhe aspak nevojën që kërkimi shkencor të përparojë.
E gjithë kjo situatë skandaloze e tjerrur në arsim kërkon një zgjidhje dhe zgjidhja është qeveria teknike.

Nga   eksodet biblike të post 90-ës dhe sipas Eurostat, jashte vendit  jetojnë mbi 1.2 milionë emigrantë, të cilët në inkstremis rrugëtim, kanë arritur të vetëm rezultate maksimale, ndërsa  qeveria shqiptare u mbetet atyre debitorë për mos firmosjen e marrëveshjeve mes shteteve për mbrojtjen shoqërore, sigurimet apo pensionet, që edhe ata të jenë si qytetarët europianë.

Ata meritojnë tashmë vëmendjen primare të shtetit amë,

dhe opozita ofron mbështjetjen e saj maksimale për të arritur deri në votimin parlamentar ligjet përkatëse si edhe reailizimin e tyre me marveshjet me shtetet e Bashkimit Europian, si edhe më gjerë.

ratifikimi i  marrëveshjes, ndërmjet Republikës së Shqipërisë dhe Republikës së hungarise për mbrojtjen shoqërore”, i cili është pjesë e procesit të koordinimit të skemave të mbrojtjes shoqërore, ndërmjet Shqipërisë dhe vendeve të tjera, nuk duhet të mbetet i vetmi dhe te abandonohen procedura me te rendesishme sic jane marveshjet me Italine  e Greqine ku ka me shume Shqiptare.

Numri i shqiptarëve me qëndrim të përkohshëm në Hungari është, 196 persona.

Emigrantët shqiptarë që kanë periudha sigurimi janë relativisht të rinj dhe duan të paktën, 6-10 vjet për të dalë në pension kështu që, efektet financiare do të fillojnë direkt pas kësaj periudhe.

Ka shkuar në 9 numri i marrëveshjeve të nënshkruara ku, përpos Gjermanisë dhe Çekisë, është zyrtarizuar bashkëpunimi edhe me Belgjikën, Luksemburgun, Rumaninë, Kandanë e Francën, Maqedonine e tani dhe Hungarine.

Ne, deputetet e opozitës e përshëndesim marveshjen me Hungarine  përfshin rreth 196  persona dhe e votuam pro, por i kërkojmë qeverisë të intensifikojë negociatat për mbrojtjen shoqërore të qytetarëve shqiptarë kudo jetojnë

dhe duhet urgjentisht që ky problem të vihet si pikë kryesore në axhendën qeveritare, në të gjitha vizitat dypalëshe,

sidomos me Italinë dhe Greqinë,

në drejtim të garantimit të të drejtave të barabarta të qytetarëve shqiptarë.

Të gjitha negociatat janë kryer në përqindjen më të madhe gjatë periudhës së qeverisjes Berisha.

Me Italinë, nga nënshkrimi i marrëveshjes dypalëshe, do të mund  të përfitonin rreth 500 mijë shqiptarë që jetojnë prej më shumë se dy dekadash, por edhe rreth 19.000 qytetarët italianë që aktualisht punojnë në Shqipëri.

Sipas shifrave të MMSR-së, zyrtarisht në Itali nga 506 mijë emigrantë shqiptarë të regjistruar me letra të rregullta, 250 mijë janë kontribues dhe taksapagues të rregullt.

Nga këta, 210 mijë janë me kontrata të rregullta si të punësuar duke i paguar përafërsisht 3.1 miliardë euro taksa vjetore shtetit fqinj me rreth 40 mijë bisnese,

Ata janë edhe të vetëpunësuar si ndërtues apo si artizanë, në bujqësi apo edhe me tregti.

Rinia ka pushtuar bankat e dijës, ku rreth 130 mijë janë nxënës e studentë, ndërsa mbi 88 mijë janë fëmijë të lindur në Itali.

Brezi i tretë aty me një moshë prej 60- 65 vjeç nuk janë më shumë sesa 29 mijë shqiptarë, por shumica e tyre kanë punuar aty apo jetojnë me fëmijët.

Sikur sot të bëhet marrëveshja, maksimalisht përfitues do të jenë 29 mijë vetë, ndërkohë që kontribuojnë 250 mijë vetë në sistem.

Pyetja që shtrohet nga ne është e thjeshtë,

ligjvënësit dhe poltika a duhet tjua ofrojnë atyre këtë ligj dhe marveshje pasi këta emigrantë e presin nga shteti amë implementimin dhe zbatimin e ligjeve ndërkombëtare pa asnjë vonesë,

direkt dhe me kosto në të ardhmen e tyre?

Dikur në opozitë e majta, nëpër tubimeve elektorale me premtimet e saj utopike dhe fotografitë me bojë uji ripremtonte parajsën për ta, por këtyre premitimeve shpejt ju doli boja, dhe tashmë Edi Rama po udhëton për ekspozitat personale , “zhgarravinat e tij “

 ndërsa emigrantët dhe azilantët që presin nga kryeministri të firmosi marveshjet bilaterale të vonuara për të garantuar të ardhmen e tyre janë të zhgënjyer totalisht.

Qeveria e Partisë Demokratike, që në vitin 2006 bëri kërkesën zyrtare për të nisur bisedimet edhe me shtetin fqinj,

Greqinë, për njohjen e pensioneve të emigrantëve apo edhe më gjerë, mbrojtjen shoqërore, por ende nuk i kemi negociatat  zyrtare në vazhdim.

Instituti i Sigurimeve Shoqërore të Shqipërisë, duke pasur parasysh se në Greqi është numri më i madh i emigrantëve shqiptarë me rreth 680 mijë ka insistuar deri në 2013 e në vazhdimësi që këto marrëdhënie të zyrtarizohen, por sot përse po heshtet?

Dhe për këtë opozita është gati të bashkpunojë intensivisht dhe me procedurë të përshpejtuar që ky problem të përfundojë njëhërë e mirë.

Por çfarë ka bërë Qeveria  pasi mori votat edhe të emigrantëve që i sollën  me autobusa dhe avionë, po sot  konkretisht ?

ku jeni ju dhe çfarë po ju pengon të mos e vazhdoni punën e nisur me hapa konkretë?

Qeveria e tenderave dhe fasadës shpejt u vyshk sikur gjethet e vjeshtës apo e fiqve, me mashtrimet në fushatë pikërisht  për njohjen e pensioneve për emigrantët në greqi dhe itali ku jetojnë mbi 94% e migracionit shqiptar post 1990-ës,

Shqetesues është fakti që kjo çështje nuk është as në axhendën e diskutimeve bilaterale.

Kjo maxhorancë numrash, por jo më e moralit qytetar, kujtohet për emigrantet vetëm në periudha zgjedhore kur mbushte autobuzet dhe avionët e i sillinin ata vetëm për votat, por më pas as që mendojnë dhe veprojnë me instrumentat e shtetit me të vetmin problem që ata kanë, sigurimin dhe mbrojtjen e të drejtave të emigrantëve dhe të së ardhmes së fëmijëve të tyre.

Kjo qeveri që premtoi 300 mijë vende pune, u ka afruar punësimin si azilantë, e jo më të kujdeset për emigrantët e parë, të cilët me remitancat e tyre po mbajnë akoma frymën gjallë të familieve duke u mbyllur minimunim jetik prej 24 vjetësh.

Erion Veliaj, i solli militantët me autobuzë dhe u premtoi madje edhe votimin elektronik, por 80 mijë shqiptarë që flejnë kampeve të azilive në Gjermani dhe në mbarë europën si edhe plus 200-mijë aplikantët për llotarinë USA nuk janë 300-mijë vende pune dhe RILINDJE, por braktisje dhe lamtumire e brezit të ri e të pashpresë në kërkim të mbijetesës.

Nuk duhen lënë në harresë edhe pensionistët që i keni braktisur dhe jo vetëm që nuk u rritet pensionin, por me masat drastike që ju ndërmorët me binomin tuaj, reform-tender, vetëm sa jua keni vështirësuar jetesën, duke na rikthyer errësirën dhe skamjen, e ku sot shumica e pensionistëve jetojnë tashmë në mjerim.

Vetvrasjet po kalojne shifrën 360 por ju as ju bëhet vonë për këto akuza direkte që populli kalon në krizë jete

deri në vetmohim.

Për të arritur rezultatet e Qeverisjes së PD-së për pensionet në qytetet, do të duhen, 26-vite me këto ritme breshke të rritjes së nivelit të pensionit, dhe për fshatin do të duhen 70 vjet.

Breshkat e Ramës në Bashkinë e Tiranës po na dalin zyrave si udhërfyese të karvanit tuaj me dy drejtues, çiftin e ZI të 21-Janarit 2011, aty ku live para botës Ju, në emër të korrupsionit akuzuat Metën, dogjët gjithçka dhe ku humbën jetën edhe 4-protestues .

Kjo qeveri nuk ka database të qytetarëve të saj, duke i lënë ata qëllimisht të braktisur dhe me status jetimi illegal e anonim në kohën e lundrimit në internet, arsyeja, që populli mos të dij më se ku jetojn dhe mos ti kërkojmë llogari shtetit.

Nuk ka statistika par ata që kanë ikur këtë vit si azilantë, sepse qeveria nuk e pranon fenomenin pasi nuk mundet ta pranojë që çereku i popullsisë aktive për punë do të emigrojë sërish për mbijetesë, madje Tahiri i drogës, replikon me homologun gjerman se; ata që vijnë tek ju janë shqiptarë të greqisë, pasi udhëtojnë prej saj…?!

Ministri i jashtëm Bushati, nuk takon emigrantët por bën fundjava turistike në Argjentinë gjoja për të lobuar për Kosovën në UNESCO, dhe çfarë morëm si komb prej saj; dështimin si shpagim të pamerituar për të gjithë shqiptarët  patriotë që u fyen pas këtij turpërimi historik të diplomacisë tonë naive.

Mijëra euro bileta udhëtime e hotele luksi të shkuara dëm, e dështimi kthehet në shtim oreksi vetëm për tendera dhe abuzimesh miliarda dollarëshe e të tjera skandale.

Çfarë shërbimi shëndetësor ju ofrojmë ne, kur skemën e sigurimeve shëndetesore ju po e zhbëni e po e vidhni me drejtorët dhe farmacitë që në grup po arrestohen, por edhe pse në masë arresti, ato fitojnë tendera 5 milionë$?

Skandalet Tuaja në mjeksi nuk kanë fund,

sa edhe gazetat e televizionet nuk po i mbajnë dot pa i denocuar, megjithë kontrollet dhe ligjet për burgosje të fjalës së lirë që po kaloni në fshehtësi.

Krimet tuaja nuk kanë të numëruar, aq sa ju po kërkoni deri në pushimet kolektive nëpër spitalet ndaj specialistëve dekadorë me militantët e  miellit dhe mbajtës së flamurit partiak.

Ju doni ti këmbeni specialistët  jo, kjo sduhet të ndodhi në kete sektor jetik,

dhe protestat janë replika e vetme që u keni lënë në duar jo vetëm atyreve, por edhe popullit që nuk do të shkojë në duar militantësh për shëndetin e tij dhe të fëmijëve.

Ato janë specialistë dhe jo militantë, ata shërojnë njerëz dhe japin jetë njerëzish jo vota,

ndërsa ju kërkoni ti zëvendësoni ata me militantët se ju dhanë votat…

Jeta e njerëzve, për ju vlen sa karrikja e përkohshme e pushtetit,

kjo është shenja e barazmit për Ju pusht-etarë…?!

Turp dhe fatalitet të luash me jetën … për pushtet.

Pas skandalit me recetat fiktive, plot 35 mijë, me vlerën 2.2 mil dollarë,

Çdo faturë që fondi rimburson sot është e paraakorduar dhe e likujduar në vlera shumfish reales, pasi mekanizmat e kontrollit janë zhbëre qëllimisht.

Krimet e renda kane marre nen hetim koncensionet.

I pershendesim dhe mbeshtesim cdo hetim per korrupsion, dhe presim qe te thellohen edhe me tej.

Mbi 100 mijë bashkqytetarë kanë lënë vendin për të kërkuar shpëtim në Gjermani, dhe në vendet e tjera të BE,  e po ashtu dhe 200 mijë te tjerë kanë aplikuar për të ikur në SHBA, të shtyrë nga keqqeverisja, korrupsioni dhe krimi i Edi Ramës që po e qon vendin në “drejtimin e duhur”

Në ditën ndërkombëtare të emigrantëve , ne dt 18 dhjetor, qeveria duhet të dilte me statistika zyrtare për këtë eksod masiv dhe jo të manipulonte publikun kombëtar e ndërkombëtar, se shqiptarët që braktisin vendin i përkasin emigrantëve të Greqisë dhe Italisë.

 Ka vetëm një të vërtetë për eksodin dhe azilkerkuesit dhe, ajo është skamja dhe dëshpërimi që ka mbjellë kjo qeveri dhe kjo mazhorancë e krimit e droges, hajduterise, pashpirtesise.

Fatkeqësi që vendin e kanë lënë të rinjtë  të cilët nuk shohin shpresë në atdheun e tyre, ku drejtojne krenaristet.

Ka vetëm një shpëtim,

 largimi i qeverisë dhe hapja e rrugës për një qeverisje të re që sjell shpresë, besim, mundësi për punë e zhvillim për secilin në vendin tonë.

po vret shpresen e shqiptareve sepse me terrorin shteteror ndaj bizneseve shkaterroi ne dy muaj 73 mije vende pune,

po 6 fishon kontributin e sigurimeve shoqerore per profesionet e lira,po falimenton profrsionistet dhe favorizon monopolet qe kane para.

po vjedh ne tendera, dogana, tatime e ÇEZ, qindra e qindra milione euro.

po perze shqiptaret nga Shqiperia.  sot shqiptaret, qytetare te nje vendi anetar te NATOs dhe kandidat te BE, per numerin e azilkerkuesve, krahas sirianeve te Sirise se Asadit madje  po te llogariten ne proporcion me numerin e popullates e kap vendin e pare si krenarist.

Shqiptaret nuk po i perzene nga Shqiperia as  lufta, as bombardimet nga toka, ajri dhe deti i shtepive te tyre

 por po i perzene nga Shqiperia mjerimi, helmi, vreri, terrori, rrenimi ekonomik, gjobat absurde, burgosja per energjine apo per kuponin, nga shteti policor dhe banditeve ne pushtet.

Po mbyllim nje vit teper te veshtire.

Shume familje jane drejt mbijeteses.

Shume femije vuajne nga uria, te ftohtit.

Shume te semure jane pa perkujdesje.

Shume persona te moshes se trete jane braktisur.

Shume familje kane humbur te afermit e tyre.

Shume familje jane ne erresire.

Shume familje jane te papuna, apo kane humb vendin e punes, madje dhe ne burg nga pamundesite per te paguar detyrimet.

Shume te semure me tumore pa trajtimin e duhur dhe perkujdesjen ne momentet e fundit.

Shume soffra jane bosh dhe shume familje nuk kane cfare te shtrojne ne kete fund viti.

Festa ne lot, pamundesi dhe me e keqja se viti qe po vjen do te jete dhe me i zymte. Shpresa per me mire eshte ne doren e gjithsecilit.

Duhet te behemi bashke te gjithe dhe ta ndryshojme kete tabllo te zymte qe nuk e meritojme.

Mjaft me vuajtje.

Mjaft me mashtrime.

Zoterinj qeveritare!!!

Ju jeni te pashpirt.

Ju duhet te shkoni ne burg per vjedhjen dhe koncesionet e paligjshme qe keni bere!!!

 Ju e keni kaluar piken e kthimit!!!

Ju jeni pa rikthim!!!

Fjalimi në Kuvend e deputetes së PD, Albina Dede, 21 Dhjetor 2015