Blog

Çfarë kuptimi do kishte shteti i të padrejtës, shteti i korruptuar e kriminal që ka ngritur Edi Rama, nëse ai vetë nuk do të ishte në krye të shkeljes dhe dhunimit të ligjeve dhe Kushtetutës. E ka bërë këtë në mënyrë të përsëritur për interesat e tij politike. E ka bërë dhe vazhdon ta bëjë edhe për interesin e tij privat dhe personal.
Kodi Doganor, është një nga ligjet e vendit, që Edi Rama e ka shkelur këto dy vite në mënyrë të përsëritur.
Në këto tabela që ju shihni në ekran, janë të gjithë deklarimet për pikturat që kanë kaluar kufinjtë e vendit, dhe ka deklarim edhe kur ato janë kthyer.
Shikojini me kujdes.
Mungojnë pikturat e Edi Ramës. Edhe pse ai e ka kthyer postin kryeministror në një agjensi private ekspozitash me turizmin e tij piktoresk nga Gjermania në Kinë nga Italia në Stamboll.
Por Edi Rama, nuk deklaron pikturat që nxjerr jashtë për ti shitur me etiketën e kryeministrit të Shqipërisë. Ai i fsheh, duke shkelur ligjin.
Ndonëse Kodi Doganor kërkon që këto të deklarohen, Edi Rama e ka përjashtuar veten nga deklarimi.
Fermeri që nuk tregon kuponin për një kile qepë në burg. Berberi që nuk pret kuponin në burg.
Edi shkon e vjen në botë me pikturat e tij kryeministrore pa deklaruara asgjë, pa i hyrë ferrë në këmbë.  Ligji nuk ka forcë ndaj tij.
Kjo është një tjetër dëshmi e shtetit të padrejtës. Ky është Aparteidi i Edi Ramës ku sundojnë mbi ligjin e kundër ligjit ai, sajmja i drogës, beqja i tenderave, gjiknurët e cezit, ahmetaj-ryshfetaj e një grusht carapulësh, papulësh e nushësh.
Dëshmi e faktit se ligji dhe ndëshkimi i ligjit janë për qytetarët, jo për kryeministrin e vendit.
Kështu, Edi Rama e ka shpallur veten të paprekshëm, ashtu siç bëri edhe me imunitetin që i dha vetes në parlament duke mos lejuar hetimin për vjedhjen e shekullit, aferën CEZ, më të rëndën në historinë e vendit.
Këto padrejtësi do të marrin fund. Populli është në këmbë, dhe shteti i korruptuar, i padrejtë dhe kriminal i Edi Ramës do të shkulet nga themelet njësoj si bunkeri.
Koha e maskarenjve, koha e kësaj qeveria ka mbaruar.

 Deklarata për mediat e Sekretares për Marrëdhëniet me Publikun, Grida Duma, 19 Dhjetor 2015

Të nderuar bashkëqytetarë
Dua të përshëndes sot kalimin e paketës së Dekriminalizimit, pra ligjin për dekriminalizimin dhe amendamentet shoqëruese të Kushtetutës të kaluara me konsensus unanim dje në Parlamentin e Shqipërisë.
Dekriminalizimi është një arritje e madhe për vendin, për qytetarët shqiptar.
Vlera më e madhe e këtij parimi është se arriti të sanksionohet, doli në krye, u kthye në ligj e normë të detyrueshme për zbatim, si një ide që lindi nga opozita në pakicë në parlament, si një ide që i mbijetoi të gjithë luftës së ashpër dhe pa parim kundër saj, të gjithë intrigave dhe makinacioneve të Edi Ramës.
Triumfoi si një ide që u rrit, u zmadhua, u bë e madhe nga mbështetja juaj, nga mbështetja popullore e mbështetja e partnerëve të çmuar amerikanë dhe europianë, aq sa para saj u dorëzua në fund shumica që polli e përhapi pikërisht inkriminimin, shtratin kryesor nga ku u ngjiz kjo keqeverisja e sotme.
Kjo ide e madhe e pastrimit të politikës nga trafikantët, banditët, vrarësit, të dënuarit për vepra të rënda penale, është sot një paketë e plotë ligjore me efekt të menjëhershëm.
Votimi dje me unanimitet në parlament do të mbahet mend si dita që e mira fitoi mbi të keqen.
Dua ta përshëndes këtë arritje, dhe dua të falenderoj sot bashkëpunëtorët e mi që punuan papushim, të falenderoj partnerët ndërkombëtarë, Presidentin e PPE Joseph Daul dhe Presidentin e Parlamentit Europian Martin Schultz, eurodeputetet Kukan dhe Fleckenstein, e në veçanti Shtetet e Bashkuara të Amerikës dhe ambasadorin Donald Lu pa ndihmën e të cilëve sigurisht nuk do të kishim arritur deri këtu.
Dua të shpreh mirënjohjen time më të thellë ndaj qytetarëve shqiptarë, gazetarëve, analistëve, medias së lirë për mbështetjen që na dhanë duke besuar në drejtësinë dhe domosdoshmërinë e kauzës tonë kombëtare të dekriminalizimit.
Garantoj sot çdo qytetar, se paketa e dekriminalizimit, do të zbatohet pikë për pikë nga unë nga Partia Demokratike në çdo hap, me funksionarët e të zgjedhurit tanë.
Ky është një vullnet i padiskutueshëm, vullnet që e kemi provuar me shembuj konkret dhe në zgjedhjet e fundit lokale.
Për fat të keq, ka shenja të qarta se Edi Rama as nuk ka ndërmend të bëjë të njëjtën gjë.
Ndaj u bëj sot thirrje edhe socialistëve të ndershëm, të mos lejojnë që ata që paketa e dekriminalizimit i nxjerr si skarcitete jashtë qeverisjes, parlamentit dhe pushtetit vendor, të diktojnë e të bëjnë ligjin në familjen e tyre politike, sipas skemës që po zbaton sot Edi Rama.
Edhe sot që flasim, kjo skemë është në funksion.
Persona të dënuar, me precedentë të tmerrshëm kriminalë, diktojnë ose kanë marrë në dorë Partinë Socialiste në Lezhë, në Shkodër e Malësi të Madhe, në Krujë, Fushë-Krujë e Kurbin, në Has, Fushë-Arrëz, Pukë e Mirditë, në Kavajë, Lushnjë, Divjakë, Tepelenë e Këlcyrë. Dhe me gjasë, këtë Edi Rama ka ndërmend ta shtrijë në gjithë vendin.
Kjo dëshmon se ai nuk ndahet dot nga krimi, se pakti me krimin vazhdon.
Inkriminimi i Partisë, është njësoj i dëmshëm. Promovimi i banditëve, vrasësve e trafikantëve në parti, është garanci se ai stan atë bulmet do të nxjerrë.
Kjo sigurisht është metoda e Edi Ramës, kalkulimi i tij për zgjedhjet e ardhshme. Eshtë e qartë se me keqeverisjen e tij të mashtrimeve dhe dështimeve, me korrupsionin galopant në çdo nivel, me hajdutërinë e pafre, me kërbaçin e arbitraritetin, ai nuk garon dot, nuk përballet dot me kundërshtarin. Nuk ka as ide, as parime, as alternativë, as zgjidhje për ta shpëtuar vendin, pasi është në fakt vetë varrmihësi i tyre.
Të vetmen shpresë që ka, është se me banditët dhe kriminelët që ka strehuar e po transferon tashmë në parti, pasi ligji për dekriminalizimin i ka skarcuar e i nxjerr automatikisht jashtë qeverisjes, të vazhdojë të godasë votën e lirë, të kapë, dhunojë e manipulojë zgjedhjet.
Por ne, Partia Demokratike dhe qytetarët, nuk do ta lejojmë.
Beteja për votën e lirë është beteja tjetër e madhe e Partisë Demokratike, e shoqërisë, e mbarë vendit dhe e gjithë shqiptarëve. Ne do t’i prijmë kësaj beteje.
Sepse vetëm me votën e lirë nesër, do të shërohen të gjitha plagët që Edi Rama i ka shkaktuar vendit dhe qytetarëve.
Ndaj dua të falenderoj të gjithë qytetarët e Tiranës e më tej që ju bashkuan dje protestës para parlamentit. Protestat dhe mosbindja civile do të shtrihen në mbarë vendin.
Beteja për votën e lirë, për zgjedhjet e lira si zgjidhja e krizës së gjithanshme që ka mbërthyer Shqipërinë nuk do të ndalet.

Deklarata për mediat e kryetarit të Partisë Demokratike, Lulzim Basha, 18 Dhjetor 2015

Zonja dhe zotërinj,

Vëllezër dhe motra,

Heronj të heshtur të vuajtjeve dhe mundimeve të këtyre dy viteve, heronjë zëlartë të kryengritjes së 8 dhjetorit të dytë, dua të përkulem me nderim të madh para jush; vrasësve të frikës, përmbysësve të terrorit psikologjik, kumtuesve të lajmit se shqiptarët ngrihen, se Shqipëria ngrihet!

Sot është një ditë e rëndësishme për Shqipërinë dhe shqiptarët. Një javë më parë në 8 dhjetor ne kremtuam  së bashku 25 vjetorin e lirisë.  Ne i thamë së bashku qeverisë së Edi Ramës dhe Ilir Metës se liritë e fituara, se demokracinë, se të drejtën për të zgjedhur lirisht e pa frikë qeverinë nuk i dorëzojmë me asnjë kusht e me asnjë çmim.

Ne i komunikuam së bashku me forcën e bashkimit të zemrave dhe mendjeve tona, vendimin e pakthyeshëm të qytetarëve shqiptarë, referendumin e shpirtit dhe mendjeve shqiptare që nuk ka qeveri ta ndalojë. Dhe vendimi është : Rama ik! Meta ik!

Dy vite e kusur që kur kjo qeveri që sillet si bandë, apo më mirë të themi kjo bandë që i thotë vetes qeveri mori pushtetin, ekonomia e vendit, ekonomia kombëtare, ekonomia e çdo shqiptari pa dallim bindjesh politike ka rënë.

Gjendja juaj dhe e çdo shqiptari, ajo që nuk gënjen kurrë është e para që i rrëzoi këta mashtrues, këta të dështuar. I rrëzoi sepse ekonomia e vendit tregoi qartë se në dy vite të keqqeverisjes së tyre u shkatërruan mijëra e mijëra vende pune e nuk u hap asnjë vend i ri pune.

Se në këto dy vite mbi 70 mijë familje shqiptare humbën të drejtën e tyre ligjore për ndihmë ekonomike duke i drejtuar drejt një dëshpërimi të thellë, duke i drejtuar drejt një eksodi të madh.

Në këto dy vite ekonomia, më e sinqerta, më e pagabueshmja, ajo që nuk gënjen kurrë e rrëzoi Edi Ramën, e rrëzoi  Ilir Metën sepse tregoi se ranë investimet, ra kreditimi, ra punësimi, u rrit varfëria, u rrit papunësia, u rrit mjerimi.

Dy vite të një krize ekonomike të paparë, dy vite të një varfërimi të përditshëm të shqiptarëve do të mjaftonin për të ngritur zërin së bashku për të thënë: Rama ik! Rama ik! Rama ik!

Por nuk është vetëm kjo, përkeqësimi ekonomik, varfëria therëse në të gjitha vatrat e shqiptarëve nga Konispoli, Selenica, Mallakastra, në Vaun e Dejës, në Shkodër, në Kukës, në Dibër e këmbëkryq këtu në Tiranë kanë anën e vet të shëmtuar.

Demokratët janë nxjerrë nga puna, demokratët janë pushuar në kundërshtim me ligjin. Socialistët e kanë të pamundur të gjejnë një vend pune pa paguar ryshfet sepse vendet e punës Edi Rama i ka rezervuar për trafikantët e drogës, për tutorët e prostitucionit dhe kriminelët e çfarëdollojshëm.

Por nga ana tjetër një grusht njerëzish në këto dy vite kanë bërë prokopi, një  grusht oligarkësh janë pasuruar më shpejt e më shumë se çdo shtresë tjetër shoqërore në këto 25 vite.

Kush janë këta?

Këta janë kokoshi 200 milionësh, Edi Rama kryeministri më i pasur i popullit më të varfër me shpurën e tij të ministrave hajdutë, Ilir Beqës krye hajdutit të shëndetësisë,  Arben Ahmetajt hajdutit me çizme të ekonomisë, Damian Gjiknurit krye hajdutit të energjetikës, e mbi të gjitha të ministrit të Brendshëm, turpit të Shqipërisë në 100 vite shtet, krye trafikantit të drogës Saimir Tahiri.

Korrupsion, trafik, drogë dhe askush nuk përgjigjet para ligjit. Në cilin vend të Europës, në cilin vend të civilizuar të botës kapet ministri i Brendshëm duke i vënë në dispozicion automjetin e tij trafikantëve të drogës dhe nuk pushohet menjëherë e të kapet zvarrë me pranga në duar e të shkojë prapa hekurave. Por jo në Shqipëri, në Shqipëri mentori i trafikantëve të drogës, krye taksisti i drogës urdhëron prangosjen, rrahjet barbare, kërbaçin, arrestimin e berberëve, e fermerëve sepse nuk kanë kupon për një kile qepë.

Kjo është padrejtësia. Kjo është padrejtësia ulëritëse që mbledh sot shqiptarët këtu në këtë shesh dhe i mbledh me mendje e zemër rreth opozitës shqiptare, rreth Partisë Demokratike kudo që janë.

Ky është Aparteidi, Aparteidi i Edi Ramës që tregon me gisht popullin e tij si hajdut kur vetë ka thyer çdo rekord hajdutërie e kusarie.

Kush e pranon zëheshtur e sypërdhe një qeveri që vetë vjedh, një kryeministër që toleron vjedhjen sepse është përfituesi i vjedhjes; Kush toleron një qeveri me ministër të Brendshëm krye trafikant e miq me trafikantë të drogës nga njëra anë, e nga ana tjetër pranon që qytetarët e pamundur të shkojnë në qeli për një kupon, për një kile qepë nuk është naiv, nuk është i paditur, nuk është thjeshtë i pakurajo, por është bashkëfajtor.

Kush shikon dy xhama të thyer nga dy gurë e dy protestues, e jo një popull të tere te revoltuar është bashkëfajtor. E le ta shohin edhe një herë që kjo është opozita, këta janë shqiptarët. Jo dhunës! Protestë paqësore deri në largimin e qeverisë, deri në shporrjen e saj.

Një falënderim të veçantë kam për ata burra dhe gra në uniformë, shqiptarë edhe ata, të keqpaguar, edhe ata të përbuzur edhe ata nga njeriu që nuk meriton të jetë i pari i tyre.

E sot në këtë shesh dua tju t’ju them se ne jemi me ju, Policinë e Shtetit, shtetit të së drejtës, policinë e shqiptarëve dhe jo të klikës brenda aty. Dhe se ne e dimë që edhe ju jeni me ne, jeni me ligjin dhe jo me të paligjshmit, jeni me shtetin e të drejtës dhe jo me shtetin e të padrejtës, jeni me popullin dhe jo me Edi Ramën.

Ndaj i bëj thirrje sot çdo protestuesi  demokrat apo jo, që në këtë protestë, dhjetëra e qindra të tjera që do të pasojnë deri në largimin e Edi Ramës të tregojmë qytetarinë tonë, të tregojmë se jemi ndryshe nga ata, duke mos prekur asnjë kapele dhe asnjë fije floku  policisë tonë.

Ne jemi të vendosur për të qëndruar deri në fund me forcën e mosbindjes civile që vetëm sa ka nisur, me forcën e këmbënguljes që karakterizon një popull europian dhe europian jemi, një popull fisnik, dhe fisnik jemi, një popull të pamposhtur dhe të pamposhtur jemi, derisa të rrëzojmë qeverinë e mjerimit ekonomik, qeverinë e korrupsionit, qeverinë e hajdutërisë, qeverinë e shtetit të padrejtës.

Vëllezër e motra,

Do të ishte fare normale që qeverisë t’i lihej 4 vjeçari. Edhe kur qeveria dështon opozita mund të bënte llogaritë e veta dhe të thoshte sa më i thellë zullumi aq më e thellë fitorja. Por ne nuk jemi këtu për interesin tonë të ngushtë politik sepse po të ishim të tillë do të ishim hipokritë, do të ishim po kaq të këqinj sa ata aty brenda.

S’ka dyshim kemi edhe ne stokun tonë të gabimeve. Pa dyshim kemi patur edhe ne stokun tonë të faturës që e morëm dhe e pranuam në zgjedhjet e 23 qershorit 2013. Por ju garantoj sot këtu para jush, e para Zotit se Lulzim Basha ju kërkon një gjë: Nëse qeverisja që ju duhet të votoni si qytetarë të lirë, nëse qeverisja që ju do të sanksiononi me votën tuaj të lirë nuk ju përgjigjet, të vini ta rrëzoni si sot këtu!

Ne ju thërrasim në këtë protestë e në protestat që do të vijojnë jo thjesht sepse qeveria dështoi. Jo thjesht e vetëm se nuk përmbushi premtimet e gënjeshtërta me të cilat erdhi në pushtet. Jo thjesht dhe vetëm se ka larguar 100 mijë shqiptarë vetëm në një vit dhe ka bërë që 1 në 2 shqiptarë të mendojnë largimin nga vendi si e vetmja alternativë. Jo thjesht se i ka varfëruar, se i ka goditur shqiptarët. Edhe pse kaq do të mjaftonte. Por jo vetëm për këtë.

Jo thjesht sepse kanë vjedhur si një lukuni hajdutësh pronat dhe taksat tuaja, 400 milionë dollarë nga doganat dhe tatimet këtë vit, 800 milionë euro prokurime këtë vit, 600 milionë euro vetëm me një aferë iu kanë marrë shqiptarëve, vetëm me një dorë me aferën e vjedhjes së shekullit, me CEZ-in. Edhe kaq do të mjaftonte e do të tepronte, për një popull që respekton veten e tij, që të largonte një orë e më parë me protesta qeverinë.

Por ne përballemi sot me shtetin e të padrejtës, shtetin kriminal. I pari që shkel Kushtetutën është Edi Rama. Njeriu që ka shkelur më shumë ligjet e vendit është Edi Rama dhe ministrat e tij. Njeriu që nuk zbaton vendimet e gjykatave është Edi Rama.

Shteti i të padrejtës është shteti që dënon qytetarët për kundërvajtje por lartëson pushtetarët për Kushtetutën dhe ligjin. Kjo është kambana, kjo është thirrja! Kjo nuk mund të pranohet, këtë nuk e pranuan as afrikano jugorët! Ky është Aparteidi dhe këtë do ta rrëzojmë me çdo kusht!

Demokracia i ka  instrumentet, ka vullnetin suprem të qytetarëve si zgjidhja sovrane, si zgjidhja e zgjidhjeve. Por ja që Edi Rama dhe Ilir Meta në makutërinë e tyre kanë kujtuar se i kanë dalë përpara vullnetit tuaj duke kapur dhe shkatërruar zgjedhjet lokale. Duke asgjësuar votën e lirë pas provës gjenerale që bënë në Korçë dy vite përpara, ku u filmuan duke blerë votat. Këta mendojnë se edhe testin e fundit të llogarisë para popullit, zgjedhjet, votën tuaj do ta zhbëjnë.

Ja pra pse kërkojmë sot  dhe shtrojmë sot si imperativ veglën, instrumentin e fundit të sovranit, largimin e qeverisë që shkatërroi zgjedhjet, largimin e një orë e më parë të Ilir Metës dhe Edi Ramës. Largimin e një ore e më parë të Saimir Tahirit, rrëzimin e kësaj qeverie.

Krijimin e një qeverie teknike, e cila do të përgatisë zgjedhje të lira e të ndershme, do të përgatisë terrenin për mos deformimin e vullnetit të qytetarëve. Sepse sot beteja nuk është mes PD dhe PS, apo LSI, kjo është beteja e gjithë shqiptarëve, demokratë e socialistë, toskë e gegë kundër këtij grupi kusarësh, kriminelësh e oligarkësh.

Meritojnë demokratët dhe mbështetësit tanë një shans, por meritojnë edhe socialistët e ndershëm një shans për të thënë përsëri fjalën e tyre. Ne do t’ja japim dhe i kemi dalë zot dhe do t’i prijmë kësaj beteje deri në fitore. Në fund, do të jetë një popull i tërë që do të vendosë me mençurinë dhe kurajon e votës, e do të zgjedhë mes alternativave.

Ndaj Partia Demokratike do të vazhdojë të shpalosë alternativën e saj të shpëtimit, të dinjitetit, të çlirimit të pozitivitetit, të dhënies fund të negativitetit, të çlirimit të entuziazmit në ekonomi për të hapur vende pune dhe vende pune me paga më të mira për të rinj e të reja, për të papunët, për të krijuar një klimë besimi për biznesin, një klimë të favorshme për fermerët, një klimë besimi për investimet e huaja.

Alternativa jonë do të jetë edhe kërkesa jonë ndaj shqiptarëve për të rikthyer besimin tek vendi i tyre për të qëndruar këtu e për të ndërtuar këtu së bashku një jetë me standard europian për të gjithë shqiptarët, pa përjashtim.

Ndaj kësaj ëndrre të brezit tim, kësaj ëndrrës time e jam i sigurt i çdo shqiptari, këtij qëllimi të madh për një demokraci të re, për një ekonomi të fortë, e për një të ardhme të sigurt i kemi borxh ngritjen në këmbë dhe qëndresën deri në largimin e qeverisë, deri në zgjedhjet e parakohshme.

Beteja vazhdon. Me 8 dhjetor shkallmuam bunkerin. Sot e detyruam të tërhiqet me bisht ndër shalë duke tërhequr dekoratat e xhelatëve. Nesër do ta largojmë me fuqinë e bashkimit të zemrave tona!

Shqiptarë e shqiptare ngrihuni! Shqipëria nuk mund të bjerë para padrejtësisë, nuk mund ta ulë kokën. Nuk e kanë bërë etërit tanë! Nuk e kanë bërë stërgjyshërit tanë! Nuk do ta bëjmë as ne.

Shqipëria ngrihet, ngrihet e nuk rrëzohet!

Zoti e bekoftë Shqipërinë !

Fjalimi i kryetarit të Partisë Demokratike, Lulzim Basha në protestën para Kuvendit, 17 Dhjetor 2015

Të dashur qytetarë

Kolegë deputetë

Vijmë sot në Kuvend e Shqipërisë, në këtë seancë plenare, teksa jashtë tij shqiptarët janë duke protestuar kundër kësaj qeverie e kësaj tiranie të re,

profesionistë, studentë, mësues, mjekë e infermierë, punonjës të profesioneve e zanatave të ndryshme që i shtohen ushtrisë të të papunëve dhe të të pashpresëve, janë cdo dite në protesta duke kërkuar përmbysjen e kësaj mazhorance dhe të këtij kryeministri,

shqiptarët e çdo ngjyrimi politik, demokratët anembanë vendit, por jo vetëm ata, janë së bashku kundër këtij pushteti që jo vetëm i varfëron, jo vetëm i dhunon në liritë e të drejtat e tyre themelore, por i ka çuar në kufijt e pamundësisë për të rritur fëmijët e çuar para familjen,

shqiptarët sot më shumë se kurrë në këto 25 vite kanë të drejtë të bashkojnë zërin e zemrat e tyre, sepse ëndrra e lirisë vazhdon mes nesh, kjo qeveri me represionin e derën e burgut, po na rikthen si për ironi të fatit tonë, në dhjetorin e 1990.

Të dashur qytetarë,

vijmë sot për të diskutuar projektligjin “për organizimin dhe funksionimin e qeverisjes vendore” i cili vjen në këtë moment, si për t’u konfirmuar shqiptarëve që kjo qeveri bën vetëm gjysëm–punë ose me mirë me thënë që kjo qeveri nuk ka një punë të vetme të çuar deri fund, në këto dy vite e  gjysëm qeverisje.

Reforma territoriale dhe administrative ka qenë nga më të kundërshtuarat nga opozita, e cila nuk pranoi gjatë vitit 2014 të bëhej pjesë e tryezave ku u diskutua një gjoja reformë, e cila u quajt administrative e territoriale, por i mëshoi veç të dytës, me një qëllim të qartë, ndarjen e territorit të  Shqipërisë në funksion të zgjedhjeve lokale të vitit 2015.

E ndërsa me zgjedhjet kryen punë, e rezultatin e sajuan siç e deshën ca nga ndarja territoriale, ca nga të fortët e ca nga paratë e pushtetit që janë bërë aq shumë nga korrupsioni e mbërthimi i shtetit në çdo cep të tij, dhe tani vendosën të sjellin reformën administrative, e cila lidhet drejtpërsëdrejti me shërbimin ndaj qytetarit, por për këtë mazhorancë, qytetari është i fundit,  se i pari është veç pushteti i tyre.

Pushteti lokal, 6 muaj pas zgjedhjeve të qershorit, duket që e ka patur të vështirë të bëjë ndonjë punë, se për administrim lokal as që bëhet fjalë, e sot këtë situatë e njohin deputetët e mazhorancës, e njohin dhe Rama e Meta, po arroganca e pushtetit të tyre bëhet më e dukshme dhe për shkak të paaftësisë së kësaj qeverie, e delirit të  kryeministrit që ka vendosur të  bëjë monolog të përditshëm live,  të nxjerrë mbrockulla nga goja, e në vend që të udhëheqë e bashkojë, përçan e plas skandale, një ditë dekoron e një ditë kërkon të falur, një ditë shan veriorët e ditën tjetër sqaron që nuk e ka me të gjithë alpinët, qep e shqep, bën e çbën …..e rezultati,…. kjo Shqipëri e pashpresë që kemi sot, e një rini me sytë nga Gjermania e Amerika.

Qëllimi duket që më së miri justifikon mjetin e këtë e dinë mirë ziliqarët e çakenjtë e këtij pushteti, ndërsa opozita ka fjalën, po ka dhe protestën, dje, sot e në ditët që vijnë, se kjo qeveri ka nis numërimin mbrapsh, prej nesh, jush të dashur qytetarë, po dhe ndërkombëtarve që kanë vendos të na flasin më shqip se shqipja që flasim ne mes nesh.

Kolegë deputetë,

diskutimi për projektiligjin nis duke patur në konsideratë që  ligji i pushtetit lokal në Shqipëri është hartuar në vitin 2000 dhe që prej 6 muajsh ndodhemi në situatën ku nga 308 njësi vendore kemi vetëm 61, ndërkohë që 247 të tjera janë sot me shërbime të cënuara e me një status të paqartë.

Gjithashtu, një çështje duhet të jetë e qartë mes nesh, ligji duhet hartuar në mënyrë të tillë që t’i rezistojë sa më gjatë kohës, sepse gjithë arnimet apo amendimet që bëhen në funksion të interesave të momentit të qeverive që ikin e vijnë nuk i shërbejnë mirëfunksionimit të pushtetit lokal, konsolidimit të praktikave të tij e shërbesës më të mirë ndaj qytetarit.

Por çfarë duhet patur mirë parasysh në këtë projektligj :

1. Rekomandimi 349 i vitit 2013 i Kongresit të Autoriteteve lokale dhe Rajonale të KE, i cili nuk është marrë në konsideratë;
2. Projektligji apo reforma e propozuar nuk prek nivelin e dytë të qeverisjes vendore, qarqet, për t’i orientuar ato drejt krijimit të rajoneve. Arsyeja e kësaj mangësie është e qartë,  një ndryshim i tillë do të kërkonte ndërhyrjen në Kushtetutë me votat e 2/3 së kuvendit, pra dhe me votat e opozitës. Konsensusi është një fjalë që nuk ekziston në fjalorin e kësaj qeverie dhe kjo qasje i udhëheq sa mendohet e flitet që do të shkojnë drejt shkrirjes së qarqeve dhe gjurmët e kësaj mendje të mbrapshtë gjenden tek neni 15 i projektbuxhetit të vitit 2016, ku qartazi përcaktohej që personeli i qarkut nuk duhet të kalojë 10 persona, një akt në kundërshtim flagrant me ligjin 8652 – neni 54/D, ku shprehimisht thuhet që këshilli i qarkut miraton strukturën e tij.
3. Projektligji i hap rrugë centralizimit të pushtetit apo thënë më shqip, vënien e pushtetit lokal në thundrën e qeverisë, për aq kohë që një pjesë e funksioneve të qarkut që kanë të bëjnë me kanalet ujitëse, administrimin e pyjeve, mbrojtjen nga zjarri, etj ia kalojnë bashkive, ajo çka u mbetet të administrojnë është veç fondi i tyre i pagave;
4. Projektligji në nenin 51.1, çvlerëson figurën e këshilltarit lokal të forcave politike, duke hequr shpërblimin modest që ata merrnin për këtë angazhim publik e politik, e kjo është jo të tallesh me ta, por më keq se kaq, të mos i marrësh  po, fare fare në konsideratë. Arrogancën e prirjen drejt pushtetit të unit, Ramës, dhe Enver Hoxha do ja kishte zili, se megjithë diktaturën që instaloi ca organizma e ca pushtete, qoftë dhe ato lokalë i la të funksiononin e madje të gëzonin të mirat që pushteti jep.

Ky zotëri, Edi Rama vazhdon të mendojë si kryebashkiak i Tiranës e Shqipërisë, për të pushteti nis dhe përfundon nga zyra e tij, kushdo tjetër kot merr frymë e punon në këtë vend.

Ky zotëri, Kryeministri shqiptarëve siç i pëlqen të thirret, harron që këshilltarët janë deputetë lokalë, vendimet e tyre ndikojnë drejtpërsëdrejti në zhvillimin e zonave të tyre, në mirëqënien e popullsisë që jeton aty, puna, mendja dhe angazhimi i tyre nuk matet sigurisht me aq para sa ata merrnin, por nuk mund të jetë dhe 0 lekë, se Edi Rama, Cani apo Cuçi kështu duan.

Të dashur qytetarë

Kjo qeveri e ky kryeministër tashmë kanë hyrë në vitin e tretë, e një punë të mirë nuk duket ta kenë bërë. E teksa sillet si drejtor i inspektoriatit të ndërtimit, drejtor i legalizimeve, kryebashkiak i çdo qyteti të madh e të vogël, kryeurbanist, kryepiktor dhe së fundi dhe si drejtor i gjendjes civile dhe adresave, ka vetëm një punë që nuk po din ta bëjë, atë që i dhanë 1 milion votat, të qeverisë e të çojë në prosperitet ata që e votuan.

E teksa nuk mund të mos them dy fjalë për qytetin nga vij, Durrësin, në këto dy vjet e gjysëm Rama jo vetëm që bllokoi planin urbanistik të hartuar me fonde të Bankës Botërore,  por nuk investoi një shkollë, një rrugë, nuk bëri një rikonstruksion të qenësishëm, madje nuk bëri aq sa Gjushi bëntë nën qeverisjen e demokratëve, e vetmja që ka lënë pak  gjurmë e ka bërë pak punë është ministria e kulturës.

E ndërkohë që bën krybashkiakun në cdo qytet, pushteti lokal tjetër nuk ka  çfarë i duhet, prandaj bën projektligje si ky që rreket të votojë sot, e për ta mbyll këtë diskutim shprehja i gjithë pushteti sovjetëve Ramës i duket si i gjithë pushteti për  Ramën, por ….mos harroni ora e lirisë po troket, ora e opozitës po troket, shqiptarët të gjithë bashkëdo e përmbysin këtë qeveri antishqiptarësh

Ju faleminderit

Fjalimi në Kuvend i deputetit të PD, Igli Cara, 17 Dhjetor 2015

Para se te flas per projektligjin:

Kam nje thirrje per Kryeministrin. Mos guxo ti ndash,  ti diskriminosh, ti fyesh e  ti percash Shqiptaret ne veriore  e ne jugor!

Boll e kane luftuar e ndare Shqiperine ne shekuj!  E ndane fuqite e huaja, e ndau e percau e shtypi, e dhunoi  Enveri ne 45 vite, dhe tani po tentoni dhe ju te beni nje gje te tille.

Mos guxo qe te merresh as me malsoret dhe as me jugoret dhe ti diskriminosh ato per shkak te krahinave apo rracave te tyre.

Ti  nuk je Kryeministri I Sarandes por medemek je  I gjithe Shqiperise.

Te kam degjuar dhe here te tjera gjate fushates elektorale te vitit 2013 ku sa here shkoje ne jug te Shqiperise  per te fituar disa vota keni perdorur te njeten  gjuhe fyese, dengruese, percmuese e percarse ndaj verioreve.

E perseritet para disa ditesh ne Sarande  te njeten gjuhe , diskriminuese duke cenuar dinjitetin e personalitetin e gjysmes se popullit shqiptar.

Ne Sarande tregove ate qe ke Brenda ne shpirt dhe qe nuk e sheh dot, por me ne fund e hoqe masken dhe u tregove shqiptareve se kush je, tregove fobine tende te vjeter ndaj veriut.

Por te siguroj se e ke gabim, nuk te beson kush me, bota jote eshte shume e vogel, dhe nuk do kesh mundesi te  na ndash.

Shqiperia eshte e vogel dhe shqiptaret jane nje, si ne jug e ne veri, si ne Kosove e Maqedoni e kudo ku ndodhen.

Kam punuar per nje kohe te gjate  ne Gjirokaster, Tepelene, Permet, Fier, Lushnje Mallakster, Vlore, Sarande, kam shume miq ne ato zona te mrekullueshme, kam respektin tim maksimal si njerz te vlerave, te punes, njerze te ndershem, te perkushtuar,familjar dhe te dashur.

Ju gaboheni se mund ti manipuloni  ata qytetar se edhe ata kane te njetat halle si ne very, se edhe ata  mezi sigurojne buken e gojes per shkak te varferise.

 Se dhe ata ne jug  si malesoret e mij  hapen shtepite e tyre ne Sarande , Gjirokaster, vlore Fier ne gjithe jugun ne fshat e qytet dhe priten qindra e mijera shqiptar te Kosoves  qe u larguan prej Serbit ne Kohen e luftes ne Kosove.

Dje te pash ne Kamze dhe pardje ne Shkoder dhe ne vend te apologise, ndjeses per gjuhen e perdorur e rendove akoma me shume, tregoje perralla dhe talleshe me ata njerze qe me shume mund e djerse me parate e emigranteve kane ndertuar shtepite e tyre.

Te njeten gjuhe perdore me nje kryefamiljar ne Kamez vetem pse ai te tha te  verteten se kam paguar per lejen e legalizimit,  dhe ju fyet duke i thene  se  po flet si miza ne qyp. Se ju jeni si dele! Se grate nuk kane mendet tuaja e keshtu me radhe

Nuk dua te merrem shume me ty se une te kam njohur heret se me gjuhen e konfliktit dhe percarjes ke ardhur ne pushtet por nuk do te mundesh ta mbash me.

 Qytetaret nuk te besojne as ne jug as ne veri, as ne lindje as ne prendim.

 Ketu dua tju bej thirrje gjithe deputeteve qe ta denojme kete gjuhe fyese e percarse ndaj shqiptareve qe te mos kete mundesi ta perdor me.

Le ti kthehemi projektligjit per pushtetin vendor!

Edhe ky projektligj me duket si puna e reformes administrative qe e bete sipas interesave tuaja dhe vetem per qellime elektorale.

Me duket se e keni bere sic tha Ministri I juaj,  kur e pyeten ne nje studio pse nuk e bashkoni Zallherin me Kamzen por e bashkoni me Tiranen,  pergjigja ishte se nuk mund te bashkohet rrushi me kumbullat.

Kush me thot se cfare efektesh positive ka patur kjo reforme deri tani dhe cfare efektesh pozitive pritet te kete pas miratimit te ketij ligji!  A  do jete me afer sherbimi per qytetaret?

Si do ta zgjidh problemin e nje banori te Kalisit, Shishtavecit, Bregise apo Shemrise qe per te ardhur ne Kukes per te marr sherbimin e dini qe I duhet  jo me pake se tre ore rruge me makine?

Si do ti vij ne ndihme banoreve te Laknasit, Bathores, apo Paskuqanit qe sa here bie shie del lumi dhe I permbyte shtepite me gjithcka ka brenda?

Apo familjet me ndihme ekonomike cfare do tu mundesoj ky ligj ?

A do kene mundesi Bashkite te rrisin ndihmen ekonomike ketyre familjeve qe te kene mundesi te ushqehen dhe te paguajne dritat qe te mos kemi shqiptar si rasti I Prrenjasit tre dite me pare  ku kryefamiljari vrau veten duke lene tre femije jetim dhe nenen e semure apo rasti I Arif Dodes ne Sauk e e Qamil Zeles ne Lushnje qe edhe keta vrane veten per shkak te pamundesise per te paguar energjine elektrike.

Po  per punesimin cfare mundesish  do ti krijoj ky ligj Bashkive cfare te ardhurash do te kete nga pushteti qendror per hapjen e vendeve te reja te punes, per strehimin  qe te mos na  vetvriten njerz te tjere si rasti I nje te riu ne Durres per nje borxh apo I Sabajete Pukes qe vrau veten ne dere te shtepise ne Kohen qe permbarimi po I merrte banesen.

Cfare mundesie na krijon ky ligj qe mos te na ikin shqipatret sic na kane ikur 100 mije si azilant ne Gjermani e 200 mije te tjere kerkojne te largohen.

Per ti ardhur ne ndihme nje te vetmuare qe shteti nuk e kurseu ne Lezhe para disa ditesh. I prene dritat kesaj  nene dhe megjithese ajo kishte kerkuar ndihme vdiq nga te ftohtit

Qe infermeria te mos vras veten sic ndodhi ne Shkoder per shkak se e larguan nga puna .

Rrezikojne te vdesin neper spitale per shkak te mungeses se ilaqeve. 300 euro I duheshin nje qytetare nga Shkodra per nje ilaq ku ka mi marr e pa pune a e ndihmon ky ligj kete qytetare apo dhe ajo duhet te vdes si shume te tjere qe nuk kane mundesi te blejne ilaqet.

Sa ka si puna e kesaj qytetare ne Shkoder qe enden dyereve te spitalit dhe nuk gjejne sherbimin shendetesor dhe vdesin per shkak te pamundesise per te blere ilaqet.

Ndersa 300 miljon euro shkojne per koncensione vetem ne tre klient te qeverise.

120 miljon euro per chek up, dializa 86 miljon dhe 100 miljon euro sterelizimi I paisjeve kirurgjikale. Edhe keta sherbime behet ne ambientet dhe paisjet e spitaleve te blere nga parat e taksapaguesve shqiptar.

A i jep zgjidhje varferise e papunesise apo shkolles ne fshatin vile ku prinderit i kane hequr femijet nga shkolla se mesuesit jane pa arsimin perkates.

Apo per te ndaluar dhunen ndaj biznesit dhe arbitraritetin  ku per nje kupon tatimor futet  berberi ne burg e  ndersa mbyllet hetimi   per vjedhjen e 600 miljon eurove me ligj parlamenti.

Po planifikoni te nxirrni jashte perdorimit automjetet qe kane vit prodhimi perpara vitit 2002, nuk do ti lejoni te kualidohen me pretekstin se do ruajme ambientin nga ndotja.

Kesaj i thon te na vendosni standarte me urdher. Po si mendoni ju se shqiptaret nuk kane deshire te kene te gjithe makina te reja xhaguar si makinat tuaja? Shtepi te medha me oborr, pishina e lulishte  e paga te larta?

Sigurisht qe kane por nuk e kane mundesine. Krijoni mundesine dhe pastaj vini standarte por nuk e keni te mjedisi  por doni  te  shisin automjetet e klienteve te qeverise.

300 mije vende pune te premtuara ndersa ne dy vite jane larguar 73 mije te tjere.

Keni vendosur te rrisni pagen minimale per efekt te sigurimeve shoqerore per profesionet e lira, si avokat, notere, arkitekt, inxhiner etj.

Tashme kesaj kategorie te vetpunesuarsish do tu duhet te paguajne ne muaj jo me pak se 25000 mije leke te reja sigurime shoqerore.

Ju siguroj qe ne Janar do te rritet numri I te papuneve te pakten me 5000 mije menjehere se nuk do te jene ne gjendje ta perballojne.

Doni tja rrisni bejeni llogarite ne raste se nuk e ploteson rrogen nje muaj kompensojeni ju si shtet dhe kur ta siguroj e tejkaloj mbajeni. Une nuk e kuptoj se si do ja caktoni rrogen atij qe eshte I vetpunesuar pa e ditur se sa te ardhura ka ne muaj apo vit.

Shpesh here kur ishit ne opozite keni paraqitur amendamente per heqjen e tvsh se ushqimeve te perditshme si buka, mielli, vaji, sheqeri, orizi etj, bejeni sot se I keni votat ose dilni dhe thojuni shqiptareve se ju kemi genjyer atehere sa per te marr votat.

Keni vendosur taksa per token bujqesore, truallin, por une do ju thoja se para se te vendosni keto taksa duhet te siguroni ujin per vaditje, kanalet kulluese, farat e pesticidet, mekaniken bujqesore e nafte pa aksize sic e keni premtuar.

Sot kemi cmimin me shtrenjte te naftes jo vetem duke e krahasuar me vendet e rajonit por dhe me vendet e BE.

Shkoni e shihni ne Kosove sa e merr naften fermeri, dhe se shteti interesohet tja derg faren ne krye te ares, I ka siguruar ujin per vaditje dhe pastaj I kerkon dhe taksen.

Nuk keni rritur pagat e pensionet, jane shtuar listat e borxheve neper dyqane dhe shqiptaret blejne me pak e konsumojne me pak.

Projektligji përcakton  me detaje bashkëpunimin ndërvendor por ka paqartësi madhore në marrëdhëniet midis pushtetit vendor dhe atij qendror, madje e vë atë nën diktatin e pushtetit qendror.

E kisha pritur qe ky ligj do ishte me te vertete ajo cka I mungonte Pushtetit vendor por si ne cdo gje edhe ky ligj eshte deshmi e fallcitetit dhe klientelizmit

A i zgjidhe keto problem ky ligj qe ta votojme? Jo nuk i zgjidh vetem i jep mundesi qeverise qendrore qe fondet ti qoj atje ku te doj dhe per interesa elektorale.

Ketu ka vetem nje zgjidhje te bashkohemi te gjithe dhe ta detyrojme kete qeveri qe  te shkoj ne zgjedhje te parakohshme me nje qeveri teknike me qellim qe vota te mos vidhet e blihet me.

Fjalimi në Kuvend i deputetit të PD, Asllan Dogjani, 17 Dhjetor 2015

Të riflasësh për pushtetin vendor e lidhjen me reformën Territoriale dhe Administrative, një vit pasi nga kjo foltore ke përmendur të metën e saj kryesore; është më shumë se sa një e vërtetë e hidhur. E sot me Ligjin e Vetqeverisjes Vendore nuk mbetet shumë për të thënë përveçse e gjithë ajo që ndodhi ka pasur një qëllim, zaptimin e të gjithë pushteteve në një dorë.

Të riflasësh për ligjin e Pushtetit Vendor dhe paratë që Buxheti i Shtetit i jep atij, një vit pasi i ke kërkuar kësaj mazhorance përditë që të ulemi bashkarisht për të ndërtuar një proces të vërtetë decentralizimi është si t’i flasësh dikujt që nuk ka dashur të të dëgjojë.

Dhe nuk mund të ishte ndryshe kjo reformë, bazuar me atë çfarë sytë e shqiptarëve kanë parë nga aksionet e bujshme qeveritare, asnjë kursim e reduktim shpenzimesh, terror e vetëm terror ana shoqërore.

Sot të gjithë e kuptojnë se nuk kemi ç’të flasim më për decentralizim, se nuk ka të majtë e të djathtë që të jetë i kënaqur me këtë ligj e me buxhetin për pushtetin vendor. Se sot përgjegjësitë, kompetencat, autoritetet e të gjitha fjalët e bukura të reformës ishin thjesht ëndërr e një nate vere! Thjesht një mënyrë tjetër për të kapur dhe një pushtet, atë lokal.

Sot jemi përballë pasojave të pashmangshme:

Ky ligj ndjek reformën territoriale,

Ky ligj është i detyruar të përballet me këtë realitet territorial,

Ky ligj nuk e udhëheq më procesin e decentralizimit por thjesht heq disa kompetenca që vetë qeverisja qëndrore nuk i realizon dot,

Dhe se ky ligj dështon në qëllimin e tij duke mos reflektuar atë frymë që ne kërkuam. Duke qenë tërësisht jashtë realitetit që ka sot PV dhe duke vulosur sot dështimin e Reformës Territoriale!

Duke qenë se me këtë reformë praktikisht nuk kemi më as zgjedhje e as përfaqësim. Duke e denatyruar tërësisht pozicionin e Kryetarit të Bashkisë dhe duke e kthyer atë në një zgjatim qeveritar.

Prandaj edhe ky ligj i shoqëruar nga buxheti i shtetit, vetëm reflekton dëshirën e paepur të kësaj mazhorance për pushtet por mbi të gjitha reflekton fytyrën e vërtetë të Reformës Territoriale. Hartën e pikturuar në zyrat qeveritare duke pasur interes vetëm një ndarje pushteti brenda mazhorancës.

Dhe kjo katrahurë, që e pagëzoni si reformë, vjen si pasojë e mungesës së dëshirës të kësaj qeverie për të bashkëpunuar me opozitën në ndërtimin e një reforme decentralizuese të prekshme dhe reale. Që do t’i shërbente të gjithë shqiptarëve, por juve vendosët të prodhonit këtë reformë gjysmake, që nuk mund të kryejë as funksionet për të cilat ajo u krijua. Degradoi në një reformë partiake që e ka zhbërë qarkun dhe konceptin juridik të tij të sanksionuar në Kushtetutën e vendit.

Megjithëse amendimet në Ligjin e Qeverisjes Vendore nuk prekën qarqet por vetëm komunat, duke prodhuar kështu qarqe të tilla bashkiake që nuk mund të përfaqësojnë tërësisht numrin e qytetarëve që këto bashki kanë. Mungesa e një filozofie bashkëpunuese në nivelin e demokracisë përfaqësuese, rezultoi kështu edhe në heqjen e të drejtës së qytetarëve për të qenë të përfaqësuar në qeverisjen vendore.

Gjëma e këtij veprimi ka prodhuar qarqe të cilat nuk kanë asnjë përfaqësues nga opozita, megjithëse është vetë kushtetuta garante në këtë pikë. Neni 110, pika 3 i përcakton këshillat e qarqeve si të përbërë nga përfaqësues të subjekteve të ndryshme, proporcionalisht me rezultatet zgjedhore.

Dikush këtu mund të thotë se e gjithë kjo skemë funksiononte edhe nëpër komuna një herë e një kohë. Por pikërisht këtu qendron ironia e kësaj reforme territoriale, ajo lindi si një domosdoshmëri për të zhdukur pikërisht këto forma të mungesës së demokracisë për të krijuar një komunikim më në shërbim të qytetarit.

Pasoja reale e kësaj reforme është se pas 25 vjetëve demokraci ajo arriti të vinte në jetë me dhunë, për fatin tonë të keq, thënien e famshme të Leninit “I gjithë pushteti Socialistëve”.

Tani, t’i hedhim një sy argumentit më të dëgjuar gjatë debatit për Reformën Territoriale. Ajo çfarë avokatët e kësaj reforme duke nisur nga kryetari i saj z. Fino e deri tek ministri Çuçi qe argumenti se ajo do t’i kursente buxhetit të shtetit rreth 80 mln USD.

Kam qenë shumë kureshtare për të parë buxhetin e vitit 2016 dhe mbi të gjitha aneksin sa i takon PV. Megjithëse kureshtare nuk u habita aspak kur alibinë e kursimit të 80 mln USD që i keqpërdornin komunat dhe bashkitë e djeshme, e gjeta të pavërtetë.

(Diferenca mes shpenzimeve të vitit 2015 me atë të akorduar nga Buxheti 2016 për PV është +6.7 milion lekë. Kjo diferencë të krijon përshtypjen se bashkitë nesër do të marrin më shumë para se sa sot, por kur lexon detajet dhe detyrimet që i shkojnë këtyre bashkive atëherë kupton se e gjithë kjo shumë shtesë nuk vlen kurrgjë.)

Buxheti i ri i jep qeverisë vendore para dhe më pas i ngarkon disa përgjegjësi të cilat ajo nuk ka mundësi t’i elaborojë sipas nevojës së saj. Në thelb funksionet e deleguara tek PV vazhdojnë të funksionojnë me sistemin e vjetër legjislativ duke u përcaktuar saktësisht se si dhe se ku do të përdoret çdo qindarkë nga paratë që qeveria pretendon se ka shtuar në buxhetin për to.

Për të kuptuar nëse realisht kemi apo jo rritje të fondeve nga qeveria qendrore për atë vendore duhet të marrim në konsideratë dy faktorë të rëndësishëm.

Së pari, a kemi shtim të Transfertave të Pakushtëzuara nga qeveria? Paradoksalisht kjo qeveri ka ndryshuar filozofinë e Transfertave të Pakushtëzuara duke i Kushtëzuar ato pothuajse totalisht që me buxhetin e këtij viti. Por edhe për vitin e ardhshëm kjo filozofi është e zbatuar në praktikë, zëri i Transfertave të Pakushtëzuara është më i ulët se sa viti 2015.

Së dyti, a kemi një shtim në Fondin e Zhvillimit të Rajoneve?! Edhe këtu kemi më pak fonde të parashikuara, rreth 4 miliardë lekë, të cilat nuk vijnë aspak si pasojë e logjikës se po kursejmë para nga buxheti i shtetit. Ky fond që me ardhjen në pushtet të kësaj mazhorance tenderohet nga KM, duke paracaktuar (siç edhe buletinët e prokurimeve dëshmojnë) fituesin dhe duke mos i dhënë asnjë liri apo vendimmarrje Pushtetit Vendor, por duke ia ndrshuar totalisht konceptin e funksionin këtij fondi, duke e përdorur dhe këtë për fasada, fundja si të gjithë investimet e pakta që kjo qeveri po bën!

Dy arsyet e mësipërme janë argumenta të qarta për të kuptuar se nuk kemi patur as rritje të fondeve për Pushtetin Vendor por në të kundërt kemi një rënie të këtyre fondeve dhe mbi të gjitha më pak kompetenca, e as kursim. Pra, më pak autonomi dhe liri vendore!

Dikush mund të thotë që kjo nuk është një gjë e re, fundja kjo qeveri ka gënjyer aq shumë në këto dy vjet e pak sa që çfarë bëri një gënjeshtër më shumë apo më pak?

Vlen për t’u theksuar se vështirësitë që sot banorët e qyteteve të mëdha po hasin në mungesën e shërbimeve si edhe në degradimin e bashkive të tyre do të vijë pikërisht si pasojë e këtij operacioni të kryer qorrazi dhe me synimin e vetëm për të patur pushtetin!

Vlen për të qenë në qendër të vëmendjes që kjo mazhorancë si e si për të shmangur një proces gjithëpërfshirës dhe demokratik në vetvete, vendosi të atrofizojë dhe zhbëjë konceptin e qarqeve duke vendosur të krijojë struktura, të cilat sot po i lë pa fonde dhe pa asnjë rol, struktura të krijuara vetëm për të mbushur numrin!

Pra një reformë që as nuk i vjen në ndihmë qytetarëve dhe që hedh në koshin e plehrave Kushtetutën. E trajton si diçka të pashenjtë që mund ta shkelë kushdo dhe kurdo!

Por, fatmirësisht ka në këtë vend dhe në këtë sallë deputetë dhe mbi të gjitha qytetarë që e kanë më të shenjtë se sa kryeministri Kushtetutën e kësaj republike. Prandaj nuk mund të lejojmë në asnjë mënyrë që kjo qeveri të centralizojë rishtazi punën reale duke decentralizuar vetëm daljet mediatike të zyrtarëve vendorë.

Një filozofi tërësisht absolutiste e cila errëson tërësisht konceptin e ndarjes së pushteteve dhe atribuimit të çdo pushteti një funksion të rëndësishëm. Aktualisht, ky ligj e buxheti bashkë me të zhduk tërësisht dhe atrofizon punën e qarqeve duke krijuar pikërisht të kundërtën e asaj çfarë është ligjëruar këtu nga qeveria.

Ky ligj e buxheti, nëse miratohen në këtë formë për Pushtetin Vendor, me këto agjensi që janë në duart e një njeriu të vetëm i jep pushtet të paimagjinueshëm vetëm një njeriu të vetëm.

Ky ligj është gjysma tjetër e dëmshme sa i takon Reformës Territoriale e cila e ndërtuar nën dëshirën e verbër dhe të dhunshme për pushtet absolut, krijoi një hartë kungulleshash për ta ndarë kjo mazhorancë. Duke cënuar tërësisht jo vetëm autonominë vendore por mbi të gjitha cënoi drejtë për drejtë demokracinë dhe Kushtetutën.

Kjo nuk është dhe nuk ka qenë kurrë një reformë që do të përmisojë jetën e shqiptarëve.

Ky ligj nuk është dhe nuk do të jetë asnjëherë në shërbim të demokracisë vendore!

Nuk është dhe nuk do të jetë asnjëherë një reformë që përcjell shërbime më të mira, përfaqësim më të mirë dhe mbi të gjitha nevojat dhe domosdoshmëritë e Pushtetit Vendor.

Por atëherë çfarë synon të përcjellë ky ligj?!

Njësoj si një vit më parë jam e bindur që ky ligj që vjen sot përcjell thjesht salamandrën elektorale që firmosët vjet. Dhe duke qenë se pushteti i madh korrupton gjithnjë e më shumë, kjo mazhorancë dëshiron që tani të kontrollojë çdo frymë që lëshon PV prandaj ka vendosur të kontrollojë si taksat dhe sistemin e tyre, ashtu edhe transfertën e pakushtëzuar, transfertën për financimet e funksioneve të reja, fondit për zhvillimin e rajoneve.

Ky ligj nuk është vetëm se vazhdimi i shkatërrimit të Pushtetit Vendor.

Vazhdimi i shkatërrimit të demokracisë vendore.

Vazhdimi i uzurpimit të pushteteve nga një dorë e vetme që do të vendosë tanimë edhe për fatin e tyre.

Fjalimi në Kuvend e deputetes së PD, Jorida Tabaku, 17 Dhjetor 2015

Buxheti 2016 sjell një rritje të re të taksave, të cilat do të paguhen të gjitha nga qytetarët shqiptarë. Ky është buxheti i plotë i vitit të fundit të kësaj qeverie, pasi viti  që vjen do të jetë sërish një vit elektoral. E gjithë kjo procedurë  konsiston në vendosjen e 430 milion dollarëve taksa shtesë mbi qytetarët  pa llogaritur këtu efektet që vijnë nga rritja e Prodhimit të Brendshëm Bruto.

Dhe ç’ndodh me këtë?

Në 430 milion dollarë të rritjes së taksave shtesë që kjo qeveri programoi dhe gostiti qytetarët me premtimin e saj se do të vendoste drejtësi dhe barazi  në  shoqërinë shqiptare, rreth  90% e tyre janë  të gjitha taksa që do të paguhen nga qytetarët dhe vetëm 10% janë taksa që i janë shtuar bizneseve.

Sigurisht  që qeveria e ka më të thjeshtë që këto taksa t’i marrë tek qytetarët dhe është gjithnjë e më e vështirë për të pritur kontribute tek bizneset për shkak të situatës së vështirë  ekonomike që po kalon ekonomia e vendit.  Fakti i vitit 2015 dëshmon  se kemi të bëjmë  jo thjeshtë vetëm me një pamundësi për të paguar më shumë taksa nga ana e biznesit dhe e qytetarëve, por edhe për një rritje të evazionit fiskal. Në vitin  2015 u vendosen 160 milion dollarë taksa të reja, por  deri tani dhe deri në fund të vitit efekti i tyre do të jetë tërësisht i shuar pasi  deri në fund të vitit 2015 në bvuxhet do të ketë të njëjtin vëllim të ardhurash nga taksat (tatime dhe dogana) që kanë qenë në vitin 2014. Pra 160 milion dollarë shtesë avulluan sikurse  avulloi edhe shtesa e të ardhurave që do të vinin në buxhet për shkak të rritjes ekonomike dhe që kjo do të ishte në nivelin e 200 milion dollarëve. Ne, në muajin korrik të këtij viti, ulëm programin e të ardhurave të qeverisë me plot 230 milion dollarë. Pra pakësuam të ardhurat nga taksat, pasi qeveria nuk i mblidhte dot më ato dhe tani  vijmë tek situata që kemi që deri në fund të këtij viti do të kemi edhe 200 milion dollarë taksa më pak nga sa ka programuar qeveria. Pra kemi  një pakësim me 430 milion dollarë të të ardhurave përgjatë vitit 2015. Dhe për vitin 2016 programohen që të  ketë sërish një rritje taksash dhe të ardhurash  që nuk do të sjellin asnjë gjë. Qeveria  në vend që të adaptonte një politikë më miqësore  dhe një sistem taksash që të ishte i përshtatshëm për biznesin , të luftonte me mjete dhe me reforma  informalitetin dhe jo me fushata plicore siç ka bërë deri më tani, prej të cilës në vend që të realizonin 300-400 milion euro më shumë të ardhura humbën  edhe 400 milion euro të tjera në këtë proces. Qeveria vijon të këmbëngulë përmes dhunës dhe rritjes së taksave  se do t’ia dalë për të grumbulluar ato që humbi për këtë vit. Të gjitha këto qeveria kërkon që t’i kompensojë për vitin 2016. Dhe kjo është  premisa e parë e keqe që rëndon mbi qytetarët , bizneset dhe mbi ekonominë e vendit.

Rritja e represionit, dhunës,  ndëshkimit, të cilën po e bën qeveria përmes forcimit të dispozitivit ndëshkues mbi  biznesin dhe qytetarët nuk do të sjellë  gjë tjetër veç se humbjen e mëtejshme të kapaciteteve që ka vendi për të investuar më shumë dhe për të punësuar më shmë. Rezulati është ai që dihet!

Gjatë vitit 2015 sipas statistikave të qeverisë kemi dhe një humbje prej rreth 70 mijë vendeve të reja të punës dhe INSTAT konfirmon edhe një herë atë që FMN analizoi për gjysmën e parë të vitit 2014 dhe gjysmën e vitit 2015 se, Shqipëria ishte i vetmi vend  në Evropën Qendrore dhe Lindore që kishte humbur vende pune dhe bashkë me Bjellorusinë e Lukashenkos ishte i vetmi vend që kishte ulur të ardhurat nga puna e qytetarëve.  Dhe kjo përbën bazën e asaj që  po ndodh në jetën e qytetarëve në atë reagim që ka tek ata në jetën e tyre të përditshme, në protestën e tyre, në reagimin e tyre masiv ndaj qeverisë se varfërimi dhe rënia ekonomike po vijon me ritme të shpejta.

Qeveria  po deklaron se nuk po rrit rrogat dhe pensionet, pasi inflacioni është i ulët, por vetë  deklaratat e qeverisë, vetë publikimet e INSTAT-it thonë se  në harkun e vitit 2015 çmimet e mallrave të shportës së konsumit, nga e cila preket pikërisht dhe pjesa më e ekspozuar e qytetarëve nuk është rritur me 2.2% sa ç’është norma e inflacionit por është rritur me 6.4% dhe kjo do të thotë se qeveria nuk merr përsipër asgjë për të kompensuar  rritjen e të papunëve dhe në rritjen e varfërisë.  Të dhënat e këtij buxheti që ka programuar qeveria për vitin 2016  për këto shtresa  janë të pashpirta, sepse të ardhurat për këto zëra vijojnë të ulen në në krahasim  me 2015. Edhe të dhënat për ndihmën ekonomike, për pagesën e aftësisë së kufizuar të qytetarëve, pagesave të tjera shoqërore  janë në rënie në krahasim me ato që kanë marrë në vitin 2015. Dhe  e gjitha kjo vjen në një kohë kur  kemi rritje të numrit të papunëve, shtimit  të problematikave të tjera të familjeve më të ekspozuara në nevojë. Pra të gjitha problematikat për këto zëra gjatë vitit 2016 vijnë duke u rritur më tej, ndërsa ulen fondet.

Por kush përfiton nga ajo politikë dhe nga ajo çfarë parashikon  buxheti i shtetit?

Në fakt, përfitojnë vetëm shpenzimet qeveritare.  Investimet publike në tërësi janë në minimumin e tyre  historic, me plot 4%.  Nuk ka ndodhur asnjëherë që investimet e qeverisjes qendrore të jenë në këtë nivel.  Shto këtu edhe 0.4-0.6% që kanë vajtur grantet e qverisjes  vendore shkojnë në total 4.6% investimet publike për vitin 2016. Më lejoni të them se asnjëherë investimet nuk kanë qenë në këto nivele dhe parametra. Janë më pak se 15%v e shpenzimeve të buxhetit që destimohen  për investime. Ndërkohë, 85% e tyre  si asnjëherë tjetër në të gjithë historinë e vendit destinohen  për shpenzime operacionale  të qeverisë. Investimet  publike nuk destinohen për të shkuar pranë komuniteteve lokalë për rrugë apo për ujësjellësa, apo për investime në sektorin e bujqësisë, për shkolla, apo për shëndetësi, por  janë të gjitha shpenzime që destimohen për të riparuar apo për të lyer ministri, si dhe për të bërë fasadat e qyteteve. Kjo histori ashtu si edhe një vit më parë do të vazhdojë sërish me buxhetin 2016 dhe kjo në një kohë kur qeveria nuk parashikon as asfaltim, kanalizim të ri, shkolla të reja. Pra asgjë nuk është bërë në harkun e tre viteve  ede ky është viti i tretë dhe vendimtar  i mandatit të kësaj qeverisjeje.  Por qeverisja  nuk është e interesuar dhe nuk kujdeset se çfarë po bën.  Kjo qeverisjej është e interesuar për të krijuar imazhin e sundimtarit që ka marrë  në dorë dispozita të tilla ligjore për të ndëshkuar këdo, vetëm për të gjunjëzuar njerëzit.

Viti që vjen do të jetë një viti edhe më i vështirë, pasi përtej optimizmit të kësaj qeverie  se do të ketë një rritje ekonomike në terma nominalë 6%, sigurisht që as burimet financiare dhe asgjë nuk ekziston. Statistikat e shpallura ditën e djeshmë qoftë nga INSTAT-i, apo nga Banka e Shqipërisë janë dëshpëruese. Investimet e huaja direkte gjatë këtij viti në mënyrë  të përmuajshme kanë qenë më të ulëta në krahasim me një vit më parë, si dhe janë rreth  5% më të ulëta në krahasim me periudhën 10-mujore.  Importi i makinerive dhe i pajisjeve është 7% më i ulët në krahasim me një vit më parë.  Indeksi i konsumit të qytetarëve ka rënë  me rreth 6% në krahasim me një vit më parë. Gjithçka është e zymtë. Gjithçka është pa perspektivë dhe kjo  deklamohet edhe në mënyrë të shpallur, të cilën kjo qeveri nuk e sheh. Kjo qeveri në mënyrë krenariste dhe të pandreqshme vijon dhe thotë se jemi në rrugën e  duhur të rritjes ekonomike, bërjes së investimeve, etj.  Ajo çfarë po përceptojnë qytetarët ka të bëjë me faktin se po i kin me vrap në vende të tjera. Janë 300 mijë qytetarë që kanë lënë apo që kërkojnë ta lënë Shqipërinë në këmbim të një jete më të mirë. Dhe lista e këtyre qytetarëve që duan të largohen nga vendi i tyre, shtohet çdo ditë e më shumë. Prandaj ky ligj  nëse do të kishte njëfarë efekti zbutës  duhej të ishte konceptuar ndryshe.  Kjo qeveri në vend që të ishte me psikologjinë e sundimit duhej të psikolgjiste një qeverisje të përbashkët  qoftë me komunitetet lokale dhe t’u linte këtyre të fundit më shumë kompetenca, hapësira dhe fonde  në drejtim të zgjidhjes së më shumë problemeve, të cilat sa vijnë dhe agravohen.  Për këtë arsye, pra ne jemi kundër votimit të këtij projektligji  të formatuar në këtë formë nga ana e qeverisë.

Faleminderit!

Fjalimi ne Kuvend i deputetit te PD Ridvan Bode, 17 Dhjetor 2015

Te nderuar koleg ,
Te nderuar kryetare te Bashkive e keshilltare vendore .

Projektligji per qeverisjen vendore eshte nje inisiative e nisur shume vite me perpara , nga njesite vendore , shoqatat vendore, shoqeria civile e shume eksperte te tjere .
Ajo ka qene kerkese e vazhdueshme e kongresit te autoriteteve lokale dhe rajonale te keshillit te Europes, per decentralizimin dhe autonomine vendore .
Por a duhe j te sillej sot ky projekteligj? Mendoj qe jo , opozita dhe ekspertet ligjore e ekspert te Qeverisjes vendore, kerkonin qe ky projekteligj , duhet te diskutohej, dhe te miratohej para zgjedhjeve lokale te 21 Qershorit , ky projekteligj duhet te konsultohej me eksperte , me Ish-Drejtues Vendore , duhet te hartohej nga nje konsensus politik , por realiteti eshte ndryshe , Ky projekteligj as nje jave nuk eshte diskutuar ne komisionet parlamentare .
Sigurisht qe duhet te merreshin, opinionet dhe mendimet e shprehura nga ish Kryetare te njesive vendore , keshilltare , shoqatat e Bashkive dhe Qarqeve, gjate periudhes 2000-2015, te merrej eksperienca dhe sfidat e kesaj periudhe .
Detyrimisht te merreshin, ne konsiderate dhe rekomandimet e kongresit te autoriteteve Rajonale dhe Lokale te keshillit te Europes .
Ky projekteligj , duhej detyrimisht te miratohej para zgjedhjeve lokale , sepse qytetaret duhet te dinin te drejtat e tyre, qe u jep ligi i Qeverisjes vendore , Kandidatet ne zgjedhje e 21 Qershorit , partite politike duhet te paraqitnin projektet lokale bazuar ne kopetencat qe u jepte ligji i qeverisjes vendore , kjo qe ndodhi ne Shqiperi nuk eshte demokratike , dhe a e dini pse ndodh ?
Sepse ne keto zgjedhje nuk u votuan programet lokale te zhvillimit apo politikave qe u sherben qytetareve .
Por sot ne Shqiperi, fiton ai qe mashtron me shume , ai qe blen voten e Qytetareve , ai qe beri presion mbi administraten . Keshtu ndodhi ne zgjedhje e 21 Qershorit .
Kjo eshte semundje e rende, qe duhet te jemi te gjithe bashke per ta luftuar ate .
Prandaj edhe sot opozita , eshte ne proteste kundra oligarkise , blerjes se votes . kunder buxhetit 2016 si buxhet qe varferon shqiptaret.
Sot jemi 6 muaj pas zgjedhjeve te Qershorit , dhe reforma Administrative nuk solli asnje risi per qytetaret , por nje ngerc qeverisje. Vonesa ne zgjedhjen e administratoreve , menyra e perzgjedhjes se tyre u be 100% politike , pa pervoje , pa kapacitete dhe eksperience ne Qeverisjen lokale .
U larguan nga admistratat e njesive vendore, specialist me pervoje dhe shume vite pune, dhe u zevendesuan me militante partie .
U hoq veterineri dhe u zevendesua me kamarier , u hoq inxhinieri dhe u zevendesua me njerez pa arsim perkates .
Sot jemi ne muajin dhjetor, dhe a e dini se eshte shkelur haptas ligji 8652 neni 45 , per zgjedhjen e Kryepleqeve, ku neni 45 citon se jo me vone se 6 muaj pas zgjedhjeve lokale, duhet te kete perfunduar zgjedhja e kryepleqve , akoma nuk kane perfunduar ne pjesen me te madhe te territorit, kjo eshte autonomia juaj .
Reforma administrative ka sjelle pasoja ne sherbimet ndaj qytetareve , eshte larguar sherbimi ndaj tyre , sot duhet 1-2 dite, per te marre sherbimet ne qendrat e bashkive , por kjo a nuk kerkon kosto financiare per qytetaret ? sigurisht qe po ..
Eshte shtuar korrupsioni , nuk ka transparence sepse sot ne keshillat Bashkiake, mungojne perfaqesues nga ISh-komunat e largeta , eshte dobesuar dhe ulur aksesi i qytetareve ne vendimarrje .
Jane krijuar konflikte lokale te panevojshme mes ISh Komunave .
Reforma juaj nuk kurseu 80 milion dollare sic patet deklaruar .
Kemi 6 muaj qe jane nderprere investimet e nisura nga Ish komunat , ka ngerc te mbledhjeve te te ardhurave, sepse keshillat e meperparshme kishin vendime te ndryshme per tarifat dhe taksat vendore .
Ka 2 vjet qe kjo qeverisje e ka centralizuar pushtetin vendor , nuk ka patur vullnet per autonomine vendore , ajo i hoqi te drejten qe ia jepte ligji, per menaxhimin e takses se biznesit te vogel .
Centralizoi dhe hoqi menaxhimin e territorit, dhenien e lejes se ndertimit ,keto sollen miliona dollare me pak per Bashkite, qe ndikojne ndjeshem ne ekonomine e qytetareve, ne te ardhurat e pushtetit vendor , falimentoi shume biznese , uli lirine e biznesit , shtoi perqindje te konsiderueshme te papuneve .
Ligji i sotem titullohet ‘Per Vet Qeverisje Vendore ‘ , vet fjala vet qeverisje do te thote administrim dhe pergjegjesi te plote , por a jepet autonomi e plote ne te gjitha nenet e ketij projekteligji ?
Si ish-kryebashkiak, dhe njohes i problemeve qe hasen cdo dite ne pushtetin vendor, mendoj qe ky projekteligj nuk jep autonomi te plote vendore, dhe nuk keni vullnet per decentralizim te pushtetit vendor .
Ky projekteligj nuk jep te drejta te plota shume dimensionale , si : rregullatore , te drejta per sherbimet , per investime , administrative .
Nuk jep te drejta eksluzive , qe do te thote , qe Bashkite , keshillat bashkiake nuk kane te drejte te marrin vendime ne menyre te pavarur, pa nderhyrjen dhe udhezimet e pushtetit Qendror .
Me kete projekteligj, mbivendosen prioritete e qeverisjes vendore duke i shtuar funksione dhe kopetenca te reja .
Nderkoh qe kopetencat e dhena qe nga viti 2000 nuk jane qartesuar dhe keto 2 vjet nuk jane zbatuar nga kjo qeveri .
Pavaresisht se per shume vite dhe sidomos 2005-2013, jane bere shume per pushtetin vendor , si kalimi i listes se pronave ku perfshihen dhe pyjet , kalimi i ujesjellesave ne vartesi te pushtetit vendor , menaxhimi i takses se biznesit te vogel , rritja e aksesit ne transferten e pakushtezuar , e drejta e huamarrjes , etjj .
Projekteligji i sotem, ka shume nene te paqarta , ku lihet vend per abuzime te kopetencave , ne funksion te konsultimeve e te vendimarrjeve .
Qe ne nenin e dyte ne perkufizimet , vendime , urdher , mbikqyrje , monitorime , verifik ligjshmerie , inspektim , kontroll i jashtem financiar Pra nuk qartesohet , nuk percaktohen te drejtat mbi objektet dhe burimet njerezore per shendetesine , arsimin , kulturen , sherbimin pyjor , vaditjen .
Eshte e paqarte dhe jo transparente : transferimi i funksioneve , burimet njerezore .
Cfare do te behet me kopetencat e qarkut dhe ministrite per bordin e kullimit , kadastrat , per sistemin vadites , ku akoma nuk kane kaluar ne pronesi te Bashkise .
As nje sherbim nuk munt te kryhet pa kaluar ne pronesi te bashkive .
Alokimi i funksione : mbrojtja nga zjarri , arsimi parashkollor e parauniversitar , sherbimi paresor , si do jete ?
100% kopetence ne strukture , ne sherbime e administrim te pushtetit vendor apo do te jene funksione te perbashketa .
Keto kopetenca te reja qe u jepen Bashkive, a jane marre parasysh se munt te kete, me shume se nje institucion , qe pergjigjet dhe harton politika , nuk qartesohen burimet e financimit , kush do ta beje financimin e transferimit te funksioneve .
Nuk na jepet informacion per studimet e bera , per analizat per cdo kalim apo kopetence .
Kemi histori jo te sukseshme nga kalimi i ujesjellesve , nga bordet dhe asamblete dhe a e dini se ne cgjendje ndodhen ujesjellesat sot ?
Ato jane ne krize menaxhimi , kane detyrime dhe borxhe ndaj te treteve.
Ne projekteligjin e sotem cenohet rende autonomia e qarqeve , duke shkelur edhe kushtetuten nenin 110, per menyren e konsultimit , nuk percaktohet qarte perqindja e kontributeve qe japin Bashkite per Qarqet .
Nuk eshte percaktuar qarte ose centralizohet : mbikqyrja , verifikimi i ligjshmerise , kontrolli financiar . Mendoj qe institucioni me i larte dhe i pavarur , eshte KLSH-ja qe duhet te kryeje keto funksione . Por me kete ligj pushteti vendor auditohet nga prefektura , nga gjithe Ministrite pra , me keto nene shkelni te drejtat e Bashkive sipas kartes Europiane .
Cenohet e drejta e shoqatave, per procesin e konsultimit dhe rekomandimeve, ku ne kete ligj : natyren dhe ceshtjen e konsultimit dhe Kohen e percakton Keshilli i Ministrave , atehere cfare roli ka shoqata?
Kjo eshte e padrejte , kjo ndodh vetem ne Shqiperi .
Sigurisht qe po nuk respektove shoqatat nuk ka liri , nuk ka demokraci , nuk ndegjohet zeri i qytetareve .
Por kjo ndodh nga urrejtja dhe alergjia qe ka Kryeministri Rama ndaj shoqatave qe nga viti 2011, ku te gjithe mbajme mend qe krijoi shoqata paralele, vetem me vetem se mos drejtohej shoqata e Bashkive nga te djathtet .
Ne kete projekteligj cenohet dhe nderhyet direkt ne bashkpunimin vendor , dhe sidomos ne binjakezimet me Bashkite e huaja apo fondacione dhe denatore te ndryshem .
Ku, detyrimisht duhet te miratohen nga Ministria e Jashtme , kjo nuk eshte autonomi dhe ndikon direkt ne politikat , kapacitetet dhe burimet njerezore te bashkive, dhe detyrimisht ul projektet e zhvillimit per qytetet tona .
Ne nenin nente nuk qartesohet e drejta e autonomise fiskale , pra e drejta per te mbledhur te ardhurat .
Bashkite duhet te vendosin vete per tarifat dhe taksat vendore dhe jo te vendos Qeveria , pasi keshillat bashkiake e njohin me mire zhvillimin dhe resurset e zones se tyre .
Ne kete projekteligj, ulen kopetencat dhe autoriteti i Keshillave vendore dhe rritet autoriteti i Kryebashkiakut .
Nuk jepet rendesi ose nuk percaktohet qarte perfaqesimi gjinor .
Administratoret nuk kane rolin e tyre , nuk kane pavarsi ne vendimarrje por ato ushtrojne funksionin e tyre vetem me kopetenca te deleguera nga Kryetari i Bashkise .
Eshte jo demokratike menyra e zgjedhjes se kryepleqeve , ne kete projekteligj kryeplaku emerohet nga Kryetari i Bashkise , kjo cenon rende demokracine , politizon , heq te drejten e votes se banoreve te ketyre fshatrave , pra ul aksesin e qytetareve ne vendimarrje , keto jane simtoma diktarure .
Te nderuar koleg , ky projekteligj nuk jep dhe nuk qarteson autonomin vendore , nuk zbaton rekomandimet e autoriteteve rajonale e lokale te keshillit te Europes .
Nuk jep te drejta eksluzive dhe te plota Bashkive tona .
• Sot kjo qeveri ka rene !
• Qeveria Rama e ka humbur besimin e Shqiptareve !
• Ajo po i varferon qytetaret cdo dite !
• Kjo qeveri e ka humbur shpresen per Shqiptaret
• Me mijera biznese po mbyllen cdo dite !
• Papunesia po arrin kulmin !
• Buxheti 2016 eshte buxheti i krizes dhe jo i zhvillimit te ekonomise se Shqiptareve !
• Ulen investimet ne arsime , shendetesi ne ujesjellesa ne bujqesi !
• Ulet fondi i ndihmes ekonomike!
• Hiqen 10 mije invalide nga skema!
• Nuk ka fonde punesimi per rinine !
• Nuk ka rritje pagash per arsimtaret , mjeket e punonjes te tjere te administrative!
• Nuk ka rritje pensionesh!
• Nuk ka shendetesi falas !
• Kjo qeveri ka falimentuar !
• Kjo qeveri ka rene !

Ju faleminderit !

Fjalimi në kuvend i deputetit të PD, Roland Keta, 17 Dhjetor 2015

Zoti Kryetar,

Zonja dhe zotërinj deputetë,

Të nderuar qytetarë,

Seanca e sotme është një seancë e vecantë. Ajo është e vecantë, sepse ka një rend dite që prek drejtpërdrejt cdo qytetar të vendit, cdo të re e të ri, cdo fëmijë, cdo nxënës dhe student, cdo prind, cdo familje, cdo pensionist, pra gjithë qytetarët e vendit. Rendi i ditës përmban projektligjin e buxhetit dhe gjithë paketën e ligjeve fiskale që e shoqërojnë atë. Në rend dite kemi edhe ndryshimet në ligjin e vetqeverisjes vendore.

Por seanca e sotme është e vecantë, sepse mijëra qytetarë po protesojnë përpara sallës së Parlamentit, jo vetëm kundër këtij buxheti të thellimit të krizës, por edhe kundër keqqeverisjes së kësaj maxhorance. Qytetarët që po protestojnë tani gati përditë, në Tiranë dhe kudo në Shqipëri, po i thonë troc kësaj qeverie: vendin e ke cuar ne krizë të gjithanshme.

Po qëndroj tek projektligji që lidhet me vetqeverisjen vendore.

Cështja shtrohet, për cilën vetqeverisje vendore bën fjalë ky projektligj? Nga buron pushteti i tanishëm vendor? A është ai një pushtet i rrjedhur nga vota e lirë? A garanton pushteti aktual vendor pjesëmarrjen e vërtetë të qytetarëve në vetqeverisjen lokale?

Bashkëkryetarët e kësaj maxhorance mburren, kudo që flasin, se kanë bërë një reformë „të madhe“, „historike“, që emërtohet quasi reforma administrative – territoriale, e cila në fakt është, as më pak dhe as më shumë, një hartë e mirëfilltë elektorale territoriale. Si e tillë, ajo ka shkaktuar pasoja të rënda dhe afatgjatë, jo thjesht për hartën, apo numrin e njësive vendore, por për demokracinë shqiptare në tërësi. Këto pasoja sapo kanë filluar të shfaqen.

Partia Demokratike e deklaroi, që në momentin e diskutimit të reformës administrative-territoriale,  se kjo ndarje e re administrative nuk mund të jetë e qendrueshme dhe afatgjatë, sepse ajo është një hartë thjesht elektorale, e mirëkalkuluar nga maxhoranca për të marrë kontrollin e plotë të qeverisjes vendore në gjithë vendin. Projektligji që po diskutojmë sot vërteton më së miri synimin e qeverisë Rama për të vënë qeverisjen vendore tërësisht nën kontrollin direkt të qeverisë qendrore, në shkelje të plotë të Kartës Europiane për Autonominë Vendore.

Dhe rezultatet e zgjedhjeve të 21 qershorit vërtetuan absurditetin e kësaj të ashtuquajture reforme territoriale. Opozita fiton 15 bashki edhe pse ka grumbulluar në shkallë vendi 671.313 vota (ose 42.7 % te numrit total të votave), ndërsa maxhoranca fiton 45 bashki edhe pse ka grumbulluar 840.122 vota (ose vetëm 53.4 % të votave) në shkallë vendi. Nuk mund të pritej një raport tjetër, kur një Qark shumë i vogël në Jug të vendit ka 7 bashki dhe Qarku i Tiranës që ka 1/3 e popullsisë së vendit ka vetëm 5 bashki!

Ky kalkulim i pastër elektoral ishte qëllimi i juaj i vërtetë si maxhorancë në projektimin e ndarjes administrative. Me këtë kalkulim është nënvlerësuar dukshëm pesha e votës në zonat me shumicë të djathtë dhe është mbivlerësuar ajo në zonat me shumicë të majtë. Kjo ka bërë që sot të kemi këtë rezultat kaq diskriminiues për të djathtën në qeverisjen vendore. Madje, vetë Kryeministri u mburr se maxhorancës i është besuar të qeveris bashkitë e mbi rreth 80 % të popullsisë së vendit!

Sot, ju si maxhorancë, ju nuk mund të mburreni me këtë diskriminim ekstrem negativ të demokratëve të Shqipërisë. A mund të pranohet një fenomen i tillë në një vend që ka vendosur pluralizmin prej 25 vitesh? A mund të konsiderohet kjo barazi e qytetarëve të vendit për të marrë pjesë në vetqeverisjen vendore, në raport me votën e tyre reale që kanë dhënë, kur një votë ka peshë kaq të ndryshme në Gjirokastër nga një votë në Qarkun e Tiranës apo në atë të Shkodrës?!

Kjo hartë elektoralo – administrative ka cënuar rëndë të drejtën themelore kushtetuese të qytetarëve, të sanksionuar në  Kushtetutën tonë, atë të pjesëmarrjes në vetqeverisjen vendore. Ose e thënë më qartë: Ju keni përjashtuar një pjesë të madhe të votuesve të opozitës nga cdo mundësi për të marrë pjesë në vetqeverisjen vendore. Ky është një rrezik i vërtetë për të ardhmen e demokracisë shqiptare! Shihni pjesëmarrjen e opozitës në qarqet aktuale, ku në disa prej tyre nuk ka asnjë përfaqësues të pakicës!  Dhe ky projektligj, që diskutojmë sot, nuk e përmirëson këtë raport, përkundrazi e përkeqëson atë. Me këtë ligj opozita përjashtohet nga pjesëmarrja në organet vendimmarrëse në qark, sepse këshilli i qarkut nuk konstituohet sipas përqindjeve të këshillave bashkiake, por vetëm me këshilltarë të një force apo koalicioni të shumicës, cka bie ndesh me Kushtetutën (neni 110, pika 3). Ndërkohë, ky projektligj gati e shuan qarkun si një nivel të qeverisjes vendore, cka deformon tërësisht hierakinë e qeverisjes vendore në nivelin rajonal.

Si harta territoriale ashtu edhe ky ligj për funksionimin e qeverisjes vendore nuk realizojnë standardet europiane të decentralizimit. Dhe pse? Sepse Qeveria kërkon ta vë nën kontroll të plotë pushtetin vendor dhe jo të zhvilloj një decentralizim të vërtëtë të qeverisjes, për të mos folur pastaj për shkeljen e parimit të funksionimit të qeverisjes vendore, atë të subsidaritetit.

Reforma territoriale ka shkaktuar, në fakt, një anarki totale në qeverisjen vendore. Bashkitë e reja janë tërësisht të papërgatitura për të qeverisur gjithë territorin që mbulojnë. Kkëtu e kam fjalën kryesisht për ish komunat. Kjo ka bërë që të goditen rëndë shërbimet për qytetarin, ndërkohë që shërbimi për qytetarin përbën parimin bazë të Kartës së Autonomisë Vendore. Sot komunat janë thuasje në mëshirë të fatit. Dhe pse? Sepse ajo pseudoreformë u bë me arrogancë dhe diktat nga lart, jo vetëm pa përfshirë dhe pa dëgjuar realisht komunitetet locale, por edhe edhe pa asnjë lloj përgatitje për këtë zgjerim kaq të madh të territoreve që mbulojnë bashkitë e reja.

Bashkitë janë krejtësisht të paqartë dhe të papërgatitur për të administruar bashkitë e reja. Pra, ato nuk mund të manaxhojnë funksione normale, dhe jo më të jenë në gjendje të përmbushin funksionet e reja që parashikohet t‘u transferohen atyre.

U bë ndarja e re administrative, u rrit madhësia e bashkive, ndërkohë që asnjë punë përgatitore, absolutisht asnjë, nuk u bë për trajnimin e nëpunësve për bashkitë e reja. Pra, bashkitë e reja nuk kanë as kapacitetet njërëzore të mjaftueshme, në numra dhe në aftësim professional, për të përmbushur misionin dhe funksionet e bashkive të reja shumë më të mëdha.

Cfarë po bëjnë tani bashkitë e reja me nëpunësit dhe punonjësit e ndërmarrjeve në varësi? Po heqin profesionistët për bindje politike të djathta dhe po i zevendësojnë me militantë.

Ligji i buxhetit tregon qartë se e gjithë propaganda e qeverisë që do të kursente fonde (80 milion USD) nga krijimi i bashkive të mëdha dhe këto fonde do t‘i transferoheshin bashkive përmes transfertës së pakushtëzuar të pushtetit vendor. Në fakt kjo nuk ka ndodhur në buxhetin e vitit 2016.

Buxheti i vitit 2016 përcakton disa funksione që do të transferohen nga qeveria tek bashkitë. Por duke qenë bashkitë kaq të papërgatitur, sidomos me kapacitete njërëzore të kualifikuara, nuk ka asnjë siguri se ato do të jenë në gjendje të përmbushin funksionet e reja. Ku janë të përgatitura bashkitë për të manaxhuar arsimin parashkollor, këtë nivel bazë por shumë të rëndësishëm për gjithë sistemin e arsimit parauniversitar. Unë uroj që kjo kompetencë të mos katandisen thjesht në zëvednësimin e personelit të kopshteve, edukatoreve dhe personelit ndihmës, nga ana e bashkive. Po për manaxhimin e ujitjes dhe kullimit ku i kanë kapacitetet njërëzore bashkitë e reja? Po për mbrojtjen nga zjarri? E kështu me radhë.

Skema e buxhetimit të pushtetit vendor në ligjin e buxhetit 2016 nuk krijon asnjë siguri për një shpërndarje transparente të buxhetit për funksionet që transferohen. Ligji i buxhetit 2016 thotë që qeveria do t’i transferoj fonde bashkive për funksionet e reja. Dhe i vetmi kufizim është që sasia e këtyre fondeve nuk mund të jetë më shumë se 50% e transfertës së pakushtëzuar. Vetëm me këtë kufizim nuk krijohet asnjë siguri që qeveria nuk do të favorizoj bashkitë e veta dhe të diskriminoj bashkitë e fituara nga PD.

Edhe skema e Fondit të Zhvillimit të Rajoneve ka hapësirë të madhe për një fianancim selektiv të bashkive sipas forcave politike që drejtojnë bashkitë respective, si dhe favorizim të klientelës.

Dhe po vi tek pyetja që shtrove pak më lart. Cili është burimi i qeverisjes së sotme të pushtetit lokal?

Juve nuk u mjaftoi harta tërësisht elektorale. Të etur për të sunduar një gjithë territorin, për të fituar sa më shumë bashki, ju përdoret gjërësisht mjete dhe metoda që shkatëruan institucionin themelor të një sitemi demokratik – VOTËN e lirë.

Nuk u mjaftuat me presionin e madh mbi cdo të punësuar në sektorin publik.

Por këtë radhë Ju i fituat bashkitë edhe përmes blerjes së votës. Ky fenomen u shfaq edhe në zgjedhjet e vitit 2013, u shfaq hapur në zgjedhjet për kryetarin e Bashkisë Korcë dhe u bë masiv në zgjedhjet e këtij viti për pushtetin vendor. Për herë të parë edhe raporti i OSBE-ODëHIR u detyrua ta pasqyroj këtë fenomen, ndërkohë që Shqipëria ka statusin e vendit kandidat të BE. Këtë dukuri e pasqyron edhe Progresraporti i Komisionit Europian dhe Këshillit të Ministrave të Europës.

Sot jemi 25 vjet pas fillimit të Lëvizjes Studentore për rrëzimin e diktaturës komuniste dhe vendosjen e pluralizmit dhe demokracisë në Shqipëri. Studentët, intelektualët dhe qytetarët e Tiranës dhe gjithë Shqipërisë u cuan në këmbë në 8 dhjetor 1990 me kërkesën “Liri, demokraci”, “ E duam Shqipërinë si gjithë Europa”.

Dhe ja ku jemi sot: Shqipëria nuk ka të sigurtë themelin e Lirisë dhe Demokracisë: VOTËN E LIRË!

A mund të ketë Liri të vërtetë kur vota e lirë nuk është e sigurtë?

A mund të ketë demokraci funksionale kur vota e lirë nuk është e sigurtë?

A ka pluralizëm të vërtetë kur vota e lirë nuk është e sigurtë?

A mund të ketë qeverisje qendrore apo vendore që janë zgjedhur mbi bazën e votës së cënuar, të blerë apo të shitur?

A mund të ketë Parlament kur nuk ështe e sigurtë vota e lirë mbi bazën e sëcilës zgjidhen deputetetët ?

Shkatërrimi i votës së lirë në zgjedhjet e këtij viti, përkeqësimi galopant i jetesës së qytetarëve nga varfëria dhe papunësia, kriza e thellë ku e keni zhytur vendin ju si qeveri, kanë bërë që qytetarët të ngrihen dhe të kërkojnë një zgjidhje për këtë krizë. Ata po protesojnë dhe po ju kërkojnë juve si qeveri të largoheni sa më parë dhe vendi të shkoj në zgjedhje të parakohshme. Por, qytetarët nuk i besojnë kësaj qeverie garantimin e votës së lirë. Prandaj, qytetarët kërkojnë krijimin e një qeverie teknike që e con vendin në zgjedhje të parakohshme, ku ata të vendosin, me votën e tyre të lirë, për të ardhmen e tyre.

Fjalimi në Kuvend i deputetit të PD, Myqerem tafaj, 17 Dhjetor 2015

Të nderuar kolegë

Të dashur qytetarë

Me këtë projektligj që diskutojmë sot kuptohet fare qartë se cfarë vizioni kishte qeveria për të ashtuquajturën reformë territoriale. Tek e fundit si për cdo reformë tjetër që thotë se ka ndërmarrë këto vite.

Plot 1 vit e gjysëm iu desh qeverisë pas miratimit të reformës që të ndryshonte ligjin bazë të organizimit e funksionimit të qeverisjes vendore, cka tregon haptazi se në atë kohë nuk kishin asnjë vizion asnjë projekt asnjë ide të qartë se si duhej bërë reforma

Kishin vetëm një projekt një qëllim një objektiv final

Vjedhjen e zgjedhjeve vendore, fitoren e tyre në tavolinë duke përdorur ndarjen krejtësisht të njëanshme territoriale

Sot ky ligj i cili i jep goditjen përfundimtare autonomisë vendore tregon qartë qëllimin e vërtetë të reformës territoriale

Centralizimin deri në detaj të cdo hallke të pushtetit vendor e kontrollin absolut të kryeministrit mbi gjithkënd e gjithcka

Ky ligj sot tregon edhe njëherë se me këtë kryeministër nuk ka e nuk mund të ketë ndarje pushtetesh, nuk ka e as nuk do të ketë autonomi vendore sepse mania e tij për kontrollin e gjithckaje prevalon mbi cdo ligj mbi cdo parim kushtetues mbi cdo kartë europiane të të drejtave

Të nderuar qytetarë,

Nuk mund të mos flas sot për buxhetin e shtetit për buxhetin tuaj për vitin e ardhshëm

Më duhet ta them që në fillim që ky nuk është buxheti i shtetit por buxheti i pushtetit, buxheti i shpenzimeve të shtuara të qeveritarëve, por i rrënimit ekonomik të shqiptarëve

prisja që të paktën në parashtrimin e buxhetit kryeministri ta linte mënjanë retorikën boshe e të fliste sic flet cdo kryeministër normal në seancën më të rëndësishme kuvendore të vitit në seancën ku i tregon qytetarëve të vet cka bërë me administrimin e mbledhjes së taksave e si do i përdorë ato për të rritur mirëqenien e këtyre qytetarëve por fatkeqësisht për shqiptarët kjo nuk ndodhi, madje shqiptarët nga shtëpitë e tyre e ne këtu në këtë sallë pamë e dëgjuam edhe njëherë se kush është vizioni ekonomik i qeverisë dhe i kryeministrit për shqipërinë.

Shkurt qartë dhe krejt pastër; ska vizion

Për 3 orë me radhë dëgjuam e c’nuk dëgjuam nga kryeministri ynë vizionar

Dëgjuam madje edhe deri ndodhi me ujqër pula e gjela e ku di un cfarë kafshësh e shpezësh të tjerë por asnjë fjalë për buxhetin nuk dëgjuam

Sigurisht nuk është faji i kryeministrit që nuk merr vesh hic nga buxhetimi e nga ekonomia po nuk ëahtë as faji ynë e aq më tepër kusuri i shqiptarëve që të dëgjojnë dokrrat që këput një njeri që edhe sot tregoi që mirë që s’ka pikën e haberit nga ekonomia por ska as dëshirën më të vogël të jetë serioz në ato që thotë si kryeministër i vendit

në vitin e tretë të qeverisjes pra në vitin kur cdo qeveri normale duhet të kishte vitin e saj më të mirë duhet të ishte në kulmin e performancës së saj, për 3 orë rresht kryeministri bëri gjithcka por vetëm buxhet nuk paraqiti

A dëgjuat gjë ti thoshte shqiptarëve sa para do shkojnë për të ndërtuar rrugë për ta, a mund të më thotë ndokush sa metra rrugë kanë bërë zotërinjtë për 2 vjet e kusur dhe sa do bëjnë me këtë buxhet që po paraqesin sot.

Asnjë metër rrugë qëkur kanë ardhur pushtet skanë bërë.edhe ato që i kishte filluar qeveria e mëparshme sjanë të aftë ti përfundojnë e na mburren këtu se kanë vendosur tabela e kanë mbjellë palma.

Kësaj i thonë ta gjesh shtëpinë të ndërtuar e të krekosesh se i paske vënë zilen te dera

Kjo është tallje e paprinciptë me gjithë shqiptarët, edhe pse tashmë dihet që papërgjegjshmëria e këtij kryeministri ka marrë dhenë

Adëgjuat gjë ti thoshte a është parashikuar ndonjë fond për ndonjë ujësjellës të vogël fshati se mos o Zot të flitet për projekte madhore me këtë qeveri.

A kuptoi ndokush nga ju në 3 orë e ca fjalim se cfarë investimesh do bëhen në shqipëri e për shqiptarët vitin e ardhshëm

A ka kush të më thotë ndonjë vepër që do ndërtohet apo qoftë edhe projekt për të financuar ndonjë vepër

Adëgjuat gjë ju të shumëinteresuar qytetarë se cfarë do të përmirësojë ky buxhet në ekonominë tuaj,a dëgjuat gjë do ju rriten rrogat apo pensionet

Mirë që s tha asgjë nga këto po 3 orë e kacafiu nuk i mjaftuan kryeministrit të fliste as për buxhetin e shëndetësisë e as për buxhetin e arsimit

Nuk i doli koha të fliste për cfarë ka menduar të investojë ai dhe qeveria e tij për jetën e shqiptarëve e për kujdesin shëndetësor ndaj tyre

Nuk i doli koha as nuk e pa të arsyeshme të fliste për cilësinë e shkollimit të fëmijëve tanë për cka do të bëjë qeveria për shkolla kopshte e për gjithcka tjetër që i duhet shqiptarëve për të marrë dije si qytetarë europianë

Po domosdo ska si ti dalë koha se ska në plan të bëjë asgjë se kemi hyrë në vitin e tretë të qeverisjes dhe ky vazhdon akoma me teorinë “kam në plan të bëj një plan”

ka 2 vjet e ca që flet për reforma e prap për reforma

qytetarët nuk ushqehen me reforma zoti kryeministër, nuk paguajnë taksat me reforma e as nuk ja nxjerrin dot muajin reformat

në fakt duhet të flisje për cfarë do të bësh që vitin e ardhshëm ky vend të prodhojë më shumë e shqiptarët të jenë më pak të varfër se këto 2 vjet

paketa jote fiskale, se e jotja është , rëndon përsëri xhepat e qytetarëve

do rrisësh një sërë taksash e kontributesh që do të dëmtojnë deri në shkatërrim përfundimtar klasën e mesme

avokatë, mjekë, noterë, dentistë, inxhienierë e ekspertë të profesioneve të lira do paguajnë 4 ose 5 herë më shumë me këtë paketë, ndërkohë që në dogana e tatime bëhet batërdia e cdo muaj vidhen dhjetra miliarda lekë nga taksat e shqiptarëve

por edhe biznesi i vogël pavarësisht hilesë që bëre me gjoja zerimin e taksës në fund të vitit do paguajë më shumë si efekt i rritjes së taksave e kontributeve të tjera

e meqë jemi te zerimi i taksës më duhet të them dicka

po si mundet mor zotëri që ti që na bëre tërë atë gjullurdi e batërdi me taksën progresive e që nuk le gjë pa thënë për taksën e sheshtë tani na u ktheve jo vetëm te taksa e sheshtë, po tek taksa e sheshtë edhe zero fare madje

por në një pikë të paktën ndajmë të njëjtin mendim

ky nuk është kopjim kurrsesi se ti nga ekonomia kupton aq pak, sa nuk di as edhe të kopjosh

të nderuar qytetarë

si deputet i qarkut të tiranës prita të dëgjoja e u mundova të gjeja në buxhet se cfarë do bëhet me rrugët e zall herrit e zall bastarit,

cfarë ka parashikuar qeveria për të investuar në infrastrukturë e bujqësi për vaqarrin ndroqin pezën baldushkun

cfarë projektesh keni e sa e si do i mbështesni dajtin shëngjergjin kërrabën e bërzhitën

kush janë investimet që keni parashikuar për petrelën farkën e kasharin

zero

qytetarët e këtyre njësive tashmë qytetarë të tiranës nuk përfitojnë asgjë nga ky buxhet

në fund të fundit rezultati është i njëjtë për të gjithë qytetarët shqiptarë

prandaj them që ky buxhet është buxheti i rrënimit të cdo shqiptari të thjeshtë e të ndershëm dhe i shpenzimeve të luksit të këtyre që janë këtu pas meje

i gjen shumë kollaj në buxhet shpenzimet për zyra për orendi për makina për udhëtime për pritje e përcjellje, por investimet për taksapaguesit nuk i gjen

ky është buxheti i fasadave e llogjeve të një kryeministri të rënë tashmë e i një qeverie në ikje

ndaj të dashur qytetarë të gjithë së bashku në protesta, të ndalim rrënimin ekonomik të shqipërisë, të ndalim burgun për shqiptarët e ndershëm e hallexhinj, të ndalim korrupsionin në tatime e dogana, të ndalim qeverisjen që e ngjiti krimin në piedestal e ti japim vetes sonë shansin për tu qeverisur si qytetarë europianë

Fjalimi në Kuvend i deputetit te PD, Keltis Kruja, 17 Dhjetor 2015